چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

درێژه‌ی بابه‌ت

لە هەولێر ئیدانەی هێرشی موشەکی کۆماری ئیسلامی بۆ سەر بنکە و بارەگاکانی حیزبەکانی ڕۆژھەڵاتی کوردستان، هاوکات پشتگیری لە نارزایەتی خەڵکی ئێران و رۆژهەڵاتی کوردستان کرا.

درێژه‌ی بابه‌ت

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

درێژه‌ی بابه‌ت

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

درێژه‌ی بابه‌ت

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

درێژه‌ی بابه‌ت

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

به‌ڕێزان ( عوسمان عه‌به‌ پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه‌ وتیان به‌ڵێ ڕاسته‌ و كۆچی دوایی كردووه‌؟ هونه‌رمه‌ند و پێشمه‌رگه‌ ، سروودبێژ و گۆرانیبێژ...

درێژه‌ی بابه‌ت

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

درێژه‌ی بابه‌ت

بەدرخان؛ بیرەوەریی مستۆ دادار بڵاودەکاتەوە

کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت. مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...

درێژه‌ی بابه‌ت

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...

درێژه‌ی بابه‌ت

پیاوێک و شارایەک بەرهەمی دەستنووس

بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...

درێژه‌ی بابه‌ت

په‌یوه‌ندی راسته‌وخۆ

گه‌ڕان

Articles

فرانسوا هۆڵاند سەردانی ئیسرائیل دەکات

oland f

^{فرانسوا هۆڵاند، سەرۆکی فەرەنسا گەشتێکی دوو رۆژەیی بۆ ئیسرائیل و فەلەستین دەستپێکرد و بڕیارە لەگەڵ بەرپرسانی هەردوو وڵات كۆببێتەوە و بەشێک لە هۆکاری سەردانەکەشی پەیوەندی بە پرسی بەرنامە ئەتۆمییەکانی ئێرانەوە هەیە.}

^{هەفتەی رابردوو دوای ئەوەی دانوستانەکانی جنێف سەبارەت بە کێشەی ئەتۆمی ئێران نەگەیشتنە هیچ رێککەوتنێک و فەرەنساش بە ئاشکرا رایگەیاند، ئێران لەگەڵ بەردەوامی دانوستانەکاندا پەرە بە پیتاندنی یۆرانیۆم دەدات، حکومەتی ئیسرائیل بەگەرمی پێشوازی لەم هەڵوێستەی فەرەنسا کرد، هەر زوو بنیامین ناتانیاهۆ، سەرۆک وەزیرانی ئیسرائیل رایگەیاند، بە پەرۆشەوە چاوەڕێی سەرۆکی فەرەنسا دەکات و فەرەنساشی وەک هاوڕێیەکی نزیکی ئیسرائیل وەسفکرد.}

^{شیمۆن پێرێز، سەرۆکی ئیسرائیل دووپاتیکردەوە، کە ئیسرائیل هەڵوێستە تووندەکەی فەرەنسا لەبەرامبەر ئێراندا بە گرنگ سەیر دەکات و خوازیارە لەگەڵ فەرەنسا تاووتوێی ئەو بابەتە بکات.}

^{ئەمە لەکاتێکدایە حکومەتی فەرەنسا رایگەیاندووە، هەڵوێستی وڵاتەکەی بەرامبەر ئێران بۆ رازیکردنی هیچ لایەنێک نییە، بەڵکو ئەمە هەڵوێستێکی ئاشکرایە و پشت بە بنەمای بەرهەمهێنانی وزە لە پێناو ئاشتیدا دەبەستێت.}

^17/11/2013

سەرۆک بارزانی لە ئامەد: دەبێت چیتر خوێنی کورد بەدەستی تورک و تورک بە دەستی کورد نەڕژێت, چەند رێگای ئاشتی درێژ بێت باشترە لە کاتژمێرێک شەڕ

dyarbakir u barzanni

^{سەرۆکی ھەرێمی کوردستان لە ئامەد لە وتەیەکی دا رایگەیاند, من وەکو تاکێکی کورد دڵم خۆش بوو, سەکردەیەک لە تورکیا پەیدابوو, رێگەیەکی راستی گرتۆتە بەر, ئەویش رێگەی برایەتییە, دەبێت چیتر خوێنی کورد بە ستی تورک و تورک بە دەستی کورد نەرژێت, داوای لە برایانی کورد و تورک کرد پشتیوانی پرۆسەی ئاشتی بکەن.}

^{مەسعود بارزانی سەرۆکی ھەرێمی کوردستان ئاماژەیدا: بۆ من ئەمـڕۆ رۆژێکی دیرۆکییە لە شاری ئامەد ئامادەم, دەمەوێ سەلامی خەڵکی کوردستان و ھەولێر بە خەڵکی ئامەد رابگەیەنم, من وەکو تاکێکی کورد دڵی من خۆش بوو, سەکردەیەک لە تورکیا پەیدابوو, رێگەیەکی راستی گرتۆتە بەر, ئەویش رێگەی برایەتییە, لە رۆژھەڵاتی ناوەراست بە برایەتی دەتوانین میللەتی خۆمان بەختەوەر بکەین و وڵاتی خۆمان ئاوەدان بکەینەوە, شەڕ تەجروبە کرا کەس خێر لە شەڕی نەدیوە.}

^{بارزانی وتیشی: دەبێت چیتر خوێنی کورد بەدەستی تورک و تورک بە دەستی کورد نەڕژێت, بناغەی پرۆسەی ئاشتی دارێژرا, جەنابی ئەردۆگان زۆر بوێرانە رێگای ئاشتی ھەڵبژارد و دەستی بە ئاشتی کرد, داخوازی من لە برایانی کورد و تورک ئەوەیە پشتیوانی پرۆسەی ئاشتی بکەن, چەند رێگای ئاشتی درێژ بێت باشترە لە کاتژمێرێک شەڕ.}

^{سەرۆکی بارزانی وتی: بەر لە ١٥ – ٢٠ ساڵ ھاتن بۆ خزمەتی ئێوە مەحاڵ بوو, لە ئێستادا ھاتنی ئێمە بەرھەمی ئاشتی و برایەتی و لێک تێگەیشتنە, لەو باوەڕادام پرۆسەی ئاشتی دەگاتە ئەنجام.
لە کۆتاییدا بارزانی وتی: زۆر بەختەوەر بووم بە خزمەتی ئێوە گەیشتم, داخوازی سەرکەوتن و بەختەوەریتان بۆ دەکەم.}

^{دوێنێ شەممە 16ـی 11ـی 2013 بەڕێز مەسعود بارزانی سەرۆكی هەرێمی كوردستان بە سەردانێكی مێژوویی گەییشتە شاری ئامەدی باكووری كوردستان, لەم سەردانەدا سەرۆكی هەرێمی كوردستان لە كردنەوەی چەندین پڕۆژە لە شاری ئامەد بەشدار دەبێت.}

^{س . س}

^pna

^17/11/2013

شڤان پەروەر دوای 37 ساڵ بە ئامەد شاد دەبێتەوە

shwanperwar la amed

^{شڤان پەروەر 37 ساڵ بەر لە ئێستا باكووری كوردستانی بەرەو ئەڵمانیا بەجێهێشت، تاوەكو ئێستا تەنیا بۆ جارێكیش نەگەڕاوەتەوە، ئەو كات پەروەر تەمەنی تەنها 21 ساڵ بوو، بەڵام بەهۆی هەڵوێستە سیاسییەكانی و مەترسی دەستگیركردنی لەلایەت دەوڵەتی توركیاوە، نەیتوانی زیاتر لە باكووری كوردستان بمێنێتەوە.}

^{دوای ئەو ماوە زۆرە، بڕیارە شڤان پەروەر جارێكی دیكە بچێتەوە ئامەد، رەنگە ئیدی دوای ئەو سەردانەی، پەروەر نەتوانێ وەك جاران لە ئامەد و تەواوی باكووری كوردستان داببڕێت، پێدەچێت بەهۆی ئەو پێگە جەماوەرییەی كە هەیەتی، بتوانێت كاریگەرییەك لەسەر پرۆسەی ئاشتی لە باكووری كوردستان درووست بكات.}

