به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
هێڵمت كۆڵ، ویستوویەتی ژمارەی توركەكان لە ئەڵمانیا كەم بكاتەوە و ساڵی 1982 لە كۆبوونەوەی بۆن بیرۆكەكەی لەگەڵ مارگرێت تاتچەر گفتوگۆ كردووە.
بەپێی بەڵگەنامەیەكی بەریتانی، كە گۆڤارێكی ئەڵمانی ئاماژەی بۆ كردووە، هێڵمت كۆڵ، راوێژكاری پێشووی ئەڵمانی ویستوویەتی رێژەی تورك لە ئەڵمانیا كەمبكاتەوە بۆ نیوەی ژمارەكەیان.
گۆڤاری دیرشبیگڵی بەناوبانگی ئەڵمانی لەسەر ماڵپەڕەكەی خۆیدا بڵاویكردۆتەوە، هێڵمت كۆڵ، راوێژكاری ئەڵمانی، ویستوویەتی رێژەی تورك لە ئەڵمانیا كەم بكاتەوە بۆ نیوەی ژمارەكەیان و ئەم بیرۆكەیەشی ساڵی 1982 لەگەڵ مارگرێت تاتچەر سەرۆك وەزیرانی بەریتانیا لە كۆبوونەوەی بۆن گفتوگۆكردووە.
لە كۆنووسی فەرمی كۆبوونەوەكەی لەگەڵ تاتچەر نووسراوە: كۆڵ گووتوویەتی "توركەكان نەیانتوانیوە باش لەگەڵ كۆمەڵگەی ئەڵمانی تێكەڵ ببن". هەروەها پێی راگەیاندووە "دەیەوێت لەماوەی چوار ساڵدا ژمارەی توركەكان بۆ نیوە ژمارەكەیان كەمبكاتەوە".
دیرشبیگڵی نووسیوویەتی: ئەو بەڵگەنامەیە، بە بەڵگەنامەیەكی نهێنی ئەرشیف كراوە، بەڵام ئێستا ئاشكراكراوە، چونكە ماوەی نهێنییەكەی كۆتایی پێهاتووە.
كۆل لە كۆبوونەوەكە گووتوویەتی "زۆر پێویستە ژمارەی توركەكان بۆ 50%ی ژمارەی ئێستایان كەم بكرێنەوە لەماوەی 4 ساڵی داهاتوودا"، بەڵام كۆڵ هۆكارەكەی لە كۆبوونەوەكە باس نەكردووە و ئەو هەڵوێستەی خۆی بەفەرمی رانەگەیاندووە.
لە كۆنووسەكە نووسراوە "ئەڵمانیا كێشەی نییە لەگەڵ پورتوگالی و ئیتاڵییەكان و تەنانەت خەڵكی باشووری ئاسیاش، چونكە ئەم كۆمەڵگانە ئاسان توانای تێكەڵبوونیان هەیە لەگەڵ كۆمەڵگەی ئەڵمانی".
زیاتر گوتراوە "توركەكان لە كەلتورێكی جیاواز هاتوون و ناتوانن بەباشی تێكەڵ ببن".
نووسەری ئەم كۆنووسەی تاتچەر ئەی جی كولیس بووە، كە دواتر بۆتە سكرتێری تاتچەر.
كۆچی تورك بۆ ئەڵمانیا بەچڕی لە مانگی تشرینی یەكەمی ساڵی 1961 دەستیپێكردووە، كاتێك رێكەوتننامەی كارپێكردنی كرێكاران لەنێوان هەردوو وڵات مۆركرا.
ئەوسا ژمارەیەكی زۆری كرێكارانی ئیتاڵیا و یۆنان و پورتوگال و تونس و یوگوسلافیا، كە بە "كرێكارانی میوان" ناسرابوون، روویان كردە ئەڵمانیا.
هێڵمت كۆڵ، سەرۆكی حیزبی دیموكراتی مەسیحی، وەك راوێژكاری ئەڵمانیا مایەوە، تاوەكو ساڵی 1998 و لەسەردەمی فەرمانڕەواییەكەی بە بەرهەڵستكاری كۆچبەران ناسرابوو، بەڵام لەگەڵ ئەوەشدا نەیتوانی رێگریی بكات و ژمارەی كۆچبەران زیاتربوو لە ئەڵمانیا.
دوای بڵاوبوونەوەی راپۆرتەكەش، نووسینگەی كۆڵ هیچ وەڵامێكی دێرشبیگڵیان نەدایەوە.
2/08/2013
وەزیری کاروباری دەرەوەی ئەمریکا، جۆن کێری، کە سەردانی پاکستانی کردووە، لە وتووێژ لەگەڵ تەلەفزیۆنی جیئۆی پاکسستاندا لە بارەی لەسەرکار لادانی محەممەد مورسی، گوتی: سوپای میسر بە داخوازی هاووڵاتیان دەستی لە کاروباری سیاسی وەرداوە و لە هەوڵی ئەوە دایە دیموکراسی بۆ ئەم وڵاتە بگەڕێنێتەوە.
بە پێی راپۆرتی بی.بی.سی، پەیامنێری تەلەفزیۆنی جیئۆ لە وەزیری دەرەوەی ئەمریکای پرسی: لەکاتێکدا ئەمریکا باوەڕی بە دیموکراسی هەیە و خۆی وەک قارەمانی پشتگیری لە دیموکراسی لە جیهاندا دەناسێنێت، چۆن بوو لەم هەل ومەرجەدا دژی دەست تێوەردانی سوپای میسر نەوەستایەوە کە بە زۆر سەرۆکكۆماری هەڵبژێردراوی ئەم وڵاتەی لەسەر کار لادا؟
وەزیری دەرەوەی ئەمریکا، لە وەڵامدا گوتی: هاووڵاتیان میسر کە نیگەرانی تێکشکانی وڵاتەکەیان بوون، داوای دەست‌تێوردانی سوپیان کردوە.
لە کاتێکدا لایەنگرانی مۆرسی ئەم هەنگاوەی سوپا بۆ لەسەرکار لادانی سەرۆک‌کۆماری هەڵبژێردراو بە کودەتا دەشوبهێنن، جۆن کێری گوتی: ئەوەندەی من تێی بگەم تا ئیستا سوپای میسر دەستەڵاتی ئەم وڵاتەی نەگرتووەتە دەست، بەڵکو بەڕێوەبردنی وڵات بە دەست کابینەیەکی ناسەربازییە.
کێری گوتی: لەبنەڕەتدا سوپا هەولی گەڕانەوەی دیموکراسیی داوە.
وەزیری دەرەوەی ئەمریکا، هەروەها گوتی: خۆی و بەرپرسانی دیکەی ئەمریکا، بەردەوام لەگەڵ سەرۆک کۆماری کاتی، محەممەد بەرادەعی جێگری سەرۆک کۆمار، ژەنەڕاڵ عەبدولفەتاح ئەلسیسی فەرماندەی سوپا و وەزیری بەرگری لە پێوەندی دان و ئەمریکاش دژایەتیی توندی و تیژیی هەموو لایەنەکان دەکات، ئەمریکا دژایەتیی لەگەڵدا دەکات لەگەڵ یەکیەتیی ئەورپا و وڵاتانی دیکەدا هەوڵ دەدات رێگەچارەیەکی گونجاو بدۆزێتەوە.
م.ش
pna
2/08/2013
كاژێر3ی پاشنیوەڕۆی ئەمڕۆ 2-8-2013 كۆبوونەوەی لیژنەی ئامادەكاری كۆنگرەی نەتەوەیی كورد بەڕێوەدەچێتن كە درێژكراوەی كۆبوونەوەكەی دوێنێ دەبێت.
غەفور مەخمووری، ئەندامی لیژنەی ئامادەكاری كۆنگرەی نەتەوەیی كورد، بە (رووداو)ی راگەیاند: "ژمارەیەك لیژنە پێكهێنراون بۆ راپەڕاندنی ئیشوكارەكانی كۆنگرە، كە بریتین لە لیژنەكانی: پەیوەندی، دیپلۆماسی، سیاسی، راگەیاندن، پرەنسیپە هاوبەشەكان، ئابووری، بەڕێوەبردن و دارایی ، ئافرەتان، لاوان و چاپەمەنی".
گوتیشی:"لە كۆبوونەوەی دوێنێ 1-8-2013 تەنیا ئەندامانی لیژنەی سیاسی و پرەنسیپە هاوبەشەكان دیاریكران، بۆیە كۆبوونەوەی ئەمڕۆ تەواوكەری كۆبوونەوەی دوێنێ دەبێت و ئەندامانی لیژنەكان دیاریدەكرێن".
25-7-2013 یەكەم كۆبوونەوەوی سەرۆكی هەرێمی كوردستان و ئەندامانی كۆمیتەی ئامادەكاری بەڕێوەچوو.
كە تێیدا ئەندامان ئەوەیان دووپاتكردەوە كە كۆمیتەكە تەنیا كاری تەكنیكی و ئیداری دەكات بۆ چۆنێتی بەستنی كۆنگرەكە، نەك بڕیاری سیاسیی لەسەر ئەرك و تەوەر و بڕیارەكانی كۆنگرە بدات، بۆیە هەموولایەك داوایان كرد سەرجەم لایەنە سیاسییە كوردستانییەكان وەك تیمێك كار بكەن و كۆسپ بۆ سەرخستنی كۆنگرەكە دروست نەكەن.
دوێنێش لیژنەی ئامادەكاری كۆنگرە رۆژی بەستنی كۆنگرەی نەتەوەیی كوردیان دیاریكرد، كە بڕیارە رۆژی 24ی ئابی 2013 لە هەولێر ببەسترێت.
rudaw
2/08/2013
ئه‌نجومه‌نی وه‌زیرانی میسر بڕیاری بڵاوه‌پێكردنی خۆپیشاندانه‌كانی هه‌ریه‌ك له مه‌یدانی عه‌ده‌وییه و مه‌یدانی نه‌هزه‌ی ده‌ركرد و بۆ ئه‌و مه‌به‌سته‌ش (محه‌مه‌د ئیبراهیم) وه‌زیری ناوخۆی میسر ڕاسپێردرا تا به‌وكاره هه‌ڵسێت.
پێگه‌ی ئاژانسی ئه‌نادۆڵ له هه‌واڵێكدا بڵاویكرده‌وه، پاش كۆتاییهاتن به كۆبوونه‌وه‌كه‌ی ئه‌مڕۆی ئه‌نجومه‌نی وه‌زیرانی میسر، ئه‌نجومه‌نه‌كه نوسراوێكی بڵاوكرده‌وه و تێیدا هاتووه، ئه‌نجومه‌نی وه‌زیران، هه‌ریه‌ك له خۆپیشاندانه‌كانی مه‌یدانی عه‌ده‌وییه و مه‌یدانی نه‌هزه وه‌ك هه‌ڕه‌شه بۆ ئاسایشی وڵات و ڕێخۆشكردن بۆ ئه‌نجامدانی كرده‌وه‌ی تیرۆری ده‌زانێت و بڕیاری كۆتایی هێنانی ئه‌و خۆپیشاندانانه‌ی ڕاگه‌یاند.
