به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
به‌مه‌به‌ستی گفتوگۆكردن له‌باره‌ی كێشه‌كانی نێوان هه‌ردوو حكومه‌تی فیدڕاڵ و هه‌رێم، ئه‌مڕۆ سه‌رۆكی حكومه‌تی هه‌رێم و وه‌زیره كورده‌كانی حكومه‌تی فیدڕاڵ و سه‌رۆكی فراكسیۆنه كوردستانییه‌كان له ئه‌نجومه‌نی نوێنه‌ران و سه‌رۆكی فراكسیۆنه‌كانی په‌رله‌مانی كوردستان، كۆده‌بنه‌وه.
د. خه‌یروڵا حه‌سه‌ن، وه‌زیری بازرگانی عیراق، به خه‌ندانی راگه‌یاند: "ئه‌مڕۆ كاتژمێر 11:00 وه‌زیره كورده‌كانی حكومه‌تی فیدڕاڵ و سه‌رۆكی كوتله كوردستانییه‌كان له ئه‌نجومه‌نی نوێنه‌ران و سه‌رۆكی فراكسیۆنه‌كانی په‌رله‌مانی كوردستان، له‌گه‌ڵ نێچیرڤان بارزانی، سه‌رۆكی حكومه‌تی هه‌رێم كۆده‌بنه‌وه".
ئاماژه‌ی به‌وه‌شدا، كۆبوونه‌وه‌كه تاوتوێی كێشه‌كانی نێوان به‌غدا و هه‌ولێر ده‌كرێت، وتیشی : "وابریارە دۆسیەی نەوتی هەرێم و بودجە و كێشەكانی دیكه‌ی نێوان نێوان هەرێم و بەغداد گفتوگۆی له‌باره‌وه بكرێت".
دوای په‌سندكردنی بودجه‌ی گشتی عیراق له ئه‌نجومه‌نی وه‌زیران به‌بێ ره‌زامه‌ندی وه‌زیره كورده‌كان له‌سه‌ری، كێشه‌كانی نێوان حكومه‌تی هه‌رێم وحكومه‌تی فیدڕاڵ زیاتر قوڵبوونه‌وه، هه‌رچه‌نده چه‌ندكۆبوونه‌وه‌یه‌ك له نێوان هه‌ردوولا ئه‌نجامدران، به‌ڵام تائێستا نه‌گه‌شتوونه‌ته رێكه‌وتنی كۆتایی، هه‌ر به‌و هۆیه‌شه‌وه، تائێستا بودجه‌ی مانگی شوبات و له‌نێویشیدا مووچه‌ی مانگی شوباتی فه‌رمانبه‌رانی هه‌رێم، له به‌غداوه نه‌نێردراوه بۆ هه‌رێم.
23/02/2014
سهڵاحهدین ده‌میرتاشی هاوسه‌رۆکی به‌ده‌په له بتلیسه‌وه تانه‌ی زۆر توند له ره‌جه‌ب ته‌یب ئه‌ردۆغانی سه‌رۆک وه‌زیرانی تورکیا ده‌گرێت و ده‌ڵێت له کاتێکدا له بتلیس خه‌ڵک به ده‌ست برسێتی و بێ موچه‌ییه‌وه ده‌ناڵێنن تۆ له ڤیلا لوکسه‌کانتا خه‌ریکی سه‌یر و سه‌فایت نابێت بڵێیت " ئێمه نوێنه‌رایه‌تی سه‌عید نورسی ده‌که‌ین".
ئه‌مڕۆ 22-ی شوباتی 2014 سهڵاحهدین ده‌میرتاشی هاوسه‌رۆکی به‌ده‌په له‌میانه‌ی کردنه‌وه‌ی ئۆفیسه‌کانی هه‌ڵبژاردنی پارتی ئاشتی و دیموکراتی له‌شاری بتلیسی باکوری کوردستان له‌به‌رده‌م مزگه‌وتی ئولو جامیدا که تیایدا هه‌زاران هاوڵاتی به‌شداربوون وتارێکی پێشکه‌شکرد و تانه و ڕه‌خنه‌ی توندی له‌ره‌جه‌ب ته‌یب ئه‌ردۆغانی سه‌رۆک وه‌زیران گرت ، ده‌میرتاش به ئه‌ردۆغان ده‌ڵێت " دزی هه‌رکه‌سێک ده‌یکات بیکات له کێی ده‌دزێت بیدزێت به‌ڵام لێخۆشبوونی بۆ نییه ، 4،5 ملیۆن دۆلار له پاکه‌تی پێڵاودا دۆزرایه‌وه به‌ڵام که‌سێک بۆماوه‌ی مانگێک له زینداندا نه‌مایه‌وه .
ده‌میرتاش له درێژه‌ی قسه‌کانیدا به ئه‌ردۆغان ده‌ڵێت " له بتلیس خه‌ڵک به ده‌ست برسێتی و بێ موچه‌ییه‌وه ده‌ناڵێنن تۆ له ڤیلا لوکسه‌کانتا خه‌ریکی سه‌یر و سه‌فایت نابێت بڵێیت " ئێمه نوێنه‌رایه‌تی سه‌عید نورسی ده‌که‌ین" و نوێنه‌رایه‌تیکردنی به‌دیعولزه‌مان و بانگه‌شه‌کردنی ئیسلامه‌تی و موسڵمان بوون کارێکی ئاسان نییه ،"هه‌موو شتێک پێداگری و باوه‌ڕێکی پته‌وی ده‌وێت ، ئایا ئه‌گه‌ر که‌سێک له خوا بترسێت و باوه‌ڕی به‌مانه هه‌بێت دزی ده‌کات ؟ نازانن خوا له‌سه‌ر ئه‌مانه لێیان ده‌پرسێته‌وه ئه‌مانه له خوا ناترسن".
