به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
دامەزراوەی كاروبارە ئایینییەكان لە توركیا، ئیمامی مزگەوتێكی گەورەی ئەنقەرە، كە كارمەند و پیاوە باڵادەستەكانی دەوڵەت رووی تێدەكەن، لەسەر كارەكەی دوورخستەوە، بەهۆی ئەوەی فێڵی لە نوێژكەران كردبوو و زیاتر لە 3 ملیۆن دۆلاری لێوەرگرتبوون و نەیدابوویەوە.
دوای ئەوەی ژمارەیەكی زۆر لە نوێژكەرانی ئەو مزگەوتە سكاڵایان لە دژی ئیمامەكە تۆماركرد، لەسەرتای مانگی رەمەزان لە كارەكەی دوورخرایەوە.
كاتێك لەسەركارەكەی دوورخرایەوە، ئیمامەكە لێكۆڵینەوەی لەگەڵ كرا و ئەوەی بەسەردا ساخبووەوە، كە نوێژكەرانی هەڵخەڵەتاندووە و نزیكەی 7 ملیۆن لیرەی توركی (3.4 ملیۆن دۆلار)ی لێقۆزتوونەتەوە و ئەمەش دوای ئەوەی پێیگوتوون، دەتوانێت لە ماوەیەكی كەمدا پارەكەیان بە زیادەیەكی زۆرەوە بداتەوە.
06/07/2014
یاریدەدەری وەزیری دەرەوەی ئێران رایدەگەیێنێ، دەوڵەتی كوردی خەونی نەتەنیاهۆیە و رێگەنادەین بێتەدی.
بەپێی هەواڵێكی ئاژانسی فارس، ئەمیر عەبدوڵڵاهیان، یاریدەدەری وەزیری دەرەوەی ئێران بۆ کاروباری رۆژهەڵاتی ناوەڕاست و باکووری ئەفریقیا رایگەیاندووە، دابەشكردنی عێراق پیلانێكی سەهیۆنییە، ئەوەمان لە بیرە، كە تەنیا بەرپرسێك باسی سەربەخۆیی كوردستان بكات بە خۆشحاڵییەوە و پێشوازی لێبكات و هانی هەڵوەشانەوەی ناوچەكە بدات، نەتەنیاهۆیە.
یاریدەدەری وەزیری دەرەوەی ئێران جەخت لەوەدەكاتەوە، كە بەهیچ شێوەیەك رێگەنادەین خەونی نەتەنیاهۆ، سەرۆك وەزیرانی ئیسرائیل لە عێراق و ناوچەكە بێتەدی.
ئەمیر عەبدوڵڵاهیان ئاماژە بەوەشدەكات، قسەكردن لەبارەی سەربەخۆیی كوردستانی عێراق، ئەنجامەكەی گەڕانەوەی كوردستانە بۆ پێش سەردەمانی رابردوو، ئێمە چەندین جار ئەو بابەتەمان بەشێوەیەكی برایانە و دۆستانە لەگەڵ بەرپرسانی كوردستان باس كردووە.
06/07/2014
سەرۆكی هەرێمی كوردستان دەڵێت، عێراق پارچە پارچە دەبێت و كوردیش پلان بۆ جیاكردنەوەی هەرێمی خۆی دادەنێت و دەنگی خەڵكی كوردستانیش كاریگەرترە لە هەموو لایەنێكی دەرەكی.
مەسعود بارزانی، سەرۆكی هەرێمی كوردستان، لە دیدارێكیدا لەگەڵ رۆژنامەی ڤێڵت ئەم زۆنتاگی ئەڵمانی رایگەیاندووە، "پەرلەمانی كوردستان ئامادەكاری گشتپرسی دەكات بۆ سەربەخۆیی هەرێمی كوردستان" و گوتوشیەتی، "ئەمریكا لەو هەنگاوەی ئێمە ناڕازیی نییە".
بارزانی لە دیمانەی ئەو رۆژنامە ئەڵمانییە، جەختی لە مافی سەربەخۆیی بۆ كورد كردووەتەوە و سەبارەت بە بۆچوونی وڵاتانی دراوسێی عێراق لە بەرامبەر سەربەخۆیی كوردستاندا، ئاماژەی بۆ پەیوەندییەكانی نێوان توركیا و باشووری كوردستان كردووە و گوتویەتی، "پەیوەندییەكانمان لە 10 ساڵی رابردوودا لەگەڵ توركیا پێشووەچوونی زۆریان بەخۆوە بینیووە، ئێستا پەیوەندییەكانمان زۆرباشن، دەكرێت توركیا بە دراوسێ باشەكە وەسفبكەین، توركیاش لە جاڕدانی سەربەخۆیی هەرێمی كوردستان لاری نییە".
هەرچی پەیوەندی بە ئێرانیشەوە هەیە، لە وەڵامی پرسیاری رۆژنامەنووسە ئەڵمانییەكەدا، بارزانی دەڵێت؛ ناكرێت هەمیشە سیاسەتمەدارەكانی عێراق بیر لە كاریگەری وڵاتانی دیكە بكەنەوە، بۆ كوردیش ئەوەی هەژماردەكرێت، بەرژەوەندی كوردە.
بارزانی وایدەبینێت، كە كەس ناتوانێ بەربەست لەپارچەپارچەبوونی عێراق بگرێت و دەڵێت، "لێرە شووناسی كوردی و سوننی و شیعی و مەسیحیمان هەیە، بەڵام شوناسی عێراقیمان نییە، بارودۆخی عێراق ئێستا بەهۆی داعش و سیاسەتەكانی حكومەتی عێراق لەژێر هەڕەشەدایە"، هەروەك گوتویەتی "ئەگەر مالیكی، كە ئێستا ویلایەتەكەی تەواوبووە، دەستی لەدەسەڵات هەڵگرتبا، رەنگبوو بارودۆخی عێراق لە 8 ساڵی رابردوو باشتربووایە".
سەبارەت بە هاوكارییەكانی ئەمریكا بۆ سەربەخۆبوونی كوردستان، بارزانی دەڵێت: ئەمریكا هاوكارییەكی فیعلی ئێمە ناكات، بەڵام لەهەمانكاتیشدا لە دژی پرۆسەكە ناوەستێت، سەرۆكی هەرێمی كوردستان ئاماژەی بەوەشكردووە، كە هەندێك لە سیاسەتمەدارەكانی ئەمریكا پشتیوانی لە كورد دەكەن و هەندێكیشیان پشتیوانی لێناكەن، بەڵام سەربەخۆیی كوردستان پرسی خەڵكی كوردستانە.
سەبارەت بە چارەنووسی كوردی پارچەكانی دیكەی كوردستان، بارزانی لەو هەڤپەیڤینەیدا ئاماژەی بەوەكردووە، كوردی پارچەكانی دیكە دەبێت خۆیان بڕیار لەسەر چارەنووسی خۆیان بدەن.
سەبارەت بە كشانەوەی هێزەكانی ئەمریكا لە عێراق، بارزانی باسی لەوە كردووە، كە ئەو لەگەڵ كشانەوەی یەكجارەكی هێزەكانی ئەمریكا نەبووە، چونكە متمانەی بە سوپاكەی مالیكی نەبووە، كە بتوانێت سەقامگیری عێراق بپارێزێت.
06/07/2014
سەرۆکی هەرێمی کوردستان، دەڵێت عێراق پارچە پارچە دەبێت و کوردیش پلان بۆ جیاکردنەوەی هەرێمی خۆی دادەنێت و دەنگی خەڵکی کوردستانیش لە هەموو لایەنێکی دەرەکی کاریگەرترە.
مەسعود بارزانی، سەرۆکی هەرێمی کوردستان، لە دیدارێکیدا لەگەڵ رۆژنامەی ڤێڵت ئەم زۆنتاگی ئەڵمانی، لە ژمارەی ئەمڕۆ یەکشەممە 6ی تەمموز، رایگەیاندووە "پەرلەمانی کوردستان ئامادەکاریی بۆ گشتپرسی دەکات بۆ سەربەخۆیی هەرێمی کوردستان" و گوتووشیەتی "ئەمریکا لەو هەنگاوەی ئێمە ناڕازیی نییە".
بارزانی لە دیمانەی ئەو رۆژنامە ئەڵمانییە، جەختی لە مافی سەربەخۆیی بۆ کورد کردووەتەوە و سەبارەت بە بۆچوونی وڵاتانی دراوسێی عێراق لە بەرامبەر سەربەخۆیی کوردستان ئاماژەی بە پەیوەندییەکانی نێوان تورکیا و باشووری کوردستان کردووە و گوتوویەتی "پەیوەندییەکانمان لە 10 ساڵی رابردوو دا لەگەڵ تورکیا پێشڤەچوونی زۆریان بەخۆوە بینیوە، ئێستا پەیوەندییەکانمان زۆرباشن، دەکرێت تورکیا بە دراوسێ باشەکە وەسفبکەین، تورکیاش لە جاڕدانی سەربەخۆیی هەرێمی کوردستان لاریی نییە" .
هەرچی پەیوەندی بە پرسیاری لەمەڕ ئێرانەوە هەیە، لە وەڵامی پرسیاری رۆژنامەنووسە ئەڵمانییەکەدا بارزانی دەڵێت؛ ناکرێت هەمیشە سیاسەتمەدارەکانی عێراق بیر لە کاریگەریی وڵاتانی دیکە بکەنەوە، بۆ کوردیش ئەوەی ئەژمار دەکرێت بەرژەوەندی کوردە.
بارزانی وایدەبینێت، کەس پێشی پێ لەپارچەپارچەبوونی عێراق ناگیرێت و دەڵێت "لێرە شوناسی کوردی و سوننی و شیعی و مەسیحیمان هەیە، بەڵام شوناسی عێراقیمان نییە، بارودۆخی عێراق ئێستا بەهۆی داعش و سیاسەتەکانی حکومەتی عێراق لەژێر هەڕەشەدایە"، هەروەک گوتوویەتی "ئەگەر مالیکی، کە ئێستا ویلایەتەکەی تەواوبووە، دەستی لەدەسەڵات هەڵگرتبا رەنگبوو بارودۆخی عێراق لە هەشت ساڵی رابردوو باشتربووایە".
سەبارەت بە هاوکارییەکانی ئەمریکا بۆ سەربەخۆبوونی کوردستان، بارزانی دەڵێ "ئەمریکا هاوکارییەکی فیعلی ئێمە ناکات، بەڵام لەهەمان کاتیشدا لە دژی پرۆسەکە ناوەستێت". سەرۆکی هەرێمی کوردستان ئاماژەی بەوەش کردووە، کە هەندێک لە سیاسەتمەدارەکانی ئەمریکا پستیوانی لە کورد دەکەن و هەندێکیشیان پشتیوانی لێناکەن، بەڵام سەربەخۆیی کوردستان پرسی خەڵکی کوردستانە.
سەبارەت بە چارەنووسی کوردی پارچەکانی دیکەی کوردستان، بارزانی لەو هەڤپەیڤینەیدا ئاماژەی بەوە کردووە، کوردی پارچەکانی دیکە دەبێت خۆیان بڕیار لەسەر چارەنووسی خۆیان بدەن.
رۆژنامەنووسەکە پرسیاری "کەی سەبەخۆیی رادەگەیێنی" ئاراستەی بارزانی دەکات، وەڵامی بارزانیش بەمشێوەیە: "سەربەخۆیی مافێکی رەوای هەموو گەلێکە و پێش ئەوەی رایبگەیەنین پرس بە گەلەکەمان دەکەین".
بارزانی سەبارەت بە کشانەوەی هێزەکانی ئەمریکا لە عێراق، باسی لەوە کردووە، ئەو لەگەڵ کشانەوەی یەکجارەکی هێزەکانی ئەمریکا نەبووە، چونکە متمانەی بە سوپاکەی مالیکی نەبووە کە بتوانێت سەقامگیری عێراق بپارێزێت.
06/07/2014
شاندێکی باڵای ئێران بە سەرۆکایەتی حەسەن دانایی فەر باڵیۆزی ئەو وڵاتە لە عێراق گەیشتە سلێمانی و لەگەڵ بەرپرسانی یەکێتی و گۆڕان کۆدەبنەوە.
بەهرۆز فەرەیدوون پەیامنێری رووداو ئاشکرایکرد، کە شاندەکە ئێستا لە کۆبوونەوەدان لەگەڵ نەوشیروان مستەفا رێکخەری گشتیی بزووتنەوەی گۆڕان.
06/07/2014
دەزگای رۆشنبیری و راگەیاندنی پارتی دیموكراتی كوردستان، وەڵامی هەواڵێكی میدیاكانی پارتی كرێكارانی كوردستان دەداتەوە‌و بە "سەرتاپا درۆ"و هێرش بۆ سەر مەسعود بارزانی و پارتی لەقەڵەم دەدات.
راگەیەنراوەكەی دەزگای راگەیاندن و رۆشنبیری پارتی، كە بەناوی گوتەبێژی ئەو دەزگایەوە لە ماڵپەری فەرمی ئەو حیزبە بڵاوكراوەتەوە، وەڵامی هەواڵێكی دوو ئاژانسی نزیك لە پەكەكەیە، كە بە ناونیشانی " بەبەڵگەوە هێرشی داعش لە ئوردن پیلانی بۆ داڕێژرا، PDK ش بەشداربووە" بڵاویان كردووەتەوە.
پارتی ئەو هەواڵە بە "درۆ" وەسفدەكات و دەڵێ "دژی جەنابی سەرۆك مەسعود بارزانی و پارتی دیموكراتی كوردستانە كە ئەوەندە سووك و سادە و ڕیسوایە، تەنیا مایەی پێكەنینە".
هەر لە راگەیەنراوەكەی پارتیدا هێرشێكی تووند كراوەتە سەر جەمیل بایك، هاوسەرۆكی كەجەكەو تێیدا هاتووە هاتووە "دڵنیاین هەموو گەلی كوردستان و عێراق و ناوچەكە، دەزانێت كە بە داخەوە پارتی كرێكارانی كوردستان PKK لەژێر رێبەرایەتیی جەمیل بایكدا بووەتە بەشێك لە پیلانێكی موخابەراتیی دژی سەرۆك بارزانی و پارتی دیموكراتی كوردستان".
دەقی وەڵامەكەی دەزگای راگەیاندن و رۆشنبیری پارتی
وەڵامدانەوەیەك بۆ درۆیەكانی PKK
دوێنێ ڕۆژنامەی (ئۆزگور گویندەم ) و ئەمڕۆش (ئاژانسی فرات نیووز) كە هەردووكیان سەر بە پارتی كرێكارانی كوردستان PKK-ن، چیرۆكێكیان لە درۆ داڕشتووە و بڵاو كردووەتەوە دژی جەنابی سەرۆك مەسعوود بارزانی و پارتی دیموكراتی كوردستان كە ئەوەندە سووك و سادە و ڕیسوایە، تەنیا مایەی پێكەنینە.
PKK لەو چیرۆكە بێ بنەمایەیدا دەڵێ گوایە سەرۆك بارزانی چووەتە ئوردن بۆ ڕێكخستنی كۆبوونەوەیەك دژی مالیكی لەگەڵ ئوردن و لایەنە سوننەكان، دواتریش بەڕێز ئازاد بەرواری بەشداری لەو كۆبوونەوەیەدا كردووە بە ئامادەبوونی لایەنە سوننەكان، بەعسییەكان، ڕێكخراوی تیرۆریستیی داعش و چەند ڕێكخراوێكی تیرۆریستیی دیكە. لەو كۆبوونەوەیەدا پلانی هێرشی داعش و گرووپەكانی بۆ سەر مووسڵ و ناوچەكانی دیكە داڕێژراوە و بەپێی ئەو درۆ و دەلەسەیەی PKK،دواتر نووری مالیكی بەو كۆبوونەوەیەی زانیوە و پاش ئەوە ئێران ئەحمەد چەلەبی ناردووەتە لای سەرۆك بارزانی بۆ ڕازیبوونی بە كشانەوە لەو پلانە، بە پێی درۆیەكانی PKK.
ئێمە لە كاتێكدا سەرلەبەری ئەو چیرۆكە بەدرۆ دەخەینەوە، كە هەمان زمان و وتاری ناحەزانی دەسكەوتەكانی هەرێمی كوردستانە و جارێكی دیكە PKKو جەمیل بایك دووبارەی دەكەنەوە، لە هەمان كاتیشدا دڵنیاین هەموو گەلی كوردستان و عێراق و ناوچەكە، دەزانێت كە بە داخەوە پارتی كرێكارانی كوردستان PKK لەژێر ڕێبەرایەتیی جەمیل بایكدا بووەتە بەشێك لە پیلانێكی موخابەراتیی دژی سەرۆك بارزانی و پارتی دیموكراتی كوردستان، كە ئەمڕۆ جەنابیان و پارتی دیموكراتی كوردستان بەشی هەرە گرنگی خەباتی گەلی كوردستان بۆ سەرخستنی یەكڕیزیی نیشتمانی و پاراستنی خاكی كوردستان و ئەنجامدانی ڕیفراندۆم لەسەر چارەنووسی كوردستان لە عێراقدا بە ڕێوە دەبەن.
ئێمە لە كاتێكدا سەرلەبەری ئەو چیرۆكە هەڵبەستراوەی PKK ڕەت دەكەینەوە كە چەند ڕۆژ پێشتریش بە هەمان شێوە جەمیل بایك بۆ ڕازیكردنی ناحەزانی كوردستان و دوژمنایەتیكردنی پارتی دیموكراتی كوردستان، هەمان تۆمەتی بە ئاماژەیەك لە وتارێكدا خستە پاڵ پارتیمان، هەروەها لە جەمیل بایك و PKKشدەپرسین: ئێوە بە قسەی موخابەراتی كام وڵات دژایەتیی سەرۆك بارزانی و پارتی دیموكراتی كوردستان دەكەن لەو كاتەدا كە سەرۆك بارزانی و پارتی دیموكراتی كوردستان ئەو ئەركە پیرۆزە نیشتمانیانە بە ڕێوە دەبەن؟!
پارتی دیموكراتی كوردستان، هەمیشە لە بەرەی خەباتدا بووە لە دژی ڕێكخراوە تیرۆریستییەكان و بە درێژاییی تەمەنی حكوومەتی هەرێمی كوردستانیش كە پارتی دیموكراتی كوردستان بەشێكی هەرە سەرەكی بووە تیایدا، بەشێك بووە لە خەباتی كۆمەڵگەی نێودەوڵەتیی دژی تیرۆریزم. نە ئێستا و نە لە داهاتووشدا ئامادە نییە هاوپەیمانی لەگەڵ هیچ هێزێكی تیرۆریست و نادیموكراسیدا بكات، چ جای گرووپێكی تیرۆرستیی وەك داعش كە هەمیشە هەڕەشەی لە پارتی كردووە و پێش كۆنترۆڵكردنی مووسڵ و دوای ئەوەش ڕۆژانە لە سنووری دەسەڵاتی پارتی لەگەڵ پێشمەرگە لە ڕووبەڕوونەوەدایە و ڕۆژ نیە خەڵكی پارتی بە دەستی ئەو تیرۆرستانە شەهید و بریندار نەبن.
ئێمە لە پارتی دیموكراتی كوردستان، پێداگیریی خۆمان لەسەر گرنگیی یەكڕیزیی هەموو لایەنە كوردستانییەكان دووپات دەكەینەوە، بۆیەش داوا لە سەركردایەتیی PKK دەكەین واز لە سیاسەتی دژایەتیكردنی پارتی دیموكراتی كوردستان بێنن، واز لە سیاسەتی ئاستەنگ دروستكردن بۆ خەباتی ڕزگاریی نیشتمانی و نەتەوەییی كوردستان بێنن و ڕێگە نەدەن هیچ كەسێك و هیچ دەزگایەكی هەواڵگری، هیچ سیاسەتێكتان دژی بەرژەوەندیی كوردستان بەسەردا بسەپێنێت و، واز لە سیاسەتی تێكدانی یەكڕیزیی گەلی كوردستان و پارتە سیاسییەكانی بێنن، چونكە ئەوە تووشی هەرەسێكی گەورەتان دەكات لەسەر ئاستی نیشتمانی و نەتەوەیی.
وتەبێژی دەزگای ڕۆشنبیری و ڕاگەیاندنی پارتی دیموكراتی كوردستان
06/07/2014
ئاژانسی نێودەوڵەتی وزە رەزامەندی دەربڕی لەسەر داواكارییەكی نێجیریا بۆ دروستكردنی وێستگەیەكی ئەتۆمی بەرهەمهێنانی كارەبا.
پەسەندكردنی داواكاریی نیجێریا پاش ئەوە هات، كە پچڕانی كارەبا بۆ چەندین كاژێر لە رۆژێكدا لە چەندین پارێزگای نیجێریا بە تایبەت ئەبوجای پایتەختی ئەو وڵاتە بەردەوامە.
وەزیری كارەبای نێجیریا رایگەیاند، كە پاش كۆبوونەوە و دانیشتنی لەگەڵ جێگری جێبەجێكاری ئاژانسی نێودەوڵەتی وزە، ئەو ئاژانسە داواكاریی نێجیریای بۆ دروستكردنی وێستگەی ئەتۆمی كارەبا دەربڕیوەو ئامادەیە هاوكاریی تەكنیكی بداتە ئەو وڵاتە.
گوتیشی نیجێریا بۆ دەستەبەركردنی كارەبای بەردەوام و رەنگاوڕەنگكردنی سەرچاوەكانی وزە سوورە لەسەر جێبەجێكردنی بەپەلەی ئەو پرۆژەیە.
بڕیارە لە یەكەم قۆناغیدا ئەو وێستەگە ئەتۆمییە بڕی 400 میگاوات كارەبا بۆ نیجێریا دەستەبەربكات و لە ماوەی 14 مانگدا جێبەجێكردنی كۆتایی پێبێت.
06/07/2014
دوای ئه‌وه‌ی ده‌نگۆی ئه‌وه‌بڵابووه‌وه که ئه‌بوبه‌کر به‌غدادی خه‌لیفه‌ی ده‌وڵه‌تی ئیسلامی داعش بریندارکراوه له‌تۆڕی کۆمه‌ڵایه‌تی تویته‌ر یه‌که‌م ڤیدیۆی نوێژی هه‌ینی ئه‌بوبه‌کر به‌غداد له شاری موسڵ بلاوکرایه‌وه .
له ڤیدیۆکه‌دا ئه‌بوبه‌کر به‌غدادی وتاری هه‌ینی پیشکه‌ش ده‌کات و ژماره‌یه‌ک هاوڵاتی ئاماده‌ی وتاری هه‌ینییه‌که‌ین و ژماره‌یه‌کی زۆری پاسه‌وانیش له مزگه‌وته‌که‌دا بڵاوکراونه‌ته‌وه بۆ پاراستنی ئه‌بوبه‌کر.
له ڤیدیۆکه‌دا به ئه‌بوبه‌کریان وتووه ، خه‌لیفه ئیبراهیم ئه‌میری موسڵمانان .
هەر ئەو هەژمارەی کە ڤیدیۆکەی بڵاوکردووەتەوە نوویسیویەتی ئەبوبەکر بەغدادی لە ساڵی ١٩٧١ لە دایکبووە تەمەنی ٤٣ ساڵە .
06/07/2014
ده‌وڵه‌تی ئیسلامی عێراق و شام ناسراو به داعش ته‌رمی سێ پێشمه‌رگه‌ی شه‌هید راده‌ستی هێزه‌كانی پێشمه‌رگه ده‌كه‌ن.
ئه‌و پێشمه‌رگانه پێشتر له گوندی به‌شیر شه‌هید كراون و دوێنێ ئێواره، راده‌ستی هێزه‌كانی پێشمه‌رگه كران.
له ئێسته‌دا ته‌رمی ئه‌و سێ شه‌هیده له پزیشی دادی كه‌ركوكه.
له لایه‌كی تره‌وه دوێنێ شه‌و له شاره‌دێی جه‌له‌ولا داعش هێرشی كرده سه‌ر هێزه‌كانی پێشمه‌رگه.
له‌و پێكدادانه پێشمه‌رگه‌یه‌ك له هێزه‌كانی پیشتیوانی 2 برینداربووه.
هێزه‌كانی پێشمه‌رگه له‌به‌رامبه‌ر ئه‌و هێرشه‌دا هاتنه‌ده‌ست و توانیان چه‌ند چه‌كدارێكی داعش ده‌ستگیر بكه‌ن كه یه‌كێكیان قه‌ناس به‌ده‌ست بووه.
05/07/2014
ئیمام جومعه‌ی شاری قوم كه به ناوه‌ندی ئایینی و بڕیاردانی سه‌ماحه‌ته‌كانی ئێران ناسراوه رایده‌گه‌یه‌نێت: ئێران سنوره‌كانی به‌رووی هه‌رێمی كوردستاندا داده‌خات ئه‌گه‌ر كه‌ركوك بكاته به‌شێك له خاكی خۆی و سه‌ربه‌خۆیی رابگه‌یه‌نێت.
ئایه‌توڵا سه‌عیدی ئه‌مرۆ هه‌ینی 4-7 رایگه‌یاند: هه‌رێمی كوردستان به گرتنی كه‌ركوك و داواكردنی ئه‌و شاره، توانای بوون به وڵاتێكی سه‌ربه‌خۆی نیه و وڵاتانی دراوسێ سنوره‌كانیان داده‌خه‌ن.
ئیمام جومعه‌ی شاری قوم گوتیشی: ده‌سته چه‌په‌ڵه‌كانی دوژمنه‌كان له‌ناو عێراق له‌گه‌ڵ خولقاندنی كاره‌ساتی گه‌وره، باسی دابه‌شبوونی ئه‌و وڵاته ده‌كه‌ن.
له به‌شێكی تری وتاره‌كه‌یدا ئه‌و مه‌لا ئایینییه‌ی شاری قوم رایگه‌یاند: كورده‌كانی ئێران وشیارن له دروستبوونی حكومه‌تێكی زایۆنی نوێ له‌ناوچه‌كه و فریو ناخۆن.
ئیمام جومعه‌كان له ئێران له لایه‌ن عه‌لی خامنه‌یی رێبه‌ری ئه‌و وڵاته دیاری ده‌كرێن و ئیمام جومعه‌كانی شاری تاران و قوم و مه‌شهه‌د كاریگه‌رترین ئیمام جومعه‌كانی ئێرانن.
05/07/2014
وه‌فدی هه‌رێمی كوردستان له كۆبوونه‌وه‌یان له‌گه‌ڵ به‌رپرسانی ئه‌مریكا رایده‌گه‌یه‌نن، له‌م بارودۆخه‌ی عیراقدا هه‌رێمی كوردستان له‌سه‌ر دوو رێچكه كارده‌كات، یه‌كه‌میان، به‌شداری كردن له پڕۆسه‌ی سیاسی عیراق و بنیاتنانه‌وه‌ی پڕۆسه‌كه‌و به‌شداری كردن له په‌رله‌مانی عیراق و هه‌وڵدان بۆ ئاسایی كردنه‌وه‌ی باروودۆخه‌كه.
دووه‌میش كاركردن بۆ سه‌روه‌ری كوردستان له چوارچێوه‌ی پیاده‌كردنی مافی چاره‌ی خۆنووسین.
به مه‌به‌ستی خستنه‌ڕووی هه‌ڵوێستی هه‌رێمی كوردستان سه‌باره‌ت به ره‌وشی سیاسی ئه‌مڕۆی عیراق و گۆڕانكاریه‌كانی ناوچه‌كه، وه‌فدی هه‌رێمی كوردستان كه پێكهاتووه له د. فوئاد حسێن، سه‌رۆكی دیوانی سه‌رۆكایه‌تی هه‌رێم و فه‌لاح مسته‌فا، به‌رپرسی په‌یوه‌ندییه‌كانی ده‌ره‌وه‌ی حكومه‌تی هه‌رێمی كوردستان له ویلایه‌ته یه‌كگرتووه‌كانی ئه‌مه‌ریكا له‌گه‌ڵ جۆ بایدن جێگری سه‌رۆكی ویلایه‌ته یه‌كگرتووه‌كانی ئه‌مه‌ریكاو گه‌وره به‌رپرسانی كۆشكی سپی كۆبوونه‌وه.
له دانیشتنكدا وه‌فدی هه‌رێمی كوردستان له‌گه‌ڵ جۆ بایدن جێگری سه‌رۆكی ئه‌مه‌ریكا و تۆنی بلینكن و فیلپ گۆردن یاریده‌ده‌ری تایبه‌تی سه‌رۆكی ئه‌مه‌ریكا بۆ كاروباری رۆژهه‌ڵاتی ناوه‌راست و جیف پریسكات، جێگری راوێژكاری ئاسایشی نه‌ته‌وه‌یی جێگری سه‌رۆكی ئه‌مریكا و دان بینایم راوێژكاری جێگری سه‌رۆكی ئه‌مریكا بۆ كاروباری رۆژهه‌ڵاتی ناوه‌راست و ئاندی كیم به‌ڕێوه‌به‌ری كاروباری عیراق له كۆشكی سپی جه‌خت له‌سه‌ر بایه‌خی پته‌وكردنی په‌یوه‌ندی دووقۆڵی نێوان ئه‌مه‌ریكا و هه‌رێمی كوردستان كرایه‌وه.
گه‌وره به‌رپرسانی كۆشكی سپی رۆڵی هه‌رێمی كوردستانیان له‌م بارودۆخه له ناوچه‌كه‌دا به‌رز نرخاندو هه‌وڵه‌كانی سه‌ركردایه‌تی سیاسی كوردستانیان كرد كه هه‌ر له سه‌ره‌تاوه رۆڵی به‌رچاویان هه‌بوو له سه‌رخستنی پڕۆسه‌ی سیاسی له عیراق.
ئاماژه‌یان به‌وه‌دا كه هیوادارن هه‌رێمی كوردستان رۆڵی هه‌بێت له هێور كردنه‌وه‌ی بارودۆخی ئاڵۆزی عیراق.
له به‌رامبه‌ردا د. فوئاد حسێن، پوخته‌یه‌كی له‌سه‌ر دوایین گۆرانكاریه‌كان و هۆكاری دروستبوونی كێشه‌كان پێشكه‌ش كردو وتی: به‌ڕێوه‌بردنی سیاسه‌تێكی چه‌وت له به‌غدا و پشتگوێخستن و گوێ نه‌گرتنی به‌غدا له پرس و قه‌یرانه‌كان هۆكاری سه‌ره‌كین بۆ درووستبوونی ئه‌م باروودۆخه‌ی كه ئێستا تێیی كه‌وتووه.
د. فوئاد حسێن، روونیكرده‌وه كه له‌م بارودۆخه‌دا هه‌رێمی كوردستان له‌سه‌ر دوو رێچكه كارده‌كات:
یه‌كه‌میان، به‌شداری كردن له پڕۆسه‌ی سیاسی عیراق و بنیاتنانه‌وه‌ی پڕۆسه‌كه‌و به‌شداری كردن له په‌رله‌مانی عیراق و هه‌وڵدان بۆ ئاسایی كردنه‌وه‌ی باروودۆخه‌كه.
دووه‌م، كاركردن بۆ سه‌روه‌ری كوردستان له چوارچێوه‌ی پیاده‌كردنی مافی چاره‌ی خۆنووسین.
له ته‌وه‌رێكی تری كۆبوونه‌وه‌كان باس له گرنگی په‌یوه‌ندیه‌كانی نێوان هه‌رێمی كوردستان و ئه‌مه‌ریكا كرایه‌وه وه‌ك دوو دۆستی دێرین. هه‌روه‌ها باسیان له هاوكاریه‌كان كرده‌وه له بواری سیاسی و ئاسایش و له‌به‌رچاو گرتنی هه‌ڕه‌شه‌ی تیرۆرستان له‌سه‌ر هه‌رێمی كوردستان و عیراق و ناوچه‌كه.
جۆ بایدن جێگری سه‌رۆكی ئه‌مه‌ریكا له ده‌ستپێكی قسه‌كانیدا ته‌ئكیدی له‌سه‌ر پابه‌ندبوونی خۆی بۆ دۆستایه‌تی كردنی گه‌لی كوردستان و سه‌رۆك بارزانی نیشاندا و دووپاتیشی كرده‌وه كه به‌رده‌وام ده‌بن له په‌ره‌پێدانی ئه‌و دۆستایه‌تیه‌و هاوكاری كردنه‌ی هه‌رێمی كوردستان.
جێگری سه‌رۆكی ئه‌مه‌ریكا جۆ بایدن باسی وورده‌كاریه‌كان و گۆرانكاریه‌كانی ئه‌م دواییه‌ی كردوو بیروبۆچوونه‌كان له‌مه‌ڕ پرسه هه‌نووكه‌ییه‌كان به ووردی ئاڵوگۆڕ كران.
هه‌ردوولا باسیان له قه‌یرانی سیاسی و ناسه‌قامگیری و مه‌ترسیه‌كان كردو جه‌ختیان له‌سه‌ر بایه‌خی دۆزینه‌وه‌ی میكانزمێكی گونجاو كرد بۆ چاره‌سه‌ركردنی ئاڵۆزیه‌كان.
05/07/2014
نوێنه‌ری سكرتێری گشتیی نه‌ته‌وه‌یه‌كگرتووه‌كان له عیراق هۆشداری ده‌دات له‌و بێسه‌روبه‌ره‌ییه‌ی له عیراق هاتووه‌ته ئاراوه و پێشی وایه، دۆخه‌كه ناگه‌ڕێنه‌وه پێش رووداوه‌كانی موسڵ.
له لێدوانێكدا بۆ ئاژانسی فرانس پرێس، نیكۆلای میلادینۆف، نوێنه‌ری سكرتێری گشتیی نه‌ته‌وه یه‌كگرتووه‌كان له عیراق هۆشداریی دا له‌وه‌ی عیراقیش به هه‌مان بێسه‌روبه‌ره‌یی و ئاژاوه‌ی ناو سوریا تێپه‌ڕێت، ئه‌گه‌ر رێكاره ده‌ستوورییه‌كان، واته هه‌ڵبژاردنی سێ سه‌رۆكایه‌تییه‌كه‌ی عیراق به‌زوویی به ئه‌نجام نه‌گه‌یه‌نرێت.
میلادینۆف داواشی كردووه كه عیراقییه‌كان به‌خێرایی له‌و مه‌ترسییه تێ بگه‌ن تا وڵاته‌كه‌یان به ده‌ردی سوریا نه‌چێت.
له به‌شێكی دیكه‌ی لێدوانه‌كه‌یدا، نوێنه‌ری سكرتێری گشتیی نه‌ته‌وه‌یه‌كگرتووه‌كان ئاماژه‌ی به‌وه‌شكردووه كه هه‌رگیز عیراق ناگه‌ڕێته‌وه پێش رووداوه‌كانی موسڵ و ئه‌و وڵاته هه‌رگیز ناگه‌ڕێته‌وه دواوه.
پێشتر، نیكۆلای میلادینۆف، نوێنه‌ری تایبه‌تی سكرتێری گشتیی نه‌ته‌وه‌یه‌كگرتووه‌كان له عیراق له به‌یاننامه‌یه‌كدا داوای له سیاسه‌تمه‌دار و لایه‌نه به‌شداربووكانی هه‌ڵبژاردن كرد درك به‌وه بكه‌ن كه دیاریكردنی سه‌رۆكی نوێی ئه‌نجومه‌نی نوێنه‌ران چه‌ند گرنگه.
له به‌یاننامه‌یه‌دا میلادینۆف ئه‌وه بیر سیاسه‌تمه‌دارانی عیراق ده‌هێنێته‌وه ئه‌و عیراقییانه‌ی له 30ی نیسانی رابردوو چوونه سه‌ر سندوقه‌كانی ده‌نگدان، داواكارییان ئه‌وه‌بوو یه‌كڕیزیی نیشتمانی له‌نێو لایه‌نه سیاسیه‌كان بێته‌كایه‌وه و هه‌مووان پێكه‌وه به‌رپه‌رچی كێشه ئه‌منی و سیاسی و مرۆیی و كۆمه‌ڵایه‌تییه گه‌وره‌كانی وڵات ببنه‌وه.
نوێنه‌ری تایبه‌تی سكرتێری گشتیی نه‌ته‌وه‌یه‌كگرتووه‌كان له عیراق هانی سه‌رجه‌م سه‌ركرده سیاسییه‌كانیشی دا ناكۆكییه‌كانیان به‌لاوه نێن و به‌گیانی ته‌وافوقه‌وه سه‌رۆكێك بۆ خولی نوێی ئه‌نجومه‌نی نوێنه‌ران دیاری بكه‌ن.
04/06/2014
گروپی چه‌كداریی داعش له شاری موسڵ مه‌زاری نه‌وه‌ی ئیمام عومه‌ریان ته‌قانده‌وه كه ده‌كه‌وێته خۆرهه‌لاتی شاری موسڵ له نزیك قه‌زای مه‌خمور.
سه‌عید مه‌موزینی، كارگێر لقی 14 ی پارتی له موسڵ، به خه‌ندانی راگه‌یاند" كه‌مێك به‌رله ئێستا چه‌كداره‌كانی داعش مه‌زاری نه‌وه‌یه‌كی ئیمام عومه‌ریان ته‌قانده‌وه كه پێی ده‌وترێت ئیمام سوڵتان – واته عه‌بدوڵای كوڕی عاسمی كوڕی عومه‌ری كوڕی خه‌تاب.
وتیشی كه ده‌كه‌وێته باشوری شاری موسڵ, له نێوان پارێزگای موسڵ و قه‌زای مه‌خمور و له رووداوی ته‌قاندنه‌وه‌كه‌شدا، كوڕی سه‌رپه‌رشتیاری مه‌زاره‌كه بریندار بووه.
سه‌عید مه‌موزینی ئاماژه‌ی به‌وه‌شكرد" چه‌كدارانی داعش مه‌زاری (نه‌بی یونس)یان كۆنترۆڵكردووه و سه‌رپه‌رشتیاری مه‌زاره‌كه‌شیان ده‌ركردووه‌و به نیازن ئه‌و قه‌بره‌ش بته‌قێننه‌وه.
04/06/2014
ناهیدە ئەحمەد تەنها ئافرەتە لە باشووری كوردستان كە پلەی سەربازی عەقیدە و فەرماندەی فەوجی ئافرەتانی پێشمەرگەیە. ئێستا فەوجەكەی ناهیدە زیاتر لە 500 ئافرەتی پێشمەرگە لە خۆدەگرێت و لە قەزای خانەقین هاوكاری هێزی پێشمەرگە دەكەن بۆ شەڕ دژی چەكدارانی داعش.
ناهیدە ئەحمەد دڵخۆشە بەوەی كە لە كۆتاییدا توانی خەونەكەی بهێنێتە دی، خەونی دروستكردنی پێشمەرگەی ژن و رێكخستنەوەیان لە نێو فەوجێكی سەربازیدا، ئەو بۆ تۆڕی میدیایی رووداو دەڵێت "ئێمە سەرەتا 16 ژن بووین، بەڵام دواتر ژمارەمان زیادیكرد". ئەمساڵ پلەی سەربازی ناهیدە لە رائیدەوە بەرزبووەوە بۆ عەقید و ئێستا ئەو تاكە ژنە لە باشووری كوردستاندا پلەی عەقیدی هەبێت.
فەوجەكەی ناهیدە ئێستا لە خانەقینە بۆ ئەوەی هاوكاری هێزی پێشمەرگەی كوردستان بكەن لە رووبەڕووبوونەوەی گرووپە چەكدارەكانی ناوچەی خانەقین. نێوبراو دەشڵێت "ئەمساڵ پلەی سەربازی 5 ژنی دیكەی نێو فەوجەكەمان بەرزكراوەتەوە".
فەوجی 2 ژنان سەر بە یەكەی 106 ی هێزەكانی 70 یە، لە 11-11-1996 لە سلێمانی دامەزراوە. سەرەتا لە 16 ئافرەت پێکهاتبوو، بەڵام ئێستا زیاتر لە 500 پێشمەرگەی ئامادەن بۆ شەڕ.
ئەم کۆمەڵە ئافرەتە راهێندراون لەسەر شەڕکردن لە ناوچە سەختەکان، بەزاندنی سنوورەکان، هەواڵگری و دانانی بۆسە، لەگەڵ ئەوەشدا مەشق لەسەر جۆرەها چەکی قورس و سووک دەکەن، وەک هاون، ئارپیچی، ساروخ، کلاشینکۆف و چەندین جۆری دیکە.
ئەم هێزە لە تەمەنی 18 ساڵی دەستپێدەکات تاوەکو 45 ساڵی، پاشان نابێت هیچ جۆرە کەلوپەلی خۆرازاندنەوە و جوانکاری بەکاربهێنن.
04/07/2014
ئەو خێزانە كوردانەی ساڵی 2011 كەسوكاریان لە كۆمەڵكوژی رۆبۆسكی لە دەستدا داوا لە دادگای مافەكانی مرۆڤی ئەوروپا دەكەن لێكۆڵینەوە لە رووداوەكە بكات.
34 كەس، كە زۆربەیان هەرزەكار بوون، لە هێرشی فرۆكە F16 كانی توركیادا بۆ سەر گوندێك لە ناوچەی شرناخ كوژران. قوربانییەكان كە زۆربەیان سەر بە یەك خێزانی كورد بوون، سەرقاڵی بە قاچاخ هێنانی بەنزین و جگەرە بوون لە هەرێمی كوردستان
بەرپرسانی سەربازی وایانزانیبووە قوربانییەكان گەریلاكانی پارتی كرێكارانی كوردستان PKK ن. حكومەتی توركیاش رایگەیاند كە هێرشەكە هەڵەی بێ مەبەست بووە. هەروەها حكومەت قەرەبووی پێشكەشی كەسوكاری قوربانییان كرد- كە رەتیان كردەوە- بەڵام هەرگیز داوای لێبوردنی نەكردووە. كەسوكاری قوربانییان و چالاكڤانانی كوردی مافەكانی مرۆڤ داوادەكەن كەیسەكە لێكۆڵینەوەی لەبارەوە بكرێت بۆ دەستنیشانكردنی ئەو كەسانەی فەرمانی هێرشەكەیان دەركردووە و كێ سەرچاوەی زانیارییە هەڵەكە بووە.
چالاكڤانان دەڵێن حكومەتی توركیا شەفاف نەبووە و بە دروستی بەدواداچوونی بۆ كەیسەكە ئەنجامنەداوە. پەرلەمان چەند دانیشتنێكی تایبەتكرد بە هێرشەكە و دواجار بە هێرشێكی هەڵەی لەقەڵەم دا. هەرچەند بەرپرسانی سوپا رەتیانكردەوە ئیفادە بدەن. لە مانگی حوزەیرانی 2013 نووسینگەی داواكاری گشتی دیاربەكر رایگەیاند كە سوپا ئاگادار نەبووە و بەمەبەست قوربانییانی بۆمباباران نەكردووە، بەڵام كەیسەكەی رادەستی داواكاری گشتی سەربازی كرد.
05/07/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
