به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
ڕۆژنامەیەکی یۆنانی، بە پشتبەستن بە بەڵگەیەکی نهێنیی دەزگای هەواڵگریی ئەمریکا، بڵاوی کردەوە کە بازرگانێکی ئیسراییلی ویستوویەتی لە ڕێگای یۆنانستانەوە کەلوپەلی سەربازی ڕەوانەی ئێران بکا.
بە گوێرەی بەڵگەنامەیەکی نهێنیی "هۆوملاند سێکیوریتی ئینڤەستیگەیشن"، کە دامەزراوەیەکی هەواڵگریی ئەمریکییە، لە ئۆپەراسیۆنێکی هاوبەشی یۆنان و ئەمریکا لە کۆتایی ساڵی ٢٠١٢ و ناوەڕاستی ٢٠١٣دا، دەست بەسەر بڕێک کەلوپەلی سەربازیدا گیراوە کە بازرگانێکی ئیسراییلی ویستوویەتی بۆ ئێرانی بنێرێ.
لەو بەڵگەنامە نهێنییەدا، کە نموونەیەکی دەست ڕۆژنامەی "دەیلی خاتیمەرینی"ی یۆنانی کەوتووە، ئەوەش ئاشکرا کراوە کە کەلوپەلەکە پارچە و پێداویستیی فڕۆکەی شەڕکەری "F-4 فانتۆم" بووە کە فڕۆکەی سەرەکیی هێزە ئاسمانییەکانی کۆماری ئیسلامیی ئێرانە.
کەلوپەلەکە لە شارۆچکەیەک بەناوی "بینیامینیا گیڤات ئادا"، هەڵکەوتوو لە باکووری ڕۆژئاوای ئیسرایلەوە بۆ کۆمپانیایەکی یۆنانی بە ناوی "تاسۆس کاڕڕاس" ڕەوانە کراوە کە بە گوێرەی کاربەدەستانی یۆنانی "کۆمپانیایەکی وەهمی" و ناوێکی بێ ناوونیشان بووە.
دادگەیەکی یۆنانی لە نۆڤەمبەری ساڵی ڕابردوودا بڕیاری دەست بەسەردا گرتن و ناردنی ئەو کەلوپەلانە و ڕەوانە کردنیان بۆ کاربەدەستانی ئەمریکیی دابوو.
ویلایەتە یەکگرتووەکانی ئەمریکا، لە دوای شۆڕشی ساڵی ١٩٧٩و دوای دامەزرانی کۆماری ئیسلامیی ئێران، ئابڵۆقەی ئابووریی خستووەتە سەر ئەو وڵاتە، لە ساڵی ١٩٩٥دا ئابڵۆقەکانی بەرفراوانتر و هەموو چەشنە دان و ستاندنێکی دەگەڵ ژمارەیەکی زۆر لە کۆمپانیا دەوڵەتی ئەهلییەکانی ئەو وڵاتە قەدەغە کرد. ئابڵۆقە ئابوورییەکان، بە پشتبەستن بە چەند بڕیارنامەیەکی نەتەوەیەکگرتووەکان، نزیک بە هەموو کەرتەکانی بازرگانیی ئێران دەگرنەوە.
ک.م
NNSROj
19/02/2014
وێبسایتی ویکیلیکس لەلایەن چالاکوانی ئوستورالی جولیان سانگ ەوە ساڵی ٢٠٠٦ دامەزرا بەمەبەستی ئاشکرا کردنی گەندەڵی و کردەوە ئابڕوبەرەکانی لایەنە جیاوازەکانی دەسەڵات لە تەواوی جیهاندا ئەمیش لە ڕێگەی ملیۆنەها بەڵگەنامەو ڕاپۆرتی نهێنی دزە پێکراو
وێبساتی ویکیلیکس ئاشکرای کرد ئێستا خوێنەرانی وێبسایتەکەیان دەتوانن لەڕێگەی
بگەڕی تایبەت بە وێبسایتەکەیان لە تەواوی فایلە نهێنەییەکانی نێو داتا بەیسی تایبەت بە وێبسایتەکەیان بگەڕێت، ئەمەش بۆ ئاسانکاری بۆ بەکارهێنی ئاسایی وێبسایتەکەیان
بەکارهێنەری ئاسایی دەتوانێت لەڕێگەی نوسینی ووشەیەک یان ڕستەیەک کە خۆی مەبەستێتی بە ئاسانی فایلەکان بدۆزێتەوە
هەروەها ویکیلیکس چەند تایبەتمەندییەکی تریشی زیاد کردووە لەوانە دەرئەنجامی گەڕانەکانی پێشوو ئەمەش بۆ ئەوەی وا لە بەکارهێنی ئاسایی بکات بە ئاسانی و بە تەواوی بگات بەو فایلەی کە خۆی دەیەوێت
هەروەها بەکارهێن دەتوانێت هەر فایلێک ، بەڵگەنامەیەک ، ڕاپۆرتێکی نهێنی بڵاو بکاتەوە
پێشکەشکردنی ئەم تایبەتمەندییەی ویکیلیکس بۆ ئەو ڕاپۆرتانەیە کە پەیوەستن بە چەند بابەتێکی دیاری کراوەوە وەک دزەکردنی ڕاپۆرتە سەربازییە نهێنییەکان سەبارەت بە جەنگی عێراق یان جەنگی ئەفغانستان و ڕەوشتی سوریا
ئامادەکردنی :ئارام احمد
18/02/2014
ره‌جه‌ب ته‌یب ئه‌ردۆغان، سه‌رۆك وه‌زیرانی توركیا داوایكرد گه‌نجانی توركیا نه‌بنه كۆیله‌ی ئینته‌رنێت وپێشی وایه به‌كار هێنانی به‌شێوه‌یه‌كی خراپ ده‌بێته هه‌ڕه‌شه‌یه‌كی گه‌وره.
له‌كاتی دابه‌شكردنی ئامێری كۆمپیوته‌ر به‌سه‌ر ژماره‌یه‌ك خوێندكاری قوتابخانه‌كاندا، ئه‌ردۆغان وتی: حكومه‌تی ئه‌نقه‌ره رێوشوێنی زیاتر ده‌گرێته‌به‌ر بۆ چاودێریی كردنی ئینته‌رنێت، هاوكات داواشیكرد، گه‌نجان و هاوڵاتیانی توركیا نه‌بنه كۆیله‌ی ئینته‌رنێت و كۆمپیوته‌ر.
له‌به‌رده‌م خوێندكاران و مامۆستایانی ژماره‌یه‌ك له قوتابخانه سه‌ره‌تایی و ناوه‌ندییه‌كانی ئه‌نقه‌ره، ئه‌رۆدغان وتی: ئینته‌رنێت ده‌زگایه‌كی زۆر گرنگه له‌ژیانی مرۆڤدا، ئه‌وه‌شی راگه‌یاند، "گه‌ر ئینته‌رنێت به‌عه‌قڵه‌یه‌تێكی شه‌ڕه‌نگێزیه‌وه به‌كار بهێنرێت، ئه‌وا ده‌بێته كاره‌سات و هه‌ڕه‌شه‌یه‌كی گه‌وره له‌م سه‌رده‌مه‌ی ئێمه‌دا".
هه‌وڵه‌كانی حكومه‌تی ئه‌نقه‌ره بۆ چاودێریی زیاتری ئینته‌رنێت، بۆته مایه‌ی ره‌خنه‌و گله‌یی فراوانی ناوه‌نده جه‌ماوه‌ریه‌كانی توركیا.
18/02/2014
دوای ئه‌وه‌ی له‌دوو ساڵی رابردوو یادی رۆژی جیهانی زمانی دایك له هه‌رێمی كوردستان كرایه‌وه، به‌رپرسانی ئه‌كادیمیای كوردی رایده‌گه‌یه‌نن بۆ ئه‌م ساڵ ئه‌و یاده ناكرێته‌وه و به‌رنامه‌ی بۆ دانه‌نراوه.
نه‌جات عه‌بدوڵا، سكرتێری ئه‌كادیمیای كوردی به خه‌ندانی راگه‌یاند: هه‌رچه‌نده له دوو ساڵی رابردوودا له رۆژی جیهانی زمانی دایك كه ده‌كاته 21/2 رێوره‌سمی تایبه‌ت به‌ڕێوه‌چوو و یادی ئه‌و رۆژه كرایه‌وه، به‌ڵام بۆ ئه‌مساڵ له لایه‌ن ئه‌كادیمیای كوردی ئه‌و یاده ناكرێته‌وه و بۆ ئه‌و مه‌به‌سته هیچ به‌رنامه‌یه‌ك دانه‌ندراوه.
له لایه‌نخۆیه‌وه تارق جه‌مباز، شاره‌زا له‌بواری یاسای زمان راگه‌یاند: به‌مه‌به‌ستی رێزگرتن له زمانی دایك و گرنگیدان به زمانی نه‌ته‌وه‌كان كه ژماره‌یان شه‌ش هه‌زار زمانه، ماوه‌ی 14ساڵه رۆژی جیهانی زمانی دایك كه ده‌كاته 21/2 له لایه‌ن رێكخراوی یونسكۆوه له هه‌موو جیهان ده‌كرێته‌وه، بۆیه هه‌رێمیش یه‌كه‌مجار له ساڵی 2012 له كوردستان ئه‌و یاده‌كرایه‌وه.
له‌باره‌ی رۆژی جیهانی زمانی دایك د. نوری تاڵه‌بانی، سه‌رۆكی ئه‌كادیمیای كوردی پێیراگه‌یاندین: ئه‌و رۆژه تایبه‌ته به زمانی جیهانی دایك، كاتێك له ساڵی 1952 له وڵاتی پاكستان ویستیان زمانه‌كه‌یان به‌سه‌ر هه‌موو وڵات بسه‌پێنن، به‌ڵام له‌و به‌شه‌ی كه ئێستا وڵاتیكی سه‌ربه‌خۆیه به‌ناوی به‌نگلادش، دژی ئه‌و بڕیاره وه‌ستان و سه‌ربه‌خۆیی زمانی خۆیان راگه‌یان كه زمانی (به‌نگۆلیه) ئه‌وكاته خوێنێكی زۆر رژا، ئه‌مه‌ش وایكرد رێكخراوی نێوده‌وڵه‌تی یونسكۆ، ساڵانه یادی ئه‌و رۆژه وه‌ك زمانی دایك بكاته‌وه، به‌و مانایه‌ی هه‌موو گه‌لانی جیهان مافی خۆیانه به زمانی دایك قسه بكه‌ن.
18/02/2014
د. به‌رهه‌م و باڵیۆزی ئێران له هه‌ولێر دۆخی ناوچه‌كه‌و دواین گۆڕانكارییه‌كان تاووتوێ ده‌كه‌ن و ته‌ئكیدیش له‌سه‌ر په‌ره‌پێدانی په‌یوه‌ندییه‌كانی نێوان هه‌رێم و كۆماری ئیسلامی ئێران ده‌كه‌نه‌وه.
ئێواره‌ی ئه‌مڕۆ 17/2/2014 د. به‌رهه‌م ساڵح له شاری هه‌ولێر پێشوازی كرد له حه‌سه‌ن دانای فه‌ڕ، باڵیۆزی ئێران له عیراق و شاندێكی كونسوڵخانه‌ی ئێران له هه‌ولێر.
له دیدارێكدا گفتوگۆ كرا سه‌باره‌ت به دۆخی سیاسی عیراق و كوردستان و رووداو و گۆرانكاریه‌كانی ناوچه‌كه.
له‌به‌شێكی دیكه‌ی دیداره‌كه‌دا به‌بایه‌خه‌وه باس له په‌یوه‌ندیه‌كانی نێوان هه‌رێمی كوردستان‌و كۆماری ئیسلامی ئێران كراو ته‌ئكید له‌سه‌ر په‌ره‌پێدانی په‌یوه‌ندیه‌كان كرایه‌وه بوَ خزمه‌تی هه‌ردوو گه‌لی دراوسێ.
هه‌ر ئێواره‌ی ئه‌مڕۆ دووشه‌ممه د . به‌رهه‌م ساڵح له شاری هه‌ولێر پێشوازی كرد له وه‌فدێكی په‌رله‌مانی به‌ریتانی به سه‌روَكایه‌تی ئه‌لیسته‌ر بورت.
له‌دیدارێكدا د . به‌رهه‌م باسێكی كورتی بارودوَخی كوردستان و عیراق و ناوچه‌كه‌ی كرد بوَ وه‌فده‌كه.
لای خۆشیانه‌وه وه‌فدی میوان وێڕای سوپاسكردنی بۆ ئه‌و پێشوازیه گه‌رمه خۆشحاڵی خۆیان ده‌ربری كه سه‌ردانی كوردستانیان كردووه تا له نزیكه‌وه ئاشنای بارودوَخه‌ی ناوچه‌كه بن.
له به‌شێكی دیكه‌ی دیداره‌كه‌دا هه‌ر دوو لا به بایه‌خه‌وه باسیان له په‌یوه‌ندییه‌كانی هه‌رێمی كوردستان وه‌ڵاتی به‌ریتانیا كرد.
18/02/2014
بەڕێوەبەری ئەوقافی پارێزگای ئەسفەهان رایگەیاند، 16 كەس، كە بەسزای لەسێدارەدان حوكمدرابوون، لەبەركردنی قورئان ژیانی دووبارەی بۆیان بە دیاری هێنا.
رەزا سادقی، بەڕێوەبەری ئەوقافی پارێزگای ئەسفەهان گوتی: "ئەو 16 كەسە، كە 5یان ژن و 11یان پیاو بوون، لە ماوەی زیندانیكردنیان، توانیان 5 بەش یان زۆرتر لە قورئانی پیرۆز لەبەر بكەن".
رەزا سادقی زیاتر گوتی: "هەر ئەوەش بووە هۆی ئەوەی حوكمەكەیان هەمواركرایەوە و كرا بە زیندانی هەتاهەتایی، كە یەكێكیان حوكمەكەی كرا بە 15 ساڵ زیندانیكردن".
بەڕێوەبەری ئەوقافی پارێزگای ئەسفەهان سەبارەت بە چۆنێتی ئەو یاسایە گوتی: "بەپێی پەیڕەوی ئەوقاف، ئەو زیندانیانەی لە ماوەی زیندان تاوەكو جێبەجێكردنی حوكمەكەیان، هەوڵبدەن قورئان لەبەر بكەن و كارناسانی ئێمە دانی پێدابنێن، لە هەندێك سزای تووند وەك لەسێدارەدان و زیندانی هەتاهەتایی رزگار دەبن".
كۆماری ئیسلامی ئێران لەو وڵاتانەیە، كە زۆرترین رێژەی لەسێدارەدانی تێدا تۆماردەكرێت و بە پێی ئاماری مافی مرۆڤ، لە دوای چین دووەم وڵاتی جیهانە لە رووی لەسێدارەدانی هاووڵاتییانیەوە.
17/02/2014
بەڕێوەبەری ئەوقافی پارێزگای ئەسفەهان رایگەیاند، 16 كەس، كە بەسزای لەسێدارەدان حوكمدرابوون، لەبەركردنی قورئان ژیانی دووبارەی بۆیان بە دیاری هێنا.
رەزا سادقی، بەڕێوەبەری ئەوقافی پارێزگای ئەسفەهان گوتی: "ئەو 16 كەسە، كە 5یان ژن و 11یان پیاو بوون، لە ماوەی زیندانیكردنیان، توانیان 5 بەش یان زۆرتر لە قورئانی پیرۆز لەبەر بكەن".
رەزا سادقی زیاتر گوتی: "هەر ئەوەش بووە هۆی ئەوەی حوكمەكەیان هەمواركرایەوە و كرا بە زیندانی هەتاهەتایی، كە یەكێكیان حوكمەكەی كرا بە 15 ساڵ زیندانیكردن".
بەڕێوەبەری ئەوقافی پارێزگای ئەسفەهان سەبارەت بە چۆنێتی ئەو یاسایە گوتی: "بەپێی پەیڕەوی ئەوقاف، ئەو زیندانیانەی لە ماوەی زیندان تاوەكو جێبەجێكردنی حوكمەكەیان، هەوڵبدەن قورئان لەبەر بكەن و كارناسانی ئێمە دانی پێدابنێن، لە هەندێك سزای تووند وەك لەسێدارەدان و زیندانی هەتاهەتایی رزگار دەبن".
كۆماری ئیسلامی ئێران لەو وڵاتانەیە، كە زۆرترین رێژەی لەسێدارەدانی تێدا تۆماردەكرێت و بە پێی ئاماری مافی مرۆڤ، لە دوای چین دووەم وڵاتی جیهانە لە رووی لەسێدارەدانی هاووڵاتییانیەوە.
بەڕێوەبەری ئەوقافی پارێزگای ئەسفەهان رایگەیاند، 16 كەس، كە بەسزای لەسێدارەدان حوكمدرابوون، لەبەركردنی قورئان ژیانی دووبارەی بۆیان بە دیاری هێنا.رەزا سادقی، بەڕێوەبەری ئەوقافی پارێزگای ئەسفەهان گوتی: "ئەو 16 كەسە، كە 5یان ژن و 11یان پیاو بوون، لە ماوەی زیندانیكردنیان، توانیان 5 بەش یان زۆرتر لە قورئانی پیرۆز لەبەر بكەن".
رەزا سادقی زیاتر گوتی: "هەر ئەوەش بووە هۆی ئەوەی حوكمەكەیان هەمواركرایەوە و كرا بە زیندانی هەتاهەتایی، كە یەكێكیان حوكمەكەی كرا بە 15 ساڵ زیندانیكردن".
بەڕێوەبەری ئەوقافی پارێزگای ئەسفەهان سەبارەت بە چۆنێتی ئەو یاسایە گوتی: "بەپێی پەیڕەوی ئەوقاف، ئەو زیندانیانەی لە ماوەی زیندان تاوەكو جێبەجێكردنی حوكمەكەیان، هەوڵبدەن قورئان لەبەر بكەن و كارناسانی ئێمە دانی پێدابنێن، لە هەندێك سزای تووند وەك لەسێدارەدان و زیندانی هەتاهەتایی رزگار دەبن".
كۆماری ئیسلامی ئێران لەو وڵاتانەیە، كە زۆرترین رێژەی لەسێدارەدانی تێدا تۆماردەكرێت و بە پێی ئاماری مافی مرۆڤ، لە دوای چین دووەم وڵاتی جیهانە لە رووی لەسێدارەدانی هاووڵاتییانیەوە. - See more at: http://rudaw.net/sorani/middleeast/iran/15022014#sthash.Mcoht63Z.dpuf
سەنتەرێکی نێودەوڵەتی توێژینەوە لەبارەی تیرۆر و ململانێی چەکداری رایگەیاند، ژمارەی هێرشە خۆکوژییەکان لە عێراق لە دوو ساڵی رابردوو چوار هێندە بەرزبووەتەوە و عێراق لە ساڵی رابردوو سێ هێندەی سووریا هێرشی (تیرۆریستی) بەخۆیەوە بینیوە.
ماسیۆ هینمان، بەڕێوەبەری سەنتەری نێودەوڵەتی توێژینەوە لەبارەی تیرۆر و ململانێی چەکداری رایگەیاند: "رێژەی هێرشی تیرۆریستی لە 2013 لە ئاستی هەموو جیهان بە بەراورد لەگەڵ ساڵی 2009 لە 150% بەرزبووەتەوە و ژمارەی ئەو هێرشانە لە ئاستی جیهان لەهەمان ساڵ گەیشتە 18 هەزار و 524 هێرش".
هینمان گوتیشی "ژمارەی هێرشە خۆکوژییەکان لە عێراق لە دوو ساڵی رابردوو چوار هێندە بەرزبووەتەوە و عێراق لە ساڵی رابردوو سێ هێندەی سووریا هێرشی (تیرۆریستی) بەخۆیەوە بینیوە".
ئەمە لەکاتێکدایە نێردەی تایبەتی نەتەوە یەکگرتووەکان بۆ عێراق (یۆنامی)، پێشتر رایگەیاند، لە ساڵی 2013، عێراق بەهۆی تەقینەوە و کردەوەی چەکداری، 2 هەزار و 104 کوژراوی هەبووە.
17/02/2014
وازهێنان لە جگەرە دەبێتە هۆی چالاک کردنی خانەکانی مێشک، هەروەها بە چارەسەرێکی سەرەکی دادەنرێت بۆ بێتاقەتی و دڵتەنگی ئەمەش بە پێی ئەو تۆژینەوەیە بوو کە لە گۆڤارێکی پزیشکی " بریتیش میدیکال جۆرناڵ" بڵاوکرایەوە.
تویژینەوە بەڕیتانییەکان پاش ئەنجامدانی 26 توێژینەوە، توانیان کاریگەری وازهێنان لە جگەرە بزانن لەسەر دلتەنگی و بێتاقەتی، گەشتنە ئەو ئەنجامەی کە جگەرە زیان بە باری دەرونی کەسەکە دەگەینێت، وازهێنان لە جگەرە هۆکاری سەرەکییە بۆ چارەسەرکردنی دڵتەنگی و بێتاقەتی.
توێژینەوەکان هەوڵێکی زۆریان دا تا بتوانن باری دەرونی کەسەکە بزان پاش وازهێنان لە جگەرە و لە ئەنجامدا دەرکەوت کە ئەم کەسانە پاش وازهێنانیان لە جگەرە بە جۆرێکی دیکە سەیری ژیانیان کردوە و لە دڵتەنگی و قەلەقی و بێتاقەتی ڕزگاریان بوو
17/02/2014
سه‌رۆكی فه‌نزوێلا فه‌رمان ده‌دات به ده‌ركردنی سێ فه‌رمانبه‌ری باڵیۆزخانه‌ی ولایه‌ته یه‌كگرتووه‌كانی ئه‌مریكا له وڵاته‌كه‌ی.
به‌پێی هه‌واڵێكی سایتی عه‌ره‌بییه، نیكۆلاس مادۆرۆ، سه‌رۆكی فه‌نزوێلا ئه‌و سێ فه‌رمانبه‌ره‌ی باڵیۆزخانه‌ی ئه‌مریكای تۆمه‌تباركردووه به‌وه‌ی له‌گه‌ڵ ژماره‌یه‌ك له‌و خوێندكاره ناڕازییانه كۆبوونه‌ته‌وه كه له زانكۆ ئه‌هلییه‌كانی ئه‌و وڵاته ده‌خوێنن و ماوه‌ی دوو هه‌فته‌یه له‌دژی ده‌سه‌ڵات راپه‌ڕیوون.
له لێدوانێكی ته‌له‌فزیۆنیدا، نیكۆلاس مادۆرۆ رایگه‌یاند كه وه‌زیری ده‌ره‌وه‌ی وڵاته‌كه‌ی ورده‌كاریی زیاتر له‌سه‌ر كۆبوونه‌وه‌كه‌ی نێوان ئه‌و سێ دیپلۆماتكاره ئه‌مریكاییه بڵاوده‌كاته‌وه، بێئه‌وه‌ی ناوی هیچكام له‌و دیپلۆماتكاره بهێنێت.
ماوه‌ی دوو هه‌فته‌یه خوێندكارانی فه‌نزوێلا ده‌ستیان به خۆپیشاندان و ناڕه‌زایی كردووه و له رۆژی چوارشه‌ممه‌ی رابردووشه‌وه، ره‌وشی خۆپیشاندانه‌كان به‌ره‌و توندوتیژی چووه، هه‌ر به‌وهۆیه‌شه‌وه تائێستا سێ كه‌س كوژراون و 60ی دیكه‌ش برنیداربوون.
پێشتریش حكومه‌تی فه‌نزوێلا، ولایه‌ته یه‌كگرتووه‌كانی ئه‌مریكای تۆمه‌تباركرد به‌وه‌ی هه‌وڵی تێكدانی سه‌قامگیریی ره‌وشی دیموكراسیی وڵاته‌كه‌ی ده‌دات و له كۆتایی مانگی كانوونی یه‌كه‌می رابردووش سه‌رۆكی ئه‌و وڵاته سێ دیپلۆماتكاری دیكه‌ی ئه‌مریكای ده‌ركرد.
17/02/2014
رۆژنامه‌ی واشنتۆن پۆست، كورد و هه‌رێمی كوردستان به ناوچه‌یه‌كی پڕ بایه‌خ ده‌ناسێنێت له په‌یوه‌ندییه‌كانی ئه‌مه‌ریكا و به‌پێویستیشی ده‌زانێت ئیداره‌ی سه‌رۆك ئۆباما و كۆنگرێس به‌رامبه‌ر به كوردستان چاو به په‌یوه‌ندییه‌كانیاندا بخشێننه‌وه بۆیه پێشنیاز ده‌كات "ده‌رگاكان به‌رووی كورد دا بكه‌نه‌وه".
واشنتۆن پۆست له ژماره‌ی دوێنێ یه‌كشه‌ممه‌دا راپۆرتێكی له باره‌ی په‌یوه‌ندییه‌كانی ئه‌مه‌ریكا و كوردستان بڵاوكردۆته‌وه و نووسیویه‌تی: "له كاتێكدا هێشتا له عێراق و سوریا دا خوێنڕێژی و شه‌ڕ به‌رده‌وامه، بۆ ئه‌مه‌ریكا زۆر گرنگه په‌یوه‌ندییه‌كانی له‌گه‌ڵ هاوپه‌یمانه‌كانی بپارێزێت".
له‌م روانگه هه‌رێمی كوردستان به‌یه‌كێك له هاوپه‌یمانه‌كانی ئه‌مه‌ریكای دیاری كردووه كه له‌گه‌ڵ هه‌ر یه‌ك له توركیا، سوریا و ئێران سنووری هاوبه‌شی هه‌یه.
زیاتر ئاماژه‌یداوه كه كوردستان، هه‌رێمێكی دیموكراسی و سێكۆلاره و له‌گه‌ڵ ئه‌وه‌ی رووی دۆستایه‌تی زیاتر رووه‌و رۆژئاوایه، هاوكات دژ به رێكخراوی تیرۆریستی قاعیده‌یه كه ئێستا له عێراق و سوریا چالاكییان هه‌یه.
واشنتۆن پۆست نووسیویه‌تی: ئه‌م خاڵانه و چه‌ند خاڵێكی دیكه هه‌ن بایه‌خی هاوپه‌یمانێتی نێوان ئه‌مه‌ریكا و هه‌رێمی كوردستان دیاری ده‌كات، هه‌ر بۆیه جێی سه‌رسوڕمان نه‌بوو كه سه‌رۆك مه‌سعود بارزانی داوه‌تی واشنتۆن كرابوو كه راسته‌وخۆ دیداری هه‌بێت له‌گه‌ڵ سه‌رۆك باراك ئۆباما، له‌گه‌ڵ ئه‌وه‌شدا بڕیاری سه‌رۆك بارزانی له دواخستنی ئه‌م دیداره جێگه‌ی تێڕامانه.
پێیوایه هۆكاره‌كه‌ی بارزانی بۆ نه‌چوونه ئه‌مه‌ریكا ئه‌وه‌یه كه تاوه‌كوو ئێستا ئیداره‌ی ئه‌مه‌ریكا نه‌یتوانیوه هه‌ر یه‌ك له پارتی دیموكراتی كوردستان و یه‌كێتی نیشتمانی كوردستان له لیستی ره‌ش ده‌ربهێنێت.
لیستی ره‌شی ئه‌مه‌ریكا له 2001ـه‌وه له سه‌رده‌می ده‌سه‌ڵاتی جۆرج بوش ده‌رچووه له سه‌ر بنه‌مای ئه‌وه‌ی هه‌ر هێزێكی چه‌كداری دژ به ده‌وڵه‌ته‌كه‌ی خۆیان بوه‌ستنه‌وه، ئه‌وا ئه‌و هێزانه خراونه‌ته ریزبه‌ندی ئه‌و لیسته ره‌شه كه به‌شێوه‌ی گشتگیڕ گه‌ڵاڵه كراوه.
به‌پێی راپۆرته‌كه‌ی واشنتۆن پۆست، ده‌وڵه‌تی ئۆباما كه‌مته‌رخه‌می ئه‌و بڕیاره‌ی خستۆته ئه‌ستۆی كۆنگرێس و پێیوایه هه‌ر گۆڕانكارییه‌ك له لیستی ڕه‌شدا له ده‌سه‌ڵاتی كۆنگرێس دایه، به‌ڵام به‌ڕای لۆبییه كورده‌كانی له واشنتۆندان، هه‌ر گۆڕانكارییه‌ك له‌و لیسته ره‌شه‌دا ته‌نیا پێویستی به‌یه‌ك ئاماژه‌ی ئیداره‌ی ئۆباما هه‌یه، ئه‌وسا ئه‌ركی گۆڕانكاریی ده‌كه‌وێته ئه‌ستۆی كۆنگرێس.
هه‌روا ئاماژه‌یداوه كه ئه‌مه‌ریكا له درێژه‌دان به بریاری لیستی ره‌ش، زیان به په‌یوه‌ندییه‌كانی نێوان ئه‌مه‌ریكا و كوردستان ده‌گه‌یه‌نێت و ته‌نیا لایه‌نی خه‌تاباریش ئه‌مه‌ریكایه.
له به‌شێكی دیكه‌ی راپۆرته‌كه‌یدا، نووسیویه‌تی: سیناتۆر جۆن ما‌كین پێشتر هه‌وڵی لادانی ئابلۆقه‌ی سه‌ر هه‌رێمی كوردی داوه‌و ئێستاش پلانی له‌به‌رده‌ستدایه به پشتیوانی ئیداره‌ی ئۆبۆما له چه‌ند هه‌فته‌یه‌كی داهاتوودا چاره‌سه‌ری بۆ ئه‌م كێشه‌ی نێوان په‌یوه‌ندییه‌كانی ئه‌مه‌ریكا و هه‌رێمی كوردستان بدۆزێته‌وه.
به‌ڕای واشنتۆن پۆست، پێویسته كۆنگرێس خێراتر كاره‌كانی رایی بكات و دووباره چاو به به‌رنامه‌كانی دابخشێنێته‌وه، ئه‌گه‌ڵ ئه‌وه‌شدا كاتێكی تر بۆ سه‌ردانه‌كه‌ی سه‌رۆكی بارزانی بۆ ئه‌مه‌ریكا دیار بكاته‌وه.
pna
17/2/2014
به‌رپرسه ئه‌منیه‌كانی به‌ریتانیا بڵاویانكردۆته‌وه، ئه‌وان كه‌وتوونه‌ته حاڵه‌تی ئاماده‌باشیه‌وه، چونكه ژماره‌یه‌كی زۆری چه‌كدار كه پێشتر له سوریا بوون، گه‌ڕاونه‌ته‌وه وڵاته‌كه‌ی خۆیان.
به‌پێی هه‌واڵێكی پێگه‌ی (سه‌ندای تایمز) به‌رپرسانی ده‌زگای ئه‌منیه‌كانی به‌ریتانیا بڵاویانكردۆته‌وه، نزیكه‌ی 250 هاوڵاتی وڵاته‌كه‌ی كه پێشتر له رێزی چه‌كدارانی ئۆپۆزسیۆنی سوریا شه‌ڕیانكردووه، گه‌ڕاونه‌ته‌وه بۆ وڵاته‌كه‌یان و ئه‌گه‌ری ئه‌وه هه‌یه كاری تیرۆرستی ئه‌نجام بده‌ن.
له درێژه‌ی ئه‌و هه‌واڵه‌دا هاتووه، ئه‌و ئاماره پێنج هێنده‌ی ئه‌و ژماره‌یه كه پێشبینی ده‌كرێت، ئه‌وه‌ش نیگه‌رانی لای هێزه ئه‌منیه‌كان دروستكردووه.
هێزی ئه‌منی ناوخۆی به‌ریتانیا(ئێم ئای 5) پێش وه‌رزی پایز له‌گه‌ڵ هێزه‌كانی پۆلیس توانیویانه، گروپێك له‌وانه‌ی گه‌ڕاونه‌ته‌وه بۆ وڵات، ده‌ستنیشانیان بكه‌ن، رێوشوێنی رێگریكردن لێیان بگرنه به‌ر، چونكه ئه‌و گروپه ویستبویان به شێوه‌ی هه‌ڕه‌مه‌كه‌ی له بازاڕه قه‌ره‌باڵغه‌كانی له‌نده‌ن به‌شێوه‌ی هه‌ڕه‌مه‌كی ته‌قه بكه‌ن.
هێزه ئه‌منیه‌كان ئاماژه‌یان به‌وه‌كردووه، 250 كه‌س گه‌ڕاونه‌ته‌وه و پێشتریش هه‌ندێك له‌و كه‌سانه له پاكستان و ئه‌فغانستان شه‌ڕیانكردووه.
17/02/2014
وەزیری گواستنەوەی عیراق، ئاشكرایكرد، ئەنجومەنی وەزیران بەڕەسمی رەزامەندی دەربڕیوە لەبەرامبەر رایەڵكردنی هێڵێكی بۆری نەوت لەعیراقەوە بەرەو ئەردەن.
ئاژانسی هەواڵی بەترای ئەردەن بڵاویكردەوە، "هادی عامری وەزیری گواستنەوەی عیراق، بە عەبدوڵا نسور، سەرۆك وەزیرانی ئەردەنی راگەیاندووە كە ئەنجومەنی وەزیرانی عیراق رەزامەندی پیشانداوە لەسەر رایەڵكردنی هێڵێكی نەوت لەنێوان عیراق و ئەردەن"، ئەوەشی خستەڕوو كە، عامری باسی لەوەكردووە كە پرۆژەی رایەڵكردنی هێڵە نەوتەكە دەسپێردرێت بە كۆمپانیای پسپۆڕ لەوبوارەدا.
ئەمڕۆ شەممە، ( 15 شوبات 2014) عەبدوڵا نسور، سەرۆك وەزیرانی ئەردەن لەگەڵ هادی عامری، وەزیری گواستنەوەی عیراق كۆبۆوە كە بۆ مەبەستی بەشداریی كردن لە كۆبوونەوەی بەرپرسانی هەردوو وەزارەتی گواستنەوەی عیراق و ئەردەن سەردانی ئەردەنی كردووە.
پێشتر حسێن شەهرستانی، جێگری سەرۆك وەزیرانی عیراق بۆ كاروباری وزە باسی لەوەكردبوو كە پرۆژەی رایەڵكردنی هێڵی بۆری نەوت لە عیراق بەرەو بەندەری عەقەبەی ئەردەن، چۆتە بواری دیزاینەوە و ئەوەشی خستەڕوو كە دانیشتوانی پارێزگای ئەنبار سودمەندی سەرەكی دەبن لەو پرۆژەیە.
16/02/2014
رۆژنامەی واشنتن پۆستی ئەمریكی لە راپۆرتێكدا ئاماژە بەوە دەكات، كە هەرێمی كوردستان بەردەوام بەهێزتر دەبێت. ئاماژەی بەوەشكردووە "ئۆباما و كۆنگرێس سەركەوتوو نەبوون لە باشتركردنی پەیوەندییەكانی نێوان كورد و ئەمریكا". لە راپۆرتەكەی واشنتن پۆستدا كە وەك نووسراوە دەستەی بەڕێوەبەرانی رۆژنامەكە بابەتەكەیان هەڵبژاردووە، تێیدا هاتووە "لە كاتێكدا شەڕ لە عێراق و سووریا بەردەوامیی هەیە، یەكێك لە هاوپەیمانەكانی ئەمریكا كە هەرێمی كوردستانە بەردەوام بەهێزتر دەبێت، جێگەی سەرسوڕمان نییە كە ئۆباما داوەتێكی فەرمی بۆ سەرۆكایەتی ئەو هەرێمە نارد بۆ ئەوەی لەگەڵیان كۆبێتەوە". بە بڕوای نووسەری راپۆرتەكە نەچوونی مەسعود بارزانی بۆ ئەمریكا بەشێوەیەكی چاوەڕواننەكراو كەمێك نیگەرانی دروستكرد، بەڵام وەك رۆژنامەكە ئاماژەی بۆ دەكات كە مەسعود بارزانی نەچووەتە ئەمریكا، "چونكە ئەمریكا و كۆنگرێس نەیانتوانیوە سەرچاوەی كێشەو ناكۆكییەكانی نێوان خۆیان و كورد چارەسەر بكەن". لە بەشێكی دیكەی راپۆرتەكەی رۆژنامەی واشنتن پۆستدا باس لە هۆكاری نەچوونی بارزانی بۆ ئەمریكا دەكات و بە پشتبەستن بە زانیارییەكانی تۆڕی میدیایی رووداو دەنووسێت "بوونی پارتی و یەكێتی لە ریزی ئەو رێكخراوانەی كە ئەمریكا بە تیرۆرستیان دەزانن، هۆكاری نەچوونی بارزانییە بۆ ئەمریكا، ئەمەش لەكاتێكدا كە كورد پێش رووخانی سەدام یارمەتی ئەمریكای دا بۆ رووخاندنی رژێمی بەعس". بە پێی راپۆرتەكەی رۆژنامەی واشنتن پۆست هۆكاری كێشەكانی نێوان كورد و ئەمریكا بەمدواییە یاسای پاتریۆتە، كە یاسایەكە تایبەتە بە ئاگاداركردنەوەی حكومەتی ئەمریكا لە هەڕەشەكان. هەر لە راپۆرتەكەدا هاتووە "پارتی و یەكێتی تەنیا قوربانی ئەو یاسایە نین، بەڵكو كۆمەڵێك كەسانی دیكە كە بەشێوەیەكی لاوەكی بارزگانییان كردووە لەگەڵ قاعیدە چوونەتە ریزی ئەو رێكخراوانە، یان ئەوانەی كە دژی رژێمە چەوسێنەرەكان شەڕیان كردووە، ئەوانیش براونەتە ریزی ئەو گرووپانە". واشنتن پۆست نووسیویەتی "ئەو یاسایە تەنیا وەك سیمبول ماوەتەوە، چونكە تێیدا هاتووە ئەوانەی لە ریزی ئەو گرووپانە بن ڤیزای ئەمریكایان پێنادرێت، هەر بۆیە مەسعود بارزانی و زۆربەی بەرپرسانی هەرێمی كوردستان دەگرێتەوە، لەكاتێكدا ئەمریكا خۆی بانگهێشتی بارزانی كرد بۆ ئەوەی بچێتە ئەمریكا". لەبەشێكی دیكەی بابەتەكەدا هاتووە "ئەمریكا چەندین ساڵە بەڵێنی بە كورد داوە بە لابردنی هەندێك سزا، بەڵام لەوە كارەش سەركەوتوو نەبووە". بەبڕوای نووسەری بابەتەكە ئیدارەی ئۆباما ئێستا هە‌وڵدەدات چارەسەرێكی یاسایی بۆ ئەو بابەتە بدۆزێتەوە، بەتایبەتیش بۆ ئەو دوو پارتەی هەرێمی كوردستان، چونكە هەر دەستكارییەك لە یاسای پاتریۆت، ئەنجوومەنی پیرانی ئەمریكا پێشوازی لێدەكات، لە رابردووشدا ئەو ئەنجوومەنە داوای هەمواركردنەوەی ئەو یاسایەی كردبوو، هەربۆیە دەكرێت بە تەنیا چاككردنی یاسایەك نێوان ئەمریكا و كورد دووبارە باش بێتەوە. لە دوابەشی راپۆرتەكە داهاتووە " ئەوەی گرنگە، كە مانەوەی ئەو یاسایە و هێشتنەوەی ئەو دوو پارتە لە لیستی رەشی ئەمریكا زیان بە پەیوەندی ئەمریكا لەگەڵ هاوپەیمانێكی دەگەیەنێت، هەر هەنگاوێكی هەڵەش بەتەواوی بەسەر واشنتن دەشكێتەوە. سیناتۆر جۆن مەكەین هەوڵی زۆری داوە تا ئابڵووقەی سەر كورد هەڵگیرێت، چاوەڕێش دەكرێت لە چەند هەفتەی داهاتوو پرۆژەیەك بۆ ئەم بابەتە پێشكەش بە ئەنجوومەنی پیران بكات، ئۆباما وئیدارەكەشی دەبێت بە خێرایی بەدواداچوون بۆ بابەتەكە بكەن".
رووداو- واشنتۆن پۆست 16/2/2014
رابەری رەوتی سەدری شیعە مەزهەب لە عێراق، رایگەیاند، کە بەیەکجاری دەستبەرداری کاری سیاسی بوو و جارێکی دیکە لە سیاسەتەوە ناگلێتەوە. موقتەدا سەدر، رابەری رەوتی سەدر لە بەیاننامەیەکدا رایگەیاند: "بەهۆی ئەو گەندەڵییانەی کە بەناوی خانەوادەی سەدری دەکرێ، کە لە عێراق و دەرەوەی عێراق روودەدەن و ئەگەر هەیە لە داهاتووشدا رووبدەن و بۆ کۆتاییهێنان بە نەهامەتی گەلی عێراق بڕیارم دا بەیەکجاری دەستبەرداری کاری سیاسی ببم و جارێکی دیکە لە سیاسەتەوە ناگلێمەوە". سەدر گوتیشی "بڕیارم دا هەموو نووسینگەکانی شەهیدی سەدر لە عێراق و لە دەرەوەی عێراق دابخەم، چ لە ئاستی ئایینی بێ یان کۆمەڵایەتی یان سیاسی". رابەری رەوتی سەدر راشیگەیاند "لەمەودوا هیچ فراکسیۆنێکی سیاسی و هیچ پۆستێک چ لە نێو حکومەت بێ یان لە نێو پەرلەمانی عێراق یان لە دەرەوە نوێنەرایەتی من ناکەن و هەرکەسێکیش باس لە پێچەوانەی ئەم بڕیارەم بکات، رووبەڕووی بەرپرسارێتی شەرعی و یاسایی دەبێتەوە". هاوکات سەدر بڕیاری دا 19 دەزگای سەر بە رەوتەکەی بهێڵێتەوە و راستەوخۆ پەیوەندییان بە خۆیەوە هەبێ. ئەمە لەکاتێکدایە، موقتەدا سەدر، رابەری رەوتی سەدر پێشتر دەستبەرداربوونی لە کاری سیاسی راگەیاند و دواتر زۆری پێنەچوو لە بڕیارەکەی پاشگەز بوویەوە. هاوکات رەوتی سەدر فراکسیۆنێکی بە ناوی فراکسیۆنی ئەحرار لە نێو پەرلەمانی عێراقدا هەیە، کە نوێنەرایەتی رەوتەکە دەکات و نزیکەی 40 پەرلەمانتار لەخۆدەگرێ.
16/2/2014
نێرده‌ی نێوده‌وڵه‌تی بۆ چاره‌سه‌ری قه‌یرانی سوریا، داوای لێبوردنی له‌گه‌لی سوریا كرد به‌هۆی ئه‌وه‌ی حكومه‌ت و ئۆپۆزسیۆنی سوریا له كۆنگره‌ی جنێڤ دوو نه‌گه‌یشتنه هیچ رێچاره‌یه‌ك بۆ قه‌یرانی سوریا.
ئه‌خزه‌ر ئیبراهیمی، نێرده‌ی نێوده‌وڵه‌تی بۆ چاره‌سه‌ری قه‌یرانی سوریا ئاشكرایكرد، خولی دووه‌می كۆنگره‌ی جنێڤ دوو كۆتایی هات و هیچ واده‌یه‌كیش بۆ ده‌ستپێكردنه‌وه‌ی وتوێژه‌كان له‌نێوان و حكومه‌ت و ئۆپۆزسیۆنی سوریا ده‌ستنیشان نه‌كرا.
وتیشی: له خولی دووه‌می كۆنگره‌ی جنێڤ دوو هه‌ردوو لایه‌نی حكومه‌ت و ئۆپۆزسیۆنی سوریا رێكه‌وتن له‌سه‌ر كۆتایی هێنان به قه‌یرانی وڵاته‌كه‌یان، به‌ڵام رێنه‌كه‌وتن له‌سه‌ر میكانیزمێك بۆ جێبه‌جێ كردنی.
ئه‌خزه‌ر ئیبراهیمی رایگه‌یاند،" حكومه‌تی سوریا له‌وتوتوێژه‌كانیدا پێداگریی له‌سه‌ر مه‌سه‌له‌ی تیرۆر ده‌كات، ئۆپۆزسیۆنیش پێداگریی له‌سه‌ر ده‌سته‌ی حوكمی ئینتیقالی ده‌كات، بۆیه دانوستانه‌كان ئه‌نجامی یه‌كلایی كه‌ره‌وه‌ی لێ نه‌كه‌وته‌وه"، وتیشی: له‌به‌رابه‌مبه‌ر پێكنه‌هاتنی لایه‌نه جیاوازه‌كانی سوریا له‌كۆنگره‌ی جنێڤ دوو، داوای لێبوردن له‌گه‌لی سوریا ده‌كه‌م.
ئیبراهیمی هیوای خواست لایه‌نه ناكۆكه‌كانی سوریا بیر له‌ڕێچاره‌ی باشتر بكه‌نه‌وه بۆ جێبه‌جێ كردنی رێكه‌وتنه‌كانیان له‌باره‌ی كۆتایی هێنان به‌نه‌هامه‌تیه‌كانی سوریا.
16/02/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