ده‌میرتاش ده‌شڵێت له‌مه‌ودوا شنه‌بای ئاشتی و ئارامی، ئازادی به‌سه‌ر ئه‌م کوردستانەدا دێت .
وه‌رگێرانی : هه‌ڵوێست ئه‌نوه‌ر
سه‌رچاوه: رادیکال
22/02/2014
رێكخراوی نەتەوە یەكگرتووەكان بۆ منداڵان ( یونیسێڤ) داوا دەكات 2 ملیار و 200 ملیۆن دۆلاری پێ ببەخشرێت بۆ ئەوەی بتوانێت كۆمەكی مرۆیی 85 ملیۆن كەس بكات لەسەرتاسەری جیهان كە 60 ملیۆن لەوانە منداڵن.
لەكۆنگرەیەكی رۆژنامەیی لە جنێڤ، تید شایبان، بەڕێوەبەری بەرنامەی فریاكەوتنی خێرای یونیسێڤ رایگەیاند،" نزیكەی سەدا 40 ئەو كۆمەكە بۆ زیانبەركەوتوانی قەیرانی ناوخۆی سوریا خەرج دەكرێت"، وتیشی: بۆ گۆڕینی رەوشی گوزەرانی ناوچە كارەساتبارەكانی وەك سوریا، پێویستە كۆمەكی مرۆیی بگەیەنین و هاوڵاتیانی مەدەنی بپارێزین، هەروەك پێویستیشە گیانی كارمەندانی بەهاناوەچوون لەمەترسی بپارێزین.
تید شایبان، ئەوەشی خستەڕوو كە، " یونیسێڤ بەردەوام لەخەمی ئەوەدایە چۆن دەستی بەمنداڵانی لێقەوماوی سوریا و وڵاتانی دەوروبەری بگات"، وتیشی: چەند هەنگاوێكمان لەو پێناوەدا ناوە لەهێڵی روبەروبوونەوەداین، ز‌ورێكمان بەدەستهێناوە، بەڵام پێویستمان بەئەنجامی زۆر شتی ترە.
شایبان ئەوەشی راگەیاند، كە یونیسێڤ لەتوانایدایە گۆڕانكاری راستەقینە بەسەر ژیانی ئەو منداڵانەدا بێنێت كە هاوكارییان دەكات، بەومەرجەی بتوانێت لەكاتی خۆیدا كۆمەكەك و هاریكارییە مرۆییەكان بگەیەنێتە دەستیان.
یونیسێڤ رێكخراوێكی سەر بەنەتەوە یەكگرتووەكانەو لە 11 كانونی یەكەمی ساڵی 1946 دامەزراوەو كار لەسەر كۆمەك گەیاندن بەمنداڵانی لێقەوماوو پەرتەوازە دەكات بەهۆی هەڵگیرسانی شەڕو كارەساتەكانی دیكەوە.
22/02/2014
بەرپرسی پەیوەندیەكانی دەرەوەی حكومەتی هەرێمی كوردستان ئاشكرایكرد، " "تا ئێستا هەرێمی كوردستان هیچ سوودێكی لە رێكەوتنامەكانی نێوان عێراق و یەكێتی ئەوروپا نەكردووە"، بەپیِویستیشی زانی گرووپێكی تایبەت بە هاوڕیانی كورد لە پەرلەمانی ئەوروپا دابمەزرێت تا پەیوەندیەكانی نێوان هەردوولا پتەوتر بكات.
لە سەردانێكیدا بۆ بارەگای سەرەكی یەكێتی ئەوروپا لە برۆكسل، فەلاح مستەفا بەرپرسی پەیوەندیەكانی دەرەوەی حكومەتی هەرێم لەگەڵ گرووپێك لە بەرپرسانی دامەزراوەی خزمەتگووزاری كاری دەرەوەی ئەوروپا (European External Action Service) كۆبووەوە و دەربارەی چەند پرسێكی سیاسی و ئاسایش لە عێراق و هەرێمی كوردستان وتوێژیان كرد.
هەر لەكۆبوونەوەكەدا بەرپرسی پەیوەندیەكانی دەرەوە وتی: گرنگە كۆمەڵگای نێودەوڵەتی و یەكێتی ئەوروپا كە كاربكەن بۆ دەستەبەر كردنی دوانەخستنی هەڵبژاردنی داهاتووی پەرلەمانی عێراق كە بڕیارە كۆتای مانگی چواری ئەمساڵ ئەنجام بدرێت، ئەوەشی خستەڕوو كە كێشەكانی هەرێم لەگەڵ بەغدا و مەسەلەی گرێبەستی نەوت لەگەڵ توركیا و نەناردنی بودجە لەلایەن حكومەتی بەغدا بۆ هەرێم ئاستەنگیان لەبەردەم پەیوەندییەكانی هەردوولا دروستكردووە.
لەدرێژەی كۆبوونەوەكەدا، فەلاح مستەفا ئەوەی ئاشكراكرد كە،" تا ئێستا هەرێمی كوردستان هیچ سوودێكی لە رێكەوتنامەكانی نێوان عێراق و یەكێتی ئەوروپا نەكردووە"، بەگرنگیشی زانی، یەكێتی ئەوروپا ئامادەیی لە هەرێمی كوردستان هەبێت.
لەبەشێكی دیكەی كۆبوونەوەكەدا باس لە رەوش و گوزەرانی ئاوارەكانی سوریا لە هەرێم و ئەو پێداویستیانەی كە هەیانە كرا، هاوكات هیوای خواست كە كۆمەڵگای نێودەوڵەتی هاوكاری زیاتر پێشكەشی ئەم ئاوارانە بكات لە هەرێم .
هەر لە میانەی سەردانەكەیدا بۆ برۆكسل، بەمەبەستی بەشداریی كردنی لە كۆنفرانسی مافەكانی مرۆڤ لەعیراق، فەلاح مسەفا لەگەڵ چارلس تانۆك، ئەندامی پەرلەمانی ئەوروپا و وتەبێژی كاروباری دەرەوەی پارێزگارەكان لە پەرلەمانی ئەوروپا كۆبووەوە.
لە دیدارەكەدا بەرپرسی پەیوەندیەكانی دەرەوە تیشكی وتی: ئێمە حەزدەكەین نزیكبوونەوەی زیاتر لە لایەن پەرلەمانی ئەوروپاوە هەبێت بۆ ئەوەی یارمەتی عێراق بدەن تا لەسەر رێڕەوێكی راست بڕوات، هیواشی خواست، گرووپێكی تایبەت بە هاوڕیانی كورد لە پەرلەمانی ئەوروپا دابمەزرێت كە كاریگەر دەبێت بۆ پەرەپێدانی پەیوەندیەكانی نێوان هەردوولا.
لەدیدارەكەدا چارلس تانۆك باسی لەوەكرد كە،" كوردستان وەك یەكێك لە مەسەلە دەگمەنەكانی رۆژهەڵاتی ناوەڕاست دەبینێت". وتیشی: شاراوە نیە كە لە ئێستادا كوردستان ناوچەیەكی ئارامە لە رۆژهەڵاتی ناوەڕاستدا بۆ كەمینەكان و هەروەها بۆ ئەو عێراقیانەی كە بەدەست توندوتیژیەكانەوە دەناڵێنن لە بەشەكانی دیكەی عێراق.
22/02/2014
سەرۆكی ئۆكرانیا، ئەمڕۆ هەینی ( 21 شوبات 2014) رێكەوتنێكی لەگەڵ ئۆپۆزسیۆنی وڵاتەكەی ئیمزا كرد بۆ مەبەستی ئەنجامدانی هەڵبژاردنی پێشوەختەو كۆتایی هێنان بە ناڕەزاییە جەماوەرییەكەی ماوەیەكە لەو وڵاتە سەریهەڵداوە.
سەرچاوەیەكی ئاگادار لە واژۆ كردنی رێكەوتنەكە لەلێدوانێكی رۆژنامەییدا رایگەیاند، " ڤیكتۆر یانۆكۆفیچ، سەرۆكی ئۆكرانیا لەگەڵ سێ سەركردەی ئۆپۆزسیۆن رێكەوتنی واژۆ كردووە، بەمەبەستی كۆتایی هێنان بەبارگرژییە سیاسیەكان و شەڕو پێكهەڵپژاردنی نێوان جەماوەریی ناڕازیی لە دەسەڵات و هێزەكانی پۆلیس".
بەوتەی سەرچاوەكە، بەپێی رێكەوتنەكە، " یانۆكۆفیچ قایل بووە بەوەی هەڵبژاردنی پێشوەختە لە ئۆكرانیا ئەنجام بدرێت، لەپاڵ پێكهێنانی حكومەتێكی یەكێتی نیشتمانی و دەستبەرداربوونی لەبەشێك لەدەسەڵاتە سەرۆكایەتیەكەی"، وتیشی: رێكەوتنەكە بائامادەبوونی وەزیری دەرەوەی دوو لەوڵاتانی یەكێتی ئەوروپا واژۆ كرا.
بەهۆی سەرهەڵدانی گەندەڵی و قەیرانی ئابوری و سیاسی، لەرۆژی 21 تشرینی دووەمی پارساڵەوە، دەنگی ناڕەزایی جەماوەریی لە ئۆكرانیا تا ئێستا بەردەوامەو بەهەزاران كەس لە گۆڕەپانی ئازادی و شەقامەكانی كیفی پایتەختی ئەو وڵاتە دژی سیاسیەتەكانی حكومەت خۆپیشاندان دەكەن و بەوهۆیەوە شەڕو پێكدادانی قورس لەنێوان هاوڵاتیان و پۆلیس چەندین جار رویداوە و بۆتەهۆی كوژران و برینداربوونی دەیان كەس لەهەردوولا.
22/02/2014
سه‌نته‌ری قاهیره بۆ توێژینه‌وه‌ی كوردی به‌نیازه رۆژی شه‌ممه‌ی داهاتوو سیمینارێك سه‌باره‌ت به ره‌وشی سیاسیی كوردستانی رۆژئاوا ساز بكات.
سه‌ید عه‌بدولفه‌تاح، سه‌رۆكی سه‌نته‌ری قاهیره بۆ توێژینه‌وه‌ی كوردی تایبه‌ت به خه‌ندانی راگه‌یاند: له سیمیناره‌كه‌دا، چه‌ند شاره‌زا و توێژه‌رێك له بواری كاروباری كوردیدا باس له په‌ره‌سه‌ندنه سیاسییه‌كانی كوردستانی رۆژئاوا و سیستمی ئیداره‌ی خۆبه‌ڕێوه‌بردن ده‌كرێت كه به‌مدواییه له‌و به‌شه‌ی كوردستان راگه‌یه‌نرا، ئه‌مه جگه‌له تاوتوێكردنی هۆكار و ئاماژه‌كان بۆ راگه‌یاندنی ئه‌و كانتۆنه و كاتی راگه‌یاندنی و ئاسته‌نگه‌كانی به‌رده‌می.
سه‌ید عه‌بدولفه‌تاح، سه‌رۆكی سه‌نته‌ری قاهیره بۆ توێژینه‌وه‌ی كوردی راشیگه‌یاند كه له سیمیناره‌كه‌دا رجائی فایید، شاره‌زا له بواری كوردیدا خوێندنه‌وه‌یه‌ك بۆ ئیداره‌ی خۆبه‌ڕێوه‌بردن ده‌كات، دواتر مه‌لا یاسین ره‌ئوف، نوێنه‌ری یه‌كێتی نیشتمانی كوردستان له قاهیره ئه‌زموونی هه‌رێمی كوردستان و ئه‌گه‌ری دووباره‌بوونه‌وه‌ی ئه‌و ئه‌زموونه له سوریا ده‌خاته‌به‌ر باس و لێكۆڵینه‌وه، ئه‌مه جگه‌له تاوتوێكردنی هه‌ڵوێستی هێز و لایه‌نه سیاسییه‌كانی هه‌رێمی كوردستان به‌رامبه‌ر ئیداره‌ی كانتۆنیی رۆژئاوا.
بڕیاریشه له سیمیناره‌كه‌دا، نووسه‌ر و لێكۆڵه‌ر جان دۆست، چه‌ند تێبینییه‌ك له‌سه‌ر ئیداره‌ی كانتۆنیی رۆژئاوا بدات و هه‌ر له‌و چوارچێوه‌یه‌شدا، محێدین مسته‌فا، پارێزه‌ر و لێكۆڵه‌ر، له‌سه‌ر نه‌خشه‌ی حزب و لایه‌نه سیاسییه‌كانی كوردستانی رۆژئاوا بدوێت.
سه‌نته‌ری قاهیره بۆ توێژینه‌وه‌ی كوردی، یه‌كه‌م ناوه‌ندی تایبه‌تمه‌نده به لێكۆڵینه‌وه‌ی كوردی له میسر و وڵاتانی عه‌ره‌بی، ئامانجی ئه‌م سه‌نته‌ره پته‌وكردنی په‌یوه‌ندیی رۆشنبیرییه له‌نێوان میسر و كورد له‌لایه‌ك و میسر و وڵاتانی عه‌ره‌بی له‌لایه‌كی دیكه، ئه‌مه جگه‌له بنیادنانی پردێكی ئه‌كادیمی و زانستی له‌نێوان دامه‌زراوه‌كانی خوێندنی باڵای كورد و عه‌ره و پێگه‌یاندنی كادری تایبه‌ت به كاروباری كورد و كوردستان.
21/02/2014
مه‌سعود بارزانی سه‌رۆكی هه‌رێمی كوردستان پشتیوانیی خۆی بۆ یه‌كده‌نگیی لایه‌نه كوردییه‌كانی رۆژئاوای كوردستان دووپاتكرده‌وه و پشتیوانیی خۆشی بۆ هه‌ر بڕیارێك ده‌ربِی كه كۆده‌نگیی سه‌رجه‌م لایه‌نه‌كانی له‌سه‌ر بێت.
به‌پێی هه‌واڵێكی سایتی سه‌رۆكایه‌تیی هه‌رێمی كوردستان، ئەمڕۆ پێنجشەممە 20ی شوباتی 2014 لە هاوینه‌هه‌واری سەلاحەدین، مەسعود بارزانی سەرۆكی هەرێمی كوردستان لەگەڵ سكرتێر و سەرۆكی دوازدە حزبی نێو ئەنجومەنی نیشتیمانیی كورد لە سوریا كۆبۆوە.
لە كۆبوونەوەكەدا لایەنە سیاسییەكانی نێو ئەنجومەنی نیشتیمانیی كورد لە سوریا ڕاوبۆچوونی خۆیان لەبارەی دوایین پێشهات و گۆڕانكارییە سیاسییەكانی ڕۆژئاوای كوردستان بۆ سەرۆك بارزانی خستەڕوو، قسەشیان لەبارەی چۆنییەتیی كاركردن و هاوكارییان لەگەڵ ئەنجوومەنی گەل كرد.
هەر لەو كۆبوونەوەیەدا ئاماژه به‌وه‌درا كه لە مانگی 12ی ساڵی و2013 بەپێی ڕێككەوتنێكی نێوان هەردوو ئەنجومەنی نیشتیمانی و ئەنجومەنی گەل بڕیار دراوە بەڕێوەبردنی سنووری فیشخابوور بەشێوەیەكی هاوبەش بێت، بەڵام ئێستا ئەو بەڕێوەبردنە ڕادەستی كانتۆنی جزیرە كراوە و كارمەندەكانی سەر بە لایەنە كوردییەكانی نێو ئەنجومەنی نیشتیمانیی كورد دەركراون و لە بەڕێوەبەرایەتیەكە نەماون.
لە بەشێكی دیكەی ئەم دانیشتنەدا لایەنە سیاسییەكانی نێو ئەنجومەنی نیشتیمانیی كورد لە سوریا جەختیان لەسەر پاراستنی یەكڕیزیی گەلی كورد كردەوە هەر چەندە لایەنی بەرانبەریان پێچەوانەی ئەم بنەمایە ڕەفتار دەكات.
لە بەرامبەردا سەرۆكی هه‌رێمی كوردستان بە لایەنە سیاسییەكانی نێو ئەنجومەنی نیشتیمانیی كوردی لە سوریا ڕاگەیاند كە لەگەڵ یەكدەنگیی لایەنە كوردییەكانی ڕۆژئاوادایە و پاڵپشتیی هەر بڕیارێكیش دەبێت كە كۆدەنگیی هەموو لایەكی لەسەر بێت.
مه‌سعود بارزانی ئاماژەی بەوەشدا كە سەبارەت بە دوایین پێشهاتەكانی ڕۆژئاوا هەر هەڵوێستێك بە كۆدەنگیی لایەنە سیاسییەكانی ڕۆژئاوای كوردستان دەربچێت، جێگەی بایەخە و بە پەسندی دەزانێت.