له نوسراوه‌كه‌ی ئه‌نجومه‌نی وه‌زیرانى ميسردا هاتووه " ئه‌نجومه‌نی وه‌زیرانی (محه‌مه‌د ئیبراهیم) وه‌زیری ناوخۆی میسری ڕاسپارد تا به‌پێی ئه‌و رێپێدانه‌ی له‌لایه‌ن خه‌ڵكی میسره‌وه به ده‌وڵه‌ت دراوه بۆ كۆتایی هێنان به توندوتیژی و ڕوبه‌ڕووبوونه‌وه‌ی تیرۆر، به‌شێوه‌یه‌كی یاسایی كۆتایی به‌و مه‌ترسییانه بهێنیت و خۆپیشاندانه‌كان بڵاوه پێبكات".
خۆپیشانده‌رانی مه‌یدانی ڕابیعه عه‌ده‌وییه به‌رامبه‌ر به‌و بڕیاره‌ی ئه‌نجومه‌نی وه‌زیران كاردانه‌وه‌ی توندیان ده‌ربڕی، هه‌روه‌ها كۆمه‌ڵه‌ی ئیخوان موسلیمین كاردانه‌وه‌ی خۆیان به‌رامبه‌ر بڕیاره‌كه ڕاگه‌یاند و (جیهاد حه‌داد) وته‌بێژی ئیخوان به‌رامبه‌ر ئه‌و بڕیاره له لێدوانێكدا وتی: "ئه‌و بڕیاره‌ی كه گوایا له‌ڕێی به‌كارهێنانی هێز و توندوتیژییه‌وه بڵاوه به خۆپیشاندانه‌كانی ڕابیعه عه‌ده‌وییه و مه‌یدانی نه‌هزه ده‌كرێت، به‌هیچ جۆرێك ئێمه ناترسێنێت".
وته‌بێژه‌كه‌ی كۆمه‌ڵه‌ی ئیخوان موسلیمین وتیشی: "ئه‌وان ناتوانن ڕێ له ئه‌نجامدانی خۆپیشاندانه ئاشتیخوازه‌كان بگرن".
دوای خۆپیشاندانه‌كانی 30ی حوزه‌یران و لابردنی محه‌مه‌د مورسی سه‌رۆكی میسر له پۆسته‌كه‌ی، لایه‌نگرانی كۆمه‌ڵه‌ی ئیخوان موسلیمین و محه‌مه‌د مورسی رژانه سه‌رشه‌قامه‌كان و رۆژانه‌ش له‌و وڵاته‌دا رووبه‌ڕووبوونه‌وه له‌نێوان لایه‌نگران و نه‌یارانیاندا رووده‌دات.
له توركییه‌وه: هاوڕێ فه‌ریق
1/08/2013
لە پەیامێکدا مەسعود بارزانی سەرۆکی هەرێمی کوردستان هاوخەمی بۆ کۆچی دوایی سیاسەتمەدار و ڕۆشنبیری ناسراوی کورد فەلەکەدین کاکەیی راگەیاند، سەرۆک بارزانی وێڕای سەرەخۆشی کرد لە بنەماڵەو هاڤاڵانی خولێخۆشبوو جەختیشی کردووە لەسەر رۆڵی فەلەکەدین کاکەیی لە خەباتی وتێکۆشان لە پێناوی نەتەوەکەیدا وکۆچی دوایی خولێخۆشبووی بە خەسارەتێکی گەورە وەسف کردووە.
فه‌له‌که‌دین کاکه‌یی رۆشنبیری ناوداری کورد دوێنێ له ته‌مه‌نی 70 ساڵیدا کۆچی دوایی کرد، خوالێخۆشبوو خاوه‌نی ده‌یان لێکۆڵینه‌وه و کتێبی کولتوورییه و به‌یه‌کێ له سه‌رکرده لێهاتووه‌کانی پارتی و عه‌قڵی کولتووری ئه‌و حزبه داده‌ندرا
ده‌قى په‌یامه‌که‌ى سه‌رۆک بارزانی
بە داخ و پەژارەیەکی زۆرەوە، هەواڵی کۆچی دوایی هەڤاڵ و برای خۆشەویست، تێکۆشەر و ڕۆشنبیری ناسراوی گەلەکەمان کاک (فەلەکەدین کاکەیی)ـم پێگەیشت و زۆر خەمباری کردم.
ئەو پیاوە هەڵکەوتووەی گەلەکەمان، بە درێژایی تەمەنی خۆی لە پێناو نەتەوەکەیدا لە خەبات و تێکۆشاندا بوو، ڕۆڵی گەورەی ئەو لە شۆڕشی مەزنی ئەیلوول، وەک پێشمەرگە و سیاسەتمەدار و وەک ڕۆشنبیر و میدیاکار لە لاپەڕە زێڕینەکانی مێژووی گەلەکەماندا تۆمار دەکرێت. لەو ڕۆژانەدا کە بە ئاگر و ئاسن هەوڵی بێدەنگکردنی کورد دەدرا، جێ پەنجەی فەلەکەدین کاکەیی لە ڕۆژنامەکانی (التاخی) و (خەبات)دا بۆ گەیاندنی پەیامی کورد، زۆر دیار و بەرچاو بوو.
کاک فەلەکەدین وەک ڕۆڵەیەکی هەڵکەوتووی برایانی کاکەیی، لە شۆڕشی گوڵانیشدا بەشدارییەکی چالاک و کاریگەری هەبوو. دوای ڕاپەڕینە مەزنەکەی گەلەکەشمان، کاک فەلەکەدین وەک ئەندامی خولی یەکەمی پەرلەمان و دواتر وەک وەزیری ڕۆشنبیری و وەک سیاسەتمەدار و ڕۆشنبیرێکی گەورە خزمەتی دۆزی ڕەوای گەلەکەی کردووە. بە درێژایی ساڵانی ڕابردوویش ڕاوێژکارێکی متمانە پێکراوی ئێمە بوو و بەشدارییەکی گرینگی لە دروستکردنی بڕیاری سیاسی لە کوردستان هەبووە.
لە دەستدانی ئەو ڕۆشنبیر و تێکۆشەرە ناودارەی گەلەکەمان، خەسارەتێکی گەورەیە. به‌م بۆنه خه‌مناکه‌وه، سه‌ره‌خۆشی له خۆم و خانه‌واده به‌ڕێزه‌که‌ی و سه‌رجه‌م هه‌ڤاڵانی ئه‌م ڕۆشنبیر و تێکۆشه‌ره گه‌وره‌یه ده‌که‌م و له خوای گه‌وره داواکارم سه‌بووریی و دڵنه‌وایی به هه‌موو لایه‌کمان ببه‌خشێت و گیانی خوالێخۆشبوویش به به‌هه‌شتی به‌رین شاد بکات .
انا لله و انا الیه راجعون
مسعود بارزانی
سه‌رۆکی هه‌رێمی کوردستان
٣١/٧/٢٠١٣
بڕیارە لە چوارچێوەی سەردانەكەیدا بۆ توركیا، نێچیرڤان بارزانی سەرۆك وەزیرانی هەرێمی كوردستان سەردانی دورگەی ئیمرالی بكات بۆ دیتنی عەبدوڵڵا ئۆجەلان سەرۆكی زیندانیكراوی پەكەكە.
بەپێی هەواڵێكی (وارانپرێس) چاوەڕوان دەكرێ بارزانی لە دەرەوەی گرتیگەی ئیمرالی ئۆجەلان ببینێ، ئەمەش یەكەم جار دەبێ سەرۆكی زیندانیكراوی پەكەكە بۆ دیدارێكی فەرمی لە گرتیگەكە بێتە دەرەوە.
سەردانی بارزانی بۆ ئەنقەرە، هاوكاتە لەگەڵ ئامادەكارییەكانی كۆنگرەی نەتەوەیی كورد لە هەولێر، بۆیە لەم دیدارەشدا لەگەڵ ئۆجەلان، پرسی كۆنگرەكە و پرۆسەی ئاشتی لە توركیا تاوتوێ دەكەن.
لە نەورۆزی ئەمساڵدا بۆ یەكەم جار بەشێوەیەكی فەرمی لە دوای زیندانیكردنیەوە لەوەتەی ساڵی 1999وە، ئۆجەلان وتارێكی پێشكەشی ئاهەنگێڕانی ئامەد كرد، تیایدا پرۆسەی ئاشتی لە توركیا راگەیاند.
basnews
31/07/2013
گۆڤاری (دەیلی بێست) كە تایبەتە بە شیكردنەوەی هەواڵ، لە راپۆرتێكیدا بڵاویكردۆتەوە "دوای تێپەڕبوونی هەفتەیەك بەسەر رووداوی هەڵاتنی بەندییەكان لە هەردوو بەندیخانەی تاجی و ئەبوغرێب و رزگاركردنی دەیان سەركردەی قاعیدە كە لەسەردەمی ویلایەتی دووەمی بۆشدا دەستگیركرابوون، نزیكترین هاوپەیمانەكانی ئەمریكا لەبواری قەڵاچۆكردنی تیرۆر پێشبینی كاری خراپتر دەكەن و خۆیان بۆ دۆخی خراپتر ئامادە دەكەن.
گۆڤارەكە دەڵێت:" رێكخراوی قاعیدە بەرپرسیارییەتی خۆی لەو رووداوە راگەیاندووە، كە بووەتە هۆی هەڵاتنی 500 لەسەركردە و ئەندامانی قاعیدە".
سەرچاوەكانی هەواڵگری وەك لەراپۆرتی گۆڤارەكە داهاتووە داوایكردووە ناوەكانیان ئاشكرا نەكرێ، ئاماژەیان بۆ ئەوەشكردووە "كە ئێستا ئەمریكا فڕۆكەی بێ فڕۆكەوانی بڵاوكردۆتەوە لەگەڵ جۆرەها فڕۆكەی دیكە لە توركیا بۆئەوەی زانیاری هەواڵگری سەبارەت بەعێراق كۆبكەنەوە". سەرچاوەكان ئاشكراشیان كردووە" كە ئەو ژمارە زۆرەی هەڵاتوانی ئەو دوو بەندینخانەیە شرۆڤەكارانی ئەمریكای شڵەژانەدوە."
31/07/2013
سەرەڕای رەخنەكانیان، نوێنەرانی پارتەكانی رۆژئاوای كوردستان لە هەولێر، سەردانەكەی سەرۆكی پارتی یەكێتی دیموكراتی PYD بۆ توركیا بە ئەرێنی دادەنێن و پێیانوایە “YPG ساڵح موسلیمی گەیاندە ئیستەنبوڵ”.
رۆژی 26ی ئەم مانگە، هەواڵی فڕینی ساڵح موسلیم هاوسەرۆكی PYD لە فڕۆكەخانەی نێودەوڵەتی هەولێرەوە بەرەو توركیا، بووە مانشێتی زۆربەی رۆژنامە و دەزگاكانی راگەیاندنی توركیا و هەرێمی كوردستان. پێشتریش دەنگۆی دانیشتنی PYD و دەزگای MİTی توركیا بڵاوكرایەوە. ئەو كۆبوونەوەیە دوای تێپەڕبوونی چەند رۆژێك بەسەر گرتنی شارۆچكەی سەرێكانیێ و چەند ناوچەیەكی دیكە لەلایەن یەكینەكانی پاراستنی گەل YPG هات كە بەباڵی سەربازی پارتی یەكێتی دیموكراتی لە قەڵەم دەدرێت. بۆیە چاودێرانی سیاسی پێیانوایە بانگهێشتكردنی موسلیم بۆ توركیا پەیوەندی راستەوخۆی بە پێكدادانی YPGو چەكدارانی جەبهەتولنوسرەوە هەیە.
