به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
دوای ئەوەی باراك ئۆباما، دوا بڕیاری كۆشكی سپی لەبارەی هێرش بۆ سەر رژێمی سووریا دایە كۆنگرێسی ئەو وڵاتە، هاوپەیمانانی ئەمریكا پێشوازییان لەو بڕیارەی ئۆباما كرد.
دەیڤید كامیرۆن، سەرۆك وەزیرانی بەریتانیا، گوتی: "من لە هەڵوێستی ئۆباما لەبارەی سووریاوە تێدەگەم و پشتیوانی لێدەكەم".
ویلیام هێگ، وەزیری دەرەوەی بەریتانیاش، قسەكانی ئۆباما لەجێی خۆی دەزانێت.
هاوكات لە فەرەنسا بەرهەڵستكارانی فرانسوا هۆلاند سەرۆكی ئەو وڵاتە، داوایان كردووە كە هۆلاند هەروەك سەرۆكی ئەمریكا و سەرۆك وەزیرانی بەریتانیا، بڕیاری هێرش بۆ سەر رژێمی سووریا بخاتە ئەستۆی پەرلەمان.
هەروەها لۆرد ئەشدۆن، رێبەری پێشووی حیزبی لیبراڵ دیموكراتی بەریتانیا، داوای لە پەرلەمانی بەریتانیا كرد، كە ئەگەر پێویست بكات با بە بڕیاری نەرێنی خۆیان سەبارەت بە هێرش بۆ سووریا بچنەوە.
ئۆباما، لە میانی كۆنفرانسێكی رۆژنامەوانیدا كە دوێنێ شەممە 31-8-2013 لە كۆشكی سپی بەڕێوەچوو رایگەیاند: "ئێمە ئامادەی هێرشین، بەڵام لەوانەیە ئەم هێرشە بەیانی بێت، هەفتەیەكی دیكە بێت یان مانگێكی دیكە".
ئۆباما ئاماژەی بەوەدا ئەمریكا پێویستە ئەو هێرشە ئەنجامبدات و داواشی لە كۆنگرێس كرد دەنگ لەسەر بڕیارەكە بدەن، "چونكە بەشداری نوێنەرانی هاووڵاتیان زۆر گرنگە".
لەلایەكی دیكەوە ڤلادیمیر پوتین، سەرۆك كۆماری رووسیا هەر دوێنێ شەممە 31-8-2013 لە كۆنگرەیەكی رۆژنامەوانیدا رایگەیاند "بانگەشەی بەكارهێنانی چەكی كیمیایی لەلایەن حكومەتی سووریا دژ بە خەڵكی سڤیل و بەرهەڵستكارانی ئەو وڵاتە چەواشەكارییە".
پوتین ئاراستەی قسەكانی روو لە ئۆباما كرد و گوتی" تۆ كە خەڵاتی نۆبڵت بەدەستهێناوە، تێفكرە لەوەی كە لە ئەگەری هێرشی سەربازی بۆ ئەو وڵاتە چەند كەس دەبنە قوربانی".
1/09/2013
بەرپرسی لیژنەی ئاسایشی نەتەوەیی ئێران لەپێناو رێگەگرتن لە هەر هێرشێكی سەربازی بۆ سەر رژێمی سووریا، گەیشتە دیمەشق و بڕیاریشە چاوی بە بەشار ئەسەد بكەوێت.
عەلادین بروجێردی، بەرپرسی لیژنەی ئاسایشی نەتەوەیی لە ئەنجوومەنی شورای ئێران، دوێنێ شەممە 31-8-2013 گەیشتە دیمەشقی پایتەختی سووریا و لەگەڵ گەورە بەرپرسان‌و هەروەها گوتەبێژی پەرلەمانی سووریا كۆبووەوە.
ئەو بەرپرسە ئێرانییە ئەمڕۆش لە دیمەشق دەمێنێتەوە بۆ ئەوەی چاوی بە بەشار ئەسەد، سەرۆكی سووریا بكەوێت.
بروجێردی لەو سەردانەیدا دووپاتیكردەوە كە سەردانەكەی جەختكردنەوەیە لە هاوكاریكردنی وڵاتەكەی بۆ رژێمەكەی ئەسەد لەكاتی هێرشی سەربازی دژ بە رژێمەكەی ئەسەد‌و گوتی: "هاتووین بۆ ئەوەی هاوكاریی كۆماری ئیسلامی بۆ بەرگریكردن لە ناوچەكە و برا ئازیزەكانمان لە سووریا رابگەیەنین".
بروجێردی بە رۆژنامەنووسانی راگەیاند، وڵاتەكەی دژی هەر هێرشێك دەوەستێتەوە، كە بكرێتە سەر رژێمی سووریا و هەموو هەوڵێك دەدەن بۆ رێگەگرتن لەو هێرشە چاوەڕوانكراوە.
حكومەتی تاران جگە لە پشتیوانیی راستەوخۆ بۆ رژێمەكەی ئەسەد، لەلایەكی دیكەشەوە بە شێوەیەكی دیبلۆماسی لەگەڵ هەریەكە لە رووسیا و چین هەوڵی رێگەگرتن لە هێرشی سەربازی بۆ سەر سووریا دەدات.
دەنگۆی بەكارهێنانی چەكی كیمیایی لەلایەن رژێمەكەی ئەسەدەوە، ویلایەتە یەكگرتووەكانی ئەمریكای نیگەران كرد، چونكە پێشتر واشنتۆن بەكارهێنانی چەكی كیمیایی بە "هێڵی سوور" بۆ رژێمەكەی ئەسەد دانابوو. بۆیە ئێستا دەنگۆی لێدانی رژێمەكەی ئەسەد لە ئارادایەو دوێنێش باراك ئۆباما ئامادەیی خۆی بۆ هێرشكردنە سەر رژێمی سووریا راگەیاند، بەڵام دوا بڕیاریشی دایە دەست كۆنگرێسی وڵاتەكەی.
1/09/2013
سەرۆكی وڵاتە یەكگرتووەكانی ئەمەریكا، باراك ئۆباما، داوای لە كۆنگرێسی وڵاتەكەی كرد "گڵۆپی سەوز"ـی بۆ دابگیرسێنن تاكو هێرشی سەربازی بۆ سەر سووریا ئەنجام بدات.
ئۆباما دوێنێ شەممە وتارێكی دا و تێیدا گوتی، ئەو پرۆسەیەی كە هێزەكانیان دەیانەوێت لە سووریا ئەنجامی بدەن دیاریكراوە. جەختیشی كردەوە كە هێزەكانیان لە ڕۆژهەڵاتی نێوەڕاستدا هەن و دەتوانن لە هەر كاتێكدا بێت هێرشێك ئەنجام بدەن.
ئۆباما هاوكات دەڵێت، "هەنگاوەكانمان سنتووردارن و هێرشەكان لە ڕێی هێزی پیادەوە نابن. هێزەكانمان لە ئێستادا لە ناوچەكەدا هەن و سەركردەی هێزەكانیش جەخت لە ئامادەباشییان بۆ هەر هێرشێك دەكەنەوە و تەنیا لە چاوەڕوانی فەرمانن بۆ ئەنجامدانی."
سەرۆكی وڵاتە یەكگرنتووەكانی ئەمەریكا ئاشكرایشی كرد كە ئەو سەرۆكی دیموكراتیترین وڵاتی دنیایە، بۆیە چاوەڕوانی كۆنگرێسی وڵاتەكەیەتی گڵۆپی سووری بۆ پێ بكات تا هێرش بۆ سەر سووریا ئەنجام بدات. زیاتر گوتی "داوا لە یەكەیەكەی كۆنگرێسمانەكان دەكەم دەنگ بدەن لەپێناو بەرپاكردنی هێرش دژبەو تاوانە ترسناكە."
گوتیشی "درك بەوە دەكەم كە بێ گەڕانەوە بۆ كۆنگرێس هێرش ئەنجام بدەم، بەوپێیەی كە سەركردەی باڵای سوپام، بەڵام بڕیاری دووەمم دا كە گەڕانەوەیە بۆ كۆنگرێس."
ئەو هاوكات دەڵێت "لەسەر ئەو باوەڕەم كە دەتوانین بێ گەڕانەوە بۆ بڕیاری ئەنجوومەنی ئاسایش، هێرش بەرپا بكەین." زیاتر گوتی "دەزانم ئێمە سڵ لە شەڕ دەكەینەوە، جەنگی عێراق كۆتایی هات و هیی ئەفغانستانیش كۆتایی پێ دێنین، بەڵام ناشێت ئەوەی لە سووریا ڕوو دەدات نادیتە بگیرێت."
CNN
1/09/2013
وڵاتانی ئەندام لە ئەنجوومەنی هاریكاری كەنداو رایدەگەیەنن، لە ناوەڕاستی ساڵی داهاتووەوە كار بە ڤیزای هاوبەش دەكەن.
بەپێی هەواڵێكی رۆژنامەی ئەلرەئی كوەیتی، دوای تێپەڕاندنی هەندێك گرفتی تەكنیكی، هاوشێوەی ڤیزای هاوبەشی شنگن لە ئەوروپا، سیستمی ڤیزای هاوبەش لەنێوان وڵاتانی ئەندام لە ئەنجوومەنی هاریكاری كەنداو پەیڕەو دەكرێت.
ئەو كەسانەی بەشێوەیەكی هەمیشەیی لەو وڵاتانە دەمێننەوە تەنیا یەك جار وەرگرتنی ڤیزایان پێویستە، بەڵام ئەوانەی تەنیا جارێك سەردان دەكەن بۆ ماوەی مانگێك و ئەوانەیشی زوو زوو سەردانی ئەو وڵاتە دەكەن بۆ ماوەی ساڵێك ڤیزایان پێدەدرێت.
هاوكات ئاماژە بە پرسی ئەوانەش کراوە، کە بەهۆكاری یاسایی دەخرێنە دەرەوەی سنووری كەنداوەوە ڤیزای هاوبەشی كەنداویان پێنادرێت، هەروەها هەر كام لە وڵاتانی كەنداو وێڕای هەبوونی ڤیزای هاوبەش، دەتوانن ڤیزای تایبەتی وڵاتی خۆیان ببەخشن.
رۆژنامەی رەئی زیاتر نووسیویەتی "ئەو كەسانەی ڤیزای هاوبەشی وڵاتانی كەنداویان دەوێ، دەبێ بەپێی پێویست بەڵگەنامەی پێبێت، ئامانجیش لەو ڤیزایە دروستكردنی گەشتوگوزاری هاوبەش و كارگوزاری هاوبەشە لەنێوان ئەو وڵاتانەدا.
ئەنجوومەنی هاریكاری كەنداو لە 25/5/1981 لە هەریەكە لە وڵاتانی ئیمارات، بەحرەین، سعودیە، كوەیت، قەتەر و عوممان پێكدێ.
رووداو-ahaber
31/08/2013
سبه‌ینێ یه‌كشه‌ممه 1ی ئه‌یلول، گه‌وره‌ترین كۆنگره‌ی نێوده‌وڵه‌تی ته‌سه‌وف به‌به‌شداری سه‌دان زانا و كه‌سایه‌تی كوردستانی و عیراقی و عه‌ره‌بی و جیهانی له سه‌نته‌ری رۆشنبیری زانكۆی سه‌لاحه‌دین له‌هه‌ولێر ئه‌نجام ده‌درێت.
ئه‌ندامی لیژنه‌ی ئاماده‌كاری و وته‌بێژی كۆنگره‌كه، مه‌ریوان نه‌قشبه‌ندی، بەئاژانسی پەیامنێری ڕاگەیاند:" كۆنگره‌كه هاوكاته له‌گه‌ڵ رۆژی ئاشتی جیهانی كه نه‌ته‌وه‌یه‌كگرتوه‌كان دایناوه به به‌شداری سه‌دان زانا و كه‌سایه‌تی ته‌سه‌وف له كوردستان و عێراق و وڵاتانی عه‌ره‌بی و جیهانی، و له شاری هه‌ولێر به‌ڕێوه‌ده‌چێت".
وته‌بێژی كۆنگره‌كه، ته‌ئیكدی كرده‌وه: "كۆنگره‌كه له‌لایه‌ن سه‌نته‌ری رۆشنبیری ته‌سه‌وفەوە رێكخراوه و نوێنه‌ری هیچ حیزب و لایه‌نێكی سیاسی به‌شداری پێناكرێت، به‌دیل و دژی هیچ دامه‌زراوه و كه‌س و لایه‌نێكیش نییه.
مه‌ریوان نه‌قشبه‌ندی، گوتی: ئامانجی كۆنگره‌كه، قوڵكردنه‌وه‌ی گیانی پێكه‌وه‌ژیان و ئیدانه‌كردنی تیرۆر و توندوتیژیه كه‌به‌ناوی ئیسلامه‌وه ده‌كرێت. هه‌روه‌ها كاركردن و ئاشتی نێوان مسوڵمانان به گشتی و ئه‌هلی ته‌سه‌وف و ته‌ریقه‌ته‌كانه به تایبه‌تی".
مه‌ریوان نه‌قشبه‌ندی، هەروەها گوتی:"رێچكه‌ی راسته‌قینه‌ی ئیسلام به‌هۆی ئیختیلاف و ئیجتیهادی جیاوازوە به‌ئاقارێكی خراپدا براوه، بۆیه ئەم کۆنگرەیە هه‌وڵده‌دات نه‌خشته رێگایه‌ك بۆ راستكردنه‌وه‌ی هه‌ر لادانێكی شه‌رعی و فیكری دابنێت كه به‌هۆی گۆڕانگاریه‌كانه‌وه دێته‌ئاراوه".
زیرەک عەبدولڕەحمان/م.ش
pna
31/08/2013
فرانسوا هۆلاند، سەرۆكی فەرەنسا ریگەیاند بەدو‌وری نازانێت هێرشی ئاسمانی بۆ سەر رژێمی سووریا بەر لە رۆژی چوارشەممە دەستپێبكات. ئاماژە بەوەش دەكات كە رەتكردنەوەی بڕیاری لێدانی سووریا و بەشداریكردن لە هێرشەكە، لەلایەن پەرلەمانی بەریتانیا كارناكاتە سەر هەڵوێستی فەرەنسا.
هۆلاند لە دیمانەیەكی رۆژنامەی لۆمۆند رایگەیاندووە "پێشنیازەكەی پەرلەمانی بەریتانیا ساردمان ناكاتەوە لە خواستی ئێمە بۆ دەستوەردان لە سووریا".
هۆلاند جەختیشی لەوە كردەوە كە لایەنگری سزادانی سو‌وریایە‌و گوتی "لەگەڵ هاوپەیمانانمان بەچڕی كار بۆ ئەوە دەكەین، رژێم سزای خۆی وەربگرێت بەرامبەر ئەو كارەی كردوویەتی".
لەوەڵامی پرسیاری ئایا فەرەنسا ئامادەیە بەبێ بەریتانیا هێرش بكاتە سەر سووریا، هۆلاند گوتی "هەر وڵاتێك ئازادە بەشداریی پرۆسەكە بكات یان نا، ئەمە چۆن بۆ ئێمە رەوایە بڕیاری لێبدەین، ئاوا بەریتانیاش ئازادە چۆن بڕیاری لێدەدات".
هۆلاند بەدووریشی نەزانی بەر لە رۆژی چوارشەممە هێرشەكە ئەنجام بدرێت.
گوتیشی " كۆمەڵێك بەڵگەی تەواو هەن ئەوە دەسەلمێنن، كە سووریا بەرپرسە لە هێرشە كیمیاییەكەی رۆژی 21ی ئابی غۆتەی رۆژهەڵاتی دیمەشق، كە سەدان كەسی تێدا كوژرا و برینداربوو".
دوێنێ پێنجشەممە پەرلەمانی بەریتانیا هێرشی سەربازی بۆ سەر رژێمی سووریا رەتكردەوە. سەرۆك وەزیرانی ئەو وڵاتەش دەڵێت حكومەت پابەند دەبێت بە بڕیاری پەرلەمانەوە.
بە جیاوازی تەنیا 13 دەنگ نوێنەرانی پەرلەمانی بەریتانیا رەتیانكردەوە كە وەڵامی ئەو هێرشە كیمیاییە بدەنەوە كە رژێمەكەی بەشار ئەسەدی پێ تاوانبار كرابوو لەلایەن ویلایەتە یەكگرتووەكانەوە . ئەمەش رەنگدانەوەی ترسی بەریتانییەكان بوو لە پەلەكردن لەسەر بڕیاردان بۆ هێرشی سەربازی بۆسەر سووریا بەبێ بو‌ونی چەند بەڵگەیەكی دیاریكراو.
دایڤد كامیرۆن، بڕیاری داوە رێزی ئەنجامی ئەم دەنگدانە بگرێت، بەڵام ئەمەش باراك ئۆباما، سەرۆكی ویلایەتە یەكگرتووەكانی ئەمریكا تو‌وشی حاڵەتێكی ناخۆش دەكات، لەبەر ئەوەی ئۆباما وەك هەموو سەرۆكەكانی دیكەی ئەمریكا لە شەڕی ڤێتنامەوە پشتی بە بەریتانیا بەستبوو لە هەر جەنگێكی سەربازی .
رووداو- ئەلحەیات
30/08/2013
پەرلەمانی بەریتانیا هێرشی سەربازی بۆ سەر رژێمی سووریا رەتكردەوە. سەرۆك وەزیرانی ئەو وڵاتەش دەڵێت حكومەت پابەند دەبێت بە بڕیاری پەرلەمانەوە.
بە جیاوازی تەنیا 13 دەنگ نوێنەرانی پەرلەمانی بەریتانیا رەتیانكردەوە كە وەڵامی ئەو هێرشە كیمیاییە بدەنەوە كە رژێمەكەی بەشار ئەسەدی پێ تاوانبار كرابوو لەلایەن ویلایەتە یەكگرتووەكانەوە . ئەمەش رەنگدانەوەی ترسی بەریتانییەكان بوو لە پەلەكردن لەسەر بڕیاردان بۆ هێرشی سەربازی بۆسەر سووریا بەبێ بو‌ونی چەند بەڵگەیەكی دیاریكراو.
دایڤد كامیرۆن، بڕیاری داوە رێزی ئەنجامی ئەم دەنگدانە بگرێت، بەڵام ئەمەش باراك ئۆباما، سەرۆكی ویلایەتە یەكگرتووەكانی ئەمریكا تو‌وشی حاڵەتێكی ناخۆش دەكات، لەبەر ئەوەی ئۆباما وەك هەموو سەرۆكەكانی دیكەی ئەمریكا لە شەڕی ڤێتنامەوە پشتی بە بەریتانیا بەستبوو لە هەر جەنگێكی سەربازی .
بەهۆی داواكاری حیزبی كرێكاران، كە حیزبی ئۆپۆزسیۆنن بڕیاردرا جارێكی دیكە دەنگ بدەن لەسەر هێرشی سەربازی بۆ سەر سووریا، ئەمەش راستەوخۆ دوای تەواوبوونی كارەكانی UN لە سوریا بوو.
وا چاوەڕوان دەكرا لەم دەنگدانەدا كە رۆژی پێنجشەممە ئەنجامدرا كامیرۆن بیباتەوە، بەهۆی ئەوەی ساغبوونەوەی بەكارهێنانی چەكی كیمیایی دەبێت هێزی سەربازی دژی سووریا بەكاربێت، بەڵام بە ئەنجامێكی شۆككەر لە دەنگدانەكانی پەرلەمان 285 پەرلەمانتار دەنگیان بە نەرێ بۆ جەنگ دا لە كاتێكدا 272 پەرلەمانتار دەنگیان بە ئەرێ دا.
دەیڤد كامیرۆن رایگەیاند "من باوەڕێكی بەهێزم بەوە هەیە كە بە تو‌وندی وەڵامی هێرشی كیمیایی بدرێتەوە، بەڵام كە پەرلەمان دەنگی لەسەر نەداوە و پەرلەمانی بەریتانیاش كە نوێنەرایەتی خەڵكەكەی دەكات نایەوێت هێرشی سەربازی بكرێت، منیش لەوە تێدەگەم و حكومەتیش لەسەر ئەم بڕیارە كاردەكات".
هاوشانی ئەمریكاو فەرەنسا، بەریتانیاش یەكێك بوو لەو وڵاتانەی سووربوو لەسەر ئەوەی كە دەبێت هێرشی سەربازیی بكرێتە سەر رژێمەكەی ئەسەد و هێزیشی بۆ ئەو مەبەستە ئامادەكردبوو، بەڵام پەرلەمانی ئەو وڵاتە هەموو ئەو ئامادەكارییانەی پوچەڵكردەوە. بۆیە دەبێت چاوەڕوانی بڕیاری ئۆباما بكرێت، كە ئایا ئەویش پەشیمان دەكرێتەوە یان هێرشەكە بە هاوبەشی لەگەڵ فەرەنسا ئەنجام دەدات.
30/08/2013
ڤلادیمێر پۆتن سه‌رۆكی روسیا فه‌رمانی به سوپای وڵاته‌كه‌ی داوه سیستمی موشه‌كی روسیا ئاراسته‌ی سعودیه بكات، ئه‌گه‌ر سوریا رووبه‌ڕووی هێرشی وڵاتانی خۆرئاوا بووه‌وه.
ڕۆژنامه‌ی تایمز-ی ئه‌وروپا ئاماژه‌ی به‌وه‌دا: ئه‌م رێوشوێنه‌ی روسیا دوای ئه‌وه دێت كه میر (به‌نده‌ر بن سوڵتان) سه‌رۆكی ده‌زگای هه‌واڵگریی سعودیه هه‌ڕه‌شه‌ی له پۆتن كردوه به‌كارێكی تیرۆرستی له‌شیشان.
پێشتر ڕۆژنامه‌ی ده‌یلی ته‌له‌گرافی به‌ریتانیا ئاشكرایكرد: میر (به‌نده‌ر بن سوڵتان) سه‌رۆكی ده‌زگای هه‌واڵگریی سعودیه پێشنیازی گرێبه‌ستێكی نهێنیی خستووه‌ته به‌رده‌م ڤلادیمێر پۆتن و به‌پێی ئه‌و گرێبه‌سته روسیا ده‌توانێت ده‌ستبه‌سه‌ر بڕێكی زۆری بازاڕی بازرگانیی نه‌وت‌و گازی جیهاندا بگرێت، هه‌روه‌ك ده‌توانێت گرێبه‌سته‌كانی بواری به‌رهه‌مهێنانی گازی سرووشتیی ولاَته‌كه‌ی وه‌ك خۆیان بهێڵێته‌وه، هه‌موو ئه‌مانه له‌به‌رامبه‌ر ده‌ستبه‌رداربوونی روسیا له ڕژێمه‌كه‌ی ئه‌سه‌د، به‌لاَم روسیا به‌و پێشنیازانه قایل نه‌بووه.
چاودێران ئاماژه به‌وه ده‌ده‌ن هه‌ڵبژاردنی سعودیه له‌لایه‌ن ڤلادمێر پۆتن-ی سه‌رۆكی روسیا وه‌ك ئامانجێك ده‌گه‌ڕێته‌وه بۆ ئه‌وه‌ی سعودیه خاوه‌نی گه‌وره‌ترین یه‌ده‌گی نه‌وته له جیهاندا‌و رۆژانه نزیكه‌ی 10 ملیۆن به‌رمیل نه‌وت به‌رهه‌م ده‌هێنێت،كه له‌وانه‌یه ئه‌م كاره ولاَتانی رۆژئاوا ناچار بكات ملكه‌چ ببن‌و هێرش نه‌كه‌نه سه‌ر سوریا.
له‌لایه‌كی دیكه‌وه میكڵ وینته‌ر شیكه‌ره‌وه‌ی بازاری نه‌وت له بانكی سوسیتیه جێنراڵ - ی فه‌ره‌نسی ئاماژه‌ی به‌وه‌دا، ئه‌گه‌ر جه‌نگی سوریا فراوان بێت‌وكاریگه‌ری هه‌بێت بۆ سه‌ر ولاَتانی سه‌ره‌كی به‌رهه‌مهێنه‌ری نه‌وتی وه‌ك عێراق،ئه‌وا نرخی یه‌ك به‌رمیل نه‌وت له‌بازاڕه‌كانی جیهان ده‌گاته 150 دۆلار.
له‌گه‌ڵ بلاَوبوونه‌وه‌ی ده‌نگۆی به‌كارهێنانی چه‌كی كیمیایی‌و ئاڵۆزبوونی ره‌وشی ناوچه‌كه‌و ئه‌گه‌ری ئه‌نجامدانی كرده‌یه‌كی سه‌ربازی دژی هێزه‌كانی رژێمی ئه‌سه‌د، نرخی یه‌ك به‌رمیل نه‌وتی برێنت له‌بازاڕه‌كانی جیهان گه‌یشته زیاتر له 117 دۆلار،ئه‌مه‌ش به‌رزترین نرخه له‌ماوه‌ی مانگی رابردوودا كه نه‌وت تۆماری كردبێت.
سه‌رچاوه: رادیو دیجله - رۆیته‌رز - جه‌زیره
30/08/2013
دوای سێ هەفتە بەسەر دامەزراندنی كۆمەڵەی بزووتنەوەی لاوانی كوردستان لە باكووری كوردستان، وەزارەتی ناوخۆی ئەو وڵاتە دژایەتی خۆی بۆ ناوی كوردستان راگەیاند.
وەزارەتی ناوخۆی توركیا نووسراوێكیان بۆ كۆمەڵەكە ناردووە و داوایان كردووە كوردستان لە ناوی كۆمەڵەكەیان بسڕنەوە، چونكە "بەگوێرەی مادەی 302ی یاسای تاوانكاری و مادەی 14ی دەستووری توركیا، ئەم كارە تاوانە".
رۆگر كاگەر، جێگری سەرۆكی كۆمەڵەكە رایگەیاند "ناوی كوردستان دژی یاسا نییە". ئاماژەی بەوەشكرد ئەگەر دۆسییەیان لە دژ بكرێتەوە، ئەوان دەچنە بەردەم دادگا، لە كاتێكیشدا یاسا ناوخۆییەكان رێگرییان لێ بكەن، ئەوان كێشەكە دەبەنە دادگای مافی مرۆڤی ئەوروپا DMME.
رۆژی 11/8/2013، بە پشتگیری كۆمەڵێك هەڤاڵی مستەفا بارزانی، كۆمەڵەی بزووتنەوەی لاوانی كوردستان لە شاری ئامەد لە باكووری كوردستان دامەزرا و بڕیاریان دا لە دژی پەراوێزخستنی كورد و زمانەكەی، بەشێوەیەكی یاسایی كار بكەن.
بە گوێرەی یەكەم راگەیەنراوی كۆمەڵەی بزووتنەوەی لاوانی كوردستان، بزووتنەوەكە هیچ پەیوەندییەكی راستەوخۆی بە هیچ لایەن و رێكخستنێكەوە نییە، تەنیا لە سەر بیروباوەڕی مەلا مستەفا بارزانی دەڕۆن و فەلسەفە و تێڕوانینییان بۆ ژیان، لە مەلا مستەفا وەردەگرن. لە بارەگاكەشیاندا ئەو گوتەیەی مستەفا بارزانی هەڵواسراوە، كە دەڵێ "لە سەركەوتن مەغرور مەبن و لە شكستیش نائومێد مەبن".
rudaw
29/08/2013
چەند كاژێرێك دوای سەرنەكەوتنی كۆبوونەوەی راوێژكاری پێنج ئەندامی ئەنجوومەنی ئاسایشی نەتەوە یەكگرتووەكان، سەرۆكی ویلایەتە یەكگرتووەكانی ئەمریكا رایگەیاند: "تاوەكوو ئێستا بڕیارم نەداوە بۆ هێرشكردنە سەر سووریا". بەڵام جەختیكردەوە كە دەبێت ئەسەد بە هۆی بەكارهێنانی چەكی كیمیاییەوە سزا بدرێت.
ئۆباما شەوی چوارشەممە 28-8-2013 بەشداریی گفتوگۆیەكی تەلەفزیۆنیی كرد و گوتی " رژێمی سووریا بە بەكارهێنانی چەكی كیمیایی یاسا نێودەوڵەتییەكانی پێشێل كردووە".
ئاماژەی بەوەشكرد، كە ئەمریكا نایەوێت وەك عێراق شەڕێكی درێژخایەن دەستپێبكات.
بە گوتەی ئۆباما، سووریا گەورەترین وێستگەی چەكی كیمیاییە لە جیهاندا و مەترسی هەیە كە ئەو چەكانە بكەونە دەستی رێكخراوی قاعیدە. "واشنتۆن بە هیچ شێوەیەك ئەوە قبووڵ ناكات".
ئۆباما جەختیكردەوە "هێرشكردنە سەر سووریا قەیرانەكانی ئەو وڵاتە چارەسەر ناكات و نابێتە هۆكاری نەكوشتنی خەڵكی سڤیل، بەڵام رژێمی ئەسەد دەبێت لەوە تێبگات كە بەكارهێنانی چەكی كیمیایی نەك تەنیا پێوەرە نێودەوڵەتییەكان پێشێل دەكات، بەڵكوو مەترسییە بۆ بەرژەوەندییەكانی ئەمریكاش".
سەرۆكی ویلایەتە یەكگرتووەكانی ئەمریكا جارێكی دیكە جەختیكردەوە بەرپرسانی ویلایەتە یەكگرتووەكان پێیانوایە ئەو هێرشە كیمیاییە كە هەفتەی رابردوو لە دەورووبەری دیمەشق روویدا لە لایەن رژێمی سووریاوە ئەنجامدراوە و هیچ گومانێكی تێدا نییە.
هەرچەندە ئۆباما ئاماژە بەوەدەكات كە هێشتا بڕیاری نەداوە بۆ هێرشكردنە سەر رژێمی سووریا، لە هەمانكاتیشدا دەڵێت "هیچ رێگە چارەیەك جگە لە هەنگاوی سەربازی بۆ سەر ئەو رژێمە نەماوەتەوە".
كۆبوونەوەی ئەنجوومەنی ئاسایشی نەتەوە یەكگرتووەكان بۆ تاو‌وتوێكردنی رەشنووسی ئەو پڕۆژە بڕیارەی كە لەلایەن بەریتانیاوە پێشكەشكرابوو بەبێ ئەنجام كۆتاییهات.
بە پێی هەواڵی ئاژانسی فەرەنسا، ئەو رەشنووسە رێگەی دەدا بۆ بەكارهێنانی هێزی سەربازی لەدژی رژێمی سووریا.
باڵیۆزەكانی چین و رووسیا كە تاوەكوو ئێستا سێ پڕۆژە بڕیاری ئەنجوومەنی ئاسایشیان لەسەر سووریا ڤیتۆ كردووە، 75 خوولەك پاش دانیشتنەكە، كۆبوونەوەكەیان بەجێهێشت.
ماری هارف، گوتەبێژی وەزارەتی دەرەوەی ئەمریكا رایگەیاند "كۆبوونەوەكەی ئەنجوومەنی ئاسایش بە هۆی ناڕەزایەتی رووسیاوە نەگەییشتە ئەنجام".
رۆژی چوارشەممە 21-8-2013 بەرهەڵستكارانی سووریا، حكومەتی ئەو وڵاتەیان تۆمەتباركرد بەوەی كە چەكی كیمیایی لە دژی خەڵكی سووریا بەكارهێناوە و سەدان كەس، كە لە نێویاندا منداڵی زۆری تێدایە كوژراون. لەهەمان كاتدا رژێمی سووریا رەتیكردەوە چەكی كیمیایی لە هێرشەكەی رۆژی چوارشەممە بەكارهێنابێ.
29/08/2013
لە دیدارێکدا لە نێوان مەسعود بارزانی سەرۆکی هەرێمی کوردستان ئەنتۆنیۆ گیتەرز سەرۆکی کۆمیساریای باڵای پەنابەران لە نەتەوە یەکگرتووەکان و ئیرسارین کازن بەرێوەبەری جێبەجێکاری ڕێکخراوی پڕۆگرامی جیهانیی خۆراک، سەرۆکی هەرێمی کوردستان رایگەیاند" گەلی کوردستان یارمەتیدانی ئاوارەکان بە ئەرکێکی مرۆڤی و نەتەوەیی خۆی دەزانێ و بەردەوام دەبێ لە یارمەتیدانیان".
،سەرۆکی کۆمیساریای باڵای پەنابەران سوپاس و پێزانینی خۆی و ئەندامانی شاندەکەی بە سەرۆک بارزانی و خەڵک و حکوومەتی هەرێمی کوردستان ڕاگەیاند بۆ ئەو بەخشندەیی و یارمەتیدانەی کە پێشکەشی ئاوارەکانی سووریا کراوە و گوتی"زۆر سوپاستان دەکەین ئەم خەڵکە پێویستیان بە جەنابت هەیە و وەک مەرجەعێک سەیرت دەکەن. سوپاسی گەل و حکوومەتی هەرێم دەکەین بۆ ئەو کارە مەزنەیان. ئەوە نیشان دەدات کە گیانی بەخشندەیی و خێرخوازی لە هەرێمدا زۆر بەهێزە".
گیتەرز ئاشکرای کرد کە ڕێکخراوەکەی و کۆمەڵگەی نێودەوڵەتی ئامادەیی تەواویان هەیە بۆ پێشکەشکردنی هاوکاری و یارمەتی بۆ پەنابەران و داوایشی لە حکوومەتی هەرێم کرد کارئاسانی بۆ هەماهەنگی و کارەکانیان بکەن. سەرۆکی کۆمیساریای باڵای پەنابەران لەو دیدارەدا داوای لە سەرۆک بارزانی کرد کە بەشێک لە ئەجێندای کۆنگرەی نەتەوەیی کورد بۆ یارمەتیدانی مەعنەوی و هەستی مرۆڤدۆستی بەرانبەر پەنابەرە کوردەکانی سووریا تەرخان بکرێت.
دواتر ئیرسارین کازن بەرێوەبەری جێبەجێکاری ڕێکخراوی پڕۆگرامی جیهانیی خۆراک وێڕای سوپاسگوزاریی سەرۆک بارزانی باسی ئامادەکارییەکانی ڕێکخراوەکەی کرد بۆ یارمەتیدانی ئاوارەکان بە تایبەت لە مەسەلەی هاوکاریی خۆراک و کارکردن.
لای خۆیەوە سەرۆک بارزانی سوپاسی هاتنی شاندی میوانی کرد و دەستخۆشی لە هەوڵ و کارەکانی کردن و ئامادەیی هەمەلایەنەی دامودەزگای حکوومەتی هەرێمی ڕاگەیاند بۆ هاوکاریکردن و هەماهەنگی و کارئاسانی بۆ هەر دوو ڕێکخراوی پڕۆگرامی جیهانیی خۆراک و کۆمیساریای باڵای پەنابەران.
سەرۆکی هەرێم داوایشی کرد کە یارمەتییەکانی کۆمیساریای باڵای پەنابەران و ڕێکخراوی جیهانیی خۆراک لەنێو سووریاشدا بگاتە خەڵک بە تایبەت ئەوانەی باری ژیانیان ناخۆشە و لە بەرەکانی جەنگەوە دوورن. هەر لەو دیدارەدا سەرۆک بارزانی پەیامی کۆنگرەی نەتەوەیی کوردی بۆ شاندی میوان باس کرد .
د.ع
pna
29/08/2013
كۆماری ئیسلامیی ئێران و سەڵتەنەتی عومان گرێبەستێكی راكێشانی بۆری غازی دەریاییان بە بەهای 60 ملیار دۆلار واژووكرد.
لەمیانەی سەردانێكیدا بۆ تارانی پایتەختی كۆماری ئیسلامی ئێران، سوڵتان قابوس لەگەڵ عەلی خامنەیی، رابەری باڵای شۆڕشی ئیسلامی ئێران تاو‌وتوێی چەندین پرسی سیاسی و ئابووریی دوولایەنەیان كرد.
جگە لە بابەتی ئابووری، مەبەستێكی دیكەی سەردانەكەی قابوس ناوبژیوانیكردنی هەردوو بەرەی تاران و واشنتۆن بووە بۆ ئەوەی كۆتایی بەپرسی سو‌وریاو دەستوەردانی ئێران لە ناوچەكە بهێنرێت.
بێجان نمەدار زەنگەنە، وەزیری نەوتی ئێران ئاشكرای كرد "پرۆتۆكۆلەكە لەنێوان هەردوو وڵات واژووكراوە بۆ راكێشانی بۆرییەكی غازی سروشتی لە ئێرانەوە بۆ عومان".
گوتیشی: "بەهای ئەو پرۆتۆكۆلە دەگاتە 60 ملیار دۆلار و بۆ ماوەی 25 ساڵی دیكە بەردەوام دەبێت و هەژماری نرخی ئێستاشی بۆ دەكرێت".
روونیشیكردەوە كە چەندین پلانیان تاو‌وتوێ كردووە بۆ دروستكردنی ئەو بۆرییە بەشێوەیەكی خێرا. بڕیاریش دراوە لە 2015 دەست بەپرۆسەی دروستكردنی بكرێت. پلانی یەكەمی ئەو پرۆژەیەش لەساڵی 2009 دەستیپێكردو درێژییەكەشی دەگاتە 200 كلیۆمەتر .
وەزیری نەوتی ئێران گرێبەستی راكێشانی بۆری لەنێوان هەردوو كەناری دەریای عومان و هەناردەكردنی غازی ئێران بە گرنگترین رێككەوتنی ئابووری نێوان هەردوو وڵات وەسف دەكات.
عومان تاكە وڵاتی كەنداوە، كە پەیوەندییەكی دۆستانەی لەگەڵ حكومەتی تاران هەیە، پێچەوانەی وڵاتانی دیكە كە پەیوەندییەكانیان لەئاستێكی نزمدایە.
بەهۆی فشارەكانی رۆژئاوا و ئەمریكا، دەسەڵاتدارانی ئێران نەیانتوانیوە سوودی تەواو لەو سامانە سروشتییە وەربگرن‌و بەئازادی هەناردەی بازاڕەكانی جیهانی بكەن. ئەو فشارانەش بەهۆی پیتاندنی یۆرانیۆمە، كە حكومەتی تاران بە پرۆسەیەكی ئاشتییانە وەسفی دەكات و رۆژئاواش وەك مەترسییەك بۆ دروستكردنی بۆمبی ئەتۆمی باسی دەكەن.
AFP
28/08/2013
كۆمەڵەی هاككەرانی "سوپای ئەلیكترۆنی سووری" رایانگەیاند، كە توانیویانە ناوی سێرڤەر DNS ی تایبەت بە پێگەی تویتەر هاكبكەن و زانیاریە تاكیەكانی ئەم پێگەیەی لێبگوازنەوە بۆ خۆیان.
ئەم هاككەرانە وێنەیەکیان لەسەر لاپەڕەی تایبەتی خۆیان لە تویتەر بڵاوکردووەتەوە، كە روونیدەكاتەوە ناوی سێرڤەری تویتەر هاككراوە و زانیاریەكانی ناو ئەم بوارە و ئیمەیڵەكەشی گۆڕاوە.
دوای چەند خولەكێك لەو راگەیاندنەی "سوپای ئەلیكترۆنی سووری" بۆ ئەم هاككردنە، بەرپرسانی پێگەی تویتەر توانیان داتاكان بگەڕێننەوە.
هاككردنەش دوای ماوەیەكی كورتدێت لە هێرشكردنە سەر ماڵپەڕی رۆژنامەی ئەلیكترۆنی " نیۆیۆرك تایمز" ی ئەمریكی.
سوپای ئەلیكترۆنی سووری هەستابوون بە گۆڕینی شوێنی رۆژنامە ئەمریكیەكە و و گۆڕینی تێپەڕبوون لێی بۆ یەكێك لە پێگەکانی پاشكۆی خۆیان. ئەگەری ئەوەش هەیە هاككردنەكە DNSی تایبەت بە ماڵپەڕەكەی كردبێتە تارگێت.
هەر لەبەر ئەوە رۆژنامەكە ناوی سێرڤەرەكەی راگرتووە، تاوەكو چیدیكە رێگە بە گواستنەوەی سەردانكەرانی ماڵپەڕەكان نەدەن بۆ پێگەی تایبەتی "سوپای ئەلیكترۆنی سووری ". هەتاوەكو ئێستاش نەیانتوانیوە ناوی سێرڤەرەكە بگەڕێننەوە.
28/08/2013
كۆمسیۆنی باڵای سەربەخۆی هەڵبژاردنەكانی عێراق ناوی هەزار و 129 كاندیدی بۆ هەڵبژاردنی پەرلەمانی كوردستانی پەسند کرد و، چوارشەممە 28-8-2013، واتە لە سەعات 12ی شەوەوە بانگەشەی هەڵبژاردن بە بەشداریی ٢٧ کیانی سیاسی و چەند کەسایەتییەک دەستی پێ کرد.
لە شەوی ڕابردووەوە لایه‌نه سیاسییه‌كان له رێگه‌ی تیمه‌كانی پروپاگه‌نده‌یانه‌وه و به هه‌ڵواسینی دروشمه‌كانیان، له‌سه‌ر شه‌قامه گشتییه‌كانی شار و شارۆچکەکانی هەرێمی کوردستان، سه‌رگه‌رمی هه‌ڵواسینی پروپاگه‌نده‌كانیان.
بەپێی رێنماییەكانی كۆمسیۆنی باڵای سەربەخۆی هەڵبژاردنەكان و وەزارەتی شارەوانیش كاندیدەكان دەبێت بە هەماهەنگی لەگەڵ شارەوانییەكان پۆستەر و بانگەشەكان هەڵبواسن و هەموو جۆرە بانگەشەیەكیش لە شوێنە گشتییەكان قەدەخەیە.
بڕیارە لە رێككەوتی 21-9-2013، هەڵبژاردنی پەرلەمانی كوردستان بە بەشداری 32 قەوارەی سیاسی ئەنجام بدرێت.
pna
28/08/2013
جێگەی خۆشحاڵی و ئومێدێكی زۆرە ئەمڕۆ دەبینین هەرێمی كوردستان لەبەردەم ئەنجامدانی هەڵبژاردنی پارلەمانی كوردستانە كە بە دڵنیاییەوە هەنگاوێكی پڕبایەخە بۆ دەوڵەمەندتركردنی ئەزموونی دیموكراسی لە وڵاتەكەماندا. بەو بۆنەیە پڕ بەدڵ پیرۆزبایی خۆم بە گەلی سەربەرزی كوردستان و تێكڕای حزب و لایەنە سیاسییە بەشداربووەكانی هەڵبژاردن ڕادەگەیێنم و، هیوادارم ببێتە هۆی قووڵتربوونی بنەماكانی حوكمی گەل و هۆكارێك بۆ گەشەسەندنی سیاسی لە كوردستاندا بێت.
ئێستا كە لە یەكەم ڕۆژی دەستپێكردنی هەڵمەتی بانگەشەی هەڵبژاردنی پارلەمانی كوردستانداین، داوا لە هەموو حزب و لایەنە سیاسییەكان و ئەندام و لایەنگر و هەوادارەكانیان و گشت هاووڵاتییە خۆشەویستەكان دەكەم بە هەموو توانایەكەوە هەوڵ بدەن ئەو هەڵمەتە لە كەشێكی ئارام و دوور لە كێشە و هەڵچوون و هەروەها بەشێوەیەكی سەردەمیانە و مەدەنی ئەنجام بدرێت و نەبێتە هۆی تێكدانی ژیانی ئاسایی خەڵك.
پاراستنی نەریتە دیموكراتییەكان و ئاسوودەیی هاووڵاتیان و ئاشتەوایی كۆمەڵایەتی و پێگە و ناوبانگی هەرێم ئەركی هەموو لایەكە و پێویستە پابەندیان بین. داوا لە هەموو لایەنە پەیوەندیدارەكانی حكوومەتی هەرێم و كۆمیسیۆنی باڵای سەربەخۆی هەڵبژاردنەكانیش دەكەم هەموو هەوڵێكیان بخەنەگەڕ تا هەڵمەتی بانگەشەی هەڵبژاردنەكان بە ڕەچاوكردنی ڕێنماییە یاساییەكان و بە سەركەوتوویی ئەنجام بدرێت.
مسعود بارزانی
سەرۆكی هەرێمی كوردستان
28ـی 8ـی 2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