^{ئەگەر ئەمجارەش چوونەكەی پەروەر لەسەر بانهگێشتی ئەردۆغان و یاوەریی سەرۆكی هەرێمی كوردستان نەبوایە رەنگە چەند ساڵێكی دیكەش نەیتوانیایە بچێتەوە باكووری كوردستان، چونكە پێشتر شڤان پەروەر رایگەیاندبوو "بۆ گەڕانەوەی بۆ توركیا چاوەڕوانی بانگەوازی رێبەری بەندكراوی PKK ئۆجەلان دەكات.}

^{پەروەر لە دیمانەیەكیدا لەگەڵ رۆژنامەی تەرەفی توركی ئاماژەی بەوە داوە: "من ناتوانم لە گەڕانەوەی خۆم بۆ توركیا بە پێی داواكاری یان بڕیاری سەرۆك وەزیری توركیا هەڵسوكەوت بكەم، من ناچارم بۆ گەڕانەوە چاوەڕوانی ئۆجەلان بكەم، تا بانگەوازێك ئاراستەی من بكات و بگەڕێمەوە".}

^{شڤان پەروەر ئاماژەی بەوە كردبوو: "ئۆجەلان دەتوانێت وەك چۆن بانگەوازی ئاڕاستەی PKK كرد، تاوەكو هێزە چەكدارەكانی خۆی بكێشێتەوە، بەمجۆرەش دەتوانێت بانگەوازێك ئاراستەی من بكات، تا منیش بگەڕێمەوە بۆ توركیا". بەڵام بێ ئەوەی ئۆجەلان بانگەوازی بۆ بكات، ئەمجارە بە یاوەری سەرۆكی هەرێمی كوردستان لە هەولێرەوە بەرەو ئامەد بەڕێ كەوت.}

^{جگە لە گرنگی چوونەوەی پەروەر بۆ باكوور لەرووی سیاسییەوە، بۆ ئەو گرنگییەكی دیكەشی هەیە، كە رەنگە گرنگییەكە بۆ ئەو جیاوازییەكی ئەوتۆی نەبێت لەگەڵ رووە سیاسییەكەی، ئەویش ئەوەیە، كە دوای 37 ساڵ بە زێد و نیشتمان و بەشێك لە خزم و كەسوكار و میلـلەتەكەی لە باكووری كوردستان شاد دەبێتەوە.}

^{دوای بڵاوبو‌ونەوەی هەواڵی گەڕانەوەی پەروەر بۆ باكووری كوردستان، باوكی شڤان دڵخۆشی خۆی دەربڕیوە، كە كوڕەكەی جارێكی دیكە دەگەڕێتەوە.}

^{یونس ئایگۆن، باوكی شڤان پەروەر، كە ئێستا تەمەنی 90 ساڵە، كاتێك بیستی كوڕەكەی دەچێتە ئامەد و ئامادەی یەكتر بینینی ئەردۆغان و بارزانی دەبێ لەو شارە، دڵخۆشیی خۆی دەربڕی و گوتی "كوڕەكەمم بۆ بێنن، دەمەوێ بیبینم، زۆر بیری دەكەم، چونكە ئیتر من پیر بووم".}

^{شڤان و باوكی دواینجار لەساڵی 1996 لە هەرێمی كوردستان یەكتریان بینی، واتا 17 ساڵ بەر لەئێستا. كاتێك رەجەب تەیب ئەردۆغان، ئاشكرایكرد هەردوو هونەرمەند شڤان پەروەر و ئیبراهیم تاتلیسێس لەگەڵ مەسعود بارزانی سەردانی ئامەد دەكەن، دوای ئەو قسەیە، باوكی شڤان پەروەر كە دانیشتو‌وی گوندی سۆرە لە پارێزگای ئورفا، دڵخۆشی خۆی دەربڕی.}

^{یونس ئایگۆن، گوتی: "هیوادارم ئاشتی بەتەواوی باڵ بكێشێ بەسەر توركیادا و ئیتر هیچ دایكێك فرمێسك لە چاوی نەڕژێ بۆ لەدەستدانی رۆڵەكانیان. من بە كوردی قسە دەكەم، بەڵام لە ژێر ئاڵای توركیادا دەژیم."}

^{ماوەیەك بوو دەسەڵاتدارانی توركیا هەوڵیان دەدا پەروەر بەرەو باكوور بگەڕێننەوە، ماوەیەك لەمەوبەر هەوڵێكی وایان دا كاتێك داوا لە شڤان پەروەر كرا لە كردنەوەی كەناڵی TRT6 لە سەرەتای 2009دا بەشداری بكات، بەڵام قەبووڵی نەكرد. دوای ئەوە لە ٩/١/٢٠٠٩ كەناڵی TRT6 فیلمێكی بەڵگەنامەیی لەسەر ژیانی شڤان پەروەر بڵاوكردەوە.}

^{شڤان پەروەر (لەدایكبووی 23ی ئەیلوولی 1955ـە و گۆرانیبێژێكی بەناوبانگی كوردە. پەروەر لە بواری مۆسیقای كوردیدا زۆر چالاك بووە و زیاتر لە 25 ئەلبومی پێشكەش كردووە. ئەلبومی «من بیریا تە كریە» گرنگترین خەڵاتی مۆسیقای فەڕەنسا) ساڵی 2004ی لە بەشی مۆسیقای جیهاندا بردەوە.}

^16/11/2013

دیاربەکرییەکان: بەخێرھاتی بارزانی بۆ ماڵی خۆت

diyarbakr u barzani

^{ژمارەیەكی زۆر لە هاووڵاتیانی دیاربەکر بۆ پێشوازیی لە سەرۆكی هەرێمی كوردستان، مەسعوود بارزانی، لە دەروازەی شارەکەیان بە وێنەی بارزانی و ئاڵای کوردستان بەپێوە وەستاون.}

^{ئاژانسی ئانادۆڵو بەشی كوردی بڵاوی كردووەتەوە لە دەروازەی شاری دیاربەکر، ژمارەیەكی زۆر لە دانیشتوانی ئەو ناوچەیە بۆ پێشوازییکردن لە بارزانی و ھاوسەفەرەکانی بە پێوە وەستاون. ئەوان وێنەی بارزانی و ئاڵای کوردستانیان بە دەستەوەیە و دروشمی "بەخێرھاتی بارزانی بۆ ماڵی خۆت"ـیان بەرز کردووەتەوە.}

^{لەناو ئاپۆرای خەڵکدا، پەرلەمانتاری بەدەپە، ئاڵتان تان، دەبینرێ و لە پێشوازیی بارزانیدا وەستاوە، تان گوتی: "لە تورکیا بارزانی پێشتر بە سەرۆکی عەشیرەت ناویان دەبرد، کەچی ئێستا وەکو سەرۆکی ھەرێم پێشوازیی لێدەکەن، ئێمە لەگەڵبارزانی کۆدەبینەوەو باسی چۆنێتی چارەسەری پرسی کورد دەکەین. بۆ کورد ھەر پیترۆڵ گرنگ نییە بەڵکو ئینسانیش گرنگە. ئێمە بەھەزاران کەسمان لەگرتووخانەکاندان، خەڵک چاوەڕێیە بارزانی بگات و باسی ئەوانەی لەگەڵ بکەین."}

^{بەپێی هەواڵێكی ئاژانسی ده‌نگوباسی ئه‌ڵمانیایش كە "باسنیوز" بڵاوی كردووەتەوە، باس له‌ دیداری ئه‌مڕۆی بارزانی و ئه‌ردوغان له‌ ئامه‌د ده‌كا و ده‌نووسێ "ئامانجی ئه‌و سه‌ردانه‌ سه‌رله‌نوێ ده‌ستپێكردنه‌وه‌ی وتووێژه‌كانی ئاشته‌واییه‌ له‌ نێوان حكوومه‌تی توركیا و كورده‌كانی ئه‌و وڵاته‌، كه‌ له‌ مانگی ئه‌یلوولی رابردووه‌وه‌ وتووێژی نێوان ئه‌و دوو گرووپه‌ وه‌ستاوه‌."}

^{سه‌رچاوه‌یه‌كی نزیك له‌ حكوومه‌تی توركیا به‌ ئاژانسی ده‌نگوباسی فه‌ڕه‌نسای گوتووه‌ "حكوومه‌تی توركیا ده‌یه‌وێ به‌ڵێنه‌كانی له‌وباره‌یه‌وه‌ جێبه‌جێ بكات و كۆتایی به‌ شه‌ڕه‌كانی له‌گه‌ڵ كورده‌كان بێنێ ئه‌گه‌رچی په‌یوه‌ندییه‌كان ئێستا له‌ دۆخێكی شیاودا نین."}

^pna

^16/11/2013

PYD، وڵامی هاۆپەیمانی ئۆپۆزیسیۆنی سووریا دەداتەوە

pyd u haw paimani nishtimani surya

^{پارتی یەکێتی دیموکراتی PYD، وڵامی لێدوانێکی هاوپەیمانی نیشتمانی ئۆپۆزیسیۆنی سووریا دەداتەوە كە رایگەیاندبوو "PYD دژی شۆڕشی سووریا خەبات دەکات و پشتیوانی رژێمی سووریایە".}

^{دەستەی بەڕێوەبەری پارتی یەکێتی دیموکراتی PYD، لە راگەیەنراوێكدا کە ماڵپەڕی فەرمی PYD بڵاویكردووەتەوە رایدەگەیەنن، ئەو لایەنە درووستکراوانەی لەنێو هاوپەیمانی نیشتمانیدان و پشتیوانی سیاسەتەکانی پارتی داد و گەشەپێدن AKP و وڵاتانی کەنداو دەکەن، دەیانەویست ناوچەکەی ئێمە بخەنە نێو شەڕێکی تایفی و نەتەوەییەوە.}

^{لە راگەیەنراوەکەی PYDدا ئەوەش خراوەتەڕوو "ئەو لایەنانەی پشتیوانی لە هەردوو رێکخراوی تیرۆریستی جەبهەتولنوسرە و رێكخراوی دەوڵەتی ئیسلامی لە عێڕاق و شام دەکەن بە فەرمانی تورکیا و وڵاتانی کەنداو کار دەکەن، ئەو وڵاتانەیش هاوپەیمانی نیشتمانی بەکار دەهێنن بۆ ئەوەی بەرژوەندی خۆیان لە سووریا و رۆژهەڵاتی ناوەڕاست بەدەستبهێنن".}

^{PYD داوا لە هەموو لایەنە کوردی و عەرەبییەکانی نێو هاوپەیمانی نیشتمانی ئۆپۆزیسیۆنی سووریا دەکات خۆیان لە نێو هاوپەیمانی بکێشنەوە و کار بۆ بەهێزکردنی پرۆژەی بەڕێوەبردنی کاتی لە رۆژئاوای کوردستان بکەن، کە ئامانجی خزمەتکردنی گەلە.}

^{رۆژی چوارشەممە 13/11/2013، واتە رۆژێک دوای راگەیاندنی بەڕێوەبەریی کاتی رۆژئاوای کوردستان لەلایەن PYD و بەشێك لە پارتەكانی دیکەی کوردی و عەرەبی و کریستیانەوە راگەیەنرا، هاوپەیمانی ئۆپۆزیسیۆنی سووریا بە تووندی رەخنەی لە PYD کرد و رایگەیاند "ئامانجی PYD لەم هەنگاوەیدا، پارچەکردنی یەکپارچەیی خاکی سوریایە".}

فه‌رهاد چۆمانی

^rudaw

^15/11/2013

بورکای: ئۆجەلان هەمان ئۆجەلانی ساڵی 1993 نییە

kamal burkai

^{سکرتێری پارتی ماف و ئازادییەکان لە توركیا رایدەگەیەنێت، ئۆجەلان هەمان ئۆجەلانی ساڵی 1993 نییە و 180 پلە سیاسەتی خۆی گۆڕیوە، بە گرینگیشی دەزانێت گەریلاکانی PKK لەنێو خاکی تورکیا چەک دابنێن و بچنە دەرەوەی سنوورەکانی ئەو ولاتە.}

^{لە هەڤپەیڤینێكدا لەگەڵ تەلەفزیۆنی ahaber، کەمال بورکای، سکرتێری پارتی ماف و ئازادییەکان KAH-PAR، ئاماژە بەوە دەکات پێویستە گەریلاکانی پارتی کرێکارانی کوردستان PKK، لەنێو خاکی تورکیا چەک دابنێن و کشانەوەی تەواوەتی بۆدەرەوەی سنوور تورکیا پێکبێ، ئەگەر ئەمە رووبدات، پێویستە زەمینەی یاساییان بۆ بڕەخسێ.}

^{بوركای دەڵێت "لە رێککەوتنی نێوان من ئۆجەلاندا داواکاری هاوبەشمان فیدڕاڵی بوو بۆ باکووری کوردستان، بەلام دوای ئەوەی ئۆجەلان دەستگیکرا لە هەموو ئەو داواکاریانەی پاشگەز بوویەوە، بەڵام ئێستاش هەر داوای فیدڕاڵی دەکەم، ئۆتۆنۆمیش پلەی دووەمی دەوڵەتی سەربەخۆیە، ئەگەر دوو کەس، لەپاڵ یەکەوە بە ئاشتیانە بژین، ئەمەش چارەسەری فیدڕاڵییانەیە، دەزانم رۆژێک هەر دێ بەو خواستە دەگەین".}

^{سکرتێری پارتی ماف و ئازادییەکان بە گرینگی زانی گەریلاکانی PKK لەنێو خاکی تورکیا چەک دابنێن و بچنە دەرەوەی سنوورەکانی ئەو ولاتە، گوتیشی "بەڵام ئەم هەنگاوە پێویستی بە دەستەبەرکردنی ئاساییشی کشانەوەی گەریلاکان هەیە، خۆ لە ساڵی 1999 ش PKK گەریلاکانی کشاندنەەوە، بەڵام لەکاتی کشانەوەکەدا لەهەندێک شوێن رووبەڕووی هەڵکوتانەسەر و هێرش بوونەوە، قوربانیاندا، بەڵام ئێستا دەبێ زەمینە بۆ ئەو کشانەوەیە سااز بکرێ، ئەگەر نا هەندێک بەرژوەندیخواز دێنە ناوەوە، ئەو کات پرۆسەکە دەکەوێتە بەردەم ریسکەوە".}

^{بورکای چوونە دەرەوەی گەریلاکان بۆ دەرەوەی سنوور بە چەکەوە بە "هەڵە" دەزانێت و دەڵێ "ئەگەر چەک دادەنێن بۆچی لێرە (لەنێوخۆی تورکیا) چەک دانانێن. لەساڵی 1999 بە چەکەوە چوونە ئەودیوی سنوور، بەڵام دوای 5 ساڵ لەناکاو لە ساڵی 2004 دیسانەوە شەڕ هەڵگیرسایەوە".}

^{لە بەشێکی دیکەی قسەکانیدا بورکای گوتی "ئەوەی ئەمڕۆ PKK دەیکات هەڵە نییە، ئەوەی دوێنێ و لە ماوەی 30 ساڵی بەرەنگاربوونەوەی چەکداریدا دەیکرد هەڵەبوو، ئەو شەڕە 30 ساڵەییە زیانی زۆری بە کورد گەیاند، لایەنی دیکەش هەبوون لە تورکیا کە سوودیان لەو شەڕە دەبینی، ئێستا PKK هەڵە نییە و پشتیوانی لەو هەنگاوەیان دەکەم".}

^{لەبارەی ئەگەری سەردانیکردن و نەکردنی بۆ دوورگەی ئیمرالی بۆ لای ئۆجەلان، بوركای گوتی" ئۆجەلان، هەمان ئۆجەلانی ساڵی 1993 نییە، بچم چی پێ بڵێم؟ بچم بڵێم هاوڕێ بۆچی لە داواکارییەکانت هەڵگەڕایەوە؟ نا، ئۆجەلان دەزانێ چی دەکات و بۆچی 180 پلە سیاسەتی خۆی گۆڕی".}

