به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
سەرچاوەكانی هەواڵ بڵاویانكردەوە، شەوی رابردوو فڕۆكە جەنگییەكانی ئیسرائیل بنكەی سەربازی لازقییەی سووریایان بۆمباران كردووە، كە مووشەكی پێشكەوتووی S300 ی تێدا جێگیركراوە.
بەگوێرەی ئەو زانیارییانەی لە سەرچاوەكانی ئۆپۆزسیۆنی سووریا بڵاوكراونەتەوە، شەوی یەكشەمەی رابردوو فڕۆكە جەنگییەكانی ئیسرائیل ئەو بنكە سەربازییەیان بۆمباران كردووە كە لە ناوچەی دەهاری سەربە لازقییە مووشەكی پێشكەوتووی S300 ی تێدا جێگیركراوە.
سەرچاوە لوبنانی و فەڵاستینییەكانیش بانگەشەی ئەوەدەكەن، هێرشە ئاسمانییەكەی ئیسرائیل بەهۆی گواستنەوەی مووشەكی پێشكەوتووی S300 بووە بۆ ئەو بنكەیە، كەبەمەبەستی بەرگری ئاسمانی بەكاردەهێنرێ.
ئەم بانگەشەیە تاوەكو ئێستا لەلایەن هیچ سەرچاوەیەكی دیكەوە پشتڕاست نەكراوەتەوە. بەگوێرەی هەواڵێكی رۆژنامەی هائارێتزی ئیسرائیل-یش، بەرپرسە ئیسرائیلییەكان چەندینجار ئاماژەیان بەوەداوە كە بە هیچ شێوەیەك رێگا بە گواستنەوەی چەك نادەن لە نێوان سووریا و حیزبوڵڵا.
رووداو- ensonhaber
28/1/2014
دوای ته‌واو بوونی كۆبوونه‌وه‌كه‌ی له‌گه‌ڵ نوێنه‌رانی كورد له ئه‌نجوومه‌نی نوێنه‌رانی عیراقی و وه‌زیره كورده‌كانی حكومه‌تی ناوه‌ندی و وه‌زیرانی هه‌رێمی كوردستان، نێچیرڤان بارزانی سه‌رۆكی حكومه‌تی هەرێم، كۆنگره‌یه‌كی ڕۆژنامه‌نووسی سازكرد و تیایدا باسی له ناوه‌ڕۆكی كۆبوونه‌وه‌كه و هه‌ڵوێستی حكومه‌تی هه‌رێمی كوردستان كرد.
له كۆنگره ڕۆژنامه‌نووسییه‌كه‌دا، سه‌رۆكی حكومه‌ت، ڕایگه‌یاند: گفتوگۆکان له‌باره‌ی رونکردنه‌وه و بیروڕاگۆڕینه‌وه بووه سه‌باره‌ت به بودجه‌ی عێراق بۆ ساڵی 2014 و به‌رهه‌مهێنان و ناردنه ده‌ره‌وه‌ی نه‌وتی هه‌رێمی کوردستان، له‌گه‌ڵ خستنه‌ڕوی زانیاری به‌ڵگه‌کان و رێڕه‌وی گفتوگۆکان له‌گه‌ڵ حکومه‌تی ناوه‌ندیدا.
سه‌رۆكی حكومه‌تی هه‌رێم گوتی: مالیكی داوای كردووه ئه‌و نه‌وته‌ی که هه‌رێمی کوردستان هه‌نارده‌ی ده‌ره‌وه‌ی ده‌كات بخرێته ژێرده‌ستی حکومه‌تی ناوه‌نده‌وه و ئه‌وان به ئاره‌زوی خۆیان مامه‌ڵه‌ی پێوه بکه‌ن، ئه‌مه به‌لای ئێمه‌وه وه‌ک حکومه‌تی هه‌رێم قابیلی قبوڵ نیه. هه‌روه‌ك ڕاشیگه‌یاند كه برینی بودجه‌ی كوردستان مایه‌ی نیگه‌رانییه چونكه عیراق و كوردستانیش له‌و بڕیاره زیانیان به‌رده‌كه‌وێت، به‌ڵام ئه‌گه‌ر ئه‌و بڕیاره بگاته سه‌رو به‌شه بودجه‌ی هه‌رێمی كوردستان ببڕدرێت ئه‌وا ئێمه بێده‌نگ نابین و كاردانه‌وه‌مان ده‌بێت.
هه‌رله كۆنگره ڕۆژنامه‌نووسییه‌كه‌دا سه‌رۆكی حكومه‌تی هه‌رێم گوتی: پێكهێنانی كابینه‌ی تازه‌ی حكومه‌ت كاتی پێویسته و ئێمه‌ش له كۆبوونه‌وه‌كانمان به‌رده‌وامین.
27/01/2014
ھەولێر ٢٧ کانونی دووەم / یەنایەر (PNA) -
کۆبوونه‌وه‌ى ئه‌نجومه‌نى یاسادانانى خۆبه‌رێوه‌به‌رى دیموکراتى کانتۆنى کۆبانێ سه‌رله‌به‌یانى ئه‌مرۆ ده‌ستى پێکرد و وه‌زیره‌کان سوێندى یاسایان خوارد .
کۆبوونه‌وه‌که کاتژمێر 09:00 له‌ناوه‌ندى کلتوور و هونه‌رى ( باقى خدۆ ) به‌به‌شدارى هه‌موو ئه‌ندامانى ئه‌نجومه‌نى یاسادانان ده‌ستى پێکرد . له کۆبوونه‌وه‌که‌دا سه‌رۆکى ئه‌نجومه‌نى یاسادانان نیهاد محه‌مه‌د ووته‌ى کردنه‌وه‌ى پێشکه‌ش کرد و به‌خێرهاتنى میوانانى کرد . دواى خوله‌کێک رێزگرتن هاوسه‌رۆکانى ئه‌نجومه‌نى یاسادانان نیهاد محه‌مه‌د و فه‌وزیه ئه‌حمه‌د ووته‌یان پێشکه‌ش کرد .
دواتر سه‌رۆکى ئه‌نجومه‌نى به‌رێوه‌به‌رى کانتۆنى کۆبانێ ئه‌نوه‌ر موسلم ناوى ده‌سته‌ى وه‌زیرانى خوێنده‌وه ، ئه‌و وه‌زیرانه‌ى ناوه‌کانیان خوێندرایه‌وه یه‌ک به‌یه‌ک چوونه سه‌ر سه‌حنه و پاشان ناوه‌کان له‌لایه‌ن ئه‌نجومه‌ن په‌سه‌ندکران .
دواى سوێندخواردنه‌که سه‌رۆکى ئه‌نجومه‌نى به‌رێوه‌به‌رى یاسادانان ئه‌نوه‌ر موسلم ووته‌یه‌کى پێشکه‌ش کرد و ناوى پارته سیاسیه‌کان ، رێکخستن و که‌سایه‌تى که به‌شدارى خۆبه‌رێوه‌به‌رایه‌تییه‌که بوونه خوێندرایه‌وه .
هه‌روه‌ها پیرۆزبایی له‌سه‌رجه‌م وه‌زیره‌کان کرا و کۆبوونه‌وه‌که کۆتایی هات . هاوکات ئه‌مرۆ ئاهه‌نگێکى مه‌زن بۆ پیرۆزبایی راگه‌یاندنى خۆبه‌رێوه‌به‌رى کانتۆنى کۆبانێ به‌رێوه‌ده‌چێت سه‌رجه‌م وه‌زیره‌کان به‌شدار ده‌بن .
ANF
27/1/2014
لە ئەنجامی راپرسی پۆرتاڵی رووداو، لە بارەی گونجاوی کات بۆ راگەیاندنی سەربەخۆیی کوردستان، زۆرینەی بەشداربووان پێیان وایە کات گونجاوە.
لەو راپرسییە، %82.6ـی بەشداربووان، کە دەکاتە 2266 کەس، بە بەڵێ وەڵامی پرسیاری "کات گونجاوه بۆ راگەیاندنی سەربەخۆیی کوردستان؟"ـیان داوەتەوە.
رێژەی %15.3ـی بەشداربووان، کە دەکاتە 421 کەس پێیان وایە کات گونجاو نییە بۆ دروستبوونی دەوڵەتی سەربەخۆی کوردستان.
57 کەس، کە بە رێژە دەکاتە %2.1، بە نازانم وەڵامی پرسیاری راپرسییەکەیان داوەتەوە.
ئەو راپرسییەی پۆرتاڵی رووداو، لە بەرواری 21.1.2014 دەستیپێکرد و لە کاژێر 23.59 خولەکی رۆژی 26.1.2014 کۆتایی هات، تێیدا 2744 کەس بەشداری کرد.
لەو راپرسییە، %82.6ـی بەشداربووان، کە دەکاتە 2266 کەس، بە بەڵێ وەڵامی پرسیاری "کات گونجاوه بۆ راگەیاندنی سەربەخۆیی کوردستان؟"ـیان داوەتەوە.
رێژەی %15.3ـی بەشداربووان، کە دەکاتە 421 کەس پێیان وایە کات گونجاو نییە بۆ دروستبوونی دەوڵەتی سەربەخۆی کوردستان.
57 کەس، کە بە رێژە دەکاتە %2.1، بە نازانم وەڵامی پرسیاری راپرسییەکەیان داوەتەوە.
ئەو راپرسییەی پۆرتاڵی رووداو، لە بەرواری 21.1.2014 دەستیپێکرد و لە کاژێر 23.59 خولەکی رۆژی 26.1.2014 کۆتایی هات، تێیدا 2744 کەس بەشداری کرد.
27/1/2014
جێگری سەرۆكی ئەمەریكا جوبایدن لەپەیوەندیەكی تەلەفۆنی دا سەرۆك وەزیرانی عێراق نوری مالكی ئاگاداركردەوە : ویلایەتە یەكگرتووەكانی ئەمریكا هاوكاری عێراق دەكات بۆدژایەتیكردنی چەكدارانی ( داعش ) داواشی لێكرد پێویستە رێككەوتن بكەن لەنێوان هەولێر و بەغدا لەسەر پرسی نەوت .
لەبەیاننامەیەكی كۆشكی سپی دا هاتووە ، جوبایدن رایگەیاندووە حكوومەتی عێراق پێویستە پابەندبێ به ڕێكخستنەوەی هۆزە عەشایەرەكان و لەگەڵ هێزە ئەمنیەكان بجەنگن دژی چەكدارانی داعش هەروەها حكومەتی عێراق هاوكاری بریندارەكان بكات و پاسەوانی هاووڵاتیان بكات دووبارە شوێنە خاپوور كراوەكانی شەڕ لەم شارە دوای تەواوبونی شەڕ بونیات بنێتەوە كەزیانی زۆر بەر ئەم شارە كەوتووە .
هەرلەبەیاننامەكەدا هاتووە ، بایدن تەئكید لەوە دەكاتەوە كەلەگەڵ حكومەتی هەرێمی كوردستان گرنگی بەورێككەوتنە بدەن و بەقەبوڵكردنی دوولایەنە نەوتی عێراق هەناردەی دەرەوە بكەن.
س/شەفەق نیوز
و/ج
pna
27/1/2014
سەرۆكی كۆماری ئێران جەختلەوەدەكاتەوە سەرۆك كۆماری سوریا بەشار ئەسەد كێشەیەكی سەرەكی نییە لەو قەیرانەی سوریا تێی كەوتووە.
لە چاوپێكەوتنێكیدا لەگەڵ تۆری هەواڵی (سی ئێن ئێن) سەرۆك كۆماری ئێران حەسەن رۆحانی رایگەیاندووە" تیرۆر لە ناوچەكەدا كێشەیەكی گەورەیە، هەموو حكومەتەكانی خۆرئاواش ئەوە دەزانن كە لایەنە تیرۆرستیەكان زۆرترین مەترسین كە لە ناو سوریادا هەن، سەرەڕای ئەوەی هەندێك حكومەت پارە و توانییان بۆ دابین دەكات".
لە درێژەی قسەكانیدا دەڵێت، دەسەڵاتی بەشار ئەسەد چەندین ساڵە وڵات بەڕێوە دەبات و چەندین بە پێی شەرعیەت رەفتاری كردووە و بەشداری هەڵبژاردنێكی ئازادی كردووە، دەبێت هەوڵی ئەوە بدرێت ئەو لایەنە "تیرۆرست"یانەی لە سوریان بكرێنە دەرەوە، ئەوجا لەگەڵ ئۆپۆزسیۆن لەسەر مێزی گفتوگۆ دانیشن، بۆ ئەوەی گەلی سوریا بڕیار بدات.
لە درێژەی چاوپێكەوتنەكەدا سەرۆك كۆماری ئێران ئاماژە بەوە دەكات، گەلی ئێران و گەلی ئەمریكا حەز لە پەیوەندییەكی دۆستانە دەكەن، سەرەڕای ئەوەی چەندین كێشە و ململانێ لەگەڵ ئەمریكادا هەیە.
27/01/20014
بۆ جاری دووه‌م حكومه‌تی عیراق رێگه له‌و فڕۆكه ئه‌مركییه ده‌گرێت كه دیاری منداڵانی ئه‌مریكای بۆ منداڵه ئاواره‌كانی رۆژئاوای كوردستان هێنابوو.
مه‌ریوان نه‌قشبه‌ندی به‌ڕێوه‌به‌ری راگه‌یاندنی وه‌زاره‌تی ئه‌وقاف و كاروباری ئاینی هه‌رێمی كوردستان له په‌یجی تایبه‌تی خۆی له تۆڕی كۆمه‌ڵایه‌تی فه‌یسبوك رایگه‌یاند كه دوای ئه‌وه‌ی رۆژی 18ی كانوونی دووه‌می 2014 حكومه‌تی عیراق رێگه‌ی به نیشتنه‌وه‌ی فڕۆكه‌یه‌كی ئه‌مریكی له فڕۆكه‌خانه‌ی هه‌ولێر نه‌دا كه 65 هه‌زار پاكه‌ت دیاری منداڵانی ئه‌مریكای ده‌هێنا بۆ منداڵانی رۆژئاوای كوردستان كه له كه‌مپه‌كانی په‌نابه‌ران له هه‌رێم نیشته‌جێن ، دوێنێش هه‌مان هه‌ڵوێستی دووباره كرده‌وه.
مه‌ریوان نه‌قشبه‌ندی ئاماژه‌ی به‌وه‌داوه كه یه‌كه‌مجار حكومه‌تی عیراق به‌بیانووی نه‌بوونی داواكاری ره‌سمی بۆ نیشتنه‌وه‌ی، رێگه‌ی به فڕۆكه ئه‌مریكییه‌كه نه‌داوه، وتیشی: "شه‌وی رابردووش جارێكی دیكه رێگه به‌نیشتنه‌وه‌ی ئه‌و فڕۆكه‌یه نه‌دراوه له فڕۆكه‌خانه‌ی هه‌ولێر بنیشێته‌وه".
نه‌قشبه‌ندی نووسیویه‌تی: "ئه‌و فڕۆكه‌یه كه له‌شاری (شارلۆت)ی ویلایه‌تی (كارۆلاینای باكوور) له رۆژهه‌ڵاتی ئه‌مریكاوه هاتبوو، به‌ناچاری له فڕۆكه‌خانه‌ی (دوبه‌ی)له‌ئیماراتی عه‌ره‌بی نیشته‌وه".
ئه‌وه‌شی خسته‌ڕوو كه "بڕیاره باره‌كه‌ی دابگرێت و به فرۆكه‌ی ئیماراتی ئه‌و دیاریانه بێته شاری هه‌ولێر".
مه‌ریوان نه‌قشبه‌ندی پێیوایه "ئه‌م هه‌ڵوێسته‌ی حكومه‌تی عیراق جگه له حه‌ساسیه‌ت و ململانێی سیاسی به‌رامبه‌ر به‌ره‌وشی ئارامی هه‌رێمی كوردستان كه سه‌دان هه‌زار ئاواره‌ی رۆژئاوای كوردستان و سوریای جێگه‌كردۆته‌وه، هیچ ته‌فسیرێكی تری بۆ ناكرێت".
به‌گوێره‌ی زانیارییه‌كانی ئه‌و به‌رپرسه‌ی وه‌زاره‌تی ئه‌وقافی هه‌رێمی كوردستان، "ئه‌م فڕۆكه‌یه له‌لایه‌ن (فرانكلین بیلی گراهام) به‌رپرسی رێكخراوی (سه‌میریتان پێرس)ی خێرخوازی ئه‌مریكی كه گه‌وره‌ترین رێكخراوی خێرخوازی جیهانه و له‌سه‌ر داوای به‌ڕێوه‌به‌رایه‌تی گشتی كاروباری مه‌سیحییه‌كانی وه‌زاره‌تی ئه‌وقافی حكومه‌تی هه‌رێمی كوردستان بڕیاربوو بێته فڕۆكه‌خانه‌ی شاری هه‌ولێر و بۆ ئه‌و مه‌به‌سته‌ش ره‌زامه‌ندی پارێزگاری هه‌ولێر و فڕۆكه‌خانه‌ی هه‌ولێر به نووسراوی ره‌سمی ئاراسته‌ی وه‌زاره‌تی گواستنه‌وه‌ی عیراق كرابوو، كه بریكاره‌كه‌ی وه‌زاره‌ت كورده و له‌م كێشه‌یه‌ش ئاگاداركراوه‌ته‌وه، به‌ڵام هیچ هه‌ڵوێستێكی ئیجابی نه‌بووه".
27/01/2014
هەواڵی جیابوونەوەی فرانسوا هۆلاندی سەرۆكی فەڕەنسا لە دۆستەکەی ڤالێری تریغیلیێ شتێكی چاوەڕوانكراوبوو دوای ئەوەی پەیوەندی سۆزداری نێوان سەرۆك لەگەڵ ژنە ئاكتەرێكی دیكە بەناوی ژولی گایێت بوو بە هەواڵی لاپەڕەی یەكەمی چەندین رۆژنامەی جیهانی، هەرلەبەر ئەوەش فرانسوا هۆلاند رۆژی شەممە 25 ی كانونی دووەم بەشێوەیەكی فەرمی بە ئاژانسی فران پرێسی راگەیاندووە، كە ئەو و دۆستەکەی لەیەكتری جیابوونەتەوە.
هۆلاند بە فرانس پرێسی راگەیاندووە "دەمەوێت ئاشكرای بكەم، كە من كۆتاییم بە ژیانی هابەشم لەگەڵ ڤالێری تریغیلیێ هێناوە ".
لە یەكەم كاردانەوەشی دوای بڵابوونەوەی هەواڵی جیابوونەوەكەی، ڤالێری لە ئەكاونتی خۆی لە تویتەر نووسیویەتی "من زۆر سوپاسی سەرۆكی فەرەنسا دەكەم و هەرگیز سۆزی ئەو لەبیر ناكەم".
بەگوێرەی هەواڵێكی رۆژنامەی Journal du dimanche هۆلاند و ڤالێری رۆژی پێنجشەممە دانیشتوون و بەیەكەوە بڕیاری جیابوونەوەیان داوە و چەند مەرجێكیشیان بۆ یەكتری داناوە.
هۆلاند و ڤالێری لەساڵی 2007 بوونە دۆستی یەكتر و بەیەكەوە ژیاون، بەڵام هاوسەرگیرییان ئەنجام نەداوە. پێدەچێت هۆكاری هاوسەرگیری نەکردنەكەیان هۆلاند بێت، كە تاوەكو ئێستا ژنی نەهێناوە هەرچەندە خاوەنی 4 منداڵە لەگەڵ یەكێك لە كەپڵەكانی پێشووی بە ناوی سێگۆلێن رۆیال ، كە ماوەی 30 ساڵ لەگەڵی ژیابوو.
27/01/2014
رۆژنامەی تەرەفی توركی لە ژمارەی ئەمڕۆیدا باس لە وردەكارییەكانی سەردانەكەی دوێنێی لەیلا زانا، پەرلەمانتاری سەربەخۆ لە پەرلەمانی توركیا و سڕی سورەیا ئۆندەر كاندیدی پارتی دیموكراتی گەلان HDP دەكات بۆ گرتووخانەی ئیمرالی.
پاش گەڕانەوەیان لە دورگەی ئیمرالی سڕی سورەیا ئۆندەر رایگەیاند،عەبدوڵڵا ئۆجەلان، سەرۆكی زیندانیكراوی پارتی كرێكارانی كوردستان نامەیەكی بۆ مەسعود بارزانی سەرۆكی هەرێمی كوردستان نووسیوە.
بەگوێرەی هەواڵەكە بۆ چارەسەركردنی گرژییەكانی نێوان پارتی یەكێتی دیموكراتی-PYD لە رۆژئاوای كوردستان و پارتی دیموكراتی كوردستان، لەیلا زانا داوای لە ئۆجەلان كردووە بێتە سەر خەت.
لە كۆبوونەوەكەیاندا لەیلا زانا پەیامی بارزانی گەیاندووەتە ئۆجەلان. لە بەرامبەردا ئۆجەلان نامەیەكی بۆ مەسعود بارزانی، سەرۆكی هەرێمی كوردستان نووسیوە و داوای لە شاندەكە كردووە نامەكەی بگەیەنن.نامەكە هێشتا لای هێزە ئەمنییەكانی ئیمرالییە‌و بە گوتەی زانا و ئۆندەر سێشەممە یاخود چوارشەممەی ئەم هەفتەیە دەگاتە دەستیان، ئەوانیش سەردانی هەرێمی كوردستان دەكەن دەیدەنە بارزانی.
شاندەكە كۆمەڵێك دیدار لەگەڵ لایەنەكانی كۆنگرەی نەتەوەیی كورد ئەنجام دەدن و بەدواداچوونیش دەكەن بۆ كاردانەوەكانی نامەكەی ئۆجەلان. هەروەها چاوەڕوان دەكرێ زانا و ئۆندەر پێشنیاز و پەیامەكانی ئۆجەلان بگەیەنن بەلایەنەكان.
دوای ئەوەی هەریەك لە سڕی سورەیا و لەیلا زانا دوێنێ شەممە سەردانی گرتووخانەی ئیمرالییان كردو لەگەڵ ئۆجەلان كۆبوونەوە، لەیلا زانا رایگەیاند، كە ئەوان لە كۆبوونەوەكەیاندا تاوتوێی پرۆسەی چارەسەری كێشەی كوردیان لە توركیا كردووە‌و بە گوتەی زانا، ئۆجەلان گوتوویەتی "پرۆسەی ئاشتی لەوە گرنگترە بكرێتە قوربانیی هەڵبژاردنەكان‌و ئەگەر حكومەتیش ئەوە بكات كارێكی هەڵە دەكات".
تەوەرێكی دیكەی كۆبوونەوەكەی ئەو دوو پەرلەمانتارەو عەبدوڵڵا ئۆجەلان، باسكردنی كۆنگرەی نەتەوەیی كورد و پەیوەندیی هەرێمی كوردستان لەگەڵ رۆژئاوای كوردستان بووە.
rudaw
26/1/2014
ئەندامێكی شاندی دانوستانكاری بزووتنەوەی گۆڕان لەگەڵ پارتیی دیموكراتی كوردستان، دەڵێت، بزووتنەوەكەیان داوای جێگری سەرۆكوەزیرانی هەرێم و چوار وەزارەت دەكات لە كابینەی داهاتوودا و ئەمەیش بە ئیستحقاقی هەڵبژاردن ناو دەبات.
بڕیاره ئەمڕۆ هه‌ردوو شاندی دانوستانكاری بزووتنه‌وه‌ی گۆڕان و پارتیی دیموكراتی كوردستان خولێكی دیكه‌ی كۆبوونه‌وه به مه‌به‌ستی پێكهێنانی كابینه‌ی نوێی حكوومه‌تی هه‌رێم ده‌ست پێ بكه‌ن و ئه‌ندامێكی شاندی دانوستانكاری، بزووتنه‌وه‌ی گۆڕانیش ده‌ڵێت "به‌پێی ئیستیحقاقی هه‌ڵبژاردن، ئێمه له كۆبونه‌وه‌ی ئه‌مڕۆدا، داوای جێگری سه‌رۆكوه‌زیران و چوار وه‌زاره‌ت ده‌كه‌ین."
ئه‌ندامی شاندی دانوستانكاری بزووتنه‌وه‌ی گۆڕان، ئارام شێخ محه‌ممه‌د، به ماڵپەڕی (سبه‌ی)ـی بزووتنەوەكەی راگه‌یاندووە: "به‌پێی ئیستیحقاقی هه‌ڵبژاردن ئێمه دوو وه‌زاره‌تی سیادی و دوو وه‌زاره‌تی خزمه‌تگوزاریمان به‌رده‌كه‌وێت."
ماوەی زیاتر لە (120) رۆژ بەسەر دواهەڵبژاردنی پەرلەمانی لە کوردستان تێپەڕ دەبێت و هێشتا حکوومەتی نوێی پێک نەهاتووە.
26/1/2014
سه‌رۆكه گه‌نجه‌كه‌ی كۆریای باكوور، دوای مامی بڕیاری له‌سێداره‌دانی سه‌رجه‌م ئه‌ندامانی خێزانه‌كه‌ی مامیشیدا
ئاژانسی هه‌واڵی ڕێنخاپی كوریای باشوور بڵاوی كردوه‌ته‌وه كیم جان ئیی سه‌رۆكی كۆریای باكوور دوای ئه‌وه‌ی له مانگی ڕابردوودا جان سۆن تاكی دووه‌م كه‌سایه‌تیی سیاسیی ئه‌و وڵاته‌‌و هاوكات مامی خۆی له سێداره‌دا.
بڕیاری له سێداردانیشی بۆ سه‌رجه‌م ئه‌ندامانی خێزانه‌كه‌ی مامی ده‌ركردوه‌‌و به‌پێی سه‌رچاوه‌كه‌ش بڕیاره‌كه جێبه‌جێكراوه،به‌ڵام هیچ ئاماژه‌یه‌كی به‌وه نه‌كردوه كه له چ كاتێكدا بوه، رونیشكردوه‌ته‌وه له‌ناو ئه‌و كه‌سانه‌شدا جان گی سونی خۆشكه گه‌وره‌ی مامی كه باڵیۆزی كۆریای باكووره له كوبا بوونی هه‌یه.
له‌مانگی رابردوودا به تۆمه‌تی خیانه‌تكردن‌و هه‌وڵدان بۆ ده‌ستبه‌سراگرتنی ده‌سه‌ڵات سه‌رۆكه گه‌نجه‌كه‌ی كۆریای باكوور جان سۆن تاكی دوه‌م كه‌سایه‌تیی سیاسیی گه‌وره‌ی وڵات‌و هاوكات مامی خۆی له‌گه‌ڵ چه‌ند به‌رپرسێكی تری حكومیدا به زیندوویی ده‌رخواردی سه‌گ دان.
26/01/2014
لە ئەڵمانیا پۆلیس جارێكی دیكە هەڵدەكوتێتە سەر بنكەی گرووپێكی كوردی كە دەگوترێ كاری نایاسایی دەكەن. هەفتەی رابردوو بینای پێشووی كۆمەڵەی (كوردستان- سەنتروم) كە دەكەوێتە ماكس شتراسەی شاری بۆنی ئەڵمانیا، لەلایەن پۆلیسەوە كەوتە بەر پشكنین.
ئەم بینایە ئێستا وەكو ساڵۆنی سەرتاشین بەكاردێت، پۆلیسیش پێیوایە گرووپێك لەسەر ئاستی نێونەتەوەیی كارەكانی لەم شوێنەدا ئەنجامدەدات. هەروەها ئاماژە بەوە دەدەن كە كردنەوەی ئەم شوێنە بۆ مەبەستی پەردەپۆشكردنی كارە نایاساییەكانیانە. پۆلیس لەكاتی هەڵكوتانە سەر ساڵۆنی سەرتاشخانەكە دەستی بەسەر ژمارەیەكی زۆر كاغەزی نووسراودا گرت.
مانگی ئابی ساڵی رابردووش پۆلیس هەڵیكوتابووە سەر ئەو شوێنە و لەو ئۆپەراسیۆنەدا كەسێكی تەمەن 51 ساڵی خەڵكی سووریای دەستبەسەر كردبوو كە گوایە سەرۆكی تۆڕەكە بووە. هاوكارێكی تەمەن 50 ساڵەی ئەو كەسەش كە خۆیشی خەڵكی سووریایە، لەكاتی هەڵمەتەكەدا هەڵاتبوو. بەڵام مانگی تشرینی یەكەمی رابردوو لە وڵاتێكی دیكەی ئەوروپا دەستگیركرا و رادەستی ئەڵمانیا كرایەوە.
هەڵمەتی ئەمجارەش هەر بۆ دەستبەسەركردنی كەسێكی تەمەن 33 ساڵەی سووری بوو كە دەگوترێ كاری بە قاچاخهێنانی پەنابەران دەكات لە سووریاوە بۆ ئەڵمانیا. لەلایەكی دیكەوە فرێد ئاپۆستێلدا، داواكاری گشتی شاری بۆن رایگەیاند لە كاتی هەڵكوتانە سەر ساڵۆنەكە هیچ كەسێك دەستبەسەر نەكراوە. بەپێی زانیارییەكانی پۆلیس، ئەم تۆڕە تاوەكو ئێستا نزیكەی 25 كەسیان بە قاچاخ لە سووریاوە بەرێگای بولگاریا، رۆمانیا و نەمسا هێناون بۆ ئەڵمانیا و بڕی 6500 یورۆشیان لە هەر پەنابەرێك وەرگرتووە بەرامبەر گەیاندنیان بە ئەڵمانیا.
26/01/2014
مێژوونووسێکی عێراق کتێبێکی لەبارەی نهێنییەکانی سەردەمی دەسەڵاتداریی سەدام حوسێن نووسیوە، تێیدا باس لە هەوڵی تیرۆرکردنی مەلا مستەفای بارزانی و دواتر لە سێدارەدانی ئەو کەسەی، کە هەوڵی تیرۆرکردنی دا، دەکات.
سەیف دووری، مێژوونووسی عێراق لە کتێبەکەیدا نووسیویەتی: "لە 29 ئەیلولی ساڵی 1971 و دوای ساڵ و نیوێک لە واژۆکردنی بەیاننامەی ئاداری 70 لە نێوان کورد و حکومەتی ئەوکاتی بەغدا، نازم گزاز، بەرپرسی بەڕێوەبەرایەتی ئەمنی گشتی عێراق هەوڵی تیرۆرکردنی مەلا مستەفای بارزانی، سەرکردەی کوردی دا و هەوڵەکەی شکستیهێنا".
دووری زیاتر دەڵێ، "شاندێک لە 10 پیاوی ئایینی لە بەغداوە چوون بۆ سەردانی بارزانی بۆ نێوانگیری و راگرتنی شەڕی نێوان شۆرشگێرانی کورد و سوپای عێراق و نازم گزاز، ئامێرێکی تۆمارکردنی دا بە یەکێک لە ئەندامانی شاندەکە و پێیگوت، سەرکردایەتی حیزبی بەعس دەیەوێ گوێی لە گفتوگۆکانی بارزانی بێ".
مێژوونووسە عێراقییەکە لە کتێبەکەیدا وردەکاری زیاتر دەخاتەڕوو و دەڵی، "گزاز بەو ئەندامەی شاندەکەی گوتبوو، لە بەردەمی بارزانی دانیشە و هەر دەستی بە قسەکردن کرد دەست بە دوگمەی ئامێری تۆمارکردنەکە بنێ بۆئەوەی دەنگی بارزانی تۆمار بکەی".
بە پێی نووسینەکەی دووری، هەڵگری ئامێری تۆمارکردنەکە یان بۆمبەکە دوو مەتر دوور لە بارزانی دانیشت، "ئەوکاتەی، کە بارزانی دەستی بەقسەکردن کرد، دەنگێکی بەهێز هات و دووکەڵ چوو بە ئاسماندا و شووشەی پەنجەرەکان شکا و بارزانی دەستی برد بۆ دەمانچەکەی و چووە دەرەوە".
سەیف دووری هاوکات ئاماژە بۆ لە سێدارەدانی نازم گزاز دەکات، دوای ئەوەی هەوڵی تیرۆرکردنی ژمارەیەک بەرهەڵستکاری سیاسی عێراقی دا لە قاهیرەی پایتەختی میسرو هەوڵەکەی شکستیهێنا و ئەو گروپەی، کە رایسپاردبوو بۆ تیرۆرکردنی ئەو بەرهەڵستکارانە، دەستگیرکران.
رووداو-هەولێر
25/1/2014
گفتوگۆی راسته‌وخۆی نێوان نوێنه‌رانی ئۆپۆزسیۆن و حكومه‌تی سوریا له جنێف، به ناوبژیوانیی ئه‌خزه‌ر ئیبراهیمی، ده‌ستیپێكرد.
ئه‌خزه‌ر ئیبراهیمی نوێنه‌ری نه‌ته‌وه‌یه‌كگرتوه‌كان و كۆمكاری عه‌ره‌بی بۆ كاروباری سوریا، پاش كۆبوونه‌وه‌ی جیاجیای له‌گه‌ڵ نوێنه‌رانی ئۆپۆزسیۆن و رژێمی سوریا، له كۆنگره‌یه‌كی رۆژنامه‌وانیدا ئاشكرای كرد، ئۆپۆزسیۆن ره‌زامه‌ندیی له سه‌ر ئه‌نجامدانی گفتوگۆی راسته‌وخۆ له‌گه‌ڵ نوێنه‌رانی رژێمی ئه‌سه‌د، ده‌ربڕیوه.
ئه‌مڕۆ شه‌ممه‌ش، یه‌كه‌م دانیشتنی نێوانیان له شاری جنێف ده‌ستیپێكردوه كه پێشبینی ده‌كرێت تاوتوێكردنی داهاتووی شاری حمس، ته‌وه‌ری سه‌ره‌كی گفتوگۆكه‌ی ئه‌مڕۆیان بێت.
ئیبراهیمی وتیشی: ئه‌گه‌رچی نوێنه‌رانی هه‌ردوولا، له سه‌ر مێزێك كۆده‌بنه‌وه، به‌ڵام پرۆسه‌ی گفتوگۆكان، كارێكی سه‌خت ده‌بێت.
جه‌ختیشی كرده‌وه كه گفتوگۆكان له سه‌ر بنه‌مای رێكه‌وتننامه‌ی جنێف یه‌ك به‌ڕێوه‌ده‌چن كه له لایه‌ن ئه‌نجومه‌نی ئاسایشی نه‌ته‌وه‌یه‌كگرتوه‌كانه‌وه، په‌سه‌ند كراوه.
ئه‌وه‌ش له كاتێكدایه، پێشتر ئۆپۆزسیۆن ڕه‌تیكرده‌وه له‌گه‌ڵ نوێنه‌رانی ڕژێمی سوریا، كۆببێته‌وه و وه‌لید موعه‌لیمی وه‌زیری ده‌ره‌وه‌ی سوریاش، هه‌ڕه‌شه‌ی جێهێشتنی جنێفی كرد.
25/01/2014
سیاسه‌تمه‌دار و ئه‌ندامى په‌رله‌مانى ئێراق د ــ مه‌حمود عوسمان خۆبه‌رێوه‌به‌رى رۆژئاواى کوردستان و راگه‌یاندنى خۆبه‌رێوه‌به‌رى هه‌رێمى جزیره‌ى له‌ته‌واوى گه‌لى کورد و رۆژئاواى کوردستان پیرۆز کرد . هه‌روه‌ها داواشى له حکومه‌تى هه‌رێمى باشوورى کوردستان کرد که به‌شێوه‌یه‌کى فه‌رمى دان به خۆبه‌رێوه‌به‌رى دیموکراتى و راگه‌یاندنى کانتۆنى جزیره دابێت . مه‌حمود عوسمان ده‌رباره‌ى دووه‌مین کۆبوونه‌وه‌ى جنێفیش ده‌ستنیشانى کرد که هه‌تا مافى گه‌لى کورد له‌رۆژئاواى کوردستان دانى پێدانه‌نرێت ، جنێف ناتوانێت کێشه‌کانى سوریا چاره‌سه‌ر بکات .
سیاسه‌تمه‌دار و په‌رله‌مانتارى په‌رله‌مانى ئێراق د ـ مه‌حمود عوسمان ده‌رباره‌ى دامه‌زراندنى سیسته‌مى خۆبه‌رێوه‌به‌رى دیموکراتى و راگه‌یاندنى به‌رێوه‌به‌رایه‌تى هه‌رێمى جزیره ، هه‌روه‌ها دووه‌مین کۆبوونه‌وه‌ى جنێف 2 بۆ DÎHA قسه‌ى کرد و سه‌ره‌تا راگه‌یاندنى خۆبه‌رێوه‌به‌رى کانتۆنى جزیره‌ى له‌ته‌واوى گه‌لى کورد و رۆژئاواى کوردستان پیرۆز کرد . مه‌حمود عوسمان داواى له حکومه‌تى هه‌رێمى باشوورى کوردستان کرد که پشتگیرى هه‌وڵدانه‌کانى ئازادى له‌رۆژئاواى کوردستان بکات و به‌فه‌رمى دان به خۆبه‌رێوه‌به‌رى رۆژئاواى کوردستان دا بنێت . هه‌روه‌ها ده‌رباره‌ى دووه‌مین کۆبوونه‌وه‌ى جنێفیش ووتى :" به‌شدارنه‌بوونى کوردان به‌شێوه‌یه‌کى سه‌ربه‌خۆ ده‌بێته هۆى سه‌رنه‌که‌وتنى ئامانجه‌کانى جنێف 2 و ئه‌گه‌ر بخوازن ئاڵۆزیه‌کانى سوریا چاره‌سه‌ر بکه‌ن ده‌بێت دان مافى کوردان دابنێن و داخوازیه‌کانى کوردان جێ به‌جێ بکه‌ن ."
مه‌حمود عوسمان سه‌رنجى راکێشایه‌سه‌ر راگه‌یاندنى خۆبه‌رێوه‌به‌رى دیموکراتى هه‌رێمى جزیره و رایگه‌یاند که پێویسته کوردان له‌هه‌رچوارپارچه‌ى کوردستان سیسته‌مى خۆیان دامه‌زرێنن و ووتى :" ئه‌مه هه‌نگاوێکى ئه‌رێنى و مێژوویه بۆ ئه‌وه‌ى کوردانیش له‌ناو سیسته‌مى جیهان ببنه خاوه‌ن ماف و ده‌ستکه‌وتى نه‌ته‌وه‌یی . له‌وچوارچێوه‌یه‌دا راگه‌یاندنى خۆبه‌رێوه‌به‌رى کانتۆنى جزیره له‌گه‌لى کورد و رۆژئاواى کوردستان پیرۆز ده‌که‌م و هیواى سه‌رکه‌وتن بۆ گه‌لى رۆژئاواى کوردستان ده‌خوازم . پێویستبوو که هه‌موو لایه‌نه سیاسیه‌کان له‌رۆژئاواى کوردستان به‌شداربوان له‌و سیسته‌مه. هاوکارى یه‌کتریان کردبا . من پێم باشبوو که هه‌موو پارته‌کانى ناو ENKS و MGRK ئه‌وانه‌ى له کۆبوونه‌وه‌ى هه‌ولێر ئاماده‌بوون به‌شدارى ئه‌و سیسته‌مه بووان . هیوامان ئه‌وه‌یه که هه‌موو لایه‌نه سیاسى و کۆمه‌ڵایه‌تییه‌کانى رۆژئاواى کوردستان به‌شدارى ئه‌و سیسته‌مى خۆبه‌رێوه‌به‌رى دیموکراتى ببن و رۆژئاواى کوردستان به‌رێوه‌ببه‌ن ."
ده‌رباره‌ى دووه‌مین کۆبوونه‌وه‌ى جنێفیش د ــ مه‌حمود عوسمان رایگه‌یاند که پێوستبوو که کورد وه‌ک شاندێکى سه‌ربه‌خۆ به‌شدارى دووه‌مین کۆبوونه‌وه‌ى جنێف بایه و نه‌وه‌ک له‌ناو ئۆپۆزسیۆنى سوریا و ووتى :" به‌بۆچوونى من دروست بوونى جنێف 2 خراپ نیه ، هه‌نگاوێکه بۆ پاشه‌رۆژى سوریا . به‌ڵام به‌ته‌واوى ئاشکرایه که کێشه‌ى سوریا ته‌نیا جنێف 2 ناتوانێت چاره‌سه‌رى بکات . هه‌موو جیهان باش ده‌زانێت یه‌کێک له‌نه‌ته‌وه هه‌ره گه‌وره‌کانى سوریا گه‌لى کورده . له‌به‌ر ئه‌وه‌ش به‌شدارنه‌بوونى کوردان به‌شاندێکى سه‌ربه‌خۆ کێشه‌کانى سوریا قوڵتر ده‌کاته‌وه . ئه‌وانه‌ى رێگایان نه‌دا کوردان به‌شاندێکى سه‌ربه‌خۆ به‌شدارى جنێف ببن ئه‌مریکا و وڵاته‌کانى رۆژئاوا بوون ."
په‌رله‌مانتارى فراکسیۆنى کورد له‌په‌رله‌مانى ئێراق د ــ مه‌حمود عوسمان له‌کۆتاى قسه‌کانى دا ووتى :" له‌کۆتاییدا ده‌ڵێم : دامه‌زراندنى سیسته‌مى خۆبه‌رێوه‌به‌رى دیموکراتى و راگه‌یاندنى به‌رێوه‌به‌رایه‌تى خۆبه‌رێوه‌به‌رى کانتۆنى جزیره بۆ ئازادى گه‌لى کورد له‌رۆژئاواى کوردستان و پارچه‌کانى تر هه‌نگاوێکى گرنگه و له‌هه‌مانکاتداهه‌نگاوێکى مێژووى و خاوه‌ن به‌هایه‌کى بێ وێنه‌یه . له‌به‌ر ئه‌وه‌ش جارێکى تر خۆبه‌رێوه‌به‌رى دیموکراتى له‌گه‌لى کورد و رۆژئاواى کوردستان پیرۆز ده‌که‌م . دووباره ده‌ڵێم ؛ پێویسته هه‌موو لایه‌نه‌سیاسه‌کان به‌شدارى خۆبه‌رێوه‌به‌رى رۆژئاواى کوردستان ببن . هه‌وره‌ها بانگه‌وازى له حکومه‌تى هه‌رێم ده‌که‌م که پشتیوانى سیاسى رۆژئاوا بکات و دان به خۆبه‌رێوه‌به‌رى دیموکراتى رۆژئاواى کوردستاندا بنێت ، وه‌ک باشوورى کوردستان رزگاربوونى رۆژئاواى کوردستان به‌ده‌ستکه‌وتێکى مێژوووى بۆ گه‌لى کورد و ده‌بینین . هیواى سه‌رکه‌وتن بۆ ته‌واوى کوردانى رۆژئاواى کوردستان ده‌خوازم ."
26/01/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
