به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
ساڵح موسلیم بە گومانەوە دەڕوانێتە ئەو دەنگۆیانەی باس لە بەكارهێنانی چەكی كیمیایی لەلایەن ئەسەدەوە دەكەن و پێیوایە "بانگەشەی ئۆپۆزیسیۆنە بۆئەوەی كاردانەوەی نێودەوڵەتی دژی ئەسەد درووست بێت".
ساڵح موسلیم، هاوسەرۆكی پارتی یەكێتی دیموكراتی PYD لەبارەی دەنگۆی بەكارهێنانی چەكی كیمیاییەوە لەلایەن رژێمی سووریاوە بە ئاژانسی رۆیتەرزی راگەیاندووە، "ئەسەد گێل نییە تاوەكو چەكی كیمیایی لە نزیك دیمەشق بەكاربهێنێت".
ساڵح موسلیم بە "گومانە" لەبارەی بەكارهێنانی چەكی كیمیایی لەلایەن رژێمەكەی ئەسەد، چونكە پێیوایە "ئەسەد لە شەڕی ناوخۆ سەركەوتووە".
چوارشەممەی رابردوو 21-8-2013 لە ئاكامی هێرشێكی مووشەكی هێزەكانی ئەسەد دا بەپێی سەرچاوەكانی هەواڵ 500-1500 كەس كوژراون، كە زۆربەیان ژن و منداڵ بوون، ئۆپۆزیسیۆنی ئەو وڵاتەش رایگەیاند كە هێرشەكە چەكی كیمیایی بووە. ئێستاش تیمێكی سەر بە نەتەوەیەكگرتووەكان سەرقاڵی لێكۆڵینەوەن لەو رووداوە.
لەو بارەیەوە هاوسەرۆكی PYD دەڵێ: "ئەو هێرشەی چوارشەممەی رابردوو، كە ئۆپۆزیسیۆن دەڵێ رژێم كردوویەتییە سەر هاووڵاتیان، بۆ ئەوەیە تاوەكو بە كۆمەڵگەی نیودەوڵەتی بڵێن ئەسەد چەكی كیمیایی بەكاردەهێنێت، بۆ ئەوەی كاردانەوەی نێودەوڵەتی دژی رژێمی ئەسەد دروست ببێت".
ساڵح موسلیم لەو باوەڕەدایە رژێم چەكی كیمیایی هەیە، "بەڵام لۆژیك نییە لە دیمەشق و لە دووری 5 كیلۆمەتر لە لێكۆڵەرەوانی نەتەوەیەكگرتووەكان ئەو چەكە بەكاربهێنێت".
رژێمی سووریا و ئۆپۆزیسیۆنی ئەو وڵاتە یەكدی تۆمەتبار دەكەن لەسەر بەكارهێنانی چەكی كیمیایی و رووداوەكەی ٢١ی ئەم مانگە دەخەنە ئەستۆی یەكتر، ئەمە لەكاتێكدایە كە تیمی لێكۆڵینەوەی سەر بە نەتەوە یەكگرتووەكان پێیانوایە هاوكارینەكردنی رژێمەكەی ئەسەد بۆ پشكنین و لێكۆڵینەوە ئەوە نیشان دەدات كە ئەو رژێمە شتێك دەشارێتەوە.
rudaw
27/08/2013
ویلایه‌ته یه‌كگرتووه‌كانی ئه‌مه‌ریكا، ئه‌و كۆبوونه‌وه‌یه‌ی هه‌ڵوه‌شانده‌وه كه هه‌فته‌ی رابردوو بڕیاری له‌سه‌ر درابوو له‌م هه‌فته‌یه‌دا وه‌فدێكی ئه‌مه‌ریكا و رووسیا، سه‌باره‌ت به به‌ڕێوه‌بردنی كۆنفرانسی جنێڤ بۆ سووریا، دیدار بكه‌ن.
به‌پێی راپۆرتێكی رۆیته‌رز، كۆشكی سپی له بڕیارێكدا رایگه‌یاندووه به‌هۆی به‌كارهێنانی چه‌كی كیمیایی له‌لایه‌ن رژێمی سووریا و پشتیوانیی رووسیا له به‌شار ئه‌سه‌د، كۆبوونه‌وه‌ی نێوان وه‌فده‌كانیان، له‌م هه‌فته‌یه‌دا به‌ڕێوه ناچێت.
میدیاكانی ئه‌مه‌ریكا ده‌ڵێن كیمیاباران كردنی ناوچه‌كانی نزیك دیمه‌شق له رۆژی چوارشه‌ممه‌ی رابردوو، جارێكی دیكه ناكۆكییه‌كانی ئه‌مه‌ریكا و رووسیای سه‌باره‌ت به سووریا، په‌ره پێداوه‌ته‌وه.
هه‌فته‌ی رابردوو و 2 رۆژ پێش روودانی كیمیابارانه‌كه، ئه‌مه‌ریكا رایگه‌یاندبوو وه‌فدێكی به‌رپرسانی وڵاته‌كه‌ی له‌گه‌ڵ وه‌فدێكی رووسیا، سه‌باره‌ت به كۆنفرانسی دووه‌می جنێڤ له‌سه‌ر پرسی سووریا، له‌م هه‌فته‌یه‌دا كۆده‌بنه‌وه.
ئا. ر
pna
27/08/2013
گۆڤاری فۆرن پۆلیسی ئەمریكی چەند بەڵگەنامەیەكی تایبەت بە وەزارەتی هەواڵگری ئەمریكی دەستكەوتووە، كە ئاماژە بەوە دەكات واشنتن یارمەتی سەدام حوسێن، سەرۆكی پێشوی عێراقی داوە بۆ ئەوەی هێرشی كیمیایی بكاتە سەر هێزەكانی ئێران.
گۆڤارەکە روونیكردووەوە، ئەو بەڵگەنامە و چاوپێكەتنە نهێنیانەی CIA دەریدەخەن وڵاتە یەكگرتووەكان بەڵگەی یەكلاكەرەوەیان هەبوو لەسەر ئەو هێرشە كیمیاییانەی، كە عێراق لە ساڵی 1983 كردوویەتییە سەر ئێران.
بەڵگەكان ئەوە دەردەخەن، كە ئەمریكا زانیاری تەواوی هەبووە لەسەر كات و چۆنیەتی بەكارهێنانی چەكی كیمیای لەلایەن عێراقەوە و لێپرسراوەكانی CIA و لەنێوانیشیاندا بەرێوەبەر ئاژانسەكە ویلیام كایسی ئاگادار كراونەتەوە دەربارەی شوێنی كارگە كیمیاییەكان و دەربارەی ئەوەی عێراق هەوڵدەدات ئەوەندە گازی خەردەل بەدەستبهێنێ، كە بەشی پێویستیی هێزەكانی بكات.
هەروەها بەڵگەنامەکان دەریانخستووە، کە عێراق بەنیاز بووە ئامێرێك لە ئیتاڵیا بكرێت بۆ ئەوەی بەرهەمهێنانی بۆمبی كیمیایی خێراتر بكات و رەنگە عێراق چەكە كیمیاییەكە لە دژی ئێران بەكاربهێنێ و رێشی تێدەچێ لە دژی مەدەنیەكانیش بەكاری بهێنێ.
26/08/2013
وەزیری دەرەوەی رووسیا هۆشداریی دەداتە ئەمریكا، كە دەستتێوەردانی سەربازی دەبێتە "مەترسییەكی گەورە" لەسەر هەموو رۆژهەڵاتی ناوەڕاست.
بەپێی راگەیەنراوێک، كە لە ماڵپەڕی وەزارەتی دەرەوەی رووسیا بڵاوكراوەتەوە ئاماژە بە گفتوگۆی تەلەفۆنی نێوان سێرگی لاڤرۆڤ، وەزیری دەرەوەی رووسیا و جۆن كیری، وەزیری دەرەوەی ئەمریكا كراوە و ئاماژە بە گوتەی لاڤرۆڤ كراوە، كە گوتوویەتی "هێرشی سەربازی بۆ سەر سووریا مەترسییەكی گەورە دەبێت بۆ سەر هەموو رۆژهەڵاتی ناوەڕاست و باكووری ئەفریقا".
هاوكات لە بەیاننامەكەی وەزارەتی دەرەوەی رووسیا ئاماژە بە رەوشی عێراق و لیبیا كراوە و هاتووە "هێرشی سەربازی بۆ سەر سووریا وادەكات سووریا-ش هاوشێوەی عێراق و لیبیا بكەوێتە نێو ناسەقامگیری سیاسی و ئەمنییەوە".
لاڤرۆڤ لە بەیاننامەكەدا داوا لە ئەمریكا دەكات واز لە سیاسەتی بێزاركردن بهێنێت، هاوكات ئاماژە بەوە دەدات پێویستە ئەو تیمەی لە سووریا لێكۆڵینەوە لە رووداوەكە دەكەن گرنگە رەچاوی هەندێك مەرج بكەن.
رۆژی 7/5/2013 جۆن كیری، وەزیری دەرەوەی ئەمریكا لەگەڵ هەریەكە لە سێرگی لاڤرۆڤ، وەزیری دەرەوەی رووسیا و ڤلادیمێر پوتین، سەرۆكی رووسیا كۆبووەوە، ئامانج لەو كۆبوونەوەیەش بڕیاردان بوو لەسەر داهاتووی شەڕی دوو ساڵەی نێوخۆیی سووریا، بەبێ ئەوەی شوێنی كۆنفرانسەكە دیاری بكەن، بڕیاردرا لە سەرەتای مانگی حوزەیران كۆنفرانسێك بۆ هێنانە ئارای ئاشتی لەو وڵاتە ساز بكرێت، بەڵام تاوەكو ئێستا دوای تێپەڕینی 2 مانگ بەسەر وادەی دیاریكراو، كۆنگرەكە ئەنجام نەدراوە.
AA
26/08/2013
ناكۆكی و قەیرانەكانی ناوچەی رۆژهەڵاتی ناوەڕاست كۆمپانیاكانی نەوت ناچار دەكات بەدوای پێگەو ناوچەی نوێدا بگەڕێن بۆ كاری وەبەرهێنان.
بەگوێرەی راپۆرتێكی رۆیتەرز كۆمپانیا نەوتییەكان هەریەكە لە وڵاتانی مەغریب، ماڵتا و ئیسپانیایان بە باشترین ناوچە لەرووی سەقامگیری‌و ئارامی وەبەرهێنان دەستنیشان كردووە.
هاتنە پێشەوەی ئەو ناوچانە بۆ نزیكبوونەوەی یەدەگی ناسراو بازاڕی گەورە دەرەخسێنن كە مەرجی دڵخۆشكەرن بۆ پرۆسەی گەڕان بێ ئەوەی رووبەڕووی مەترسی بەرهەمهێنان ببنەوە وەك ئەوەی لەسوریا، میسرو لیبیا روویانداوە.
رباتی پایتەختی مەغریب كۆمەڵێك بەڵێنی گرنگی بەو كۆمپانیانە داوە كە بیانگەیەنێتە ناوچە دەو‌ڵەمەندەكانی وزە، بەتایبەت لەرۆژئاوای ئەفریقا.
ماڵتا هیواخوازە ئەو پێگە جوگرافییەیی كە هاوشێوەی تونس‌و لیبیا هەیەتی بەهەمان شێوەش سوودی ووزەی تێدا بدی بكرێت.
لەكەنارەكانی ئیسپانیا كۆمپانیای كیرن ئێنەرجی پێی وایە " هەمان شێوەی جیولۆجی دەریایی ئیسرائیلی هەیە، كەدوو كێڵگەی گەورەی گازی دەریایی لەخۆدەگرێت".
تۆنی هایوارد، سەرۆكی جێبەجێكاری كۆمپانیای گەنەڵ ئێنەرجی‌و سەرۆكی پێشووی بی پی بریتانی رایدەگەیەنێت " پێویست دەكات یان بەرەو سنووری تەكنیكی یان سنوری سیاسی هەنگاو بنێن".
هایوارد دەڵێت" بەپێچەوانەوە لەمەغریب‌و ماڵتا رووبەڕووی مەترسی هونەری دەبینەوە بەپێچەوانەی ئەوەی مەترسی سیاسی هەبێت".
هاتنی كۆمپانیا زلهێزەكانی نەوت وەك " شیڤرۆن" كە بە‌دووەم گەورە كۆمپانیای نەوتی ئەمەریكا دادەنرێت‌و بەهای بازاڕیشی دەگاتە 231 ملیار دۆلارو كۆمپانیای فاستنتی بۆرسەی لەندەنی لاوەكی كە بەهای بازاڕی دەگاتە 80 ملیۆن دۆلار لەماوەی 18مانگی رابردوو گەیشتونەتە مەغریب‌و كاری وەبەرهێنان‌و گەڕان ئەنجامدەدەن.
جەڵف ساندەرز پترۆلیۆم، كەرۆژانە هەزار بەرمیل نەوتی پاڵاوتوو لەسووریا بەرهەمدەهێنا لەساڵی 2011 ەوە پرۆسەكانی راگرتووەو 90%ی بەرهەمێنانی زیانی پێكەوتووە. كۆمپانیاكە هۆكاری زیانەكان بۆ سزاكان‌و شەڕی نێوخۆی ئەو وڵاتە دەگەڕێنێتەوە.
ساندەرز پترۆڵیۆم ئاشكراشی كردووە كەچالاكییەكانی بۆ مەغریب بردووەو وەك خۆی باسی دەكات بەدوای سەقامگیری سیاسی گەڕاوە و لە مەغریب دۆزیویەتییەوە.
كین گادج، بەڕێوەبەری بازرگانی ئەو كۆمپانیایە روونیكردۆتەوە كە " ئەو وڵاتە كۆمەڵێك مەرجی جوان‌و گرنگی پێشكەش بەكۆمپانیاكان كردووە".
هەرچەندە مەغریب ساڵی 2011 نزیك بوویەوە لەسەرهەڵدانی خۆپێشاندانەكانی هاوشێوەی تونس، میسر، لیبیاو سوریا، بەڵام حكومەتی ئەو وڵاتە لەرێگەی چاكسازی دەستووری‌و خەرجی كۆمەلایەتی‌و رێكاری ئەمنی ئەو پرۆسەیەی كۆنترۆڵ كرد.
جەنەل بەنیازە لەچارەگی یەكەمی ساڵی داهاتوودا دەست بكات بەپرۆسەی گەڕان لەو وڵاتەدا. كیرنی بریتانیش لە ئەیلولی داهاتوودا لەمەغریب دەست بەكار دەبێت و لە ئیسپانیاش بەنیازە لەساڵی 2015 كاری وەبەرهێنان ئەنجامبدات.
26/08/2013
- توێژینەوەیەكی بەریتانیایی ئاشكرای كردووە، بەریتانییەكان كێشەیەكی گەورەیان لە پاكوخاوێنی و شوشتنی دەستدا هەیە و بەپێی ئەو توێژینەوەیە، هەر مۆبایلێك لە شەش مۆبایل نەخۆشی بكوژ دەگوازێتەوە.
پرۆفیسۆر فال كیرتیس لە زانكۆی لەندەن لە توێژینەوەكەدا دەڵێ: ئەمە بەڵگەیەكی ترە لەسەر ئەوەی كە هێشتا خەڵك بە تایبەت دوای هاتنە دەرەوە لە ئاودەست، دەستیان باش ناشۆن.
توێژەران گوتیان لە 12 شاری بەریتانیا چاودێری 390 مۆبایل و دەستی بەكاربەرانیان كردووە و دواتر نموونەی سەر مۆبایلەكانیان لە تاقیگەدا پشكنیوە.
توێژینەوەكە ئاشكرای كردووە، دانیشتووانی لەندەنی پایتەخت رێژەیەكی زۆریان لەبەردەم مەترسی تووشبوون بە نەخۆشی ئایكۆلایدان كە لە بەرازەوە دەگوازرێتەوە و رێژەكە دەگاتە 28 لەسەد.
ئەم نەخۆشییە دەبێتە هۆی تێكچوونی گەدە و ئەگەر زۆر قورس بێت، نەخۆشەكە دەكوژێت.
هەرچەندە 95 لە سەدی ئەو كەسانەی پشكنینیان بۆ كراوە، دەڵێن دوای چوونە ئاودەست دەستیان بە سابوون دەشۆنەوە، بەڵام دەركەوتووە 92 لە سەدی مۆبایلەكان و 82 لە سەدی دەستی كەسەكان هەڵگری بەكتریایەیە.
هەروەها دەركەوتووە 16 لە سەدی مۆبایلەكان و دەستەكان بەكتریای ئایكۆلایان هەڵگرتوە.
سەرچاوە: سی ئێن ئێن
ئا: زانیار نوری
26/08/2013
ئەو گەشتیارانەی لە هەرێمی كوردستانەوە سەردانی ئێران دەكەن, بۆ ماوەی زیاتر لە دوو كاتژمێر لە سنووری تەمەرچینی ئێران لە چاوەروانی تەواو بوونی مامەڵەكانیاندا دەمێنەوە.
وەك گەشتیاران دەیخەنە روو، لە گەڵ زۆری رێژەی گەشتیاران لە سنووری حاجی ئۆمەران- تەمەرچین، بەڵام تەنها یەك دوو كارمەند لەو دیوی ئێران رۆژانە مامەڵەی گەشتیاران رایی دەكەن و بە هۆشیەوە ئەو گەشتیارانەی لە هەرێمی كوردستانەوە سەردانی ئێران دەكەن، بۆ ماوەی زیاتر لە دوو كاتژمێر بە بێ بوونی هۆڵی پێشوازی و شوێنی پشوودان رادەگیرێن.
مەسعود باتێلی سەرپەرشتیاری كۆمەڵگای نێودەوڵەتی گومرکی حاجی ئۆمەران بە ئاژانسی هەواڵی پەیامنێری راگەیاند: لە پاسپۆرتی حاجی ئۆمەران بە شێوەی 24 كاتژمێری كار بە سستەمی نێو دەوڵەتی دەكرێت و بە شێوەیەكی ستاندارد ئیش و كاری گەشتیاران رایی دەكرێت و هیچ گەشتیارێك بۆ چەند ساتێكیش دوا ناكەوێت، ئەو دیو سنووری تەمەرچینیش پەیوەندی بە گومرگی ئێرانەوە هەیە و ئێمە لێی بەرپرس نین.
عەبدولواحید گوانی قائیمقامی چۆمان، بە ئاژانسی هەواڵی پەیامنێری گوت: بۆ چەندین جار لە كۆبوونەوەی مانگانەی نێوان قائیمقامیەتی چۆمان و پیرانشاردا ئەو پرسە بە لایەنە پەیوەندیدارەكانی ئێران گوتراوە، بەڵام تائێستا ئەوان بە یەك دوو كارمەند كاری ئەو رێژە زۆرەی گەشتیاران رایی دەكەن و بەهۆشیەوە گەشتیاران زۆر لە چاوەروانیدا دەمێننەوە.
بەختیار چۆمانی/م.ش
pna
26/08/2013
سەرۆكی ویلایەتە یەكگرتووەكانی ئەمریكا و سەرۆك وەزیرانی بەریتانیا لە رێی پەیوەندیی تەلەفۆنییەوە گفتوگۆیان لەمەڕ رووداوەكانی سووریا و ئەگەری هێرشكردنە سەر ئەو وڵاتە كردووە.
بەپێی هەواڵێكی فرانس پرێس هەریەك لە باراك ئۆباما و دەیڤید كامیرۆن گفتوگۆیان لەبارەی بڕیاردان لەسەر وەڵامێكی گونجاوی ئەنجوومەنی نێونەتەوەیی كردووە سەبارەت بە بەكارهێنانی چەكی كیمیایی لەلایەن رژێمی سووریاوە.
گفتوگۆكەی ئۆباما و كامیرۆن راستەوخۆ دوای كۆبوونەوەكەی ئەنجوومەنی ئاسایشی نەتەوەیی ئەمریكا دێت بۆ تاو‌وتوێكردنی راپۆرتەكانی لەمەڕ رووداوەكەی چوارشەممە21/8/2013 ی رابردوو لە سووریا.
بەپێی لێدوانی گوتەبێژی كۆشكی سپی، ئۆباما درێژەی ئەو زانییاریانەی بەدەست گەیشتووە كە پێشتر لەلایەن هەریەكە لە ویلایەتە یەكگرتووەكانی ئەمریكا و ئەنجوومەنی نێونەتەوەییەوە داواكراوە لەپێناو گەیشتن بە بڕیارێك سەبارەت بە رژێمەكەی ئەسەد.
كۆبوونەوەكانی ئاسایشی نەتەوەیی ئەمریكی و گفتوگۆكانی ئەمریكا و بەریتانیا پێكەوە، دوای ئەوە دێن كە دوێنێ جاك هیگڵ، وەزیری بەرگری ئەمریكا كۆمەڵە بژاردەیەكی سەبارەت بە لێدانی سووریا خستە بەردەم ئۆباما، هەروەها هێزەكانی ئەمریكای ئامادە كردووە بۆ هەر بڕیارێك كە لەو بارەیەوە بدرێت.
هەرچەندە ئۆباما پێشتریش هۆشداریی لەمەڕ كەوتنە نێو ململانێیەكی دیكە داوە لە رۆژهەڵاتی ناوەڕاستدا، بەڵام بەهۆی بەردەوامیی راپۆرتەكان لەسەر سووریا و پێداگرییەكانی وەزارەتی بەرگری وڵاتەكەی بۆ لێدانی ئەسەد، لەژێر فشارێكی زۆردایە.
بی بی نیوز ئاشكرای كردووە كە هەریەكە لە كامیرۆن و ئۆباما رەزامەندن لەسەر وەڵامدانەوەیەكی تووندی ئاسایشی نێونەتەوەیی لەبەرامبەر سووریا لەكاتی دڵنیابوون لە بەكارهێنانی چەكی كیمیایی لەلایەن ئەو رژێمەكەی ئەسەدەوە.
رژێمی سووریا و ئۆپۆزیسیۆنی ئەو وڵاتە یەكدی تۆمەتبار دەكەن لەسەر بەكارهێنانی چەكی كیمیایی و رووداوەكەی ٢١ی ئەم مانگە دەخەنە ئەستۆی یەكتر، ئەمە لەكاتێكدایە كە تیمی لێكۆڵینەوەی سەر بە نەتەوە یەكگرتووەكان پێیانوایە هاوكارینەكردنی رژێمەكەی ئەسەد بۆ پشكنین و لێكۆڵینەوە ئەوە نیشان دەدات كە ئەو رژێمە شتێك دەشارێتەوە.
25/08/2013
لەبەردەوامی سەردانییەکانی خەڵک و چین و توێژە جیاکانی کوردستان و وەفدی بیانی و میوانەکانی دەرەوەی وڵات بۆ سەردانی مەزاری نەمران سەرلەبەیاینی ئەمرۆ ئالان گیبرات کۆنسوڵی گشتی فەرەنسا و گامیلۆ فیکارۆ کونسوڵی ئیتالیا لە هەرێمی کوردستان بە هاوڕێیەتی سەیوان بارزانی کونسلی عێراق لە ئیتالیا و بە و سیروان بارزانی ئەندامی ئەنجوومەنی سەرکردایەتی پارتی دیموکراتی کوردستان سەردانی مەزاری نەمرانیان لە بارزان کرد.
شاندەکە لەلایەن خه‌ڵات بارزانی نوێنه‌ری سه‌رۆک بارزانییه‌وه پێشوازییان لێ کرا، دوای دانانی تاجه گوڵینه له‌سه‌ر گڵکۆی نه‌مران، به جیا هه‌ر یه‌ک له کونسوڵی فه‌ره‌نسا و ئیتاڵیا له په‌یڤێکدا ئاماژه‌یان به که‌سایه‌تی مه‌زنی بارزانی نه‌مر له بواری شۆڕشگێڕی و خۆنه‌ویستی له خزمه‌ت دۆزی ره‌وای گه‌له‌که‌یدا کرد وله پێناوی به‌دیهێنانی ئامانجه ره‌واکانی گه‌لی کورد، دواتر شاندی میوان گۆڕستانی ئه‌نفالکراوه‌کانیان به‌سه‌ر کرده‌وه.
د.ع
pna
25/08/2013
گه‌نجێكی كورد دەڵێت، پاش هەوڵ و گەڕانێکی زۆر توانیویەتی له وڵاتانی عه‌ره‌بی، 16 له‌و ئافره‌تانه بدۆزێته‌وه كه ساڵانێکی زۆرە بێسه‌روشوێن.
دوابه‌دوای بڵاوبوونه‌وه‌ی هه‌واڵی ونبوونی 18 ئافره‌تی كورد له وڵاتی میسر، حكوومه‌تی هه‌رێمی كوردستان ده‌ستبه‌جێ ده‌ستی به پێكهێنانی لێژنه‌یه‌كی تایبه‌ت بۆ لێكۆڵینه‌وه له چۆنیه‌تیی ونبوونی ئه‌و 18 ئافره‌ته كرد، گه‌نجێكی كورد راگه‌یاندووە 16 ئافره‌تی له كۆی ئه‌و 18 ئافره‌ته دۆزیوه‌ته‌وه.
به‌ره‌به‌یانی ئه‌مڕۆ شه‌ممه له په‌یوه‌ندییه‌كی ته‌له‌فۆنیدا گه‌نجێكی كورد بۆ (باسنیوز) رایگه‌یاندووە "دوای ئه‌وه‌ی هه‌وڵێكی زۆرم دا بۆ هاوكاریكردنی حكومه‌تی هه‌رێمی كوردستان له دۆزینه‌وه و لێكۆڵینه‌وه له دۆسیه‌ی ئه‌و ئافره‌ته ونبووانه، بۆ دواجار توانیم له وڵاتانی عه‌ره‌بی 16 له‌و ئافره‌تانه بدۆزمه‌وه كه ماوه‌ی 20 ساڵه بێسه‌ر و شوێنن، ئه‌مه‌ش بۆ دوو شت ده‌گه‌ڕێنمه‌وه كه یه‌كه‌میان ئه‌وه‌یه خۆم كوردم و دووه‌میان وه‌ك هاوكاریكردنێكی حكومه‌ت هه‌ڵساوم به گه‌ڕان به‌دوای ئه‌و ئافره‌تانه‌وه."
هه‌روه‌ها گوتی "بۆ ئه‌و مه‌به‌سته پاره‌یه‌كی زۆرم خه‌رج كردووه تا توانیومه بگه‌م به‌وه‌ی ئه‌و ئافره‌تانه بدۆزمه‌وه و ئێسته‌ش ناوی 16 له‌و ئافره‌تانه‌م به لیست له‌كنه و ئه‌وانیش بۆ گه‌ڕانه‌وه‌یان بۆ كوردستان پێویستیان به‌هاوكاری هه‌یه."
24/08/2013
سەلاحەدین دەمیرتاش هاوسەرۆکی پارتی ئاشتی و دیموکراسی دووپاتی کردەوە کە ناکۆکییەکانی نێوان ئاکەپە و جەماعەتی فەتحوڵلا گولەن دەبنە هۆکاری تێک دانی قۆناخی چارەسەری پرسی کورد.
لە لێدوانێکدا بۆ ماڵپەڕی زاپ خەبەر سەلاحەدین دەمیرتاش هاوسەرۆکی پارتی ئاشتی و دیموکراسی رایگەیاند" حکوومەتی ئاکەپە پێویستە زۆر بە هۆشیارییەوە مامەڵە لەگەڵ قۆناخی چارەسەری پرسی کورد بکات و رێگە نەدات کە ئەم قۆناخە ببێتە قوربانی ناکۆکییەکانی نێوان ئاکەپە و جەماعەتی فەتحوڵلا گولەن.
دەمیرتاش وەڵامی رەخنەکانی ئەردوغانی سەبارەت بە پرۆسەی کێشانەوەی هێزە چەکدارەکانی پەکەکەیشی داوەتەوە و جەختی کردۆتە سەرئەوەی کە " پێشتر لە کاتی گفتووگۆکاندا هیچ جۆرە مەرجێک بۆ کێشانەوەی هەر هەمووی هێزە چەکدارەکانی پەکەکە لە نێوان ئوجەلان و حکوومەتدا دەستنیشان نەکراوە بۆیە وتەکانی ئەردوغان سەبارەت بەم پرۆسەیە نیشانەی لاواز بوونی ئیرادەی حکوومەت بۆ هەنگاو نان بۆ بەرەو پێشەوە بردنی قۆناخی چارەسەرییە".
د.ع
pna
24/08/2013
ڕۆژی یەکشەممە ١٨ـی ٨ـی ٢٠١٣ مەسعود بارزانی سەرۆکی ھەرێمی کوردستان لە نامەیەکدا بۆ سەرۆکایەتیی ئەنجوومەنی وەزیرانی ھەرێمی کوردستان پێشنیاری کردووە کە لە پێناو یارمەتیدانی زیاتری ئاوارەکانی ڕۆژئاوای کوردستان ٢٠%ـی بوودجەی یەک مانگی ھەر سێ سەرۆکایەتی و لایەنە سیاسییەکان و دامودەزگاکانی حکوومەتی ھەرێمی کوردستان بە مەبەستی یارمەتیدان و ھاوکاریکردنی ئاوارەکانی ڕۆژئاوا کە نیشتەجێی ھەرێمی کوردستانن تەرخان بکرێت.
ئەمەی خوارەوەش دەقی نامەکەی سەرۆک بارزانییە:
بۆ/ سەرۆکایەتیی ئەنجوومەنی وەزیرانی ھەرێمی کوردستان.. بەڕێز
سڵاوێکی گەرم..
یارمەتیدانی ئەو خوشک و برایانەی لە ڕۆژئاوا ھاتوونە و پەنایان بۆ ھەرێمی کوردستان ھێناوە ئەرکێکی نەتەوەیی و مرۆڤدۆستانەیە. لەپێناو یارمەتیدانی باشتر بۆ ئەو ئازیزانە پێشنیار دەکەم بە ڕێژەی ٢٠%ـی میزانەی یەک مانگی ھەموو حزبەکان و ھەر سێ سەرۆکایەتییەکەی ھەرێمی کوردستان و تێکڕای دامودەستگە کارگێڕییەکانی حکوومەتی ھەرێمی کوردستان بۆ ھاوکاری و یارمەتیدانی خوشک و برا پەنابەرەکانی کوردی ڕۆژئاوا تەرخان بکرێت.
مسعود بارزانی
سەرۆکی ھەرێمی کوردستان
١٨ـی ٨ـی ٢٠١٣
نێچیرڤان بارزانی، سەرۆكی حكومەتی هەرێمی كوردستان بڕیاری دا بە بەخشینی 25 ملیۆن دۆلار وەك یارمەتی بۆ كۆمەك و هاوكاریكردنی ئەو ئاوارانەی لە رۆژئاوای كوردستانەوە پەنایان بۆ هەرێمی كوردستان هێناوە.
سەفین دزەیی، گوتەبێژی حكومەتی هەرێمی كوردستان رایگەیاند "لە روانگەی خەمخۆری و پابەندبوون بە ئەركی نیشتمانی و نەتەوەیی بۆ یارمەتیدانی ئەو خێزانانەی بەهۆی توندوتیژییەكانی سووریا ئاوارەی هەرێمی كوردستان بوون، سەرۆك وەزیران بڕی 25 ملیۆن دۆلاری تەرخانكرد بۆ یارمەتیدانی ئەو ئاوارانە".
سەفین دزەیی گوتیشی"تەواوی ئەم بڕە پارەیە تەرخاندەكرێت بۆ یارمەتییە سەرەتاییەكان و باشتركردنی رەوشی نالەباری ئاوارەكانی سووریا لە هەرێمی كوردستان و دابینكردنی پێداویستی تەندروستی و خۆراك".
گوتەبێژی فەرمی حكومەتی هەرێمی كوردستان داوای یارمەتی لە كۆمەڵگەی نێودەوڵەتی دەكات و رایگەیاند"حكومەتی هەرێمی كوردستان دووپاتیدەكاتەوە، كە پێویستە كۆمەڵگەی نێودەوڵەتی بە جدیی ئاوڕ لە پەنابەرانی نیشتەجێی هەرێمی كوردستان بداتەوەو لە یارمەتییە مرۆییەكان بێبەشیان نەكات.
سەفین دزەیی هەموو پشتگیرییەكی حكومەتی هەرێمی كوردستان دەخاتەڕوو بۆ هەر هەوڵێك، كە ببێتە مایەی باشكردنی رەوشی ئاوارەكان.
ژمارەی پەنابەرانی رۆژئاوای كوردستان تاوەكو ئێستا رێژەیەكی چاوەڕواننەكراوی تۆماركردووە، ئەمە جگە لەوەی بەهۆی فراوانتربوونی كردنەوەی خاڵی سنووری پێشخابوور بەردەوام و بەلێشاو پەنابەر روو لە هەرێمی كوردستان دەكەن.
ژمارەی ئەو پەنابەرانە لە باشووری کوردستان گەیشتووەتە 174 هەزار پەنابەر، ئەمە لەكاتێكدا بە گوتەی دیندار زێباری، یاریدەدەری بەرپرسی فەرمانگەی پەیوەندییەكانی دەرەوەی هەرێمی كوردستان، ئەوان پێشبینییان كردووە ژمارەی پەنابەران لە (30 – 40) هەزار پەنابەر تێپەڕ نەكات، بەڵام بەهۆی بەردەوامی رەوشی نالەباری سووریاوە، زێباری پێشبینیدەكات رێژەی پەنابەران بۆ 300 هەزار كەس بەرز ببێتەوە.
لە هەرێمی كوردستان 13 كامپ بۆ ئاوارەكان كراوەتەوە، كە جگە لە ئاوارەكانی رۆژئاوای كوردستان، ئاوارەكانی رۆژهەڵات و باكووری كوردستانیش لەخۆدەگرن
rudaw
22/08/2013
ئه‌ه‌ندامێكی کۆمیتەی ئامادەکاریی كۆنگره‌ی نه‌ته‌وه‌یی رایده‌گه‌یه‌نێت بانگهێشتی قه‌رمی حكومه‌تی سوریاش ده‌كرێت بۆ ئه‌وه‌ی ئاماده‌ی كۆنگره‌كه ببێتئ.
غەفور مەخموری ئەندامی کۆمیتەی ئامادەکاریی کۆنگرەکە بۆ ئاژانسی ئانادۆڵو ئاشکرایکرد: زمانی رەسمی کۆنگرە کوردی و عەرەبی و ئینگلیزی دەبێ و ھەموو لایەنەکانیش کۆکن لەسەر ھەڵکردنی ئاڵای کوردستان و گوتنی و سرودی ئەی رەقیب.
مەخموری لەبارەی میوانە داوەتکراوەکانی کۆنگرە وتی ” میوانی کۆنگرەی نەتەوەیی کورد ٣٠٠ کەسن لەپەرلەمان و یەکێتی ئەوروپا، ھەروەھا کۆمەڵێ پەرلەمانتار کەسایەتی سیاسی و رۆشنبیریی وڵاتانی ئەوروپا بانگ دەکرێن، ئەمریکاو نەتەتەوە یەکگرتووەکان، رێکخراوەکانی سۆسیالیست ئینتەرناسیۆنال، کۆمکاری عەرەبی. تەنانەت سەرۆکی وڵاتانی بانگ دەکرێن”.
ھەردوو کەسایەتیی ناسراو ئیسماعیل بیشکچی و نوام چۆمسکی میوانی کۆنگرە دەبن.
ئەندامی کۆمیتەی ئامادەکاریی کۆنگرەی نەتەوەیی کورد ئاشکرایکرد ھەریەکە لەحکومەتەکانی سوریا، تورکیا، ئێران و عێراق بەڕەسمی داوەتی کۆنگرە دەکەن و لەوانەیە پەیامیشیان ھەبێ.
کۆنگرەی نەتەوەیی کورد بڕیارە رۆژی ١٥/٩/٢٠١٣ لەشاری ھەولێر دەست پێبکات و سێ رۆژ بخایەنێ.
لیژنەی ئامادەکاریی کۆنگرە رایگەیاند: کۆنگرە ٦٠٠ ئەندامی دەبێ کە بەوجۆرە دابەشکرابوون ٤٥%بۆ ھێزو لایەنە کوردستانییەکان
٣٥% بۆ رێکخراوەکانی کۆمەڵی مەدەنی
١٠%بۆ گەنجان
١٠% بۆ کەسایەتیی سەربەخۆ
کۆنگرە پێویستە بەگشتی ٤٠% ئەندامەکانی ئافرەت بن.
لەبارەی بەشدارییکردنی کوردەکانی ئیسرائیل، مەخموری گوتی “لەو ٣٠٠ میوانە کە ھێشتا داوەت کەس نەکراوە، پێشبینی دەکەم کوردانی ئیسرائیلیش داوەتی کۆنگرە بکرێن، ئەگەر کێشەی ھاتووچۆشیان ھەبوو پێویستە حکومەتی ھەرێمی کوردستان لەگەڵ بەغدا ئەو کێشەیە چارەسەر بکات”.
مەخموری ھەروەھا گوتی ” لەبەرنامەدایە کوردانی کازاخستان و ئەرمەنستان و لوبنان و وڵاتانی دیکە بانگبکرێنە کۆنگرە”.
سه‌رچاوه: ئانادۆڵ
22&08&2013
حەسەن رۆحانی سەرۆك كۆماری هەڵبژێردراوی كۆماری ئیسلامیی ئێران لە وەڵامی پەیامی پیرۆزبایی سەرۆك بارزانی پەیامێكی ئاڕاستەی سەرۆك بارزانی كرد و رایگه‌یاند، دڵنیام كە لە ساڵانی داهاتوودا گەشەسەندنی هەمەلایەنەی پەیوەندییەكانی كۆماری ئیسلامیی ئێران و هەرێمی كوردستانی عێراق دەبینین.
ئەمە دەقی په‌یامه‌كه‌یه:
بەڕێز مەسعود بارزانی
سەرۆكی هەرێمی كوردستان
بە خۆشحاڵی و پێزانینەوە پەیامی پیرۆزبایی بەڕێزتانم بە بۆنەی هەڵبژاردنم وەك سەرۆكی كۆماری ئیسلامیی ئێران پێ گەییشت. پەرەپێدانی پەیوەندی لەگەڵ وڵاتانی دراوسێ لەسەر بنەماكانی هاوسێیەتی و ڕێزگرتن و بەرژەوەندیی هاوبەش، لە ئەولەوییەتەكانی سیاسەتی دەرەكیی كابینەكەم دەبێت و بە تەواوەتی لەوەش دڵنیام كە لە ساڵانی داهاتوودا گەشەسەندنی هەمەلایەنەی پەیوەندییەكانی كۆماری ئیسلامیی ئێران و هەرێمی كوردستانی عێراق دەبینین. بە دەرفەتی دەزانم هیوای تەندروستی و سەركەوتنتان بۆ بخوازم.
حەسەن ڕۆحانی
سەرۆك كۆماری هەڵبژێردراو
شایانی ئاماژەپێدانە بەڕێز مەسعود بارزانی سەرۆكی هەرێمی كوردستان لە 16ـی 6ـی 2013 بە بۆنەی سەركەوتنی لە هەڵبژاردنی سەرۆكایەتیدا پەیامێكی پیرۆزبایی ئاڕاستەی بەڕێز حەسەن ڕۆحانی سەرۆك كۆماری هەڵبژێردراوی كۆماری ئیسلامیی ئێران كرد كە ئەمە دەقەكەیەتی:
ناوی خودای بەخشندە و میهرەبان
بەڕێز دكتۆر حەسەن ڕۆحانی سەرۆكی هەڵبژێردراوی كۆماری ئیسلامیی ئێران
سڵاوی خواتان لێ بێت
بە بۆنەی هەڵبژاردنی بەڕێزتان وەك حەوتەمین سەرۆكی كۆماری ئیسلامی ئێران گەرمترین پیرۆزبایی خۆم و گەلی هەرێمی كوردستانتان پێڕادەگەیێنم. ئومێدەوارم ئەمە دەرفەتێك بێت بۆ ئەوەی حكوومەت و گەلی مەزنی ئێران پێشكەوتنی زیاتر مسۆگەر بكەن و بنەماكانی ئاشتی و پێكەوەژیان و پەیوەندیی دۆستانەی نێوان گەلانی ناوچەكە پتەوتر ببێت. هیوادارین ماوەی سەرۆكایەتی جەنابتان ببێتە هۆی بەرەوپێشبردنی زیاتری ئەو پەیوەندییە سیاسی و ئابووری و كولتوورییانەی لەنێوان هەردولامان هەیە.
هیوای سەركەوتنتان بۆ دەخوازم
مسعود بارزانی
سەرۆكی هەرێمی كوردستان
16- 6 - 2013
23/08/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
