چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

درێژه‌ی بابه‌ت

لە هەولێر ئیدانەی هێرشی موشەکی کۆماری ئیسلامی بۆ سەر بنکە و بارەگاکانی حیزبەکانی ڕۆژھەڵاتی کوردستان، هاوکات پشتگیری لە نارزایەتی خەڵکی ئێران و رۆژهەڵاتی کوردستان کرا.

درێژه‌ی بابه‌ت

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

درێژه‌ی بابه‌ت

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

درێژه‌ی بابه‌ت

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

درێژه‌ی بابه‌ت

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

به‌ڕێزان ( عوسمان عه‌به‌ پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه‌ وتیان به‌ڵێ ڕاسته‌ و كۆچی دوایی كردووه‌؟ هونه‌رمه‌ند و پێشمه‌رگه‌ ، سروودبێژ و گۆرانیبێژ...

درێژه‌ی بابه‌ت

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

درێژه‌ی بابه‌ت

بەدرخان؛ بیرەوەریی مستۆ دادار بڵاودەکاتەوە

کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت. مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...

درێژه‌ی بابه‌ت

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...

درێژه‌ی بابه‌ت

پیاوێک و شارایەک بەرهەمی دەستنووس

بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...

درێژه‌ی بابه‌ت

په‌یوه‌ندی راسته‌وخۆ

گه‌ڕان

Articles

بەندەکانی رێککەوتنی نەجمەدین کەریم و هادی عامری ئاشکرا دەبێت

^{دوای ئەوەی شەڕ لە شاری خورماتوو لەنێوان میلیشیاکانی حەشدی شەعبی و هێزی پێشمەرگەی کوردستان دروست بوو، پارێزگاری کەرکووک و فەرماندەی حەشدی شەعبی لەسەر چەند خاڵێک رێککەوتن.}

^{مەهدی تەقی، ئەندامی ئەنجومەنی پارێزگای سەڵاحەدین بە (سۆمەرییەنیوز)ی راگەیاندووە، کە ئەو کۆبوونەوەیە لەنێوان هادی عامری، ئەمینداری گشتیی رێکخراوی بەدر (یەکێک لە میلیشیاکانی حەشدی شەعبی)، کە بە نوێنەرایەتیی سەرۆک کۆمار و سەرۆک وەزیرانی عێراق گەیشتبووە خورماتوو و نەجمەدین کەریم، پارێزگاری کەرکووک بە ئامادەبوونی ژمارەیەک فەرماندە و سەرکردەی یەکێتیی نیشتیمانیی کوردستان بەڕێوەچووە.}

^{مەهدی تەقی بەندەکانی رێککەوتنە ئاشکرا دەکات و رایدەگەیەنێت، کە رێککەوتنەکە بە دەستپێشخەریی فوئاد مەعسوم، سەرۆک کۆماری عێراق و حەیدەر عەبادی، سەرۆک وەزیرانی عێراق ئەنجام دراوە و لە چەند رۆژی ئایندەدا جێبەجێ دەکرێت.}

^{هەروەک ئەو ئەندامەی ئەنجومەنی پارێزگای سەڵاحەدین، کە شاری خورماتوو سەر بە پارێزگاکەیەتی، رایگەیاندووە، گرنگترین خاڵی رێککەوتنەکە دەرچوونی پێشمەرگە و حەشدی شەعبییە لە خورماتوو و خڵەکانی رێککەوتنەکانی پیشوو هەڵدەوەشێنرێنەوە و ئەم رێککەوتنە نوێیە جێبەجێ دەکرێت.}

^{لە خاڵێکی دیکەی رێککەوتنەکەدا هاتووە، لیژنەیەک بۆ سەرپەرشتیکردنی خاڵەکانی رێککەوتنەکە بە سەرۆکایەتیی هادی عامری پێکدەهێنرێت. هەروەها ”ئەوانەی لە شەڕەکەدا کوژران“ بە شەهید تۆمار دەکرێن و خاڵەکانی پشکنین لە دەرەوەی شارەکە لە نێوان پێشمەرگە و حەشدی شەعبی دابەش دەکرێت، وێڕای ئەوەی باسی ئەوەی کردووە، کە ”ئەوانەی لە شەڕەکە تێوەگڵاون“، دەدرێنە دادگا.}

^{شەوی شەممە 23ـی نیسانی 2016، چەکدارانی حەشدی شەعبی بۆمبێکیان لە نزیک ماڵی فەرماندەیەکی پێشمەرگە تەقاندەوە و بووە هۆی دروستبوونی شەڕ لە نیوان هەردوولا و لە ئەنجامی شەڕەکەدا، کە نزیکەی شەوو رۆژێک بەردەوام بوو، دوو فەرماندەی پێشمەرگە و شەش پێشمەرگە شەهیدبوون.}

^25/4/2016

موتلەگ: ئێران هەوڵ دەدات سێ سەرۆكایەتییەكەی عێراق وەك خۆی بمێنێتەوە

^{ساڵح موتلەگ سەرۆكی بەرەی دیالۆگی نیشتیمانی رایگەیاند كە ئێران گوشاری هێناوە بۆ مانەوەی هەر سێ سەرۆكایەتییەكە و دەربازبوون لەو گۆڕانكارییە وەزارییەی كە حەیدەر عبادی سەرۆك وەزیرانی عێراق كاری لەسەر دەكات.}

^{موتڵەگ رایگەیاند كە دەستتێوەردانێكی گەورەی نێودەوڵەتی هەیە بۆ مانەوەی سەلیم جبووری و عەبادی و فواد مەعسووم، روونیشی كردەوە ئەگەر سەلیم جبووری بگۆڕدرێت، ئەوا پێویستە سەرۆكایەتییەكانی دیكەش گۆڕانكارییان تێدا بكرێت.}

^{سەرۆكی بەرەی دیالۆگی نیشتیمانی راشیگەیاند كە كاریگەریی ئەمەریكا لەسەر ئەم قەیرانە وەكوو پێویست نەبوو، بەڵام ئێران بە شێوەیەكی راستەوخۆ هەوڵی مانەوەی هەر سێ سەرۆكایەتییەكە دەدەن و باڵیۆزی ئێران دوای سەردانی چەند كوتلەیەكی سیاسی سەردانی منیشیان كرد.}

^{سەرۆكی بەرەی دیالۆگی نیشتیمانی روونیشی كردەوە كە عەبادی لە چەندین كۆبوونەوە زۆر بە گرنگییەوە باسی لە گۆڕانكاری وەزاری نەكردووە و لە دوا كۆبوونەوەشی لەگەڵ وەزیرانی حكوومەتەكەی رایگەیاندووە كە ئێستا ئەو مەسەلەیە رادەگرێت.}

^{ئەندامە مانگورتوەكانی ئەنجومەنی نوێنەران جەخت دەكەنەوە كە مانگرتنیان بەردەوام دەبێت تا هەر سێ سەرۆكایەتی گۆڕانكاری تێدا دەكرێت.}

^24/4/2016

ئێران داوای لە بەشار ئەسەد کردووە بنەماڵەکەی بگوازێتەوە بۆ تاران

^{مەحموود عەلەوی، وەزیری ئیتلاعات ئێران ڕای گەیاند، فەرماندەی سوپای قودسی ئێران لە دیدارێکی لەگەڵ سەرۆک کۆماری سووریا، پێشنیاری پێکردووە بنەماڵەکەی بگوازێتەوە بۆ ئێران.}

^{ئەمڕۆ یەکشەممە (24.4.2016)، ئاژانسی فەرمیی "ئیلنا" لەزاری ئەلمەیادینی گواستووەتەوە کە قاسم سولەیمانی، لە چاوپێکەوتنی لەگەڵ بەشار ئەسەد پێشنیاری پێکردووە کە تا دوای تەواوبوونی شەڕ و پێکدادانی سووریا بنەماڵەکەی بگوازێتەوە بۆ ئێران.}

^{بە گوێرەی زانیارییەکان بەشار ئەسەد ئەو داوایەی قاسم سولەیمانی رەت کردووەتەوە و لە وەڵامی فەرماندەی سوپای قودسدا گوتوویەتی: "ئێستاش خێزانی سەوری لەم وڵاتە ماون، کەواتە بنەماڵەی منیش لێرە دەمێننەوە".}

^{مەحموود عەلەوی گوتی: "ئەگەر ئێمە لە عێراق و سووریا لەگەڵ تیرۆریزم شەڕ نەکەین، ئێستا سنوورەکانی رۆژئاوامان لەدەست تیرۆریستەکاندا دەبوو و ئێمەش بە تەوای لەشەڕدا دەبووین".}

^{وەزیری ئیتلاعاتی ئێران گوتیشی: "لە سەرەتای شەڕ و پێکدادانەکانی سووریاوە تا ئێستا چەندین گرووپی تیرۆریستی هەوڵیان داوە دزە بکەنە خاكی ئێرانەوە، بەڵام ئێمە ڕووبوڕوویان بووینەتەوە".}

^{عەلەوی ئەوەشی خستەڕوو کە ئێران بەردەوام یارمەتیی هاوپەیمانە سیاسییەکانی خۆی لە ناوچەکە دەدات و ئێستاش هاوپەیمانەکانمان لە ناوچەکە زۆر بەهێز بوون و سەرکەوتنەکانیان ئەوەی سەڵماندووە.}

^24/4/2016

ئەمڕۆ ساڵوەگەڕی شەهیدی زانکۆیە

^{ئەمڕۆ 24ـی نیسانی 2016، ساڵوەگەڕی بۆردومانکردنی شاری قەڵادزێیە بە مووشەک و چەکی فسفۆڕی.}

^{دوای کۆتایی پێهێنانی رێککەوتنی 11ـی ئاداری 1970 لەلایەن رژێمی بەعسی عێراقییەوە، شۆڕشی گەلی کوردستان، کە مستەفا بارزانی سەرۆکایەتی دەکرد، بڕیاری دا زانکۆی سلێمانی بگوازێتەوە شاری قەڵادزێ لە سەر سنووری نێوان کوردستانی باشوور و رۆژهەڵات.}

^{رۆژی 24ـی نیسانی 1974، فڕۆکە جەنگییەکان و سوپای رژێمی بەعسی عێراقی بە چەکی فسفۆڕی و بۆمبی ناپاڵم، مامۆستا و خوێندکارانی زانکۆکە و خەڵک و پێشمەرگەیان لە قەڵادزێ بۆردومان کرد، کە بەهۆیەوە 163 مامۆستا، خوێندکار، هاووڵاتی و پێشمەرگە شەهیدبوون و زیاتر لە 250 کەسی دیکەش بریندار بوون.}

^{دوای راپەڕینی گەلی کوردستان لە بەهاری 1991 و دامەزراندنی پەرلەمان و حکوومەتی هەرێمی کوردستان، پەرلەمان بڕیاری دا رۆژی 24ـی نیسان وەک رۆژی شەهیدی زانکۆ دابنرێ وە ساڵانە یادی شەهیدانی قەڵادزێ بکرێتەوە.}

^24/4/2016

ئێران.. لە یەک ساڵدا 3003 کەس بەهۆی مادە هۆشبەرەکانەوە مردوون

^{بەپێی ئامار و داتای ماڵپەڕە ئێرانییەکان لە شار و ناوچە جیاجیاکانی ئێران ڕۆژانە 8 کەس بەهۆی بەکارهێنانی ماددە هۆشبەرەکانەوە گیان لە دەست دەدەن.}

^{بەپێی ڕاپۆرتی ئاژانسی کوردپا، مردن و گیان لەدەستدان بەهۆی بەکارهێنانی ماددە سڕکەرەکان لە ساڵی 94ی هەتاوی (2015ی زایینی)دا، لە سەدا 6 زیاتر لە ساڵی ڕابردوو بووە و 2 هەزار و 986 کەس لە ساڵی پێشتر زیاتر بووە.}

^{ساڵی ڕابردوو بەپێی ئامارە فەرمییەکان، ماددە سڕکەرەکان گیانی 3 هەزار و سێ هاووڵاتی لە ئێران، ئەستاندووە کە 327 کەسیان ژن بوون.}

^{ڕاپۆرتی ڕێکخراوی پزشکی یاسایی لەو بارەیەوە نیشانی دەدات، لەکۆی قوربانیانی گیرۆدبوون بە مادە سڕکەرەکان لە ساڵی 94دا، 1 هەزار و 728 کەس بەهۆی ژەهراوی بوون، 854 کەس بەهۆی بەکار‌هێنانی درێژماوە و 421 کەسی دیکەش بەهۆی بەکارهێنانی ڕەوانگەردانەکان گیانیان لەدەست داوە.}

^{پارێزگای تاران بە 729 کەس و پارێزگای بووشێهر بە 16 کەس بە ڕیز زیاترین و کەمترین پشکیان بەهۆی گیان لەدەستدانی ماددە سڕکەرەکان هەبووە.}

^{لەو پەەوەندییەدا، هاوینی ساڵی ڕابردوو سەرۆکی کۆمیتەی سەربەخۆی بەرەنگاربوونە دژی ماددە سڕکەرەکانی کۆڕی دیاریکردنی بەرژەوەندییەکانی حکوومەت، لە کۆنفڕانسێکی ڕۆژنامەوانیدا گوتی: "ڕۆژانە 100 کەس لە ئێران تووشی ماددە سڕکەرەکان دەبن".}

^{"عەلی هاشمی" لەو پێوەندییەدا گوتبووی کە ماوەی دەستپێڕاگەیشتن بە ماددەی سڕکەر لە ئێران 2 تا 10 خولەکە.}

^{ماڵپەڕی ڕادیۆ زەمانه وتارێکی بڵاوی کردووە کە تێیدا کارناسێکی باڵای کۆمەڵناسی دەڵێ: ''ڕوانگەی ئەمنیەتی ـ جەنایی بە ماددە سڕکەرەکان دەبێت بۆ ڕوانگەی فەرهەنگی ـ بێهداشتی بگۆڕدرێت.}

^{دەبێت نێوان گیرۆدەبوون و بەکارهێنان جیاوازی دابنێین. بابەتێک کە دەبێ بەرەنگاری بینەوە، بەکارهێنانی زیادی ماددە سڕکەرەکانە، نە بەکارهێنانی ماددە سڕکەرەکان، لابردنی ماددە سڕکەرەکان، وەک لابردنی هەر شتێکی دیکە، ئیمکانی نییە".}
^23/4/2016

لێكۆڵه‌رانی فه‌ره‌نسی: ڕه‌نگه‌ عه‌دنانی ڕابه‌ری ڕاسته‌قینه‌ی داعش بێت

^{ئه‌و لایه‌نه‌ فه‌ره‌نسییانه‌ی كه‌ لێكۆڵینه‌وه‌ ده‌كه‌ن له‌هێرشه‌كانی پاریس و برۆكسل، تادێ بڕوایان پته‌و ده‌بێت سه‌باره‌ت به‌وه‌ی "ئه‌بومحه‌مه‌د عه‌دنانی" ڕابه‌ری ڕاسته‌قینه‌ی داعشه‌ نه‌ك "ئه‌بوبه‌كری به‌غدادی".}

^{ڕۆژنامه‌ی"لۆباریزیان"ی فه‌ره‌نسی ده‌نوسێت: "ئه‌و باوه‌ڕه‌ له‌وه‌وه‌ هاتووه‌ كه‌ وه‌ك ده‌رده‌كه‌وێت ئه‌و ڕۆڵه‌ی عه‌دنانی هه‌یه‌تی له‌ناو ئه‌و گروپه‌دا، زۆر له‌ڕۆڵی وته‌بێژێك زیاتره‌".}

^{ڕۆژنامه‌كه‌ ڕوونی ده‌كاته‌وه‌ كه‌ لایه‌نه‌ فه‌ره‌نسییه‌كان بڕوای ته‌واویان هه‌یه‌ به‌وه‌ی لێكۆڵینه‌وه‌كان قه‌باره‌ و ڕۆڵی ڕاسته‌قینه‌ی عه‌دنانی له‌و ڕێكخراوه‌دا ئاشكرا ده‌كه‌ن. له‌ڕێی ئاشكراكردنی ڕۆڵی یه‌كلایی كه‌ره‌وه‌ی ئه‌و كابرایه‌ له‌ كۆكردنه‌وه‌ی ئه‌ندامی نوێ بۆ ئه‌و گروپه‌. به‌گوێره‌ی ئه‌و دۆكیۆمێنتانه‌ی كه‌دزه‌یان پێكراوه‌، تاكو ئێستا ئه‌وه‌ یه‌كلایی بووه‌ته‌وه‌ كه‌ عه‌دنانی لانی كه‌م به‌رپرسه‌ له‌ كۆكردنه‌وه‌ی 30%ی ئه‌ندامان و چه‌كداره‌كانی داعش.}

^{ئه‌و ڕۆژنامه‌یه‌ ئاشكرای ده‌كات كه‌ پێدراو و به‌ڵگه‌ی تازه‌، شانبه‌شانی لێكۆڵینه‌وه‌كان، ڕۆڵی یه‌كلایی كه‌ره‌وه‌ی "ته‌ها سوبحی فه‌لاحه‌" ناسراو به‌"ئه‌بو محه‌مه‌د عه‌دنانی" له‌ناو ڕێكخراوه‌ تیرۆریستییه‌كاندا ده‌سه‌لێمێنن. هه‌ر له‌و كاته‌وه‌ كه‌ كرێكاری بیناسازی بووه‌ له‌ شاری ئیدلبی سوریا،له‌ ئازادكردنی عێراقه‌وه‌ له‌ 2003ه‌وه‌، تاكو ده‌ستگیركران و به‌ندكردنی له‌گرتوخانه‌ی بۆكادا.}

^{ڕۆڵی یه‌كلایی كه‌ره‌وه‌ی عه‌دنانی}

^{له‌به‌ر ڕۆشنایی ئه‌و ئاڵوگۆڕانه‌ی له‌ئه‌ورووپادا ده‌بینرێن، به‌تایبه‌تی له‌دوای هێرشه‌كانی برۆكسل و پاریس، به‌پشت به‌ستن به‌و زانیارییانه‌ی له‌زاری گومانلێكراوه‌كانه‌وه‌ ده‌ستی لێكۆڵه‌ره‌وه‌كان كه‌وتووه‌، ڕۆڵی یه‌كلایی كه‌ره‌وه‌ی عه‌دنانی له‌ناو ڕێكخراوه‌كه‌دا ئاشكرا بووه‌. به‌تایبه‌تی له‌ هه‌ڵبژاردنی كرده‌وه‌كان و دانانی پلان بۆیان. هه‌روه‌ها له‌كۆكردنه‌وه‌ی لایه‌نگره‌كانیان له‌ئه‌وروپادا.}

^{ڕۆژنامه‌ فه‌ره‌نسییه‌كه‌ له‌سه‌رچاوه‌یه‌كی ئه‌منییه‌وه‌ ده‌یگوازێته‌وه‌ كه‌ "عه‌بدولحه‌مید ئه‌باعود" وه‌ك له‌گه‌واهی گومانلێكراوه‌كان و زانیارییه‌ هه‌واڵگرییه‌كانه‌وه‌ ده‌ركه‌وتووه‌، ته‌نها جێبه‌جێكاری كرده‌وه‌ خوێناوییه‌كه‌ بووه‌. ده‌نا خودی عه‌دنانی سه‌رپه‌رشتی كاره‌كه‌ی كردووه‌.}

^{لۆباریزیان، له‌سه‌رچاوه‌ ئه‌منییه‌كانی فه‌ره‌نساوه‌ ده‌یگوازێته‌وه‌ كه‌ یه‌كێك له‌داعشه‌ فه‌ره‌نسییه‌كان به‌رله‌وه‌ی بێته‌ ناوخاكی فه‌ره‌نسا ده‌ستگیركراوه‌و، دانی به‌وه‌داناوه‌ كه‌ ئه‌باعود فه‌رمانی له‌ عه‌دنانی و سه‌ركرده تونسییه‌كانی ئه‌و گروپه‌ له‌سوریا وه‌رگرتووه‌.}

^{ڕابه‌ری داعشه‌؟}

^{له‌لایه‌كی تره‌وه‌، ڕۆژنامه‌ فه‌ره‌نسییه‌كه‌، ئاشكرای ده‌كات كه‌ له‌ئامێره‌ ئه‌لیكترۆنییه‌كانی "ئه‌حمه‌د كۆلیبالی"ه‌وه‌، ئه‌و كه‌سه‌ی كه‌ له‌ كانوونی دووه‌می 2105دا هه‌ڵیكوتایه‌ سه‌ر ماركێتێكی جوله‌كه‌كانی پاریس، لێكۆڵه‌ران كه‌وتوونه‌ته‌ به‌رده‌م ئه‌گه‌رێكی تازه‌وه‌. ئه‌گه‌ره‌كه‌ ئاماژه‌یه‌ بۆ ئه‌وه‌ی عه‌دنانی ڕابه‌ری ڕاسته‌قینه‌ی ڕێكخراوی داعشه‌. له‌كۆمپیوته‌ره‌كه‌ی كۆلیبالیدا، فۆڵده‌رێك به‌ناوی"ڕابه‌ری ده‌وڵه‌ت"ه‌وه‌ هه‌یه‌، كه‌ هه‌موو تۆماره‌ ده‌نگییه‌كانی عه‌دنانی و فه‌رمانه‌كانی بۆ ئه‌نجامدانی چالاكی خوێناوی و، فه‌توا به‌ناوی خۆی و گروپی داعشه‌وه‌ له‌خۆ ده‌گرێت.}
^23/4/2016

پارتی و یەپەگە لە مۆسكۆ بەشداری كۆنفرانسێك دەكەن

^{پارتی عەدالەی رووسیا کۆنفرانسێک لەبارەی پرسەکانی ئێستای رووسیا و جیهان ئەنجامدەدات، کە تێیدا چەندین پارتی جیهان بەشداری تێدا دەکەن و هاوکات نوێنەرانی هەریەک لە پارتی دیموکراتی کوردستان و پارتی یەکێتی دیموکرات بەشدارن لە کۆنفرانسەکەی مۆسکۆ.}

^{خالید حوسێن، پەیامنێری رووداو لە مۆسکۆ رایگەیاند، ئەمڕۆ هەینی 22-4-2016 پارتی عەدالەی رووسیا کۆنفرانسی پارتەکەی لە مۆسکۆی پایتەختی رووسیا بە بەشداری ژمارەیەک لە ئەندامانی پارتەکانی جیهان سازدەکات و لە کۆنفرانسەکەدا چەند تەوەرێک تاوتوێدەکرێن.}

^{پەیامنێری رووداو لە مۆسکۆ گوتیشی "لە کۆنفرانسەکەی پارتی عەدالەی رووسیا، بابەتی دادپەرەوەری کۆمەڵایەتی، سیاسەتی ئابووری جیهان و بەرژەوەندی نیشتمانی رووسیا بەوردی تاوتوێ دەکرێن".}

^{خالید حوسێن ئاماژەی بەوەشکرد "لە کۆنفرانسەکەی پارتی عەدالەی رووسیا، لەباشووری کوردستان، پارتی دیموکراتی کوردستان بەفەرمی بەشداری لە کۆنفرانسەکەدا دەکات کە هێمن هەورامی، بەرپرسی مەکتەبی پەیوەندییەکانی دەرەوەی پارتی بەشدارە و لە رۆژئاوای کوردستانیش پارتی یەکێتی دیموکرات یەپەگە بەشدارە، کە ساڵح موسلیم هاوسەرۆکی پارتەکە بەشداری تێداکردووە".}

^{پەیامنێری رووداو دەشڵێت "پارتی عەدالەی رووسیا ساڵانە ئەو کۆنفرانسە ئەنجامدەدات، کە تێیدا چەندین پارتی جیهان بەشداری تێدادەکەن و لەسەر مژار و پرسە گەرمەکانی جیهان و ناوچەکە گفتوگۆ دەکەن".}

^22/4/2016

به‌ فه‌رمانی بارزانی نه‌خۆشخانه‌كانی هه‌رێمی كوردستان برینداره‌كانی قامیشلۆ وه‌ردەگرن

^{سەرۆكایەتی هەرێمی كوردستان رایگەیاند، له‌سه‌ر فه‌رمانی مسعود بارزانی، سه‌رۆكی هه‌رێمی كوردستان، نه‌خۆشخانه‌ و بنكه‌ ته‌ندروستییه‌كانی هه‌رێمی كوردستان خرانه‌ ئاماده‌ باشییه‌وه‌ بۆ وه‌رگرتن و چاره‌سه‌ر كردنی بریندارانی رووداوه‌كانی شاری قامیشلۆی رۆژئاوای كوردستان.}

^{بەپێی روونكردنەوەیەكی سەرۆكایەتی هەرێمی كوردستان، "سه‌رۆكی هه‌رێمی كوردستان گشت داموده‌زگا په‌یوه‌ندیداره‌كانی هه‌رێمی كوردستان راده‌سپێرێت كه‌ ئه‌وه‌ی پێویسته‌ بیكه‌ن به‌ مه‌به‌ستی هاوكاری و كارئاسانی بۆ به‌ هاناوه‌چوون و پێشوازییكردن له‌ برینداران و ده‌سته‌به‌ركردنی هه‌موو پێدوایستییه‌كانی چاره‌سه‌ركردنیان".}

^22/4/2016

به‌ فه‌رمانی بارزانی نه‌خۆشخانه‌كانی هه‌رێمی كوردستان برینداره‌كانی قامیشلۆ وه‌ردەگرن

^22/4/2016

دانیمارک.. پەرلەمان بڕیارێک لە دژی داعش دەردەکات

^{پەرلەمانی دانیمارک رەزامەندیی لەسەر پرۆژەیەک لە دژی رێکخراوی توندڕەوی داعش دەدات و هێزێکی تایبەت دەنێرێت.}

^{بەپێی بڕیارەکە، کە زۆرینەی پەرلەمانتارانی دانیمارک دەنگیان پێدا، ئەو وڵاتە 400 سەربازی دیکە دەنێرێتە رۆژهەڵاتی ناوەڕاست لە چوارچێوەی هاوپەیمانیی نێودەوڵەتی دژی داعش.}

^{بڕیارەکەی پەرلەمانی دانیمارک لە ناوەڕاستی ئەم مانگە دەچێتە بواری جێبەجێکردن، کە وێڕای ناردنی 400 سەرباز و راوێژکاری سەربازی، کە 60یان لە هێزی تایبەتی ئەو وڵاتەن، حەوت فڕۆکەی جەنگیی جۆری F16 و فڕۆکەیەکی گواستنەوەی کەلوپەل لە جۆری G130 لەخۆدەگرێت.}

^{ئێستا 120 سەرباز و راوێژکاری دانیمارکی مەشق بە هێزەکانی پێشمەرگە و هێزە عێراقییەکان دەکەن، لە چوارچێوەی شەڕی دژی داعش و بەشداریی شەڕی راستەوخۆ ناکەن، بەڵکو تەنیا مەشق بە هێزە شەڕکەرەکان دەکەن.}

^{دوای هێرشی داعش بۆ سەر کوردستانی باشوور لە مانگی حوزەیرانی 2014، ژمارەیەک وڵاتی رۆژئاوایی بە سەرکردایەتیی ئەمریکا هاوپەیمانییەکیان پێکهێنا، کە ئەرکیان بۆردومان کردنی بنکە و بارەگاکانی داعشە لە کوردستانی باشوور و رۆژئاوا و سوریا و عێراق لە رێی فڕۆکە جەنگییەکانەوە.}

^{ئێستا راوێژکاری سەربازیی چەند وڵاتێک، لەوانە ئیتاڵیا، فەرەنسا، هۆڵەندا، هەنگاریا، ئەمریکا و بەریتانیا مەشق بە هێزەکانی پێشمەرگەی کوردستان دەکەن.}
^21/4/2016

ورمێ.. دوو گەنجی کورد بە 17 ساڵ زیندان حوکم دران

^{دادگای حکوومەتی کۆماری ئیسلامیی ئێران لە شاری نەغەدە لە پارێزگای ورمێ سزای 17 ساڵ بەندکرانی بۆ دوو گەنجی کورد بڕیوەتەوە.}

^{بەپێی هەواڵی سەرچاوەکانی مافی مرۆڤ لە کوردستانی رۆژهەڵات دادگای شۆڕشی ئێران لە شاری نەغەدە دوو گەنجی کوردی بەناوەکانی "لوقمان باڵەکی کوڕی عەلی بە 11 ساڵ و ئیسلام مستەفاپوور کوڕی مامەندی بە 6 ساڵ زیندان حوکم داوە.}

^{بەپێی هەواڵی ئاژانسی کوردپا ئەو دوو گەنجە پاییزی ساڵی رابردوو لە شاری نەغەدە دەستگیر و هەرکام بۆ ماوەی سێ مانگ لە گرتنگەی ئیتلاعاتی ئەو شارە دەستبەسەر بوون.}

^{لەو ماوەیەدا بنەماڵە و کەسوکاریان هیچ هەواڵ و زانیارییەکیان لەبارەی جارەنووس و شوێنی راگیرنیان نەبووە.}

^{لوقمان باڵەکی تەمەن 32 ساڵ و دانیشتووی گوندی "گەرگووی سەروو"ی سەر بە پیرانشار و خێزاندارە و ئیسلام مستەفاپوور تەمەن 26 ساڵ و دانیشتووی گوندی "چیانە"ی سەر بە نەغەدەیە.}

^{لە سەرەتای ساڵی نوێی هەتاوی و نەورۆزەوە شەپۆلێکی فراوانی گرتن و دەستگیرکردنی گەنجان و چالاکوانانی کورد دەستی پێکردووە و لە دوو هەفتەی رابردوودا لە شارەکانی میاندواو، بۆکان و مەریوان زیاتر لە 10 گەنجی کورد لەلایەن ناوەندە ئەمنییەکانی حکوومەتەوە دەستگیر کراون.}

^{بەپێی ئامار و داتای سەرچاوەکانی مافی مرۆڤ لە کوردستانی رۆژهەڵات ساڵی رابردوو 734 هاووڵاتیی کورد لەلایەن ناوەندە ئەمنییەکانی ئێرانەوە دەستگیر و زیندانی کراون.}

^21/4/2016

ئەڵمانیا لە داهاتوودا مزگەوت و نیقاب قەدەخە دەكات

^{رۆژنامەی (فرانكفۆرتەر ئەلگماینە)ی ئەڵمانی ئاشكرای كرد كە (پارتی جێگرەوە لەپێناو ئەڵمانیا) بەرەو ئەوە هەنگاو دەنێ و گوشار دەكات بۆ قەدەخەكردنی مزگەوت و بانگدان و نیقابكردن لە ئەڵمانیا.}

^{خاتوو بیتریكس فۆن شترۆك جێگری سەرۆكی پارتەكە رایگەیاند "ئیسلام خۆی لەخۆیدا بیرێكی سیاسییە و لەگەڵ دەستووری ئەڵمانیا ناگونجێ و ئێمەش داوا دەكەین دروستكردنی مزگەوت قەدەخە بكرێت و چیتر دەنگی بانگیش بەرز نەبێتەوە و ڕێگەش بەپۆشینی نیقاب نەدرێ".}

^{شترۆك گوتی "ئیسلام ئاینێكی وەك مەسیحی كاسۆلیكی یان پرۆستانتی نییە، بەڵكو ئاینێكە هەمیشە دەیەوێ دەسەڵاتی لە هی دەوڵەت بەرزتر بێت. بۆیە دەبێ ڕێگری لە بەئیسلامكردنی ئەڵمانیا بكەین".}

^{پارتی جێگرەوە لەپێناو ئەڵمانیا لە هەڵبژاردنەكانی ئەنجومەنی سێ ویلایەتی ئەڵمانیادا بەسەر پارتی سۆسیال دیموكراتدا سەركەوت، ئەمەش لە ئەنجامی قۆستنەوەی نیگەرانییەكانی خەڵكی ئەڵمانیا لە دژی هاتنی زیاتر لە یەك ملیۆن پەنابەر لەوەتی ساڵی رابردووەوە.}
^21/4/2016

پنتاگۆن هەنگاوەکانی داهاتووی شەڕی دژی داعش ئاشکرا دەكات

^{وەزارەتی بەرگریی ئەمریكا (پنتاگۆن) هەنگاوەكانی داهاتووی ئەمریكای بۆ شەڕی دژی داعش ئاشكراكرد، ئاشتن كارتەریش دەڵێت پێشمەرگە هێزێكی سەرەكی شەڕی دژی داعشە.}

^{بەپێی راگەیێندراوێکی وەزارەتی بەرگریی ئەمریکا، ئاشتن کارتەر چەند هەنگاوێکی بۆ شەڕی دژی داعش ئاشکراکردوون. کارتەر رایگەیاندووە "چەند هەنگاوێکی نوێ بۆ شەڕی داعش دەگرینەبەر، هەموو هەنگاوەکانیش لەلایەن ئۆباماوە پەسەندکراون و هاوئاهەنگی تەواو لەگەڵ حەیدەر عەبادی، سەرۆکوەزیرانی عێراق و مەسعود بارزانی، سەرۆکی هەرێمی کوردستان دەكرێت".}

^{وەزیری بەرگریی ئەمریکا دەشڵێت:" هەنگاوی یەکەم ناردنی راوێژکار و راهێنەری زیاترە بۆ عێراق بۆ مەشقپێکردنی هێزەکانی شەڕی دژی داعش، دووەمین هەنگاویش ناردنی هەلیکۆپتەری هێرشبەرە بۆ پاڵپشتی هێزەکان بەتایبەت بۆ شەڕی موسڵ، ئەمەش بۆ شەڕی رێکخراو گرنگی زۆری دەبێت."}

^{هەر بەپێی راگەیێندراوەکەی وەزارەتی بەرگریی ئەمریکا:" واشنتن مووشەکی پێشکەوتووی جۆری هیمارس بۆ هێزەکان دەنێرێت بەتایبەت بۆ شەڕی موسڵ". پێشتر ئۆباما رایگەیاندبوو دەبێت تاوەكو 10 مانگی دیكە موسڵ كۆنترۆڵ بكرێتەوە.}

^{لە راگەیێندراوەکەدا ئاماژە بەوە كراوە، ئەمریکا هاوکاری دارایی هێزی پێشمەرگە دەکات و 415 ملیۆن دۆلار بۆ پێشمەرگە دەنێرێت، ئاشتن کارتەر، وەزیری بەرگریی ئەمریکا لەبارەی پێشمەرگە دەڵێت" پێشمەرگە کاریگەرترین هێزی شەڕی دژی داعشە".}

^{جێف دەیڤس، گوتەبێژی پێنتاگۆن لەبارەی کاتی ناردنی هاوکارییە داراییەکان دەڵێت " هێشتا کاتی ناردنی هاوکارییە داراییەکان بۆ پێشمەرگە دیارینەکراوە، بەڵام ئەو هاوکارییە لە چوارچێوەی هاوکارییەکانی ئەمریکایە بۆ هێزە عێراقییەکان کە بڕەکەی دەگاتە سێ ملیار و 100 ملیۆن دۆلار".}

^{وەزیری بەرگریی ئەمریکا ئاشکراشی کردووە:" لەگەڵ هاوکارییە لۆجیستییەکان و هاوکاری هەواڵگری، بەمزووانە 217 راوێژکار و سەربازی دیکە دەنێرنە عێراق".}
^20/4/2016

پۆتین: ساڵی داهاتوو خواست له‌سه‌ر كڕینی چه‌ك ده‌گاته‌ ترۆپك

^{ئه‌مڕۆ سێشه‌ممه‌ سه‌رۆككۆماری ڕووسیا له‌كۆنگره‌ی "دروستكه‌رانی ئامێره‌ڕووسییه‌كان" دا گوتی: " به‌رهه‌می كرده‌یی كه‌رتی جه‌نگی به‌ڕێژه‌ی 1.7 جار له‌ماوه‌ی نێوان 2010 تاكو 2015 زیادی كردووه‌. ته‌نها له‌ساڵی 2015دا ئه‌و ڕێژه‌یه‌ گه‌یشتووه‌ته‌ 7.2".}

^{هه‌روه‌ها گوتی: " به‌پێی زانیارییه‌كان، له‌ساڵی 2017دا خواست له‌سه‌ر كڕینی چه‌ك ده‌گاته‌ ترۆپك و دواتر داده‌به‌زێته‌وه‌".}

^{شیاوی باسه‌ ساڵی ڕابردوو ڕووسیا به‌بڕی 14.5 ملیار دۆلار چه‌ك و كه‌لوپه‌لی جه‌نگی هه‌نارده‌كردووه‌. له‌ئێستاشدا ئه‌و وڵاته‌ له‌پله‌ی دووه‌مدایه‌ له‌ئاستی جیهانیدا له‌فرۆشتنی چه‌ك و كه‌ولوپه‌لی جه‌نگیدا.}

^{پۆتین له‌و كۆنگره‌یه‌دا گوتیشی: " هیوادارم كارگه‌ و كۆمپانیاكانی چه‌ك و كه‌ره‌سته‌ی سه‌ربازی، بتوانن كاڵای مه‌ده‌نیش به‌رهه‌م بێنن بۆ ڕكابه‌ری كردن، به‌رله‌وه‌ی خواست له‌سه‌ر كڕینی چه‌ك دابكشێته‌وه‌ بۆ خواره‌وه‌".}
^20/4/2016

شایه‌تحاڵێك چه‌ند نهێنییه‌كی تری داعش ئاشكرا ده‌كات

^{هاووڵاتییه‌كی سوریی خه‌ڵكی شاری دێره‌زوور، له‌دوای چه‌ند ساڵ له‌ژیان له‌نێو دۆزه‌خه‌كه‌ی داعشدا، چه‌ند نهێنییه‌كی تری داعش ئاشكرا ده‌كات. ئه‌و گه‌نجه‌ كه‌ به‌هۆكاری ئه‌منی ناوی بڵاونه‌كراوه‌ته‌وه‌، جه‌خت له‌وه‌ ده‌كاته‌وه‌ كه‌له‌نزیكه‌وه‌ هه‌ڵسوكه‌وتی له‌گه‌ڵ سه‌ركرده‌كانی داعش كردووه‌.به‌چاوی خۆی هه‌موو ڕه‌فتاره‌ نامۆكانی ئه‌و گروپه‌ی بینیووه‌.}

^{گه‌نده‌ڵی دارایی له‌ناو داعشه‌كاندا}

^{ئه‌و هاووڵاتییه‌ی دێره‌زوور ده‌ڵێت: " هه‌موو ئه‌وه‌ی ده‌یگێڕمه‌وه‌ بینیومن، نه‌ك بیستبێتم، شتی وام دیوه‌ سه‌ر سپی ده‌كات".}

^{ئه‌و هاووڵاتییه‌ باس له‌وه‌ ده‌كات كه‌ به‌هیچ شێوه‌یه‌ك ڕێگه‌نادرێت به‌وه‌ی كه‌س له‌ناوچه‌كانی داعش بچێته‌ ده‌ره‌وه‌، ته‌نها نه‌خۆشێك نه‌بێت كه‌زۆر پێویستی پێی بێت، ئه‌ویش ده‌بێت خۆی و هاوڕێكانی فۆرمێك پڕ بكه‌نه‌وه‌ له‌به‌رانبه‌ر 200 دۆلاردا.}

^{هاووڵاتیی له‌دوای پڕكردنه‌وه‌ی ئه‌و فۆرمه‌ ده‌توانێت به‌هه‌موو بازگه‌كانی داعشدا تێپه‌ڕ ببێت. شایه‌تحاڵه‌كه‌ ده‌ڵێت: " له‌و ڕووه‌وه‌ گه‌نده‌ڵی زۆر ڕووده‌دات، زۆرێك له‌ئه‌ندامه‌كانی داعش له‌ڕێی دزین و كۆكردنه‌وه‌ی پاره‌و پوله‌وه‌ كاری خۆیان ڕایی ده‌كه‌ن و ڕووده‌كه‌نه‌ توركیا و تێده‌په‌ڕن. دوایه‌مین كه‌س كه‌من ئاگاداربم كه‌سێكی میسری بوو كه‌ تانكه‌رێك نه‌وتی برد و پاره‌كه‌ی دزی و له‌توركیاوه‌ تێپه‌ڕی".}

^{منداڵان و فێركردن}

^{شایه‌تحاڵه‌كه‌ ده‌ڵێت: " باجێكی بێ به‌زه‌ییانه‌ به‌سه‌ر هه‌موواندا سه‌پێنراوه‌، مه‌سیحییه‌كان وێڕانی ئه‌وه‌ی باجیان به‌سه‌ردا سه‌پێنرا، دواتر هه‌موو دێره‌كانیان ڕووخێنران و قه‌ده‌غه‌یه‌ سروته‌ ئاینییه‌كانیان جێبه‌جێ بكه‌ن".}

^{ته‌نانه‌ت منداڵانیش له‌توندوتیژی داعش بێبه‌ش نین، هه‌ر منداڵێك له‌12 ساڵ به‌ره‌وژوور بێت، پێویسته‌ له‌سه‌ر ته‌قه‌و كوشتن و سه‌ربڕین ڕابهێنرێت.ئه‌وانه‌ی له‌خوله‌كانی فێركردن ده‌رده‌چن به‌شدارییان پێ ده‌كرێت له‌كرده‌وه‌ سه‌ربازییه‌كان و هێرش و كوشتاردا.}

^{سه‌ربڕین}

^{شایه‌تحاڵه‌كه‌ ئاماژه‌ به‌وه‌ ده‌دات كه‌جارێك له‌شارۆچكه‌ی مه‌یادینی سوریا، سه‌ری هاووڵاتییه‌كیان بڕی و جه‌سته‌كه‌یان له‌ناوچه‌ی "ده‌وار" هه‌ڵواسی. ئێواره‌ی هه‌مان ڕۆژ خزمه‌كانی ڕۆشتن ته‌رمه‌كه‌یان ئه‌سپه‌رده‌كرد. به‌ڵام بۆ ڕۆژی دواتر داعشه‌كان ڕۆشتن كه‌سوكاری قوربانییه‌كه‌یان سزادا و ده‌ستیان بڕین و گۆڕه‌كه‌شیان هه‌ڵدایه‌وو ته‌رمه‌كه‌یان هاویشته‌ سه‌ر شه‌قام.}

^{له‌باره‌ ژیانی ژنانه‌وه‌}

^{به‌هه‌موو شێوه‌یه‌ك چوونه‌ ده‌ره‌وه‌ی ژن قه‌ده‌غه‌یه‌، نابێت بچێته‌ ده‌ره‌وه‌ به‌بێ مه‌حره‌م، پێویسته‌ جله‌كانیشی هه‌موو ڕه‌ش بن و ده‌ڵب و باڵاپۆش بێت.}

^{ئه‌و شایه‌تحاڵه‌ ده‌ڵێت: " كاتێك داعشه‌كان بانگه‌وازیان بۆ جیهادی نیكاح كرد، ئه‌وپه‌ڕی سزایان ده‌سه‌پاند به‌سه‌ر هه‌ركه‌سێكدا كه‌ دوابكه‌وێت له‌ پێشكه‌شكردنی كچه‌كه‌ی بۆ جیهادی نیكاح".}

^{له‌و میانه‌یه‌دا نوسینگه‌یه‌ك ده‌كرێته‌وه‌، بۆ ئه‌و كچ و ژن و بێوه‌ژنانه‌ی كه‌ ئاره‌زوویان له‌ شووكردن به‌ چه‌كدارانی داعش بێت. نوسینگه‌كه‌ له‌نزیكی سه‌رای شاره‌كه‌دا بوو، ئه‌ركی پێشوازی كردن بوو له‌و كچ و بێوه‌ژنانه‌ی ده‌یانه‌وێت شوو به‌چه‌كداره‌كان بكه‌ن. دواتر ناونیشانیان ده‌درایه‌ چه‌كداره‌كان، ئه‌وله‌ویه‌تیش بۆ چه‌كداره‌ سعودی و لیبییه‌كانه‌.}
^{ده‌شڵێت: " گرفتێكی سه‌ره‌كی هاووڵاتییان ئه‌و خۆفرۆشه‌ سورییانه‌ن كه‌ ڕێنمایی چه‌كدارانی داعش ده‌كه‌ن بۆ ماڵی ئه‌و هاووڵاتییانه‌ی كه‌لایه‌نگری حكوومه‌تی سوریان، چه‌كداره‌كان ده‌به‌نه‌ سه‌ر ئه‌و ماڵانه‌".}

^{ئاینێكی خه‌یاڵی}

^{داعشه‌كان سزایه‌كی زۆریان داهێناوه‌و سه‌پاندوویانه‌ به‌سه‌ر هاووڵاتییاندا.بۆنمونه‌: داعشه‌كان ژماره‌یه‌ك هاووڵاتیی خانه‌نشینیان كۆكردۆته‌وه‌و بردوونیان بۆ خولێك له‌شوێنێكی نادیار و خوله‌كه‌ دوو تا سێ مانگی خایاند. ته‌نانه‌ت زۆرێكیان لێ ده‌نێرنه‌ عێراقه‌وه‌ بۆ ته‌واوكردنی خوله‌كانیان.}

^{هاوكات ژماره‌یه‌ك سزایان به‌سه‌ر گه‌نجاندا سه‌پاندووه‌، له‌وانه‌: سزای ڕیش تاشین، جگه‌ره‌كێشان، پیاسه‌ی شه‌وان، ده‌ركه‌وتنی ئه‌ژنۆ.}

^{گه‌نجان ده‌برێن بۆ هه‌ڵكه‌ندنی چاڵ له‌به‌ره‌كانی جه‌نگدا، ئه‌گه‌ر مله‌جه‌ڕێش بكه‌ن، ده‌كوژرێن.}

^{سزاو سه‌رپێچییه‌كان}

^{شایه‌تحاڵه‌كه‌ به‌م شێوه‌یه‌ كۆتایی به‌ قسه‌كانی دێنێت: " سزاكانی داعش فره‌چه‌شنن، له‌سزای داراییه‌وه‌ ده‌ستپێده‌كه‌ن، تاكو ده‌گاته‌ فه‌لاقه‌ و قامچی لێدان و كوشتن. هیچ بنه‌مایه‌ك نیه‌ بۆ سزاكان".}

^{جۆری هه‌ر سزایه‌ك ڕاده‌وه‌ستێته‌ سه‌ر میزاجی پیاوانی حوسبه‌. كه‌ هه‌میشه‌ به‌شه‌قامه‌كاندا ده‌گه‌ڕێن و به‌دوای سه‌رپێچیكاره‌وه‌ن.سه‌رپێچی له‌یاساكانی داعش. زۆرینه‌ی سزاكانی كوشتن و سه‌ربڕین له‌شوێنه‌ گشتییه‌كاندا جێبه‌جێ ده‌كرێن.}
^21/4/2016

چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

بەدرخان؛ بیرەوەریی مستۆ دادار بڵاودەکاتەوە

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

پیاوێک و شارایەک بەرهەمی دەستنووس

په‌یوه‌ندی راسته‌وخۆ

گه‌ڕان

Articles

بەندەکانی رێککەوتنی نەجمەدین کەریم و هادی عامری ئاشکرا دەبێت

موتلەگ: ئێران هەوڵ دەدات سێ سەرۆكایەتییەكەی عێراق وەك خۆی بمێنێتەوە

ئێران داوای لە بەشار ئەسەد کردووە بنەماڵەکەی بگوازێتەوە بۆ تاران

ئەمڕۆ ساڵوەگەڕی شەهیدی زانکۆیە

ئێران.. لە یەک ساڵدا 3003 کەس بەهۆی مادە هۆشبەرەکانەوە مردوون

لێكۆڵه‌رانی فه‌ره‌نسی: ڕه‌نگه‌ عه‌دنانی ڕابه‌ری ڕاسته‌قینه‌ی داعش بێت

پارتی و یەپەگە لە مۆسكۆ بەشداری كۆنفرانسێك دەكەن

به‌ فه‌رمانی بارزانی نه‌خۆشخانه‌كانی هه‌رێمی كوردستان برینداره‌كانی قامیشلۆ وه‌ردەگرن

به‌ فه‌رمانی بارزانی نه‌خۆشخانه‌كانی هه‌رێمی كوردستان برینداره‌كانی قامیشلۆ وه‌ردەگرن

دانیمارک.. پەرلەمان بڕیارێک لە دژی داعش دەردەکات

ورمێ.. دوو گەنجی کورد بە 17 ساڵ زیندان حوکم دران

ئەڵمانیا لە داهاتوودا مزگەوت و نیقاب قەدەخە دەكات

پنتاگۆن هەنگاوەکانی داهاتووی شەڕی دژی داعش ئاشکرا دەكات

پۆتین: ساڵی داهاتوو خواست له‌سه‌ر كڕینی چه‌ك ده‌گاته‌ ترۆپك

شایه‌تحاڵێك چه‌ند نهێنییه‌كی تری داعش ئاشكرا ده‌كات

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM