<sup>سەڵاحەدین دەمیرتاش هاوسەرۆکی پارتی دیموکراسی گەلان (HDP) هەموو ئەو قسانەی رەتکردەوە کە ئەگەر نەیانتوانی بچنە پەرلەمان کاردانەوەی توندیان دەبێت. دەمیرتاش گوتی" لە سەدا ١٠ نەبڕین وەک پارتێکی هەموو تورکیا دەمێنینەوە و پابەندی بەڵێنەکانمان دەبین".

لە دیدارێکی رۆژنامەوانی لەگەڵ رۆژنامەی حورییەتی تورکی دەمیرتاش وەڵامی چەند پرسێکی دایەوەو لە بارەی ئەوەی گەر نەیانتوانی رێژەی لە سەدا 10 ببڕن ، دەمیرتاش گوتی" ئێمە وەک پارتێکی هاوبەشی نێوان تورک و کورد دەمێنینەوە و پێمانوایە لەم رێگەوە کێشەکان چارەسەردەبن".

دەمیرتاش خۆشحاڵی خۆشی دەربڕی بەوەی ئاڵای تورکیا لەناو جەماوەرەکەیدا دەبینێ و ئەوە بە نیشانەی ئاسایبوونەوە دەبینێ، ئاماژەشی بەوەکرد" ئەوان لە پرۆسەیەکدان بۆ ئەوەی ببنە پارتی هەموو تورکیا نەک ئیتنیكێکی دیاریکراو و بەردەوام دەبن تا دەگەنە دەسەڵات".

لەبارەی کاندیدیکردنی کەسێکی هاورەگەزبازەوە، هاوسەرۆکی پارتی دیموکراسی گەلان ئەوە بەئاسایی بینی و بەبەشێکی گرینگی کۆمەڵگەی دانان، ئەو دەڵێت” ئەگەر تەنیا هاورەگەزبازەکان پارتێکی سیاسی پێکبهێنن لە سەدا 10 تێدەپەڕێنن".

دەمیرتاش رەخنەی تووندی لە ئەردۆغانیش گرت بەوەی کە کۆنتڕۆڵی هەموو شتێکی کردوە و داوای لە خەڵکی تورکیا کرد بەشداری هەڵبژاردن بکەن چونکە پێیوایە"تەنیا بە دەنگدان ئەردۆغان دەوەستێنرێت".

رۆژی 7-6-2015، دانیشووانی تورکیا بە هاونیشتمانییانی باکووری کوردستانەوە دەچنە سەر سندوقەکانی دەنگدان بۆ هەڵبژاردنی پەرلەمانی بۆ خولی 25 ەم لەو وڵاتە.</sup>

^1/6/2015

<sup>وادەی یەکەم هەنگاوی پێکهێنانی سێ لیوای پێشمەرگەی خۆبەخشی وەزارەتی پێشمەرگە، کە بڕیارە ئەمریکا هەم مەشقیان پێبکات هەم پڕچەکیان بکات لە نزیکبوونەوەدایە ، بڕیارە چەند رۆژێکی دیکە پرۆسەی تۆمارکردنی ناوی پێشمەرگە خۆبەخشەکان دەستپێبکات بۆ نێو ئەو لیوایانە.

مستەفا سەید قادر، وەزیری پێشمەرگە بە تۆڕی میدیایی رووداوی راگەیاند: "خۆمان ئامادە کردووەو پلانمان هەیە بۆئەوەی ئەم سێ لیوایە بکەینە سێ لیوای رێکخراوی نیشتمانی ، هەموو خەڵکی ئاسایی ئەم نیشتمانە دەتوانێت لەم لیوایانە ببێتە پێشمەرگە، تەنیا مەرجی پێشمەرگایەتی تێدا بێت کە لە پاشاندا لە راگەیێندراوێکدا بڵاویدەکەینەوە ، لە رێگەی بنکەی خۆبەخشی وەزارەتی پێشمەرگەوە وەردەگیرێن و مەشقیان پێدەکرێت و رێکدەخرێت".

بڕیارە ژمارەی پێشمەرگەکانی ئەو سێ لیوایە 6600 پێشمەرگە بێت، بەجۆرێک هەر لیوایەک لە 2200 پێشمەرگە پێکدێت، ئەو کەسەی وەک پێشمەرگەی خۆبەخش وەردەگیرێت دەبێت تەمەنی لەنێوان 18 بۆ 30 ساڵ بێت.

گوتەبێژو بەرپرسی پەیوەندییە دیپلۆماسییەکانی ئەمریکا لە هەولێر بە رووداوی گوت، لە چوارچێوەی هاوپەیمانێتی نێودەوڵەتیدا بۆ رووبەڕووبوونەوەی چەکدارانی داعش، ویلایەتە یەکگرتووەکانی ئەمریکا وێڕای ئەوەی تاوەکوئێستا بە بەهای زیاتر لە 180 ملیۆن دۆلار هاوکاریی کەلوپەل و تەقەمەنی بۆ وەزارەتی پێشمەرگە ناردووە، هاوکات 18 ملیۆن و 500 هەزار دۆلاری بۆ کرێی گواستنەوەی کۆمەکی هاوپەیمانان خەرجکردووەو هەمو کەلوپەلەکانیش بەهەماهەنگی حکومەتی عێراق گواستراونەتەوە. 

لە بەردەوامیی هاوکارییە سەربازییەکان بۆ هێزی پیشمەرگە، ئەمریکا دەیەوێت سەرپەرشتی ئەو سێ لیوایەی وەزارەتی پیشمەرگە بکات لە رووی مەشق و پڕچەککردنیانەوە، کە بڕیارە لە داهاتوویەکی نزیکدا دابمەزرێت. فەرماندەی ئەو سێ لیوایەش وەزارەتی پێشمەرگە دیاریدەکات نەک ئەمریکا.</sup> 

^31/5/2015

<sup>کۆنگرەی کۆمەڵی ئیسلامی بەردەوامە و لەدووەم رۆژی كۆنگرەکەدا، بڕیارە ئەمیری کۆمەڵ بە دەنگی ئەندامانی کۆنگرە هەڵبژێردرێتەوە. وەک ئەندامێکی کۆنگرەکەیش باسی دەکات‌" جگەلە مامۆستا عەلی باپیر دیار نییە كەسێكی دیكە خۆی کاندید بکات".

رۆژی یەکشەممە 31-5-2015 لەدووەم رۆژی کۆنگرەدا دەنگدان دەکرێت لەسەر پۆستی ئەمیری کۆمەڵ،عەبدولستار مەجید ئەندامی كۆنگرەی سێیەمی كۆمەڵی ئیسلامی لە لێدوانێكدا بۆ (تۆڕی میدیایی رووداو) گوتی" جگە لە عەلی باپیر دیار نییە کە کێ دەیەوێت بۆ ئەو پۆستە خۆی کاندید بکات".

ئەو کە ئەندامی مەكتەبی سیاسی کۆمەڵی ئیسلامی-ە پێیوایە" عەلی باپیر بەنیاز نەبوە خۆی بۆ پۆستی ئەمیری كۆمەڵ کاندید بکاتەوە، بەڵام پێداگری بەشێکی زۆر لە ئەندامانی كۆمەڵی ئیسلامی بوە هۆی ئەوەی بە دووبارە کاندیدکردنەوەی رازی بێت، ئەگینا نیازی هەبوو بەجۆرێكی دیكە لەنێو كۆمەڵی ئیسلامی خزمەت بكات".

كۆمەڵی‌ ئیسلامیی‌ كوردستان رۆژی شەممە 30-5-2015 سێیەم كۆنگرەی‌ خۆی‌، بە بەشداریی‌ 760 ئەندام لە هۆڵی‌ ئەوتار لە شاری‌ هەولێر دەستپێكرد و تاوەکو رۆژی دووشەممە 1-6-2015 بەردەوام دەبێت. ئەو حیزبە كە لە بزووتنەوەی ئیسلامی جیابووەتەوە، لە 31-5-2001 دامەزراوە و تاوەكو ئێستا دوو كۆنگرەی كردووە، لە هەردوو كۆنگرەكەش عەلی باپیر بە ئەمیری كۆمەڵ هەڵبژێردراوە.</sup>

^31/5/2015

<sup>فڕۆکەکانی هاوپەیمانێتی عەرەبی بنکەو بارەگاکانی چەکدارانی حوسی و هێزەکانی سەربە سەرۆکی پیشووی یەمەن-یان لە هەردوو شاری سەنعا و تەعز بەچڕی بۆردوومانکردووە.سەرچاوە سەربازییەکانیش باس لە کوژرانی چەندین هاووڵاتی یەمەن-ی دەکەن لەلایەن حوسییەکانەوە.

ئەمڕۆ یەکشەممە ٣١ی ئایاری ٢٠١٥، سەرچاوەیەکی سەربازی لە سوپای یەمەن رایگەیاند:" فڕۆکەکانی هاوپەیمانێتی عەرەبی لەهەردوو شاری سەنعاو تەعز بەچڕی بنکەو بارەگاکانی چەکدارانی حوسی-یان بۆردوومانکردووە، بەوهۆیەشەوە چەکدارانی حوسی و هێزە چەکدارەکانی سەربە عەلی عەبدوڵـڵا ساڵح سەرۆکی پێشووی یەمەن، زیانی زۆریان بەرکەوتووە".

بە پێی زانیارییەکانی ئەو سەرچاوە سەربازییەی سوپای یەمەن، چەکدارە حوسییەکان لە شاری تەعز، دەستیانکردووە بە دەستڕێژی گوللە لە دانیشتووانی شارەکە و" چەندین کەسی مەدەنیی دانیشتووی شاری تەعز بە گوللەی چەکدارانی حوسی کوژراون و برینداربوون".</sup>

^31/5/2015

<sup>دوای كۆنترۆڵكردنی هەردوو شاری تەدموور لە سووریا و رومادی لە عێراق، رووبەری ئەو خاكە فراونتر بووە كە رێكخراوی داعش دەیەوێت دەوڵەتی خەلافەتی لەسەر دابمەزرێنێ‌، ئێستا رووبەری خاكەکەی لە رووبەری وڵاتی فەرەنسا زیاترەو هێندەی رووبەری بەریتانیایە. سەرەڕای گورزە ئاسمانییەكانی فڕۆكە جەنگییەكانی ئەمریكاو هاوپەیمانەكانی، بەڵام داعش لە پێشڕەوی بەردەوامدایە، پرسیاری سەرەكيش ئەوەیە: تاكەی داعش فراوانخوازی دەكات و هەنگاوی داهاتووی لە سووریا بەرەو كوێ دەبێت؟.

دوای كۆنتڕۆڵكردنی شاری تەدموور داعش چەند بژاردەیەكی دیكەی دێتە بەردەم، ئێستا سنوورەكانی نێوان عێراق و سووریای بەتەواوی كۆنترۆڵكردووە، جگە لە قۆڵی پێشمەرگە، ئایا ئەو دەوڵەتەی داعش دەیەوێت پێویستی بە دەریایە، وە كام دەریا دیاریدەكات؟. لوبنانییەکان ترسیان لە وەڵامی ئەم پرسیارە هەیە.

پسپۆڕانی سەربازی پێشبینی دەكەن دوای كۆنتڕۆڵكردنی شاری تەدموور، رێكخراوی داعش بەرەو رۆژهەڵات بكشێت بۆ كۆتاییهێنان بە دەسەڵاتی رژێم لە شارۆچكەی (فرقلس)، دواتر 3 بژاردەی دێنە بەردەم. یەكەم كشان بەئاراستەی باشووری سووریا و رووبەڕووبوونەوەی هێزەكانی ئۆپۆزیسیۆن، یان پاشەكشەكردن بەرەو باكوور بۆ كۆنترۆڵكردنی تەواوی شاری دێرەزوور، یان پێشڕەویكردن بەرەو دەریا بەنێو خاكی لوبناندا.   

