به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
دە ڕۆژنامەی لە شاری کۆنیای تورکیا لە لاپەڕەی یەکەمیاندا هەمان مانشێتیان نوسیبوو " میللەت لەسەر سندوقەکان ئەم یارییە تێکدەدات".
ڕۆژنامەی رادیکالی تورکی بڵاویکردەوە دە ڕۆژنامە لە شاری کۆنیای تورکیا لە ڕوماڵی ڕۆژانەی هەڵبژرادنە شارەوانییەکاندا لاپەڕەی یەکەمی ڕۆژنامەکانیان بۆ هەمان مانشێت تەرخان کردبوو کە تیایدا باسی هەوڵەکانی پارتی داد و گەشەپێدانیان دەکرد بۆ هەڵبژاردنە شارەوانییەکانی ٣٠-ی ئازار.
ڕۆژنامەکان لە لاپەڕەی یەکەمیاندا ئاماژەیان بەوەدابوو دوای خۆپیشاندانەکانی گێزی و ئۆپەراسیۆنەکانی ١٧-ی کانونی یەکەم هێشتا لەلایەن هاوڵاتیانەوە بە گەرمی پێشوازی لە رەجەب تەیب ئەردۆغان سەرۆک وەزیرانی تورکیا و پارتەکەی دەکرێت نوسیبوویان ئەم بە گەرمی پێشوازیلێکردنە لە هەڵبژاردنەکاندا دەردەکەوێت و ئەم مانشێتەیان نوسیبوو " میللەت لەسەر سندوقەکانی دەنگدان ئەم یارییە تێکدەدات".
هەر ئەمرۆ ئەردۆغان لە کۆبوونەوەیەکی جەماوەرەیدا لە ئیلازیداغ لە کاتێکدا ژمارەیەکی زۆر لەلایەنگرانی ئاکەپە ئامادەبوون ، ئەردۆغان بە ئامادەبووانی ڕاگەیاند لێرەدا مۆنتاژ و دۆبلاژ هەیە ، ئەی سەرۆکی جەهەپە ئەگەر لە هەڵبژاردنەکاندا یەکەم نەبیت پارتەکەت بەجێدەهێڵیت ، ئەی سەرۆکی مەهەپە تۆش ئەگەر یەکەم نەبیت پارتەکەت بەجێدەهڵیت؟.
هەروەها ئەردۆغان لە درێژەی قسەکانیدا ڕایگەیاند " ئەوانەی بە کاسێت هاتون هەر بە کاسێتیش دەڕۆن ، ئەی (جەهەپە)ەکان و (مەهەپە)ەکان ئێوە لەمە تێناگەن ، ئەی میدیاکاران ئێوە لەمە تێناگەن ، ئێوە دەڵێن مۆنتاژ و فۆتۆشۆپە".
لە ئێستادا پارتەکانی تورکیا لە ئامادەکارییان بۆ هەڵبژاردنە شارەوانییەکانی تورکیا کە بڕیارە لە ٣٠-ی ئازار بەڕێوەبچێت و ململانێیەکی بەهێز لەناو پارتە بەشداربووەکاندا هەیە.
07/03/2014
سه‌رۆك وه‌زیرانی توركیا ئاشكرایكرد، ئاماده‌یه ده‌ستبه‌رداری ژیانی سیاسی ببێت، له‌حاڵێكدا كه پارته‌كه‌ی له هه‌ڵبژاردنی شاره‌وانیه‌كان شكست بێنێت .
ره‌جه‌ب ته‌یب ئه‌ردۆغان، سه‌رۆك وه‌زیرانی توركیا، ئه‌مڕۆ چوارشه‌ممه ( 5 ئادار 2014) به‌رۆژنامه‌وانانی راگه‌یاند،" گه‌ر پارتی دادو گه‌شه‌پێدان له هه‌ڵبژاردنی داهاتووی شاره‌وانیه‌كانی توركیا پله‌ی یه‌كه‌م به‌ده‌ست نه‌هێنێت، ئه‌وا ئاماده‌یه له‌پرۆسه‌ی سیاسی پاشه‌كشه بكات"، وتیشی: ئایا سه‌رۆكی پارتی گه‌لی كۆمار و سه‌رۆكی پارته نه‌ته‌وه‌ییه‌كان ئاماده‌ن ده‌ستبه‌رداری سیاسیه‌ت ببن له‌حاڵێكدا له‌هه‌ڵبژاردن ده‌رنه‌چن؟.
به‌وته‌ی ئه‌ردۆغان، " سه‌رۆكی پارته‌كانی دیكه‌ی توركیا به‌رده‌وام ده‌ستیان به كورسیه‌كانیانه‌وه گرتووه‌و ده‌یانه‌وێت پارێزگاریی لێ بكه‌ن".
بڕیاره كۆتایی ئه‌م مانگه پرۆسه‌ی هه‌ڵبژاردنی شاره‌وانیه‌كان له توركیا به‌ڕێوه بچێت و له‌و پێناوه‌دا سه‌رجه‌م پارته كوردیه‌كانی توركیا سه‌رقاڵی خۆ ئاماده‌كردنن بۆ به‌شداریی كردن له هه‌ڵبژاردنه‌كه‌دا.
سه‌رچاوه : روسیا ئه‌لیه‌وم
07/03/2014
ئەمڕۆ پێنج شەممە ( 6 ئادار 2014) ڕۆژێکی ئاسایی نەبوو بۆ هاوڵاتیانی تورکیا، دوای ئەوەی "عەبدوڵا گیول"، سەرۆک کۆمار، پرۆژە یاسای دادگا تایبەتییەکانی ڕەتکردەوە و دادگای دەستوریش بڵاویکردەوە کە پیشێلكاریی كراوە لە مافەکانی " ئیلکەر باشبوغ" سەرۆک ئەرکانی پێشووی دەستگیرکراو بە تۆمەتی ئەرگەنەکۆن.
میدیاکانی تورکیا بڵاویانکردەوە ئەمڕۆ عەبدوڵا گیول، سەرۆک کۆماری تورکیا پرۆژە یاسای داخستنی دادگا تایبەتییەکانی پەسەند کرد و کە لە میانەی درێژەی پاکێجی دیموکراسیزیۆن ڕەوانەی پەرلەمان و سەرۆکایەتی کۆمار کرابوو، ئەم یاسایە دوای چەند ڕۆژێک لە پەسەندکردنی یاسای بنیاتنانەوەی یاسای داد و دادوەری هات کە ناڕەزایەتییەکی زۆری هاوڵاتیانی لێکەوتەوەو بوە هۆی زیادکردنی چاودێریی حکومەت بەسەر دادگاکان .
هەر ئەمڕۆش دادگای دەستوری تورکیا لە نوسراوێکدا ڕایگەیاند سەرۆک ئەرکانی پێشووی تورکیا کە بەتۆمەتی کەیسی ئەرگەنەکۆن سزای زیندانی تا مردن بۆ دەرکراوە مافە یاساییەکانی پێشێلکراوە ،دادگای دەستوری ئاماژەشی بەوەداوە کە ئیلکەر باشبوغ، نەیتوانیوە پێداچوونەوە بۆ بڕیارەکەی دادگا بکات لە دادگای تێهەڵچوونەوەی باڵا، بەوەی ئەو دادگایەی کە کەیسەکەی باشبوغی لابووە نەیتوانیوە وەک پێویست بە دواداچوون بۆ کەیسەکەی بکات .
دوای ئەم بڕیارەش ڕێگە لەبەردەم ئازادبوونی ئیلکەر باشبوغی سەرۆک ئەرکانی پێشوی تورکیا کرایەوە.
هەر ئەمڕۆش پارێزەرەکەی باشبوغ( ئیلکەر سێزەر) بە رۆژنامەی حورییەتی ڕاگەیاندووە" لە ئێستادا دەگونجێت بڕیارێک بۆ ئازادکردنی باشبوغ هەبێت".
بە پێی سایتی میللیەت، باشبوغ یاساکەی بە بڕیارێکی گرنگ هەڵسەنگاندووە.
07/03/2014
باڵیۆزی پێشووی ئه‌مه‌ریكا له سوریا، رایگه‌یاند ئه‌مریكا پشگیری خۆرئاوای كوردستان ناكات تاوه‌كو له سوریا جیابێته‌وه، ده‌شڵێت: پێویسته ئه‌مریكا بۆ چاره‌سه‌ری كێشه‌كان، له‌گه‌ڵ پارتی یه‌كێتی دیموكراتی (په‌یه‌ده) گفتوگۆ ئه‌نجامبدات.
رۆبه‌رت فورد، باڵیۆزی پێشووی ئه‌مه‌ریكا له سوریا، له‌وتارێكدا له‌باره‌ی ئاڵۆزییه‌كانی سوریا و رۆڵی كورد له شۆڕشی سوریادا كه له‌ماڵپه‌ڕی كرستیان سین مونتیر بڵاوی كردوه‌ته‌وه و جاری یه‌كه‌میشه ده‌سته‌واژه‌ی خۆرئاوای كوردستان به‌كارده‌هێنێت.
ئاماژه به‌وه ده‌كات ئه‌مریكا ساڵی 1991 پشتیوانی سیستمی فیدراڵی له‌عێراقدا كرد، به‌ڵام بۆ ڕه‌وشی سوریا، ئه‌مریكا جیاواز بیرده‌كاته‌وه و خوازیار نییه خۆرئاوای كوردستان له سوریا جیاببێته‌وه و جه‌خت له‌سه‌ر یه‌ك پارچه‌یی خاكی سوریا ده‌كاته‌وه.
باڵیۆزی ئه‌مریكا، جه‌ختی كرده‌وه: پێویسته ئه‌مه‌ریكا بۆ چاره‌سه‌ریی كێشه‌كانی سوریا و پرسی كورد له‌و وڵاته، له‌گه‌ڵ پارتی یه‌كێتی دیموكراتی (په‌یه‌ده) گفتوگۆ بكات.
06/03/2014
سوپای توركیا ناوچەكانی سەر سنووری باشووری كوردستان بۆردومان دەكات، پەكەكەش حكومەتی توركیا بە پێشێلكردنی ئاگربەست تۆمەتبار دەكات. شاره‌زایه‌كی سیاسه‌تی توركیاش جه‌خت له‌وه ده‌كاته‌وه كه بەهۆی نزیكبوونەوەی هەڵبژاردنی شارەوانیەكانی توركیا ئاك پارتی سەرنجی نەتەوەپەرستەكانی توركیا بۆ لای خۆی راده‌كێشێت.
هاوژین محێدین چاودێری سیاسی و شارەزا لە كاروباری توركیا له وه‌ڵامی ئه‌و پرسیاره‌دا كه بۆچی توركیا له گه‌رماوگه‌رمی پرۆسه‌ی ئاشتی و نزیكبوونه‌وه‌ی واده‌ی هه‌ڵبژاردنه‌كانی شاره‌وانی له‌و وڵاته په‌لاماری سنووه‌ركانی باشووری كوردستان و قه‌ندیل ده‌دات، تایبه‌ت بۆ میدیا گوتی: "ساڵی پار ساڵی پرۆسەی چارەسەر و پاكێجی دیموكراسی بوو، هەرچەندە بەدەپە و قەندیل توانییان بەڵێنەكانیان جێبەجێبكەن، بەڵام لەلایەن حكومەتی توركیاوە تائێستا بەڵێنەكان زارەكین و پشتئەستوور نین بە دەستوور و رێككەوتننامە، لەبەر ئەوە لەناوەڕاستی ساڵی پارەوە چەندین جار پەیامی جیاواز و هەڕەشەئامێز لەلایەن سەركردە سەربازی و سیاسیەكانی پەكەكە و بەدەپە ئاراستەی حكومەتی توركیا دەكرا، حكومەتەكەی ئاك پارتی بەهۆی نزیكبوونەوەی هەڵبژاردنی شارەوانی نەیدەتوانی بەڵێنەكان جێبەجێ بكات و فشاری ناوخۆیی نەتەوەپەرستەكانی ناو توركیای لەسەر بوو، ئۆپۆزسیۆنی توركیاش درێغی نەكردووە لە تاوانباركردنی ئاك پارتی بەوەی كه گوایه گفتوگۆی لەگەڵ تیرۆريستان كردووەو دەیەوێت دەستووری توركیا بگۆڕێت، هەموو ئەمانە وایكردووە ئاك پارتی بكەوێتە ژێر فشاری گەورەو رێگەنەدات پارتەكانی مەهەپە و جەهەپە بە دابەشكەری توركیای بزانن، هەروەها ئۆپەراسیۆنەكەی 17ی كانونی یەكەم، دروستبوونی چەندین كێشە لەگەڵ وڵاتانی ناوچەكە و كێشەی ئابووری توركیا وایانكردووە ئاك پارتی كێشەی لەدەستدانی لایەنگرانی بۆ دروست بێت".
ئه‌و چاودێری سیاسییه ئه‌وه‌ی روونكرده‌وه كه ماوەیەكه بەرپرسە سیاسییەكانی بەدەپە باس لە سەربەخۆیی شارە كوردنشینەكانی توركیا دەكەن و ئاماژە بە سەركەوتنیان لە هەڵبژاردنەكان دەكەن، ئەگەر رێژەی دەنگی كوردەكان لەم هەڵبژاردنەدا زیاتر بێت، بێگومان لەسەر حسابی دەنگی ئاك پارتی دەبێت، ئەمەش وایكردووە حكومەت بیر لەوە بكاتەوە پەیامێكی هەڕەشە وەكو وەڵامێك بنێرێت بۆ بەرپرسانی بەدەپە و لە رێگەی بۆردومانەوە پێیان رابگەیەنێت حكومەتی توركیا رێگە بە سەربەخۆیی باكوور نادات. گوتیشی: "ئەگەر بێتو ئەو بۆردومانكردنەی ئێستای بۆردومانی تری بەدوادا بێت، زیان بە پڕۆسەی ئاشتی دەگەیەنێت، ئەگەرچی بەپێی شێوازی پڕۆسەی چارەسەر بێت لەكاتی بینینی چەكدارانی پەكەكە نابێت هێزەكانی سوپا تەقە لەچەكدارەكانی پەكەكە بكەن، چونكە هەر ئەو سوپایە بوو لەكاتی كشانەوەی چەكدارەكانی پەكەكە لەتوركیا هیچ پەرچەكردارێكیان نەبوو، لەبەرئەوە ئەم بۆردومانكردنە جۆرێكە لەبێ بەڵێنی حكومەت، هەرچەندە ئاك پارتی بەهۆی هەستیاری قۆناغەكە لە بەرژەوەندیدا نییە بازنەی ململانێكانی بگوازێتەوە و دژایەتی كورد بكات، لەبەرئەوە تا قۆناغی دوای هەڵبژاردن دۆخەكە بە ئارامی دەمێنێتەوە و ئەنجامی هەڵبژاردنەكان بڕیار دەدات پڕۆسەی چارەسەر بە كوێ دەگات؟ ئەگەر كوردەكان دەنگی زیاتر بەدەستبهێنن، ئەو كاتە فشاریان بۆ سەر حكومەت زیاتر دەبێت و بەدوور نازانرێت ئیدارەی خۆجێی رابگەیەنن، ئیتر حكومەتیش سەیركەر نابێت و ئەگەری ئاڵۆزبوونەوەی دۆخەكە لە ئەنجامی نەبوونی گەره‌نتی دەستووری تا ماوەی چەند ساڵێكی دی بە كراوەیی دەمێنێتەوە".
لە رۆژی 17 شوبات شەڕ و پێكدادانێكی كورت لە نێوان گەریلاكانی پەكەكە و سوپای توركیا لە نزیك سنوورەكانی باشووری كوردستان روویدا، سوپای توركیاش دەستی كردووەتەوە بە بۆردومانكردنی ئه‌و ناوچانه و جگه له زیانی ماددی بریندار بوونی هاوڵاتیانیشی لێكه‌وتۆته‌وه.
له‌لای خۆیه‌وه فەرمانداری بڕیارگەی ناوەندی پاراستنی گەل سه‌باره‌ت به‌وه‌ی كه ماوەی ساڵێكە ئاگربەست راگەیەندراوە و ئه‌نجامه‌كهی گوتی : "ئەمانە بەواتای لەناوبردنی ئاگربەست دێت. هێزەكانمان بەشێوەیەكی هۆشیارانە لەچوارچێوەی ئاگربەست و بڕیاری سەرۆكایەتیماندا هەڵسوكەوت دەكەن، بەڵام دەبێت هەموو كەسێك بزانێت كە هێزەكانمان بەشێوەیەكی چالاك وەڵامی هەموو جۆرە هێرشێك دەدەنەوە".
س:میدیا
06/03/2014
ئەمڕۆ لە واشنتۆن_ی ویلایەتە یەكگرتووەكانی ئەمریكا، كۆبوونەوەی بازرگانی و وەبەرهێنانی هاوبەش لە نێوان وەفدی حكومەتی عیراق و ئەمریكا بەڕێوەچوو، كە وەفدی عیراق بەسەرۆكایەتی وەزیری بازرگانی و بەشداری ژمارەیەك لە نوێنەرانی وەزارەتە جیاجیاكانی عیراق و ژمارەیەك وەبەرهێنی كورد، بوو.
د. خەیروڵا حەسەن، وەزیری بازرگانی و سەرۆكی وەفدی عیراق لە ئەمریكا، بە خەندان_ی راگەیاند:" سەرەتای كۆبوونەوەكە بە وتاری سەرۆكی وەفدی هەردوولا دەستیپێكرد، پاشا بۆ ماوەی سێ كاتژمێر بۆچوونەكان ئاڵوگۆڕ پێكرا".
وەفدی بازرگانی و وەبەرهێنانی ئەمریكا بەسەرۆكایەتی مایكل فروومان، نوێنەری بازرگانی ئەمریكا و بەشداری نوێنەرانی وەزارەتە پەیوەندیدارەكان پێكهاتبوو.
د.خەیروڵا، ئاماژەی بەوەدا، لە كۆبوونەوەكەدا، ئامانجی ئیمزاكردن لەسەر رێكەوتنی دەستنیشانكردنی بوارەكانی بازرگانی و وەبەرهێنان لە نێوان هەردوو وڵات، بۆ پتەوكردنی هەماهەنگی و هاریكاری و چالاككردنی ئابوری و بازرگانیی نێودەوڵەتییە، هەروەها دەبێـ هەردوو وڵات ئەوە بزانن، كە وەبەرهێنان، ئەگەر نیشتمانی بێت یان بیانی، رۆڵێكی گرنگ دەبینێت لە گەشەكردن و دۆزینەوەی هەلی كار.
سەرۆكی وەفدەكەی عیراق، وتیشی :" هەر لەوێدا ئاماژەمان بەو پاڵپشتییەی ئەمریكا دا كە لە هەموو بوارەكاندا پێشكەشی عیراقی كردووە، هەروەها پاڵپشتیكردنی عیراق بۆ چوونە ناو رێكخراوی بازرگانی جیهانی".
ئاشكراشیكرد، كە لە ئێستادا كاركردن لە نێوان هەردوو وەزارەتی بازرگانی عیراق و بازرگانی ئەمریكا هەیە بۆ پێشكەشكردنی پاڵپشتی تەواو لە رێگەی بەرنامەی پەرەپێدانی یاسای بازرگانی.
تەئكیدشیكردەوە، كە لەكرنامەی كۆبوونەوەكان جەختدەكەنەوە لە سەر ئەوەی كەرتی بازرگانی و وەبەرهێنان، كەرتی هاریكاری دارایی و بانكیی، هاریكاری زانستی و تەكنیكی، هاریكاری لە بوارەكانی كشتوكاڵ و تەندروستی و ژینگە و كۆنترۆڵی جۆری و یاسایی، لەگەڵ كەرتی تایبەت و رۆڵی ئافرەتانی كرێكار، گفتوگۆی تەواویان لەسەر بكرێت.
06/03/2014
زانایانی ئایینی شاری هه‌ولێر، رێكکه‌وتن له‌سه‌ر ده‌ركردنی به‌ڵگه‌نامه‌یه‌كی شه‌رعی کە رێده‌دات كورد هاوشێوه‌ی گه‌لانی دنیا ده‌وڵه‌تی سه‌ربه‌خۆی هه‌بێت.
له كۆبونه‌وه‌یه‌كدا كه بۆ ژماره‌یه‌ك له زانایانی ئایینی ئیسلامی له‌شاری هه‌ولێر رێكخرابوو، گفتوگۆكرا له‌سه‌ر مافی چاره‌ی خۆنوسینی گه‌لی كورد و راگه‌یاندنی ده‌وڵه‌تی كوردی سه‌ربه‌خۆ به‌شێوه‌یه‌كی ئاشتیانه كرا.
دوای كۆبوونه‌وه‌كه جه‌عفه‌ر گوانی، به‌ڕێوه‌به‌ری راگه‌یاندنی یه‌كێتی زانایانی ئایینی ئیسلامی كوردستان به‌ڵگه‌نامه شه‌رعیه‌كانی زانایانی ئاینی سه‌باره‌ت راگه‌یاندنی ده‌وڵه‌تی كوردی بۆ رۆژنامه‌نوسان خوێندنه‌وه.
جه‌عفه‌ر گوانی وتی: به‌پشتبه‌ستن به به‌ڵگه‌كانی فیقهی ئیسلامی، كورد مافی ته‌واوی هه‌یه بۆ بڕیاردان له‌سه‌ر مافی چاره‌ی خۆنووسین و راگه‌یاندنی ده‌وڵه‌تی سه‌ربه‌خۆ به رێی ئاشتیانه، ئه‌وه ش مافێكه خوای گه‌وره به‌گه‌لانی به‌خشیوه و ناكرێ گه‌لی كورد لێی بێبه‌ش بكرێت.
جه‌عفه‌ر گوانی ئه‌وه‌شی خسته‌ڕوو كه، بوونی ده‌وڵه‌تی كوردی پشتی موسڵمانان به هێز ده‌كات له‌ناوچه‌كه‌دا، وه‌ك چۆن له رابردوودا كورد ئیسلامی پاراستوه .
جه‌عفه‌ر گوانی داوای له‌لایه‌نه په‌یوه‌ندیداره‌كانی هه‌رێمی كوردستان كرد ئه‌و به‌ڵگه‌نامه شه‌رعیه جێبه‌جێ بكه‌ن و له‌داهاتودا كۆنفرانسی فراوانی بۆ ساز بكه‌ن.
05/03/2014
نەورۆز و ساڵی نوێ بەڕێوەیە و سرووشت و ئاووهەوای کرماشانیش نوێ دەبێتەوە و سەرنجڕاکێش دەبێت، ئەمەش گەشتیارەکان بەرەو پارێزگای کرماشان رادەکێشێ. بەرپرسانی کرماشانیش لەمە غافڵ نین و لە ئیستاوە خۆیان بۆ پێشوازی لە میوانانی نەورۆز ئامادە دەکەن، تا میوانەکان سەفەرێکی نەرۆزی جێی رەزامەندیی و مێژوویی لە بیر نەکراویان بۆ کرماشان هەبێت.
هیندوستانی رۆژهەڵاتی کوردستان ، یا دیاری بەرد و ئاو ، نازناوی پارێزگای کرماشانن لە رۆژهەڵاتی کوردستان .
پارێزگای کرماشان لە کۆنەوە بەهۆی کەشوهەوای کوێستانی و چوار وەرز و شارومەندانی خوێن گەرم و شوێنەواری کۆنی مێژوویی کوردستان شوێنی ئامانجی گەشتیارانی ئێران و کوردستان بووە .
تاڵاوەکانی رێژاو و سەراو لە سەحنە لە پەنا ئەشکەوتی ئاوی،قۆری قەڵا لە شاری جوانرۆ ،چاوەکان بۆلای رادەکێشێ .
پایەتەختی کۆنی ساسانییەکان 2 هەزار و 163 شوێنەواری مێژوویی لە خۆ دەگرێت، تاق وەسان، بەردنووسی ئاناهیتا ، بەردنووسی تاق وەسان و حەوشەی مێژوویی بێستوون لە ئاسەوارەکانی پارێزگای کرماشانن، کە تۆماری جیهانی کراون و ساڵانە دەیان هەزار گەشتیار بۆلای خۆیان رادەكێشن .
هەروەها بەرهەمە کەلتووری و فۆلکلۆرەکان وەک پیشەسازییە دەستییەکان بەشێکی دیکەن لە تواناکانی ئەو پارێزگایە بۆ راکێشانی سەرنجی گەشتیاران .
ئامادەکارییەکانی کاربەدەستانی حکومی لە پارێزگای کرماشان بۆ نەورۆزی ئەمساڵ دەستیپێکردووە و جگە لە هۆتێلەکان 800 قوتابخانەش ئامادەکراوە بۆ حەسانەوەی گەشتیاران
05/03/2014
پاش ئه‌وه‌ی سێ تۆمه‌تبار بڕێك ده‌رمانی نایاسایی له شاری كه‌ركوك هێنابوو، پێش ئه‌وه‌ی له‌ناو شاری هه‌ولێر بیفرۆشن له‌لایه‌ن پۆلیسه‌وه ده‌ستگیرده‌كرێن.
به پێی راگه‌ێنردراوێكی پۆلیسی هه‌ولێر كه وێنه‌یه‌كی ده‌ست خه‌ندان كه‌وتووه، دوای كۆكردنه‌وه‌ی زانیاری سه‌رباره‌ت به هێنانی بڕێكی زۆر ده‌رمان به نایاسایی له شاری كه‌ركوكه‌وه بۆ ناو شاری هه‌ولێر، به مه‌به‌ستی فرۆشتنی به نایاسایی، پۆلیسی نه‌هێشتنی تاوان توانییان ده‌ست به‌سه‌ر ده‌رمانه‌كه‌دا بگرن و تۆمه‌تباره‌كانیش ده‌ستگیر بكه‌ن.
له‌و باره‌یه‌وه ڕائید كاروان شێخ عه‌بدولكه‌ریم وته‌بێژی فه‌رمیی پۆلیسی پارێزگای هه‌ولێر رایگه‌یاند كه دوای كۆكردنه‌وه‌ی زانیاری له‌سه‌ر دوو تۆمه‌تبار به ناوه‌كانی (ك) و (ك) كوڕانی (ا ع) كه له كه‌ركوكه‌وه به شێوه‌یه‌كی نایاسایی ده‌رمانیان بۆ ناو شاری هه‌ولێر ده‌هێنا و پاشان ده‌یاندایه تۆمه‌تبارێكی دیكه به ناوی (ع م ح) به مه‌به‌ستی فرۆشتنی له‌ناو شاری هه‌ولێر.
ئه‌وه‌بوو دوای چاودێریكردنیان هێزه‌كانی پۆلیسی نه‌هێشتنی تاوان توانییان هه‌رسێ تۆمه‌تباره‌كه، به‌ر له‌وه‌ی بگه‌نه ناو سنوری شاری هه‌ولیر، ده‌ستگیر بكه‌ن و ده‌ست به‌سه‌ر ده‌رمانه‌كانیشدا بگرن.
ڕائید كاروان ڕوونیشی كرده‌وه: په‌ڕاوی لێكۆڵینه‌وه بۆ ئه‌م كێیسه كرایه‌وه و خرایه به‌رده‌ستی به‌ڕێز دادوه‌ری لێكۆڵینه‌وه، به‌ڕێزیان بڕیاری دا به به‌ند كردنی هه‌رسێ تۆمه‌تباره‌كه و ته‌واوكردنی لێكۆڵینه‌وه.
05/03/2014
نوێنه‌ری وه‌زیری ده‌ره‌وه‌ی ئێران، ئاماژه به‌وه ده‌كات، كه كۆڕبه‌ندی دیداری سلێمانی له زانكۆی ئه‌مریكی زۆر گرنگه بۆ وروژاندنی كێشه‌كان و چاره‌سه‌كردنیان له ناوچه‌كه‌دا.
ئه‌حمه‌د سادقی نوێنه‌ری وه‌زیری ده‌ره‌وه‌ی ئێران به تایبه‌تی و وڵاتی ئێران به گشتی، سه‌باره‌ت به گرنگی كۆڕبه‌ندی دیداری سلێمانی، تایبه‌ت بۆ خه‌ندان وتی: "ئه‌م كۆڕبه‌نده زۆر گرنگه، بۆئه‌وه‌ی كێشه گرنگه‌كانی ناوچه‌كه بوروژێنرێت و گفتووگۆی له‌باره‌وه بكرێت، بابه‌ته‌كانیش زۆر باش بوون كه تێیدا باس له قه‌یرانه‌كانی ناوچه‌كه كرا، به تایبه‌ت ئه‌وه گرنگه كه خۆیان چاره‌سه‌ری كێشه‌كانی خۆیان بكه‌ن".
سه‌باره‌ت به‌وه‌ی كه بۆچی وه‌زیری ده‌ره‌وه‌ی ئێران بانگهێشتكراوه و ئاماده‌ی كۆڕبه‌نده‌كه نه‌بووه، سادقی، ئاماژه‌ی به‌وه‌دا، كه وه‌زیری ده‌ره‌وه‌ی ئێران به‌رنامه‌ی كاری زۆر بووه، كه ئێستا به سه‌ردان چووه بۆ وڵاتی ژاپۆن.
سه‌باره‌ت به كێشه‌كانی نێوان هه‌رێم و به‌غدا و رۆڵی وڵاتی ئێران له چاره‌سه‌ركردنی كێشه‌كاندا، نوێنه‌ری وه‌زیری ده‌ره‌وه‌ی ئێران، ئه‌وه‌ی خسته‌ڕوو، كه "ئێران له چوارچێوه‌ی عیراقی یه‌كپارچه‌دا، ده‌توانێت هاوكاری عیراق بكات بۆ چاره‌سه‌ركردنی كێشه‌كانی نێوان هه‌رێمی كوردستان و به‌غدا".
05/03/2014
هه‌ریه‌ك له ئه‌مریكا و به‌ریتانیا و ژاپۆن، هه‌ڵوێستی حكومه‌تی مۆسكۆ بۆ به‌رامبه‌ر ئۆكرانیا به هه‌ڕه‌شه بۆسه‌ر ناوچه‌كه له‌قه‌ڵه‌م ده‌ده‌ن و پێیان وایه ده‌بێت روسیا باجێكی قورس بدات.
سه‌ره‌تا وته‌بێژ به‌ناوی حكومه‌تی به‌ریتانیا رایگه‌یاند هه‌ریه‌ك له ده‌یڤد كامیرۆن و باراك ئۆباما كۆكن له‌سه‌ر ئه‌وه‌ی ده‌ستوه‌ردانی روسیا له كاروباری ناوخۆ روسیا به‌هیچ جۆرێك مایه‌ی قبوڵكردن نییه.
هاوكات به‌پێی هه‌واڵێكی ئاژانسی سكای نیوز، باراك ئۆباما، سه‌رۆكی ولایه‌ته یه‌كگرتووه‌كانی ئه‌مریكا جه‌ختی كردووه‌ته‌وه كه ئه‌گه‌ر روسیا هه‌ڵوێستی به‌رامبه‌ر گۆڕانكارییه‌كانی ئۆكرانیا نه‌گۆڕێت، ئه‌وا باجی قورس ده‌دات.
له كاردانه‌وه‌یه‌كی نوێی حكومه‌تی ژاپۆنیشدا، به‌رپرسانی تۆكیۆ ناڕه‌زاییان به‌رامبه‌ر بڕیاره‌كه‌ی په‌رله‌مانی روسیا ده‌ربڕی كه رێگه‌ی به فلادیمێر پۆتندا ده‌ستوه‌ردانی سه‌ربازی له ئۆكرانیا بكات.
به‌ڵام ئه‌نگێلا مێركڵ، راوێژكاری ئه‌ڵمانیا ئاشكرایكرد كه پۆتن ره‌زامه‌ندیی ده‌ربڕیووه له‌سه‌ر پێشنیازێكی ئه‌ڵمانیا بۆ ده‌ستكردن به گفتوگۆی سیاسی له‌باره‌ی قه‌یرانی ئۆكرانیاوه.
04/03/2014
كاندیدی شارەوانییەكانی ئیستانبولی هەدەپە سیری سورەیا ئۆندەر پێشبینی عەبدوڵا ئۆجەلانی سەرۆكی زیندانیكراوی پارتی كرێكارانی كوردستانی بۆ هەڵبژاردنە شاره وانییەكانی توركیا خستەڕوو.
ڕۆژنامەی ڕادیكاڵی توركی بلاویكردەوە سیری سورەیا ئۆندەری كاندیدی هەدەپە بۆ هەڵبژاردنە شارەوانییەكانی 30-ی ئازاری 2014 ئەگەر هەدەپە و بەدەپە لە 11% دەنگەكان بەدەست بهێنن ئەوا لە هاوكێشەی سیاسی توركیادا دەتوانن شوێنی خۆیان بگرن .
ئۆندەر ئەوەشی بڵاوكردووەتەوە كە ئۆجەلان پێی وتوون ئەگەر ئێوە 11%ی دەنگەكان بەدەست بهێنن ئەوا پشتگوێناخرێن و هەنگاوێكی باشە بۆ قۆناغەكانی تری پرۆسەی ئاشتی و چارەسەری.
ئێستاش ئاژانسی فورات نیوز بڵاویكردەوە محمد ئۆجەلانی برای عەبدوڵا ئۆجەلان دوای ئەوەی سەردانی ئیمرالی كرد دواتر ڕوونكردنەوەیەكی بڵاوكردەوە لە ڕوونكردەوەكەدا محمد ئۆجەلان ئەوەی ڕاگەیاند كە عەبدوڵا ئۆجەلان وتویەتی "قۆناغی یەكەمی چارەسەری تەواوبووە، تائێستاش قۆناغی دووەم دەستیپێەنەكردووە ، قۆناغی دووەم واتە ئامادەكردنی یاداشتننامەیەك".
هەروەها ئۆجەلان بە محمد ئۆجەلانی ڕاگەیاندووە پێویستە بە ڕۆحێكی ئامادەوە بۆ هەڵبژاردنەكان هەوڵبدەن.
04/03/2014
له راپۆرتێكیدا، ئه‌مڕۆ شه‌ممه، نه‌ته‌وه یه‌كگرتووه‌كان ئاماری كوژراوو بریندارانی مانگی رابردووی عیراق به‌هۆی به‌رده‌وامی كرده توندوتیژییه‌كان بڵاوكرده‌وه كه 703 كه‌س كوژراون و هه‌زار و 381 كه‌سيش بریندار بوون.
به‌پێی راپۆرته‌كه‌ی نه‌ته‌وه‌یه‌كگرتووه‌كان، ژماره‌ی كوژراوانی مانگی رابردوو نزیكه له‌ژماره‌ی كوژراوانی مانگی یه‌كی ئه‌مساڵ كه ( 733) كوژراو تۆمار كرابوو.
له‌راپۆرته‌كه‌ی نه‌ته‌وه یه‌كگرتووه‌كاندا هاتووه، مانگی رابردوو 564 هاوڵاتی مه‌ده‌نی و 139 كه‌س له‌هێزه‌كانی ئاسایش كوژراون، هه‌روه‌ك به‌هۆی كرده توندوتیژییه‌كانه‌وه هه‌زار و 381 كه‌سيش بریندار بوون.
راپۆرتی نه‌ته‌وه یه‌كگرتووه‌كان ژماره‌ی كوژراوو بریندارانی شه‌ڕی ئه‌نباری تێدا تۆمار نه‌كراوه.
له‌راپۆرته‌كه‌دا، شاری به‌غدا زۆرترین ژماره‌ی كوژراوو برینداری تێدا تۆمار كراوه، له ماوه‌ی ئه‌و مانگه‌دا كه 239 كه‌س كوژراون، دوای ئه‌و پارێزگای سه‌ڵاحه‌دین دێت كه ژماره‌ی كوژراوان تیایدا گه‌یشتۆته 121 كه‌س، هه‌روه‌ك له پارێزگای نه‌ینه‌وا ژماره‌ی كوژراوان گه‌یشتۆته 94 كه‌س.
سه‌رچاوه: بی بی سی
03/03/2014
له دواین دانیشتنیدا په‌رله‌مانی تورکیا چواره‌م پاکێجی دیموکراسیزیۆنی په‌سه‌ندکرد به‌پێی پرۆژه‌که ده‌توانرێت له‌مه‌ودا قوتابخانه‌ی تایبه‌ت به‌زمانی کوردی بکرێته‌وه.
سایتی حورییه‌تی تورکی بڵاویکرده‌وه له دواین دانیشتنیدا له‌لایه‌ن په‌رله‌مانی تورکیاوه پرۆژه یاسایه‌ک په‌سه‌ند کراوه ، له پرۆژه‌که‌دا چاکسازی له چه‌ندین یاسادا کراوه به‌مه‌به‌ستی فراوانکردنی ئازادییه‌کان و مافه سه‌ره‌تاییه‌کان که به پاکێجی دیموکراسیزیۆن ناسراوه .
- به‌پێی پرۆژه‌که پێکهاته‌کانی تورکیا قوتابخانه‌ی تایبه‌ت به خۆیان بکه‌نه‌وه دوای ئه‌وه‌ی له‌لایه‌ن ده‌زگا په‌روه‌رده‌ییه‌کانه‌وه ڕێگه‌یان پیده‌درێت .
- به‌پێی پرۆژه یاساکه ، له هه‌ڵبژاردنه شاره‌وانییه‌کان و گشتییه‌کانی تورکیادا ده‌توانرێت جگه له زمانی تورکی به زمانی کوردی و زمانه‌کانی تر بانگه‌شه‌ی هه‌ڵبژاردن بکه‌ن .
- به‌پێی پرۆژه‌که پارته‌کان گۆڕانکاری به‌سه‌ر شێوازی سه‌رۆکایه‌تی پارته‌کانیاندا دێت ،به‌وه‌ی پارته‌کان ده‌بێت له‌مه‌ودوا له جیاتی سه‌رۆکێک ده‌بێت دوو سه‌رۆک (هاوسه‌رۆک ).
- به‌پێی پرۆژه‌که حکومه‌ت هاوکاری دارایی بۆ پارته به‌شداربووه‌کانی هه‌ڵبژاردن له %7-ه‌وه که‌مده‌کاته‌وه بۆ %3.
- له خاڵێکی تری پاکێجه‌که‌دا ده‌بێت له‌کاتی خۆپیشانداندا بۆچوونی سه‌رۆکایه‌تی شاره‌وانی و پارێزگار و لایه‌نه به‌رپرسه‌کان وه‌ربگیرێت ، هه‌روه‌ها ده‌بێت له‌و شوێنانه‌دا خۆپیشاندان بکرێت که پێشتر له‌سه‌ر سایتی فه‌رمی قایمقامییه‌ت بڵاوکراوه‌ته‌وه و رێگه‌ی پێدراوه.
- خۆپیشاندانه‌کان ئه‌گه‌ر له شوێنی کراوه‌دا ئه‌نجامدرا ئه‌وا ده‌بێت پێش خۆرئاوابوون کۆتایپێبهێنرێت، ئه‌گه‌ر له شوێنی داخراودا بوو ئه‌وا ده‌بێت تا کاتژمێر 12-ی شه‌و به‌رده‌وام بێت .
- هه‌موو گوفتارێک و کرده‌وه‌یه‌کی توندوتیژ و که ئاراسته‌ی که‌سی به‌رامبه‌ر بکرێت له‌وانه ره‌گه‌زپه‌رستی، نه‌ته‌وه‌په‌رستی، بیرکردنه‌وه‌ی سیاسی، ئاینی و مه‌زهه‌بی، ڕه‌نگ ، سزاکه‌ی له نێوان ساڵێک بۆ سێ ساڵ ده‌بێت .
پاکێجی دیموکراسیزیۆن له 30-ی ئه‌یلولی 2013 له‌لایه‌ن ڕه‌جه‌ب ته‌یب ئه‌ردۆغانی سه‌رۆک وه‌زیرانی تورکیاوه ڕاگه‌یاندرا ئه‌مه‌ش وه‌کو چاکسازییه‌ک به‌رامبه‌ر ئه‌و خۆپیشاندانانه‌ی پارکی گێزی و ئه‌و ناڕه‌زایه‌تییانه‌ی یه‌کێتی ئه‌وروپا به‌رامبه‌ر سیسته‌می حکومڕانی ئه‌ردۆغان هه‌یانبوو.
03/03/2014
سەرۆكی كاتی ئۆكرانیا رایگەیاندووە، ژمارەی سەربازانی روسیا لە وڵاتەكەیان لە زیاد بوندایە.
بەپێی هەواڵێكی ئاژانسی (رۆیتەرز) سەرۆكی كاتی ئۆكرانیا ئەلكساندر تۆرچینۆڤ رایگەیاندووە"ژمارەی سەربازانی هێزەكانی روسیا لە دورگەی كریمە بە شێوەیەكی بەردەوام لە زیاد بونیدایە".
ئەمڕۆ دووشەممە وەزارەتی دەرەوەی روسیا لە بەیاننامەیەكدا رایگەیاند كە جۆن كیری وەزیری دەرەوەی ویلایەتە یەكگرتووەكانی ئەمریكا هەوڵی نەداوە هەڵسەنگاندن بۆ بارودۆخی تێكچووی ئۆكرانیا دوای ئەوەی توندڕەوەكان بە هێز دەسەڵاتیان گرتەدەست، بكات.
وەزارەتی دەرەوەی روسیا ئاماژەی بەوەدا كە وەزیری دەرەوەی ویلایەتە یەكگرتووەكانی ئەمریكا دەستەواژەكانی رۆژانی "جەنگی سارد" بەكاردەهێنێت و داوای "سزادان"ی روسیا دەكات لەبری بەرپرسانی كودەتای ئۆكرانیا.
لە بەیاننامەكەدا ئەوە خراوەتەڕوو كە "ویلایەتە یەكگرتووەكان و وڵاتە هاوپەیمانەكانی تاوانی چەكدارانی گۆڕەپانەكانی كیڤی پایتەختی ئۆكرانیا دژی ركابەرە سیاسییەكان و دانیشتوانەكەی و خولیا دوژمانكارانەكانیان دژی روسیا و سوكایەتیكردن بە پاڵەوانانی جەنگی نیشمانی مەزنیان پشتگوێخستووە".
04/03/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