^15/11/2013

سه‌رۆكی هه‌رێم بۆ رۆژئاوا: پشتگیری له‌و هه‌نگاوانه‌ ناكه‌ین تاكلایه‌نانه‌ بڕیاری له‌سه‌ر درابێت

baraaaznii

^{سه‌رۆكی هه‌رێمی كوردستان له‌ په‌یامێكدا بۆ رۆژئاوای كوردستان رایگه‌یاند، جێگەی داخە لایەنی پەیەدە سەرباری سوودوەرگرتنی لە ڕێككەوتنی هەولێر ئامادە نەبوو پابەندی بێت و هەموو لایەنەكانی بەلاوە نا و هەوڵیدا بەزۆری چەك و بە ڕێككەوتنی نهێنی لەگەڵ ڕژێم خۆی بكاتە ئەمری واقعی سەربازی، وتیشی، من بەرانبەر بە ئاییندەی ڕۆژئاوای كوردستان نیگەرانم و ئەو ترسە لە ئارادایە كە ئەم دەرفەتە زێڕینە لە دەست كورد بچێت.}

^{ئه‌مه‌ش ده‌قی په‌یامه‌كه‌یه‌:}

^{بەناوی خوای گەورە و میهرەبان}

^{جەماوەری سەربەرزی كوردستان}

^{دوای ڕووداوەكانی سووریا پێمان وابوو دەرفەتێكی زۆر باش بۆ گەلی كورد لە ڕۆژئاوا هاتووەتە ئارا بۆ ئەوەی پاش دەیان ساڵ نكۆلیكاری و بێبەشبوون لە مافی هاووڵاتیبوون كۆتایی بە نەهامەتییەكان بێت و مافی گەلی كورد لەو بەشەی كوردستاندا مسۆگەر بكرێت. لەسەر بارودۆخی ڕۆژئاوا و ڕۆڵی هەرێم زۆر لێدوانی جیاجیا و ناڕاست دراوە و، هەندێ لایەنیش كەوتنە بازرگانیكردن بەم بابەتەوە و لە مەسەلەی داخستنی سنوور دەستیان پێكرد. ئەوە لە حاڵێكدا بوو كە سنوور هیچ كات بۆ هاوكاری و كاروباری مرۆڤی دانەخرابوو و داشناخرێت. ڕاستە ئێمە زۆر تێبینیمان لەسەر سیاسەت و ڕەفتاری پەیەدە هەیە بەڵام پێمانخۆشە بگەڕێنەوە بۆ كۆدەنگیی كوردی، چونكە تاكڕۆیی نە سوودی بۆ ئەوان هەیە نە بۆ گەلی كورد. بۆ ئەوەی ڕاستییەكان دیار بن و جەماوەری كوردستان لێی ئاگادار بن بە پێویستمان زانی ڕاستییەكان بكەونە بەر دەستی خەڵكی كوردستان. مەبەستی منیش پەرۆشییە بۆ ئاییندەی خوشك و براكانمان لە ڕۆژئاوا و دۆزینەوەی چارەسەرە بۆ دۆخەكەی ئێستای ڕۆژئاوا بۆ ئەوەی لەمە خەراپتر نەبێت.}

^{هەر لە سەرەتا زۆر هەوڵماندا گشت توانا سیاسی و دیپلۆماسییەكانی هەرێم بۆ یارمەتیدانی خوشك و براكانمان لە ڕۆژئاوا بەكار بهێنین و سوود لەو دەرفەتە وەربگیرێت كە بۆ گەلی كورد ڕەخساوە. لە 28ـی 11ـی 2011 بە شەخسی بەشداری یەكەمین كۆبوونەوەی لایەنە كوردییەكانی سووریا بووم و پێم گوتن ئێوە برای ئێمەن و ئامادەین هاوكاریتان بكەین بە مەرجێك ئێوە پێكەوە بن و هەر بڕیارێك بیدەن پشتگیریتان لێدەكەین چ بەرانبەر بە ڕژێم چ بەرانبەر بە ئۆپۆزیسیۆن.}

^{گەلی كورد لە ململانێی نێوان ڕژێم و ئۆپۆزیسیۆندا بێلایەن بوو و تەنیا دەبوایە هەوڵی وەدەستهێنانی مافە نەتەوەیی و دیموكراتییەكانی خۆی دابا. نە ڕژێم و نە ئۆپۆزیسیۆن وەڵامێكی ئیجابیان دەربارەی مافەكانی كورد نەبوو. بۆیە پێویست بوو هەموو لایەنە كوردییەكان یەكبگرن و ببنە خاوەنی گوتارێكی سیاسی یەكگرتوو. ئەوە بوو لە 11ـی 7ـی 2012 دەستەی باڵا بە پێی ڕێككەوتننامەی هەولێر دامەزرا بۆ ئەوەی گەلی كورد وتارێكی سیاسیی هاوبەشی هەبێت بۆ ئێستا و دواڕۆژی سووریا. جێگەی داخە لایەنی پەیەدە سەرباری سوودوەرگرتنی لە ڕێككەوتنی هەولێر ئامادە نەبوو پابەندی بێت و هەموو لایەنەكانی بەلاوە نا و هەوڵیدا بەزۆری چەك و بە ڕێككەوتنی نهێنی لەگەڵ ڕژێم خۆی بكاتە ئەمری واقعی سەربازی. باسی ئەوەش دەكەن كە شۆڕشیان لە ڕۆژئاوا بەرپا كردووە بەڵام كام شۆڕش و لە دژی كێ؟ ئەوان تەنیا ناوچەكانیان لە لایەن ڕژێمەوە ڕادەست كراوە.}

^{لە ڕاستیدا ئەم كارەی پەیەدە ئەگەر دەستكەوتێكی نەتەوەیی لێ كەوتبایەوە چاوپۆشی لێ دەكرا بەڵام ئەوەی ڕوویداوە تەنیا بریتییە لە پاوانكردنی ڕۆژئاوا لە لایەن پەیەدە ئەوەیش بەسوودوەرگرتن لە ڕێككەوتنی هەولێر و یارمەتیی ڕژێم كە یاریكردنێكی مەترسیدارە بە چارەنووسی گەلەكەمان لە ڕۆژئاوا. پەیەدە هەر بە پاوانكردن نەوەستا بەڵكو كەوتە كوشتن و گرتنی ئەندامانی حزبەكانی تر.}

^{من بەرانبەر بە ئاییندەی ڕۆژئاوای كوردستان نیگەرانم و ئەو ترسە لە ئارادایە كە ئەم دەرفەتە زێڕینە لە دەست كورد بچێت. چونكە ڕژێم هیچ دانی نەناوە بە مافی كورد لەبەرانبەر ئەو هاوكارییەی پەیەدە پێشكەشی ڕژێمی كردووە و لایەنی ئۆپۆزیسیۆنیش، كورد بە بەشێك لە ڕژێم هەژمار دەكات و ئەوەشیان كێشەی جددی بۆ گەلەكەمان لە داهاتوودا دروست دەكات. هەر لەسەرەتای ڕووداوەكانی سووریا بڕیار ئەوە بوو كورد خۆی تووشی شەڕ نەكات و ئەگەر هێرش هاتە سەر كورد بەرگری لەخۆیان بكەن. بەڵام پەیەدە گەلەكەمانی تووشی شەڕێك كرد كە نە شەڕی كورد بوو و نە لە قازانجی كورد بوو. ئەو شەڕە بووە هۆی ئاوارەبوونی دەیان هەزار هاووڵاتیی كوردی ڕۆژئاوا. ئەوان دژی كۆدەنگیی نەتەوەیی وەستانەوە و تەنانەت ئاڵای كوردستانیشیان لە ڕۆژئاوا قەدەغە كرد. لە چەند ڕۆژی ڕابردوودا پەیەدە تاكلایەنانە ئیدارەی خۆی لە ڕۆژئاوا ڕاگەیاندووە و ئەوەش تاكڕۆیەكی ئاشكرا و پەراوێزخستن و بەلاوەنانی حزبە كوردییەكانی دیكەیە. ئێمە داكۆكی لەسەر هەڵوێستی خۆمان دەكەینەوە و تەنیا پشتگیریی ئەم هەنگاوانە دەكەین كە هەموو لایەنەكان پێكەوە بڕیاریان لەسەردا بێت و مامەڵە لەگەڵ بڕیاری تاكلایەندا ناكەین.}

