چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

درێژه‌ی بابه‌ت

لە هەولێر ئیدانەی هێرشی موشەکی کۆماری ئیسلامی بۆ سەر بنکە و بارەگاکانی حیزبەکانی ڕۆژھەڵاتی کوردستان، هاوکات پشتگیری لە نارزایەتی خەڵکی ئێران و رۆژهەڵاتی کوردستان کرا.

درێژه‌ی بابه‌ت

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

درێژه‌ی بابه‌ت

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

درێژه‌ی بابه‌ت

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

درێژه‌ی بابه‌ت

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

به‌ڕێزان ( عوسمان عه‌به‌ پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه‌ وتیان به‌ڵێ ڕاسته‌ و كۆچی دوایی كردووه‌؟ هونه‌رمه‌ند و پێشمه‌رگه‌ ، سروودبێژ و گۆرانیبێژ...

درێژه‌ی بابه‌ت

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

درێژه‌ی بابه‌ت

بەدرخان؛ بیرەوەریی مستۆ دادار بڵاودەکاتەوە

کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت. مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...

درێژه‌ی بابه‌ت

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...

درێژه‌ی بابه‌ت

پیاوێک و شارایەک بەرهەمی دەستنووس

بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...

درێژه‌ی بابه‌ت

په‌یوه‌ندی راسته‌وخۆ

گه‌ڕان

Articles

سەرۆکی هەرێمی کوردستان: هیچ قەیرانێک ناتوانێت رێگری لە سەرکەوتنی کورد بکات

^{مەسعوود بارزانی لە وتارەکەیدا وێڕای بەرز نرخاندنی ئەم دەسکەوتە زانسییە لە کوردستان، هاوکات باسی رووداو و پێشهاتەکانی مانگی ئادار کرد و دواتر جەختی لەسەر چاکاساییەکانی حکوومەتی هەرێمی کوردستان کردەوە و باسی لەوەش کردووە کە لەمەشیاندا سەردەکەوین.}

^{لێرەدا باسنیوز دەقی قسەکانی سەرۆکی هەرێمی کوردستان بڵاو دەکاتەوە:}

^{بەناوی خوای گەورە و میهرەبان مێوانە بەڕێزەکان ئامادەبووانی بەڕێز هەمووتان بەخێر بێن و خۆشم زۆر خۆشحاڵم کە ئەمڕۆ لەگەڵ ئێوە بۆ کردنەوەی ئەم زانکۆیە کۆ دەبینەوە، ئومێدمان وایە ببێتە یەکێک لە باشترین زانکۆکانی ڕۆژهەڵاتی ناوەڕاست، ئەمڕۆ ڕۆژێکی زۆر گرنگە بۆ ئێمەی کورد و کوردستانی، ئەمڕۆ ڕۆژی لەدایکبوونی بارزانی، ڕۆژی ڕزگارکردنی شاری دهۆکە لە ڕاپەڕینی گەورەی 1991.}

^{کردنەوەی زانکۆی ئەمریکی لە کوردستان لەم ڕۆژەدا، سەنگێکی تر و خۆشییەکی تر دەخاتە سەر لیستی یادەکانی ئەم ڕۆژە پیرۆزە. لێرەدا بە پێویستی دەزانم سوپاس و دەستخۆشی هەموو ئەوانەی ڕۆڵیان هەبووە لە درووستکردنی ئەم زانکۆیە بکەم.، واتە مەسروور بارزانی ئەندامی بۆرد سەرۆکی زانکۆ و هەموو ئەوانەی یارمەتیی درووستکردنی زانکۆکەیان داوە.}

^{من بە پێویستی دەزانم لەم ڕۆژەدا پیرۆزباییەکی گەرم لە خەڵکی دهۆک و دەڤەری دهۆک بکەم، هەروەها پیرۆزبایی لە هەموو گەلی کوردستان بکەم ئەم مانگە وەک خوا دایناوە مانگی قەدەری کوردە سەرکەوتن و شکستەکان هەمووی لەم مانگە دایە، ڕاپەڕین لەم مانگە دەستی پێ کرد و وەرچەرخانێک بوو لە مێژووی ناوچەکە و مێژووی گەلی کوردستان، دوو سبەی یادی کارەساتی هەڵەبجەیە ئەم مانگە هەر لە سەەرتاوە تا کۆتایی هەمووی یادی خۆش و ناخۆشە ئەمە یەک ڕاستی نیشان دەدات کە هەم دیسان لەم مانگەدا و پێش ٢٥٠٠ ساڵ گەلی کوردستان ڕاپەڕی و زوحاکی زەمانی لەناو برد لەپێناو ئازادیدا، کورد تا ئێستا تینووی ئەو ئازادییەیە و قوربانی بۆ دەدات ئومێدەوارین ئیدی قوربانیدان یبەس بێت و ئەو ئازادییە بەتەواوی بێتە دەست و پێشکەوتنی هەر میللەتێک دەکەوێتە سەرشانی ئەو کەسانەی کە زانا و پسپۆڕ بن ئەو زانا و پسپۆڕانە لە زانکۆی دێنە درووست کردن و هیوادارین ئەو زانکۆیە ببێتە بنکەیەکی سەرەکی بۆ درووستکردنی ئەو پسپۆڕ و ئەوانەی کە ژێرخانی ئێمە بە شیوەیەکی زانستی و ڕێکوپێک درووست بکەن و دیسان زیندوویەتی میللەتی ئێمە نیشان دەدات، کاتێک داعش لەم دەڤەرە نزیک کەوتەوە، کار لەسەر ئەو درووستکردنی ئەو زانکۆیە نەوەستا، ئەمەش دەیسەلمێنێت کە میللەتەکەمان زیندووە.}

^{ئێمە ڕووبەڕووی قەیرانیش بووینەوە و هەمیشە تەحەدای قەیرانمان کردووە ئەمڕۆش نە تیرۆریستانی داعش، نە هیچ قەیرانیک نابیتە ڕێگر لەبەردەم سەرکەوتنی میللەتەکەمان لە شەڕی شەرەف و کەرامەتمان بەرامبەر بە تیرۆریستانی داعش، نەک هەر بەرامبەر بە پاراستنی کورد، بەڵکوو بەرامبەر بە پاراستنی جیهان. چاکسازی هاتووەتە کردن و دەگاتە ئەنجام و حەتمەن تێیدا سەر دەکەوین.}
^15/3/2016

