^{سەرۆكی كۆڕی دیاریكردنی بەرژەوەندییەكانی كۆماری ئیسلامی ئاشكرای كرد “سنووری ئێران و سووریا بۆ ئێمە جیاوازییان نییە و ئێمە ئەركی دینیمانە پارێزگاری لە سووریا بكەین.}

^{بەپێی راپۆرتی ئاژانسی ئیسنا “موحسن رەزایی” لە پەراوێزی رێوڕەسمی بەخاكسپاردنی تەرمی “حوسێن هەمەدانی” فەرماندەی كوژراوی ئێران لە سووریا، بە هەواڵدەرییەكانی راگەیاند: “ئێمە ئەركمانە و خەریكین بەرگری لە ئیسلام و موسڵمانان دەكەین، هەر بۆیە سنووری ئێران و سووریا لەلامان جایوازیی نییە.”}

^{گوتیشی: “پرسی تیرۆریزم لە سووریا و عێراق بووەتە پرسێكی نێودەوڵەتی و پەوەندیی بە جیهانی ئیسلامیشەوە هەیە و بووتە فیتنەیەك و ئەگەر بێت و لەناو نەبرێت و سەربكەون، دنیای ئیسلام بۆ 15 سەدە لەمەوپێش دەگەڕێننەوە.”}

^{فەرماندەی پێشووی سوپای پاسدارانی ئێران بە شانازییەوە باسی كوژرانی حوسێن هەمەدانیی كردووە و هاوكات عەلی خامنەیی رێبەریی ئێرانیش وێڕای سەرەخۆشی، پیرۆزیایی “شەهید بوون”یشی كردووە.}

^{ئێران لە كاتێكدا باس لە پشتیوانی و بەرگری لە ناوەندە ئاینییەكانی سووریا و ئەركی راوێژكاری لەو وڵاتە دەكات، كەچی بە هەموو هێزی سەربازی و ئابووریی خۆیەوە پاڵپشتی مانەوەی حكوومەتی بەشار ئەسەدە و وڵاتانی رۆژئاوا و ئەمەریكاش بە توندی رەخنە لە ئێران دەگرن.}

^{هەتا ئێستە دەیان فەرماندەی كۆماری ئیسلامی و نزیكەی 200 ئەندامی سوپای پاسداران لە دوو وڵاتی عێراق و سووریا كوژراون كە دوایین و گەوەرترینیان “حوسێن هەمەدانی” كەسی دووەمی سوپای پاسداران بوو كە پێنجشەممە لە حەڵەب كوژرا و ئەمڕۆ لە شاری تاران تەرمەكەی بە خاك دەسپێردرێت.
12/1/2015}

^{عه‌مید”حسێن ده‌هقان” وه‌زیری به‌رگری ئێران ئه‌مڕۆ تاقیكردنه‌وه‌ی موشه‌كێكی دوورهاوێژی دروستكراوی ئێرانی ڕاگه‌یاند. جه‌ختیشی له‌وه‌ كرده‌وه‌ كه‌ تاقیكردنه‌وه‌كه‌ سه‌ركه‌وتوو بووه‌.}

^{به‌پێی هه‌واڵێكی “ئاژانسی ده‌نگوباسی ئێران” موشه‌كه‌كه‌ جۆری زه‌وی به‌زه‌وی بووه‌و، به‌جۆرێك دیزاین كراوه‌ تاكو ئامانجه‌كه‌ی به‌وردی بپێكێت.}

^{له‌هه‌واڵێكی ئاژانسی”فارسنیوز”ی ئێرانیدا هاتووه‌: ” موشه‌كه‌كه‌ ناوی عیماده‌، دروستكردن و تاقیكردنه‌وه‌یشی ده‌بێته‌ بازدانێكی ته‌كنه‌لۆژی له‌بواری موشه‌كسازیدا”.}

^{هه‌روه‌ها ئاژانسه‌كه‌ له‌زاری “ده‌هقان”ه‌وه‌، ڕایگه‌یاند: ” ئێران پرس به‌هیچ لایه‌نێك ناكات كه‌ تواناكانی به‌رگری و موشه‌كی خۆی په‌ره‌ پێ بدات. به‌وپه‌ڕی پێداگرییه‌وه‌ په‌ره‌ به‌ تواناكانی به‌رگری خۆمان ده‌ده‌ین به‌تایبه‌تی له‌توانا موشه‌كیه‌كانماندا.”.}

^{به‌ڵام وه‌زیری به‌رگری ئێران، زانیاری زیاتری له‌سه‌ر خه‌سڵه‌ت و تواناكانی موشه‌كه‌كه‌ ئاشكرا نه‌كرد.
12/10/2015}

^{ڕۆژنامەیەكی بەریتانی ئاشكرای كرد، حكوومەتی لەندەن گڵۆپی سەوزی بۆ فڕۆكە جەنگییەكانی وڵاتەكەی و هاوپەیمانیی ناتۆ داگیرساندووە، تاوەكو لە ئاسمانی عێراقدا فڕۆكە جەنگییەكانی ڕووسیا بخەنە خوارەوە.}

^{لە ژمارەی ئەمڕۆ یەكشەممە 11/10/2015دا، ڕۆژنامەی (دەیلی ستار)ی بەریتانی ئاشكرای كرد، 2 فڕۆكەوانی جەنگیی بەریتانی و 2 فڕۆكەوانی هاوپەیمانیی باكووری ئەتڵەسی (ناتۆ) ئاگادار كراونەتەوە كە ڕێوشوێنی یەكلاكەرەوە لە دژی هێزی ئاسمانیی ڕووسی لە سنووری ئاسمانیی عێراق بگرنە بەر و لە كاتی پێویستدا فڕۆكە جەنگییە ڕووسییەكان بخەنە خوارەوە.}

^{پێشتر وەزیرەكانی بەریتانیا ڕایانگەیاندبوو، دەستێوەردانە نوێیەكەی ڕووسیا لە ڕۆژهەڵاتی ناوەڕاستدا، بارودۆخەكەی زۆر مەترسیدارتر كردووە. لە زاری سەرچاوەی زۆر باڵای بەریتانیاشەوە ئەوە بڵاو كرایەوە كە ناردنی فڕۆكەی جەنگیی بەریتانی بۆ ڕووبەڕوو بوونەوەی فڕۆكەی جەنگیی ڕووسی، تەنیا پەیوەستە بەكاتەوە و لە ئایندەدا هەر ئەو فڕۆكانە دەنێردرێن.}

^{ڕۆژنامەكە ئەوەشی ئاشكرا كردووە كە بڕیارە فڕۆكە جەنگییەكانی بەریتانیا كە لە جۆری (تۆڕنادۆ)ن، بە مووشەكی (جوو – جوو)ی پێشكەوتوو و مەودا كورت كە لە دەنگ خێراترن، پڕچەك بكرێن كە بەهۆی ئەو مووشەكانەوە دەتوانرێت هەر فڕۆكەیەك لە ئاسمانەوە بخرێتە خوارەوە.
12/10/2015}

^{“ڤێلادیمیر پۆتین” سەركۆماری رووسیا هاوكات لەگەڵ بەرگری كردن لە ئۆپەراسیۆنەكانی وڵاتەكەی لە سووریا راگەیاند: “ئامانجی ئەوان “سەقامیگیری حكوومەتی رەوا”ی بەشار ئەسەد سەركۆماری سووریایە.”}

^{پۆتین لە لێدوانێكدا بۆ تەلەفزیۆنی فەرمیی رووسیای گوتووە: “وڵاتەكەی دیسان دەیهەوێ‌ هەلومەرجێك بۆ گفتوگۆی سیاسی لە سووریا ئامادە بكات.”}

^{سەركۆماری رووسیا ئەو دەنگۆ و هەواڵانەشی رەت كردووەتەوە كە ئۆپەراسیۆنی وڵاتەكەی بۆ سەر ئۆپۆزسیۆنی میانەڕەوی حكوومەتی سووریا بێـ.}

^{بەپێی هەواڵی ئاژانسەكان لە رۆژانی رابردوودا هێزەكانی سوپای سووریا لە بەرانبەر دژبەراندا لە ناوچەكانی “ئەدلەب، حەما و لازقیە و دیمەشق” پێشڕەوی و دەسكەوتی بەرچاویان بەدەستهێناوە.}

^{ئێستە بەرەی شەڕ لە نزیك شاڕێگەیەكە كە پایتەخت بە شارەكانی دیكەی وەكوو حەڵەب پێكەوە دەبەستێتەوە و پێشبینی دەكرێت هێزەكانی ئەسەد لە هەوڵی گەمارۆدانی دژبەرانی حكوومەت دان.}

^{پۆتین ئاژماەی بەوەش داوە بە بێ‌ یارمەتیی مسكۆ ئەو مەترسییە هەیە كە “گرووپی تیرۆریستییەكان” سووریا داگیر دەكەن، چونكە حكوومەتی ئەسەد لە گەمارۆدا بووە و دژەبەرەكان گەیشتبوونە دەروازەی دیمەشق.}

^{هاوپەیمانێتی دژی داعش بە رێبەریی ئەمەریكا كە سەرقاڵی ئۆپەراسیۆنی ئاسمانییە لەدژی داعش، پێشتر گوتوویە لەم بارەوە هاوكاریی رووسیا ناكات.}

^{چەند وڵاتی دیكەی وەكوو بەریتانیا، توركیا پاڵپشتیی رووسیا لە ئەسەدیان بە “هەڵە” لەقەڵەم داوە.}

^{رووسیا رۆژی یەكشەممە ئاشكرای كرد لە ماوەی 24 سەعاتی رابردوودا فڕۆكە ئاسمانییەكانی زیاتر لە 60 ئۆپەراسیۆنی ئەنجام داوە كە ئامانجەكانی بنەكەكانی داعش بووە.}

^{رووسیا رۆژی 30ی سیپتەمبەر هێرشە ئامسانییەكانی خۆی لە سووریا دەست پێكرد و ئێرانیش لەڕێگەی زەمینی و لەلایەن سوپای پاسدارانەوە بەشداریی ئەم هێرشانەیە لە سووریا.
12/10/2015}

^{ڕۆژنامه‌ی”ناشناڵ ئینتریست”ی ئه‌مریكی وتارێكی شیكاری “ماسیۆ ڕۆجانسكی” بڵاوكردۆته‌وه‌، تیایدا ئاماژه‌ی بۆ ئه‌وه‌ كردووه‌ كه‌ له‌ماوه‌ی داهاتوودا و، له‌ چوارچێوه‌یه‌كی فراواندا پێكدادانی فراوان له‌نێوان ڕووسیا و چین و ئه‌مریكادا به‌رپا ده‌بێت.}

^{ئه‌و نوسه‌ره‌ ده‌ڵێت: ” ئه‌گه‌رچی پێمان وابوو كه‌ جیهان دووركه‌وتۆته‌وه‌ له‌ ڕكابه‌ری جیۆسیاسی له‌نێوان هێزه‌ گه‌وره‌كاندا. به‌ڵام له‌ئێستادا ڕاده‌ی به‌ره‌نگاربوونه‌وه‌كان زۆر فراوان بوون، به‌ره‌و سه‌ره‌وه‌ هه‌ڵده‌كشێن”.}

^{هه‌روه‌ها ده‌ڵێت: ” به‌دڵنیاییه‌وه‌ پێكدادانی ئه‌مجاره‌ زۆر ئاڵۆزتر و سه‌خت تر ده‌بێت له‌وه‌ی له‌گه‌ڵ یه‌كێتی سۆڤییه‌تدا له‌سه‌ده‌ی ڕابردوودا ڕوویدا، ئه‌ویش به‌هۆی فراوان بوونی ده‌سته‌ڵات و نیازه‌ شاراوه‌كانی كۆماری چینه‌وه‌یه‌”.}

^{ئه‌و نوسه‌ره‌ به‌ناوبانگه‌ی ئه‌مریكا، پێشبینی ده‌كات فه‌وزای زیاتر و هێڵی دابه‌شكردنی هه‌ژموونی نوێ له‌جیهاندا بێته‌ كایه‌وه‌.به‌هۆی ئه‌وه‌ی له‌نێوان هه‌رسێ وڵاته‌ زلهێزه‌كه‌دا متمانه‌ بوونی نه‌ماوه‌. جگه‌له‌وه‌ش زۆرێك له‌كێشه‌ هه‌رێمایه‌تییه‌كان قوڵتر و ئاڵۆزتر ده‌بنه‌وه‌.
11/10/2015}

^{“ئەشتۆن کارتەر” وەزیری بەرگریی ئەمەریکا وێرای هوشداری دان بە ڕووسیا رایگەیاندووە، لەماوەی چەند ڕۆژی داهاتوودا ئۆپەراسیۆنە سەربازییەکانیان تووشی شکستێکی گەورە دەبێتەوە.}

^{کارتەر باسی لەوەش کردووە، دەستێوەردانەکانی ڕووسیا لە کاروباری سووریا زۆر خراپ بەسەر ئەو حکوومەتەدا دەشکێتەوە و تووشی کارەسات دەبێت.}

^{لەلایەکی دیکەوە ئەشتۆن کارتەر وەزیری بەرگریی ئەمەریکا باسی لەوەش کردووە، لە ماوەی چەند ڕۆژی داهاتوودا یارمەتییە سەربازییەکانمان بۆ نەیاران و دژبەرانی بەشا رئەسەد زیاد دەکەین.}

^{وەزارەتی بەرگریی ئەمەریکا ئەوەشی خستووەتەڕوو، لەمەوبەدوا چیدیکە راهێنانی سەربازیی بە چەکدارانی سووری ناکرێت، بەڵکوو کەسانی شارەزا و فەرماندە بە تواناکان دەستنیشان دەکرێن و راهێنانیان پێ دەکرێت.}

^{دەوڵەتی ئەمەریکا هەتا ئێستە نزیکەی 580 ملیۆن دولار پارەی بە مەبەستی راهینانی سەربازی لە چەکدارانی نەیاری بەشار ئەسەد سەرف کردووە.
11/10/2015}

^{مەکتەبی سیاسیی حیزبی دێموکراتی کوردستانی ئێران لەبارەی ڕووداو و گرژی و ئاڵۆزییەکانی چەند رۆژی رابردووی شار و شارۆچکەکانی هەرێمی کوردستانی بەیاننامەیەکی بڵاو کردەوە.}

^{لە بەیاننامەکەی حدکادا وێڕای بەداخبوونی خۆی لە گرژی و ئاڵۆزییەکانی هەرێمی کوردستان، جەختی لەسەر پاراستنی دەسکەتوە نەتەوەییەکانی باشووری کوردستان کردووەتەوە و هۆشداریی داوە کە دوژمنانی نەتەوەکەمان چاویان بە ئارامی و ئاسایش و دەسکەوتەکانی هەرێمی کوردستان هەڵنایە.}

^{داوای لە هەموو لایەنە سیاسییەکان کردووە و بە دیالۆگ و هەستی بەرپرسیارێتییەوە هەوڵی چارەسەری ئاڵۆزییەکان بدەن.}

^{نوسخەیەک لەو بەیاننامەیە بۆ ئاژانسی باسنیوز نێرداوە.}

^{دەقی بەیاننامەکە:}

^{دوای خۆپیشاندانەکانی سلێمانی و هەڵەبجە ڕۆژی هەینی ١٧ی ڕەزبەر، ٩ی ئۆکتۆبری ٢٠١٥، خۆپیشاندانی خەڵکی شاری قەڵادزێ لە کوردستانی عێراق کە بۆ دەربڕینی ناڕەزایەتی لە خراپی وەزعی ئابووری و بێ‏هیوایی خەڵک لە ئاکامی کۆبوونەوەکانی لایەنە سیاسییەکان بە مەبەستی دۆزینەوەی چارەسەری گونجاو بۆ پرسی سەرۆکایەتی هەرێم وەڕێ‏خرابوو، لە ڕێڕەوی ئارام و ئاشتیخوازانەی ترازا و توندوتیژیی لێکەوتەوە و، بەداخەوە لە ئاکامدا کوژران و برینداربوونی خەڵک و پۆلیس و زەرەردان و سووتاندنی بنکە و بارەگای حیزبی و حکوومەتی لێ کەوتەوە و دواتر چەند شارو شوێنی دیکەی کوردستانی عێراقیشی گرتەوە.}

^{ئەم ڕووداوە نەخوازراوانە لە هەل‏ومەرجێکدا ڕوو دەدەن کە کورد وەکوو هێزێکی ئازادیخواز و دژی تیرۆر لە هەموو جیهاندا ناسراوە و لە ناوەندەکانی بڕیاری نێونەتەوەییدا بە ئەرێنی دەکەوێتە بەرباس، بۆیە کوردەکانی باشووری کوردستان دەتوانن بە پێڕەو کردنی سیاسەتی دروست و دێموکراتیک داهاتوویەکی گەش بۆ خۆیان دابین بکەن، لە لایەکی دیکەوە دوژمنانی کورد کە چاویان بە ئارامی، ئاسایش و گەشەکردنی کوردستان هەڵنایە، توانیویانە زەربەی ئەمنییەتی و ئابووری لێ بدەن و بەرەوڕووی شەڕ و گەمارۆی ئابووری و نان‏بڕینیان بکەنەوە، لە ئێستاشدا بە دڵنیاییەوە هەوڵ دەدەن کە لە ناڕەزایەتی دەربڕینی ڕەوای خەڵک و گرفتەکانی ژیانیان کەڵکی نابەجێ وەربگرن و بە ئاژاوەنانەوە لەنێو هێزە سیاسییەکانی کوردستاندا، ئەوەندەی دیکە زەربە لە ئەزمونی کوردستانی عێراق بدەن و لەو دڵنیاییە جیهانییەی کە بەرامبەر بە کورد پەیدا بووە کەم بکەنەوە و کورد لە چاولەدەستیی هێزە ئیقلیمیەکاندا ڕابگرن، بەداخەوە کێبەرکێی نادێموکراتیک و دواکەوتووانە، سیاسەتی تۆڵەکردنەوە و بەهێندنەگرتنی ئازار و مەینەتییەکانی خەڵک لەلایەن هێزە سیاسییەکانی ئەو بەشەی کوردستانەوە، فەزایەکی گونجاوی بۆ پلانڕێژی ناحەزانی کوردستان پێک‏هێناوە.}

^{ئێمە بەداخبوونی خۆمان بۆ ئەو ئاڵۆزییە و کوژران و برینداربوونی ژمارەیەک لە خەڵک و تێکدانی موڵک و ماڵی گشتی و حیزبی ڕادەگەیەنین. وێڕای سەرەخۆشی لە بنەماڵەی کوژراوەکان و هیواخواستن بۆ چاکبوونەوەی هەرچی زووتری بریندارەکان، داوا لە خەڵک و هەموو لایەنە سیاسییەکانی کوردستانی باشوور دەکەین کە هێمنی و مەنتیقی سیاسەتی نەتەوەیی و خەڵکی بپارێزن، هەوڵ بدەن کە هەموو ناتەبایی و گرفتەکان و جیاوازیی بۆچوون و سیاسەتەکان لە ڕێگای دیالۆگ و شیوازی مەدەنی و ئاشتیخوازانەوە چارەسەر بکەن، چوونکە لە ئاگرتێبەربووندا، ماڵی هەموان دەسووتێ.}

^{ئێمە وەک حیزبی دێموکراتی کوردستانی ئێران، زۆر دڵخۆش بووین بە پێکهاتنی هەرێمی کوردستانی باشوور و لەپێناوی سەرکەوتن و پاراستنی ئەو ئەزموونەدا هەزینە و باجی زۆرمان داوە، چاوەڕوانیمان لە خوشک و براکانمان لە کوردستانی عێراق ئەوەیە کە بە پاراستن و گەشەپێدانی ئەو دەسکەوتە، دڵی هەموو کوردێک خۆش بکەن، چونکە سەرکەوتنی کورد لە کوردستانی عێراق، دڵی هەموو کوردێکی نیشتمانپەروەر شاد دەکا و تێکچوونی ئەو وەزعیەت و دەسکەوتە، تۆوی بێ‏هیوایی لە نێو هەموو کورددا دەچێنێ و هەموان لێی داخدار و زەرەرمەند دەبین.}

^{بۆ گەڕانەوەی ئارامی بۆ کوردستان و چارەسەریی ئاشتیانە لە ڕێگای دیالۆگەوە، پێشتر چی لە دەستمان هاتووە کردوومانە، ئێستاش بۆ قسەی خێر و داواکاری لە لایەنەکان بۆ هەوڵی ئاشتیانە و مەدەنی لەپێناوی پێکهاتن و چارەسەریی کێشەکاندا، بە دڵفراوانیەوە ئامادەین. هیوادارین کە هێزە سیاسییە نیشتمانپەروەرەکانی کوردستانی باشووریش لەپێناوی باشترکردنی ژیانی خەڵک و چارەسەریی کێشەکان و لەپێناوی بەرژەوەندیی گشتیدا چاو لە بەرژەوەندی و داخوازییە حیزبییەکان بپۆشن، تاکوو کەشێک بێتە ئاراوە کە هەموان تێیدا سەرکەوتوو بن.}

^{حیزبی دێموکراتی کوردستانی ئێران
دەفتەری سیاسی
١٨ی ڕەزبەری ١٣٩٤ی هەتاوی
١٠ی ئۆکتۆبری ٢٠١٥ی زایینی
11/10/2015}

^{مه‌سعود بارزانی، سه‌رۆكی هه‌رێمی كوردستان كه‌ هاوكات سه‌رۆكی پارتی دیموكراتی كوردستانه‌ فه‌رمانی به‌سه‌رجه‌م كادر و ئه‌ندام و لایه‌نگرانی پارتی دیموكراتی كوردستان كردووه‌ كه‌ نابێت به‌هیچ شێوه‌یه‌ك هێرش بكه‌نه‌ سه‌ر باره‌گای هیچ حیزب و لایه‌ن و ده‌زگایه‌ك.}

^{“عه‌لی ته‌ته‌ر” به‌رپرس لقی 10 سۆرانی پارتی دیموكراتی كوردستان، بۆ(باسنیوز) گوتی: “له‌لایه‌ن سه‌رۆك بارزانی و سه‌ركردایه‌تی پارتی و سه‌رۆكی حكوومه‌تی هه‌رێمی كوردستان فه‌رمانمان پێكراوه‌ كه‌ نابێت هیچ كه‌سێك به‌ده‌ر له‌یاسا هیچ كرده‌وه‌یه‌ك ئه‌نجام بدات و هێرش بكاته‌ سه‌ر هیچ شوێنێك و باره‌گای هیچ لایه‌ن و ده‌زگایه‌ك تێك بدات به‌تایبه‌تی له‌و شوێنانه‌ی كه‌ ئێمه‌ی لێی ده‌سه‌ڵاتدارین و ئه‌مه‌ فه‌رمانه‌ و به‌فه‌رمی بۆمان هاتووه‌”.}

^{گوتیشی: “هه‌ڵوێستی پارتی وه‌كو هی لایه‌نه‌كانی دی نابێت و پارتی خاوه‌ن مه‌رجه‌ع و ئه‌خلاقه‌ و پره‌نسیپه‌ نه‌گۆره‌كانی پارتی ڕێگه‌ به‌ ئه‌ندامانی نادات كه‌ وه‌كو ئه‌ندامانی لایه‌نه‌كان دیكه‌ گیره‌شێوێنی بكه‌ن و ئاژاوه‌گێری بنوێنن ، ئه‌گه‌ر ئه‌ندامانی ئێمه‌ش وه‌كو ئه‌وانی دیكه‌یان كرد ئه‌وا جیاوازیمان نامێنێت”.}

^{ناوبراو زیاتر گوتی: “ئێمه‌ له‌ سنووری لقی 10 له‌ سۆران به‌هیچ شێوه‌یه‌ك ڕێگاناده‌ین ئه‌ندامانمان هه‌ڵبكوتنه‌ سه‌ر هیچ باره‌گایه‌ك و ته‌نانه‌ت قبوڵ ناكه‌ین خه‌ڵكی دیكه‌ش هێرش بكه‌نه‌ سه‌ر باره‌گا هیچ حیزبێك له‌ سنووره‌كه‌ و له‌گه‌ڵ ئه‌وه‌ین كه‌ هه‌موو شتێك به‌ پێی یاسا یه‌كلایی ببێته‌وه‌”.
11/10/2015}

<sup>فراكسیۆنی پارتی لەبارەی رووداوەکانی قەڵادزێ راگەیێندراوێک بڵاودەکاتەوە‌ و رایدەگەیێنێت:" ئه‌مه‌ یه‌كه‌مجار نییه‌ ئه‌و كاره‌ رووبدات، بۆیه‌ هه‌قی خۆمانه‌ بپرسین، ئایا له‌به‌رچی هێرشده‌كرێته‌ سه‌ر باره‌گاكانی پارتی، ئایا هۆكاری سه‌ره‌كی هه‌ر قه‌یرانێك باره‌گاكانی پارتییه‌ و به‌ هێرشكردنه‌ سه‌ریان و سوتاندنییان كۆتاییان پێدێت؟!".

فراکسیۆنی پارتی بزووتنەوەی گۆڕان بە هۆکاری رووداوەکەی قەڵادزێ تۆمەتبار دەکات و رایدەگەیێنێت:" ئه‌و ڕووداوه‌ی ئه‌مڕۆ ڕوویدا به‌ره‌نجامی پرۆسه‌یه‌كی به‌رده‌وامه‌، كه‌ ماوه‌یه‌كه‌ له‌ لایه‌ن بزووتنه‌وه‌ی گۆڕان و ڕاگه‌یاندنه‌كانییه‌وه‌ ده‌ستی پێكردووه‌ و ئامانجیان ته‌نها خستنه‌وه‌ی ئاژاوه‌ و گرژكردنی بارودۆخی هه‌رێمی كوردستانه‌، بۆیه‌ داواكارین كه‌ هه‌رچی زووه‌ بزووتنه‌وه‌ی گۆڕان به‌م سیاسه‌ته‌ هه‌ڵه‌یه‌ی خۆیدا بچێته‌وه‌ و به‌رپرسیارانه‌ مامه‌ڵه‌ بكه‌ن، چیتر نه‌بنه‌ هۆكاری ئاڵۆزی ره‌وشی هه‌رێم".

دەقی راگەیێندراوەکەی فراکسیۆنی پارتی..


ئه‌مڕۆ له‌ شارۆچكه‌ی قه‌ڵادزێ كۆمه‌ڵێك هاونیشتیمانی خۆپیشاندانێكییان رێكخست، به‌ڵام به‌ داخه‌وه‌ بزووتنه‌وه‌ی گۆڕان ئاراسته‌ی خۆپیشاندانه‌كه‌یان گۆڕی و په‌لاماری باره‌گای لیژنه‌ی ناوچه‌ی قه‌ڵادزێی پارتی دیموكراتی كوردستانیاندا و رووداوی نه‌خوازراوی لێكه‌و‌ته‌وه‌.

ئێمه‌ له‌ كاتێكدا كه‌ ئیدانه‌ی هه‌موو توندوتیژییه‌ك ده‌كه‌ین و پرسه‌ و سه‌ره‌خۆشی خۆمان به‌ كه‌سوكار و بنه‌ماڵه‌ و هاوڕێیانی قوربانیانی ئه‌و رووداوه‌ ڕاده‌گه‌یه‌نین و هیوای چاكبوونه‌وه‌ بۆ برینداره‌كان ده‌خوازین، له‌ هه‌مانكاتدا ئیدانه‌ی هه‌ڵكوتانه‌ سه‌ر باره‌گاكانی پارتی دیموكراتی كوردستان ده‌كه‌ین، كه‌ ئه‌مه‌ یه‌كه‌مجار نییه‌ ئه‌و كاره‌ ڕووبدات، بۆیه‌ هه‌قی خۆمانه‌ بپرسین، ئایا له‌به‌رچی هێرش ده‌كرێته‌ سه‌ر باره‌گاكانی پارتی، ئایا هۆكاری سه‌ره‌كی هه‌ر قه‌یرانێك باره‌گاكانی پارتییه‌ و به‌ هێرش كردنه‌ سه‌ریان و سوتاندنییان كۆتاییان پێدێت؟!

ئێمه‌ لێره‌وه‌ به‌ هه‌موو لایه‌كی ڕاده‌گه‌یه‌نین، ئه‌و ڕووداوه‌ی ئه‌مڕۆ ڕوویدا به‌ره‌نجامی پرۆسه‌یه‌كی به‌رده‌وامه‌، كه‌ ماوه‌یه‌كه‌ له‌ لایه‌ن بزووتنه‌وه‌ی گۆڕان و ڕاگه‌یاندنه‌كانییه‌وه‌ ده‌ستی پێكردووه‌ و ئامانجیان ته‌نها خستنه‌وه‌ی ئاژاوه‌ و گرژكردنی بارودۆخی هه‌رێمی كوردستانه‌، بۆیه‌ داواكارین كه‌ هه‌رچی زووه‌ بزووتنه‌وه‌ی گۆڕان به‌م سیاسه‌ته‌ هه‌ڵه‌یه‌ی خۆیدا بچێته‌وه‌ و به‌رپرسیارانه‌ مامه‌ڵه‌ بكه‌ن، چیتر نه‌بنه‌ هۆكاری ئاڵۆزی ره‌وشی هه‌رێم، چونكه‌ كه‌لتووری خۆخه‌ڵه‌تاندن سودی نابێت و به‌رانبه‌ر مێژوو و خه‌ڵكی كوردستان به‌رپرسیار ده‌بن، هه‌روه‌ها هه‌ر كاردانه‌وه‌یه‌ك كه‌ به‌ هۆی ئه‌و رووداوانه‌وه‌ بكه‌وێته‌وه‌، به‌رپرسیارێتییه‌كه‌ی له‌ ئه‌ستۆی بزووتنه‌وه‌ی گۆڕان ده‌بێت.
:
فراكسیۆنی پارتی دیموكراتی كوردستان له‌ په‌رله‌مانی كوردستان</sup>

<sup>سەرچاوەیەک لە ئاسایشی هەولێرەوە بەتۆڕی میدیایی رووداوی راگەیاند:" ئەو هەواڵانەی کە باس لە هێرشکردنە سەر مەکۆی گۆران دەکەن لە هەولێر  بێ بنەمان و هیچ حاڵەتێکی وەها لە هەولێر رووینەداوە".

لەدوای رووداوەکەی قەڵادزێ و چەن ناوچەیەکی دیکە کە هێرشکرایە سەر بارەگاکانی پارتی دیموکراتی کوردستان و لە قەڵادزێ و ژاراوە بارەگاکانی پارتی سووتێندراو ، مەترسی ئەوە خرایەڕوو کە لە پەرچەکرداری ئەو رووداوانە هێرشبکرێتە سەر مەکۆی بزووتنەوەی گۆڕان لە هەولێر بەڵام سەرچاوەیەک لە ئاسایشی هەولێرەوە رایگەیاند:" دۆخی مەکۆی بزووتنەوەی گۆڕان لە هەولێر ئاساییە و هیچ رووداوێکی نەخوازراو رووینەداوە".

هەروەها کاروان خۆشناو گوتەبێژی پۆلیسی هەولێر رایگەیاند:" گشت ئەم پروپاگەندانە رەتدەکەینەوە کەوا چەند پەیج و ماڵپەرێک باس لە سووتاندنی مەکۆی بزوتنەوەی گۆران دەکەن لە شاری هەولێر، ئێمە وەکو بەڕێوەبەرایەتی پۆلیسی هەولێر رایدەگەێنین ئەم هەواڵانە سەرجەمیان بێ بنەمان و دوورن لە ڕاستی".</sup>

^10/10/2015