به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
رووسیا بەشێکی سوپای وڵاتەکەی دەخاتە حاڵەتی ئامادەباشی و مانۆڕێکی گەورەشی لە باکووری خۆرئاوای وڵاتەکەی دەستپێکردووە.
مانۆڕەکە ڕۆژی دووشەممەی ڕابردوو بڕیاری ئەنجامدانی لە لایەن ڤێلادێمیر پوتینەوە بۆ دەرکرا بوو، ئەمەش لەکاتێکدایە کە مانۆڕی ناتۆ لە دەریای بالتیک بۆ دڵنیاکردنی هاوپەیمانانی لە ئەوروپای خۆرهەڵات دەستی پێ کردووە، ئەو هەنگاوەش بووتە هۆی نیگەرانی رووسیا.
وەزارەتی بەرگری رووسیاش رایگەیاندووە ٥٠ فڕۆکە لە مانۆڕەکەی باکووری رووسیا بەشداریان پێکراوە. ئامانجیش هەڵسەنگاندنی ئاستی توانا سەربازییەکانی هێزە دەریایەکانی ئەو وڵاتەیە لەو ناوچە سنووریانە.
19/3/2015
لە دوو رۆژی رابردوودا، نامەیەکی پێچراو دەگاتە کۆشکی سپی، دوای ئەوەی پشکنینی بۆ دەکرێت، دەردەچێت کە ئەم نامەیە بە ماددەی ژەهراوی سیناید داپۆشراوە.
بەشی خزمەتگوزاری نهێنی، کە بەرپرسی پاراستنی باراک ئۆباما، سەرۆکی ویلایە یەکگرتووەکانی ئەمەریکایە، بە میدیاکانی گوتووە، "نامەکە لە رۆژی دووشەممە گەیشتووەتە کۆشکی سپی، دوای پشکنین دەرکەوتووە کە بەماددەی سیناید-ی ژەهراوی داپۆشراوە".
ئەو نامە بە ژەهر داپۆشراوە، لە لایەن تاقیگە بیۆلۆجییەکانەوە پشکنینی بۆ کراوەو دەرکەوتووە کە ژەهراوی کراوە، ئەمەش یەکەمین حاڵەتی لەم شێوەیە کە لە کۆشکی سپی تۆماربکرێت و بەهۆیەوە، لە رێگەی نامەیەکی داپۆشراو لە نێو کیسێکی پلاستیکی، ژەهر بۆ سەرۆکی ویلایەتە یەکگرتووەکانی ئەمەریکا بنێردرێت. سەرچاوە ئەمنییەکانی کۆشکی سپی دەڵێن، نامەکە شوێندەستی هیچ کەسێکی تێدا دەرنەکەوتووە.
ئەمە یەكەم حاڵەتی لەمشێوەیە نییە، پێشتریش پیاوێكی خەڵكی ویلایەتی میسیسیپی، كە دانی بەوەدانا نامەی ژەهراوی بۆ باراك ئۆبامای سەرۆكی ئەمریكا و چەند بەرپرسێكی دیكەی حكومی ئەو وڵاتە ناردووە، بە فەرمانی دادگا سزای 25 ساڵ زیندانی بەسەردا سەپێندرا.
جەیمس ئێڤرێت دوچكی رۆژی 13ـی ئایاری 2014 دانی بەوەدانا ئەو نامەی ژەهراوی بۆ سەرۆك و سیاسییەكانی دیكە ناردووە، لەبەرئەوە دادگا بڕیاریدا بۆ ماوەی 25 ساڵ زیندانی بكرێت و دوای ئەو ماوەیەش 5 ساڵی دیكە چاودێری بكرێت.
ئەو نامانەی كە دوچكی ناردبوونی مادەی ریسین-ی پێداكرابوو، كە ئەمەش ژەهرێكە لە رووەك دروستدەكرێت و دوو ئەوەندەی ژەهری ماری كۆپرا ژەهراویە.
پێش ئەوەی نامەكە بگاتە ئۆباما ئاشكرابوو و لە رۆژی 27ـی نیسانی ساڵی 2013، دوای ئەوەی كارمەندانی ئێف بی ئای پاشماوەی ئەو مادە ژەهرەیان لەو هۆڵە وەرزشییە دۆزییەوە كە ئەو وەكو راهێنەری هونەری جەنگی كاری تێدادەكرد، دەستبەسەریانكرد.
18/3/2015
ئاژانسی ده‌نگوباسی فه‌رمی سوریا”سانا” كه‌مێك له‌مه‌وبه‌ر ڕایگه‌یاند كه هێزه‌كانی به‌رگری ئاسمانی سوریا، فڕۆكه‌یه‌كی بێ فڕۆكه‌وانی ئه‌مریكایان خسته‌خواره‌وه.
هه‌روه‌ها ڕایگه‌یاند: ” فڕۆكه‌یه‌كی هه‌واڵگری بێ‌فڕۆكه‌وانی ئه‌مریكی، به‌سه‌ر ناوچه‌ی “ڕه‌ئسو لشه‌مرا”ی پارێزگای “لازقییه”دا سوڕاوته‌وه. به‌رگریی ئاسمانیی سوریاش خستیه خواره‌وه.
ئاژانسه‌كه هه‌روه‌ها ده‌ڵێت: “هێزه‌كانی به‌رگریی ئاسمانی سوریا، فڕۆكه‌یه‌كی ئه‌مریكییان خسته خواره‌وه كه بۆ كاری دوژمنكارانه هاتبووه ئاسمانی سوریا” به‌بێ ئه‌وه‌ی ورده‌كاری زیاتر بخاته به‌رچاو.
هاوكات چالاكوانه‌كان له تۆڕی كۆمه‌ڵایه‌تی فه‌یسبوك، چه‌ند وێنه‌یه‌كیان بڵاوكرده‌وه ، گوایه وێنه‌ی پارچه‌كانی فڕۆكه‌كه‌ن.
تاكو ئێستا هیچ ڕوونكردنه‌وه‌یه‌ك له‌باره‌ی ئه‌و هه‌واڵه‌وه له‌لایه‌نه فه‌رمی و په‌یوه‌ندی داره‌كانی ئه‌مریكاوه بلاونه‌كراوه‌ته‌وه، نه‌بۆ دووپات كردنه‌وه‌ی هه‌واڵه‌كه، نه‌بۆ ڕه‌تكردنه‌وه‌یشی.
18/3/2015
هێراڵد رۆد، راوێژكاری پێشووی وەزارەتی بەرگریی ئەمریكا (پنتاگۆن) و پسپۆری رۆژهەڵاتی ناوەڕاست، لە كاتی بەشداریكردنی لە بەرنامەی (رووداوی ئەمڕۆ)ی رادیۆ و تەلەفزیۆنی رووداو، ئاڵای كوردستانی لەگەڵ ئاڵای وڵاتەكەی لەسەر سنگی دابوو.
هێراڵد رۆد سەبارەت بەوەی کورد چی بکات بۆ ئەوەی دەوڵەتی سەربەخۆی هەبێت و لەو بارەیەوە ئیسرائیل دەتوانێت چیان بۆ بکات ؟ گوتی:" ئێمەی جولەکە ژمارەمان 40 ملیۆن کەس دەبێت، بەڵام هیچ کات وازمان لەو خەونەی خۆمان نەهێناوە کە بگەڕێینەوە بۆ ئەو وڵاتەی 2 هەزار ساڵ لەمەوبەر لەدەستماندا، کاتێک کە جولەکەکان 100 ساڵ لەمەوبەر گەڕانەوە بۆ ئیسرائیل، جولەکاکان زۆر بە سەختی کاریان کرد، من دەڵێم ئەزموونێکی زۆرمان هەیە و ئەو جولەکانەی گەڕانەوە توانیان وڵاتی کۆنی جولەکەکان بنیاتبنێنەوە".
ئەو راوێژكارەی پێشووی پنتاگۆن دەڵێت:" دەکرێت ئەو جوولەكانە ئەزموونی خۆیان بۆ کورد بگوازنەوە، بۆ ئەوەی ئێوەش بتوانن دەوڵەتی ئازاد و سەربەخۆی خۆتان دابمەزرێنن، ئێمە و ئێوە خەڵکی جوولەکەو گەلی کورد مێژوویەکی هاوبەشمان هەیە لەوەی هەردوولامان زوڵممان لێکراوە، ئێمە هیچ کات وازمان نەهێنا، هیوادارم ئێوەش وازنەهێنن و دەوڵەتەتان دەبێت". هەروەها گوتیشی "جوولەکەکانیش بە ئەزموونی خۆیان یارمەتی ئێوە بدەن ئەگەر حەزبکەن".
18/3/2015
چه‌كدارانی داعش له نێوه‌ڕاستی شارۆچكه‌ی شنگال هێرش بۆ سه‌ر سه‌نگه‌ره‌كانی پێشمه‌رگه ده‌كه‌ن و به‌توندی وه‌ڵامیان ده‌درێته‌وه.
“هاشم سیته‌یی” فه‌رمانده‌ی لیوای 8 ی پیاده‌ی پێشمه‌رگه بۆ( باسنیوز) گوتی: “كاتژمێر (8) ی ئه‌مشه‌و سێشه‌مه(17-3-2015) چه‌كدارانی داعش له نێوه‌ڕاستی شارۆچكه‌ی شنگال به چه‌ند ئۆتۆمۆبێلێكی شۆفه‌ڵ و حه‌فاره هێرشیان كرده سه‌ر سه‌نگه‌ره‌كانی پێشمه‌رگه و له‌لایه‌ن هێزه‌كانی پێشمه‌رگه‌وه به‌توندی وه‌ڵامیان درایه‌وه‌و شه‌ڕیش ماوه‌ی كاتژمێرێك به‌رده‌وام بوو”.
ناوبراو زیاتر گوتی: “له ئه‌نجامی شه‌ڕ و پێكدادانه‌كه‌ی ئه‌مشه‌و سێ ئۆتۆمۆبێلی چه‌كدارانی داعش له‌لایه‌ن هێزه‌كانی پێشمه‌رگه‌وه تێكشكێنران و چه‌كداره سه‌رنشینه‌كانی ئه‌و ئۆتۆمۆبێلانه‌ش كوژران ، به‌ڵام تاوه‌كو ئێستا نازانرێت ژماره‌ی ته‌واوی كوژراوانیان چه‌نده”.
ئه‌و فه‌رمانده‌یه‌ی پێشمه‌رگه ئاماژه‌ی بۆ ئه‌وه‌ش كرد كه له ئه‌نجامی شه‌ڕه‌كه‌ی ئه‌مشه‌و ته‌نیا دوو پێشمه‌رگه زۆر به‌سووكی برینداربوونه و ره‌تیشی‌كرده‌وه كه فڕۆكه جه‌نگییه‌كان به‌شدارییان له‌و شه‌ڕه‌دا كردبێت.
باسنيوز | بڕیار کۆیی
17/3/2015
ژماره‌ی به‌كارهێنه‌رانی فه‌یسبوك، گه‌یشتووه‌ته 1.3 ملیار كه‌س له هه‌موو جیهاندا، به‌وه‌ش ئه‌و تۆڕه كۆمه‌ڵایه‌تییه نزیكترین تۆڕه بۆ په‌یوه‌ندیكردنی هه‌مووان به‌یه‌كه‌وه، له چوارچێوه‌ی نوێبوونه‌وه و خۆبه‌دوورگرتن له بڵاوكراوه نه‌شاوه‌كان، كۆمپانیای فه‌یسبوك چه‌ند مه‌رج و یاسایه‌كی نوێی بۆ بڵاوكراوه‌كان ده‌ركرد.
دوێنێ دووشه‌ممه 16ی ئادار، كۆمپانیای فه‌یسبوك پێوه‌ره‌كانی بڵاوكردنه‌وه‌ی روونكرده‌وه، به‌وه‌ش كۆمپانیاكه رێنمایی زیاتر ده‌دات به به‌شداربووانی بۆ ئه‌و بڵاوكراوانه‌ی كه چیتر رێگه پێدراو نین.
پێشتر كۆمپانیاكه ئه‌وه‌ی راگه‌یاند، كه به‌شداریكردن و بڵاوكردنه‌وه‌ی پۆسته تیرۆریستییه‌كانی وه‌ك رێكخراوی داعش قه‌ده‌غه ده‌كات، به‌ڵام ئێستا لیستی بڵاوكراوه رێگه‌پێنه‌دراوه‌كان زیاد ده‌كات له‌وانه‌ش "پاڵپشتیكردن یان پیاهه‌ڵدان به‌و گرووپانه‌ی ره‌فتاری تاوانكاری و توندوتیژییان هه‌یه، رێگه‌پێدراو نین".
كۆمپانیای فه‌یسبوك، وتیشی: "هه‌ڕه‌شه‌كردن له خه‌ڵكی به ئازاردانی جه‌سته‌یی یان دارایی، یان به‌مه‌به‌ست سووكایه‌تیكردن به كه‌سانی تر له‌رێی بڵاوكردنه‌وه‌ی هه‌ر پۆستێك كه ئابڕووبه‌رانه بێت، ئه‌وه‌ش رێگه‌پێدراو نییه، هه‌روه‌ها هه‌موو ئه‌وانه‌ی هاندان بێت بۆ خۆكوشتن یان مانگرتن له خواردن".
هه‌روه‌ها فه‌یسبوك بابه‌تی سێكسی و خۆڕووتكردنه‌وه‌ی قه‌ده‌غه‌كردووه، به‌ڵام لێره به‌دواوه، وه‌ك كۆمپانیاكه ئاماژه‌ی پێده‌دات زیاتر جه‌خت له‌سه‌ر ئه‌و بابه‌ته ده‌كه‌نه‌وه و وردتر بۆی ده‌ڕوانن، له‌و چوارچێوه‌یه‌شدا بڕیاریداوه هه‌ر وێنه‌یه‌كی رووت كه ئه‌ندامی زاوزێی تێدا ده‌ربكه‌وێت، بسڕدرێته‌وه، له‌گه‌ڵ ئه‌و وێنانه‌ش كه سنگی ئافره‌ت به رووتی تێدا ده‌رده‌كه‌وێت، به‌ڵام رێگه به‌و ئافره‌تانه ده‌دات سنگیان ده‌ربخه‌ن كه به‌شداری ده‌كه‌ن له هه‌ڵمه‌تی شیردانی سرووشتی دایك بۆ منداڵ، له‌گه‌ڵ ئه‌وه‌شدا رێگه ده‌درێت به بڵاوكردنه‌وه‌ی ئه‌و تابلۆیانه‌ی كه كه‌ساییه‌تییه‌كان به رووتی تیایدا ده‌رده‌كه‌ون.
یه‌كه‌م جاره كۆمپانیاكه باس له سڕینه‌وه‌ی ئه‌و بڵاوكراوانه ده‌كات كه هاندانی توندوتیژی و قۆستنه‌وه‌ی سێكسیان تێدایه، له‌وانه‌ش وه‌ك پێیده‌ڵێن تۆڵه‌سه‌ندنه‌وه‌ی سێكسی، وه‌ك بڵاوكردنه‌وه‌ی وێنه‌ی سێكسی له نێوان دوو كه‌س به‌مه‌به‌ستی تۆڵه‌سه‌ندنه‌وه، گه‌ر پێشتر روخسه‌تی له‌و كه‌سانه وه‌رنه‌گرتبێت كه له وێنه‌كاندا ده‌ر ئه‌كه‌ون.
فه‌یسبوك به‌رده‌وام ده‌بێت له وه‌رگرتنی ئاگادارییه‌كانی به‌شداربووان له بڵاوكراوه نه‌شیاوه‌كان، له‌وباره‌شه‌وه فه‌یسبوك وتی، به‌درێژایی كاتژمێره‌كانی رۆژ، تیمی تایبه‌تمان هه‌یه له‌هه‌موو جیهان بۆ به‌دواداچوونی ئه‌و ئاگادارییانه، هه‌موو راپۆرتێكیش لێكۆڵینه‌وه‌ی لێده‌كرێت پێش ئه‌وه‌ی بڕیاری له‌سه‌ر بدرێت، بڕیاری سڕینه‌وه‌ی هه‌ر بابه‌تێكیش ماوه‌یه‌كی ده‌وێت ره‌نگه بگاته 48 كاتژمێر، ئه‌مه‌ش نیگه‌رانی لای زۆرێك دروست كردووه، چونكه ماوه‌ی بڕیاردانه‌كه زۆر ده‌خایه‌نێت، به‌تایبه‌ت كه ئه‌و بڵاوكراوانه له ماوه‌ی چه‌ند خوله‌كێكدا ده‌گاته هه‌موو به‌كارهێنه‌ران له ته‌واوی جیهاندا.
هه‌روه‌ك ئه‌وه‌شی روونكرده‌وه، كه ژماره‌یه‌ك له حكومه‌ته‌كان داوایان كردووه چه‌ند كۆمپانیایه‌ك بسڕیندرێته‌وه، هاوكات له‌گه‌ڵ پێوه‌ره نوێیه‌كانی كۆمپانیا، فه‌یسبوك پلانی داناوه بۆ بڵاوكردنه‌وه‌ی راپۆرتی شه‌فافه‌ییتی كۆمپانیاكه، كه تیایدا داواكاری حكومه‌ته‌كان بۆ وه‌رگرتنی زانیاری له‌سه‌ر به‌كارهێنه‌ران و سڕینه‌وه‌ی بڵاوكراوه‌كان له‌هه‌ر وڵاتێكدا، بڵاوده‌كرێته‌وه.
له‌عه‌ره‌بییه‌وه: سۆران كه‌ریم
سه‌رچاوه: RT
ه. ر
17/3/2015
فەرمانداری شاری سەردەشت گۆڕدرا و لە رێوڕەسمی دانانی سەرپەرشتیاری نوێ بۆ پۆستی فەرمانداریەتی سەردەشت، بەرپرسانی پارێزگای ورمێ دووبارە بەڵێنەکانیان بە خەڵکی ئەو شارە دووپاتکردەوە.
قوربانعەلی سەعادەت، پارێزگاری ورمێ، لەو رێوڕەسمەدا رایگەیاند ئەنجوومەنی وەزیران سەرقاڵی تاوتوێکردنی ئەوەیە کە سەردەشت بکرێتە ناوچەی ئازادی بازرگانی.
سەعادەت ئاماژەی بەوەدا ئەوان ئەو پێشنیازەیان خستووەتە بەردەم حکومەت و حکومەتیش کاری لەسەر دەکات. هیواشی خواست رەزامەندی لەسەر پێشنیازەکەیان دەرببڕدرێ و بەمەش سەردەشت ئاوەدانی و پێشکەوتن بەخۆیەوە ببینێت.
بەگوتەی پارێزگاری ورمێ، ئەوان لەبارەی بەفەرمیکردنی دەروازەی سنووری کێلێ، لەنێوان سەردەشت و قەڵادزێ، سەرقاڵی گفتوگۆکردنن لەگەڵ بەرپرسانی عێراقی. بە فەرمیبوونی ئەو دەروازەیەشی بە هۆکارێک بۆ پێشکەوتنی ئابووری ناوچەکە لەقەڵەمدا.
پارێزگاری ورمێ داواشیکرد بەڕێوەبەرانی حکومی لەو پارێزگایە هەڵاواردن لەنێو هاونیشتمانیاندا نەکەن و رێز لە یاسا بگرن.
17/3/2015
لە رۆژی 16 مانگی ئاداری ساڵی 1988 هەواڵی روودانی کارەساتێکی باوەڕنەکراو بڵاوبوویەوە، بەڵام تا ئەوکات هیچ دەزگایەکی ناسراوی راگەیاندن لە جیهان ئەو هەواڵەی پشتڕاستنەکردەوە.
هەواڵە نافەرمییەکان باسیان لە کوژرانی هەزاران کەس لە دانیشتوانی شاری هەڵەبجە لە باشووری کوردستان دەکرد بەهۆی بۆردومانکردنی شارەکە بە چەکی کیمیاوی لەلایەن فڕۆکە جەنگییەکانی رژێمی ئەو سەردەمەی عێراق.
دوای چەند رۆژێک لە نێو بێدەنگی میدیا جیهانییەکان تەلەڤزیۆنی کۆماری ئیسلامی ئێران چەند دیمەنێکی کارەساتی هەڵەبجەی بڵاوکردەوە کە کاردانەوەی لە جیهان بەدوای خۆیەوە هێنا، بەڵام تەنانەت ئاشکرابوونی ئەم کارەساتە و ئیدانەکردنی لە ئاستی جیهانیشدا بۆ کۆتاییهێنان بە ئازار و مەینەتییەکانی کوردانی باشووری کوردستان بەس نەبوو.
ئەو ستەم و زۆرییەی کە لە سەرەتای دامەزراندنی عێراقەوە دەستی پێکردبوو بەروودانی کارەساتی هەڵەبجە و دەنگدانەوەی لە جیهان کۆتایی پێ نەهات. تا پاش سێ ساڵ لە روودانی کارەساتی هەڵەبجە کوردانی باشووری کوردستان راپەڕینیان لە دژی رژێمی حیزبی بەعس لە عێراق و کۆچی ملیۆنیان دەستپێکرد، ئەوکات دۆخەکە بە تەواوی گۆڕا و سەرەتای دروستبوونی هەرێمی کوردستان سەریهەڵدا.
خەباتی کوردانی باشووری کوردستان لە عێراق دژی رژێمی سەدام حوسێن لە ساڵانی هەشتاکانی سەدەی رابردووەوە تێکەڵاوی شەڕێ نێوان ئێران و عێراق بوو.
ئەوان لە روودانی ئەم شەڕەدا رۆڵیان نەبوو، بەڵام لە هەردوولای سنوور زیانمەندی ئەو شەڕە بوون. زەقترینی ئەو زیانانەش خاپورکردنی هەڵەبجە بوو، بەڵام دوای27 ساڵ هەڵەبجە نەک تەنها ژیانی لەبەرکردەوە، بگرە کرایە پارێزگاش و ناوبانگی لە هەموو جیهان بڵاوبوویەوە، ئێستاش لە جیهان کە باسی هەڵەبجە دەکرێت باسی 5 هەزار شەهید و 10 هەزار برینداری چەکی کیمیاوی دەکرێت.
ئەمە لەکاتێکدایە بەرپرسان و نوێنەرانی هەڵەبجە جەخت لەوە دەکەنەوە کە دەبێ عێراق بە فەرمی دوای لێبوردن بکات لە هەڵەبجە و جیهانیش بە فەرمی کارەساتی هەڵەبجە بە تاوانی کۆمەڵکوژی بناسێنن.
17/3/2015
جێگرى سەرۆکى پەرلەمانى عێراق ستایشی پێشڕەوییەکانى هێزى پێشمەرگە، حەشدى شەعبی و سوپاى عێراقی کرد، جەختیشی لەسەر یەکڕیزیى هەموو هێزەکان کردەوە لە پێناو رووبەڕووبوونەوەى چەکدارانى سەر بە رێکخراوى دەوڵەتى ئیسلامى داعش.
هومام حەموودى، جێگرى سەرۆکى پەرلەمانى عێراق لە کاتى وەستانى خولەکێک بۆ گیانى قوربانیانى چەکى کیمیاوى هەڵەبجە و بنکەى ئاسمانى سپایکەر لەبەردەم باڵەخانەى پەرلەمان، بە (تۆڕى میدیایی رووداو)ى راگەیاند: "هێزى پێشمەرگەو هێزەکانى حەشدى شەعبی و سوپاى عێراق پێکەوە بە یەکدەست رووبەڕووى داعش دەبنەوە". گوتیشی: "شەهیدانمان لەبیرناکەین و وەفاداردەبین بەرامبەریان و هەموو ئەو کەسانەش سزادەدەین کە خەڵکى بێتاوانیان کوشتووە".
ئارام شێخ محەمەد، جێگرى دووەمى سەرۆکى پەرلەمانى عێراق بە حەموودى گوت: "سوپاسى هەڵوێستتان دەکەین و ئەمڕۆ ساڵیادى کیمیابارانکردنى هەڵەبجەیەو دڵنەوایی خێزانە شەهیدەکانى سەرتاسەرى جیهان دەکەین، بەتایبەتیش شەهیدانى هەڵەبجە". گوتیشی: "ئێمە وەکو فراکسیۆنە کوردستانییەکان لەگەڵ قوربانیانى بنکەى سپایکەرداین و لەگەڵ سەرجەم عێراقییەکان دژى دوژمنان دەوەستینەوە".
هەروەها گوتى: "ئەوەى لە هەڵەبجە روویدا کارەساتێکى گەورە بوو، هێزەکانى پێشمەرگەش ئەمڕۆ رووبەڕووى گرووپە چەکدارەکان بوونەتەوەو لە جیاتى هەموو جیهان شەڕى داعش دەکەن و سەرکەوتنى گەورەشیان تۆمار کردووە".
16/3/2015
پەرلەمانتارێکی پارتی دیموکراتی گەلان HDP داوا لە پەرلەمانی تورکیا دەکات، کە رۆژی 16ی ئادار وەک رۆژی کۆمەڵکوژی کورد بناسێنێ و ناوی بنێ "رۆژی یادکردنەوەی کۆمەڵکوژی کورد".
کەمال ئاکتاش، پەرلەمانتاری وانی HDP رەشنووسی بڕیارێکی پێشکەشی سەرۆکایەتی پەرلەمانی تورکیا کردووە، کە کیمیابارانکردنی هەڵەبجە وەک "رۆژی یادکردنەوەی کۆمەڵکوژی کورد" ناوزەد بکات. هەروەها دان بە کۆمەڵکوژی شاڵاوەکانی ئەنفالیشدا بنێ، کە 4 هەزار و 500 گوند خاپوور کران و 180 هەزار کورد بوونە قوربانی.
ئاکتاش دەڵێ: "ئەو شاڵاوانەی رژێمی سەدام حوسێن، بەناوی ئەنفال ئەنجامیدان تاوانن، بۆیە پێویستە وەک کۆمەڵکوژی دانیپێدابنرێ، ناساندنیشی وەک کۆمەڵکوژی رێگە لە دووبارەبوونەوەی رووداوی هاوشێوە دەگرێت، هاوکات هاوخەمییە لەگەڵ ئەو خەڵکەی بوونە قوربانی".
لە رەشنووی پێشنیازکراوی HDP دا هاتووە: "ناساندنی شاڵاوەکانی ئەنفال و کیمیابارانکردنی هەڵەبجە لە وڵاتی تورکیا، کە زۆرترین رێژەی کوردی تێدا دەژین، زۆر گرنگ و مانادار دەبێت".
16/3/2015
لە راپرسی ساڵانەی ماڵپەڕی خەبەر ئۆنلاین دا، قاسم سولەیمانی وەکو کەسایەتی ساڵی ئێران هەڵبژێردرا. قاسم سولەیمانی فەرماندەی سوپای قودس، لەم راپرسییەدا 37% ی دەنگەکانی بەدەستهێنا و توانی براوەی ساڵی پێشوو محەممەد جەواد زەریف، وەزیری دەرەوەی ئێران شکست پێبێنێت.
بەر لە قەیرانی سووریا و عێراق، کەم کەس هەبوو ناوی قاسم سولەیمانی بیستبێت یانیش وێنەی بینیبێت. بەڵام لە ماوەی چوار ساڵی رابردوودا رۆڵی سەرەکی لە یارمەتیدانی سوپای حکومەتی سووریادا هەبووە، بۆ ئەوەی رووبەڕووی هێزەکانی ئۆپۆزیسیۆنی سووریا و داعش ببنەوە.
لە دوایین دەرکەوتنیدا، قاسم سولەیمانی لە گرتەیەکی ڤیدیۆیدا دەردەکەوێت کە تێیدا رووی قسەی لە سوپا و میلیشیاکانی حەشدی شەعبی عێراقییە و گومان دەکرێت لە نزیک تکریت بێت.
سوپای قودس، لقی ئۆپەراسیۆنە دەرەکییەکانی سوپای پاسدارانی ئێرانە، کە لە سەرەتادا بە مەبەستی پاڵپشتیکردن لە هێزەکانی حیزبوڵڵای لوبنانی و حەماسی فەڵەستینی دامەزرا.
بە گوێرەی راگەیێنراوی خەبەر ئۆنڵاین، لەم راپرسییەدا، کە بۆ ماوەی هەفتەیەک بەردەوام بووە، 463 هەزار كەس بەشدارییان كردووە.
محەممەد جەواد زەریف بە 28% پاش سولەیمانی بە کەسی دووەمی ساڵ هەڵبژێردراوە. زەریف وەزیری دەرەوەی ئێران، سەرۆکایەتی شاندی ئێران بۆ دانوستانە ناوەکییەکانی نێوان ئێران وڵاتانی رۆژئاواش دەکات.
rudaw
16/3/2015
چه‌ند لایه‌نێكی سیاسی و سه‌ندیكا و رێكخراوی كۆمه‌ڵی مه‌ده‌نی له سه‌نعای پایته‌ختی یه‌مه‌ن، به‌ره‌یه‌كی یه‌كگرتوویان بۆ به‌ره‌نگاربوونه‌وه‌ی حوسییه‌كان پێكهێنا.
سایتی روسیا توده‌ی بڵاویكرده‌وه: ئه‌و به‌ره‌یه له حه‌وت پارتی سیاسیی وه‌ك گردبوونه‌وه‌ی چاكسازی و رێكخراوی ناسری و حزبی ره‌شادی سه‌له‌فی و پارتی دادپه‌روه‌ری و بنیادنان و كۆمه‌ڵه‌ی ئاشتی و گه‌شه‌پێدان و كۆنگره‌یی میللیی گشتیی باشور پێكهاتووه كه ناوی به‌ره‌ی رزگاریی نیشتمانیی بۆ دژایه‌تیكردنی حوسییه‌كان لێنراوه.
هه‌ر له به‌ره‌ی دژبه حوسییه‌كان، پێنج پێكهاته‌ی سه‌ربه بزووتنه‌وه‌ی ئاشتیخوازی باشور و چه‌ند كوتله‌یه‌ی په‌رله‌مانی و 11 بزووتنه‌وه‌ی تایبه‌ت به شۆڕش و گه‌نجان و 16 رێكخراوی مه‌ده‌نی به‌شدارییان كردووه.
له‌لایه‌كی دیكه‌وه، عه‌بد ره‌به مه‌نسور، سه‌رۆكی هه‌ڵاتووی یه‌مه‌ن، له شاری عه‌ده‌نه‌وه چه‌ند بڕیارێكی ده‌ركرد كه یه‌كێكیان گه‌ڕانه‌وه‌ی ژماره‌یه‌ك ئه‌فسه‌ر بوو بۆسه‌ر كاره‌كانیان كه له سه‌رده‌می عه‌لی عه‌بدوڵا ساڵح و له ساڵی 1994 به‌هۆی جه‌نگی جیابوونه‌وه‌ی به‌شی باشووری ئه‌و وڵاته، له‌سه‌ركاره‌كانیان لابرابوون.
هه‌ر له‌نێو ئه‌و بڕیارانه، سه‌رۆكی یه‌مه‌ن بڕیاریدا 20 هه‌زار گه‌نجی به‌شی باشووری وڵاته‌كه‌ی بخاته خزمه‌تی سه‌ربازی و دووباره هاوسه‌نگی له‌ناو هێزه‌كانی سوپا په‌یدا بكاته‌وه.
15/3/2015
جۆن کیری، وەزیری دەرەوەی ویلایەتە یەکگرتووەکانی ئەمریکا پێش گەشتەکەی بۆ سویسرا و دەستپێکردنەوەی دانوستاندنەکان لەگەڵ ئێران، رایگەیاند ئەو هیوای بەوەیە لە چەند رۆژی داهاتوودا لەگەڵ ئێران بگەنە رێککەوتن و لە وادەی خۆیدا ئەو رێککەوتنە واژۆ بکرێت.
بڕیارە ئێوارەی ئەمڕۆ (یەکشەممە 15ی ئازار) نوێنەرانی وڵاتانی پێنج ئەندامە هەمیشەییەکەی ئەنجوومەنی ئاسایش و ئەڵمانیا بۆ کۆبوونەوە لەگەڵ نوێنەرانی ئێران بگەنە شاری لۆزانی سویسرا و دەست بە گفتوگۆکان سەبارەت بە بەرنامە ئەتۆمییەکانی ئێران بکەنەوە.
پێش دەستپێکردنەوەی گفتوگۆکان، کیری لەمیانەی هەڤپەیڤینێکیدا لەگەڵ کەناڵی CBSی ئەمریکی، رایگەیاند ئەوان ئومێدیان بەوە هەیە کە تاوەکو 31ی ئەم مانگە لەگەڵ ئێران بگەنە رێککەوتن و هەموو هەوڵێکی خۆشیان دەدەن بۆ ئەو مەبەستە.
کیری گوتیشی: "ئەگەر هەموو لایەنەکان لەوە دڵنیاببنەوە کە بەرنامە ئەتۆمییەکەی ئێران بەرنامەیەکی ئاشتیانەیە، ئەوان دەتوانین بگەینە ئەنجامێک".
15/3/2015
پەرلەمانتارێكی گۆڕان دەڵێ، لەوەتەی بزووتنەوەكەیان بەشداریی لە کابینەی هەشتی حكومەتی هەرێمی كوردستاندا كردووە، یەك دیناری لە حكومەت وەرنەگرتووە، بەدووریشی دەزانێ ئەمساڵ بودجەی حیزبەكان بدرێت.
عەلی حەمە ساڵح، پەرلەمانتاری بزووتنەوەی گۆڕان لە لێدوانێكدا بۆ (تۆڕی میدیایی رووداو) رەتیکردەوە بزووتنەوەی گۆڕان لەکاتی بەشداریکردنییەوە لە حکومەت تا ئێستا بودجەی وەرگرتبێت و دەڵێ "یەك دینارمان وەرنەگرتووە".
بەپێی یاسای ژمارە 5ی ساڵی 2014، پەرلەمانی كوردستان كە لە 24/7/2014 دەرچووە، لەسەر بنەمای ژمارەی كورسییەكانی پەرلەمانی كوردستان بودجەی حیزبەكان دیاریدەكرێت، هەر بەپێی ئەو یاسایە ساڵانە لە 1% بودجەی هەرێمی كوردستان بۆ حیزبەكان تەرخاندەكرێت، بەڵام عەلی حەمە ساڵح بە دووری دەزانێ لەمساڵیشدا حیزبەكان بودجەیان پێبدرێت.
ئەو پەرلەمانتارە دەڵێ: "هەتا قەیرانی دارایی هەبێت، حیزبەكانی هەرێمی كوردستان هیچ بودجەیەكیان پێنادرێت، ئەگەر ئەمساڵ پارە مایەوەو حكومەت قەرزی لەسەر نەما، ئەوكاتە بودجەی حیزبەكان دەدرێت، ئەوەش ئەگەرێكی دوورە".
15/3/2015
لەبارەی ئەو مووشەکانەی سەرلەبەیانی ئەمڕۆ ئاراستەی رۆژئاوای هەولێر کران، نەوزاد هادی، پارێزگاری هەولێر لە روونکردنەوەیەکدا رایدەگەیێنێت:" دووپاتی دەكەینەوە بۆ خەڵكی كوردستان كە داعش لە سەرەمەرگن و ئەو هەوڵانە دادیان نادات".
نەوزاد هادی لە روونکردنەوەکەدا دەڵێت:" سەرلەبەیانی رۆژی 15-3-2015 ، تیرۆریستانی شكستخواردووی دۆڕاوی داعش ، لەڕێگەی دزەپێكردنی رۆكێتێك، 3 مووشەكیان ئاڕاستەی خوارووی رۆژئاوای شاری هەولێر كردن و خۆشبەختانە بەبێ هیچ زەرەرو زیان و لە دووری شاری هەولێر، لە نزیك كانی قڕژاڵە كەوتنەخوارەوە، دەنگۆیەكەش زۆر بە ئاسایی بەسەر خەڵكی نیشتەجێی ئەو ناوچەیەدا تێپەڕی".
دەقی روونکردنەوەکە:
سەرلەبەیانی رۆژی 15-3-2015 ، تیرۆریستانی شكستخواردووی دۆڕاوی داعش ، لەڕێگەی دزەپێكردنی ڕۆكێتێكی دانراو لەسەر شان ، 3 موشەكیان ئاڕاستەی خوارووی رۆژئاوای شاری هەولێر كرد و خۆشبەختانە بەبێ هیچ زەرەرو زیان و لە دوری شاری هەولێرو نزیك كانی قڕژاڵە كەوتە خوارەوە و دەنگۆیەكەش زۆر بە ئاسایی بەسەر خەڵكی نیشتەجێی ئەو ناوچەیەتێپەڕی ، بەبێ ئەوەی تۆزقاڵێك نیگەرانی دروست بێ و چونكە لای هەمووان روون و ئاشكرایە كە بڕوای خەڵكی كوردستان بە ورەی پۆڵاینی پێشمەرگە زۆر بڕوایەكی پتەو و گەورەیە و هەمووشمان پێشمەرگەین.
دووپاتیشی دەكەینەوە بۆ خەڵكی كوردستان كە داعش لە سەرەمەرگن و ئەو هەوڵانە دادیان نادات .
سڵاو لەپێشمەرگە و سەربەرزی بۆ خەڵكی كوردستان و درود بۆ شەهیدان و روو ڕەشی مردن بۆ تیرۆریستان .
نەوزاد هادی
پارێزگاری هەولێر
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
