به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
ە یەكەم لێدوانی بەرامبەر هەرێمی كوردستان، سەرۆكوەزیرانی نوێی توركیا دەڵێت پێش ئێمە كەس نەیدەتوانی بە كوردستانی عێراق بڵێ كوردستان.
ئەحمەد داود ئۆغڵو، سەرۆكی پارتی داد و گەشەپێدان و سەرۆكوەزیرانی توركیا، لە چوارچێوەی بەشداریكردنی لە بەرنامەی كەناڵی (TRT) فەرمی ئەو وڵاتە گوتی:" بۆ یەكەمجار كە سەردانی هەولێرم كرد و لەگەڵ سەرۆكی هەرێمی كوردستان مەسعود بارزانی دیدارم ئەنجامدا، كەمی مابوو لە توركیا قیامەت هەڵسێ. بە هۆی ئەو شتانەوە ئێمە هەمیشە هەوڵمانداوە كە پەیوەندییەكانمان لەگەڵ كوردانی ناوخۆی توركیا و كوردانی بەشەكانی دیكە باشتر و بەهێزتر بكەین و ئێستاش هەموومان ئەنجامی ئەو هەوڵانە دەبینین".
داود ئۆغڵو سەبارەت بە بەكارهێنانی وشەی "كوردستان" لە لایەن بەرپرسانی توركیاوە دەڵێ:" ئەگەر ئێمەش وەكو ئەوانی دیكە ترساباین و وشەی كوردستانمان بەكارنەهێنابا، ئەمە لە كاتێكدایە كە لە دەستووری بنەڕەتی عێراقدا وشەی كوردستان بەرەسمی بەكار هێنراوە، ئایا دەمانتوانێ لەگەڵ حكومەتی هەرێمی كوردستان و سەرۆكی هەرێمی كوردستان هەوڵ بۆ چارەسەركردنی پرسی كورد بدەین؟ سەرۆكی هەرێمی كوردستان لە نێو هەموو پروپاگەندە و تەشهیركردنەكان و لەسەر داوەتی سەرۆكوەزیرانی توركیا سەردانی دیاربەكری كرد و من بۆ خۆم لە شاری وان پێشوازیم لە نێچیرڤان بارزانی كرد، نەتەنیا توركیا پارچە نەبوو، بەڵكو یەكێتی توركیا بەهێزتر بوو."
سەرۆكوەزیرانی توركیا لە بەردەوامی قسەكانیدا دەشڵێت: "پێویستە ئەو راستییە قبووڵ بكەین كە ئەو سنوورانە لە دەرەوەی ئیرادەی ئێمە لە نێوانماندا كێشراون. كاتێك كە ئیمپراتۆریەتی عوسمانی هەڵوەشێندرایەوە كۆماری توركیا دەركەوت، ئەو سنوورانەش ئەو كاتە بە پێی پەیمانی لۆزان كێشراون، بۆیە ئەو سنوورانە سنووری ئێمە نین، پێویستە ئەو راستییەیش قبووڵ بكەین كە لەم دیوو ئەو دیوی سنووردا خەڵك خزم و كەسوكاری هەیە. بۆیە پێویستە ئێمەیش بە چاوی هەڕەشە یا بە چاوی دوژمن بوون سەیری ئەو پەیوەندییە خزمایەتییانە نەكەین".
05/09/2014
بەیدا ژنێكی موسڵمانی خەڵكی شنگالە، بەبەرچاوی خۆی و پێنج لە منداڵەكانیەوە كە هەموویان تەمەنیان كەمترە لە 11 ساڵ، چوار كەس لە خێزانەكەیان گوللەباران دەكرێن لەلایەن چەكدارانی داعشەوە، خەسووشی بەجەڵتە گیان لەدەستدەدات، خۆشكی هاوسەرەكەشی لەلایەن چەكدارانی داعشەوە دەبردرێت.
بەیدا ئیدریس كە هەشت كەس لەخێزانەكەی لەو ماوەیەدا لەدەستداوە، لەگەڵ ئەحمەدی كوڕی چیرۆكێكی پڕ لە تراژیدی دەگێڕنەوە كە بەسەر خێزانەكەیان هاتووە.
بەیدا دەڵێت ئەو بەیانییەی چەكدارانی داعش هاتنە نێو شنگال، برای هاوسەرەكەی تەلەفۆنی بۆ كردوون كە دەبێت ئەوانیش وەكو كوردی ئێزدی شارەكە جێبهێڵن. ئەوان هەرچەندە موسڵمانن، بەڵام ئاینزاكەیان شیعەیە و ئەگەر ئاشكرا ببن چەكدارانی داعش دەستیان لێناپارێزن.
بەیدا تەلەفۆنێك بۆ هاوسەرەكەی دەكات كە پۆلیس بووە لە شاری شنگال و ناوی محەممەدە، كاتێك محەممەد دەگاتەوە ماڵەوە، دەڵێت لێرە ناڕۆین، بەڵام براكەی رازی نابێت و ئەویش ناچار بەدوای براكەی دەكەوێت.
بەڵام كاتێك دەیانەوێت لە شنگال دەربچن، تووشی چەكدارەكانی داعش دەبن و داوایان لێدەكەن دابەزن. ئەحمەد دەڵێت "لەوێ چەكدارێكی داعش بە ماممی گوت تۆ ئەفسەری پۆلیسی، بەڵام مامم رەتیكردەوە، چەكدارەكە دوو گوللەی لە قاچی مامم داو كەوتە سەر زەوی".
بەیدا قسەكانی پێدەبڕێت و دەڵێت "شووبراكەم لەو كاتەدا دەمانچەیەكی لە نێو جانتای دایكی دەرهێناو تەقەی لە چەكدارەكان كرد، یەكێكیانی كوشت و یەكێكیشی بریندار كرد، چەكدارێكی داعش یەكسەر خێزانی شووبراكەمی دایە بەر دەستدڕێژی گوللە و كوشتی، بەڵام شووبراكەمی هێنایە بەرچاوی هەمووان دەستڕێژی گوللەی لێكرد".
ئینجا ئەحمەد دەست بە قسە دەكاتەوە و دەڵێت "مامێكی دیكەم كە ئەویش لەگەڵمان بوو، ویستی بەرگری لە براكەی بكات تاوەكو نەیكوژن، بەڵام چەكدارەكەی داعش گوللەیەكی لەنێو چەوانی دا و كوشتی".
چەكدارەكان ئەمجارە تووڕەیی خۆیان بەسەر باوكی ئەحمەد خاڵی دەكەنەوە. ئەحمەد دەڵێت "داعشەكان دوو گوللەیان لە باوكم دا و برینداریان كرد، دواتر بە چەكەكانیان هەڕەشەیان لێكردین كە ئەو شوێنە جێبهێڵین، بەڵام من نەمدەتوانی باوكم جێبهێڵم، باوكم زۆر پاڕایەوە كە خۆم رزگار بكەم، بەڵام من نەڕۆیشتم، دواتر چەكدارێكی داعش هات و منی لە باوكم دوورخستەوە".
ئەحمەد دەڕوات، بەڵام دەنگی چەند گوللەیەك دەبیستێ و ئاوڕ دەداتەوە دەبینێت چەكدارەكان باوكی گوللەباران دەكەن "بە چاوی خۆم بینیم مێشك لە سەری باوكم هاتە دەرەوە، قەت لەبیری ناكەم".
بەیدا دێتە سەر باسی خەسووی و دەڵێت "خەسووم جەڵتەی دڵ لێیدابوو، كاتێك ئەو كارەساتانەی بینی دووبارە جەڵتە لێیدا و مرد، زۆر هەوڵم دا بە هاواریەوە بچم، بەڵام چەكدارانی داعش نەیانهێشت، گوتیان بڕۆن لێرە نەمێنن با ئێوەش نەكوژین".
چەكدارەكان هەر بەوەندە نەوەستاون، وەك بەیدا گوتی "كاتێك بینییان كچێكمان لەگەڵدایە، گوتیان بوەستن، پەنجەیان بۆ خوشكی هاوسەرەكەم درێژ كرد و گوتیان لەگەڵمان وەرە، زۆر هەوڵماندا، بەڵام سوودی نەبوو.. لەگەڵ خۆیان برد".
بەیدای دایكی ئەحمەد هەشت كەسی لە نزیكەكانی لەدەستدا، چونكە دوای ئەوەی لەو رۆژەدا شەش كەسی لەماڵی هاوسەرەكەی لەدەست دا، دوای سێ رۆژ هەواڵی بۆ دێت كە دایك و باوكیشی كوژراون.
ئەو ژنە بە دەردەسەرییەكی زۆرەوە خۆی دەگەیەنێتە ماڵە خزمێكیان لە موسڵ، بەڵام دەزانێت ئەوێ بۆ كەسێكی وەكو ئەوی شیعە مەزهەب دەستنادات، بۆیە خۆی دەگەیەنێتە شاری دهۆك.
ئەو ئێستا خۆی و پێنج منداڵەكەی لە شاری دهۆكن. بەیدا كە دووگیانە، دەڵێت ئەگەر كوڕی ببێت ناوی لێدەنێت عەلی، ئەگەر كچیشی ببێت ناوی لێدەنێت زەینەب كە ئەو دوو ناوە لەلای شیعەكان زۆر پیرۆزن.
بەیدا زۆر پەسنی خەڵكی شاری دهۆك دەدات و دەڵێت زوو بەهانایەوە چوون، بەڵام ئەو نایەوێت لەوێ بمێنێتەوە و حەز دەكات بە زووترین كات شنگال ئازاد بكرێت و ئەویش بگەڕێتەوە ماڵەكەی خۆی.
05/09/2014
لە میحوەری خازر هێزی پێشمەرگە شەش چەكداری داعش دەكوژێت و چواریشیان بەدیل دەگرێت. شەڕ و پێكدادانیش بەردەوامە و پێشمەرگە گەمارۆی ناحیەی باشیكی داوە.
عەمید بەهرام عەریف یاسین، فەرماندەیی لیوای حەوتی پیادەی هێزی پێشمەرگە لە دەڤەری باشیك بە تۆڕی میدیایی رووداوی راگەیاند، پێشمەرگە لە میحوەری خازر هێرشیكردە سەر چەكدارانی داعش و توانی چیای زەرتك بە تەواوی كۆنترۆڵ بكات. گوتیشی هێزی پێشمەرگە توانیویەتی چەكدارانی داعش لە 4 گوندی دەوروبەری چیاكە ( باعەدرێ، كانی كەوان، سێودینان و ئاشقەڵان ) دەربكات.
بەپێی گوتی عەمید بەهرام، لە شەڕ و پێكدادانەكاندا چوار چەكداری داعش بەدیلگیراون و شەش چەكداریش گیراون، دەستیش بەسەر چوار ئۆتۆمبێلی سەربازی چەكداراندا گیراوە و دوو هەمەریش سووتێندروان. شەڕ و پێكدادان لەو میحوەرە بەردەوامە و پێشمەرگە گەمارۆی ناحیەی باشیكی داوە.
05/09/2014
باڵیۆزخانەی عەرەبستانی سعودییە لە ئوردن ڤیزە بە 23 كورد نادات و بەڕێوەبەری راگەیاندنی وەزارەتی ئەوقافیش دەڵێت ئەمە یەکەمجارە ئەو ژمارە زۆرەی حاجیان لەلایەن وڵاتی سعودییەوە رەتبکرێنەوە.
سەبارەت بە هۆکاری رەتکردنەوەی ناوی ئەو حاجیانە، مه‌ریوان نه‌قشبه‌ندی، به‌ڕێوه‌به‌ری راگه‌یاندنی وه‌زاره‌تی ئه‌وقاف و كاروباری ئایینی حكومه‌تی هه‌رێمی کوردستان، به (تۆڕی میدیایی رووداو)ی گوت: ''لە باڵیۆزخانەی عەرەبستانی سعودییە لە ئوردن، پێیان گوتین کە 23 حاجی هەرێمی کوردستان و 150 حاجی عێراق ڤیزەیان پێنەدراوە، چونکە پاسپۆرتەکانیان لە سیستمی کۆمپیوتەری ئەو وڵاتە رەتکراونەتەوە''.
بەپێی قسەی نەقشبەندی، هەندێکیان لەبەر گومانیان لە پاسپۆرتەکانیان یان لەبەر ناوەکەیان و نادروستی پاسپۆرتەکانیان رەتكراونەتەوە، ئەوانیش 11 کەسیان خەڵکی سلێمانی و گەرمیانن، 7 دهۆک و 5 یشیان خەڵكی هەولێرن. نەقشبەندی گوتیشی :"سیستمی کۆمپیوتەرەكە بە وڵاتی سعودییەوە کۆنێکت کراوە، بۆیە زەحمەتە بواری گفتوگۆ بدات، بەڵام پێمان سەیرە ئەمە یەکەمجارە ژمارەیەکی زۆری حاجیان رەتبکرێنەوە لە لایەن سعودییەوە''.
بەڕێوەبەری راگەیاندنی وەزارەتی ئەوقاف دەشڵێت ''ئێمە کاتی ئەوەمان نەماوە لە هۆکار و هەوڵی چاککردنەوەی ئەو حاجیانە بکۆڵینەوە، ئەوەندەی پێما کراوە ناوی 23 حاجی یەدەگمان لە بری ئەوانەی ناوەکانیان رەتکراوەتەوە ناردووە و چاوەڕێی ئەوەین رەزامەندی لەسەر ئەوانە بدەن، چونکە هەفتەی داهاتوو 8/9/2014 دەبێ گەشتبكەن و کاتێکی کەم ماوە''.
ئەمساڵ 3654 حاجی لە هه‌رێمی کوردستان بەرەو حەج دەچن و بڕیاره له ماوه‌ی یه‌ك هه‌فته‌دا هه‌موویان له هه‌ردوو فڕۆكه‌خانه‌ی سلێمانی و هه‌ولێره‌وه بگوازرێنه‌وه بۆ شاری مه‌دینه‌ی عەرەبستانی سعودیە و له‌وێشه‌وه ده‌چن بۆ شاری مه‌ككه.
05/09/2014
بەرهەم ساڵح، سەركردەی دیاری یەكێتیی نیشتمانیی كوردستان وەڵامی هادی عامری، سەرۆكی رێكخراوی بەدر دەداتەوە و دەڵێت لێدوانەكانی ناماقوڵن. بەرهەم ساڵح لە پەیامێكدا كە لە تۆڕی كۆمەڵایەتی فەیسبووك بڵاویكردووەتەوە، دەڵێت "باشتروایە ھادی عامری ئەوەی بیربێت كاتێك بەرھەڵستكاری رژێمی سەددام بوو، پێشمەرگە لەقەرەداغ باوەشی بۆ گرتەوە و پێشمەرگە پێشەنگی خەباتی گەلانی عێراق بوو لە دژی زەبروزەنگی دیكتاترریەتی بەعس". ئەمڕۆ پێنجشەممە لە لێدوانێكدا بۆ تۆڕی میدیایی رووداو، هادی عامری هێرشیكردە سەر وەزارەتی پێشمەرگە و گوتی:” وەزارەتی پێشمەرگە ماندووە، سەلماندی فاشیلیشە بەرامبەر داعش و تەنیا كاخەزی كارتۆنییە”. عامری باسی لە دوایین قسەكانی خۆیشی كرد كە لەگەڵ پارێزگاری كەركووك لە كۆنگرەیەكی رۆژنامەوانیدا كردبووی و تێیدا داوای كشانەوەی پێشمەرگەی كردبوو لە ناوچە كوردستانییەكانی دەرەوەی هەرێمی كوردستان. هەروەها بەرهەم ساڵح لە پەیامەكەیدا دەشڵێت :" ئەمڕۆش دوای ئازادكردنی ئامرلی لە گەمارۆی داعش، ھادی عامری سەرمەستی خۆشیی سەركەوتنێكە كە بە ھاوكاری و پشتیوانی پێشمەرگە بەدیھاتووە، بۆیە ئەم لێدوانانەی ناوبراو سەبارەت بە پێشمەرگەو كەركووك، لێدوانی ناڕەوا و ناماقوڵن و ھەرگیزاو ھەرگیز بۆشی ناچێتە سەر".
05/08/2014
هێنری کسینجەر وەزیری پێشووتری دەرەوەی ویلایەتە یەکگرتووەکانی ئەمریکا، بارودۆخی خۆرهەڵاتی ناوەڕاست بە زۆر مەترسیدار وەسف دەکات .
هێنری کسینجەر، کە یەکێک لە سەرەکیترین تیۆرسیەنەکانی سیاسەتی دەرەوەی ئەمریکا بووە لە دەیەی پەنجا، لە وتارێکیدا بۆ رۆژنامەی سەندەی تایمز، نووسیویەتی خۆرهەڵاتی ناوەڕاست لە بەردەم مەترسییەکدایە کە لە مەترسی جەنگە ئایینییەکانی ئەوروپا گەورەترە.
کیسینجەر باس لەوە دەکات کە خۆرهەڵاتی ناوەڕاست بەڕەوڕووی جەنگێک بووەتەوە هاوشێوەی جەنگی ئایینەکان لە ئەوروپا، بەڵام ئەو جەنگە لە خۆرهەڵاتی ناوەڕاست فراوانتر دەبێت.
وتارەکە لە ژێر ناوی (جەنگێک لە سەروو جەنگە ئایینییەکانی ئەوروپا) بڵاو بووەتەوە، کە لە چەند بەشێکی کتێبی (سیستەمی جیهانی) کیسینجەر وەرگیراوە ، لەو کتێبەدا بارودۆخی جیهان لە سایەی گۆڕانکارییەکانی خۆرهەڵاتی ناوەڕاست شرۆڤە و شیکار کراوە.
کیسینجەر پێی وایە ئەگەر گۆڕانکارییەکانی خۆرهەڵاتی ناوەڕاست لێکترازانی ئەو وڵاتانەی لێ بکەوێتەوە، کە بەشداری شەڕەکەن، ئەوکات خۆرهەڵاتی ناوەڕاست دەبێتە مەیدانی بەرەوڕووبوونەوەی زلهێزەکانی ناوچەکە.
هەروەها دەڵێت لە سەردەمی تیرۆریزم و خۆکوژەکاندا و لەسەردەمی پەرەسەندنی چەکی کۆمەڵکوژدا، دەبێ تێکگیرانە ئایینی و ناوچەییەکان بە هەڕەشەیەکی جیهانی ببینین، چونکە دەبنە هۆی ئەوەی ناوچەیەکی فراوان لە شەڕ و توندوتیژییەوە بگلێت، لە وەها بارودۆخێکیشدا توندڕەویی وەک ئاگر بە خێرایی تەشەنە دەکات و پەرە دەسێنێت.
04/08/2014
کۆسرەت رەسوڵ جێگری سەرۆکی هەرێمی کوردستان دەڵێت حکومەتی هەرێمی کوردستان لە رابردوودا و ئێستاش پەیڕەوی سیاسەتێکی نەوتی ژیرانە دەکات .
لە پەیامێکدا کۆسرەت رەسوڵ کە پێنجشەممە بڵاویکردووەتەوە دەنوسێت:”حكومه‌تی هه‌رێمی كوردستان له ڕابردوو له ئێستاشدا به‌پێی په‌یڕه‌وكردنیسیاسه‌تیكی ووردو ژیرانه له بواری به‌رهه‌مهێنان و به بازاڕكردنی نه‌وتداتوانیویه‌تی چه‌ندین كۆمپانیای وه‌به‌رهێنی گه‌وره‌ی جیهانی بانگهێشتیكوردستان بكات و بیانكاته خاوه‌ن به‌رژه‌وه‌ندی كه كاریگه‌ری گه‌وره‌یان له سه‌رسیاسه‌تی ده‌وڵه‌ته‌كانیان هه‌یه‌و ئه‌مڕۆ له به‌رژه‌وه‌ندی كێشه‌ی ڕه‌وایگه‌له‌كه‌مان هه‌ڵوێستیان نواندووه.”
هەر لەو پەیامەدا کۆسرەت رەسوڵ داوادەکات “سه‌رجه‌م حزب و لایه‌نه‌سیاسیه‌كانیشه‌وه مامه‌ڵه یه‌كی به‌رپرسانه له‌گه‌ڵ ئه‌و هه‌لومه‌رجه ناله‌باره‌ونه‌خوازراوه‌دا بكه‌ن و ده‌سبه‌جێ شه‌ڕه قسه‌ی ڕاگه‌یاندن بۆ ناشیرینكردنییه‌كتری ڕاگرن به تایبه‌تی كه هه‌مووان له‌وه دڵنیاین ئه‌و قه‌یرانه كاتیه‌و به‌كۆتایهاتنی ئه‌و شه‌ڕه ناله‌باره كۆتایی دێت.”
دەقی پەیامەکەی کۆسرەت رەسوڵ:
لای هه‌مووان ئاشكرایه كه ئه‌م بارودۆخه ناله‌باره‌ی له ئه‌مڕۆدا كوردستانی پێداتێده‌په‌ڕێت ده‌ره‌نجامی باهۆزێكی تاریكی كۆنه‌په‌رستان و دوژمنانی مرۆڤایه‌تیه‌به‌گشتی و ئه‌و ئاشتی ئارامی و ژیاندۆستیه‌یه كه له هه‌رێمه‌كه‌ی ئێمه‌دابه‌رقه‌راره.
جه‌ماوه‌ری خۆڕاگری كوردستان ...
ئه‌وه‌ی جێگه‌ی شانازی و دڵخۆشیه له‌م شه‌ڕه‌دا، یه‌ك هه‌ڵوێستی و یه‌كده‌نگیو خه‌ڵكی كوردستانه ، به هه‌موو پێكهاته‌سیاسی و ئاینی و كلتوریه جیاوازه‌كانیه‌وه، چونكه ئه‌م شه‌ڕه شه‌ڕی سڕینه‌وه‌ی سه‌رجه‌م بنه‌ماكانی نه‌ته‌وه‌یی ومه‌زهه‌بیه له كوردستاندا،هه‌ر بۆیه ئه‌و هاوهه‌ڵوێستیه مه‌رجی سه‌ره‌كیسه‌ركه‌وتنه‌كانمانه.
حكومه‌ته‌كه‌شتان حكومه‌تی هه‌رێمی كوردستان له ڕابردوو له ئێستاشدابه‌پێی په‌یڕه‌وكردنی سیاسه‌تیكی ووردو ژیرانه له بواری به‌رهه‌مهێنان و به‌بازاڕكردنی نه‌وتدا توانیویه‌تی چه‌ندین كۆمپانیای وه‌به‌رهێنی گه‌وره‌ی جیهانیبانگهێشتی كوردستان بكات و بیانكاته خاوه‌ن به‌رژه‌وه‌ندی كه كاریگه‌ریگه‌وره‌یان له سه‌ر سیاسه‌تی ده‌وڵه‌ته‌كانیان هه‌یه‌و ئه‌مڕۆ له به‌رژه‌وه‌ندیكێشه‌ی ڕه‌وای گه‌له‌كه‌مان هه‌ڵوێستیان نواندووه.
هاونیشتمانانی خۆڕاگر
ئاشكراشه كه له هه‌موو جه‌نگ و ته‌نگژه‌یه‌كدا كۆمه‌ڵێك بارودۆخی ناله‌بارونه‌خوازراو دێنه ئاراوه كه هه‌ندێكیان بارودۆخه‌كه ده‌یسه‌پێنێت له نه‌بوون یاندواكه‌وتنی موچه‌و كه‌می سوته‌مه‌نی و خزمه‌تگوزاری، ئه‌م ته‌نگژانه‌ش كاتیین وله‌گه‌ڵ نه‌هێشتنی هۆكاره‌كانی دیارده‌كه‌دا كۆتایاندێت.
بۆیه داواتان لێده‌كه‌م به گیانێكی له خۆبورده‌یی كوردانه‌وه دان به‌خۆدابگرن وهه‌مووان به سه‌رجه‌م حزب و لایه‌نه سیاسیه‌كانیشه‌وه مامه‌ڵه یه‌كیبه‌رپرسانه له‌گه‌ڵ ئه‌و هه‌لومه‌رجه ناله‌باره‌و نه‌خوازراوه‌دا بكه‌ن و ده‌سبه‌جێشه‌ڕه قسه‌ی ڕاگه‌یاندن بۆ ناشیرینكردنی یه‌كتری ڕاگرن به تایبه‌تی كه‌هه‌مووان له‌وه دڵنیاین ئه‌و قه‌یرانه كاتیه‌و به كۆتایهاتنی ئه‌و شه‌ڕه ناله‌باره‌كۆتایی دێت و كوردستانه‌كه‌شمان ده‌چێته‌وه دۆخی ژیانی ئاسایی خۆی وبه‌رده‌وامی به ڕه‌وڕه‌وه‌ی گه‌شه‌كردنی خۆی ده‌دات.
كۆسره‌ت ڕه‌سول عه‌لی
جێگری سه‌رۆكی هه‌رێمی كوردستان
4/9/2014
جانا هیباسكۆڤا، بەرپرسی شاندی دیپلۆماتی یەكێتیی ئەوروپا لەعێراق رایگەیاند كە هەندێ وڵاتانی ئەندام لە یەكێتیی ئەوروپا نەوت لە گرووپی داعش دەكڕن. هیباسكۆڤا داواشیكرد پەرلەمانی یەكێتیی ئەوروپا فشار بخاتە سەر هەرێمی كوردستان و وڵاتانی توركیا و ئێران بۆ رێگەگرتن لە ئاڵوگۆری نەوت لەلایەن داعشەوە.
هیباسكۆڤا لە میانی پێشكەشكردنی گوتارێك لە پەرلەمانی یەكێتیی ئەوروپا ناوی ئەو وڵاتانەی ئەوروپای ئاشكراكرد كە راستەوخۆ نەوت لە داعش دەكڕن و بەم پێیەش داعش پارەی دەستدەكەوێت بۆ دابینكردنی خەرجییەكانی.
بەپێی هەواڵێكی رادیۆی دەنگی رووسیا، هیباسكۆڤا ئاماژەی بەوە داوە كە داعش لە رێگەی تانكەرەوە نەوتی خاو بەناو خاكی وڵاتانی ناوچەكەدا دەگەیەنێتە دەست كڕیارانی لە ئەوروپا.
بۆیە داوا لە پەرلەمانی یەكێتیی ئەوروپا دەكات كە فشار بخاتە سەر وڵاتانی ناوچەكە، بەتایبەتیش هەرێمی كوردستانی عێراق و توركیا و ئێران تا رێگربن لە گواستنەوەی نەوت لەلایەن داعشەوە بە شێوەیەكی نایاسایی بۆ ئەوروپا.
لەدرێژەی وتارەكەیدا هیباسكۆڤا باس لە نەبوونی چاودێری و هەماهەنگی دەكات لە پرۆسەی پڕچەككردنی هێزەكانی پێشمەرگە دژی گرووپی داعش لەلایەن وڵاتانی یەكێتیی ئەوروپا.د
بە گوتەی هیباسكۆڤا هیچ گەرەنتییەك نییە كە ئەو چەكانەی بۆ پێشمەرگە دەنێردرێن نەكەونە دەست چەكدارانی داعش یاخود چەكدارانی پەكەكە. ئەو پێیوایە بۆ بەرەنگاربوونەوە و بنبڕكردنی داعش پێویستە بە رابەرایەتی هێزەكانی ناتۆ پرۆژەیاسایەكی نێودەوڵەتی ئامادەبكرێت.
4/9/2014
نوێنەری شارەكانی سنە، كامیاران و دیواندەرە لە پەرلەمانی ئێران داوای لە وەزیری پەروەردەی ئێران كردووە رێگە بە قوتابیان بدرێت بە زمانی كوردی بخوێنن و خزمەتگوزاری پێویست بۆ قوتابخانەكان تەرخانبكرێت.
بە گوتەی ئەو نوێنەرەی پەرلەمان، قوتابخانەكانی شار و گوندەكانی رۆژهەڵاتی كوردستان پێویستیان بە نۆژەنكردنەوە هەیە.
4/9/2014
شرۆڤە و بۆچوونی بابەتە دیارەكانی میدیا جیهانیی و ناوەخۆییەكانی هەرێمی كوردستان
رۆژنامەی هاووڵاتی
لە دوا ژمارەی رۆژنامەی هاووڵاتیدا، کامیل مه‌حموود، ئه‌ندامی سه‌رکردایه‌تی بزووتنه‌وه‌ی ئیسلامی بابەتێکی نووسیووە بە ناونیشانی "گه‌ڕانه‌وه‌ی لاوازانه‌ی کورد بۆ به‌غدا"، کە تیایدا دەڵیت "پێش هه‌راو جه‌نگی داعش قسه‌ی زۆر گه‌وره‌مان ده‌کردو باسمان له‌سه‌ربه‌خۆیی و نه‌گه‌ڕانه‌وه بۆ به‌غدا ده‌کرد، گوڕمان بۆ مه‌رجی گه‌وره گه‌وره ده‌خوارده‌وه که به‌چوار ده‌وڵه‌ت جێبه‌جێ نه‌کرێت و وامان پیشانده‌دا که به‌ئاسانی ناچینه‌وه سه‌رمێزی گفتوگۆی بێئه‌نجام و بێ ئاینده".
نووسەر پێیوایە ده‌بوو سه‌رکردایه‌تی سیاسی کوردستان هیچ وه‌فدێکیان نه‌ناردابا به‌غدا تا حکومه‌تی ناوه‌ندی بارودۆخه‌که‌ی ئاسایی ده‌کرده‌وه و به‌لای که‌مه‌وه ئه‌و ئابڵوقه‌یه‌ی له‌سه‌ر کوردستان هه‌ڵده‌گرت و دەڵێت "دواجار هه‌موو ئه‌مانه وه‌هم و خه‌یاڵ ده‌رچون و چاودێره سیاسیه‌کانیشمان ئیحراج کرد، شاندی کوردستان زۆر به‌ئاسانی و به‌ساده‌یی رۆیشتینه‌وە به‌غدا و گه‌لێکی برسی و بێ مووچه و ئابڵوقه‌دراویان له‌دوای خۆیانه‌وه به‌جێهێشت".
نووسەر دەڵێت "ئێستا کوردو سوننه‌ی عه‌ره‌ب کارتی فشاریان به‌ده‌سته‌وه‌یه و سوننە داوای 40%ی پۆسته‌کان ده‌که‌ن، پێش دابه‌شکردنی پۆسته وه‌زاریه‌کانیش داوای زه‌مانه‌ت ده‌که‌ن، بەڵام کورد که کارتی گه‌مه و فشاری زیاتری لە سوننەکان به‌ده‌سته‌وه‌یه‌و پێکهاته‌یه‌کی کۆده‌نگ و ته‌بایه له‌ناوخۆیدا» له‌رووی مه‌یدانیشه‌وه هێزی پێشمه‌رگه‌و ئۆپه‌راسیۆنه‌کانی ئه‌م ماوه‌یه‌ی دژ به‌داعش پێگه‌و قورسایی له‌به‌غدا به‌هێزتر کردووه«، جگه له‌پێگه نێوده‌وڵه‌تی و هه‌رێمایه‌تیه‌که‌ش که‌خۆی له‌و هه‌موو پشتیوانیه‌ی وڵاتاندا ده‌بینێته‌وه بۆ هه‌رێمی کوردستان» له‌گه‌ڵ هه‌موو ئه‌م پێشهات و گۆڕانکاریانه‌دا هێشتا هه‌ست به‌وه‌ناکه‌ین ئه‌مجاره‌یان لایه‌نی کوردی جیا له رابردوو به‌هێزێکی زیاتره‌وه به‌ره‌و به‌غدا به‌ڕێکه‌وتبێت» که‌مافه‌کانیان وه‌ک پێشوتر پێشێل نه‌کرێت»، تائێستا هیچ باسێک له‌ئه‌جێندای کوردیدا نیه داوای زه‌مانه‌تی ئه‌وه کرابێت کێشه و خواسته کوردییه‌کان مامه‌ڵه‌ی رابردووی له‌گه‌ڵدا نه‌کرێت».
رۆژنامەی ئاوێنە
لەدوا ژمارەی رۆژنامەی ئاوێنەدا "نیاز نه‌جمه‌دین" بابەتێکی سەبارەت بە نرخی بەنزین و ناڕەزاییەکانی خەڵک لە نرخەکە نووسیووە، بە ناونیشانی "چه‌ند جۆر نرخی به‌نزین؟" و لە بابەتەکەیدا دەڵێت "پێده‌چێت سیاسه‌تی وزه ئه‌مجاره‌ش له‌سه‌ر نرخی به‌نزین سه‌قامگیر نه‌بێت. به‌لاَم به‌پێی ئه‌زموونی پێشوو، پێده‌چێت له‌هه‌ڵه‌یه‌كه‌وه بۆ هه‌ڵه‌یه‌كی دیكه بچن. ئه‌گه‌ر داوایه‌كی جه‌ماوه‌ری سه‌باره‌ت به‌دیاریكردنی نرخی به‌نزین هه‌بێت و بتوانێت خۆی بسه‌پێنێت، ئه‌وا به‌رای من باشتره سووربێت له‌سه‌ر بوونی دوو نرخ و به‌س، یه‌كێكیان نرخی حكومه‌ت و ئه‌ویدیكه‌یان نرخی بازاڕ.
نووسەر دەڵێت "هه‌ڵبه‌ت دیاریكردنی نرخی به‌نزین به (900) دینار نابێته هۆی پڕكردنه‌وه‌ی حسابی بانكیی حكومه‌ت به داهات ودابینكردنی مووچه به به‌رده‌وامی، له‌مڕۆدا وه‌زاره‌تی سامانه سروشتییه‌كان نوێنه‌ری راسته‌قینه‌ی حكومه‌ته. ئه‌و بۆرییه‌ك نیه ته‌نیا نه‌وت بنێرێت، به‌ڵكو پاه‌ر بۆ حكومه‌ت به‌رهه‌مده‌هێنێته‌وه، به‌تایبه‌ت كه خه‌ریكه هەڕەشەی داعش كه‌م ده‌بێته‌وه".
نووسەر پێیوایە " سیاسه‌تی ئابوری، له بری ئامۆژگاریی خه‌ڵك، له رێی میكانیزمی نرخه‌وه زۆرجار ئه‌خلاقی خه‌رجكردن و كڕین باش ده‌كات. به‌مه ده‌وترێت (سیاسه‌تی ته‌رشیدی به‌كاربردن). هاوكات میكانیزمی نرخ ره‌فتاری فرۆشیاران ده‌گۆڕێت. ده‌ستكاری به‌گۆتره‌ی نرخی به‌نزین بێ دوو دڵی بازاڕ توشی ناهاوسه‌نگی زیاتر ده‌كات. لەبەرئەوە نرخی حكومه‌ت ده‌كرێت به (700) دینار دیاری بكرێت، (كه باشتره له 800 دینار) و له‌ئاستێكیشدایه ئه‌وه‌ی هه‌یه ره‌نگه بفرۆشرێت و ببێته‌وه به داهات بێئه‌وه‌ی خه‌ڵك به‌فیڕۆی بدات".
رۆژنامەی حەیات
زوهێر قەسیباتی لە ژمارەی ئەمڕۆی رۆژنامەی حەیاتدا، بابەتێکی نووسیووە بە ناونیشانی "هاوپەیمانیەتییە تاڵەکە دژی داعش"، کە تیایدا بە رووداوی سەربڕینی رۆژنامەوانە ئەمریکییەکە دەستپێدەکات و دەڵێت " چەقۆی داعش کە سەری ستیڤن سۆتلۆفی، رۆژنامەوانە ئەمریکییەکەی پێ سەربڕدرا، دوای رۆژنامەوان جەیمس فولی، هەمان چەقۆبوو خرایە سەر ملی سیاسەتەکانی سەرۆک ئۆباما، کە نەیدەویست بچێتە شەڕەوە، تاوەکو ئەویش بچێتە سەر هەمان رێچکەی سیاسەتی جارانی ئەمریکا و دەست بکاتەوە بە هێرش بۆ سەر پێگەکانی داعش لە عێراق".
ئەو رێکخراوە کە هەڕەشەی سەربڕینی، کەسێکی دیکەی بەریتانی دەکات، نووسەر لەبارەیەوە دەڵێت "رێکخراوەکە، کە خەڵکی رۆژئاوایی بە بارمتە گرتووە ئێستا هەڕەشەی سەربڕینی بەریتانییەک دەکات، ئەگەر هێرشەکانی سەری نەوەستن، دەیەوێت پشت بە سیاسەتی سەربڕین ببەستێت بۆ رووبەڕوو وەستانەوەی ئەو هێرشانەی دەکرێنە سەری، کە ئەوەش وای لە ئۆباما کرد، ستراتیژیەتێکی بەرامبەر وەحشیگەری داعش پەیڕەو بکات".
نووسەر پێیوایە هەرچەند وڵاتانی عەرەبیش ترسیان لە داعشە و خوازیاری لەناوچوونی داعشن، بەڵام ئۆباما ئەمجارە پەرۆشی ئەوەیە مەترسی داعش لەسەر ئەوروپا و ئەمریکا نەهێڵێت.
رۆژنامەی تەلەگراف
جیهادییەکانی بەریتانیا. ناونیشانی بابەتێکی رۆژنامەی تەلەگرافی بەریتانییە، کە لەلایەن جۆناسان روسێل نووسەر و سیاسەتوانی بەریتانیەوە نوسراوە و لە دوایین ژمارەی ئەو رۆژنامەیەدا بڵاوکراوەتەوە.
نووسەر لەو بابەتەیدا باس لەو گۆڕانکارییانە دەکات کە پەرلەمانی بەریتانیا رەزامەندی لەسەر نیشانداوە لەپێناو چۆنێتی مامەڵەکردن لەگەڵ هەڕەشەی تیرۆر و چەکدارانی دەوڵەتی ئیسلامی لە عێراق و شام و هەروەها مامەڵەکردن لەگەڵ ئەو جیهادییە بەریتانیانەی کە لە عێراق و سووریا دەجەنگن، بەبڕوای ئەو نووسەرە پێویستە بەریتانیا لەکاتی ئەنجامدانی هەر گۆڕانکارییەکدا بالانسێک لەنێوان ئاسایشی نەتەوەیی و ئازادی تاکەکەسیدا لە بەریتانیا دروست بکات، نەک ئەو جۆرە لێکۆڵینەوەیەی کە بڕیارە کاری لەسەر بکەن ببێتە مایەی بەرتەسککردنەوەی ئازادییەکانی خەڵکی بەریتانیا.
ئەو دەڵێت من پێم باشە ئەوانەی لەناو جیهادییەکاندا پاسپۆرتی بەریتانیان لێبسەنرێتەوە یان دەیانەوێت بچنە دەرەوەی بەریتانیا بۆ پەیوەندیکردن بەو گرووپە جیهادیانەوە، بەڵام نابێت ئەو جۆرە مامەڵەیە وابکات خەڵکی بەریتانیا بێزار بکات و ترسی زیاتر لەناو خەڵکدا دروست بکا، چونکە ئەم جۆرە سیاسەتەی بەریتانیا دەستیپێکردووە سیاسەتێکی کورتخایەنی دژ بە تیرۆریزمە، لەکاتێکدا وڵاتێکی وەک بەریتانیا پێویستی بە سیاسەتێک و ستراتیژێکی درێژخایەن هەیە لەبەرامبەر هەڕەشەی تیرۆردا.
رۆژنامەی دی ڤێڵت
ئەسەد و داعش، دوو روخساری جیاوازی تیرۆر... ئەمەش ناونیشانی بابەتێکی نووسەر و رۆژنامەنووسی ئەڵمانی کریستین هێلبێرگ- ە، کە لەدوایین ژمارەی رۆژنامەی دی ڤێڵتی ئەڵمانیدا بلاوی کردووەتەوە و تێیدا باس لەوە دەکات ئەسەد و داعش هەردووکیان خاوەنی یەک جۆرە ستراتیژن بە دوو شێوازی جیاواز لەجێبەجێکردندا، پێشی وایە ئەوەی داعشی لە سووریا بەهێزکردووە، بەشار ئەسەدی سەرۆکی سووریایە.
بەبڕوای ئەو نووسەرە، لەبەر نزیکی ئەسەد و داعش، ئێستا شەڕی دژ بە داعش لە سووریا، بۆ باراک ئۆباما سەرۆکی ئەمریکی زۆر ئاسان نییە، ئەمەش نەک لەبەرئەوەی داعش دۆستی زۆرە، بەڵکو لەبەرئەوەی دوژمنەکانی زۆر جیاوازن لە یەکدی، بۆ نموونە، کورد، ئەوروپی، وڵاتانی وەک سعودیە، ئێران، قەتەر و لوبنان و هەموو ئەمانە ترسێکی زۆریان لەو گرووپە بۆ دروست بووە و هەریەکەشیان لە مامەڵەکردن لەگەڵ ئەو گرووپەدا تەواو جیاوازن، ئەمریکاش لەنێوان ئەو هەموو هێزەدا دەیەوێت هاوپەیمانێتییەک لە دژی داعش دروستبکات، بەڵام ستراتیژی لایەنەکان جیاوازە و ئەمەش کێشە بۆ دروستکردنی هاوپەیمانێتییەکی پتەو دروست دەکات.
بەبڕوای ئەو هێلکبێرگ، کێشەی لێدان لە داعش لە سووریا، ئەوەیە ناتوانرێت وەک عێراق هاوپەیامنێتییەک لەگەڵ لایەنەکانی ناوچەکدا دروست بکرێت، وەک چۆن لە عێراق لەگەڵ کورد و حکومەتی بەغدا دروستکراوە، چونکە لە سووریا هێزێکی لەو جۆرە بوونی نییەن و ئەسەدیش خۆی رووخسارێکی دیکەی تیرۆرە و ناکرێت ببێتە هاوپەیمانێک بۆ جەنگی دژ بە تیرۆر.
4/9/2014
گوتەبێژى وەزارەتى ناوخۆى عێراق رایگەیاند، هێزەکانى سوپاى عێراق بە پاڵپشتى هێزى خۆبەخشانى میللـى بەنیازن بە هەماهەنگى لەگەڵ هێزى پێشمەرگەى کوردستان بچنە نێو شارى کەرکووک.
سەعد مەعن، گوتەبێژى وەزارەتى ناوخۆى عێراق بە تۆڕى میدیایی رووداوى راگەیاند: بە ئامانجى کۆنتڕۆڵکردنەوەى چەند ناوچەیەکى باشوورى شارى کەرکووک و رووبەڕووبوونەوەى چەکدارانى سەر بە دەوڵەتى ئیسلامى ناسراو بە داعش، هەروەها دووبارە رێکخستنەوەى هێزە هەڵوەشاوەکانى سوپاى عێراق، کە پێشتر لە هەردوو شارى مووسڵ و کەرکووک کشابوونەوە، سوپاى عێراق و هێزى خۆبەخشانى میللـى بە هەماهەنگى لەگەڵ هێزى پێشمەرگەى کوردستان بە نیازن بچنە نێو شارى کەرکووک.
سەعد مەعن گوتیشی: "هێزەکانى سوپاى عێراق لە کەرکووک کە پێشتر هەڵوەشابوونەوە پێویستیان بە دووبارە رێکخستنەوە هەیە، بەتایبەتى دواى سەرکەوتنەکانى سوپاى عێراق و هێزى خۆبەخشانى میللـى لە ناوچەکانى سەربە پارێزگاکانى سەڵاحەدین و دیالە".
دواى کۆنتڕۆڵکردنى شارى مووسڵ لەلایەن چەکدارانى داعش، ژمارەیەک شار و گووندى سەر بە سنوورى پارێزگاى کەرکووکیشیان کۆنتڕۆڵکرد، بەڵام لەلایەن هێزى پێشمەرگەى کوردستانەوە بەتووندى بەرپەرچ درانەوەو نەیانتوانى بەرەو شارى کەرکووک پێشڕەوى بکەن.
03/09/2014
پێنج لایەنی سیاسی رۆژهەڵاتی کوردستان پێکەوە لە شاری کۆیە کۆبوونەوە.
حیزبەکانی رۆژهەڵات نیگەرانی خۆیان سەبارەت بەو سیاسەتە نیشاندا، کە تازەکی لەلایەن حکومەتی هەرێمی کوردستانەوە لەگەڵ ئەواندا پەیڕەو دەکرێ، چ لە رووی کشانەوەی پێشمەرگەکانیان لە بەرەکانی شەڕی دژ بە داعشدا و بڕینی هاوکارییە داراییەکانیان، کە چەند مانگێکە لە لایەن حکومەتی هەرێمی کوردستانەوە بڕاوە.
حیزبەکانی رۆژهەڵات لە کاتێکدا لەو شێوازەی مامەڵەکردنی دەسەڵاتی هەرێمی کوردستان نیگەرانن، هاوکات رایدەگەیێنن ئەوان بەشێک لە خەبات و چالاکیە سیاسییەکانیان کردووەتە قوربانی لە پێناو سەقامگیری باشووری کوردستاندا.
رووداو - هەولێر 3/9/2014
كەناڵی فەرمی حكومەتی عێراق فیلم كارتۆنێكی بەرهەمهێناوە لەسەر گرووپی دەوڵەتی ئیسلامی (ناسراو بە داعش).
لە فیلم كارتۆنەكەدا باس لە دەستەپاچەیی چەكدارێكی داعش دەكرێت. لە دیمەنێكدا چەكدارەكەی داعش لەكاتێكدا هێرشدەكاتە سەر سەربازانی سوپای عێراق، لە بری سەربازانی سوپا دەستڕێژی لە سەركردەیەكی داعش دەكات.
هاوكات گاڵتەجاڕی بەو بۆچوون و بنەمایانە دەكرێت كە داعش بە بنەمای ئایینی ناویان دەبات. فلیم كارتۆنەكە ئەوە پیشاندەدات كە چەكداران و سەركردەكانی داعش دژایەتی هەموو پێشكەوتنێك دەكەن و هەموو داهێنانەكانی دوای سەدەی حەوتەم رەتدەكەنەوە.
هەروەها گاڵتەكردن بە درووشمەكانی گرووپەكە بەشێكی دیكەی فیلم كارتۆنەكە پێكدەهێنێت.
03/09/2014
رەجەب تەییب ئەردۆغان سەبارەت بە بەرەوپێشبردنی پرۆسەی ئاشتی رایگەیاند شانبەشانی حكومەت بەشداردەبێت لە پرۆسەكەدا.
رەجەب تەییب ئەردۆغان، سەرۆككۆماری توركیا پێش جێهێشتنی توركیا بۆ سەردانی كۆماری ئازەرباییجان كۆبوونەوەیەكی رۆژنامەوانی سازكرد. لە كۆبوونەوەكەدا رایگەیاند ئەو گۆڕانكارییەی لە حكومەتدا كراوە بۆ دیاریكردنی بڵند ئارنچ وەك رێكخەری پرۆسەی ئاشتی لە جێی خۆیەتی و پێیوابوو بە ئەزموونی هەموو ئەو كەسایەتییانەی بەشدارن، پرۆسەكە بەرەو ئایندەیەكی باش دەچێت.
ئەردۆغان ئەوەشی ئاشكراكرد كە خۆشی بەشداردەبێت لە بەڕێوەبردنی پرۆسەكە و ئەوەی بە ئەركی هەموو كاربەدەستانی ئەنقەرە زانی.
رۆژی یەكی ئەیلوولی 2014، بڵند ئارنچ، جێگری سەرۆكوەزیرانی توركیا ئاشكرای كردبوو كە سكرتارییەتێك دادەمەزرێت بۆ بەڕێوەبردنی پرۆسەی ئاشتی. سكرتاریەتەكە لە خودی ئارنچ و یاڵچن ئاكدۆغان، جێگری سەرۆكوەزیران و ئەفكان ئالا، وەزیری ناوخۆ پێكدێت و هەر لە لایەن خۆیەوە سەرۆكایەتی دەكرێت.
03/04/2014
دوای هەفتەیەك لە پێشنیازە نوێیەكەی لیستی خزمەتی یەكگرتوو و كۆمەڵی ئیسلامی بۆ یەكلاییكردنەوەی پۆستی پارێزگاری سلێمانی لەنێوان یەكێـتی و گۆڕاندا، ئەمڕۆ یەكێتی بە فەرمی وەڵامی خۆی دایەوە.
لەتیف شێخ عومەر، گوتەبێژی شاندی دانوساندنكاری یەكێتی لەلێدوانێكی تایبەتدا بە تۆڕی میدیایی (رووداو)ی گوت " ئێمە وەكو یەكێتی رازین بەو پێشنیازەی برایانی لیستی خزمەت و چاوەڕێ دەبین كە هەڤاڵانمان لە بزووتنەوەی گۆڕان ئامادەیی خۆیان بۆ كۆبوونەوە دەرببڕن و بەیەكەوە دانیشتن بكەین، تاوەكو بگەینە رێگەچارەی دیاریكردنی كاندیدێكی هاوبەش".
لەبەرامبەردا ئاسۆ رەحیم، ئەندامی شاندی دانوساندنكاری بزووتنەوەی گۆڕان بە (رووداو)ی راگەیاند "سبەی وادەی دانیشتنێكی دیكەی ئەنجوومەنی پارێزگای سلێمانییەو هەتاوەكو ئێستا یەكێتی بەفەرمی نە داوای كۆبوونەوەی كردووەو نە لەگەڵ ئێمەش كۆبووەتەوە، بۆیە چاوەڕێ دەبین بزانین بۆ سبەی بەچی چارەسەرێك دەگەین".
رۆژی شەمەی رابردوو، یەكگرتوو و كۆمەڵی ئیسلامی بەسەرۆكایەتی ئەمیندار و ئەمیری ئەو دوو پارتە ئیسلامییە لە هەولێر كۆبووەنەو دواتر رایانگەیاند، كە پشتگیریی لە كاندیدێكی هاوبەشی یەكێتی و گۆڕان دەكەن، هەرچەندە گۆڕان نیگەرانی خۆیان لەو پێشنیازە نوێیە نەشاردەوە، بەڵام كەمتر لە 24كاژێری ماوە بۆ وادەی كۆتایی كۆبوونەوەی ئەنجوومەنی پارێزگای سلێمانی.
03/09/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