21/02/2014
به‌رپرسی ئاژانسی خۆراكی جیهانی WFP
له هه‌ولێر ئاشكرایده‌كات، ئه‌مساڵ تا ئێستا 420 ته‌ن هاوكاری مرۆییان گه‌یاندوه‌ته ئاواره‌كانی سوریا و ئاماژه به به‌رده‌وامی گه‌یاندنی هاوكارییه‌كانیشیان ده‌كات بۆ لێقه‌وماوانی ئه‌و وڵاته.
له‌دیدارێكی كه ئه‌مڕۆ پێتنجشه‌ممه له نێوان د.دیندار زێباری، جێگری به‌رپرسی په‌یوه‌ندییه‌كانی ده‌ره‌وه بۆ كاروباری رێكخراوه‌كانی نێوده‌وڵه‌تی و محه‌مه‌د حاج فه‌ره‌ح، به‌رپرسی ئاژانسی خۆراكی جیهانیWFP له هه‌ولێر و شاندێكی یاوه‌ری، باس له به‌رده‌وامی پڕۆسه‌ی گه‌یاندنی هاوكاری نێوده‌وڵه‌تی مرۆیی به‌رێگای فڕۆكه‌خانه‌ی نێوده‌وڵه‌تی هه‌ولێره‌وه بۆ ناوچه‌ی حه‌سه‌كه‌ی سوریا كرا.
هه‌روه‌ها تاوتوێكردنی بارودۆخی په‌نابه‌رانی رۆژئاوا به‌گشتی له‌ناو كه‌مپه‌كان له هه‌رێمی كوردستان و هاوكاری و هه‌ماهه‌نگی نێوان حكومه‌تی هه‌رێمی كوردستان و ئاژانسی WFP له‌بواری زیاتر باشتركردنی ره‌وشی په‌نابه‌ران و پێشكه‌شكردنی هاوكاری مرۆیی و به‌تایبه‌تی كه‌لوپه‌لی خۆراك ته‌وه‌رێكی تری ئه‌م دیداره‌بوو.
له لایه‌ن خۆیه‌وه به‌رپرسی ئاژانسی WFP له هه‌ولێر راگه‌یاند: له‌ساڵی نوێیه‌وه گه‌یاندنی هاوكاری مرۆیی نێوده‌وڵه‌تی بۆ ناوچه‌ی حه‌سه‌كه‌ی باكووری رۆژهه‌ڵاتی سوریا به‌رده‌وامن و له‌سه‌ره‌تای مانگی شوباته‌وه تائێستا به‌پێی ئه‌و به‌رنامه‌ی كه لایه‌نه نێوده‌وڵه‌تییه‌كان به‌هاوكاری حكومه‌تی هه‌رێمی كوردستانه‌وه دارێژاوه بڕی 420 ته‌نی هاوكاری مرۆیی به‌رێگای فڕۆكه‌خانه‌ی نێوده‌وڵه‌تی هه‌ولێره‌وه گه‌یێندراونه ناوچه‌ی حه‌سه‌كه و بڕیار وایه تا رێكه‌وتی 9/3/2014 بڕی 1200 ته‌ن له‌و هاوكاریه مرۆییانه له فڕۆكه‌خانه‌ی نێوده‌وڵه‌تی هه‌ولێره‌وه بگه‌یه‌نرێنه ئه‌م ناوچه‌یه و نزیكه‌ی 300 هه‌زار كه‌س له‌م هاوكاریه مرۆییانه سوود مه‌ند ده‌بن.
له به‌رامبه‌ردا جێگری به‌رپرسی په‌یوه‌ندییه‌كانی ده‌ره‌وه بۆ كاروباری رێكخراوه‌كانی نێوده‌وڵه‌تی جه‌ختی له‌وه كرده‌وه: حكومه‌تی هه‌رێمی كوردستان به‌رده‌وام ده‌بێت له‌سه‌ر پێشكه‌ش كردنی هه‌موو هاوكاری و هه‌ماهه‌نگیه‌ك له‌گه‌ڵ لایه‌نه نێوده‌وڵه‌تییه‌كان به‌مه‌به‌ستی گه‌یاندنی ده‌ستی هاوكاری مرۆیی به گه‌لانی سوریا به‌گشتی و ناوچه‌كانی رۆژئاوا به‌تایبه‌تی.
20/02/2014
له‌میانی چاوپێكه‌وتنی سێرگی لافرۆڤ-ی وه‌زیری ده‌ره‌وه‌ی روسیا، نوری مالیكی سه‌رۆك وه‌زیرانی عیراق ته‌ئكیدی كرده‌وه كه عیراق به‌تایبه‌ت پێویستی به هاوكاریی لایه‌نی روسیایه بۆ روبه‌ڕووبوونه‌وه‌ی تیرۆرستان.
له چاوپێكه‌وتنه‌كه‌دا كه ئه‌مڕۆ پێنچشه‌ممه 20ی شوبات به‌ڕێوه‌چوو، نوری مالیكی سه‌رۆكی وه‌زیران بۆ سێرگی لافرۆڤ-ی روونكردووه‌ته‌وه كه به‌غدا پێ,یستی به چه‌كی تایبه‌ت و گۆڕینه‌وه‌ی زانیارییه بۆ راوه‌دوونانی گروپه توندڕه‌وه‌كان و ریشه‌كێشكردنیان.
هه‌ر له چاوپێكه‌وتنه‌كه‌دا، نوری مالیكی و سێرگی لافرۆڤ، قه‌یرانی سوریا و چۆنێتی گه‌یشتنی به چاره‌سه‌ری سیاسییان له‌و وڵاته تاوتوێكردووه.
له‌لای خۆشیه‌وه، وه‌زیری ده‌ره‌وه‌ی روسیا پشتیوانیی مۆسكۆی له سه‌رجه‌م بواره‌كان بۆ عیراق ده‌ربڕیووه و هه‌نگاوه‌كانی حكومه‌تی عیراقی له روبه‌ڕوبوونه‌وه‌ی گروپه توندڕه‌وه‌كان و سه‌قامگیركردنی باری ئاسایش، به هه‌نگاوێكی گونجاو وه‌سفكردووه.
20/02/2014
بزوتنه‌وه‌یه‌ی گه‌نجانی چێ گیڤارا له ئه‌رجه‌نتین، له كۆنفرانسی ساڵانه‌ی خۆیدا پۆستی سه‌رۆكی فه‌خريان به‌خشى سه‌رۆكی زیندانیكراوی پارتی كرێكارانی كوردستان عه‌بدوڵا ئۆج ئالان.
به پێی هه‌واڵێكی ئاژانسی(فورات نیوز) ته‌ڤگه‌ری گه‌نجانی چێ گیڤارا له‌ئه‌رجه‌نتین كه هه‌موو ساڵێك له‌كۆنفراسی خۆیاندا به‌ئامانجی رێزلێنان و فه‌خر سه‌رۆكێك هه‌ڵده‌بژێرن ، ئه‌مساڵ عه‌بدوڵڵا ئۆجالانیان وه‌ك سه‌رۆكی فه‌خر هه‌ڵبژارد .
له ساڵانی رابردوودا كه‌سانێكی وه‌ك چێ گیڤارا، فیدل كاسترۆ، هۆگۆ چاڤێز و رۆبرتۆ سانتۆس و چه‌ند پێشه‌نگێكی تری هێزه چه‌پ و گه‌ریلاییه‌كان وه‌ك سه‌رۆكی فه‌خری هه‌ڵبژێردران .
له درێژه‌ی ئه‌و هه‌واڵه‌دا هاتووه، گه‌نجانی ئه‌رجه‌نتین رایده‌گه‌یه‌نن :" له 10 ساڵی رابردوو رێبه‌ر ئۆج ئالان له دوورگه‌ی ئیمراڵی به‌گه‌له‌كۆمه‌یه‌كی نێوده‌وڵه‌تی زیندانی كرا ، رووبه‌رووی توندو تیژی و سیاسه‌تی گۆشه‌گیری بوه‌وه .له‌هه‌مان كاتدا هه‌موو ته‌ڤگه‌ره دیموكراته‌كان رووبه‌رووی گرتن و كۆمه‌ڵكوژی و زوڵم بوونه‌وه . له رۆژی ئه‌مرۆماندا به‌ده‌یان هه‌زار كه‌س له‌ئه‌نجامی ئه‌و سیاسه‌تانه‌دا له‌زیندانه‌كاندان ."
20/02/2014
چەندین پێدڤیێن پزیشكی كۆ شۆڤێرەكێ تورك لبەر بوو ب رێكێن نەیاسایی ل كومەلگەها دەروازێ نیڤدەولەتی ئیبراهیم خەلیل بینیتە دناڤ هەرێما كوردستانێ دا، هاتنە دەستەسەر كرن.
نەجمەددین نێروەیی بەرپرسێ راگەهاندنا كومەلگەها دەروازێ نیڤدەولەتی ئیبراهیم خەلیل بۆ خەندان دیار كر : " ئەڤرۆ رێكەڤتی 19/2/2014ێ، ل كومەلگەها دەروازێ نیڤدەولەتی ئیبراهیم خەلیل، شۆڤێرەكێ تورك هەول دابوو ب رێكەكا نەیاسایی و ڤەشارتی كومەكا پێدڤیێن پزیشكی لبن بارێ ترۆمبێلا خۆ یا بارهەلگر ڤەشێریت و ب نیاز بوو بینیتە دناڤ هەرێما كوردستانێ"
بەرپرسێ راگەهاندنا كومەلگەها دەروازێ نیڤدەولەتی ئیبراهیم خەلیل گۆت ژی : لێ خۆشبەختانە ئەو ژ لایێ كارمەندێن هوبا دیڤچوونا گشتی و هوبا لێگەریانێ ڤە هاتە دەستەسەر كرن و رێك بۆ نەهاتە دان ئەو ڤان كەل و پەلان دەرباز بكەت.
نەجمەددین نێروەیی ئاشكەرا كر : ئەڤ كەل و پەلە كۆ لبن بارێ حەلان و مەرمەری هاتبوونە ڤەشارتن، پێك هاتبوون ژ 200 دانەیێن ئامیرێن كونترۆلا شەكرێ ، 1002 دانەیێن قودیكێن دەرزیێن كونترولا شەكرێ، ئێك دانە ئامیرێ (لیتوتری سیستەم) بۆ كێشانا ئاڤ و خوین و عەداڤێ ل سنگی، 300 دانەیێن سوندەیان بۆ نەشتەرگەریان و چەندین كەل و پەلێن دی.
بەرپرسێ راگەهاندنا كومەلگەها دەروازێ نیڤدەولەتی ئیبراهیم خەلیل تەكەس كر ژی : شۆڤێر دێ ل دیڤ رێنما و یاسایێن گومركی هێتە سزا دان .
خەندان
20/02/2014
شه‌وی رابردوو فڕۆكه جه‌نگییه‌كانی سوپای عیراق ئه‌و ناوچانه‌یان بۆردومانكردووه كه‌هێزی پێشمه‌رگه‌ی تێدا نیشته‌جێیه.
سه‌رچاوه‌یه‌كی ئه‌منی له‌قه‌زای خورماتوو به PUKmediaی راگه‌یاند: شه‌وی رابردوو فڕۆكه جه‌نگییه‌كانی سوپای عیراق شاخ و به‌رزاییه‌كانی ناوچه‌ی خورماتوویان بۆردومانكردووه كه‌هێزه‌كانی پێشمه‌رگه‌ی تێدا نیشته‌جێیه.
ئاماژه‌ی بۆ ئه‌وه‌شكرد: له‌گه‌ڵ بۆردومانكردنه‌كه‌دا هێزه‌كانی پێشمه‌رگه كه‌وتونه‌ته حاڵه‌تی ئاماده‌باشییه‌وه و وه‌ڵامدراونه‌ته‌وه كه سنوری بۆردومانكردنه‌كه‌یان به‌زاندووه.
سه‌رچاوه‌كه وتیشی:پێده‌چێت ئه‌م بۆردومانكردن كردنه‌ی سوپای عیراق هه‌ڵه تێگه‌شتنێك هه‌بێت له شاره‌زانه‌بوونی فڕۆكه جه‌نگییه‌كان له‌و ناوچانه‌ی كه هێزی پێشمه‌رگه‌ی تێدا نیشته‌جێیه.
هه‌مان سه‌رچاوه رونیشیكرده‌وه: دوای ئه‌وه‌ی له‌لایه‌ن فڕۆكه جه‌نگییه‌كانه‌وه زانراوه ئه‌و شوێنه‌ی بۆردومانده‌كرێت هێزی پیشمه‌رگه‌ی تێدا نیشته‌جێیه، فڕۆكه جه‌نگییه‌كانی سوپای عیراق كشاونه‌ته‌وه و له‌ئێستادا بارودۆخی ناوچه‌كه ئاسایی بۆته‌وه.
PUKmedia عومه‌ر غه‌ریب / كه‌ركوك
19/02/2014
به‌هۆی شه‌ڕو پێكدادانی نێوان هێزه ئه‌منیه‌كان و خۆپیشانده‌ران، 20 كه‌س له‌ئۆكرانیا كوژران.
به‌رده‌وامی مانگرتن و ده‌نگی ناڕه‌زایی جه‌ماوه‌ریی له كیف، پایته‌ختی ئۆكرانیا دژی حكومه‌تی ئه‌و وڵاته، سه‌ریكێشا بۆ شه‌ڕو پێكهه‌ڵپژان له‌نێوان هێزه ئه‌منیه‌كان و مانگرتوان و به‌و هۆیه‌وه 20 كه‌س گیانیان له‌ده‌ستدا كه 7 سه‌ر به‌هێزه‌كانی پۆلیسن.
بۆ بڵاوه‌پێكردنی خۆپیشانده‌ران، كه‌ماوه‌ی 3 مانگه له‌گۆڕه‌پانی ئازادی له كیف مانگرتنیان راگه‌یاندووه، پۆلیس ئاوو گوللـه‌ی پلاستیكی به‌كار هێناوه، هه‌روه‌ك چه‌ند خێمه‌یه‌كی گۆڕه‌پانه‌كه سوتێنران و ده‌نگی ته‌قینه‌وه‌ش بیستراوه.
به‌هۆی ناڕه‌زایی له‌سیاسیه‌تی حكومه‌تی وڵاته‌كه‌یان، به‌هه‌زار هاوڵاتی به‌مه‌به‌ستی ناڕه‌زایی ده‌ربڕین له‌گۆڕه‌پانی ئازادی كیف ماوه‌ی 3 مانگه كۆبوونه‌ته‌وه.
فیتالی كه‌لچیكۆ، به‌رپرسێكی نه‌یاری حكومه‌تی ئۆكرانیا وتی: سه‌رۆكی حكومه‌ت ته‌نها یه‌ك رێچاره‌ی خستۆته به‌رده‌م خۆپیشانده‌ران، ئه‌ویش چۆڵكردنی گۆڕه‌پانی ئازادیه.
هاوكات سه‌رچاوه‌یه‌كی نزیك له ڤیكتۆر یانۆكۆڤیچ، سه‌رۆكی ئۆكرانیا رایگه‌یاند،" سه‌رۆك به‌نیازه وته‌یه‌ك ئاراسته‌ی گه‌لی ئۆكرانیا بكات"، جگه له‌وه سه‌رچاوه‌كه هیچ زانیارییه‌كی دیكه‌ی نه‌دركاند.
سه‌رچاوه: بی بی سی
19/02/2014
له ناوه‌ندی دۆڵێكی پڕ له تمیساح و ده‌ورگیراو به ته‌ڵه‌زم و قامیش، به‌رپرسانی ولایه‌تی فلۆریدا، گوندێكیان به‌ناوی (میراكڵ ڤیلج) بۆ ئه‌و ئه‌و كه‌سانه ته‌رخانكردووه كه به تاوانی سێكسی سزا دراون.
سه‌رجه‌م ئه‌و ده‌ستگیركراوانه‌ی كه ماوه‌ی زیندانی ته‌واو ده‌كه‌ن، له‌لایه‌ن ده‌سه‌ڵاتی دادوه‌ریی ولایه‌تی فلۆریداوه بۆ گوندی میراكڵ ڤیلج دوورده‌خرێنه‌وه و له ماڵێكدا نیشته‌جێ ده‌كرێن كه 300 مه‌تر له خوێندنگه و سه‌یرانگای منداڵانه‌وه دوور بێت، بۆیه زۆرجار دۆزینه‌وه‌ی خانووییه‌ك به‌و تایبه‌تمه‌ندییه بۆ تاوانباره‌كان كارێكی سه‌خته.
پات پاوه‌رز، به‌ڕێوه‌به‌ری گشتیی ئه‌و دامه‌زراوه‌یه‌ی ده‌ستگیركراوه‌كان ره‌وانه‌ی ئه‌و گونده ده‌كات، ئاشكرایكرد، نزیكه‌ی 115 بۆ 120 كه‌س له‌وانه‌ی كه تاوانی سێكسی و گێچه‌ڵیان به‌رامبه‌ر منداڵ و هه‌رزه‌كار و نه‌وجه‌وانان ئه‌نجام داوه، له‌و گونده‌دا ده‌ژین.
پات پاوه‌رز، كه خۆشی یه‌كێك بووه له‌و كه‌سانه‌ی به‌تاوانی سێكسی دژی منداڵێكی ته‌مه‌ن 16 ساڵ، ماوه‌ی 12 ساڵی له زیندان به‌سه‌ربردووه، باس له‌وه ده‌كات كه دادگا كه‌س ناچار ناكات بڕواته ئه‌و گونده، به‌ڵام ئه‌و كه‌سانه‌ی به‌و تاوانه سزا ده‌درێن، هیچ بژارده‌یه‌كی دیكه‌یان له‌به‌رده‌مدا نامێنێت، بۆیه به‌ناچاری روو له گونده‌كه ده‌كه‌ن و زۆرجاریش خاوه‌ن ماڵه‌كان رازی نابن خانووه‌كانیان به‌وجۆره كه‌سانه به كرێ بده‌ن.
سه‌رجه‌م ولایه‌ته‌كانی ئه‌مریكا هه‌میشه زانیاری و داتای ته‌واو سه‌باره‌ت به تاوانبارانی سێكسی به وێنه و ناوه‌كانیان ده‌خه‌نه به‌رده‌ست هاوڵاتیان و له رێی ئینته‌رنێته‌وه هه‌موو كه‌س ده‌توانێت زانیارییان له‌سه‌ر بخوێنێته‌وه، هه‌ربۆیه زۆربه‌ی شوێنكاره‌كان، وێنه‌ی ئه‌و تاوانبارانه له كۆگا و دوكان و سوپه‌رماركێته‌كانیان هه‌ڵده‌واسن تا بناسرێنه‌وه و هه‌لی كاریان پێ نه‌درێت.
له‌وباره‌یه‌وه ده‌یڤد وود، یه‌كێك له‌و تاوانبارانه رایگه‌یاندووه كه وێنه‌ی خۆی له كۆگایه‌كدا بینیووه و هه‌ركه خه‌ڵكه‌كه ناسیوویانه‌ته‌وه، ده‌ستبه‌جێ په‌یوه‌ندییان به پۆلیسه‌وه كردووه تا بگه‌نه سه‌ری و ده‌ستگیری بكه‌ن.
19/02/2014
رزگارکردنی دەریاچەی ورمێ، چیرۆکی نەبڕاوەی شۆرەکاتبوونی دەریاچەیەکە کە هەنگاوی جدیی بۆ نانرێت، هاوکات بووەتە باسێکی رۆژانەش.
یەکەمین کۆنگرەی نێودەوڵەتی رزگارکردنی دەریاچەی ورمێ رۆژی دووشەممە بە پەیامی مەعسومە ئیبتکار، جێگری سەرۆک کۆمار و سەرۆکی رێکخراوی پاراستنی ژینگەی ئێران لە پەردیسی زانکۆی ورمێ دەستیپێکرد.
لەو پەیامەدا ئاماژە بەوە کراوە، لە 13 ساڵ لەمەوبەرەوە لەبارەی وشکبوونی دەریاچەی ورمێ لایەنە پەیوەندیدارەکان ئاگادارکراونەتەوە، بەڵام پێشی پێ نەگیرا و لەمەودوا بۆ دەربازبوون لە قەیرانی وشکبوونی ئەو دەریاچەیە، دەبێ بەرنامەیەکی ژیرانە، گشتگیر، خێرا و بە بەشداری هەمە لایەنە جێبەجێ بکرێت.
مەعسومە ئیبتکار هەروەها دەڵێت: "رێکخراوی پاراستنی ژینگە بە لەبەرچاوگرتنی ئەرک و بەرپرسیارێتییە نیشتمانی و نێودەوڵەتییەکانی، وێڕای هەماهەنگی لەگەڵ دامودەزگا بەرپرسیارەکان، کارناسانی نێوخۆیی و دەرەکی، هەوڵدەدا ئیمکاناتی هونەری، زانستی، پسپۆری و خەڵکی بۆ رزگارکردنی دەریاچەی ورمێیە".
جێگری سەرۆک کۆماری ئێران گوتیشی "بێ گومان رەوشی دەریاچەی ورمێ ئاگادارکردنەوەیەکی مەترسیدارە بۆ هەموو گۆل و دەشەتە کشتوکاڵییەکانی دیکە و ئەگەر بتوانرێ ئەو گرفتە چارەسەر بکرێ، چارەسەرێکیشە بۆ قەیرانەکانی دیکە".
چالاکوانانی ژینگەپارێز رەخنە لە لایەنە پەیوەندیدارە حکومییەکانی ئێران دەگرن، بەوەی درەنگ بەدەم چارەسەرکردنی گرفتەکانی دەریاچەی ورمێ رۆیشتوون و پرۆژەکانیشی بۆ چارەسەرکردنی ئەو کێشەیە یان هەڵە بوون یانیش بە پێی پێویست نەبوون.
کۆنگرەی نێودەوڵەتی رزگارکردنی دەریاچەی ورمێ بە بەشداری پسپۆرانی ئێران، ئەڵمانیا، ئەمریکا، بەلجیکا و تورکیا رۆژی دووشەممە لە نازلوی زانکۆی ورمێ دەستی بەکارەکانی کرد و دوو رۆژ دەخایەنێت.
لەو کۆنگرەیەدا رێکارەکانی رزگارکردنی دەریاچەی ورمێ و دەرەنجامی لێکۆڵینەوە و بەدواداچوونە نێوخۆیی و نێودەوڵەتییەکانی پەیوەندیدار بە دەریاچەی ورمێ تاوتوێ دەکرێت.
رووداو
19/02/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
