به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
دیمرتی روگۆزین، جێگری سەرۆک وەزیرانی رووسیا رایدەگەیەنێت، دەبێت هەموو دووژمنێک ئەوە بزانێت رووسیا هێزی ئەتۆمی بەکاردەهێنێت ئەگەر پێویست بکات.
لە گوتارێکدا كە لەبەردەم ئەنجوومەنی دۆمای رووسیا پێشكەشی كرد، دێمێرتی رۆگۆزین، جێگری سەرۆک وەزیرانی رووسیا رایگەیاند، هێزی ئەتۆمی رووسی فاکتەرێکی سەرەکییە لە ستراتیژی ئاسایشی نەتەوەیی رووسیا.
دەرربارەی کێبڕکێی خۆپڕچەککردن، دیرتی جگە لەوەی گوتی مۆسکۆ بە بایەخەوە دەڕوانێتە چەکی ئەتۆمی، ئاماژەی بەوەشکرد کە رووسیا بوودجەیەکی تایبەتی داناوە بۆ داڕشتنی ستراتیژی سەربازی خیرا. ئەو ستراتیژییە درووستکردنی جۆرە مووشەکێکە کە خێرایەکەی حەوت جار لە خێرای دەنگ زیاترە.
لە لایەکی دیکەوە سێرگی شویگو، وەزیری بەرگری رووسیا رایگەیاند، ٤٥% چەکە ئەتۆمییەکانی رووسیا بە نوێترین تەکنەلۆژیای بپ دروستكراون.
شیوگیو ئاماژەی بە پێشکەوتنی سەربازی وڵاتەکەی کرد لە ساڵی ٢٠١٣ و گوتی "وەزارەتی بەرگری رووسیا توانیویەتی ٥٦ فڕۆکەی جەنگی نوێ، ١٢٢ هەلیکۆپتەر، ٢٦٠ تانک، ١٢٢ زریپۆش، دوو دەستە سیستەمی مووشەکی ئەسکەندەر ئێم، ٢٤ دەستەی سیستەمی باتسیر -ئیس و جگە لەوەش ٦ کەشتییەکی ئەتۆمی ژێر دەریایی بەرهەمێبهێنێت.
وەزیری بەرگری رووسیا راشیگەیاند، وەزارەتی بەرگری لەهەوڵی دامەزراندنی ١٠٠ دامەزراوەی سەربازی نوێیە.
سەبارەت بە رۆژهەڵاتی ناوەڕاستیش شویگو گوتی "بۆ پاراستنی بەرژەوەندییەکانی رووسیا و ئاسایشی نەتەوەی رووسی، سەرکردایەتییەکی تایبەتیان بە ئۆپراسیۆنەکانی دەریای سپى ناوەڕاست دامەزراندووە.
11/12/2013
ئه‌مڕۆ له پرۆژه‌ی ده‌شتی به‌هه‌شت، سێ ته‌رمی كرێكارانی ئه‌و پرۆژه‌یه دۆزرانه‌وه و دواتر ڕه‌وانه‌ی پزیشكی دادنووس كران.
كاروان شێخ عه‌لی به‌رێوه‌به‌ری ڕاگه‌یاندنی پۆلیسی هه‌ولێر، بۆ پەیامنێر گوتی: ئه‌مرۆ به‌یانی هێزه‌كانی پۆلیس به بوونی سێ ته‌رم له‌ناو یه‌كێك له یه‌كه‌كانی نیشته‌جێبوونی ناو پرۆژه‌ی ده‌شتی به‌هه‌شت ئاگاداركراونه‌ته‌وه و پۆلیس ته‌رمه‌كانی هه‌ڵگرتووه‌و ڕه‌وانه‌ی پزیشكی دادوه‌ری كردوون.
هه‌روه‌ها گوتیشی: به‌پێی ڕاپۆرتی پزیشكی دادوه‌ری ئه‌و هاووڵاتییانه كه به‌ڕه‌گه‌ز ئێرانینه و به‌هۆی ئه‌و خه‌ڵووزه‌ی شه‌وی ڕابردوو به‌كاریان هێناوه خنكاوون و ته‌رمه‌كانیش ناسنامه‌یان پێ نه‌بووه.
سه‌عید عه‌بدوڵا/ش.ب
pna
11/12/2013
رۆژی دووشه‌ممه ڕێوڕه‌سمی ناساندنی پارێزگاری سنه به‌ڕێوه‌چوو، وه‌زیرێكی ئێرانیش که له ڕێوڕه‌سمه‌که به‌شداربوه، رایگه‌یاندوه “کوردێكی شایسته‌یان ده‌ست نه‌كه‌وتوه كه پۆستی پارێزگاری پێبده‌ن”.
ڕه‌حمان فه‌زڵی وه‌زیری ئێران بۆ كاروباری ده‌وڵه‌ت له حكومه‌ته‌كه‌ى ڕوحانی كه له‌رێوڕه‌سمی ناساندنی پارێزگاری تازه‌ی سنه به‌شداری کرد، سه‌باره‌ت به ده‌ستنیشانکردنی پارێزگاری ناخۆجێی وتی “زۆر حه‌زمان ده‌کرد که‌سێکی خۆجێی وه‌کو پارێزگار ده‌ستنیشان بکرێت به‌ڵام که‌سێکمان به‌و تایبه‌تمه‌ندیانه‌ی ویستویانه نه‌دۆزیوه‌ته‌وه”.
وته‌کانی فه‌زڵی ڕوبه‌ڕوی ناڕه‌زایه‌تی ژماره‌یه‌ک له ئاماده‌بوان بۆته‌وه که یه‌کێکیان به ناوبراویی ووتوه، “کوردستان که‌سی به توانای زۆره به‌ڵام تۆ و نوێنه‌ران نه‌تانویستوە ئه‌وان هه‌ڵبژێرن”.
یه‌کێک له سه‌ره‌کی‌ترین به‌ڵێنه‌کانی حه‌سه‌ن ڕۆحانی له سه‌ردانی بۆ ئه‌و شاره ده‌ستنیشانکردنی که‌سانی خۆجێی بوو . سه‌رۆک کۆماری ئێران به‌ر له هاتنه‌سه‌ر ده‌سه‌ڵاتی رایگه‌یاندبوو کوردستان ده‌بێ پارێزگارێکی کوردی هه‌بێت، ناوبراو سه‌باره‌ت به ناوچه‌کانی دیکه‌ش وه‌کوو سیستان و به‌لووچستان هه‌مان شتی ڕاگه‌یاندبوو .