سلێمانى.. گەورەترین ئاڵاى کوردستان لە بنارى گۆیژە دادەنرێ

^{بەڕێوبەرى باخچەکانى سلێمانى، ڕای دەگەیەنی كه‌ لە ئایندەیەکى نزیکدا، بەرزترین ئاڵاى کوردستان کە بە شێوازێکى جوان و سەرنجڕاکێش دروستکراوە، لە بنارى گۆیژەى شارى سلێمانى، لە تەنیشتى پڕۆژەى نووسینى "سلێمانى" هەڵدەواسرێ.}

^{کامەران حەمە ساڵح، بەڕێوبەرى باخچەکانى سلێمانى، لە لێدوانێکدا به‌ (باسنیوز)ی گوت: "پڕۆژەى جێبەێکردنى ئاڵاى کوردستانى گەورە لە قۆناخى تەواوبوون دایە و وابڕیارە لە ئایندەیەکى نزیکدا بە شێوازێکى جوان و سەرنجڕاکێش لە تەنیشتى نووسینى "سلێمانى" لە بنارى گۆیژە هەڵبواسرێت".}

^{گوتیشى:"لە ڕۆژى 17.12.2015 کە بە ڕۆژى ئاڵاى کوردستان ناسراوە، ئێمە بیرمان لەوە کردەوە، گەورەترین ئاڵاى کوردستان لە تەنیشتى نووسینى "سلێمانى" دابنرێت.}

^{نووسینی "سلێمانی" له‌سه‌ر شاخی گۆیژه‌، به‌ گه‌وره‌ترین وشه‌ داده‌نرێ له‌ جیهاندا و له‌ گه‌وره‌ییدا پێشی وشه‌ی "hollywood"یشی داوه‌ته‌وه‌ و چاوه‌ڕێ ده‌كرێ بكرێته‌ كتێبی گینیسه‌وه‌.}

^{بەڕێوبەرى باخچەکانى سلێمانى سه‌باره‌ت به‌ پڕۆژه‌ی ئاڵای كوردستان، هه‌روه‌ها گوتی: "ئاڵاو نەخشەی کوردستانى گەورە شتێکى جوان و سەرنجڕاکێشى لێ دەردەچێت چونکە بەچەند ئۆپشنێک دیزانى ئەو نەخشەیە کراوە، ئۆپشنەکان بە 3600/6700 مەتر چوارگۆشە دەبێت، هەروەها کۆتا ئۆپشنى دیارى کراو بە 100000 مەتر چوارگۆشە دەبێت كه‌ بە مەوداى 45 کیلۆمەتر، ئەو نەخشەیە دیار دەبێت".}

^{له‌ كۆتاییدا گوتی: "لە ئایندەیەکى نزیکدا کۆتایی بە کارەکانى ئەو پڕۆژەیە دێت".}
^15/3/2016

داوا لە حکوومەتی هەرێمی دەکرێت ئامادەکاری بکات بۆ دروستکردنی هەیکەلیەی هێزی ئاسمانی

^{پەرلەمانتارێک ئاماژە بەوە دەکات، چەند دەزگایەکی هەواڵگری لە هەوڵی دۆزینەوەی شوێنی دیاریکراوی بەرپرسی یەکەمی داعش دەدەن. ئەوەش دەخاتە ڕوو، کە گرنگە هەیکەلیەی ئاسمانیی کوردستان بۆ هەر حاڵەتێکی لەناکاو ئامادە بکات.}

^{"شاخەوان عەبدوڵڵا"، ئەندامی ئەنجومەنی نوێنەرانی عێراق لە فراکسیۆنی پارتی دیموکراتیی کوردستان و ئەندامی لێژنەی ئاسایش و بەرگریی پەرلەمانی عێراق، بە (باسنیوز)ی ڕاگەیاند: “ستراتیژیەتی شەڕی سوپای عێراق بەرانبەر بە داعش هەڵەبوو، لە میحوەرێک وەڵامی دەدانەوە و لە محیوەرەکانی دیکە بێ دەنگ بوو، ئەوە وای کرد داعش بە ئارەزووی خۆی لە میحوەرەکانەوە هێزەکانی ئاڵوگۆڕ بکات، دواتر سوپای عێراق ستراتیژیەتی شەڕی گۆڕیوە، ئێستا لە سەرجەم بەرەکانەوە هێرش دەکاتە سەر داعش، بۆ ئەوەی هێزی لە شوێنێکەوە بۆ شوێنێکی دیکە نەگوازێتەوە”. بە بڕوای ئەو پەرلەمانتارە، ستراتیژەکە سەرکەوتوو بووە و تاڕادەیەک باش بووە، بەڵام داعش کە ئێستا زانیویەتی هێرش دەکرێتە سەر مووسڵ، لە شاری "ڕەقە"وە هێزی بۆ مووسڵ جووڵاندووە، کە ئامانج لەو ستراتیژیەتەی ئەوەیە کە ئەگەر نەتوانێت مووسڵ بە دەستەوە نەدات، ئەوە لە ڕێگای بەرگرییەوە بیەوێت زیانێکی زۆر بە سوپای عێراق بگەیەنێت.}

^{شاخەوان عەبدوڵڵا ئەوەشی بە (باسنیوز) گوت: “دەزگا هەواڵگرییەکان کار لەسەر دۆزینەوە شوێنی "ئەبوبەکر بەغدادی"، خەلیفەی ڕێکخراوی توندرەوی داعش، دەکەن، بەڵام دەزگای هەواڵگریی عێراق لاوازە، چونکە ئەوەی لەگەڵ داعشە، عێراقیەکانن، ئەوانیش کار بۆ دەزگای هەواڵگریی عێراق ناکەن و دڵیان بە عێراق ناسوتێت، تا زانیاری بە هەواڵگریی وڵاتەکەیان بدەن، چونکە ئەگەر وابووایە، لەم ڕۆژانە بەغدادی لە نزیک فەلوجە بووە، هیچیان پێ نەکراوە".}

^{ئەو ئەندامەی فراکسیۆنی پارتی لە پەرلەمانی عێراق داوا دەکات، حکوومەتی هەرێمی کوردستان، هەیکەلیەتی هێزی ئاسمانی ئامادە بکات، بە تایبەتیش مەشق و ڕاهێنان و دیاریکردنی بنکە بۆ ئەو هێزە ئامادە بکات، تاوەکو ئەگەر لە حاڵەتی لەناکاودا پێویست بوو، هەرێمی کوردستان هێزی ئاسمانیی خۆی بخاتە کار.}
^14/3/2016

ئەمڕۆ یادی 113 ساڵەی لەدایکبوونی مستەفا بارزانییە

^{ئەمڕۆ دووشەممە 14ـی ئادار، 113 ساڵ بەسەر لەدایکبوونی ”مستەفا بارزانی“دا تێدەپەڕێت.}

^{مستەفا بارزانی یاخود بارزانی نەمر، لە 14ـی ئاداری 1903 لە گوندی بارزان لە کوردستانی باشوور لەدایکبووە.}

^{بارزانی نەمر، کە باوکی ”مەسعود بارزانی“، سەرۆکی هەرێمی کوردستانە، لە ساڵی 1943ـەوە دەستی بە شۆڕش لە دژی رژێمەکانی عێراق کردووە و سەرکردایەتیی جوڵانەوەی رزگاریخوازی گەلی کوردستانی کردووە.}

^{لەگەڵ دامەزراندنی کۆماری کوردستان لە شاری مەهاباد لە ساڵی 1946، مستەفا بارزانی چووە کوردستانی رۆژهەڵات و هێزەکەی خستە خزمەتی کۆمار و خۆیشی بە سوپاسالاری ئەو کۆمارە هەڵبژێردرا، دواتریش لە هەمان ساڵ، پلەی ژەنەڕالی سەربازیی پێدرا.}

^{مەلا مستەفا، کە بەشێکی گەلی کوردستان بە باوکی رۆحیی کورد ناوی دەبەن، لە ساڵی 1961 شۆڕشی ئەیلولی لە دژی رژێمی عێراقی هەڵگیرساند و توانی لە ساڵی 1970 چۆک بەو رژێمەدا بدات و ناچاری بکات دان بە مافە نەتەوەییەکانی گەلی کورد بنێت.}

^{ئەو سەرکردەیەی شۆڕشی رزگاریخوازی گەلی کورد، لە ساڵی 1979 لە نەخۆشخانەیەکی ئەمریکا گیانی لەدەست دا.}
^14/3/2016

میدیایەکی فارسی: دامەزرانی دەوڵەتی کوردستان نزیکە

^{پێکهاتنی دەوڵەتی کوردستان نزیکە، ئەم پرسە نەک هەر بووەتە جێی باسی راگەیاندنە بیانییەکان، بەڵکوو ی لەنێو سەرۆک و کەسایەتییە سیاسییەکانی جیهانیشدا لایەنگرانی روو لە زیادبوونە و میدیاکانیش رووماڵی ئەم پرسە دەکەن.}

^{ماڵپەڕی فارسیی "رادیۆ زەمانە" کە ماڵپەڕێکە و لە ئەورووپا چالاکە لە راپۆرتێکی پوختدا نووسیویەتی "دوور نییە کوردستانی باشوور بە پانتایی 60 هەزار کیلۆمەتری چوار گۆشە و ژمارەی دانیشتووانی زیاتر لە 5 ملیۆن کەس، یەکەم وڵات بێت کە دوای سەدەیەک گرژی و ئاڵۆزی لە رۆژهەڵاتی ناوەڕاستدا بە "جیابوونەوەی نەرم" ئەو دیارەدەیەی کە ناوچەکە لەگەڵی نامۆیە، دابمەزرێت."}

^{لە راپۆرتەکەدا هاتووە، پرسی دابەشبوونی عێراق بۆ سێ دەوڵەتی شیعە و سوننە و کورد باسێکی نوێی نییە، "مەسعوود بارزانی" سەرۆکی هەرێمی کوردستان، بە راشکاوانە باس لە ریفڕاندۆم بۆ سەربەخۆیی هەرێمی کوردستان دەکات، بە گوێرەی زانیارییەکان 32 وڵاتی ئەورووپایی پاڵپشتی خۆیان بۆ سەربەخۆیی کوردستان راگەیاندووە.}

^{راپۆرتەکە ئەوەشی خستەڕوو، دوای "شیمۆن پرێز و ناتانیاهۆ، ئایلت شاکد" وەزیری دادی ئیسرائیل دوا بەرپرسی ئەو وڵاتەیە کە بە شێوەیەکی جدی پاڵپشتی لە دەوڵەتی سەربەخۆیی کوردستان دەکەن.}

^{راپۆرتەکە تیشکی خستووەتە سەر پێگەی سەرۆکی هەرێمی کوردستان و بە کەسایەتییەکی کاریگەر نێوی هێناوە و نووسیویەتی وێڕای ئەو کێشە و قەیرانە ئابوورییە و دواکەوتنی مووچەی کارمەندەکانی، مەسعوود بارزانی پێی وایە کە ئێستا باشترین دەرفەتە بۆ راگەیاندنی دەوڵەتی سەربەخۆی کوردستان.}

^{راپۆرتەکە تیشکی خستووەتە سەر گوتەکانی "محەمەد حاجی مەحموود" سکرتێری حزبی سوسیالیست، کە ساڵی رابردوو گوتی: "عێراق تەنیا ئاسمانەکەی یەکپارچەیە، ئەگینا خاکەکەی لەمێژە دابەش بووە".}

^{راپۆرتەکەی رادیۆ زەمانە بەراوردی سوپای عێراق لەگەڵ پێشمەرگە دەکات و لەو بارەیەوە پێشمەرگەی بە قارەمان وەسف کردووە و نووسیویەتی: "ئەو تەقینەوانە لە بەغدا و ناوچەکانی ژێر کونتڕۆڵی حکوومەتی ناوەندی رووی دەدا، روونی دەکاتەوە کە سوپای عێراق لاوازە".}

^{هاوکات دەنووسێ: "بە پێچەوانەی رابردوو کە رای گشتی، سیاسەتوان و کەسایەتییە ئایینییەکان باسکردن لە سەربەخۆیی کوردستانیان بە بڤە دەزانی، ئێستا ئەو تاپۆیە شکاوە کە تەنانەت پەرلەمانتار و سیاسەتوانە عێراقییەکانیش لەو باوەڕە دان جیابوونەوەی کوردستان ئەگەر بەپێی خواستی شەقامیی عێراق بێت، رەوا و پەسەندە".}

^{لە درێژەی راپۆرتەکەدا هاتووە "لەڕووی ناوچەیی و نیودەوڵوتیشەوە راگەیاندنی سەربەخۆیی کوردستان باشیرین چانسی دەبێت. پێشتر ئێران، عێراق، سووریا و تورکیا سەرەڕای بوونی ناکۆکیی زۆر، بەڵام لەسەر پرسی کورد، هاودەنگ و هاوپەیمان بوون و وڵاتەکانی هاوپەیمانی ئەو چوار وڵاتەش لەبەر بەرژەوەندیی خۆیان لەگەل بابەتی سەربەخۆیی کوردستان دژایەتییان دەکرد."}

^{ئێستا عێراق و سووریا دەسەڵاتێکی ئەتۆیان نییە و تورکیاش جگە لەوەی لە ناوچە کوردنشینەکانی خۆی تووشی شەڕ بووە، بەهۆی ناکۆکی لەگەڵ رووسیا، پێویستی بە غازی کوردستانە.}

^{ئەوەی دەمێنێتەوە ئێرانە ئێران هەر لە سەرەتاوە دژی سەربەخۆیی کوردستان بووە، "هاشمی رەفسەنجانی" لە سەردەمی سەرۆک کۆماریی خوییدا راشکاوانە گوتبووی: "رێگە نادەین ئیسرائیلێکی دیکە لە ناوچەکە دروست بێت"، بەڵام ئێران بەرلە وڵاتی تورکیا کونسووڵگەریی لە هەولێر و سلێمانی کردەوە."}

^{هەمووڤ ئەوانە سەرەڕای پێشوازیی گەرمی سعوودیە لە مەسعوود بارزانی لە دوا سەردانی بۆ ئەو وڵاتە، گومانی و دوودڵی لە ئەگەری ناڕەزایەتی وڵاتانی عەرەبی لە هەمبەر سەربەخۆیی هەریمی کوردستان نەهێشت.}

^{لە راپۆرتەکەدا ئاماژە بە چاوپێکەوتنی رۆژنامەی "ئەلحەیات"ی لەندەن لەگەڵ بارزانی کردووە و نووسیویەتی: "سەرۆکی هەرێمی کوردستان گوتی، یەک لە هۆکارەکانی هێرشی داعش بۆ کوردستان ئەوە بوو کە پرسی راپرسی و ریفراندۆم لە کوردستان گەیشتبووە قۆناغی جێبەجێکردن، بەڵام هەرچەندە ئەو هێرشە خەساری مادی و مەعنەویی زۆری بۆ کوردستان لێکەوتەوە، ئەو لایەنە باشەشی بوو کە سەرجەم ناوچە دابڕاوەکانی دەرەوەی کوردستان و کەرکووک گەڕایەوە ژێر کۆنتڕۆڵی کوردستان".}

^{لە کۆتایی راپۆرتەکەدا هاتووە، هەندێک بەڵگە لە رۆژهەڵاتی ناوەڕاستدا بەدی دەکرێت کە سنوورەکانی سایکس – پیکۆ، دوای سەدەیەک ئیتر کۆن بوون و ئەو ناوچەیە نیازی بە دیاریکردنی سنووری نوێی هەیە، نەک لەسەر بنەمای بە زۆر پێکەوە هێشتنەوەی نەتەوەکان، بەڵکوو لەسەر بنەمای دەنگ و خواست دانیشتوانی ناوچەکە.}
^14/3/2016

رووسیاش ئامادەیی خۆی بۆ هاوکاریکردنی پێشمەرگە دەردەبڕێ

^{ئەمڕۆ یەکشەممە مەسعود بارزانی سەرۆكی هەرێمی كوردستان پێشوازی لەئیڵیا مۆڕگونۆڤ باڵیۆزی رووسیا لە عێراق كرد.}

^{ماڵپەڕی سەرۆکایەتی هەرێمی کوردستان بڵاوی کردەوە، لە دیدارەكەدا باڵیۆزی رووسیا لە عێراق هێڵە گشتییەكانی سیاسەتی وڵاتەكەی لە ڕۆژهەڵاتی ناوەڕاست و سووریا و عێراق بۆ سەرۆكی هەرێمی کوردستان شی كردووەتەوە.}

^{هەروەها گوتوویەتی بۆ ئەوەی پێداگریی وڵاتەكەی لەسەر هاوسۆزی و بەردەوامبوونی پەیوەندی لەگەڵ هەرێمی كوردستان دووپات بكاتەوە، ئامادەیی رووسیای نیشان داوە بۆ هاوكاریكردنی پێشمەرگە لەڕووی سەربازی لە شەڕ دژی تیرۆریستاندا.}

^{لەم دیدارەدا باڵیۆزی ڕووسیا لە عێراق پیرۆزبایی یادەكانی ئادار و نەورۆز و یادی لەدایكبوونی بارزانیی نەمری لە سەرۆك بارزانی و گەلی كوردستان كرد و هەروەها بە پێزانینەوە باسی لە ڕۆڵی بارزانی لە سەركردایەتیكردنی شەڕەكان كرد و ستاییشی قوربانیدان و قارەمانێتیی هێزی پێشمەرگەی كوردستانی كرد لە ڕووبەڕووبوونەوەی تیرۆریستاندا.}

^{لە بەرانبەردا بارزانی وێڕای ئاماژەدان بە پەیوەندییە مێژووییەكانی نێوان گەلی كورد و ڕووسیا، سوپاسی هاوكارییەكانی وڵاتی ڕووسیای كرد.}

^{لە درێژەی قسەكانیدا بارزانی باسی لە قەیرانەكانی ناوچەكە و شەڕی تیرۆریستان كرد و پەیوەست بە سووریاشەوە، بارزانی ڕایگەیاند كە هەڵوێستی هەرێمی كوردستان لەبەرانبەر لایەنەكانی سووریا و حكوومەتی سووریا لەسەر هەڵوێستی ئەوان لەمەڕ دۆزی ڕەوای گەلی كوردستان و داننان بە مافی گەلی كوردستان لە سووریا وەستاوە.}

^{لە بەشێكی ئەم دیدارە باس لە پڕۆسەی سیاسیی عێراق و ئاییندەی عێراق و ئازادكردنی موسڵ كرا.}

^{جێگەی ئاماژەپێكردنە لە بەشێكی دیكەی ئەم دیدارە شاندێكی باڵای كۆمپانیای گازپڕۆمی ڕووسی ئامادەی كۆبوونەوەكە بوون و سەرۆك بارزانیان لە پلان و كار و چالاكییەكانیان لە هەرێمی كوردستان ئاگادار كردەوە.}
^14/3/2016

ئەکادیمییەکی ئەمریکی: بۆ تورکیا زۆر باشترە دراوسێی کوردستان بێ نەک عێراق

^{ئەکادیمییەکی ئەمریکی پێیوایە کوردستانی باشوور وەک وڵاتێکی سەربەخۆیە و بۆ تورکیاش باشترە دراوسێی کوردستان بێت.}

^{”دەیڤد شینگەر“، بەرپرسی پرۆگرامی سیاسەتی رۆژھەڵاتی ناوەڕاست لە پەیمانگای واشنتۆن بە کەناڵی (کوردستان 24)ـی راگەیاندووە، ھەرێمی کوردستان ھەموو مەرجەکانی بە دەوڵەت بوونی تێدایە و خەڵکی کوردستان مافی خۆیانە لە ریفراندۆمێکدا بڕیار لە چارەنووسی خۆیان بدەن.}

^{دەیڤد شینگەر ئاماژەی بەوەکردووە، کە کوردستانی باشوور وەک وڵاتێکی سەربەخۆیە، ھێزی سەربازی ھەیە و بوودجەی لە بەغداوە بۆ نانێردرێت، شتێکی زۆر ئاساییە خەڵکی کوردستان ریفراندۆم بۆ سەربەخۆیی ئەنجام بدەن.}

^{ئەو ئەکادیمییە ئەمریکی باسی پەیوەندییەکانی کورد و وڵاتەکەی دەکات و رایدەگەیەنێت، کە ئەمریکا گرنگیی بە ریفراندۆمی گەلی کوردستانی باشوور دەدات، چونکە ”کورد ھاوپەیمانێکی بەھێزی ئەمریکایە“، لە ھەمانکاتدا بۆ ئەمریکا گرنگە بزانێ ھەڵوێستی تورکیای ھاوپەیمان و ئەندامی ناتۆ چی دەبێت.}

^{دەیڤید شینگەر بە زۆر باشتری دەزانێ، تورکیا لەو ناوچە نائارامەی نێوان داعش و عێراقدا، ”درواسێیەکی ئاشتیخواز و مۆدێرنی وەک کوردستانی ھەبێت“.}
^13/3/2016

ئێران.. مەترسیی تووشبوون بە مادەی هۆشبەر لەناو ژنان زیاتر بووە

^{"پەرویز ئەفشار" گوتەبێژی ناوەندی بەرەنگاربوونەوەی مادەی هۆشبەر، لە ئێران رایگەیاند: "ژنان راستەوخۆ و ناڕاستەوخۆ قوربانیی بەکارهێنانی مادەی هۆشبەرن".}

^{ئەفشار لەو بارەیەوە بە ئاژانسی "ئیلنا"ی گوت: "43٪ی ژنانی بەندکراو لە ئێران بە شێوەی راستەوخۆ لە پەیوەندی لەگەڵ مادەی هۆشبەربەرەکان گیراون".}

^{ئەفشار ئاماژەی بە ئاماری دروستی ژمارەی ئەو ژنانە کرد کە ناڕاستەوخۆ بوونەتە قوربانیی مادەی هۆشبەر و گوتی: "ژنان کەمتر دەکەونە نێو تاوانە ریکخراوەکانی وەکوو قاچاخی مادەی هۆشبەر و باندە مافیاییەکان".}

^{گوتەبێژی ناوەندی بەرەنگاربوونەوەی ماددەی هۆشبەر، ئاماری کەمیی ژنانی لە تاوانە گەورەکاندا گەڕاندەوە بۆ "پیرۆزیی ژن" و گوتی: "ژنان کەمتر روو لە ئەنجامدانی تاوانباران دەکەن".}

^{شەهیدۆخت مولاوێردی، یاریدەدەری سەرۆک کۆماری ئێران تایبەت بە کاروباری ژنان و خێزان، پێشتر گوتبووی: "بەرزبوونەوەی رێژەی ژنانەی ئاڵودەبوو بە مادەی هۆشبەر دوو هێندی پیاوانە".}

^{تەنگەژەی ئابووری، هەڕەشە، ترس، یان هاوسۆزی لەگەڵ هاوسەر لەو هۆکارانەن کە دەبنە هۆی بەرزبوونەوەی ژمارەی ژنانی ئاڵودەبوو بە ماددەی هۆشبەر.}
^13/3/2016

دەیڤد شینگەر: ھەرێمی کوردستان ھەموو مەرجەکانی دەوڵەتی تێدایە

^{ئەمەریکا-KDP.info- دەیڤد شینگەر، بەرپرسی پرۆگرامی سیاسەتی رۆژھەڵاتی ناوەڕاست لە پەیمانگای واشنتۆن، رایگەیاند، ھەرێمی کوردستان ھەموو مەرجەکانی دەوڵەتی تێدایە و خەڵکی کوردستان مافی خۆیانە لە ریفراندۆمێکدا بڕیار لە چارەنووسی خۆیان بدەن.}

^{دەیڤد شینگەر، بەرپرسی پرۆگرامی سیاسەتی رۆژھەڵاتی ناوەڕاست لە پەیمانگای واشنتۆن رایگەیاند"باشووری کوردستان وەک وڵاتێكی سەربەخۆیە، ھێزی سەربازی ھەیە لە بەغداوە بووجەی بۆ نایێت، شتێکی زۆر ئاساییە خەڵکی کوردستان ریفراندۆم بۆ سەربەخۆیی ئەنجام بدەن."}

^{دەیڤد شینگەر دەیشڵێ: "ئەمەریکا گرنگی بەو بابەتە دەدات، چونکە کورد ھاوپەیمانێکی بەھێزی ئەمریکایە، لە ھەمانکاتدا بۆ ئەمەریکا گرنگە بزانێ ھەڵوێستی تورکیای ھاوپەیمان و ئەندامی ناتۆ چی دەبێت، بەڵام بەدڵنیاییەوە بۆ تورکیا زۆر باشتر لەو ناوچە نائارامەی لە نێوان داعش و عێراقدا درواسێیەکی ئاشتیخواز و مۆدێرنی وەک کوردستانی ھەبێت".}

^{گوتیشی: "ئێستا وتووێژێکی زۆر جیددی و گرنگ ھەیە لە نێوان تورکیا و ئەورووپا و ناتۆ لەبارەی کۆچبەران و بە ئەندامبوونی تورکیا لە ئەورووپا یەکێک لە مەرجەکانی ئەورووپاش کرانەوەی تورکیا و پێدانی ماف و ئازادییەکانە، بۆیە باوەڕ ناکەم تورکیا بتوانێ ئەو دەرفەتە زێرینە لەکیس خۆی بدات."}

^{كوردستان 24}
^13/3/2016

ئه‌مریكا و كۆریای باشور مانۆڕی هێرشبه‌رانه‌ ئه‌نجام ده‌ده‌ن

^{هێزه‌كانی ئه‌مریكا و كۆریای باشور پێكه‌وه‌ مه‌شقی گه‌وره‌ی هێرشبه‌رانه‌یان ئه‌نجامدا. له‌مه‌شقه‌كه‌دا دابه‌زینه‌ ناو ده‌ریا به‌پاراشوت نمایش كرا كه‌ تیایدا مه‌شق له‌سه‌ر به‌زاندنی به‌رگرییه‌كانی كۆریای باكور كرا.}

^{ئه‌و مه‌شقه‌ به‌شێك بوو له‌ مانۆڕێكی سه‌ربازی فراوان له‌ڕۆخه‌كانی ڕۆژهه‌ڵاتی كۆریای باشوردا، كه‌ 8 هه‌فته‌ ده‌خایه‌نێت. كه‌تاكو ئێستا به‌گه‌وره‌ترین مانۆڕ له‌قه‌ڵه‌م دراوه‌.}

^{كۆریای باكور به‌توندی له‌دژی ئه‌و مانۆڕه‌ هاته‌ ده‌نگ و به‌"جموجوڵی شه‌ڕی ئه‌تۆمی له‌قه‌ڵه‌مدا".}

^{به‌گوته‌ی هێزه‌كانی مارێنزی ئه‌مریكی، نزیكه‌ی 55 فڕۆكه‌و 30 كه‌شتی جه‌نگی ئه‌مریكی و كۆریای باشور، به‌شداری ئه‌و مانۆڕه‌ن، كه‌ كه‌شتی "بۆنهۆم ڕیچارد" ده‌بینرێت كه‌ فڕۆكه‌ی "هارییر ئه‌ی.فی-8 بی" هه‌ڵده‌گرێت، هه‌روه‌ها فڕۆكه‌ی هێرشبه‌ری جۆری ئۆسبری به‌شدارن.}

^{له‌ڕاگه‌یه‌نراوی هێزه‌كانی ئه‌مریكادا له‌كۆریای باشور، هاتووه‌: " مه‌شقه‌كان درز ده‌خاته‌ ناو به‌رگری دوژمنان".}

^{له‌به‌رانبه‌ر ئه‌و هه‌ڕه‌شه‌یه‌دا، كۆریا باكور ڕایگه‌یاند: " هێزه‌ چه‌كداره‌ شۆڕشگێڕه‌كانی كۆماری كۆریای دیموكراتی میللی، كه‌به‌توندی ده‌ستیگرتوو به‌سه‌ر ئه‌و چه‌كانه‌دا كه‌ده‌توانن دوژمنان له‌ناوبه‌رن، چاوه‌ڕوانی ئه‌وه‌ن سه‌ركردایه‌تی فه‌رمانیان پێ بدات تاكو گورزێكی خۆپارێزی له‌دوژمن بوه‌شێنن".}
^13/32016

کۆبوونەوەی هەردوو مەکتەبی سیاسیی پارتی و یەکێتی دەستی پێ کرد

کۆبوونەوە چاوەڕوان کراوەکەی نێوان هەردوو مەکتەبی سیاسیی پارتی دیموکراتیی کوردستان و یەکێتیی نیشتمانیی کوردستان دەستی پێ کرد.

کەمێک لەمەوبەر (شەممە 12\3\2016)، شاندی پارتی دیموکراتیی کوردستان کە لە ”فازڵ میرانی“، سکرتێری مەکتەبی سیاسی و ”مەحموود محەمەد“، ئەندامی مەکتەبی سیاسیی پارتی پێکهاتوون، گەیشتنە بارەگای مەکتەبی سیاسیی یەکێتی لە هەولێر و کۆبوونەوە چاوەڕوانکراوەکەی نێوان هەردوولا دەستی پێ کرد.

بە پێی زانیارییەکانی (باسنیوز)، لەو کۆبوونەوەیەدا هەریەک لە ”مەلا بەختیار، عومەر فەتاح و حاکم قادر حەمەجان“، بەشداری دەکەن.

چاوەڕوان دەکرێت لەو کۆبوونەوەیەی ئەمڕۆی هەردوو مەکتەبی سیاسیی پارتی و یەکێتی، چەند پرسێکی گرنگی پەیوەندیدار بە ڕەوشی هەنووکەیی هەرێمی کوردستان تاوتوێ بکرێت.
12/3/2016

كه‌ركوك.. سه‌ركرده‌یه‌كی باڵای داعش ده‌ستگیر ده‌كرێت

^{سه‌رچاوه‌یه‌ك له‌ به‌ڕێوه‌به‌رایه‌تی ئاسایشی نیشتمانی له‌ پارێزگای كه‌ركوك ده‌ستگیركردنی سه‌ركرده‌یه‌كی باڵای ڕێكخیراوی تیرۆریستی داعش ئاشكرا ده‌كات.}

^{سه‌رچاوه‌كه‌ كه‌ نه‌یویست ناوی ئاشكرا بكرێت بۆ( باسنیوز) ڕایگه‌یاند: " هێزه‌ ته‌ناهییه‌كانی كه‌ركوك ئه‌مڕۆ هه‌ینی (11-3-2016) سه‌كرده‌یه‌كی ناسراو و باڵای ڕێكخراوی تیرۆریستی داعشیان له‌ ناوه‌ڕاستی شاری كه‌ركوك ده‌ستگیركرد".}

^{سه‌رچاوه‌كه‌ ئاشكراشی كرد كه‌ هێزه‌ ته‌ناهییه‌كان دوای به‌دواداچوون و كۆكردنه‌وه‌ی زانیاری هه‌واڵگری بۆیان ده‌ركه‌وتووه‌ كه‌ یه‌كێك له‌ سه‌ركرده‌ باڵاكانی داعش كه‌ داوكراو بووه‌ له‌لایه‌ن دادگا و هێزه‌ هه‌ناهییه‌كانه‌وه‌ و كه‌سێكی ترسناك بووه‌ له‌ ناو شاری كه‌ركوكه‌ و ئه‌مڕۆ له‌ شه‌قامێكی سه‌ره‌كی له‌ بازاڕی (خان ته‌مر) له‌ گه‌ڕه‌كی موسه‌ڵای ناوه‌ڕاستی شاری كه‌ركوك ده‌ستگیریان كردووه‌.}

^{ئه‌و سه‌رچاوه‌یه‌ ئاماده‌ نه‌بوو ناوی ئه‌و سه‌ركرده‌ باڵایه‌ی داعش ئاشكرا بكات و ئاماژه‌ی بۆ ئه‌وه‌ش كرد كه‌ ئێستا لێكۆڵینه‌وه‌ له‌گه‌ڵی ده‌ستی پێكردووه‌.}
^12/3/2016

پڕۆژەیەکی ئەمریکی - ئیسڕائیلی بۆ دابەشکردنی عێراق بۆ 4 دەوڵەت ئاشکرا کرا

^{سەرۆکی بزاڤی چاکسازی و گەشە ئاشکرای کرد، پڕۆژەیەکی ئەمریکی هەیە کە پشتی بە پڕۆژەیەکی پێشووتری ئیسڕائیل بەستووە و کار لەسەر دابەشکردنی عێراق بۆ 4 پارچە دەکات.}

^{د. ”محەمەد بازیانی“، سەرۆکی بزاڤی چاکسازی و گەشە، بە (باسنیوز)ی ڕاگەیاند، لە ساڵی 1983وە، کۆمەڵەی لاوانی یەهوودی، لە توێژینەوەیەکدا بە پێویستیان زانیوە، وڵاتانی دەوروبەری ئیسرائیل کە کێشەی مەزهەبی و نەتەوەیی زۆریان تێدایە، پارچە بکرێن، بۆ ئەوەی ئەم وڵاتانە بە یەکترەوە خەریک بن و ئاسایشی ئیسڕائیل پارێزراو بێت. ڕوونیشی کردەوە، پڕۆژە کۆنەکەی ئیسڕائیل بۆ ئەوە بووە کە عێراق بۆ 3 پارچە دابەش بکرێت، بەڵام ئێستا ویلایەتە یەکگرتووەکانی ئەمریکا، بە پلەی یەکەم، ڕۆڵی لە پڕۆژەی دابەشکردنی عێراقدا هەیە. گوتیشی: ”ئێستا ناوەندەکانی ئیسڕائیل باس لەوە دەکەن کە دەبێت عێراق بکرێتە 4 پارچە“.}

^{بە گوتەی بازیانی، هەرێمی کوردستان وەک دەوڵەتێک سەیر دەکرێت، جگە لەوەی ئەو خەندەقەی کە لە شنگالەوە تا خانەقین لێ دەدرێت، لەگەڵ ئەو شوورایەی کە لە دەوری بەغدا لێ دەدرێت، نیشانەی ئەوەیە کە عێراق دەبێتە 4 پارچە، بەشێکی کوردستان، بەشێکی عەرەبی سوننە، بەشێکی عەرەبی شیعە و بەغداش وەک هەرێمێکی سەربەخۆ کاری لەسەر دەکرێت. گوتیشی: ””هنری کیسنجەر“، وەزیری پێشووتری دەرەوەی ئەمریکا، کە ئێستا لێکۆڵینەوەکانی بە تەواوەتی لە ڕووی ستراتیژییەوە پشتی پێ دەبەسترێت، پێیوایە، سیاسەتی ئەمریکا لە عێراق سەر نەکەوتووە و باشترین چارەسەر ئەوەیە، عێراق پارچە بکرێت و کورد دەوڵەتی هەبێت. سەرۆکی ئیسڕائیلیش دەڵێت، کورد و جوولەکە دوو گەلی مەزڵوومن و مافی دەوڵەتیان هەیە. 100 ساڵیش بەسەر سایکس بیکۆدا تێپەڕیوە و پرسی پارچە پارچەکردنی عێراق، سووریا و لوبنان بە جددی قسەی لەبارەوە دەکرێت، سوودانیش باشووری سوودانی لێ بووەتەوە“.}

^{محەمەد بازیانی ئەوەشی بۆ (باسنیوز) ڕوون کردەوە کە گەلی کورد مافی خۆیەتی دەوڵەتی هەبێت و باسەکەی ئەو لەوەی کە ئیسڕائیل کار لەسەر دابەشکردنی عێراق دەکات، بە مانای دژایەتیکردنی ئەو بۆ دەوڵەتی کوردی نایەت و گوتی: ”ئەگەر خۆمان لە خۆمانی تێک نەدەین، هەموو هێماکان بۆ ئەوەن کە کورد مافی ئەوەی هەیە دەوڵەتی هەبێت، ئێمە لە بزاڤی چاکسازی و گەشەش هەوڵ بۆ ئەوە دەدەن کە کورد دەوڵەتی هەبێت، ئەگەر کورد بۆ ئەو دەوڵەتە، لەگەڵ هەر لایەنێکی دیکە تەوافوق بکات، ئەوا مافی خۆیەتی دەوڵەتی هەبێت، تەنانەت زیاتر لە دەوڵەتێکیشی هەبێت“. دووپاتیشی کردەوە: ”هەم یاسای نێودەوڵەتی و هەم شەریعەی ئاسمان، ئەو مافە بە کورد دەدات“.}
^12/3/2016

ئێران: له‌ته‌نگه‌ی هورمزدا ده‌ست وكلكی ئه‌مریكا ده‌بڕین

^{عه‌مید" عه‌لی فه‌ده‌وی" فه‌رمانده‌ی هێزی ده‌ریایی سوپای پاسدارانی ئێران، هه‌ڕه‌شه‌ی ئه‌وه‌ ده‌كات كه‌ ئه‌گه‌ر هه‌ر هه‌ڵه‌یه‌ك له‌لایه‌ن ئه‌مریكاییه‌كانه‌وه‌ ئه‌نجام بدرێت و لێیان ده‌ربكه‌وێت، ئه‌وا ئێران ده‌ستیان ده‌بڕێت.}

^{له‌مه‌راسیمێكی یادی كوژراوه‌كانی پاسداراندا له‌شاری "شه‌بسته‌ر" له‌ باكوری ڕۆژئاوای ئێران، ئه‌و به‌رپرسه‌ گوتی: " ئیمپریالیزمی جیهانی ئه‌مڕۆ هه‌ڵچونێكی پێوه‌ ده‌بینرێت له‌به‌رانبه‌ر هێزی ئیسلامدا".}

^{گوتیشی: " به‌هۆی خوێنی شه‌هیده‌كان و خۆڕاگری پأله‌وانه‌كانه‌وه‌، ئه‌مڕۆ ئه‌مریكا له‌ته‌نگه‌ هورمزدا له‌ژێر ته‌وری شۆڕشی ئیسلامیدایه‌، هه‌رچ هه‌ڵه‌یه‌ك بكات، كه‌ له‌گه‌ڵ به‌رژه‌وه‌ندییه‌كانی ئیسلامدا نه‌گونجێت، ئه‌وا ده‌ستی ده‌بڕین و كلكلیشی ده‌كه‌ین".}
^11/3/2016

مەسرور بارزانی: فیدڕاڵیش نەیتوانی شەراکەتی ڕاستەقینە لە عێراقدا بێنێتە کایەوە

^{ئەمڕۆ 12\3\2016، ”مەسرور بارزانی“، ڕاوێژکاری ئەنجومەنی ئاسایشی ھەرێمی کوردستان، لەگەڵ ”سەلیم جبووری“، سەرۆکی ئەنجومەنی نوێنەرانی عێراق و شاندێکی یاوەری کۆبووەوە.}

^{بەپێی ڕاگەیاندراوێکی نووسینگەی ڕاوێژکاری ئەنجومەنی ئاسایشی هەرێمی کوردستان کە وێنەیەکی بۆ (باسنیوز) نێردراوە، لە میانی کۆبوونەوەکە، مەسرور بارزانی ڕای گەیاندووە، ھۆکاری سەرەکیی کێشەکانی عێراق، بە تەنھا کێشە ئەمنی و ئابوورییەکان نییە،‌ بەڵکو شکستھێنانی سیستمی سیاسیی پێڕەو کراوە، کە بووەتە ھۆی درووستکردنی بێ متمانەیی لە نێوان پێکھاتەکانیدا، بۆیە پێویستە پێکھاتەکانی عێراق بە ئازایانە گفتوگۆ لەبارەی واقیعەکە و گەرەنتیی پێکەوەژیانی ئاشتییانەی نێوانیان بکەن، کە لەگەڵ سەردەمی نوێ و پەرەسەندنەکاندا بگونجێ.}

^{ڕاوێژکاری ئەنجومەنی ئاسایشی ھەرێمی کوردستان ئاماژەشی بە پەیوەندییەکانی نێوان ھەرێمی کوردستان و بەغدا کرد و ڕایگەیاند: ”ئێمە و عێراق شەڕی دوژمنێکی ھاوبەش دەکەین، بەڵام بەغدا ھاوکاریمان ناکات و لەزۆر بواردا ئاستەنگمان بۆ درووست دەکات“.}
^{لە بەشێکی دیکەی دیدارەکەدا، مەسرور بارزانی جەختی لەوە کردەوە: ”ئێمە پێمانوابوو کە سیستمی فیدراڵی دەتوانێ چارەسەری کێشەکانی عێراق بکات، بەڵام ئەزموون سەلماندی فیدڕاڵیش نەیتوانی شەراکەتی ڕاستەقینە بێنێتە کایەوە“.}

^{بەپێی ڕاگەیاندراوەکە، لە بەرامبەردا، سەلیم جبووری، قارەمانێتی و قوربانییەکانی ھێزی پێشمەرگەی کوردستانی لە ڕووبەڕووبوونەوەی تیرۆریستانی داعش و باری ئاسایش و سەقامگیریی ھەرێمی کوردستان بەرز نرخاندووە. هاوکات باسی لە ڕەوشی ئەمنی و سیاسی و ئابووریی ئێستای عێراق کردووە و پێشبینی خۆی خستووەتە ڕوو، لە بارەی کێشە و ئاستەنگەکانی گۆڕانکارییەکانی کابینەی وەزاریی حکوومەتی عێراق، کە پێشبینی دەکرێ لە ماوەی داھاتوودا ئەنجام بدرێت.}
^12/3/2016

چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

بەدرخان؛ بیرەوەریی مستۆ دادار بڵاودەکاتەوە

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

پیاوێک و شارایەک بەرهەمی دەستنووس

په‌یوه‌ندی راسته‌وخۆ

گه‌ڕان

Articles

سەرۆکی هەرێمی کوردستان: هیچ قەیرانێک ناتوانێت رێگری لە سەرکەوتنی کورد بکات

سلێمانى.. گەورەترین ئاڵاى کوردستان لە بنارى گۆیژە دادەنرێ

داوا لە حکوومەتی هەرێمی دەکرێت ئامادەکاری بکات بۆ دروستکردنی هەیکەلیەی هێزی ئاسمانی

ئەمڕۆ یادی 113 ساڵەی لەدایکبوونی مستەفا بارزانییە

میدیایەکی فارسی: دامەزرانی دەوڵەتی کوردستان نزیکە

رووسیاش ئامادەیی خۆی بۆ هاوکاریکردنی پێشمەرگە دەردەبڕێ

ئەکادیمییەکی ئەمریکی: بۆ تورکیا زۆر باشترە دراوسێی کوردستان بێ نەک عێراق

ئێران.. مەترسیی تووشبوون بە مادەی هۆشبەر لەناو ژنان زیاتر بووە

دەیڤد شینگەر: ھەرێمی کوردستان ھەموو مەرجەکانی دەوڵەتی تێدایە

ئه‌مریكا و كۆریای باشور مانۆڕی هێرشبه‌رانه‌ ئه‌نجام ده‌ده‌ن

کۆبوونەوەی هەردوو مەکتەبی سیاسیی پارتی و یەکێتی دەستی پێ کرد

كه‌ركوك.. سه‌ركرده‌یه‌كی باڵای داعش ده‌ستگیر ده‌كرێت

پڕۆژەیەکی ئەمریکی - ئیسڕائیلی بۆ دابەشکردنی عێراق بۆ 4 دەوڵەت ئاشکرا کرا

ئێران: له‌ته‌نگه‌ی هورمزدا ده‌ست وكلكی ئه‌مریكا ده‌بڕین

مەسرور بارزانی: فیدڕاڵیش نەیتوانی شەراکەتی ڕاستەقینە لە عێراقدا بێنێتە کایەوە

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM