به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
نێچیرڤان بارزانی سه‌رۆكی ئه‌نجوومه‌نی وه‌زیرانی هه‌رێمی كوردستان و هاوسه‌ره‌كه‌ی وه‌ك یه‌كه‌مین ده‌نگده‌ر به‌شداریان له هه‌ڵبژاردنی په‌رله‌مانی كوردستان كرد.
كه‌مێك به‌ر له ئێستا كاتژمێر حه‌وت له‌گه‌ڵ كردنه‌وه‌ی بنكه‌كانی ده‌نگدان، له هۆتێل رۆتانای له هه‌ولێری پایته‌ختی هه‌رێمی كوردستان، نێچیرڤان بارزانی له‌گه‌ڵ هاوسه‌ره‌كه‌ی نه‌بیله خان به‌شداریان له ده‌نگدان كرد.
ئه‌مڕۆ شه‌ممه له هه‌رێمی كوردستان ده‌نگدانی گشتی ده‌ستی پێكرد كه له سه‌رتاسه‌ری هه‌رێم، دوو ملیۆن و 803 كه‌س مافی ده‌نگدانیان هه‌یه له هه‌ڵبژاردنی په‌رله‌مانی كوردستان.
21/09/2013
هه‌ریه‌ك له‌نه‌وشیروان مسته‌فاو عه‌لی باپیر به‌جیا به‌شدارییان له‌پرۆسه‌ی ده‌نگداندا كردو ده‌نگیاندا. له‌لێدوانێكیشدا نه‌وشیروان مسته‌فا دوپاتیكرده‌وه كه حكومه‌ت بۆ ئه‌وان ده‌بێت.
سلێمانی، ئاوێنه‌نیوز: كاتژمێر حه‌وتی سه‌رله‌به‌یانی ئه‌مرۆ شه‌ممه، ده‌نگدانی گشتی په‌رله‌مانی كوردستان ده‌ستیپێكردو كه‌مێك له‌مه‌وبه‌ریش نه‌وشیروان مسته‌فا ڕێكخه‌ری گشتی بزوتنه‌وه‌ی گۆڕان له‌بنكه‌ی ئازادی شاری سلێمانی ده‌نگیدا.
پاش ده‌نگدانه‌كه‌ش له‌لێدوانێكی كورنی ڕۆژنامه‌وانیدا وتی، "ئومێدەكەم پرۆسەكە بەسەركەوتویی‌و ئارامی بەڕێوەبچێت‌و سەرەتای ژیانێكی سیاسی نوێ بێت بۆ خەڵكی كودستان".
نه‌وشیروان مسته‌ف وتیشی، "حكومه‌ت بۆخۆمان ده‌بێت".
له‌لایه‌كی دیكه‌وه‌و هه‌ر ئه‌مرۆ عه‌لی باپیر ئه‌میری كۆمه‌ڵی ئیسلامی كوردستان له‌بنكه‌ی گوڵان له‌شاری هه‌ولێر ده‌نگیدا.
له‌هه‌ڵبژاردنه‌كانی ئه‌م خوله‌ی په‌رله‌مانی كوردستاندا 30 قه‌واره‌ی سیاسی كێبڕكێی به‌ده‌ستهێنانی 111 كورسی په‌رله‌مان ده‌كه‌ن. هاوكات دو ملیۆن‌و 803 هه‌زار كه‌س له‌م هه‌ڵبژاردنه‌دا مافی ده‌نگدانیان هه‌یه، به‌جۆرێك پارێزگای سلێمانی زۆرترین ده‌نگده‌ری له‌خۆگرتوه‌و ڕێژه‌كه‌ی ده‌گاته یه‌ك ملیۆن‌و 195 هه‌زار كه‌س. پارێزگای هه‌ولێر به‌پله‌ی دووه‌م دێت له‌ڕوی ژماره‌ی ده‌نگده‌ره‌وه‌و ڕێژه‌كه‌ی ده‌گاته 991 هه‌زارو له‌پارێزگای دهۆك-یش 615 هه‌زار كه‌س مافی ده‌نگدانیان هه‌یه.
به‌پێی ئاماره‌كانی كۆمسیۆنی هه‌ڵبژاردنه‌كان ده‌یان ڕێكخراوی بیانی‌‌و عه‌ره‌بی هاتونه‌ته هه‌رێمی كوردستان به‌مه‌به‌ستی چاودێریكردنی پرۆسه‌كه، جگه له‌تۆماركردنی سه‌دان چاودێری قه‌واره سیاسیه‌كان‌و كه‌ناڵه‌كانی ڕاگه‌یاندن‌و ڕێكخراوه‌كانی كۆمه‌ڵی مه‌ده‌نی.
awene
21/09/2013
که‌مێك پێش ئێستا مه‌لا به‌ختیارو كۆسره‌ت ره‌سوڵ له بنكه‌یه‌كی ده‌نگدان ده‌نگیاندا.
كاتژمێر حه‌وتی سەرلەبەیانی ئەمڕۆ شه‌ممه دەنگدانی گشتی بۆ ھەڵبژاردنی پەرلەمانی کوردستان دەستی پێکرد‌و به‌شێكی زۆری هاوڵاتیان ئێستا له‌بنكه‌كانی‌ده‌نگداندان.
مەلا بەختیار، لێپرسراوی دەستەی كارگێڕی مەكتەبی سیاسی یەكێتیی نیشتمانیی كوردستان، دوای ده‌نگدان به رۆژنامه‌نوسانی وت “كاتێك مرۆڤ دێت دەنگدەدات، دەنگ بۆ ویژدانی خۆیی و دەنگ بۆ خزمەتی نیشتمانەكەی دەدات، دەنگ بۆ خزمەتی وڵاتەكەی دەدات. ئەمەش نوێكردنەوەی پەیمانی كۆمەڵایەتییە”
هه‌ر ئه‌مرۆ كۆسره‌ت ره‌سوڵ جێگری سكرتێری گشتی یه‌كێتی له بنكه‌یه‌كی ده‌نگدان ده‌نگیدا.
hawlati
21/09/2013
مه‌سعوود بارزانی سه‌رۆکی هه‌رێمی کوردستان له یه‌کێک له بنکه‌کانی ده‌نگدان له پیرمام ده‌نگی خۆی دا.
هاوکات مه‌سروور بارزانی سەرۆکی ئەنجومەنی ئاسایشی هەرێمی کوردستان له یه‌کێک له بنکه‌کانی ده‌نگدان له پیرمام ده‌نگی خۆی دا.
کاتژمێر7ی سەرلەبەیانی ئەمرۆ پرۆسەی دانگدانی گشتی بۆ هەڵبژاردنی هەرێمی کوردستان لە سەرجەم شارو شارۆچکەکانی هەرێم دەستی پێکرد.
د.ع
pna
21/09/2013
21 رێكخراوی مه‌ده‌نی و چالاکی بواری مافه‌كانی مرۆڤ و راگه‌یاندن له راگه‌یه‌نراوێكی هاوبه‌شدا داوای پشتیوانیان له رۆژئاوای كوردستان و ئاواره‌كانی کردووە.
ئه‌مه‌ش ده‌قی راگه‌یه‌نراوه‌كەیه:
پێویسته پشتیوانی له رۆژئاوای كوردستان و ئاواره‌كانیان بكه‌ین
بۆ:
رێكخراوی نه‌ته‌وه یه‌كگرتوه‌كان
كۆمیسیاریای باڵای په‌نابه‌رانی رێكخراوی نه‌ته‌وه یه‌كگرتوه‌كان
حكومه‌تی هه‌رێمی كوردستان
كوماری فێدرالی عیراق
وزاره‌تی ده‌رۆه‌ی تۆركیه
راگه‌یاندراوی هاوبه‌شی رێكخراوه مه‌ده‌نییه‌كانی كوردستان له باره‌ی دۆخی ناله‌باری هاووڵاتییه ئاواره‌كانی رۆژئاوای كوردستان له وڵاته دراوسێكانیاندا. قه‌یرانی كه‌میی خۆراك و ده‌رمان بۆ ئه‌و هاووڵاتییانه، كه هێشتا ئاواره‌ی وڵاتانی دراوسێ نه‌بوون بووه‌ته مه‌ترسییه‌ك بۆ سه‌ر ژیانیان.
له ئێستادا رۆژانه بارودۆخی ژیان و گوزه‌رانی ئاواره‌كانی رۆژئاوای كوردستان له وڵاتانی دراوسێیاندا بووه‌ته باسی ناو میدیا جیهانییه‌كان. هه‌مومان له‌وه‌ش ئاگادارین، ئه‌و دۆخه تاقه‌ت پڕوكێنه له‌رووی ئاسایش و ئابوورییه‌وه هه‌ڕه‌شه له سه‌ر ژیانی په‌نابه‌رانی ئه‌و به‌شه‌ی وڵاته‌كه‌مان ده‌كات.
چه‌ندینجار له رێگه‌ی مانگی سووری كوردستانه‌وه، كه رێكخراوێكی فریاگوزارییه و هاوكاریی لێقه‌وماوانی كوردستان ده‌كات، له‌باره‌ی بارودۆخی خراپ و مه‌ترسییه‌كانی ژیانی ئه‌و هاووڵاتییانه، كه هێشتا له‌ناوچه‌كانی رۆژئاوای كوردستاندا ژیان به‌سه‌ر ده‌بن راپۆرت بڵاوكراوه‌ته‌وه. هاوكات ریكخراوه‌كانی بواری مافی مرۆڤ چه‌ندین راپۆرتیان له‌و باره‌یه‌وه بڵاوكردوه‌ته‌وه، كه تێكڕای هه‌واڵ و راپۆرته‌كان ئاماژه به كه‌میی خۆراك و ده‌رمان به شێوه‌یه‌كی مه‌ترسیدار ده‌كه‌ن. بۆیه ئێمه وه‌ك رێكخراوه‌كانی مافی مرۆڤ و مه‌ده‌نی به خستنه‌ڕووی ئه‌و خاڵانه‌ی خواره‌وه داوا له رێكخراوی نه‌ته‌وه یه‌كگرتوه‌كان و كۆمیسیاریای باڵای په‌نابه‌رانی نه‌ته‌وه یه‌كگرتوه‌كان ده‌كه‌ین:
1. وڵاتانی دراوسێی سوریه و به‌تایبه‌ت حكومه‌تی هه‌رێمی كوردستان به زوترین كات گه‌مارۆی ئابووری و خۆراك و ده‌رمان له‌سه‌ر رۆژئاوای كوردستان هه‌ڵبگرێت.
2. تێكڕای ئه‌و كه‌سانه، كه به‌هۆی نه‌خۆشی و زیانه‌كانی جه‌نگ به‌شێوه‌یه‌ك له شێوه‌كان ژیانیان له مه‌ترسیدایه رێگای هاتنیان بۆ وڵاتانی دراوسێ پێبدرێت و به‌پێی یاسا مرۆییه‌كان هاوكارییان بكرێت.
3. داوا له كۆمیسیاریای باڵای په‌نابه‌رانی رێكخراوی نه‌ته‌وه یه‌كگرتوه‌كان ده‌كه‌ین، كه به‌پێی یاسا و كۆنڤانسیۆنه‌كانی ساڵی (١٩٥١) و رێكه‌وتننامه‌ی ساڵی (١٩٦٧)، كه به بنه‌مای كاركردنی ئه‌و رێكخراوه ده‌ناسرێت ئه‌ركه‌كانی به جێبهێنێت و هاوكاریی مرۆیش به‌پێی یاسای نێوده‌وڵه‌تی به په‌نابه‌ران بگه‌یه‌نێت. هه‌روه‌ها رێكخراوی نه‌ته‌وه یه‌كگرتوه‌كان به‌پرسیاریه‌تیی سه‌ره‌كیی له‌بواری دابینكردنی پێداویستییه‌كانی ژیان و نیشته‌جێكردنی ئاواره‌كان له وڵاته دراوسێكانی سوریادا له ئه‌ستۆ بگرێت و په‌نابه‌ران بخاته ژێر چه‌تری مرۆدۆستانه‌ی رێكخراوه‌كه‌یانه‌وه.
4. به‌پێی هه‌واڵی بڵاوكراوه له میدیاكاندا په‌نابه‌ران كه‌وتونه‌ته بۆسه‌ی تۆڕه‌كانی قاچاخچێتیی مرۆڤه‌وه، كه له‌و نێوه‌دا ژنان و منداڵان بوونه‌ته قوربانیی سه‌ره‌كیی ئه‌و تۆڕه مافیایانه و ئه‌وه‌ش پێشێلكردنی پێوانه‌كانی مافی مرۆڤه. بۆیه دابینكردنی دۆخێكی له‌بار و ته‌ندروست و دابینكردنی ئاسایشی په‌نابه‌ران له رووی ئه‌خلاقی و به‌رپرسیاریه‌تی مرۆییه‌وه له‌و وڵاتانه، كه په‌نابه‌ره‌كان روویان تێده‌كه‌ن پێویسته به‌خێرایی بچێته بواری جێبه‌جێكردن و حكومه‌ت و لایه‌نه په‌یوه‌ندیداره‌كان ئه‌ركه‌كانیان به‌رامبه‌ر به په‌نابه‌ران به جێبهێنن. هه‌روه‌ها پێویسته ژنان و منداڵان به پێی بڕیاری (١٣٢٥)ی ئه‌نجومه‌نی ئاسایشی نه‌ته‌وه یه‌كگرتوه‌كان پارێزراو بن.
5. داواش له رێكخراوی نه‌ته‌وه یه‌كگرتوه‌كان ده‌كه‌ین له‌ناوچه ئارامه‌كانی رۆژئاوای كوردستان (له‌ناو خاكی سوریادا) كه‌مپ بۆ نیشته‌جێكردنی په‌نابه‌ران بكرێته‌وه تاوه‌كو له‌ئه‌گه‌ری ره‌خسانی هه‌ر ده‌رفه‌تێكدا په‌نابه‌ران بتوانن به‌خێرایی بگه‌ڕێنه‌وه سه‌ر ماڵ و حاڵی خۆیان له وڵاته‌كه‌یاندا.
6. رێگای هاتوچۆكردن بۆ رۆژئاوای كوردستان بۆ رێكخراوه مه‌ده‌نییه‌كان و بواری مافی مرۆڤ ده‌سته‌به‌ر بكرێت. هاوكات رێگای هاتۆچۆش بۆ تێكڕای رێكخراوه‌كانی بواری مرۆیی و به تایبه‌تی رێكخراوی پزیشكانی بێسنور به‌شێوه‌یه‌كی ئاسایی كراوه بێت تاوه‌كو بتوانن به ئاسانی هاتوچۆ بكه‌ن و ئه‌ركه مرۆدۆستانه‌كانیان له‌و به‌شه‌ی كوردستاندا به جێبهێنن، چونكه رۆژئاوای كوردستان یه‌كێكه له چوارپارچه‌كه‌ی كوردستان، كه له‌نێوان وڵاتانی سوریا، عیراق، ئێران و توركیادا دابه‌شكراوه.
1. كۆمه‌ڵه‌ی مافی مرۆڤی كورد له ئوروپا
2. رێكخراوی ده‌ستپێشخه‌رێی كۆمه‌ڵی مه‌ده‌نی
3. كۆمپانیای ئاوێنه بۆ چاپ و بڵاوكردنه‌وه
4. رێكخراوی ده‌نگی پیران و خێزان
5. رێكخراوی ئه‌وروپی میزۆپۆتامی
6. گه‌نجێن كورد بۆ گوهرتین
7. كۆمه‌ڵه‌ی رۆشنبیریی میزۆپۆتامیا
8. رێكخراوی په‌ره‌پێدانی په‌روه‌رده‌یی
9. گروپی چرا
10. مافــــــــــی ژنــــــــــــی كـــــــــــــــورد
11. كه‌مپه‌ینی به‌رگری له به‌ندكراوانی سیاسی و مه‌ده‌نی
12. فیدراسیۆنی زیندانیان سیاسی كوردستان
13. ناوه‌ندی باڵای زه‌رده‌شتیان كوردستان
14. ئه‌نجومه‌نی ژنانی ئازه‌ر مێهر
15. كۆمیته‌ی دیفاع له مافی گه‌له‌كان ئیرانی
16. رێكخراوی هاوار بۆ مافه‌كانی په‌نابه‌رانی كورد – سوریه
17. رێكخراوی شیرین
18. ناوه‌ندی لێكۆڵینه‌وه ستراتژییه‌كانی كوردستان
19. كوردۆساید واچ - چاك سوید
20. هۆزه‌ی زه‌رده‌شتیان كوردستان
21. ڕێكخراوی نه‌هێشتنی ئه‌شكه‌نجه و له‌سێداره‌دان ئۆڕته
زە ریپۆرتەر، كە پاشكۆیەكی وەرزیی رۆژنامەی گاردیەن-ی بەریتانییە، نوێترین ژمارەی تایبەت كراوە بە هەرێمی كوردستان.
رۆژنامەنووس ئۆلیڤەر مۆس، كە یەكێكە لە ئامادەكارانی پاشكۆكە، لە پێشەكییەكدا نووسیویەتی " ئابووریی كوردستان یەكێكە لە گەشەسەندووترین ئابوورییەكانی جیهان".
پاشكۆكە چەند راپۆرت و هەڤپەیڤینێكی تایبەت بە هەرێمی كوردستانی تێدایە، لەوانەش چاوپێكەوتنێك لەگەڵ نێچیرڤان بارزانی، سەرۆك وەزیرانی هەرێمی كوردستان. هەروەها بەڕێوەبەری گشتیی تۆڕی میدیایی رووداویش هەڤپەیڤینێكی لەگەڵ ئەنجامدراوە.
ئۆلیڤەر مۆس دەربارەی نێچیرڤان بارزانی نووسیویەتی "لە دەیەی رابردوودا سەرۆك وەزیران بووە ستراتیژیستێكی لێهاتوو، میتۆدێكی دیپلۆماسی و سیاسیی وەهای گرتووەتەبەر كە سەرپەرشتی پێشكەوتنێكی بێوێنەی هەرێمی كوردستان دەكات".
رۆژنامەنووسە بەریتانییەكە دەربارەی نیچیرڤان بارزانی دەڵێت "لەكاتێكدا وشەی نێچیرڤان واتە راوچی، بەڵام لە دەیەی رابردوودا توانیویەتی ناوی هاندەری گەشەسەندن و پێكەوە ژیانی ئاشتییانە بۆخۆی دابهێنێت".
ئۆلیڤەر مۆس نێچیرڤان بارزانی بە "سەرۆك وەزیرانی گەشەسەندن" وەسفدەكات.
نێچیرڤان بارزانی لە هەڤپەیڤینەكەیدا لەگەڵ زە ریپۆرتەر دەڵێت: "ئێمە لە ساڵی 2004 ەوە هەنگاومان بەرەو داهاتوو ناوە، بەڵام لەڕووی نێودەوڵەتییەوە هێشتا زۆرمان ماوە، لە هەموو روویەكەوە، هەر لە بنیادنانەوە تاوەكو مافی مرۆڤ، كە ئەمەش كاتێكی باشی پێویستە ".
گاردیەن باسی رۆڵی میدیا لە ژیانی سیاسی و گشتیی هەرێمی كوردستان دەكات، بە بایەخەوە دەڕوانێتە تۆڕی میدیایی رووداو و دەنووسێت: "رووداو پێشكەوتووە و بووەتە كاریگەرترین پلاتفۆرمی میدیایی لە كوردستان".
لە هەڤپەیڤینێكیشدا لەگەڵ رۆژنامەنووسەكەی گاردیەن، ئاكۆ محەممەد، بەڕێوەبەری گشتیی تۆڕی میدیایی رووداو لە وەڵامی پرسیارێكدا دەربارەی ئایندەی رووداو دەڵێت: "بۆ بەدەستهێنانی زانیاری، دەمانەوێت رووداو ببێتە یەكێك لە بژارە یەكەمەكانی بینەر لە رۆژهەڵاتی نێوەڕاستدا".
پاشكۆكەی گاردیان چەند راپۆرتێكی دیكەی دەربارەی سەقامگیریی ئاسایش و كەرتی نەوت و پەروەردە و تەندروستی و گەیاندن بڵاوكردووەتەوە.
رووداو – گاردییەن
20/09/2013
لە شاری لاكۆرونا لە وڵاتی ئیسپانیا، كەسێك بلیتێكی یانسیب دەكڕێت و بلیتەكەی لە هەمان دوكان لەبیردەچێت. دواتر یانسیبەكە بۆ ئەو بلیتە دەردەچێت، كە 6 ملیۆن و 300 هەزار دۆلارە..
ئێستا لە رێگەی ئاگادارییەوە شارەوانی ئەو وڵاتە بەدوای خاوەنی بلیتەكە دەگەڕێن.
هاوكات كارلۆس نێجیریا، سەرۆك شارەوانی شارەكە لە بەیاننامەیەكدا رایگەیاند "ئێمە بەدوای كەسەكەدا دەگەڕێین تاوەكو پارەكەی بۆبگەڕێنینەوە".
شاری لاكۆرونا بە شوێنێكی بەناوبانگ دادەنرێت بۆ فرۆشتنی بلیتی یانسیب.
ژمارەی دانیشتو‌وانی لاكۆرونا 246 هەزار كەسە، بەڵام ئەوەی دۆزینەوەی كەسەكەی گرانتر كردووە ئەوەیە شارەكە شوێنێكی گەشتیارییە و ژمارەیەكی زۆر گەشتیار رووی تێدەكەن.
بەگوێرەی كاربەدەستانی شارەكە، ئەگەر لەماوەی ٢ ساڵدا خاوەنەكەی نەدۆزرایەوە ،پارەكە دەبەخشرێتە ئەو كەسەی بلیتەكەی دۆزیوەتەوە.
20/09/2013
كۆمسیۆنی هه‌ڵبژاردنه‌كان رایگه‌یاند، به‌شێوه‌یه‌كی گشتی ده‌نگدانی تایبه‌ت له سه‌رجه‌م شارو شارۆچكه‌كان به رێكوپێكی به‌ڕێوه‌چوو، زیاتر له 144 هه‌زار كه‌س به‌شداری تێداكرد رێژه‌ی به‌شداربوون گه‌یشته 93.9 له‌سه‌د، ئه‌مه‌ش ده‌ستكه‌وتێكه یه‌كه‌مجاره كۆمسیۆن تۆماری ده‌كات، هه‌روه‌ها رێژه‌ی به‌شداری ده‌نگدانی تایبه‌تی له پارێزگاكانی هه‌رێم بڵاو كردوه.
ئه‌ندامی ئه‌نجومه‌نی كۆمسیۆنی هه‌ڵبژاردنه‌كان، میقداد شه‌ریفی، له كۆنگره‌یه‌كی رۆژنامه‌وانی رایگه‌یاند: پرۆسه‌ی ده‌نگدانی تایبه‌ت به‌ڕێكوپێكی به‌ڕێوه‌چوو، ده‌نگده‌ر به‌رێژه‌یه‌كی زۆر باش به‌شداری له ده‌نگدانی تایبه‌تدا كردوه، 153 هه‌زار كه‌س مافی به‌شداری كردنی هه‌بوو، له‌و ژماره‌یه 144 هه‌زار و 434 كه‌س به‌شداری كرد، رێژه‌ی به‌شداریكردن گه‌یشته 93.9%.
وتیشی: له پارێزگای دهۆك رێژی به‌شداریكردن 91 له سه‌د بووه و له هه‌ولێر 93 له سه‌د بووه، له سلێمانی گه‌یشته 95 له‌سه‌د.
ئاماژه‌یدا: به‌شداری ئه‌و ژماره زۆره‌ی ده‌نگده‌ر له ده‌نگدانی تایبه‌ت ده‌ستكه‌وتێكی گه‌وره‌یه یه‌كه‌مجاره كۆمسیۆن تۆماری بكات.
ئه‌مڕۆ چوارشەممە بە ئامادەبوونی نێچیرڤان بارزانی، سەرۆك وەزیرانی هەرێمی كوردستان و ئاشتی هەورامی وەزیری سامانە سرووشتییەكان و هەردوو كۆمپانیای DNO و گەنەل ئێنێرجی، رێوڕەسمی واژووكردنی گرێبەستی دابینكردنی غاز بۆ وێستگەی كارەبای دهۆك بەڕێوەچوو، كه تیایدا غاز له جیاتی گازوایل بۆ وێستگه‌كه به‌كارده‌هێنرێت و چاوه‌ڕێ ده‌كرێت سه‌ره‌تای ساڵی تازه بكه‌وێته كار.
بەتەواوبوونی ئەم پرۆژەیە بەپێی داتاكانی ماڵپەری فەرمی حكومەتی هەرێمی كوردستان له‌به‌ر هه‌رزانی نرخی غاز به‌رامبه‌ر به گازوایل ساڵانه بڕی 900 ملیۆن دۆلار بۆ حكومه‌تی هه‌رێمی كوردستان ده‌گه‌ڕێته‌وه.
لە رێورەسمەكەدا نێچیرڤان بارزانی، سەرۆك وەزیرانی هەرێمی كوردستان وتارێكی پێشەكەشكرد و ئاماژەی بەوە كرد كە هەمیشە سامانی سرووشتی عێراق بۆ وێرانكاربی كوردستان و عێراق بەكارهاتووە، گوتیشی:"بۆ ئێمە گرنگ بوو بۆ یەكەم جار ئەو هاوكێشەیە بگۆڕین و سامانی سرووشتی وڵاتەكه‌مان بۆ خۆشگوزەرانی بەكاربهێنین.
بارزانی مافی دەستووریی هەرێمی كوردستانی لە بواری سامانی سرووشتی دووپاتكردەوەو رایگەیاند: ئەو كۆمپانیایانەی هاتوونەتە هەرێمی كوردستان لەو بوارەدا پشتڕاستن لەوەی مافی دەستوریمان هەیە. سوپاسی د. ئاشتی هەورامی وەزیری سامانە سرووشتیەكانی هەرێمی كوردستانیشی كرد بۆ ئەو هەوڵانەی لە بواری نەوتدا لە كوردستان داویەتی.
سەرۆك وەزیرانی هەرێمی كوردستان راشیگەیاند، حكومەتی هەرێمی كوردستان بەپێی دەستووری عیراقی كاردەكات و هیچ هەنگاوێكی زیاتر ناهاوێژێت. گوتیشی:"ئەوەی داوامان كردووە لە چوارچێوەی دەستووری عیراقەو دەستووری عیراق مافی ئەوەی داوە مومارەسەی مافی خۆمان بكەین و بڕیاری پەرلەمانی خۆمان جێبەجێ بكەین، لە دەستووردا هاتووە هەر یاسایەك لەگەڵ یاسای هەرێمدا ناكۆك بێت، یاسای هەرێم باڵادەستە و ئێمەش لە هەرێمی كوردستان زۆر بە باشی جێبەجێی دەكەین".
دواتر د. ئاشتی هەورامی، وەزیری سامانە سرووشتیەكان وتارێكی پێشكەشكردو دووپاتیكردەوە حكومەتی هەرێمی كوردستان بە یاسای پەرلەمان و دەستووری عیراق پابه‌نده، گوتیشی:" حكومەتی فیدراڵ ناتوانێ بەتەنها لە ناوچە كوردستانییەكانی دەرەوەی هەرێمی كوردستان كار بكات. ئەمەش بڕیارێكی سیاسیە". داواشی لە حكوومەتی عیراق كرد لەگەڵ حكومەتی هەرێمی كوردستان لەمبارەیەوە قسە بكات.
ئاماژەی ۆ ئەوەشكرد وەزارەتی سامانە سرووشتیەكانی هەرێمی كوردستان بەشی دوو ملیۆن دۆلار سووتەمەتی بۆ ئاوارەكانی سووریا دابینكردووەو سەرۆكی حكومەتیش 25 ملیۆنی تەرخان كردووە.
19/09/2013
رێكخراوی كرمانجی خەڵكی خۆراسان كە بنكەی سەرەكی لە شاری لەندەنی پایتەختی بەریتانیایە، دەڵێت نزیكەی دوو ملیۆن كوردی ناوچەی خۆراسانی ئێران لەلایەن دەسەڵاتدارانی ئەو وڵاتەوە لە مافە كولتووری و مەدەنییەكانیان بێبەش كراون.
ئەفراسیاب شكوفتە، یەكێك لە دامەزرێنەرانی رێكخراوەكە بە (رووداو)ی گوت “تا ئێستا ژمارەی كوردی خۆراسان بە تەواوی نازانرێ چەندە”. بەپێی قسەی ئەو چالاكوانە كوردە، كوردانی خۆراسان رێگەیان پێنادرێت بە زمانی دایكیان بخوێنن. تەنانەت لە تەواوی ناوچەكەدا یەك خوێندنگای سەرەتایی بە زمانی كوردی نییە.
ئەو كوردانەی كە لە ناوچە سنوورییەكانی نێوان ئیمپراتۆریەتی عوسمانی و سەفەویدا نیشتەجێ بوون، بۆ یەكەمجار لە پاش هەڵگیرسانی جەنگی نێوان عوسمانی و سەفەوی لە سەدەی حەڤدەدا ژمارەیەكی زۆریان لەلایەن ئیمپراتۆریەتی سەفەوییەوە راگوێزران، ئەمەش لە ترسی دروستكردنی هاوپەیمانێتی لەگەڵ عوسمانیەكاندا. نزیكەی 50 هەزار لەو كوردانە راگوێزران بۆ ناوچەی خوراسان لە باكووری رۆژهەڵاتی ئێران.
نزیكەی چوار سەدە پاش راپێچكردنیان و دابڕانیان لە ناوچە كوردییەكانی دیكەی ئێران، كوردەكانی خۆراسان توانیویانە پارێزگاری لە زمان و كولتووری كوردەوارییان بكەن. كوردی ئەم ناوچەیە بە دیالێكتی كرمانجی سەروو قسە دەكەن.
ئەفراسیاب دەڵێت “لە ئێراندا تەنیا یەك زمان و یەك نەتەوەو یەك ئاین رێگەی پێدەدرێ”.
عەلی رەزا رەوشەنی، نووسەر و شاعیری بەناوبانكی ناوچەی خۆراسان یەكێكە لەو چالاكوانە كوردانەی كە لە مانگی ئەیلولی ساڵی 2011 بە تۆمەتی هاندانی توندوتیژی و تێكدانی ئاسایشی نەتەوەیی ئێران لە زیندانی ئێوین بەندكراوە.
بەپێی راپۆرتێكی رێكخراوی پێنی سوێدی، رەوشەنی لەلایەن دەسەڵاتدارانی ئێرانەوە بەوە تۆمەتبار كراوە كە پەیوەندی بە گرووپێكی یاخییەوە هەبووە بەناوی “گۆنابادی”. دەسەڵاتدارانی ئێران دەڵێن ئەو گرووپە هەوڵ بۆ ناساندنی شوناسی كوردانی خوراسان دەدات، بۆیە بە مەترسی دەزانن لەسەر ئاسایشی نەتەوەیی ئێران و هەر ئەندامێكی ئەو گرووپەیان دەستبكەوێ دەستگیری دەكەن.
ئەفراسیاب دەڵێت بارودۆخی سیاسی ناوچەی خۆراسان زۆر قورسە بۆ نووسەران. كوردی ناوچەی خۆراسان ناتوانن پەیوەندی لەگەڵ كوردی ناوچەكانی دیكەی ئێران دروستبكەن، چونكە بەردەوام لە ژێر چاودێریی دەسەڵاتداراندان.
بەپێی قسەی ئەفراسیاب، ئینتەرنێت تەنیا سەرچاوەیە بۆ كوردەكانی ناوچەی خۆراسان و ئاگاداربوونیان لە رەوشی كوردی ناوچەكانی دیكەی جیهان، چونكە هیچ رۆژنامە و كەناڵێكی راگەیاندنی كوردی تایبەت بە خۆیان نییە.
ئەفراسیاب هەروەها دەڵێت “نەوەی نوێی ناوچەی خۆراسان تامەزرۆی زانیارین سەبارەت بە رابردوویان، بەڵام بەردەوام لەلایەن دەسەڵاتدارانی ئێرانەوە رووبەڕووی ئاستەنگ و گرفت دەبنەوە”. هەروەها گوتی “كوردی ناوچەی خۆراسان رێگەی گردبوونەوە و دامەزراندنی رێكخراوی مەدەنییان پێنادرێت”.
رێكخراوەكەی ئەفراسیاب سەرەتا وەك گرووپێكی كولتووری دەستی بە كار كرد، بەڵام لەپاش ساڵی 2009 رێكخراوەكە دەستی بەكاری سیاسی كرد. ئەفراسیاب دانی بەو راستیەدا نا كە چالاكییەكانی رێكخراوەكە لەشاری لەندەنەوە كاریگەری كەمترە وەك لەوەی لەناوخۆی وڵات بێت.
ئەفراسیاب گوتی “بوونی رێكخراوەكە لە ناوچەی خۆراسان گۆڕانكاری زیاتر دروست دەكات، هیوادارین لە داهاتوودا ئەو هەلەمان بۆ بڕەخسێت بگەڕێینەوە ناوچەكە”.
هەروەها گوتی كە بە هیوای بەشداریكردنن لە كۆنگرەی نەتەوەیی كورد تا بتوانن زیاتر كوردانی ناوچەی خۆراسان بە كوردی جیهان بناسێنن. ئەفراسیاب گلەیی ئەوەی كرد كە بانگهێشت نەكراون بۆ ئەو كۆنگرەیە، بەڵام گوتی پاش دەربڕینی ناڕەزایی بەڵێنی بانگهێشتكردنیان پێدراوە.
ئەفراسیاب سەرسوڕمانی خۆی دەربڕی لە كەمی زانیاری كوردانی ناوچەكانی دی لەسەر كوردی خۆراسان. ناوبراو پاش ئەنجامدانی كۆنفرانسێك كە لەساڵی 2009 لە شاری لەندەن بەسترا، ئەو راستیەی بۆ دەركەوت، چونكە بۆ ماوەی زیاتر لە چوار كاژێر پرسیاری لێكرا دەربارەی كوردی ئەو ناوچەیە.
ئەفراسیاب دەڵێت سەرەڕای ئاستەنگەكان، هێشتا كوردی ئەو ناوچە بەردەوامن لە پارێزگاریكردن لە زمان و كولتووری كوردەوارییان وەك پۆشینی جلی كوردی و بەرزڕاگرتنی جەژنی نەورۆز و تەنانەت ئاهەنگی هاوسەرگیری و مەراسیمی ناشتنی تەرم و پرسە بەپێی داوونەریتی كۆنی كوردەواری.
تیسا مانوێلا
رووداو - كەنەدا
19/09/2013
کاتژمێر حەوتی سەرلە بەیانی ئەمڕۆ لەسەرجەم شار و شارۆچکەکانی هەرێمی کوردستان بنکەکانی دەنگدان بەڕوی دەنگدەرانی تایبەت کرانەوە.
لەم دەنگدانە تایبەتەدا 99 بنکە کراونەتەوە و 381 وێستگە بۆ دەنگدەران دابینکراوە و کۆی دەنگدەران 157020 کەس دەبن. بۆ زیندانیەکان 6 بنکە و 7 وێستگە کراونەتەوە و 2022 زیندانیش مافی دەنگدانیان هەیە.
لە پارێزگای هەولێر 50 بنکە و243 وێستگە بۆ دەنگدانی تایبەت تەرخانکراوە و هەروەها 60790 کەسیش مافی دەنگدانیان هەیە.
سەرچاوەیەکی کۆمسیۆنی باڵای هەڵبژاردنەکان لە لێدوانێکی رۆژنامەوانیدا روونیکردەوە کە نەخۆشخانەکان رۆژی 21/9 دەنگ دەدەن.
بەپێی زانیارییەکانی ئاژانسی پەیامنێر بە هۆی لەکارکەوتنی مۆری ئەلیکترۆنی لەزۆربەی ناوەندەکانی دەنگدان پرۆسەی دەنگدان دواکەوتووە،وتا کاتی ئامادەکردنی ئەم هەواڵە ئەو کێشەیە بەردەوام بووە.
جێگەی ئاماژە پێکردنە ئەمە یەکەمین جارە ئەم ئامێرە لەلایەن کۆمسیۆنی باڵا هەڵبژاردنەکانەوە بەکاردێت.
د.ع
pna
19/09/2013
بڕیارە ئەمرۆ یەكێتی نیشتیمانی كوردستان لە چوارچێوەی هەڵمەتەكانی بانگەشی هەڵبژاردنیدا ئاهەنگێكی جەماوەری لەهەولێر سازبكات.
تارق جه‌وهه‌ر، گوته‌بێژی لیستی 102ی یه‌كێتیی نیشتمانیی كوردستان بەماڵپەری فەرمی حیزبەكەی راگەیاندووە، كاژێر 4:30 خوله‌كی ئێواره‌ی ئەمرۆ چوارشەممە یه‌كێتیی نیشتمانیی كوردستان لەبەردەم باره‌گای مه‌كته‌بی سیاسی (كۆشكی سپی) له هه‌ولێر ئاهەنگێكی جەماورەی سازدەكات.
تارق جه‌وهه‌ر دەڵێت:" ئاهەنگەكە له‌سه‌ر داوای لایەنگرانیان له‌لایه‌ن مه‌ڵبه‌ندی 3ی رێكخستنی هه‌ولێر رێكخراوه. هەریەكە لە كۆسره‌ت ره‌سوڵ عه‌لی، جێگری یه‌كه‌می سكرتێری گشتی و د.ئه‌رسه‌لان بایز سه‌رۆكی لیستی یه‌كێتیی و ژماره‌یه‌ك له ئەندامانی مه‌كته‌بی سیاسی و سه‌ركردایه‌تی و كاندیده‌كان بەشداری دەكەن".
گوته‌بێژی لیستی 102ی یه‌كێتی دەشڵێت:" یه‌كێتی ده‌مێكه هه‌ست به‌ئازاری هه‌ولێرییه‌كان ده‌كات، هه‌ولێرییه‌كان له‌زۆر شت مه‌حروم كراون، خۆیان به‌مه‌غدور ده‌زانن، به‌ڵام ئێستا كاتی ئه‌وه‌هاتووه خه‌ڵكی هه‌ولێر مافه‌كانیان بۆ بگه‌ڕێته‌وه".
18/09/2013
د. علی سندی وه‌زیری پلاندانان هەرێمی کوردستان پێشوازی لە د. ئاده‌م عبدلمولا به‌رێوه‌به‌ری گشتی به‌رنامه‌ی UNDP له عیراق کرد.
لە دیدارێکدا باس لە پته‌وکردنی په‌یوه‌ندیه‌کانی حکومه‌تی هه‌رێمی کوردستان و رێکخراوی نه‌ته‌وه‌یه‌کگرتوه‌کان به گشتی و UNDP به‌تایبه‌تی کرا.
لە بەشێکی دیکەی دیدارەکەدا د. ئاده‌م عبدلمولا ستایشی رۆلی حکومه‌تی هه‌رێمی کرد له بواری په‌ره‌پێدان به کۆمه‌لگه‌ی مه‌ده‌نی و پێشکه‌وتنی کۆمه‌لایه‌تی و به‌رێوه‌چونی هه‌لمه‌تی هه‌لبژاردن به شێوه‌یه‌کی مه‌ده‌نیانه و پێشکه‌شکردنی هه‌موو خزمه‌تگوزاریه‌کان به په‌نابه‌رانی رۆژ ئاوای کوردستان و په‌نابه‌رانی سوریا به گشتی.
ئاژانسی UNDP که به‌شێکی گرنگی رێکخراوی نه‌توه‌یه‌کگرتوه‌کانه، له ئێستا چه‌ندین پرۆژه‌ی هاوبه‌شی هه‌یه له‌گه‌ل حکومه‌تی هه‌رێمی کوردستان. هه‌روه‌ک بریاریشه هاوکاری و هه‌ماهه‌نگی نێوان حکومه‌تی هه‌رێم و ئاژانسه‌کانی سه‌ر به نه‌ته‌وه‌یه‌کگرتوه‌کان به‌رده‌وامی هه‌بێت
د.ع
pna
18/09/2013
حكومه‌ته نوێیه‌كه‌ى روحانى سه‌رۆك كۆمارى ئیسلامى ئێران بڕیاریداوه رێگه‌چاره‌ى نوێ بگرێته به‌ر بۆ چاره‌سه‌ركردنى كێشه‌ى بەرنامەی ئەتۆمی و باشتركردنى په‌یوه‌ندیه‌كانى له‌گه‌ڵ رۆژئاوا .
پاش پلانەکەی رووسیا بۆ چارەسەری دیپلۆماسی کێشەی سووریا بەرپرسی باڵا لە نەتەوە یەکگرتووەکان ئاشکرای کرد کە ، بەم شێوەیەش ئێران رۆڵێکی کارا لە هەوڵە دیپلۆماسییەکاندا دەگێڕێت و لەم رێگەیەشەوە هەوڵدەدات زیاتر بە رووی رۆژئاوادا بکرێتەوە و بڕیاریشە دانوستانەکانی لەگەڵ ئەمریکا دەست پێبکات .
نوێنەری نەتەوە یەکگرتووەکان بۆ مافی مرۆڤ لەگەڵ وەزیری دەرەوی ئێران کۆبووەوە و لە لێدوانێکیدا ئاشکرای کرد کە تاوتوێی کێشەکانی سووریایان کردووە. ئامۆس گوتی: "١ من داوام لە وەزیری دەرەوی ئێران کردووە کاریگەریی باشیان لەسەر حکومەتی سووریا هەبێت بۆ بەردەوامیدان پرۆسەکە و پاراستنی مافی مرۆڤ لەو وڵاتە.
ئێران لەژێر فشارێکی ئابووری قورسدایە و فشارە نێودەوڵەتییەکان بۆ سەر ئەو وڵاتە زیاد دەبن، بۆیە ئێران ئێستا بیر لە چارەسەرێک دەکاتەوە و دەیەوێت گفتوگۆکانی لەگەڵ نەتەوە یەکگرتوەکان و رۆژئاوا دەست پێبکاتەوە و بەپێی سەرچاوە رۆژنامەوانییەکانیش نامەی نهێنی لە نێوان رۆحانی و ئۆبامادا ئاڵوگۆڕپێکراوە، ٢٤ ی ئەم مانگەش بە تیمێکی باڵا بەشداری کۆنگرەی نەتەوە یەکگرتووەکان لە نیۆرک دەکات و رۆحانیش لە کۆنگرەکەدا وتارێک پێشکەش دەکات. بەپێی زانیارییەکان پێشبینى ده‌كرێت ئۆباما و رۆحانی به نهێنى كۆ ببنه‌وه، لە هەمان کاتیشدا ماڵپەڕی ئای ئار دی بڵاوی کردۆتەوە کە لە پەراوێزی کۆبوونەوەی نەتەوە یەکگرتووەکاندا وەزیری دەرەوەی ئێران چاوی بە وەزیری دەرەوی بەریتانیاش دەکەوێت.
لای خۆشیەوە باراک ئۆباما لە چاوپێکەوتنێکی تەلەفزیۆنیدا بۆ کەناڵی ئەی بی سی گفتوگۆکان لەبارەی چارەسەری کێشەی سووریاوە بە وانەیەکی دیپلۆماسی بۆ ئێران وەسف دەکات و دەڵێت " پێم وایە ئەوەی ئێرانییەکان تێیدەگەن ئەوەیە کە کاروباری لەمەڕ بەرنامەی چەکی ئەتۆمی زۆر کارێکی زۆر گەورەترە لە کێشەی چەکی کیمیایی".
بەپێی هەواڵێکی ئای ئار دی ئێرانی باراک ئۆباما پونێت تاولەری وەک راوێژکاری کۆشکی سپی بۆ کاروباری ئێران دەستنیشان کردووە بۆ ئەوەی ببێتە هاوکاری وەزارەتی دەرەوی ئەمریکا بۆ کاروباری سیاسی- سەربازی و تاولەر دەبێتە هێڵی پەوەندی لە دانوستانەکانی تیمی ئەمریکا و ئێران.
17/09/2013
ئەگەر ٢٠ ساڵ پێش ئێستا، مۆنا سالین، ئینگڤار كارلسۆن و پیێر شوری، لەو نانخواردنی نێوەڕۆیەی كە پێشتر قبوڵیان كردبوو لەگەڵ دكتۆر سادقی شەرفكەندی و هاوڕێكانیدا بیخۆن، ئەوا ئێستا لە ژیاندا نەمابوون و كوژرابوون.
مۆنا سالین لەو بارەیەوە دەڵێت "ئێمە ئانامان (وەزیری دەرەوەی سوێد، پێش ١٠ ساڵ كوژرا) لەدەست دا، ئێمە ئۆلف پاڵمەمان لەدەست دا، بەڵام خۆمان هێشتا لە ژیانداین، ئەوەش بەڕێكەوت بوو."
مۆنا سالین بەشداریی رێزلێنانی یادی ٢٠ ساڵ تێپەڕبوون بەسەر تیرۆركردنی دكتۆر سادقی شەرەفكەندی و هاوڕێكانیدا كرد، كە هاوكات سەدان كورد لە گۆڕەپانی ئالفیك كۆببوونەوە. مۆنا سالین دەڵێت: "20 ساڵە بیر لەم رۆژە دەكەمەوە، ئەوكاتە تەمەنم ٣٥ ساڵ بوو و تازە ببووم بە سكرتێری پارتی سۆسیال دیموكراتی سوێد".
كۆبوونەوەی بەرلین لەلایەن رێكخراوی سۆسیال ئینتەرناسیۆنالەوە رێكخرابوو، سۆسیال دیموكراتەكانی سوێد دەبوو سەركردەكانی پارتی دیموكراتی كوردستانی ئێران ببینن. ئینگڤار كارلسۆن، مۆنا سالین و پیێر شوری داوەتكرابوون بۆ رێستۆرانتی گرێكی میكۆنۆس و داوەتەكەیان قبوڵ كردبوو. وەك مۆنا سالین باسی دەكات و لەبیری بێت گفتوگۆیان لەسەر هاوكاری نێوانیان دەكرد، بەڵام بەڕێكەوت كارل بیلدت (وەزیری دەرەوەی ئێستا) ژیانی رزگاركردوون.
سەرۆك وەزیرانی ئەوكاتی سوێد كارل بیلدت، تەلەفۆن بۆ ئینگڤار كارلسۆن دەكات‌و داوای لێدەكات كە دەبێت دەستبەجێ بگەڕێنەوە، چونكە كێشەیەكی گەورەی ئابووری رووبەڕووی سوێد بووبووە و پێویستی بە هەماهەنگی بلۆكەكانی نێو پەرلەمان دەكرد، "گەڕاینەوە، دانیشتبووین گفتوگۆمان لەسەر ئەو بابەتە دەكرد كاتێك ئەو هەواڵەمان بیست، بەراستی شتێكی سەیر بوو. ئێمە وڵاتەكەمان لەو قەیرانە رزگاركرد و ئەو رووداوە قەوما. بەڕاستی هەستێكی سەیر بوو، تەماشاكە ئەگەر ئێمەیش لەسەر هەمان مێزی نانخواردن دابنیشتینایە. سیاسیەكانی پارتی دیموكراتی كوردستانی ئێران دەست بە خواردن دەكەن و تیرۆریستەكان دەچنە ناو چێشتخانەكەوە دەست دەكەن بە تەقە و كۆتایی بە ژیانی چواركەس دەهێنن".
مۆنا سالین دەڵێت: "چەندین جار ئەم رووداوەم لەگەڵ هاوڕێكانم باس كردووە. زۆرجار لەگەڵ ئینگمار كارلسۆن (سەرۆكی پێشووی سۆسیال دیموكراتەكان) ئەوەمان گوتووە كە مرۆڤ شانسی هەیە یان نییە، ئەگەر لە كاتێكی دیاركراودا بەهەڵە لەو شوێنە بێت، زۆرجار بەشێوەی جۆراوجۆر لەگەڵ ئینگڤار كارلسۆن، باسی ئەمەمان كردووە".
مۆنا سالین دەڵێت "ئێستایش رقێكی زۆرم لە سەركردە ئێرانییەكانە. رژێمێكی تا بڵێی خوێنخۆرە، ئەوان ئێستا لەو سەردەمە زیاتر ترسناكترن بۆ كوردەكان و ئاشتی لە رۆژهەڵاتی ناوەڕاستدا".
لەماوەی ئەو چەند ساڵەی رابردوودا، زۆرجار ئینگڤار كارلسۆن بیری لەوە كردۆتەوە ئەگەر كارل بیلدت ئەو تەلەفونەی بۆ نەكردایە و داوای لێنەكردایە بگەڕێتەوە بۆ سوێد، چی روویدەدا. لەوەڵامی ئەو پرسیارەی خۆیدا دەڵێت: "رەنگە من پاسەوانێكم لەگەڵ بوایە، بەڵام ئایا ئەو دەیتوانی چی بكات، راستە ئەو دەمانچەی پێبوو، بەڵام تیرۆریستەكان چەكی ئۆتۆماتیكیان پێ بووە. بە ئەگەرێكی زۆر ئەگەر ئێمەیش لەوێ بوینایە دەكوژراین. دەكرێت بڵیێن، كارل بیلدت ژیانی ئێمەی رزگاركرد".
سەرچاوە: رۆژنامەی ئێكسپرێسنی سوێدی
و: كاوە ئەمین
18/09/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