^{هیوادارم گۆڕانكارییەكان لە ئاییندەدا لە بەرژەوەندیی گەلی كورددا بن و ئامۆژگارییشم بۆ هەموو لایەنە كوردییەكان و پەیەدەش ئەوەیە كە لە بەرژەوەندیی گەلەكەمانە بەیەكەوە بن و بگەڕێنەوە بۆ بنەماكانی ڕێككەوتنی هەولێر. بە دڵنیاییەوە ئەمەیان باشترین ڕێگەیە و لەهەموو بارودۆخێكدا پێگەی كورد لە سووریا بەهێزتر دەكات و ئێمەش بەهەموو توانایەك پشتگیرییان دەكەین. هەموو لایەنەكان بۆ ئێمە وەك یەكن و خوشك و برای ئێمەن. دەمانەوێت بە مافی خۆیان بگەن و خۆیان خاوەنی بڕیاری خۆیان بن. ئەگەر پەیەدە تووشی لەخۆباییبوون بێت و بەردەوام بێت لە پشتكردن لە خوشك و براكانی ئەوە بە تەنیا ناتوانێت ڕووبەڕووی تەحەدیات و مەترسییەكان ببێتەوە و چارەنووسی كوردیش دەكەوێتە ژێر هەڕەشەی جددییەوە. ئەگەر هەموو لایەنەكان نەگەڕێنەوە بۆ ڕێككەوتنامەی هەولێر ئەو كاتە دەستەی باڵایش هیچ مانایەكی نامێنێ و پەیەدە خۆی بەرپرسیار دەبێت لە لەدەستدانی دەرفەتی مێژوویی.}

^{مسعود بارزانی}

^{سەرۆكی هەرێمی كوردستان}

^{14ـی 11ـی 2013}

pna

تورکیا داوای درێژکردنەوەی ماوەی سیستەمی بەرگریی دژە موشەکی لە ناتۆ کرد

mushaki patriott

^{ناتۆ بڕیاری دا گفتوگۆی ھێشتنەوەی سیستەمی بەرگریی دژە موشەکی پاتریۆت لەگەڵ تورکیا درێژەپێبدات. بەھۆی ھەڕەشەکانی سووریاوە، بڕیار لەسەر بەردەوامبوونی وتوێژەکانی سیستەمی بەرگریی دژە موشەکی پاتریۆت درا. دوای ئەوەی شەڕی ناوخۆی سووریا مەترسییەکی زۆری خستە سەر سنووری وڵاتەکەی، تورکیا داوای درێژکردنەوەی ماوەی سیستەمی بەرگریی دژە موشەکی لە رێکخراوی ھاوپەیمانی باکووری ئەتڵەسی-ناتۆ کرد. ئەوەبوو رێکخراوەکە وەڵامێکی ئەرێنی دایەوە. دوای ئەوەی ئەمریکا لە 4ی کانوونی یەکەمی 2012دا گڵۆپی سەوزی بۆ داگیرساند، تورکیا سەرەتای ساڵی 2013 سیستەمی بەرگریی دژە موشەکی لە شارەکانی ئەدەنە، مەراش، عەنتاب جێگیرکرد.}

^14/11/2013

حەسەن نەسڕوڵڵا دەلێ: هەندێک وڵاتی عەرەبی پشتیوانی ئیسڕائیل دەکەن

hasann nasrulla

^{ئەمینداری گشتی حزبوڵڵای لوبنانی، هەندێک لە وڵاتانی عەرەبی تۆمەتباردەکات بە پشتیوانی ئیسڕائیل، بەڕێگای رەتکردنەوەی دانووستان و کۆتایی هێنان بە شەڕی سووریا و لێکتێگەیشتنی ئێران و کۆمەڵگەی نێودەوڵەتی، لە بارەی دۆسیەی ئەتۆمی.}

^{حەسەن نەسڕوڵڵا، ئەمینداری گشتی حزبوڵڵای لوبنانی، لە وتارێکیدا لە مەراسیمی عاشوورا لە کۆمەڵگەی شەهیدانی خوارووی بەیروت، گوتی "هەندێک وڵاتی عەرەبی پشتیوانی ئیسڕائیل دەکەن، کە هەموو چارەسەرێکی سیاسی رەتدەکەنەوە، کە رێگا بگرێت لە رژانی خوێنی خەڵکی سووریا و وێرانبوونی ئەو وڵاتە".}

^{نەسڕوڵڵا، وەک ئاماژەیەک بۆ سعودیە، رایگەیاند هەندێک لەو وڵاتانە دژی چارەسەری ئاشتییانەی دۆسییەی ئەتۆمی ئێران و کۆمەڵگەی نێودەوڵەتین.}

^{نەسڕوڵڵا، لەو دەرکەوتنەوەیدا، کە دووەمین دەرکەوتنیەتی لە مانگی ئابی رابردوو، گوتی "گەلانی عەرەب، ناوچەکە و دنیا، بەتایبەتی گەلانی کەنداو، ئایا چارەسەری شەڕ دانووستان و ئاشتی نییە؟، لەجیاتی دانووستانی کۆمەڵگەی نێودەوڵەتی و ئێران، ئایا شەر باشترە".}

^{حزبوڵڵای لوبنانی، شانبەشانی چەکدارانی رژێمی سوریا شەڕ لە دژی ئۆپۆزیسیۆنی سووریا دەکات، کە عەرەبستانی سعودیە گەورەترین پشتیوانی لێدەکات.}

^{لەدوایین هەفتەکانی دانووستانی ئێران و وڵاتانی گەورەی رۆژئاوا لەبارەی کێشەی ئەتۆمی، خەریک بوو بگەنە ئەنجامێک، ئەمە نیگەرانی لای عەرەبستانی سعودیە دروستکرد و بووە هۆی شلەژانی پەیوەندییەکانی لەگەڵ ئەمریکا، چونکە سعودیە بڕوای وایە ئامانجی ئێران بەدەستهێنانی چەکی ئەتۆمییە، نەک بەکارهێنانی لەبواری مرۆییدا.}

^14/11/2013

له‌ هه‌ولێر ئاهه‌نگی گه‌ڕانه‌وه‌ی قوتابیانی رۆژئاوا بۆ خوێندن ساز كرا

qutabyani rojawa hawler

^{بۆ به‌ فه‌رمی ناساندنی كه‌مپینی هاوكاری كردنی په‌نابه‌رانی كوردانی ڕۆژائاوا دوێنێ‌ چوارشه‌ممه‌ 13-11-2013 به‌ئاماده‌بوونی د. عصمت محمد خالد وه‌زیری په‌روه‌رده‌ی حكومه‌تی هه‌رێمی كوردستان و نوێنه‌ری رێكخراوه‌ نێوده‌وڵه‌تییه‌كان، ئاهه‌نگی ده‌ستپێكردنی كه‌مپینی )گه‌ڕانه‌وه‌ بۆ خوێندن) بۆ قوتابیانی ڕۆژئاوای ده‌ره‌وه‌ی كه‌مپه‌كان له‌ پاركی شانه‌ده‌ر له‌ هه‌ولێر ساز كرا.}

^{وه‌زیری په‌روه‌رده‌ له‌ ووته‌یه‌كیدا ئه‌م جۆره‌ چالاكییانه‌ی‌ به‌ گرنگ وه‌سف كرد و گوتی: حكومه‌تی هه‌رێمی كوردستان هاوكارییه‌كی زۆری په‌نابه‌رانی سووری كردووه،‌ به‌ تایبه‌تی له‌ بواری په‌روه‌رده‌وه‌ به‌ هه‌ماهه‌نگی له‌گه‌ڵ رێكخراوه‌ نێوده‌وڵه‌تییه‌كان، ئێمه‌ به‌ هه‌موو شێوەیەك هاوكارییان ده‌كه‌ین بۆ ئه‌وه‌ی له‌ خوێندن دانه‌بڕێن و هیوادارم به‌ زووترین كات ئاشتی و ئارامی بگه‌ڕێته‌وه‌ بۆ ووڵاته‌كه‌یان بۆ ئه‌وه‌ی بگه‌ڕێنه‌وه‌ شوێنی خۆیان.}

^{شایه‌نی باسه ئاهه‌نگه‌كه‌‌ به به‌شداری ژماره‌یه‌كی له‌ قوتابی كوردانی ڕۆژئاوا به‌ڕێوه‌چوو و به‌چه‌ند بڕگه‌ی جۆراو جۆرو گۆرانی و مۆسیقا و شانۆ رازاندرایه‌وه‌ كه‌ له‌ لایه‌ن تیپی چالاكی په‌روه‌رده‌ی هه‌ولێر ریكخرابوو و له‌ كۆتاییشدا دیاری به‌سه‌ر قوتابییه‌كاندا دابه‌شكرا.}

^ج.ع

^pna

^14/11/2013

جێگری سەرۆکی ویلایەتە یەکگرتووەکانی ئەمەریکا لە ڕێی تەلەفۆنەوە پەیوەندی بە سەرۆکی ھەرێمی کوردستان کرد

baiden u barzanii123

^{جۆ بایدن جێگری سەرۆکی ویلایەتە یەکگرتووەکانی ئەمەریکا لەڕێی تەلەفۆنەوە پەیوەندی بە بەڕێز مەسعود بارزانی سەرۆکی ھەرێمی کوردستان کرد لە پەیوەندییەکەدا جەخت لەوە کرایەوە کە لەپێناو چارەسەرکردنی کێشەکان و باشتربوونی بارودۆخەکە ھەماھەنگی لەنێوان ھەولێر و بەغدا بەردەوام بێت.}

^{لەم پەیوەندییە تەلەفۆنییەدا ھەردوولا بیروبۆچوونی خۆیان لەبارەی بارودۆخی سیاسی ناوچەکە و ڕووبەڕووبوونەوەی تیرۆر ئاڵوگۆڕ کرد و، ھەروەھا جەختیش لەوە کرایەوە کە لەپێناو چارەسەرکردنی کێشەکان و باشتربوونی بارودۆخەکە ھەماھەنگی لەنێوان ھەولێر و بەغدا بەردەوام بێت.}

^13/11/2013

"ئەوانەی هێرشیان كردە سەر كونسوڵخانەی ئێران لە هەولێر، دەستگیرنەكراون"

kamil najari

^{چالاكڤانێك رایدەگەیەنێت، هێرشكەرانی سەر كونسوڵخانەی ئێران لە هەولێر هێشتا دەستگیرنەكراون و دەڵێ ئەوانەی دەستگیركراون رێكخەرانی خۆپێشاندانەكەن. ئاماژەی بەوەشكرد كە ئەندامانی هەموو حیزبە كوردییەكانی رۆژهەڵاتی كوردستان بەشداربوون لە خۆپێشاندانەكە، بەڵام تاوەكو ئێستا ئەو حیزبانە هەڵوێستێكی فەرمییان لەسەر دەستگیركردنی ئەو كەسانە دەرنەبڕیوە. كامیل نەجاری، ئەندامی بەڕێوەبەرایەتی رێكخراوی گەشەپێدانی كۆمەڵایەتی و سیاسی زێد، بەشداریی بەرنامەی (رووداوی ئەمڕۆ)ی تەلەفزیۆنی (رووداو)ی كرد و رایگەیاند: "ئەو كەسانەی دەستگیركراون بەشدارییان لە هێرشی سەر كونسوڵخانەی ئێران نەكردووە، بەپێی ئەو زانیارییانەی لەبەر دەستی ئێمەدان، هیچكام لەو كەسانەی هێرشیان كردووەتە سەر كونسوڵخانە دەستگیرنەكراون". كاژێر 4ی ئێوارەی رۆژی 8-11-2013 لەلایەن ژمارەیەك خۆپێشاندەرەوە، كە خۆپێشاندانێكیان دژی لەسێدارەدانی لاوانی كورد لە ئێران بۆ بەردەم كونسوڵخانەی كۆماری ئیسلامی ئێران لە هەولێر سازكردبوو و بەشی زۆری خۆپێشاندەرەكان ئەندامانی پارتەكانی رۆژهەڵاتی كوردستان بوون، كونوسڵخانەی ئێران بەردباران كرا. بە گوتەی پەیامنێری رووداو كە لە شوێنی رووداوەكە ئامادەبوو، ژمارەیەك خۆپێشاندەر ئاراستەی خۆپێشاندانەكەیان گۆڕیوەو كونسوڵخانەی ئێرانیان بەردباران كردووە. نەجاری ئاماژەی بەوەشدا، كە بەپێی لێدوانی نەقیب كاروان، بەرپرسی راگەیاندنی پۆلیسی هەولێر، ئەو كەسانە بەپێی مادەی 10ی یاسای خۆپێشاندان دەستگیركراون، مادەكەش ئاماژە بەوەدەكات (ئەگەر ئەو كەسە سەرپێچی بكات بەلانی زۆر مانگێك زیندانی دەكرێ، یاخود بە 50 تا500 هەزار دینار سزا دەدرێ). گوتیشی "هیچ بڕگەیەك لە یاسای خۆپێشاندان ئاماژە بەوە ناكات رێكخەرانی خۆپێشاندان دەستگیربكرێن". خۆپێشاندانەكە بە كۆدەنگی هەموو حیزبەكانی رۆژهەڵاتی كوردستان ئەنجامدراوەو ئەندامانی هەموو حیزبەكانیش بەشدارییان تێدا كرد. سەبارەت بە هەوڵی حیزبەكانی رۆژهەڵات بۆ ئازادكردنی دەستگیركراوان، نەجاری گوتی: "ئەو حیزبانە لەرێگەی پەیوەندییەكانی خۆیانەوە لە هەوڵدان بۆ ئەوەی ئازاد بكرێن، بەڵام بەشێوەیەكی فەرمی هیچ هەڵوێست و بەیاننامەیەكیان نەبووە". نەجاری جەختیكردەوە "بەپێی هەموو بەڵگەكان ئەو دەستگیركراوانە بێتاوانن و تەنیا رێكخەری خۆپێشاندانێك بوون كە بەپێی یاساكانی حكومەتی هەرێمی كوردستان ئەنجامدراوە، لەكاتی دیاریكراو و شوێنی دیاریكراو دەستیپێكردووە و كۆتایی هاتووە". گوتیشی: "ئێمە بانگەشەی ئەوەمان نەكردووە رۆژهەڵاتی كوردستان رزگار دەكەین، ئێمە كۆمەڵێك چالاكی بواری مەدەنین، چالاكییەكانمان زیاتر لە بواری راگەیاندنەكەی بۆ ئێمە گرینگە، ئێمە نە مەبەست و ئامانجمان رووخاندنی رژێمی كۆماری ئیسلامی ئێرانە نە رزگاركردنی رۆژهەڵاتی كوردستان، ئەوە دەگەڕێتەوە بۆ بەرنامەی حیزبە سیاسییەكان".}

فەرهاد چۆمانی

rudaw

^13/11/2013

پەرلەمانتارێکی کورد لە ئێران: زانیاریمان لەبارەی لەسێدارەدراوەكان نییە

habibula gulparipur

^{لە ماوەی كەمتر لە مانگێكدا، سێ چالاكوانی سیاسی كورد لە رۆژهەڵاتی كوردستان بە ناوەكانی (حەبیبوڵڵا گوڵپەری پوور، شێركۆ مەعاریفی و رەزا ئیسماعیلی) لە سێدارەدران. ئەمەش ناڕەزایەتی بەربڵاوی كوردی لێكەوتەوە. نوێنەرێكی كورد لە پارلەمانی ئێران تاوانەكە دەخاتە ئەستۆی لایەنە توندڕەوەكانی نێو دەسەڵات و دەڵێت "هێشتا زانیاریمان لەبارەی ئەو رووداوانە نییە، بۆیە ناتوانین لەگەڵ بەرپرسانی پایەبەرزی حكومەت باسی بكەین". لە سێدارەدانی گیراوانی سیاسی كورد لە رۆژهەڵاتی كوردستان ناڕەزایەتی زۆری لێكەوتەوە. لە شارەكانی مەریوان و سەقز خەڵك هاتنە سەر شەقامەكان. هێزە ئەمنییەكانی ئێران رێیان لە بەڕێوەچوونی خۆپیشاندان لە شارەكانی سەردەشت، رەبەت و مەهابادیش گرت. ناڕەزایەتییەكان بەشێك لە شارەكانی هەرێمی كوردستان و وڵاتانی ئەوروپاشیان گرتەوە. بەڵام عابد فەتاحی، نوێنەری شاری ورمێ لە رۆژهەڵاتی كوردستان بە (رووداو)ی گوت كە ئەوان زانیاری وردیان لەسەر دۆسیەی لەسێدارەدراوە سیاسییەكان لە بەردەست نییە "بۆیە دەبێت نوێنەرانی كورد لە پەرلەمان بە یەكەوە دابنیشین و زانیاری كۆبكەینەوە، ئینجا بەیاننامەیەك دەربكەین". گوتیشی "بەهۆی ئەوەی ئێستا پەرلەمانی ئێران لە پشوودایە بۆیە نوێنەرانی كورد نەیانتوانیوە كۆببنەوە". ئەو پێیوایە سزای لە سێدارەدان هیچ سوودێك بە كۆماری ئیسلامی ئێران ناگەیەنێ "لەسێدارەدانی خەڵك بێسوودە. بە تانك و تۆپ و تەیارە ناتوانی بیروباوەڕەكان بگۆڕی و لەنێویان ببەی. ناتوانی لەگەڵ ئەندێشە و باوەڕەكاندا بەربەرەكانێ بكەی. بەگوتەی ئەو نوێنەرە كوردە، مافی تەواویان هەیە بەدواداچوون بۆ هەر شتێك بكەن كە لە وڵاتدا روودەدات. فەتاحی گوتی "ئەوانەی جیاوازیی بیروبۆچوونیان لەگەڵ دەسەڵات لە ئێراندا هەیە لە سێدارە نادرێن، بەڵكو تەنیا ئەو كەسانە لە ئێران لەسێدارە دەدرێن كە هەوڵ بۆ رووخاندنی كۆماری ئیسلامی دەدەن. هەڵبەت ئەوەش دادوەر بڕیاری لێدەدات". سەبارەت بە بێدەنگی نوێنەرانی كورد بەرامبەر لە سێدارەدانی ئەو سێ چالاكوانە كوردە، فەتاحی رەتیكردەوە بێدەنگ بووبن و گوتی "زانیاری تەواومان لەبەردەست نییە بۆیە بێدەنگین، بەڵام بە دڵنیاییەوە بەدواداچوون بۆ ئەو پرسە دەكەین و لەگەڵ بەرپرسانی باڵای حكومەت قسە دەكەین". بەگوتەی فەتاحی، بەرپرسانی پایەبەرزی حكومەت لەگەڵ ئەوەدا نین كەسێك لە كوردستان لەسێدارە بدرێ "بەڵام لایەنگەلێكی توندڕەو هەن كە كاری خۆسەرانە دەكەن. هەڵبەت وڵاتانی دیكەش كە ناكۆكییان لەگەڵ كۆماری ئیسلامی هەیە، كێشە دەنێنەوە". پێشتریش عەلی یونسی، راوێژكاری حەسەن رووحانی بۆ كاروباری نەتەوە و ئاینەكان، لە سێدارەدانی گیراوانی سیاسی خستبووە ئەستۆی لایەنە توندڕەوەكانی نێو دەسەڵاتی ئێران. ئەو ئاماژەی بۆ لایەنێكی دیاریكراو نەكردبوو. حكومەتی حەسەن رووحانی تا ئێستا سەبارەت بەو زنجیرە لەسێدارەدانە هیچ هەڵوێستێكی نەبووە. لایەنە توندڕەوەكان پێشینەیەكی درێژیان لە كۆماری ئیسلامیدا هەیە. پێشتریش هاشمی رەفسەنجانی، سەرۆك كۆماری پێشووی ئێران، تیرۆری عەبدولڕەحمان قاسملو، سكرتێری گشتی پێشووی حیزبی دیموكراتی كوردستانی ئێرانی خستبووە ئەستۆی ئەو لایەنە توندڕەوانە. جێدەستی لایەنە توندڕەوەكان زیاتر لە سەردەمی محەممەد خاتەمی، سەرۆك كۆماری ریفۆرمخوازی ئێراندا دەركەوت. ئەوكات ژمارەیەك لە نووسەران و رۆشنبیرانی ئێرانیشیان كوشت. حكومەتی خاتەمی لێكۆڵینەوەی لە كوژرانی ئەو نووسەرانە كرد و دەركەوت لایەنێكی توندڕەو كە فەرمان لە وەزیری ئیتلاعات وەرناگرن، ئەو نووسەرانەیان كوشتووە. بەپێی راپۆرتی ماڵپەڕی جەڕەس، كە سەر بە بزووتنەوەی سەوزی ئێرانە، هاوكات لەگەڵ هاتنە سەركاری حكومەتی رووحانی و دیاریكردنی وەزیری ئیتلاعات، لایەنێك لەنێو وەزارەتی ئیتلاعات و سوپای پاسدارانەوە لە هەوڵی ئەوەدان ئیتلاعاتی هاوتەریب پێكبهێنن. ئیتلاعاتی هاوتەریب لایەنە توندڕەوەكانی سوپای پاسداران و وەزارەتی ئیتلاعات دەگرێتەوە كە بەشێوەی نهێنی و سەربەخۆ كار دەكەن و دەستوور لە وەزیر وەرناگرن. هاوكات لەگەڵ لەسێدارەدانی ئەو سێ چالاكوانە، حوكمی سێدارەی 4 گیراوی سیاسی دیكەی كورد لە زیندانی ورمێ پشتڕاستكرایەوە و ئەگەری لە سێدارەدانیان هەیە. ئێستا حەوت گیراوی سیاسی كورد ئەگەری بەڕێوەچوونی حوكمەكەیان هەیە. - 13/11/2013}

وه‌زاره‌تی پێشمه‌رگه‌ به‌شداری له‌ كۆنفرانسێكی ناتۆ ده‌كات

nato u peshmargai kurdistan

^{ئه‌مینداری گشتی وه‌زاره‌تی پێشمه‌رگه‌ی حكوومه‌تی هه‌رێمی كوردستان به‌ره‌ به‌یانی ئه‌مڕۆ چوارشه‌ممه‌ به‌ره‌و به‌لجیكا به‌ڕێوه‌كه‌وت به‌ مه‌به‌ستی به‌شداریكردن له‌ کۆنفرانسێکی نێودەڵەتی هێز باكووری ئه‌تڵه‌سی (ناتۆ) .}

^{له‌ راگه‌یه‌ندراوێكی وه‌زاره‌تی پێشمه‌رگه‌دا هاتووه‌ كه‌ كۆپیه‌كی بۆ ئاژانسی هه‌واڵی په‌یامنێر نێردراوه‌; "فەریق جەباریاوەرمەندە ئەمینداری گشتی وەزارەتی پێشمەرگە کە ھاوکات ئەندام ووتەبێژی فەرمی فەرماندەیی گشتی ھێزەکانی پاراستنی ھەرێمە بەرەو شاری(برۆکسڵ)ی پایتەختی (بەلجیکا ) بەرێکەوت".}

^{هه‌ر له‌و راگه‌یه‌ندراوه‌دا روونكراوه‌ته‌وه‌ كه‌ چه‌ند ته‌وه‌رێك له‌و كۆنفرانسه‌دا گفتوگۆ و بیروڕایان له‌سه‌ر ئاڵوگۆڕ ده‌كرێت، له‌وانه‌ ; "ناوتۆ و ده‌وڵه‌تی فیدراڵی عێراق له‌ رووی سیاسی و ئه‌منییه‌وه‌، به‌رهه‌ڵستی تیرۆر و رۆڵی ناتۆ له‌ رۆژهه‌ڵاتی ناوه‌ڕاست و چه‌ند ته‌وه‌ر و باره‌تێكی دیكه‌.}

^{بڕیاروایه‌ كۆنفرانسه‌كه‌ 14ی ئه‌م مانگه‌ ده‌ست پێ بكات و دوو رۆژ ده‌خایه‌نێت و به‌رپرسانی سه‌ربازی چه‌ندین وڵاتی تێیدا به‌شدار ده‌بن كه‌ به‌شداربوونی ئه‌مینداری گشتی وه‌زاره‌تی پێشمه‌رگه‌ش له‌ سه‌ر بانگهێشتی فه‌رمی باره‌گای سه‌ره‌كی ناتۆیه‌.}

^PNA

^13/11/2013

BBC: بە دەوڵەتبوونی هەرێمی كوردستان خەریكە دەبێتە راستی

alai kurdistan

^{"هەرێمی كوردستان پەناگەیەك بۆ گەیشتن بە ئارامی"، ئەمە ناونیشانی راپۆرتێكە كە رۆژی سێشەممە 12-11-2013 لە ماڵپەڕی BBC بڵاوكراوەتەوە. كوین كانلی، پەیامنێری BBC لە رۆژهەڵاتی ناوەڕاست، لە راپۆرتێكدا كە بۆ ئەو ئاژانسەی ئامادە كردووە دەڵێت: "هەنگاوەكانی كورد لە ناوچەكەدا ئەوە دێنێتە بەرچاو، كە بە بێدەنگی هەوڵدەدەن دەوڵەتێك بۆ خۆیان درووستبكەن و دەستبدەنە سڕینەوەی ئەو سنوورانەی كە لە كۆتایی شەڕی یەكەمی جیهانییەوە لەلایەن زلهێزەكانەوە داڕێژرا،ناوچە كوردییەكان لە نێوان سووریا، ئێران، توركیا و عێراق دابەشكراون. ئێستاش كورد هەنگاو دەنێنە نێو دیپلۆماسیەكی قورس بۆ بیركردنەوە لە خەونێكی قەدەخەكراوی بە وڵات بوون". لە بەشێكی دیكەی راپۆرتەكەدا ئاماژە بەوە كراوە: "جێی گومان نییە قەیرانەكانی ئەمڕۆی عێراق و لاوازبوونی دەوڵەتی فیدراڵی بەغدا، بووەتە هۆكارێك بۆ ئەوەی كورد هەلومەرجێكی باشیان بۆ بڕەخسێت بۆ ئەوەی بگەنە خۆبەڕێوەبردنێكی ناوچەیی و بەئارامی هەنگاو بنێن بەرەو شتێكی زیاتر لە ئۆتۆنۆمی". سولی ئوزل، شارەزای سیاسی تورك دەڵێت: "كورد بە شێوەیەكی كردەیی دەوڵەتی سەربەخۆی خۆیان لە باكووری عێراق درووستكردووە و ئەگەریش هەیە جۆرێك لە خۆڕێبەری لە سووریا بەدەستبهێنن". سولی ئوزل، توركیا وەك نمو‌ونەیەك دەهێنێتەوەو دەڵێت: "لە دەیان ساڵی رابردوو دەوڵەتی توركیا بۆ قڕكردنی كورد لە ناو سنوورەكانی خۆی، شەڕی كوردی كرد و هەروەها هەوڵیاندا وشەی كورد قەدەخە بكرێت و بە (توركی كێوی) ناویان ببرێت، بەڵام توركیا ئێستا گرنگترین هاوبەشی بازرگانی هەرێمی كوردستانە". هەروەها لە درێژەی ئەو راپۆرتەدا و بە دانانی نەخشەیەكی كوردستانی گەورە، ئاماژە بەوە كراوە: " زۆربەی كوردەكان ئاواتیان ئەوەیە وڵاتێكی یەكگرتوویان هەبێت، كە كوردانی توركیا، سووریا، ئێران و عێراق لە یەك وڵاتی یەكگرتوودا خۆیان ببیننەوە، بەڵام ئەوان ئەوەندە كردەیی نین، كە ئەو خەونە تەنها وەك خەونێكی دوورە دەست بۆ خۆیان ببینن." لە راپۆرتەكەدا هاتووە "پشتیوانی توركیا تا ئەو كاتە درێژەی دەبێت، كە هەوڵەكان بۆ درووستكردنی دەوڵەتی كوردی تەنها هەرێمی كوردستان بگرێتەوە، بەڵام لە بەرامبەردا هەولێر، بە شارەزاییەكی زۆرەوە یاری بە كارتەكانی دەكات". هێمن هەورامی، ئەندامی پارتی دیموكراتی كوردستان، دەڵێت: "پرسی سەرەكی ئەوەیە یەكسانییەك لە نێوان ئاواتە سیاسییە درێژ مەوداكانمان و راستییە دیپلۆماسییەكانی ئێستا درووستبكەین". هێمن هەورامی زیاتر دەڵێت:"لە هەر كوردێك بپرسیت خوازیاری كوردستانێكی سەربەخۆیت یان نا، وەڵامەكەی بە دڵنیاییەوە بەڵێ دەبێت. بەڵام ستراتیجی كوردستان ئەوەیە، ئامانجەكانی لە رێگەیەكی ئاشتیخوازانەوە بێنێتەدی، ئێمە نامانەوێت ببینە هۆكاری رووخانی عێراق". ئەوەی كە ئێستا دێتە بەرچاو ئەوەیە، هەرێمی كوردستان لەسەر ئەو باوەڕەیە، دەتوانێت بە ئاراستەی درووستكردنی دەوڵەت ‌و میللەتێكی نوێ هەنگاو بنێت، بەبێ ئەوەی بە فەرمی رایبگەیەنێت، خەریكی درووستكردنی وڵاتێكی نوێیە. ئاڵا، سروودی نیشتمانی و هێزی سەربازی تایبەتی هەرێمی كوردستان ‌و سەرچاوەی نەوت چەند تەوەرێكی دیكەی راپۆرتەكەن‌و نووسیویەتی "بە هەموو ئەو شتانەوە، ئەوەی كە ئاشكرایە ئاواتی لەمێژەی بوون بە دەوڵەت لە هەرێمی كوردستان گیانێكی نوێی گرتووە و ئەو خەونە لە ناوچەیەكی مەترسیدار و لەكات و ساتێكی ئاڵۆزدا، خەریكە ببێتە راستییەك".}

^{رووداو- BBC}

^13/11/2013

Page 466 of 722

چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

بەدرخان؛ بیرەوەریی مستۆ دادار بڵاودەکاتەوە

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

پیاوێک و شارایەک بەرهەمی دەستنووس

په‌یوه‌ندی راسته‌وخۆ

گه‌ڕان

Articles

فرانسوا هۆڵاند سەردانی ئیسرائیل دەکات

سەرۆک بارزانی لە ئامەد: دەبێت چیتر خوێنی کورد بەدەستی تورک و تورک بە دەستی کورد نەڕژێت, چەند رێگای ئاشتی درێژ بێت باشترە لە کاتژمێرێک شەڕ

شڤان پەروەر دوای 37 ساڵ بە ئامەد شاد دەبێتەوە

دیاربەکرییەکان: بەخێرھاتی بارزانی بۆ ماڵی خۆت

PYD، وڵامی هاۆپەیمانی ئۆپۆزیسیۆنی سووریا دەداتەوە

بورکای: ئۆجەلان هەمان ئۆجەلانی ساڵی 1993 نییە

سه‌رۆكی هه‌رێم بۆ رۆژئاوا: پشتگیری له‌و هه‌نگاوانه‌ ناكه‌ین تاكلایه‌نانه‌ بڕیاری له‌سه‌ر درابێت

تورکیا داوای درێژکردنەوەی ماوەی سیستەمی بەرگریی دژە موشەکی لە ناتۆ کرد

حەسەن نەسڕوڵڵا دەلێ: هەندێک وڵاتی عەرەبی پشتیوانی ئیسڕائیل دەکەن

له‌ هه‌ولێر ئاهه‌نگی گه‌ڕانه‌وه‌ی قوتابیانی رۆژئاوا بۆ خوێندن ساز كرا

جێگری سەرۆکی ویلایەتە یەکگرتووەکانی ئەمەریکا لە ڕێی تەلەفۆنەوە پەیوەندی بە سەرۆکی ھەرێمی کوردستان کرد

"ئەوانەی هێرشیان كردە سەر كونسوڵخانەی ئێران لە هەولێر، دەستگیرنەكراون"

پەرلەمانتارێکی کورد لە ئێران: زانیاریمان لەبارەی لەسێدارەدراوەكان نییە

وه‌زاره‌تی پێشمه‌رگه‌ به‌شداری له‌ كۆنفرانسێكی ناتۆ ده‌كات

BBC: بە دەوڵەتبوونی هەرێمی كوردستان خەریكە دەبێتە راستی

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM