به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
سەمیر موقبیل، وەزیری بەرگری لوبنان بە سەردانێكی سێ رۆژە گەیشتە تارانی پایتەختی كۆماری ئیسلامیی ئێران.
ئاژانسی هەواڵی فەڕەنسا بڵاویكردووەتەوە، كە ئامانجی سەردانەكە وەرگرتنی هاوكاری سەربازی ئێرانە بۆ لوبنان بە مەبەستی رووبەڕووبوونەوەی مەترسییەكانی گرووپی دەوڵەتی ئیسلامی (ناسراو بە داعش).
ئەنجامدانی ئەم سەردانە، دوو هەفتە دوای پێشنیازی كۆماری ئیسلامی ئێران دێت بۆ پێدانی هاوكاری سەربازی ئێران بە لوبنان بەمەبەستی رووبەڕبوونەوەی چەكدارانی داعش و بەرەی نوسرە، لە سنورەكانی لوبنان و سووریا.
بە پێی ئاژانسی هەواڵی فارسی ئێران، وەزیری دەرەوەی لوبنان لەو سەردانەدا لەگەڵ هاوتا ئێرانییەكەی، حەسەن دێهقان، لە بارەی چۆنیەتی بەرەوپێشبردنی هاوكاری سەربازی نێوان ئەو دوو وڵاتە گفتوگۆ دەكەن.
بریارە سەمیر موقبیل هەروەها لەگەڵ سەرۆكی پەرلەمانی ئێران و سكرتێری ئەنجوومەنی ئاسایشی نەتەوەیی ئێران كۆببێتەوە.
لە دوا سەردانیدا بۆ لوبنان عەلی شەمخانی، سكرتێری ئەنجوومەنی ئاسایشی نەتەوەیی ئێران پێشنیازی هاوكاری سەربازی ئێرانی بۆ لوبنان خستەڕوو.
پێشتر سعودیە رازی بوو بە پێدانی بڕی سێ ملیار دۆلار هاوكاری سەربازیی سوپای لوبنان بكات، بەڵام تاوەكو ئێستا دانوستاندنەكانی ئەو هاوكارییە نەگەیشتوونەتە ئەنجامی خوازراو.
كۆماری ئیسلامی ئێران بە پشتیوانی سەرەكی حیزبوڵڵای لوبنان ناسراوە، كە لەگەڵ هێزەكانی بەشار ئەسەد دژ بە گرووپە سوننە نەیارەكانی حكومەتی ئەسەد شەڕ دەكەن.
19/10/2014
کاربەدەستانی رووسیا رایانگەیاندووە، لە شەڕی دژی چەکدارانی داعش، هاوکاری عێراق و سووریا دەکەن، ئەگەر بە فەرمی داوایان لێ بکرێت.
رووسیا بەتەواوی خۆی بەدورگرتووە لە شەڕی چەكدارانی داعش، شرۆڤەكارانی سیاسی ئەو وڵاتە پێیان وایە، كۆمەڵێك هۆكار هەن بۆ ئەوەی رووسیا بەشداری شەری داعش نەكات، گرنگترینیان ترسانی رووسیایە لە گرووپە رادیكاڵییە ئیسلامییەكان، چونكە رووسیا لەگەڵ چیچانییەكان بە ئەزموونێكی دژواردا تێپەڕیوە و چەندین جار كراوەتە ئامانجی گرووپە تووندڕەوەكانی چیچان.
رووسیا دەڵیت ئەوان بەشداری هاوپەیمانیەتی ناكەن بە سیفەتی هاوكارو پشتیوانی ئەمریكا، بەڵام ئەگەر بە فەرمی لەلایەن عێراق وسووریاوە داوایان لێبكرێت، ئامادەن هاوكاری بكەن.
19/10/2014
لە دانیشتنی ئەمڕۆ شەممە 18ـی تشرینی یەکەمی 2014ـی پەرلەمانی عێراق، كە تێیدا دەنگ لە سەر جێگری دووەمی سەرۆك وەزیران و 8 وەزیری دیكە درا، كە پێنجیان كوردبوون، حەیدەر عەبادی سەرۆك وەزیرانی عێراق گوتەیەكی پێشكەشکرد و باسی شەڕی لە دژی تیرۆر و بەرنگاربوونەوەی داعش كرد و ئاماژەی بەوەدا، كە داوای لە توركیاكردووە لە خاكی عێراقەوە ھێرشنەكاتە سەر پارتی کرێکارانی کوردستان (پەكەكە)، چونكە ئەوان لە شەری دژی تیرۆر بەشدارن".
د.موسەنا ئەمین، سەرۆكی فراكسیۆنی یەكگرتووی ئیسلامی كوردستان لە پەرلەمانی عێراق بە تۆڕی میدیایی رووداوی راگەیاند:" لە دانیشتنی ئەمرۆدا بەرێز حەیدەر عەبادی، داوای لیكرا روونكردنەوە لە سەر بارودۆخی ئەمنی پێشكەش بكات و ئەویش ئاماژەی بەوەدا، كە بە تەلەفۆن قسەی لەگەڵ سەرۆك وەزیرانی توركیا كردووە، كە نابێ ئەنقەڕە لە خاكی عێراقەوە ھێرشبكاتە سەر پەكەكە، چونكە ئەوان لەگەڵ ئێمە لە شەڕی دژی تیرۆر بەشدارن ئەگەرچی تاوەكو ئێستا پەكەكە بە فەرمی لە عێراق لە لیستی تیرۆردایە".
دموسەنا ئەمین گوتی:"دوای ئەم گوتارەی عەبادی بەندەش بە چەند قسەیەك بەشداریم كرد و داوام لە عەبادی كرد ناوی پارتی كرێكارانی كوردستان (پەكەكە) لە لیستی تیرۆر دەربھێنێ، چونكە ئەوان نوێنەرایەتی كێشەی نەتەوەیەكی رەوا دەكەن، پاشان لە پرۆسەی ئاشتی بەشدارن لە توركیا لە ھەمانكاتدا پەكەكە لە شەری دژایەتی تیرۆر بەشدارە، بۆیە دەبێ عێراق ناوی ئەو رێكخراوە لە لیستی تیرۆر دەربھێنێ، چونكە ئەوان رۆڵیان لە سەقامگیری ئاسایشی و ئاشتی لە ناوچەكە ھەیە، دیارە سەرۆك وەزیران وەڵامی داواكەی نەدامەوە، بەس پێویستە لیستە كوردستانییەكان بەدواداچوونی ئەو بابەتە بكەن و چی دیكە پەكەكە لە لیستی تیرۆر نەبێ لە لایەن حكومەتی عێراقییەوە".
پارتی كرێكارانی كوردستان بە لای ھەر یەك لە وڵاتانی رۆژئاوا بە تایبەتی ئەمریكا، بەریتانیا و وڵاتانی یەكێتی ئەوروپا و توركیا، سووریاو عێراق رێكخراوێكی تیرۆرستی قاچاخە. سەبارەت بەم ھەڵوێستەش ، عەبدوڵڵا ئوجەلان، رێبەری زیندانیكراوی پەكەكە دەڵێ:" بوونی پەرژەوەندی ئابووری و سیاسی ئەم وڵاتانە لەگەڵ توركیا وای كردووە ناوی ئێمە بخرێتە چوارچێوەی لیستی تیرۆر".
18/10/2014
پرسی كوبانێ كه له ئێستادا له‌لایه‌ن چه‌كدارانی رێكخراوی ده‌وڵه‌تی ئیسلامی ناسراو به داعشه‌وه هێرشی كراوه‌ته‌سه‌ر، ناكۆكییه‌كانی ئێران و توركیا قوڵتر ده‌كاته‌وه، وته‌بێژی وه‌زاره‌تی ده‌ره‌وه‌ی توركیاش، داواكاره ئێران بێده‌نگ بێت.
تانجو بیلگیج وته‌بێژی وه‌زاره‌تی ده‌ره‌وه‌ی توركیا ئیدانه‌ی لێدوانی به‌رپرسانی ئێرانی دژی وڵاته‌كه‌ی كرد و رایگه‌یاند كه "پێویسته ئێران به‌هۆی پشتیوانی له رژێمی سوریا كه به‌رپرسی راسته‌قینه‌ی تیرۆره، هه‌ست به شه‌رم بكات و بێده‌نگ بێت".
ئه‌م لێدوانه‌ی وته‌بێژی وه‌زاره‌تی ده‌ره‌وه‌ی توركیا له وه‌ڵامی لێدوانی هه‌ریه‌ك له حسێن ئه‌میر عه‌بدولـلـه‌هیان جێگری وه‌زیری ده‌ره‌وه‌ی ئێران كه توركیای تۆمه‌تبار كرد به هه‌وڵدان بۆ بوژانه‌وه‌ی بۆچوونی عوسمانی نوێ له ناوچه‌كه‌دا و سه‌رۆكی ئه‌ركانی سوپای ئێران هات كه رایگه‌یاندبوو كه وڵاتێك به‌بێ ئه‌وه‌ی ناوی بهێنێت، "ئاسته‌نگ بۆ گه‌یشتنی كۆمه‌ك و هاوكاری بۆ شاری كوبانێ دروست ده‌كات".
وته‌بێژی وه‌زاره‌تی ده‌ره‌وه‌ی توركیا له‌وباره‌وه وتی: "ئه‌و لێدوانانه‌ی دژی توركیا هیچ بنه‌مایه‌كی راستییان نییه"، جه‌ختیشی له‌وه كرده‌وه كه "ئه‌نقه‌ره ناچار نییه مۆڵه‌ت له كه‌س وه‌ربگرێت بۆ گرتنه‌به‌ری رێوشوێنی پێویست دژی ئه‌و كارانه‌ی هه‌ڕه‌شه له‌سه‌ر ئاسایشی نه‌ته‌وه‌ییه‌كه‌ی دروست ده‌كه‌ن".
وته‌بێژی وه‌زاره‌تی ده‌ره‌وه‌ی توركیا له لێدوانێكدا بۆ په‌یامنێری ئاژانسی ئه‌نادۆڵ له نیویۆرك وتیشی: "ده‌سه‌ڵاتدارانی ئێران پرسی هاوكاریكردنی گه‌لی سوریایان به مۆڵه‌ت وه‌رگرتن له رژێمی سوریا به‌ستووه‌ته‌وه".
دووپاتیشیكرده‌وه كه "توركیا به‌بێ گه‌ڕانه‌وه بۆ رژێمی دیمه‌شق كه شه‌رعییه‌تی نه‌ماوه، ده‌ستی هاوكاری بۆ سورییه‌كان درێژكردووه به ئامانجی كه‌مكردنه‌وه‌ی نه‌هامه‌تییه مرۆییه‌كانیان".
وته‌بێژی وه‌زاره‌تی ده‌ره‌وه‌ی توركیا ئاشكراشیكرد كه كه وڵاته‌كه‌ی نیگه‌رانی خۆی ده‌باره‌ی ئه‌و جۆره لێدوانانه داوه‌ته باڵیۆزخانه‌ی ئێران له ئه‌نقه‌ره كه وه‌ك خۆی وتی "هیچ راستییه‌كیان تێدا نییه".
دوای ناڕه‌زایه‌تییه‌كانی ئێران ده‌رباره‌ی رۆڵی توركیا له بارودۆخی سوریادا، په‌یوه‌ندییه‌كانی نێوان تاران و ئه‌نقه‌ره ده‌رباره‌ی بارودۆخی سوریا ئاڵۆزبوو، شه‌ممه‌ی رابردووش، حسێن عه‌بدولله‌هیان جێگری وه‌زیری ده‌ره‌وه‌ی ئێران وتی: "پێشتر ویلایه‌ته یه‌كگرتووه‌كان و توركیامان ئاگاداركردووه‌ته‌وه كه پێویسته گه‌لی سوریا خۆی بڕیار بدات له مه‌سه‌له‌ی مانه‌وه‌ی رژێمه‌كه‌ی یان رۆیشتنی".
چه‌ند رۆژێك له‌مه‌وبه‌ریش به‌رپرسانی ئێران نیگه‌رانی خۆیان به ره‌سمی گه‌یانده به‌رپرسانی توركیا سه‌باره‌ت به بڕیاره‌كه‌ی ئه‌مدواییه‌ی په‌رله‌مانی توركیا بۆ رێگه‌دان به سوپا كه بچێته سوریا و عیراق.
چاودێران پێیانوایه كه تۆمه‌تباركردنی توركیا له‌لایه‌ن ئێرانه‌وه به هه‌واڵدان بۆ بوژانه‌وه‌ی "عوسمانییه‌تی نوێ" له ناوچه‌كه‌دا له چوارچێوه‌ری پاساوهێنانه‌وه‌یه بۆ فراوانكردنی ده‌سه‌ڵاته‌كانی له ناوچه‌ی عه‌ره‌بی كه هاوشێوه‌ی پرۆسه‌ی "ده‌وڵه‌تی سه‌فه‌وی"یه له ئێران و ماوه‌ی چه‌ندین سه‌ده دژایه‌تی ده‌سه‌ڵاتی عوسمانییه‌كانی له ناوچه‌كه‌دا ده‌كرد.
لێدوانه‌كانی پێنجشه‌ممه‌ی رابردووی عه‌لی سه‌عیدی نوێنه‌ی عه‌لی خامه‌نه‌ئی رابه‌ری باڵای شۆڕشی ئیسلامی ئێران ئه‌و بۆچوونه پشتڕاستده‌كه‌نه‌وه كه وتی: "قوڵایی ستراتیژی ئێران له به‌حره‌ین و عیراقه‌وه تا یه‌مه‌ن و لوبنان و كه‌ناره‌كانی ده‌ریای ناوه‌ڕاست درێژ ده‌بێته‌وه".
".
ئاژانسی فارسی سه‌ر به سوپای پاسدارانی ئێران بڵاویكرده‌وه كه پێنجشه‌ممه‌ی رابروو له كۆنگره‌یه‌كدا له شاری قوم، عه‌لی سه‌عیدی نوێنه‌ی عه‌لی خامه‌نه‌ئی رابه‌ری پاڵای شۆڕشی ئیسلامی ئێران وتی: "پێویسته ئێران به‌هه‌موو هێزێكی پارێزگاری له قوڵایی ستراتیژی خۆی له‌و ناوچانه‌دا بكات".
سه‌رچاوه: ئه‌لعه‌ره‌بیه
18/10/2014
هۆڵه‌ندیه‌كان ته‌نها به گورزه ئاسمانیه‌كان بۆ سه‌ر چه‌كدارانی داعش رازی نابن، به‌ڵكو تیمی (باندیتۆس)، كه تیمێكی به‌ناوبانگی ماتۆڕه له هۆڵه‌ندا، بڕیاریانداوه شانبه‌شانی پێشمه‌رگه بجه‌نگن.
داواكاری گشتی هۆڵه‌نداش رایده‌گه‌یه‌نێت كه به‌شداری ئه‌و تیمه له شه‌ڕی دژ به داعش "تاوان نیه".
سه‌باره‌ت به به‌شداری باندیتۆس له شه‌ڕی دژ به داعش، فیم دو براون، وته‌بێژی داواكاری گشتی هۆڵه‌ندا وتویه‌تی: پێشتر په‌یوه‌ندیكردن به هێزێكی چه‌كداری بێگانه تاوان بو، به‌ڵام ئێستا قه‌ده‌غه نیه، ئێستا یاسای هۆڵه‌ندی لێپێچینه‌وه له‌و كه‌سانه ده‌كات كه دژ به هۆڵه‌ندا ده‌جه‌نگن، بۆیه دادگایی ئه‌وانه ناكه‌ین په‌یوه‌ندیان به كورده عێراقیه‌كان (پێشمه‌رگه)وه كردوه دژ به داعش، چونكه به‌پێی یاسا تاوانیان ئه‌نجام نه‌داوه.
هاوكات كلاس ئۆتۆ، سه‌رۆكی تیمی باندیتۆس-ی ماتۆڕسواری بۆ ته‌له‌فزیۆنی حكومه‌تی هۆڵه‌ندا وتویه‌تی: تا ئێستا سێ ئه‌نداممان گه‌شتونه‌ته ده‌وروبه‌ری موسڵ.
یه‌كێك له‌و سێ كه‌سه‌ش له تویته‌ر وێنه‌یه‌كی خۆی و پێشمه‌رگه‌یه‌كی بڵاوكردوه‌ته‌وه‌و نوسیویه‌تی "رۆن له هۆڵه‌نداوه هاتوه په‌یوه‌ندی به كورده‌وه كردوه".
18/10/2014
زۆرێك له‌چاودێرانی ڕه‌وشی عێراق ده‌ترسن له‌وه‌ی سه‌ردانه‌كه‌ی ڕۆژی دووشه‌ممه‌ی داهاتووی(حه‌یده‌رعه‌بادی)بۆتاران، سه‌رله‌نوێ گرژی له‌نێو په‌یوه‌ندی لایه‌نه سیاسیه‌كانی عێراقدا دروست بكاته‌وه. به‌تایبه‌ت ئه‌و هێزانه‌ی كه‌ئومێدی باشیان له‌سه‌رعه‌بادی هه‌ڵچنی بوو.
به‌گوێره‌ی سه‌رچاوه هه‌واڵیه‌كان،سه‌ردانه‌كه‌ی عه‌بادی له‌سه‌ربانگهێشتی فه‌رمی حكومه‌تی كۆماری ئیسلامی ئێرانه. له‌وسه‌ردانه‌یشدا دوو خاڵ تاوتوێ ده‌كرێت:
یه‌كه‌م: به‌رگری كردن له‌به‌غدا له‌به‌رانبه‌ر مه‌ترسییه‌كانی داعش و ئه‌گه‌ری به‌شداری كردنی هێزی ئێرانی له‌و ئه‌ركه‌دا.
دووه‌م: پڕكردنه‌وه‌ی پۆسته ئه‌منییه‌كان. به‌تایبه‌تی وه‌زاره‌تی ناوخۆ.
سه‌رچاوه‌یه‌كی تایبه‌ت به‌سایتی(العربی الجدید)ی ڕاگه‌یاندووه: ئێران به‌ئاسانی ده‌ستبه‌رداری وه‌زاره‌تی ناوخۆ نابێت. به‌ڵكو به‌هه‌موو هێزی خۆیه‌وه هه‌وڵ ده‌دات سه‌رۆكی میلیشیای به‌در(هادی عامری) ئه‌و پۆسته‌ی پێ بدرێت.
سه‌رچاوه‌كه گوتی: عه‌بادی ترسێكی زۆرگه‌وره‌ی هه‌یه له‌كاتێكدا ده‌چێته تاران.ترسه‌كه‌یشی ئه‌وه‌یه متمانه‌ی به‌وبه‌ڵێنانه نییه كه‌ئه‌مریكییه‌كان داویانه بۆپاراستنی به‌غدا له‌هه‌ڕه‌شه‌ی داعش. پێی وایه واشنتۆن به‌ئه‌مه‌ك نابێت به‌رانبه‌ر به‌ڵێنه‌كانی خۆی.
ئه‌وه‌ش واده‌كات، عه‌بادی زیاتر له‌ئێران نزیك ببێته‌وه‌و كارسازی له‌گه‌ڵدا بكات.چونكه ئێران بكه‌ری سه‌ره‌كی ڕووداوه‌كانی عێراقه. له‌گه‌ڵ ئه‌وه‌شدا ده‌یه‌وێت هاوسۆزی هێزه‌سیاسییه‌كانیش بپارێزێت.
له‌لای خۆیشیه‌وه په‌رله‌مانتاری لیستی(هاوپه‌یمانی هێزه عێراقییه‌كان)محه‌مه‌د ئه‌لعوبه‌یدی، نه‌یشارده‌وه كه‌پێده‌چێت سه‌ردانه‌كه ببێته هۆی كێشه‌یه‌كی گه‌وره له‌گه‌ڵ هێزه سونییه‌كاندا.له‌وباره‌یه‌وه گوتی: خه‌ڵكی پارێزگار ڕاپه‌ڕیوه‌كان، ئومێدی باشیان به‌وه‌هه‌بوو عه‌بادی ئه‌و كارانه چاك بكاته‌وه كه‌مالیكی تێكی دابوون. به‌ڵام سه‌ردانه‌كه‌ی عه‌بادی بۆتاران پێمان ده‌لێت، ئه‌میش ئه‌و پرۆژه‌یه ته‌واو ده‌كات كه‌نوری مالیكی ده‌ستی پێكردبوو. ئه‌ویش بریتییه‌له پرۆژه‌ی هاوپه‌یمانێتی له‌گه‌ڵ ئێران..
لایه‌نی كوردیش له‌زاری(مه‌حمود عوسمان)په‌رله‌مانتاری هاوپه‌یمانی كوردستانییه‌وه گوتی: ئێران هاوپه‌یمانی ستراتیژی عێراق وسوریایه‌و پێویسته له‌سه‌ر عه‌بادی كارسازی له‌گه‌ڵدا بكات. هه‌روه‌ها ده‌لێت: ئێران بكه‌ری سه‌ره‌كیه له‌عێراقدا. له‌هه‌موو ئاسته‌كاندا ڕۆڵی هه‌یه. بۆیه پێویستی به‌وه‌نیه به‌شداری بكات له‌وهاوپه‌یمانێتییه نێوده‌وڵه‌تییه‌دا كه‌له‌دژی داعش دروستكراوه.
عوسمان پێی وایه: ئێران له‌وهاوپه‌یمانێتییه نێوده‌وڵه‌تییه توانای زیاتره، وه‌كاراتریشه، له‌دۆسیه‌ی ئه‌منی عێراقدا.
باسنیوز
18/10/2014
باسنیوز)-ئاریا)
بزوتنه‌وه‌ی كۆماریخوازی ڕۆژهه‌ڵاتی كوردستان، په‌خشنامه‌یه‌كی بڵاوكرده‌وه. له‌وپه‌خشنامه‌یه‌دا كه‌وێنه‌یه‌كی دراوه‌ته(باسنیوز)به‌وردی باسی ئه‌وپرۆسه‌یه ده‌كات كه‌ماوه‌یه‌كه له‌میدیاكانه‌وه باسی لێده‌كرێت، كه‌له‌نێوان ده‌وڵه‌تی ئێران و ئۆپۆزسیۆنی كوردی ئه‌و وڵاته‌دا، به‌تایبه‌تی له‌گه‌ڵ حیزبی دیموكراتی كوردستانی ئێران هاتۆته كایه‌وه.
له‌په‌خشنامه‌كه‌دا جگه‌له‌وه‌ی دان به‌وه‌دا نراوه كه‌پرۆسه‌یه‌كی سیاسی له‌وشێوه‌یه له‌نێوان ئێران وحیزبه كوردیه‌كاندا ده‌ستی پێكردووه، باس له‌وه‌ش كراوه كه ئه‌و پرۆسه‌یه له‌ئه‌نجامی هه‌وڵ وته‌قه‌لای بزوتنه‌وه‌ی كۆماریخوازی ڕۆژهه‌ڵاتی كوردستاندا هاتۆته‌كایه‌وه. له‌وباره‌یه‌و په‌خشنامه‌كه ده‌نوسێت:بزووتنەوە ماوەی٣ساڵە ماندوونەناسانە کاری بۆدەکات، وبەخۆشیشەوە لەلایەن حیزبەکانی کوردستانی ودەسەلاتی ئێرانەوە بەپرۆژەیەکی ئیجابی وسەردەمیانە نرخێندراوە.
هه‌روه‌ها داوا له‌هه‌موو لایه‌ك كراوه دیدو سه‌رنج وپێشنیاری خۆیان بۆكامڵ كردنی پرۆسه‌كه بنێرن. به‌گوێره‌ی په‌خشنامه‌كه، هه‌وڵه‌كان بۆئه‌وه‌ن ده‌رفه‌ته‌كان له‌ده‌ستی كورد ده‌رنه‌چن. هاوكات پێداگریش له‌وه كراوه‌كه: بزووتنەوە لەسەر ئەۆ بروایەیە، کە بەسوودوەرگرتن لە مکانیزمەکانی دیالۆگ و گۆفتمانی ئاشتەوانی، ئیمکانی بەخێراییکردن و سەرئەنجام چەسپاندنی پرۆسێسی ئاشتی و ئاسایشی بەردەوام.
ئه‌مه‌ش ده‌قی په‌خشنامه‌كه‌یه، كه‌وێنه‌یه‌كی بۆ(باسنیوز) نێردراوه:
هاونیشتیمانە بەرێزەکان
خەلکی بەشەرەفی کوردستان
حیزب و لایەن و کەسایەتیە سیاسی، کۆمەلایەتی و ئاینیەکان
هەروەک ئاگادارن لەم چەند رۆژ و حەوتوەکانی رابردوودا، بەشێک لەمێدیای کوردی وفارسی سەرقالی روومالینی هەوال و وردەکاریەکانی پەیوەندیدار بەدانیشتنەکانی نێوان هەیئەتی ئێرانی ولایەنەکانی رۆژهەلاتی کوردستان بوون، هەروەکی بینرا وبیسترا لەونێوەشدا زوومی هێندێک لەمیدیا و کانالەکانی تلویزیونی کوردی و فارسی لەسەر دانیشتنی حیزبی دیمۆکرات و لیژنەیەک لە ئەنجومەنی ئاسایشی نەتەوەیی ئێران، ئینفۆکە کرابوو.
لەم پەیوەندیەدا بزووتنەوەی کۆماریخوازی رۆژهەلاتی کوردستان، روو لەبیرورای گشتی خەلکی کوردستان رادەگەێنێت، کەدانیشتنی هەیئەتی ئێرانی دەگەل حیزبی دیمۆکرات، لەدرێژەی دانیشتنەکانی تاران و رێکخەری گشتی بزووتنەوەی کۆماریخوازانی رۆژهەلاتی کوردستان دوکتور مستەفا شەمامی، وە لەسەر پێشنیار و داوای ناوبراو و بزووتنەوەدا بووە، کەپێشنیار کرابوو:'پێویستە بۆهەلسەنگاندنی هەلویستی حیزبەکان وزانیاری سەبارەت بە داواکانی لایەنەکانی کوردیدا، بەهۆی پەرش و بلاویی حیزبەکان ونەبوونی ئیجماعیکی کوردی، دووقۆلی و چەند قۆلی دانیشتنیان دەگەلدا ئەنجام بدرێت'.
بەواتایەکی دیکە پێش دانیشتنی ئێران دەگەل حیزبی دیمۆکرات، هەیئەتی ئێرانی سێ جار دانیشتنی دەگەل رێکخەری گشتی بزووتنەوە سەبارەت بە چۆنیەتی دۆزینەوەی مکانیزمەکانی گوونجاو بۆحەللی ئاشتیانەی پرسی کورد لەرۆژهەلاتی کوردستان پێکهێنابوو، ئاشکرایە رەۆتی دیدارو دانیشتنەکانیش لەپێناو دۆزینەوەی رێگاحەلل و رەخساندنی زەمینەی پێویست بۆ دیالۆگ و گۆفتمانی ئاشتی نێوان تاران و ئۆپوزسیۆنی کوردی، جەهتدارکراوون، دیارە ئەورەوتە ئێستاشی دەگەلدا بێت هەربەردەوامە. لەم پەیوەندیەدا، دەگەل هەلگرتنی ووردەکاری و شێوازی دانیشتنەکان بۆکاتی گوونجاۆ، پیویستە ئاماژە بە ئەوەش بکرێت کەهەیئەتی ئیرانی دەگەل زۆرلایەن وکەسایەتی دیکەش لەپێناۆ هەلسەنگاندنی هەلویست وکۆکردنەوەی زانیاری لەسەرگەلالەی متالیباتیان، دانیشتنی ئەنجامداوە.
بەرێزان
لێرەدا بزووتنەوەی کۆماریخوازان بە پێویستی دەزانێ، روو لە لایەنەکانی حیزبی، رەۆشنبیران، کەسایەتیە سیاسی، کۆمەلایەتی و ئاینیەکان، و گشت ئەو کەس و کەسایەتیانەی کە دلیان بۆ ئاشتی و ئازادی کورد لێدەدات، دەکات و رادەگەێنێت: کە بارودۆخی هەنووکەیی زۆر هەستیارە و ئەم دۆخەش پێویستی بە هوشیاری لەرادەبەدەر بۆ قۆستنەوەی دەرفەتەکان هەیە، بۆیە لەم پەیوەندیەدا بزووتنەوە داوای لە گشت لایەک ئەوەیە، کە بە مەبەستی مشارەکەت و دەخیل کردنی لایەنەکان و خەلکی کوردستان، لەپرۆسێسی مشاوەرەو بریاروەرگرتنی سیاسی لەئاست هەرپرسێک کەپەیوەندی بە چارەنووسی خۆیان وخەلکەوە هەیە، بێ‌تەفاوەت و پاسیڤ دانەنیشن وبۆ قۆستنەوەی دەرفەتەکان لەپێناۆ دەستخستنی مافی رەوای کوردان، بەدوور لەشەرم وتەعاروفات و خۆدزینەوە، قۆلی هیمەت هەلمالن وچالاکانە هەلس‌وکەوت بکەن، و هەلویست وەربگرن ونەهێلن لەژێرکارتێکەری بەرۆژکرنەوەی گووتار وکردەوەی گرژو رادیکالی وەک'تۆلەی رابردوو'دیسان ئەسلی تەفەوقی گووتاروکرداری رادیکالی وتەقابوولگەرایانە، بەسەر ئەسلی گووتارو کرداری ئاشتیخوازانە و تەعاموولگەرایانەدا حکوم بکاتەوە و لەئەنجامدا دەرفەتەکان دیسان لەکیسی کورد دەربچنەوە.بزووتنەوە پێوایە پێویستەوە دەبێ گشت لایەک بەرپرسانە خاوەنداریەتی لە کەیسی کورد بکات، تاکوو بتواندرێت بە رەخساندنی زەمینەی گوونجاو بۆ مشارکەتی گشت لایەنی، کۆنسێپتگەلی دیالۆگ و دانوستاندنی ئاشتەوایی لە کولتوری کوردی رۆژهەلاتدا، دووبارە جێگیر و زەق و بەرجەستە بکرێنەوە.
بزووتنەوە لەسەر ئەو بروایەیە، کە بەسوودوەرگرتن لە مکانیزمەکانی دیالۆگ و گۆفتمانی ئاشتەوانی، ئیمکانی بەخێراییکردن وسەرئەنجام چەسپاندنی پرۆسێسی ئاشتی و ئاسایشی بەردەوام، وەک مەرجی هەرە پێویست وبگرە وەک گارانتی هەرە کارا و درێژخایەن بۆ دابینبوونی مافی رەوای کوردان، بە بێ کۆسپ و گرفت مسەۆگەر و عەمەلی دەکرێتەوە.
بۆیە بزووتنەوەی کۆماریخوازی رۆژهەلاتی کوردستان لەم راستایەدا، داوا لە هەموو خەلکی کوردستان و حیزب و لایەن و کەسایەتیەکان دەکات، کە بۆ سەرخستنی پرۆژەی ئاشتەوانی، (کە بزووتنەوە ماوەی ٣ سالە ماندوونەناسانە کاری بۆدەکات، و بەخۆشیشەوە لەلایەن حیزبەکانی کوردستانی و دەسەلاتی ئێرانەوە بە پرۆژەیەکی ئیجابی و سەردەمیانە نرخێندراوە)، هەولبدەن سەخاوەتمەندانە هاۆکاری فیکری، مەشوەرەتی و گشت رەهەندی خۆیان روو لە بزووتنەوە ئاراستە بکەن، دیارە لەم پەیوەندیەدا جێگای سپاس وپێزانین دەبێت ئەگەر دلسۆزانی پرسی کورد، زەحمەت بکێشن وتێبینی ورەخنە و پێشنیارەکانیان، بۆهەرچی دەۆلەمەندکردن و کاراترکردنی چالاکیەکان لەپێناو سەرخستنی پرۆژەی ئاشتەوایی بزووتنەوە، بۆ ئەم ئادرەس ئیمێلانە رەوانە بفەرموون.
This e-mail address is being protected from spambots. You need JavaScript enabled to view it.
This e-mail address is being protected from spambots. You need JavaScript enabled to view it.
دەگەل رێزمان
شۆرای هەماهەنگی/ بزووتنەوەی کۆماریخوازی رۆژهەلاتی کوردستان
16/10/2014
http://basnews.com/so/News/Details/mod/38185
18/10/2014
پارتی دیموکراتی گەلان HDP ، رایدەگەیێنێت، کە هەفتەی داهاتوو لەگەڵ عەبدوڵڵا ئۆجەلان رێبەری زیندانیکراوی پارتی کرێکارانی کوردستان PKK کۆدەبنەوە و بۆ پرۆسەی ئاشتی کۆبوونەوەکە یەکلاییکەرەوە دەبێت و ئۆجەلان دوا هەڵوێستی خۆی لەبارەی پرۆسەکە ئاشکرادەکات.
فیگەن یوکسەکداغ هاوسەرۆکی هەدەپە رایدەگەیێنێت کە ئاڵۆزییەکانی ئەو دواییەی شارەکانی باکووری کوردستان و تورکیا و هەڕەشەکانی رێکخراوی دەوڵەتی ئیسلامی (ناسراو بە داعش) بۆسەر کۆبانێ، مەترسی گەورەن بۆ سەر پرۆسەکە و هەڕەشەشە بۆ بەردەوامی پرۆسەی ئاشتی.
پێشتر بەرپرسانی پارتە کوردییەکان و ئۆجەلانیش هۆشدارییاندابوو کە ئەگەر کۆبانێ بکەوێت پرۆسەی ئاشتیش کۆتایی پێدێت، بەڵام حکومەتی تورکیا دەڵێت ناچێتە شەڕی نێوان یەپەگە و داعش لە کۆبانێ تاوەکو ئەسەد لە دەسەڵات نەڕوات و بەشداریشی لە هاوپەیمانی دژی داعش دەبەستێتەوە بە رۆیشتنی ئەسەد لە دەسەڵات.
فیگەن یوکسەکداغ هەروەها دەڵێت "شاندێکی هەدەپە دێنە باشووری کوردستان و سەردانی قەندیل دەکەن و لەگەڵ بەرپرسانی کۆما جڤاکێن کوردستان KCK کۆدەبنەوە ، دوای چەند رۆژێک دەچنە لای ئۆجەلان و ئۆجەلانیش دوا هەڵوێستی خۆی رادەگەیێنێت".
بە گوتەی یوکسەکداغ کۆبوونەوەیان لەگەڵ ئۆجەلان "زۆر گرینگ" دەبێت ،چونکە دەریدەخات پرۆسەی ئاشتی بەردەوام دەبێت یان نا.
نزیکەی دوو ساڵە پرۆسەی ئاشتی لە تورکیا بەردەوامە و تائێستا چەندین جار بەرپرسانی هەدەپە و بەدەپە پێشتر لەگەڵ ئۆجەلان کۆبوونەتەوە، بەڵام ئاڵۆزییەکانی ئەو دواییەی تورکیا و خۆپیشاندانەکان و کوژرانی زیاتر لە 30 کەس پرۆسەی خستە لێواری کۆتاییهاتن، هەفتەی داهاتووش بەردەوامی یان کۆتاییهاتنی پرۆسەکە دەردەکەوێت.
تورکیا لەسەر رەوشی کۆبانێ بە بڕوای چاودێران تاڕادەیەک بێهەڵوێستە، چونکە ئێستا رێگە نادات هیچ هاوکارییەکی مرۆیی بگاتە نێو کۆبانێ، ئەمەش لەکاتێکدایە کە 150 نووسەر و چالاکڤانی تورک داوایان لە حکومەتی تورکیا کرد دەروازەیەک بۆ تێپەڕبوونی هاوکارییەکان بکاتەوە.
rudaw
18/10/2014
وەزارەتی دەرەوەی ئەمریكا بۆ یەكەمجار ئاشكرایدەكات لەگەڵ بەرپرسانی پارتی یەكێتی دیموكراتی PYD كۆبوونەتەوە.
دوای ئەوەی تۆڕی میدیایی رووداو بڵاویكردەوە كە رۆژی پێنجشەممە 2014/10/16 شاندێكی ئەمریكی بەسەرۆكایەتی تۆنی بلینكن، جێگری راوێژكاری ئاسایشی نەتەوەیی ئەمریكا ، دوای كۆبوونەوەیان لەگەڵ سەرۆكی هەرێمی كوردستان لە دهۆك، لەگەڵ ساڵح موسلیم، هاوسەرۆكی PYD كۆبوونەتەوە، وەزارەتی دەرەوەی ئەمریكا ئەو زانیارییانەی پشتڕاستكردەوە و رایگەیاند "بۆ یەكەمجار راستەوخۆ شاندێكی ئەمریكا لەگەڵ نوێنەرانی پارتی یەكێتی دیموكراتی PYD كۆبوونەتەوە".
جین ساكی، گوتەبێژی وەزارەتی دەرەوە ئەمریكا بێ ئەوەی كە ئاماژە بە كات و شوێنی كۆبوونەوەكە بكات، رایگەیاند "پێشتر ئێمە ناڕاستەوخۆ لەگەڵ PYD كۆدەبووینەوە، بەڵام لە هەفتەی رابردوودا راستەوخۆ دیدار و كۆبوونەوەمان لەگەڵ PYD ئەنجامداوە".
ئەو كۆبوونەوەیەی ناڕاستەوخۆیەی جین ساكی باسیدەكات ، هەروەك پێشتر تۆڕی میدیایی رووداو ئاشكرایكردبوو ، لەنێوان چەند كەسێكی نزیكی PYD و چەند كارمەندێكی باڵێۆزخانەی ئەمریكا لە ئەنقەرە بەڕێوەچووبوو ، هەروەها PYD هەفتەی رابردوو ، چەند كەسێكی نزیكی خۆی ناردە واشنتن . بەڵام وەڵامی ئەمریكا ، ئەوكات ئەوەبووە كە دەبێ هاوئاهەنگی لەگەڵ پارتەكانی دیكەی رۆژئاوای كوردستان بكەن . هەروەها هەر لەو چوارچێوەیەشدا ، هەفتەی رابردوو باڵیۆزی ئەمریكا لە ئەنقەرە لەگەڵ (ئەنجوومەنی نیشتمانیی كورد لە سووریا) كۆبووەوە.
تۆڕی میدیایی رووداو بڵاویكردبووەوە كە تۆنی بلینكین، جێگری راوێژكاری ئاسایشی نەتەوەیی ئەمریكا، برێت مەكگۆرك، یاریدەدەری وەزیری دەرەوەی ئەمریكا بۆ كاروباری عێراق و ستیوارت جۆنز، باڵیۆزی نوێی ئەمریكا لە عێراق دوای كۆبوونەوەیان لەگەڵ سەرۆكی هەرێمی كوردستان، هەر لە دهۆك لەگەڵ ساڵح موسلیم كۆبوونەوەیەكی داخراویان ئەنجامداوە و كۆبوونەوەكە بە نێوانگیری مەسعود بازرانی بووە.
جین ساكی لە كۆنگرە رۆژنامەڤانییە هاوبەشەكەیدا لەگەڵ جۆن كێربی، گوتەبێژی وەزارەتی بەرگری ئەمریكا ئامادەنەبوو شوێنی كۆبوونەوە راستەوخۆكەی شاندی ئەمریكا لەگەڵ نوێنەرانی PYD ئاشكرا بكات و تەنیا رایگەیاند "كۆبوونەوە ناڕاستەوخۆكان لە دەرەوەی هەرێمی كوردستان بوون".
ئەو دیدار و كۆبوونەوانە هاوكاتە لەگەڵ چڕكردنەوەی هێرشە ئاسمانییەكانی ئەمریكا و هاوپەیمانان بۆسەر بارەگاكانی چەكدارانی داعش لە كۆبانێ. بەپێی راگەیێندراوی فەرماندەیی ناوەندی هێزەكانی ئەمریكا تەنیا لەماوەی 48 كاژێری رابردوودا نزیكەی چل هێرشی ئاسمانی لە دەوروبەری كۆبانێ ئەنجامدراوە.
جۆن كێربی بە هۆشداریدان لە ئەگەری كەوتنی كۆبانێ، ئەو شەڕەی بۆ ئەمریكا بە شەڕێكی دژوار ناوبرد و لە ئەگەری كەوتنی كۆبانێ هۆشداریدا. كێربی رایگەیاند،" چڕكردنەوەی هێرشە ئاسمانییەكانی ئەمریكا بۆ سەر بارەگاكانی داعش لە كۆبانێ هاوكاتە لەگەڵ كۆبوونەوەی لایەنە ناكۆكەكانی رۆژئاوای كوردستان كە بە دەستپێشخەری مەسعود بازرانی لە شاری دهۆك كۆبوونەتەوە بۆ ئەوەی بتوانن لەسەر چۆنێتی بەڕێوەبردنی رۆژئاوای كوردستان و پێكهێنانی هێزێكی سەربازی هاوبەش رێكبكەون".
17/10/2014
لە ژمارەی رۆژی پێنچشەممە 16/10/2014ی رۆژنامەی (بیڵد)ی ئەڵمانیدا هەڤپەیڤینێك لەگەل مەسعوود بارزانی، سەرۆكی هەرێمی كوردستان بڵاوكراوەتەوە و لە بارەی كۆبانێ، بارزانی دەڵێت:" هاوشێوەی هەولێر، داوای پشتگیریم لە كۆمەلگەی نێودەوڵەتی كرد بۆ كۆبانێ ، ئێستاكە رۆژانە هێرشی ئاسمانی ئەنجامدەدرێن". لەبارەی شەڕڤانانی كورد لە كۆبانێ ، بارزانی گوتی :"ئەوانەی بەرگری لە كۆبانێ دەكەن، پێویستییان بە هاوكاری زیاترە. دەبێ كۆمەڵگەی نێودەوڵەتی پشتگیرییەكانی زیاتر بكەن بۆ ئەوەی لە داهاتوودا داعش نەتوانێت هەموو كۆبانێ كۆنترۆڵبكات".
رۆلی توركیا لەشەڕی دژی داعش و هێرشكردنی بۆ سەر ئەو رێكخراوە لە كۆبانێ، پرسیارێكی دیكەی پاول رۆنتسهایمەری رۆژنامەنووسی ئەڵمان بوو لە بارزانی، سەرۆكی هەرێمی كوردستان لە وەڵامیدا دەڵێت:"توركیا وڵاتێكی گرنگە و لەگەڵ ئەمریكا دەتوانێ زیاتر بكات بۆ ئەوەی كۆبانێ رزگار بكرێت. بە بڕوای من، داعش تەنیا هەڕەشەیەك نییە بۆ میلەتی كورد، داعش هەرەشەیە بۆ ئاسایشی ناوچەكە و جیهان. دەبێ هاوئاهەنگی زیاتر بكرێت بۆ وشككردنی سەرچاوەكانی داراییان و ،رێگری لە جیهادییەكانی بێگانەش بكرێت كە بێنە سوریا و عێراق. شەڕی دژی داعش دەبێ لەگەڵ بەرژەوەندییەكانی جیۆسیاسی تێكەڵ نەكرێن". ئایا ترسی ئەوە هەیە شەڕێكی ناوخۆیی لەنێوان كورد و توركان رووبدات ، بارزانی گوتی:"كورد ئەوەیان پێشانداوە، كە دەیانەوێت ئاشتییانە لە گەلیان بژین. بەهای هاوبەشمان هەن و دەبێ پێكەوە لەبەرامبەر هەڕەشەكانی داعش بوەستین. ئەم گرووپە تێرۆرستییە تەنیا دووژمنی كورد نییە ، بەڵكۆ دۆژمنی هەموو ناوچەكەیە. ئەكتەرە گرنگەكانی ناوچەكە دەبێ كاری زیاتر لە دژی ئەم هەڕەشەیە ئەنجامبدەن".
باسیكی رۆژنامەی بیڵد لەگەل بارزانی لەو هەڤپەیڤینەدا، پێویستی هێرشی زەوینییە لەلایەن سەربازانی رۆژئاوا بۆ ئەوەی شەڕی دژی داعش سەربكەوێت، بارزانی دەڵێت:"بە بڕوای من كوردستان پێویستی بە سەربازی زیاتر نییە. ئێمە دەتوانین بە پێشمەرگەكانی خۆمان ئەم شەڕە بكەین، ئەگەر چەك و مەشقی پێویستیان هەبێت. ئەمە لە سووریا ئەستەمە. لەوێ دەبێ ستراتیژیەتێكی باشتری هێزەكانی ناوچەكە و لێكتێگەیشتنی بەرامبەر یەكدی هەبێت بۆ ئەوەی بكرێت داعش لە سووریا لەنێوببرێت. ئەوەی پێویستیمان پێ هەیە، زیاتر چەكی پێشكەوتووە، پێویستیمان بە تانك، تۆپخانە، ئۆتۆمبێلی گوللەنەبڕ و رۆكێتی دژە تانكە. ئەو هاوپەیمانیەی لە دژی داعش دەجەنگێت، دەبێ ئێستا هاوكاریمان بكات".
وڵاتانی رۆژئاوا دەتوانن چۆن هاوكاری بكەن، ئەوەی پرسیاری كۆتایی ئەو رۆژنامە ئەڵمانیەیە لە بارزانی ، ئەویش لە وەڵامدا دەڵێت :"ئێمە سوپاسی ئەو هاوكاریە دەكەین كە ئەڵمانیا كردی. ئێمە بە هیواین، ئەڵمانیا لەسەر ئەم رێچكەیە بەردەوام بێت ، مەشق بە پێشمەرگە لەسەر چەك بكات و بە چەكی مۆدێرن چەكداریان بكات. بە خێرایی پێویستیمان بەو چەكانەیە بۆ ئەوەی داعش لاواز بكەین و بە سەریدا زاڵ بین. دەبێ خەڵك لە وەحشییەتی داعش رزگاربكرێت، كە پلانی قیزەوەنی زیاتریان هەیە و دەیانەوێت زیاتر خوێن بڕێژرێت".
رووداو ــ دوسلدۆرف
17/10/2014
قاسم سولەیمانی، فەرماندەی سوپای قودسی ئێران رایدەگەیێنێت،" بەغدا ناکەوێت وەک ئەمریکا پڕوپاگەندەی بۆ دەکات و، خۆم پارێزگاری لێبکەم ناهێڵم بکەوێت".
ئەو لێدوانەی سولەیمانی دوای لێدوانێكی چەند رۆژ لەمەوبەری ژەنەڕال مارتن دیمبیسی، سوپاسالاری ئەمریکا دێت، کە گوتی "زۆری نەمابوو فڕۆکەخانەی بەغدا بکەوێتە دەست داعش، ئەگەر بە فڕۆکە ئاپاتچییەکان لەداعشمان نەدابا".
میدیاکانی ئێران چەند وێنەیەکی قاسم سولەیمانییان بڵاوکردوونەتەوە، كە لە وێنەكاندا سولەیمانی لەگەڵ هێزەکانی پێشمەرگە لە سنووری پارێزگای کەرکووک و میلیشیای عەسائیبی ئەهلی حەق لە یەنگیجە، کە دەکەوێتە نزیک خورماتوو و تکریت دەردەكەوێت.
هەر لەوبارەیەوە رۆژنامەی گاردیانی بەریتانی لە راپۆرتێکدا ئاماژە بۆ ئەوە دەكات،" ئێران رۆڵێکی گرنگ دەگێڕێت لە عێراقدا"، بە ئاماژەکردن بۆ رۆڵی قاسم سولەیمانی لە پارێزگاریکردن لە بەغدا و شارەکانی دیکەی عێراق تاوەکو نەکەونە دەست داعش.
گاردیان نووسیوویەتی،" لە عێراقدا بە چاوی رێزەوە سەیری ئێران دەکرێت بەهۆی ئەو رۆڵەی گێڕای لە پشتیوانی سوپای عێراق و میلیشیا عێراقییەکان لە پارێزگاریکردن لە بەغدا و پارێزگاکانی دیکەی عێراق".
رۆژنامەکە باس لەوە دەکات بارودۆخی عێراق ئەمریکا و ئێرانی تاوەکو رادەی هاوپایمانی لێک نزیک کردووەتەوە، سەرەڕای ناکۆکی نێوانیان، بەڵام جەختی لە ناکۆکی ئەو دوو وڵاتە کردووەتەوە سەبارەت بە سووریا.
17/10/2014
سەرۆكی حكومەتی هەرێمی كوردستان هیوادەخوازێت وڵاتی ئیسپانیا رۆڵی خۆی لە جەنگی دژی تیرۆردا بگێڕێت، باڵیۆزی ئیسپانیاش لە عێراق رایدەگەیێنێت، پەرە بە پەیوەندییە بازرگانی و سیاسییەكانیان لەگەڵ هەرێمی كوردستان دەدەن.
ئێوارەی رۆژی پێنجشەممە 16ی ئۆكتۆبەری 2014، نێچیرڤان بارزانی، سەرۆكی حكومەتی هەرێمی كوردستان پێشوازی لە خۆسێ مارییا فێررێ، باڵیۆزی ئیسپانیا لە عێراق كرد كە جاری یەكەمە سەردانی هەرێمی كوردستان دەكات.
بەپێی راگەیێندراوی كۆبوونەوەكە، باڵیۆزی ئیسپانیا ئاماژەی بۆ ئەوە كردووە، وێڕای خراپیی رەوشی ئەمنی و نائارامی لە زۆر شوێنی عیراق، كەچی ئەم چەند رۆژانەی دوایی كە لە هەولێر بووە، بارودۆخێكی تەواو جیاواز و ئارامی و ئاسایش و سەقامگیری بینیوە، بۆ ئەمەش دەستخۆشی لە حكومەتی هەرێمی كوردستان كردووە.
له دیدارەكەدا باسی دروستبوونی هاوپەیمانیی نێودەوڵەتی لە دژی تیرۆر و رۆڵی ئیسپانیا لەو هاوپەیمانییەدا كراوە، تیشكیش خراوەتە سەر گرنگیی بەرەنگاربوونەوەی داعش لە لایەن پێشمەرگە‌وە. خۆسێ مارییا فێررێ، باڵیۆزی ئیسپانیا لە عێراق روونیكردووەتەوە، پەرلەمانی وڵاتەكەی دانیشتنێكی تایبەت لەسەر ئەم پرسە سازدەكات و پشتگریی ئیسپانیای بۆ هەرێمی كوردستان و عێراق لە جەنگی دژی تیرۆردا دووپاتكردووەتەوە.
لە بەرامبەردا نێچیرڤان بارزانی ئاماژەی بەوه داوە كە هەرێمی كوردستان بە گرنگییەوە لە پەیوەندییەكانی لەگەل ئیسپانیا دەڕوانێت و هیوای خواستووە ئیسپانیا رۆڵی خۆی لە جەنگی دژی تیرۆردا بگێڕێت، لە پرسی ئاوارە و پەنابەرانیشدا هاوكاریی هەرێمی كوردستان بكات.
باڵیۆزی ئیسپانیش جەختی لەوە كردووەتە‌وە كە پەرە بە پەیوەندییە بازرگانی و سیاسییەكانیان لەگەڵ هەرێمی كوردستان دەدەن و كۆمپانیا و سەرمایەدارانی ئیسپانیا هاندەدەن بۆ ئەوەی ڕوو بكەنە هەرێمی كوردستان و كاری تیێدابكەن.
17/10/2014
حكومەتی توركیا پرۆژەیاسایەكی داوەتە پەرلەمان، كە تێیدا دەسەڵاتی زیاتر دەداتە هێزە ئەمنییەكان بۆ سەركوتكردنی خۆپیشاندەران، ئەمەش دوای خۆپیشاندانی كوردانی باكووری كوردستان دژی بێ هەڵوێستی توركیا لەبەرامبەر هێرشی چەكدارانی داعش بۆ سەر كۆبانێ.
بولەنت ئارنچ، جێگری سەرۆك وەزیرانی توركیا، پاساو بۆ ئەم پرۆژەیاسایە دەهێنێتەوە و دەڵێت، "ئامانجی ئەم پڕۆژەیاسایە، بۆ ئەوەیە پۆلیس زیاتر دەستكراوەبێت لە بەرەنگاربوونەوەی ئەو خۆپیشاندەرانەی لەكاتی خۆپیشانداندا تووندوتیژی ئەنجامدەدەن".
میدیاكانی توركیا لە بارەی پڕۆژەیاساكە نووسیویانە، "ئەم پڕۆژه‌یاسایە دەسەڵاتی زیاتر دەداتە هێزە ئەمنییەكان بۆ گەڕان و پشكنین، دەستبەسەرداگرتن و گوێگرتن لە پەیوەندی تەلەفۆنی". كە ئەمەش ئامانج لێی دانانی ئاستێكە بۆ خۆپیشاندان و ناڕەزایەتییەكان.
هەفتەی ربردوو هەزاران كورد لە باكووری كوردستان بۆ دەربڕینی ناڕەزایی بەرامبەر هەڵوێستی توركیا لەبەرامبەر هێرشی چەكدارانی داعش بۆ سەر كۆبانێ و گەمارۆدانی ئەو شارە و ئاوارەبوونی هەزاران كوردی رۆژئاوای كوردستان، رژانە سەر شەقامەكانی شارەكانی باكووری كوردستان و تووندوتیژی و سووتاندنی بانك و ئۆتۆمبێلی لێكەوتەوە و 37 كەس لەو خۆپیشاندانانە گیانیان لە دەستداوە، كە حكومەتی توركیا كوژرانی 31 كەسی بە فەرمی ئاشكراكردووە.
16/10/2014
بەشار ئەسەدی سەرۆکی سووریا نامەیەک بۆ حەیدەر عەبادی، سەرۆکوەزیرانی عێراق دەنێرێت.
نووسینگەی راگەیاندنی حەیدەر عەبادی، سەرۆکوەیزرانی عێراق بڵاویکردەوە، رۆژی چوارشەممە لە میانەی پێشوازیکردنی لە سەتام جەدعان دەندەح، باڵیۆزی سووریا لە بەغدا نامەیەکی پیرۆزبایی ئەسەدی گەیاندووە، کە تێیدا ئەسەد پیرۆزبایی پێکھێنانی حکومەتی عێراق لە عەبادی دەکات بەبێ ئەوەی ئاماژە بە ھیچ بابەتێکی دیکە بکات. لە کۆبوونەوەکەدا تاوتوێی بارودۆخی سیاسی و ئەمنی ناوچەکە و تووندوڵکردنی پەیوەندی نێوان ھەر دوو وڵات کراوە.
لای خۆیەوە عەبادی باسی لە مەترسی بارودۆخی ناوچەکە کردووە و ئاماژەی بەوە داوە كە لە سەرەتای رووداوەکانەوە کۆمەڵگەی نێودەوڵەتی درکی بە ترسی ئەو رێکخراوە تیرۆريستانە نەکردووە، سەرۆکوەزیرانی عێراق دەڵێت:" چەندین جار ھۆشداری ترسناکی بارودۆخەکەمان داوە بە تایبەتی ھاتنی پشتگریکردنی تیرۆر لە سووریا، ئەمەش وایکرد رێکخراوی تیرۆریستی داعش دەست بە سەرناوچەیەکی زۆردا بگرێت، ئێستا عێراق باجی ئەو کارانە دەدات".
پێشتر ئاژانسی سانای سەر بە حکومەتی سووریا بڵاویکردەوە، رۆژی 16ی ئەیلوولی 2014، بەشار ئەسەدی سەرۆکی سووریا پێشوازی لە فالح فەیاز، نوێنەری تایبەتی حەیدەر عەبادی و راوێژکاری ئاسایشی نیشتمانیی عێراق کردووە.
ئەسەد رایگەیاندبوو:" خۆشحاڵە بەو ھاوکارییەی ئێستا لە نێوان بەرپرسانی عێراق و حکومەتەکەی ئەودا ھەیە بۆ ھەماھەنگیکردن و لێدانی تیرۆر". لە بەرامبەریشدا فەیاز بە ئەسەدی گوتبوو، دەبێت ھەموو کۆسپەکانی بەردەم پەیوەندی نێوان عێراق و سووریا لاببرێن بۆ ئەوەی بتوانن ناوچەیەکی سەقامگیر بنیاتبنێن.
16/10/2014
فەتحوڵڵا گیولەن بێدەنگی شکاند لەسەر خۆپێشاندانەکانی کۆبانێ، کە لە ماوەی پێشوودا لە شار و شارۆچکەکانی باکووری کوردستان و تورکیا بەڕێوەچوون.
گیولەن کە بانگخوازێکی ئیسلامی تورکیایە و ئێستا لە ئەمریکا دەژی، لە گوتارێکدا سەرنجی خۆی لەسەر ئەو رووداوانە خستەڕوو كە لە خۆپێشاندانەکان روویاندان و لە ئەنجامدا زیانی گیانی و ماڵییان لێکەوتەوە.
گیولەن باسی لەوەش کرد کە کاردانەوەی کورد لە تورکیا لە ئەنجامی سەرکوتکردنیان بووە لە لایەن دەسەڵاتی ئەو وڵاتەوە، ئامۆژگاری لایەنگرانی خۆیشی کرد کە دەست لە خزمەتکردنی باکووری کوردستان هەڵنەگرن تەنانەت ئەگەر رووبەڕووی هەڕەشەی کوشتنیش ببنەوە.
گیولەن دانی بەوەشنا کە تورکیا لە سەرەتاوە تێگەیشتنێکی راستی نەبووە بۆ کێشەی کورد و ئەوە بووەتە هۆی ئەوەی کێشەکە هەتا پێدەچێت گەورەترببێت.
لە کۆتایی گوتارەکەیدا گیولەن بەبێ ناوهێنان رەخنەی لە رەجەب تەییب ئەردۆغان، سەرۆككۆماری توركیا گرت، لەسەر ئەوەی ئەردۆغان بە مەبەستی ناوزڕاندن بزووتنەوەکەی بە حەشاشی و قەرامیتە ناوبردووە، بەڵام ناتوانێت ئەو دەستەواژانە بۆ گرووپی داعش بەکاربهێنێت.
فەتحوڵڵا گیولەن رابەری رۆحی بزووتنەوەی خزمەت یان جەماعەتە. ئەم بزووتنەوەیە بە رەوتێکی ئاینی میانڕەو ناسراوە کە خاوەنی سەدان خوێندنگە و زانکۆ و نەخۆشخانە و دامەزراوەی خێرخوازی و بازرگانییە لە سەرتاسەری جیهاندا.
17/10/2014
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