حه‌سه‌ن ڕووحانی به پێچه‌وانه‌ی به‌ڵێنه‌کانی له کاتی بانگه‌شه‌کانی هه‌ڵبژاردن به‌رپرسیارێتی هیچ یه‌ک له چوار پارێزگای کورده‌کانی به کوردان نه‌سپاردوه.
11/12/2013
دوای بڵاوكردنه‌وه‌ی تازه‌ترین وێنه‌ی سه‌رۆك مام جه‌لال له‌دوای باشتربونی ته‌ندروستی، جه‌ماوه‌ری كوردستان به‌گشتی و كه‌سوكاری شه‌هیدان و ئه‌نفالكراوه‌كان به‌تایبه‌تی دڵخۆشبون و وه‌ك خۆشیان ده‌ڵێن جارێكی تریش هیوایان بۆ گه‌ڕایه‌وه.
سعود سه‌نگاوی نوێنه‌ری كه‌سوكاری ئه‌نفالكراوه‌كانی چه‌مچه‌ماڵ به PUKmedia ی راگه‌یاند: ئێمه‌ی كه‌سوكاری شه‌هیدان و ئه‌نفالكراوه‌كان هیوای ته‌واومان به سه‌رۆك مام جه‌لال هه‌یه، به خراپبونی ره‌وشی ته‌ندروستی ئه‌و سه‌ركرده‌یه‌ش هه‌موومان نیگه‌رانبووین، هه‌روه‌ها به‌رده‌وام نزامانده‌كرد بۆ ئه‌وه‌ی جارێكیتر ئه‌و سه‌رۆكه ماندو نه‌ناسه باری ته‌ندروستی باشبێته‌وه.
نوێنه‌ری كه‌سوكاری ئه‌نفالكراوه‌كانی چه‌مچه‌ماڵ وتیشی: دوای بڵاوكردنه‌وه‌ی تازه‌ترین وێنه‌كانی سه‌رۆك مام جه‌لال كه‌وه‌ك له‌وێنه‌كاندا ده‌ركه‌وتوه ته‌ندروستی زۆر باشه، بۆیه ئێمه‌ش وه‌ك كه‌سوكاری ئه‌نفالكراوه‌كان و بۆ جارێكی تر هیوامان بۆ گه‌ڕایه‌وه‌و دڵخۆشبوین.
رێبوار محه‌مه‌د وه‌ك كه‌سوكاری ئه‌نفال وتی: به بڵاوكردنه‌وه‌ی وێنه‌ی سه‌رۆك مام جه‌لال ئێمه‌ی كه‌سوكاری ئه‌نفالكراوه‌كان دڵخۆشبوین بۆ گوزارشتكردن له خۆشیه‌كه‌شمان ته‌نها رشاندنی فرمێسكمان شكده‌برد بۆ ئه‌و سه‌رۆكه مه‌زنه .
وتیشی: سوپاسی خوای گه‌وره ده‌كه‌ین كه هیوای به‌خشیه‌وه به كه‌سوكاری ئه‌نفالكراوه‌كان، هه‌روه‌ها بڵاوبونه‌وه‌ی تازه‌ترین وێنه‌ی سه‌رۆك مام جه‌لال وه‌ڵامێكیش بوو بۆ نه‌یارانی یه‌كێتیی نیشتمانیی كوردستان .
PUKmedia هه‌ردی ئه‌بو به‌كر / چه‌مچه‌ماڵ
11/12/2013
به‌پێی رێككه‌وتنه‌كان پۆستی سه‌رۆكی حكومه‌ت بۆ پارتی ده‌بێت‌و جێگره‌كه‌شی بۆ یه‌كێتی یه‌كلاكراوه‌ته‌وه هاوكات سه‌رۆكی په‌رله‌مان بۆ گۆڕان‌و جێگره‌كه‌شی بۆ پارتی یه‌كلاكراوه‌ته‌وه‌و كۆمه‌ڵ‌و یه‌كگرتوش هه‌ریه‌كه‌یان سكرتێر به‌حه‌قی خۆیان ده‌زانن.
ئاهێمن مامه‌ند:
كابینه‌ی هه‌شته‌م یه‌كه‌مین كابینه‌ی حكومه‌تی هه‌رێم كوردستان ده‌بێت كه تێیدا دو هێزه ده‌سه‌ڵاتداره‌كه‌ی پێشو (پارتی‌‌و یه‌كێتی) رۆڵی سه‌ره‌تا‌و كۆتایی تێدا نابینن‌و له‌ئێستادا لایه‌نه‌كانی دیكه‌ی پێشوی ئۆپۆزسیۆنیش (گۆڕان‌و كۆمه‌ڵ‌و یه‌كگرتو)، به‌شێوه‌یه‌كی سه‌ره‌تایی ئاماده‌یی خۆیان نیشانداوه بۆ به‌شداربون له‌سه‌ر بنه‌مای ئه‌نجامه‌كانی دواین هه‌ڵبژاردنی په‌رله‌مانی كوردستان له 21ی ئه‌یلولی رابردودا.
به‌پێی ئه‌و زانیارییانه‌ی كه له‌چه‌ند سه‌رچاوه‌یه‌كی باوه‌ڕپێكراوه‌و ده‌ست ئاوێنه كه‌وتون، هه‌مو لایه‌نه‌كان له‌سه‌ر ئه‌وه كۆكن كه سه‌رۆكی حكومه‌ت بۆ نێچیرڤان بارزانی بێت له‌سه‌ر پشكی پارتی، له‌به‌رامبه‌ریشدا پۆستی جێگری سه‌رۆكی حكومه‌ت بۆ یه‌كێتی بێت‌و بۆ ئه‌و مه‌به‌سته‌ش له‌ناو پارتی له‌گه‌ڵ ئه‌وه‌ن كه عیماد ئه‌حمه‌د ئه‌و پۆسته وه‌ربگرێته‌وه، چونكه ناوبراو له‌و پۆسته ئه‌زمونی هه‌یه‌و وه‌ك كه‌سێكی میانڕه‌ویش لێی ده‌ڕوانرێت. به‌ڵام له‌ناو یه‌كێتی له‌گه‌ڵ ئه‌وه نیین كه جارێكی تر عیماد ئه‌حمه‌د ئه‌و پۆسته وه‌ربگرێته‌وه، چونكه له‌رابردودا زۆربه‌ی ئه‌ندامانی یه‌كێتی له‌ئه‌دای ئه‌و رازی نه‌بون‌و "نه‌رمیی زۆری به‌رامبه‌ر به‌پارتی نواندوه".
سه‌باره‌ت به‌پۆستی سه‌رۆكی په‌رله‌مان‌و جێگرو سكرتێره‌كه‌ی، زانیاریه‌كانی ئاوێنه ئاشكرای ده‌كه‌ن كه پۆستی سه‌رۆكی په‌رله‌مان بۆ گۆڕان یه‌كلاكراوه‌ته‌وه‌و بۆ ئه‌و مه‌به‌سته‌ش سه‌رچاوه‌یه‌كی ئاگادار له‌ناو بزوتنه‌وه‌ی گۆڕان وتی: "پۆستی سه‌رۆكی په‌رله‌مان كه ئاماژه‌كان بۆ ئه‌وه ده‌چن به‌گۆڕان بدرێت تائێستا له‌ناو گۆڕان یه‌كلانه‌بۆته‌وه كه كێ ئه‌و پۆسته وه‌ربگرێت‌و هه‌روه‌ها بۆ ئه‌و پۆسته‌ش باس له‌د.یوسف‌و د. شێركۆ ده‌كرێت".
هاوكات پۆستی جێگری سه‌رۆكی په‌رله‌مانیش كه بۆ پارتی دانراوه، سه‌رچاوه‌یه‌كی ئاگادار له‌فراكسیۆنی زه‌رد بۆ ئاوێنه وتی: "پارتی یه‌كلایكردۆته‌وه كه د. جه‌عفه‌ر ئیمنكی ئه‌و پۆسته وه‌رده‌گرێت".
هه‌ریه‌ك له‌فراكسیۆنی یه‌كگرتوو كۆمه‌ڵی ئیسلامی خۆیان بۆ پۆستی سكرتێری په‌رله‌مان داناوه‌و به‌حه‌قی خۆیانی ده‌زانن ئه‌و پۆسته وه‌ربگرن، ئه‌بوبه‌كر هه‌ڵه‌دنی په‌رله‌مانتاری فراكسیۆنی یه‌كگرتوی ئیسلامی له‌وباره‌یه‌وه بۆ ئاوێنه وتی،"ئه‌گه‌ر به‌پێی ئیستیحقاقی هه‌ڵبژاردن بێت، ئێمه له%10ی كورسیه‌كانی په‌رله‌مانمان هێناوه‌و حه‌قی خۆمانه پۆستی سكرتێری په‌رله‌مانمان پێبدرێت".
له‌به‌رامبه‌ریشدا فه‌خره‌دین قادر په‌رله‌مانتاری فراكسیۆنی كۆمه‌ڵی ئیسلامی وتی: "به‌پێی ئیستحقاقی هه‌ڵبژاردن بێت كه ئێمه سه‌رۆكی حكومه‌ت‌و جێگره‌كانمان به‌رناكه‌وێت هه‌روه‌ها سه‌رۆكایه‌تی په‌رله‌مان‌و جێگره‌كه‌شیمان به‌رناكه‌وێت، به‌ڵام حه‌قی خۆمانه سكرتێری په‌رله‌مان بۆ ئێمه بێت".
فه‌خره‌دین وتیشی: "ئه‌گه‌ر پۆستی سكرتێری په‌رله‌مانیشمان پێنه‌درا، ئه‌وه پێویسته یه‌كێك له‌وه‌زاره‌ته سیادیه‌كان وه‌كو قه‌ره‌بو بدرێت به‌كۆمه‌ڵی ئیسلامی".
له‌دواین هه‌ڵبژاردندا كه له 21ی ئه‌یلولی 2013 به‌ڕێوه‌چو، پارتی به‌بردنه‌وه‌ی 38 كوسی براوه‌ی یه‌كه‌م‌و گۆڕان به 24 كورسی دوه‌م‌و یه‌كێتی به‌بردنه‌وه‌ی 18 كورسی سێیه‌م بون‌و یه‌كگرتوش 10 كورسی به‌ده‌ستهێناو كۆمه‌ڵیش 6 كورسی.
له‌لایه‌كی دیكه‌وه بڕیاره ئه‌مرۆ چوارشه‌ممه، وه‌فدێكی بزوتنه‌وه‌ی گۆڕان، سه‌ردانی شاری هه‌ولێر بكات‌و له‌گه‌ڵ وه‌فدی پارتی دیموكراتی كوردستان به‌سه‌رۆكایه‌تی نێچیرڤان بارزانی كۆببێته‌وه.
ته‌وه‌ری سه‌ره‌كی كۆبونه‌وه‌كه‌ش، باسكردنه به‌رنامه‌ی حكومه‌تی داهاتوو و ئیستحقاقی هه‌ڵبژاردن و شه‌راكه‌تی راسته‌قینه ده‌بێت.
له‌باره‌ی كۆبونه‌وه‌كه‌وه ئاكۆ حه‌مه كه‌ریم رێكخه‌ری ژوری توێژینه‌وه‌ی سیاسیی بزوتنه‌وه‌ی گۆران راگه‌یاند، بۆ گفتوگۆكردن له‌سه‌ر ورده‌كاری پێكهێنانی حكومه‌ت، وه‌فدێكی بزوتنه‌وه‌ی گۆڕان له‌گه‌ڵ وه‌فدی پارتی به‌سه‌رۆكایه‌تی نێچیرڤان بارزانی له‌شاری هه‌ولێر كۆده‌بێته‌وه.
له‌ڕێكه‌وتی 18/11/2013 له‌شاری سلێمانییه‌وه گفتوگۆكان بۆ پێكهێنانی كابینەكەی هه‌شته‌می حكومه‌تی هه‌رێم ده‌ستپێكردو نێچیرڤان بارزانی ڕاسپێردراوی پارتی بۆ پێكهێنانی حكومه‌ت سه‌ردانی هه‌ریه‌ك له‌یه‌كێتی نیشتمانی كوردستان، بزوتنه‌وه‌ی گۆڕان، كۆمه‌ڵی ئیسلامی، یه‌كگرتوی ئیسلامی، بزوتنه‌وه‌ی ئیسلامی‌‌و حزبی شیوعی كوردستانی كردو له‌گه‌ڵ به‌رپرسانی باڵای ئه‌و حزبانه گفتوگۆی پێكهێنانی حكومه‌تی داهاتوی كرد.
ئاوێنە نیوز
11/12/2013
لە بەشی دووەمی هەڤپەیڤینیدا لەگەڵ رووداو، شڤان پەروەر وێڕای بایەخدانی بە پرۆسەی ئاشتی، هاوكات رەخنە لە هەندێك لایەنی سیاسیی باكووری كوردستان دەگرێت بەوەی خواستیان بەشداریی ئەو بووە لە بۆنە حیزبییە تاكلایەنەكانیان و رێزیشیان لێ نەگرتووە. هەروەها دەشڵێت "ناسری رەزازی لە سیاسەت نازانێت".
لە گەڕانەوەی یەكەمی هونەرمەند شڤان پەروەر بۆ باكووری كوردستان و سەردانی شاری ئامەد چەند نهێنییەك ئاشكرا بوو. لەبارەی پرۆسەی ئاشتی لە باكووری كوردستان و وڵاتی توركیا، شڤان پەروەر بۆچوونی تایبەتی هەیە و بەخەمەوە باس لە رۆڵی بەشێكی كوردان دەكات كە نەرێنی بووە و ئاشكراشی كرد هەر یەك لە مەسعود بارزانی، سەرۆكی هەرێمی كوردستان و عەبدوڵڵا ئۆجەن، رێبەری زیندانیكراوی پارتی كرێكارانی كوردستان و رەجەب تەیب ئەردۆغان، سەرۆك وەزیرانی توركیا رۆڵیان لە پرۆسەكەدا هەبووە و لای ئەو جێگەی رێزە و پشتیوانی دەكات.
شڤان پەروەر ئاماژەی بۆ ئەوە كرد لە كاتی پێشوازیكردنیان لەلایەن شارەوانی دیاربەكر، وەك پێویست رێزی لێ نەگیراوە و ئەوەشی ئاشكرا كرد كە تەنیا لە بۆنە حیزبییە تاكلایەنەكاندا بەسەر كراوەتەوە. بەبڕوای شڤان پەروەر ئەمە رێزنەگرتنە لەخەباتی 40 ساڵەی هونەریی نەتەوەیی ئەو.
گەڕانەوە و سەردانی شڤان بۆ باكووری كوردستان و شاری ئامەد وەك رووداوێكی سیاسیی لێكدەدرێتەوە و بۆچوونی جیاوازی هێنایە كایەوە.
لەبارەی هەڵوێست و لێكدانەوەی هونەرمەند ناسری رەزازی، شڤان پەروەر وێرای پشتگیریكردنی لە رەزازی و هونەرمەندانی دیكە، گوتی "ناسری رەزازی لە سیاسەت نازانێ".
11/12/2013
ئەو 8 كوردەی رۆژهەڵاتی كوردستان كە بە تۆمەتی بەردبارانكردنی كونسولخانەی كۆماری ئیسلامیی ئێران لە شاری هەولێر دەستگیركران، هەڕەشەی مانگرتن لە خواردن دەكەن و دەڵێن “بەپێی بڕیاری دادگا نەگیراوین”. هەروەها دەڵێن “لە رۆژهەڵاتی كوردستان لێپێچینەوە لەگەڵ كەسوكارمان كراوە”.
ئەو خۆپێشاندانە رۆژی 8/11/2013 لە بەردەم پاركی شانەدەری هەولێر كرا، كاتێك بۆ ئیدانەكردنی فەرمانی لەسێدارەدان لە ئێران گردبوونەوەیەك رێكخرا و زۆربەی بەشداربووانی خەڵكی رۆژهەڵاتی كوردستان بوون، دوای تەواوبوونی خۆپیشاندانەكەش هەندێك لە بەشداربووان هێرشیان كردە سەر كونسوڵگەری ئێران و بە بەرد كامێرای چاودێری و پەنجەرەكانی كونسولخانەكەیان شكاند.
هەمان رۆژ، پۆلیسی هەولێر 8 كەسی دەستگیر كرد كە سەرپەرشتی ئەو خۆپێشاندانەیان كردبوو. گیراوەكان خەڵكی شارەكانی (مەهاباد، سنە، بۆكان، سەردەشت، ورمێ و شنۆ)ن، 3 لەوانەش خێزاندارن، یەكێكیان كە قوتابی زانكۆیەكی ئەمریكییە لە رێگەی ئۆنلاین دەیگوت “خەمی خوێندنەكەمە”.
ئەو 8 كەسە لە نێو یەكەم هۆڵی راگیراوان لە زیندانی محەتە زیندانیكراون، هەموویان خۆیان لە شیشەكەی زیندان نزیككردبووەوە، تا نزیكترببنەوە لەو كەسانەی سەردانیان دەكەن، بەلانیكەم بتوانن تەوقەیان لەگەڵ بكەن، ئەوان هەموویان تەمەنیان لەیەك نزیكە، نزیكەی 25 ساڵ تاوەكو 30 ساڵی دەبن.
ئەو گیراوانە بە (رووداو)یان راگەیاند كە بە بڕیاری دادگا نەگیراون و گیرانەكەیان سیاسییە، چیا حەسەن یەك لە گیراوەكان دەڵێت “تا ئێستاش دادگایی نەكراوین، تەنیا لە كاتی گیرانەكەمان چووینە بنكەی پۆلیس و ئیفادەكانمان وەرگیرا، ئێمە هیچمان لە كاتی بەردبارانكردنی كونسولخانە لەوێ نەبووین، شایەتمان بۆ قسەكانمان هەیە، هیچمان لەوێش نزیك نەبووین، بەڵكو ئەو كەسانە دوای خۆپیشاندانەكە چوونەتە ئەوێ، ئەگینا خۆپیشاندانەكەمان تەواو كردبوو، كەسی وامان لەگەڵ گیراوە لەكاتی بەردهاویشتنەكە لە رادیۆ بەرنامەی پێشكەش كردووە”.
لە هەولێر هەمووان خاوەن كارن، وەك چیا دەڵێت بەهۆی گیرانیانەوە خەریكە كارەكانیان لەدەست دەدەن “ئەوە مانگێكە گیراوین، قوتابیمان لەگەڵە خەریكە دەردەكرێت، لە هەمووی ناخۆشتر ئەوەیە لە ئێران، كەسوكاری بەشێكمان دەستگیركراون و لێكۆڵینەوەیان لەگەڵ كراوە و دواتر ئازادكراون”.
ئەو گیراوانە گوتیان “بەرپرسانی ئەمنیی ئێران چوونەتە ماڵی باوكی یەكێك لە گیراوەكان و پێیانگوتووە كوڕەكەت دەستگیر كراوە و بەم نزیكانەش دەیهێنینەوە ئێرە”.
