به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
له شاری تارانی پایته‌ختی ئێران یادی هونه‌مه‌ندی كۆچكردوو عه‌باس كه‌مه‌ندی ده‌كرێته‌وه.
بریاره رۆژی دووشه‌ممه‌ی هه‌فته‌ی داهاتوو رێوره‌سمێك بۆ رێزلێنان و یادكردنه‌وه‌ی مامۆستا عه‌باس كه‌مه‌ندی هونه‌رمه‌ندی كۆچكردووی رۆژهه‌ڵاتی كوردستان له شاری تارانی پایته‌ختی ئێران به‌رێوه‌بچێت.
ناوه‌ندی هونه‌ری ’سیماگوسته‌ری زاگرۆس’ ئه‌ركی به‌رێوه‌بردنی ئه‌و مه‌راسیمه‌ی گرتووه‌ته ئه‌ستۆ و ئێواره‌ی رۆژی دووشه‌ممه به ئاماده‌بوونی هونه‌رمه‌ندان و ئه‌دیبانی كوردی دانیشتووی تاران به‌رێوه‌ده‌چێ.
مامۆستا عه‌باس كه‌مه‌ندی كه به مامۆستای هه‌فت هونه‌ری كوردستان ناسراوه پێشتر هاوكاری له‌گه‌ڵ ئه‌و رێكخراوه بۆ هونه‌ری دۆبلاژ كردووه.
مامۆستا كه‌مه‌ندی له‌دایكبووی شاری سنه‌یه و هه‌فته‌ی رابردوو له ته‌مه‌نی 62 ساڵیی له نه‌خۆشخانه‌ی ته‌وحیدی شاری سنه بۆ هه‌میشه ماڵاوایی له ژیان كرد.
28/05/2014
’غولامحسێن كازمی’ به‌رێوبه‌ری رێكخراوی ژینگه‌ی پارێزگای ئیلامی رۆژهه‌ڵاتی كوردستان رایگه‌یاند، كار بۆ دروستكردنی پاركێكی هاوبه‌ش له نێوان ئێران و عێراق به‌ناوی پاركی ئاشتی و برایه‌تی له ناوچه‌ی ’كلوگ’ی شاری میهران ده‌كه‌ین.
ئه‌و به‌رێوبه‌ره راشی گه‌یاند:’ ناوچه‌ی كه‌لوگ ناوچه‌یه‌كی پارێزراوه و نزیكه‌ی 58 هه‌زار و 800 دۆنمه و ناوچه‌یه‌كی سرووشتی گرنگه و تێیدا ده‌یان جۆر ئاژه‌ڵی ده‌گمه‌نی وه‌ك كه‌ڵ و ئاسك ده‌ژین.
كازمی له‌به‌شێكیتر له وته‌كانی رایگه‌یاند:’ ئه‌و ناوچه هاوبه‌شه شوێنێكی گرنگی سرووشتییه و ده‌بێ بۆ پاراستنی ژینگه و ئاژه‌ڵه‌كانی رێوشوێنی گونجاو بگرینه‌به‌ر و رێگه به راوچییه‌كان نه‌ده‌ین ئاژه‌ڵه‌كانی ئه‌و ناوچه‌یه راو بكه‌ن.
پێشنیاری كردنه‌وه‌ی پاركی هاوبه‌شی نێوان ئێران و عێراق له پارێزگای ئیلام و سنووری عێراق له لایان ئێرانه‌وه دراوه و دوای سه‌ردانی ئه‌م دواییه‌ی سه‌رۆكی رێكخراوی ژینگه‌ی عێراقی فیدراڵ بۆ ئێران و پێشكه‌شكردنی ئه‌و پێشنیاره، هه‌ردوولا رێككه‌وتن له‌سه‌ر دروستكردنی ئه‌و پاركه سرووشتییه و بریاره تا كۆتایی ساڵی 2015 بكرێته‌وه.
28/05/2014
وردە فەیلییەکانی عێراق زیاتر لە بەغدا، شاریبان، بەدرە، زەرباتیە، جەسان، کووت، عەزیزیە، بەعقووبە، شێخ سەعد و کووفە دەژین. لە ئێرانیش زیاتر لە لوڕستان و هەمەدان و ئیلام و کرماشان و تاران و شیراز دەژین.
سەردەکی بەعس، دەیان هەزار کوردی فەیلی لە عێراق بێ ناسنامە بوون و حکوومەتی سەدام ئامادە نەبوو ناسنامەی عێراقییان پێ بدات، تا ئێستەش ئێران ئامادە نییە ناسنامەی ئێرانی بەو کوردانە بدات، بۆیە ئەوان لە ئێران و عێراق بێبەشن لە مافی هاووڵاتیبوون و نەوەی نوێیان نازانن عێراقین یان ئێرانین. لە لایەن حکوومەتی هەرێمی کوردستانیشەوە هیچ بەرنامە و پلانێک بۆ گەڕانەوەی ئەو فەیلییانە لە ئارادا نییە.
کوردە فەیلییەکان شیعە مەزهەبن و لە سەردەمی سەفەوییە لەنیًَوان عێراق و ئێران دابەش کران. لەو سەردەمەدا والییە فەیلییەکانی ئیلام و لوڕستان، پاڵپشتی حکوومەتی ناوەندیی ئێران بوون لە بەرامبەر هێرشی عوسمانی و عەرەبەکان.
کوردە فەیلییەکان پارێزەری راستەقینەی سنوورەکانی ئێران بوون لە سەردەمە جیاکانی مێژوودا، بە فەرماندەیی عەلی مەردان خان لە شەڕی گلوون ئاوا لەگەڵ مەحموود ئەفغان بەشدارییان کرد. کاتێک مەحموودی ئەفغان شاری ئەسفەهانی گەمارۆ دا، ئەوە فەیلییەکان بوون توانیان ئەو شارە لە دەستی سەربازە ئەفغانییەکان رزگار بکەن.
لە سەردەمی دەسەڵاتی کەریم خانی زەند کە خۆی کوردی فەیلی بوو و بۆ ماوەی چەندین ساڵ حکوومەتی ئێرانی بەدەستەوە بوو، ژمارەیەک لە کوردە فەیلییەکان وەکوو فەرماندە و راوێژکار و سەرباز رۆڵی گرنگیان هەبوو لە زیاترکردنی دەسەڵاتی ئەو پادشایە، بەڵام دواتر لە بیابانەکانی کرمان بە دەستی سوپای لوتفعەلی خان کوژران و لە ترسی رق و کینەی ئاغا محەمەد خانی قاجاریش ژمارەیەکی زۆر لە فەیلییەکان لەناو هۆزی قەشقاییەکان توانەوە و خۆیان فێری زمانی تورکی کرد.
لە سەردەمی ناسرەدین شا لە شاری شیراز کە پایتەختی کەریم خانی زەند بوو و ژمارەیەکی زۆر لە کوردە فەیلییەکان تێیدا نیشتەجێ بوون، دوو فەرماندەی فەیلی بە ناوەکانی حەسەن قولی خان و ئیمام قولی خان سەریان لە لەشیان جیا کرایەوە کە بە درێژی لەناو کتێبی ”فارس و جنگ بین الملل“ لە نووسینی ئادەمیت باسی کراوە. لەو وەختەوە تا ئێستە کوردەکانی شیراز بە فەیلی و فەیلی زادە و فەیلی قەشقایی و فەیلی شیرازی و فەیلی سەفایی ناسراون.
لە کاتی دەسەڵاتی حکوومەتی والییەکانی فەیلی بۆ ماوەی 200 ساڵ سەرجەم هۆزەکانی ئیلام و لوڕستان و ناوچەکانی دەرووبەری بە فەیلی دەناسران، بەڵام دواتر ناوی فەیلی تەنیا بۆ ناوچەی پشتکوو (ناوی مێژوویی ئیلام) بوو.
پەیوەندیی خزمایەتی و کولتووریی فەیلییەکانی ئێران و عێراق کە پێشتر گەرموگوڕ بوو، پاش بە دەسەڵات گەیشتنی حزبی بەعس لە عێراق قەدەخە کرا و هەرچی پەیوەندیی کولتووری و ئابووری و خزمایەتی بوو لەنێوان هۆزە فەیلییەکانی ئیلام و لوڕستان و کرماشان لەگەڵ فەیلییەکانی عێراق کۆتایی پێهات.
ئێستەش ئەگەرچی حکوومەتی بەعس رووخاوە، بەڵام بەشێک لە کێشەکان وەکوو خۆی ماوەتەوە و بە هەزاران فەیلی لە ئیلام و لوڕستان لەبەر فەیلیبوونیان بێبەش کراون لە ناسنامەی ئێرانی.
حکوومەتی ئێران دەڵێت ئەوانە عێراقین و نابێ ناسنامەی ئێرانییان پێ بدرێت. عێراقیش ئەوانە بە ئێرانی دەزانێ و رێگری دەکات لە بەخشینی ناسنامەی عێراقی، بەو فەیلیانەی دەیانەوێ لە ئێرانەوە بگەڕێنەوە بۆ زێدی خۆیان.
ژمارەیەکی زۆر لە فەیلییەکان پاش کوشتن و زیندەبەچاڵ کردنیان، لە بیابانەکانی نوگرە سەلمان، بەرەو ئێران هەڵاتن و تا ئێستەش نەگەڕاونەتەوە و هیچ هەوڵێکیش بۆ گەڕاندنەوەی ئەو کوردانە لە لایەن حکوومەتی ناوەندی و حکوومەتی هەرێمی کوردستانیش نابینرێ.
بەشێک لە کوردە فەیلییەکان لە کۆڵانی مەرووی تارانی پایتەختی ئێران مزگەوتێکیان هەیە بەناوی مزگەوتی کوردە فەیلییەکان. جیا لەو مزگەوتە مزگەوتی تریشیان هەیە و خۆیان بە هۆزەکانی ئەرکەوازی و کوردعەلی و خزڵ و مەلەکشایی و بەدرەیی دەزانن.
ئەگەرچی دادگای باڵای تاوانەکانی عێراق کوشتن و ئاوارەکردنی کوردە فەیلییەکانی لە دەیەی 80 بە جینۆساید ناساندووە، بەڵام هیچ لایەنێکی پەیوەندیدار تا ئێستە هەوڵی ئەوەی نەداوە ئەو ژمارە زۆرە لە کوردە فەیلییەکان بگەڕێنێتەوە کە چاوەڕوانی ئەوە دەکەن رۆژێک لە زێدی خۆیان وەکوو هاووڵاتیی پلە یەک رێزیان لێ بگیرێت.
28/05/2014
به گوێرەی راپورتی باس نیوز
مەکتەبی سیاسی پارتی و یەکێتی کۆبوونەوە و تێیدا پێشنیاز بۆ یەکێتی کراوە کە پۆستی جێگری سەرۆکی پەرلەمانی پێ نەدرێ.
ئەمڕۆ لەماڵی نێچیرڤان بارزانی سەرۆکی حکومەتی ھەرێمی کوردستان لە ھەولێر، پارتی دیموکراتی کوردستان و یەکێتی نیشتیمانی کوردستان کۆبوونەوە و تێیدا گفتوگۆ لەسەر دوایین بەربەرستەکانی پێکھێنانی کابینەی ھەشتی حکومەت کرا و لەکۆبوونەوەکەدا یەکێتی وەڵامی خۆی بە پارتی راگەیاندبوو سەبارەت بەو دەنگۆیەی دەوڵەتی یاسا بەسەرۆکایەتی نوری مالیکی بڵاوی کردبوویەوە کە گوایە ئەوان بڕیاری بەشداری حکومەتیان داوە، بۆیە بە پارتیان گوتبوو کە ئەوە دوورە لە راستی و ئێمە پابەندین بە یەکڕیزی ماڵی کورد و بەتەنیا بڕیار نادەین.
سەرچاوەیەکیش لە مەکتەبی سیاسی یەکێتی نیشتیمانی کوردستان بە (باسنیوز)ی راگەیاند کە لە کۆبوونەوەکەدا گفتوگۆ لەسەر پرسی جێگری سەرۆکی پەرلەمان کراوە و پارتی بە یەکێتی راگەیاندووە کە دەیەوێ ئەو پۆستە بۆ خۆی بمێنێتەوە.
سەرچاوەکە گوتیشی ’یەکێتی لەسەر ئەو پرسە بە پارتی راگەیاندووە کە لەنێو خۆماندا کۆبوونەوە لەسەر ئەو پرسە دەکەین و سبەی وەڵامتان دەدەینەوە’.
28/05/2014 
دوکتۆر مه‌حموود عوسمان یه‌کێک له سه‌رکرده‌کانی هاوپه‌یمانیی کوردستانی له ئه‌نجومه‌نی نوێنه‌رانی عێراق وێڕای داواکاری له حکوومه‌تی فیدراڵی ئه‌و وڵاته و هه‌رێمی کوردستان بۆ ئه‌نجامدانی گفتوگۆی ڕاسته‌وخۆی نێوانیان به مه‌به‌ستی چاره‌سه‌رکردنی کێشه‌ی هه‌نارده‌کردنی نه‌وتی هه‌رێم له خاکی تورکیاوه، پشت به‌ستنی هه‌رێم به داهاتی هه‌نارده‌ی نه‌وتی خۆی بۆ تورکیای به کارێکی هه‌ڵه و مه‌ترسیدار وه‌سف کرد.
به‌پێی هه‌واڵی کوردپرێس، به گێڕانه‌وه له ڕۆژنامه‌ی "المستقبل"، مه‌حموود عوسمان له لێدوانێکی ڕۆژنامه‌وانیدا وتی: تورکیا بڕیاری داوه نه‌وتی هه‌رێمی کوردستان له بازاڕه‌کانی جیهاندا بفرۆشێت، به‌ڵام نابێت هه‌ولێر به گوێره‌ی ئه‌و بڕیاره‌ی تورکیا پشت به داهاتی نه‌وت ببه‌ستێت له‌به‌ر ئه‌وه‌ی که ئه‌گه‌ری ئه‌وه له‌ئارادایه ئه‌نقه‌ره بڕیاری خۆی بگۆڕێت.
زیاتر وتی: وه‌زاره‌تی ده‌ره‌وه‌ی ئه‌مه‌ریکاش پشتگیری نه‌کردنی له هه‌نارده‌ی نه‌وتی هه‌رێمی کوردستان به بێ گه‌ڕانه‌وه بۆ به‌غدا، ڕاگه‌یاند و زۆرێک له لایه‌نه سیاسییه‌کانی عێراقیش دژی ئه‌و بابه‌ته‌ن و هه‌ر بۆیه پشت به‌ستنی هه‌ولێر به داهاتی نه‌وت بڕیارێکی هه‌ڵه و مه‌ترسیداره.
مه‌حموود عوسمان داواشی کرد که هه‌ولێر به شێوه‌ی ڕاسته‌وخۆ له‌گه‌ڵ به‌غدا بکه‌وێته گفتوگۆ بۆ چاره‌سه‌رکردنی کێشه‌کانی له بواری نه‌وت و به چاره‌سه‌رنه‌کراوی مانه‌وه‌ی دۆسیه‌ی نه‌وتی به کاریگه‌ر زانی له‌سه‌ر پرۆسه‌ی پێکهێنانی ده‌وڵه‌تی نوێی عێراق.
27/05/2014
له كۆنگره‌یه‌كى ڕۆژنامه‌وانیدا له هۆتێل دیڤان له هه‌ولێر، لێژنه‌ى ئاماده‌كارى فیستڤاڵى نێوده‌وڵه‌تى سینه‌ماى هه‌ولێر به‌رنامه و كارو چالاكییه‌كانیان بۆ كه‌ناڵه‌كانى ڕاگه‌یاندن ڕوون كرده‌وه و ئاماژه‌یان به‌وه‌ش دا كه له‌چه‌ند ڕۆژى داهاتوودا فێستڤاڵى نێوده‌وڵه‌تى سینه‌مایی له هه‌ولێر ئه‌نجامده‌درێت.
ناسر حه‌سه‌ن به‌ڕێوه‌به‌رى فێستڤاڵى سینه‌مایی نێوده‌وڵه‌تى هه‌ولێر گووتى ’ئه‌نجامدانى ئه‌م فێستڤاڵه به‌شێكه له كارو چالاكییه‌كانى به‌پایته‌ختبوونى گه‌شتیارى وڵاتانى عه‌ره‌بى له به‌روارى 30/5 تاكو 3/6 به به‌شدارى نزیكه‌ى 150 هونه‌رمه‌ند و سینه‌ماكار و ئه‌كته‌ر و ڕۆشنبیرى ناسراوى بیانى ده‌ست پێده‌كات و یه‌كه‌م ڕۆژى ده‌ست پێكردنه‌كه‌شى له هۆڵى مامۆستا سه‌عد عه‌بدوڵا ده‌بێت.
له‌به‌رنامه‌ى یه‌كه‌م ڕۆژى فیستڤاڵه‌كه‌شدا به‌شێكى بریتى ده‌بێت له ڕێزلێنان له كۆمه‌ڵێك هونه‌رمه‌ند و سینه‌ماكارى كوردى و بیانى كه چه‌ندین ساڵه له‌و بواره‌دا كار ده‌كه‌ن و خزمه‌تیان كردووه.
ڕۆژێكیش تایبه‌ت ده‌بێت به گه‌شتیارى بۆ میوانه‌كان و كه ژماره‌یه‌كى زۆریان به به‌راورد به فێستیڤاڵه‌كانى دیكه بانگهێشت كردوه.
ئاماژه‌شى بۆ ئه‌وه‌كرد له‌به‌ر گرفتى بودجه له كوردستان به‌سپۆنسه‌رى كه‌رتى تایبه‌تى فیستڤاڵه‌كه به‌ڕێوه‌ده‌چێت، بێ ئه‌وه‌ى كاریگه‌ر بكاته سه‌ر بودجه‌ى هه‌رێم و هیوادارین له داهاتوودا كارى له‌و شێوه‌یه زیاتربێت و له‌ڕێى كه‌رتى تایبه‌ته ئه‌م جۆره فێستڤاڵانه ئه‌نجام بدرێن.
سه‌باره‌ت به واده‌ى ئه‌نجامدانى فیستڤاڵه‌كه به‌ڕێوه‌به‌رى فێستڤاڵ گووتى ’به‌هۆى چه‌ند گرفتێكه‌وه واده‌ى ئه‌نجامدانى فێستڤاڵه‌كه گۆردرا له 5/5 ه‌وه بۆ 30/5 ’. گووتیشى فیلمه‌كانیش له هه‌ره‌یه‌كه له هۆڵه‌كانى مێگامۆڵ و فامیلى مۆڵ و ئێمپایه‌ر نمایش ده‌كرێن و هه‌ر فیلمێكیش 3 جار نمایش ده‌كرێت بۆ ئه‌وه‌ى هه‌موو كه‌سێك بتوانێت بیبینێت.
له‌و فیلمانه‌ش 26یان كورته فیلمن و له ناویاندا 8 كورته فیلمیان كوردین.
گرنگى ئه‌م فیستڤاڵه ته‌نیا ئه‌وه نییه كه چه‌ندین فیلم نمایش ده‌كرێت و چه‌ندین سینه‌ماكار به‌شدار ده‌بن به‌ڵكو چه‌ندین كه‌سى به‌توانا به‌شدار ده‌بێت كه ئێمه له داهاتوودا ده‌توانین سوودیان لێببینین بۆ به ئه‌نجام گه‌یاندنى فیلمى كوردى.
سه‌باره‌ت به‌و بڕه پاره‌یه‌ى كه بۆ ئه‌نجامدانى فیستڤاڵه‌كه ته‌رخانكراوه، ناسر حه‌سه‌ن گووتى ’له‌لایه‌ن چه‌ند سپۆنسه‌رێكى كه‌رتى تایبه‌ته‌وه خه‌رجییه‌كانى ده‌كرێت بۆیه تاكو كۆتایی فێستڤاڵ نازانین چه‌ند پاره خه‌رج كراوه و چه‌ندى پێویست بووه’.
سه‌باره‌ت به ئه‌و خه‌ڵاته‌ى بۆ به‌شداربووه‌كان ئاماده‌كراوه ناسر حه‌سه‌ن، هێماى بۆ ئه‌وه كرد كه له‌به‌ر كێشه‌ى بودجه ناتوانن پاره وه‌كو خه‌ڵات بده‌نه به‌شداربووان.
له‌وه‌ڵامى پرسیارى ڕۆژنامه‌نووساندا سه‌باره‌ت به‌كه‌مى به‌شداریكردنى هاووڵاتیان به‌هۆى زۆرى نرخى بلیتى چوونه ژووره‌وه، به‌ڕێوه‌به‌رى فیستڤاڵه‌كه رایگه‌یاند، هه‌وڵده‌ده‌ن نرخى بلیته‌كه هه‌رزان بكه‌ن له ده هه‌زاره‌وه كه‌مى بكه‌نه‌وه.
جێى باسه، له‌م فێستیڤاڵه‌دا وابڕیاره زۆرێك له گه‌وره هونه‌رمه‌ندانى سینه‌ماى هۆلیۆد و سینه‌ماى بیانى به‌شدارى تیادا بكه‌ن.
27/05/2014
سه‌رۆكی په‌رله‌مانی كوردستان به‌توندی ئیدانه‌ی رووداوی كوشتنی ژنه 15 ساڵانه‌كه‌ی شاری دهۆكی كرد و داواشیكرد به‌دواداچوونی جددی بۆ ئه‌و پرسه بكرێت.
شه‌وی 23-5-2014 له ناحیه‌ی كه‌ڵه‌كچی سه‌ر به قه‌زای شێخان ژنێكی ته‌مه‌ن 15 ساڵ به درنده‌ترین شێوه له لایه‌ن مێرده‌كه‌یه‌وه كوژرا و دواتر به‌ره‌و شوێنێكی نادیار هه‌ڵهات، تا ئێستا هیچ زانیاریه‌ك له باره‌ی شوێنی ئه‌و تۆمه‌تباره‌وه دیار نییه.
ئه‌مڕۆ یوسف محه‌مه‌د سه‌رۆكی په‌رله‌مان له‌میانی دانیشتنی په‌رله‌ماندا باسی له رووداوی كوشتنی ژنه 15 ساڵه‌كه‌ی ناوچه‌ی كه‌له‌كچیی سه‌ر به قه‌زای شێخان كرد كه به‌ر له چه‌ند رۆژێك له‌لایه‌ن هاوسه‌ره‌كه‌یه‌وه به شێوه‌یه‌كی دڕندانه كوژرا.
یوسف محه‌مه‌د سه‌رۆكی په‌رله‌مان به توندی ئیدانه‌ی ئه‌و تاوانه قێزه‌ونه‌ی كرد و داواشی له لیژنه‌ی داكۆكیكردن له مافی ئافره‌ت له په‌رله‌مان كرد به‌دواداچوونی جدی بۆ ئه‌و پرسه و ره‌وشی ئافره‌تان له هه‌رێمی كوردستان بكه‌ن.
ئه‌و رووداوه ده‌نگدانه‌وه‌یه‌كی زۆری له‌ناو كۆمه‌ڵگه‌ی كوردی لێكه‌وته‌وه و كار گه‌یشته ئه‌وه‌ی یه‌كێتی زانایانی ئاینی ئیسلامی كوردستان و ئه‌نجومه‌نی باڵای كاروباری خانمان به‌یاننامه‌ی له‌سه‌ر ده‌ربكه‌ن، به‌وهۆیه‌شه‌وه سبه‌ینێ سێشه‌ممه كاتژمێر 12 نیوه‌ڕۆ له نزیك په‌یكه‌ری ئه‌حمه‌دی خانی‌له شاری دهۆك خۆپیشاندان رێكده‌خرێت بۆ به‌رده‌م پارێزگای دهۆك .
26/05/2014
بەپێی راگەیاندنی پەرلەمانی كوردستان، ئەمڕۆ دووشەممە 26/5/2014 پەرلەمان كۆبوونەوەی ئاسایی خۆی دەبەستێت و یەكێك لە بەرنامەكانی پەرلەمان "گفتوگۆكردنە سەبارەت بە بڵاوكراوەی كونسوڵخانەی گشتی كۆماری ئیسلامیی ئێران لە سلێمانی سەبارەت بە زمان و نەتەوەی كورد". فەخرەدین قادر، سكرتێری پەرلەمانی كوردستان بە (رووداو)ی راگەیاند "ئەو پێشنیازە لەلایەن فراكسیۆنی زەردەوە پێشكەش كراوە، دەبێت زۆر بە هەستیارییەوە قسەی لەسەر بكرێت، چونكە ئێران دراوسێیە و كاریگەری لەسەر هەرێمی كوردستان و عێراق و ناوچەكە هەیە، بۆیە دەبێت بە ئەتەكێتێكی دیپلۆماسیانە قسەی لەسەر بكرێت". فەخرەدین قادر گوتی "ئامانج لە باسكردنی ئەو بابەتە ئەوەیە كە كورد میللەتێكی سەربەخۆیە و خاوەنی زمان و كەلتووری خۆیەتی و ئەو شتانەی كە بەرامبەر بە كورد گوتراوە، دروست نین و چاوەڕێ ناكرێت لە كۆماری ئیسلامی ئێران هەڵوێستی ئاوا بێت." فرسەت سۆفی، ئەندامی فراكسیۆنی زەرد سەبارەت بەو پێشنیازەی فراكسیۆنەكەیان بە (رووداو)ی راگەیاند "بەپێی پەیڕەوی ناوخۆی پەرلەمان، یەك لەو كەرەستانەی كە لەبەردەستی پەرلەمانە پێشكەشكردنی بابەتێكی گشتییە بۆ گفتوگۆكردن، كاتێك كە هەر هێز و لایەنێك لە ناوخۆ یان دەرەوە، یاری بكات بە هەندێك پرسی نیشتمانی و نەتەوەیی كوردستان، حەقە پەرلەمان لەبارەیەوە هەڵوێستی خۆی هەبێت." فرسەت سۆفی گوتیشی "ئێمە پێدەچێت لە رووی دیپلۆماسییەوە داوا لە ئێران بكەین كە روونكردنەوە پێشكەش بكات، لەم جۆرە حاڵەتانەشدا بە رەسمی داوای لێبوردن پێشكەش دەكرێت كە تاوەكو ئێستا ئەوە لەلایەن ئێرانەوە نەكراوە، لەناو پەرلەمانیش دەبێت باس لەوە بكەین كە لە داهاتوودا هیچ دەوڵەتێك رێگە بەخۆی نەدا سوكایەتی بە كورد بكات." ئەو بابەتە لەسەر پێشنیازی ئاری هەرسین، ئەندامی فراكسیۆنی زەرد بووە كە لە پەرلەمان باسی بكرێت. هەرسین ئەوەی پشتڕاستكردەوە كە ئەو بابەتە لەسەر پێشنیازی ئەو لە پەرلەمان باس دەكرێت و گوتیشی "پەرلەمانتارانی گۆڕان، یەكێتی و بزووتنەوەی ئیسلامی، پشتگیری ئەو پێشنیازەیان كرد و واژۆیان كرد بۆ ئەوەی لە پەرلەمان باسی لێبكرێت، بەڵام فراكسیۆنی كۆمەڵ و یەكگرتوو داوای بابەتەكەیان بە زمانی فارسی كرد و حەزیان كرد دەقی فارسیەكەی ببینن." كونسوڵخانەی ئێران لە سلێمانی، لە ماڵپەڕی خۆیدا بابەتێكی بە ناونیشانی "تێڕوانینێك بۆ پەیوەندییەكانی ئێران لەگەڵ حكومەتی هەرێمی كوردستانی عێراق" بڵاوكردەوە كە تێیدا بە ئاوڕدانەوە لەمێژووی دابەشكردنی كوردستان، نووسراوە "كورد لە وڵاتانی توركیا، عێراق و سووریا كەمینەیەكی نەژادییە و لە ئێرانیش لە ماڵە گەورەی دایكیاندا دەژین". كونسوڵخانەی ئێران لە سلێمانی هەروەها كۆماری كوردستان بە حكومەتێكی چەند رۆژەی كۆمۆنیستی مەهاباد نێوبردبوو و نووسیبووی "هەندێك لایەن كە بە بۆچوونی ئێران كوردی توندڕەون، دەیانەوێ بە پشتبەستن بە حكومەتی كۆماری كوردستان، بۆخۆیان نەتەوە، كولتوور، زمان و مێژوو دابمەزرێنن". هەروەها باسی لەوەش كردبوو كە "كوردی زمان نییە و شێوەزارێكی زمانە ئێرانییەكانە و لە تێكەڵەیەكی زمانەكانی عەرەبی، توركی و فارسی پێكهاتووە".
26/5/2014
دروست كردنی جۆره‌كانی ئۆتۆمبیلی ئێرانیی له‌ناو عێراق ده‌ستی پێكرد.
عه‌لی عیلمی جێگری هه‌نارده‌كردن و به‌شی نێوده‌وڵه‌تی كۆمپانیای دروست كردنی ئۆتۆمبیلی (ئێران خودرو) ئه‌مرۆ یه‌كشه‌ممه رایگه‌یاند:’ كارگه‌گی دروست كردنی ئۆتۆمبیلی ئێرانی له‌ناو خاكی عێراق به توانایی دروست كردنی 20 هه‌زار ئۆتۆمبیل له ساڵێكدا دامه‌زراوه و یه‌كه‌مین ئۆتۆمبیلی ئێرانیش له جۆری رانا له‌و كارگه‌یه دروست كراوه.
ئه‌و به‌رپرسه ئێرانییه راشی گه‌یاند: خواست بۆ ئۆتۆمبیلی ئێرانی له عێراق زۆره و وڵاتی چین ركابه‌ری سه‌ره‌كی ئێرانه، گه‌مارۆ ئابوورییه‌كانی سه‌ر ئێران ته‌نگژه‌یه بۆ چالاكییه‌كانی كۆمپانیای (ایران خودرو) له عێراق و گه‌ر ئه‌و گه‌مارۆ ئابوورییانه نه‌بوایه‌ن به ئاسانی ده‌مانتوانی پرۆژه‌كانی دروست كردنی ئۆتۆمبیل له عێراق باشتر جێ به جێ بكه‌ین.
عیلمی له‌باره‌ی ئه‌و كارگه‌یه رای گه‌یاند:’ هه‌وڵ ده‌ده‌ین ژماره‌ی به‌رهه‌مه‌كانی ئۆتۆمبیلی ئێرانی له عێراق به‌رز بكه‌ینه‌وه و جۆره‌كانی رانا و سه‌مه‌ند و سۆرن له عێراق دروست ده‌كه‌ین.
شایانی باسه ئۆتۆمبیلی ئێرانی به‌هۆی به‌های نزمی زیاتر له باشووری عێراق كڕیاری هه‌یه.
26/05/2014
هه‌ر سێ حزبی سوسیالست و زه‌حمه‌تكێشان و شیوعی، پشتیوانی و خۆشحاڵی خۆیان له به‌رانبه‌ر فرۆشتنی نه‌وتی كوردستان بۆ بازاره‌كانی جیهان ده‌رده‌بڕن.
دواش له ئه‌مریكا ده‌كه‌ن ئه‌گه‌ر پێی ناكرێ پشتگیری ئه‌م مافه‌ی هه‌رێمی كوردستان بكات وا باشتره بێلایه‌نی خۆی بپارێزیت.
به پێی راگه‌یاندراوێكی كۆبوونه‌وه‌ی حزبی سوسیالست دیموكراتى كوردستان، حزبی زه‌حمه‌تكێشان و حزبی شیوعی كوردستان، كه كۆپیه‌كی ده‌ست (باسنیوز) كه‌وتووه، ئه‌مرۆ 25ی ئایار، ئه‌و سێ لایه‌نه له شاری سلێمانی له سه‌ر چه‌ند پرسێك كۆبونه‌ته‌وه.
له به‌شێكی راگه‌یاندراوه‌كه‌دا ئه‌وه خراوه‌ته‌ڕوو، هه‌ر سێ لایه‌ن خۆشحاڵی خۆیان ده‌ربریووه سه‌باره‌ت به ناردنی یه‌كه‌مین كاروانی نه‌وتی هه‌رێمی كوردستان بۆ بازاره‌كان جیهان.
له رۆژی هه‌ینی رابردوودا به فه‌رمی حكوومه‌تی هه‌رێمی كوردستان پرۆسه‌ی فرۆشتنی نه‌وتی كوردستانی بۆ بازاره‌كانی جیهان راگه‌یاند.
ئه‌و سێ حزبه كوردستانییه به مافی هه‌رێمی كوردستان ده‌زانن كه نه‌وتی خۆی بفرۆشێت و پێیانوایه ئه‌وه هه‌نگاوێكه بۆ سه‌ربه‌خۆیی ئابووری كوردستان و گرنگه ئه‌م هه‌نگاوه‌ش بۆ گه‌شه‌پێدانی هه‌رێمی كوردستان به‌كار بهێنرێ.
هاوكات له‌گه‌ڵ ئه‌م هه‌نگاوه‌ش سه‌رجه‌م ئه‌و قانونانه‌ی په‌یوه‌ندی به بواری رێكخستنی نه‌وت وگازه‌وه هه‌یه له كوردستاندا، دوانه‌كه‌وێ و به شێوه‌یكی شه‌فاف بریاری له‌سه‌ر بدرێ.
ئه‌و سێ لایه‌نه داوا له وڵاته یه‌كگرتوووه‌كانی ئه‌مه‌ریكاش ده‌كه‌ن ئه‌گه‌ر پێی ناكرێ پشتگیری ئه‌م مافه‌ی هه‌رێمی كوردستان بكات وه‌كو به‌شێكی زۆر له وڵاتانی ئه‌وروپا وڵاتانی جیهان، ئه‌وا باشتره بێلایه‌نی خۆی بپارێزیت.
26/05/2014
کۆماری ئیسلامی ئێران لە سنووری سیدەکان و حاجی ئۆمەرانەوە تا قەندیل، ھێزێکی زۆری بە چەکی قوڕسەوە لەسەر سنوورەکان کۆکردووەتەوە.
سەرچاوەیەکی ئەمنی لە سنووری نێودەوڵەتی حاجی ئۆمەران بۆ (باسنیوز) رایدەگەیەنێ ماوەیەکە ئێران دەستی کردووە بە جوڵەی ھێزەکانی و لە سەربازگەکانیدا ھێزێکی زۆری کۆکردووەتەوە بە چەکی قورسەوە.
بەپێی قسەی ئەو سەرچاوەیە بێت ھەموو ساڵێک ئێران لە مانگەکانی نیسان و ئایار، تا دەگاتە مانگی حوزەیران جێگۆڕکێ بە ھێزە سنووریەکانی دەکات و ئەمساڵیش ھێزەکانی کشاندۆتەوەو لەجیاتی ئەوانیش ھێزی نیرۆئینتیزامی ھێناوەتە شوێنیان، لە وەرزی زستاندا ھەر سەربازگەیەک 15 سەربازی ئێرانی تێدابوو، بەڵام لەگەڵ ئەم ئاڵوگۆڕییەدا ھەر سەربازگەیەک نزیکەی 40 سەربازی تێدا جێگیرکراوە.
مەغدید عەریف، بەڕێوەبەری ناحیەی حاجی ئۆمەران بۆ ئاژانسی (باسنیوز) رایدەگەیەنێ 'راستە ئێران لەم وەرزەدا سنوورەکانی پڕ ھێز دەکات، بەڵام تا ئێستا سنووری ھەرێمیان نەبەزاندووە و جێگیرکردنی ئەم ھێزەش مەترسی بۆسەر ئاسایشی ھەرێم نەبووە، تەنھا سنوورەکانی خۆیان پاراستووە'.
بەپێی قسەی عەریف بێت ئەوان ھەموو مانگێک لەگەڵ ھێزی پاسەوانی سنوور و ھێزەکانی ئەمنی ئێران کۆبوونەوەی ئاسایی خۆیان گرێدەدەن و ھەماھەنگییان ھەیە لەپاراستنی سنوورەکان.
زۆرجار لە ئاکامی تەقەی پاسدارانی سنووری ئێران کاسبکارانی کوردی رۆژھەڵاتی کوردستان بوونەتە قوربانی، بەپێی ئاماری ئاژانسە ھەواڵدەرییەکان لە 4 مانگی رابردووی ئەمساڵدا 20 کاسبکاری رۆژھەڵاتی کوردستان لەسەر سنوورەکان بوونەتە قوربانی کە 8 یان گیانیان لەدەستداوەو 12 ی تریشیان بە ھۆکاری جیاجیا بریندار بوون، زۆربەشیان بە ھۆکاری تەقەی ھێزەکانی ئێران بوون.
25/05/2014
دووسبه‌ی دووشه‌ممه 27-5 د.ئیسماعیل بێشكچی گه‌وره نووسه‌ری دۆستی كوردی توركیا ده‌گاته هه‌رێمی كوردستان و بۆ ماوه‌یه‌ك هه‌فته‌یه‌ك زنجیره‌یه‌ك چالاكی ئه‌نجام ده‌دات.
ئیبراهیم سه‌مین به‌ڕێوه‌به‌ری راگه‌یاندنی ده‌زگای خێرخوازی بارزانی له لێدوانێكی بۆ (باسنیوز) رایگه‌یاند بێشكچی بۆ ماوه‌ی یه‌ك هه‌فته له كوردستان ده‌مێنێته‌وه، زنجیره‌یه‌ك به‌رنامه و سمینار و كۆڕی ده‌بێت.
بێشكچی چه‌ند كۆڕێك له زانكۆكانی سلێمانی و سۆران و دهۆك ئه‌نجام ده‌دات، هه‌روه‌ها له ئه‌كادیمیای كوردیش له هه‌ولێر سیمینارێك پێشكه‌ش ده‌كات، هه‌ر له‌م گه‌شته‌یدا له‌لایه‌ن زانكۆی سه‌ڵاحه‌دینه‌وه بڕوانامه‌ی دكتۆرای فه‌خری پێ ده‌به‌خشرێت، كه ئه‌مه‌ش یه‌كه‌مین جاره ئه‌م پله‌یه له زانكۆی سه‌ڵاحه‌دین ده‌درێت.
ئیبراهیم سه‌مین گوتیشی 'پارساڵ له وێستگه‌ی سه‌ردانه‌كه‌ی بۆ كوردستان، نووسه‌ری گه‌وره‌ی تورك د.ئیسماعیل بێشكچی له باره‌گای ده‌زگای خێرخوازیی بارزانی به‌ئاماده‌بوونی سه‌رۆك و جێگری سه‌رۆكی ده‌زگا و سه‌رۆكی وه‌قفی بێشكچی ئاماده‌ی ئیمزاكردنی پڕۆتۆكۆڵێكی هاوبه‌ش بوو له نێوان هه‌ردوو ده‌زگاكه كه چه‌ندین خاڵی گرنگی له‌بواری په‌روه‌رده‌یی و زانستی و مێژوویی له‌خۆ گرتووه.
له سه‌ردانه‌كه‌ی ئه‌مجاره‌یدا ده‌زگای خێرخوازی بارزانی هه‌موو ئاماده‌كارییه‌كانی به‌شێوه‌یه‌كی رێكوپێك بۆ سه‌ردانه‌كه‌ی بێشكچی رێك خستووه.
ئیسماعیل بێشكچی له ساڵی 1939 له ئیسكلیب، له نزیك پارێزگای (كۆرم) له‌دایك بووه، بڕوانامه‌ی ئه‌ده‌بیاتی له زانكۆی ئه‌نقه‌ره و پله‌ی دكتۆرای له زانكۆی ئه‌تاتورك وه‌رگرتووه، بێشكچی له كاتی خزمه‌تی سه‌ربازی له نێوان ساڵه‌كانی 1962 – 1964 له‌ناوچه‌كانی هه‌كاری و به‌دلیس كوردی ناسیوه، له شوێنێكدا له‌سه‌ر كورد ده‌ڵێ ״كه گه‌یشتمه خوارووی خۆرهه‌ڵاتی توركیا بۆ ته‌واوكردنی خزمه‌تی سه‌ربازی به‌چاوی خۆم گه‌لێكم بینی، كه زمان و مێژوو دابونه‌ریتیان له ئێمه‌ی تورك جیاوازه ئه‌و گه‌له ئه‌و ناوه هه‌ڵناگرێت كه ئێمه لێمان ناون، ئه‌وان به‌خۆیان ناڵێن توركی چیایی، به‌ڵكو ده‌ڵێن ئێمه كوردین״.
ناوبراو چه‌ندین جار له‌سه‌ر داواكردنی مافه‌كانی كورد حوكم دراوه
25/05/2014
هەورامان یەکێکە لە ناوچە کۆن و مێژووییەکانی کوردستان کە بە شێواز و دیزاینی سەیر خانوەکانیان بنیات ناوە و بیناسازییەکەی شێوازێکی تایبەت ودەگمەنە لە بیناسازی جیهاندا. بیناسازی لە هەورامان لەگەڵ سرووشت تێکەڵ بووە. کاتێک باسی هەورامان دەکەین گوندەکانی کۆسەهەجێج و پاڵنگان دێتە بەرچاومان و کەمتر باس لە گوندی 'دێوەزناو' دەکەن کە یەکێکە لە جوانترین گوندەکانی کوردستان.
دێوەزناو گوندێکی مێژووییە و بیناسازییەکەی نموونەیەکی تایبەتە لە بیناسازیی هەورامان.
لەپاڵ زەنجیرەچیای شاهۆ و لە هەورامان گوندی دێوەزناو لەناو شاخ دروست کراوە و مێژووی گوندەکە زۆر کۆنە و بۆ سەردەمی ئایینی میترایی دەگەڕێتەوە.
بەپێی هەندێ بەڵگەی مێژوویی، گوندی دێوەزناو شوێنێکی گەورە و شارێکی گرنگی کۆنی مێژوویی بووە و هاووڵاتیانی ئەو گوندە پەیڕەوکاری ئایینی 'میتراییزم' بوون.
پاش گەشەکردنی ئایینی زەردەشتی خەڵکی ئەو گوندە وازیان لە ئایینی کۆنی خۆیان کە میترایی بوو نەهێنا، بۆیە لەلایەن زەردەشتییەکان و بانگەشەکارانی زەردەشتی بە 'دێوەزناو' ناویان دەرکرد و ئەو ناوە تا ئێستەش ماوە.
دێوەزناو لە دوو وشەی دێو و یەزناو (یەسناو) پێکهاتووە و بە مانای لایەنگرانی هەڵە و تاریکی بووە و دەسەڵاتدارانی ئەو کاتە خەڵکی ئەو گوندەیان وەکوو دێو وەسف دەکرد.
لەنێوان حکوومەتی میترائیزمیەکان لە گوندی دێوەزناو و پیاوە ئایینییەکانی زەردەشتی لە گوندەکانی تری هەورامان، ناکۆکی و تەنگژە و شەڕە ئایین هەبووە تا کاتێک سوپای ئیسلام گەیشتە ئێران هاتە سنوورەکانی هەورامان و لەو سەردەمە بوونی دوژمنی هاوبەشی ئەو دوو ئایینە، وای کرد کە لایەنگرانی میترائیزم و زەردەشت لە شوێنێک بە ناوی پاڵە (گوندی پاڵنگانی ئێستە) یەک بگرن و ببنە هاوپەیمان.
شالیار پیاوی ئایینی و نوێنەری زەردەشتییەکان لەگەڵ میرزابنوس وەک نوێنەری میترائیزمییەکان، پێکەوە دادەنیشن و بۆ رووبەرووبوونەوە لەگەڵ سوپای ئیسلام ئایینێکی نوێ لە خاڵە هاوبەشەکانیان پێک دەهێنن و ناوی ئایینی حەقی لێ دەنێن و خۆیان بە ئەهلی حەق و یارسان دەناسێنن و کتێبێکی پیرۆز بۆ ئایینەکەیان بەناوی (سەرەنجام) بە زاراوەی هەورامی دەنووسن.
نەورۆز لە گوندی دێوەزناو بە پێچەوانەی شوێنەکانی تری کوردستان لەجیاتی یەکەم رۆژی بەهار لە یەکەم رۆژی سێیەمین مانگی زستان دەست پێدەکا و رێوڕەسمی تایبەتیان بۆ نەورۆز هەیە و بەساڵاچوانی ئەو گوندە پێشوازی لە گەشتیاران و میوانەکان دەکەن.
24/05/2014
سەرۆكی ئەنجوومەنی سەركردایەتی یەكگرتووی ئیسلامی كوردستان پێیوایە باشترین رێگاچارە بۆ کێشەکانی ئەمڕۆی عێراق دابەشبوونی ئەو وڵاتەیە و داوا لە هێزە كوردستانییەكان دەكات "پێویستە هەموومان پێكەوە كەشتیەكە لێخوڕین بەرەو كەناری ئارامی".
محەممەد رەئوف، سەرۆكی ئەنجوومەنی سەركردایەتی یەكگرتووی ئیسلامی كوردستان لە بابەتێكدا لە ژێر ناوی "با پێكەوە خەمێك لە ئایندەی كوردستان بخۆین"، كە لە لاپەڕەی تایبەتی خۆی لە تۆڕی كۆمەڵایەتی فەیسبووك بڵاویكردووەتەوە، دەڵێت، "مالیكی باوەڕی به دستووری نوێی عیراق نەبوو ، ئێستا به 95 كورسییەوه دەچێته شەڕی حكومەتی تەوافوق و شەراكەت و بێ منەتانه مامەڵه دەكات.
سەرۆكی ئەنجوومەنی سەركردایەتی یەكگرتوو باس لە ترافیكێكی سیاسی دەكات، كە دوای هەڵبژاردن دروستبووە و دەڵێت، "سەرنج بدەن، هێڵە گەرمەكانی سیاسەت و دیپلۆماسیەت و خاڵه یەكبڕەكانی بەرژەوەندی كەسی و حیزبی و تایفی و نەتەوەیی و هەرێمایەتی و كومپانیا ناوخۆیی و نێونەتەوەییەكان، هەموو ئەوانە ترافیكی سیاسی دروستكردووە." محەممەد رەئوف پێیوایە "عێراق خۆی چەند بێسەروبەر و شپرزەیە ئەوەندەی دیكە ئاڵۆز و شێوێندراوە و پێویسته زوو فریای ئەمڕۆ و ئایندەی خۆمان و هەرێم و ئەزموونەكەمان بكەوین". سەرۆكی ئەنجوومەنی سەركردایەتی یەكگرتوو دەشڵێت "مالیكی دەچێت بۆ تاران، تارانیش دوو هەڵوێستن، سووننە، بوون بە سێ بەشەوە، كورد ئێستا دووبەش و دوو رایه و زوو چاك نەكرێت، خراپتریش دەبێت". محەممەد رەئوف ئاماژە بە جموجۆڵەكان لەم سات و كاتەدا دەكات و دەڵێت، "ئەوانەی بیانەوێ ببن بە سەرۆك وەزیران و سەرۆك كۆمار، سەردانی تاران دەكەن، سەرۆكی هەرێم دەڕوات بۆ فەرەنسا، سەرۆكی حكومەتی هەرێم دەڕوات بۆ بەریتانیا، توركیا نەوتی هەرێم دەگەیەنێتە بازاڕ و بۆرسەكانی جیهانی، كورد چاوەڕوانی پارەی نەوتەكەیە لەوسەرەوە بێتەوە، شەهرستانی شكات لە توركیا دەكات، چونكە سەروەری عێراقی بەزاندووە". ئەو سەركردەیەی یەكگرتوو كۆمەڵێك پرسیار دەخاتەڕوو و دەڵێت، "با پێكەوە ئەم پرسیارانە بكەین بزانیین بەرەو كوێ دەڕۆین، ئەم عێراقە كوێی لە دەوڵەت دەچێت؟ كێ حاكمی راستەقینەی عێراقە ؟كێ لەبەشی خۆی، حیزبەكەی ،نەتەوەكەی و تایفەكەی رازییە؟ كەی فیدراڵیەت رەنگ دەگرێت ؟ چەند ساڵی دیكە شەڕی تایفی و مەزهەبی تەواو دەبێت؟ كەی جەدەلی ساڵانەی نەوت و بودجە و پێشمەرگە تەواو دەبێت؟ هەروەها دەپرسێت، "كەی ئەم خەونانە دەبنە حەقیقەت؟ خەونی دەوڵەتی مەركەزی دینی شیعە، خەونی گەڕانەوەی ئەمجاد و سەروەری بۆ دەوڵەتی عەرەبی سوننەكان، خەونی ئازادی و سەربەخۆیی هەرێمی كوردستان بە كەركووكەوە، خەونی كەمەنەتەوەییەكانی دیكەی عێراق، خەونی دەوڵەتێكی عەرەبی دیموكراسی، لیبڕاڵی عێراقی، هەموو ئەم خەونانه ئەجیندای سیاسی، ئابووری، دینی، نەتەوەیی پێكهاتەكانی عێراقه و رۆژانه هەرهەمووی كاری بۆ دەكەن". محەممەد رەئوف بە راشكاوی باس لە دابەشكردنی عێراق دەكات و دەڵێت، "وادەزانم پێشەكی و پرسیارەكان بە راشكاوی بە هەموو عێراقییەك دەڵێن، چیتر خۆتان مەخەڵەتێنن و فێڵ لە خۆتان و ئایندەتان مەكەن و كات و ژیان بە فیڕۆ مەدەن و رێككەون لەسەر دابەشكردنی عێراق." لە كۆتاییدا روودەكاتە هێزە كوردستانییەكان و رۆشنبیرە "كوردپەروەرەكان" و دەڵێت، "ئەگەر دەتانەوێت شەپۆلی زریانەكە وردەوردە بتانگەیەنێتە كەناری ئارامی، ئەو ئەگەرەش هەیە پێش ئەوەی بگەین، بخنكێین، بۆیە پێویستە هەموومان پێكەوە كەشتیەكە لێخوڕین بەرەو كەناری ئارامی.
24/05/2014
سەرۆكی ئەنجوومەنی سەركردایەتی یەكگرتوو باس لە ترافیكێكی سیاسی دەكات، كە دوای هەڵبژاردن دروستبووە و دەڵێت، "سەرنج بدەن، هێڵە گەرمەكانی سیاسەت و دیپلۆماسیەت و خاڵه یەكبڕەكانی بەرژەوەندی كەسی و حیزبی و تایفی و نەتەوەیی و هەرێمایەتی و كومپانیا ناوخۆیی و نێونەتەوەییەكان، هەموو ئەوانە ترافیكی سیاسی دروستكردووە."
محەممەد رەئوف پێیوایە "عێراق خۆی چەند بێسەروبەر و شپرزەیە ئەوەندەی دیكە ئاڵۆز و شێوێندراوە و پێویسته زوو فریای ئەمڕۆ و ئایندەی خۆمان و هەرێم و ئەزموونەكەمان بكەوین".
سەرۆكی ئەنجوومەنی سەركردایەتی یەكگرتوو دەشڵێت "مالیكی دەچێت بۆ تاران، تارانیش دوو هەڵوێستن، سووننە، بوون بە سێ بەشەوە، كورد ئێستا دووبەش و دوو رایه و زوو چاك نەكرێت، خراپتریش دەبێت".
محەممەد رەئوف ئاماژە بە جموجۆڵەكان لەم سات و كاتەدا دەكات و دەڵێت، "ئەوانەی بیانەوێ ببن بە سەرۆك وەزیران و سەرۆك كۆمار، سەردانی تاران دەكەن، سەرۆكی هەرێم دەڕوات بۆ فەرەنسا، سەرۆكی حكومەتی هەرێم دەڕوات بۆ بەریتانیا، توركیا نەوتی هەرێم دەگەیەنێتە بازاڕ و بۆرسەكانی جیهانی، كورد چاوەڕوانی پارەی نەوتەكەیە لەوسەرەوە بێتەوە، شەهرستانی شكات لە توركیا دەكات، چونكە سەروەری عێراقی بەزاندووە".
ئەو سەركردەیەی یەكگرتوو كۆمەڵێك پرسیار دەخاتەڕوو و دەڵێت، "با پێكەوە ئەم پرسیارانە بكەین بزانیین بەرەو كوێ دەڕۆین، ئەم عێراقە كوێی لە دەوڵەت دەچێت؟ كێ حاكمی راستەقینەی عێراقە ؟كێ لەبەشی خۆی، حیزبەكەی ،نەتەوەكەی و تایفەكەی رازییە؟ كەی فیدراڵیەت رەنگ دەگرێت ؟ چەند ساڵی دیكە شەڕی تایفی و مەزهەبی تەواو دەبێت؟ كەی جەدەلی ساڵانەی نەوت و بودجە و پێشمەرگە تەواو دەبێت؟
هەروەها دەپرسێت، "كەی ئەم خەونانە دەبنە حەقیقەت؟ خەونی دەوڵەتی مەركەزی دینی شیعە، خەونی گەڕانەوەی ئەمجاد و سەروەری بۆ دەوڵەتی عەرەبی سوننەكان، خەونی ئازادی و سەربەخۆیی هەرێمی كوردستان بە كەركووكەوە، خەونی كەمەنەتەوەییەكانی دیكەی عێراق، خەونی دەوڵەتێكی عەرەبی دیموكراسی، لیبڕاڵی عێراقی، هەموو ئەم خەونانه ئەجیندای سیاسی، ئابووری، دینی، نەتەوەیی پێكهاتەكانی عێراقه و رۆژانه هەرهەمووی كاری بۆ دەكەن".
محەممەد رەئوف بە راشكاوی باس لە دابەشكردنی عێراق دەكات و دەڵێت، "وادەزانم پێشەكی و پرسیارەكان بە راشكاوی بە هەموو عێراقییەك دەڵێن، چیتر خۆتان مەخەڵەتێنن و فێڵ لە خۆتان و ئایندەتان مەكەن و كات و ژیان بە فیڕۆ مەدەن و رێككەون لەسەر دابەشكردنی عێراق."
لە كۆتاییدا روودەكاتە هێزە كوردستانییەكان و رۆشنبیرە "كوردپەروەرەكان" و دەڵێت، "ئەگەر دەتانەوێت شەپۆلی زریانەكە وردەوردە بتانگەیەنێتە كەناری ئارامی، ئەو ئەگەرەش هەیە پێش ئەوەی بگەین، بخنكێین، بۆیە پێویستە هەموومان پێكەوە كەشتیەكە لێخوڕین بەرەو كەناری ئارامی." - See more at: http://rudaw.net/sorani/kurdistan/240520142#sthash.Ftbp1XnP.dpuf
محەممەد رەئوف پێیوایە "عێراق خۆی چەند بێسەروبەر و شپرزەیە ئەوەندەی دیكە ئاڵۆز و شێوێندراوە و پێویسته زوو فریای ئەمڕۆ و ئایندەی خۆمان و هەرێم و ئەزموونەكەمان بكەوین".
سەرۆكی ئەنجوومەنی سەركردایەتی یەكگرتوو دەشڵێت "مالیكی دەچێت بۆ تاران، تارانیش دوو هەڵوێستن، سووننە، بوون بە سێ بەشەوە، كورد ئێستا دووبەش و دوو رایه و زوو چاك نەكرێت، خراپتریش دەبێت".
محەممەد رەئوف ئاماژە بە جموجۆڵەكان لەم سات و كاتەدا دەكات و دەڵێت، "ئەوانەی بیانەوێ ببن بە سەرۆك وەزیران و سەرۆك كۆمار، سەردانی تاران دەكەن، سەرۆكی هەرێم دەڕوات بۆ فەرەنسا، سەرۆكی حكومەتی هەرێم دەڕوات بۆ بەریتانیا، توركیا نەوتی هەرێم دەگەیەنێتە بازاڕ و بۆرسەكانی جیهانی، كورد چاوەڕوانی پارەی نەوتەكەیە لەوسەرەوە بێتەوە، شەهرستانی شكات لە توركیا دەكات، چونكە سەروەری عێراقی بەزاندووە".
ئەو سەركردەیەی یەكگرتوو كۆمەڵێك پرسیار دەخاتەڕوو و دەڵێت، "با پێكەوە ئەم پرسیارانە بكەین بزانیین بەرەو كوێ دەڕۆین، ئەم عێراقە كوێی لە دەوڵەت دەچێت؟ كێ حاكمی راستەقینەی عێراقە ؟كێ لەبەشی خۆی، حیزبەكەی ،نەتەوەكەی و تایفەكەی رازییە؟ كەی فیدراڵیەت رەنگ دەگرێت ؟ چەند ساڵی دیكە شەڕی تایفی و مەزهەبی تەواو دەبێت؟ كەی جەدەلی ساڵانەی نەوت و بودجە و پێشمەرگە تەواو دەبێت؟
هەروەها دەپرسێت، "كەی ئەم خەونانە دەبنە حەقیقەت؟ خەونی دەوڵەتی مەركەزی دینی شیعە، خەونی گەڕانەوەی ئەمجاد و سەروەری بۆ دەوڵەتی عەرەبی سوننەكان، خەونی ئازادی و سەربەخۆیی هەرێمی كوردستان بە كەركووكەوە، خەونی كەمەنەتەوەییەكانی دیكەی عێراق، خەونی دەوڵەتێكی عەرەبی دیموكراسی، لیبڕاڵی عێراقی، هەموو ئەم خەونانه ئەجیندای سیاسی، ئابووری، دینی، نەتەوەیی پێكهاتەكانی عێراقه و رۆژانه هەرهەمووی كاری بۆ دەكەن".
محەممەد رەئوف بە راشكاوی باس لە دابەشكردنی عێراق دەكات و دەڵێت، "وادەزانم پێشەكی و پرسیارەكان بە راشكاوی بە هەموو عێراقییەك دەڵێن، چیتر خۆتان مەخەڵەتێنن و فێڵ لە خۆتان و ئایندەتان مەكەن و كات و ژیان بە فیڕۆ مەدەن و رێككەون لەسەر دابەشكردنی عێراق."
لە كۆتاییدا روودەكاتە هێزە كوردستانییەكان و رۆشنبیرە "كوردپەروەرەكان" و دەڵێت، "ئەگەر دەتانەوێت شەپۆلی زریانەكە وردەوردە بتانگەیەنێتە كەناری ئارامی، ئەو ئەگەرەش هەیە پێش ئەوەی بگەین، بخنكێین، بۆیە پێویستە هەموومان پێكەوە كەشتیەكە لێخوڕین بەرەو كەناری ئارامی." - See more at: http://rudaw.net/sorani/kurdistan/240520142#sthash.Ftbp1XnP.dpuf
بۆ مه‌به‌ستى پاڵاوتنى قه‌ڵاى هه‌ولێر بۆ لیستى شوێنه‌وارى جیهانى رێكخراوى یونسكۆ، شاندێكى لێژنه‌ى باڵاى نۆژه‌نكردنه‌وه‌ى قه‌ڵاى هه‌ولێر به سه‌رۆكایه‌تى دارا یه‌عقوبى سه‌رۆكى لێژنه‌ى باڵاى نۆژه‌نكردنه‌وه‌ى قه‌ڵاى هه‌ولێر و جیهان سندى راوێژكار و نوێنه‌رى ئه‌نجومه‌نى وه‌زیران سه‌ردانى پۆڵۆنیایان كرد.
ئه‌م شانده به هاوكارى له‌گه‌ڵ نوێنه‌رایه‌تى حكومه‌تى هه‌رێم له پۆڵۆنیا له ئێواره‌ى 8ى ئایارى 2014 هه‌ڵسان به رێكخستنى سمینارێك و كردنه‌وه‌ى پێشانگایه‌كى فۆتۆگرافى ده‌رباره‌ى مێژوو و شوێنه‌وارى (قه‌ڵاى هه‌ولێر) له هۆڵى سه‌نته‌رى رۆشنبیرى جیهانى له شارى كراكۆڤ كه تاكو 11ى ئایار به‌رده‌وام بوو.
ژماره‌یه‌كى به‌رچاو له كه‌سایه‌تى سیاسى هه‌رێمى ماوا پۆڵسكا ئاماده‌ی مه‌راسیمه‌كه بوون له‌وانه‌ش (Kazimierz Barczyk) جێگرى سه‌رۆكى هه‌رێمى ماواپۆڵسكا و (Wojciech Kozak) جێگرى سه‌رۆكى ماوا پۆڵسكا و چه‌ندین كه‌سایه‌تى دیبلۆماسى و سیاسى له‌وانه‌ش سیناتۆر (Janusz Sepioł) و ده‌رهێنه‌رى گه‌وره‌ى سینه‌مایی كورد (به‌همه‌نى قوبادى) و چه‌ندین كه‌سایه‌تى ئه‌كادیمى زانكۆ و رۆشنبیر و رۆژنامه‌نووس و قوتابى و ڕه‌وه‌ندى كورد تیایدا ئاماده‌بوون.
له سه‌ره‌تاى رێوره‌سمى كردنه‌وه‌ى پێشانگاكه‌دا, پرۆفیسۆر (Jacek Purchl) سه‌رۆكى سه‌نته‌رى رۆشنبیرى جیهانى له كراكۆڤ تیشكى خسته‌سه‌ر كردنه‌وه‌ى ئه‌م جۆره پێشانگایانه كه ئامانجێكى سه‌ره‌كى سه‌نته‌ره‌كه‌یانه و ئه‌مه ده‌بێته هۆى دروستبوونى دیالۆگى نێوان شارستانیه‌ته‌كان و ئاماژه‌ى به سه‌ردانه‌كه‌ى خۆى كرد كه به‌ر له چه‌ند هه‌فته‌یه‌كى رابردوو بۆ قه‌ڵا و شارى هه‌ولێر ئه‌نجامى دابوو. خۆشحاڵى خۆى ده‌ربرى بۆ پێشكه‌وتنه‌و ئه‌و سه‌قامگیریه‌ى كه هه‌رێمى كوردستان به‌خۆیه‌وه ده‌بینێت.
پاشان وتارێك له لایه‌ن (زیاد ره‌ئوف) نوێنه‌رى حكومه‌تى هه‌رێم له پۆڵۆنیا پێشكه‌ش به مێوانان كرا كه تیایدا وێراى به‌خێرهاتنى میوانان، ئاماژه‌ى به بایه‌خ و هه‌وڵى كردنه‌وه‌ى ئه‌م پێشانگایه كرد له‌لایه‌ن سه‌نته‌رى رۆشنبیرى جیهانى له كراكۆڤ.
هه‌روه‌ها ئاماژه‌ى به‌وه‌دا كه 11 ساڵ له‌مه‌وبه‌ر له كاتى به‌ستنى كۆنفرانسى (كورد ئه‌و نه‌ته‌وه گه‌وره‌ى بێ وڵات) كه له هه‌مان شوێن ئه‌نجام درابوو، له ده‌رئه‌نجامى لێكۆلینه‌وه‌كان و گفتوگۆى نێوان زانایان و رۆشنبیران گه‌یشتنه ئه‌وه‌ى تاكه چاره‌سه‌ر بۆ پاراستنى ناسنامه‌ى ئه‌م نه‌ته‌وه‌یه بریتیه له پاراستنى زمان و كه‌لتور و شارستانیه‌ته‌كه‌ى. ئه‌مرۆش دواى تێپه‌ڕبوونى ئه‌وه‌نده ساڵه, ئێستا ده‌رفه‌تێكى تر هاتۆته ئاراوه وه‌ده‌بینین كه نه‌ك هه‌ر زمان و شارستانیه‌تمان رزگاربوو له‌م بارودۆخه سه‌خته به‌ڵكو ئابوورى و زانستى و رۆشنبیریشمان ئازاد بوو و حكوومه‌تى هه‌رێمى كوردستانیش بایه‌خێكى زۆرى پێده‌دات.
پاشان (Wojciech Kozak) جێگرى سه‌رۆكى ماوا پۆڵسكا كه ئاماژه‌ى به سه‌ردانه‌كه‌ى خۆى كرد بۆ كوردستان و ده‌رفه‌تى بینینى قه‌ڵاى هه‌ولێرى هه‌بووه و كردنه‌وه‌ى ئه‌م پێشانگایه هه‌نگاوێكه له به‌ره‌و پێشچوونى په‌یوه‌ندییه‌كانى رێكه‌وتنامه‌ى هاوكارى نێوان هه‌ردوو هه‌رێم هه‌رێمى ماوا پۆلسكا و هه‌رێمى كوردستان كه له ساڵى 2011 واژووكراوه.
پاشان ده‌ستكرا به پێشكه‌شكردنى سمینارێك له‌لایه‌ن (دارا یه‌عقوبى) سه‌رۆكى كۆمسیۆنى باڵاى بوژاندنه‌وه‌ى قه‌ڵاى هه‌ولێر, ده‌رباره‌ى قه‌ڵا له‌مێژوو و شارستانیه‌تى كۆنه‌وه بۆ نۆژه‌نكردنه‌وه‌ى ئه‌مرۆ. وه ئه‌و هه‌وڵانه‌ى بۆ ئه‌وه‌ى قه‌ڵا ببێته سه‌نته‌رێكى كه‌لتتور و رۆشنبیرى و گه‌شت وگوزار له ناوچه‌كه‌دا.
هه‌روه‌ها (دارا یه‌عقوبى) له به‌شێكى ترى سمیناره‌كه‌یدا باسى ئه‌و هه‌وڵانه‌ى كرد كه بۆ پاراستنى ئه‌م شوێنه‌واره خراونه‌ته‌كار و سه‌رجه‌م كاره‌كانیان له‌ژێر چاودێرى رێكخراوى (یونسكۆ)ى جیهانییه. هه‌وه‌ها هه‌رێمى كوردستان خوازیارى ئه‌وه‌یه كه ئه‌م شوێنه بخرێته سه‌ر لیستى شوێنه‌واره پاراستراوه‌كانى رێكخراوى یونسكۆ.
دواى ته‌واو بوونى سمیناره‌كه, ده‌ستكرا به كردنه‌وه‌ى پێشانگایه‌كى فۆتۆگرافى ده‌رباره‌ى مێژوو و شوێنه‌وارى (قه‌ڵاى هه‌ولێر) كه جێگاى خۆشحاڵى و سه‌رنجى میوانانى پێشانگاكه بوو , و میوانان ستایش و ده‌ستخۆشیان له لێژنه‌ى باڵاى نۆژه‌نكردنه‌وه‌ى قه‌ڵاى هه‌ولێر كرد بۆ ئه‌و كارانه‌ى كه ئه‌نجامیان داوه.
25/05/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