شەلال گەدۆ، نوێنەری پارتی چەپی كوردی لەشاری سلێمانی پێیوایە كۆبوونەوەی موسلیم و توركیا بە سەركەوتنی دیپلۆماسی YPG دادەنرێ. لەوبارەیەوە بە (رووداو)ی گوت “سەركردەكانی كورد تا رابردوویەكی نزیك پێیانوابوو چەكی YPG بەڵایە بۆ كوردی سووریا، كورد ناتوانێ پەیوەندی لەگەڵ جیهانی دەرەوە ببەستێ، بەڵام ئەو رووداوە پێچەوانەی ئەوەی سەلماند”.
بەگوێرەی لێدوانەكانی ساڵح موسلیم لە دوای كۆبوونەوەكەی ئیستەنبوڵ بۆ ئاژانسی هەواڵی دیجلە، بەرپرسانی تورك بەڵێنی كردنەوەی چەند دەروازەیەكی سنوورییان لەگەڵ رۆژئاوای كوردستان داوە. شەلال گەدۆ ئەمە بە شەڕی ئەم چەند رۆژەی دوایی نێوان YPG و بەرەی نوسڕەوە دەبەستێتەوە و دەڵێت “ئەگەر YPG نەبووایە مومكین نەبوو تورك بانگی كورد بكەن و بڵێن دەروازەكانتان بۆ دەكەینەوە، چونكە ئەمڕۆ جگە لە YPG هێزێكی دیكە لەسەر ئەرز نییە”.
جەدعان عەلی، نوێنەری بزووتنەوەی چاكسازی كورد لە سووریا، چوونی سەرۆكی PYD بۆ توركیا بە ئەرێنی لەقەڵەم دەدات و دەڵێت “هۆكاری سەرەكی بانگهێشتكردنی موسلیم بۆ توركیا بەرهەمی خۆسەپاندن و بەهێزبوونی YPGیە”. سەرەڕای ئەو هۆكارە، جەدعان پێیوایە چەند هۆكارێكی دیكەش هەن تاوەكو توركیا ساڵح موسلیم بانگهێشت بكات “ئۆپۆزیسیۆنی سووریا لە هێز دەكەوێت، لەبەرەكانی جەنگ سەنگەر لەدەست دەدات، رژێم شوێن پێی خۆی لەهەندێك شوێن قایم دەكات”.
جەدعان ئاماژە بەو مەرامانە دەكات كە توركیا دەخوازێ لە دانیشتن لەگەڵ موسلیم بەدەستیبێنێ “ هەرێمی كوردی كە دەكەونە سەر سنووری توركیا بەدەست YPGیە، بۆیە باشترین بژاردە بۆ توركیا دانیشتنە لەگەڵ PYD، بێگومان پێش ساڵێك ئەو بۆچوونەی نەبوو. وەكو سیاسەت و دەوڵەت بەرژەوەندی توركیا لە دانیشتن لەگەڵ PYD دایە. یان بەلانیكەم بۆ توركیا دۆستایەتی PYD لە دوژمنایەتی باشترە، چونكە ناتوانێ كاریگەری ئەوان لەسەر ئەرز بسڕێتەوە”.
لەماوەی رابردوودا، PYD رەخنەی لە پارتە كوردییەكانی سووریا دەگرت و هەندێكیشی بە كرێگرتەی توركیا لەقەڵەم دەدا لەبەر ئەوەی بەشدارییان لە كۆبوونەوەی ئۆپۆزیسیۆنی سووریا لە توركیا دەكرد. بەڵام دوای سەردانەكەی موسلیم بۆ توركیا ئەمە پێچەوانە دەبێتەوە، ئەمجارە پارتە كوردییەكان رەخنە لە PYD دەگرن كە بەتەنیا لەگەڵ توركیا كۆدەبێتەوە.
مەحمود محەممەد (باڤێ سابیر) نوێنەری پارتی یەكێتی دیموكراتی كورد لەهەولێر دەڵێت كورد لە رۆژئاوا بەردەوام پێیوابووە كە دەبێت پەیوەندی لەگەڵ وڵاتانی دراوسێی رۆژئاوای كوردستان ببەسترێ و گومانەكانیان بڕەوێنینەوە. بەڵام رەخنە لەو سەردانەی سەرۆكی PYD دەگرێت و دەڵێ “ئەگەر یەكێك لە ئێمە جارێك بە فڕۆكە بەسەر توركیادا چووبایە ئەوروپا برادەرانی PYD دەیانگوت ئەوانە بوونە ئەردۆغانی. واباشە وەكو دەستەی باڵا پێكەوە لەگەڵ ئۆپۆزسیۆنی سووریا بێت یان لەگەڵ وڵاتانی دەوروبەر دیالۆگ بكەین. وەزارەتی دەرەوەی توركیا داوای لێكردین سەردانی توركیا بكەین، بەڵام ئێمە رەتمانكردەوە و گوتمان دەبێت بەناوی دەستەی باڵای كورد بانگهێشتمان بكەن”.
هێمن خۆشناو
رووداو - هەولێر
31/07/2013
لە درێژەی ئەو هەوڵانەی بۆ دووبارە دادگاییکردنەوەی عەبدوڵڵا ئۆجەلان، رێبەری زیندانیکراوی پارتی کرێکارانی کوردستان (پەکەکە) هاتوونە ئاراوە، دادگای مافی مرۆڤ لە ئەوروپا سەرەڕای ناڕازیبوونی بە بڕیاری پێشووی دادگای تورکیا بە بڕینەوەی زیندانی هەمیشەیی بۆ ئۆجەلان، داوای دووبارە دادگاییکردنەوەی دەکات و دادگای تورکیاش داواکە رەت دەکاتەوە.
30/07/2013
ئەندامی کۆمیته‌ی په‌یوه‌نده‌ییه‌کانی ده‌سته‌ی باڵای کورد (DBK) و ئه‌ندامی دیوانی ئه‌نجوومه‌نی گه‌لی رۆژئاوای کوردستان (عیسا حەسۆ)، له ئه‌نجامی ته‌قینه‌وه‌ی بۆمبێکی چێندراو که پێشتر له ئۆتۆمبێله‌که‌ی جێگیر کراوه گیانی له ده‌ست دا.
ماڵثەڕی "فیرات نیوز"ـی نزیک لە پەکەکە بڵاوی کردوەەتەوە، سه‌رله‌به‌یانیی ئه‌مرۆ سێشەممە، سەعات 06:00 له‌وکاته‌ی (عیسا حسۆ)ـی بەرپرسی باڵا لە پارتیی یەکێتیی دیموکرات(پەیەدە)، له ماڵی خۆی له گه‌ره‌کی کۆرنیش ده‌رده‌که‌وێت بۆئه‌وه‌ی بچێته سه‌رکاری خۆی، له ئه‌نجامدا ئۆتۆمبێله‌که‌ی ده‌ته‌قێته‌وه و گیان له ده‌ست ده‌دات.
ماڵپەڕەکە زانیاریی داوە که پێشتر له‌ژێر ئۆتۆمبێله‌که‌ی ئه‌ودا بۆمبی ته‌وقیتکراو جێگیر کراوه و له‌و کاته‌ی هه‌وڵی داوه کار به ئۆتۆمبێله‌که‌ی بکات، راسته‌وخۆ ته‌قیوه‌ته‌وه و گیانی له ده‌ست داوه.
30/07/2013
بە هۆی هەبوونی هەوڵ بۆ شكستپێهێنانی كۆنگرەی نەتەوەیی كورد، هێشتا كات و پلانی ئەو كۆنگرەیە ڕانەگەیەنراوە كە نزیكەی 600 كەسایەتیی سیاسیی كورد و دۆستی كورد، بەشداریی تێدا دەكەن. سەرچاوەیەكی نزیك لە لیژنەی ئامادەكاریی كۆنگرەیش، ئەو هەوڵانە بۆ درز خستنە نێوان لایەنە سیاسی و كەسایەتییەكانی بەشداربووی نێو كۆنگرە ناو دەبات.
كەسایەتییەكی نزیك لە سەركردایەتیی پارتیی كرێكارانی كوردستان(پەكەكە)، بە ژماری ئەمڕۆ سێشەممەی هەفتەنامەی "باس"ـی ڕاگەیاندووە، هەوڵە ئیقلیمییەكانی ئەم جارە سەركەوتوو نابن، چونكە كورد بەهێز و ئەوان لاوازن.
"باس" بڵاوی كردووەتەوە كە دوای دانانی كۆمیتەیەكی ئامادەكاری بۆ ئەنجامدانی كۆنگرەی نەتەوەیی كورد، لایەنێكی ئیقلیمی كار بۆ پەشیمانكردنەوەی چەند لایەنێكی بەشداربووی نێو كۆنگرەكە دەكات تا بایكۆتی كۆنگرەكە بكەن، هەر ئەمەیش وای كردووە بەرنامەی كاری كرنگرەكە بە شێوەیەكی نهێنی بەڕێوە بچێت.
ئەندامی سەركردایەتیی حیزبی دیموكراتی كوردستانی ئێران و نوێنەری ئەو حیزبە لە هەولێر، حەمەساڵح قادری، جەختی كردووەتەوە لە دەستخستنەناوەوەی ئیقلیمی بۆ شكستپێهێنانی كۆنگرەی نەتەوەییی كورد و لەو چوارچێوەیەیشدا پەنجەی تۆمەتی بۆ ئێران درێژ كرد.
قادری باوەڕی وایە، "هەر دامەزراوەیەكی نەتەوەییی كورد كە پێناسەی یەكگرتووییی كورد بكات، بە دڵی ڕژێمی ئێران و ناحەزانی كورد نییە، لەبەرئەوە هەرچەند پێیان بكرێت ئەو دامەزاروەیە بەر لەدایكبوون لەناو دەبەن."
سەرۆكی پێشووی پارتیی چارەسەری دیموكراتی كوردستان و كەسایەتیی نزیك لە پەكەكە، فایەق گوڵپییش دەڵێت، وڵاتانی ئیقلیمی نایانەوێ كۆنگرەی نەتەوەیی كورد سەركەوتوو بێت، بەڵام لەئەم بارە عێراق كە لە دۆخێكی خراپدایە و بە ئاشكرا دژایەتیی ئەو كۆنگرەیەی بۆ ناكرێت، هەروەها توركیالە باكوور لەگەڵ كورددا گفتوگۆی هەیە و لە باشوور بەرژەوەندی و كۆنسووڵخانەی هەیە و پێوەندییەكانی لەگەڵ حكوومەتی هەرێمی كوردستان باشە، ئێرانیش تووشی قەیرانێكی گەورە بووەتەوە بە هۆی ئابڵۆقەی ئابووری و سیاسییەوە.
گوڵپی جەختی كردەوە لەوەی كە بۆ كورد گرینگە بتوانێت ئەو بارودۆخە ئیقلیمییە بقۆزێتەوە و پەلە بكات لە ئەنجامدانی ئەو كۆنگرە نەیتەوەییە.
زیاتر گوتی، "ئەگەر ئەو كۆنگرەیە ببێتە هۆی ئەوەی كورد یەك خیتابی نیشتمانیی گشتگیر و یەك پڕۆژەی ستراتیژیی بەهێزی هەبێت، ئەوا ئەو مەفهومە كۆتایی دێت كە دەیگوترا پێویستە كێشەی كورد لە هەر پارچەیەكی كوردستان لەگەڵ ئەو وڵاتەی كە تێیدایە چارەسەر بكرێت؛ ئەوەیش وا دەكات كورد بە شێوەیەكی یەكگرتووی لە ڕۆژهەڵاتی نێوەڕاستدا سیاسەت بكات."
ئەو گوتیشی، "كۆنگرەی نەتەوەیی واتا هەبوونی یەكیەتیی نەتەوەیی و بەهێزبوونی هێز و دواجار حیسابكردنی كورد لە هاوكێشە جیهانییەكاندا."
pna
30/07/2013
هاوسەرۆکی پارتی یەکێتی دیموکراتی ئەنجامی کۆبوونەوەی لەگەڵ بەرپرسانی تورکیا دەخاتەڕوو و رایدەگەیەنێت "ئێمە لەگەڵ تورکیا لەسەر پێکهێنانی چوارچێوەیەکی خۆرێبەری رێککەوتووین، نەک پێکهێنانی حکومەت"، گوتیشی "بە بەرپرسانی تورکیامان راگەیاندووە "ئێمە تورکیامان دڵنیا کردەوە نە حکومەت دادەمەزرێنین، نە نیازمان بە خۆ جیاکردنەوەیە".
ساڵح موسلیم، هاوسەرۆکی پارتی یەکێتی دیموکراتی PYD رایگەیاند "پێشتر لە چەند رێگەیەکی دیکەوە یەکتریمان بینیوە، بەڵام ئەم سەردانە لەسەر بانگهێشتی وەزارەتی دەرەوەی تورکیا بوو، لە سۆنگەی ئەو گۆڕانکاریانەی بەسەر تێگەیشتنی تورکیادا هاتوون پێمانوایە ئەم سەردانە وەک سەردانی کردنەوەی دەرگا داخراوەکانە".
موسلیم گوتیشی "بابەتی گفتوگۆکانمان خۆڕێبەری بووە و لەسەری رێککەوتووین، ئەمەش وەک هەنگاوێك بۆ بەتەنگەوەهاتن و پڕکردنەوەی پێداویستی ئەو خەڵکەی لە ناوچە کوردییەکاندا دەژین، بەڵام ئەمە نە حکومەتە، نە نیازیشمان بە خۆجیاکردنەوە هەیە".
ساڵح موسلیم هەڵوێستی تورکیای سەبارەت بە رێکخراوی جەبهەتونوسڕە ئاشکرا کرد و گوتی "بەرپرسانی تورکیا پێیان راگەیاندین جەبهەتوڵنوسڕە نەک هەر دژی ئێوە، بەڵکو دژی ئێمە و تەواوی رۆژهەڵاتی ناوەڕاستن".
دەربارەی هەڵوێستی هاوپەیمانی نیشتیمانی بەرامبەر بە کوردەکان، موسلیم رایگەیاند "پێموایە هەڵبژاردنی ئەحمەد جەبرا ببێتە هۆکاری ئەوەی هاوپەیمانی نیشتیمانی لەژێر سایەی دەستەی باڵای کورد DBK دان بە هێزە کوردییەکاندا بنێت".
هاوکات رەتیشیکردەوە لەمیانی ئەم سەردانەیدا چووبێتە ئیمرالی و چاوی بە عەبدوڵا ئۆجەلان، سەرۆکی بەندکراوی پارتی کرێکارانی کوردستانPKK کەوتبێت، لەمبارەیەوە گوتی "بێگومان دیدارێکی لەمشێوەیە زۆر باش دەبێت ئەگەر بڕەخسێ".
رۆژی 25/7/2013 ساڵح موسلیم، هاوسەرۆکی پارتی یەکێتی دیموکراتی PYDبە (نهێنی) لەرێگەی نووسینگەی ئەتڵەس جێت، لە هەولێرەوە سەردانی تورکیای کرد و لە شاری ئەستونبوڵ لەگەڵ بەرپرسانی تورکیا کۆبوویەوە.
رووداو-RADIKAL
29/07/2013
وه‌زاره‌تی ده‌ره‌وه‌ی ئه‌مه‌ریكا رایگه‌یاند به‌رپرسانی هه‌ر دوو حكوومه‌تی ئیسرایل و فه‌له‌ستین، له ئه‌مڕۆوه دانوستانه‌كانی راسته‌وخۆی نێوان بۆ پرۆسه‌ی ئاشتی ده‌ستپێده‌كه‌نه‌وه.
گوته‌بێژی وه‌زاره‌تی ده‌ره‌وه‌ی ئه‌مه‌ریكا ئاشكرای كرد یه‌كه‌مین دیداری نێوان نوێنه‌رانی هه‌ر دوولا، ئه‌مڕۆ له واشنگتۆن ده‌ست پێده‌كات و بۆ ماوه‌ی دوو رۆژ به‌رده‌وام ده‌بێت.
به‌پێی هه‌واڵی بی بی سی، گوته‌بێژی وه‌زاره‌تی ده‌ره‌وه‌ی ئه‌مه‌ریكا، له په‌یوه‌ندییه‌كی ته‌له‌فۆنی له‌گه‌ڵ مه‌حموود عه‌باس، سه‌رۆكی ده‌سه‌ڵاتی فه‌له‌ستین و بنیامین نه‌تانیاهوو، سه‌رۆكوه‌زیرانی ئیسرایل، ره‌زامه‌ندیی بۆ دانوستانه‌كانی ئه‌مڕۆ وه‌رگرتووه.
دانوستانه‌كانی نێوان ئیسرایل و فه‌له‌ستین، دوای نزیكه‌ی 3 ساڵ وه‌ستان، به هه‌وڵی به‌رده‌وامی وه‌زیری ده‌ره‌وه‌ی ئه‌مه‌ریكا و چه‌ندین جار سه‌ردانی بۆ ناوچه‌كه، ده‌ست پێده‌كاته‌وه.
هاوكات له‌گه‌ڵ ره‌زامه‌ندیی هه‌ر دوو لایه‌ن بۆ ده‌ست پێكردنه‌وه‌ی دانوستانه‌كانی پڕۆسه‌ی ئاشتی، حكوومه‌تی ئیسرایل ره‌زامه‌ندیی له‌سه‌ر ئازاد كردنی زیاتر له 100 به‌ندكراوی فه‌له‌ستینی، نیشانداوه.
ئا. ر
pna
29/07/2013
سەڵاحەدین دەمیرتاش (هاوسەرۆکی پارتی ئاشتی و دیموکراتی) لە لێدوانێکدا ڕەخنەی لە هاوسەرۆکی پەیەدە (ساڵح موسلیم) گرت بۆ ئەنجامدانی چاوپێکەوتنی سیاسی لەگەڵ تورکیادا و ڕاشی گەیاند ، تا ئەمڕۆ سوریا و عێراق و یۆنان و بولغاریا دراوسێی تورکیا بوون، بەڵام ئێستا لەبەر ئەوەی کوردستان دەبێتە دراوسێیان قیامەت هەڵدەستێنن.
پێگەی ئەنقەرە هەبەر-ی تورکیا لە هەواڵێکدا بڵاویکردەوە، لە دووەمین گۆنگرەی ڕێکخستنی پارتی ئاشتی و دیموکراتی (بەدەپە) کە لە شاری ئەستەنبوڵ بەڕێوەچوو، سەڵاحەدین دەمیرتاش (هاوسەرۆکی بەدەپە) لە لێدوانێکدا ڕەخنەی لە (ساڵح موسلیم) هاوسەرۆکی پارتی یەکێتی دیموکراتی (پەیەدە) گرت و ڕایگەیاند، "چەندە جێگەی بەزەییە سەرۆکی پەیەدە دێت و لە تورکیا چاوپێکەوتنی سیاسی ئەنجام دەدات".
دەمیرتاش ئەو بانگهێشتەی سەرۆکی پەیەدە-ی لەلایەن تورکیاوە لە دژی کورد لەقەڵەم دا و ڕایگەیاند " لە ئێستادا شانبەشانی خەڵکی سوریا، کوردەکانی سوریا و عەرەب و عەلەوی و نوسەیرییەکان پێکەوە پەیوەندییەکیان دروست کردووە و ڕوبەڕووی چەتەکان دەبنەوە و لەو ڕێیەشەوە هەرەسیان بە سیاسەتی دەرەکی تورکیا هێناوە، بەڵام بانگهێشتکردنی ساڵح موسلیم و چاوپێکەوتنەکانی نیشانەیەکی دیاری ئەم گۆڕانکارییانە و هەزم نەکردنێتی لەلایەن تورکیاوە، هیوادارین ئەم گۆڕانکارییانە بەردەوامبن".
لە درێژەی وتەکانیدا دەمیرتاش لەبارەی ترسی تورکیا بۆ دامەزراندنی دەوڵەتی کوردی ڕایگەیاند "بەتەنها لە تورکیادا زیاتر لە 15 بۆ 20 ملیۆن کورد دراوسێتانن ، کچیان لێ ئەخوازن و کچیان پێ ئەدەن و پێکەوە کارەکان ڕائەپەڕێنن و هیچ کێشەیەک نەهاتۆتە ئاراوە، بەڵام کاتێک باس لە دەوڵەتی کوردی دەکرێت و کورد بەبێ دابەشبوونی سوریا و بەبێ هیچ مەترسییەک بۆ تورکیا دەسەڵاتی خۆی دروست دەکات و حوکمی زاتی و حوکمی خۆ بەڕێوەبردن دادەمەزرێنێت، دەڵێن نابێت".
دەمیرتاش وتیشی "تا ئێستا سوریا دراوسێتان بووە، 70 بۆ 80 ساڵە عێراق دراوسێتانە، ئەی مەگەر بولگاریا و یۆنان دەوڵەتی هاوسێتا نییە؟، ئێستاش کە کوردستان دەبێتە دراوسێی نوێتان، هاوارتان لێبەرز بۆتەوە".
لە تورکییەوە هاوڕێ فەریق
خەندان29/7/2013
پاش بایكۆتی پارتیی ژیانی ئازادی كوردستان (پژاك) بۆ كۆنگره‌ی نه‌ته‌وه‌یی كورد، بارزانی وه‌ك سه‌رپه‌رشتیاری لیژنه‌ی ئاماده‌كاریی كۆنگره، سەرکەوتوو بوو لە چارەکردنی کێشەی نێوان حیزبەکان و به دابینكردنی كورسییه‌ك، پژاكی بۆ نێو كۆنگرەکە گەڕاندەوە.
شەرقولئەوسەت لە ژمارەی ئەمڕۆ دووشەممەیدا، لە زاری بەرپرسێکی (پژاک)ـەوە بڵاوی کردوەەتەوە، بارزانی کێشەی نێوان حیزبە سیاسییەکانی چارە کرد کە ببووە هۆی بێبەشکردنی پارتیی ژیانی ئازادی كوردستان (پژاک) لە لیژنەی ئامادەکاریی کۆنگرە و ئەویش کۆنگرەی نەتەوەیی بایکۆت کردبوو.
(پژاک) هه‌ردوو حیزبی دیموكرات و كۆمه‌ڵه‌ی بەوە تۆمەتبار کردبوو کە پێشوه‌خت بڕیاریان دابوو حیزبه‌كانی تری رۆژهه‌ڵاتی كوردستان بێبه‌ش بكه‌ن و كورسییان ته‌نها بۆ خۆیان دانابوو، بەڵام پاش چه‌ندین كۆبوونه‌وه له 27/7 لیژنه‌ی ئاماده‌كاریی كۆنگره‌ی نه‌ته‌وه‌یی کە مەسعوود بارزانی سەرپەرشتی دەکات، گه‌یشته ئه‌و باوه‌ڕه، پژاكیش ده‌بێ كورسیی هه‌بێت لەو کۆنگرەیەی کە وەها بڕیارە لە مانگی داهاتوودا ببەسترێت.
pna
29/07/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
