به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
مەسعود بارزانی، سەرۆكی پارتی دیموكراتی كوردستان لە وتارێكدا باس لە ئامانجی دامەزراندنی پارتی و ئامادەكارییەكانی بۆ هەڵبژاردنی داهاتوو دەكات. لە بەشێكی ئەو وتارەدا بەس لە هەڵدانەوەی پەڕەی كۆن دەكات و دەڵێ "ئەگەر ناچاركراین پارتی شتی زۆری لەبەر دەستدایە".
وتارەكەی بارزانی لەمیانی كۆبوونەوەیەكیدا هات لەگەڵ رێكخراوە جەماوەرییەكانی قوتابیان و لاوان و ئافرەتان و رێكخراوە پیشەییەكانی پارتی.
لە بەشێكی وتارەكەیدا ئاماژەی بە هەڵدانەوەی لاپەڕەكانی مێژوو كرد و رایگەیاند كە حیزبەكەی لە رابردووی خۆی ناترسێ و گوتی: "پارتی لە رابردوو ناترسێ و هەرچیمان كردووە بە قەناعەتەوە كردوومانە و وەكو هەمیشە دووپاتی لێدەكەمەوەو دەیڵێمەوە ئێمە بە چاوی بەستراو فیشەك ناتەقێنین ، هەرچی كردوومانە بە قەناعەت بووە جا تێیدا سەركەوتوو بووبین یان نا و لە هیچ شتێكیش پەشیمان نین".
مەسعود بارزانی دەشڵێت "لە هەركوێ هەڵەمان كردبێت، دانمان پێداناوەو لە هەرشتێك پێویست بێت ئێمە داوای لێبووردنمان لە خەڵكی خۆمان و میللەتی خۆمان كردووە".
بارزانی رووی قسەكانی كردە ئەندامانی بەشداربووی كۆبوونەوەكەو گوتی "دەڵێم ئێوە كاتی خۆتان بەم شتانەوە مەكوژن، بەڵام ئەگەر ناچاركراین ئەوا پارتی شتی زۆری لەبەردەستدایە".
مەسعود بارزانی درووشمی حیزبەكەی بۆ هەڵبژاردنی پەرلەمانی كوردستان پێ جوانەو دەڵێت "بەڕاستی ئەو دروشمە (بەرەو كوردستانێكی گەشتر) زۆر جوانە".
سەرۆكی پارتی دیموكراتی كوردستان دڵنیایی خۆی لە بردنەوەی پارتەكەی لە هەڵبژاردنی پەرلەمانی كوردستان كە لە 21-9-2013دا بەڕێوەدەچێت خستەڕوو و گوتی: "من دڵنیام تەنیا پارتییەكان خۆیان و ماڵ و منداڵیان بچنە دەنگدان پارتی دەیباتەوە".
rudaw
11/09/2013
دواخستنی کۆنگرەی نەتەوەیی کورد لەبەر 3 هۆکار دواکەوت. دوو لەو هۆکارانەش پەیوەندیی بە ناکۆکیی نێوان لایەنەکانەوە هەبووە. ئەندامێکی لێژنەی ئامادەکاری کۆنگرەکەش دەڵێت: "پارتی کرێکارانی کوردستان PKK، هۆکاری سەرەکی بووە کە تاوەکو ئێستا لەسەر چەندین بابەت نەگەیشتووینەتە ئەنجام". دوایین هۆکاریش کە بووە هۆی دواخرانی کۆنگرەکە، هەڵبژاردنەکانی پەرلەمانی کوردستان بوو.
رۆژی 3/9/2013، لێژنەی ئامادەکاری کۆنگرەی نەتەوەیی کورد، کە لە 21 ئەندام پێکهاتووە، کۆبوونەوە. چاوەڕوانکراو بوو کە لەو کۆبوونەوەیەدا بڕیاری دواخستنی کۆنگرەی نەتەوەیی بدەن، ئەوان پێشتریش کۆنگرەکەیان دواخستبوو بۆ رۆژی 15/9/2013، بەڵام ئەمجارە رێککەوتن لەسەرئەوەی کە دوابخرێت بۆ رۆژی 25/11/2013.
ئەندامانی کۆنگرە باسی هۆکارەکان و تەگەرەکانی بەردەم دواخستنی کۆنگرەی نەتەوەیی کورد دەکەن، کە رەنگە لەو ماوەیەی بۆشی درێژکراوەتەوە هەر نەکرێت.
ئەمە لەکاتێکدایە کە لێرە و لەوێ گوترا مەسعود بارزانی، سەرۆکی هەرێمی کوردستان، کە کۆنگرەکە لەژێر چاودێریی ئەودا دەبەسترێت، داوای دواخستنی کۆنگرەکەی کردبێت. بەڵام فوئاد حوسێن، سەرۆکی دیوانی سەرۆکایەتی هەرێمی کوردستان، رەتیکردەوە بارزانی داوای دواخستنی کۆنگرەکەی کردبێ و بە (رووداو)ی گوت "سەرۆک بارزانی نە لە دوور و نە لە نزیک پێشنیازی وای نەکردووە". تەنانەت "تاوەکو ئێستاش ئەو بابەتەی بەتەواوەتی بۆ لێژنەکە بەجێهێشتووە و دەستتێوەردانی نەکردووە لە کارەکانی لێژنەکەدا". بەپێی زانیارییەکانی (رووداو)یش، کەمال کەرکووکی، ئەندامی سکرتاریەتی لێژنەی ئامادەکاری کۆنگرەی نەتەوەیی کورد، بە راپۆرتێک وردەکارییەکانی هۆی دواخستنی کۆنگرەکەی بۆ بارزانی روون کردووەتەوە.
بەڵام ئەندامێکی لێژنەی ئامادەکار هۆکاری راستەقینەی دواخستنی کۆنگرەکە ئاشکرادەکات. رەزا کەعبی سەرەڕای ئەوەی کە رەتیکردەوە بارزانی داوای پاشخستنی کۆنگرەکەی کردبێت، بە (رووداو)ی گوت "تاوەکو ئێستا 3 بابەتی سەرەکی ماون کە دەبێ لەسەری رێکبکەون، ئەویش مەسەلەی دابەشکردنی ئەندامانی کۆنگرەیە بەسەر هەر چوار پارچەی کوردستاندا، دووەم: سەرۆکایەتیی کۆنگرە، سێیەمیش: کۆنگرە دوای خۆی چی بەجێدەهێڵێت و چۆن دەبێت".
بەرپرسیکی ئاگادار لە کۆماری ئیسلامی ئێران، کە پێی باش نەبوو ناوی بڵاوبکرێتەوە، لەوبارەوە بە (رووداو)ی گوت "ئیستا لەنێو ئێراندا دوو بۆچوون هەن، بۆچوونێک لەگەڵ ئەوەدایە کە بەشداری لەو کۆنگرەیەدا بکەن و بۆچوونێکی دیکە تووندڕەون و دژی ئەو بەشدارییەن. تاوەکو ئێستاش یەکلایی نەبووەتەوە کە ئاخۆ ئێران بەشداری لەو کۆنگرەیەدا دەکات یان نا".
ئەو بەرپرسە روونیشیکردەوە کە "تەرەفی یەکەمی حکومەتی ئێران کە لەگەڵ بەشداری ئێراندایە لەو کۆنگرەیەدا، دەڵێن کۆنگرەکە هەر دەبەسترێ و دەبێتە ئەمری واقیع، بۆیە بەشداربن باشترە لەوەی رەتی بکەنەوە".
هەرچەندە دەگوترێت ئێران و تورکیاش رۆڵی سەرەکییان هەبووە لە دواخستنی کۆنگرەدا و کار لەسەر ئەوە دەکەن کە هەر نەکرێ، بەڵام کەعبی، کە بە نوێنەرایەتیی کۆمەڵەی زەحمەتکێشانی کوردستان ئەندامە لە لێژنەی ئامادەکاریدا دەڵێت "ئەوەش راست نییە کە بگوترێت دەوڵەتان هیچ کاریگەرییان نەبووە لەسەر دواخستنی کۆنگرە".
هەروەها خەلیل ئیبراهیم، ئەندامی لێژنەی ئامادەکاری کۆنگرەی نەتەوەی کورد، بە (رووداو)ی گوت "کاتێک باسی دواخستنی کۆنگرەکە کرا، کاک سەعدی پیرە گوتی با کەس وای لێکنەداتەوە کە ئەو کۆنگرەیە لەسەر داوای دەوڵەت و کەسێک دوادەخرێت، ئەوە تەنیا مەسەلەی هەڵبژاردەنەکانی پەرلەمانی کوردستانە کە وادەکات ئەو داوایە پێشکەش بکەن، نەک زیاتر".
پێشئەوەی بڕیار لەسەر دواخستنی کۆنگرە بدرێت، لێژنەی ئامادەکاری کۆنگرە لەسەر چەند بابەتێکی گرنگ نەگەیشتبوونە ئەنجام، کە ئەو ماوەی لەپێشیان مابوو بۆ بەڕێوەچوونی کۆنگرەکە کەم بوو و نەیانتوانی لەو ماوەیەدا کێشەکان چارەسەر بکەن.
ئەندامێکی لێژنەی ئامادەکاری کۆنگرە لەوبارەوە بە (رووداو)ی گوت "ئەجێندای کۆنگرە لەنێو لێژنەی ئامادەکاریدا بە ئاسایی تێپەڕی، بەڵام کاتێک باسەکە گەیشتە سەر دابەشکردنی ئەندامانی کۆنگرە و چۆنیەتی داڕشتنی مۆدێلی کۆنگرە، مەسەلەکە لەنێو ئەندامانی لێژنەکەدا تەقییەوە و نەگەیشتنە ئەنجام". ئەو ئەندامە گوتی "نەک نەگەیشتنە ئەنجام، بگرە ناکۆکیش دروست بووە و ئەگەر بەو شێوەیە بڕوات رەنگە ناکۆکییەکان قووڵتر ببنەوە". رەزا کەعبیش باسی ئەو کێشانەی کرد کە بوونەتە هۆی دواخستنی کۆنگرەکە و گوتی "تەنیا 2 هۆکار هەبوون بۆ دواخستنی کۆنگرە، یەکەم:ئامادەکاریی باش بکرێ بۆ بەستنی کۆنگرە، دووەم: هەڵبژاردنی پەرلەمانی کوردستانمان لەپێش بوو".
تاوەکو ئێستا گەورەترین ئاستەنگ لەبەردەم لایەنەکاندا چۆنیەتی دابەشکردنی ئەندامانی کۆنگرەیە بەسەر پارچەکانی کوردستاندا، کە ژمارەیان 600 ئەندامە.
هەروەها مۆدێلی کۆنگرە، کە ئەویش کۆنگرەکە چۆن بێ و دەزگاکە چی بێت و بڕیار و راسپاردەکانی کۆنگرە چی بن و دوای تەواوبوونی کۆنگرەکەش بڕیارەکان چۆن جێبەجێ بکرێن، ئاستەنگێکی دیکەیە.
بەپێی زانیارییەکانی (رووداو)، لە کۆبوونەوەی لێژنەی ئامادەکاری کۆنگرەدا 2 پێشنیازیان خستووەتەڕوو بۆ دواخستنی کۆنگرە. پێشنیازێک هەبوو کە لە 17/10/2013 بکرێت و پێشنیازێکیش هەبوو بۆ 25/11/2013.
دواتر پێشنیازەکان خرانە دەنگدانەوە و دووەمیان قبووڵکرا، چونکە گوترا هەڵبژاردنی ئەنجومەنی پارێزگاکانیش لەپێشە، با بکەوێتە دوای ئەو هەڵبژاردنانەش. خەلیل ئیبراهیم، کە نوێنەری (کۆمەڵ و یەکگرتوو)یە لە لێژنەی ئامادەکاری کۆنگرەدا، لەسەر هەڵوێستی PKK گوتی "لایەنەکانی دیکە و بەتایبەت برادەرانی PKK پێشنیازی دواخستنی کۆنگرە و هۆکارەکانیان قبوڵکرد".
11/09/2013
باراك ئۆباما، سەرۆكی ویلایەتە یەكگرتووەكانی ئەمریكا لە نامەیەكدا بۆ ئایەتوڵڵا خامنەیی، رابەری ئێران، داوای باشتركردنی پەیوەندییەكانی نێوان هەردوو وڵات دەكات‌و 4 پێشنیازی نوێی خستووەتەڕوو.
بەپێی هەواڵێكی رۆژنامەی (ئەلحەیات)ی چاپی لەندەن، ئۆباما لە رێگەی سوڵتان قابوس، پاشای عەممان نامەیەكی ئاڕاستەی خامنەیی كردووە و تێیدا چوار خاڵ خراونەتەڕوو.
لە یەكەم خاڵی نامەكەدا، سەرۆكی ویلایەتە یەكگرتووەكانی ئەمریكا رێزگرتنی واشنتۆنی لە ئەنجامی هەڵبژاردنەكان خستووەتەڕوو. لە خاڵی دووەمدا، ئۆباما ئامادەیی وڵاتەكەی بۆ كەمكردنەوەی گەمارۆ ئابوورییەكانی دژی ئێران خستووەتەڕوو.
خاڵی سێیەم و چوارەمی نامەكەی ئۆباما جەخت لە گرینگی هەڵوێستی ئەرێنی ئێران لە وتووێژە ئەتۆمییەكانی لەگەڵ وڵاتانی 5 كۆ یەك كردووەتەوە، هەروەها ئامادەیی ئەمریكای بۆ وتو‌وێژی راستەوخۆ لەگەڵ ئێراندا نیشانداوە.
هەرچەندە تاوەكو ئێستا بەرپرسانی ئێرانی هەواڵی گەیشتنی ئەو نامەیەیان پشتڕاست یاخود رەتنەكردووەتەوە، لەهەمانكاتیشدا هیچ وەڵامێك بۆ نامەكە نییە.
11/09/2013
سەرۆكوەزیرانی هەرێمی كوردستان، نێچیرڤان بارزانی، بەردی بناخەی بەنداوی دەربەندی گۆمەسپانی دانا كە مەبەست لێی سوود وەرگرتنە بۆ بەراوكردنی رووبەرێكی زۆری زەویی كشتوكاڵ لە گوندەكانی ناوچەكە و بووژاندنەوەی ئاوی ژێر زەوییە.
بەنداوی گۆمەسپان(بەستۆرە) كە بە دووری 30 كیلۆمەتر دەكەوێتە باكووری رۆژهەڵاتی شاری هەولێرەوە و ئەمڕۆ چوارشەممە لە لایەن سەرۆکوەزیرانی هەرێمی کوردستان و جێگرەکەیەوە بەردی بناخەی دانرا و مەبەست لێی سوود وەرگرتنە لێی بۆ بەراوكردنی رووبەرێكی زۆری زەویی كشتوكاڵ لە گوندەكانی ناوچەكە، وێڕای بووژاندنەوەی ئاوی ژێر زەوی، لە هەمان كاتدا بە دروستكردنی ئەم بەنداوە سیمایەكی جوانی گەشتوگوزاریی بە ناوچەكە دەبەخشێت كە دواتر وەك پرۆژەیەكی گەشتوگوزاریش سوودی لێ وەردەگیرێت ئەمە وێرای ئەوەی كە مەڕدارانی ئەو گوندانە بۆ ئاودانی مەڕ و ماڵاتەكانیان سوودی لێ وەردەگرن.
پرۆژەی بەنداوی گۆمەسپان(بەستۆڕە) بە بەهای 7,293,420.000(حەوت ملیار و دووسەد و نەوەدوسێ ملیۆن و چوارسەدوبیست هەزار دینار) بە ماوەی 1800 رۆژ تەواو دەكرێت. بەرزیی بەنداوەكە 70 مەترە و لە جۆری RCC كۆنكریتییە و درێژییەكەی لەسەرەوە دەگاتە 590 مەتر و بەرزیی لە ئاستی رووی دەریاوە 874 مەترە، پانیەكەی 13 مەترە، هەروەها بەرزیی بەنداوەكە لە كاتی لافاو دەگاتە 671 مەتر، دوای تەواوبوونی پرۆژەكە لە توانایدایە 75,000,000 م3 ئاو گل بداتەوە.
گرێبەستی پڕۆژەکە ٢٩ـی حوزێران – یۆنیۆ، لە لایەن پرۆفیسۆر سیروان بابان وەزیری كشتوكاڵ و سەرچاوەكانی ئاو و خەلیل حیكمەت ئاتامات بەڕێوەبەری گشتی كۆمپانیایAtach ی توركی و عەبدولڵا حەمەد گەردی بەڕێوەبەری گشتی گروپی سێنكی كوردییەوە واژۆ کرا.
pna
11/09/2013
ورمێ لە دوای كرماشان، دووەم شاری گەورەی رۆژهەڵاتی كوردستانە. ژمارەی دانیشتووانەكەی نزیكەی یەك ملیۆن كەسە و جگە لە كورد، ئازەری، ئاشووری و ئەرمەنیشی لێ نیشتەجێن، بەڵام تا ئێستا هیچكام لە پۆستەكانی پارێزگار، قایمقام یان شارەوانی شاری ورمێ بە كورد نەدراوە.
پارێزگار و قایمقام لەلایەن وەزارەتی نێوخۆی ئێران و بە هاوئاهەنگی دامەزراوە ئەمنی و سەربازییەكان دەستنیشان دەكرێن، بەڵام شارەوانی لە لایەن ئەنجوومەنێك دیاری دەكرێ كە پێشتر بەشێوەی راستەوخۆ لەلایەن خەڵكەوە هەڵبژێردراوە.
تا ئێستا چوار خولی هەڵبژاردنەكانی ئەنجوومەنی شار و گوندەكان بەڕێوەچووە. لە خولی یەكەمی ئەو هەڵبژاردنەدا هیچكام لە 9 ئەندامەكەی ئەنجوومەنی شاری ورمێ كورد نەبوون، بەڵام لە خولی دووەمدا دوو كەسیان كورد بوون. هەروەها لە خولی سێیەم كە بەشداری خەڵكی كورد لەو هەڵبژاردنەدا بەرچاو بوو، 5 ئەندامی ئەنجوومەنی ئەو شارە لە پاڵێوراوانی كورد هەڵبژێردران. بۆ خولی چوارەمی ئەنجوومەنی شارەكانیش، ژمارەی ئەندامانی ئەو ئەنجوومەنە لە شاری ورمێ بۆ 15 كەس بەرز كرایەوە، بەڵام تەنیا سێ پاڵێوراوی كورد دەنگیان هێنا.
عادل فەتاحی كە لە سێ خولی رابردووی ئەنجوومەنی شاری ورمێدا ئەندام بووە، لە بارەی پێدانی پۆستی شارەوانی ورمێ بە كورد بە (رووداو)ی گوت "تا ئێستا هیچكات شارەوانی لەنێو پێكهاتەی كورد هەڵنەبژێردراوە. تەنیا یەك جاریش كەسێكی كورد هەوڵی داوە ئەو پۆستە وەربگرێت كە پێی نەدرا".
ئەو ئەندامە كوردەی ئەنجوومەنی شاری ورمێ بۆ هەڵبژاردنی شارەوانی داهاتووی ئەو شارەش، پشتگیری لە هەڵبژاردنەوەی شارەوانی ئێستا دەكات كە لە پێكهاتەی ئازەری ئەو شارەیە.
تائێستا، زۆربەی پۆستە ئیداری و سیاسییەكانی ئەو شارە بەپێكهاتەی ئازەری سپێردراوەو لایەنەكانی دیكە و بەتایبەت كورد لێی بێبەشكراون. هەژار ئاریانفەر، چالاكوانی كلتووری و مەدەنی نیشتەجێی ورمێ پێیوایە، ئازەرییەكان بەهۆی تێكەڵاوی زیاتریان لەگەڵ دەسەڵاتی ناوەندی لە تاران و هەروەها باوەڕیان بە مەزهەبی فەرمیی ئێران، واتە شیعەی دوازدە ئیمامی، دەرفەتی زیاتریان لەنێو سیستەمی ئیداری، سیاسی، كلتووری و ئابووری شارەكە پێدەدرێت. لە درێژەشدا دەڵێت "لەم هەلومەرجەی ئێستادا رێگە بە‌كورد نادرێ لە ورمێ ئەو پۆستانە وەربگرێت".
عادل فەتاحی لەبارەی كار و چالاكییە كلتووری و ئەدەبییەكانی چالاكوانانی كورد لە ورمێ، دەڵێت رێگرییان لێ ناكرێ "ئەگەر لە چوارچێوەی یاسا و رێساكانی حكومەتدا بجوڵێنەوە دەتوانن هەر كارێك بكەن".
هەژار ئاریانفەر بە ئاماژەدان بەوەی لە ماوەی رابردوودا تەنیا رێكخراوی كلتووری- ئەدەبی ئەو شارە بەنێوی (ئینستتیوتی ئەحمەدی خانی) لەلایەن هێزە ئەمنییەكانەوە داخراوە، دەڵێت "چالاكوانانی كورد لە ورمێ بۆ وەرگرتنی مۆڵەتی یاسایی بڵاوكردنەوەی رۆژنامەو گۆڤار یان ئەنجامدانی چالاكی كلتووری و هونەری تووشی كێشەی زۆر دەبن و زۆرجاریش رێگرییان لێدەكرێت".
ئەندامەكەی ئەنجوومەنی شاری ورمێ گلەیی لەوەش دەكات كە تا ئێستا هیچ چالاكوان یان دامەزراوەیەكی كوردی داوای لێنەكردوون بۆ وەرگرتنی مۆڵەتی گۆڤار یان چالاكی كلتووری و هونەری، تاوەكو یارمەتییان بدات، بەڵام ئاریانفەر، ئەندامی دەستەی بەڕێوەبەری ئینستتیوتی خانی دەڵێت "بەرپرسانی كورد لەئەندامانی كوردی ئەنجوومەنی شاری ورمێوە بگرە تا نوێنەری كوردی ئەو شارە لە پەرلەمانی ئێران، بۆ برەودان بە كلتوور و هونەری كوردی هیچ هاوكارییەكمان ناكەن".
سەبارەت بە داخرانی ئینستتیوتی ئەحمەدی خانیش، عادل فەتاحی دەڵێت، ناكرێ ناوەندێك كە پشتگیری خەڵكی لە پشتە، بەهۆی چالاكی كلتووری و ئەدەبی دابخرێت و ئاماژە بەوە دەكات كە لە داهاتوودا بە هاوكاری لەگەڵ كاربەدەستانی دیكەی كورد، هەوڵدەدات دووبارە دەرگای ئەو ناوەندە بكرێتەوە. مەرجی ئەوەش بۆ بەرپرسانی ئەو ئینستتیوتە دادەنێ كە بەخۆیاندا بچنەوە و لەگەڵ ناوەندە حكومییەكان هاوئاهەنگ بن.
ئەندامەكەی دەستەی بەڕێوەبەری ئینستتیوتی ئەحمەدی خانی جەخت لەسەر ئەوە دەكاتەوە كە ئەوان لە چوارچێوەی برەودان بە كلتوور و هونەری كوردی بەشێوەی ئاشكرا چالاكییان كردووە و پێیوایە كە كێشەكانی ئینستتیوتی خانی لەڕێگای ئاسانكاری و پێوەندی نوێنەرانی ئەو شارە چارەسەر نابێ، بەڵكو لەڕێگەی قسەكردن لەگەڵ بەرپرسانی وەزارەتی رێنوێنی ئیسلامی (ئیرشادی ئیسلامی) ئاكامی دەبێت و ئەگەری كرانەوەی دەرگای ئەم ئینستتیوتەش لە ئارادایە".
10/09/2013
وەزیرانی دەرەوەی سووریا و رووسیا داوایان لە لێکۆڵەرەوانی نەتەوە یەکگرتووەکان کرد، جارێکی دیکە سەردانی سووریا بکەنەوە و بەردەوام بن لە لێکۆڵینەوەکانیان سەبارەت بە بەکارهاتنی چەکی کیمیایی لە سووریا و هۆشداریاندایە واشنتن، کە هیچ جوڵەیەکی سەربازی نەکاتە سەر ئەو وڵاتە.
ئەم هۆشداریانە دوای لێدوانەکانی باراک ئۆباما، سەرۆکی وڵاتە یەکگرتووەکانی ئەمریکا دێت، کە روونی کردەوە "ناردنی هێزی سەربازی بۆ سووریا زۆر گرنگە بۆ سزادانی ئەسەد دوای بەکارهێنانی چەکی کیمیایی دژ بە هاووڵاتیان سیڤیل".
حکومەتی سووریا سوورە لەسەر ئەوەی، کە چەکی کیمییای بەکار نەهێناوە، بەڵکو ئۆپۆزیسیۆنی چەکدار بەکاری هێناوە.
هەریەکە لە سێرجی لاڤرۆڤ، وەزیری دەرەوەی رووسیا و وەلید موعەلیم، وەزیری دەرەوەی سووریا هاوڕابوون لەسەر ئەوەی، "تیمی لێکۆڵینەوەی نەتەوە یەکگرتووەکان پێویستە دووبارە بێن و لە لێکۆڵینەوەکانیان بەردەوام بن سەبارەت بە بەکارهێنانی چەکی کیمییایی لە سووریا و بەڵگەکان پێشکەش بەرای گشتی بکەن بۆ ئەوی لێیان دڵنیابین".
لاڤرۆڤ گوتی" ئێمە هەوڵێکی جددی دەدەین لەبارەی هێنانەوەی تیمی لێکۆڵینەوەی نەتەوە یەکگرتووەکان بۆ سووریا بۆ تەواوکردنی لێکۆڵینەوەکان".
هەروەها وەزیری دەرەوەی رووسیا رایگەیاند، ولاتەکەی بەردەوامدەبێت لە هەوڵەکانی بۆ دۆزینەوەی چارەسەرێکی ئاشتیانە، لەوانەشە بتوانین هەموو لایەنەکانی ئۆپۆزیسیۆن کۆبکەینەوە و بە ئاشتییانە کۆتایی بەم تەنگژەیە بهێنین.
10/09/2013
ئەمڕۆ نێچیرڤان بارزانی، سەرۆکی حکومەتی هەرێمی کوردستان، بە ئامادەبوونی وەزیری پەروردە و کاربەدەستانی پەروەردە و ماموستایان لە یەکێک لە قوتابخانەکای پایتەخت زەنگی کردنەوەی قوتابخانەکانی بۆ ساڵی خوێندنی ٢٠١٣- ٢٠١٤ لێدا.
ئەمڕۆ سێشەممە، رێکەوتی ١٠/٩/٢٠١٣ ساڵی خویندنی قوتابخانەکانی کوردستان دەستی پێکرد و سەرۆکی حکومەتی هەرێمی کوردستان لە قوتابخانەی بنەڕەتیی روخسار لە پایتەخت بە ئامادەبوونی وەزیری پەروەدە و کاربەدەستانی وەزارەتی پەرەوەردە و ماموستایان، یەکەم زەنگی دەسپێکردنی خوێندنی قوتابیانی بۆ ئەمساڵ لێدا.
هاوکات لە گەڵ پایتەخت، ساڵی نوێی خۆێندن لە هەموو شار و شارۆچەکە و گوندەکانی هەرێمی کوردستان دەستی پێکرد.
م.ش
10/09/2013
عومەر ئۆسێ، پەرلەمانتاری كوردی پەرلەمانی سووریا، كە ئێستا بە سەردانێك لە هەرێمی كوردستانە لە هەڤپەیڤینێكدا لەگەڵ (رووداو) راگەیاند چەند پەیامێكی بەشار ئەسەدی سەرۆكی سووریای پێیە بۆ بەرپرسانی هەرێمی كوردستان، ئێستا چاوەڕێی بینیی مەسعود بارزانی، سەرۆكی هەرێمی كوردستان دەكات بۆ گەیاندنی ئەو پەیامانە.
هەروەها ئەو پەرلەمانتارەی سووریا گوتی " ئەسەد پێیگوتم كە چووی بۆ هەرێمی كوردستان بە بەرپرسانی كورد بڵی ئێمە قەت دژی هەرێمی كوردستان نین".
بارزانی پێشتر رایگەیاندبوو ئامادەیە هێز بنێرێتە رۆژئاوای كوردستان بۆ پارێزگاری كردن لە هاووڵاتیانی كورد. عومەر ئۆسێ دەڵێت بەشار ئەسەد ئاگاداری ئەو پەیامەی بارزانییە "بەشار ئەسەد لاری نییە هێزی پێشمەرگە بێ بۆ سووریا و ناوچەكانی كوردستانی سووریا بپارێزێ". هەروەها دەڵێت "ئەسەد ئامادەیە بارزانی، وەكو سەرۆكی هەرێمی كوردستان بانگهێشت بكات بۆ سووریا".
9/09/2013
محەممەد جەواد زەریف وەزیری دەرەوەی ئێران بەسەردانێكی فەرمی گەیشتە بەغدا وچاوی بە وەزیری دەرەوەی عێراق هۆشیار زیباری كەوت باس لە بارودۆخی ئەمنی وسیاسی عێراق كرا.
وەزیری دەرەوەی عێراق، هۆشیار زیباری، لەكۆنگرەیەكی رۆژنامەوانیدا ڕایگەیاند: لیژنەی گفتوگۆی سیاسی و لیژنەی وەزارەی لەنێوان هەردوو لا كرا بۆ ئەوەی كاروباری عێراق وئێران بەرەوە پێش بڕوات و پەێوەندیكان بەهێز بکرێن.
هۆشیار زیبار باسی لە بارودۆخی ئەمنی سووریا كرد وهەروەها ئاماژەی بەوە كرد كە حكومەتی عێراق دژی هەر كەسیكە كە چەكی كیمیاوی لە سووریا دژ بە هاووڵاتیان بەكار بهینێت.
وەزیری دەرەوەی ئێران محەممەد جەواد زەریف، لەكۆنگرەكەدا، ڕایگەیاند: عێراق وئێران پەیوەندیكی تۆكمە لەنێوانیندا هەیە ودەبێت بۆ پتەو كردنی پەیوەندیكان كار بكرێت وهاوكاری یەكتر بكرێت بۆ ئەوەی شەڕ دژ بە وڵاتی سووریا ئەنجام نەدرێت، چونكە زەرەریكی زۆر بە وڵاتەكانی دەوربەری دەگەیەنێت وپێویستە بەشێوی گفتوگۆ ودیالۆك كێشەی سووریا چارەسەر بكرێت.
وەزیری دەرەوەی ئێران ئاماژە بەوە كرد كە لیدانی سووریا كاردانەوەیەكی گەورەی لە سەر كاروباری ئەمریكا دەبێت.
سامان بابان/ م.ش
pna
9/09/2013
پارتی کرێکارانی کوردستان PKK، کێشانەوەی هێزەکانی لە باکووری کوردستان بۆ باشوور دەوەستێنێت، چونکە بە گوتەی بەرپرسانی پارتەکە، تورکیا رێککەوتننامە ئاشتییەکەی جێبەجێنەکردووە. هەروەها بەرپەرچی هەر هێرشێک دەدەنەوە، کە بکرێتە سەریان.
جەمیل بایک، هاوسەرۆکی کۆما چڤاکێن کوردستان KCK لە گوتەیەکیدا، کە رۆژنامەی تودەی زەمانی تورکی بڵاوی کردووەتەوە، "بڕیاری وەستاندنی کێشانەوەی گەریلاکانی پەکەکەی لە باکووری کوردستان بۆ باشوور داوە"، هەروەک گوتوویەتی "بەتووندی وەڵامی هەر هێرشێکی هێزەکانی تورکیا دەدەینەوە".
هاوسەرۆکی KCK پێیوایە تورکیا هیچ کام لە بەندەکانی رێککەوتننامەی ئاشتی جێبەجێنەکردووە، کە لەسەری رێککەوتبوون، "ئەمەش پێچەوانەی رێککەوتنی نێوانمانە و واتای بڕوا نەبوونە بە پرۆسەی ئاشتی و چارەسەری کێشەی کورد" و لەبەرئەوەش پاشەکشەی هێزەکانیان دەوەستێنن. هەروەها لە کاتی هەر هێرشێکی هێزەکانی تورکیاش "بەتووندی وەڵامیان دەدەینەوە"، لە ئەگەری ئەوەی هێرشیان بکرێتە سەر، هێزەکانی دیکە، کە کێشاویانەتەوە، ئەوانیش "دووبارە دەگەڕێنینەوە بۆ ناو باکووری کوردستان".
هاوسەرۆکی کۆما چڤاکێن کوردستان گوتوویەتی "لە گەڕی دووەمی پرۆسەکەدا، سەرۆک ئاپۆ دەیەویست بە رێگای چارەسەری دیموکراسی و ئاشتییانە چارەسەری کێشەی کورد بکرێت لە باکووری کوردستان، ئەگینا گەلی کورد دژی هەر مەترسییەک پارێزگاری لەخۆی دەکات".
هەفتەی رابردوو، جەمیل بایک، هاوسەرۆکی کۆما چڤاکێن کوردستان، لە لێدوانێکی تەلەفزیۆنیدا رایگەیاند "ئاگربەستی نێوان ئێمە و تورکیا، کارپێنەکراو دەبێت، لە حاڵەتی سەرنەگرتنی پرۆسەی ئاشتی نێوان ئێمە و تورکیا لە دوای 1ی ئەیلولەوە".
عەبدوڵڵا ئۆجەلان رێبەری بەندکراوی پەکەکە لە 26ی تەممووز هەڕەشەی لە حکومەتی تورکیا کردبوو، ئەگەر حکومەتی تورکیا تاوەکو 15ی تشرینی یەکەم پێنگاوی ئاشتی نەهاوێژێت، ئەوا کار بە ئاگربەستی نێوانیان ناکەن، هەروەک گوتبووی "پەکەکە چیدیکە چاوەڕوانی هەنگاوەکانی داهاتووی حکومەتی تورکیا ناکات" بۆ کۆتایی هێنان بەو کێشەیەی زیاتر لە سێ دەیەیە درێژەی هەیە لەنێوان پارتەکەیان و حکومەتی تورکیا.
رێبەری بەندکراوی PKK پێشتر لە 4ی نیسانی ساڵی 2013 لە نامەیەک بۆ سەرکردەکانی پارتەکەی، بە گەریلاکانی رایگەیاندبوو، باکووری کوردستان جێبهێڵن و بچنەوە بنە و بارەگاکانیان لە چیای قەندیلی باشووری کوردستان.
عەبدوڵڵا ئۆجەلان رێبەری پەکەکە، کە لە مانگی شوباتی ساڵی 1999 لە کینیا دەستگیرکرا و لەلایەن تورکیا بە زیندانیی هەتایی سزادراوە و ئێستا لە دوورگەی ئیمڕاڵی بەندکراوە، لە 21ی ئازاری 2013 داوای لە گەریلاکانی حزبەکەی کردبوو، ئاگربەست رابگەیەنن بەرامبەر تورکیا و لە باکووری کوردستان پاشەکشەبکەن، وەک نیشاندانی نیازپاکی بۆ سەرخستنی پرۆسەی ئاشتی، دوای 30 ساڵ شەڕی چەکداری و کوژرانی هەزاران کەس.
8/09/2013
محەمەد جەواد زەریف وەزیر دەرەوەی ئێران ئەمرۆ بە سەردانێکی فەرمی گەیشتە بەغداد و بڕیارە لەگەڵ ژمارەیەک لە بەرپرسانی عێراقدا کۆببێتەوە.
لە بەیاننامەیەکدا وەزارەتی دەرەوەی عێراق رایگەیاند " سەرلەبەیانی ئەمر ۆ هوشیار زیباری وەزیری دەرەوەی عێراق پێشوازی لە محەمەد جەواد زەریف وەزیری دەرەوەی ئێران وشاندی هاورێی کرد ".
بەیاننامەکە ئاماژەی بۆ بەرنامەی سەردانەکەی زەریفی نەکردووە تەنها باسی لە کۆبوونەوەی لەگەڵ ژمارەیەک لە بەرپرسانی عێراقی کردووە .
جێگەی ئاماژە پێکردنە سەردانەکەی وەزیری دەرەوەی ئێران بە یەکەم سەردانی بەرپرسێکی باڵای ئێران دادەنرێت بۆ عێراق لە پاش پێکهێنانی حکومەتی نوێی ئێران، و هاوکات لەگەڵ زیادبوونی ئەگەرەکانی ئاراستەکردنی گورزێکی سەربازی بۆ سوریا دێت.
د.ع
8/09/2013
سەرۆکایەتیی هەرێمی کوردستان سەبارەت به هەواڵێکی "ئاژانسی ئانادۆڵ"ی تورکی که باسی له دواخستنی کۆنگرەی نەتەوەیی کردووه، روونکردنەوەیەکی بڵاو کردەوه.
ئەمەش دەقی روونکردنەوەیەکەیه:
"ئاژانسی ئەنادۆڵ هەواڵێکی بڵاو کردۆەتەوە و هەندێ سایتی هەرێمی کوردستانیش بەبێی ئەوەی بەدواداچوونی دروست بۆ هەواڵەکە بکەن، هەواڵەکەیان گواستۆتەوە کە گوایە دواخستنی کۆنگرەی نەتەوەیی لەسەر داوای سەرۆکی هەرێمی کوردستان بووە.
سەرۆکایەتیی هەرێمی کوردستان بە گشت لایەک رادەگەیێنێت کە ئەم هەواڵە هیچ بنەمایەکی نییە و دوورە لە راستی. بەڕێز سەرۆکی هەرێمی کوردستان هەر لە سەرەتای دەستپێکردنی دانیشتنەکانی کۆمیتەی ئامادەکاریی کۆنگرەی نەتەوەیی، لەگەڵ ئەوە بووە کە کۆنگرە لە زووترین کاتدا ئەنجام بدرێت.
دواخستنی کۆنگرەی نەتەوەیی هیچ پەیوەندیی بە بەڕێز سەرۆکی هەرێمی کوردستان نەبووە و بە بڕیاری کۆمیتەی ئامادەکاریی کۆنگرەی نەتەوەیی و لەسەر داوای لایەنە بەشداربووەکان بووە و ئەوە لە راگەیەندراوی رۆژنامەوانیی کۆمیتەی ئامادەکاریی کۆنگرەی نەتەوەیی لە رێکەوتی 3ـی 9ـی 2013ـدا بەڕوونی باس کراوە کە هەڵبژاردنەکانی پارلەمان و پارێزگاکانی هەرێمی کوردستان هۆکاری دواخستنی کۆنگرەن.
کۆنگرەی نەتەوەیی مۆڵکی هەموو تاکێکی کوردە و بەرژەوەندییە باڵاکانی گەلەکەمانی پێوە بەندە. بۆیە داوا لە هەموو دەزگەکانی راگەیاندن دەکەین کۆنگرەی نەتەوەیی نەکەنە کەرەستەی یاری پێکردن و بڵاوکردنەوەی هەواڵی ناڕاست."
سەرۆکایەتیی هەرێمی کوردستان
7ـی 9ـی 2013
گۆرانیبێژی بەناوبانگی پۆپی ئەمریكی مادۆنا داوا لە هێزەكانی وڵاتەكەی دەكات كە هێرشی سەربازی نەكاتە سەر سووریا.
مادۆنا وێنەیەكی خۆی لەسەر ماڵپەڕی ئینسگرام بڵاوكردۆتەوە و لەسەر وێنەكە نووسیویەتی " ئەمریكا .. دەست لە كاروباری سوریا وەرمەدە".
وێنەكەی مادۆنا بە خێراییەكی زۆر لە ئینتەرنێت بڵاو بووەوەو گرنگیەكی تایبەتی پێدرالە لایەن چالاكوانانەوەو گفتۆیەكی زۆری لەبارەیەوە كرا لە ئەگەری هێرشكردنە سەر سوریا.
ماوەی چەند رۆژێكە لە ئەنجوومەنی پیرانی ئەمریكا ڤفتوگۆ لەسەر دۆسییەی لێدانی سووریا دەكرێت و تاوەكو ئێستاش یەكلایی نەكراوەتەوە.
مادۆنا یەكەم هونەرمەند نییە كە نامەیەك ئاڕاستەی كۆشكی سپی بكات و تێیدا ناڕەزایی خۆی دەرببڕێت بەرامبەر دەست تێوەردان لە سووریا , چونكە پێش ئەو چەند ژنە هونەرمەندێكی سووری پەیامی هاوشێوەیان ئاراستەی ئەمریكا و سەرۆكەكەیان ئۆباما كردبوو. كە ناوەڕۆكی پەیامەكانیان لە داواكردن یان هەڕەشەكردن بوو لە دژی دەستتێوەردانەكە .
ئەگەر پەیامی ژنە هونەرمەندە عەرەبەكانیش نەگەیشتبێتە ئۆبامای سەرۆكی ئەمریكا ئەوا بە دڵنیاییەوە پەیامی شاژنی پۆپی گەیشتووەتێ ئەمەش بۆ سەرۆك دەگەڕێتەوە ئایا هیچ گرنگیەك بەم پەیامانە دەدات یاخود پشتگۆیان دەخات .
رووداو – rt
7/09/2013
سەرۆکی رووسیا رایگەیاند وڵاتەکەی بەردەوام دەبێت لە هاوکاریکردنی بەشار ئەسەد لەرێگەی هەناردەکردنی چەک بۆ رژێمەکەی.
لە کۆنفڕانسێکی رۆژنامەوانیدا دوای کۆتاییهاتنی کۆنگرەی G20، ڤلادیمێر پوتین گوتی "بەپێی یاسای نێودەوڵەتییەکان، بەکارهێنانی هێز لە دژی وڵاتێكی خآوەن سەروەری سیاسی قەدەخەیە"، تێکدانی "ئارامی رۆژهەڵاتی ناوەڕاست" دەرەنجامی پێچەوانەی خواستی هەموو لایەکی لێ دەکەوێتەوە.
پوتین پشتگیری رژێمی بەشار ئەسەدی کرد و گوتی "ئەو قسانەی لەبارەی بەکارهێنانی چەکی کیمیایی لەلایەن رژێمی بەشار ئەسەدەوە دەکرێن، پڕوپاگەندەیەکە لایەنە بەرهەڵستکارەکانی رژێمی سووریا دەیکەن، بۆ ئەوەی لەو رێگەیەوە هاوکاری و پشتیوانی دەرەکی وەربگرن".
هەروەها ئاماژەی بەوەدا، لەگەڵ باراک ئۆباما، سەرۆکی ئەمریکا کۆبوونەتەوە، بەڵام هەردوو لایان لەسەر هەڵوێستی خۆیان سووربوون و بۆچوونیان لەیەکەوە نزیکنەبووە.
لای خۆیشیەوە باراک ئۆباما، سەرۆکی ئەمریکا رایگەیاند "ئێمە لە بەکارهێنانی چەکی کیمیایی لەلایەن رژێمی بەشار ئەسەدەوە، دڵنیاین".
هاوکات 11 وڵاتی بەشدار لە کۆنگرەی G20، واژوویان لەسەر داوانامەیەک کرد، کە تێیدا هاتبوو پێویستە لە هەمبەر بەکارهێنانی چەکی کیمیایی وەڵامێکی نێونەتەوەیی بدرێتەوە.
رۆژی پێنجشەممە 5/9/2013 کۆنگرەی G20 لە شاری سانپترسبورگ لە رووسیا سازکرا و لە ماوەی 2 رۆژی بەڕێوەچوونیدا، پرسی سووریا گەرمترین باس بوو، بەڵام بەبێ ئەوەی رێککەوتنێکی هاوبەشی نێوان رووسیا و ئەمریکای لێبکەوێتەوە، کۆتایی هات.
بە گوێرەی لێدوانی بەرپرسانی ئۆپۆزیسیۆنی سووریا، رۆژی 21ی ئاب رژێمی ئەو وڵاتە بە چەکی کیمیاوی هێرشی کردە سەر ناوچەی غوتەی رۆژهەڵات لە دورووبەری دیمەشق و بووە هۆی کوشتنی ژمارەیەک هاووڵاتی.
7/09/2013
سكرتێری مه‌كته‌بی سیاسیی پارتیی دیموکراتی کوردستان، فازڵ میرانی، ڕایگەیاند، سەرۆکی حکوومەتی هەرێم، نێچیرڤان بارزانی، لە بەرنامەیدایە پشکی هاووڵاتیان لە داهاتی نەوت دیاری بکات و بێ جیاوازی مانگانە بڕی ٥٠٠ تا ١٠٠٠دۆلاریان پێ بدات.
ڕۆژنامەی خەبات لە ژمارەی ئەمڕۆیدا لە زاری فازڵ میرانییەوە بڵاوی کردووەتەوە كه نێچیرڤان بارزانیی سه‌رۆكی حكوومه‌تی هه‌رێم بڕیاری داوه كار له‌سه‌ر ئه‌وه بكات مانگانه 500 تا 1000 دۆلاری نه‌وت بدرێته هه‌ر خێزانێكی كورد.
فازڵ میرانی له كۆبوونه‌وه‌یه‌كی حزبه‌كه‌یدا کە له ئامێدی ساز دراوە، گوتوویه‌تی، نێچیرڤان بارزانی كار بۆ ئه‌وه ده‌كات هاوشێوه‌ی وڵاتی ئیمارات مانگانه له پاره‌ی نه‌وت مووچه‌یه‌ك بۆ خه‌ڵكی كوردستان بێ جیاوازی ببڕێته‌وه.
pna
8/09/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