نێچیرڤان بارزانی سەرۆكی حكومەتی هەرێمی كوردستان لە كۆنگرەیەكی رۆژنامەوانیدا ئەو گیراوانەی بە “گێرە شێوێن” ناوبرد و گوتی “دەبێت سزای ئەو كارەیان وەربگرن”، لەبەرامبەردا پێشەوا عەلی، كە یەكێكە لە گیراوەكان لە زیندانەوە گوتی “سەرۆكی حكومەت بێ بڕیاری دادگا بۆی نییە بە ئێمە بڵێت گێرەشێوێن، با دادگا یەكلایی بكاتەوە ئێمە كاری تێكدەرانەمان كردووە یان نا”.
پێشەوا باسی لەوە كرد كە ئەگەر كۆماری ئیسلامی ئێران نیگەرانە لەو كارانەی بەرامبەریان كراوە، ئەوا “پێشتر خۆشیان لە ئێران هێرشیان كردووەتە سەر باڵیۆزخانەكان، لەناو باڵیۆزخانە لە تاران كارمەندیان بە بارمتە گرتووە، كەچی لێرە باسی كامێرا شكاندن دەكەن”.
ئەوانەی سەردانی ئەو 8 كەسە دەكەن، زیاتر خەڵكی رۆژهەڵاتی كوردستانن، چەند كەسێكیش لە هاوڕێكانی هەولێریان سەردانیان كردوون، بەڵام چیا گلەیی لەوە دەكرد “خەڵكی باشوور لە زیندانیش سەردانمان ناكەن، تەنیا چەند كەسێك هەڵوێستیان هەبووە بەرامبەر بە گیرانمان، بۆیە گلەیی لە رۆشنبیرەكانی باشوور دەكەین”.
چیا وەكو یەكێك لە سەرپەرشتیارانی خۆپیشاندانەكە، پێی ناخۆشبوو كە بەرد گیراوەتە كونسوڵگەری ئێران، بەڵام دەڵێت “دەبێت ئەو راستییەش لەبەرچاو بگیرێت، ئەوانەی بەردیان هاوێشتووە كەسوكاریان لە ئێران لەسەر كاری سیاسی لەسێدارە دراوە، ئەوان كەسی داخ لەدڵن بەرامبەر بە رژێمی ئێران، بۆیە خۆیان پێڕانەگیراوە و ئەو كارەیان كردووە”.
ئەو گەنجانە پێشتر هەموویان لەلایەن حكومەتی ئێرانەوە دەستگیركراون، بەڵام وەك خۆیان دەڵێن یەكەمجارە لە هەرێمی كوردستان دەستگیر دەكرێن. ئەوان یەكدەنگ بوون لەسەر ئەوەی ئەگەر ئازاد نەكرێن هەڵوێستی دیكەیان دەبێت، پێشەوا گوتی “ئەگەر ئازاد نەكرێین، مان لە خواردن دەگرین”.
سەبارەت بە ئەگەری رادەستكردنەوەیان بە ئێران، ئەوان هیچ ترسێكیان نیشان نەدا، تەنانەت رامان كە یەكێكە لە گیراوەكان گوتی “باكمان نییە تەسلیم بكرێینەوە، ئامادەین بۆ پەتی سێدارە”.
11/12/2013
"مەسعود بارزانی" سەرۆکی هەرێمی کوردستان، پەیامێکی بەبۆنەی رۆژی جیهانیی مافی مرۆڤ بڵاو کردەوه.
ئەمەش دەقی پەیامەکەیه:
"جاڕنامەی جیهانیی مافەكانی مرۆڤ لە 10ـی دیسەمبەری 1948 هەنگاوێكی پڕبایەخی كۆمەڵگەی نێودەوڵەتی بوو لەپێناو دانانی چوارچێوەیەك بۆ ناساندن و زامنكردنی مافە سەرەتاییەكانی مرۆڤ كە بەهۆی شەڕ و كاولكاری و دیكتاتۆری پێشێل دەكران. جێگەی داخە پاش شەستوپێنج ساڵ لەو رووداوە مێژووییە هێشتا پێشێلكردنی مافەكانی مرۆڤ لە ناوچەكەمان و هەندێ شوێنی دیكەی جیهان بەردەوامە. سەرباری رووخانی دیكتاتۆرییەت دۆخی مافەكانی مرۆڤ لەعێراقدا پاشەكشەی كردووە و ئاسوودەیی و ژیانی هاووڵاتیان و مافەكانی ئافرەت و منداڵ لەژێر مەترسیدان. توندوتیژی و توندڕۆیی و دەمارگیریی تاییفی و گەندەڵی هەڕەشەی زۆر گەورەن لەسەر مافەكانی مرۆڤ و كەرامەت و ژیانی هاووڵاتیانی عێراق.
لەم چەند ساڵەی دواییدا لەهەرێمی كوردستاندا هەنگاوی باش بە ئاڕاستەی پاراستنی مافەكانی مرۆڤ و رەچاوكردنی مافە تاكەكەسیی و مەدەنییەكانی خەڵك نراوە بەڵام هێشتا لە ئاستی پێویستدا نییە و هەندێجار پێشێلكاریی دەبینرێت بۆیە پێویستە رەچاوكردنی مافەكانی مرۆڤ لە هەرێمی كوردستان گەشەی زیاتری پێ بدرێت. گەلەكەمان خۆی گەورەترین قوربانیی پێشێلكاریی مافەكانی مرۆڤ بووە بۆیەشە پێویستە مافەكانی مرۆڤ ببێتە ئامانجی سەرەكیی گشت چالاكییە حكوومی و مەدەنییەكانی وڵاتەكەمان و لەژیانی گشتی و تاكەكەسی و خێزانیشدا رەنگ بداتەوە.
لەپێناو رێگەگرتن لە پێشێلبوونی مافەكانی مرۆڤ لە كوردستاندا دەبێ كۆمەڵگەی مەدەنی و میدیاكان بە چاوكراویی و هەست بەبەرپرسیارێتیی زیاتر كار بكەن. بەو هیوایەی كاركردن بە بەها و مافەكانی مرۆڤ لە وڵاتەكەماندا لەهەموو كایەكاندا بچەسپێت و ببێتە فەرهەنگێكی رەگداكوتاو."
مەسعود بارزانی
سەرۆكی هەرێمی كوردستان
10ـی 12ـی 2013
پەرلەمانتارێكی هاوپەیمانیی دەوڵەتی یاسا رایگەیاند: حكومەتی عێراق لە هەوڵی كڕینی فڕۆكەی بێ فڕۆكەوانە لە ئێران. پەرلەمانتارێكی هاوپەیمانیی كوردستانیش دەڵێ دیارە ئەو هەنگاوە لە بەرامبەر دواكەوتنی ئەمریكایە لە فرۆشتنی فڕۆكەی هاوشێوە بە عێراق.
فوئاد دەهلەكی، پەرلەمانتاری هاوپەیمانیی دەوڵەتی یاسا كە نوری مالیكی، سەرۆك وەزیرانی عێراق سەرۆكایەتی دەكات بە رۆژنامەی (مەدا)ی عێراقی راگەیاند:"نوری مالیكی لە دوایین سەردانیدا بۆ ئێران داوای لە بەرپرسانی تاران كردووە فڕۆكەی بێ فڕۆكەوان بە عێراق بفرۆشن هاوشێوەی ئەو فڕۆكانەی كە حیزبوڵڵای لوبنان بۆ چادێریكردنی سنووری ئیسرائیل بەكاری دەهێنێ".
دەهلەكی گوتیشی: "ئێران توانایەكی پێشكەوتووی لە بواری هەواڵگری و بەرەنگاربوونەوەی تیرۆر هەیەو دەكرێ عێراق سوود لەو توانایە وەربگرێ".
حەسەن جیهاد، ئەندامی لیژنەی ئاسایش و بەرگری لە پەرلەمانی عێراق بە(رووداو)ی راگەیاند:"ئەم هەنگاوەی مالیكی ئەگەر بە فەرمی پشتڕاستبكرێتەوە، ئەوا لە بەرامبەر دواكەوتنی ئەمریكا دێ لە فرۆشتنی فڕۆكەی هاوشێوە بە عێراق، هەرچەندە تواناكانی فڕۆكەی بێ فڕۆكەوانی ئێرانی هیچ كات ناگاتە تواناكانی فڕۆكەی ئەمریكی هاوشێوە".
ئاژانسی (رووسیا بۆ دەنگوباس) پێشتر لە راپۆرتێكدا ئاشكرای كرد، كە مالیكی لە دوایین سەردانیدا بۆ ئێران وتو‌وێژی لەگەڵ بەرپرسانی ئەو وڵاتە كردووە لەبارەی پێدانی زانیاریی هەواڵگری و فڕۆكەی بێ فڕۆكەوان لەلایەن ئێرانەوە بە عێراق بۆ بەرەنگاربوونەوەی تیرۆر.
10/12/2013
زاناكانی ئەمریكا توانییان شوێنەواری دەریاچەیەك لە ئاوی پاراو لەسەر هەسارەی مەریخ بدۆزنەوە بەهۆی ئەو هەوڵ‌و گەڕانانەی كە لەلایەن رۆبۆتی " كیۆرتزی"یەوە ئەنجامدراون. لە لێكۆڵینەوەیەكیشدا دەركەوتووە كە رۆژێك لە رۆژان دەریاچەكە ژیانی مایكرۆیی (زیندەوەرە یەك خانەكان ئەوانەی بە چاو نابینرێن) تێدابووە. ناسا ئەوەشی روونكردەوە كە ئەوان بۆیان دەركەوتووە كە دەریاچەكە پێش 3 ملیار و 600 هەزار ساڵ پێش ئێستا بوونی هەبووە. زاناكان ئەمەشیان روونكردەوە كە ئەم ئاوە نە سوێر بووە و نە لە ناوەندێكی ترشدا بووە، بەڵكو وەكو ژینگەیەك و ناوەندێكی گونجاو بووە بۆ ژیان. لەم بارەیەوە پرۆفیسۆر سانجێف گوبتا، كە یەكێكە لە تیمی لێكۆڵینەوەكە دەڵێت "پێویستە ئەوە بزانرێت ئێمە بەڵگەمان لەسەر بوونی ژیان نەدۆزیوەتەوە لەسەر مەریخ، بەڵكو رەنگە بەر لە ملیاران ساڵ رووی هەسارەكە بۆ ژیانێكی مایكرۆیی گونجاوبووبێت و ئەوەی ئێستاش پێی هەستاوین بە هەنگاوێكی پۆزەتیڤ دەبینرێت لە زیادبوونی شارەزایمان لەسەر هەسارە سوورەكە". كیۆرتزی لە ساڵی 2012دا گەیشتە هەسارەی مەریخ و چەند زانیارییەكی گواستەوە، كە دەریدەخست دەریاچەكە ئەوەندە قووڵ نییە و ئاوەكەشی پاراو بووە. سەرۆكی تیمەكەی مەریخ دەڵێت ئەو ئاوەی كە لەسەر مەریخ هەبووە بۆ خواردنەوە شیاو بووە، ئەو زانیارییەشیان دوای پشكنینی ئەو بەردانەی كە لە نشێوە قوڕینەكانیدا هەبوون دەستكەوتووە و لە پێكهاتەكەشیاندا ئەوە روونبووەتەوە، كە پێویستە ئاوی پاراو لە دەریاچەكەدا هەبووبێت تاوەكو ئەو بەردە پێكبێت.
10/12/2013
رێکخراوی بەرگریی لە مافی مرۆڤی کوردستان رۆژی جیهانی مافی مرۆڤ و پەسند کردنی راگەیەندراوی جیهانی مافی مرۆڤ لە خەڵکی ئێران، کوردستان و سەرجەم ویژدانە زیندووەکان پیرۆزبایی دەکات و وێڕای پشتیوانی خۆی لە چالاکانی مافی مرۆڤ بەمەبەستی باشترکردنی دۆخی مافی مرۆڤ لەئێران، نیگەڕانی خۆشی لە درێژەی پێشێڵکارییەکانی مافی مرۆڤ و سەرکوت کردنی ئازادییەکان دەردەبڕێ.
بەداخەوە لەماوەی ئەمساڵدا بەتایبەت پاش هاتنە سەرکاری رۆحانی، پێشێڵکردنی مافی مرۆڤ و درێژەی فشارە سیاسییەکان نە تەنیا رانەوەستاوە بەڵکوو لەژێر سێبەری وتووێژە ناوکییەکاندا وڵاتی ئورووپایش بێدەنگیان لەهەمبەر پێشێڵکاریەکاندا هەڵبژاردووە و بەپێچەوانەی بەڵێنییەکانی پێش هەڵبژاردن هیچ هیوا و ئومێدێک بۆ باشتر بوونی دۆخی مافی مرۆڤ و ئازادی و کەم بوونەوەی فشارەکان بۆ سەر چالاکانی سیاسیی و مافی مرۆڤ کە لەدۆخێکی زۆر نالەباردان، بەدی ناکرێ.
لەو نێوەدا محەممەد سەدیق کەبوودەوەند بەرپرس و دامەزرێنەری رێکخراوەکە کە ماوەی ٧ ساڵە لە زیندان دایە، لەگەڵ هەڕەشەی نوێی ئەمنیەتیی بەرەوڕوو بۆتەوە، یان ئاغای عەبدولفەتاح سوڵتانی کە بە تاوانی پشتیوانی کردن لەمافی مرۆڤ لە حەبس دایە و هەروەها ژمارەیەک زیندانی دیکە بەناوەکانی موحسین میردامادی، عەبدوڵڵا رەمەزانزادە، مستەفا تاجزادە، قوربان بهزادیان، عەبدوڵڵا موئمێنی، محەممەد داوەری، حەسەن زەیدئابادی، عەلیرەزا رەجایی، مەسعوود پێدرام، سەعید مەدەنیی، کەیوان سەمیمی ، ئەمیر خوڕەم عێماد بەهاوەر، محەممەد سەیفزادە و ... تەنیا بەتاوانی چالاکیی ئاشتی خوازانە و رێفوڕم لەگرتووخانەکان دان.
لەلایەکی دیکەوە چالاکانی مافی مرۆڤی کورد بەناوەکانی خوسرەو و مەسعوود کوردپوور و هێندێ‌چالاکی کرێکاری سێنفی دیکە وەکوو بێهنام ئیبراهیم زادە، یاشار دارولشەفا، مەهدی خودایی، محەممەد یوسف پوور و فەرشید فەتحی و هەروەها زیندانیانی مەزهەبی بەناوەکانی غولامرەزا خوسرەوی، موحسین و ئەحمەد دانشپوور و قەنبەری و دەیان کەسی دیکە کە حوکمی ئێعدامیان هەیە لەگەڵ دۆخێکی زۆر نالەباری جەستەیی و ناو گرتووخانەدا بەرەڕوون و لەلایەکی تریشەوە رێبەرانی بزووتنەوەی سەوزیش لە دۆخێکی جێگای نیگەرانیدا ژیان بەسەر دەبن.
هەر بۆیە رێکخراوی بەرگریی لەمافی مرۆڤی کوردستان خوازیاری ئازاد کردنی سەرجەم زیندانیانی سیاسیی و مەدەنیە و داوا لە هەموو وێژدانە زیندووەکان دەکات هاودەنگ لەگەڵ رێکخراوی مافی کوردستان، داوا بکەن کە ئێعدامەکان لەئێران رابگیرێ‌و کۆتایی بە پێشێڵکردنەکان بهێندرێ‌و هەروەها محەممەد سەدیق کەبوودوەند و رێبەرانی بزووتنەوەوی سەوز لە زیندان و دەستبەسەری لەماڵەکانیدا ئازاد بکرێن.
١٨ی سەرماوەزی ساڵی ١٣٩٢ی هەتاوی
رێکخراوی بەرگریی لەمافی مرۆڤی کوردستان
سه‌رۆكی هه‌رێمی كوردستان له په‌یامێكی هاوخه‌میدا سه‌باره‌ت به كۆچی دوایی نیلسۆن ماندێلا بۆ سه‌رۆكی ئه‌فریقای باشور، رایگه‌یاند، هەڵوێستەكانی ئەم پیاوە مەزنە مایەی ئومێدی گەلانی ژێردەست و ستەمدیدە بوو، وتیشی، ژیانی ئەو سیمبۆڵێكە بۆ تێكشكاندنی ئەو كۆتوبەندانەی مایەی شەرمی مرۆڤایەتین، سه‌ره‌خۆشی خۆی و گه‌لی كودستانی بۆ زۆما و خانەوادەی خوالێخۆشبوو ماندێلا و گەلی ئەفریقای باشوور كرد.
ئه‌مه‌ش ده‌قی په‌یامه‌كه‌یه:
بەڕێز جاكوب زۆما سەرۆكی كۆماری ئەفریقای باشوور
بەداخێكی زۆرەوە هەواڵی كۆچی دوایی نێلسۆن ماندێلای گەورەپیاوی ئاشتی و ئازادیخوازیمان بیست. بە بیستنی ئەم هەواڵە زۆر خەمناك بووین. بێگومان جیهان بەم ڕووداوە دەنگێكی بوێری مرۆڤدۆستی و ئاشتیپارێزی لەدەست دا.
بەرخودان و هەڵوێستەكانی ئەم پیاوە مەزنە مایەی ئومێدی گەلانی ژێردەست و ستەمدیدە بوو. ماندێلا ساتەكانی ژیانی خۆی بەخت كرد بۆ ئەوەی ئازادیخوازی بە نەمری بمێنێتەوە. ژیانی ئەو سیمبۆڵێكە بۆ تێكشكاندنی ئەو كۆتوبەندانەی مایەی شەرمی مرۆڤایەتین.
بە ناوی خۆم و گەلی كوردستانەوە سەرەخۆشی لە بەڕێزتان و خانەوادەی خوالێخۆشبوو ماندێلا و گەلی ئەفریقای باشوور دەكەم. بەو هیوایەی هزر و كردەوەكانی ماندێلا لەپێناو ئازادی و دادپەروەریدا ببێتە سەرمەشق بۆ هەموو جیهانیان.
لەگەڵ ڕێزماندا..
مسعود بارزانی
سەرۆكی هەرێمی كوردستان
7ـی 12ـی 2013
بەردەوامبوونی خۆپێشاندانەكانی ئۆكرانیا دژ بە بڕیاری رەتكردنەوەی رێككەوتن لەگەڵ یەكێتی ئەوروپا زیاتر ئاڵۆزی بەخۆوە بینیوە و لە تازەترین رووداوی ئەو خۆپێشاندانەشدا، خۆپێشاندەران هەڵیانكوتایە سەر پەیكەری ڤلادیمێر لینین، گەورە سەركردەی كۆمۆنیستەكان و سەكردەی شۆڕشی بەلشەفیكی رووسی، كە دوای دامەزراندنی یەكێتی سۆڤێتی بەدوای خۆیدا هێنا. خۆپێشاندەران ئەو پەیكەرەی لینینیان لە ناوەڕاستی كیەڤ-ی پایتەختی ئۆكرانیا تێكشكاند. پۆلیسی ئۆكرانیا رایگەیاند چەند كەسێك لەنێو خۆپێشاندەرانەوە بە ماسكی رەشەوە پەیكەرەكەیان شكاندو‌وە و ئاڵای پارتی سەربەخۆیی نەتەوەییان بەرزكردووەتەوە. میدیاكانی ئۆكرانیا باس لەوە دەكەن لەنێو ناسیۆنالیستە ئۆكرانییەكاندا رقێكی گەورە بەرامبەر دامەزررێنەری یەكێتی سۆڤیەت هەیە و هەر ئەمەشە وایكردووە پەرچەكردارێك لەبەرامبەر لینین نیشانبدەن و پەیكەرەكەی بشكێنن، چونكە پێیانوایە بیرۆكەی كۆمۆنیستی هۆكاری بڕیارەكەی حكومەتی ئێستای ئۆكرانیایە. ئەم توڕەییەی خۆپێشاندەران دوای ئەوە دێت، كە حكومەتی ئۆكرانیا لەجیاتی نزیكبوونەوە لە یەكێتی ئەوروپا پەیوەندی بە یەكێتییەك كردووە لەنێوان رووسیا و بێلاروس و كازاخستان. ئەو پەیكەرەی لینین لە ساڵی 1946 دوای كۆتاییهاتنی جەنگی دووەمی جیهانی لە گرانیتی سوور دروستكراوە و بەرزییەكەی 3 مەتر‌و 45 سانتیمەتر بووە.
9/12/2013
بەمەبەستی بەشداریپێكردنی نەتەوەیەكگرتووەكان لە دۆسیەی لێكۆڵینەوەی تیرۆركردنی ڕۆژنامەنووس كاوە گەرمیانی ئەمڕۆ ڕۆژنامەنووسانی هەولێر چوونە بەردەم بارەگای نوێنەرایەتی نەتەوەیەكگرتووەكان لە شاری هەولێر.
لەبارەی ئەو خۆپیشاندانەوە بەهزاد موحسین ئەندامی گروپی زار بۆ بەرگریكردن لە ئازادییەكان، كە خۆپیشاندانەكەیان ڕێكخستووە، گوتی: ئەم خۆپیشاندانەی ئەمڕۆی هەولێر بۆ ئەوەیە كە ڕێكخراوەكانی نەتەوەیەكگرتووەكان و لایەنە پەیوەندیدارە نێودەوڵەتییەكان بێنینە ناو دۆسیەی تیرۆری رۆژنامەنوس كاوە گەرمیانی كە پێشتریش دۆسیەی وەهامان لە هەرێمی كوردستان هەبووە.
هەر لە خۆپیشاندانەكەدا یاداشتێك بۆ نوێنەرایەتی نەتەوە یەكگرتووەكان لە هەرێمی كوردستان بەرز كرایەوە كە دوای دەست خستنی بڵاوی دەكەینەوە.
سەعید عەبدوڵا/ج.ع
pna
9/12/2013
بەپێی بەیاننامەکەى حکومەتی عێراق سەبارەت بەسەردانەکەى نورى مالیکى سەرۆک وەزیرانى عێراق بۆ ئێران و کۆبوونەوەى لەگەڵ بەرپرسانى ئەو ولاتە باس لەپێکهێنانى لیژنەیەکى دووقۆڵى کراوە بۆ چارەسەرکردنى کێشە سنوورییەکان و جێبەجێکردنى رێککەوتننامەى جەزائیر، کە لە ساڵى 1975 لەنێوان شاى ئێران و سەدام حوسێن واژۆکراوە. رێکەوتننامەى جەزائیر ساڵى 1975 دژى شۆڕشى کورد لەنێوان رژێمى ئەوکاتى ئێران و رژێمى عێراق واژۆکرا، لە ساڵى 1979 سەدام حوسێن رێککەوتنامەکەى رەتکردوەەتەوە، لەمیانى سەردانەکەى نورى مالیکى سەرۆک وەزیرانى عێراق بۆ کۆمارى ئیسلامى ئێران و کۆبوونەوەى لەگەڵ دەسەڵاتدارانى ئەو وڵاتە باس لە چارەسەرکردنى کێشە سنووریەکان و جێبەجێکردنى ئەو رێککەوتنامەیە کراوە. حاکم لەتیف مستەفا، ئەندامى لیژنەى یاسایی لە پەرلەمانى عێراق، بە رووداوى راگەیاند"کاتێک رێککەوتننامەیەک لەنێوان دوو دەوڵەت یان سەرۆکى دوو دەوڵەت واژۆ دەکرێ بە نەمانى رژێمەکان یان سەرۆکەکان رێککەوتننامەکە کۆتایی نایەت، ئەگەر دەوڵەتێک پێیەوە پابەند نەبوو ئەوا لەرووى نێودەوڵەتییەوە بەرپرسیارێتى یاسایی دەکەوێتە ئەستۆ". ساڵى 2007 جەلال تاڵەبانى، سەرۆک کۆمارى عێراق رایگەیاند: "رێککەوتننامەى جەزائیر کە ساڵى 1975 لە نێوان شاى ئێران و سەدام حوسێن واژۆ کراوە رەتکراوەتەوەو کارى پێناکرێت". ئەمیر کینانى، پەرلەمانتارى ئەحرار لە پەرلەمانى عێراق، بە رووداوى راگەیاند" حکومەت بەتەنیا ناتوانێ رێککەوتننامەى لەو جۆرە جێبەجێبکات پێویستە بگەڕێتەوە بۆ پەرلەمان". دەربارەى جێبەجێکردنیشی كينانى گوتى "پێموایە دەبێ گفتوگۆى زۆرى لەبارەوە بکرێ، هاوکات دەسەڵاتى پێشووى عێراقیش لاى خۆیەوە رێککەوتننامەکەى رەتکردووەتەوە". گوتیشی" بۆ تاوتوێکردنى هەموو ئەو رێککەوتنانەى رژێمى پێشوو واژۆى کردوون پێویستە لیژنەیەکى تایبەتى لەوەزارەتى دەرەوەو پەرلەمان و لایەنى پسپۆر بۆ پێکبهێنرێت و چاو بە سەرجەم رێککەوتننامەکاندا بخشێنێتەوە، ناشتوانین هیچ رێککەوتنێک رەتبکەینەوە تاوەکو لەپەرلەمان تاوتوێ نەکرێت".
10/12/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
