^{سکرتێری ئەنجومەنی باڵای بەرژەوەندییەکانی کۆماری ئیسلامی ئێران باس لە پلانی ئەمریکا و بریتانیا بە مەبەستی دابەشکردنی وڵاتانی عێراق و یەمەن دەکات.}

^{ماڵپەڕی تابناک لە زاری “موحسین رەزایی”یەوە بڵاوی کردووەتەوە، پلانی ئەو دابەشکردنە بە ئاگاداریی وڵاتانی فەرەنسا و ئەڵمانیاش گەیشتووە. ئەو بەرپرسە ڕای وایە کە سووریاش بە دوو بەشی سووریای باکوو و باشوور دابەش دەکرێت.}

^{سکرتێری ئەنجومەنی باڵای بەرژەوەندییەکانی کۆماری ئیسلامی ئێران دەڵێ: بەپێی پلانەکە عێراق بەسەر سێ بەشی باکوور، ناوەڕاست و باشووردا دابەش دەکرێت.}

^{ڕەزایی کە پێشتر فەرماندەی گشتیی سوپای پاسداران بووە ئاشکراشی کردووە” مووسڵ دەکرێتە پێتەختی بەشی باکوور، بەغدا دەکرێتە پێتەختی بەشی ناوەڕاست و بەسرەش دەکرێتە بەشی باشووری عێراق.}

^{موحسین رەزایی لە درێژەی لێدوانەکەیدا گوتوویەتی: وڵاتی یەمەنیش لە ریزبەند و خشتەی دابەشکردنەکان دایە و دەکرێتە دوو بەشی باکوور و باشوور.}

^{به گوته‌ی ئەو بەرپرسە باڵایەی ئێران، “جۆ بایدن” جێگری سه‌رکۆماری ئه‌مریکا ئەرکی که‌یسی دابەشکردنی عێراقی پێ سپێردراوە و سووریا و یه‌مه‌نیش دابەشکردنەکەیان سپێردراوه به عه‌ره‌بستانی‌ سعوودیه.}

^4/5/2015

^{له‌میانه‌ی پانلێكدا كه‌ ئه‌مڕۆ یه‌كشه‌مه‌ (3-5-2015) له‌لایه‌ن فیدراسیۆنی گشتیی رێكخراوه‌كانی كۆمه‌ڵی مه‌ده‌نی و سه‌نته‌ری توێژینه‌وه‌ی یاسایی به‌راوردكاری بۆ هه‌رپێنج سه‌رۆك فراكسیۆنه‌كانی (پارتی، یه‌كێتی، گۆڕان، كۆمه‌ڵ و یه‌كگرتوو) له‌په‌رله‌مانی كوردستان سازی كردبوو سه‌باره‌ت به‌ پرسه‌كان سیسته‌می حوكم و سه‌رۆكایه‌تی هه‌رێمی كوردستان و پڕۆژه‌ی ده‌ستوری هه‌رێمی كوردستان هه‌رپێنج لایه‌نه‌كه‌ ڕای خۆیان له‌مباره‌یه‌وه‌ ده‌ربڕی.}

^{له‌میانه‌ی به‌شداری كردنی له‌ پانێله‌كه‌دا” ئومێد خۆشناو” سه‌رۆكی فراكسیۆنی پارتی دیموكراتی كوردستان، له ‌په‌رله‌مانی كوردستان گوتی: “هه‌موو ئه‌و ده‌نگۆیانه‌ ره‌ت ده‌كه‌ینه‌وه‌ كه‌ گوایا پارتی له‌گه‌ڵ سیسته‌می حكومڕانی په‌رله‌مانی نییه‌، به‌پێچه‌وانه‌وه‌ ئێمه‌ به‌به‌ڵگه‌وه‌ ئه‌ومان سه‌لماندووه‌ كه‌ له‌گه‌ڵ سیسته‌می حوكمی په‌رله‌مانین” گوتیشی: ” ئێمه‌ به‌هیچ شێوه‌یه‌ك له‌گه‌ڵ ئه‌وه‌ نین كه‌ هه‌موو ده‌سه‌ڵاته‌كان لای یه‌ك كه‌س كۆببێته‌وه‌ به‌ڵام سه‌رۆكێكی بێ ده‌سه‌ڵاتیشمان ناوێت”.}

^{ئه‌و گوتانه‌ی خۆشناو له‌كاتێكدایه‌ كه‌ سه‌رۆكی هه‌رچوار فراكسیۆنه‌كه‌ی دیكه‌ی په‌رله‌مان رایانگه‌یاند كه‌ ئه‌وان ده‌یانه‌وێت سیسته‌می حوكم په‌رله‌مانی بێت و ده‌سه‌ڵاتی جێبه‌جێ كردن و به‌رپرسیاریه‌تی له‌لای سه‌رۆكی ئه‌نجومه‌نی وه‌زیران بێت و سه‌رۆكی هه‌رێمی ببێته‌ پۆستێكی ته‌شریفاتی.}

^{له‌میانه‌ی ئه‌و پانێله‌دا” رابوون مه‌عروف”، سه‌رۆكی فراكسیۆنی گۆڕان له‌په‌رله‌مانی كوردستان سه‌باره‌ت به‌ پڕۆژه‌ی ده‌ستووری هه‌رێمی كوردستان گوتی: “ئێمه‌ له‌گه‌ڵ ئه‌وه‌ین ده‌ستورێكمان هه‌بێت ببێته‌ هۆی به‌هێزكردنی پایه‌كانی سیسته‌می دیموكراسی نه‌ك لاوازكردنی”.}

^basnews

^4/5/2015

<sup>ناتۆ بۆ یەکەمجار پاش شەڕی سارد، هێڵێکی تەلەفۆنی راستەوخۆ بۆ پێوەندیکردن لەگەڵ فەرماندەی سەربازیی رووسیا لە دۆخی نائاسایی و قەیراناویدا دادەمەزرێنێت.

میدیاکانی ئەڵمانیا بە گێڕانەوە لە سەرچاوەکانی ناتۆ دەڵێن: "ناتۆ و فەرماندەیی سەربازیی رووسیا رێگایان بۆ پێوەندیی راستەوخۆ لەگەڵ یەکدی خۆشکردووە. فەرماندەی سەربازیی ناتۆ لە ئەوروپا و سکرتێری گشتیی ناتۆ، لەمەولا دەتوانن لەگەڵ هاوکارانی رووسی خۆیان پێوەندییان هەبێت".

سەرچاوەکانی ناتۆ پشتڕاستیدەکەنەوە کە هێڵەکانی پێوەندی کراونەتەوە و بەردەوام تاقیشکراونەتەوە، بەڵام هێشتا کاتی چالاککردنی ئەو سیستەمەیان رانەگەیاندووە.

کاربەدەستانی رووسیش لە کۆتایی مانگی نیساندا ژمارەی پێوەندیی خۆیان ناردووە بۆ ناتۆ. ناتۆ و رووسیا ئەم شێوازەی پێوەندی وەک پرسی نهێنیی خۆیان هەژماردەکەن.

بەپێی راپۆرتی میدیاکانی ئەڵمانیا، دامەزراندنی پێوەندیی راستەوخۆی تەلەفۆنی لەنێوان رووسیا و ناتۆدا،  پێشینیازی فرانک شتاین مایەر، وەزیری دەرەوەی ئەڵمانیا بووە. 

شتاین مایەر دوابەدوای پەرەسەندنی قەیرانی ئۆکراینا، لە مانگی دیسەمبەری 2014 دا، باسی پێویستیی دامەزراندنی هێڵێکی تەلەفۆنیی کردبوو. بەتایبەت پاش زۆربوونی فڕینی فڕۆکە جەنگییەکانی رووسیا کە توانای هەڵگرتنی بۆمبی ئەتۆمیان هەیە، پێویستیی هەبوونی پێوەندیی راستەوخۆ لەنێوان ناتۆ و رووسیادا زیاتر هەستی پێکرا.

یەکێتیی سۆڤیەت و ئەمریکا پاش قەیرانی کوبا لە ساڵی 1962، دەستیان دایە دامەزراندنی هێڵێکی پێوەندیی راستەوخۆ لەنێوان ناوەندی فەرماندەریی سەربازیی هەردوو وڵاتدا. ئەو هێڵە تەلەفۆنییە دواتر بە تەلەفۆنی سوور ناوی دەرکرد.</sup>

^4/5/2015

<sup>ئەمڕۆ یەكشەممە 3ی ئایار لە ئوردن سەركەوتنی چارەسەری یەكجاریی چوار حاڵەتی شەكرەی جۆری یەك راگەیەنرا، ئەویش لەدوای چاندنی قەدەخانە لە پەنكریاسیاندا، كە دواتر ئەو خانە چێنراوانە دەستیانكردووە بە دەردانی هۆرمۆنی ئینسۆلینی سوتێنەری شەكری خوێن.

دكتۆر حازم حەبوب سەرۆكی تیمی چارەسەرییەكە لە كۆنگرەیەكی رۆژنامەڤانیدا سەركەوتنی چارەسەرییەكەی راگەیاند و گوتی "تەنیا لە رێگەی قەستەرە و بەبێ پەنابردن بۆ بەنج و نەشتەرگەری خانەكانمان لە پەنكریاسی نەخۆشەكاندا چاندن".

وەك تیمی چارەسەرییەكە رایانگەیاند ئەم سەركەوتنە پزیشكییە لە ئوردن یەكەم ئەزموونی لەو جۆرەیە لە رۆژهەڵاتی نێوەڕاستدا.

چاكبوونەوەی تەواوەتی

سەرۆكی بەشی نەخۆشییەكانی منداڵان لە زانكۆی شیكاگۆی ئەمریكایی پرۆفیسۆر مارك هۆڵتەر كە یەكێكە لە ئەندامانی تیرە چارەسەركارەكە بە ئەلجەزیرەی گوتووە كە ئەو نەخۆشخانەی لە رێگای چاندنی قەدەخانە لە پەنكریاسیاندا چارەسەركراوون، ئێستا تەواو لە شەكرە چاكبوونەتەوە و چیتر پێویستیان بە دەرزی ئەنسۆلین نییە، پێشبینیشی كردووە ئەو ئەزموونەی كوردن بە هەموو جیهاندا بڵاوببێتەوە.

ئەم جۆرە چارەسەرە بۆ تووشبووانی شەكرەی جۆری یەك ئەنجامدراوە و بۆ هەر نەخۆشێك تێچووەكەی 42 هەزار دۆلارە

شەكرەی یەك و دوو

تووشبووانی شەكرەی جۆری یەك زیاتر منداڵان و گەنجەكانن و بە هیچ جۆرێك ئینسۆلین لە پەنكریاسەوە دەرنادەن، چونكە خانەكانی دەردانی ئینسۆلین لە پەنكریاسیاندا بەتەواوی لەنێوچوون بەهۆی هێرشی نەخوازراوی كۆئەندامی بەرگری بۆسەر ئەو خانانە. ئەوەش بە پێچەوانەی شەكرەی جۆری دوو كە ئینسۆلینیان هەیە بەڵام یان بڕەكەی كەمە یاخود خانەكانی جەستەیان وەك پێویست وەڵامی كاری ئینسۆلینی جەستەیان ناداتەوە. بۆیە تاكە چەرەسەری تووشبووانی شەكرەی جۆری یەك بەر لە ئەم جۆرە چارەسەرە نوێیە، تەنیا بریتی بوو لە لێدانی دەرزی ئینسۆلین و بە حەبی دابەزێنەری شەكرە باش نەدەبوون.</sup>

^4/5/2015

<sup>مەسعود بارزانی، سەرۆكی هەرێمی كوردستان و شاندی یاوەری لەسەر بانگهێشتی کۆشکی سپی ئەمریکا گەیشتنە واشنتن.

شاندەکەی سەرۆکی هەرێمی کوردستان لە مەسروور بارزانی راوێژکاری ئەنجوومەنی ئاسایشی هەرێمی کوردستان، قوباد تاڵەبانی جێگری سەرۆکی حکومەتی هەرێمی کوردستان، مستەفا سەید قادر وەزیری پێشمەرگە، ئاشتی هەورامی وەزیری سامانە سرووشتییەکان، دەرباز كۆسرەت وەزیری ئاوەدانکردنەوە، فەلاح مستەفا بەرپرسی فەرمانگەی پەیوەندییەكانی دەرەوە و  فوئاد حوسێن سەرۆكی دیوانی سەرۆكایەتیی هەرێمی كوردستان پێكدێت .

بەپێی راگەیێندراوێی سەرۆكایەتیی هەرێمی كوردستان كە رۆژی شەممە 2ی ئایار بڵاوكرایەوە، بارزانی و شاندی یاوەری لەگەڵ سەرۆك و گەورەبەرپرسانی حكومەت و ئەنجوومەنی پیرانی ئەمەریكا و چەند وڵاتێكی ئەورووپا كۆدەبنەوە، تەوەری سەرەكیی كۆبوونەوە و چاوپێكەوتنەكانیش گفتوگۆ و ڕاگۆڕینەوە دەبێت لەبارەی شەڕی داعش، هەڕەشەی تیرۆریستان بۆ سەر ئاساییشی جیهانی و ناوچەكە، ئازادكردنی موسڵ و ناوچەكانی ژێر دەستەڵاتی داعش، ئاییندەی هەرێمی كوردستان و پەیوەندییەكانی نێوان هەرێمی كوردستان و ئەمەریكا و وڵاتانی ئەوروپا.

نامۆ عەبدوڵڵا، بەڕێوبەری ئۆفیسی رووداو لە واشنتن ئاماژەی بەوە کرد کە لەگەڵ بەرپرسانی باڵای وەزارەتی دەرەوەی ئەو وڵاتە قسەیکردووە و پێیان راگەیاندووە کە سەرۆکی هەرێمی کوردستان رۆژی سێشەممە 5ی ئایار چاویدەکەوێ بە باراک ئۆباما، سەرۆکی ئەمریکا و جۆ بایدن-ی جێگری و بەرپرسانی پێنتاگۆن و کۆنگرێس. سەردانەكەی بارزانی بۆ ئەمریكا هەفتەیەك دەخایەنێت.

لە درێژەی سەردانەکەیاندا بۆ دەرەوەی وڵات، سەرۆکی هەرێمی کوردستان و شاندی یاوەری سەردانی هەنگاریا و چیک دەکەن و سەردانەکەشیان لە دەرەوەی وڵات زیاتر لە 10 رۆژ دەخایەنێت.</sup>

^4/5/2015

<sup>لە گوندێكی دەڤەری پشدەر، ژن و مێردێك سێ مانگە سەرقاڵی چنینی ئاڵایەكی كوردستانن و دەڵێن گەورەترین ئاڵایە كە لە خوری چنرابێت و بڕیاریشە ئاڵاكە پێشكەشی سەرۆكی هەرێمی كوردستان بكەن.

دڵشاد حوسێن و پەریزاد مستەفا، ئەو ژن و مێردەن كە ئەو ئاڵایەیان چنیوە. ئەوان دەڵێن پێش ئەوان ژنێكی خەڵكی شاری مهابادی رۆژهەڵاتی كوردستان ئاڵایەكی چنیوە، بەڵام ئەوەندەی ئاڵاكەی ئەوان گەورە نەبووە، ئەو ئاڵایەی ئەوان چنیویانە درێژییەكەی 3.8 مەترە و پانییەكەشی 2.8 مەترە.

دڵشاد لە كۆڕەوەكەی ساڵی 1991 چووەتە رۆژهەڵاتی كوردستان و لەوێ هاوسەرگیری لەگەڵ پەریزاد كردووە، ئەوان ئێستا لە گوندی پیران لە قەڵادزێ لەسەر كێڵگەیەكی پەلەوەر كار دەكەن، ئەو كاتانەی ئیشی كێڵگەكەیان نەبێت، سەرقاڵی چنینی ئاڵاكە دەبن.

دڵشاد بە (رووداو)ی گوت "من لە ئێران ئاڵایەكی كوردستانم هەبوو، لە ئێران لەسەر ئەو ئاڵایە گیرام و پێنج ساڵ زیندانی كرام، دوای ئازادكردنیش ناچاریان كردم ئێران جێبهێڵم. لەنێو زیندان فێری كاری چنین بووم، هەر لەوێ‌ بەڵێنم دا ئاڵایەكی گەورە بچنم، دوای راوێژكردن بە هاوسەرەكەم، بەیەكەوە بڕیارماندا ئاڵاكە بچنین، دوای سێ مانگ ئاڵاكەمان تەواو كرد، ئێستا دەمانەوێت ئەو ئاڵایە پێشكەشی سەرۆكی هەرێمی كوردستان بكەین".

دڵشاد رەتیكردەوە كە لایەنگری هیچ حیزبێك بێت و گوتی "بەڵام سەرۆكی هەرێمی كوردستانم خۆشدەوێت، لەبەرئەوەی كە سەرۆكی هەرێمە نەوەك سەرۆكی لایەنێكی سیاسی".

پەریزاد لەرێگای دڵشادی هاوسەرییەوە فێری كاری چنین بووە، ئەو دەڵێت "دڵشاد فێری كاری چنینی كردم، ئێستاش بۆ دابینكردنی بەشێك لە بژێویی ژیانم كڵاوی منداڵان و سەرشانەی ژنان و بەرگی قوتوی كلێنس و تەسبیح و كۆمەڵێك كەلوپەلی دیكە دەچنین".

دڵشاد و پەریزاد كوڕێك و كچێكیان هەیە بەناوەكانی (خەندە و یەحیا) ئەوان ئەو كاتانەی دایك و باوكیان سەرقاڵی چنینن، سەیری دەستیان دەكەن بە ئومێدی ئەوەی فێری هونەری چنین ببن و هەندێجاریش هاوكاری و بەردەستییان دەكەن.</sup>

^3/5/2015

<sup>نێچیرڤان بارزانی، سەرۆکی حکومەتی هەرێمی کوردستان دەڵێ ئەمریکا دەیەوێ دڵنیابێت لەو چەکانەی بۆ عێراقی دەنێرێ بەشێکی دەگاتە دەست پێشمەرگە. سەبارەت بە نیگەرانیی بەشێکی لایەنە عێراقییەکانیش لە پرۆژەبڕیارەکەی کۆنگرێس دەڵێ "باش لێی تێنەگەیشتوون".

نێچیرڤان بارزانی، لەنێو فڕۆکەخانەی نێودەوڵەتی هەولێر، دوای ئەوەی ماڵئاوایی لە سەرکوەزیرانی کەنەدا کرد، بۆ تۆڕی میدیایی رووداو باسی لە سەردانەکە کردو بە "گرینگ" وەسفیکرد. گوتی "سەردانێکی گرینگ بوو، حکومەتی کەنەدا هەر لە سەرەتای شەڕی داعشەوە هاوکاریی مرۆیی و سەربازیی هەرێمی کوردستانی کردووە، لەم سەردانەشدا سەرۆکوەزیرانی کەنەدا جەختی لە پاڵپشتیکردنی پێشمەرگە کردەوە".

سەرۆکوەزیرانی کەنەدا لە سەردانەکەیدا بۆ هەولێر، بەرەکانی شەڕی داعشی بەسەرکردەوە. نێچیرڤان بارزانی ئەوەشی بە گرینگ لەقەڵەمدا و گوتی "سەرۆکوەزیرانی کەنەدا سەرسام بوو بە هاوئاهەنگی نێوان پێشمەرگە و هێزەکانی هاوپەیمانان، بەڵێنیشیدا هاوکاریی زیاتری پێشمەرگە بکات".

نێچیرڤان بارزانی لە لێدوانەکەیدا بۆ رووداو وەڵامی نیگەرانیی ئەو لایەنە عێراقییانەشی دایەوە، کە دژی پرۆژەبڕیارێکی کۆمارییەکانی ئەمریکا وەستاونەتەوە. لەو بارەیەوە گوتی "دەبێ بزانین ئەو بڕیارە بۆ دراوە، پێشتر سەرۆکوەزیرانی پێشوو رەزامەندی نەدا هاوکاریی سەربازیی بگاتە هەرێمی کوردستان، ئەو بڕیارەی ئەمریکاش بۆئەوەیە تاوەکو دڵنیابن چەک دەگاتە دەست پێشمەرگە، چونکە پارەکە خۆی دەیدات". سەبارەت بە نیگەرانیی لایەنە عێراقییەکانیش گوتی "باش لە بڕیارەکە تێنەگەیشتوون".

 ئەو پرۆژەبڕیارە ئەگەر پەسەندبکرێ ئەمریکا راستەوخۆ چەک بۆ پێشمەرگە دەنێرێ.</sup>

^3/5/2015

<sup>مەراسیمی  كەماسا (ناسراو بە پیری شالایار" هەموو ساڵێک لە نیوەی مانگی گوڵان بەڕێوەدەچێت . ئەم بۆنەیە لە نێو ریشسپیەکاندا تائێستا گرنگی تایبەتی خۆی هەیە و رێزی لێدەگیرێ.

پێشتر ئەم بۆنەیە دەکرا بە سیمبولێک بۆ کۆبوونەوەی ریشسپیەکان و دانانی پلانی کاری ساڵێک، بەڵام لەگەڵ گۆڕانکارییە شارستانیەتییەكان و بەرەوپێشچوونی جیهان، کەمتر گرنگی بەم ساڵیادە دەدرێ و هەر ئەمەش وایکردووە چیدی ریشسپیەکان نەتوانن لە ئان و زەمانی تایبەت لەدەوری یەک کۆببنەوە.

خەڵكی لە هەموو شارە جیاوازەکانی کوردستانەوە  یادی ئەو رۆژە دەکەنەوە و دەچنە سەردانی مەزاری پیری شالیار، هەر لە بەرەبەیانی ئەو ڕۆژەش دەچن بۆ سەردانی مەزاری پیری شالیار و  تاوەكو دەستدەکەن بە خوێندنی عیرفان، دەفلێدان، خوێندنەوەی شیعر، گوارنیگوتن و هەڵپەڕکێ.</sup>

^3/5/2015

^{بەپێی هەواڵێكی ماڵپەڕی “ئەلعەرەبیە”، میلشیا شیعەکانی یەمەن لە (سەنعا) ی پایته‌ختی یەمەن سەرقاڵی خاوێن کردنەوەی گۆڕەپانێکن لەناوچەی (ئەلسەعبینی) ئەو شارە بەمەبەستی نیشتنەوەی فڕۆکە ئێرانییەکانەن.}

^{سەرچاوەکە باسی لە ئه‌وه‌ش کردووە كه‌ حوسییەکانی یەمەن زۆر بە چڕی سەرقاڵی پێشوازی كردن له‌ فڕۆکە ئێرانییەکانیانن و چەک و تەقەمەنییەکانیان لەو فڕۆکانەوە دابین دەکەن.
چەند رۆژێك پێش ئێستا لە کاتێکدا فڕۆکە ئێرانییەکان ویستبوویان لە فڕۆکەخانەی (سەنعا) بنیشنەوە لەلایەن فڕۆکە جەنگییەکانی سعوودییەوە شوێنەکە بوردومان کرا.}

^{ئەلعەرەبییە ئەوەشی خستووەتەڕوو، ئێران ده‌نگۆی ئه‌وه‌ی بڵاو كردووه‌ته‌وه‌ کە ئەو فڕۆکانە بەمەبەستی راگوستنی بریندارەکان ویستوویانە بچنە سەنعا.}

^{بە گوتەی بەرپرسانی سعوودی، ژمارەیەکی بەرچاو لە فەرماندەكانی حوسییەکان لەریزی برینداره‌كاندا هه‌ن كه‌ ڕەوانەی وڵاتی ئێران کراون.
سەرچاوەکە ئاشکراشی کردووەوە ئەو گۆڕەپانەی کە لەلایەن حوسییەکانەوە بەمەبەستی نیشتنەوەی فڕۆکە ئێرانیەکان ئامادە دەکرێت شوێنێکی دووره‌ دەستە و لەلایەن چەکدارەکانیشەوە پارێزگاری لێدەکرێ.}

^{٣/٥/٢٠١٥}

<sup>نەتەوەیەکگرتووەکان نیگەرانە لە پڕچەکردنی لایەنە جیاوازەکان لە عێراق، بەتایبەتی ئەو لایەنانەی کە دەوڵەت نین. 

جێگری گوتەبێژی نەتەوەیەکگرتووەکان لە وەڵامی پرسیارێکی (تۆڕی میدیایی رووداو) لە بارەگای سەرەکی نەتەوەیەکگرتووەکان رایگەیاند: "ئێمە نیگەرانین لە زیاتر بە سەربازیکردنی بارودۆخەکە لە رێگەی پڕچەککردنی ئەو لایەنانەی کە دەوڵەت نین. نوێنەرایەتی ئێمە لە عێراق پێشتر نیگەرانی خۆی دەربارەی ئەم بابەتە راگەیاندووە". 

فەرهاد هەق، کە جێگری گوتەبێژی فەرمی نەتەوەیەکگرتووەکانە ئەوەی نەشاردەوە، کە نەتەوەیەکگرتووەکان بەگشتی لە دژی زیاتر پڕچەککردنی لایەنە شەڕکەرەکانی عێراقە. هەروەها ئەو، بابەتی پڕچەککردنی لایەنە جیاوازەکانی عێراقی بە پاراستنی مافەکانی مرۆڤ بەستەوە. گوتی: "ئێمە زۆر نیگەران دەبین لە پڕچەککردنی هەر لایەنێک کە دەوڵەت نەبێت ئەگەر ئەو کارە ببێتە هۆی پێشێلکاریی مافەکانی مرۆڤ".
 
بەڵام لە هەمانکاتدا، هەق داوای یەکگرتوویی لایەنە عێراقییەکان کرد بۆ رووبەڕووبوونەوەی داعش و گوتی: "ئەوەی لای ئێمە گرینگە ئەوەیە کە هەموو لایەنەکان رێز لە مافی مرۆڤ بگرن و هەروەها کێشە تائیفییەکان زیاتر تەشەنە نەسێنێت. لایەنە جیاوازەکانی عێراق دەبێت وا هەستبکەن کە ئەوان بەشێکن لە عێراق و بەشدارن لە پرۆسەی سیاسی. پێویستە یەکگرتوویی نیشتیمانیی هەبێت لە دژی هەڕەشەی داعش".
 
جگە لە پاراستنی ئاشتی و سەقامگیریی لە جیهاندا، پاراستنی یەکگرتوویی خاکی وڵاتانی ئەندام ئامانجێکی سەرەکی راگەیێنراوی نەتەوەیەکگرتووەکانە و هەڵوێستی ئەم رێکخراوە بەرامبەر بە پڕچەککردنی لایەنەکانی شەڕ لە جیهاندا بەگشتی نێگەتیڤە. 

ئەم هەڵوێستەی نەتەیەوەیەکگرتووەکان تا رادەیەک دژیەکی هەڵوێستی فەرمی ئەو رێکخراوەیە بەرامبەر بە شەڕی داعش. ئەنجوومەنی ئاسایشی نەتەوەیەکگرتووەکان پێشتر پشتگیریی خۆی بۆ ئەو لایەنانەی کە شەڕی داعش دەکەن راگەیاندووە. هەفتەی رابردوو، ئەنجوومەنی گشتی نەتەوەیەکگرتووەکان کۆنفرانسێکی نێودەوڵەتی لە دژی ئایدیۆلۆژیای تووندڕەوی گرووپە چەکدارەکان وەکو داعش ئەنجامدا.</sup>

^2/5/2015