<sup>لیوا "قاسم سلێمانی" فه‌رمانده‌ی فه‌یله‌قی قودسی پاسداران، جه‌خت له‌وه‌ ده‌كاته‌وه‌ كه‌ده‌ستوه‌ردانی ئێران له‌ڕه‌وشی عێراق و سوریا، هۆكاری ئۆقره‌ییه‌ بۆ ئێران. هاوكات نوێنه‌ری خامنه‌یی له‌ناو فه‌یله‌قی قودس، هه‌ڕه‌شه‌ی ئه‌وه‌یكرد كه‌ تۆڵه‌ی كوژراوه‌كانی ئێران له‌سوریا له‌وڵاته‌ عه‌ره‌بییه‌كان، به‌تایبه‌تی له‌سعودیه‌ ده‌كه‌نه‌وه‌.

"عه‌لی شیرازی" نوێنه‌ری ئایه‌توڵا"عه‌لی خامنه‌یی" ڕابه‌ری باڵای كۆماری ئێران، له‌ناو هێزه‌كانی قودسدا، هه‌ڕه‌شه‌ی ئه‌وه‌ی له‌سعودیه‌كرد كه‌ تۆڵه‌ی كوژراوه‌كانی ئێران له‌سوریادا له‌وان ده‌كه‌نه‌وه‌. له‌گه‌ڵ تۆڵه‌ی ئه‌و ئێرانیانه‌ش كه‌له‌ جه‌نگی یه‌كه‌می كه‌نداو "جه‌نگی عێراق –ئێران"دا كوژراون.</sup>

^6/5/2016

^{بەم زووانە زانایانی پزیشكی ئەمەریكی دەست بەپرۆژەیەك دەكەن بۆ ئەنجامدانی تاقیكردنەوە لەسەر زیندووكردنەوەی مێشكی كەسانی مردوو، ئەمەش دوای وەرگرتنی ڕەزامەندی دەسەڵاتدارانی تەندروستیی ئەمەریكا.}

^{كۆمپانیایەكی ئەمەریكی تایبەتمەند لە بواری تەكنەلۆژیای ژیان (ڕێپێدانی ڕەوشتی)یانەی لە حكومەت وەرگرت بۆ ئەنجامدانی تاقیكردنەوە لەسەر مێشكی 20 كەسی مردوو، كە مردنی نێو جێگەییان بەهۆی وەستانی دەماغەوە ڕاگەیەندراوە، بۆ ئەو مەبەستەش خەریكی زیندووكردنەوەی چەند بەشێكی مێشكی ئەوانە دەبن.}

^{زاناكان لە ڕێگەی كوتینی مێشكی مردووەكان بەخانەی ڕەگی و تێكەڵەیەك لە ترشەڵۆكی ئەمینیایی، هەروەها لە ڕێگەی بەكارهێنانی تیشكی لێزەر و چەند ڕێگەیەكی تری هاندانی مێشك هەوڵی زیندووكردنەوەی مێشك و دەرهێنانی مردووەكان لە دۆخی كۆما (غیبوبە) دەدەن.}

^6/5/2016

^{پارته‌كانی رۆژهه‌ڵاتی كوردستان رۆژ به‌ رۆژ لە دەستپێکردنەوەی خه‌باتی شاخ نزیك دەبنەوە، کۆمەڵەکان دەڵێن رۆژانە زیاتر لە 20 گەنج دێنە نێو ریزەکانیانەوە و ئامادەکاری بۆ قۆناخی نوێی خەبات دەکەن.}

^{رەزای كەعبی، جێگری سكرتێری كۆمەڵەی زەحمەتكێشانی كوردستان بۆ (تۆڕی میدیایی رووداو) گوتی "هاتنی گەنجەكانی بۆ ناو حیزبەكانی رۆژهەڵاتی كوردستان وەك رابردوو بەردەوامە و ژمارەیان زیاد دەكات، ‌وە ئەبێت حیزبەكان پێكەوە بتوانن بەهاوبەشی بچنە خەباتی چەكداری رۆژانە".}

^{ئه‌م پێشمه‌رگانه‌ زیاتر له‌ 10 ساڵه‌ له‌ نێو کەمپی پارته‌كانی رۆژهه‌ڵاتی كوردستان مه‌شق و راهێنان ده‌كه‌ن، به‌ ئومێدێكی زۆره‌وه‌ چاویان له‌ گۆڕانكارییه‌كانی ناوچه‌كه‌یه‌.}

^{حەسەن رەحمان پەنا، ئەندامی كۆمیتەی ناوەندی كۆمەڵەی رێكخراوی كۆمۆنیستی ئێران دەڵێت "ئێمە بە پاڵپشتی هاوكاری كەسوكار و خەڵكی ناوخۆی رۆژهەلاتی كوردستان ئەتوانین خەباتی چەكداری گەشە پێبدەین، چونكە ئەمە نهێنی سەركەوتی هەموومانە، ئەگەر گۆڕاننكاری ناوچەكە نەبێت ئەوان پشتیوانی خۆمان باشترین رێگەی ئێمەیە".}

^{هەندێک لەو حیزبانەی کە گرنگی بە هێزی چەکداریان دەدەن، لە بەکارهێنانی ئەو هێزە و ناردنەوەیان بۆ ناوخۆی وڵات دوودڵن.}

^{ئەنوەر محەممەدی، بەرپرسی پەیوەندییەكانی كۆمەڵەی زەحمەتكێشانی كوردستانی ئێران بۆ رووداو گوتی " ئێمەدەزانین حكومەتی هەرێمی كوردستان بەرژەوەندی سیاسیی دبلۆماتی لەگەڵ ئێران هەیە، هەروەك چۆن پاڵپشتی خەباتی پارچەكانی دیكەی كوردستان دەكات، بۆ حیزبەكانی رۆژهەڵاتیش بەهەمانشێوە بێت".}

^{پارتەکانی رۆژهەڵاتیی کوردستان دەڵێن خەباتی چەکداری وەک بژاردەیەک وەلانەنراوە و هەرکات باردۆخی سیاسی و ناوخۆی رۆژهەڵات بخوازێت دەست بۆ ئەو چەکانە دبەنەوە کە ماوەیەکە هەڵیانپەساردووە.}

^6/5/2016

^{ئێواره‌ی ئه‌مڕۆ فڕۆكه‌ جه‌نگییه‌كانی ئیسرائیل، ژماره‌یه‌ك بنكه‌یان له‌ناو كه‌رتی غه‌زه‌دا كرده‌ ئامانج. بێ ئه‌وه‌ی هیچ زانیارییه‌ك له‌باره‌ی زیانه‌ گیانییه‌كانه‌وه‌ هه‌بێت.}

^{به‌پێی ڕاپۆرته‌كانی هه‌واڵ، فڕۆكه‌كانی جۆری ئێف-16 ناوچه‌كانی فڕۆكه‌خانه‌ی غه‌زه‌و گوزه‌رگای ڕه‌فه‌حیان له‌باشوری شاره‌كه‌ بۆردوومان كرد.}

^{شایه‌تحاڵه‌كان، باس له‌وه‌ ده‌كه‌ن كه‌ لانی كه‌م دوو موشه‌ك له‌فڕۆكه‌كانه‌وه‌ ئاراسته‌ی زه‌وییه‌كی خاڵی كراون، له‌باكوری غه‌زه‌ش بۆردوومان هه‌بووه‌.}

^{ئه‌و بۆردوومانه‌ له‌دوای ئه‌وه‌دێت كه‌ئه‌مڕۆ تۆپخانه‌و تانكه‌كانی ئیسرائیل، بۆردوومانی چه‌ند بنكه‌یه‌كیان له‌ناو غه‌زه‌دا كرد.چه‌ند بنكه‌یه‌كی سه‌ربازی حه‌ماس له‌و بۆردوومانانه‌دا به‌ركه‌وتوون.}

^{له‌وباره‌یه‌وه‌ كه‌تیبه‌كانی"عیزه‌دین قه‌سام" باڵی سه‌ربازی حه‌ماس، بڵاوكراوه‌یه‌كی ده‌كرد، به‌ڵێنی وه‌ڵامدانه‌وه‌ی بۆردوومانه‌كانی داوه‌.}

^5/5/2016

^{دامه‌زراوه‌یه‌كی توێژینه‌وه‌یی ئه‌ورووپی، ئاماژه‌ بۆ ئه‌وه‌ ده‌كات كه‌له‌ئێستادا نزیكه‌ جه‌نگی سوریا ببێته‌ هۆی هه‌ڵایسانی جه‌نگی جیهانی سێیه‌م.ئه‌و جه‌نگه‌ كه‌ئێستا له‌ساڵی پێنجه‌میدا ده‌ژی، بووه‌ته‌ جه‌نگی به‌وه‌كاله‌ت.}

^{ئه‌و توێژینه‌وه‌یه‌ كه‌ دامه‌زراوه‌ی "سه‌ركردایه‌تی ئه‌ورووپی" بڵاوی كردۆته‌وه‌، ئاماژه‌ ده‌دات به‌ ڕووداوی خستنه‌ خواره‌وه‌ی فڕۆكه‌كه‌ی ڕووسیا له‌لایه‌ن توركیاوه‌،ئه‌وه‌ش وه‌ك یه‌كێك له‌و به‌ڵگانه‌ نیشان ده‌دات كه‌ ڕه‌نگه‌ كردارێكی حساب بۆ نه‌كراو ببێته‌ هۆی هه‌ڵایسانی جه‌نگه‌ گه‌وره‌كه‌.}

^{ئه‌و دامه‌زراوه‌ توێژینه‌وه‌ییه‌ كه‌ ژماره‌یه‌ك له‌ بڕیار به‌ده‌سته‌كانی پێشوو، وه‌زیره‌ پێشووه‌كانی ئه‌ورووپا وڕووسیا دروستیان كردووه‌، له‌ توێژینه‌وه‌ ڕاگه‌یه‌نراوه‌كه‌دا ده‌ڵێت: " له‌م مانگانه‌ی دوایدا، مه‌ترسی ئه‌وه‌ زیاتر بووه‌ كه‌ جه‌نگی سوریا ببێته‌ جه‌نگێكی جیهانی".}

^{له‌كۆتایی ڕاپۆرته‌كه‌دا، ده‌نوسێت: "  له‌كۆتاییدا مه‌ترسی ڕوودانی ڕووداوێك.. ڕووداوێكی سه‌ربازی یان كارێكی حساب بۆ نه‌كراو، ئاگرێك هه‌ڵده‌گرسێنێت، كه‌ناوی جه‌نگی جیهانییه‌، به‌تایبه‌ت له‌ئێستادا كه‌ هیچ په‌یوه‌ندییه‌ك له‌نێوان لایه‌نه‌ كاریگه‌ره‌كاندا نیه‌".}

^5/5/2016

^{بەربژێرێکی هەڵبژاردنی ئەنجوومەنی شارەزایانی رێبەریی ئێران لە بازنەی هەڵبژاردنی پارێزگای سنە رایدەگەیێنێت دوای دەرکەوتنی ئەنجامی هەڵبژاردنەکان، سەرەڕای ئەوەی دەنگی زۆرتری بەدەستهێناوە بەڵام گوشاریان خستووەتەسەر بۆ ئەوەی قبوڵی بکات ئەنجامەکە لە بەرژەوەندی نوێنەری رێبەری کۆماری ئیسلامی ئێران لەو پارێزگایە تەواو بێت.}

^{ئەنوەر ئادەمی دەڵێت، هێشتا ئەنجامی هەڵبژاردنی ئەنجوومەنی شارەزایان لە سنە یەکلایی نەبووەتەوە و دۆسیەکە لە نووسینگەی رێبەری کۆماری ئیسلامییە.}

^{ئەنجامی هەڵبژاردنی ئەنجوومەنی شارەزایانی رێبەریی لە پارێزگای سنە لە شەوێکدا ژێروڕوو بوو. بۆ هەڵبژاردنی نوێنەری ئەنجوومەنی شارەزایای رێبەریی لە پارێزگای سنەوە 5 کەس شیاویان پەسند کرابوو. یەک لەوان سەید موحەممەد حسێنی شاهرودی، نوێنەری رێبەری ئێران لە سنە.}

^{رۆژێک دوای هەڵبژاردن عەلی رەزا ئاشناگەر، مامۆستا ئەنوەر ئادەمی وەک دووەمین بەربژێر راگەیاند، کە بۆ ئەنجوومەنی شارەزایانی رێبەریی دەنگی هێناوەتەوە. شاهرودیش دۆڕاو. بەڵام رۆژێک دواتر هەموو شتێک پێچەوانە بووەوە. شاهرودی بوو بە براوە و مامۆستا ئادەمی دۆڕاو.}

^{ئێستا ئەنوەر ئادەمی دەستی بە ئاشکراکردنی رووداوەکانی ئەو کات کردووە. ئەو دەڵێت: گوشاریان بۆ هێناوە تاوەكو خۆی بە دۆڕاو رابگەیێنێت.}

^4/5/2016

^{خێرخوازێك بە بڕی نیو ملیۆن دۆلار مزگەوتێكی گەورە لە دهۆك دروستدەكات و ئامادەش نەبووە ناوی خۆی و بنەماڵەكەی لە سەر ئەو مزگەوتە بێت.}

^{رۆژی سێشەممە 3-5-2016 لە مەراسیمێكدا كە هەریەك لە پشتیوان سادق، وەزیری ئەوقاف و كاروباری ئایینی، فەرهاد ئەتروشی، پارێزگاری دهۆك و مەلا عەبدوڵڵا وەیسی سەرۆكی یەكێتی زانایای ئایینی ئیسلامی كوردستان لە شاری دهۆك ئامادە بوون مزگەوتی خەدیجە كوبرا كرایەوە.}

^{مەریوان نەقشبەندی، بەڕێوەبەری پەیوەندییەكانی وەزارەتی ئەوقاف و كاروباری ئایینی هەرێمی كوردستان بە(تۆڕی میدیایی رووداو)ی راگەیاند: "خێرخوازێك لە سەر ئەركی خۆی ئەو مزگەوتەی بە بڕی نیو ملیۆن دۆلار دروستكردووە كە هەموو پێداویستییەكانی تێدایە و یەكێكە لە مزگەوتە هەرە گەورەكانی پارێزگای دهۆك".}

^{مەریوان نەقشبەندی گوتی: "ئەو خێرخوازە لە سەر ئەركی خۆی مووچەی مامۆستایانی پێشنوێژخوێن و گوتاربێژ و بانگبێژ و سەرجەم خزمەتگوزارەكان دابیندەكات و ئامادەش نەبووە ناوی خۆی و بنەماڵەكەی لە سەر ئەو مزگەوتە بێت".}

<sup>بەپێی ئامارەكانی وەزارەتی ئەوقاف و كاروباری حكومەتی هەرێمی كوردستان لە هەولێر 1906 ، لە سلێمانی 1872، دهۆك 1148 و ئیدارەی گەرمیانیشدا 290 مزگەوتی لێیە، كۆی گشتی مزگەوتەكانی هەرێمی كوردستان 5 هەزار و 216 مزگەوت دەبێت، لەو رێژەیەش2 هەزار و 965 یان نوێژی هەینیان تێدا ئەنجام دەدرێت.

زۆربەی مزگەوتەكانیش لەلایەن خێرخوازانەوە دروستدەكرێت و بەپێی ئامارێك هەموو 10 رۆژ جارێك مزگەوتێك لە هەرێمی كوردستان دروستدەكرێت.</sup>

^4/5/2016

<sup>مه‌نسوور بارزانی، فه‌رمانده‌ی له‌شكری گوڵان له‌ وه‌ڵامی ئه‌و ده‌زگایانه‌ی ڕاگه‌یاندن كه‌ ده‌نگۆی ئه‌وه‌یان بڵاوكردووه‌ته‌وه‌ كه‌ گوایا پێشمه‌رگه‌ شه‌ڕی نه‌كردووه‌ ده‌ڵێ ئه‌وانه‌ى ده‌ڵێن پێشمه‌رگه‌ شه‌ڕى نه‌كردووه‌، با بێن ته‌رمه‌كانی داعش ببینین.

له‌ میانى به‌شداریكردنى له‌ پرۆگرامێكی كه‌ناڵی( كوردستان 24) ، مه‌نسوور بارزانى رایگه‌یاند: " كاتژمێر 05:20خوله‌كى به‌یانى چه‌كدارانى تیرۆریستى داعش په‌لامارى ناوچه‌كه‌یان داوه‌ و به‌ ئامێرى گه‌وره‌ و چه‌كى قورس و هامه‌ر و شۆفل و زرێپۆشه‌وه‌ روویان له‌ ناوچه‌كه‌ كردبوو، توانیبوویان خه‌نده‌ق و هێڵى پێشه‌وه‌ى به‌رگرى ببه‌زێنن، به‌ڵام پێشمه‌رگه‌ قاره‌مانه‌كانى كوردستان به‌ چه‌كى خۆیان رووبه‌ڕوویان بوونه‌وه‌".

گوتیشى: "پێشمه‌رگه‌ توانیویه‌تى به‌ ئاڕ بى جى و دۆشكا دوو ئۆتۆمبێلى خۆكوژه‌كانى داعش بته‌قێننه‌وه‌ و چوار ئۆتۆمبێلى دیكه‌ له‌ رێگه‌ى چه‌كى میلانه‌وه‌ ته‌قێندراونه‌ته‌وه‌".

هه‌روه‌ها گوتى: "به‌داخه‌وه‌ پێشمه‌رگه‌ وه‌ك پێویست چه‌كى پێشكه‌وتووى له‌به‌ر ده‌ست نه‌بووه‌ و له‌ به‌رامبه‌ریشدا داعشییه‌كان چه‌كى دوو سووپاى وه‌ك سووپاى سووریا و عێراقیان كه‌وتبووه‌ به‌رده‌ست".
سه‌باره‌ت به‌ هاوكاریكردنى هێزه‌كانى هاوپه‌یمانێتى نێوده‌وڵه‌تى له‌ دژى داعش، مه‌نسوور بارزانى رایگه‌یاند، سوپاسى هاوپه‌یمانان ده‌كه‌ین، به‌ڵام ئه‌وه‌ى ئه‌مڕۆ روویدا به‌ هۆى ئاماده‌ نه‌بوونى فڕۆكه‌وه‌، له‌ سه‌ره‌تادا پێشمه‌رگه‌ قاره‌مانه‌كانى كوردستان به‌ چه‌كى خۆیان به‌ره‌نگارى په‌لاماره‌كانى داعش بوونه‌وه‌.

هه‌روه‌ها گوتى: "چه‌ند خێزانێك له‌ تلسقۆف مابوونه‌وه‌ پێش هێرشى تیرۆریستان ده‌رچووبوون و له‌وێ نه‌مابوون و تیرۆریستانى داعش بۆ ماوه‌یه‌كى كورت خۆیان راگرت و به‌ هێز و قوربانیدانى پێشمه‌رگه‌ توانرا ناوچه‌كه‌ رزگار بكرێت".

سه‌باره‌ت به‌و كه‌ناڵانه‌ى ده‌نگۆى ئه‌وه‌یان بڵاوكردبوویه‌وه‌، كه‌ پێشمه‌رگه‌ به‌رگرى نه‌كردووه‌، فه‌رمانده‌ى له‌شكرى گوڵان مه‌نسوور بارزانى رایگه‌یاند، ئه‌وانه‌ى ده‌ڵێن پێشمه‌رگه‌ شه‌ڕى نه‌كردووه‌، با بێن ته‌رمه‌كانی داعش ببینین، كوژراوه‌كانى داعش خۆ به‌ هه‌وره‌ برووسكه‌ نه‌كوژراوون، سبه‌ى پێمان خۆشه‌ كه‌ناڵه‌كانى راگه‌یاندن بێن و ببینن چه‌ند چه‌كدارى داعش كوژراوون و قاره‌مانێتى پێشمه‌رگه‌ له‌وه‌دا ده‌ركه‌وتووه‌.

ئاشكراشیكرد، 30 تا 40 ته‌رمى چه‌كدارى داعش له‌ به‌رده‌ستى پێشمه‌رگه‌دان و زیاتر له‌ 100 چه‌كدارى داعش به‌ ده‌ستى پێشمه‌رگه‌ كوژراون.</sup>

^4/5/2016

<sup>زەردەشت عوسمان هەڵەبجەیی، فۆتۆگرافەری گەنج، پێشانگایەكی فۆتۆیی لە گەلەریی سایە لە تاران دەكاتەوە و وێنەی پێشمەرگەو گەریلا نمایش دەكات.

زەردەشت هەڵەبجەیی بە (رووداو)ی راگەیاند "لەلایەن چەند سەنتەرێكی هونەرییەوە لە تاران داوەتكراوم بۆ ئەوەی پڕۆژەی فۆتۆیی پێشمەرگە و گەریلا لە بەناوبانگترین گەلەریی تاران لە مانگی تەمووز نمایش بكەم".

هەڵەبجەیی دەشڵێت "هەر لەمانگی تەمووزدا، لە فێستیڤاڵێكی گەورەدا لە مۆسكۆ ئامادە دەبم. فێستیڤاڵەكە بۆ هونەرمەندانی نەتەوە جیاجیاكانی جیهانە و منیش تاكە كوردم لەو فێستیڤاڵەدا بە چەند فۆتۆیەك بەشداری دەكەم".

هەفتەی رابردوو، زەردەشت هەڵەبجەیی بە چەند تابلۆیەك بەشداری لە فێستیڤاڵی فۆتۆیی سانتاكروز لە ئەرجەنتین كرد.</sup>

^3/5/2016

^{بەرپرسی محیوەری گوێڕی هێزی پێشمەرگەی کوردستان ئاشکرای کرد، ڕێکخراوی توندڕەوی داعش هێرشێکی هێناوەتە سەر هێزی پێشمەرگەی کوردستان لە میحوەرەکەیان و چەند خۆکوژێکیان لەگەڵ دایە. گوتیشی: “پێشمەرگە ئەمجارە تاکتیکێکی نوێ بەرامبەر بە داعش بەکار دەهێنێت".}

^{ئەمڕۆ سێشەممە 3\5\2016، قادر قادر، بەرپرسی میحوەری گوێڕ، بە (باسنیوز)ی ڕاگەیاند: “لە بەرەبەیانی ئەمڕۆوە تاوەکوو ئێستا، چەکدارانی داعش هێرشێکیان بۆ سەر هێزی پیشمەرگە لە میحوەری گوێڕ هێناوە و لەناو هێرشەکەدا، ئۆتۆمبێلی بۆمبڕێژکراو هەیە”. ئەوەشی ڕوون کردەوە کە هێرشەکەیان بۆ سەر گوندی (ئەبوشیتە) ئەنجام داوە و پێشمەرگەش بە توندی ڕووبەڕووی بووەتەوە.}

^{قادر قادر جەختی لەوە کردەوە کە پێشمەرگە بە ئازایەتی و بوێری و ورەیەکی بەرزەوە ڕووبەڕووی چەکدارانی داعش بوونەتەوە و بە چەکی دۆشکە و ئارپیچی وەڵامیان دەدەنەوە. گوتیشی: “هیچ گومانمان لە تێکشکاندنی داعش نییە و تێکشکاندنیان ئاسانە”.}

^3/5/2016