به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
دوای ئەوەی ئایەتوڵڵا خامنەیی رێبەری کۆماری ئیسلامی ئێران جەختی لەسەر ئەوە کردەوە کە دەبێ رێژەی دانیشتووانی ئێران بۆ 150 ملیۆن کەس بەرزبێتەوە، پەرلەمانی ئێران بە پەسەندکردنی چەندین یاسا هەوڵی جێبەجێکردنی ئەو داوایەی رێبەری ئێرانی داوە، ئەمجارەش فراکسیۆنی ژنانی ئێران گەڵاڵەیەکی پێشنیازکردووە کە خولی فێرکاری هاوسەرگیری، کە بۆ بووک و زاواکان دادەنرێت، کۆبکرێتەوە . ئایەتوڵڵا خامنەیی، رێبەری کۆماری ئیسلامی ئێران چەندین جار جەختی لەسەر ئەوە کردووەتەوە کە رێژەی دانیشتووانی ئێران دەبێ بگاتە 150 ملیۆن کەس ، دوای ئەوە پەرلەمانی ئێران گەڵاڵەیەکی پەسەند کرد کە بەپێی ئەو گەڵاڵەیە پروپاگەندە بۆ منداڵی کەمتر و نەزۆکبوون بەرەو رووی سزای زیندانی دوو تا پێنج ساڵ دەبێتەوە . "بە یەک گوڵ بەهار نایەت" ، "منداڵی زیاتر ژیانی باشتر"، ئەوە ناوەرۆکی بیلبۆرد گەلێکن کە لە شوێنە گشتییەکان هەڵواسرابوون بە مەبەستی پروپاگەندەکردن بۆ منداڵی زیاتر . بە پێی یاسای نوێ کە لە پەرلەمانی ئێران پەسەندکراوە هەر جۆرە پروپاگەندەیەک بۆ "هەر کردەوە یا ویستێک کە ببێتە هۆی لەبارچوونی کۆرپە، نەزۆکی لە رێی قازکتۆمی، توبکتۆمی و هەر جۆرە پروپاگەندەیەک بۆ منداڵی کەمتر، تاوانە" . بە لەبەرچاوگرتنی ئەو یاسایە فراکسیۆنی ژنانی پەرلەمانی ئێران رایگەیاندووە "خولی فێرکاری هاوسەرگیری" بە مەبەستی بەرزبوونەوەی رێژەی دانیشتووانی ئێران کۆدەکرێتەوە . لەو خولەدا بووک و زاواکان پێش گواستنەوە تێیدا بەشدار دەبن و رێگاکانی پێشگیری لە دووگیانبوون و شێوەکانی هاوسەرگیری بە بووک و زاواکان دەگوترێتەوە. فراکسیۆنی ژنانی پەرلەمانی ئێران لە درێژەدا دەڵێت "هەندێک نارەزاییان دەربڕیبوو کە بۆچی تا ئێستاش ئەو خولە بۆ بووک و زاواکان بەرێوە دەچێت، هەر بۆیە ئەو گەڵاڵە پێشنیاز دەکرێت لەلایەن ئێمەوە". چالاکڤانانی کۆمەڵایەتی و بواری ژنان لەسەر ئەو باوەڕەن کە ئەو سنووردارکردنە دەبێتە هۆی دووگیانبوونی نەخوازراو بە پێچەوانەوە ویستی بنەماڵە و زیادبوونی شێوە ناتەندروستەکانی منداڵ لەباربردن . چالاکڤانانی ژنان کە لە رەخنەگرانی ئەو گەڵاڵەیەن دەڵێن ئەو یاسا گەلە ژنان دەکات بە شارومەندی پلە دوو . تا ئێستاش چەندین یاسا لە پەرلەمانی ئێران پەسەند کراون، کە بە پێی ئەوان سنووردارێتی بۆ ژنان لە بواری کار و خوێندن لە زانکۆکان دروستکردووە و لە هەوڵی ئەوەدان ژنان لە چوارچێوەی ماڵدا بهێڵنەوە .
22/4/2014
به‌رپرسێكى باڵاى نه‌ته‌وه يه‌كگرتووه‌كان رايگه‌ياند، پرۆسه‌ى داماڵينى سوريا له چه‌كى كيميايى گه‌يشتووه‌ته قۆناغى كۆتايى.
رێكخه‌رى نێرده‌ى هاوبه‌شى نه‌ته‌وه‌يه‌كگرتووه‌كان و رێكخراوى قه‌ده‌غه‌كردنى چه‌كى كيميايى "سيگريد كاغ" رايگه‌ياند، ئه‌گه‌ر پرۆسه‌ى داماڵينى سوريا له چه‌كى كيميايى به‌م شێوه‌يه‌ى ئێستاى به‌رده‌وام بێت، له چه‌ند رۆژى داهاتوودا، ئه‌و وڵاته له كيمايى پاكده‌كرێته‌وه.
له به‌ياننامه‌يه‌كدا، كاغ ئه‌وه‌ى خسته‌ڕوو، تا ئێستا له‌سه‌دا هه‌شتاى چه‌كى كۆمه‌ڵكوژ و كيميايى سوريا له خاكى ئه‌و وڵاته‌وه گواستراونه‌ته‌وه.
وتيشى: "ئه‌گه‌ر سوريا به‌م شێوه‌يه‌ى ئێستاى به‌رده‌وام بێت له هاريكاريكردنى تيمه‌كانيان ئه‌وا؛ له چه‌ند رۆژى داهاتوودا، ئه‌و وڵاته له چه‌كى كيميايى به ته‌واوه‌تى داده‌ماڵرێت.
بڕياره به‌ر له 27ى نيسان هه‌موو كۆگا كيمياييه‌كانى سوريا له مادده كيمياييه‌كان خاڵى بكرێن و له رێگه‌ى ليژنه‌يه‌كى نێوده‌وڵه‌تييه‌وه ئه‌و چه‌كانه له‌ناو زه‌ريا له‌ناو ببردرێن و رۆژى 30ى حوزه‌يران – يۆنيۆ وه‌ك دوا واده بۆ له‌ناوبردنى ئه‌و چه‌كانه ده‌ستنيشانكراوه.
21/04/2014
نه‌جمه‌دین كه‌ریم پزیشكی رێگه پێدراو بۆ قسه له‌سه‌ركردنی ره‌وشی ته‌ندروستی جه‌لال تاڵه‌بانی رایگه‌یاند كه دۆخی ته‌ندروستی تاڵه‌بانی باشه و ده‌گه‌ڕێته‌وه هه‌رێمی كوردستان و" به‌لام تاوه‌كو ئێستا كاتی گه‌ڕانه‌وه‌ی بۆ عێراق دیاری نه‌كراوه".
میدیاكانی یه‌كێتی نیشتمانی كوردستان له زاری نه‌جمه‌دین كه‌ریم-وه بلاویانكرده‌وه، كه دۆخی ته‌ندروستی جه‌لال تاڵه‌بانی باشبووه و ده‌گه‌ڕێته‌وه هه‌رێمی كورستان، به‌بێ ئه‌وه‌ی ئاماژه به‌كاتی گه‌ڕانه‌وه‌ی بكات.
دکتۆر نەجمەدین کەریم پزیشکی تایبەتی سەکۆمار جەختی کردەوە تا ئێستا گەڕانەوەی تاڵەبانی بۆ عێراق دیاری نەکراوە.
ئه‌مه بۆ چه‌نده‌مین جاره كه نه‌جمه‌دین كه‌ریم و به‌شێك له به‌رپرسانی یه‌كێتی رایانگه‌یاندووه كه تاڵه‌بانی ده‌گه‌ڕێته‌وه بۆ هه‌رێمی كوردستان، به‌لام تاوه‌كو ئێستا پرسی ته‌ندروستی تاڵه‌بانی به ناڕونی ماوه‌ته‌وه.
21/04/2014
سه‌رۆكی لیژنه‌ی هونه‌ری ماده‌ی 140ی ده‌ستور ڕایگه‌یاند پێویسته له‌سه‌ر حكومه‌تی عێراقی جێگره‌وه‌یه‌ك بۆ ماده‌ی 140 بدۆزێته‌وه بۆ قه‌ره‌بوكردنه‌وه‌ی عه‌ره‌به هاورده‌كان‌و كورده ده‌ركراوه‌كان،"چونكه پرۆسه‌ی قه‌ره‌بوكردنه‌وه‌یه‌ك به‌شێوه‌یه‌كی هێواش به‌ڕێوه ده‌چێت".
محه‌مه‌د خه‌لیل جبوری سه‌رۆكی لیژنه‌ی هونه‌ری ماده‌ی 140 له لێدوانێكدا بۆ ماڵپه‌ڕی سۆمه‌ریه نیوز ڕایگه‌یاند"پێویسته له‌سه‌ر حكومه‌ت به‌دیلێك بۆ كاركردنی ماده‌ی 140 بدۆزێته‌وه ، به‌و پێیه‌ی له ساڵی 2006وه كارده‌كه‌ن هیچ شێتێك به ته‌واوی جێبه‌جێ نه‌كراوه‌‌وبه‌گوێره‌ی یاساش ماده‌كه كۆتایی هاتوه".
جبوری داوای كرد له ماوه‌ی ساڵێك جێگره‌وه‌یه‌ك بۆ یه‌كلا كردنوه‌ی دۆسیه‌ی قه‌ره‌بووه‌كان بدۆزرێته‌وه‌و پاشان دابخرێت، ئاماژه‌ی به‌وه‌شكرد حكومه‌ت له ساڵی 2006وه به‌رنامه‌یه‌كی داناوه بۆ خه‌رجكردنی عه‌ره‌ب‌و كورده‌كان له‌و قه‌ره‌بوه، به‌ڵام تا ئێستا ئه‌ودۆسیه كۆتایی نه‌هاتوه.
جبوری پێی وایه به‌پێی ده‌ستور ده‌بوایه ماده‌كه له‌ماوه‌ی ساڵێكدا جێبه‌جێ بكرایه، بۆیه ماده‌ی 140 له ڕۆژی 2 مانگی 8ی ساڵی 2012وه كۆتایی هاتوه‌‌و كارپێكردنی ئه‌و ماده‌یه " پێویسته بگه‌ڕێنه‌وه بۆ ده‌ستورو هه‌مواری بكه‌نه‌وه بۆ ئه‌وه‌ی كۆتایی بێت به‌و دۆسیه‌یه".
عومه‌ر جبوری كه له هه‌مان كاتدا سه‌رۆكی گروپی عه‌ره‌بیه له ئه‌نجومه‌نی پارێزگاری كه‌ركوك ئاماژه‌ی به‌وه‌كرد به‌رده‌وام بون له‌سه‌ر كاركردن به ماده‌ی 140 فشاری سیاسی دروستده‌كات به ئاراسته‌یه‌ك كه قه‌ره‌بوه‌كان نادرێت به‌هاورده‌و ده‌ركراوه‌كان.
21/04/2014
له هه‌رێمى جزيره‌ى خۆرئاواى كوردستان، ئه‌نجومه‌نى ياسادانانى هه‌رێمه‌كه ياسايه‌كى نوێى بۆ رێكخستنى كارى حزبه سياسييه‌كان په‌سند كرد.
ئه‌ندامى دیوانى ئه‌نجومه‌نى یاسادانان هه‌رێمى جزیره، ئه‌کره‌م مه‌حشوش رایگه‌یاند، یاسای تایبه‌ت به پارته‌کان که له‌لایه‌ن ئه‌نجومه‌نى یاسادانان په‌سه‌ندکراوه، ئه‌و ياسايه رێگا ده‌دات، هه‌موو پارته‌کانى رۆژئاواى کوردستان به‌شێوه‌یه‌کى فه‌رمى کار بکه‌ن و به‌شدارى خۆبه‌ڕێو‌به‌رى دیموکراتى ببن.
وتيشى: "جه‌ختیشيکرده‌وه، بۆ مۆڵه‌ت وه‌رگرتنى پارته‌کانى رۆژئاوا، کۆمیته‌یه‌ک داده‌مه‌زرێنن".
وه‌ك ئاژانسى هه‌واڵده‌رى فوراتنيوز ئاماژه‌ى پێداوه، ياسا نوێيه‌كه، له 22 مادده پێکهاتووه و بۆ جێبه‌جێكردني مادده‌ى تايبه‌ت به مۆڵه‌تدان کۆمیته‌یه‌کى هاوبه‌ش له‌لایه‌ن سه‌رۆکایه‌تى ئه‌نجومه‌نى وه‌زیران، دیوانى داد، وه‌زیرى داد و وه‌زیرى ناوخۆ داده‌مه‌زرێت.
مه‌حشوش وتیشى: "ئه‌و یاسایانه فه‌رمیه‌تى پارته‌کان له‌چوارچێوه‌ى کانتۆنه‌کانى ده‌ستنیشانده‌که‌ن، هه‌ندێک گروپ کۆده‌بنه‌وه و ناوى حزبێک له‌خۆیان ده‌نێنن و ده‌رباره‌ى دۆزى کورد كار ده‌که‌ن، ئه‌وانه ناتوانن له لیستى پارته‌کان جێگاى خۆیان بگرن".
هه‌روه‌ها وتى: "یه‌کێک له ئامانجه‌کانى دامه‌زراندنى ئه‌و کۆمیته‌یه رێگه گرتنه له گێره‌شوێنى له‌لایه‌ن هه‌ر حزبێکه‌وه بێت، چونکه هه‌ڵبژاردنى به‌ڕێو‌به‌راتى خۆبه‌ڕێوه‌به‌رى دیموکراتى نزیک ده‌بنه‌وه".
له‌کۆتایی وته‌کانیدا ئه‌کره‌م مه‌حشوش ئه‌ندامى دیوانى ئه‌نجومه‌نى یاسادانان هه‌رێمى جزیره ده‌ستنیشانيکرد، ده‌رگاى خۆبه‌ڕێو‌به‌رى دیموکراتى بۆ هه‌موو پارت و لایه‌نه‌کان کراوه‌یه، به‌مه‌رجێک له‌چوارچێوه‌ى ئه‌و یاسایانه کاربکه‌ن.
21/04/2014
نێچیرڤان بارزانی رایگه‌یاند له‌نێوان هه‌رێم و توركیا تێگه‌یشتنی باش هاتۆته ئاراوه و توركیا پێی راگه‌یاندوون كه هه‌رێم ده‌توانێت نه‌وتی خۆی بفرۆشێت.
نێچیرڤان بارزانی سه‌رۆك وه‌زیرانی حكومه‌تی هه‌رێمی كوردستان، رایگه‌یاند"به‌رپرسانی توركیا پێیان وتوین نه‌وتی هه‌رێم هی خۆتانه و ده‌توانن هه‌ر كاتێك بتانه‌وێت بیفرۆشن".
پێنجشه‌ممه 17ی نیسان – ئه‌پریلی 2014، نێچیرڤان بارزانی به سه‌رۆكایه‌تی شاندێك، كه پێكهاتبوو له جێگری سه‌رۆك وه‌زیران عیماد ئه‌حمه‌د، وه‌زیری سامانه سروشتییه‌كان ئاشتی هه‌ورامی و وته‌بێژی فه‌رمیی حكوومه‌ت سه‌فین دزه‌یی بۆ دیداری سه‌رۆك وه‌زیرانی توركیا ره‌جه‌ب ته‌یب ئه‌ردۆغان گه‌یشتنه ئه‌نقه‌ره.له‌گه‌ڵ ره‌جه‌ب ته‌یب ئه‌ردۆغان سه‌رۆك وه‌زیرانی توركیا كۆبویه‌وه.
نێچیرڤان بارزانی باسیله‌وه‌كرد كه ئه‌وان چاوه‌ڕوانی ئه‌وه‌ن كه له چوارچێوه‌ی عێراق بگه‌نه چاره‌سه‌رێك بۆ كێشه‌كانی نێوان به‌غدا و هه‌رێم،"به‌لام تاوه‌كو ئێستا هیچ به‌ره‌و پێشچونێكی به‌رچاو روینه‌داوه".
وته‌كانی نێچیرڤان بارزانی له میانی كۆنگره‌یه‌كی رۆژنامه‌وانی هات له‌گه‌ڵ به‌رهه‌م ساڵح سه‌رۆكی شاندی دانوستانكاری یه‌كێتی بۆ پێكهێنانی كابینه‌ی نوێی حكومه‌ت .
نێچیرڤان بارزانی وتیشی"ئه‌م پشوو درێژییه‌ی ئێمه له‌باره‌ی كێشه‌كانی به‌غداوه سنوری هه‌یه ئه‌گه‌ر بزانین له‌گه‌ڵ به‌غدا ناگه‌ینه ئه‌نجام".
له‌لایه‌كی تره‌وه نوری مالیكی له چاوپێكه‌وتنێكی كه‌ناڵی "المنار"، وه‌لامی هه‌ڕه‌شه‌كانی هه‌رێمی دایه‌وه سه‌باره‌ت به راگه‌یاندنی ده‌وڵه‌تی كوردی و رایگه‌یاند كورد به ده‌نگدانی له‌سه‌ر ده‌ستور چاره‌نوسی خۆی دیاریكردووه.
نوری مالیكی سه‌رۆك وه‌زیرانی عێراق وتی"كورد كاتێك چاره‌نوسی خۆی دیاریكرد كه ده‌نگی به ده‌ستوردا كه جه‌خت له‌سه‌ر یه‌كێتی خاكی عێراق ده‌كاته‌وه و باسی ئه‌وه‌شی تیادا كراوه كه عێراق وڵاتێكی فیدراڵی یه‌كگرتووی سه‌ربه‌خۆیه".
چه‌ندین جار مه‌سعود بارزانی سه‌رۆكی هه‌رێمی كوردستان له‌به‌رامبه‌ر چاره‌سه‌رنه‌بونی كێشه‌كانی نێوان هه‌رێم وبه‌غدا،بارزانی هه‌ره‌شه‌ی جیابونه‌وه‌ی له عێراق كردووه، له‌م دوایانه‌شدا رایگه‌یاند كه ده‌وڵه‌تی كوردی راده‌گه‌یه‌نێت.
20/04/2014
نیشتنه‌وه‌ی فڕۆكه‌یه‌كی بچوك كه ئاڵای ئه‌مه‌ریكای هه‌ڵكردبوو له فڕۆكه‌خانه‌ی مهرئاباد له‌تاران، مشتومڕو پرسیاری زۆری دروستكرد.
رۆژنامه‌ی (شه‌رقولئه‌وسه‌ت) له‌زاری چه‌ند سه‌رچاوه‌یه‌كی ئێرانییه‌وه بڵاویكرده‌وه گه‌شتی ئه‌و فڕۆكه‌یه له‌لایه‌ن بانكی ناوه‌ندی ئێرانییه‌وه رێكخرابوو له‌چوارچێوه‌ی ئاماده‌كارییه‌كانی په‌یوه‌ست به ئازادكردنی پاره بلۆككراوه‌كانی ئه‌مه‌ریكا.
هاوكات، رۆژنامه‌ی (نیۆیۆرك تایمز) ی ئه‌مه‌ریكی كه فرۆكه‌كه‌ی به "میوانێكی پێشبینینه‌كراو" وه‌سفكردووه، بڵاویكرده‌وه به‌پێی لیستی فڕۆكه‌وانی فیدراڵی ئه‌و گه‌شته سه‌ر به بانكی "یوتاه" ی ئه‌مه‌ریكی بووه، ئه‌وه له‌كاتێكدایه تائێستاش زۆرێك له چالاكییه بازرگانییه‌كانی ئه‌مه‌ریكاو ئه‌وروپا له‌گه‌ڵ ئێران قه‌ده‌غه‌یان له‌سه‌ره.
بریت كینغ یه‌كێك له كارمه‌ندانی ئیداری له‌و بانكه وتی بانكی "یوتاه" ی ئه‌مه‌ریكی وه‌كو بریكاری ئه‌و وه‌به‌رهێنه‌رانه كارده‌كات كه پشكیان له‌و فڕۆكه‌یه هه‌یه‌و بانكه‌كه لێكۆڵینه‌وه‌ی له‌و باره‌یه‌وه ده‌ستپێكردووه.
ده‌زگای فڕۆكه‌وانی فیدراڵی ئه‌مه‌ریكی رایگه‌یاند هیچ زانیارییه‌كی له‌باره‌ی ئه‌و گه‌شته‌وه له‌لانییه.
ئه‌و به‌رپرسانه‌ی له‌چاوه‌ڕوانی گه‌یشتنی فڕۆكه‌كه‌دا بوون ته‌نها ئه‌وه‌نده‌یان وت كه ئه‌وه گه‌شتێكی "زۆر گرنگه".
20/04/2014
ئه‌ندامێكی كوتله‌ی موسته‌قبه‌ل له په‌رله‌مانی عێراق رایگه‌یاند، ئه‌زموونی له‌گه‌ڵ هیچكام له سه‌رۆك وه‌زیرانی عێراق سه‌ركه‌وتوو نه‌بووه‌و داوای له مالیكیش كرد گۆڕه‌پانه‌كه بۆ غه‌یری خۆی چۆڵ بكات.
عیزه‌ت شابه‌نده‌ر، ئه‌ندامی كوتله‌ی موسته‌قبه‌ل و یه‌كێك له كه‌سایه‌تییه نزیكه‌كانی پێشووی نوری مالیكی رایگه‌یاند: ئه‌زموونی له‌گه‌ڵ ئه‌یاد عه‌لاوی سه‌رۆك وه‌زیرانی پێشووتری عێراق و نوری مالیكی سه‌ركه‌وتوو نه‌بووه، هه‌رئه‌وه‌ش وایكردووه ده‌ست بداته پڕۆژه‌یه‌كی نیشتمانیی نوێ بۆ هه‌ڵبژاردنه‌كانی ئه‌مجاره.
عیزه‌ت شابه‌نده‌ر راشیگه‌یاند: ئه‌و قه‌یرانانه‌ی عێراقی پیایدا تێپه‌ڕ ده‌بێت، قه‌یرانی مه‌ترسیدارن و پێویسته زۆر به په‌له و به گیانێكی نیشتمانی و به‌رپرسیارانه چاره‌سه‌ر بكرێن.
سه‌باره‌ت به ولایه‌تی سێیه‌می نوری مالیكی، شابه‌نده‌ر رایگه‌یاند ده‌ستوور رێگه‌ی به‌هه‌ر كه‌س داوه كه له‌خۆی راده‌بینێت، ئیداره‌ی وڵات بكات، به‌ڵام به‌دووری زانی ئه‌مجاره مالیكی بتوانێت كولته‌یه‌كی په‌رله‌مانیی وا پێك بهێنێت كه بیكاته‌وه به سه‌رۆك وه‌زیران، بۆیه به‌باشی زانی سه‌رۆك وه‌زیران جڵه‌وی به‌ڕێوه‌بردن بداته كه‌سانی دیكه و گۆڕه‌پانه‌كه‌یان بۆ چۆڵ بكات.
20/04/2014
لە شارەكانی كرماشان و سنەی رۆژهەڵاتی كوردستان، ئەو دوو شارەی كە لەڕووی هەوای پیسەوە لەسەرەوەی لیستی مەترسیدارترین شارەكانی جیهاندان، بكوژێكی نادیار هەڕەشە لە ژیانی هاووڵاتیان دەكات. لەو دوو شارەدا جەنجاڵیی شەقامەكان و دووكەڵی ئۆتۆمبیلەكان شاریان داگیر كردووە، تا ئەو ئاستەی كە لە زستانی ئەمساڵدا دەسەڵاتدارانی شار ئاگادارییان بڵاوكردەوە و بۆ پارێزگاریكردن لە تەندروستیی منداڵان تەنانەت خوێندنگاكانیان داخست. پیسبوونی ژینگەی ئەو دوو شارە دۆخێكی مەترسیداری بۆ دانیشتووانەكەی دروستكردووە، دانیشتووانێك كە لە دوو هەژارترین شاری ئێراندا دەژین. بە پێچەوانەی شارە ژینگە پیسبووەكانی دیكەی جیهانەوە كە كارگەكان ژینگەی شار پیس دەكەن، لە سنە و كرماشان پیسبوونی ژینگە نە بەهۆی كارگەوەیە و نە بەهۆی بەرهەمهێنانی خەڵووزەوەیە. بەپێی ئامارەكان، رۆژانە نزیكەی 270 هاووڵاتی ئێرانی بەهۆی ئەو نەخۆشیانەی كە پەیوەندییان بە پیسبوونی ژینگەوە هەیە دەمرن. دوای چەندین ساڵ لە شاردنەوەی هۆكاری پیسبوونی ژینگەی شارەكانی ئێران، دەسەڵاتدارانی ئێرانی دواجار باس لە هۆكاری پیسبوونەكە دەكەن. بێژەن زەنگەنە، وەزیری نەوت دەڵێت هۆكاری پیسبوونی ژینگە بەرهەمهێنانی بەنزینی كواڵێتی نزمە. لەسەرەتای ئەمساڵدا، دەسەڵاتدارانی ئێرانی ئەو تۆمەتەیان رەتكردەوە كە بەرهەمهێنانی سووتەمەنی كوالێتی نزم هۆكاری پیسبوونی ژینگە بێت، رەنگە ئەوەش لەبەرئەوە بێت كە ئێستا بابەتی پیسبوونی ژینگە بووەتە بابەتێكی سیاسی هەستیار. لەساڵی 2010دا كاتێك كە ئەمریكا گەمارۆ ئابوورییەكانی سەر ئێرانی زیاد كرد بەهۆی پرۆگرامە ئەتۆمییەكەی ئێران، سەرۆك كۆماری ئەوكاتی كۆماری ئیسلامی، مەحمود ئەحمەدی نەژاد بە شانازییەوە پرۆگرامێكی "ئابووری بەرگری" راگەیاند و گوتی كە ئێران ئێستا گازۆلینی خۆی بەرهەم دەهێنێت. بەڵام دواتر دەسەڵاتدارانی ئێران دانیان بەوەدا نا كە گازۆلینەكەی ئێران كواڵێتی نزمە و شارەزایان دەڵێن ئەو گازۆلینە هۆكاری 88%ی پیسبوونی ژینگەیە. بەپێی راپۆرتی رێكخراوی تەندروستی جیهانی لە ساڵی 2013دا، هەردوو شاری ئەهواز و یاسوج لە نێو 10 پیسترین شاری جیهاندا بوون. هەوای شارەكانی ئێران مەزەندە دەكرێت سێ هێندەی هەوای شارێكی وەكو پەكین پیس بێت. هەرچەندە دانیشتووانی سنە و كرماشان لە یەكێك لە پیسترین ژینگەكانی جیهاندا دەژین، بەڵام زانیارییان دەربارەی ژینگەی شارەكانیان زۆر نییە. هەركاتێك كە باس لە پیسبوونی ژینگە دەكرێت ئەوان راستەوخۆ بیر لە تارانی پایتەخت دەكەنەوە، نەك شارەكانی خۆیان. رۆیا كە 44 ساڵە لە سنە دەژی، دەڵێت "هەرگیز گوێم لە كێشەی پیسبوونی ژینگەی سنە نەبووە."
rudaw
19/4/2014
ژیانی كچە گەریلایەكی كورد كە لە تەمەنی 25 ساڵیدا لە شەڕێكی نێوان پارتی كرێكارانی كوردستان PKK و سوپای توركیادا دەكوژرێت، ناوەڕۆكی فیلمێكە بۆ تێگەیشتن لەو پاڵنەرانەی هانی ئەم كچە تاراوگەنشینە و هاوشێوەكانی داوە تاوەكو پەیوەندی بە PKKەوە بكەن لە ساڵانی نەوەتەكانی سەدەی رابردوودا. "گوڵستان كچێكی گەنج بوو، كە هاتمە كەنەدا لێرە ناسیم". ئەمە قسەی زیان ئاكیۆڵ، تەمەن 27 ساڵە كە دەرهێنەری فیلمێكی دۆكیومێنتارییە لەسەر ژیانی گوڵستان. ئاكیۆڵ كە دانیشتووی شاری مۆنتریالی كەنەدایە، گوتی "ئەو كاتەی گوڵستان تەمەنی 18 ساڵان بوو، من تەمەنم 5 ساڵ بوو. براكەی بەر لەو رۆیشت بۆ توركیا بۆئەوەی پەیوەندی بە ریزەكانی PKKەوە بكات. گوڵستان زۆر وابەستە بوو بە براكەیەوەو وەك نموونە و پاڵەوان تەماشای دەكرد. ماوەی یەك ساڵ بوو گەیشتبووە هەرێمی كیوبك كاتێك بیرۆكەی پەیوەندیكردن بە براكەیەوە لە مێشكی دا". لە فیلمی (زەوی گوڵان.. ناوم گوڵستانە)، ئاكیۆڵ دەیەوێت چیرۆكی گەشتە دوور و درێژەكەی گوڵستان لە كەنەداوە بۆ چیاكانی كوردستان بگێڕێتەوە. بۆ ئاكیۆڵ تەنیا فیلمێك نییە دەربارەی كچێكی جەنگاوەری كورد لە توركیا، بەڵكو گەشتێكە بەنێو یادەوەریەكانیدا. ئاكیۆڵ كچێكی منداڵ بووە كاتێك گەیشتووەتە كەنەدا، گوڵستان چاودێری و سەرپەرشتی ئەوی كردووە. "لە هەمان شوقەدا دەژیاین. كاتێك دایكم و باوكم لەماڵ نەدەبوون، ئەو چاودێری دەكردم و زوو زوو دەچووم بۆ لای. وەك خوشكی گەورەی خۆم تەماشام دەكرد". ئاكیۆڵ بە (رووداو)ی گوت "هەندێ جار باسی هەندێ شتی بۆ دەكردم كە لێیان تێنەدەگەیشتم وەك كورد و مەسەلەی كۆمۆنیزم". پەیوەندی ئاكیۆڵ و گوڵستان زیاتر بوو لە پەیوەندی دوو كچ كە بە رێكەوت یەكتریان ناسیبێ لە مۆنتریال. هەردووكیان خەڵكی هەمان گوند بوون و لە خێزانێكی عەلەوی لەدایكبوون. ئاكیۆڵ دەڵێ ژمارەیەكی زۆر كوردی باكووری كوردستان پەیوەندییان بە PKKەوە دەكرد، چونكە ئەو پارتە خەباتی دەكرد بۆ بەدیهێنانی مافە سیاسی و كەلتووریەكانی كورد لەو وڵاتە. هەروەها دەڵێ، ئەو سەركردانەی دەگەڕێن بە نێو كوردی وڵاتانی دەرەوەدا تا هانیان بدەن بۆ پەیوەندیكردن بە خەبات و شۆڕشەوە لە كوردستان، رۆڵێكی كاریگەریان هەبوو لە هاندانی ژمارەیەك كوردی تاراوگەنشینی وەك گوڵستان بۆ پەیوەندیكردن بە ریزەكانی PKKەوە. "زۆر لە گەنجانی كورد لە ساڵانی نەوەتەكاندا چوونە ئەڵمانیا بۆ مەشقكردن لە كامپەكان، هەروەك گوڵستان". ئاكیۆڵ گوتی "هەندێكیان پەشیمان بوونەوە لە رۆیشتن بۆ چیا، بەڵام هەندێكی دیكەیان بەردەوام بوون". ساڵی 2000، گوڵستان لە شەڕێكدا دەكوژرێ. ئاكیۆڵیش دەستدەكات بە نووسینی دەقی فیلمێك كە باس لە ژیانی هاوڕێكەی دەكات. "لە ساڵی 2000دا، كاتێك تەمەنم 13 ساڵ بوو، زانیم كە گوڵستان لەسەر سنووری نێوان توركیا و عێراق لە هێرشێكدا كوژراوە. لەوكاتەوە گوڵستان لە بیرمدا ماوەتەوە". كاتێك ئاكیۆڵ دەستیكرد بە گەڕان بۆ پەیداكردنی پشتگیری دارایی بۆ فیلمەكەی، زۆر لەوانەی داوای هاوكاری لێكردن متمانەیان پێی نەبوو كە بتوانێ پڕۆژیەكی ئاوا "ئاڵۆز و گرنگ" بكات. "كاتێك دەستم بە نووسینی دەقی فیلمەكە كرد، گوتم كە دەمەوێت بچم بۆ بینینی گەریلاكانی PKK لە كوردستان، بەڵام ئەو دامەزراوە داراییانەی كەنەدا كە داوای هاوكاریم لێكردن بۆ بودجەی فیلمەكە متمانەیان پێ نەكردم. تەنانەت خزمەكانیشم باوەڕیان پێ نەدەكردم. هەمیشە كەمێك گومانیان هەبوو". بەڵام بە گەشتكردنی بۆ هەرێمی كوردستان، ئەڵمانیا و توركیا و پەیداكردنی متمانەی PKK و خزمەكانی گوڵستان و ئەنجامدانی زۆر لە توێژینەوەكانی فیلمەكەی بە سەركەوتوویی، توانی گومانی هەموو كەسێك بڕەوێنێتەوە. ئاكیۆل لە هاوینی 2011دا چوو بۆ باشوور و باكووری كوردستان "دەستمانكرد بە وێنەگرتنی فیلمەكە لەگەڵ بەڕێوەبەری وێنەگرتن و تۆماركەری دەنگ. وێنەگرتنەكەمان بۆ توێژینەوە بوو، بەڵام بۆ ئەوەش بوو نیشانی دامەزراوە داراییەكانی بدەم كە متمانەی PKKم وەرگرتووە وەك ئەوەی پێشتر پێمگوتبوون". سووربوونی ئاكیۆڵ لەسەر پڕۆژەكە لە كۆتاییدا بەرهەمدار بوو. دامەزراوە فەرمیەكانی كەنەدا و ئەوروپا دەرگایان لەسەر كردەوەو سوودی لە دوو هاوكاری دارایی نووسینی دەق لە دامەزراوەیەك بۆ پشتگیریكردنی كاری كەلتووری لە هەرێمی كیوبیك وەرگرت. ئێستا پڕۆژەكە 350 هەزار دۆلار بودجەی هەیە، جگە لە هاوكاری بۆردی فیلمی نیشتمانی كەنەدا، بەڵام ئایكۆڵ دەڵێ بۆ بەدیهێنانی خەونەكەی پێویستی بە 200 هەزار دۆلاری دیكەیە "ئەوە بودجەیەكی زۆر كەمە بۆ فیلمێكی دۆكیومێنتاری كە لە سێ وڵات وێنە بگیرێ". هەركە پڕۆژەكە دەستیپێكرد، ئایكۆڵ لەگەڵ تیمە تەكنیكییەكەی دەڕۆنە ئەڵمانیا، باشوور و باكووری كوردستان تاوەكو بزانن چی بەسەر گوڵستان هاتووە، هەروەها تێبگەن لەو هۆكارانەی كە وای لە گوڵستان و چەندین گەنجی دیكەی كورد كردووە بگەڕێنەوە بۆ توركیا بۆ پەیوەندیكردن بە PKKەوە لەو ساڵانەدا. سۆزدار كە كچێكە لە ریزەكانی PKKدا، لە فیلمەكەدا رۆڵی گوڵستان دەبینێ. سۆزدار لەناو ریزەكانی PKKدا گەورە بووە. "بەنیازم بۆ ماوەی 4 تاوەكو 6 هەفتە لە چیاكان لەگەڵ PKK بمێنمەوە، رادێین لەسەر شێوەژیانی ئەوێ هەروەك جاری پێشوو كە هەمان شتمان كرد". ئاكیۆڵ لە ساڵی 2011 زوو كۆتایی بە گەشتەكەی هێنا بەهۆی هێرشی ئاسمانی فڕۆكەكانی توركیا بۆ سەر PKK. بەڵام ئەمجارە هیواخوازە بتوانێ ئەوەی دەیەوێ بیكات بەهۆی پڕۆسەی ئاشتی نێوان PKK و ئەنقەرە. "بیرۆكەی من ئەوەیە كە باس لە سیاسەت نەكەم، هەرچەندە ئەمە ئەستەمە چونكە ئەمە ئەو ڕێگەیەیە كە گوڵستان هەڵیبژارد". ئایكۆڵ هەوڵدەدات لەوە تێبگات "بۆچی گوڵستان ئەو رێگەیەی هەڵبژارد و چۆن هەڵیبژارد و كێی ناسی و ناسنامەی كوردی مانای چی بوو بۆ ئەو". ئاكیۆل دەیەوێت لە رێگەی ئەو فیلمەوە پەیامێكیش بدات بە جیهان "فیلمەكە بەشێوەیەك كۆمە‌ڵگەی كوردی دەناسێنێ كە جیهان دەربارەی نازانێ". گوتیشی "هەمیشە دەربارەی فەلەستین دەبیستین. لەسەر شەقام هەر كەسێك دەبینی بۆچوونێكی هەیە لەسەر فەلەستین، بەڵام كەس لەبارەی كوردەوە نازانێ".
19/4/2014
سرری ساكک، ئەندام پەرلەمانی پارتی ئاشتی و دیموكراسی، هەوڵەكانی هاكان فیدان، راوێژكاری دەزگای هەواڵگریی توركیا لە پرۆسەی ئاشتیدا بەرز دەنرخێنێت و بە پێویستی دەزانێ كە دەستخۆشییان لێ بكرێ. ئەندام پەرلەمانێكی دیكەی هەمان پارتیش رایگەیاند كە هاوڕا نییە لەگەڵ ئەم لێدوانەی ساك. ساكک، لە كۆبوونەوەی ئەمڕۆی پەرلەمانی توركیا، كە تایبەت بوو بە هەمواركردنەوەی یاسای دەزگای هەواڵگریی ئەو وڵاتە، رایگەیاند "پێشتر ئەم دەزگایەو سەرجەم دامودەزگاكانی دەوڵەتی توركیا، لە هەوڵی سەركوتكردنی كورددا بوون و بەشداربوون لە كوشتن و بڕینی هاونیشتمانیانی كورد لە باكووری كوردستان، هەتا ماوەی ساڵێك لەمەوبەر كە لەو كاتەوە تا ئێستا خوێنڕشتن وەستاوە". هەر بۆیە ساكک بە پێویستی زانی كە دەستخۆشی لە هاكان فیدان، راوێژكاری میت لەگەڵ هاوڕێكانی بكات "لەبەر ئەوەی ماوەی ساڵێكە چالاكانە كاردەكەن لە بەرەوپێشبردنی پرۆسەی ئاشتی". سەبارەت بە رۆڵی پارتەكەشی لە دانوستاندنەكاندا، ساكک رایگەیاند كە ئەوان بە بەردەوامی سەردانی ئیمرالی و قەندیل دەكەن و پەیامی هەردوولا دەهێنن بۆ حكومەتی توركیا. سرری ساكک ئەمەی بە "كارێكی شەرەفمەندانە" لە قەڵەمدا "لەبەرئەوەی خزمەتی ئاشتی دەكەن لە وڵاتدا و لە ئەنجامی هەوڵەكانیان ماوەی ساڵێك زیاترە خوێن ناڕژێت". پەروین بوڵدان، ئەندام پەرلەمانی هەمان پارت ناڕەزایی دەربڕی بەرامبەر لێدوانەكانی سرری ساكک و رایگەیاند "كەس مافی ئەوەی نییە دەستخۆشی لە میت بكات، لە كاتێكدا كە رووداوەكانی رۆبۆسكی و گەبەر و لیجە تا ئێستا، روون نەبوونەتەوە". بوڵدان رایگەیاند بڕوای وایە ساكک-ی هاوڕێی لە ئەنجامی هەڵە تێگەشتن دەستخۆشی لە دەزگای هەواڵگری توركیا كردبێت و پێی وابوو كەسانی دیكە هەن پێویستە دەستخۆشی و سوپاسیان لێبكرێت. پەروین بوڵدان گوتی "عەبدوڵڵا ئۆجەلان، ئەو كەسەیە كە پرۆسەی ئاشتی دەستپێكردووە و ئەگەر ئەمڕۆ خوێن نەڕژێ و دایكان فرمێسك نەڕێژن ئەوا دەبێت هەموو لایەك بزانن كە ئەندازیاری سەرەكی ئەم ئاشتییە ئۆجەلانە و ئەگەر دەستخۆشی لە یەكێك بكرێت ئەوا ئۆجەلان شایستەی ئەو دەستخۆشییەیە". هاوكات بە پێویستی زانی كە پەرلەمانی توركیا هەستێت بە ئەركی خۆی و چ یاسایەك پێویست بێت بۆ بەردەوامیدان بە پرۆسەی ئاشتی بە زووترین كات تێیپەڕێنێت.
18/4/2014
زیندانییەکی سیاسی کورد بە تۆمەتی ئەندامێتی لە پارتێکی نەیاری کوردی و "دژایەتی خوا" لە کرماشان لەسێدارە درا و رێکخراوی مافی مرۆڤی کوردستان سەبارەت بە لەسێدارەدانی 60 گیراوی سیاسی و ئایینی کورد هۆشداریدا. سمکۆ خۆرشیدی بەرەبەیانی رۆژی پێنجشەممە 2014/4/17 لە زیندانی دیزێل ئاوای کرماشان لەسێدارەدرا و بە گوتەی هەواڵدێری چاودێری مافی مرۆڤی کوردستان تا ئێستا تەرمەکەی رادەستی بنەماڵەکەی نەکراوەتەوە. سمکۆ کە خەڵکی بانەی رۆژهەڵاتی کوردستانە لە 28/3/2011 لەلایەن هێزە ئەمنییەکانی شاری تاران دەستگیرکرا. بە گوتەی چالاکڤانانی مافی مرۆڤ هێزە ئەمنییەکان لەکاتی دەستگیرکردنی تەقەیان لێکردووە و بە برینداری دەستگیرکراوە. سمکۆ خۆرشیدی دوای چەندین مانگ مانەوە لە گرتووخانەی ئیتلاعاتی شاری سنە بۆ گرتووخانەی سەقز گواستراوەتەوە و لە مانگی نیسانی 2012 لەلایەن دادگای شۆڕشی سەقز بە تۆمەتی ئەندامێتی لە پارتێکی کوردی نەیاری کۆماری ئیسلامی و موحاربە )دژایەتی لەگەڵ خوا) سزای لەسێدارەدانی بەسەردا سەپێنرا. رێکخراوی مافی مرۆڤی کوردستان کە بارەگا سەرەکییەکەی لە شاری سنەی رۆژهەڵاتی کوردستانە، لە کاردانەوەیەکدا سەبارەت بە لەسێدارەدانی 60 گیراوی سیاسی و ئایینی دیکەی کورد هۆشداریدا و داوا لە رێکخراوەکانی نێودەوڵەتی پارێزگاری لە مافی مرۆڤ دەکات، لەو بارەوە کاردانەوەی خێرا دەرببڕن. لە هەفتەی رابردوودا، دیوانی باڵای ئێران سزای لەسێدارەدانی گیراوی سیاسی کورد محەممەد عەبدوڵڵاهی پشتڕاست کردەوە کە لەلایەن لقی یەکی دادگای مەهاباد بە تۆمەتی ئەندامێتی لە پارتێکی کوردی نەیاری کۆماری ئیسلامی سزای لەسێدارەدانی بەسەردا سەپێندرابوو. محەممەد عەبدوڵڵاهی تەمەن 33 ساڵ خێزاندار و دانیشتووی شاری بۆکانی رۆژهەڵاتی کوردستانە و لە 24/10/2010 لەلایەن هێزە ئەمنییەکانی شاری مەهاباد تەقەی لێکرا و دوای برینداربوونی بۆ یەکێک لە نەخۆشخانە سەربازییەکانی شاری ورمێ گواسترایەوە و دوای چارەسەری بۆ گرتووخانەی سوپای پاسدارانی ورمێ بردرا و دوای لێکۆڵینەوە بۆ گرتووخانەی مەهاباد گواسترایەوە.
18/4/2014
نێچیرڤان بارزانى و ره‌جه‌ب ته‌ییب ئه‌ردۆغان جەختیان لەوەکردەوە كه ده‌بێ له هه‌ردوو لاوه ته‌واوى ئاسانكارى پێشكه‌ش بكرێت بۆ ئه‌وه‌ى رێژه‌ى ئاڵوگۆڕى بازرگانى له نێوان هه‌رێمى كوردستان و توركیادا بگاته ئاستێكى به‌رزتر و فراوانترین بواره‌كان بگرێته‌وه. له میانى سه‌ردانه‌كه‌یدا بۆ توركیا، ئێواره‌ى ئه‌مڕۆ چوارشه‌ممه 16ى نیسانى 2014 نێچیرڤان بارزانى سه‌رۆك وه‌زیرانى هه‌رێمى كوردستان و شاندێكى یاوه‌رى له ئه‌نقه‌ره له لایه‌ن ره‌جه‌ب ته‌ییب ئه‌ردۆغان سه‌رۆك وه‌زیرانى توركیاوه پێشوازى لێ كرا. بەپێی راگەیەنراوی حکومەتی هەرێمی کوردستان له دیدارێكدا كه هه‌ر یه‌كه له عیماد ئه‌حمه‌د جێگرى سه‌رۆك وه‌زیران، ئاشتى هه‌ورامى وه‌زیرى سامانه سروشتییه‌كان و سه‌فین دزه‌یى گوته‌بێژى فه‌رمیى حكومه‌ت له لایه‌نى هه‌رێمى كوردستان و تانه‌ر یلدز وه‌زیرى وزه، فه‌ریدوون سینیرلى ئۆغلۆ راوێژكارى وه‌زاره‌تى ده‌ره‌وه و ژماره‌یه‌كى راوێژكاران له لایه‌نى توركیا ئاماده‌ى بوون، چه‌ندین پرسى تایبه‌ت به په‌یوه‌ندیى دووقۆڵى و ره‌وش و پێشهاته‌كانى ناوچه‌كه تاوتوێ كران. نێچیرڤان بارزانى پیرۆزبایى سه‌ركه‌وتنى ئاكپارتى له هه‌ڵبژاردنه‌كانى ئه‌م دواییه‌ى شاره‌وانییه‌كانى توركیاى له ئه‌ردۆغان كردووە و سه‌رۆك وه‌زیرانى توركیاش ستایش و پێزانینى خۆى پێشكه‌ش به سه‌رۆك وه‌زیرانى هه‌رێمى كوردستان كردووە. بەپێی راگەیەنراوەکە بارزانی و ئەردۆغان تیشكیان خسته‌سەر په‌ره‌پێدانى زیاترى په‌یوه‌ندییه ئابوورى و بازرگانییه‌كانى نێوان هه‌رێمى كوردستان و توركیا و داكۆكییان له‌وه كرده‌وه كه ده‌بێ له هه‌ردوو لاوه ته‌واوى ئاسانكارى پێشكه‌ش بكرێت بۆ ئه‌وه‌ى رێژه‌ى ئاڵوگۆڕى بازرگانى له نێوان هه‌رێمى كوردستان و عێراق له‌گه‌ڵ توركیادا بگاته ئاستێكى به‌رزتر و فراوانترین بواره‌كان بگرێته‌وه. ره‌وش و پێشهاته‌كانى ئێستاى ناوچه‌كه به گشتى و بارودۆخى ئێستاى عێراق به تایبه‌تى لایه‌نێكى دیكه‌ى دیداره‌كه بوو، كه تێیدا باس له هه‌ڵبژاردنه‌كانى كۆتایی ئه‌م مانگه‌ى هه‌رێمى كوردستان و عێراق كرا و بیروڕایان لە باره‌ى پێشبینیى تابلۆى سیاسیى دواى هه‌ڵبژاردنه‌كان و دواڕۆژى پرۆسه‌ى سیاسى له عێراق ئاڵوگۆڕ كرد و تیشك خرایه سه‌ر كێشه‌كانى نێوان هه‌ولێر و به‌غدا و هه‌وڵه‌كانى چاره‌سه‌ركردنیان له رێگه‌ى دیالۆگ و لێكگه‌یشتنه‌وه. دواى ته‌واوبوونى كۆبوونه‌وه‌كه‌ش، شاندى هه‌رێمى كوردستان به‌ره‌و هه‌ولێر گه‌ڕانه‌وه.
17/4/2014
موجاهید یاڵنماز، سەرۆكی شارەوانی خارپێت لەسەر لیستی پارتی داد و گەشەپێدان، سەردانی گولتەن كشاناك، سەرۆك شارەوانی ئامەدی كرد. یاڵنماز رایگەیاند كە ئامانجی سەردانەكەی ئەوەیە كە پیرۆزبایی لە سەرۆكی نوێی شارەوانی ئامەد بكات و هیوای سەركەوتنی بۆ بخوازێت لە كارەكانیدا. هاوكات باسی لە خۆشەویستی خۆی كرد بۆ ئامەد و ئاشكرایكرد كە قۆناغەكانی خوێندنی ئامادەیی لەو شارە تەواو كردووە و ئامادەیە بۆ هاوكاریكردنی كشاناك لە خزمەتكردنی ئامەد. گولتەن كشاناك، لە لای خۆیەوە خۆشحاڵی دەربڕی بۆ سەردانەكەی یاڵنماز و سوپاسی كرد، هەروەك باسی لەوە كرد كە خۆی لەدایكبووی خارپێتە و ئێستا خزمەتی ئامەد دەكات. كشاناك ئەوەشی خستەڕوو كە جیاوازی نییە لە نێوان خەڵكی ئامەد و خارپێت و رایگەیاند كە چارەسەركردنی كێشەكانی دانیشتوانی ناوچەكە لەسەر شانی هەموویانە و هیوای خواست بە درێژایی 5 ساڵی داهاتوو هەموو پێكەوە بتوانن چارەسەر بۆ كێشەی هاوڵاتیانی باكووری كوردستان بدۆزنەوە. ئەمە یەكەم جارە كە دوو سەرۆك شارەوانی لە دوو پارتی ركابەر بەم جۆرە پەیامی هەماهەنگی بگۆڕنەوە و چاودێران پێیانوایە ئەم لێكنزیكبوونەوەیە ئەنجامی لێكگەشتنی پارتی داد و گەشەپێدانە لەگەڵ پارتی ئاشتی و دیموكراسی بۆ بەرەوپێشبردنی پرۆسەی ئاشتی لە توركیا و دۆزینەوەی چارەسەرێكی ریشەیی بۆ كێشەی كورد لە باكووری كوردستان.
17/4/2014
رەنگە بەرلەوەی سەرۆک و ئەندامانی کۆمیسیۆنی ئاوەدانکردنەوەی پەرلەمانی ئێران سەردانی پارێزگای سنەیان کردبێت، قەت بە بیریاندا نەهاتبێت، ئەو پارێزگایە ئەوەندە وێرانە. پارێزگاری سنە پێی گوتوون، لەو پارێزگایەدا 1500 پرۆژەی نیوەتەواو هەیە، کە 7 هەزار ملیار تمەن بودجە بۆ تەواوکردنیان پێویستە. بۆیە جێگری ئەو کۆمیسیۆنەش دانی بەوەدا ناوە کە کێشەکانی پارێزگای سنە زۆرن و دواکەوتووییەکەی دەبێت بە هەڵاواردنی پۆزەتیڤ قەرەبوو بکرێتەوە.
18/4/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
