به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
سەرۆكایەتیی هەرێمی كوردستان رایگەیاند، پشتیوانی لەبیرۆكەی سیستەمی فیدراڵی لە سووریا دەكات و داوایەكیش ئاراستەی لایەنە كوردییەكانی ئەو وڵاتە دەكات.
ماڵپەڕی سەرۆكایەتی هەرێمی كوردستان لێدوانێكی لەبارەی ئاییندەی سووریا بڵاوكردەوە.
دەقی لێدوانی گوتەبێژی سەرۆكایەتیی هەرێمی كوردستان
سەرۆكایەتیی هەرێمی كوردستان لەبارەی ئاییندەی سووریا
سەبارەت بە ئاییندەی سووریا و بۆ بەرقەراربونی سەقامگیری و دروستبوونی هاوبەشییەكی ڕاستەقینە لەنێوان پێكهاتە جیاجیاكانی سووریا، هەرێمی كوردستان پشتیوانی لە بیرۆكەی پێكەوەنانی سیستەمی فیدڕاڵی لە سووریا دەكات. بۆ ئەو مەبەستەیش داوا لە لایەنە كوردییەكانی سووریا دەكەین كە یەك هەڵوێست بن و بە وتارێكی سیاسیی هاوبەش پێداگری لەسەر داواكاری بۆ سیستەمی فیدڕاڵی لە ئاییندەی سووریادا بكەن.
گوتەبیژی فەرمیی سەرۆكایەتیی هەرێمی كوردستان
4/3/2016
لفنتانت " فنسنت ستیوارت" به‌ڕێوه‌به‌ری ده‌زگای هه‌واڵگری سه‌ربازی ئه‌مریكا، مه‌زنده‌گیری ده‌زگاكه‌ی بۆ شێوازی كاركردنی ئێران و حیزبوڵای لوبنانه‌وه له 2016دا ده‌خاته به‌رچاو. پێی وایه له‌م ساڵدا ئه‌و دوو لایه‌نه مه‌شق و كه‌لوپه‌لی زیاتر بۆ ئه‌و هێزانه دابین ده‌كه‌ن كه به‌رگری له‌ئه‌سه‌د ده‌كه‌ن.
ئه‌و به‌رپرسه پایه‌به‌رزه گوتی: " تاكو ئێستاش ئێران هه‌ڕه‌شه‌یه له‌سه‌ر سه‌قامگیری هه‌رێمایه‌تی. به‌رژه‌وه‌ندییه نیشتمانییه‌كانی له‌زۆربه‌ی كاتدا جیاواز و ناكۆكه له‌گه‌ڵ به‌رژه‌وه‌ندییه‌كانی ئێمه. ته‌نانه‌ت جیاوازه له‌گه‌ڵ به‌رژه‌وه‌ندی هاوپه‌یمانه‌كانمان له‌ناوچه‌كه‌دا. ئه‌ركی له‌پێشینه‌ی ئاسایشی نه‌ته‌وه‌یی ئێران بریتییه له‌مانه‌وه‌ی ڕژێمه‌كه‌و، فراوان كردنی هه‌ژمونی له ئاستی هه‌رێمایه‌تیداو، به‌هێزكردنی توانا سه‌ربازییه‌كانی ئێران".
هه‌روه‌ها گوتی: " له‌كاتێكدا ئێران پابه‌ندبوو به‌هه‌ندێك له پابه‌ندییه‌كانی له‌چوارچێوه‌ی ڕێككه‌وتنی ئه‌تۆمیدا، به‌وه‌ش هه‌ندێك له سزاكانی له‌سه‌ر هه‌ڵگیرا، به‌ڵام پێناچێت ئه‌وه كاریگه‌ری ڕاسته‌وخۆی له‌سه‌ر توانا سه‌ربازییه‌كانی ئێران هه‌بێت".
4/3/2016
کۆریای باکوور ژمارەیەک مووشەک ئاراستەی دەریای یابان دەکات، وەک کاردانەوەیەک بەرامبەر بڕیارەکەی ئەنجومەنی ئاسایشی نێودەوڵەتی.
دوای چەند سەعاتێک لە دەرکردنی بڕیاری توندترکردنی سزاکانی سەر کۆریای باکوور لەلایەن ئەنجومەنی ئاسایشی نێودەوڵەتی، حکوومەتی کۆریای باکوور بەرەبەیانی رۆژی پێنجشەممە 3ـی ئاداری 2016 ژمارەیەک مووشەکی نزیک مەودای لە کەناراوەکانی رۆژهەڵاتی وڵاتەکەی بە ئاراستەی دەریای یابان، تەقاندووە.
”سانگ گیون“، گوتەبێژی وەزارەتی بەرگری کۆریای باشوور هەواڵەکەی پشتڕاستکردووەتەوە و بە رۆژنامەنووسانی رایگەیاندووە، کە سوپای وڵاتەکەی چاودێریی جموجۆڵەکانی سوپای کۆریای باکوور دەکات.
3/3/2016
حکوومەتی ئیتاڵیا، بۆ بەهێزکردنی سوپای عێراق، هێزی زیاتر ڕەوانە دەکات و 8 هه‌لیكۆپته‌ر بۆ لە هەولێر جێگیر دەکات.
ئەمڕۆ چوارشەممە (2.3.2016)، رۆبیرتا بینوتی، وەزیری بەرگری ئیتاڵیا لە بەیاننامەیەکدا ڕای ده‌گه‌یه‌نێ كه بۆ زیاتر هاوكاریكردنی سوپای عێراق، 130 سەرباز لە چوارچێوەی هاوکارییە سەربازییەکانی وڵاته‌كه‌ی ده‌نێرنه عێراق.
ئاماژه‌ی به‌وه‌ش دا كه هه‌فته‌ی داهاتوو، 4 هەلیکۆپتەری مانگوستا A- 129" و 4 فڕۆکەی گواستنەوەی جۆری "NH90" رەوانەی عێراق دەکات.
به‌پێی به‌یاننامه‌كه‌ی حكوومه‌تی ئیتاڵیا، ئەو فڕۆکانە لە شاری هەولێر جێگیر دەکرێن.
3/3/2016
هه‌ریه‌ك له سعوودیه و توركیا، به بایه‌خه‌وه ده‌ڕواننه دۆخی سیاسی و قه‌یرانه ئابوورییه‌كانی هه‌رێمی كوردستان، پسپۆڕێكی ستراتیژیی سعوودیش ئاماژه بۆ ئه‌وه ده‌كات كه وڵاته‌كه‌ی ڕزگاركردنی هه‌رێمی كوردستان له‌م قه‌یرانه به گەره‌نتییەک بۆ ئەو هاوپەیمانێتییە دەزانێت کە سعوودیە سەرۆکایەتی دەکات.
“مه‌هنا حوبێل”، به‌رپرسی نووسینگه‌ی توێژینه‌وه‌ی ڕۆژهه‌ڵاتی ئیسلامی له ئیسته‌نبووڵ كه نووسه‌رێكی ناسراوی سعوودیه‌یه، لە تویتێکدا کە لە پەیجی تایبەتیی خۆی لە تۆڕی کۆمەڵایەتیی (تویتەر)دا ڕایگەیاندووە: “هاوپه‌یمانێتییه‌كه‌یان، ده‌ستپێخه‌رییه‌كی بۆ ئاشته‌وایی له نێوان سه‌رۆكی هه‌رێمی كوردستان و لایەنەکان ئه‌نجام داوه، له ڕێی ئه‌م ده‌ستپێشخه‌رییه‌وه، جارێكی دیكه لایه‌نه‌كانی هه‌رێمی كوردستان لێك نزیك ده‌بنه‌وه”. به‌پێی گوته‌كانی ئه‌و به‌ڕێوه‌به‌ره ستراتیژییه، ئێران توانیویه‌تی بیقۆزێته‌وه، بۆیه هه‌ر لێك نزیكبوونه‌وه‌یه‌ك، ڕێگه له‌به‌رده‌م ئێران به‌رته‌سك ده‌كاته‌وه.
ئەو نووسەرە ئاماژەی بەوەش داوە: "ئێران ئه‌و شه‌ڕه كه‌مه‌رشكێنه مه‌ترسیداره‌ی نێوان بارزانی و لایەنەکانی قۆستووه‌ته‌وه، بۆیه ده‌ستپێشخه‌رییه‌كه‌ی ڕیاز و ئه‌نقه‌ره، ده‌رگه به ڕووی ئه‌و لایه‌نه داده‌خات كه ئێران بۆ خۆی یه‌كلایی ده‌كاته‌وه".
له 1.12.2016، “مه‌سعود بارزانی”، سه‌رۆكی هه‌رێمی كوردستان، له‌میانی گه‌شته‌كه‌یدا بۆ سعوودیه و وڵاتانی كه‌نداو، له‌گه‌ڵ “محه‌مه‌د سه‌لمان ئال سعوود”، جێنشینی جێنشینی شای سعوودیه، جێگری سه‌رۆك وه‌زیران و وه‌زیری به‌رگریی ئه‌و وڵاته كۆبووه‌وه و تێیدا ئه‌و به‌رپرسه باڵا سعوودیه ئاماژه‌ی به‌وه كرد كه به بڕیاری شای سعوودیە، پەیوه‌ندییه‌كانی نێوان وڵاته‌كه‌ی و هه‌رێمی كوردستان پته‌وتر ده‌كه‌ن. هه‌ر له‌و كۆبوونه‌وه‌یه‌شدا قه‌یرانی دارایی هه‌رێمی كوردستان خرابووه ڕوو.
مه‌هنا حوبێل نووسیویه‌تی: "كورد پێشوازی له‌و پڕۆژه‌یه‌ی سعوودیه و توركیا ده‌كات كه تێیدا هاوكاریی ئابووریی هه‌رێمی كوردستانش ده‌كات كه وێڕای ڕزگاركردنی هه‌رێمی كوردستان له‌و قه‌یرانه ئابوورییەی هه‌یه‌تی، ده‌بێته ده‌رچه‌یه‌ك بۆ سنووردانان بۆ ئه‌و هاوپه‌یمانێتییه نێوده‌وڵه‌تییه هه‌رێمییه‌ی (هاوپه‌یمانی شیعه) كه له دژی هاوپه‌یمانیی ڕۆژهه‌ڵاتی ئیسلامی (هاوپه‌یمانی سوننی) ده‌كرێ”.
هه‌ڵكه‌وته‌ی جوگرافیی هه‌رێمی كوردستان، بۆ هه‌ریه‌ك له هه‌ردوو هاوپه‌یمانیی شیعه و سوننه گرنگییه‌كی زۆری هه‌یه، چونكه كورد بچێته پاڵ هه‌ر یه‌ك له‌و دوو هاوپه‌یمانییه، به‌شێكی زۆر له هاوكێشه سیاسییه‌كان ده‌گۆڕێ.
به‌رپرسی نووسینگه‌ی ڕۆژهه‌ڵاتی ئیسلامی له ئیسته‌نبووڵ، زۆر به ڕوونتر له‌سه‌ر هه‌ڵوێستی هاوپه‌یمانی سوننه ده‌دوێ و ده‌ڵێ: "پته‌وكردنی پێوه‌ندی له‌گه‌ڵ هه‌رێمی كوردستان، هه‌نگاوێكی گرنگه بۆ ڕاگرتنی ئه‌و پیلانانه‌ی له دژی برا كورده‌كانمان دروست ده‌كرێ" پێشی وایه، پشتیوانینه‌كردنی كورد له‌م كاته‌دا، ته‌واوی هاوپه‌یمانی سوننه ده‌خاته مه‌ترسیی هه‌ڵوه‌شاندنه‌وه.
2/3/2016
هه‌ولێر-KDP.info- نەگەیشتنی نەوتی خاوی هەرێمی كوردستان، بەهۆی هەڕەشەی پەكەكەوه بۆ سەر بۆرییە نەوتییەكانی هەرێم لە ناو خاكی توركیا، كاریگەریی نەرێنی كردووەته سەر بازاڕی جیهانیی نەوت و ئۆپێك وەك وڵاتانی فرۆشیاری نەوت لە ناوچەكە.
به‌گوێره‌ی ڕووپێوێكی ڕۆیته‌رز كه دوێنێ دووشه‌ممه بڵاو كراوه‌ته‌وه، ده‌ركه‌وتووه كه، به‌و هۆیه‌ی كه دوو حه‌فته‌یه هه‌نارده‌ی نه‌وتی هه‌رێمی كوردستان، به هۆی كرده‌وه‌كانی په‌كه‌كه‌وه وه‌ستاوه، گرینگیی هەرێمی كوردستان لە بازاڕەكانی جیهانیی نەوت دەردەخات.
چاودێران پێیان وایە هەوڵدان بۆ ڕێگری لە هەناردەكردنی نەوتی كوردستان بە ئاراستەكردنی ڕاستەوخۆی ڕووسیا لە ڕێگەی ئێرانەوە بۆ پەكەكە ئەنجام دەدرێت. ئەوەش وای كردووە نزیكەی 700 هەزار بەرمیل ڕۆژانە لە نەوتی هەرێم نەگاتە بازاڕەكانی جیهان.
دواهێرش به‌مه‌به‌ستی وه‌ستاندنی هه‌نارده‌ی نه‌وتی كوردستان بۆ بازاڕه‌كانی جیهان، له ڕۆحای باكووری كوردستان بوو و، گوته‌بێژی حكوومه‌تی هه‌رێمیش پارتیی كرێكارانی كوردستان(په‌كه‌كه)ی به ته‌قاندنه‌وه‌ی بۆریی نه‌وتی كوردستان تۆمه‌تبار كرد، كه سه‌رچاوه‌ی سه‌ره‌كیی داهاتی هه‌رێمی كوردستانه.
ڕۆیتەرز
2/3/2016
سه‌رۆكی ڕژێمی سوریا جه‌ختی له‌وه كرده‌وه كه هه‌موو ئه‌وه‌ی پێویسته ئۆپۆزسیۆن بیكات تاكو لێ بوردنیان بۆ ده‌ربچێت ئه‌وه‌یه چه‌كه‌كانیان دابنێن. هاوكات تیرۆریسته‌كانی تۆمه‌تباركرد به پێشێل كردنی ئاگربه‌ست.
ئه‌سه‌د له‌چاوپێكه‌وتنێكدا له‌گه‌ڵ كه‌ناڵی"ئه‌ی ئاڕ دی" ئه‌ڵمانیدا كه‌ئه‌مڕۆ سێ شه‌ممه په‌خش كرا، له‌باره‌ی لێخۆش بوون له ئۆپۆزسیۆنه‌وه گوتی: " هه‌موو ئه‌وه‌ی له‌سه‌رته ئه‌وه‌یه چه‌كه‌كه‌ت دابنێیت و وازی لێ بێنیت، ئیتر چ بته‌وێت بێیته ناو پرۆسه‌ی سیاسییه‌وه یان نا. ته‌نانه‌ت ئه‌گه‌ر هیچ ئه‌جێندایه‌كی سیاسیشت نه‌بێت گرنگ نیه".
ئه‌سه‌د گوتیشی: " كاری زۆر گرنگ به‌لای منه‌وه له‌ڕووی ده‌ستوری و یاساییه‌وه، به‌پشت به‌ستن به‌به‌رژه‌وه‌ندییه‌كانی خه‌ڵكی سوریا، ئه‌وه‌یه وه‌ك هاووڵاتی ڕێگه‌ت پێ نه‌دراوه چه‌ك هه‌ڵگریت و، زیان به هاووڵاتییان و موڵك و ماڵیان بگه‌یه‌نیت. ئه‌وه هه‌موو ئه‌وه‌یه كه‌ئێمه داوای ده‌كه‌ین. ئێمه داوای هیچ شتێكی تر ناكه‌ین. وه‌ك گوتم لێبوردنی ته‌واویان پێده‌به‌خشین. پێشتر وابووه‌و، چه‌ندین كه‌س له‌دوای ئه‌وه‌ش په‌یوه‌ندییان به‌سوپای سوریاوه كردووه. به‌شێكیشیان په‌یوه‌ندییان به‌ژیانی سیاسییه‌وه كردووه".
2/3/2016
هه‌ولێر-KDP.info- "(بارزانی نه‌مر) توانیی مرۆڤێكی نوێ پەروەردە بكات؛ به‌پێی ویست و داواكاری كۆمه‌ڵگای كوردستان بۆ ئازادیخوازی و مافی نه‌ته‌وه‌یی گه‌لی كورد ئامادەیانی كرد، به‌ناوكردنی هه‌زاران کەس له‌م وڵاته‌دا به ناوی (مه‌لا مسته‌فا) یاخود (بارزانی) یان (بارزان) له خۆشه‌ویستی بارزانی بوو، چونكه له‌وپه‌ڕی ساده‌ییدا ده‌ژیا، بۆیه خەڵکه‌كه ئێستا هه‌ر كه‌سێك ببینی ده‌بینی بیره‌وه‌رییه‌كی لەگەڵ بارزانی نەمردا هەیە"، عەلی عەونی وای گوت.
(عه‌لی عه‌ونی) ئه‌ندامی سه‌ركردایه‌تیی پارتیی دیموكراتی كوردستان، بە ماڵپەڕی فەرمیی پارتیی دیموكراتی كوردستانی ڕاگەیاند: "دیارترین كه‌سایه‌تی مێژووی سه‌د ساڵه‌ی ڕابردووی كوردستان جه‌نابی (بارزانی نه‌مر)ە؛ زەحمەتە جارێكی تر ڕه‌حمی نه‌ته‌وه‌ی كورد كه‌سایه‌تییه‌كی وه‌كو (بارزانی) عه‌داله‌تخواز و نه‌ترس له‌سه‌ر پرسی نه‌ته‌وه‌یی میلله‌ته‌كه‌ی به خۆیه‌وه ببینێ؛ (بارزانی) توانیی به كاره‌كانی خۆی له وته و كردار بە خەڵکی بسه‌لمێنێ كه‌سێكی خاوه‌ن پرۆژه‌یه بۆ میلله‌تی كورد و، ئاماده‌یه قوربانی بدات به خۆی بۆ ڕزگاری ئه‌و میلله‌ته، چونكه (بارزانی) ته‌نیا شۆڕش بوو به سه‌ركردایه‌تی خۆی بگات به ئامانجی خۆی پێش ئه‌و شۆڕ‌شه گشت شۆڕشه‌كانی تر شكان و تووشی ڕوخان بوون به‌ڵام له شۆڕشی ئه‌یلول (بارزانی) سه‌ركردایه‌تی شۆڕشێكی كرد توانیی ئۆتۆنۆمی كه به‌رنامه‌ی بوو به‌سه‌ر حكوومه‌تی عێراقدا بسه‌پێنێ و بیگه‌یێنێته ئه‌نجام ئه‌مه‌ش یه‌كم جار بوو شۆڕشی كورد له‌سه‌ر ده‌ستی بارزانی بگاته ئه‌نجامی خۆی و شۆڕشه‌كانی تر سه‌ڕه‌رای قوربانی زۆر به‌ڵام دژمن زه‌فه‌ری پێ بردن."
(عه‌ونی عه‌ونی) گوتی: "(بارزانی نه‌مر) توانیی مرۆڤێكی نوێ دروست بكات به‌پێی ویست و داواكاریی كۆمه‌ڵگای كوردستان بۆ ئازادیخوازی و مافی نه‌ته‌وه‌یی گه‌لی كورد ئاماده كرد و، به‌ناوكردنی هه‌زاران خه‌ڵكی ئه‌م وڵاته به‌ناوی (مه‌لا مسته‌فا) یاخود (بارزانی) یان (بارزان) له خۆشه‌ویستیی بارزانیدا بوو، چونكه له‌وپه‌ڕی ساده‌ییدا ده‌ژیا بۆیه خەڵکه‌كه ئێستا هه‌ر كه‌سێك ببینی ده‌بینی بیره‌وه‌رییه‌كی لەگەڵ بارزانی نەمردا هەیە"، له ووته‌كانی كرداره‌كانی و پێشوازی و عه‌داله‌تخوازی و ئامۆژگارییه‌كان و سووربوونی له‌سه‌ر پشتگیری لە هه‌ژاره‌كان، ئه‌مه وای كردبوو خۆشه‌ویستی هه‌ژاران بێت كه زۆربه‌ی هه‌ره‌زۆری خەڵکی كوردستان هه‌ژاربوونه بۆیه خۆشه‌ویستی زۆربه‌ی هه‌ره زۆری خەڵکی كوردستان بووه."
(عه‌لی ته‌ته‌ر) ئه‌ندامی سه‌ركردایه‌تیی پارتیی دیموكراتی كوردستان به ماڵپه‌ڕی فه‌رمیی پارتیی دیموكراتی كوردستانی گوت: ئه‌مڕۆ له ساڵیادی كۆچی دوایی (بارزانی نه‌مر)دا سه‌ردانی بارزانمان كرد بۆ ئه‌وه‌ی په‌یمان و سۆز نوێ بكه‌ینه‌وه و به‌رده‌وام بین له‌سه‌ر ئه‌و ڕێبازه كه ڕێبازێكی نیشتمانی نه‌ته‌وه‌ییه و ئێمه‌ی گه‌یاندووەته ئه‌م قۆناغه؛ ئه‌و ڕێبازه‌ش بووه كه كورد هه‌مووی یه‌ك بگرێت و له‌ژێر لیوای یه‌ك حزب و یه‌ك ئاڵا و به ڕابه‌رایه‌تی یه‌ك كه‌سایه‌تی كۆ ببێته‌وه كه سه‌د ساڵه به‌رده‌وامه؛ ئه‌نجامه‌كه‌شی ده‌بینین ئه‌و ده‌ستكه‌وتانه‌ن كه ئەمڕۆ به‌ده‌ست هاتوون به‌م بۆنه‌یه‌وه ده‌بینین هه‌رێمی كوردستان به قه‌یرانێك ده‌رباز ده‌بێت بۆیه وا باشه ئه‌م ڕۆژه ببێته سه‌ره‌تایه‌ك بۆ ئه‌وه‌ی به خۆماندا بچینه‌وه كه باس له چاكسازی ده‌كرێت پاكسازییش بكه‌ین؛ له خۆمانه‌وه ده‌ست پێ بكه‌ین چاكسازی له سلووك و ڕه‌فتاری خۆمان بكه‌ین ئەمڕۆ ده‌رفه‌تێكه بۆ ئه‌وه‌ی هه‌موومان بگه‌رێینه‌وه سه‌ر ئه‌و ڕێبازه ڕاسته‌قینه‌ی كه ڕێبازی دادپه‌روه‌ری، دوور له هه‌موو ئه‌و دیارده ناخۆشانه‌ی كه ئەمڕۆ باس ده‌كرێن و بۆته په‌تایه‌ك گرێدانی ئه‌م كۆمه‌لگایه‌ی گرتووه.
(عه‌لی ته‌ته‌ر) گوتیشی: "ده‌كرێ ئەمڕۆ پاش 37 ساڵ به‌سه‌ر كۆچی دوایی (بارزانی) هه‌موومان به خۆماندا بچینه‌وه و سۆز و په‌یمان نوێ بكه‌ینه‌وه كه دادپه‌روه‌ر بین؛ خۆمان له گه‌نده‌ڵی و ناعه‌داله‌تی و خراپه بده‌ینه پاش له‌داوی هه‌ردوو پرۆژه‌چاكسازییه‌كه‌ی (سه‌رۆك بازرانی)ـیش چ بۆ حكوومه‌ت یاخود بۆ خودی حزب ده‌كرێت هه‌موومان به خۆماندا بچینه‌وه و به‌ڵێن بده‌ین بێینه‌وه سه‌ر ئه‌و ڕێگا ڕاسته؛ مادامەکینێ خۆمان به په‌یڕه‌وانی ئه‌م ڕێبازه داده‌نێین، ئه‌گه‌ر ڕاست ده‌كه‌ین ئه‌وا ده‌توانین و ئه‌و توانایه‌مان هه‌یه و ڕێبازه‌كه‌مان ده‌توانێت ببێته ڕێنیشانده‌ر بۆمان بۆ ئه‌وه‌ی به‌سه‌ر ئه‌و كۆسپانه‌دا زاڵ بین و ده‌ربازیش بین چونكه ده‌زانین (بارزانی نه‌مر) بۆ خۆشبه‌ختی و به‌ختیاری و سه‌ربه‌ستی ئه‌م گه‌له و میلله‌ته بوو تا بگه‌ینێته قۆناغی كۆتایی و كورد له‌ژێر ده‌ستی ده‌ربێت و ببێت به دەوڵەت، كه په‌نجا ساڵی تێكۆشانی بارزانی و پێشتریش تێكۆشانی شێخ عه‌بدولسه‌لامی بارزانی ئه‌مه سه‌ده‌یه‌ك و چاره‌كێكه تێده‌كۆشین تا ئه‌و میلله‌ته ڕزگاری بێت ئێستا ده‌رفه‌ته ئێمه له ده‌وری سه‌ركردایه‌تی له ده‌وری درێژه پێده‌ری ئه‌و ڕێبازه كه (سه‌رۆك بارزانی)ـیە ده‌توانین كۆ بینه‌وه و، كاتێكی زۆر باش و زێرین بۆ كورد هاتووەته پێش ڕاسته تووشی چه‌ند قه‌یرانێكی ناخۆش بووینه، له‌وانه‌ش شه‌ڕی تیرۆریستانی داعش و قه‌یرانی دارایی، به‌ڵام نابنه هۆی ئه‌وه‌ی ڕابوه‌ستین ده‌بێت له‌سه‌ر خه‌بات و تێكۆشان به‌رده‌وام بین و هه‌ول بده‌ین پرۆسه‌ی ڕیفراندۆم كه جه‌نابی سه‌رۆك هه‌وڵی سه‌رخستنی ده‌دات وه‌ك مافێكی ڕه‌وای ئه‌و میلله‌ته جێبه‌جێ بكرێت تا میلله‌تی كوردیش وه‌كو هه‌موو میلله‌تانی جیهان ببێته خاوه‌ن دەوڵەت و سه‌ربه‌خۆ ببێت."
نەشوان بەرزنجی
1/3/2016
هەولێر-KDP.info- لەدیداریدا لەگەڵ سەرۆکی حکوومەتی کوردستاندا، جێگری یەكەمی وەزیری زانستەكانی كۆماری ئیسلامیی ئێران دەڵێ، ئەوان خوازیارن پەیوەندییە زانستییەكانی نێوان هەرێمی كوردستان و كۆماری ئیسلامیی ئێران باشتر پەرەی پێ بدرێت و زانكۆ و مامۆستایانی خوێندنی باڵای هەردوولا زۆرترین سوود لە بواری زانستی بە یەكتری بگەیەنن و لە ئایندەشدا ئەو پەیوەندیانە زیاتر فراوان بكرێن.
پاشنیوەڕۆی ئەمڕۆ سێشەممە 1 - 3 - 2016 (نێچیرڤان بارزانی) سەرۆكوەزیرانی هەرێمی كوردستان، پێشوازی لە (د. حوسەین سالار ئامولی)، جێگری یەكەمی وەزیری زانستەكانی كۆماری ئیسلامیی ئێران و شاندێكی یاوەری كرد.
لە دیدارێكدا كە (قوباد تاڵەبانی) جێگری سەرۆكوەزیرانی هەرێمی كوردستان ئامادەیبوو، (سالار ئامولی) خۆشحاڵیی خۆی بە سەردانی هەرێمی كوردستان دەربڕی و باسی ئامانجی سەردانەكەی بۆ هەرێمی كوردستان و ئیمزاكردنی گرێبەستێك لەگەڵ وەزارەتی خوێندی باڵا و توێژینەوەی زانستیی حكوومەتی هەرێمی كوردستانی كرد كە لایەنەكانی گۆڕینەوەی زانستی و دروستكردنی دەرفەت بۆ خوێندنی قوتابیان و سەردانی سەرۆكی زانكۆكان و مامۆستایانی هەردوولا و چەند بابەتێكی دیكە لەخۆدەگرێت.
هەروەك ئەوەشی دووپات كردەوە كە ئەوان خوازیارن پەیوەندییە زانستییەكانی نێوان هەرێمی كوردستان و كۆماری ئیسلامیی ئێران باشتر پەرەی پێ بدرێت و زانكۆ و مامۆستایانی خوێندنی باڵای هەردوولا زۆرترین سوود لە بواری زانستی بە یەكتری بگەیەنن و لە ئایندەشدا ئەو پەیوەندیانە زیاتر فراوان بكرێن.
لای خۆیەوە سەرۆكوەزیرانی هەرێمی كوردستان سوپاسی ئەو سەردانەی كرد و خۆشحاڵیی خۆی بە برەودانی پەیوەندییەكانی نێوان هەرێمی كوردستان و كۆماری ئیسلامیی ئێران بەتایبەتی لە بواری زانستیدا دەربڕی و سوپاسی وەزارەتی زانستەكانی ئێرانی كرد كە لە ڕووی زانستییەوە هاوكاریی هەرێمی كوردستان دەكات و هیوای خواست ئەم هاوكارییە ببێتە هۆی فراوانكردنی زیاتری پەیوەندی و هەماهەنگی و هاوكاریی نێوان زانكۆكان لە هەرێمی كوردستان و كۆماری ئیسلامیی ئێران.
لە بەشێكی دیكەی دیدارەكەدا سەرۆكوەزیرانی هەرێمی كوردستان دووپاتی كردەوە كە كۆماری ئیسلامیی ئێران لە سەردەمی ئاوارەییی خەڵكی هەرێمی كوردستاندا كە لە دەستی دیكتاتۆری ئاوارەی ئێران ببوون، خزمەتێكی زۆریان بەو خەڵكە ئاوارە كردووە و هەرێمی كوردستان هەرگیز ئەو ڕۆژانە لەیاد ناكات و ئێستاش خۆشحاڵە كە لە هەموو بوارەكاندا پەیوەندییەكانی نێوان هەرێمی كوردستان و كۆماری ئیسلامیی ئێران باشتر ببێت و هەموو پشتیوانییەكی حكوومەتی هەرێمیشی بۆ برەودانی زیاتر بە پەیوەندییە زانستی و زانكۆكانی هەرێمی كوردستان و كۆماری ئیسلامیی ئێران پیشان دا.
1/3/2016
هەولێر-KDP.info- (عەلی حوسێن) دەڵێ، لەئێستادا بەهۆی بوونی پێگەی نێودەوڵەتیی و سیاسەتی حەكیمانەی (سەرۆك بارزانی)، هەوڵ دەدرێ رێككەوتننامەی سایكس-پیكۆ بسڕێته‌وه. (د.ئەمین فەرەج)ـیش پێی وایە "دەبێ ئێمەی كورد یەكگوتار و یەكهەڵوێست و یەكگرتوو بین، بۆئەوەی لە نەخشە نوێیەكەی رۆژهەڵاتی ناوەڕاستدا مافەكانمان دەستەبەر بكەین."
(عەلی حوسێن) بەرپرسی لقی 2ی پارتی دیموكراتی كوردستان، بە ماڵپەڕی فەرمیی پارتیی دیموكراتی كوردستانی ڕاگەیاند: "لە 16ـی مانگی پێنجی ئەمساڵدا، سەد ساڵ بەسەر رێككەوتننامەی سایكس پیكۆدا تێدەپەڕێ، كاتی خۆیشی كە ئەم رێككەوتننامەیە مۆر كرا لەنێوان فەرەنسییەكان و بەریتانیاییەكان بوو بۆ بەرژەوەندی و دابەشكردنی ناوچەی نفوزی خۆیان. كاتێكیش بە شێوەیەكی نادروست دەوڵەتی عێراقیان دروست كرد، له سایه‌یدا تا ئەمڕۆكه‌یش گەلانی عێراق خێریان لەخۆ نەدیوه، چونكە بە ئیرادەی ئەوان ئەم عێراقە دروست نەبووە. ئێستاكه‌یش وردە وردە نەخشەی سیاسیی ناوچەكە بە گشتی، عێراق و سووریا بەتایبەتی، دەگۆڕێت و مەرج نییە سایكس پیكۆ هەر بەردەوام بێت."
(عەلی حوسێن) جەختی كردەوە: "گەلی كورد لە سایەی سایكس پیكۆدا دووچاری ئەنفال و جینۆساید و كاولكاری و قڕكردن بووەوە، دوای پرۆسەی ئازادیی عێراقیش دیسانەوە كورد خواستە دەستوورییەكانی جێبەجێ نەكرا و لە مافەكانی خورا. كاتی خۆی رەوشەكە لەبار نەبوو بۆ سەركردە سیاسییەكانی كوردستان و بوار نەڕەخسا كە بە تەواوی هەرەس بەم رێككەوتنە بێنن، بەڵام لەئێستادا بەهۆی بوونی پێگەی نێودەوڵەتیی و سیاسەتی حەكیمانەی (سەرۆك بارزانی)یه‌وه، هەوڵ دەدرێ ئەم رێككەوتنە بسڕێته‌وه. سەرەڕای ئەوەش خەبات و تێكۆشانی میللەتی كورد و خۆڕاگریی هێزی پێشمەرگە، هۆكارگه‌لی بەهێزن بۆئەوەی كۆمەڵگای نێودەوڵەتی لە نەخشەی سیاسیی دابێ، له هاوسه‌نگیی نوێی ناوچه‌كه‌دا، پێگه‌ی كورد بەرز رابگرێت."
ئەو ئەندامەی سەركردایەتیی پارتی ئاماژەیشی دا: "كورد دوای یەكەم جەنگی جیهانی و دووەمیش، بەشێك نەبووه لە هاوكێشەی سیاسی و ئابووری و سەربازی، بەڵام ئێستا گەلی كورد و هەرێمی كوردستان بەتایبەتی، بەشێكی گرینگە لە هاوكێشە سیاسی و ئابووری و سەربازییەكان. ئێستا گرینگە كە ئێمەی كورد ناوماڵی خۆیان یەك بخەین و خۆمان ئامادە بكەین بۆ ئەو گۆڕانكاریانەی لە ناوچەكە روو دەدات و پێگەیەكی باش بۆ خۆمان دابین بكەین."
هاوكات (د.ئەمین فەرەج) پسپۆڕی زانستە سیاسییەكان لە زانكۆی سەڵاحەدین، بە ماڵپەڕی فەرمیی پارتیی دیموكراتی كوردستانی ڕاگەیاند: "رێككەوتننامەی سایكس پیكۆ رێككەوتننامەیەكی نهێنی بوو كە لە ساڵی 1916دا مۆر كرا، دواتر بە چەندین رێككەوتننامەی تری وەكو سان ریمۆ و ئینتیداب و چەندانی ترەوە جێبەجێ كرا. ئێستایش بۆ ئەوەی دووبارە سنوورە جیۆگرافییەكانی ناوچەكە دابرێژرێتەوە، دەبێ رێككەوتننامەیەكی تر بێتە ئاراوە، لەلایەن وڵاتە زلهێزەكانی ئەم سەردەمە."
ئەم پسپۆڕەی زانستە سیاسییەكان روونی كردەوە: "ئێستا نەخشەی رۆژهەڵاتی ناوەڕاست بە كرداری گۆڕانكاری بەسەردا هاتووە، عێراق و سووریا و لیبیا و چەند وڵاتیكی دیکە، بوونەتە چەند پارچەیەك و تەنها لە ڕووی یاسایییەوە ماونەتەوە، بەڵام تائێستا هێزە سیاسییەكانی هەرێمی كوردستان بكەری سەرەكی نین لە رۆژهەڵاتی ناوەڕاست و، لە چوارچێوەی هێزە نێودەوڵەتی و هەرێمییەكاندا دەسووڕێینەوە. بۆیە دەبێ ئێمەی كورد یەكگوتار و یەكهەڵوێست و یەكگرتوو بین، تا لە نەخشە نوێیەكەی رۆژهەڵاتی ناوەڕاستدا مافەكانمان دەستەبەر بكەین."
سەرباز واحد
1/3/2016
هەولێر-KDP.info- (سەرۆک بارزانی) لە کۆبوونەوەکەی ئەنجوومەنی سەرکردایەتیی پارتیدا، بە کۆبووەوەکانی ڕاگەیاندووە "چاکسازی لە خۆمەوە دەست پێ دەکەم".
پێرێ شەممە، بە سەرپەرشتیی سەرۆک، ئەنجوومەنی سەرکردایەتیی پارتی دیموکراتی کوردستان کۆ بووەوە و، تێیدا سەبارەت بە بڕیارەكانی (سەرۆك بارزانی) دەربارەی پرۆسەی چاكسازی، چ لە ئاستی حكوومەتی هەرێم و چ لە ئاستی ناوخۆی حزبدا، گفتوگۆ كرا و، كۆبوونەوە دووبارە پشتگیری و ئامادەیی خۆی بۆ ئەو بڕیارانە و ئالیەتی گونجاو سەبارەت بە هەنگاوەكان دەربڕی.
ڕۆژنامەی هەولێر لە ژمارەی ئەمڕۆ دووشەممەیدا ئاماژەی داوە کە، لە دواکۆبوونەوەی ئەنجوومەنی سەرکردایەتیی پارتی دیموکراتی کوردستاندا، سەرۆک (مەسعوود بارزانی، جەختی لەسەر جیددیەتی بەرنامەی چاکسازیی ئیداری و دارایی لە ڕیزەکانی پارتی و لە دامەزراوەکانی حکوومەتی هەرێمی کوردستاندا کردووەتەوە.
ئەوەش ئاشکرا کراوە کە لە کۆبوونەوەکەدا (سەرۆک بارزانی) ڕایگەیاندووە: "هیچ کەس و دەزگا و دامەزراوەیەک لە سەرووی لێپرسینەوە و پێداچوونەوە و بەدواداچووندا نین و لەپێناو جێبەجێکردنی عەدالەت و شەفافیەت و چارەسەری گرفتەکاندا، هەرچی پێویست بێت، دەبێت بکرێت."
هاوکات (سەرۆک بارزانی) ڕاشکاوانە ڕایگەیاندووە: "چاکسازی لە شەخسی خۆمەوە دەست پێ دەکەم."
29/2/2016
سێ رۆژی دوای بەڕێوەچوونی خولی دەیەمی هەڵبژاردنەكانی ئێران، ئەنجامی 193 بازنەی هەڵبژاردن یەكلایی بووەتەوە و چارەنووسی 14 بازنەش كەوتووەتە قۆناغی دووەم و هەتا ئێستاش لە شاری تاران هێشتا پرۆسەی ژماردنی دەنگەكان هەر بەدەوامە.
بەپێی دوایین زانیاری و ئامارەكان كە ئاژانسە فەرمییەكانی میهر، ئیرنا و فارس بڵاویان كردووەتەوە هێشتا ئەنجامی كۆتایی كوسییەكانی پەرلەمان لە پارێزگای تاران رانەگەیەنراوە، بەڵام ئەنجامە بەراییەكان باس لەوە دەكەن ریفۆرمخوازەكان تەنیا لە تاران زیاتر لە 30 كورسیان مسۆگەر كردووە، بەڵام ئەنجامی هەڵبژاردنی پەرەلمانی شارەزایانی رێبەری بۆ ئەو پارێزگایە راگەیەنراوە و ئەنجامەكان ئەوە دەردەخەن كە سیما ناسراوەكانی باڵی بناژۆخواز كە ئێستا سەرۆكایەتی پەرلەمانی شارەزایانی رێبەری دەكەن، دەنگی متمانەیان نەهێناوەتەوە و ئەكبەر هاشمی رەفسەنجانی یەكەم دەنگی هێناوەتەوە و لەكۆی 16 كورسیی تاران ئەحمەد جەنەتی كە جاران دەنگی یەكەمی دەهێنایەوە لە ریزی كۆتایی دایە و ئەمەش سەركەوتنی ریفۆرمخوازەكان دەردەخات.
ئاژانسی ئیسناش لە راپۆرتێكدا بڵاوی كردووەتەوە هەتا كۆتایی دوێنێ یەكشەممە 28 ـ 2 ـ 2016 لەكۆی 290 كورسیی پەرلەمانی ئێران چارنووسی 183 كورسی یەكلایی بووەتەوە كە بەپێی پێكهاتە و ئاڕایشی سیاسیی نێوان باڵەكان دەربڕی ئەوەیەن كە دابەشبوونی كورسییەكان لە نێوان ببناژۆخواز، ریفۆرمیست و لیستەكانی لایەنگری ریفۆرخوازاندا لێك نزیكن و هاوسەنگییەك هەیە و هەتا بەڕێوەچوونی قۆناغی دووەم و یەكلا نەبوونەوەی 14 بازنەی دیكەی هەڵبژاردن ناكرێ سەركەوتنی هیچ لایەنێك بۆ هەڵبژاردنی پەرلەمان رابگەنرێ، بەڵام ئەنجامی كۆتایی پەرلەمانی شارەزایانی رێبەری راگەیەنراوە و ریفۆرمخوازەكان براوە و زۆرینەی 88 كورسییەكانیان بەدەستهێناوە.
ئاژانسەكانی نزیك لە ریفۆرمخوازان بڵاویان كردووەتەوە كە سەرجەم "لیستەی ئومێد" ی ریفۆرمخوازان چوونەتە پەرلەمان و لیستەی هاوپەیمانیی بناژۆخوازەكان دەستیان لە تاران شۆردووەتەوە و هیوایان بە شار و پارێزگاكانی دیكەیە كە ئەیش لە قۆناغی دووەمدا یەكلا دەبێتەوە.
بەپێی ئامار و داتاكانی حكوومەتی ئێران رێژەی بەشداریی خەڵك لە هەڵبژاردنەكاندا نزیكەی 60% بووە، بەڵام هێز و لایەنە ئۆپۆزسیۆنەكان و چالاكوانانی سیاسیی دژبەری كۆماری ئیسلامی پێیان وایە ئەو رێژەیە دوورە لە راستی و كەمتر لە 40% خەڵك بەشداری هەڵبژاردن بوون.
ژنان لە هەڵبژاردەناکی ئێراندا
لە حاڵێکدا چەند مانگ پیش هەڵبژاردنەکان پڕۆژەیەک پێشکەش کرا کە 30%ی کورسییەکانی پەرلەمان بۆ ژنان تەرخان بکرێت، کەچی سەرەڕای زۆرترین بەربژێری ژن خۆیان کاندید کردبوو، کەچی لە دوو قۆناغی پاڵاوتن و پەسەند کردندا رەت کرانەوە و لە ئەنجامدا هەتا ئێستا تەنیا 5 ژن چوونەتە پەرلەمان و جەند کەسی دیکەش چارەنووسیان کەوتووەتە قۆناغی دووەم.
29/2/2016
بەڕێوەبەری پێشووی دەزگای هەواڵگریی ئەمریکا (سی ئای ئەی) رایدەگەیەنێت، کە سنووری وڵاتانی رۆژهەڵاتی ناوەڕاست، هەڕەشەی لە ناوچوونیان لە سەرە.
"مایکڵ هایدن"، بەڕێوەبەری پێشووی سی ئای ئەی لە چاوپێکەوتنێ تەلەڤیزۆنی (سی ئێ ئێن)دا رایگەیاندووە، کە چیتر عێراق و سووریا بوونیان نییە، هەرگیز ناگەڕێنەوە دۆخی پێشوویان، لوبنان خەریکە هەڵدەوەشێتەوە، لیبیاش لەمێژە نەماوە.
مایکڵ هایدن پێیوایە یاسای نێودەوڵەتی، کە سنوورەکانی رۆژهەڵاتی ناوەڕاستی دیاریکردووە، نەماوە، ئەمەش دەبێتە هۆی نەمانی سنوورەکانی ئێستا و پەیدابوونی سنووری نوێ لە ناوچەکە.
هەروەک بەڕێوەبەری پێشووی دەزگای هەواڵگریی ئەمریکا ئاماژەی پێکردووە، رۆژهەڵاتی ناوەڕاست گۆڕانکارییەکی ناوچەیی گەورە بەخۆیەوە دەبینێت و سنوورەکان وەک ئێستا نامێنن.
29/2/2016
"جۆش ئیرنست" وته‌بێژی كۆشكی سپی له‌لێدوانێكی فه‌رمیدا ده‌ڵێت: " ئه‌وه‌ی كه فلادیمێر پۆتین هانده‌دات هه‌وڵی خۆ ده‌رخستن بدات له‌قۆناغی ئاسایی كردنه‌وه‌ی دۆخی سوریادا، هۆكارێكه ڕه‌نگه پێویستی به‌چاره‌سه‌ری ده‌رونی هه‌بێت".
ئه‌و لێدوانه‌ی ئیرنست له‌وه‌ڵامی پرسیارێكدا بوو كه تیایدا لێیان پرسی: ئایا به‌شداری كردنی ئۆباما له‌دانیشتنی ئه‌نجومه‌نی ئاسایشی نه‌ته‌وه‌یی له‌ناو باره‌گای وه‌زاره‌تی ده‌ره‌وه‌دا، په‌یوه‌ندی به‌ڕكابه‌ری كردنی پۆتینه‌وه هه‌یه بۆ خۆنمایش كردن؟".
ئێرنست گوتی: " ئۆباما بیر له‌به‌رژه‌وه‌ندییه‌كانی وڵاته‌كه‌ی ده‌كاته‌وه، زیاتر له‌وه‌ی بیر له‌وێنه‌ی خۆی له‌جیهاندا بكاته‌وه، به‌پێچه‌وانه‌ی پۆتینه‌وه كه ده‌یه‌وێت خۆی وه‌ك كه‌سێكی سه‌ركه‌وتوو نمایش بكات".
جه‌ختیشی كرده‌وه له‌گرنگی ڕۆڵی مۆسكۆ له‌چاره‌سه‌ركردنی قه‌یرانی سوریا و سه‌رخستنی ئاگربڕ له‌و وڵاته‌دا.
29/2/2016
سێ رۆژ دوای بەڕێوەچوونی هەڵبژاردنەکانی پەرلەمانی ئێران و دەرکەوتنی ئەنجامە بەراییەکان، مەکتەبی سیاسیی حیزبی دیموکراتی کوردستانی ئێران، بەیاننامەیەکی سەبارەت بە ئاکامەکانی هەڵبژاردن بڵاو کردەوە.
لە بەشێک لە بەیاننامەکەی حدکادا هاتووە: "هەروەک ئاگادارن، ڕێژیمی ئیسلامی بۆ ڕاکێشانی خەڵک بۆ سەر سندووقەکان لە پیلانی جۆربەجۆر و بڵاوکردنەوەی دەنگۆی ناڕاست و تەماح وەبەرنان و هەڕەشە و چاوسوورکردنەوە لە خەڵک هەوڵی دا کە بەناچاری بەشێک لە خەڵک پەلکێشی سەر سندووق بکا. هەروەها بە دیاریکردنی بەربژێری دەسکردی خۆی لە نێو گرووپ و پێکهاتە و چین و توێژی جۆربەجۆری کۆمەڵگا و بەتایبەت لە کوردستاندا، هەوڵی دا کە هەم بازاڕگەرمییەکی ناواقیعی بۆ هەڵبژاردنەکەی وەدەست بخا و هەم کێشە و ململانێی ناتەندروست بخاتە نێو کۆمەڵگای کوردستانەوە."
لە بەشێکی دیکەی ئەو بەیاننامەیەی حیزبی دیموکراتدائاماژە بەوە کراوە " ئاستی بەشداریی خەڵک لە پارێزگای سنە لە خوارەوە بووە کە زانیارییەکان باس لە بەشداریی کەمتر لە ٤٠%ی خەڵک لەو پارێزگایە دەکەن. لە پارێزگاکانی دیکەی کوردستانیش ئاستی بەشداریی خەڵک کەمتر لە ئاستی گشتیی ئێران بووە، تەنیا لە چەند شوێنی ئیلام و پارێزگای ورمێ نەبێ کە لەبەر پێکهاتەی کۆمەڵایەتیی ئەو ناوچانە و تایبەتمەندییان، هەروەها هەندێک پیلانی ڕژیم بۆ زەقکردنەوەی کێشەکانی نێو پێکهاتەکان، لە ڕێگەی کاندیدا دسنیشانکراوەکانەوە، بەداخەوە ڕێژیم لە ڕاکێشانی سەرنجی خەڵک لەو شوێنانەدا سەرکەوتوو بووە."
وێنەیەک لەو بەیاننامەیە بۆ ئاژانسی باسنیوز نێردراوە.
دەقی بەیاننامەکە:
بەیاننامەی دەفتەری سیاسی سەبارەت بە ئاکامی هەڵبژاردنەکانی ئەم دواییانە لە ئێراندا
هاونیشتمانیانی بەڕێز!
خەڵکی ئازادیخوازی کوردستان!
هەروەک لە پێشتردا باس کرا بوو و چاوەڕوان دەکرا، ڕێژیمی کۆماری ئیسلامی شانۆیەکی دیکەی لە ژێر ناوی هەڵبژاردندا بەڕێوە برد کەلە سەرەتای نمایشەکەوە هەتاکوو پەردەی کۆتایی شانۆکەی، بەرنامەی بۆ داڕشتبوو و بە وەڕێخستنی هەندێک دەنگۆ و خۆڵ لە چاوی خەڵک کردن، وای دەنواند کە شانۆی ئەمجارەی لەگەڵ جارانی دیکە جیاواز دەبێ و هەندێک لە مۆرە و باندەکانی نێو ڕێژیمیش وایان دەنواند کە لەبەر نەخۆشیی ڕێبەری ڕێژیم و هەروەها تەسلیمبوونیان بەرانبەر بە ڕۆژئاوا لە پرسی ناوکیدا، هەڵبژاردنی ئەم جارە کاریگەریی زۆرتری لەسەر سیاسەتەکانی ڕێژیم و جێگرەوەی داهاتووی خامنەیی دەبێ.
بەڵام هەموو ئەوانە تەنیا بۆ گەرمکردنی بازاڕی شانۆگەریی هەڵبژاردن بوو و ڕێبەری ڕێژیمیش کە لە دۆخی نالەباری ڕێژیمەکەیدا داوای لە تەنانەت دژبەرانی ڕێژیمیش کردبوو کە لەم هەڵبژاردنەدا بەشدار بن، دوایە لە ترسی ئەوەی کە نەکا دۆخەکەیان لەدەست دەربچێ، ڕایگەیاند کە وتوویانە کە دژبەرانی ڕێژیم دەنگ بدەن و نەیانوتووە کە دەتوانن بچنە مەجلیس!
بەم شێوەیە ڕێژیم هەموو ئامادەکارییەکی بۆ بەڕێوەبردنی هەڵبژاردنێکی بێنێوەڕۆک و چەواشەکراو و فریوکارانە کردبوو و لە قۆناغە جیاجیاکاندا بەرنامەکانی بردنە پێش و لە ڕۆژی ٧ی ڕەشەمەشدا کە بۆ ڕۆژی دەنگدان دیارییان کردبوو، هەموو دەزگای تەبلیغی و پڕوپاگەندە و بەسیج کردنی خەڵکی وەگەڕ خست تاکوو خەڵک بکێشێتە سەر سندووقەکان و لە بەر چاوی دووربینەکانەوە ڕیزی دوور و درێژی خەڵکی بەشدار نیشان بدا.
لەم ماوەیەدا کە حیزبی دێموکرات وەک هێزێکی ئازادیخوازی واقیعبین، سیاسەتی بایکۆتی شانۆگەریی ڕێژیم و هاندانی خەڵک بۆ نەچوونە سەر سندووقەکانی دەنگدانی ڕێژیمی گرتەپێش، لە سەر بنەمای لێکدانەوەیەکی دروستی سیاسی و بە ناسینی ڕێژیم و بە ئاگادار بوون لە هەموو چەواشەکارییەکانی ئەو ڕێژیمە، ئەو سیاسەتەی گرتە پێش و هەم دروستیی سیاسەتەکەی دەرکەوت و هەم ئەندام و لایەنگرانی تێکۆشەری حیزبیش لەم ماوەیەدا بۆ سەرکەوتنی ئەو سیاسەتە و بردنی سیاستی حیزب بۆ نێو خەڵک ئەوەی لە دەستیان هات ئەنجامیان دا و بە چالاکییەکانیان هەنگاوی کردەییان بۆ پووچەڵکردنەوەی پیلانەکانی ڕێژیم هەڵگرت.
هاونیشتمانیانی بەڕێز!
هەروەک ئاگادارن، ڕێژیمی ئیسلامی بۆ ڕاکێشانی خەڵک بۆ سەر سندووقەکان لە پیلانی جۆربەجۆر و بڵاوکردنەوەی دەنگۆی ناڕاست و تەماح وەبەرنان و هەڕەشە و چاوسوورکردنەوە لە خەڵک هەوڵی دا کە بەناچاری بەشێک لە خەڵک پەلکێشی سەر سندووق بکا. هەروەها بە دیاریکردنی بەربژێری دەسکردی خۆی لە نێو گرووپ و پێکهاتە و چین و توێژی جۆربەجۆری کۆمەڵگا و بەتایبەت لە کوردستاندا، هەوڵی دا کە هەم بازاڕگەرمییەکی ناواقیعی بۆ هەڵبژاردنەکەی وەدەست بخا و هەم کێشە و ململانێی ناتەندروست بخاتە نێو کۆمەڵگای کوردستانەوە. لە ڕۆژی بەناو دەنگدانیشدا، هەم ژمارەیەکی زۆری دەنگی لەپێشدا ئامادەکراوی خستە نێو سندووقەکانەوە و هەم خەڵک و دەستوپێوەندییەکانی خۆی لەمبەر بۆ ئەوبەر گواستەوە، تاکوو هەم تەقەلوبیان پێ بکا و هەم لە بەرچاوی دووربینەکانی خۆیەوە مانۆڕ و نمایشیان پێ بدا.
وەکوو ئاکامی هەڵبژاردنیش، لە ئاستی سەرتاسەریدا، ڕێژیم ڕایگەیاند کە؛ بەشدارییەکی نزیک بە ٦٠%ی هەبووە، کە بە لەبەرچاوگرتنی دەسکاری و گزەکردنی هەمیشەیی ڕێژیم لە ئامارەکاندا، بۆمان دەردەکەوێ کە ئاستی بەشداریی خەڵک بەگشتی لە خوارەوە بووە.
هەروەها لە ناوچە جیاوازەکانی کوردستاندا، بەپێی هەندێک تایبەتمەندی، بەشداریی خەڵک جیاواز بووە. بەپێی ئەو ئامارانەی لە لایەن خودی ڕێژیمەوە بڵاو بوونەتەوە، ئاستی بەشداریی خەڵک لە پارێزگای سنە لە خوارەوە بووە کە زانیارییەکان باس لە بەشداریی کەمتر لە ٤٠%ی خەڵک لەو پارێزگایە دەکەن. لە پارێزگاکانی دیکەی کوردستانیش ئاستی بەشداریی خەڵک کەمتر لە ئاستی گشتیی ئێران بووە، تەنیا لە چەند شوێنی ئیلام و پارێزگای ورمێ نەبێ کە لەبەر پێکهاتەی کۆمەڵایەتیی ئەو ناوچانە و تایبەتمەندییان، هەروەها هەندێک پیلانی ڕژیم بۆ زەقکردنەوەی کێشەکانی نێو پێکهاتەکان، لە ڕێگەی کاندیدا دسنیشانکراوەکانەوە، بەداخەوە ڕێژیم لە ڕاکێشانی سەرنجی خەڵک لەو شوێنانەدا سەرکەوتوو بووە.
ئەوەی لەم بەناو هەڵبژاردنەشدا بۆ جارێکی دیکە نیشان درایەوە، ئەوە بوو کە ڕێژیم لەوپەڕی ترس و لەرزۆکییدا تەنانەت کاندیداکانی خۆیشی کە پێشتر لێیان دڵنیابوو، لە مەیدان دەری کردن، تاکوو هیچ جۆرە ڕیسکێکی بۆ دۆخی لەرزۆکی داهاتووی نەکردبێ و مەبەستی ڕژیم تەنیا ئەوە بوو کە خەڵکێک بکێشێتە سەر سندووقەکان، دەنا نە مەجلیسەکانی دەسەڵاتی ئەوتۆیان هەیە و نە باندە جیاوازەکانی نێو ڕێژیم هیچ خەمێکی مافی خەڵک دەخۆن، تەنیا لە سەر بەرژەوەندیی خۆیان پێکەوە کێشەیان هەیە و لە سەر ستەمکردن لە خەڵک هاودەنگن و لە کاتی هەستیاردا بۆ پاراستنی نیزامەکەیان هەموو دژبەرییەکانیان وەلا دەنێن.
پێویستە لە کۆتاییدا سپاسی هەموو ئەو کەسانە و ئەو تێکۆشەرانەی دێموکرات بکەین کە لە پێناو سەرخستنی هەڵوێستی حیزبی دێموکراتدا تێکۆشان، هەڵوێستێک کە هاوتەریب و هاوئاهەنگ بوو لەگەڵ زۆربەی هەرەزۆری ڕێکخراو و لایەنە سیاسییەکانی کوردستان کە هەڵبژاردنەکانیان بایکۆت کرد. هەروەها سپاس و پێزانین بەرانبەر بەو خەڵکە دەرببڕین کە سندووقەکانی چەواشکاریی ڕێژیمیان بایکۆت کرد.
هەروەها بەو ژمارەیەی خەڵکیش کە بە ناچاری یان لە دۆخی ئاڵۆزکراوی ڕژیمدا چوونە سەر سندووقەکان ڕابگەیەنین کە دوای ڕۆژی بەناو دەنگدان، ڕوونتر دەردەکەوێ کە هەموو ئەو کەسانەی کە دەبرێنە مەجلیسی ڕێژیم، دامودەزگاکانی ڕێژیم خۆیان دیارییان کردوون و دەچنە شوێنێک کە هیچیان لەدەست نایە بۆ پشتیوانی لە مافی گەل، بەڵکوو ئەوان تەنیا بەڕێوەبەری سیاسەتەکانی دەزگای ویلایەتی فەقیهن و هیچی تر.
نەمان بۆ کۆماری ئیسلامی
سەرکەوتن بۆ ئازادی
حیزبی دێموکراتی کوردستانی ئێران
دەفتەری سیاسی
٩ی ڕەشەمەی ١٣٩٤
٢٨ی فێوریەی ٢٠١٦
29/2/2016
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
