به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
له‌گه‌ڵ ئه‌وه‌ی تائێستا هه‌ڵبژاردنی چوار خولی په‌رله‌مانی كوردستان ئه‌نجامدراوه، به‌ڵام هێشتا یاسایه‌ك نییه بۆ رێكخستنی بودجه‌ی حزبه‌كان و به‌وهۆیه‌شه‌وه چه‌ندین حزب كه له هه‌ڵبژاردندا ئه‌نجامێكی ئه‌وتۆیان به‌ده‌ست نه‌هێناوه، بڕێكی زۆر بودجه له حكومه‌تی هه‌رێمی كوردستان وه‌رده‌گرن كه له‌گه‌ڵ ژماره‌ی ده‌نگه‌كانیان یه‌كنایه‌ته‌وه.
ماڵپه‌ڕی ره‌سمی یه‌كگرتووی ئیسلامی كوردستان (كوردیو) بڵاویكرده‌وه كه "هه‌ڵبژاردنی په‌رله‌مانی كوردستان قه‌باره‌ی زۆرێك له هێزه سیاسیه‌كانی ئاشكراكرد به‌جۆرێك هه‌ندێك له‌و حزبه سیاسیانه لای چاودێران به دوكانی سیاسی داده‌نرێن و له‌كۆی پێنج حزب كه ته‌نها چوار كورسی په‌رله‌مانیان هێناوه زیاتر له 10 ساڵه مانگانه یه‌ك ملیار و نیو دینار له حكومه‌ت وه‌رده‌گرن".
كوردیو ئاماژه‌ی به‌وه‌داوه كه له ساڵی 2005دا پارته سیاسیه‌كان بۆ هه‌ر كورسییه‌كی په‌رله‌مان، بڕی 50 ملیۆن دیناریان بۆ ته‌رخان كرا وه‌ك بودجه‌ی مانگانه كه یه‌كێتی و پارتی به‌ده‌ربوون له یاساكه".
ئه‌وه‌ش خراوه‌ته‌ڕوو كه "ئه‌و كاته یه‌كگرتووی ئیسلامی خاوه‌نی نۆ كورسی په‌رله‌مان بوو (450) ملیۆن دیناری بۆ ته‌رخان كرا و كۆمه‌ڵی ئیسلامیش 350 ملیۆن دینار كه خاوه‌نی شه‌ش كورسی په‌رله‌مان بوو له‌گه‌ڵ زیاد كردنی 50 ملیۆن وه‌ك خه‌باتی شاخ".
كوردیو رایگه‌یاندووه كه "هه‌ر یه‌ك له‌یه‌كێتی نیشتیمانی كوردستان وپارتی دیموكراتی كوردستان مانگانه بڕی 3 ملیار و 854 ملیۆن دینار وه‌رده‌گرن و بزوتنه‌وه‌ی گۆڕانیش مانگانه 600 ملیۆن دینار وه‌رده‌گرێت".
به گوێره‌ی ماڵپه‌ڕه‌كه‌ی یه‌كگرتووه "به‌ده‌ر له یاساكان، پارته بچوكه‌كانی نزیك له ده‌سه‌ڵات بودجه‌یه‌كی زه‌به‌لاحیان بۆ ته‌رخان كراوه كه هه‌ندێكیان له‌م هه‌ڵبژاردنه‌دا نه‌یانتوانی یه‌ك كورسی په‌رله‌مان به‌ده‌ست بهێنن و به‌هێزترینیشیان ته‌نها یه‌ك كورسی به‌ده‌ست هێناوه، له‌و چوارچێوه‌یه‌دا هه‌ر پێنج حزبی كوردستانی كه ته‌نها چوار كورسیان به‌ده‌ست هێناوه بریتین له ( سۆسیالیست، شیوعی، زه‌حمه‌تكێشان، بزووتنه‌وه‌ی ئیسلامی، ئاینده) تێكڕا مانگانه له بودجه‌ی حكومه‌ت یه‌ك ملیار و 530 ملیۆن دینار وه‌رده‌گرن.
ئه‌مه‌ش ئه‌و بودجه‌یه‌یه كه حزبه‌كان له حكومه‌تی وه‌رده‌گرن:
*پارتی دیموكراتی كوردستان بودجه‌ی مانگانه‌ی 3 ملیار و 854 ملیۆن دیناره.
* یه‌كێتی نیشتمانی كوردستان بودجه‌ی مانگانه‌ی 3 ملیار و 854 ملیۆن دیناره.
*بزووتنه‌وه‌ی گۆڕان بودجه‌ی مانگانه‌ی 600 ملیۆن دیناره.
* یه‌كگرتووی ئیسلامی كوردستان بودجه‌ی مانگانه‌ی 450 ملیۆن دیناره.
* كۆمه‌ڵی ئیسلامی كوردستان بودجه‌ی مانگانه‌ی 400 ملیۆن دیناره.
*حزبی سۆسیالست دیموكراتی كوردستان بودجه‌ی مانگانه‌ی (350) ملیۆن دیناره.
*بزوتنه‌وه‌ی ئیسلامی كوردستان بودجه‌ی مانگانه‌ی (200) ملیۆن دیناره.
* حزبی زه‌حمه‌تكێشانی كوردستان بودجه‌ی مانگانه‌ی (280 )ملیۆن دیناره.
*حزبی ئاینده بودجه‌ی مانگانه‌ی (120) ملیۆن دیناره.
*حزبی شیوعی كوردستان بودجه‌ی مانگانه‌ی بڕی (580) ملیۆن دیناره.
xendan
4/10/2013
رۆژی پێنجشەممە پەرلەمانی توركیا پاش گفتوگۆ لەسەر بابەتی درێژكردنەوەی مۆڵەتدان بە سوپای توركیا بۆ چوونە دەرەوەی سنوور، بە زۆرینەی دەنگ مۆڵەتپێدانەكەی بۆ ماوەی ساڵێكی دیكە درێژكردەوە.
سوپای توركیاش لە راگەیەنراوێكیدا سەبارەت بە ژمارەی ئەفسەر و سەربازەكانی ئاشكرای كرد، بەگشتی 647 ھەزار و 583 ئەندامی (سەربازی و مەدەنی) ھەیە، لەوانە 347 ژەنڕاڵ و 39 ھەزار و 451 ئەفسەر و ھەزار و 893 سەرئەفسەر.
بەپێی ئەو ڕاگەیاندنە كە سەرۆكایەتیی ئەركانی سوپای توركیا بڵاویكرد‌ووەتەوە، سوپای توركیا زانیاریی لەبارەی ژمارەی ئەندامانی سوپا لە ھەرسێ ھێزی وشكانی و دەریایی و ئاسمانی بڵاوكردووەتەوە.
بەوپێیە ھێزی فەرماندەیی ئەركانی سوپا 314 ژەنراڵی ھێزی وشكانی و ئاسمانی و دەریایی ھەیە، 32 ژەنراڵی جەندرمە و 1 ژەنراڵ لە فەرماندەیی ئاسایشی كەنار دەریا، كۆی گشتی 347 ژەنراڵ و ئەمیراڵ ھەن.
ھێزی فەرماندەیی بەھەر سێ بەشیەوە لە 259 ھەزار و 282 توخمی سەربازی پێكدێ، لەگەڵ 118 ھەزار و 270 كەس لە ھێزی فەرماندەیی جەندەرمە، 1800 كەس لە ئاسایشی كەنار دەریا، كۆی گشتی دەبێتە 379 ھەزار و 352 كەس.
ھەروەھا لە سوپاشدا ھەزار و 893 سەر ئەفسەر بەگرێبەست كار دەكەن.
سوپای توركیا بە توخمە سەربازی و مەدەنیەكانیەوە لە 647 ھەزار و 583 كەس پێكدێ.
4/10/2013
یاسایەكی نوێی ئێران، كە بەهۆیەوە رێگا بە پیاوان دەدرێت دەتوانن ئەو كچانە بهێنن كە لەخۆیان گرتوون، كاتێك كچەكان دەگەنە تەمەنی 13 ساڵ.
پەرلەمانتارانی ئێران لەسەر یاساكە رازی بوون و شادی سەدر كە پارێزەرێكە بۆ گرووپی عەدالەت بە رۆژنامەی "گاردییەن"ی راگەیاندووە "ئەم یاسایە بریتییە لە بەیاساكردنی سێكس لەگەڵ منداڵان".
هەرچەندە هاوسەرگیریكردن لەگەڵ منداڵە لەخۆگرتووەكان لە كەلتو‌وری ئێرانییەكاندا نییە، بەڵام وەك پەرلەمانتارە ئێرانییەكە دەڵێ "ئەم یاسا نوێیە وادەكات كاری تاوانكاری و سێكس لەگەڵ منداڵان ئاسایی بێت".
حكومەتی ئێرانیش گفتوگۆ لەسەر ئەوە دەكەن ئەگەر بێت و ئەو یاسایە بەكارببرێت، دەبێت كچان لەبەر چاوی ئەو پیاوانەی كە لەخۆیان گرتوون و ژنانیش لەبەر چاوی كوڕە لەخۆگرتووەكانیان لەچك بكەن.
ئەگەرێك هەیە كە لیژنەی بەڕێوەبردن لەسەر ئەم یاسایە رازی نەبێت، یاساكەش بەگشتیی چالاكوانانی توڕەكردووە .
4/10/2013
بە بۆنەی سەركەوتنی پارتی دیموكراتی كوردستان لە هەڵبژاردنی په‌رلەمانی كوردستان، سه‌رۆك بارزانی له په‌پامێكدا پیرۆزبایی و سوپاسی خۆی ئاڕاستەی ئەندام و كادر و لایەنگر و هەوادارانی پارتی كرد، رایگه‌یاند، بۆ ئەوەی بگەینە ئامانج و سەركەوتنی كوردستان، دەبێ هەوڵی چارەسەركردنی كەموكورتییەكان بدەن، دەبێ لەگەڵ هەموو لایەنە سیاسییەكانی كوردستان كراوە بن و ڕێزی هەموو لایەك بگرن.
ئه‌مه‌ش ده‌قی په‌یامه‌كه‌یه;
بەناوی خودای بەخشندە و میهرەبان
پڕ بە دڵ پیرۆزبایی و سوپاس و پێزانینی خۆم ئاڕاستەی یەكە بە یەكەی ئەندام و كادر و لایەنگر و هەوادارانی پارتی دیموكراتی كوردستان دەكەم بە بۆنەی سەركەوتنی پارتی لە هەڵبژاردنی پارلەمانی كوردستان و هەروەها بۆ ئەو هەوڵ و پابەندییەی لە بانگەشەی هەڵبژاردن و پڕۆسەی هەڵبژاردن نیشانیان دا و بە بڕوا و خۆبەخشییەوە كاریان بۆ سەرخستنی پارتەكەیان كرد.
ڕێبازەكەتان پڕە لە سەروەری و دەستكەوت و ڕێگە پیرۆزەكەتانیش هەوراز و نشێوی زۆری تێدایە. زۆر سوپاستان دەكەم كە بڕوابەخۆبوون و بڕوا بە سەركەوتنتان لەدەست نەدا و بە دڵ و بە جۆشەوە كارتان بۆ ڕێبازەكەتان كرد. ئێستا ڕێگەیەكی دوورودرێژتان لەبەردەمە و پێویستە بەیەكەوە هەنگاوی مەزنتر لەپێناو سەربڵندیی وڵاتەكەتان بنێن. با ئەم وتەیەی بارزانیی نەمر بكەینە سەرمەشقی كارەكانمان كە لەسەركەوتندا مەغروور نەبن و لە شكستیشدا نائومێد نەبن. پێویستە ئێوە هەمیشە لەناو جەماوەری كوردستاندا بن و خزمەتیان بكەن و گوێ لە ئێش و ئازار و داخوازییەكانیان بگرن و ڕێزیان لێ بگرن. بۆ ئەوەی بگەینە ئامانج و سەركەوتنی كوردستان، دەبێ كار لەسەر ئەوە بكرێت خاڵە بەهێز و لاوازەكان دەستنیشان بكرێت و هەوڵی چارەسەركردنی كەموكورتییەكان بدەن. دەبێ لەگەڵ هەموو لایەنە سیاسییەكانی كوردستان كراوە بن و ڕێزی هەموو لایەك بگرن.
خۆشبەختانە كوردستان كەوتووەتە سەر ڕێگەیەكی ڕاست و دیموكراسی لە وڵاتەكەمان ڕیشەدار بووە. خۆشترین سات و گەورەترین دەستكەوتمان ئەوەیە كە میللەت لە ڕێگەی سندووقی دەنگدانەوە خۆی چارەنووسی خۆی دەستنیشان بكات و پەرەپێدانی ئەم نەهجە ئەركی سەرەكیی سەرشانی ئێوەیە.
مسعود بارزانی
سەرۆكی پارتی دیموكراتی كوردستان
3ـی 10ـی 2013
دوای ماوەیەك لە راگرتنی كارەكانی لیژنەی ئامادەكاری كۆنگرەی نەتەوەیی، بڕیارە رۆژی هەشتی ئەم مانگە دیسان لیژنەكە دەست بە كۆبوونەوەكانی بكاتەوە.
لە كۆبوونەوەكانی داهاتووی ئەو لیژنەیەدا، گفتوگۆ لەسەر مۆدێلی كۆنگرە و چۆنێتی كاركردنی ئەو هەشت كۆمیسیۆنە دەكرێت كە درووستكراون، لە كاتێكدا لە كۆبوونەوەكانی پێشووتری ئەو لیژنەیەدا باسكرابو‌ون، بەڵام نەگەیشتبوونە هیچ رێككەوتنێك.
كۆنگرەی نەتەوەیی جگە لە میوانانی بیانی، 600 ئەندامی لە هەرچوار پارچەكەی كوردستان دەبێت، بەڵام تاوەكو ئێستا یەكلایی نەكراوەتەوە كە هەر پارچەیەك چەند ئەندامی دەبێت، بەڵكو ئەوەی یەكلایی كراوەتەوە ئەوەیە كە هەر پارچەیەك خۆی ئەندامانی خۆی دەست نیشان دەكات.
یەكێكی دیكە لەو بابەتانەی دەبێتە تەوەری گفتوگۆی كۆبوونەوەكانی داهاتوو، دەستنیشانكردنی سەرۆكایەتی كۆنگرەیە، ئەوەی دەگووترێ PKK و ئەو حزبانەی كە باس دەكرێن باڵی سەر بەو پارتەن داوایان كردووە پەیڕەوی سیستەمی هاوسەرۆكی بكرێت بۆ سەرۆكایەتیكردنی كۆنگرە.
پێشتر بریار بوو كۆنگرەی نەتەوەیی رۆژی 24-8-2013 ببەسترێت، بەڵام دواتر دواخرا بۆ رۆژی 15ی ئەیلول، جارێكی دیكە لەو بەروارەش دواخرا و ئێستا بڕیارە لە رۆژانی 25 تاوەكو 27ی مانگی تشرینی دووەمی ئەمساڵ ببەسترێت.
3/10/2013
پەرلەمانی كۆریای باشور كۆمەڵكوژییەكانی رژێمی بەعسی دژ بەكورد بەجینۆساید ناساند و نوێنەرێكی كوردیش لەپەرلەمانی عێراق داوا دەكات وەك دۆكۆمێنتێكی فەڕمی بناسێنرێ لەلایەن پەرلەمانی عێراقەوە.
ئەشواق جاف ئەندامی لیژنەی مافی مرۆڤی عێراق ئەمڕۆ بەكۆكردنەوەی 52 واژۆی پەرلەمانتارانی عێراق ئەو بڕیارەی خستە ناو خشتەی كارەكانی كۆبونەوەی ژمارە 24ی لە 2ی تشرینی دووەمی 2013دا.
ئەشواق جاف، بە سایتی هاوڵاتی وت “ئەمڕۆ لەناو هۆڵی ئەنجومەنی نوێنەرانی بڕیاری ئەنجومەنی نیشتمانی پەرلەمانی كۆریای باشورم خوێندەوە لەبارەی بەجینۆساید ناساندنی قوربانیانی گۆڕە بەكۆمەڵەكانی عێراق كە رژێمی بەعس لە پرۆسەی ئەنفالدا دژ بەنەتەوەی كوردی ئەنجامدابوو”.
ئەشواق جاف دەڵێت “داوامكرد لە سەرۆكایەتی ئەنجومەنی نوێنەرانی عێراق كە یەكەم ئەو بڕیارەی پەرلەمانی كۆریای باشور بە دۆكۆمێنتێكی فەڕمی هەژمار بكرێ بۆ پەرلەمانی عێراقی و بیپارێزێ وەكو دۆكۆمێنتێكی فەڕمی”.
25ی حوزەیرانی 2013 پەرلەمانی كۆریای باشور گۆڕە بەكۆمەڵەكانی عێراقی لەشاڵاوەكانی ئەنفالدا دژ بەگەلی كورد پێكهاتون كە رژێمی بەعس دژ بەگەلی كورد ئەنجامیدابوو بەتاوانی دژ بەمرۆڤایەتی و جینۆساید ناساند.
هاولاتی
3/10/2013
حەسەن رووحانی، سەرۆك كۆماری ئێران داواكەی شای سعودیە، شا عەبدوڵا بن عەبدولعەزیزی قبوڵكرد بۆ ئەوەی ئەمساڵ سەردانی سعودیە بكات بۆ بەجێهێنانی فەرزی حەج.
سەرچاوەیەكی دیبلۆماسی سعودی كە نەیویستووە ناوەكەی ئاشكرابكرێت رایگەیاندووە "سەرۆكی ئێران داواكەی شای سعودیەی بۆ بەجێهێنانی فەرزی حەج قبوڵكردووە كە لە ناوەڕاستی مانگی تشرینی یەكەم دەبێت".
هەر هەمان سەرچاوە ئەوەی روون كردووەتەوە، كە هەڤپەیڤینێكی گرنگ لەنێوان هەردوو سەركردە لەبەردەم كەعبە لە شاری مەكە ئەنجامدەدرێت.
3/10/2013
كۆمیسیۆنی باڵای سەربەخۆی هەڵبژاردنەكان رێژەی دەنگ‌و كورسی لایەنە سیاسییەكانی بۆ خولی چوارەمی پەرلەمانی كوردستان راگەیاند.
رێژەی دەنگ و ژمارەی كورسییەكان بەمشێوەیە:
1. پارتی دیموكراتی كوردستان (743984) دەنگی هێناوەو دەكاتە (38) كورسی.
2. بزووتنەوەی گۆڕان (476739) دەنگی هێناوەو دەكاتە (24) كورسی.
3. یەكێتیی نیشتمانیی كوردستان (350500) دەنگی هێناوەو دەكاتە (18) كورسی.
4. یەكگرتووی ئیسلامیی كورستان (186741) دەنگی هێناوەو دەكاتە (10) كورسی.
5. كۆمەڵی ئیسلامی كوردستان (118574) دەنگی هێناوەو دەكاتە (6) كورسی.
بزووتنەوەی ئیسلامی (21834) دەنگی بەدەستهێناوە، حزبی شیوعی كوردستان (12392) دەنگی بەدەستهێناوەو حزبی سۆسیالیست دیموكراتی كوردستان (12861) دەنگی هێناوەو ئاراستەی سێیەم (8681) دەنگی هێناوەو ئەم چوار لایەنە هەر یەكەیان كورسییەكی پەرلەمانی كوردستانیان بەدەستهێناوە.
2/10/2013
سەرچاوەیەك ڕایدەگەینێت كە، تەقینەوەكانی بەردەم ئاسایشی هەولێر بە هۆی بەرژەوەندیی ژمارەیەك بازرگانەوە بووە، كە ڕۆڵیان هەبووە لە نیشتەجێكردنی ژمارەیەكی زۆر عەرەبی ناوەڕاست و باشووری عێراق لە هەرێمی كوردستان، كە تێیاندا هەبووە بۆ ئەنجامدانی تەقینەوەكان ئاسانكارییان بۆ تیرۆریستان كردووە.
یەكشەممەی ڕابردوو دوو تەقینەوە بەردەم ئاسایشی هەلێری هەژاند كە بە هۆیەوە 7 كارمەندی ئاسایش گیانیان لە دەست دا و 59ـی دیكەیش كە هاووڵاتیی فریاگوزاریش لە نێویاندا هەیە بریندار بوون.
سەرچاوەیەكی بەرپرس بە هەفتەنامەی "وشە"ـی ڕاگەیاندووە، لێكۆڵینەوە لە تەقینەوەكانی بەردەم ئاسایشی هەولێر ئەنجامی باشی بە دەست هێناوە و لە ماوەیەكی نزیكی داهاتوودا دەگەنە خاڵی كۆتایی لە ئاشكراكردنی ئەنجامدەرانی تەقینەوەكە.
ئەو سەرچاوەیەی كە نەیویستووە ناوی ببرێت، هەروەها دەڵێت "چەند هۆكارێك هەن بۆ تەقینەوەكان، دیارترینیان ئاسانكارییی ژمارەیەك لە هاووڵاتیانی ناوەڕاست و باشووری عێراقن كە ئێستا نیشتەجێی هەرێمن."
بەپێی زانیارییەكانی ئەو هەفتەنامەیە، ماوەی چەند ساڵێكە خانوو و ئۆتۆمبێل لە هەرێمی كوردستان بە ناوی عەرەبەوە دەكرێت، لە كاتێكدا پێشتر ئەو فایلە لە دەستی ئاسایشدا بووە و ڕێگەیان نەدەدا ئەوانەی گومانلێكراون لە هەرێم نیشتەجێ بن، بەڵام ئێستا بەشێكی بەرچاو لە پرۆژەكانی نیشتەجێكردن كە خانووی زۆر گرانبەهایان تێدایە، خاوەنەكانیان خەڵكی دەرەوەی سنووری هەرێمن و بە ناویانەوە تاپۆ كراون.
سەرچاوەكە نەیشاردەوە كە، "بە هۆی پاڵەپەستۆی ژمارەیەك بازرگانی هەرێمی كوردستانەوە، فایلی تاپۆی خانوو و موڵك لە لایەن حكوومەتی هەرێمەوە لە دەستی ئاسایش دەرهێنرا و خرایە دەست پارێزگاكان، بەو هۆیەشەوە كڕین و فرۆشتنی موڵك لە هەرێم بە ناوی خێزانە عێراقییەكانی دەرەوەی هەرێم كرایەوە و لە ڕێگەیەوە ژمارەیەك زۆر خەڵك لە ناوچەكانی تری عێراقەوە لە هەرێم نیشتەجێ كران، كە بە هۆی بەرژەوەندیی بازرگانانەوە خەڵك و كارمەندانی ئاسایش دەبنە قوربانیی كردەوە تیرۆریستییەكان."
وەزارەتی كۆچی عێراق ژمارەی خێزانە كۆچكردووەكانی ناوچەكانی تری عێراق كە لە هەریچم نیشتەجێن بە 40 هەزار ماڵ ئاشكرا كردووە.
pna
2/10/2013
جێگری سەرۆکی BDP رایدەگەیەنێ، "چاوەڕێ بووین پاکێجەکە کێشەی نەتەوەیی کورد و گرفتی ئایینی عەلەوییەکان چارەسەر بکا، بەڵام لەو بارەیەوە شتێکی وامان بەدی نەکرد''.
دوای راگەیاندنی پاکێجی دیموکراسی لە لایەن سەرۆك وەزیرانی توركیا، گوڵتان کشاناک، جێگری سەرۆکی پارتی ئاشتی دیموكرات BDP لە کۆنگرەیەکی رۆژنامەوانیدا رایگەیاند:"پاکێجەکە ئەوە نەبوو چاوەڕوان دەکرا، تورکیا گیرۆدەی حکومەتی تاکڕەو بووە، مافەکان زەوت دەکرێن و ئازادی لە ژین و بەشداربوون لە بەڕێوەبردنی وڵاتدا بۆ ھەمووان نییە، چاوەڕێ بووین پاکێجەکە کێشەی نەتەوەیی کورد و گرفتی ئایینی عەلەوییەکان چارە بکا، بەڵام لەو بارەیەوە شتێکی وامان بەدی نەکرد".
کشاناک ئاماژەی بەوەدا پاکێجەکە بڕیاڕێکی وای تێدا نەبوو سنووری ئازادییەکان فراوان بکا، یان ھاووڵاتیان وەکو ھەن قبول بکا. دەبێ حکومەت کورد و عەلەوی وەک خۆیان قبول بکات و ھەوڵی تورکاندنیان نەدا، گوتیشی:"ئێمە ناڵێین مافمان پێ بدرێت، بەڵکو داوای مافە زەوتکراوەکانمان دەکەین، پێویست بوو ئەم پاکێجە بەرژەوەندیی ھەموو لایەکانی تێدا بێ، نەک بۆ بەرژەوەندی کۆمەڵێک رابگەیەنرێت".
کشاناک راشکاوانە خستیەڕوو "تەنیا لایەنی سوودمەند لەم پاکێجەدا پارتی داد و گەشەپێدانە، ھێشتا ھەموو ئاستەنگەکانی بەردەم ئازادیی رادەربڕین و میدیا و دیموکراسییەکی تەواو بوونیان ھەیە، لەگەل ئەمەشدا ھەزاران زیندانیی سیاسی لە بەندیخانەکاندان".
لەبارەی رێژەی بەدەستھێنراو بۆ چوونە پەرلەمان كشاناك دەڵێت:"ئەم چاکسازییە منەتکردنی ناوێت، دانانی رێژەی %١٠ یاسایەکە کە کودەتاچییەکانی دژی خۆتان دایانناوە و ھەر پێویستە لایبدەن، ئەگەرنا لافی دیموکراتیبوون لەگەل ئەو یاسایەدا لێنادرێت".
لەبارەی بەکارھێنانی ھەر سێ پیتی (ق, خ, و)یش لە ئەلفبێدا و بەکارھێنانی وەکو پیتی فەرمی لە ھەموو دامودەزگا و میدیایەکیشدا كە ماوەی 85 ساڵ بە بیانووی هاوبەشیبوونیان لەگەڵ ئەلفوبێی کوردیەوە لە تورکیا قەدەخەكرابوون، گوتی "من ئەو سزایانەتان بیر دەخەمەوە کە بەھۆی بەکارھێنانی ئەم پیتانەوە دەرکراون، پاشان لەباتی ئەمە شتێک ھەیە بەناوی زمان و ئەلفبێی کوردی، تەنھا بەکارھێنانی سێ پیت لە نووسیندا ھیچ مافدانێکی تێدا نییە بۆ کوردان، ئەلفبێ و پەروەردەی کوردی نەک تەنیا لە قوتابخانەی تایبەت بەڵکو دەبێ لە خوێندنگا حکومییەکانیشدا ھەبێ".
رەجەب تەیب ئەردۆگان، سەرۆک وەزیرانی تورکیا ئەمڕۆ دووشەممە لە وتارێکدا بۆ رای گشتی ناوەڕۆکی پاکێجەکەی راگەیاند کە لە 63 مادە پێکهاتبوو، كۆمەڵێك چاكسازی و گۆڕانكاری لەخۆگرتووە كەبەلای كورد گرینگن، سەرەکیترینیان پرسی خوێندنە بە زمانی دایک، لەو بارەیەوە ئەردۆگان رایگەیاند:" لە خوێندنگە تایبەتییەکان رێگە بە زمانی جیاواز دەدرێت بۆ خوێندن، ئەو یاسایە هەڵدەوەشێنرێتەوە کە رێگە لە خوێندن بە زمانی دیکە دەگرێت". ئاشکرای کرد هەر پارت و لایەنێک دەتوانێ بە زمانی خۆی بانگەشەی هەڵبژاردن بکات و مەرجی ئەندامیەتی لەحیزبە سیاسییەکان هەڵدەگیرێ.
رووداو- ئەنادۆڵ
1/10/2013
پارتیی دیموكراتی كوردستان كە براوەی یەكەمی هەڵبژاردنی پەرلەمانی كوردستانە و بەپێی 95%ـی ئەنجامە بەراییەكانی هەڵبژاردن، ژمارەی كورسییەكانی 38دانەیە، خستنە ڕاپرسیی پڕۆژەیاسای دەستووری هەرێمی كوردستان دەكاتە پێشمەرجی پێكهێنانی حكوومەتەكەی.
هەفتەنامەی باس لە ژمارەی ئەمڕۆیدا لە سەرچاوەیەكی باوەڕپێكراوییەوە بڵاوی كردووەتەوە، پارتی بۆ پێكهێنانی كابینەی هەشتەمی حكوومەتی هەرێم، بەرنامەیەكی چڕی داڕشتووە و لە نێو ئەو ئەجێندایەیدا خستنەڕاپرسیی دەستووری هەرێمی كوردستان پێشمەرجێك دەبێت بۆ هەر لایەنێكی سیاسی لە هەرێمی كوردستاندا كە بەشداری لەو حكوومەتەدا بكات، لایەنەكانی دیكەیش كە پێشتر داوای گەڕانەوەی دەستووریان بۆ پەرلەمان دەكرد ئێستا ئامادە نین وەك جاران پێداگری لەو داوایەیان بكەن.
بەپێی زانیارییەكان، هەندێك لایەن كە پێشتر بۆچوونیان سەبارەت بە دەستووری هەریچمی كوردستان و خستنە ڕاپرسیی ئەو پرۆژەیاسا پەسندكراوەی خولی دووەمی پەرلەمانی كوردستان نەرێنی بووە، ئێستا بۆ بەشداریكردن لە حكوومەت نەرمی بە هەڵوێستەكانیانەوە دیارە.
بەرپرسی دەستگای هەڵبژاردنی یەكێتیی نیشتمانیی كوردستان، شۆڕش ئیسماعیل، ئاشكرای كرد كە بەم نزیكانە كۆمیتەی سەركردایەتیی یەكێتی لەسەر ئەو بابەتە كۆ دەبێتەوە و بە شێوەیەكی چڕ باس لە بەشداریكردنیان یان نەكردنیان لە حكوومەتی داهاتووی هەرێمی كوردستان دەكات.
شۆرش ئیسماعیل گوتی: "دوایین بڕیاری بەشداریكردنی یەكێتی لە حكوومەت تەنیا لە دەستەڵاتی كۆمیتەی سەركردایەتیی یەكێتیدایە و هەموو لایەك لە نێو یەكێتیدا پێوەی پابەند دەبن."
هەرچی هیوا میرزانسابیری ئەندامی مەكتەبی سیاسیی یەكگرتووی ئیسلامیشە، دەڵێت، هێشتا بە شێوەیەكی فەرمی ئەو پێشنیازەی پارتیی دیموكارتی كوردستانیان بە دەست نەگەیشتووە، هەر كاتێكیش پێیان بگات، ئەوا بۆچوونیان لەبارەیەوە دەبێت.
میرزا سابیر لەبارەی ئەوەیشەوە كە ئەوان وەكو لایەنەكانی ئۆپۆزسیۆن پێشتر لەگەڵ گەڕانەوەی دەستووردا بوون بۆ پەرلەمان ئەو پێشنیازەی پارتی بۆتان نەرێنیی نییە، وەڵامێكی دروستی نەدایەوە و گوتی: "سەركردایەتیی یەكگرتوو بڕیار لەسەر بابەتی بەشداریكردن لە حكوومەت یان بەشداری نەكردن دەدات."
بەرپرسی ژووری پێوەندییە دیپلۆماسییەكانی بزووتنەوەی گۆڕان، حەمەتۆفیق ڕەحیمیش ئاماژەی دا كە تا ئەو پێشنیازەیان بە شێوەیەكی فەرمی بە دەست نەگات نایانەوێ هیچ قسەیەكی لەبارەوە بكەن.
ئەو دەربارەی پێشمەرجەكەی پارتی كە دەستوورە، گوتی، هەر كاتێك گفتوگۆیان لەسەر بەشداریكردن لە حكوومەتدا كرد، قسەیان بۆ ئەو بابەتەیش دەبێت.
1/10/2013
هێرۆ ئیبراهیم ئه‌حمه‌د ده‌ست له به‌رپرسیارێتی مه‌ڵبه‌ندی رێكخستنی سلێمانی یه‌كێتی نیشتمانی كوردستان ده‌كێشێته‌وه و رایده‌گه‌یه‌نێت كه ده‌گه‌ڕێته‌وه مه‌كته‌بی سیاسی و ئه‌ركی كاركردن له مه‌ڵبه‌ندی سلێمانی بۆ كه‌سانی تر جێده‌هێڵێت
ئه‌مه‌ش ده‌قی راگه‌یه‌ندراوه‌كه‌یه:
ده‌ست له كاركێشانه‌وه له ئه‌ركی به‌رپرسیارێتی مه‌ڵبه‌ندی رێكخستنی سلێمانی
كوردستانیانی به‌رێز....
كادرو لایه‌نگره تێكۆشه‌ره‌كانی (ی.ن.ك)....
هاوڵاتیانی خۆشه‌ویستی سلێمانی...
كه‌بڕیارم دا ئه‌ركی به‌رپرسیارێتی له مه‌ڵبه‌ندی رێكخستنی سلێمانی یه‌كێتی نیشتمانی كوردستان وه‌رگرم ، له‌و كاته‌دا یه‌كێتی‌و سلێمانی له بارودۆخێكی خراپدابوون‌و سه‌رجه‌م هه‌وڵه‌كانیش بۆ باشكردنی ئه‌و دۆخه بوو، ئه‌م بڕیاره‌شم ته‌نها له‌به‌ر خاتری (ی.ن.ك)نه‌بوو، به‌ڵكو به‌ئامانجی خزمه‌تكردنی زیاتری خه‌ڵكی خۆشه‌ویستی ئه‌م شاره بوو. له‌و كاته‌شدا حزبه‌كه‌مان له‌م شاره‌دا روبه‌ڕووی ته‌حه‌دایه‌كی گه‌وره بوو بووه‌وه، زۆر كه‌سیش دودڵ بوون له هه‌ڵگرتنی ئه‌م به‌رپرسیارێتی یه، هه‌ربۆیه بڕیارمدا شان بده‌مه به‌ر ئه‌و ئه‌ركه سه‌خته.
هه‌رچه‌نده من هه‌رگیز ئه‌وه‌م نه‌شاردۆته‌وه كه كوردستانیم، به‌ڵام وا بیر ئه‌كه‌مه‌وه ئه‌گه‌ر مرۆڤ شاره‌كه‌ی خۆی خۆش نه‌وێت ناتوانێت كوردستانه‌كه‌ی خۆش بوێت.
ئێستا نزیكه‌ی چوار ساڵه له مه‌ڵبه‌ندی سلێمانی كار ئه‌كه‌م، له‌م ماوه‌یه‌دا هه‌وڵم داوه خزمه‌تی شاره‌كه‌م‌و خه‌ڵكه‌كه‌ی و باقی تری گوندو شاره‌كانی كوردستان بكه‌م، ئه‌مه‌ش ئه‌ركێكی گرنگی یه‌كێتییه‌كانه له هه‌ر پۆست‌و پله‌یه‌كی حزبی و حكومی بن و له‌هه‌ر شارو شارۆچكه‌یه‌ك بن.
له‌م ماوه‌یه‌دا له زۆرێكی كێشه‌كانتان ئاشنا بووم‌و ، زۆر هه‌وڵمدا دڵسۆزانه هه‌ندێك له ناڕه‌واییه‌كان ڕاست بكه‌مه‌وه، به‌تایبه‌تیش كێشه‌كانی تایبه‌ت به موڵكدارێتی، خزمه‌تگوزاری گشتی، كرێكاران‌و فه‌رمانبه‌ران‌و خوێندكاران و ئه‌و دوای توێژه‌كانی تری هاوڵاتیان.
به‌ڵام ئه‌م كێشه و داخوازیانه‌ی رۆژانه رویان ده‌كرده مه‌ڵبه‌ند، زۆرێكی تریش له كێشه‌كان چاره‌سه‌ریان لای حكومه‌تی هه‌رێم بوو، هه‌وڵی نێوه‌ندگیریمان دا له نێوان هاوڵاتیان و حكومه‌ت بۆ جێبه‌جێكردنی داواكاریه ڕه‌واكانی خه‌ڵك ، به‌ڵام له زۆر حاڵه‌تدا ته‌نها به‌ڵێنمان پێدراو كێشه‌كان چاره‌سه‌ر نه‌كران.
به‌داخه‌وه پاش ئه‌وه‌ی كه نه‌متوانی جێی ره‌زامه‌ندی زۆربه‌تان بم، بۆیه بڕیارم دا بگه‌ڕێمه‌وه مه‌كته‌بی سیاسی‌و ئه‌ركی كاركردن له مه‌ڵبه‌ندی سلێمانی بۆ كه‌سانی تر جێ بێڵم.
دڵنیاتان ئه‌كه‌م كه سلێمانی له دڵی مندا هه‌ر شاره حه‌یاته‌كه‌یه، شایه‌نی هه‌موو شتێكی جوان‌و باشتره، له هه‌ر كوێ بم به پێی توانای خۆم خزمه‌تی ئه‌كه‌م.
زۆر سوپاسی سه‌رجه‌م ئه‌ندامان و دۆستان‌و لایه‌نگرانی یه‌كێتی نیشتمانی كوردستان ئه‌كه‌م و سوپاس بۆ كادیران‌و ئه‌ندامانی مه‌ڵبه‌ند و دڵنیاتان ئه‌كه‌م ئه‌گه‌ر هاوكاری ئێوه نه‌بوایه ئه‌ركه‌كه‌م زۆر قورستر ئه‌بوو.
داوای لێبوردنتان لێ ده‌كه‌م وه‌كو پێویست نه‌متوانی خزمه‌تان بكه‌م‌و جێی هیواتان بم.
دڵسۆزتان
هیرۆ ئیبراهیم ئه‌حمه‌د
30/09/2013
سەبارەت بە كردەوە تیرۆریستییەكانی دوێنێی هەولێری پایتەخت، نەمویست لەڕێگەی بڵاوكردنەوەی پەیامێكەوە هەڵوێستی خۆم دەربڕم. ئەمڕۆ خۆم چووم و سەردانی نەخۆشخانەم كرد، ئەو ئازیزانەم بەسەركردەوە كە لە ڕووداوە تیرۆریستییەكەی دوێنێ بریندار ببوون، هێز و ئومێد و خۆڕاگری بەڕوونی لە نیگاكانیاندا دیار بوو. هیوای چاكبوونەوەی خێرایان بۆ دەخوازم و سەرخۆشیش لە كەسوكاری شەهیدانی ئەم ڕووداوە دڵتەزێنە دەكەم و لە خودای گەورە داواكارم بە بەهەشتی بەرین شادیان بكات.
لەم سەردانەدا سوپاس و پێزانینی خۆم ئاڕاستەی هێزە ئەمنییەكان و ئاساییش و پۆلیس و كارمەندانی ئاگركوژێنەوەو وەزارەتی تەندروستی كرد، كە بوێرانە بەرەنگاری تیرۆریستان بوونەوە، هەروەها سوپاسی تایبەتیشم بۆ خەڵكی قارەمانی شاری هەولێر هەیە، كە وەك هەمیشە خۆڕاگرو پشتیوانی هێزە ئەمنییەكان بوونە و ڕێگەیان نەداوە پیلانی تیرۆریستان سەربگرێت.
تیرۆریستانیش ئەگەر بیانەوێت بارودۆخی هەرێمی كوردستان تێك بدەن، دەبێ باش بزانن كە ئیرادەی گەلەكەمان زۆر لەوە بەهێزترە كە تیرۆریستان لە پیلانە چەپەڵەكانیاندا سەر بكەون. ئەگەر لەو شەش ساڵەدا بۆ جارێك توانیبێتیان كوردستان بریندار بكەن ئەوە بە سەدان پیلانیشیان لەو شەش ساڵەدا پووچەڵ كراوەتەوە.
بڕوای تەواویشم بە هۆشیاریی خەڵكی كوردستان و هێزو بازووی دەزگاكانی ئاساییش هەیە، كە دەستەكانی پشت ئەم تاوانە دەدۆزنەوەو ڕادەستی یاسایان دەكەن، تیرۆریستانیش سزا دەدرێن.
30/09/2013
فەرماندەی سوپای پاسدارانی ئێران سەردانەكەی رۆحانی بۆ ئەمریكا بە "سەركەوتوو" وەسف دەكات، بەڵام پەیوەندییە تەلەفۆنییەكەی لەگەڵ ئۆباما بە "هەڵەی تاكتیكی" دەزانێت.
محەممەد عەلی جەعفەری، فەرماندەی سوپای پاسدارانی ئێران لە گفتوگۆیەكدا لەگەڵ ئاژانسی تەسنیم رایگەیاند "لە رێڕەوی بەرەوپێشچوونی حكومەت دەكرێت هەڵە رووبدات، كە گفتوگۆی تەلەفۆنیی رۆحانی لەگەڵ ئۆباما یەكێك بوو لەو هەڵانە و دەكرێت چاكبكرێتەوە".
جەعفەری گوتیشی "هەڵوێستەكانی رۆحانی لە نیویۆرك لەجێی خۆی بوو، بەڵام ئەو گفتوگۆ تەلەفۆنییە دەبوایە پاش هەنگاوە كردارییەكانی ئەمریكا بوایە".
فەرماندەی سوپای پاسدارانی ئێران گوتی "رۆحانی لەم گەشتەیدا دەریخست، كە لە چوارچێوەی سیاسەتەكانی ئایەتوڵا عەلی خامنەیی، رێبەری ئێران بەرەوپێش دەڕوات، بەڵام وەك چۆن رۆحانی ئامادە نەبوو لەگەڵ ئۆباما كۆببێتەوە، دەبوایە گفتوگۆ تەلەفۆنییەكەیشی دوابخستایە بۆ پاش هەنگاوی كرداری ئەمریكا لە بەرامبەر ئێران".
جەعفەری هێشتا دەستەواژەی "دوژمن" بۆ ویلایەتە یەكگرتووەكانی ئەمریكا بەكاردەهێنێت و دەڵێ "دوژمن تاوەكو ئێستاش كاتی زۆرتری پێویستە بۆ ئەوەی گۆڕانكارییەك تێیدا رووبدات".
بە گوتەی بەرپرسانی ئەمریكی لە كاژێر 2:30 خولەكی رۆژی هەینی 28-9-2013، باراك ئۆباما، سەرۆكی ئەمریكا پەیوەندی بە حەسەن رۆحانی، سەرۆك كۆماری ئیسلامی ئێران كردووە و بۆ ماوەی 15 خولەك پێكەوە قسەیان كردووە. ئەمەش پاش 34 ساڵ لە سەركەوتنی شۆڕشی ئیسلامی ئێران، بووە یەكەم سەرۆكی ئەو وڵاتە، كە لەگەڵ سەرۆكی ویلایەتە یەكگرتووەكانی ئەمریكا راستەوخۆ قسەی كردووە.
ئەو گفتوگۆیەی رۆحانی لەگەڵ ئۆباما كاردانەوەی جیاوازی لێكەوتەوە و لە فڕۆكەخانەی میهرئابادی تاران لەلایەن گرووپێكی بەرهەڵستكارییەوە درایە بەر پێلاو و درووشمی تووند.
سەرۆكی ئەمریكا لە كۆنگرەیەكی رۆژنامەوانی لە واشنتۆنەوە رایگەیاند، لە ئەنجامی قسەكردنی لەگەڵ رۆحانی بۆی دەركەوتووە، كە هەردوو وڵات دەتوانن بگەنە رێككەوتنێك بۆ ئەوەی كۆتایی بە قەیرانی بەرنامەی ئەتۆمی ئێران بێنن.
ئۆباما لە كۆنگرە رۆژنامەوانییەكەیدا گوتی "رێگەی گەیشتن بە رێككەوتن لەگەڵ ئێران سەختە، بەڵام لەگەڵ دەستبەكاربوونی كابینەی نوێی ئێران، هەلێك رەخساوە بۆ بەرەوپێشبردنی وتو‌وێژەكان".
بە گوتەی بەرپرسێكی ئەمریكی، كە نەیویستووە ناوی بهێنرێت، روحانی پێش گەڕانەوەی بەرەو ئێران، داوای گفتوگۆی تەلەفۆنی لەگەڵ ئۆباما كردووە.
سەرۆك كۆماری ئێران سەبارەت بە پەیوەندییە تەلەفۆنییەكە رایگەیاند "لەو پەیوەندییە تەلەفۆنییەدا بە ئۆباما-م گوت، كە بە جدییەتێكی سیاسییەوە دەكرێت بە زووترین كات كێشە ئەتۆمییەكانی ئێران چارەسەر بكرێت".
1/10/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
