چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

درێژه‌ی بابه‌ت

لە هەولێر ئیدانەی هێرشی موشەکی کۆماری ئیسلامی بۆ سەر بنکە و بارەگاکانی حیزبەکانی ڕۆژھەڵاتی کوردستان، هاوکات پشتگیری لە نارزایەتی خەڵکی ئێران و رۆژهەڵاتی کوردستان کرا.

درێژه‌ی بابه‌ت

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

درێژه‌ی بابه‌ت

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

درێژه‌ی بابه‌ت

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

درێژه‌ی بابه‌ت

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

به‌ڕێزان ( عوسمان عه‌به‌ پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه‌ وتیان به‌ڵێ ڕاسته‌ و كۆچی دوایی كردووه‌؟ هونه‌رمه‌ند و پێشمه‌رگه‌ ، سروودبێژ و گۆرانیبێژ...

درێژه‌ی بابه‌ت

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

درێژه‌ی بابه‌ت

بەدرخان؛ بیرەوەریی مستۆ دادار بڵاودەکاتەوە

کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت. مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...

درێژه‌ی بابه‌ت

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...

درێژه‌ی بابه‌ت

پیاوێک و شارایەک بەرهەمی دەستنووس

بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...

درێژه‌ی بابه‌ت

په‌یوه‌ندی راسته‌وخۆ

گه‌ڕان

Articles

به‌شداریی بارزانی له‌ كۆنفڕانسی میونشن، فاكتەرێكی گرینگە لە بەرقراركردنی ئاساییشی جیهاندا

^{سەرۆكی حزبی بزووتنەوەی چاكسازیی توركمان رایگەیاند، بانگهێشتی (سەرۆك بارزانی) بۆ كۆبوونەوەی ئەنجوومەنی ئاساییشی میونشن زۆر گرینگە، چونكە سەرۆكی وڵاتان بانگهێشت كراون، بانگهێشتكردنی سەرۆكی هەرێمیش بۆ ئەو كۆنگرەیە ئەوە نیشان دەدات، فاكتەرێكی گرینگی كاریگەرە لە بەرقراركردنی ئاسایشی جیهان، هەروەها وڵاتانی جیهان ددان بەوەدا دەنێن كە هەرێمی كوردستان رۆڵێكی گرینگی هەیە.}

^{(عەبدولقادر بازرگان) سەرۆكی حزبی بزووتنەوەی چاكسازیی توركمان بۆ ماڵپەڕی فەرمیی پارتی دیموكراتی كوردستان دەیشڵێ: بانگهێشتی (سەرۆك بارزانی) بۆ كۆبوونەوەی ئەنجوومەنی ئاساییشی میونشن زۆر گرینگە، چونكە ته‌نیا سەرۆكی وڵاتان بانگهێشت كراون، بانگهێشتكردنی سەرۆكی هەرێمیش بۆ ئەو كۆنگرەیە ئەوە نیشان دەدات، فاكتەرێكی گرینگی كاریگەرە لە بەرقراركردنی ئاسایشی جیهان، هەروەها وڵاتانی جیهان ددان بەوەدا دەنێن كە هەرێمی كوردستان رۆڵێكی گرینگی هەیە.''}
^{گوتیشی، ئەو دیدار و كۆبوونەوانەی لە نێوان سەرۆكی هەرێم و سەركردەی وڵاتانی جیهان دەكرێن زۆر گرینگن، هەروەها پاڵپشتیێكی بەهێز دەبێت بۆ لەناوبردنی تیرۆریستانی داعش و ئەنجامدانی ڕیفراندۆم و، گەیشتنی گەلی كورد بەو خەونەی كە بە درێژاییی مێژوو خەباتی بۆ دەكات.}

^{ده‌رباره‌ی دوادووبڕیاری (سه‌رۆك بارزانی) پێوه‌ست به‌ چاكسازییه‌وه‌، (عەبدولقادر بازرگان) گوتی، لە كۆبوونەوەی بەم دواییە لە نێوان سەرۆكی هەرێم و لایەنە سیاسییەكان زۆر بە ڕوونی باس لە چاكسازیی كرا، هەروەها لە چەند رۆژی رابرد دوو پەیامی زۆر جوان و روونی بۆ حزب و حكوومەت و هەموو خەڵكی كوردستان بڵاو كردەوە، چەند لیژنەیەك پێكهێنراون بۆ ئەوەی لە ماوەیەكی نزیكدا ئەو خاڵانەی ڕاگەیێندراون جێبەجێ بكرێن و بەرنامەی چاكسازی بچێتە واری جێبەجێكردنه‌وه‌.}
^{ئه‌و ابوه‌ڕی وایه‌ كه‌، (سەرۆك بارزانی) هەر شتێك رابگەینێت جێبەجێ دەكرێت، به‌ پێویستیشی ده‌زانێ لایەنە سیاسییەكان هاوكاریی سەرۆكی هەرێم بن بۆ ئەوەی ئەو بەرنامەیە لە كاتێكی نزیكدا جێبەجێ بكرێت، ''ئێمەیش وەك توركمانەكان لەگەڵ (سەرۆك بارزانی)داین بۆ ئەوەی هەرچی زووە قەیرانی دارایی نەمێنێت.''}
^15/2/2016

سەرۆکی هەرێمی کوردستان و سەرۆکی کڕواتیا کۆدەبنەوە

^{سەرۆکی هەرێمی کوردستان و سەرۆکی کڕواتیا لە ئەڵمانیا کۆدەبنەوە و تاوتوێی پرسەکان و دوایین پێشهاتەکانی رۆژهەڵاتی نێوەڕاست دەکەن.}

^{سەرلەبەیانیی رۆژی یەکشەممە 14/2/2016، لە پەراوێزی کۆنگرەی ئاسایشی جیهانی لە میونشن، ”مەسعود بارزانی“، سەرۆکی هەرێمی کوردستان و خاتوو ”کۆڵیندا گڕابەر کیتارۆڤیک“، سەرۆکی کڕواتیا کۆبوونەتەوە.}

^{مەسعود بارزانی بە فەرمی بانگهێشتی کۆنگرەی ئاسایشی جیهانی کراوە، کە ساڵانە لە شاری میونشنی ئەڵمانیا سازدەکرێت و تێیدا سەرۆک و سەرکردەکانی جیهان، رەوشی ئاسایشی جیهان و چۆنێتی رووبەڕووبوونەوەی تیرۆر تاوتوێ دەکەن.}

^{لە کۆنگرەی ئەمساڵی میونشن، 30 سەرۆکی وڵاتان و 150 سەرکردەی دیار و کاریگەری جیهان بەشدارییان کردووە و رووبەڕووبوونەوەی رێکخراوی توندڕەوی داعش، یەکێکە لە تەوەرە سەرەکییەکانی کۆنگرەکە.}
^14/2/2016

سوپای ئێران: ئامادەین بەرگری لە ئاسمانی سووریا بکەین

"فەرزاد ئیسماعیلی" لیوا و فەرماندەی هێزی ئاسمانیی سوپای ئێران رایگەیاندووە "لە ئەگەری داخوازی سووریا، ئێران ئامادەیە بەرگری لە ئاسمای ئەو وڵاتە بگرێتە ئەستۆ."

ئیسماعیلی لە دیدارێک لەگەڵ ئاژاسنی تەسنیم جەختی کردووەتەوە "هەرچەشنە ئامادەییەکی سەربازی لەناو خاکی سووریا، بەبێ هاوئاهەنگی لەگەل ئەو وڵاتە، شکست دێنێ."

ئەم هەڵوێستەی فەرماندەی هیزی ئاسمانیی سوپای ئێران لە کاتێک دایە، کە بەپێی راپۆرتە بڵاوکراوەکان باس لە ئەگەری ئۆپەراسیۆنی هاوبەشی "تورکیا، سعوودیە و ئیمارات" لەناو خاکی سووریا دەکرێت.

لەلایەکی دیکەشەوە دوێنێ شەممە 2016 -2 -13 سوپای تورکیا چەند بنکەیەکی یەکینەکانی پاراستنی گەل (یەپەگە)ی لە سنووری تورکیا و سووریا بۆردومان کردووە و ئەمەش کاردانەوەی حکوومەتی ئەمەریکای لێکەوتەوە.

بەپێی راپۆرتی رۆیتەرز "گوتەبێژیک بەناوی یەپەگەوە جەختی کردووەتەوە، بنکەی ئاسمانیی "مەنغی" لە باکووری حەلەب کەوتووەتە بەر هێرشی سوپای تورکیا کە لەلایەن "جەیش ئەلسەوار" (سوپای دیموکراتی سوریا) کۆنترۆڵ کراوە.

هەر لەم پەیوەندییەدا پێشتر وەزیری دەرەوەی تورکیا ئاشکرای کرد وڵاتەکەی بە هاوبەشی لەگەڵ سعوودیە بەتەمایە لە سووریا ئۆپەراسیۆنێک بەڕێوە ببات و بۆ ئەم مەبەستەش چاووش ئۆغڵوو گوتیشی: "سعوودیە فڕۆکەی جەنگی و هێزی زەوینی لەناو خاکی تورکیا جێگیر کردووە."

هەر لەم پەیوەدنییەدا ئیماراتی یەکگرتووی عەرەبیش بۆ بەشداری لەم ئۆپەراسیۆنە فڕۆکەی رەوانەی تورکیا کردووە.

لە رۆژانی رابردوودا پاش ئەم هەڵویستەی تورکیا و سعوودیە، حکوومەتی سووریا کاردانەوەی نیشان دا و هەڕەشەی ئەوەی کرد هەر وڵات بیهەوێ بێتە ناو خاکی سووریاوە، دەبێ تەرمی سەربازەکانیان ببەنەوە.

ئێران و رووسیاش وەک دوو هاوپەیمانی سەرەکیی سووریا، کاردانەوەیان بەرانبەر ئەم پرسە هەبووە و ئەم هەڵوێستەی تورکیا و سعوودیە بە مەترسیدار وەسف دەکەن.
14/2/2016

بارزانی لە میۆنشن باسی قارەمانێتیی پێشمەرگە دەکات

^{"مەسعوود بارزانی" سەرۆکی هەرێمی کوردستان لە دووەمین رۆژی کۆنفرانسی ئاساییشی میوۆنشن 2016لەگەڵ کۆمەڵێک کەسایەتی و سەرۆکی وڵاتان دیدار و چاوپێکەوتنی پێکهێنا.}

^{لەو دیدار ا چاوپێکەوتنانەی سەرۆکی هەرێمی باس لە دوایین پێشهات و ئاڵۆگۆڕەکانی ناوچە، شەڕی داعش، رەوشی ئاڵۆزی عێراق و قەیرانی دارایی هەرێمی کوردستان و پرسی یارمەتی و هاوکارییە دارایی و سەربازیەکان بۆ هەرێمی کوردستان و پێشمەرگە کران.}

^{زۆربەی وڵاتان و لایەنەکان بە گرنگەوە باسیان لە رۆڵی هەرێمی کوردستان و هێزی پێشمەرگە لە شەڕی داعشدا کرد و بەڵێنیان داوە بە جددی هەوڵی هاوکاریگ دارایی، سەربازی و مرۆیی هەرێمی کوردستان بکەن.}

^{لەم بارەوە سەرۆکایەتیی هەرێمی کوردستان پوختەیەک لە ناوەرۆکی ئەو دیدار و چاوپێکەتنانەی سەرۆکی هەرێمی بۆ ئاژانسی باسنیوز ناردووە.}

^{ناوەرۆکی دیدارەکانی سەرۆکی هەرێمی کوردستان:}

^{لە بەردەوامیی دیدار و چالاكی و چاوپێكەوتنە دیپلۆماسییەكانی دوێنێ شەممە 13ـی 2ـی 2016 "مەسعوود بارزانی" سەرۆكی هەرێمی كوردستان لە پەراوێزی دووەمین ڕۆژی كۆنفڕانسی ئاساییشی میونشن 2016ـدا لەگەڵ ژمارەیەك بەرپرس و كەسایەتیی ناوچەیی و نێودەوڵەتی كۆبووەوە.}

^{سەرلەبەیانیی ڕۆژی شەممە 13ـی2ـی 2016 لە پەراوێزی كۆنفرانسی ئاساییشی میونشن 2016 ز مەسعود بارزانی سەرۆكی هەرێمی كوردستان پێشوازی لە "گیئۆرگی ئیڤانۆڤ" سەرۆكی مەكدۆنیا كرد. لە دیدارەكەدا سەرۆكی مەكدۆنیا خۆشحاڵیی خۆی بۆ دیدار لەگەڵ سەرۆك بارزانی دەربڕی و هەروەها باسی لەو هاوكارییانە كرد كە وڵاتەكەی پێشكەشی هێزی پێشمەرگەی كوردستانیان كردووە و سەرۆك بارزانیش سوپاسی هاوكاری و پشتیوانییەكانی وڵاتی مەكدۆنیای كرد بۆ هەرێمی كوردستان.}

^{لە بەشێكی تری دیدارەكەدا باس لە شەڕی تیرۆر كرا و سەرۆكی مەكدۆنیا وێڕای ئاماژەدان بەوەی كە ژمارەیەك هاووڵاتیی مەكدۆنیا و وڵاتانی بالكان لەنێو ڕیزەكانی داعش دان، جەختی لەوە كردەوە كە تیرۆر مەترسییەكی هاوبەشە لەسەر هەردوولا، بۆیە پێویستە هاوكاری و هەماهەنگیی نێوان هەردوولا فراوانتر بكرێت. لەم دیدارەدا هەردوولا جەختیان لە هاوكاریی و هەماهەنگیی نێوانیان لە بوارەكانی سەربازی و ئابووری و گۆڕینەوەی زانیاری كردەوە.}

^{هەر لەم كۆبوونەوەیەدا باس لە فراوانتركردنی پەیوەندییەكان نێوان هەردوولا و سەردانی شاندی بازرگانی و سیاسی و ئەمنی لەنێوان هەردوولا كرایەوە.}

^{هەر هەمان ڕۆژ سەرۆك بارزانی لە پەراوێزی كۆنفڕانسی ئاساییشی میونشن پێشوازی لە "توماس ئوپێرمان" سەرۆكی گرووپی سوسیاڵ دیموكرات لە پارلەمانی ئەڵمانیا كرد. لە دیدارەكەدا سەرۆكی گرووپی سوسیاڵ دیموكرات لە پەرلەمانی ئەڵمانیا ستاییشی قارەمانێتیی هێزی پێشمەرگەی كوردستانی كرد و خۆشحاڵیی خۆیشی بۆ سەركەوتنەكانی پێشمەرگە و ئازادكردنی شنگال نیشاندا و جەختی لە ڕۆڵی پارتەكەی لە پشتگیریكردنی هێزی پێشمەرگە و هەرێمی كوردستان كردەوە. هەر لەم كۆبوونەوەیەدا بارودۆخی سیاسی و ئابووریی هەرێمی كوردستان و ڕیفراندۆم تاوتوێ كرا.}

^{وێستگەیەكی تری چالاكییە دیپلۆماسییەكانی سەرۆك بارزانی كۆبوونەوە لەگەڵ "برێت مەكگورگ" نوێنەری تایبەتیی باراک ئۆباما بۆ هاوپەیمانێتیی شەڕی دژی داعش بوو. لە دیدارەكەدا كە خاتوو سڵۆتكین جێگری وەزیری بەرگریی ئەمەریكا ئامادە بوو، بارودۆخی ئابووری و قەیرانی دارایی هەرێمی كوردستان خرایە بەر باس و گفتوگۆ. نوێنەری تایبەتی سەرۆك ئۆباما ئەوەی بۆ سەرۆك بارزانی خستەڕوو كە وڵاتەكەی بە لەبەرچاوگرتنی بارودۆخی دارایی هەرێم دیراسەی یارمەتیدانی هێزی پێشمەرگە كوردستان دەكات.}
^{هەر لەم كۆبوونەوەیەدا بارودۆخی سیاسی و ئەمنی عێراق و ئامادەكارییەكان بۆ ئازادكردنی موسڵ تاوتوێ كرا و جەختیش لە بەردەوامیی هەماهەنگیی نێوان هەردوولا كرایەوە لەمەڕ پرسە گرنگەكانی ناوچەكە.}

^{هەر لە دووەمین ڕۆژی كۆنفڕانسی ئاساییشی میونشن 2016 سەرۆك بارزانی پێشوازی لە "فێدریكا موگرینی" ڕێكخەری گشتی سیاسەتی دەرەوەی یەكێتیی ئەوروپا و شاندی یاوەری كرد. لە دیدارەكەدا بارودۆخی سیاسی و ئەمنیی ناوچەكە و دوا پێشهات و گۆڕانكارییەكان تاوتوێ كرا و هەروەها ئاماژە بە بڕیار و دەرئەنجامەكانی كۆنگرەی لەندەن كرا لەبارەی پرسی ئاوارەكان. هەر لەم دیدارەدا ڕێكخەری گشتیی سیاسەتی دەرەوەی ئەورووپا جەختی لەوە كردەوە كە لە شەڕی دژی داعشدا وڵاتانی ئەوروپا بەردەوام دەبن لە پشتگیریكردنی هەرێمی كوردستان و هێزی پێشمەرگە.}

^{لە دوای ئەم دیدارەدا سەرۆك بارزانی لەگەڵ "فیلیپۆ گراندی" بەرپرسی كومیساریای باڵای پەنابەرانی ڕێكخراوی نەتەوە یەكگرتووەكان و شاندی یاوەری كۆبۆیەوە. لە كۆبوونەوەكەدا بەرپرسی كومیساریای باڵای پەنابەرانی ڕێكخراوی نەتەوە یەكگرتووەكان وێڕای ئاماژەدان بە ئەزموونی سەرەتای نەوەدەكانی سەدەی بیستەمی خۆی لە كوردستان ڕایگەیاند كە بە باشی شارەزای گەلی كوردستانە و ئەوەیشی خستەڕوو كە هەموو هەوڵێك دەدات بۆ ئەوەی یارمەتیی پەنابەر و ئاوارەكانی نێو هەرێمی كوردستان بدات. بارودۆخی سیاسی و ئەمنیی ناوچەكە و دوا گوڕانكاری و پێشهاتە سیاسییەكان تەوەرێكی تری ئەم دیدارە بوو.}

^{هەر هەمان ڕۆژ و لە پەراوێزی كۆنفڕانسی ئاساییشی میونشن 2016 مەسعوود بارزانی سەرۆكی هەرێمی كوردستان لەگەڵ "سامح شكری" وەزیری دەرەوەی مسر و شاندی یاوەری كۆبوویەوە.}

^{لە كۆبوونەوەكەدا بارودۆخی سیاسیی ناوچەكە و هەڕەشەی تیرۆریستانی داعش و پێویستیی هەماهەنگیی نێوان هەرێمی كوردستان و وڵاتی مسر كرایەوە لە ڕووبەڕووبوونەوەی تیرۆر كە دوژمنێكی هاوبەشی هەردوولایە. لەم دیارەدا فراوانتركردنی پەیوەندییەكانی نێوان هەرێمی كوردستان و وڵاتی مسر خرایە بەر باس و گفتوگۆ.}

^{كۆبوونەوە لەگەڵ "فڕانك واڵتەر شتاینمایەر" وەزیری دەرەوەی ئەڵمانیا چالاكییەكی تری سەرۆك بارزانی بوو لە دووەم ڕۆژی كۆنفڕانسی ئاساییشی میونشن 2016 و لە كۆبوونەوەكەدا بارودۆخی سیاسی و ئەمنیی عێراق و سووریا و ناوچەكە و هەروەها پەیوەندییەكانی نێوان هەرێمی كوردستان و ئەڵمانیا تاوتوێ كرا.}

^{هەر ئێوارەی ڕۆژی شەممە 13ـی 2ـی 2016 و لە پەراوێزی كۆنفڕانسی ئاساییشی میونشن 2016 سەرۆك بارزانی لەگەڵ "باب كوركێر" سەرۆكی لیژنەی پەیوەندییەكانی دەرەوەی ئەنجوومەنی پیرانی ئەمەریكا كۆبوویەوە. لە دیدارەكەدا باس لە شەڕی داعش و سەركەوتنەكانی هێزی پێشمەرگە كرا و هەروەها بیروڕا لەبارەی بارودۆخی دارایی هەرێمی كوردستان و یارمەتیدانی ئەمەریكا بۆ هێزی پێشمەرگە ئاڵوگۆڕ كرا. لە بەشێكی دیكەی ئەم دیدارەدا سەرۆكی لیژنەی پەیوەندییەكانی دەرەوەی ئەنجوومەنی پیرانی ئەمەریكا جەختی لە دۆستایەتیی نێوان گەلی ئەمەریكا و گەلی كوردستان كردەوە و هێمایشی بەوەدا كە لە وڵاتەكەیدا پێشمەرگە ناوێكی خۆشەویست و بەرزە.}

^14/2/2016

تۆماس ئۆپێرمان: لە هاوکاریکردنی پێشمەرگە بەردەوام دەبین

سه‌رۆكى پارتى سۆسیال دیموكراتى ئه‌ڵمانیا (تۆماس ئۆپێرمان) رایگه‌یاند، حكوومه‌تى ئه‌ڵمانیا به‌رده‌وام ده‌بێت له‌سه‌ر هاوكاریكردنى هێزى پێشمه‌رگه‌ و ناردنى كۆمه‌ك و پشتیوانیى لۆجستیكى بۆ ئه‌و هێزه‌ى كه‌ شه‌ڕى داعش ده‌كات.
14/2/2016

به‌شداریی بارزانی له‌ كۆنفڕانسی میونشن، فاكتەرێكی گرینگە لە بەرقراركردنی ئاساییشی جیهاندا

سەرۆک وەزیرانی ڕووسیا هۆشداریی لە هەڵگیرسانی شەڕی سارد دەدات

سەرۆک وەزیرانی رووسیا هۆشداریی لە هەڵگیرسانی شەڕی سارد لە نێوان وڵاتەکەی و ئەمریکا دەدات.

"دیمتری میدفیدیف"ی سەرۆک وەزیرانی ڕووسیا ڕایگەیاند، بە لەپێشگرتنی ئەو بارودۆخەی ئێستا، کە لە گۆڕەپانی سیاسی ڕوودەدات، جیھان دووچاری شەڕی سارد دەبێتەوە.

لە پەراوێزی کۆنگرەی ئاسایشی جیهانی (میونشین)، دیمیتری میدڤیدیڤ رایگەیاند، پێویست ناکات ھیچ کەسێک بە ئەنجامدانی ئۆپەراسیۆنێکی زەمینی لە سوریا بترسێنین، پێویستە ھەماھەنگیی تەواو لە نێوان مۆسکۆ و واشنتۆن ھەبێت، تا بتوانین ڕەوشی سوریا باش بکەین.

سەرۆک وەزیرانی ڕووسیا جەختی لەوە کردەوە، کە مۆسکۆ نایەوێت ھیچ ئامانجێکی نھێنی لە سوریا بپێکێت، بەڵکو تەنھا ھەوڵی پاراستنی بەرژەوەندییە نیشتمانییەکانی دەدات.

سەبارەت بە تێوگلانی فڕۆکەکانی ڕووسیاش لە کوشتنی ھاووڵاتیانی سڤیل لە سوریا، میدفیدیف رایگەیاند، ”ھیچ بەڵگەیەک لەسەر ئەنجامدانی ئەو جۆرە کارانە نییە".

پێشتر "مانوێل فاڵس"ی سەرۆک وەزیرانی فەرەنسا داوای لە ڕووسیا کردبوو، کە بۆردومانکردنی ھاووڵاتیانی سڤیل لە سووریا ڕابگرێت، ھەروەھا پەیامێکی ئاڕاستەی واشتۆن و مۆسکۆ کرد، کە چیتر بە بیانووی لەناوبردنی ڕێکخراوی توندڕەوی داعش، تێکەڵی ناکۆکییەکانی سوریا نەبن.
13/2/2016

ئەندامێکی کۆنگرێسی ئەمریکا پێشنیازی ڕێز لێنان لە گەلی کورد پێشکەش دەکات

ئەندامێکی کۆنگرێسی ویلایەتە یەکگرتووەکانی ئەمریکا، وتارێک بۆ پشتگیری کردن لە پێشمەرگە پێشکەش دەکات.

دوێنێ پێنجشەممە 11\2\2016، ”ئیلیانا رۆز لایتنن“، خانمە ئەندامی کۆنگرێسی ئەمریکا لە وتارێکیدا کە لە بەردەم ئەنجومەنی نوێنەرانی ئەمریکا پێشکەشی کرد، ئاماژەی بەوە کرد: "ئەمڕۆ لێرە وەستاوم، بۆ ڕێزلێنان لە بایەخی ھەوڵەکانی کوردەکان و پێشمەرگە لە شەڕی دژی داعش، دەبێت کاری زیاتر لە شەڕی دژی داعش لەسەر زەویدا بکەین و دەبێت ھاوکاریی ئەو ھاوپەیمانانەمان بکەین کە دەیانەوێت بۆ ئەم کارە لەگەڵمان بن". تیشکیشی خستە سەر ئازایەتیی پێشمەرگە لە شەڕەکانیان لە دژی داعش، سەرەڕای ئەو گرفتە ئابوورییانەی کە ڕووبەڕووی کوردستان بوونەتەوە.

پێشمەرگە لە بەرەیەک بە درێژایی 650 میل شەڕ لەگەڵ داعش دەکەن و ڕووبەڕووی ھێرشی خۆکوژی و ھاوەنی گرووپە تیرۆریستییەکە دەبنەوە. ھەروەھا زیاتر لە 14000 میلی چوارگۆشەیان ئازاد کردووە، بە ھەندێک شوێنی ستراتیژییەوە لە 3 لای مووسڵ و شاری شنگال. لەمبارەیەشەوە ڕۆز لایتنن ڕایگەیاند: ”ئەم سەرکەوتنانە نرخیان گران بوو، لەم شەڕەدا 1600 پێشمەرگە شەھید بوون و ھەزارانی دیکە بریندار بوون. ئێمە سوپاسی ھەموو پێشمەرگەکان دەکەین کە شەڕ بۆ لەناوبردنی داعشی شەڕانگێز دەکەن".

لە بەشێکی دیکەی وتارەکەیدا، ڕۆز لایتنن ئاماژەی بە قسەکانی ”ئاشتۆن کارتەر“، وەزیری بەرگریی ویلایەتە یەکگرتووەکانی ئەمریکا کرد و پێشمەرگەی بەو جۆرە شەڕکەرە کاریگەرانە وەسف کرد کە ویلایەتە یەکگرتووەکانی ئەمریکا پێویستی پێیەتی. ڕاشیگەیاند: ”قەیرانیی دارایی کوردستان بووەتە مایەی ئەوەی حکوومەتی ھەرێمی کوردستان نەتوانێت مووچەی پێشمەرگە بدات، باری گرانی شەڕ و بەرپرسیارێتیی ھاوکاریکردنی 1.8 ملیۆن خەڵکی ئاوارە، ئابووریی کوردستانی بردووەتە کەناری ھەرەس".

لە کۆتاییشدا پێشنیازی کرد، لە ئایندەیەکی نزیکدا بڕیارێک بۆ ڕێزلێنان لە ژن و پیاوی ”پێشمەرگەی دلێر و خێزانەکانیان کە ئازایانە دژی شەڕانگێزیی داعش دەجەنگێن“ هەروەها بۆ ڕێزلێنان لە گەلی کورد کە بە خۆڕاگریی لە ھەمبەر زەحمەتییەکانی ئەم جەنگە وەستاون، دەربکرێت.

دوابەدوای وتارەکە، ”بەیان سامی عەبدولڕەحمان“، نوێنەری حکوومەتی ھەرێمی کوردستان لە ویلایەتە یەکگرتووەکانی ئەمریکا ڕایگەیاند: ”ئەمریکا لە شەڕەکەمان دژی داعش، ھاوبەشێکی پڕبایەخی ھەرێمی کوردستانە. ئێمە سوپاسی نوێنەر ڕۆز لایتنن و ئەندامانی دیکەی کۆنگرێس دەکەین کە ڕێز لە قوربانییەکانی پێشمەرگە دەنێن و سوپاسیان دەکەین بۆ پشتگیرییان لە ئێمە. بۆ ھەموومان لە کوردستان، ئەوە زۆر گرنگە کە ورەی پێشمەرگەکانمان بە بەرزی بمێنێتەوە و من دڵنیام وتارەکەی خانم ئەندامی کۆنگرێس ڕۆز لایتنن ئەم کارە دەکات".

لە ساڵی 2012ەوە، زیاتر لە 1.8 ملیۆن پەنابەری سووریا و ئاوارەی ناوخۆیی عێراق، ڕوویان لە هەرێمی کوردستان کردووە و بەهۆیانەوە ژمارەی دانیشتووانی هەرێمی کوردستان، 30% زیادی کردووە.
13/2/2016

ئێران ڤیدیۆی گریانی سەربازێكی ئەمه‌ریكی بڵاوكردەوە

كۆماری ئیسلامی ئێران، گرته‌ی ڤیدیۆیی گریانی سه‌ربازێكی ئه‌مه‌ریكای بڵاوكرده‌وه‌، كه‌ له‌لایه‌ن ئێرانه‌وه‌ ده‌سته‌به‌ركرابوو، ئه‌مه‌ریكاش ئیدانه‌ی ئه‌و كاره‌ ده‌كات.

بە گوێرەی راپۆرتێكی كه‌ناڵی تەلەفزیۆنی "فاكس نیوز"، رۆژی پێنجشەممە ھاوكات لەگەڵ ساڵیادی دامەزراندنی كۆماری ئیسلامیی ئێران، كوین ستیڤانز، گوتەبێژی ھێزی دەریایی ئەمریكا، سەبارەت بە دەستبەسەركردنی 10 سەربازی ئەمریكا لەلایه‌ن سوپای پاسدارانی ئێرانەوە و بڵاوكردنەوەی گرتەی ڤیدیۆیی ئەو سەربازانە گوتی: "دەستبەسەركردنی سەربازە ئەمریكییەكان لەلایەن ئێرانەوە، بە سووكایەتی دەزانێن و قبووڵی ناكەین".

ستیڤانز گوتیشی: "بەگوێرەی رێوشوێنی ھێزی دەریایی، پێویست بوو ئێران یارمەتی سەربازەكانی ئێمە بدات و كێشە تەكنییكییەكانی بۆ چارەسەر كردبان".

دەستبەسەركردنی 10 سەربازیی ھێزی دەریایی ئەمه‌ریكا, دەگەڕێتەوە بۆ سەرەتای مانگی یەكی ئەمساڵ كە دوو كه‌شتی ھێزی دەریایی ئەمریكا سنووری ئاوی ئێرانیان بەزاند.

ھەر زوو ئەمه‌ریكا رایگەیاند: "ئەو رووداوە بە ھۆی كێشەی تەكنیكییەوە بووە"، ئێرانیش ئەو گوتەیەی بەرپرسانی ئەمه‌ریكاى پشتڕاست كردەوە.

ئەو كات تەلەڤزیۆنی ئێران چەند گرتەیەكی ڤیدیۆیی لەو سەربازە ئەمریكییانه‌ بڵاوكردەوە, كە كەوتبوونە سەر ئەژنۆ، وەزیری دەرەوەی ئەمریكا، جۆن كيری, لە پەیوەندییەكی تەلەفۆنیدا لەگەڵ محەممەد جەواد زەریف، ھاوتایی ئێرانیيه‌كه‌ی، ناڕەزایەتی خۆی لەو كردەوەیەی ئێران دەربڕی.

ئەوە لە كاتێكدایە، تەلەفزیۆنی فەرمی ئێران، رۆژی ساڵوەگەڕی دامەزراندنی كۆماری ئیسلامیی ئێران، ڤیدیۆیەكی لەو رووداوە بڵاوكردووەتەوە كە تێدا یەكێك لە سەربازە ئەمریكییەكان دەگری.

پێشتر شارەزایانی یاسای ئاوی ئێودەوڵەتی ئەمریكا، جەختیان لەسەر ئەوە كردبووەوە، كۆماری ئیسلامیی ئێران بە دەستبەسەركردنی ئەو سەربازانە، یاسای نێودەوڵەتیی پێشێل كردووە.

وێڕای ئەوەی سوپای پاسدارانی ئێران ھەڕەشەی بڵاوكردنەوەی گرتەی ڤیدیۆیی زیاتری لەو سەربازە ئەمریكییانە كردبوو، رێبەری كۆماری عەلی خامەنەئی, ئیسلامیی ئێران، بە بۆنەی دەستبەسەركردنی ئەو سەربازە ئەمریكییانە، میدالیای سەركەوتنی بە فەرماندەی ھێزی دەریایی ئێران بەخشی.
13/2/2016

هێزێکی عێراقی بەرەو مەخموور دێن..بۆ گرتنەوەی مووسڵە

^{مەخمور-KDP.info- بەرپرسی میحوەریی مەخموور دەربارەی ھاتنی ھێزێکی عێراقی بۆ مەخموور هەواڵی پێداین کە ئێستا ئەم هێزەی عێراق بەڕێوەن بۆ مەخموور و، بەگوێرەی رێککەوتنی نێوان هەولێر و بەغدایە.}

^{ماوەیەکە زۆر باس لە کۆنترۆڵکردنەوەی شاری مووسڵ دەکرێت و مێدیاکان باس لە ھاتنی سوپایەکی گەورەی عێراقی دەکەن بۆ ئازادکردنەوەیی مووسڵ لە دەستی گروپی توندڕەویی داعش، سەبارەت بەھاتنی ئەو ھێزە، بەرپرسی میحموری مەخموور (نەجات عەلی) بەماڵپەڕیی فەرمی پارتی دیموکراتی کوردستانی ڕاگەیاند: "ئەو ھێزەی چەند رۆژێکە لە سایتە کۆمەڵایەتییەکانەوە باس لە ھاتنیان دەکەن بۆ سنووری مەخموور کە رێکەوتنێک ھەیە لە نێوان سوپایی عێراقی و حکوومەتی ھەرێمی کوردستان شوێنەکانیان ئامادەکراون ئێستا بەشێکیان لە ڕێگان بەرەو مەخموور بۆ ئازادکردنەوەی مووسڵ لە ژێردەستی رێکخراویی ئیسڵامی توندڕەویی داعش".}
^12/2/2016

هێزێکی عێراقی بەرەو مەخموور دێن..بۆ گرتنەوەی مووسڵە

ئەمریکا: بە یەک چاو سەیری پەکەکە و یەپەگە ناکەین

^{گوتەبێژی وەزارەتی دەرەوەی ئەمریکا دوایین هەڵوێستی وڵاتەکەی لەبارەی پەکەکە و یەپەگە ئاشکرا دەکات و رایدەگەیەنێت، ”پێشوازیی لە هەر زانیارییەک دەکەین“.}

^{’مارک تۆنەر“، گوتەبێژی وەزارەتی دەرەوەی ئەمریکا لە کۆنگرەیەکی رۆژنامەوانیدا رایگەیاند، کە یەکینەکانی پاراستنی گەل (یەپەگە)ـی باڵی سەربازیی پارتی یەکێتی دیموکراتی (پەیەدە) تواناکانی لە شەڕی رێکخراوی توندڕەوی داعش چڕکردووەتەوە و ”پشتگیریی ئەو هەوڵەیان دەکەین“.}

^{بە ئاماژەکردن بە گوتەکانی ”رەجەب تەیب ئەردۆغان“، سەرۆک کۆماری تورکیا کردووە، کە رایگەیاندبوو، ”ئەمریکا جیاوازی ناکات لە نێوان لایەنەکانی ناوچەکەدا و نەیتوانیوە بیانناسێت، بۆیە ناوچەکە لەنێو خوێندایە“، مارک تۆنەر رایگەیاندووە، کە هەرچەندە ئەمریکا و تورکیا هاوپەیمانی یەکترن و بەردەوام دیداری ”جددی و گرنگ“ ئەنجام دەدرێت و لەو نیگەرانییانەی تورکیاش لەبارەی پەکەکە تێدەگەن، بەڵام ”لەبارەی یەپەگەوە ھاوڕانین".}

^{گوتەبێژی وەزارەتی دەرەوەی ئەمریکا وێڕای هیواخواستن بەوەی کێشەکان لەسەر مێزی گفتوگۆ چارەسەر بکرێن، داوای لە پارتی کرێکارانی کوردستان (پەکەکە)ش کردووە، کە چالاکییە سەربازییەکانیان لە دژی حکوومەت و سوپای تورکیا بووەستێنن، چونکە ”بەرپرسانی تورکیا مافی وەڵامدانەوەی هێرشەکانیان هەیە“.}

^{مارک تۆنەر رەتیکردووەتەوە ئاگاداری ئەوە بێت، کە تورکیا بەڵگەنامەی بوونی پەیوەندیی پەکەکە و یەپەگەی داوەتە بەرپرسانی تورکیا و رایگەیاندووە، ”بەردەوام لەگەڵ تورکیا لەپەیوەندیداین. بەخۆشحاڵییەوە پێشوازی لەھەر زانیارییەکی نوێ دەکەین“.}

^{یەپەگە رێکخراوێکی چەکداریی ئاپۆچییە و سەر بە پەیەدەیە، پەیەدەش باڵی پەکەکەیە لە کوردستانی رۆژئاوا و لەژێر کاریگەریی ”عەبدوڵڵا ئۆجەلان“، بەرنامە سیاسەتەکانیان دادەڕێژن.}
^11/2/2016

سەرکردەیەکی داعش فەرمانی پاشەکشەکردن بە چەکدارەکانیان دەکات

^{سەرکردەیەکی رێکخراوی توندڕەوی داعش، فەرمانی پاشەکشەکردن بە چەکدارانی رێکخراوەکەی دەکات و رایدەگەیەنێت، دەبێ لە کوردەکان، عێراق و سوریا دوورکەونەوە.}

^{”ئەبو قوتەیبە ئەلعەدنانی“، بەرپرسی دیوانی خەلافەتی رێکخراوەکە لە راگەیەنداراوێکدا، رایدەگەیەنێت، کە خاکی کوردستانی باشوور و رۆژئاوا، سوریا و عێراق بوونەتە بەربەست لەبەردەم ”جیهاد“ـەکەیان و شایانی ئەو هەموو ”قوربانییە“ نین.}

^{ئەبو قوتەیبە هەروەها فەرمان بە چەکدارانی رێکخراوەکەی دەکا، کە لەو ناوچانە بکشێنەوە و روو لە شاری سێرت لە لیبیا بکەن، ”برایانمان لە لیبیا بارەگایان بۆ دابین کردووین“.}

^{لە بەشێکی دیکەی راگەیەندراوەکەدا، ئەو سەرکردەیەی داعش دان بەوە دەنێت، کە هەندێک لایەن پێشتر هاوکارییان دەکردن و لەگەڵ توندتربوونی هێرشەکانی فڕۆکە ئاسمانییەکان و پێکهێنانی هاوپەیمانێتییەکی نێودەوڵەتی لە دژیان، پشتگیریی ئەو لایەنانەیان لەدەستداوە.}

^{زۆرینەی چەکدارانی داعش خەڵکی وڵاتانی باکووری ئەفریقیان، بە تایبەت وڵاتانی لیبیا، تونس، مەغریبی عەرەبی و جەزائیر، وێڕای چەکدارە بیانییەکانی داعش، کە زۆرینەیان خەڵکی چیچانن.}

^{دوای راگەیاندنی خەلافەتی داعش، چەند گرووپێکی توندڕەوی لیبیا لە شاری سێرت و دەوروبەری، خۆیان وەک بەشێک لە داعش ناساند و بەیعەتیان بە ”ئەبوبەکر بەغدادی“ی خەلیفەی داعش دا.}

^{دوای هێرشی داعش بۆ سەر کوردستانی باشوور، هێزی پێشمەرگە توانیویەتی لە سەر خاکەکەی شکست بەو چەکدارانە بهێنێت و زۆربەی ناوچە داگیرکراوەکانیشی رزگار کردووەتەوە و بەرپرسانی باڵای جیهانیش ئاماژە بەوە دەکەن، کە پێشمەرگە تاکە هێزی زەمینیی سەرکەوتووە لە دژی ئەو رێکخراوە.}
^11/2/2016

هێمن هه‌ورامی: هه‌رێم ناچێته‌ نێو هیچ جه‌مسه‌ربه‌دنیێكه‌وه‌

^{ئه‌مه‌ریكا-KDP.info- (هێمن هه‌ورامی) ده‌ڵێت، چونكه‌ حكوومه‌ت به‌ هه‌ڵبژاردن پێك هاتووه‌، بۆیه‌ ناكرێ هه‌ر به‌ قسه‌ بڕوات، به‌ڵام ده‌بێ دەکرێت حکوومەت هەڵبوەشێنرێتەوە، ئەندامانی پەرلەمان دەست لە کار بکێشینەوە و داوای هەڵبژاردنێکی تازە بکەین و، کێ بردیەوە پیرۆزی بێت و با حکوومەت پێکبهێنێت.}

^{لە میانەی سەردانەکەیدا بۆ وڵاتە یەکگرتووەکانی ئەمەریکا، بەرپرسی پەیوەندییەکانی دەرەوەی پارتی دیموکراتی کوردستان (هێمن هەورامی) چاوپێکەوتنێکی لەگەڵ بەشی کوردی دەنگی ئەمەریکا ئەنجام دا و تێیدا لەسەر دواپەرەسەندن سیاسی و ئەمنی و ئابوورییەکانی کوردستان و پێگەی کوردستان لە هاوکێشە ناوچەییەکان و ئامانجی سەردانەکەی بۆ ئەمەریکا خستەڕوو.}
^{(هەوارمی) لەو دیمانەیەدا باسی لە قەیرانی سیاسی و دارایی هەرێمی کوردستان لە نێوەندی ناکۆکییە سیاسیەکانی نێوان لایەنە سیاسیەکانی هەرێم کرد و ئاماژەشی بەوەدا کە پێویستە هۆکاری هەریەک لەم قەیرانانە بزانرێت و هەروەها بە قسە نابێت حکوومەت بڕوات و، چونكه‌ خۆی بە هەڵبژاردن پێكهێندراوه‌ و بە کودەتا نه‌بووه‌.}

^{بەرپرسی پەیوەندییەکانی دەرەوەی پارتی دەڵێت: "دەکرێت حکوومەت هەڵبوەشێنرێتەوە، ئەندامانی پەرلەمان دەست لە کار بکێشینەوە و داوای هەڵبژاردنێکی تازە بکەین و، کێ بردیەوە پیرۆزی بێت و با حکوومەت پێکبهێنێت."}

^{(هێمن هەورامی) ئاماژەشی دا ،کە پارتی دیموکراتی کوردستان براوەی یەکەمی هەڵبژاردن بووە و هێندەی قەبارەی خۆی بەرپرسیارێتیی ئەم ڕەوشەی هەرێمی لەسەرە و، هەر لایەنێکی تریش بەپێی قەبارەی خۆی و نابێت هیچ لایەنێک لە بەرپرسیارێتی رابکات.}

^{(هەورامی) جه‌ختی كرده‌وه‌، کە بە تۆمەتبارکردنی یەکتر و بە ڕاکردن لە بەرپرسیارێتی ئەم کێشانە چارەسەر ناکرێن، بەڵکو بە بڕیاردان دەکرێ لەسەر ئەوەی ئێستا کوردستان لە چ قۆناغێکدایە و، پێویستی بە چ چارەسەرێک هەیە و ئایا بەرەو کوێ بڕۆین؟ بەرەو سەربەخۆیی؟ ئەمەش پێویستی بە زەوینەسازی و یەکڕیزیی هەیە.}

^{بەپرسی پەیوەندییەکانی دەرەوەی پارتی ئاماژەیشی دا، هەرێم بەشێکە لە جەمسەربەندیی سیاسیی ناوچەکە، بەڵام هەرگیز نابێتە بەشێک لە جەمسەربەندیی ئایینزایی لە ناوچەکەدا و، کورد نابێتە بەشێک لە جەمسەربەندیی تورکیا لەسەر بنەمای ئایینزایی دژی ئێران و ناشبێتە بەشێک لە جەمسەربەندیی شیعە لەگەڵ ئێران دژی عەرەبستانی سعوودیا و تورکیا.}

^11/2/2016

هیواكانی یه‌كگرتنه‌وه‌ی هه‌ردوو دیموكراته‌كه‌ به‌هێزتر ده‌بن

^{دوای سازكردنی كۆنگره‌ی شازده‌یه‌می حزبی دیموكراتی كوردستان، ئێستا ھیوای یەكگرتنەوەی دیموكراتەكانی رۆژهه‌ڵاتی كوردستان لە ھەموو كات بەھێزتربووه‌ و به‌ گوێره‌ی زانیارییه‌كانی كوردستان 24 حزبی دیمۆكراتی كوردستان ھەموو بەربەستەكانی یەكگرتنەوەی لابردووە.}

^{حزبی دیموكراتی كوردستانی ئێرانیش بە ئەنجامی كۆنگرەكەی حزبی دیموكراتی كوردستان رازییە و بەم زووانەش گفتوگۆكان دەستپێدەكەنەوە.}

^{ئەگه‌رچی زۆر كەس پێ وابوو ئەو كۆنگرەیە ھەوڵەكانی یەكگرتنەوە دیموكراتەكانی پەك خستووە، بەڵام كەمیش نین ئەو كەسانەی وەك دوا كۆنگرەی جیای دیموكراتەكان سەیری دەكەن و لە قسەكانی سكرتێری حزبی دیموكراتی كوردستانی ئێرانەوە دیارە كە چاوەڕێی پەیامە گرنگەكە لەو لابووە.}
^12/2/2016

چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

بەدرخان؛ بیرەوەریی مستۆ دادار بڵاودەکاتەوە

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

پیاوێک و شارایەک بەرهەمی دەستنووس

په‌یوه‌ندی راسته‌وخۆ

گه‌ڕان

Articles

به‌شداریی بارزانی له‌ كۆنفڕانسی میونشن، فاكتەرێكی گرینگە لە بەرقراركردنی ئاساییشی جیهاندا

سەرۆکی هەرێمی کوردستان و سەرۆکی کڕواتیا کۆدەبنەوە

سوپای ئێران: ئامادەین بەرگری لە ئاسمانی سووریا بکەین

بارزانی لە میۆنشن باسی قارەمانێتیی پێشمەرگە دەکات

تۆماس ئۆپێرمان: لە هاوکاریکردنی پێشمەرگە بەردەوام دەبین

به‌شداریی بارزانی له‌ كۆنفڕانسی میونشن، فاكتەرێكی گرینگە لە بەرقراركردنی ئاساییشی جیهاندا

سەرۆک وەزیرانی ڕووسیا هۆشداریی لە هەڵگیرسانی شەڕی سارد دەدات

ئەندامێکی کۆنگرێسی ئەمریکا پێشنیازی ڕێز لێنان لە گەلی کورد پێشکەش دەکات

ئێران ڤیدیۆی گریانی سەربازێكی ئەمه‌ریكی بڵاوكردەوە

هێزێکی عێراقی بەرەو مەخموور دێن..بۆ گرتنەوەی مووسڵە

هێزێکی عێراقی بەرەو مەخموور دێن..بۆ گرتنەوەی مووسڵە

ئەمریکا: بە یەک چاو سەیری پەکەکە و یەپەگە ناکەین

سەرکردەیەکی داعش فەرمانی پاشەکشەکردن بە چەکدارەکانیان دەکات

هێمن هه‌ورامی: هه‌رێم ناچێته‌ نێو هیچ جه‌مسه‌ربه‌دنیێكه‌وه‌

هیواكانی یه‌كگرتنه‌وه‌ی هه‌ردوو دیموكراته‌كه‌ به‌هێزتر ده‌بن

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM