چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

درێژه‌ی بابه‌ت

لە هەولێر ئیدانەی هێرشی موشەکی کۆماری ئیسلامی بۆ سەر بنکە و بارەگاکانی حیزبەکانی ڕۆژھەڵاتی کوردستان، هاوکات پشتگیری لە نارزایەتی خەڵکی ئێران و رۆژهەڵاتی کوردستان کرا.

درێژه‌ی بابه‌ت

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

درێژه‌ی بابه‌ت

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

درێژه‌ی بابه‌ت

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

درێژه‌ی بابه‌ت

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

به‌ڕێزان ( عوسمان عه‌به‌ پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه‌ وتیان به‌ڵێ ڕاسته‌ و كۆچی دوایی كردووه‌؟ هونه‌رمه‌ند و پێشمه‌رگه‌ ، سروودبێژ و گۆرانیبێژ...

درێژه‌ی بابه‌ت

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

درێژه‌ی بابه‌ت

بەدرخان؛ بیرەوەریی مستۆ دادار بڵاودەکاتەوە

کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت. مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...

درێژه‌ی بابه‌ت

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...

درێژه‌ی بابه‌ت

پیاوێک و شارایەک بەرهەمی دەستنووس

بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...

درێژه‌ی بابه‌ت

په‌یوه‌ندی راسته‌وخۆ

گه‌ڕان

Articles

سەعدی ئەحمەد پیرە بۆ (باسنیوز): یەکێتی و گۆڕان یەک دەگرنەوە

داعش لە عێراق 45% و لە سووریا 20%ی خاکی لەدەست داوە

dahsh123

^{ئەمەریکا کە سەرۆکایەتیی ھاوپەیمانێتی شەڕی دژ بەداعش دەکات ڕایگەیاند ڕێکخراوی تیرۆریستیی داعش لە عێراق 45% و لە سووریاش 20%ی خاکی لەدەست دەرھێنراوە.}

^{گاری ڤۆلیسکی، جەنەراڵی ئەمەریکی کە لە عێراقە بە (تریبون نیوز)ی ڕایگەیاندووە، بەھۆی ئەوەی کە داعش لە عێراق نزیکەی نیوەی خاکەکەی کە داگیر کردبوو، لەدەست داوە و ھێرشە ئاسمانییەکان بۆ سەر ئەو شوێنانەی لێی ماوەتەوە بەردەوامە، بۆیە پەنا بۆ کردەوەی تیرۆریستی دەبات، وەک ئەو تەقینەوانەی کە لە لە چەند رۆژی ڕابردوودا بەغدا ئەنجامی داون.}

^{بەپێی هەواڵی ڕۆژنامەی (یوئێس ئەی تودەی)، بەرەپێشەوەچوون لە سووریا لاوازترە و تا ئێستا 20%ی خاکەکەی لەدەست دەرھێنراوە، چونکە ئەمەریکا لەوێ گرفتی ھێزە چەکدارە جیاجیاکانی ھەیە و خەریکە خۆی ھێزەکان ڕادەھێنێت تا بتوانن بەرپەرچی داعش بدەنەوە و دەریبکەن.}

^19/5/2016

نرخی دراوەکان 19.5.2016

نرخی دراوەکان بۆ ئەمڕۆ پێنجشەممە 19/ 2016/5 بەمشێوەیەیە:

100 دۆلاری ئەمریکی = 130.000 دینار

100 یۆرۆ = 147.000 دینار

100 پاوەند = 186.000 دینار

100 هەزار تومەن = 38.000 دینار

100 لیرەی تورکی = 47.000 دینار

19/5/2016

ئێران بۆ حزبوڵڵا: واز له‌ ئیسرائیل بهێنن و روو بكه‌نه‌ سعوودییه‌

^{سه‌رچاوه‌ ئاگاداره‌كانى لوبنان، ئاشكراى ده‌كه‌ن، لیوا قاسم سوله‌یمانى، فه‌رمانده‌ى فه‌یله‌قى قودسى سه‌ر به‌ سوپای ئێران، باڵى سه‌ربازى حزبوڵاى لوبنانى راسپاردووه‌ كه‌ ئۆپه‌راسیۆنه‌كانیان دژ به‌ ئیسرائیل رابگرن و روو بكه‌نه‌ سعوودیه‌.}

^{سایتى "میدیل ئیست ئاى"ـى بەریتانى، بڵاوی كردووه‌ته‌وه‌، جه‌نڕاله‌ ئێرانییه‌كه‌، له‌ سه‌ردانه‌كه‌ى ئه‌م دواییه‌ی دا بۆ لوبنان كه‌ به‌ مه‌به‌ستى به‌شداریكردن له‌ پرسه‌ى فه‌رمانده‌ى ئه‌و حزبه‌ مسته‌فا به‌دره‌دین سه‌ردانى ئه‌و وڵاته‌ى كرد، جێگره‌وه‌یه‌كی بۆ ئه‌و فه‌رمانده‌ كوژراوه‌ى داناوه‌، ئه‌وه‌ش وه‌ك ئاماژه‌یه‌كه‌ بۆ توندوتۆڵیی په‌یوه‌ندییه‌كانى ئێران و حزبه‌كه‌ى حه‌سه‌ن نه‌سروڵڵا.}

^{هه‌ریه‌ك له‌ ئێران و حزبوڵڵا، به‌رپرسیارێتى كوژرانى به‌دره‌دین، ده‌خه‌نه‌ سه‌ر گرووپه‌ "ته‌كفیرییه‌كان" و پێیان وایه‌ ئه‌و گرووپانه‌ له‌لایه‌ن سعوودیه‌وه‌ پاڵپشتى ده‌كرێن.}

^{سایته‌ بریتانییه‌كه‌ ئه‌وه‌ش ئاشكرا ده‌كات، كه‌ ئه‌و كه‌سه‌ى شوێنى فه‌رمانده‌ كوژراوه‌كه‌ ده‌گرێته‌وه‌، ناوى فوئاد شوكرە ‌و به‌ حاجى موحسن، ناسراوه‌ كه‌ ته‌مه‌نى 55 ساڵه‌، هه‌روه‌ها هاتووه‌ :"حاجى موحسن یه‌كێكه‌ له‌ دامه‌زرێنه‌رانى حزبه‌كه‌".}

^{راسپارده‌كانى جه‌نه‌ڕاڵه‌ ئێرانییه‌كه‌ بۆ فه‌رمانده‌ سه‌ربازییه‌كانى حزبوڵڵا بۆ گۆڕینى ئاراستەی كرده‌وه‌كانیان و ئاڕاسته‌كردنى ئامانجه‌ سه‌ربازییه‌كانیان له‌ ئیسرائیله‌وه‌ بۆ سعوودیه‌.}

^18/5/2016

مەکتەبی سیاسیی پارتی دیموکراتیی کوردستان کۆدەبێتەوە

^{بە مەبەستی تاوتوێکردن و دەربڕینی هەڵوێست سەبارەت بە ڕێککەوتنەکەی یەکێتیی نیشتمانیی کوردستان و بزووتنەوەی گۆڕان، مەکتەبی سیاسیی پارتی دیموکراتیی کوردستان کۆبوونەوەیەک ئەنجام دەدات.}

