به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
لەبارەی رەوشی ئەمنی سووریاو ئەو ئاڵۆزییانەی ناوچە كوردییەكانیان گرتۆتەوە، وە كوشتنی هاونیشتمانیانی كورد لە لایەن چەكدارانی جەبهەت ئەلنەسرەوە، 12 حیزب و لایەنی سیاسی لە شاری هەولێر بەیاننامەیەك بڵاودەكەنەوە.
لە بەیاننامەی پارتە سیاسییەكانی هەولێردا، كە وێنەیەكی بۆ رووداو نێردراوە هاتووە" ئێمە وەكو حیزب و لایەنە سیاسییەكانی شاری هەولێر بەتوندی ریسوا و شەرمەزاری ئەم كورد كوژییە دەكەین و هاوخەمی و هاوهەڵوێستی خۆمان بۆ خوشك و برایانمان لە رۆژئاوای كوردستان دووپات دەكەینەوە و پاڵپشتی سەرجەم هەوڵەكان دەكەین بۆ راگرتنی ئەم كورد كوژییە و هێنانەدی یەك هەڵوێستی و یەكرێزی گەلەكەمان لەكوردستان بەگشتی و لە رۆژئاوا بەتایبەتی" .
پارت و لایەنە سیاسییەكان لە بەیاننامەكەدا "داوا لە سەرۆكایەتی هەرێم و پەرلەمان و حكومەتی هەرێمی كوردستان دەكەن، ریسواو مەحكومی ئەم كورد كوژییە بكرێت و پاڵپشتی و هاوكاری كوردانی رۆژئاوا زیاتر بكرێت".
دەقی بەیاننامەكە:
بەناوی خوای گەورە و میهرەبان
بەیاننامەی كۆبونەوەی حیزب و لایەنە سیاسییەكانی شاری هەولێر
ئەمڕۆ خۆشك و برایانمان لەرۆژئاوای كوردستان دووچاری پیلانێكی درێژكراوەی پرۆسەكانی قركردن و لەناوبردنی گەلی كورد هاتوون كە لەلایەن هەندێك هێز و گروپی توند رەو و نەژاد پەرست لە ژێر پەردەی ئاینی پیرۆزی ئیسلام ئەنجام دەدرێت , كە بریتیە لە تیرۆرو رەشە كوژی خەلكی سڤیل و ژن و منداڵی بێ دیفاع .
ئێمە وەكو حزب و لایەنە سیاسییەكانی شاری هەولێر بەتوندی ریسوا و شەرمەزاری ئەم كورد كوژیە دەكەین و هاوخەمی و هاوهەڵوێستی خۆمان بۆ خوشك و برایانمان لە رۆژئاوای كوردستان دووپات دەكەینەوە و پاڵپشتی سەرجەم هەولەكان دەكەین بۆ راگرتنی ئەم كورد كوژیە و هێنانە دی یەك هەڵوێستی و یەكرێزی گەلەكەمان لەكوردستان بەگشتی و لە رۆژئاوا بەتایبەتی ....
هەروەها بەردەوامی كەمپین و پالپشتی رادەگەێنین كە لە رۆژانی داهاتوودا بەگوێرەی پەرەسەندنی رووداوەكان و پێداویستی هەڵ و مەرجەكە بەشێوازی جیا جیا دەیگرینەبەر .
* داوا كارین لە سەرۆكایەتی هەرێم و پەرلەمان و حكومەتی هەرێمی كوردستان ریسواو مەحكومی ئەم كورد كوژیە بكرێت و پاڵپشتی و هاوكاری كوردانی رۆژئاوا زیاتر بكرێت .
* داوا لە گشت خەڵكی كوردستان دەكەین كە هۆشیارو بەئاگا بن لە بانگەشەی هەندێك كەس و لایەن كە بەناو ئاینی پیرۆزی ئیسلام و بەهاندانی گەنجانمان كە بەشداری بكەن لە كورد كوژیدا , رێگری بكرێت , جەخت دەكەینەوە كە ئەم هەڵوێستانە دوورن لە بەها پیرۆزەكانی ئاینی ئیسلام و مرۆڤایەتی و نەتەوایەتیمان .
* داوا كارین لە خوشك و برایانمان لە رۆژئاوای كوردستان كە یەكریز و یەك هەڵوێست بن بەرامبەر پیلانی ناحەزانی دۆزی رەوای گەلەكەمان .
* داواكارین لە سەرجەم خەلكی كوردستان بۆ بەردەوام بوون و پەرەپێدانی پرۆسەی هاوكاری و پاڵًپشتی بۆ كوردانی رۆژئاوا لەسەرجەم بوارەكاندا .
* داوا كارین لە سەرجەم رێكخراوە نێودەولەتیەكان و رێكخراوەكانی مافی مرۆڤ كە هەڵوێستی بەپەلەیان هەبێت بۆ راگرتنی ئەم كۆمەلكوژییەی كە لەرۆژئاوای كوردستان ئەنجام دەدرێت .
حیزب و لایەنە سیاسییەكان
1 - كۆمیتەی پارێزگای هەولێری - حیزبی شیوعی كوردستان
2 - مەڵبەندی (3) ی - یەكێتی نیشتمانی كوردستان
3 - لقی (2) ی - پارتی دیموكراتی كوردستان
4 - مەڵبەندی (2) یەكگرتووی ئیسلامی كوردستان
5 - مەلبەندی هەولێری كۆمەلی ئیسلامی كوردستان
6 - لقی هەولێری - حیزبی دیموكراتی بەیت نەهرین
7 - لقی هەولێری - حیزبی ئایندەی كوردستان
8 - ناوەندی رێكخستنی هەولێری پارتی كرێكاران و رەنجدەرانی كوردستان
9 - ناوەندی هەولێری بزوتنەوەی دیموكراتی گەلی كوردستان
10 - كۆمیتەی سەركردایەتی هەولێری حیزبی زەحمەتكێشانی كوردستان
11 - كۆمەڵەی رۆشنبیری توركمان لە كوردستانی عیراق
12 - حیزبی رزگاری كوردستان
7/08/2013
سەرۆك وەزیرانی عێراق مەترسی خۆی لە گرووپە چەكدارە توندڕەوەكانی سووریا دووپاتدەكاتەوە و داواش دەكات كوردانی رۆژئاوا بپارێزرێن لە مەترسی جەبهەتولنوسرە.
نوری مالیكی، سەرۆك وەزیرانی عێراق لە چاوپێكەوتنێكدا لەگەڵ كەناڵی (ئافاق)ی حیزبی دەعوە كە خۆی سەرۆكایەتی دەكات، رایگەیاند: "پێویستە هەموو تواناكان بەگەڕبخرێن بۆ شكستپێهێنانی پرۆژەی تایفەگەری كەئێستا لەناوچەی رۆژهەڵاتی ناوەڕاست جێبەجێدەكرێ".
گوتیشی "لەسەرەتای سەرهەڵدانی قەیرانی سووریا هۆشداریمان لەمەترسی گروپە تیرۆریستییەكان داو گوتمان جێی مەترسین بۆ سەر یەكپارچەیی و گەلی سووریا". ئاماژەی بەوە كرد "ئەمڕۆ دەبینین چۆن ئەو مەترسییانە هاتنەدی و چۆن ئەو گرووپانە هەڕەشە لە هەموو پێكهاتەكانی گەلی سووریا دەكەن بەكوردەوە".
مالیكی داوای لەكورد كرد رێگە نەدەن رۆڵەكانیان بچنە ریزی ئەو گروپە توندڕەوانە، "ئە گەر نا دەبنە جێی هەڕەشەو مەترسی بۆ هەمووان بەتایبەت و زیاتر بۆ كورد". هاوكات داوای پاراستنی كوردی كرد لە هەڕەشەی بەرەی نوسرە لە سووریا.
رووداو-ئاژانسەكان
6/08/2013
سەرۆكی كۆمپانیای گازی نیشتمانی ئێران رایگەیاند: وڵاتەكەیان لەسەدا ٣٠ پێداویستیی گازی عێراق دابین دەكات و ئەمە دابین کردنی لەسەدا ٧٠ی پێداویستی گازی شاری بەغدا دەگرێتەوە.
بەپێی راپۆرتێكی كەناڵی پرێس تی ڤی ئێرانی، جەواد ئۆجی سەرۆكی كۆمپانیای گازی نیشتمانیی ئێران رایگەیاند: بەپێی گرێبەستە نوێكەیان لەگەڵ حكومەتی عێراق، ناردنی گازی ئێران بۆ ئەو وڵاتە دوو قات زیاد دەكات.
بەپێی قسەی ئەو بەرپرسە ئێرانییە، حكومەتی تاران بڕی ٨ ملیار تمەنیان لە دروستكردنی بۆڕی گواستنەوەی گازی ئێران بۆ عێراق خەرج كردووە كە درێژییەكەی ٢٢٧ كیلۆمەترە.
سەبارەت بە دەستكەوتی وڵاتەكەشی لەو گرێبەستەیان لەگەڵ عێراق، جەواد ئۆجی گوتی: " لەبەرامبەر هەناردەكردنی رۆژانەی ٢٥ ملیۆن مەتر سێجا گازی سروشتی بۆ عێراق مانگانە بڕی ٣٥٠ ملیۆن دۆلارمان دەستدەكەوێت".
سۆران عەلی/م.ش
pna
6/08/2013
"نێچیرڤان بارزانی" سەرۆک وەزیرانی ھەرێمی کوردستان لە رێگای پاڤیۆنی سەرۆک کۆماری فڕۆکەخانەی مێھرئابادی تاران بەرەو ھەولێر بەڕێکەوت.
نێچیرڤان بارزانی کە بە سەرۆکایەتی شاندێکی پایەبەرزی ھەرێمی کوردستان پێکھاتوو لە: فازل میرانی سکرتێری مەکتەبی سیاسی پارتی دیموکراتی کوردستان، ئازاد بەرواری ئەندامی سەرکردایەتیی پارتی دیموکراتی کوردستان و ئەندازیار کامەڕان ئەحمەد وەزیری ئاوەدانکردنەوە و نیشتەجێ کردنی حکوومەتی ھەرێم، بە نوێنەرایەتی سەرۆکی ھەرێمی کوردستان "مەسعوود بارزانی" بە مەبەستی بەشداریکردن لە رێوڕەسمی سوێندخواردنی سەرۆک کۆماری ئێران دکتۆر "حەسەن رووحانی" سەردانی تارانی پێتەختی ئێرانی کردبووە کاتژمێر ٣ی دوانێوەڕۆی ئەمڕۆ لە رێگای پاڤیۆنی سەرۆک کۆماری فڕۆکەخانەی مێھرئابادی تاران بەرەو ھەولێر بەڕێکەوت.
لەم رێوڕەسمەدا کە ھەندێک لە بەرپرسانی کۆماری ئیسلامی ئێران و نازم دەباغ نوێنەری حکوومەتی ھەرێمی کوردستان لە تاران تێیدا ئامادەبوون، بە ئاڵای ھەرێمی کوردستان پێشوازی لە نێچیرڤان بارزانی کرا و بە ئیحتڕامی نێزامی سەرۆک وەزیرانی حکوومەتی ھەرێمی کوردستان تارانی بەرەو ھەولێر بەجێیھێشت.
نێچیرڤان بارزانی سەرۆک وەزیرانی حکوومەتی ھەرێمی کوردستان کە بە سەرۆکایەتی شاندێکی پایەبەرزی ھەرێمی کوردستان لە رێوڕەسمی سوێندخواردنی یازدەیەمین خولی سەرۆک کۆماری ئیسلامی ئێران، بەشداری کرد و لە پەراوێزی ئەم رێوڕەسمەدا چاوی بە چەندین کەسایەتی پایەبەرزی بیانی و ئێرانی کەوت.
مەنسوور جیھانی/X.A
pna
5/08/2013
ویلایەتە یەكگرتووەكانی ئەمریكا ئامادەیی خۆی پێشاندا، ئەگەر ئێران بیەوێت تیكەڵی كۆمەڵگەی نێودەوڵەتی ببێتەوە هاوكاریی بكات.
جای گارنی، گوتەبێژ بەناوی كۆشكی سپی ئەمریكا، رایگەیاند "دەستبەكاربوونی حەسەن رووحانی دەرفەتێكی نوێ دەداتە ئێران بۆ ئەوەی زووتر مەترسییەكانی كۆمەڵگەی نێودەوڵەتی لەسەر پرۆگرامی ئەتۆمیی ئێران نەهێڵێت".
گوتەبێژی كۆشكی سپی راشیگەیاندووە "ئەگەر ئێران راستگۆبێت و سو‌وربێت لە بەجێگەیاندنی بەڵێنەكانی بە كۆمەڵگەی نێودەوڵەتی و گەیشتنە چارەسەرێك ئاشتییانە بۆ دۆسییەی ناوەكی وڵاتەكەی، ئەوا ئەمریكا ئامادەیە هاوكاریی بكات".
رووحانی لە مەراسیمی دەستبەكاربوونی رایگەیاند "حكومەتێك دادەمەزرێنین میانگیری هەموو ئێرانییەكان بكات و هەوڵدەدەین بۆ هەڵگرتنی گەمارۆ ئابوورییەكانی سەر ئێران".
لە سەردەمی ئەحمەدی نەژاد، سەرۆكی پێشووی ئێران، پەیوەندییەكانی نێوان ئەمریكا و ئێران بە كەشێكی خراپ تێپەڕدەبوون، بەتایبەتی كە هەمیشە لە گوتارەكانیدا هێرشی دەكردە سەر ئەمریكا و ئیسرائیل.
چاودێرانی سیاسی وایدەبینن گوتارەكەی رووحانی بە زمانێكی ئاشتییانە نووسرابوو، تیایدا ویستی پەیوەندی نیشاندابوو بۆ لایەنەكانی ناوخۆ و دەرەوەی ئێران.
رووحانی لەبەردەم پەرلەمان رایگەیاند "حكومەتەكەم لە هەوڵی گەڕاندنەوەی متمانە دەبێت لەنێوان ئێران و ناوچەكە و وڵاتانی جیهان". گوتیشی "روون و ئاشكرایی لە سیاسەتەكانمان سەرەتای قۆناخێكی نوێ دەبێت لە پەیوەندییەكانی نێوان ئێران و دەرەوە".
دانووستكاری پێشووی دۆسیەی ناوەكی ئێران گوتبووی "هیچ وڵاتیك ناتوانێت بەشەڕ ئاشتی بەدیبێنێت، ئێرانێش نابێتە هۆكاری تەنگەژە بۆ هیچ وڵاتێك".
بەرنامەی رووحانی بۆ پێكهێنانی حكوومەت، كە داوێتییە پەرلەمانی وڵاتەكەی، كەسایەتییە میانڕەوەكان لەخۆدەگرێت بۆ پۆستە سەرەكییەكان، وەك پێدانی پۆستی وەزیری دەرەوە بە محەممەد جەواد زەریف، نێردەی پێشووی ئێران لە نەتەوەیەكگرتووەكان، بەڵام رووحانی ئاماژەی بۆ پرۆگرامی ئەتۆمی ئێران نەكرد، كە زیانی زۆری بە پەیوەندییەكانی ئێران و كۆمەڵگەی نێودەوڵەتی و ئابووریی ئێران گەیاندووە. لەگەڵ ئەوەی ئێران بەردەوام ئاماژە بەوە دەكات بەرنامە ئەتۆمییەكەی تەنها بەمەبەستی دەستەبەركردنی وزەیە و سەربازی نییە، بەڵام پشكنەرانی نەتەوەیەكگرتووەكان بەردەوام گازندەی ئەوە لە ئێران دەكەن، كە رێگایان نادات بچنە كێڵگە ئەتۆمییەكانی.
5/08/2013
"نێچیرڤان بارزانی" سەرۆک وەزیرانی حکوومەتی ھەرێمی کوردستان لە رێوڕەسمی سوێندخواردنی سەرۆک کۆماری نوێی ئێران دکتۆر "حەسەن رووحانی" بەشداری کرد.
نێچیرڤان بارزانی سەرۆک وەزیرانی حکوومەتی ھەرێمی کوردستان کە بە سەرۆکایەتی شاندێکی پایەبەرزی ھەرێمی کوردستان پێکھاتوو لە: فازل میرانی سکرتێری مەکتەبی سیاسی پارتی دیموکراتی کوردستان، ئازاد بەرواری ئەندامی سەرکردایەتیی پارتی دیموکراتی کوردستان و ئەندازیار کامەڕان ئەحمەد وەزیری ئاوەدانکردنەوە و نیشتەجێی کردنی حکوومەتی ھەرێمی کوردستان، بە نوێنەرایەتی سەرۆکی ھەرێمی کوردستان مەسعوود بارزانی لە پەڕڵەمانی ئێران لە رێوڕەسمی سوێندخواردنی سەرۆک کۆماری نوێی ئێران دکتۆر حەسەن رووحانی بەشداری کرد.
سەرۆکی حکوومەتی ھەرێمی کوردستان کاتژمێر ٤٥/٣ی پاش نیوەڕۆی ئەمڕۆ یەکشەمە گەیشتە پەڕڵەمانی ئێران و بە شێوەی رەسمی لە لایەن دکتۆر کازم جەلالی سەرۆکی بنکەی توێژینەوەکانی پەڕڵەمانی ئێران پێشوازی لێکرا و لە بەرچاوی کامێڕاکانی کەناڵە جۆراوجۆرەکانی جیھان و پەیامنێران و رۆژنامەنووسانی وڵاتانی دنیا و ئێران چوونە ناو سەحنی پەڕڵەمانەوە و لە لایەن نوێنەرانی پەرڵەمان بە تایبەت نوێنەرانی شارە جۆراوجۆرەکانی کوردستان پێشوازی لێکرا.
لە سەرەتای ئەم رێوڕەسمەدا دکتۆر عەلی لاریجانی سەرۆکی پەڕڵەمانی ئێران وتارێکی پێشکەش کرد و لە وتارەکەیدا بەخێرھاتنی میوانانی رێوڕەسمی سوێندخواردنی سەرۆک کۆماری نوێی ئێران دکتۆر حەسەن رووحانی کرد و ئاماژەی بە میوانی تایبەتی ئەم رێوڕەسە لە ھەرێمی کوردستانی عێراق کرد.
لە بەشێکی دیکەی ئەم بەرنامەیەدا ئایەتوڵڵا سادق ئامولی لاریجانی سەرۆکی قووەی قەزاەییەی ئێران وتارێکی پێشکەش کرد و لە درێژەدا شێخ حەسەن رووحانی سوێنی یاسایی خوارد و پاشان وتارێکی پێشکەش کرد و لە کۆتاییدا سوپاسی تەواوی ئەو میوانانە کرد کە لەم رێوڕەسمەدا بەشدارییان کردووە.
لە کۆتایی رێوڕەسمی سوێندخواردنی حەسەن رووحانی، محەمەد رەزا رەحیمی جێگری یەکەمی مەحموود ئەحمەدی نیژاد سەرۆک کۆماری پێشووی ئێران، دکتۆر عەلی لاریجانی سەرۆکی پەڕڵەمانی ئێران، ئایەتوڵڵا عەلی ئەکبەر ھاشمی رەفسەنجانی سەرۆکی مەجمەعی تەشخیسی مەسڵەحەتی نیزامی ئێران لە پەڕڵەمانی ئێران چاویان بە سەرۆکی حکوومەتی ھەرێمی کوردستان کەوت و بە گەرمی بەخێرھاتنیان کرد.
میوانانی بیانی رێوڕەسمی سوێندخواردنی سەرۆک کۆماری نوێی ئێران پاشان بۆ بیرەوەری وێنەیەکیان لەگەڵَ دکتۆر حەسەن رووحانی گرت و بڕیاروایە لە ئێواره خوانێکدا لە کۆشکی سەعدئابادی تاران بەشداری بکەن.
شاندی پایەبەرزی ھەرێمی کوردستان بە سەرۆکایەتی نێچیرڤان بارزانی ھەروەھا چەندین کۆبوونەوە لەگەڵ گەورە بەرپرسانی کۆماری ئیسلامی ئێران ئەنجام دەدات.
ڕێوڕەسمی سوێندخواردنی سەرۆک کۆماری نوێی ئێران بە بەشداری ١٠سەرۆک کۆمار، ٣سەرۆک وەزیران، ٥سەرۆکی پەڕڵەمان، ٦وەزیری دەرەوە، کۆمەڵێک میوانی تایبەت و ھەروەھا نوێنەری رێکخراوەی نەتەوە یەکگرتووەکان لە تەلاری کۆبوونەەکانی پەڕلەمانی ئێران لە شاری تاران بەڕێوەچوو.
مەنسوور جیھانی/X.A
pna
5/08/2013
شاعیری گەورەی كورد شێركۆ بێكەس ئەمڕۆ 4ی ئابی 2013، بەهۆی نەخۆشییەوە لە یەكێك لە نەخۆشخانەكانی وڵاتی سوید كۆچی دوایی كرد.
شێركۆ بێكەس، ساڵی ١٩٤٠ لە شاری سلێمانی لەدایكبووە و لە ساڵی ١٩٨٦ وڵاتی عێراقی بە جێ هێشتووە و لە ساڵەكانی ١٩٨٧-١٩٩٢ لە وڵاتی سوید بووە و پاشان گەڕاوەتەوە بۆ كوردستان.
4/08/2013
11 لایەن و رێکخراوی سیاسی کورد، پالپشتی لە رۆژئاوای کوردستان دەکەن
لە راگەیاندراوێكدا كە نوسخەیەكی بە دەست “رۆژ نیوز”گەیشتووە, 11 رێكخراوی “رۆژهەڵات و باشوری كوردستان” داوا دەكەن كە هێزەكانی كورد بۆ شەڕی بەرگری لە رۆژئاوای كوردستان وەڕێ بكەون.
ئەمەی خوارەوە دەقی راگەیاندراوەكەیە:
بە خوێنی خۆمان دەسكەوتەكانی “رۆژئاوای كوردستان” دەپارێزین.
گەلی ستمەلێكراوی كوردستان
كۆڕ و كۆمەڵە سیاسی و مرۆڤدۆستە هۆشیارە جیهانییەكان
ژنان/ لاوان/ قوتابیان/ خوێندكاران
چینە هۆشیار و ئاگاكانی كوردستان
هاوڕێیانی كوردایەتی لە حيزب و رێكخراوە كوردستانییەكان
پاش ئەوەی شۆرشی گەلی رۆژئاوای كوردستان پای نایە قۆناغی تازەی خۆیەوە كە هەمانا قۆناغی راگەیاندنی سەربەخۆیی و راگەیاندنی دەوڵەتێكی كوردی بۆ كوردانی رۆژئاوای كوردستان بوو, بە یارمەتیی دەوڵەتانی دژبەری مافەكانی كورد و رێكخراوی تیرۆریستیی قاعیدە, لەژێر ناوی گرووپه چه‌کداره‌کانی “ده‌وڵه‌تی ئیسلامی ئێراق و بیلادی شام” و “به‌ره‌ی نه‌سرا” كوشتوبڕی بێبەزەییانەی هاوڵاتیانی كوردی رۆژئاوای كوردستان دەستی پێكرد و ئەم كوشتوبڕەش لە پێش چاوی كۆڕوكۆمەڵە جیهانییەكان و دەوڵەتانی زلهێز بە ئاشكرا ئەنجام دەدرێت و هیچ هەنگاوێكی پێشگیرانەی بۆ هەڵنەگیراوە.
داوا لە سەرجەم لایەنە سیاسییەكانی كوردستان و لاوانی نەتەوەیی كورد لە هەر چوارپارچەی كوردستان دەكەین, بۆ پاراستنی دەسكەوتەكانی وڵاتەكەمان لەدەست تیرۆریستان و هێندێک له‌وڵاتانی هه‌رێمایه‌تی و سڕینەوەی رۆژئاوا لەو چەكدارە پیس و پۆخڵانە, چەكی بەرگری بكەنە شان و هەوڵەكانیان بخەنەگەڕ بۆ دەربازكردنی گەلەكەمان لەم كارەساتە مێژووییە.
رێكخراوەكانی بەشدار لەم راگەیاندنەدا بریتین لە:
1- پارتی لیبراڵ دیمۆكراتی كوردستان
2- پارتی سەربەستی رۆژهەڵاتی كوردستان
3- بزووتنەوەی کۆماریخوازی رۆژهەلاتی کوردستان
4- پارتی کۆماریی کوردستان
5- بزووتنه‌وه‌ی نوێبوونی لاوانی کوردستان
6- پارتی سه‌ربه‌خۆیی کوردستان
7- پارتی ناسیۆنالیستی كورد
8- ناوه‌ندی هه‌ولێری بزووتنه‌وه‌ی ڕزگاری دیموکراتی کوردستان و
9- هه‌رێمی هه‌ولێری پارتی نه‌ته‌وه‌یی کوردستان
10- مه‌ڵبه‌ندی سێی هه‌ولێری بزووتنه‌وی ئاشتیخوازانی کوردستان
11- مه‌ڵبه‌ندی هه‌ولێری حزبی پێشکه‌وتنخوازی دیموکراتی کوردستان
4/08/2013
هاووڵاتیانی ئێران، حەسەن روحانی، سەرۆك كۆماری نوێی وڵاتەكەیان بە ئازادكردنی گیراوە سیاسییەكان تاقیدەكەنەوە.
ژمارەیەكی زۆری ئێرانییەكان پێیانوایە ئەحمەدی نەژاد، هۆكاری خراپبوونی باری ئابووریی وڵات بووە و ئێرانی رووبەڕووی گرژیی زۆركرد لەگەڵ جیهانی دەرەوە.
روحانی سوودی لە دەرفەتەكە وەرگرت بۆ ئەوەی لە هەڵمەتی هەڵبژاردنەكە بەڵێنی ئەوە بە ئێرانییەكان بدات، كە وڵات لە لێواری ئاگر دەگەڕێنێتەوە و كێشەی هەڵاوسانی ئابووریش چارەسەر دەكات.
لەگەڵ ئەوەی ئێرانییەكان لەژێر فشاری ئابووری، بەرزبوونەوەی نرخەكان و دەستنەكەوتنی كاردان، لەگەڵ ئەوەشدا داواكاریی راستەوخۆیان لە سەرۆكی نوێی وڵات، ئازادكردنی گیراوانی سیاسییە.
بەگوێرەی بەدواداچوونە رۆژنامەوانییەكان، لە ئێران ژمارەیەكی زۆری گیراوی سیاسی و بیروڕا هەن، كە زۆرترینیان سەركردەكانی بزووتنەوەی سەوزی میر حوسێن موسەوی و مەهدی كەرووبین.
زیندانییەكانی ئێران زۆرترینیان گیراوی بیروڕا، رۆژنامەوان، دادوەر، چالاكوانانی مافپەروەر، یەكسانیخوازانی نێوان نێر و مێ و ژمارەیەك لە پیاوانی ئایینی مەسیحی و سوننەن، جگە لە سەركردەكانی مەزهەبی بەهائی.
یەكەم تاقیکردنەوەی ئێرانیەكان بۆ روحانی، لە ئازادكردنی گیراوانی وڵات خۆی دەبینێتەوە، هەروەك ئازادكردنی گیراوەكان سەرەتایەكیش دەبێت بۆ كۆتاییهاتنی ئەو بارودۆخە سیاسییەی ئێران، كە ئازادییەكان سنووردارە.
4/08/2013
دوای بڵاوبوونەوەی وێنەیەکی سەرۆکی ھەرێمی کورستان، مەسعوود بارزانی، کە درێسی ژمارە ١٠ـی بەرشلۆنەی بەدەستەوەیە، ئەمجارە سایتی سپۆرتی کەتەلۆنیا ھەواڵێک لەسەر پەیوەندی نێوان ھەرێمی کوردستان و ھەرێمی کەتەلۆنیا بڵاو دەکاتەوە و یانەی بەرشلۆنە بە پردی ئەو پەیوەندییە دەزانێت.
دووشەممە (٢٩-ی تەمووزی ٢٠١٣) سایتی سپۆرتی کەتەلۆنیایی بڵاوی کردووەتەوە پێشتر لەلایەن سەرۆکی یانەی بەرشەلۆن، ساندرۆ رۆسێلیەوە داوەتنامەیەک پێشکەشی سەرۆکی ھەرێمی کوردستان، مەسعود بارزانی کراوە بۆ ئامادەبوون لە یەکێک لە یارییەکانی یانە کەتەلۆنیاییەکە، ھەروەھا درێسێکی یانەکەیشی بۆ ناردووە.
ھەواڵەکە کە لەلایەن تۆنی فریس ڕۆژنامەوانی وەرزشی ئیسپانیاوە ئامادە کراوە ئاماژەیشی داوە کە بەرشەلۆنە تەنھا یانەیەکی ئاسایی نییە و یارییەکی جوان پێشکەش بکات، بەڵکو یانەیەکە بووەتە پردی پەیوەندی لە نێوان ھەرێمی کوردستان و کەتەلۆنیا ھەروەھا بووەتە پردێک بۆ ئاڵوگۆڕی کولتووری و وەرزشی و سیاسی.
ھەروەھا ڕۆژنامە ئیسپانیاییەکە ئاماژەیشی داوە لە ئێستادا بارزانی ھەموو ھەوڵێکی خستووەتە گەڕ بۆ ئەوەی شاری ھەولێر ببێتە نموونە لە ناوچەکەدا لە ھەموو ڕوویەکەوە. سایتەکە ڕایشی دەگەیەنێت مەسعوود بارزانی ئاواتەخوازە یانەی بەرشەلۆنە بێنە کوردستان و لەگەڵ ھەڵبژاردەی ھەرێمدا یارییەک بکەن.
لە ڕۆژنامەی هەولێرەوە
pna
4/08/2013
پاش پەسەندکرانی حوکمی سەرکۆمارێتیی رووحانی لە لایەن خامنەییەوە، چاوەڕوان دەکرێ سەرکۆماری نوێ، لە رۆژانی داهاتووشدا، کابینەی دەوڵەت به پارلەمانی ئەو وڵاتە بناسێنێ.
ئەمڕۆ شەممە[١٢ی گەلاوێژ]، پاش تێپەڕبوونی ٥١ رۆژ بەسەر هەڵبژاردندا، ئایەتوڵا "سەیدعەلی خامنەیی"، رێبەری ئایینی ئێران، لە رێووڕەسمێکدا، حوکمی سەرکۆمارێتیی "حەسەن رووحانی" پەسەند کرد و بەم شێوەسەردەمی ٤ ساڵەی دەسەڵاتداری رووحانی بە شێوەی فەرمی دەستیپێکرد.
رێووڕەسمەکە لە حوسێنییەی ئیمام خومەینی لە تاران و بە بەشداری بەشێکی بەرچاو لە رێبەرانی کۆماری ئیسلامیی، چەند بەربژێری دوا هەڵبژاردنی سەرۆکایەتیی کۆمار و باڵوێزی هەندێک لە وڵاتانی بیانی بەرێوەچوو.
بڕیارە سبەی یەکشەممەش، حەسەن رووحانی، لە رێووڕەسمێکی تر لە پارلەمانی ئێراندا، سوێندی یاسایی بخوات و ئەندامانی کابینەی دەوڵەتەکەی بە پارلەمان بناسێنێ.
به گوێرەی یاسای بنەڕەتی ئێران، سەرەتا رێبەری ئایینی ئەو وڵاتە دەبێ حوکمی سەرکۆمارێتی براوەی هەڵبژاردن پەسەند بکات و پاشان پارلەمانی ئەو وڵاتە، لە خشتەیەکی دیاریکراوی زەمانییدا، دەنگی متمانە بە تاک تاکی وەزیرانی کابینەی سەرکۆمار بدات.
"حەسەن رووحانی"، لە هەڵبژاردنی رۆژی ٢٤ی جۆزەردانی ئەمساڵدا، بە دەنگی زۆرینەی بەشداربووانی هەڵبژاردندا، وەک سەرکۆماری نوێی ئێران هەڵبژێرا.
ناوبراو لە سەردەمی پڕۆپاگەندەی هەڵبژاردندا هەندێک لێدوانی ئەرێنی سەبارەت بە کەمایەتییە نەتەوەیی و ئایینییەکانی ئێران دابوو و بەم شێوە دەنگی زۆرینەی کورد و سوننەکانی ئێرانی مسۆگەر کردبوو.
بەرەی یەکگرتووی کورد و رێفۆرمخوازانی کورد لە رۆژهەڵاتی کوردستان بەم هیوایە کە رووحانی گۆڕانکاری پۆزەتیڤ لە ئێران لە بەرژەوەندی ئەو کەمایەتییە نەتەوەییە پەراوێزخراوە پێکبهێنێ، بە پێچەوانەی حیزب و لایەنە سیاسییەکانی کورد لە دەرەوەی وڵات، داوای لە هاوڵاتییان کردبوو کە بەشداری هەڵبژاردن بن.
nnsroj
3/08/2013
رووبه‌رنێت – پێنوسەکان / بەرەی نەسرای جیهادی، کە گروپێکی ئیسلامیی جیهادیی تیرۆرستییە، لەژێر سایەی فەتوایەکدا (ماڵ و نامووسی کوردەکانتان لێ حه‌ڵاڵه) لەلایەن ئه‌بو عه‌بدولڵا به‌قاری، که مه‌لایه‌کی ئاینیی عەرەبی سوننە مەزهەبە، له مزگه‌وته‌کانی تلعه‌ران و تلحاسڵه‌وه به‌شێوه‌یه‌کی به‌رده‌وام، بانگەشەی بۆ دەکات، نزیکەی ١٨٠ کچ و ژنی کورد کەتەمەنیان لە نێوان ١٢ بۆ ٤٠ ساڵیدایە، وەك غەنیمە، ڕفاندووە.
بەپێی زانیاریی ووردی پێنوسەکان، کەلەڕۆژئاوای کوردستانەوە، بەدەستمان گەیشتووە، تاکو ئێستا، تەنها ١٣ کەس لەو کچ و ژنانە، دۆزراونەتەوە و لەلایەن هێزەکانی یەپەگەوە، لەدەستی گروپە جیهادییەکان، ڕزگار کراون.
وێڕای ڕفاندنی ژنانی کورد، وەك غەنیمە، گرووپه تیرۆرستییه‌کانی ئه‌لقاعیده، که له‌به‌رامبه‌ر به شه‌ڕڤانانی کورد توشی شکستی قورس بوون، په‌نا بۆ رێ و رێبازی هۆڤانه و دژه مرۆییانه ده‌به‌ن، لەو بارەیەشەوە، هێرشیان کردۆتە سه‌ر شارۆچکه‌ی تلعه‌ران و تلحاسڵی سه‌ر به شاری حه‌له‌ب و له ئه‌نجامدا به‌لانی که‌مه‌وه ٥٠ کوردیان کوشت و ٣٥٠ ی تریشیان رفاند .
بێجگە لەوەش، چه‌ته و هێزە مسوڵمانە عەرەبە جیهادییەکانی سەربە ئه‌لقاعیده، بارهه‌ڵگرێکیان به دۆشکه گولــله باران کرد، که ٢٠ ژن و منداڵی تێدابوو و له تلعه‌رانی حه‌له‌ب رایانده‌کرد، گروپەکە، بارهه‌ڵگه‌ره‌کەیان، بە ئاربیجی، پارچه پارچه کردوە و هیچ که‌سێک به ساخی نه‌ماوه‌ته‌وه، له‌لایه‌کی تره‌وه ئه‌و گرووپه چه‌کدارانه، هه‌ر چییه‌ک به‌ناوی کورده‌وه هه‌بێت هێرشی ده‌که‌نه‌سه‌ر. له مزگه‌وته‌کانه‌وه بانگه‌وازی کوشتنی کورد ده‌که‌ن و خه‌ڵکی ناوچه‌که‌ش بۆ خۆڕزگارکردن به‌ره‌و بیابانه‌کان راده‌که‌ن .
3/08/2013
سەرۆك وەزیرانی هەرێمی كوردستان بە بانگهێشتی فەرمی كۆماری ئیسلامی ئێران سەردانی تاران دەكات.
سەردانەكەی نێچیرڤان بارزانی، سەرۆك وەزیرانی هەرێمی كوردستان، لە چوارچێوەی رێوڕەسمی سوێندخواردنی سەرۆكی نوێی ئێران دێت، كە تێیدا بۆ یەكەمین جار لە مێژووی كۆماری ئیسلامی، بەرپرسانی زۆربەی وڵاتانی جیهان بانگهێشتكراون.
بڕیارە رۆژی شەممە ٣ی ئاب، حەسەن روحانی بە حوكمی رێبەری ئێران وەك سەرۆكی نوێی ئەو وڵاتە بە فەرمی دەستبەكار بێت و رۆژێك دواتر لە پەرلەمان سوێندی یاسایی بخوات.
2/08/2013
روسیا: ده‌بێت دیمه‌شق و ئۆپۆزسیۆن تیرۆرسته‌کانى ئه‌لقاعیده بکه‌نه ده‌ره‌وه
ANF - مۆسکۆ 02.08.2013 12:37:03
وه‌زاره‌تى ده‌ره‌وه‌ى روسیا هێرشه‌کانى ئه‌لقاعیده‌ى له‌دژى کوردان به‌توندى شه‌رمه‌زارکرد و رایگه‌یاند که ده‌بێت به‌رێوه‌به‌رانى سوریا و ئۆپۆزسیۆن له‌و وڵاته له دووه‌مین کۆنفرانسى جنێف بگه‌نه بریارێک بۆ وه‌ده‌رنانى تیرۆرسته توندڕه‌وه‌کان و ئه‌لقاعیده .
له‌وباره‌یه‌وه وه‌زاره‌تى ده‌ره‌وه‌ى روسیا لێدوانێکى نوسراوى بڵاوکرده‌ووه و رایگه‌یاند:" ئه‌و هێرشانه‌ى توندره‌وه‌کان له‌دژى کوردان ، به‌توندى شه‌رمه‌زار ده‌که‌ین ."
نوسینگه‌ی راگه‌یاندنی وه‌زاره‌تی ده‌ره‌وه‌ی روسیا ماریا زاراکۆڤا به لێدوانێک رایگه‌یاند که هێرشه‌کانی دژی کوردان به توندی شه‌رمه‌زار ده‌که‌ن .
ناوبراو ئه‌وه‌شی خسته‌ڕوو که هێرش و په‌لاماره‌کانی گروپه ئاینگه‌را رادیکاڵه‌کان دوژمنایه‌تی نه‌ته‌وه‌یی زیاتر ده‌کات و به هه‌ڕه‌شه‌یه‌کی گه‌وره‌ی بۆسه‌ر ئاسایش و یه‌کێتی سوریا و سه‌رتاسه‌ری هه‌رێمه‌که له قه‌ڵه‌مدا .
راشیگه‌یاند :" پێگه‌کانى سوریا و به‌تایبه‌تى ده‌سته‌ى باڵاى کورد و هه‌موو ئۆپۆزسیۆن ، پێویسته له‌کاتى به‌ستنى دووه‌مین کۆنفراسى جنێف هاوده‌نگ بن و هه‌موو رێکخستنه توندره‌وه‌کان و تیرۆرستانى ئه‌لقاعیده له وڵاته‌که‌یان بکه‌نه ده‌ره‌وه ."
ANF - مۆسکۆ 02.08.2013 12:37:03
وه‌زاره‌تى ده‌ره‌وه‌ى روسیا هێرشه‌کانى ئه‌لقاعیده‌ى له‌دژى کوردان به‌توندى شه‌رمه‌زارکرد و رایگه‌یاند که ده‌بێت به‌رێوه‌به‌رانى سوریا و ئۆپۆزسیۆن له‌و وڵاته له دووه‌مین کۆنفرانسى جنێف بگه‌نه بریارێک بۆ وه‌ده‌رنانى تیرۆرسته توندڕه‌وه‌کان و ئه‌لقاعیده .
له‌وباره‌یه‌وه وه‌زاره‌تى ده‌ره‌وه‌ى روسیا لێدوانێکى نوسراوى بڵاوکرده‌ووه و رایگه‌یاند:" ئه‌و هێرشانه‌ى توندره‌وه‌کان له‌دژى کوردان ، به‌توندى شه‌رمه‌زار ده‌که‌ین ."
نوسینگه‌ی راگه‌یاندنی وه‌زاره‌تی ده‌ره‌وه‌ی روسیا ماریا زاراکۆڤا به لێدوانێک رایگه‌یاند که هێرشه‌کانی دژی کوردان به توندی شه‌رمه‌زار ده‌که‌ن .
ناوبراو ئه‌وه‌شی خسته‌ڕوو که هێرش و په‌لاماره‌کانی گروپه ئاینگه‌را رادیکاڵه‌کان دوژمنایه‌تی نه‌ته‌وه‌یی زیاتر ده‌کات و به هه‌ڕه‌شه‌یه‌کی گه‌وره‌ی بۆسه‌ر ئاسایش و یه‌کێتی سوریا و سه‌رتاسه‌ری هه‌رێمه‌که له قه‌ڵه‌مدا .
راشیگه‌یاند :" پێگه‌کانى سوریا و به‌تایبه‌تى ده‌سته‌ى باڵاى کورد و هه‌موو ئۆپۆزسیۆن ، پێویسته له‌کاتى به‌ستنى دووه‌مین کۆنفراسى جنێف هاوده‌نگ بن و هه‌موو رێکخستنه توندره‌وه‌کان و تیرۆرستانى ئه‌لقاعیده له وڵاته‌که‌یان بکه‌نه ده‌ره‌وه ."
پاپ فرانسیس، سەرۆكی رۆحانی كاسۆلیكییەكان بە بۆنەی كۆتاییهاتنی مانگی رەمەزانەوە پەیامێك ئاراستەی مسوڵمانانی جیهان دەكات.
پاپ فرانسیسی یەكەم لە 13/3/2013 بۆ ئەو پۆستە هەڵبژێردرا‌و لە پەیامەكەیدا كە بە "بۆ جیهانی مسوڵمانان" دەستپێدەكات، دەنووسێت "بەبۆنەی كۆتاییهاتنی مانگی بەڕۆژووبوون، مانگی بەندایەتی و چاكەكاری ناونراو بە مانگی رەمەزان، بە سوپاسگوزارییەوە سڵاوی خۆمتان ئاراستە دەكەم".
پاپ فرانسیس ئاماژە بەوە دەكات "دۆستانی ئازیز، وەكو رێبەرێكی ئاینی رێز و دۆستایەتیم بۆ سەرجەم مسوڵمانان دەنوێنم، ئەمساڵ، كە یەكەم ساڵی پاپایەتیمە، دەمەوێ ئەو پەیامە گشتگیرە بەتایبەت بە دەستی خۆم واژووی بكەم و بۆتان بنێرم".
پاپ جەخت لەوە دەكاتەوە هەردوو ئاینی ئیسلام و كریستیانی پێویستە رێز لە بڕوا، ئاراستەی سیاسی، سیمبول، ئایین، ناسنامە و ئیرشادی یەكدی بگرن.
سەبارەت بەپێكەوەژیانی ئایینەكان لە جوگرافیای وڵاتە ئیسلامییەكاندا، پاپا ئاماژەی بەوە داوە "دەمەوێ بە گرینگییەوە ئاماژە بەوە بكەم كە پێویستە لەوێ دیالۆگ لەنێوان ئایینەكان بێتە ئاراوە، بەتایبەتی لەنێوان ئاینی ئیسلام و كریستیانیدا".
پاپا فرانسیس كاردینال (خۆرخێ ماریۆ بێرگۆ ) كە بەناوی (پاپا فرانسیس)ەوە ناودەبرێت ، لەدایكبووی ١٧ی كانوونی یەكەمی ١٩٣٦ لە بۆینس ئایریسی پایتەختی ئەرژەنتینە. فرانسیس كەسایەتی كریستیانی ئەمریكای لاتینییە و یەكەمین كەسی ئەمریكای لاتینییە لە مێژووی ڤاتیكاندا بە رابەری كاسۆلیكەكانی جیهان هەڵبژێردرێ ، فرانسیس لە رۆژی ١٣ی ئازاری ٢٠١٣ بە پاپای ڤاتیكان هەڵبژێردرا و جێگەی پاپا بنێدیكتی شانزەیەمی گرتەوە.
3/08/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
