به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
واشنتن: نووسه‌ری ئه‌مریكایی دانا میلبانك له وتارێكدا كه له رۆژنامه‌ی "واشنتن پۆست" بڵاویكردووه‌ته‌وه، رایگه‌یاندووه، داستانی ده‌ستگرتنی روسیا به‌سه‌ر نیمچه دوورگه‌ی قرم و ونبوونی فرۆكه مالیزیاییه‌كه به‌ڵگه‌ن بۆ پاشه‌كشێ و لاوازی ئه‌مریكا و سنوورداربوونی ده‌سه‌ڵاتی.
ئه‌و نووسه‌ره ئه‌وه‌شی نووسیوه: "درك كردن به راسته‌قینه زۆر جار ئه‌سته‌مه پاساو و بیانووی بۆ بدۆزرێـته‌وه. هه‌رچه‌نده ئه‌مریكا دژی لكاندنی قرم بوو به روسیاوه، به‌ڵام ئه‌مریكا نه‌یتوانی رێگری له مۆسكۆ بكات و به‌مه‌ش ده‌ركه‌وت چیدیكه جیهان موڵكی ئه‌مریكا نییه".
میلبانك، نووسیویه‌تی: "له‌لایه‌كی دیكه‌وه ونبوونی فڕۆكه مالیزیاییه‌كه‌ش به‌ڵگه‌یه‌كی دیكه‌یه له‌سه‌ر لاوازبوونی ئه‌مریكا و كورتهێنانی هه‌ژموونی به‌سه‌رجیهاندا".
روونیشیكردووه‌ته‌وه، "ونبوونی فرۆكه‌یه‌كی مالیزیایی ئه‌وه پیشانده‌دات، ده‌گونجێت هه‌ر فڕۆكه‌یه‌كی دیكه له جیهاندا دیار نه‌مێنێت و هیچ شوێنه‌وارێكیشی به‌جێنه‌مێنێت".
ئه‌و نووسه‌ره له باره‌ی فڕۆكه‌كه‌وه وتویه‌تی: "په‌نهانی له رووداوی یه‌كه‌مدا و ده‌سته‌پاچه‌یی ئه‌مریكاش له باره‌ی رووداوی لكاندنی قرم به رووسیاوه له هه‌زاره‌ی نوێدا ده‌ریده‌خات، ده‌سه‌ڵاتی ئه‌مریكا سنوور دار بووه، تا ئه‌و راده‌یه‌ی به‌رپرسانی باڵای مۆسكۆ گاڵته‌یان به هه‌ڕه‌شه‌كانی ئه‌مریكا دێت".
25/03/2014
بان كیمۆن ئه‌مینداری گشتی نه‌ته‌وه یه‌كگرتووه‌كان، هه‌ردوو لایه‌نی به‌شه‌ڕهاتوی سوریای به‌وه تۆمه‌تباركرد كه بوونه‌ته ڕێگر له گه‌یاندنی هاوكارییه‌كان به لێقه‌وماوانی ئه‌و ولاَته.
له‌یه‌كه‌م ڕاپۆرتدا كه له‌باره‌ی جێبه‌جێكردنی بڕیاره‌كه‌ی ئه‌نجومه‌نی ئاسایش بۆ گه‌یاندنی هاوكارییه مرۆییه‌كانه‌وه ئاماژه به‌وه‌دراوه، كه تائێستاش هێزه‌كانی حكومه‌تی سوریا به‌رده‌وامن له ئابڵوقه‌دانی 175 هه‌زار كه‌س، هاوكات هێزه‌كانی ئۆپۆزسیۆنیش له‌ناوچه‌یه‌كی تر 45 هه‌زار كه‌سیان ئابڵوقه‌داوه.
بان كیمۆن وتویه‌تی" تا ئێستا نیوه‌ندگیری تر نه‌كراوه بۆ فه‌راهه‌مكردنی ئاگربه‌ستێكی تر له سوریا، ته‌نانه‌ت هه‌ندێك جار ئه‌و ئاگربه‌سته‌ی ئێستا هه‌یه له‌و ناوچانه پێشێلده‌كرێت".
به پێی راپۆرته‌كه، له‌ئێستادا نۆملیۆن‌و 300 هه‌زار كه‌س پێویستیان به‌هاوكاری مرۆیی هه‌یه‌‌و دوو ملیۆن‌و 600 هه‌زار كه‌سی تریش له‌ترسی جه‌نگ زێدی خۆیان جێهێشتووه‌و ئاواره بوون.
له ئێستادا ئه‌نجومه‌نی ئاسایش به‌نیازه له‌كاتی جێبه‌جێنه‌كردنی بڕیاره‌كانی پێشوویدا ڕێوشوێنی نوێ بگرێته به‌ر، به‌ڵام ژماره‌یه‌ك دیبلۆماتكار ڕایانگه‌یاند پێناچێت ڕوسیا ره‌زامه‌ندی نیشانبدات و ڕێگه بدات ئه‌نجومه‌نی ئاسایش هیچ بڕیارێك له‌دژی حكومه‌تی سوریا ده‌ربكات، ئه‌گه‌ر هات‌و ده‌ركه‌وت حكومه‌ت ده‌ستی هه‌یه له‌و ڕێگرییه‌دا.
25/03/2014
سه‌رۆكایه‌تی هه‌رێمی كوردستان له‌به‌یاننامه‌یه‌كدا "نیگەرانی و دڵتەنگیی" خۆی بۆ گیان لەدەستدانی رۆژنامەنووس دکتۆر محمد بدێوی رادەگەینێت کە لە رۆژی ٢٢/٣/٢٠١٤ لە شاری بەغدا بووە قوربانی و وه‌لامی وته‌كانی نوری مالیكی سه‌رۆك وه‌زیرانی عێراقیشی دایه‌وه.
پێش نیوه‌ڕۆی شه‌ممه 22ی ئازار – مارسی 2014، له ناوچه‌ی جادرییه‌ی به‌غدای پایته‌خت رۆژنامه‌وان و مامۆستای به‌شی راگه‌یاندن دكتۆر محه‌ممه‌د بدێوی شه‌ممه‌ریی كوژرا.
بدێوی به‌ڕێوبه‌ری نووسینگه‌ی رادیۆی عێراقولحوڕ بوو، دوای كوژرانی، ماڵپه‌ڕی رادیۆی عێراقولحوڕی ئه‌مریكایی بڵاویكرده‌وه، به‌ڕێوبه‌ری نووسینگه‌كه‌یان له به‌غدا، له لایه‌ن هێزێكی سه‌ر به فه‌وجی پاسه‌وانی سه‌رۆكایه‌تی كۆمار كوژراوه.
نوری مالكی رۆژی رووداوه‌كه خۆی ته‌رمی محه‌مه‌د بدێوی دایه‌وه كه‌سوكاره‌كه‌ی و به‌ڵێنی پێدان بكوژه‌كه‌ی راده‌ستی دادگا بكات و وتی "سزای ئه‌و تاوانه خوێن به خوێنه"، ئه‌و لێدوانه‌ش كاردانه‌وه‌ی لێكه‌وته‌وه.
سه‌رۆكایه‌تی هه‌رێم له‌به‌یاننامه‌كه‌دا هیوای خواست دادگایەکی عادیلانە رێوشوێنی یاسایی پێویست بگرێتە بەر بۆ لێکۆڵینەوە لە رووداوەکە و یەکلاکردنەوەی ئەم دۆسیەیە.
سه‌رۆكایه‌تی هه‌رێم ئاماژه‌ی به‌وه‌شكرد لەم چەند ڕۆژەدا بەهۆی بەدواداچوونی وردی ڕووداو و لێدوانەكان هیوامان دەخواست ئەم بابەتە لە سنووری یاسایی خۆی دەرنەچێت و پێمان باشە یاسا و دەسەڵاتی قەزایی دوور لە دەستێوەردانی سیاسییەكان ڕۆڵی بێلایەنانەی خۆی بگێڕێت.
ئه‌وه‌شی خستووه‌ته‌ڕوو "دوای ڕووداوەکە لێدوان و هەڵوێستی هەندێ کەسایەتیی سیاسیی عێراقی بوونەتە هۆی نیگەرانیی شەقامی عێراقی و دەچنە چوارچێوەی هەڕەشە لە ئاشتی و پێکەوەژیانی پێکهاتەکانی عێراق و فراوانکردنی ئاڵۆزییەکان و نانەوەی ئاژاوە و دووبەرەکی لەنێوان هاووڵاتییاندا. لێرەدا بە پێویستی دەزانین رای گشتی عێراقی ئاگادار بکەینەوە کە نابێت رێگا بە هیچ کەس و لایەنێک بدرێت درز بخاتە ناو برایەتیی پێکهاتەکانی عێراق و بازرگانیی بە گیانی دکتۆر محمد بدێوی بکرێت".
له‌به‌یاننامه‌كه‌دا هاتووه "جێگەی داخە لە دوای ڕوودانی ئەم كارەساتە سەرۆك وەزیرانی عێراقی وشەی نامۆ و ناشرینی خوێن لەبەرانبەر خوێنی بەكار هێناوە كە دوورە لە بنەماكانی باڵادەستیی یاسا و دەوڵەتداری و كولتووری پێكەوەژیان و دیموكراسی. لە سایەی زێدەڕۆیی هەندێ لایەن و ئەم دۆخە ئەمنییە نالەبارەی لە عێراقدا هاتووەتە ئاراوە خەڵكێكی زۆر كوژراوە و لەم چەند ساڵەدا 400 مامۆستای زانكۆ لە عێراقدا تیرۆر كراون و كەس خۆی نەكردە خاوەنی خوێنیان و دەسەڵاتی بەغدا هیچ هەوڵێكی نەدا بۆ دۆزینەوەی تاوانباران. ئێستا كە هاووڵاتییەكی كورد لایەنێكی ئەم ڕووداوە نەخوازراوەیە دەیانەوێت لەڕووی سیاسییەوە ئیستغلالی بكەن و بیكەنە بابەتێكی زۆر مەترسیدار و هەوڵێك بۆ نانەوەی فیتنەی نێوان نەتەوە و پێكهاتەكانی عێراق. بۆیە بەرپرسیارێتیی هەر ڕووداو و کاردانەوەیەکی ئەم ڕەوشە دەکەوێتە ئەستۆی ئەوانەی دەیانەوێ ڕووداوەکە بۆ مەرامی سیاسی بەکار بهێنن".
سه‌رۆكایه‌تی هه‌رێم پرسیاری ئه‌وه‌ده‌كات "ئەگەر دەستەڵاتدارانی عێراقی بەم لۆژیكە سەیری ڕووداوەكان دەكەن پرسیار ئەوەیە كێ خوێنی 5000 شەهیدی هەڵەبجە و 182000 ئەنفال و 8000 بارزانی و 12000 فەیلی دەداتەوە؟ سەرباری ئەم قوربانییە مەزنە گەلی كورد لەپێناو بنیاتنانی ژیانێكی تازە و هیوایەكی نوێ هیچكات ئامادە نەبوو بڵێ: " خوێن لەبەرانبەر خوێن".
جه‌ختیشده‌كاته‌وه "پێویستە لەم كەیسەدا قەزا دوور لە حەزی ناڕەوای سیاسییەكان ئەم كێشەیە یەكلایی بكاتەوە و چیتر ڕێگە نەدرێ دەنگی ناقۆڵا بەرز ببێتەوە و ئیستغلالی ئەم ڕووداوە بكەن. گەلی كوردستان بڕیاری داوە بە برایەتی و تەبایی و پێكەوەژیان لەگەڵ عێراقدا بژییت. ئەگەر دەستەڵاتدارانی بەغدا ئەم برایەتییەیان نەوێت و هەر ڕۆژێك بە بیانوویەك كێشە دروست بكەن با بێن و پێكەوە دانیشین و كۆتایی بەم پەیوەندییە پڕكێشەیە بێنین".
25/03/2014
دەسەڵاتدارانی رووسیا لە وەڵامی بەرپرسانی كەنەدا كە چەندین كەسیان خستبووە لیستی رەشەوە، هەستان بە سەپاندنی سزا بەسەر 13 كەسایەتی كەنەدی، بەوەی دەخرێنە لیستی رەشەوە و سەرجەم پارەكانیان لە بانكەكاندا بڵۆك دەكرێن.
لە بەیاننامەیەكدا وەزارەتی دەرەوەی رووسیا بڵاویانكردۆتەوە، سزای 13 كەسایەتی كەنەدیان داوە، بەوەی سەرجەم ئەژمارە بانكیەكانیان بڵۆك بكرێن.
رۆژی 17ی ئازاری ئەمساڵ، لە راگەێنراوێكی كۆشكی سپیدا هاتووە، سەرۆك كۆماری ئەمریكا باراك ئۆباما بڕیاریدا حەوت هاوڵاتی رووسی لەبەر قەیرانی دورگەی كریمە، سزا بدات.
هەروەها ئەوەش هاتووە، باراك ئۆباما فەرمانی داوە بە بلۆككردنی پارەكانیان و قەدەغەكردنی پێدانی ڤیزا، بۆ ئەو حەوت كەسە.
ئەم سزادانە ئەو كەسانەی گرتۆتەوە كە دووانیان راوێژكاری ڤلادیمێر پوتین، ئەندامی دۆما و جێگری سەرۆك وەزیرانی روسیا و، ڤیكتۆر یانكۆڤیچ سەرۆكی پێشووی ئۆكرانیا و لەگەڵ سێ هاوڵاتی ئۆكرانی دیكەدا كە دەستیان وەرداوەتە ناو كاروبارەكانی دورگەی كریمەوە.
25/03/2014
بە تۆمەتی هاندانی خەڵكی بۆ گردبوونەوە لەبەردەم فەرمانگەیەكی حكومیدا، دادگایەكی سعودیە، بڕیاریدا 10 ساڵ زیندانی بەسەر بەكارهێنەرێكی تۆڕێكی كۆمەڵایەتی بسەپێنێت.
بە پێی هەواڵێكی پێگەی ئەلیكترۆنی(بەعس میدیا) دادگای سعودیە بڕیاریداوە 10 ساڵ زیندانی بەسەر بەكارهێنەرێكی تۆڕی كۆمەڵایەتی (تویتەر) بسەپێنێت، چونكە لە رێگەی تویتەرەوە داوای كردووە، خەڵكی لەبەردەم نوسینگەكانی كاركردن كۆببێتەوە و هەروەها وێنەیەكی سوكایەتی پێكردنی موفتیەكی پێوە گیراوە.
ئەو دادگایە بڕیاری ئەوەشیداوە كە بڕی 25 هەزار دۆلار سزای دارایی ئەو كەسە بدات و پاش ئەوەی كە لە زیندانیش دەردەچێت بۆ ماوەی 10 ساڵ گەشتی دەرەوەی وڵات نەكات.
لای خۆشیەوە، وتەبێژی وەزارەتی دادی سعودیە، فەهد بن عەبدوڵا بەكران رایگەیاندووە" ئەو كەسە لەگەڵ ریفۆرمخوازان پەیوەندی هەبووە".
25/03/2014
به‌رگری ئاسمانی توركیا توانییان فڕۆكه‌یه‌كی جه‌نگی سوریی بخه‌نه خواره‌وه كه به‌شداربوو له شه‌ڕكردن دژ به سوپای ئازاد، كه ده‌یانه‌وێـت ده‌ست بگرن به‌سه‌ر ده‌روزه‌یه‌كی سنووری له ریف لازقییه، وه‌ك روانگه‌ی مافه‌كانی مرۆڤی سوریا رایگه‌یاند.
سه‌رچاوه‌كان به كه‌ناڵی عه‌ره‌بییه‌یان راگه‌یاند: "توركیا فڕۆكه‌یه‌كی جۆری میگ_ی سه‌ر به رژێمی سوریای كه هاتبووه ئاسمانی ئه‌و وڵاته، خسته خواره‌وه".
سه‌رچاوه‌كان ته‌ئكیدده‌كه‌نه‌وه، فڕۆكه‌كه له ناوچه‌ی سه‌مه‌نده‌های سنووری له‌گه‌ڵ ئه‌نتاكیا كه‌وتووه‌ته خواره‌وه.
روونشیده‌كه‌نه‌وه، فڕۆكه میگه‌كه به گوللـه‌ی به‌رگری ئاسمانی توركیا سووتاوه.
لای خۆیه‌وه، سه‌رچاوه توركییه‌كان ته‌ئكید له‌سه‌ر كه‌وتنه خواره‌وه‌ی فڕۆكه‌یه‌كی جۆری میگ ده‌كه‌نه‌وه، به‌ڵام به بێ ئه‌وه‌ی ئه‌و لایه‌نه ئاشكرا بكه‌ن، كه فڕۆكه‌كه‌ی خستووه‌ته خواره‌وه.
هه‌ر له‌و چوارچێوه‌یه‌دا، رامی عه‌بدولره‌حمان، به‌ڕێوه‌به‌ری روانگه‌ی سوری بۆ مافه‌كانی مرۆڤ، به فرانس پرێسی راگه‌یاند: "له كاتێكدا فڕۆكه‌یه‌كی جه‌نگی سوری بۆمبارانی ناوچه‌ی ریفی لازقیه‌ی ده‌كرد، له لایه‌ن به‌رگری ئاسمانی توركیاوه كرایه ئامانج و خرایه خواره‌وه".
ئاماژه‌ی به‌وه‌شدا، كه ئه‌وه‌ش بینراوه فڕۆكه‌كه به سووتاوی كه‌وتووه‌ته خواره‌وه، به‌ڵام كه‌وتووه‌ته سنووری سوریاوه.
هه‌روه‌ها ئه‌ردۆغان سه‌رۆك وه‌زیرانی توركیا دوپاتی كرده‌وه كه هێزه‌كانیان فرۆكه‌یه‌كی سه‌ربازی سوریایان خستۆته خواره‌وه.
له كۆبونه‌وه‌یه‌كی جه‌ماوه‌ری لایه‌نگرانی ئه‌ردۆغاندا ئه‌ردۆغان رایگه‌یاند: فرۆكه‌یه‌كی سوری ئاسمانی توركیای به‌زاندووه‌و فرۆكه‌كانی F16 توركی توانیویانه بیخه‌نه خواره‌وه.
له عه‌ره‌بییه‌وه: سۆران كه‌ریم
24/03/2014
لەگەڵ نزیكبوونەوەی هەڵبژاردنی شارەوانییەكانی توركیا كە بڕیارە 30ی ئازاری 2014 بەڕێوەبچێت بانگەشەی هەڵبژاردن لەلایەن پارت و لایەنە سیاسییەكانەوە چڕدەبێتەوە و ڕەجەب تەیب ئەردۆغانی سەرۆكی پارتی داد و گەشەپێدان "ئاكەپە" و سەرۆك وەزیرانی توركیا لە چوارچێوەی بانگەشەی هەڵبژاردن سەردانی ئامەد دەكات.
بڕیارە ئەردۆغان لە 27 مانگدا و سێ ڕۆژ بەر لە هەڵبژاردن سەردانی ئامەد بكات و پارتەكەشی ئامادەكاری دەكات بۆ ئەوەی لە 27ی ئازاردا لە مەیدانی ئیستاسیۆن لە ئامەد كۆبوونەوەیەكی جەماوەری بە ئامادەبوونی ئەردۆغان ڕێكبخات.
لەو چوارچێوەیەدا ئاكەپە لە شاری ئامەد و دەوروبەری دەستیكردووە بۆ ئامادەكاری بۆ كۆبوونەوەكە و داوا لە خەڵكی دەكات بەشداربن.
24/03/2014
سه‌رۆكی شاره‌وانی دیار به‌كرد ئاماژه‌ی به‌وه‌دا كه خه‌ڵك رێگه به‌گه‌ڕانه‌وه‌ی شه‌ڕی براكوژی نادات و رایگه‌یاند كه ئیتر هه‌رگیز به‌هار به زستان ناگۆڕنه‌وه و ئاشتی ده‌پارێزن.
له ئاهه‌نگی نه‌ورۆزی ئامه‌ددا، سەرۆكی شارەوانیی گەورەی دیاربەكر و كاندیدی ئێستای شارەوانیی گەورەی ئورفا، عوسمان بایدەمیر وتارێكی پێشكه‌شكرد و بە ھۆی ئەوەی كە دوای ھەڵبژاردن لە ئامەد نامێنێ، داوای گەردەن ئازادی كرد و جەژنی خه‌ڵكی پیرۆز كرد.
عوسمان بایدەمیر ئاماژەی بەوەدا كە ئیتر خەڵك رێگا نادا رۆژانی براكوژی بگەڕێتەوە ورایگه‌یاند" ئیتر ھەرگیز بەھار بە زستان ناگۆڕینه‌وه .. بە ھەموو رەنگەكانمان ئەم ئاشتییە دەپارێزین."
سه‌رۆكی شاره‌وانی دیاربه‌ركر ئاماژه‌ی به‌وه‌شكد كه ئه‌وان ئاشتی و ئازادی و ژیانێكی یەكسان بۆ منداڵ و گەنجانی دیاربەكر وەكو میرات بەجێ دەھێڵین.
بایدەمیرباسیله‌وه‌كرد كە نەورۆز رۆژێكی نوێی ساڵە و سیمبۆلی ئاشتییە لە رۆژھەڵاتی ناوەراستدا .
عوسمان بایده‌میر، وتی"لە دیاربەكر 10 ساڵان خزمەتم كرد و ئێستا دەڕۆمەوە. دەمەوێ بۆ ھەموو شتێ گەردەنم ئازاد بكەن. ئێستا ئاڵای خزمەت ده‌ده‌مه ده‌ستی گولتان كشاناك و فرات ئانلی له‌و باوه‌ڕه‌دام ھەڤاڵانم ئەم ئاڵایە لەمن گەورەتر راده‌گرن."
بایدەمیر رونیكرده‌وه "لە سەرانسەری ئەم وڵاتە، واتە ئیتر نە بۆ ئامەد، ھەكاری، و نەش بۆ ئیستەنبوڵ واتە نە بۆ كوردستان نە بۆ ئەناتۆڵیا نە بۆ كارادەنیز و نە بۆ ئەگە، تەرمی كوژراوان ناگه‌ڕێنه‌وه و هیچ كەسێك نابێتە قوربانی. سوپاس بۆ خوا ئیتر فرمێسك لە چاوی دایكەكان نایەتە خواره‌وه."
ئۆپۆزسیۆنی سوریا لە ئۆپه‌راسیۆنێكدا بە ناوی "ئەنفال" ده‌ست به‌سه‌ر بەشێكی گەورەی دەروازەی سنوری كەسەبدا ده‌گرێ.
عەلی شەھیرلی فەرماندەی یەكەكانی زاھیر بیبرس سەر بە بەرەی ئیسلامی لە ناوچەكەدا، به ئاژانسی (ئانادۆڵو) ی توركی راگه‌یاند، ھێزەكانی ئۆپۆزسیۆنی سوریا لە ئۆپه‌راسیۆنێكدا بە ناوی "ئەنفال"، كۆنترۆڵی بەشێكی گەورەی دەروازەی سنوری كەسەب، سەحرا، ناوەندی كەسەب، نابی نامی، سامارا، بنكەی سەربازیی لە شاخی عەقرا، جەبەل ناسیر و گوندی سامارایان كردوه.
هه‌روه‌ها وتی "لە پێكدادانی توندی نێوان چەكدارانی ئۆپۆزسیۆن و ھێزەكانی رژێمی ئەسەددا، 15 سەربازی رژێم كوژران. چوار زرێپۆشی رژێم تێك شكان و ده‌ست به‌سه‌ر سێ دۆشكه‌دا گیرا".
شەھیرلی ئاشكرای كرد، ھێشتا چەند باڵه‌خانه‌یه‌كی سنووره‌كه بە دەست ھێزەكانی ئەسەده‌وه‌ن، كه بە ھۆی قەناسەكانه‌وه ناتوانن لێیان نزیك بكه‌ونه‌وه. ئەگەر بتوانن لە ماوەیەكی كورتدا ئەو شوێنانه‌ش بگرێن، ئەوكاتە دوایین قەڵای ئەسەد دەڕووخێ.
شەھیرلی ئاماژەی بەوەدا خەڵكی گونده‌كانی كەرسانا، مشكیتا و دەمسۆ كە لە ناوچەی كەسەبی سنوورن و لە ژێر ده‌ستی ھێزەكانی رژێمدان، بە كۆمەڵ بەرەو شاری لازقییە كۆچ دەكەن.
23/03/2014
کۆماریخواز/ ناوەندی هەوال/ هەۆلێر: رۆژی چوارشەمبە رێکەۆتی ١٩/٣/٢٠١٤، هەیئەتێکی بزووتنەوەی کوماریخوازی رۆژهەڵاتی کوردستان بە سەرپەرەشتی هیوا کوردستانی نوێنەری بزووتنەوە، بەیاوەری چالاکوانان ئازاد رەزائی چالاکی بەشی میدیای "*کۆمار تیڤی*" کاک ژیلوان و کاک هیوا غونچەگوڵان چالاکوانانی بەشی پێوەندییەکانی بزووتنەوە، لەسەر دەعوەتی "یەکیەتی نەتەوەیی و دێمۆکراتی کوردستان"، بەشداری بۆنەی ١٩هەمین سالیادی دامەزرانی ئەم حیزبە و جێژنی نەۆرۆز و سەری سالی ٢٧١٤ی کوردی کرد، و پەیامی پیرۆزبایی بزووتنەوەی کۆماریخوازانی رۆژهەلاتی کوردستان و ڕێکخەری گشتی بزووتنەوەیان ئاراستەی هەڤالانی مەکتەبی سیاسی کڕد.
لەهەمانکاتدا نوێنەری بزووتنەوەی کۆماریخوازانی رۆژهەلاتی کوردستان لەکوورتە ئاخەفتنێکدا خوازیاری ئەوە بوو کە لایەنەکانی کوردستانی جێژنی نەۆرۆز و سالی نوێ ٢٧١٤ وەک هەوێنی ئاشتی و پێکەوە ژیانی بەئاشتی تەبدیل بکەن و هێوای خواست گەڵی کورد لەۆ رۆژە مێژویی و نەتەوەییەدا بۆ رێکخستنەوەی ناۆمالی کورد ئەۆپەری هەۆلی خۆی بدات و سوودی لێوەربگرێت، و لەم راستایەشدا بە هەموو هێزو تووانایەوە کار بۆ پاراستنی ئازموونی هەرێم کوردستان بکات کە بوتە جی مانەوە و حەسانەوە بو کوردی بەشەکانی دیکەی کوردستان ....
23/3/2014
دوای جموجۆڵه‌كانی حكومه‌تی مۆسكۆ بۆ لكاندنی نیمچه دۆرگه‌ی قرم له‌ئۆكرانیا به‌خاكی روسیاوه، یه‌كێتی ئه‌وروپا بڕیاریدا سزا به‌سه‌ر 12 كه‌سایه‌تی ئه‌و وڵاته‌دا بسه‌پێنێت.
هاوكات (ڤان ڕۆمبۆی) سه‌رۆكی ئه‌نجومه‌نی ئه‌وروپا هۆشداریدا له‌هه‌ر هه‌نگاوێكی تر كه روسیا بۆ تێكدانی ره‌وشی ئه‌منی ئۆكرانیا بیدات ئاسه‌واری خراپ و درێژخایه‌نی لێبكه‌وێته‌وه، وتیشی یه‌كێتی ئه‌وروپا به‌نیازه مه‌ودای سزاكان دژ به‌ڕوسیا فراوانتر بكات.
ئه‌وه‌ش دوای چه‌ند سه‌عاتێك دێت له‌راگه‌یه‌ندراوێكی باراك ئۆباما سه‌رۆكی ئه‌مریكا به سه‌پاندنی سزای نوێ دژ به مۆسكۆ.
دوای ئه‌و ڕاپرسییه‌ی كه بۆ یه‌كلاییكردنه‌وه‌ی چاره‌نوسی نیمچه دورگه‌ی قرم به‌ڕێوه‌چوو، بڕیاره ئه‌مڕۆ ئه‌نجومه‌نی باڵا له په‌رله‌مانی مۆسكۆ په‌سه‌ندی بكات، ئه‌وه‌ی دوای ئه‌وه‌ی كه‌زیاتر له 95% ی دانیشتوانی دورگه‌كه به‌جیابوونه‌وه له ئۆكرانیا ده‌نگیان له‌سه‌ردابوو.
22/03/2014
جه‌ژنی نه‌ورۆز له شاری ئامه‌د به به‌شداری ملیۆنان که‌س ده‌ستیپیکرد و بۆ پیرۆزبایی نه‌ورۆز چوونە گۆڕه‌پانی نه‌ورۆز، تیایدا په‌یامی عەبدوڵڵا ئۆجەلان خوێنرایه‌وه.
پەیامه‌كه‌ی عەبدوڵڵا ئۆجەلان ، سه‌رۆكی زیندانیکراوی په‌كه‌كه، لەلایەن پەروین بوڵدان بەزمانی کوردی و سری سورەیا ئۆندەر بەزمانی تورکی خوێنرایەوە.
له په‌یامه‌كه‌دا ئۆجەلان جەژنی نەورۆزی لە سه‌رجه‌م گەلانی خۆرھەڵاتی ناوەراست و گەلانی ئاسیا پیرۆز كرد و رایگەیاند: نەورۆزو ئاشتی نیشانەی سەرکەوتنی گەلی کوردە، داوای سیستمێکی دیموکراسی و یاسایشی كرد بۆ تورکیا.
سه‌باره‌ت به پرۆسه‌ی ئاشتی له توركیا، سه‌رۆكی زیندانیكراوی په‌كه‌كه ئاشكرایكردووه كه تائێستا پرۆسەی ئاشتی ھەنگاوی گرنگی بڕیووە.
لە به‌شێكی دیكه‌ی پەیامەکەیدا، ئۆجه‌لان وتی: "ئاشتی ئێمە بۆ دەستخستنی دەسەڵات نییەو بۆ بەرژەوەندیی خەڵکە، ئەگەر پرۆسەی ئاشتی نەبوایە قوربانی زیاترمان دەدا." ته‌ئكیدیشی كرده‌وه كه ئاشتی لە شەر سەختترە.
نه‌رۆزی ملیۆنی ئه‌مساڵی ئامه‌د که چاوه‌ڕوان ده‌کرێت دوو ملیۆن که‌س تێیدا ئاماده بێت، له‌لایه‌ن سه‌دان ده‌زگای راگه‌یاندنی ناوخۆیی و نێوده‌وڵه‌تییه‌وه له وڵاتانی ئه‌مریکا، ئه‌وروپا و رۆژهه‌ڵاتی ناوه‌ڕاست رووماڵ ده‌کرێت.
نه‌ورۆزی ئه‌مساڵی ئامه‌د له رۆژی 21 ی ئادار له گۆڕه‌پانی نه‌ورۆز به ئاماده‌بوونی ژماره‌یه‌کی زۆر له میوانانی ناوخۆ و نێوده‌وڵه‌تی به‌رێوه ده‌چێت.
22/03/2014
جێگری سەرۆكی ئەمەریكا و سەرۆكی هەرێمی كوردستان، جەخت لەوەدەكەنەوە كە پێویستە كێشەكانی هەولێر و بەغدا لەڕێی دیالۆگ و لێكتێگەیشتن چارەسەربكرێن. بە گوێرەی هەواڵێكی ماڵپەڕی سەرۆكایەتی هەرێمی كوردستان، ئێوارەی ئەمڕۆ پێنجشەممە 20ـی 3ـی 2014، جۆ بایدن، جێگری سەرۆكی ویلایەتە یەكگرتووەكانی ئەمەریكا لەڕێی تەلەفۆنەوە پەیوەندی بە مەسعود بارزانی، سەرۆكی هەرێمی كوردستان كردووە. لەم پەیوەندییە تەلەفۆنییەدا جێگری سەرۆكی ئەمەریكا پیرۆزبایی جەژنی نەتەوەیی نەورۆزی لە سەرۆكی هەرێمی كوردستان و گەلی كورد كردووە و هیوای بەختەوەری و سەركەوتنی بۆ خەڵكی كوردستان خواستووە. هەر لەم پەیوەندییەدا وێڕای باسكردنی پتەوتركردنی پەیوەندییەكانی نێوان هەرێمی كوردستان و ئەمەریكا، بارودۆخی سیاسیی عێراق و پەیوەندییەكانی نێوان هەرێمی كوردستان و بەغدا تاوتوێ كراون و هەردوولا هاوڕابوون لەسەر ئەوەی كە كێشەكانی هەولێر و بەغدا لەڕێی دیالۆگ و لێكتێگەییشتن چارەسەربكرێن.
21/3/2014
ئه‌نجومه‌نى وه‌زیرانی هه‌رێمی كوردستان به‌بۆنه‌ی جه‌ژنی نه‌ورۆز و سه‌ری ساڵی كوردی پیرۆزبایی له هه‌موو گه‌لى كورد و ته‌واوى كوردستانیان ده‌كات و هیوای خواست كابینه‌ى داهاتووى حكومه‌تى هه‌رێمى كوردستان به به‌شداریى هه‌موو لایه‌نه‌كان پێك بێت.
ئه‌مه‌ش ده‌قی پیرۆزبایینامه‌كه‌یه:
هاتنه‌وه‌ى جه‌ژنى پیرۆزى نه‌ورۆز و سه‌رى ساڵى نوێى كوردى، جه‌ژنى به‌هار و ئازادى و نوێبوونه‌وه‌ى ژیان، به گه‌رمى له خانه‌واده و كه‌سوارى شه‌هیدان و پێشمه‌رگه و هه‌موو گه‌لى كورد و ته‌واوى كوردستانیان له هه‌موو شوێنێك؛ پیرۆز ده‌كه‌ین.
هیوادارین نه‌ورۆزى ئه‌مساڵ جه‌ژنى كامه‌رانى، پته‌وبوونى پێكه‌وژیان و لێبورده‌یى و به‌دیهاتنى هه‌موو ئومێد و خه‌ون و خۆزگه‌كانى كوردستانیان له سه‌ركه‌وتنى یه‌كجاره‌كى، ئازادى و به‌دیهاتنى ته‌واوى مافه‌كانیان له هه‌موو به‌شه‌كانى كوردستان بێت.
له‌م بۆنه پیرۆزه‌دا هیواخوازین كابینه‌ى داهاتووى حكوومه‌تى هه‌رێمى كوردستان به به‌شداریى هه‌موو لایه‌نه‌كان پێك بێت و پێكه‌وه هه‌نگاوى گه‌وره‌تر بۆ خزمه‌تگوزاریى باشتر و دابینكردنى خۆشگوزه‌رانى و ئاوه‌دانى بۆ كوردستانیان بنێین.
دووباره جه‌ژنى نه‌ورۆز له هه‌موو لایه‌ك پیرۆز و هه‌موو ڕۆژێكتان هه‌ر جه‌ژن و خۆشى و ئازادى بێت.
ئه‌نجومه‌نى وه‌زیرانى هه‌رێمى كوردستان
20ى ئازارى 2014
سه‌رۆكی په‌رله‌مانی ئه‌وروپا هۆشداری هه‌ڵگیرسانی شه‌ڕێكی گه‌وره له ئه‌وروپا ده‌دات و رایگه‌یاند پێویسته رووسیا باجی سیاسه‌ته‌كانی ئێستای بدات كه به‌رامبه‌ر به ئۆكرانیا گرتویه‌تیه به‌ر.
مارتین شۆڵتز سه‌رۆكی په‌رله‌مانی ئه‌وروپا،له كۆنفرانسێكی رۆژنامه‌وانیدا رایگه‌یاند"رووداوه‌كانی دوای سه‌رهه‌ڵدانی قه‌یرانی ئۆكرانیا ئاماژه‌یه‌كی مه‌ترسیدارن بۆ هه‌ڵگیرسانی شه‌ڕێكی گه‌وره له ئه‌ورووپا".
سه‌رۆكی په‌رله‌مانی ئه‌وروپا داوای له وڵاتانی ئه‌ندامی یه‌كێتی ئه‌وروپا كرد راشكاوانه بۆ گه‌له‌كانی خۆیانی روون بكه‌نه‌وه، له‌و قه‌یرانه‌ی ئێستا و هه‌روه‌ها له ئه‌گه‌ری هه‌ڵگیرسانی شه‌ڕدا رووبه‌ڕووی چ زیانێك ده‌بنه‌وه.
سه‌رۆكی په‌رله‌مانی ئه‌ورووپا ئاماژه‌ی به یادی سه‌د ساڵه‌ی هه‌ڵگیرسانی شه‌ڕی یه‌كه‌می جیهانی كرد و، وتی" له یادی سه‌د ساڵه‌ی هه‌ڵگیرسانی شه‌ڕدا كێ بیری له‌وه ده‌كرده‌وه كه ئه‌گه‌ری شه‌ڕ له‌گه‌ڵ وڵاتێكی دراوسێی یه‌كێتی ئه‌وروپا له ئارادایه". ره‌خنه‌شی له‌وانه گرت كه پێیانوایه ئه‌گه‌ری هیچ شه‌ڕێك له ئارادانییه.
مارتین شۆلتز داوای له وڵاتانی یه‌كێتی ئه‌ورووپا كرد به روونی ئه‌و په‌یامه بده‌نه رووسیا كه "پێویسته ئه‌و وڵاته باجی ئه‌و سیاسه‌تانه‌ی بدات كه له قه‌یرانی ئێستای ئۆكرانیادا گرتوویه‌ته‌به‌ر".
ئه‌مه له‌كاتێكدایه كه دوای جموجۆڵه‌كانی حكومه‌تی مۆسكۆ بۆ لكاندنی نیمچه دۆرگه‌ی قرم له‌ئۆكرانیا به‌خاكی روسیاوه، یه‌كێتی ئه‌وروپا بڕیاریدا سزا به‌سه‌ر 12 كه‌سایه‌تی ئه‌و وڵاته‌دا بسه‌پێنێت.
22/03/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