^{بە گوێرەی زانیارییەکانی(باسنیوز)، ئەمڕۆ چوارشەممە 18\5\2016، کۆبوونەوەی مەکتەبی سیاسیی پارتی دیموکراتیی کوردستان، لە سەڵاحەدین بەڕێوە دەچێت و تێیدا گفتوگۆ سەبارەت بە هەڵوێستی پارتی بەرامبەر بە ڕێککەوتنەکەی نێوان یەکێتی و گۆڕان دەکرێت.}

^{پێشتر، سەعدی ئەحمەد پیرە، ئەندامی مەکتەبی سیاسیی یەکێتیی نیشتمانیی کوردستان، لە کۆنگرەیەکی ڕۆژنامەوانی و لە وەڵامی پرسیارێکی (باسنیوز)دا ڕای گەیاندبوو: "ڕێککەوتننامەی ستراتیژیی نێوان یەکێتی و پارتی هەڵنەوەشاتەوە و هێشتا بەردەوامە".}

^{دوێنێ هەریەک لە کۆسرەت ڕەسول عەلی، جێگری یەکەمی سکرتێری گشتیی یەکێتی و نەوشیروان مستەفا، ڕێکخەری گشتیی گۆڕان، بە ئامادەبوونی جەلال تاڵەبانی، ڕێککەوتنێکیان واژوو کرد، بەڵام بەهۆی ئامادەنەبوونی مەلا بەختیار، لێپرسراوی دەستەی کارگێڕیی مەکتەبی سیاسیی یەکێتی، ئەرسەلان بایز و مەحموود سەنگاوی، ئەندامانی مەکتەبی سیاسی، ئازاد جوندیانی، ئەندامی یەدەگی مەکتەبی سیاسی و حەمەی حەمە سەعید، ئەندامی سەرکردایەتیی یەکێتی لە مەراسیمەکەدا، گومانەکان لەسەر بوونی ناڕەزاییەکی فراوان لەنێو یەکێتی لە دژی ڕێککەوتنەکە زیاتر بوون.}

^18/5/2016

دەمیرتاش: دەبێت پەکەکە داوای لێبوردن بکات

^{هاوسەرۆکی پارتی دیموکراتی گەلان (هەدەپە) رایگەیاند "دەبێت پەکەکە داوای لێبورد بکات".}

^{سەڵاحەدین دەمیرتاش، هاوسەرۆکی هەدەپە رایگەیاند " ئەو کەسانەی بەرپرس بوون لە هێرشکردنە سەر یەکێک لە گوندەکانی سەر بە دیاربەکرد " ئامەد" دەبێت داوای لێبوردن بکەن ".}

^{رۆژی 17-5-2016 سەڵاحەدین دەمیرتاش لە کۆبوونەوەیەکی پەرلەمانییدا لەگەڵ حیزبەکەی لە ئەنقەرە هەروەها گوتی " دەمانەوێت رایبگەیەنین کە ئێمە ئەو جۆرە هێرشە قبوڵ ناکەین و ئیدانەی دەکەین" و، جەختیشی کردەوە لەوەی "ئەو جۆرە هێرشە هیچ جۆرە روونکردنەوەیەکی ناوێت و نابەرپرسانەیە".}

^{هاوسەرۆکی هەدەپە باسی لەوەش کرد، کە هەرگیز پارتەکەی لەسە کوشتنی هاووڵاتیانی مەدەنی بێدەنگ نەبووە و ئێستاش بەهەمان شێوە لەسەری بێدەنگ نابێت ئەمەشی دوای خوێندنەوەی ناوی ئەو 16 کەسە گوت، کە لەو هێرشەی پەکەکەدا کوژرابوون.}

^{رۆژی 12-5-2016 16 کەس کوژران و، 23 کەسی دیکەش برینداربوون کاتێک ئۆتۆمبێلێکی پڕ لە ماددەی تەقەمەنی پەکەکە تەقییەوە، دواتر پەکەکە لە راگەیەندراوێکدا رایگەیاند " ئۆتۆمبێلەکە بەهۆی رووداوێکەوە تەقیوەتەوە، چونکە ئەو ئۆتۆمبێلە ماددەی تەقەمەنی تێدابووە و خەڵکی گوندەکەش تەقەیان لێکردووە بۆیە پییاندا تەقیوەتەوە".}

^{پارتی کرێکارانی کوردستان لە راگەیەندراوەکەیدا ئاماژەی بەوەش کردووە " بڕیاربوو ماددە تەقەمەنییەکان بۆ شوێنێکی دیکە بەهۆی ئۆتۆمبێلەکەوە بگوازرێنەوە نەوەک بتەقێندرێتەوە".}

^18/5/2016

مانوێل مارتۆرێل بۆ (رووداو): كورد لە ساتەوەختێكی مێژوویی دایە

^{مانوێل مارتۆرێل، نووسەرێكی ئیسپانیی شارەزای كێشەی كوردە، لە كتێبە نوێیەكەیدا ئاماژە بەوە دەكات كە جەنگی سووریا و عێراق بوونە هۆی ئەوەی چاوی هەموو جیهان بكەوێتە سەر كورد، ئەمەش دەرفەتی ئەوەی پێداون كە بە وردی كار بۆ بەدیهێنانی خەونی خۆیان بكەن.}

^{مارتۆرێل دەربارەی ئەوە بە (رووداو)ی گوت "كورد لە ساتەوەختێكی مێژوویی بێوێنەدا دەژین. بۆ یەكەمجارە لە مێژوودا، هەموو زلهێزەكانی جیهان، رووسیا، ئەمریكا و یەكێتی ئەوروپا دان بە بایەخی فاكتەری كورد لە رۆژهەڵاتی ناوەڕاستدا دەنێن."}

^{مارتۆرێل كە بەمدواییە كتێبە نوێیەكەی بە ناوی كورد (Kurdos) بە ئیسپانی بڵاوبووەتەوە، پێیوایە بۆ یەكەمجارە جیهان خەریكە پەی بەوە دەبات كە كورد تێڕوانینێكی سێكولار و میانڕەوانەی هەیە، ئەمە جگە لەوەی شارەزایی و توانایەكی باشیشیان لە جەنگی دژی چەكدارانی گرووپی دەوڵەتی ئیسلامی (داعش) پێشانداوە.}

^{بەڕای نووسەرە ئیسپانیەكەی كتێبی كورد "هەتا ئێستا هێزە جیهانییەكان تەنیا پشتگیرییان لە دیكتاتۆر و بزووتنەوە ئیسلامییەكان دەكرد، بەڵام ئێستا خەریكە تێدەگەن لەوەی روانگەی فیدراڵیی كورد لە رۆژهەڵاتی ناوەڕاست دەكرێت رێگەیەك بێت بۆ دەرچوون لەو قەیرانە گەورەیەی كە ئەو بەشەی جیهانی داگرتووە، ئەمەش لە كاتێكدا رۆژهەڵاتی ناوەڕاست خۆی لەڕووی ئایینی و كولتوورییەوە ناوچەیەكی فرە رەنگە."}

^{مانوێل مارتۆرێل بە یەكێك لە شارەزاترین لێكۆڵەرە ئیسپانییەكان لەبارەی كورد لە قەڵەم دەدرێت، ئەو لە كتێبەكەیدا دەیەوێت ئەوە روون بكاتەوە كە بۆچی كوردی زۆرینە سوننە، ئەم جەنگە قورسە لە دژی داعش و گرووپ و بزووتنەوە ئیسلامییە توندڕەوەكانی دیكە لە عێراق و سووریا دەكات، لەم پەیوەندییەدا مارتۆرێل دەڵێت "كتێبەكەی من دەیەوێت ئەوە بۆ رۆژئاواییەكان روون بكاتەوە كە ئەمجۆرە هەڵوێستەی وا دەكات ئیسلام لەگەڵ دیموكراسی و پێكەوەژیانی ئایین و كولتوورە جیاوازەكان بگونجێ، شتێكی نوێ نییە و كورد هەموو كات پشتگیریی لێكردووە."}

^{یەكێكی دیكە لە ئامانجەكانی كتێبەكەی ئەم لێكۆڵەرە ئیسپانییە ئەوەیە دڵنیایی بە رۆژئاواییەكان بدات كە تەنیا جۆرە تێڕوانینێكی دیاریكراو بۆ ئیسلام دەكرێت مەترسی بۆ سەر جیهان دروستبكات و زۆربەی كۆمەڵگا ئیسلامییەكان هیچ مەترسییەك بۆ سەر جیهان دروست ناكەن. مارتۆرێل رای وایە "موسوڵمانەكان و كۆمەڵگە نا-موسڵمانەكان زیاتر لە هەموو كەس حەز دەكەن هەڕەشەی داعش كۆتایی بێت، لە كاتێكدا ئەم گرووپە هەڕەشەیە بۆ سەر ئەو شێوازە ژیانەی بۆ سەدان ساڵە لە ناوچەكەدا پەیڕەو دەكرێت."}

^{بەشێكی دی لە كتێبی "كورد" بۆ باسكردن لە رەوشی ئێران، عێراق، توركیا و سووریا لە ماوەی چەندین ساڵی رابردوودا تەرخان كراوە. لەوێدا ئیدانەی هەڵمەتی حكومەتەكەی رەجەب تەیب ئەردۆغان، سەرۆككۆماری توركیا لە دژی كورد دەكات كە نووسەری كتێبەكە بە هەڵمەتی "پاكتاوی نەتەوەی كورد" ناوی دەبات.}

^{جەنگی دژی داعش و ئیدانەكردنی جینۆسایدی كوردە ئێزدییەكانی ناوچەی شنگال و كۆمەڵگە كوردی و مەسیحییەكانی دیكە لەسەر دەستی ئەم گرووپە بەشێكی دیكە لە كتێبەكە پێكدەهێنن و ئەمە لە هەڵبژاردنی بەرگی كتێبەكەشدا رەنگدانەوەی هەبووە: بەرگی كتێبەكە شەڕڤانێكی ئافرەتی كوردە كە پەنجەكانی بە نیشانەی سەركەوتن بەرزكردووەتەوە، وەكوو مارتۆرێل ئاماژەی بۆ دەكات "وێنەكە لەلایەن دەزگای چاپی كتێبەكەوە هەڵبژێردراوە، هۆی ئەمەش بۆ ئەوە دەگەڕێتەوە ئافرەتانی كورد بەهۆی بەشدارییان لە جەنگی دژی داعشدا جەماوەرێكی زۆریان هەیە. بەشداریی ئافرەتانی كورد لە جەنگ لە سووریا، عێراق، ئێران و توركیا ئەو وێنە باوەی سڕیوەتەوە كە لەبارەی ئافرەتانی رۆژهەڵاتی ناوەڕاستەوە هەبوون".}

^{مارتۆرێل هەروەها گوتی "بوونی ئافرەتی كورد لە بەرەكانی پێشەوەی جەنگ بەمەبەستی وەستاندنی ئەو گرووپەی هەڕەشە لە هەموو جیهان دەكات، وای كرد چاوەكان بكرێنەوە."}

^{"كورد"ەكەی مانوێل مارتۆرێل لەلایەن دەزگای چاپ و وەشانی لۆس لیبرۆس دێ لا كاراتا چاپكراوە و ئەم مانگە بۆ یەكەمجار لە شاری پاپملۆنا نمایش كرا، مارتۆرێل ئەزموونێكی درێژی لەگەڵ كولتووری كوردیدا هەیە و چەندین ساڵ لەمەوبەر داستانی مەم و زینی بە زمانی باسكی داڕشتەوە.}

^{چاپكراوەكانی مانوێل مارتۆرێل لەبارەی كوردەوە}
^{كورد... مێژووی خۆڕاگری- ساڵی 1991}
^{كوردستان- ساڵی 2002}
^{كوردستان... گەشتێك بۆ وڵاتێكی قەدەغە- ساڵی 2005}
^{مەم و زین بە زمانی باسكی- ساڵی 2010}
^{كورد ئەمەیە... شرۆڤەكردنی نەتەوەیەك- ساڵی 2014}
^{كورد- ساڵی 2016.}

^18/5/2016

ناوەندی لێكۆڵینەوەی رووداو بەفەرمی رادەگەیێندرێت

^{ناوەندی لێكۆڵینەوەی تۆڕی میدیایی رووداو دەستبەكار دەبێت و یەكەم لێكۆڵینەوە لەژێر ناونیشانی "كوردستان پۆست و - داعش" بڵاودەكاتەوە.}

^{ناوەندی لێكۆڵینەوەی رووداو، بەشێكی تۆڕی میدیایی رووداوە. لە سەرەتای ئەمساڵەوە بە ستافێك لە لیكۆلینڤانان دەستبەكاربووە. ئەمڕۆش وەك یەكەمین كار، بە سازكردنی كۆنفرانسێك خۆی دەناسێنێت.}

^{ناوەندی لێكۆڵینەوەی رووداو، ناوەندێكی لێكۆلینڤانی پرۆفیشناڵ دەبێت كە ئامانجی پێدانی زانیاری و شرۆڤەی ئەكادیمیانەیە . بۆ ئەو مەبەستەش بەردەوام دەیەوێت كار لەگەڵ لێكۆڵینڤانانی بەتوانادا بكات.}

^{ئەم ناوەندە كاری ئەو لێكۆڵینەوانە دەبێت كە بۆ ئێستا و پاشەڕۆژی كوردستان و ناوچەكە پێویستن و ئامانجەكانیشی لە چەند خاڵێكدا خۆیان دەنوێنن. هەروەها ئازاد عەلی بەڕێوەبەری ناوەندی لێكۆڵینەوەی رووداو دەبێت.}

^{ناوەندی لیكۆڵینەوەی رووداو، رۆژی چوارشەممە 18-5-2016 كۆنفرانسێك لەژێر ناونیشانی "لە پۆست داعشەوە بۆ پۆست سایكس - پیكۆ" رێكدەخات، كۆنفرانەسەكەش ساڵانە بەردەوام دەبێت. كۆنفرانسەكە لەلایەن بێژەر و پێشكەشكاری دیاری رووداو، شاهۆ ئەمین پێشكەش دەكرێت.}
^{رووداو هەوڵدەدات زۆرینەی ئەو لێكۆڵینەوانەی ناوەندەكە ئامادەیان دەكات چاپیان بكات. زمانی یەكەمی چاپەمەنیی ناوەندەكە كوردییە. شانبەشانی زمانی كوردی، بە زمانەكانی عەرەبی، ئینگلیزی، فارسی و توركیش لێكۆڵینەوەكان بڵاودەكاتەوە.}

^{پانێلیستەكان:}

^{- پرۆفیسۆر ئەنوەر عەشقی، لێكۆلینڤان لە نێوەندی رۆژهەڵاتی نێوەڕاست بۆ لێكۆڵینەوەی ستراتیژی و یاسایی لە جددە.}

^{- پرۆفیسرۆ رینیێ پارپۆت، لێكۆلینڤان لە زانكۆی مۆنتریال لە كەنەدا.}

^{- پرۆفیسۆر بیلال سامبوور، لێكۆلینڤان لە زانكۆی ئەنقەرە لە توركیا.}

^{- پرۆفیسۆر سەعید شەمس، ئەكادیمی لە زانكۆی سۆران.}

^{لێكۆڵینەوەكە بەسەرپەرشتی مامەند رۆژە لەلایەن لیكۆلینڤانان (ئازاد عەلی، هاورێ باخەوان، بیلال سامبوور، عەبدولڕەحمان دەروێش، مەسعوود رۆستەمی و حیسام دەستپیش) ئەنجامدراوە، باسی كوردستانی دوای داعش دەكات، هەروەها باسی كوردستانی دوای 100 ساڵ لە رێككەوتننامەی سایكس- پیكۆ دەكات، لەهەمانكاتدا تێزی راڕەوی كوردی كە بە دیواری كوردیش دەناسرێت وەك یەكێك لە فاكتەرەگانی پۆست - داعش و پۆست - سایكس پیكۆ دەخاتەڕوو.}

^{خۆڕاگەیاننامەی ناوەندی لێكۆڵینەوەی رووداو}

^{ناوەندی لێكۆڵینەوەی رووداو، بەشێكی تۆڕی میدیایی رووداوە . لە سەرەتای ئەمساڵەوە بە ستافێك لە لیكۆلینڤانان دەستبەكاربووە. ئەمڕۆ وەك یەكەمین كار ، خۆی لەگەڵ ئێوەدا ئاشكرا دەكات و دەناسێنێت.}

^{ناوەندی لێكۆلینەوەی رووداو ، ناوەندێكی لێكۆلینڤانی پرۆفیشناڵ دەبێت كە ئامانجی پێدانی زانیاری و شرۆڤەی ئەكادیمیانەیە . بۆ ئەو مەبەستەش بەردەوام دەیەوێت كار لەگەڵ لێكۆڵینڤانانی بە توانادا بكات.}

^{ئەم ناوەندە كاری ئەو لێكۆڵینەوانە دەبێت كە بۆ ئێستا و پاشەڕۆژی كوردستان و ناوچەكە پێویستن و ئامانجەكانیشی لەم خاڵانەدا خۆیان دەنوێنن:}

^{•هەر كێشەیەكی كوردستانی و نەتەوەیی بۆ ناوەند پڕۆژەیەكە و زۆرینەی لێكۆڵینەوەكانمان تایبەت دەبن بە كوردستان و ناوچەی رۆژهەڵاتی نێوەڕاست .}

^{•ناوەندی ڵێكۆڵینەوەی رووداو، بایەخی بە گۆڕانكارییە ناوچەیی و جیهانییەكان و كاریگەرییان لەسەر كوردستان دەدات و ئەوەش لە لێكۆڵینەوەكانیدا رەنگدەداتەوە.}

^{•لێكۆڵینەوەكانمان لە چوارچێوەیەكی ئەكادیمییانەدا دەنووسرێن و هیچ لایەنگرییەكیان تێدا نابێت.}

^{•لێكۆڵینەوەكانمان هەندێكیان ناوكۆیی دەبن و هەندێكیشیان تەنیا یەك لێكۆڵەر ئامادەیان دەكات ، بەڵام دوای پێداچوونەوەیان لەلایەن ناوەندی لێكۆڵینەوەی رووداو .}

^{•ناوەندی لێكۆڵینەوەی رووداو ، ئەڵقەی گفتوگۆ و شرۆڤەی بەپەلە لەسەر رووداوە رۆژەڤییەكان رێكدەخات و، بەشێوەی لێكۆڵینەوەی پووختی نووسراو و گفتوگۆی ڤیدیۆیی بڵاودەكاتەوە.}

^{•یەكێك لە سەرەكیترین كارەكانی ناوەند ئامادەكردنی شرۆڤە و لێكۆڵینەوەیە بۆ تۆڕی میدیایی رووداو. دەشێت هەندێك لەو لێكۆڵینەوانە ببنە دۆكیومێنتەری یان دیبەیتی تەلەڤزیۆنییان لێوە ئامادە بكرێن.}

^{•بەدڵنیاییەوە ستافی ناوەندی لێكۆڵینەوەی رووداو لە هەموو بابەتێكدا پسپۆڕ نییە. هەر بۆیە بۆ ئەو بابەتانەی كە لە دەرەوەی پسپۆڕیێتی ستافی ناوەندەكەن، ناوەند هەندێك لێكۆڵەری پسپۆڕ و ئەكادیمیی دیكە رادەسپێرێت تاوەكو توێژینەوە لە بابەتێكی دیاریكراودا بكەن. لەو رووەوە ناوەندەكە تەنیا كاری هاوئاهەنگی و پلاندانان و بڵاوكردنەوەی لێكۆڵینەوەكان دەبێت.}

^{•هەوڵدەدەین زۆرینەی ئەو لێكۆڵینەوانەی كە ناوەندەكەمان ئامادەیان دەكات چاپیان بكەین. زمانی یەكەمی چاپەمەنیی ناوەندەكەمان كوردییە. شانبەشانی زمانی كوردی، بە زمانەكانی عەرەبی، ئینگلیزی، فارسی و توركیش لێكۆلینەوەكانمان بڵاودەكەینەوە.}

^{•ناوەندی لێكۆڵینەوەی رووداو هەر لە سەرەتای دەستبەكاربوونییەوە هەوڵی پێكهێنانی تۆڕێكی لێكۆڵینەوەیی ناوخۆیی و دەرەكی داوە. بەهیوایە ئەم تۆڕە فراوانتر بكات و لێكۆلینڤانان لە هەموو لایەك بۆ توێژینەوە لەسەر بابەتێكی گرنگ سەبارەت بە باسێكی دیاریكراو بكەن .}

^{•ناوەندی لێكۆڵینەوەی رووداو ، ساڵانە كۆنفرانسێك رێكدەخات بۆ پانێلبەستن لەسەر چەند رۆژەڤێكی گرنگ و دەستەبژێرێكی پسپۆڕی ناوخۆیی و دەرەكی بۆ بەشداریكردن بانگهێشت دەكات.}

^{زۆر گەشبینین كە ناوەندەكەمان لە داهاتوویەكی نزیكدا پەرەدەستێنێت و ئەو تۆڕی توێژینەوەییەی كە ئامانجمانە دەهێنێتەدی و بەهۆیەوە كۆمەڵێك لێكۆڵینەوەی گرنگ پێشكەشدەكەین.}

^{هیوادارین بە تێبینی و رێنماییەكانتان بەردەوام هاوكارمان بن و كارەكانمان زۆرتر پێشبخەین.}

^هەولێر
^18-5-2016

محەمەدسەدیق کەبوودوەند ژیانی لە مەترسی دایە

^{محەمەد سەدیق کەبوودوەند، سەرۆکی بەندکراوی ڕێکخراوی بەرگری لە مافی مرۆڤی کوردستان ماوەی دە رۆژە مانی لە خواردن گرتووە و ئێستا گیانی لە مەترسی دایە.}

^{ئەمڕۆ سێشەممە (17.5.2016)، رێکخراوی بەرگری لە مافی مرۆڤی کوردستان ، سەبارەت بە بارودۆخی خراپیی باری تەندروستیی محەمەد سەدیق کەبوودوەند، ڕاگەیاندراوێکی بڵاو کردووەتەوە و هۆشداری داوە و بەگوێرەی زانیارییەکان بنەماڵەی ئەو چالاکوانە دەڵێن، تا ئێستا بەهۆی بارودۆخی خراپی تەندروستییەوە چەندین جار ڕەوانەی نەخۆشخانەی بەندیخانە کراوە.}

^{پزیشکانی بەندیخانە هۆشدارییانداوە کە دەبێ بە زۆترین کات مانگرتنەکەی بشکێنێت.}

^{محەمەد سەدیق کەبوودوەند، ڕوژنامەنووس و سەرۆکی رێکخراوی بەرگری لە مافی مرۆڤی کوردستان چەندین ساڵە لە بەندیخانەیە، بەمەبەستی دەربڕینی ناڕەزایەتی بەرامبەر گوشاری بەرپرسە ئەمنییەکانی ئێران لە بەندیخانە بۆ سەر ئەو چالاکوانە سیاسییە، ماوەی 10 رۆژە مانی لە خواردن گرتووە.}

^{پڕوسەی دادگایی کەبوودوەند ماوەی چوار مانگە دەستی پێکردووە و تا ئێستا سێ جار بە تۆمەتی هەوڵدان بۆ تێکدانی ئاسایشی نیشتمانی دادگایی کراوە.}

^{پێشتر دادگای ئینقلابی ئیسلامیی تاران، حوکمی 10 ساڵ و 6 مانگ بەندکرانی بۆ کەبوودوەند دەرکردبوو، بەڵام بە لەبەرچاو گرتنی ئەو تۆمەتانەی بەم دوایە دراوەتە پاڵی، پێدەچێ، دوای تەواوبوونی حوکمەکەشی ئازاد نەکرێت.}

^{ئەوە لە کاتێک دایە کە محەمەدسەدیق کەبوودوەند، چالاکوانی سیاسیی کورد، لە بەندیخانە تووشی چەندین نەخۆشی وەکوو نەخۆشیی دڵ و خوێنبەرەکان، گورچیلە و پرۆستات بووە و مانگرتن لە خواردنیش گیانی خستووەتە مەترسییەوە.}

^{محەمەدسەدیق کەبوودوەند مانگی 11ی ساڵی 2007 لەلایەن هێزە ئەمنییەکانی ئێرانەوە دەستبەسەر کراوە و لە دادگای ئینقلابی ئیسلامیی تاران، بە تۆمەتی "هەوڵدان بۆ تێکدانی ئاسایشی نیشتمانی" لەڕێگەی دامەزرانی رێکخراوی بەرگری لە مافی مرۆڤی کوردستان، سزای 10 ساڵ و 6 مانگ بەندکردنی بۆ دەرچووە.}

^{هاوکات بەهۆی کەیسی تایبەت بە چالاکیی رۆژنامەنووسی، ئەو دادگایە سزای ساڵێک بەندکرانی هەڵپەسێراو و 5 ساڵیش دوورخستنەوە لە کاری رۆژنامەنووسی بۆ دەرکردووە.}

^17/5/2016

ھەدەپە: بارزانی تاکە سەرکردەیە بتوانێ ئاوێک بە ئاگری کوردستانی باکووردا بکا

^{ئەنکەرا و زۆر لە وڵاتانی ئەوروپی، پێیان باشە مەسعود بارزانی سەرۆکی ھەرێمی کوردستان ناوەنگیری لە نێوان پەکەکە و حکوومەتی تورکیا بکات بۆ دووبارە گیان بەبەرداکردنەوەی پرسی ئاشتی و چارەسەری.}

^{کۆمەڵێک لە پەرلەمانتارانی پارتی دیموکراتی گەلان (ھەدەپە)یش پێیان وایە بارزانی کەسایەتییەکی گرنگی ناوچەکەیە، بۆیە رۆڵێکی ئەرێنی دەبینێت بۆ راگرتنی شەڕ و لێک نزیککردنەوەی پەکەکە و ئەنکەرا. ھەروەھا پێیان وایە کە بە لای ئەمەریکاوە بارزانی کەسایەتییەکی بە ھێزی ناوچەکەیە، بۆیە لە کۆبوونەوەی نھێنیدا بە باشی زانیوە بارزانی رۆڵی ناوەنگیری لە نێوان ئەو ٢ لایەنەدا ببینێت.}

^{ئادەم گەڤەری ئەندام پەرلەمانی ھەدەپە پێیوایە، ئێستا بارودۆخی تورکیا زۆر خراپە و پرسی کورد لەو وڵاتە لە مەترسییەکی گەورەدایە، بۆیە ئەگەر کەسێکی وەکو بارزانی لەو بارودۆخە خراپەدا گرنگی بە پرسی چارەسەری بدات، ھەنگاوێکی یەکجار گەورەیە.}
^{ئەو تایبەت بۆ (باس) گوتی: "زۆر ئاساییە کە بەرێز بارزانی پەیوەندیی باشی لەگەڵ ئاکپارتیدا ھەبێت. لە پەرلەمانی تورکیا ھەموو ھەوڵێک گیراوەتە بەر تا ھەدەپە بخەنە دەرەوەی پەرلەمانەوە و، بەوەی پارێزبەندییان لەسەر ھەڵبگیرێت و بخرێنە زیندانەوە.}
^{پارتی سەرەکیی ئۆپۆزسیۆنی تورکیا جەھەپە دەڵێت ئەگەر لە تورکیا سیستەمی سەرۆکایەتی جێبەجێ بکرێت، دڵنیا بن خوێنێکی زۆر لەم وڵاتە دەرژێت و بەبێ خوێنڕشتن ئەو سیستەمە لە پەرلەمان بەڕێ ناکرێت. کێشەی کوردیش لە تورکیا زۆر لە مەترسیدایە بەوەی بە رێگەیەکی دیموکراییانە چارەسەری بۆ ناکرێت. دیارە ئەمەریکا و ئەوروپایش زۆر نیگەرانن بەو بارودۆخەی تورکیا، بۆیە لەو باردۆخە خراپەدا ئەگەر بارزانی ھەوڵی ناوەنگیری لە نێوان پەکەکە و ئەنکەرادا بدات ھەنگاوێکی زۆر گەورەیە و مایەی شانازییە".}

^{گەڤەڕی ئاماژە بۆ ئەوەیش دەکات کە خوازیارن بارزانی بە زووترین کات ئەو رۆڵە بگێڕێت، تا زووتر شەڕ رابوەستێت.}

^{عەلی ئاتەلان ئەندام پەرلەمانی ھەدەپە لەسەر شاری باتمان پێی وایە کە بۆ پرسی چارەسەری پێویستە کەسی سێیەم بێتە ناوەوە، تا ئەو ٢ لایەنە لە یەکتری نزیک بکاتەوە، بۆیە گرنگە بارزانی ببێت بە کەسی سێیەم بۆ نزیک بوونەوەی پەکەکە و ئەنکەرا.}

^{ئەو تایبەت بۆ (باس خەبەر) دەڵێت: "پەکەکە و تورکیا زۆر بە توندی بەگژ یەکتریدا چوونەتەوە، بۆیە تاکە رێگە بوونی کەسی سێەمە کە بێت و ئاوێک بەو ئاگرەدا بکات و دووبارە ئەو ٢ لایەنە بگەڕێنێتەوە بۆ سەر مێزی گفتوگۆ. ئەگەر بارزانیش ئەو ناوەنگیرییە ئەنجام بدات زۆر خۆشحاڵمان دەکات".}

^{ھەروەھا باسی لەوەیش کرد کە ئەو شەڕەی لە نێوان پەکەکە و دەوڵەتی تورکیا ھاتووەتە ئاراوە، زیانی ملیاران دۆلاری لە باکوور داوە، ھەروەھا ئەو زیانە بەر باشووریش کەوتووە بەوەی قەبارەی بازرگانی لەنێوان تورکیا باشووری کوردستان کەم بووەتەوە، بۆیە پێویستە ئەو شەڕە کۆتایی پێ بێت.}

^{گوتیشی: "بارزانی بە لای وڵاتانی ئەوروپییەوە کەسایەتییەکی زۆر گرنگە و ھەروەھا یەکێکە لەو سەرۆکانەیشی رۆڵی زۆر جیدیی بینیوە لە رووبەرووبونەوەی گرووپی تیرۆرستیی داعش، بۆیە پێم وایە لە ناوەندگیریی پەکەکە و دەوڵەتی تورکیاشدا رۆڵی ئەرێنی دەبینێت".}

^{بۆ ئەوەی دووبارە پرسی چارەسەری بێتەوە بەر باس، پێشتریش ھەوڵی لەو شێوەیە دراوە، بۆ نموونە ئەحمەد داودئۆغلو بە ناراستەوخۆ پێی باش بووە کە دووبارە پرسی چارەسەری بێتەوە بەر باس، بەڵام ھەوڵەکان سوودی نەبووە. ئەمە گوتەی لۆزگین بۆتانە ئەندام پەرلەمانی ھەدەپە لەسەر شاری وان.}

^{لۆزگین تایبەت بۆ (باس خەبەر) پێی وایە کە ئەو شەڕە زیانی زۆری ئابووریی بە باکوور و ھەرێمی کوردستانیش داوە جگە لە ماڵوێرانییەکی زۆر، بۆیە ئەگەر بارزانی رۆڵی ناوەندگیری لە نێوان ئەو ٢ لایەنەدا بگیڕێت و شەڕ کۆتایی پێ بێت، ئەوکات ھەموو لایەک سوودمەند دەبن.}

^{ھەروەھا گوتیشی: "من بۆیە ئومێدی زۆرم بە بارزانی ھەیە کە دەتوانێت پەکەکە و ئەنکەرا لە یەکتری نزیک بکاتەوە، چونکە بارزانی رۆڵێکی سەرەکیی گێڕاوە بۆ رووبەرووبونەوەی داعش و ئەمەیش وای کردووە کە ئەوروپا و ئەمەریکا رێزێکی زۆری لێ بگرن و وەکو سەرکردەیەکی گرنگیش تەماشای بکەن، بۆیە ئەگەر بۆ پرسی چارەسەری ھەنگاوی ئاشتی بگرێتە بەر ئەنجامی باش دەبێت".}

^{ئەو باسی لەوەیش کرد کە ئاساییشی ڤییەنا و بەرلین پەیوەستە بە ئاساییشی ھەولێر و کۆبانێ و ئامەد، ئەگەر ئەو شارانە ئارام نەبن ئەوێش نائارامە.}

^17/5/2016

ئێران تەنیا لە مەرزی حاجی ئۆمەران ڤیزا بە هاووڵاتییانی هەرێمی کوردستان نادات

^{کۆماری ئیسلامیی ئێران، پێدانی ڤیزای بە هاووڵاتییانی هەرێمی کوردستان لە ڕێگای مەرزی حاجی ئۆمەران ڕاگرت، وەک فشارێک بۆ چارەسەرکردنی کێشەیەکی هاووڵاتییانی ئێرانی.}

^{سەرچاوەیەکی ئاگادار لە بەڕێوەبەرایەتیی مەرزی حاجی ئۆمەران، تایبەت بە (باسنیوز)ی ڕاگەیاند، لە دوێنێ دووشەممە 16\5\2016ەوە، کۆماری ئیسلامیی ئێران بە بڕیاری کونسوڵخانەی ئێران لە هەولێر، پێدانی ڤیزای بەو هاووڵاتییانەی هەرێمی کوردستان ڕاگرتووە کە بە نیازن لە ڕێگای ئەو مەرزەوە، گەشت بۆ ئێران بکەن. ئەوەشی ئاشکرا کرد کە کونسوڵخانەی ئێران بڕیارەکەی دەرکردووە و هۆکارەکەی بۆ ئەوە دەگەڕێتەوە، شۆفێری تاکسییەکان لە مەرزی حاجی ئۆمەران، ڕێگا بە نەفەرهەڵگرەکانی ئێران (ئوتوبوس) نادەن، گەشتیار لە حاجی ئۆمەرانەوە بۆ هەولێر بگوازنەوە و بە پێچەوانەشەوە.}

^{سەرچاوەکە ئەوەشی بۆ (باسنیوز) ئاشکرا کرد کە ئێستا لە مەرزی حاجی ئۆمەرانەوە، ڤیزا بە هاووڵاتییانی هەرێمی کوردستان نادرێت و داوا لەو کەسانە دەکەن کە دەیانەوێت لە ڕێگای حاجی ئۆمەرانەوە بچنە ئێران، یان لە ڕێگای فڕۆکەخانە و بە فڕۆکە گەشتەکەیان ئەنجام بدەن، یانیش لە ڕێگای مەرزی (باشماخ) و مەرزەکانی سنووری پارێزگای سلێمانی، بچنە کۆماری ئیسلامیی ئێران.}

^17/5/2016

مەسرور بارزانی: نابێت بەرژەوەندیی تەسکی حزبی بەربەست بۆ سەربەخۆیی دروست بکات

^{ڕاوێژکاری ئەنجومەنی ئاسایشی هەرێمی کوردستان، لە یادی 100 ساڵەی ڕێککەوتننامەی (سایکس بیکۆ) ڕای گەیاند، پێویستە ڕێگا بە خەڵکی ڕۆژهەڵاتی ناوەڕاست بدرێت، بڕیار لەسەر چارەنووسی خۆیان بدەن.}

^{ئەمڕۆ دووشەممە 16\5\2016، مەسرور بارزانی، ڕاوێژکاری ئەنجومەنی ئاسایشی هەرێمی کوردستان، لە پێگەی تایبەتیی خۆی لە تۆڕی کۆمەڵایەتیی (فەیسبووک)، نووسینێکی سەبارەت بە 100 ساڵەی سایکس بیکۆ بڵاو کردەوە و تێیدا ئاماژەی بەوە کرد: ”ئەمڕۆ سەد ساڵ بەسەر ڕێککەوتنی سایکس_بیکۆ تێدەپەرێت کە بۆ بەشێکی زۆری خەڵکی ناوچەکە و بە تایبەتی کورد، پڕ بووە لە وێرانکاری و ژێردەستی و نادادپەروەری. ڕۆژهەڵاتی ناوەڕاستیش لەو کاتەوە ئاشتی و سەقامگیریی بەخۆیەوە نەبینیوە، چونکە دانانی سنوورەکان و دابەشکردنی ناوچەکە لە پێناو پاراستنی بەرژەوەندیی گەورە هێزەکانی ئەوسا بووە، بە بێ ڕەچاوکردنی ویستی نەتەوە جیاوازەکانی ناوچەکە بۆ بڕیاردان لە سەر چارەنووسی خۆیان و بەرژەوەندییەکانیان“. جەختیشی لەوە کردووەتەوە کە لە ئەنجامی ئەم چەوتییە مێژووییە، ناوچەکە دووچاری قەیران و شەڕ و وێرانکاریی زۆر بووە و گەلەکی کورد قوربانیی زۆری لە پێناو پاراستنی ناسنامەی خۆی داوە.}

^{هەر لەو نووسینەدا مەسرور بارزانی جەختی لەوە کردووەتەوە: ”ئێستا کاتی ئەوە هاتووە هەموو لایەک دان بەم هەڵە کارەساتبارە دابنێن. بۆ ڕاستکردنەوەی ئەم ستەم و نادادپەروەرییە، پێویستە ڕێگە بە خەڵکی ناوچەکە بدرێت، بڕیار لە سەر ماف و چارەنووسی خۆیان بدەن“. هیواشی خواستووە، چیتر گەلی کوردستان ڕێگا نەدات، لە ژێر هیچ بیانوو و فشارێک، هێز یان لایەنێک یاری بە چارەنووسیان بکات و ئەم دەرفەتەی هاتووەتە پێشەوە، لەدەست بچێت. دووپاتیشی کردووەتەوە: ”دەبێت گەلەکەمان خۆی بڕیار لە چارەنووسی خۆی بدات و بەرەو و سەربەخۆیی هەنگاو بنێت“.}

^{ڕاوێژکاری ئەنجومەنی ئاسایشی هەرێمی کوردستان ئەوەشی ڕوون کردووەتەوە کە سەربەخۆیی لە ناخەوە دەست پێ دەکات. دەشڵێت: ”دەبێت بمانەوێت سەر بە خۆمان بین تاکو سەربەخۆ بین. نابێت ڕێگا بدەین یارییە سیاسییەکان و بەرژەوەندیی تەسکی حیزبی یان ویستی کەسی، بەربەست بۆ گەیشتن بەم ئامانجە دروست بکات“. ئەگەر خۆمان ژێردەستی قبول نەکەین، هیچ هێزێک ناتوانێت بمانچەوسێنێتەوە. با خۆمان بڕیار بدەین و ڕێگە نەدەین هیچ کەس و لایەنێک لە جیاتی ئێمە بڕیار بدات. با چیتر ڕێگە نەدەین بە بیانووی جیاواز کە کاتی ئەوە نییە یاخود بارودۆخ گونجاو نییە، هەر بە پاشکۆ بمێنینەوە. کاتی ئەوەیە خۆمان بڕیاری خۆمان بدەین“.}

^{لە کۆتاییشدا داوای لە هەموو جیهان و گەلانی ڕۆژهەڵاتی ناوەڕاست کردووە، ڕێز لە قوربانییەکانی گەلی کورد و بڕیارەکەی بگرن و ئەم هەڵوێستەی کورد بە دەستپێشخەرییەکی ئاشتییانە و چارەسەری بنەڕەتی وەربگرن و بە دۆست و دراوسێی هاوتا و یەکسان یەکتر قەبول بکەین.}

^{ئەمڕۆ 16\5\2016، سەد ساڵی تەواو بەسەر ڕێککەوتننامەی سایکس بیکۆ تێپەڕ دەبێت کە بەهۆیەوە وڵاتانی ڕۆژهەڵاتی ناوەڕاست و ئەو ناوچانەی کە بە میراتی دەوڵەتی عوسمانیی کۆن دەناسرێن، دابەش کران و مافی نەتەوەی کورد کە ئێستا 50 ملیۆن دەبێت، تێیدا پشتگوێ خرا و مافی دەوڵەتداری پێ نەدرا.}

^16/5/2016

بۆچی پێش سایکس- پیکۆ کوردستان نەبووە دەوڵەت؟

^{100 ساڵ بەسەر واژۆکردنی رێککەوتننامەی سایکس- پیکۆ تێپەڕدەبێت کە تێیدا کوردستان بەسەر چوار وڵاتدا دابەشکرا، شارەزایەکی مێژووش باسی ئەو هۆکارانە دەکات کە رێگربوون لەوەی کوردستان ببێتە دەوڵەت پێش واژۆکردنی ریککەوتننامەکە.}
^{د. هێرش عەبدوڵڵا، مامۆستای مێژوو لە زانکۆی سلێمانی، لە کاتی بەشداریکردنی لە ماوەی هەواڵی نووڕۆژی رادیۆ و تەلەڤزیۆنی رووداو، لەبارەی 100 ساڵ تێپەڕبوون بەسەر رێککەوتننامەی سایکس- پیکۆ رایگەیاند "رێککەوتننامەی سایکس- پیکۆ کە لە ساڵی 1916 لە نێوان فەرەنسا و بەریتانیا واژۆکرا، رێککەوتنێکی سیاسی بوو لە نێوان وڵاتانی خۆرئاوا بە گشتی و، بەریتانیا و فەرەنسا بەتایبەتی، کە بەهۆیەوە کۆمەڵێک کێشەی نێوان ئەو وڵاتانە چارەسەر کران".

مامۆستاکەی زانکۆ ئاماژەی بەوەشکرد، لە بنەڕەتدا مەبەست لە رێککەوتننامەی سایک- پیکۆ دابەشکردنی دەوڵەتی عوسمانی بوو کە دواتر نەخشەی رۆژهەڵاتی ناوەڕاستیان گۆڕی، بەڵام رووسیا لە رێککەوتنەکە کشایەوە، دواتر دوو ئەفسەری بەریتانی و فەرەنسی رێککەوتنەکەیان واژۆکرد، هاوکات واژۆکردنی رێککەوتننامەی سایکس- پیکۆ بۆ پاراستنی بەرژەوەندی فەرەنسا و بەریتانیا بوو بە بێئەوەی بیر لە گەلانی رۆژهەڵاتی ناوەڕاست بکەنەوە.

لەبارەی کورد لە نێو رێککەوتننامەی سایکسپیکۆ و نەبوونی بە دەوڵەت لەو سەردەمەدا، هێرش عەبدوڵلا گوتی" کورد لەو سەردەمەدا نەبوو بە دەوڵەت، لەبەرئەوەی یەکەی سیاسی یەکگرتووی نەبووە لەگەڵ بنەماکانی دروستکردنی دەوڵەت. هەروەها عەرەب و فارس و تورک خاوەنی کیانی دامەزراوەی پێشوەختە بوون و، زمان و کولتووریان رێگەخۆشکەربوون بۆ ئەوەی لە نەخشە و رێککەوتنامەکەی سایکس- پیکۆدا ببنەوە بە دەوڵەت، لەبەرامبەریشدا عەرەب رێگربووە لە وەی کورد ببێتە دەوڵەت و کیانی خۆی هەبێت".}

^16/5/2016

بارزانی و وەزیری ئیتڵاعاتی ئیران كۆبوونەوە

^{بارزانی وەزیری ئیتڵاعاتی ئێران كۆدەبنەوە و تاووتوێی ئامادەكارییەكانی كۆنترۆڵكردنەوەی موسڵ دەكەن.}
^{رۆژی یەكشەممە 15-5-2016 مەسعود بارزانی، سەرۆكی هەرێمی كوردستان پێشوازی لە ئایەتوڵڵا دكتۆر سەید مەحموود عەلەوی، وەزیری ئیتڵاعاتی ئێران و ئەندامی ئەنجوومەنی شارەزایانی رێبەری و شاندێكی یاوەری كرد.

ماڵپەڕی سەرۆكایەتی هەرێمی كوردستان بڵاویكردووەتەوە، وەزیری ئیتیڵاعاتی ئێران بۆچوونی وڵاتەكەی لەبارەی رەوشی سیاسیی عێراق و ناوچەكە خستەڕوو و جەختیكردەوە كە ئێران لە پشتیوانیكردنی هەرێمی كوردستان بەردەوام دەبێت.
هەروەها داوای لە بارزانی كرد پێشبینی و بۆچوونی خۆی لەبارەی رووداو و پێشهاتەكانی ناوچەكە بخاتەڕوو.

لە كۆبوونەوەكەدا بارزانی كورتەیەكی لەسەر رەوشی مەیدانیی بەرەكانی شەڕ لەگەڵ داعش و بارودۆخی سیاسیی عێراق بۆ شاندی ئێرانییەكە خستەڕوو و جەختی لەوەشكردەوە كە شەڕی داعش پێویستی بە هەماهەنگی و هاوكاریی جددیی كۆمەڵگەی نێودەوڵەتییە.

سەرۆكی هەرێمی كوردستان ئاماژەی بەوەداوە كە بۆ تێكشكاندنی تەواوی داعش تەنیا رووبەڕووبوونەوەی سەربازی بەس نییە، بەڵكو پێویستە لەڕووی فكريی، ئابووريی و سیاسیشەوە داعش و هزری تووندئاژۆيى تێكبشكێندرێت.

لە بەشێكی دیكەی كۆبوونەوەكەی نێوان بارزانی و وەزیری ئیتڵاعاتی ئێران باس لە ئامادەكارییەكان كۆنترۆڵكردنەوەی موسڵ، پەیوەندییەكانی نێوان بەغدا و هەرێمی كوردستان و دوا پێشهاتە سیاسییەكانی ناوچەكە كرا.

لە كۆبوونەوەكەدا، هەر یەك لە مەسروور بارزانی، راوێژكاری ئەنجوومەنی ئاسایشی هەرێمی كوردستان و فوئاد حوسێن سەرۆكی دیوانی سەرۆكایەتی هەرێمی كوردستان ئامادەبوون.}

rudaw

^15/5/2016

رێککەوتننامەی گۆڕان و یەکێتی لەبەردەم مام جەلال واژۆ دەکرێت

^{لە ماڵی مام جەلال لە دەباشان رێککەوتننامەی نێوان یەکێتی نیشتمانی کوردستان و بزووتنەوەی گۆڕان لەلایەن جێگری یەکەمی سکرتێری گشتی یەکێتی و رێکخەری گشتی بزووتنەوەی گۆڕان واژۆدەکرێت و ئێوارەی ئەمڕۆش لە رێوڕەسمێکدا رادەگەیێندرێت.}

^{زیاد جەبار، جێگری لێپرسراوی مەڵبەندی یەکی رێکخستنی یەکێتی نیشتمانی کوردستان لە سلێمانی، لە کاتی بەشداریکردنی لە ماوەی هەواڵی نووڕۆژی رادیۆ و تەلەڤزیۆنی رووداو رایگەیاند " رێککەوتننامەی نێوان یەکێتی نیشتمانی کوردستان و بزووتنەوەی گۆڕان تەواوبووە و ئەمڕۆ نێوەڕۆ لە ماڵی مام جەلال تاڵەبانی لە دەباشان واژۆ دەکرێت و، کاژێر 6ی ئێوارە لە شاری جوان رێککەوتنەکە رادەگەیێندرێت".

جێگری لێپرسراوی مەڵبەندی یەکی یەکێتی ئاماژەی بەوەشکرد، لە رێوڕەسمی راگەیاندنی رێککەوتننامەکە هەموو پارت و لایەنە سیاسییەکان و کەسایەتییەکان داوەتکراون و، سەرکردایەتی یەکێتی و جڤاتی گشتی و نیشتمانی بزووتنەوەی گۆڕانیش ئامادەی مەراسیمەکە دەبن، هەروەها پارتی دیموکراتی کوردستانیش داوەتی رێورەسمەکە کراوە.

زیاد جەبار گوتیشی" رێککەوتننامەکە لەلایەن کۆسرەت رەسوڵ عەلی، جێگری یەکەمی سکرتێری گشتی یەکێتی و، نەوشیروان مستەفا، رێکخەری گشتی بزووتنەوەی گۆڕان لەبەردەم مام جەلال واژۆدەکرێت و دواتر لە رێوڕەسمەکەدا رادەگەیێندرێت، کە کونسوڵی وڵاتانی بیانی لە هەرێمی کوردستان ئامادەی دەبن، رێککەوتننامەکەش دەستپێشخەرییەکی باشە بۆ باشترکردنی دۆخی هەرێمی کوردستانە و لەبەرژەوەندی خەڵکی کوردستانیشە".}

چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

بەدرخان؛ بیرەوەریی مستۆ دادار بڵاودەکاتەوە

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

پیاوێک و شارایەک بەرهەمی دەستنووس

په‌یوه‌ندی راسته‌وخۆ

گه‌ڕان

Articles

سەعدی ئەحمەد پیرە بۆ (باسنیوز): یەکێتی و گۆڕان یەک دەگرنەوە

داعش لە عێراق 45% و لە سووریا 20%ی خاکی لەدەست داوە

نرخی دراوەکان 19.5.2016

ئێران بۆ حزبوڵڵا: واز له‌ ئیسرائیل بهێنن و روو بكه‌نه‌ سعوودییه‌

مەکتەبی سیاسیی پارتی دیموکراتیی کوردستان کۆدەبێتەوە

دەمیرتاش: دەبێت پەکەکە داوای لێبوردن بکات

مانوێل مارتۆرێل بۆ (رووداو): كورد لە ساتەوەختێكی مێژوویی دایە

ناوەندی لێكۆڵینەوەی رووداو بەفەرمی رادەگەیێندرێت

محەمەدسەدیق کەبوودوەند ژیانی لە مەترسی دایە

ھەدەپە: بارزانی تاکە سەرکردەیە بتوانێ ئاوێک بە ئاگری کوردستانی باکووردا بکا

ئێران تەنیا لە مەرزی حاجی ئۆمەران ڤیزا بە هاووڵاتییانی هەرێمی کوردستان نادات

مەسرور بارزانی: نابێت بەرژەوەندیی تەسکی حزبی بەربەست بۆ سەربەخۆیی دروست بکات

بۆچی پێش سایکس- پیکۆ کوردستان نەبووە دەوڵەت؟

بارزانی و وەزیری ئیتڵاعاتی ئیران كۆبوونەوە

رێککەوتننامەی گۆڕان و یەکێتی لەبەردەم مام جەلال واژۆ دەکرێت

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM