<sup>بەپێی ڕاپۆرتێکی هێرانا، ماڵپەڕی چالاكانی مافی مرۆڤی ئێران، بەرەبەیانی دوێنێ یەكشەممەی 16بەندکراو لە گرتووخانەکانەکانی ئێران لەسێدارە دراون.

لە راپۆرتەكەی ھێرانادا ھاتووە؛ یەكێك لەو بەندکروانەی دوێنێ لەسێدارە دراوە، ژن بووە، هاوکات بەگوێرەی زانیارییەکان تەنیا توانراوە شوناسی دوو لەو کەسانە بە ناوەکانی سەعید سابری و موسلم بەهرامی پشتڕاست بکرێنەوە.

رۆژی شەممەی ڕابردوو 4 بەندکراو لە نەدامەتگا، 4 بەندکراو لە گرتووخانەی تارانی گەورە، بەندکراوێک لە قزڵحەسار، بەندکراوێکیش لە بەندیخانەی كەرەج و ژنێكیش كە دیار نییە لە چ بەندیخانەیەک گواستراوەتەوە، لە گرتووخانەی قزڵحەسار لەسێدارە دران.

بە گوتەی بەرپرسانی ئێران ئەو كەسانە بە تۆمەتی بازرگانی بە مادە هۆشبەرەکان لەسێدارە دراون، ئەوە لە کاتێک دایە بەگوێرەی زانیارییەکان هەر دوێنی پێنج بەندکراوی دیکەش لە بەندیخانەکانی کەرەج و بیرجەند لەسێدارە دراون، بەو شێوەیە کۆی ئەو کەسانەی لەسێدار دراون گەیشتووتە 16 کەس.

تۆمەتی زۆربەی ئەو كەسانەی لە ئێران لەسێدارە دەدرێن، بازرگانیکردنە بە مادەی هۆشبەر و بەشیکیشیان بە تۆمەتی بیر و باوەڕی سیاسیی و كوشتن لەسێدارە دەدرێن.</sup>

^18/7/2016

^{بەتۆمەتی پشتگیریكردن لە هەوڵی كودەتا سەربازییەكە، لە شاری ئێلهێی باكووری كوردستان 42 پۆلیس دەستگیركران.}

^{لە هەڵمەتی دەستگیركردنی ئەوانەی پشتیوانی كودەتایان كردووە، كاژێر 22:00ی شەوی یەكشەممە 17/7/2016، پۆلیسی تیمی تایبەت لە شاری ئێلهێ 42 پۆلیسیان دەستگیركرد.}

^{میدیاكانی توركیا هەواڵەكەیان پشتڕاستكردەوە و رایانگەیاند، پۆلیسە گیراوەكان بەتۆمەتی "پشتیوانی كودەتاكەی 15ی تەمموز و لایەنگری فەتحوڵڵا گولەن" دەستگیركراون.}

^{شەوی 15-7-2016 بەشێک لە سوپای تورکیا کودەتایەکی سەربازی ئەنجامدا و كۆشكی سەرۆكایەتی كۆماری توركیا و بینای پەرلەمان لە ئەنقەرە، لەلایەن كودەتاچییەكانەوە بۆردوومانکران.}

^{دوای چەن کاژێرێک و هاتنە سەر شەقامی خەڵک لەوەڵامی داواکاری رەجەب تەیب ئەردۆغان، توانرا کودەتاکە شکست پێبهێنرێت و زۆربەی کودەتاچییەکان دەستگیر بکرێن.}

^{بەپێی دوایین ئاماری لایەنە فەرمییەكانی توركیا، بەهۆی هەوڵی كودەتاكەی ئێوارەی رۆژی هەینی 15-7-2016، 161 هاووڵاتی و پۆلیسی دژە كودەتا و، 104 كەس لە ئەنجامدەرانی كودەتاكە كوژراون، ژمارەی بریندارانیش لە هەردوولا زۆرتر لە هەزار و 400 كەس دەبێت، 6 هەزار كەسیش دەستگیركراون.}

^{هەروەها بە فەرمانی وەزیری ناوخۆی تورکیا، 34 فەرماندەی سوپا، لەنێویاندا 5 ژەنەراڵ و 29 ئەفسەر بە پلەی کۆڵۆنێل لەکارلادراون. 40 دادوەری نوێش بۆ لێکۆڵینەوە لە کەیسی رووداوەکە راسپێردراون.}

^18/7/2016

^{فەرماندەی هێزی دەریایی سوپای پاسدارانی ئێران رایگەیاند، عەرەبستانی سعودیە یا وڵاتانی دیکەی ئەنجوومەنی هاوکاری کەنداوی فارس، توانای هەڕەشەکردنی سەربازییان لە ئێران نییە، دوژمنی سەرەکی کۆماری ئیسلامی ئێران ئەمریکایە نەک عەرەبستانی سعودی.}

^{دەریاوان عەلی فەدەوی، فەرماندەی هێزی دەریایی سوپای پاسدارانی ئێران رۆژی شەممە 16-7-2016 لە کۆبوونەوەیەکدا رایگەیاند، ئەگەر پێویست بکات، دەتوانین وەها زیان بە سعودییە بگەیەنین کە قەرەبوو نەکرێتەوە. رۆژانە زیاتر لە 100 بەلەمی سوپای پاسداران لەسەر ئاون و، جگە لە بەلەمی ئەمریکی و رۆژئاوایی هیچ بەلەمێکی دیکەمان لەسەر ئاو نەبینیوە و، هیچ کاتێک کەشتییەکانی سعودیە لە ئاوەکانی خۆیان نەهاتوونەتە دەرەوە.}

^{فەرماندەی هێزی دەریایی سوپای پاسداران هەروەها دەڵێ "هیچیەک لە وڵاتانی ئەندام لە ئەنجوومەنی هاریکاریی کەنداوی فارس توانای هەڕەشەکردنی لە ئێران نییە و، خۆشیان ئەمە بە باشی دەزانن".}

^{ناوبراو لە بەشێکی دیکەی قسەکانی رایگەیاند " گۆڕینەوەی شوێنی سعودیە و ئەمریکا لەگەڵ یەکدی وەکو دوژمنی ئێران، پلانی بۆ داڕێژراوە و ئەمریکا، ئیسرائیل و سعودییەکان بەدوای ئەم بابەتەوەن".}

^{پەیوەندی نێوان ئێران و سعودییە لە ساڵانی دواییدا ساردیی تێکەوتووە، پاش کۆچی دوایی مەلیک عەبدوڵڵا و هاتنە سەر کاری مەلیک سەلمان بن عەبدولعەزیز، پەیوەندییەکانی نێوان هەردوو وڵات زیاتر ئاڵۆز بوو. سعودیە بە بەردەوامی ئێران بە دەستتێوەردان لە ناوچەکە و نانەوەی ئاژاوە تۆمەتبار دەکات.}

^{بەمدواییە تورکی فەیسەڵ، سەرۆکی پێشووی دەزگای هەواڵگری سعودییە لە کۆنفرانسی ئەندامانی موجاهیدینی خەلقی ئێران لە پاریس بەشداری کرد، لە گوتەکانیدا رەخنەی لە کارەکانی حکومەتی کۆماری ئیسلامی ئێران گرت و، بە پێوستی زانی کۆماری ئیسلامی ئێران بڕوخێندرێت، ئەمەش کاردانەوەی تووندی بەپرسانی باڵای ئێرانی لێکەوتەوە.}

^17/7/2016

^{ئاڵۆزییەکانی نێوان باکووری کوردستان و تورکیا کاریگەری لەسەر ئاڵوگۆڕە بازرگانییەکانی نێوان باشووری کوردستان و تورکیا دەکەن، کەچی تەنانەت لە ساتی ئەنجامدانی کودەتا سەربازییەکەی تورکیاش جموجۆڵە بازرگانییەکان نەوەستان.}

^{لەبارەی کاریگەرییەکانی هەوڵی کودەتای سەربازی لەسەر دەروازە سنوورییەکانی نێوان تورکیا و باشووری کوردستان و جموجۆڵی بازرگانی لەو دەروازانەوە، ئەیوب نەسری، پەیامنێری تۆڕی میدیایی رووداو لە دهۆک رایگەیاند " جموجۆڵی بازرگانی لەنێوان تورکیا و باشووری کوردستان هەروەکو خۆی بەشێوەیەکی ئاسایی بەڕێوەدەچێت، چونکە هەوڵی کودەتایەکە لە ئەنقەرە و ئیستەنبوڵ درا، کاریگەری لەسەر دەروازە سنوورییەکان نەبوو"}

^{بەپێی لێدوانێکی بەڕێوەبەرایەتیی کۆمەڵگەی نێودەوڵەتی ئیبراهیم خەلیل، تەنانەت لە ساتی ئەنجامدانی کودەتاکەش هاتن و چوون بەشێوەیەکی ئاسیی بووە، بەڵام بەر لە کودەتاکە ئاڵۆزییەکانی باکووری کوردستان، شەڕی نێوان هێزەکانی سوپای تورکیا و گەریلاکانی پارتی کرێکارانی کوردستان (پەکەکە)، کاریگەرییان کردبووە سەر دەروازەی ئیبراهیم خەلیل.}

^{هەر بەپێی گوتەی بەرپرسانی کۆمەڵگەی نێودەوڵەتی ئیبراهیم خەلیل، لە ماوەی مانگی رابردوودا بەهۆی ئاڵۆزییەکانی باکووری کوردستان، زیاتر لە 85% هاتن و چوونی گەشتیار و ئاڵوگۆڕی بازرگانی و لە سنوورە کەمبووەتەوە، بەڵام هەوڵی سوپای تورکیا بۆ کودەتا دژی حکومەت و دەسەڵای تورکیا هیچ کاریگەرییەکی نەبوو.}

^17/7/2016

^{ئاژانسەکانی هەواڵ بڵاویانکردەوە، لە رووداوەکەی شاری نیسی فەرەنسا کچێکی کورد بەناوی شیلان تاوەكو ئێستا بێسەروشوێنە و تەنها جانتاکەی دۆزراوەتەوە.}

^{هێشتا هەواڵی نوێ لەسەر رووداوەکەی شاری نیس بڵاودەکرێنەوە، رۆژنامەیەکی ئەڵمانی بڵاویکردووەتەوە کچێکی کورد بەناوی شیلان، کە لە بەرلینی پایتەختی ئەڵمانیا نیشتەجێیە و تەمەنی 19 ساڵە، لەگەڵ چەند هاوڕێیەکی چووەتە شاری نیس لە فەرەنسا و لەو رۆژەوە هیچ هەواڵێکی نییە و تەلەفۆنی داخراوە.}

^{بەگوێرەی ئەو زانیارییانەی لە رۆژنامە ئەڵمانییەکەدا بڵاوکراونەتەوە، کچەکە ناوی شیلانە و خوێندکارە، پۆلیس تەنها جانتاکەی دۆزیوەتەوە و گەڕاندوویەتییەوە بۆ خانەوادەکەی.}

^{پۆلیسی فەرەنساش بڵاویکردووەتەوە، تاوەكو ئێستا لەو رووداوەدا 84 کەس گیانیان لەدەستداوە و ناسنامەی 16 کەسیان دیارنییە، لەگەڵ برینداربوونی 202 کەس.}

^{لەنێو بریندارەكانیشدا هەندێک کەس نەناسراونەتەوە، بۆیە پێشبینی دەکرێت لەنێو ئەو کەسانە دابێت، کە هێشتا ناسنامەیان دیارنییە.}

^17/7/2016

<sup>له‌ نوێترین ئاماردا، كه‌ میدیا فه‌رمییه‌كانى توركیا بڵاویان كردووه‌ته‌وه‌، له‌ ئه‌نجامى هه‌وڵى كوده‌تا له‌و وڵاته‌، تائێستا 90 كه‌س كوژراون و 1154 برینداریش هه‌یه‌، هاوكات 1563 ئه‌ندامى سوپا كه‌ له‌گه‌ڵ ئه‌و لایه‌نه‌دا بوون كوده‌تایان ئه‌نجامدا، ده‌ستگیر كراون.

ئاژانسى هه‌واڵیی"ئه‌نادۆلۆ"ـى توركى، بڵاویكرده‌وه‌، كه‌ ژماره‌ى كوژراوه‌كانى كوده‌تا سه‌ربازییه‌كه‌ گه‌شته‌ 90 كه‌س و برینداره‌كانیش 1154 كه‌س ده‌بن.

هاوكات، داواكارى گشتى ویلایه‌تى قه‌رقلر ئیلی، له‌ باكوورى رۆژئاواى توركیا، له‌چوارچێوه‌ى هه‌وڵى كوده‌تا، فه‌رمانى گرتنى بۆ جه‌نه‌ڕاڵ به‌كر كۆجاك، فه‌رمانده‌ى لیواى 55ى پیاده‌ ده‌ركرد.

دواى فه‌رمانكه‌، ئه‌مین ئاكاى، به‌ڕێوه‌به‌رى هه‌واڵگرى ویلایه‌ته‌كه‌وه‌ به‌هاوڕێیه‌تى ئیلیاس یاووز، جێگرى داواكارى گشتى، له‌ باره‌گاى لیوا، جه‌نه‌ڕاڵه‌كه‌یان، ده‌ستگیر كرد.

شه‌وى رابردوو هه‌وڵی كوده‌تا له‌ توركیا درا، كه‌ زۆرێك له‌ جاده‌كانى ئه‌نقه‌ره‌ له‌لایه‌ن ئه‌و به‌شه‌ى نێو سوپا كه‌ كوده‌تاكه‌یان ئه‌نجامدا، كۆنترۆڵ كرا، به‌ڵام دواتر، ره‌جه‌ب ته‌یب ئه‌ردۆگان، سه‌رۆك كۆمارى توركیا، شكست پێ هێنانى كوده‌تاكه‌ى، راگه‌یاند.</sup>

^16/7/2016

^{وەزیری دەرەوەی ئێران نیگەرانی خۆی لە رووداوەکانی تورکیا دەربڕی و رایگەیاند: "کودەتا لە ناوچەکەی ئێمە هیچ جێگایەکی نییە".}

^{رۆژی شەممە 16-7-2016 محەممەد جەواد زەریف وەزیری دەرەوەی ئێران لە ئەکاوەنتی تایبەتی خۆی لە تۆڕی کۆمەڵایەتی توویتەر سەبارەت بە رووداوەکانی تورکیا رایگەیاند: "پارێزگاریکردنی ئازایانەی خەڵکی تورکیا لە دیموکراسی و حکومەتی هەڵبژێردراوی خۆیان، سەلماندی کە کودەتا لە ناوچەکەی ئێمە هیچ جیگایەکی نییە و مەحکومە بە شکستهێنان".}

^{لەلایەکی دیکەوە عەلی شەمخانی سکرتێری ئەنجوومەنی باڵای ئاسایشی نیشتمانی ئێران سەبارەت بە رووداوەکانی تورکیا رایگەیاند: "بە وردی و بە نیگەرانییەوە رووداوەکانی تورکیامان خستووەتە ژێر چاودێری خۆمان و ناسەقامگیری لەو وڵاتە بە تێکدانی ئاسایش و ئارامی خەڵک دەزانین".}

^{عەلی شەمخانی هەروەها گوتی: "تەواوی سنوورە وشکانی و ئاسمانییەکانی هاوبەشی نێوان ئێران و تورکیا لە ژێر کۆنترۆڵماندایە".}

^{وەزارەتی دەرەوەی ئێران لە راگەیێندراوێکدا داوای لە گەشتیارانی ئێرانی کرد"شوێنی مانەوەی خۆیان جێنەهێڵن و تاوەکو ئاگادارکردنەوەی دواتر بەشداریی هیچ کۆبوونەوەیەکی جەماوەری نەکەن و هۆشدارە ئەمنییەکانی بەرپرسانی ئەمنی تورکیا بە جیددی وەربگرن".}

^{هەروەها رەزا جەعفەر زادە، گوتەبێژی رێکخراوی فڕۆکەوانی ئێران لە لێدوانێکدا بۆ ئاژانسی هەواڵی فەرمی ئێران، ئیرانا رایگەیاند: "بەو دۆخەی ئێستا لە تورکیا هاتووەتە پێش و تاوەکو دڵنیایی لە هەبوونی ئاسایش و ئەمنیەت، هیچ گەشتێکی ئاسمانی لە ئێرانەوە بۆ تورکیا ئەنجام نادرێت".}

^16/7/2016

^{سەرەتا سەربازانی سوپای تورکیا لە هەردوو پردی بۆسفۆر و سوڵتان ئەحمەد، کە بەشە ئاسیاییەکەی ئیستەنبوڵ دەبەستنەوە بە بەشە ئەوروپییەکەیەوە بڵاوەیان پێکرا. پاشان ژمارەیەک فڕۆکە بە ئاسمانی ئەنکەرەدا دەستیان بە سوڕانەوە کرد.}

^{بەدیلگرتنی سەرۆکی ئەرکانی سوپای تورکیا لەلایەن ژمارەیەک ئەفسەری پلەباڵای سوپاوە، گڵۆپی سەوزی کودەتاکەی داگیرساند و پاشان دەستبەسەر کەناڵی فەرمی حکومەتی تورکیادا گیرا.}

^{کودەتاچییەکان کە خۆیان بە ئەنجوومەنی ئاشتی سوپای هێزە چەکدارەکانی تورکیا ناساند، لە رێگەی تەرەتەوە، پەیامێکیان بڵاوکردەوە و رایانگەیاند: "بۆ پاراستنی دیموکراسی و پێکەوەژیان و ئازادی تورکیا دەستیان بەسەر تەواوی دەسەڵاتەکانی تورکیادا گرتووە".}

^{هەروەها راشیانگەیاند، هەموو ئەو کەسانەی کە تورکیایان گەیاندووە بەم رۆژە، دەبرێنە بەردەم دادوەر و بە سزای خۆیان دەگەیێندرێن و لە داهاتوویەکی نزیکدا دەستوورێکی فرەلایەن دەنووسنەوە.}

^{لەم نێوەندەدا، رەجەب تەیب ئەردۆغان، سەرۆککۆماری تورکیا لە رێگەی تەلەفۆنەوە پەیوەندی بە کەناڵی سی ئێن ئێن تورکەوە کرد و داوای لە گەلی وڵاتەکەی کرد کە بڕژێنە سەر شەقامەکان و دژی کودەتاکە بوەستنەوە.}

^{لەگەڵ ئەم پەیامەی ئەردۆغاندا، دەیانهەزار کەس رژانە سەر شەقامەکان و خۆپیشاندانیان سازکرد، ئەمەش بوو بەهۆی دروستبوونی پێکدادان لە نێوان سەربازانی سوپا و خەڵکی سڤیل لەلایەک و سەرباز و پۆلیس لەلایەکی دیکەوە و سەدان سەرباز کە بە فەرمانی کودەتاچییەکان دەجوڵانەوە دەستگیر کران.}

^16/7/2016

^{بەهۆی رەوشی تورکیا و ئەنجامدانی کودەتای سەربازی دژی حکومەت لەلایەن بەشێکی سوپا، سەرەڕای ئەوەی شەوی رابردوو باڵەخانەی پەرلەمانی تورکیا بۆردوومان کرا، بەڵام ئەمڕۆ کۆبوونەوەیەکی نائاسایی تێدا ئەنجامدرا، وەزیری دادی ئەو وڵاتەش رایگەیاند : دەستمان بە لێکۆڵینەوە کردووە لەگەڵ ئەو سەرباز و ئەفسەرانەی کودەتاکەیان ئەنجامداوە.}

^{رۆژی شەممە 16-7-2016 پەرلەمانی تورکیا بە سەرۆکایەتی ئیسماعیل قەهرەمان، سەرۆکی پەرلەمانی تورکیا کۆبوونەوەیەکی نائاسایی ئەنجامدا، بەکر بوزداغ، وەزیری دادی تورکیا لە پەرلەمانی وڵاتەکەی گوتارێکی پێشکەش کرد و رایگەیاند: درێژە بەو دەسەڵاتە دەدەین کە گەل پێیداوین... پەرلەمانی تورکیا نوێنەری راستەقینەی تەواوی گەلە و دژی ئەو هەوڵە نامۆیەین کە لایەنە تیرۆرستییەکان ئەنجامیان داوە".}

^{لەبارەی خۆپیشاندانی خەڵکی تورکیا دژی کودەتا سەربازییەکە، وەزیری دادی تورکیا گوتی " وەکو چۆن گەل هاتە سەر شەقام و تاوەکو ئێستاش لەسەر شەقامن، ئێمەش بەهەموو شێوەیەک بەرەنگاریان دەبینەوە، دروود بۆ ئەو کەسانەی لە ماوەی 24 کاژێری رابردوودا شەهید بوون".}

^{بەکر بوزداغ، هەروەها ئاشکرای کرد " ئێمە وەکو وەزارەت دەستمان بە لێکۆڵینەوە کردووە لەگەڵ ئەو سەرباز و ئەفسەرانەی دەستگیریمان کردوون و پرۆسەی دەستگیرکردن بەردەوام دەبێت، بەپێی ئەو زانیاریانەی بەدەستمان گەیشتوون زیاتر لە 754 سەرباز و ئەفسەر دەستگیرکراون".}

^{بەپێی گوتەی وەزیری دادی تورکیا " رەجەب تەییب ئەردۆغان، سەرۆک کۆمار و بیناڵی یڵدرم، سەرۆک وەزیرانی تورکای بەوردی بەدواداچوون بۆ چالاکییەکان دەکەن، ئێمەش لە پەرلەمان بەردوام دەبین، دەبێت بزانین سینارۆکە چۆن بوو؟ لەکوێ دەستی پێکرد؟ هێزە ئاسمانییەکان چۆن توانیان ئامانجەکانیان بپێکن و بۆردوومان بکەن و تورکیا خەڵتانی خوێن بکەن ".}

^{بەکر بوزداغ، وەزیری دادی تورکیا جەختی کردەوە " ئەوەی مایەی دڵخۆشییە پارت و رێکخراوەکان و ریکخراوە مەدەنییەکانیش رۆڵی باشیان گێڕا لە باشترکردنەوەی رەوشەکە"، گوتیشی " لەماوەی چەند کاژێرێکدا زیانێکی ماددی و گیانی زۆر بەر تورکیا کەوت، بەڵام تاوەکو ئێستا دەسەڵات و پەرلەمان ماون و گەلی تورکیا ماوە و لەسەر پێ وەستاون، ئێمەش زیاتر چاوکراوە دەبین بۆ ئەوەی کەس نەتوانێت شتێکی دیکەی هاوشێوە دووبارە بکاتەوە".}

^{گوتەکانی وەزیری دادی تورکیا لەکاتێکدان، رۆژی 15-7-2016 بەشێک لە سەرباز و ئەفسەرانی تورکیا کودەتایەکی سەربازیان ئەنجامدا، دوای ئەوەی دەستیان بەسەر کەناڵی فەرمی تەلەڤزیۆنی تورکیادا گرت لە پەیامێکدا رایانگەیاند " ئامانجی کودەتاکە بۆ گەڕانەوەی دیموکراسیەتە لە تورکیا"، بەڵام دوای ئەوەی ئەردۆغان داوای لە خەڵکی وڵاتەکەی کرد بڕژێنە سەر شەقام و دژی کودەتاجییەکان بوەستنەوە، دەیان هەزار کەس چوونە سەر شەقامەکان و ژمارەیەک لەو ئەفسەر و پۆلیسانەیان دەستگیرکردن کە کودەتاکەیان ئەنجامدابوو.}

^16/7/2016

<sup>هونەرمەندێكی ناسراوی ئێرانی؛ رایگەیاندووە كە كوردەكان بەهۆی ئازایەتی و تێكۆشانیان دەگەنە ئامانجی خۆیان كە سەربەخۆییە و ناوچەكانیان سەقامگیری بەخۆیەوە دەبینێت.

داریووش ئیقباڵی هونەرمەندی ناسراوی ئێرانی کە لە دەرەوەی وڵاتە لە لێدوانێكی تەلەفزیۆنیدا رایگەیاند كە بۆ ئازیزانی كورد و شەهیدانی كورد و خەباتگێڕانی كورد؛ ئایندە بۆ كوردەكانە.

هونەرمەند داریۆش ئاماژەی بەوەش كردوو كە خۆڕاگری و بەرخودان و تێكۆشانی گەلی كورد و دووربینییان؛ دەیانگەیەنێتە خەونی مێژوویی خۆیان كە سەربەخۆییە.

داریۆش دەشڵێت: رۆژێك هەر دەگەنە ئامانجی خۆیان و لە مێژوودا كوردەكان هەمیشە تێكۆشاون بۆ سەربەخۆیی خۆیان.

هونەرمەندە ناودارەكەی ئێرانی هیوای خواست كە رۆژێك ئازادی و ئاسایش و سەقامگیری لە ناوچە كوردییەكان و سەتاسەری ئێران بەدی بێت و بگەنە سەربەخۆیی خۆیان.</sup>

https://youtu.be/zFfBo7jsGgI

^15/7/2016