به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
سەرۆكوەزیرانی توركیا، رەجەب تەییب ئەردۆغان، ڕایگەیاند لێبوردنی گشتی بە هیچ جۆرێك نەخراوەتە بەر باس تا ئەندامانی پەكەكە و ڕێبەری زیندانیكراویان، عەبدولڵا ئۆجەلان بگرێتەوە و گوتیشی كە ئەوان بەڵێنی خۆیایان شكاندووە و توركیایان جێ نەهێشتووە وەك ئەوەی بڕیاری لێ درابوو.
سەرۆكوەزیرانی توركیا، دوێنێ شەممە بۆ كەناڵەكانی راگەیاندن دوا و باسی چەندین پرسی گرنگی هەنوكەیی كرد و رایگەیاند ئەو بەڵێنەی كە پارتیی كرێكارانی كوردستان(پەكەكە) شكاندی پێوەست بوو بە كشانەوە لە خاكی توركیا و ڕێككەوتنی جێبەجێ نەكرد؛ چونكە تەنیا 20لە سەدی پەكەكە توركیایان جێ هێشتووە و ئەوانیش زۆرینەیان ژن و منداڵن.
دەربارەی داوای كوردیش پێوەست بە پەروەردەی زمانی كوردی، رەجەب تەییب ئەردوغان گوتی: "ئەم بابەتە لە بەرنامەی كاری ئێستاماندا نییە؛ چ لە قوتابخانەی تایبەت و هیی گشتیشدا." بەڵام ئاماژەیشی بە پاكێجێكی چاكسازی دا بێئەوەی نێوەرۆكەكەی بخاتە ڕوو.
پەكەكە لە ئازاری ڕابردوودا ئاگربەستیان ڕاگەیاند و لە مانگی ئایاریشدا لە یەكەم گرووپی چەكدارانیان لە خاكی توركیادا كشانەوە، كە بەرەنجامی دانوستانی حكوومەتی توركیا و ئۆجەلان بوو كە لە كۆتایی 2012ـەوە دەستی پێ كرد.
لە بەرانبەردا، پەكەكە داوای لە ئانكارایە، دەستپێشخەری لە بەرژەوەندیی كورد لە توركیا بەرجەستە بكات. حكوومەتیش لە هەوڵدایە پڕۆژەیاسا لەو ڕووەوە ئامادە دەكات تا لە سەبتەمبەری داهاتوودا لە پەرلەمانی توركیادا بخرێتە دەنگدانەوە.
پارتیی كرێكارانی كوردستان(پەكەكە)ـیش سەرەتای سەبتەمبەری وەك دواوادە بۆ حكوومەتی توركیا دیاری كردووە تا چاكسازی لە سیستمی دیموكراسیدا بكات، ئەگەر نا ئەوا چەك هەڵدەگرنەوە.
لە سكای نیوزەوە
18/08/2013
هەرچەندە بڕیاربوو ئەمڕۆ شەممە وادەی بەستنی كۆنگرەی نەتەوەیی كورد رابگەیەنرێت، بەڵام جارێكی دیكە دواخراو هۆكارەكەشی بۆ بزووتنەوەی گۆڕان دەگەڕێنرێتەوە.
سەرچاوەیەك لەنێو لیژنەی ئامادەكاریی بۆ كۆنگرەی نەتەوەیی كورد رایگەیاند: "دیاریكردنی رۆژی بەستنی كۆنگرەی نەتەوەیی كورد بۆ رۆژی 20ی ئاب دواخرا".
گوتیشی: "رۆژی پێنجەشەممە لەسەر ئەو بابەتە كۆبووینەتەوە و وادەكەش دەستنیشانكراوە، بەڵام بڕیارماندا جارێ راینەگەیەنین، بۆئەوەی بزووتنەوەی گۆڕان بڕیاری كۆتایی خۆی لەسەر ئەو بابەتە بدات".
ئەو سەرچاوەیە روونیكردەوە "ئەندامەكەی بزووتنەوەی گۆڕان محەممەد حاجی دەسەڵاتی ئەوەی پێنەبووە بڕیار بدات، بۆیە گەڕاونەتەوە بۆ سلێمانی و لە كۆبوونەوەكەی ئەمڕۆ بەشداردەبێ و رای خۆیان ئاشكرا دەكەن". جەختیشیكردەوە "رای گۆڕان هەرچییەك بێت ئێمە پابەندی ئەو رۆژەین كە شەوی پێنجشەممە دەستنیشانمان كردووە بۆ بەستنی كۆنگرە".
ئەو سەرچاوەیە ئەجێندای كارەكانی كۆبوونەوەی ئەمڕۆی لیژنەی ئامادەكاری كۆنگرەی بۆ (رووداو) خستەڕوو و گوتی: ئەمڕۆ لۆگۆی كۆنگرەی نەتەوەیی كورد دەستنیشان دەكرێت، هەروەها رێژەو ژمارەی ئەندامانی كۆنگرەكە دیاریدەكرێت.
باسی لەوەش كرد، "لێكۆڵینەوە لە بابەتی رێگەگرتن لەو شاندەی كۆنگرەی نەتەوەیی دەكرێت لە لایەن PYD-وە كە بڕیاربوو بچنە رۆژئاوای كوردستان بۆ ئاگاداربوون لە رەوشی رۆژئاوا".
rudaw
17/08/2013
به بۆنه‌ى 67 ساڵه‌ى دامه‌زراندنى پارتى دیموکراتى کوردستان به ئاماده‌بوونى مه‌سعوود بارزانى سه‌رۆکى هه‌رێمى کوردستان و ژماره‌یه‌کى زۆرى لە سه‌رکرده و نوێنه‌رانى پارت و لایه‌نه سیاسیه کوردستانیه‌کانى هه‌چوار پارچه‌ى کوردسان و نووێنه‌ر و کۆنسوڵى ولاتانى بیانى له هه‌رێمى کوردستان و جه‌ماوه‌رێکى به‌رچاو ، شەوی رابردوو له شارى هه‌ولێر ؛ ئاهه‌نگێک به‌و بۆنه‌یه‌وه به‌رێوه‌چوو .
لە وتارێکدا فازڵ میرانى سکرتێرى مەکتەبی سیاسی پارتى دیموکراتى کوردستان کە بەو بۆنەیە خوێندیەوە رایگه‌یاند" پارتى دیموکراتى کوردستان جه‌خت له سه‌ر خزمه‌ت کردنى خه‌ڵک له رێگه‌ى حکوومه‌تى هه‌رێمى کوردستان ده‌کاته‌وه"
گوتیشى" پارتى قوتابخانه‌ى پێکه‌وه ژیانه، که وه‌ک بارزانى نه‌مر به‌ردى بناغه‌ى ئه‌و پێکه‌وه ژیانه‌ى له هه‌رێمى کوردستان داڕشتووه"
هاوکات سکرتێرى مه‌کته‌بى سیاسى راشیگه‌یاند" شه‌ست و حه‌وت ساڵ له‌مه‌و به‌ر گۆڕانکارى زۆر له سه‌ر ئاستى نێوده‌وڵه‌تى و ئیقلیمى و له سه‌ر ئاستى هه‌ر چوار پارچه‌ى کوردستان ڕوویانداوه و روونیشیکرده‌وه که بارزانى نه‌مر به‌شداریه‌کى گه‌وره‌ى له کۆمارى مه‌هاباد و هه‌روه‌ها له چوون و گه‌رانه‌وه‌ى بۆ یه‌کێتى سۆڤێتدا کردووه.
له به‌شێکى دیکه‌ى گووتاره‌یه‌که‌دا فازڵ میرانى جه‌ختى له‌وه کرده‌وه که پارتى له هه‌ندێ کاتى مێژووى دا به ته‌نیا سه‌رکرده بووه و ئێستاش له پێناوى پێکه‌وه‌ژیانى ته‌واوى ئاین و ئاینزاکان و نه‌ته‌وه‌کان کارده‌کات و پارتى له پێناو پێکه‌وه ژیان کارى کردووه، پێکه‌وه ژیانێک که مسته‌فا بارزانى بناغه‌که‌ى داڕشتووه.
هه‌ر له گووته‌که‌یدا میرانى رایگه‌یاند که پێویسته یه‌کڕیزى ناوخۆى خۆمان بپارێزین و ده‌ستى هاوکارى بۆ یه‌کتر درێژ بکه‌ین و یه‌کتر قه‌بووڵ بکه‌ین، که ئه‌مه‌ش زامنى پاراستنى ده‌ستکه‌وته‌کانه.
هه‌ر له درێژه‌ى قسه‌کانیدا سکرتێرى مه‌کته‌بى سیاسى رایگه‌یاند: که سه‌رۆک بارزانى هه‌وڵ و کۆششى زۆرى کردووه له پێناو چاره‌سه‌رکردنى کێشه‌کان له رێگه‌ى دیالۆگه‌وه و سه‌رۆک بارزانى رۆڵى گه‌وره‌ى له عێراق بینیوه و هه‌روه‌ها گووتیشى پارتى، له‌و ره‌وشه‌ى ئێستاى عێراق نیگه‌رانه ، که‌و رۆژانه له ناوه‌راست و باشوور، کردوه‌وه تیرۆریستى ئه‌نجام ده‌درێن.
سه‌باره‌ت به پرسى دیموکراسیه‌ت و هه‌ڵبژاردنیش میرانى رایگه‌یاند، که ته‌نها هه‌ڵبژاردن ماناى دیموکراسیبون ناگه‌ینێتـ به‌ڵکو ئێمه ده‌بێت هه‌وڵ بۆ به دیموکراتیزه‌کردنى کۆمه‌ڵگه بده‌ین، که سه‌ره‌نجام ده‌بێته هۆى پاراستنى مافى تاک و کۆمه‌ڵیش ده‌پارێزێت.
ته‌ئکیدیشى له پاراستنى رێککه‌وتننامه‌ى ستراتیژى کرده‌وه و له‌و رووه‌شه‌وه میرانى رایگه‌یاند که رێککه‌وتننامه‌ى ستراتیژى داخراو نیه و کراوه‌یه.
دواتریش سه‌رۆک مه‌سعوود بارزانى سه‌رۆکى پارتى دیموکراتى کوردستان، کێکى شه‌ست و حه‌وت ساڵه‌ى دامه‌زراندنى پارتى دیموکراتى کوردستانی بڕی.
کۆتایى ئاهه‌نگه‌که‌ش به گووتنه‌وه‌ى چه‌ندین گۆرانى له لایه‌ن ژماره‌یه‌ک هونه‌رمه‌نده‌وه و هه‌روه‌ها شایى هه‌ڵپه‌ڕکێ ئاهه‌نگه‌که زیاتر رازێنرایه‌وه.
د.ع
pna
17/08/2013
هەردوو حیزبی دیموكراتی كوردستان باس لە ئەگەری نزیكیی یەكگرتنەوەیان دەكەن و دەڵێن "پێویستە ئەم یەكگرتنەوەیە رووبدات". ئەندامێكی مەكتەبی سیاسی حیزبی دیموكراتی كوردستان-یش رایدەگەیەنێت "كۆنگرەی نەتەوەیی ناتوانێت داواكاری بەسەر حیزبەكانی هەرچوار پارچەی كوردستان بسەپێنێ، كە واز لە خەباتی چەكداریی بهێنن".
تەیمور مستەفایی، ئەندامی مەكتەبی سیاسیی حیزبی دیموكراتی كوردستانی ئێران بەشداریی بەرنامەی (رووداوی ئەمڕۆ)ی تەلەفزیۆنی (رووداو)ی كرد و رایگەیاند "ئەو پەرتەوازەبوونەی لە حیزبی دیموكراتی كوردستانی ئێراندا روویدا كارێكی باش نەبوو، بەڵام دوای كۆنگرەی 15ی حیزبی دیموكراتی كوردستانی ئێران گەیشتینە ئەو بڕوایەی كە دەبێ هەنگاو بنێین بۆ یەكگرتنەوەی هەردوو حیزبی دیموكرات".
هاوكات كەمال كەریمی، ئەندامی مەكتەبی سیاسی حیزبی دیموكراتی كوردستان گوتی "خاڵی هاوبەشمان ئەوەندە زۆرە كە وامان لێدەكات كەمتر قسە لەسەر جیاوازییەكانمان بكەین، ئەمەش وادەكات چاوەڕوانی خەڵكی كوردستان وەدیبێنین كە یەكگرتنەوەی هەردوو حیزبی دیموكراتی كوردستانە".
كەریمی ئاماژەی بەوەدا "یەكێك لە پێویستییەكانی بزووتنەوەی نەتەوەیی كورد لە رۆژهەڵاتی كوردستان ئەوەیە، كە هێزە دیموكراتەكان یەكبگرنەوە"، ئاماژەی بەوەش دا "ئەم پێویستییەش ئەوە دەخوازێت كە ئەم یەكگرتنەوەیە ئێستا رووبدات".
تەیمور مستەفایی لای خۆیەوە ئاماژەی بە سیستمی سیاسی و دەسەڵاتداریی ئێران دا و گوتی "واقیعێك لە كۆماری ئیسلامیی ئێراندا هەیە، كە كۆمەڵێك بەربەستی درووستكردووە، هەر كەس و لایەنێك بێتە سەر دەسەڵات ناتوانێ ئەم بەربەستانە تێكبشكێنێ، كە زۆرتر بەربەستی یاسایین".
گوتیشی "كۆماری ئیسلامی ئێران و دەسەڵاتی ئەو رژێمە لەنێو خۆیاندا ناتوانن گفتوگۆ بكەن و ناكۆكییان هەیە، چۆن چاوەڕوانی ئەوەمان هەبێت بێن لەگەڵ ئێمە گفتوگۆ لەسەر مافە نەتەوایەتییەكانمان بكەین، بۆیە ئێمە لەگەڵ حیزبی دیموكراتی كوردستان درووشمەكانیشمان هاوبەشن، هەردوو حیزب درووشمان داواكردنی فیدڕاڵییە بۆ ئێران، هاوكات داوای دیموكراتی دەكەین".
لەبەرامبەردا كەمال كەریمی بە پێچەوانەی بۆچوونی تەیمور مستەفایی پێیوابوو "ئێمە هەندێك ئالیەتیمان لەبەر دەستن بۆ تێكشكاندنی ئەو كۆسپانەی رێگە لە مافە نەتەوایەتییەكانمان دەگرن، ئەگەر پێمان وابێ كۆماری ئیسلامی ئێران بەو شێوەیە و دەبێ وازبێنین، ئەو كاتە وزەی زۆر لەدەست دەدەین".
سەبارەت بە رێژەی بەشداریی كورد لە هەڵبژاردنەكانی سەرۆك كۆماری ئێران (14/6/2013) كەریمی گوتی "رێژەی بەشداریی كورد لە هەڵبژاردنەكەدا نزیكەی 70% بووە، ئەمەش ئاماژەی ئەوەیە كە كورد نەخشی هەبووە لە گۆڕانكاری لە سیستمی كۆماری ئیسلامی ئێران و (نا)یەكی گەورە بوو بەڕووی رژێم".
بەڵام تەیمور مستەفایی بۆچوونێكی پێچەوانەی حیزبی دیموكراتی كوردستانی ئێرانی خستەڕوو، رایگەیاند "رێژەی بەشداریی كورد لە هەڵبژاردن لانی زۆری 40% تێپەڕنەكردووە، زۆربەی ئەو ریفۆرمخوازانەی كوردیش كە بەشداریی هەڵبژاردنی سەرۆك كۆماری ئێرانیان كرد پەشیمانن و دەڵێن (كڵاومان نرایە سەر)".
هەروەها گوتیشی "ئێمە لە سەرەتای دامەزراندمانەوە گوتوومانە كەڵك لە سەرجەم رێگاكانی خەبات وەردەگرین، بە خەباتی چەكداریشەوە، بەڵام بۆ ئێستا و داهاتوو زەمینەسازیمان كردووە بۆ خەباتێكی جەماوەری و لەمەودوا هەوڵدەدەین بەوشێوە مەدەنییە كار بكەین".
ئاشكرایشی كرد كە ئەوان ئامانجیان رووخاندنی كۆماری ئیسلامی ئێرانە، لەمبارەیەوە گوتی "ئێمە ئامادەیی تەواومان كردووە و چاوەڕێی دەرفەت و فاكتەرێكی جیهانین بۆ رووخاندنی رژێمی كۆماری ئیسلامی ئێران، چونكە سیستمی ئێران بەم شێوەیەی ئێستا هەیە ناتوانێت ویست و داخوازی گەلی كورد بەدیبێنێت".
كەمال كەریمی ئاماژەی بەوەدا "ئێمە نابێ چاوەڕێی ئالیەتێكی دەرەكی و جیهانی بین بۆ رووخاندنی رژێمی كۆماری ئیسلامی ئێران، بەڵكو دەبێ لە ئالیەتە نێوخۆییەكانی خۆمان سوود وەربگرین، كە ئەویش لە رێگەی درووستكردنی پەیوەندی هاوبیری لەگەڵ كۆمەڵێك رێكخراو هەیە كە ئەندامی حیزبیش نین".
كەریمی لە ئەگەری پێشنیازكردنی كۆنگرەی نەتەوەیی و بۆ دانانی چەك لەلایەن سەرجەم حیزبە سیاسییەكانی هەرچوار پارچەی كوردستا گوتی "ئەگەر پێشنیاز بكرێ بۆ سوودوەرگرتن لە رێگەچارەی ئاشتییانە و گفتوگۆكردن بۆ چارەسەركردنی كێشەكان پێمان خراپ نییە، بەڵام سەپاندنی ئەم داوایە بەسەر بزووتنەوەی رزگاریخوازی كورد لە هەر كام لە بەشەكانی كوردستان ناتوانێ بەبێ بوونی دەستكەوت بۆ كورد پێشنیازێكی لەم شێوەیە بكات، چاوەڕوانیش ناكەین كۆنگرەی نەتەوەیی كورد داوایەكی لەم شێوەی بكات و لە توانایشیدا نییە داوایەكی لەم شێوەیە بكات".
16/08/2013
بە بۆنەی شەستوحەفتەمین ساڵیادی دامەزراندنی پارتیی دیموكراتی كوردستان, سه‌رۆكی هه‌رێم پیرۆزبایی خۆی له كادر و ئەندام و لایەنگرانی پارتی و هەموو گەلی كوردستان كرد، رایگه‌یاند، پارتی هیچ كات لە سنوورێكی جیۆگرافی و هزریی دیاریكراودا كورت نەكرایەوە، هەمیشە هەڵگری پەیامی ئاشتی بووە و بەردەوامیش ئامادە بووە بۆ بەرگریكردن لە كورد و كوردستان، وتیشی، ئێستا لەهەموو كاتێك زیاتر پێویستیمان بە یەكدەنگی و یەكڕیزی و تەبایی و هەڵسوكەوتی كوردپەروەرانە و نیشتیمانی و سەردەمیانە هەیە.
ئه‌مه‌ش ده‌قی په‌یامه‌كه‌ی سه‌رۆكی هه‌رێمه:
بەناوی خودای بەخشندە و میهرەبان
بە بۆنەی شەستوحەفتەمین ساڵیادی دامەزراندنی پارتیی دیموكراتی كوردستان گەرمترین پیرۆزبایی خۆم ئاڕاستەی كادر و ئەندام و لایەنگرانی پارتی و هەموو گەلی كوردستان دەكەم. دامەزراندنی پارتی لە 1946ـدا زەڕوورەتێكی مێژوویی بوو بۆ درێژەپێدانی خەبات و كۆڵنەدانی گەلی كورد لەو ساتەوەختە ناخۆشانەی كە دوژمنان و داگیركارانی كوردستان بە هەموو هێز و توانایەكیانەوە هەوڵی كپكردنی شۆڕش و سەرهەڵدانی گەلی كوردیان دەدا.
دامەزراندنی پارتی ئاواتی دوژمنانی لە گۆڕ نا و ئەو پەیامەی بە نەیارانی گەلی كوردستان گەیاند كە گەلی كوردستان خاوەنی ئیرادەیەكی بەهێزە بۆ بەردەوامبوون لە ئازادیخوازی و خەباتی بێوچاندا. دامەزراندنی پارتی ئەزموونێكی كەموێنە لە مێژووی سیاسیی گەلی كورد بوو. چونكە پارتی بەرهەمی یەكدەنگیی پێشمەرگە و خەباتگێڕ و ڕۆشنبیر و سیاسی و هاووڵاتیی و گشت پێكهاتەكانی كۆمەڵگەی كوردستانی بوو.
پارتی هیچ كات لە سنوورێكی جیۆگرافی و هزریی دیاریكراودا كورت نەكرایەوە و توانی بە ڕابەرایەتیی بارزانیی نەمر گەورەترین شۆڕشی مێژووی سیاسیی گەلی كورد كە شۆڕشی ئەیلوولی مەزن بوو بەرپا بكات و لە هەموو قۆناغەكانی ژیانی سیاسیی كوردستان هەتا قۆناغی ڕزگاری و ئاوەدانكردنەوەی كوردستان ڕۆڵێكی سەرەكی و یەكلاییكەرەوەی هەبووە. دامەزراندنی پارتیی دیموكراتی كوردستان بۆ پارچەكانی دیكەی كوردستانیش مایەی ئومێد و بەردەوامبوون لە شۆڕش و خەباتی ڕزگاریخوازی گەلی كورد بوو. پارتیی دیموكراتی كوردستان خۆی بە هیچ ئایدیۆلۆژییایەكی بەرتەسك و هزری شۆڤێنی و توندڕۆیی نەبەستەوە و بووە چەترێك بۆ ئەوەی هەموو پێكهاتە نەتەوەیی و ئایینییەكانی كوردستان لەژێریدا كۆببنەوە و ئەوە خۆی لە خۆیدا دەستكەوتێكی بێوێنە و سەردەمیانە بوو لە پێشكەوتنی هزری سیاسی لە كوردستاندا. پارتی هەمیشە هەڵگری پەیامی ئاشتی بووە و بەردەوامیش ئامادە بووە بۆ بەرگریكردن لە كورد و كوردستان.
خەڵكی خۆشەویستی كوردستان
ئێستا لە سەردەمێكدا دەژیین كە لەهەموو كاتێك زیاتر گەلەكەمان هیوای بە دواڕۆژێكی گەش و پڕئومێد هەیە و بۆ یەكەمین جارە لایەنەكانی هەموو بەشەكانی كوردستان بەنیازی بەستنی كۆنگرەی نەتەوەیی كوردن بۆ ئەوەی پەیامی ئاشتیخوازی بۆ گەلانی ناوچەكە بنێرن. بۆیەشە لەهەموو كاتێكیش زیاتر پێویستیمان بە یەكدەنگی و یەكڕیزی و تەبایی و هەڵسوكەوتی كوردپەروەرانە و نیشتیمانی و سەردەمیانە هەیە. بە پێویستی دەزانم لەم یادە شكۆدارەدا داوا لە گشت ئەندام و لایەنگر و سەركردایەتیی پارتی دیموكراتی كوردستان و هەموو هێز و لایەنە سیاسییەكان بكەم بە هەموو هێز و توانایەكیان یارمەتیی پاراستنی برایەتیی و هاودەنگیی نەتەوەیی كوردستانیان بدەن و بەرژەوەندیی نەتەوەیی لەسەرووی بەرژەوەندییە بەرتەسكەكانی حزبی و سیاسی دابنێن. لە یادی 16ـی ئابدا داواتان لێ دەكەم هەموومان بۆ ئەو بەها و ئامانجانە بگەڕێینەوە كە پارتی لەپێناویدا دامەرزرا كە ئەویش ئازادی و ئاشتی و دیموكراسیخوازی بووە و كار بەو بەها و ئامانجانە بكەین و گەشەی پێ بدەین.
لەو یادە پیرۆزە هەزاران سڵاو بۆ شەهیدانی ڕێگەی ڕزگاریی كوردستان و كەسوكاری شەهیدە سەربەرزەكانمان دەنێرم و، 16ـی ئاب لە گشت لایەك پیرۆز بێت.
بژی كورد بژی كوردستان
مسعود بارزانی
سەرۆكی هەرێمی كوردستان
15/08/2013
کۆمیته‌ی به‌ڕێوه‌به‌ری PKK به بۆنه‌ی ساڵوه‌گه‌ری ژیانه‌وی 15ی ئابه‌وه لێدوانێکی دا و رایگه‌یاند؛ به ره‌نج و تێکۆشانی رێبه‌ر ئاپۆ ، به‌رخۆدانی شه‌هیدان ، به‌بڕیارداری گه‌لی کورده‌وه، هاواری به‌رزی 15ی ئاب مان گه‌یانده رۆژی ئه‌مڕۆ.
له‌لێدوانه‌که‌ی PKK دا هاتووه:" 15ی ئابی سالی 1984 به رێکخستنی هێزه‌کانی رزگاری کوردستان HRK و به پێشه‌نگایه‌تی PKK پێشکه‌وت و نمونه‌یه‌کی به‌رچاوه له قاره‌مانێتی تێکۆشانی ئازادی و دیموکراتی و به‌ده‌ست خستنی هه‌رێمه‌کانی ئه‌روح و شه‌مزینان له مێژووی کوردستان دا تۆمار کراوه ، فه‌رمانداری نه‌مر مه‌عسوم کۆرکماز به وره‌یه‌کی مه‌زنه‌وه له دژی سیستمی داگیرکاری تورک راوه‌ستا ، رێبازی تێکۆشان و خوراگری نیشانی هه‌موو که‌سێکدا، سه‌ره‌تا هه‌ڤاڵان عه‌گید ، ئه‌رداڵ ، به‌دران و هه‌روه‌ها فه‌رمانداران و شه‌ڕڤان و شه‌هیدانی ئه‌م رێگایه له‌م یاده پیرۆزه دا به‌بیر دێنینه‌وه".
PKK له به‌رده‌وامی لێدوانه‌که‌ی دا راده‌گه‌یه‌نێت:"به ره‌نج و تێکۆشانی رێبه‌ر ئاپۆ، به‌رخودانی شه‌هیدان ، به‌بڕیارداری گه‌لی کورده‌وه، هاواری به‌رزی 15ی ئاب مان گه‌یانده رۆژی ئه‌مڕۆ ، هه‌موو که‌سێک ده‌توانێ له رۆڵی کوردان له رۆژهه‌ڵاتی ناوین له سه‌ده‌ی 21م دا ببینێ ، قه‌ڵه‌مبازی 15ی ئاب له هه‌ر چواربه‌شی کوردستان و رۆژهه‌ڵاتی ناوین، رێکخستنی نه‌ته‌وه‌یی و پاراستنی ره‌وای پێک هێنا".
کۆمیته‌ی به‌رێوه‌به‌ری PKK له کۆتایی لێدوانه‌که‌ی دا کۆمه‌ڵکوژی رۆژئاوای کوردستانی به‌بیر هێنایه‌وه و داوای له هه‌موو که‌سێکی کرد که به رۆحی هه‌ڵمه‌تی سه‌رتاسه‌رییه‌وه له‌ده‌وری رۆژئاوای کوردستان ببنه‌یه‌ک و داکۆکی له مافه ره‌واکانیان بکه‌ن.
15/08/2013
له ئه‌نجامی هێرشی هێزه ئه‌منییه‌كانی میسر بۆ سه‌ر مانگرتنی ئه‌ندامانی ئیخوان موسلیمین، زیاتر له 500 كه‌س كوژران و محه‌مه‌د به‌رادعی، جێگری سه‌ركۆمار، بۆ ناڕه‌زایی له كوشتنی خه‌ڵك، ده‌ستی له كار كێشایه‌وه.
به‌پێی راپۆرته فه‌رمییه‌كان له میسره‌وه، له ئه‌نجامی هێرشی دوێنێی هێزه ئه‌منییه‌كان بۆ سه‌ر مانگرتنی لایه‌نگرانی محه‌مه‌د مورسی، سه‌رۆكی لادراوی میسر، لانیكه‌م 500 كه‌س كوژراون و به سه‌دان كه‌سی دیكه‌ش بریندار بوون.
رۆژنامه‌نووسان و په‌یامنێرانی ئاژانسه‌كانی هه‌واڵ ده‌ڵێن ته‌رمی كوژراوه‌كان هه‌تا چه‌ند سه‌عات دواتریش له شه‌قامه‌كان ده‌بینرا. سه‌رچاوه‌كانی ئیخوان موسلیمین ده‌ڵێن كوژراوه‌كان نزیكه‌ی 2 هه‌زار كه‌س ده‌بن.
هاوكات له ناڕه‌زایی به كوشتنی مانگرتووان و بڵاوه پێكردنی لایه‌نگرانی ئیخوان به زۆری هێزه ئه‌منییه‌كان، محه‌مه‌د به‌رادعی، جێگری سه‌ركۆماری میسر، ده‌ستی له‌كار كێشایه‌وه.
له‌لایه‌كی دیكه‌وه، سه‌رۆكوه‌زیرانی میسر، حازم به‌بلاوی، له لێدوانێكی ته‌له‌ڤزیۆنیدا له كه‌ناڵی ره‌سمیی حكوومه‌ته‌وه، رایگه‌یاند هێزه ئه‌منییه‌كان ته‌نیا هه‌وڵیان ده‌دا ئاسایش بگه‌ڕێننه‌وه بۆ شوێنه‌كانی مانگرتن.
ئا. ر
15/08/2013
بەئامادەبوونی مسعود بارزانی سەرۆکی هەرێمی کوردستان دوێنێ لە بارزان رێوڕەسمی یادکردنەوەی 30 ەمین ساڵیادی جینۆسایدی بارزانیان بەڕێوەچوو.
لە ڕێوڕەسمەکەدا کە جێگری سەرۆکی پەرلەمان و ژمارەیەک لە وەزیرانی حکوومەت و نوێنەر و نوێنەری حزب و لایەنە سیاسیەکانی کوردستان و کونسوڵ و نوێنەری وڵاتانی بیانی لە کوردستان ئامادەی بوون ، بەرەڤان حەمدی سەرۆکی لیژنەی ئامادەکاری یادەکە لە وتەیەکدا تیشکی خستە سەر مێژووی ئەم کارەساتە و نیشانیدا" لەم ڕۆژەدا یادێکی خەمناک دەکەینەوە کە تیایدا 8000 پیر و گەنج ومێرد منداڵ لە کۆمەڵگە زۆرە ملێکان بردرانە چارەنووسێکی نادیار وجەختی لەسەر ئەوە کردەوە کە پێویستە حکومەتی عیراق وەکو واریسی حکومەتی پێشوو خانەوادەی ئەنفالکراوان قەرەبۆ بکاتەوە تا تاوانی لەمجۆرە دووبارە نەبێتەو".
دواتر نەوزاد هادی پارێزگاری هەولێر لە پەیڤەکەیدا ئاماژەی بەوەدا کوردستان قەرزداری ئەو خانمە عەبا ڕەشانەیە کە بە شەرەفەوە منداڵ ونەوەی خۆیان گەیاندە ئەم رۆژە و دووپاتیکردەوە هەولێر وەک چۆن لە دوای ساڵی 1983لە باوەشی گرتن هەمیشە ئامادەی هەمان هەڵوێستە بۆ پاراستنی کورد وکوردستان وئەمڕۆش هەولێر شوێنی ئارامیە بۆ هەموو عیراق
پاشان د.حەسەن محەمەد سوورە جێگری سەرۆکی پەرلەمانی کوردستان ستایشی رۆڵی هەولێری کرد بۆ ئەم هەڵوێستە کوردانەیان بە داڵدەدانی کەسوکاری جینۆسایدی بارزان هاوکات دووپاتیکردەوە پەرلەمان درێغی لە بە جیهانی ناساندنی ئەم تاوانە ناکات.
لە بەشێکی تری رێورەسمەکەدا ئارام ئەحمەد وەزیری کاروباری شەهید وئەنفالکراوان بەناوی حکومەتی هەرێمەوە سوپاسی هەموو ئامادەبوانی کرد بۆ بەشداریکردن لە رێوڕەسمەکە و داوایکرد ئەم تاوانە بکرێتە بابەتێکی گرنگی کۆنگرەی نەتەوەیی.
پاشان وتاری کەسوکاری خانەوادەی ئەنفالکراوان و رێکخراوەکانی کۆمەڵگەی مەدەنی بارزان لەلایەن لێهات بارزانی خوێندرایەوە.
لە کۆتایی رێورەسمەکەشدا سەرۆکی هەرێم و پەرلەمان و حکومەت و نوێنەری لایەنە سیاسیەکان و نوێنەرانی وڵاتانی بیانی لە هەرێمی کوردستان تاجە گوڵینەیان لەسەر مەزاری شەهیدانی جینۆسایدی بارزانیان دانا.
شایەنی باسە بەر لە دەستپێکردنی رێوڕەسمەکە نوێنەری وڵاتانی بیانی لە هەرێمی کوردستان بەیاوەری دیندار زێباری یاریدەدەری بەرپرسی فەرمانگەی پەیوەندیەکانی دەرەوەی حکومەتی هەرێمی کوردستان سەردانی مەزاری نەمرانیان کرد ولەلایەن شێخ خەڵات بارزانی نوێنەری سەرۆک بارزانی پێشوازیان لێکرا.
د.ع
pna
15/08/2013
هاوسه‌رۆکى PYD (ئاسیا عه‌بدوڵڵا) رایگه‌یاند که پرۆژه‌که‌ى ئه‌وان سه‌باره‌ت خۆبه‌رێوه‌به‌رى دیموکراتى له رۆژئاواى کوردستان له‌لایه‌ن چه‌ندین که‌س و لایه‌نى سیاسى به‌شێوه‌یه‌کى ئه‌رێنى لێى ده‌روانرێ و ووتى : "ئێمه له‌و خه‌باته‌دا پێمان ناوه‌ته قۆناخى دووه‌مین . "
هاوسه‌رۆکى پارتى یه‌کێتى دیموکراتى PYD له ناوه‌ندى پارته‌که‌ى له‌شارى قامیشلۆ کۆبوونه‌وه‌یه‌کى راگه‌یاندنى ئه‌نجامدا و ده‌رباره‌ى ئه‌و بابه‌ته چه‌ندین زانیارى گرنگى دا ، ئاسیا عه‌بدوڵڵا رایگه‌یاند که ئه‌وان پرۆژه‌که‌یان پێشکه‌شى چه‌ندین لایه‌ن و ده‌زگاکانى مه‌ده‌نى کردووه و به‌شێویه‌کى ئه‌رێنى هه‌ڵسه‌نگێنراوه و له‌وچوارچێوه‌یه‌دا له‌گه‌ڵ پارته‌سیاسیه‌کان ، رێکخستنى ژنان و گه‌نجان ، ده‌زگاکانى کۆمه‌ڵگاى مه‌ده‌نى که پێکهاتوون له نه‌ته‌وه‌ى کورد ، عه‌ره‌ب ، سریانى ، ئاشوورى ، ئه‌رمه‌نى و که‌ساتیه‌سه‌ربه‌خۆکان چاوپێکه‌وتن ئه‌نجام ده‌ده‌ن . ئاسیا عه‌بدوڵڵا ده‌ستنیشانى کرد که له‌و چاوپێکه‌وتنه‌کاندا هه‌موو لایه‌نه‌کان به‌شێوه‌یه‌کى ئه‌رێنى پێشوازیان له پرۆژه کردووه .
هاوسه‌رۆکى PYD جه‌ختى کردووه که دواى ئه‌و چاوپێکه‌وتنانه ئه‌وان پێده‌نێنه قۆناخى دووه‌مینى خه‌باتى خۆبه‌رێوه‌به‌رى کاتى و ووتى :" ئێمه له‌ئێستا به‌دواوه له‌گه‌ڵ هه‌موو ئه‌ولایه‌نانه‌ى به‌شێوه‌یه‌کى ئه‌رێنى نزیکى پرۆژه‌که بوونه‌ته‌وه چاوپێکه‌وتن ئه‌نجام ده‌ده‌ین و له‌سه‌ر خۆبه‌رێوه‌به‌رى کاتى گفتوگۆ ده‌که‌ین ، له‌ئه‌نجامى ئه‌و گفتوگۆیانه‌دا هه‌یکه‌لى کۆتاى پرۆژه‌که ئاماده‌ده‌کرێت ."
پاشان ئه‌ندامى ئه‌نجومه‌نى PYD (به‌شیر ده‌وێش) لێدوانێکى دا و ده‌رباره‌ى کاروخه‌باتى قۆناخى دووه‌مین چه‌ندین زانیارى گرنگى دا و رایگه‌یاند که ئه‌وان پێ ده‌نێنه قۆناخى دووه‌مین و له‌و قۆناخه‌شدا بۆ دانانى یاسا ئه‌نجومه‌نێک داده‌مه‌زرێت که ئه‌و ئه‌نجومه‌نه‌ش به‌رێوه‌به‌ریه‌کى کاتى هه‌رێمى داده‌مه‌زرێنێت .
ده‌روێش ده‌ستنیشانى کرد که ئه‌وان ماوه‌ى (2) ساڵه وه‌ک PYD و ئه‌نجومه‌نى گه‌لى رۆژئاواى کوردستان به‌رێگه‌ى کۆمیته‌سیاسیه‌کان ، پاراستن ، ئابوورى ، کلتوورى و کۆمه‌ڵایه‌تى هه‌وڵده‌ده‌ن به‌رێوه‌به‌ریه‌کى کاتى دروست بکه‌ن که هه‌موو به‌شه‌کانى کۆمه‌ڵگا به‌شێویه‌کى یه‌کسان بگرێته‌وه و هه‌موو ره‌نگ و ده‌نگ له‌ناویدا هه‌بن . ده‌روێش رایگه‌یاند که وه‌ک هه‌ندێک لایه‌ن بانگه‌شه‌ى ئه‌وه ده‌که‌ن که ئه‌و پرۆژه‌یه پارچه‌بووین دروست ده‌کات ، وانیه به‌ڵکو به‌پێچه‌وانه‌وه‌یه و بۆ ده‌وڵه‌ته‌کانى جیران هه‌ره‌شه نیه ، به‌پێچه‌وانه‌وه ئه‌و پرۆژه رێگاله‌به‌رده‌م سوریایه‌کى دیموکرات ده‌کاته‌وه .
ئه‌و پرۆژه‌ى پێشکه‌شى هه‌موو ده‌زگا و لایه‌نه‌سیاسیه‌کان کراوه که بڕیاره گفتوگۆى له‌سه‌ر بکرێت ، هه‌روه‌ها چاوه‌روان ده‌کرێت که هاورابوونێکى گشتى له‌سه‌رى دروست بکرێت به‌و شێوه‌یه‌یه:
1 ــ بۆ دروستکردنى هاوپه‌یمانێکى کۆمه‌ڵایه‌تى شاندێکى ئابوورى داده‌مه‌زرێت . ئه‌و شانده‌ش له‌هه‌موو پارت و لایه‌نه‌کانى ئه‌و پرۆژه‌یه‌یان په‌سه‌ند کردووه ، پێکدێت .
2 ــ هه‌موو لایه‌نێک پێنج ئه‌ندام بۆ شاندى ئابوورى ئاماده ده‌کات .
3 ــ ئه‌و شانده دواى ئه‌وه‌ى پرۆژه‌که په‌سه‌ند کرا ، له‌ماوه‌ى (40) رۆژدا پێویسته به‌رێوه‌به‌ریه‌کى کاتى دامه‌زرێنێت .
4 ــ ئه‌و شانده له‌ژێر چاودێرى ده‌زگا کوردستانى و شاره‌زایانى ناوته‌وه‌ى یاساکانى هه‌ڵبژاردنى دیموکراتى دروست ده‌کات .
5 ــ به‌رێوه‌به‌رى هه‌رێمى کاتى ، بۆ به‌رێوه‌به‌ردنى کاروبارى سیاسى ، ئابوورى ، سه‌ربازى ، کۆمه‌ڵایه‌تى و کلتوورى ده‌زگاى تایبه‌ت به‌و کارانه داده‌مه‌زرێنێت .
6 ــ به‌رپرسیارى هێزى سه‌ربازى و پاراستن ئه‌وه‌یه که رۆژئاواى کوردستان به‌هه‌موو پێکهاته‌کانه‌وه بپارێزێت . ئه‌و ده‌زگایانه‌ش سه‌ربه هیچ پارتێک نین و به‌ڵکو نه‌ته‌وه‌یینه . سه‌ربه به‌رێوه‌به‌رى هه‌رێمین .
7 ــ دواى ئه‌وه‌ى هه‌موو لایه‌نه‌کان پرۆژه‌که‌یان په‌سه‌ند کرد ، له‌ماوه‌ى (6) مانگ دا هه‌ڵبژاردنى دیموکراتى به‌رێوه‌ده‌چن . ئه‌و هه‌ڵبژاردنه بۆ چاودێرانى هه‌موو ده‌زگاکانى ناوته‌وه‌ى کراوه ده‌بن .
8 ــ ئه‌و په‌رله‌مانه‌ى دواى هه‌ڵبژاردنه‌کان داده‌مه‌زرێت نوێنه‌رى هه‌موو پێکهاته‌کانى رۆژئاواى کوردستان ده‌بێت .
9 ــ په‌رله‌مانى رۆژئاواى کوردستان ده‌ستوورێکى بنه‌ره‌تى دیموکراتى ئاماده‌کات که هه‌موو مافه‌کان بپارێزێت برایه‌تى گه‌لان به بنه‌ما وه‌ربگرێت .
14/08/2013
تەلەفزیۆنی میسر رایگەیاند" هێزە ئەمنییەکانی ئەو وڵاتە بۆ کۆتاییهێنان بە مانگرتووانی دانیشتوو لە مەیدانەکانی (رابیعەی عەدەویە) و ( نەهزە) کەوتوونەتە رێ.
بە پێی هەواڵەکان، دەنگی تەقە لە مەدانی نەهزە دەبیسترێ و هێزەکانی سوپا خەریکی لابرنی ئەو دیوارەن، کە خۆپیشاندەران لە مەیدانی رابیعەی عەدەوی دروستیانکردووە.
بە پێی هەواڵی ئاژانسەکان، هێزە ئەمنییەکانی میسر گازی فرمێسکڕێژ بۆ کۆتاییهێنان بە خۆپیشاندانی لایەنگرانی مورسی بەکاردێنن.
هەواڵنێری ئەلمەیادین رایگەیاند" رێبەرانی ئیخوان داوایان لە لایەنگرانی خۆیان کردووە بۆ پشتیوانیکردن لە مورسی، ئەو مەیدانە بەجێنەهێڵن".
هەروەها بە پێی هەواڵی ئاژانسەکان، لە پێکدادانی نێوان هێزە ئەمنییەکان و لایەنگرانی ئیخوان موسلمین لە ئەلفیوم و ئەلمەنسوورە، تاوەکو ئێستا 18 کەس برینداربوون.
هێزە ئەمنییەکانی میسر بە شۆفەڵ خێمە و شوێنی نیشتەجێبوونی خۆپیشاندەران تێکدەدەن و کۆپتەرەکانی سوپای میسر بە ئاسمانی مەیدانی رابیعەی عەدەویە دەسووڕێنەوە.
بە پێی هەواڵی بەپەلەی جەزیرە و لە سەر زاری رۆیتەرز، لە پێکدادانی نێوان لایەنگرانی مورسی و هێزە ئەمنییەکان تاوەکو ئێستا 15 کەس کوژراون و دەیان کەسیش برینداربوون.
سکای نیوز لە هەواڵێکدا رایگەیاند" دەیان شۆفەڵ و سەدان سەربازی سوپای میسر لە شەقامەکانی نزیک لە مەیدانی رابیعەی عەدەویە جێگیرکراون".
بە پێی هەواڵەکان، شۆفەڵەکانی سوپای میسر چوونەتە ناو مەیدانی نەهزە و دەستیانکردووە بە تێکدانی شوێنی نیشتەجێبوونی مانگرتووانی لایەنگری مورسی و ئیخوان موسلمینی میسر.
وەزارەتی ناوخۆی میسر رایگەیاند" ئێمە بە ئەرکی خۆمان بۆ کۆتاییهێنان بە مانگرتنی خۆپیشاندەران لە مەیدانەکانی رابیعەی عەدەویە و نەهزە، هەڵساوین و مۆڵەت بە مانگرتووان دەدەین بە ئاسایشی تەواو ئەو مەیدانانە چۆڵ بکەن".
14/08/2013
گۆران ئازاد، پەرلەمانتاری یەكێتی لەپەرلەمانی كوردستان، بە (رووداو) راگەیاند:"وەكو ئەندامانی یەكێتی لەپەرلەمانی كوردستان، لیژنەیەكمان پێكهێناوە و سەردانی دەروازەی سێماڵكا، سنووری نێوان هەرێمی كوردستان و رۆژئاوای كوردستان دەكەین".
گۆران ئازاد ئەوەشی گوت " مەبەستی سەردانەكەیان بۆ ئەو دەروازەیە بۆ ئەوەیە، ئاخۆ كراوەیە یان داخراوە و دەمانەوێ بەچاوی خۆمان راستییەكان بزانین".
ماوەیەكە هەندێ هێز و لایەنی سیاسی لە هەرێمی كوردستان و PYD لە رۆژئاوای كوردستان داوا دەكەن دەروازی سنووری سێماڵكا بكرێتەوە و پارتی دیموكراتی كوردستان و حكومەتی هەرێمی كوردستانیش دەڵێن "كراوەیە".
لای خۆیەوە شەوكەت بەربوهاری، بەڕێوەبەری خاڵی سنووری نێوان هەرێمی كوردستان و رۆژئاوای كوردستان پێشتر بە (رووداو)ی راگەیاندبوو، كە "خاڵی سنووری سێماڵكا كراوەیە و دانەخراوە، بەڵام ئەو خاڵە تەنیا بۆ كاری مرۆڤایەتی كراوەیە".
بەڵام گوران ئازاد دەڵێت "ئێمە دەچینە هەردوو لای سنوورەكە بۆ ئەوەی هەموو شتێك وەكو خۆی بزانین و ببینین".
rudaw
14/08/2013
هەرچەندە بڕیار وایە هەفتەی داهاتوو قۆناخی چوارەمی پاکێجی دیموکراسی لە تورکیا، لە لایەن سەرۆک وەزیرانی ئەو وڵاتەوە رابگەیەنرێت، بەڵام هەر لە ئێستاوە لایەنە سیاسیەکانی تورکیا دەستیان بە نیشاندانی نارەزاییکردووە.
ئەگەر رێککەوتن لەسەر ئەم پاکێجە بکرێت، لە دەستووری تورکیادا چەندین ماددە دەگۆڕدرێن، لەوانە یاسای سزادان، ئازادی بیروڕا، نوێنەرایەتی پارتە سیاسییەکان لە پەرلەمان و دیاریکردنی رێژەی دەنگ بۆ بەشداریکردن لە هەڵبژاردن.
13/08/2013
ئەندامێکی کۆمیتەی ئامادەکاری کۆنگرەی نەتەوەیی بە دووری نازانێت بە هۆی تەواونەبوونی ئامادەکارییەکانەوە، کۆنگرەی نەتەوەیی دوا بخرێت، بۆ ئەو مەبەستەش پێشنیازی ئەوە کراوە ماوەی دوو هەفتە وادەی کاری لیژنەکان درێژ بکرێتەوە، ئاستەنگی سەرەکیش لەبەردەم بەستنی کۆنگرە لە وادەی خۆیدا بانگهێشتکردنی 600 ئەندامی کۆنگرەیەکەیە.
د. شوکریە رەسوڵ، مامۆستای زانکۆ و ئەندامی کۆمیسیۆنی لیژنەی ئامادەکاری بەشداری بەرنامەی (رووداوی ئەمڕۆ)ی تەلەفزیۆنی (رووداو)ی کرد و سەبارەت بە کارەکانی ئەو لیژنەیەی ئەو تێیدا ئەندامە رایگەیاند "ئێمە لە لیژنەی کولتووری، زمان و هونەر ئەوەندە بە جددی کار دەکەین، بیرمان لە دواخستنی کۆنگرە نەکردۆتەوە، رەنگە لەلایەنی دیکەوە وەها پێشنیازێک خرابێتەڕوو بەڵام ئێمە لەسەر سەرجەم ئەو بوارانەی ناوی لیژنەکەمان هەڵیگرتووە کار دەکەین".
د. شوکریە سەبارەت بە زمانی کوردی ئاماژەی بەوەدا ئەوان بۆیان هەیە "پێشنیاز بکەین بۆ زمانێکی ستانداری کوردی، بەڵام لایەنێکی جێبەجێکار دەبێ ئەمە جێبەجێ بکات، ئەندامانی لیژنە بە دڵسۆزییەوە کار بۆ زمان دەکەن، پرسی ئەلفبا و تیپی کوردیش باسی لێوە کراوە، کە پێویستە لەسەرجەم پارچەکانی کوردستان پەیڕەوی لە یەک شێوازی ئەلفبا بکرێ".
لیژنەی کولتووری، زمان و هونەر لە ٢٤ کەس پێکدێ و تاوەکو ئێستا دوو دانیشتنیان ئەنجام داوە، هەر یەکە لە ئەندامانی ئەو لیژنەیەش پێویستە راپۆرتێک ئامادە بکات "لیژنەکانی کۆنگرەی نەتەوەیی کار لەسەر ئەوە دەکەن، کە بگەنە بڕیارێک، هەر کە گەیشتنە ئەو بڕیارە دەکرێ کاری لەسەر بکەین بۆ جێبەجێکردنی لەسەر ئەرزی واقیع".
د. شوکریە گوتیشی "داواکراوە ئەو کوردانەی لە ئەرمینیا، ئۆزبەکستان، کازاخستان و ئەوروپا دەژین ئەوانیش ببنە ئەندام لە کۆنگرەی نەتەوەیی، ئەمەش وا دەکات ئەم کۆنگرەیە نوێنەرایەتی سەرجەم کورد بکات".
لە وەڵامی پرسیاری یەکێک لە فانەکانی پەجی رووداو لە تۆڕی کۆمەڵایەتی فەیسبووک، کە (ئایا ئەو حزبانەی بەشدارن نوێنەرایەتی سەرجەم خەڵکی کوردستان دەکەن؟) د. شوکریە گوتی "من نازانم ئایا حزب لەدەرەوەی کوردستان دروستبووە؟ ئەم حزبانە لەناو جەرگەی خەڵکی کوردستانەوە هاتوون و هیچ کامیان لە ئەفریقاوە نەهاتوون، بەڵکو زەرورەتێکی مێژووی ئەوانی دروستکردووە".
باسی لە هەڵبژاردنی خۆی کرد وەک ئەندامێکی لیژنەی ئامادەکاری کۆنگرە و گوتی "هیچ حزبێک منی هەڵنەبژاردووە، بەڵکو یەکێک لە ئەندامانی لیژنە پێشنیاری کردووە کە د. شوکریەش ئەندام بێت، ئەمە ئەوە دەردەخات، کە میکانیزمەکە لەرێگەی حزبەوە نەبووە و ئەوانەی، کە حزبیش نین دەکرێ نوێنەریان لەنیو کۆنگرەدا هەبێت و دەنگیان بگات".
13/08/2013
ئەنوەر حوسێن پەناهی، گیراوی سیاسیی کورد پاش نزیک بە ٦ ساڵ زیندان، ئازاد کرا.
"ئەمجەد حوسێن پەناهی"، برای ئەو گیراوە سیاسییە لە لێدوانێکی کورتدا، هەواڵەکەی بۆ ناوەندی نووچە و شرۆڤەی رۆژ پشتڕاست کردەوە و گوتی کە ئەنوەر حوسێن پەناهی، ئەمڕۆ دووشەممە[٢١ی گەلاوێژ]، بە سپاردنی بارمتەی ماڵی، لە گرتووخانەی ناوەندیی سنە ئازاد کراوە.
"ئەنوەر حوسێن پەناهی"، لە پاییزی ۱۳۸۶ی هەتاویدا قۆڵبەست کرا و پاش لێکۆڵینەوەیەکی چەند مانگە و زەخت و گووشاری ئیتلاعات، بە تۆمەتی هەوڵدان دژ بە ئاسایشی نیشتمانیی ئێران و شەڕ لەگەڵ خوا، سزای ئیعدامی بەسەردا سەپا.
بەدواداچوونی بنەماڵە و پارێزەرانی ئەو گیراوە کوردە و دژکردەوەی هەمەلایەنەی ناوەندەکانی پارێزڤانی مافی مرۆڤ بەرانبەر بەو حوکمە قورسە، دادگای پێداچوونەوەی سنەی گەیاندە ئەو قەناعەتە کە ئێعدامەکە هەڵبوەشێنێتەوە و سزاکەی بۆ ٦ ساڵ زیندان کەم بکاتەوە.
ئەنوەر حوسێن پەناهی، لە ماوەی نزیک بە ٦ ساڵی رابردوودا، لە ژێر زەخت و گووشاری قورس دابووە و رەوشی نالەباری زیندان، تووشی کۆمەڵێک نەخۆشی کردبوو بەڵام لەو ماوەیەدا، تەنیا دوو جار[هاوینی ساڵی رابردوو وبەهاری ئەمساڵ]، بە دانانی بارمتەی قورسی ماڵی، بۆ چارەسەرکردنی نەخۆشییەکانی، مەرەخەستیی چەند رۆژەی پێدرابوو.
nnsroj
12/08/2013
بڕیارە ئەمڕۆ لە گۆڕستانی شەهیدانی ئەنفالی بارزان رێوڕەسمی 30ـەمین ساڵیادی جینۆسایدکردنی بارزانیان کە وەزارەتی کاروباری شەهیدان و ئەنفالکراوان بە هاوکاری سەرۆکی یەکەی ئیداری و رێکخراوەکانی کۆمەڵگەی مەدەنی لە دەڤەری بارزان ئەنجامی دەدات بە ئامادەبوونی بەرپرسانی باڵای حکومی و ئیداری و حزبی و میوانی بیانی بە ڕێوەبچێت.
بەرەڤان حەمدی بەڕێوەبەری گشتی وەزارەت و سەرۆکی لیژنەی ئامادەکاری ساڵیادەکە راگەیاند " ئامانجی سەرەکی ساغکردنەوەی ئەم یادە هەڵدانەوەی لاپەڕەیەکی دیکەی ڕەشی تاوانکاری رژێمی بەعسی لە ناوچووە کە لە 1983/7/31 لەدژی خەڵکی بێتاوانی بارزان لە کۆمەڵگەکانی بەحرکە و قوشتەپە و هەریر بە ئەنفالکردنی 8000 مێردمنداڵ و پیاو و پیر ئەنجامیدا بە بردنیان بۆ بیابانەکانی باشووری عیراق و زیندە بەچاڵکردنیان".
دووپاتیشیکردەوە ئەم یادکردنەوەیە دەبێتە پەیامێک بۆ هەموو جیهان بەوەی ئەو تاوانەی لە دژی ئەم گەلە ئەنجامدرا تەنها بۆ ئەوە بوو ئەم خەڵکە کوردن و ناوچەی بارزانیش هەمیشە ناوچەی شۆڕش و بەرخودان بووە و گەلی کوردیش هیچ کاتێک ئەم تاوانە لەیاد ناکات.
د.ع
pna
14/08/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
