^{شەوی هەینی 22-7-2016، گەنجێکی 18 ساڵانی ئەڵمانی بەڕەگەز ئێرانی هێرشی چەکداریی کردە سەر بازاڕێکی شاری میونشن و تەقەی لەو خەڵکە کردکە لە دەورووبەری فرۆشگای ماکدۆناڵدز کۆبووبوونەوە. لە ئەنجامدا 9 کەس کوژران و 16ی دیکەشی بریندار کرد، دواتریش خۆی کوشت.}

^{بەڕێوەبەری پۆلیسی ویلایەتی باڤاریا لە کۆنفرانسێکی رۆژنامەڤانیدا رایگەیاند: "بە گوێرەی لێکۆڵینەوەکان ئەوە دەردەکەوێت، هێرشکەرەکە بە تەنیا بەم کارە هەستاوە و هیچ کەس هاوڕێیەتیی نەکردووە. هاوکات تا ئێستا دیار نییە کە چی پاڵی پێوە نابێت تا بەم کارە هەستێت".}

^{تەقەکەرەکە، کە دوای 2 کاژێر و نیو تەرمەکەی دۆزرایەوە، لای پۆلیس کەسێکی ناسراو نییە و بە گوێرەی قسەی پۆلیس هیچ بەڵگەیەکیش نییە لەسەر ئەوەی کە پەیوەندیی بە گرووپە "تیرۆریستی"یەکانەوە هەبێت.}

^{هوبێرتوس ئاندریا، بەڕێوەبەری پۆلیسی میونشن گوتی: "تەرمی کەسێک دۆزراوەتەوە، کە وا دەردەکەوێت تەرمی هێرشکەرەکە بێت و خۆی کوشتبێت. ئەو گەنجێکی 18 ساڵەی ئەڵمانیی بەڕەگەز ئێرانییە و دانیشتووی میونشنە. بەپێی لێکۆڵینەوەکان هیچ بەڵگەیەک نییە کە کەسانیتر لەم کارەدا بەشدار بووبن. بەکەسە گومانلێکراوەکەوە 10 کەس کوژراون، 21 کەس رەوانەی نەخۆشخانە کراون، 16یان لەوێ ماونەتەوە، باری 3 کەسیان ناجێگیرە."}

^23/7/2016

ئەمڕۆ پێنجشەممە مەسعود بارزانی سەرۆكی هەرێمی كوردستان لە هەژماری خۆیدا لە تۆڕی كۆمەڵایەتی تویتەر پۆستێكی لەبارەی چاوپێكەوتنی لەگەڵ ئاندرێ ڤالان وەزیری دەوڵەت بۆ كاروباری پەرەپێدانی نێودەوڵەتیی فەڕەنسا بڵاوكردەوە.

^{لە پۆستەكەی سەرۆكی هەرێمی كوردستاندا هاتووە كە سوپاسی خۆی بەو وەزیرەدا بۆ فرانسوا هۆلاند سەرۆكی فەرەنسا ناردووە، لە بەرانبەر ئەو پشتگیرییانەی وڵاتەكەی لە هه‌رێمی كوردستانی دەكات.}

^{ئەمڕۆ پێنجشەممە مەسعود بارزانی سەرۆكی هەرێمی كوردستان پێشوازی لە ئاندرێ ڤالینی وەزیری دەوڵەت بۆ كاروباری پەرەپێدانی نێودەوڵەتیی فەڕەنسا و شاندێكی یاوەری كرد كە پێكهاتبوو لە ئاڵان گیبغات كونسوڵی فەڕەنسا لە هەولێر و ژمارەیەك ڕاوێژكار و یاریدەدەری وەزیری دەوڵەت بۆ پەرەپێدانی نێودەوڵەتیی فەڕەنسا.}

^{لە دیدارەكەدا بارزانی سوپاسی گەل و حكوومەتی فەڕەنسای كرد كە پاڵپشت و هاوسۆزی گەلی كوردستان بوونە و سوپاسی سەرۆك هۆڵاندیشی كرد كە لە كاتێكی هەستیار و لەو كاتەی كوردستان لەشەڕدا بوو سەردانی هەرێمی كوردستانی كردووە و ئەوەیش مانایەكی زۆر تایبەتی هەیە و گەلی كوردستان لەبیری ناكات.}

^{بارزانی سەرەخۆشیشی لە كەسوكاری قوربانیانی ڕووداوە تیرۆریستییەكەی شاری نیس كرد و ڕایگەیاند ئەو ڕووداوە بە ڕوونی پێشان دەدات كە تیرۆر دوژمنی هەموو لایەكە و هەڕەشەیشە بۆ سەر هەموو جیهان.}

^22/7/2016

<sup>فەرماندەی سوپای پاسدارانی ئێران "دوژمنی یەکەم"ی وڵاتەکەی ئاشکرا دەکات.

محەمەد عەلی جەعفەری، فەرماندەی سوپای پاسدارانی ئێران رۆژی پێنجشەممە 21ـی تەمموزی 2016 لە گوتەیەکدا بۆ ژمارەیەک فەرماندەی هێزی دەریایی سوپای پاسداران رایگەیاند، دوژمنەکانی ئێران و "شۆڕشە ئیسلامییەکەی" هەموو هەوڵێک دەدەن بۆ نانەوەی ئاژاوە لە ئێران.

لەکاتێکدا سیاسییەکانی ئێران خۆیان دوور دەگرن لە ناوهێنانی سعودیە وەک دوژمن بە ئاشکرا، محەمەد عەلی جەعفەری لە گوتەکەیدا سعودیەی بە "دوژمنی یەکەم"ی وڵاتەکەی داناوە و رایگەیاندووە، "سعودیە و ژمارەیەک دەوڵەتی دیکە بەڕوونی دوژمنی ئێرانن".

پێشتر هێزەکانی پێشمەرگەی حزبی دیموکراتی کوردستانی ئێران لە قوڵایی خاکی کوردستانی رۆژهەڵاتەوە رووبەڕووی سوپای ئێران بوونەوە و پشێوییەکی زۆر لەو بەشەی کوردستان دروست بوو، دواتر فەرماندە سەربازییەکانی ئێران رایانگەیاند، کە کونسوڵخانەی سعودیە لە هەرێمی کوردستان لە پشت ئەو پشێویانەی کوردستانی رۆژهەڵاتە.</sup>

^22/7/2016

^{پێچەوانەی بەرپرسانی حکومی ئێران، کە دەڵێن رێککەوتنی ئەتۆمی ئێران و رۆژئاوا بووژانەوەی کەرتی ئابووریی و پیشەسازی ئەو وڵاتەی لێدەکەوێتەوە، پەرلەمانتارێکی کورد دەڵێت، ئەو رێککەوتنە بووەتە ناوەندی قەیران لە کەرتەکانی پیشەسازی و بەرهەمهێنان و رەوتی گەشەکردنی پارێزگا گەشەنەکردووەکانی زیاتر لە رابردوو دواخستووە.}

^{ئەحسەن عەلەوی، نوێنەرێکی سنە لە پەرلەمانی ئێران پێشبینی دەکا، لەساڵانی داهاتوودا دۆخی قەیراناوی بەرهەمهێنان و پیشەسازی لە ئێران قوڵتر بێتەوە و ئەنجامەکانی زیاتر دەرکەون.}

^{بەگوتەی عەلەوی، چوار هەزار کرێکار و فەرمانبەر لە کەرتی پیشەسازی ئێران دەرکراون و زۆریەک لە کارخانەکانیش داخراون.}

^{ئەو دەڵێت کاریگەری ئەو دۆخە لەسەر پارێزگا بێ بەش و گەشەنەکردووەکانی وەک سنە چەند بەرابەر زیاتر کاریگەری نەرێنی دەبێت.}

^{ئەحسەن عەلەوی ئاماژەی بەوەشداوە بەهۆی سیاسەتە هەڵەکانی حکومەت، کەرتی کشتوکاڵی پارێزگای سنە مەترسی لەسەرە. دەشڵێت "ئاوی پارێزگای سنە بۆ ناوچەکانی دیکە دەگوازرێتەوە بەڵام بەشێکی زۆر باخ و زەوی و زارەکانی خۆی ئەو پارێزگایە بەهۆی کەمئاوی وشکبوونە".}

^{عەلەوی هەروەها رەخنە لە حکومەتی ئێران دەگرێت "کە نەیتوانیوە چارەسەرێک بۆ کێشەی بێکاری بدۆزێتەوە. دەشڵێت، لەنێو 189 وڵاتی جیهان، ئێران لەڕووی ئاسانکاری بۆ دابینکردنی هەلی کار لە پلەی 118ـیەمدایە. ئەوەش بە نیشانەیەک بۆ باشنەبوونی رەخساندنی هەلی کار لەو وڵاتە لەقەڵەمدەدات.}

^{ئەو پەرلەمانتارە كوردە رەخنە لە وەزیری کاری ئێرانیش دەگرێت و دەڵێت، وەزیری کار بە جۆرێک باسی بێکاری دەکات وەک ئەوەی نەزانێ کە هۆکاری بێکاری خەڵک خۆی حکومەتە.}

^22/7/2016

^{کودەتا سەرنەکەوتووەکەی تورکیا، دەرفەتی داوەتەوە رووسەکان تاوەكو جارێکی دی سیاسەتی نێودەوڵەتی و ناوچەیی ئەو وڵاتە بخەنە ژێر پرسیارەوە.} هەرچەندە مۆسکۆ بە زمانێکی نەرم و سیاسییانە دژایەتی کودەتاکەی کرد، بەڵام هەرچۆنێک بێت، بەرژەوەندییە ئابوورییەکانی لەگەڵ حەوتەمین هاوبەشی بازرگانیی، وا دەخوازێت حکومەتێکی دیموکرات و هەڵبژێردراو لە ئەنقەرە حوکمڕانی بکات.

^{ئادالبی شخاگۆشێڤ، ئەندامی پەرلەمانی رووسیا بۆ کاروباری پەیوەندییە نێودەوڵەتییەکان دەڵێت "ئێمە زۆر جار گوتمان پێویستە تورکیا کێشەلەگەڵ دراوسێکانی دروست نەکات، بەڵام کێشەی زۆری دروست کرد، ئەوە کاریگەری هەبوو لەسەر کاروباری ناوخۆی تورکیا. دەبێت بزانین کە مەرج نییە هەموو جارێک ئەنجامی کودەتا ببێتە دڵخۆشی بۆ ئەردۆغان،ئەوە پێنجەمین هەوڵی کودەتایە لەتورکیا".}

^{یوری ماباشێڤ، پسپۆڕ لە کاروباری تورکیا دەڵێت "لە کاژێری یەکەمی کودەتاکە رووسیا هەوڵوێستی خۆی بۆ تورکیا راگەیاند. ئەوە دەبێ رووسیا بزانێت ئەو کودەتایە سەردەکەوێت یان نا، ئەوەش نیشانەی ئەوەیە مۆسکۆ نایەوێت حکومەتی ئێستای تورکیا لەدەست خۆی بدات و کودەتا لە تورکیا لەبەرژەوەندیی رووسیا نییە".}

^{بەپێی ئامارە فەرمییەکان ساڵانە زیاتر لە سێ‌ ملیۆن رووسی سەردانی تورکیا دەکەن. خەڵکی رووسیا بەبێ لەبەرچاوگرتنی بەرژەوەندییە سیاسی و ئابوورییەکانی کێرملین، دەیانەوێت تورکیایەکی ئارام و سەقامگیر ببینن.}

^{شەقام و دەسەڵاتی رووسیا هەردووک دژی کودەتاکەی تورکیا دەرکەوتن، بەڵام بەپێچەوانەی خەڵک، دەسەڵاتدارانی مۆسکۆ بەوە دڵخۆشن کە کودەتا شکستخواردووەکە بۆ ماوەیەک ئەنقەرە دەباتەوە نێو کێشە ناوخۆییەکانی خۆی، کە توانای رۆڵگێڕیی ناوچەیی نامێنێت.}

^22/7/2016

^{هەولێر-KDP.info- پێگەی ئەلکترۆنی ئی‌کورددەیلی نووسیویەتی کە ئەمەریکا بە گوێرەی ئەو پرۆتۆکۆڵە سەربازییەی کە لەگەڵ هەرێمی کوردستاندا واژۆی کردووە پێنج بنکەی سەربازی لە هەرێمی کوردستاندا دروست دەکات و، لەگەڵ ئەوەیشدا بۆ ماوەی ١٠ ساڵ ئەمەریکا مەشق و راهێنان بە پێشمەرگە دەکات و مووچەیشیان پێ دەدات.}

^{ڕۆژی سێشەممە ١٢/٧/٢٠١٦، بە سەرپەرشتی و ئامادەبوونی سەرۆک بارزانی، یادداشتی لێکتێگەیشتن و هاوکاریی نێوان وەزارەتی پێشمەرگە و وەزارەتی بەرگریی ویلایەتە یەکگرتووەکانی ئەمەریکا، لەلایەن کەریم شنگالی وەزیری پێشمەرگە بە وەکالەت و ئێلیزا سلۆتکین جێگری وەزیری بەرگریی ویلایەتە یەکگرتووەکانی ئەمەریکا، ئیمزا کرا.}

^{ئەم ڕێککەوتنە وەک پێگەی ئینگلیزی ئی‌کورددەیلی ڕایگەیاندووە دوای پێوەندییەکی تەلەفۆنیی نێوان سەرۆکی هەرێمی کوردستان مەسعوود بارزانی و ئاشتۆن کارتەر وەزیری بەرگریی ئەمەریکا لەدایک بوو.
بە گوێرەی پێگەی ئی‌کورددەیەلی، ئەمەریکا ٥ بنکەی سەربازی لە هەرێمی کوردستاندا دادەمەزرێنێ کە ئەمە لە چوارچێوەی ئەو پرۆتۆکۆلە سەربازییەدایە کە لە نێوان هەولێر و واشنتندا واژۆ کراوە.
پێگەکە بڵاویشی کردووەتەوە کە، بنکە سەربازییەکان دەکەونە پارێزگای هەولێر و دهۆک و دوو بنکەی سەربازی دەکەوێتە هەریر کە سەربە پارێزگای هەولێرە و یەکێکیشیان لە ئەتروش دەبێ.}

^{جگە لەوەی کە پێگەکە باسی لەوە کردووە کە ئەم پرۆتۆکۆڵە سەربازییە بۆ هەماهەنگیی نێوان هەرێم و ئەمەریکایە بە مەبەستی لەنێوبردنی داعش، بەڵام ئەوەیشی خستووەتە ڕوو کە ئەمەریکا بە گوێرەی ئەو رێککەوتنە بۆماوەی ١٠ ساڵ مەشق و راهێنان بە پێشمەرگە دەکات لەگەڵ پێدانی مووچە.}

^21/7/2016

<sup>قوربانیانی کێشەی ئاو لە شاری بۆلداجی پارێزگای چەهارمە‌حاڵی بەختیاری لە ئێران گەیشتە 180 کەس و ئەندامانی ئەنجومەنی ئەو شارەش دەستیان لە کار کێشایەوە.

شاهین فەتحی، سەرپەرستی هەڵمەتی فریاکەوتن و مانگی سووری بۆلداجی ڕایگەیاند؛ "ژمارەی قوربانیانی کیشەی بێ ئاوی لەو شارە گەیشتووەتە 180 کەس، هەر بەو هۆیەشەوە سەرجەم ئەندامانی ئەنجومەنی شاری بۆلداجی دەستیان لە کار کێشایەوە".

فەتحی بە ماڵپەرەکانی ئیرانی گوتووە؛ "بەشێک لە بریندارەکان گەیەندراونەتە نەخۆشخانە و دۆخی تەندروستیان ناجێگیرە".

خەڵکی شاری بۆلداجی ئێران لەدژی گواستنەوەی ئاو لە ناوچەی "چەغاخووری" سەوزەکێو بۆ دەشتی سپی "برووجن" دوو ڕۆژی ڕابردوو ڕژانە سەر شەقامەکانی ئەو شارە و لەدژی بەڕێوەبەرە خۆجێیەکان دروشمیان دا.

ئەو خۆپێشاندانەدا توندوتیژیی نێوان خەڵک و پۆلیسی لێ کەوتەوە و بە هۆیەوە 180 کەس بریندار بوون و کەسێکیش گیانی لەدەست داوە، هاوکات زیاتر لە 50 کەسیش دەستبەسەر کراون و بەشێک لە دامەزراوە حکوومییەکان زیانی مادییان بەر کەوتووە.

ڕۆژی ڕابردوو، سەرچاوەیەک لە چەهارمە‌حاڵی بەختیاری بە (باسنیوز)ی راگەیاند؛ خەڵکی بۆلداجی دەڵێن؛ "2 پۆلیس کوژراون و پەیوەندیی ئەنتەرنێت و تەلەفۆن لەو شارە پچڕاوە و هێزێکی زۆری ئەمنی ڕژاونەتە ناو شارەکە.

لە نامەی دەست لەکارکێشانەوەی ئەندامانی ئەنجومەنی شاری بۆلداجیدا هاتووە؛ "هۆکاری دەست لەکار کێشانەوەمان ئەو بڕیارە نامەنتقییەی بەرپرسە ئەمنییەکانە کە بە مەبەستی سەرکوتی خۆپێشاندەران هێزێکی زۆری ئەمنییانە لە ناوچەکانی دیکەوە هێناوە و لەو شارە بڵاو کردوونەتەوە".

شاری بۆلداجی سەر بە پارێزگای چەهارمە‌حاڵی بەختیارییە و لە سێ نەتەوەی تورک، فارس و لوڕ پێکهاتوون کە زۆربەی دانیشتوانی لوڕن و خۆیان بە کورد دەزانن.</sup>

^21/7/2016

^{گوته‌بێژی هه‌ده‌په‌: ماوه‌یه‌كی زۆره‌ باری نائاسایی له‌ كوردستان هه‌یه‌}

^{گوته‌بێژی فه‌رمی پارتی دیموكراتی گه‌لان (هه‌ده‌په‌) له‌باره‌ی راگه‌یاندنی باری نائاسایی له‌ سه‌رانسه‌ری توركیا بۆ ماوه‌ی 3 مانگ رایگه‌یاند، ئێمه‌ راهاتووین چونكه‌ به‌كردار ماوه‌یه‌كی زۆرە كوردستان باری نائاسایی به‌سه‌ردا سه‌پێنرابوو.}

^{ئایهان بیلگه‌ن، گوته‌بێژی فه‌رمی هه‌ده‌په‌ هه‌ڵسه‌نگاندنی له‌باره‌ی راگه‌یاندنی باری نائاسایی له‌ سه‌رانسه‌ری توركیا بۆ ماوه‌ی 3 مانگ كردو رایگه‌یاند، ماوه‌یه‌كی زۆره‌ باری نائاسایی له‌ كوردستان راگه‌یێندراوه‌و به‌كردار كاری پێكراوه‌ بۆیه‌ بۆ ئێمه‌ شتێكی نوێ نییه‌.}

^{بیلگه‌ن زیاتر گوتی "ئه‌گه‌ر كوده‌تا سه‌ركه‌وتوو بوایه‌ بێگومان باری نائاسایی راده‌گه‌یێندرا، به‌ڵام كه‌ شكستی هێنا، ئه‌م راگه‌یاندنه‌یان له‌چی بوو؟ له‌ كام وڵاتی جیهان دیموكراسییه‌ت باری نائاسایی راده‌گه‌یه‌نێت. به‌ڵام حكومه‌تی دیموكراسییه‌ت نییه‌ بۆ ئه‌وه‌ی كاری له‌گه‌ڵ بكرێت".}

<sup>گوته‌بێژی هه‌ده‌په‌ ئه‌وه‌شی گوت "ده‌ستگیركردنی به‌كۆی گرووپی فه‌تحوڵا گویله‌ن قۆناخی یه‌كه‌مه‌، ئه‌مجاره‌یان روو له‌ ئۆپۆزیسیۆن ده‌كه‌ن و ئه‌وانیش به‌م پاساوه‌ له‌ناویان ده‌به‌ن و خۆیان به‌پارێزه‌ری دیموكراسییه‌تێك ده‌ناسن كه‌ هیچ بوونی نه‌بووه‌".

رەجەب تەیب ئەردۆغان، سەرۆککۆماری تورکیا کە سەرۆکایەتی کۆبوونەوەی ئەنجوومەنی ئاسایش و ئەنجوومەنی وەزیرانی وڵاتەکەی کرد، دوای تەواوبوونی هەردوو کۆبوونەوەکە لە کۆنگرەیەکی رۆژنامەڤانیدا، درەنگانێکی شەوی چوارشەممە 20-7-2016 رایگەیاند، "لە کۆبوونەوەی ئەنجوومەنی وەزیراندا بڕیارمانداوە بە جێبەجێکردنی باری نائاسایی لە سەرتاسەری تورکیا."</sup>

^{ئەردۆغان گوتی: "سەرەتا لە کۆبوونەوەی ئەنجوومەنی ئاسایش پێشنیازمان بۆ ئەنجوومەنی وەزیران کرد کە باری نائاسایی رابگەیێنێت، پاشان لە کۆبوونەوەی ئەنجوومەنی وەزیران بڕیارماندا بە پێی مادەی 120 لە دەستوری وڵاتەکەمان، باری نائاسایی بۆماوەی 3مانگ رابگەیێنین."}

^{بە پێی ماددەی 120ی دەستوری تورکیا، باری نائاسایی لەکاتێکدا رادەگەیێندرێت کە تووندوتیژی جدی هەبێت بۆ لەباربردنی ئازادی و مافە سەرەتاییەکان، یاخود تێکدانی سەقامگیری وڵات بە مەرجێک لە شەش مانگ زیاتر نەبێت.}

^{بە پێی مادەی 121ی دەستوری تورکیاش، 119 و 120ی دەستوری تورکیاش دوای بڵاوبوونەوەی بڕیارەکەی ئەنجوومەنی وەزیران لە رۆژنامەی فەرمی بڵاودەبێتەوە و دەستبەجێ پەرلەمان کۆدەبێتەوە بۆ دەنگدان لەسەری و تێپەڕاندنی بڕیارەکە.}

^{دوای تەواوبوونی کاتی باری نائاسایی، پەرلەمان لەسەر خواستی ئەنجوومەنی وەزیران مافی ئەوەی هەیە بۆ ماوەی 4مانگی دیکە درێژی دەکاتەوە.}

^21/7/2016

<sup>ڕاوێژکاری ئەنجومەنی ئاسایشی هەرێمی کوردستان، سەرسوڕمانی خۆی لەوە دەربڕی کە ئەمریکا، کوردی بۆ کۆبوونەوەی واشنتۆن بانگهێشت نەکردووە.

ئەمڕۆ چوارشەممە 20\7\2016 لە شاری واشنتۆنی پایتەختی ویلایەتە یەکگرتووەکانی ئەمریکا، کۆبوونەوەی وڵاتانی ئەندام لە هاوپەیمانیی نێودەوڵەتی لە دژی داعش بە سەرۆکایەتیی ئەمریکا بە ڕێوە دەچێت، بەبێ ئەوەی کورد لەو کۆبوونەوەیەدا بانگهێشت کرابێت.

لەمبارەیەوە مەسرور بارزانی، ڕاوێژکاری ئەنجومەنی ئاسایشی هەرێمی کوردستان، لە پێگەی تایبەتیی خۆی لە تۆڕی کۆمەڵایەتیی (تویتەر) نووسیویەتی: ”سەیرە بۆ هاوپەیمانیی نێودەوڵەتی بە سەرۆکایەتیی ئەمریکا، کە کوردیان لە کۆبوونەوەی واشنتۆن بەشداری پێ نەکردووە“. جەختیشی لەوە کردووەتەوە کە ئەم بەشداری پێ نەکردنە لە کاتێک دایە، کورد ڕۆڵێکی سەرەکی لە شەڕی دژی داعشدا دەگێڕێت.

لە کۆبوونەوەی واشنتۆندا، لە کۆی 66 وڵاتی ئەندام لە هاوپەیمانێتیی نێودەوڵەتی، وەزیری دەرەوە و وەزیری بەرگریی 46 وڵاتی جیهان بەشدارن کە لە نێویاندا خالید عوبەیدی، وەزیری بەرگریی عێراق بوونی هەیە.</sup>

باسنیوز

^20/7/2016

<sup>یەکێک لە بەرپرسانی ئیدارەی منداڵان و مێرمنداڵانی خانەی بێنەوایانی ئێرانی ڕایگەیاند: "کچانی ژێر 18 ساڵ لە لای ئێمە بەشوو دەدرێن.”

ڕۆژنامەی "آرمان امروز" لە ژمارەی ئەمڕۆی خۆیدا ڕاپۆرتێکی لەسەر بارودۆخی خانەی بێنەوایان لە ئێراندا بڵاو کردووەتەوە کە لە بەشێکیدا لەزاری سەرۆکی ئیدارەی منداڵان و مێرمنداڵانی بێهزیستییەوە ئاشکرای کردووە کە ئەگەرچی بڕیار وایە کە کچانی بێهزیستی لە تەمەنی سەروو 18 ساڵ بەشوو بدرێن، بەڵام ئەم بڕیارە کەمتر جێبەجێ دەکرێ و کچانی ژێر 18 ساڵیش بەشوو دەدرێن."

بەپێی ئامارەکان نۆ هەزار و 300 منداڵی بێ سەرپەرەست لە ناوەندەکانی بێهزیستی (بێ نەوایان)دا دەژین.

دوایین ئامارە حکومەتییەکان باس لەوە دەکەن کە 800 هەزار منداڵی ژێر تەمەن 18 ساڵ لە ئێراندا ژیانی هاوبەشیان بۆ پێک هێنراوە کە بە بەراورد لەگەڵ وڵاتانی دیکە گەلێک زۆرە و ئێرانی خستووەتە ڕیزی وڵاتانێکی وەک بەنگلادشەوە.

پسپۆڕانی ئەم بوارە پێیان وایە هەژاریی ماڵی و فەرهەنگی یەکێک لە سەرەکیترین هۆکارەکانی هاتنە ئارای ئەم دیاردە و گەشەسەندنیەتی و یاسا ئیسلامییەکانیش ڕێگەیان بۆ ئەم پرسە خۆشتر کردووە.

ماوەیەک پێش ئێستا دامەزراوەی ناحکومی "پۆڵن یوکی" لە بەریتانیا ڕاپۆرتێکی بڵاو کردەوە کە تێیدا هاتبوو: لە ساڵدا 10 میلیۆن کچی ژێر تەمەن ١٨ سال لە جیهاندا بە شوو دەدرێن کە دەکاتە ١ کچ لە ٣ چرکەدا!</sup>

^20/7/2016