عیماد جان قەهوەچی، سەركردەی سوپای لوبنان دەڵێ "رێكخراوی داعش دەیەوێت رێڕەوێك بەرەو دەریا بۆ خۆی فەراهەم بكات، كە تاوەكو ئێستا لە سووریاو عێراق بۆی نەكراوە، پێشیوایە دەكرێت ئەم ئامانجەی لە رێگەی كۆنترۆڵكردنی خاكی لوبنانەوە بپێكێ، بۆیە كار لەسەر ئەوە دەكات چیاكانی قەلەموون لە سووریا بە عرسال ببەستێتەوە، پاشان بە ناوچەی عەكازو باكوور پێشڕەوی بكات".

سەرچاوە دیپلۆماتەكانی پاریس رایانگەیاندووە، حكومەتی فەرەنسا بە بەرپرسانی سیاسی و سەربازی لوبنانیان گوتووە، دەریای ناوەڕاست هێڵی سوورەو فەرەنسا بوونی داعش لەو دەریایە قبوڵ ناكات، چاودێرانی سەربازیش پێیانوایە، بیركردنەوەی لۆژیكی داعش كشانە بەرەو خاكی لوبنان.

بەهۆی فرە رەگەزییەوە ئەمڕۆ لوبنان گرنگترین ئامانجی داعشە، چونكە هەر رووداوێك رووبدات دەنگدانەوەیەکی راگەیاندنی جیهانی بەدوادادێت، ئەوانیش پێویستیان بەو هەرا جیهانییەیە.

هیشام جابر، سەرۆكی سەنتەری رۆژهەڵاتی ناوەڕاست بۆ توێژینەوە ستراتیژییەكان دەڵێت "داعش یەكەم رێكخراوی مێژوويی شەڕی چەتەكانە لەدوای شەڕی ڤێتنام، چونكە پشت بە دوو تاكتیك دەبەستێت و هەردووكیشیان لەیەك كاتدا جێبەجێ دەكات، بەڵام لەكاتی گونجاو، وەكو هێرشكردن لە رێگەی بۆسەو تەقینەوەو كەسانی خۆكوژ، هەوڵیش دەدات بۆ ئەوەی ببێتە سوپایەكی نیزامی، لەكاتێكدا تەنها هێزی ئاسمانی كەمە بۆ ئەوەی ببێتە سوپایەكی تەواو، داعش خاوەنی چەكێكی پێشكەوتوو، تانك و زرێپۆش و مووشەك و نوێترین چەك و تەقەمەنییە".

جابر گوتیشی: "رووخانی سوپای عێراق كاریگەری زۆری هەبوو لەسەر پلانەكانی رووبەڕووبوونەوەی داعش، بەهۆی پەخشكردنی ترس و دڵەڕاوكێ‌ و كردەوەكانی خۆكوژی و تەقاندنەوە سوپای عێراق شەڕیان نەكرد، ئەمەش وایكرد داعش بە خێرایی زۆربەی ناوچەكانی عێراق كۆنتڕۆڵ بكات، سەرەڕای گرتنەبەری شەڕی دەروونی، تەكتیكی سەربازی و داهاتی دارایی و چەكدارانی بیانی، كە چەكدارانی داعش زۆر پشتیان پێدەبەستن".

هیشام جابر پڕچەككردنی داعش دەخاتە ئەستۆی نووری مالیكی سەرۆكوەزیرانی پێشووی عێراق، كە گەندەڵییەكی زۆر لەسەردەمی حوكمڕانیی ئەو لە نێو دەزگا ئەمنییەكاندا تەشەنەی كردبوو و ئێستاش وەكو میرات بۆ حكومەتەكەی عەبادی ماوەتەوە. هاوکات مەترسى هەیە داعش سەربازگەی حەبانییەش كۆنتڕۆڵبكات كە گەورەترین بنكەی سەربازی سوپای عێراقییە.

ماریۆ ئەبو زەید، لێكۆڵەر لە سەنتەری كارنیگی بۆ رۆژهەڵاتی ناوەڕاست پێیوایە هۆكارەكانی گەشەكردنی داعش لە سووریا هەمان هۆكاری گەشەكردنیەتی لە عێراق و دەڵێت "خەمساردی حكومەتی عێراق لە پڕچەككردنی هۆزەكانی عەرەبی سوننە بۆ بەرەنگاربوونەوەی داعش و فراوانبوونی میلیشیا چەكدارەكانی شیعە فاكتەری سەرەكی بوون و وایكرد عەرەبی سوننە داعشی وەكو هێزێكی سوننە بەلاوە باشتر بێت لەو میلیشیا شیعانەی ئێران پاڵپشتیان دەكات".

ئەبو زەید بە پێویستی دەزانێت دوو ستراتیژیەتی نوێ‌ بۆ رووبەڕووبوونەوەی داعش لە سووریاو عێراق دابنرێن، ئەویش ئەوەیە کە سووریا كاربكات لەسەر هاوكاریكردنی ئەو هێزە میانڕەوەی لە بەری باشوور ماوەو 59 لایەن لەخۆدەگرێت بەشێوەیەك بتوانن لە یەك كاتدا رووبەڕووی هەردوو رێكخراوی داعش و بەرەى نوسرە ببنەوە. لە عێراقیش پێویستە هاوكاری هۆزەكانی عەرەبی سوننە بكرێت و پڕچەك بكرێن و مەشقیان پێبكرێـت و حكومەتی عێراقیش پابەندبێت بە گێڕانەوەی پێكهاتەی سوننە بۆ دەسەڵات وەكو لایەنێكی بەشدار لە بڕیاری سیاسی.</sup>

^31/5/2015

<sup>بەریتانیا دەیەوێت ئەرکە سەربازییەکانی لە عێراق فراوانتر بکات و سەرباز و راهێنەری دیکەی سەربازی دەنێرێتە باشووری کوردستان.

بەپێی راگەیێندراوێکی ئەنجوومەنی ئاسایشی نیشتمانی بەریتانی، کە دەیڤید کامیرۆن سەرۆکوەزیرانی بەریتانیا سەرپەرشتی دەکات، ئاسۆی فراوانکردنی ئەرکە سەربازییەکانی بەریتانیا لە چوارچێوەی ناردنی راهێنەری سەربازی زیاتر دەبێت بۆ باشووری کوردستان ، کە بە ناوچەیەکی ئارام وەسفی کردووەو بەریتانیا دەیەوێت لەو رووەوە هاوکاری عێراق و حکومەتی هەرێمی کوردستان بێت.

هەر بەپێی راگەیێندراوەکە "بەریتانیا دەیەوێت تیم و شارەزای پووچەڵکردنەوەی بۆمبەکان بنێرێتە بەغدا و هەولێر و شانبەشانی راهێنەرانی ئەمریکی راهێنان بە هێزەکان بکەن".

بەپێی زانیارییەکانی میدیاکانی بەریتانیا "وڵاتەکە تائێستا 100 راهێنەر و شارەزای سەربازی لە باشووری کوردستان هەیە و مەشقیان بە 1200 پێشمەرگە کردووە، ئەو راهێنەرانە پێشمەرگەیان لەسەر چۆنێتی بەکارهێنانی چەکی قورس و شەڕی کۆڵان و پووچەڵکردنەوەی بۆمبەکان راهێناوە".

هاوکات گوتەبێژێک بەناوی وەزارەتی بەرگریی بەریتانیا بە میدیاکانی وڵاتەکەی راگەیاندووە "وەک هەوڵێکی هاوپەیمانان لە شەڕی داعش، راهێنەرانی بەریتانی راهێنان بە هێزە عێراقییەکان دەکەن، بەریتانیا 800 راهێنەری سەربازی لە ناوچەکە هەیە و بەردەوامیش دەبێت لە پاڵپشتیکردنی  هێزەکان بۆ شەڕی داعش".</sup>

^30/5/2015

^{له‌میانی‌ كۆبونه‌وه‌یان له‌ گه‌ڵ لیژنه‌ی‌ پێشمه‌رگه‌ی‌ په‌رله‌مانی‌ كوردستان، به‌پرسانی‌ وه‌زاره‌تی‌ پێشمه‌رگه‌ باسی‌ ئه‌و وڵاتانه‌ ده‌كه‌ن كه‌ پێشمه‌رگه‌ برینداره‌كانی‌ كوردستانی لێ چاره‌سه‌ر ده‌كرێن ، راشیده‌گه‌یه‌نن به‌شێكی‌ زۆر له‌وڵاتان ئاماده‌یی خۆیان نیشانداوه‌ بۆ چاره‌سه‌ركردنی‌ ئه‌و بریندارانه‌.}

^{لیوا سالار جه‌بار، جێگری‌ سه‌رۆكی ئه‌ركان له‌ وه‌زاره‌تی‌ پێشمه‌رگه‌ دوای‌ كۆبونه‌وه‌ی له‌گه‌ڵ لیژنه‌ی‌ كاروباری‌ پێشمه‌رگه‌ له‌ په‌رله‌مانی‌ كوردستان به‌ رۆژنامه‌نوسانی‌ رایگه‌یاند: به‌شێك له‌و پێشمه‌رگانه‌ی‌ له‌شه‌ڕی‌ داعش برینداربوون و برینه‌كانیان سه‌خته‌، ره‌وانه‌ی‌ وڵاتانی‌ ده‌ره‌وه‌ كراون و به‌شێكی‌ تریان له‌نه‌خۆشخانه‌كانی‌ ناوخۆ چاره‌سه‌ر ده‌كرێن .}

^{لیوا سالار جه‌بار وتیشی‌: هه‌ریه‌ك له‌ (ئوردن و ئه‌ڵمانیا و فره‌نسا و ئیماراتی‌ عه‌ره‌بی) له‌و وڵاتانه‌ن كه‌ پێشمه‌رگه‌ برینداره‌كانیان چاره‌سه‌ر كردووه‌، ژماره‌یه‌كی‌ تریش له‌وڵاتان ئاماده‌یی خۆیان نیشانداوه‌ بۆچاره‌سه‌ركردنی‌ برینداره‌كان.}

^{ئاماژه‌ی‌ به‌وه‌شكرد: زیاتر له‌شه‌ش هه‌زار پێشمه‌رگه‌ی‌ برینداری‌ شه‌ڕی‌ داعش هه‌یه‌، به‌شێكی‌ زۆریان له‌ناوخۆی‌ كوردستان چاره‌سه‌ركراون و پێویستیان به‌ده‌ره‌وه‌ی‌ وڵات نه‌بووه‌.}

^{وتیشی، هه‌وڵدراوه‌ نه‌خۆشخانه‌ی‌ تایبه‌ت بۆ پێشمه‌رگه‌ له‌ هه‌ردوو پارێزگای‌ هه‌ولێر و دهۆك دروستبكرێت، به‌و پێیه‌ی‌ نه‌خۆشخانه‌یه‌كی‌ له‌وشێوه‌یه‌ له‌ سلێمانی‌ به‌ناوی‌ نه‌خۆشخانه‌ی‌ شۆڕش هه‌یه‌ .}

^29/5/2015

<sup>لە ناوچەی شرناخ لە باکووری کوردستان، لایەنگرانی پارتی دیموکراتی گەلان HDP و لایەنگرانی هوداپار، کە هەردووکیان دوو پارتی کوردین، دەبێتە شەڕیان و دوو کەس بەهۆی پێکدادانیانەوە کوژراون.

7ی حوزەیران هەڵبژاردنی پەرلەمانی لە تورکیا بەڕێوەدەچێت و بانگەشەی هەڵبژاردن لەنێوان ئەو لایەنانەی بەشدارن لە هەڵبژاردنەکەو لایەنگرانیان تادێت تووندتر دەبێت.</sup>

^29/5/2015

<sup>یەکەمین ژنە کوردی ئێزدی خۆی بۆ ئەندامی پەرلەمانی تورکیا بەربژێر دەکات و بەناوی کوردانی ئێزدییەوە بەشداری دەکات. ئەو لەسەر لیستی پارتی دیموکراتی گەلان  HDP خۆی هەڵدەبژێرێت.

لەناو HDPدا نوێنەرایەتی کوردانی  ئێزدی دەکات، کوردانی ئێزدی پێشتر تەنها ئەنجوومەنێکی بچووک بوون، بەڵام لەدوای ساڵی ٢٠١٤ و ئاوارەبوونی کوردانی ئێزدی لە باشووری کوردستان و هێرشی داعش بۆسەریان وایکرد ناوی ئێزدی ببێتە ناوێکی دیار لە جیهاندا و بناسرێت ئەو دۆخە لە تورکیاش کاریگەری خۆی هەیە و ئەنجوومەنەکەی ئەوانی فراوانتر کردووە. 

یەکێکی دیکە لەو ئەنجوومەنانەی نوێنەرایەتی کەمەنەتەوەییەکانی تورکیا دەکەن ئەرمەنییەکانن، لەم هەڵبژاردنە یەکەمین ژنە ئەرمەنی خۆی بۆ پەرلەمان کاندید کردووە. ئەویش هاوشێوەی فەلەکناس نایەوێت تەنها کارەکانی لەچوارچێوەی نوێنەرایەتی ئەرمەنییەکاندا سنوورداربێت.

دۆغان  لەسەر لیستی پارتی گەلی کۆماری تورکیا CHP خۆی کاندید کردووە کە بە ئۆپۆزیسیۆنی سەرەکی تورکیا دادەنرێت.

چاودێرانی سیاسی دەڵێن کاری نوێنەرانی کەمە نەتەوەیی و ئاینییەکان لە تورکیا ئاسان نابێت، چونکە هەندێک جار لەوانەیە سیستەمی سیاسی ریگربێت لە جێبەجێکردنی ئەجێندای نوێنەرەکانیان.

ئەرمەنییەکان تەنها لەناو لیستی CHPدا نین، بەڵکو لەسەر لیستی پارتە کوردییەکە واتە HDP سێ نوێنەرایان هەیە و لە لیستی پارتی دەسەڵاتدار  پارتی داد و گەشەپێدان AKP یەک نوێنەرانیان هەیە. جگە لە ئەرمەنییەکانیش عەلەوی و سریانی بە هەمانشێوە لەنێو لیستە جیاوازەکاندا نوێنەری خۆیان هەیە.</sup> 

^29/5/2015

<sup>لەكاتی ئەنجامدانی نوێژی هەینی، تەقینەوەیەكی خۆكوژی لە مزگەوتێكی سعودیە روویدا و ژمارەیەك قوربانی لێكەوتەوە. رێکخراوی داعشیش بەرپرسیارێتی تەقینەوەكەی لەئەستۆگرت.

سەرچاوەکانی هەواڵی سعودی رایانگەیاندووە، تەقینەوەکە لە مزگەوتی ئیمام حوسێن لە شاری دەمام بووە، خۆکوژەکەش بە پۆشاکی ژنانەوە چووەتە نێو مزگەوتەکە.

سەرچاوەکان ئاماژە بەوەش دەکەن، کە بەپێی ئامارە سەرەتاییەکان 4 کوژراو و 10 بریندار هەن، خۆكوژەكەش لەنێو كوژراوەكاندا هەیە.

هاوكات رێکخراوی داعش لە تۆڕی کۆمەڵایەتی تویتەر، بەرپرسیاریێتی خۆی لە تەقینەوەکە راگەیاند.</sup>

^29/5/2015