به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
سەرۆک کۆماری تورکیا رایدەگەیەنێت، کە شاری مووسڵ تەنها بۆ عەرەب، کورد و تورکمانە سوننەکانە و حکوومەتی عێراقیش بەیاننامەیەکی توند دەردەکات.
لە چاوپێکەوتنێکی کەناڵێکی عەرەبی، شەوی یەکشەممە 2ـی تشرینی یەکەمی 2016، رەجەب تەییب ئەردۆغان، سەرۆک کۆماری تورکیا رایگەیاند، کە جگە لە عەرەب، کورد و تورکمانە سوننەکان، هیچ کەسێک مافی نییە دوای رزگارکردنەوەی مووسڵ، لەو شارە بمێنێتەوە.
وەزارەتی دەرەوەی عێراق لە دژی ئەو لێدوانەی رەجەب تەییب ئەردۆغان بەیاننامەیەکی دەرکردووە و تێێدا داوای لێ دەکات، ”چیتر عێراق ئیستیفزاز نەکات“ و نیازپاکیی دراوسێیەتی وڵاتەکەی بەرامبەر عێراق نیشان بدات.
وەزارەتی دەرەوەی عێراق هەروەها رایگەیاندووە، کە رزگارکردنەوە و بەڕێوەبردنی مووسڵ ئەرکی عێراقییەکان خۆیانە و ”رێگا نادەین ببێتە گۆڕەپانی یەکلاکردنەوەی کێشەی وڵاتان“.
دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014 چەکدارانی رێکخراوی توندڕەوی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.
3/10/2016
سەرۆک کۆماری تورکیا رایدەگەیەنێت، کە شاری مووسڵ تەنها بۆ عەرەب، کورد و تورکمانە سوننەکانە و حکوومەتی عێراقیش بەیاننامەیەکی توند دەردەکات.
لە چاوپێکەوتنێکی کەناڵێکی عەرەبی، شەوی یەکشەممە 2ـی تشرینی یەکەمی 2016، رەجەب تەییب ئەردۆغان، سەرۆک کۆماری تورکیا رایگەیاند، کە جگە لە عەرەب، کورد و تورکمانە سوننەکان، هیچ کەسێک مافی نییە دوای رزگارکردنەوەی مووسڵ، لەو شارە بمێنێتەوە.
وەزارەتی دەرەوەی عێراق لە دژی ئەو لێدوانەی رەجەب تەییب ئەردۆغان بەیاننامەیەکی دەرکردووە و تێێدا داوای لێ دەکات، ”چیتر عێراق ئیستیفزاز نەکات“ و نیازپاکیی دراوسێیەتی وڵاتەکەی بەرامبەر عێراق نیشان بدات.
وەزارەتی دەرەوەی عێراق هەروەها رایگەیاندووە، کە رزگارکردنەوە و بەڕێوەبردنی مووسڵ ئەرکی عێراقییەکان خۆیانە و ”رێگا نادەین ببێتە گۆڕەپانی یەکلاکردنەوەی کێشەی وڵاتان“.
دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014 چەکدارانی رێکخراوی توندڕەوی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.
بەرپرسان و ناوەندە سەربازییەکانی حکوومەتی ئێران، ماوەی زیاتر لە دوو مانگە بە بیانووی هێزی پێشمەرگە لە کوردستانی ڕۆژهەڵات، بەردەوام شار و گوندەکان میلیتاریزە دەکەن و هێزیکی زۆری سەربازییان لە بنکە و شارەکان جێگر کردووە.
به‌پێی هه‌واڵی گەیشتوو میدیایی پارتەکانی کوردستانی ڕۆژهەڵات، سوپای پاسدارانی ئێران لە شاری شنۆ و پیرانشار، بەردەوام لە حاڵەتی ئامادەباشی دان و لە سەر جاددەی نێوان ئەو دوو شارە گەشتی پیادە ئەنجام دەدەن.
بەپێی ئەو ڕاپۆرتە هێزەکانی سوپای پاسداران بەردەوام به شێوه‌ی ئاماده‌باش هاتوچۆ ده‌که‌ن و ناوچەکە دەخەنە ژێر چاودێرییەوە.
ڕەوتی میلیتاریزەکردن و هێنانی هێزی زۆری سەربازی و چەکوچۆڵ بۆ ناوچە سنوورییەکانی کوردستانی ڕۆژهەڵات بەردەوام لەلایەن سوپای پاسدارانەوە درێژەی هەیە و بەرپرسانی سوپاش بەردەوام باس لە گرتن و ئەمنییەتیکردنی سنووەرکان دەکەن، هەروەها حکوومەتی ئێران ماوە بە ماوە بە چڕی و بەربڵاوی مانۆڕی سەربازی بەڕێوە دەبات.
حکوومەتی ئێران بە ناردنی چەکوچۆڵ لەلایەن ناوەندە ئەمنییەکانییەوە لە ماوەی ڕابردوودا بۆ شارەکانی کوردستانی ڕۆژهەڵات بەردەوام درێژەی هەبووە و ئێران سنوورەکانی کوردستانی بە جێگرکردنی هێزی سەربازی و چەکوچۆڵی قورس زیاتر ملیتاریزە کردووە.
دوای جێگربوونی هێزەکانی پێشمەرگەی حیزبی دێموکراتی کوردستانی ئێران لە ماوەی یەک ساڵ و نیوی ڕابردوودا لە ناوچە سنوورییەکانی کوردستانی ڕۆژهەڵات و شەڕ و دەرگیرییەکانی هێزی پێشمەرگە لە شاری شنۆ و مەریوان حکوومەتی ئێران بەردەوام شار و ناوچە سنوورییەکان میلیتاریزە دەکات.
3/10/2016
مەراسیمی ناشتنی سەرۆکی پێشووی ئیسرائیل ناکۆکیی حزبە فەلەستینییەکان قوڵتر دەکات و ژمارەیەک سەرکردەش خۆیان لە بەشداریکردنی سەرۆک بێ بەریی دەکەن.
هەرچەندە مەحموود عەباس، سەرۆکی دەسەڵاتی فەلەستین، سەرۆکی بزووتنەوەی فەتح‌یشە، بەڵام بەهۆی بەشداریکردنی لە مەراسیمی ناشتنیشیمۆن پێرێز، سەرۆکی پێشووی ئیسرائییل، ژمارەیەک سەرکردەی حزبەکەی خۆیان لەو بەشداریکردنە بێ بەریی دەکەن.
هەردوو بزووتنەوە فەتح و حەماسی ئیسلامی بەردەوام ناکۆکییان هەبووە، بەڵام بەهۆی بەشداریکردنی مەحموود عەباس لەو مەراسیمە، ناکۆکییەکانیان قوڵتر بوونەتەوە و هەردوولا تۆمەتی خیانەت دەدەنە پاڵ یەکتر.
ژمارەیەک میدیای عەرەبی و فەلەستینی باس لەوە دەکەن، کە چەکدارانی نەنسراو دەستڕێژی گوللەیان لە ماڵی سەرۆکی دەسەڵاتی فەلەستین کردووە، بەڵام لایەنە ئەمنییەکانی فەلەستین و ئیسرائیل ئەم دەنگۆیە رەت دەکەنەوە و بە درۆی دەزانن.
رۆژی هەینی 30ـی ئەیلوولی 2016، بە بەشداریی دەیان سەرکردە و سەرۆکی وڵاتان، تەرمی سەرۆکی پێشووی ئیسرائیل لە گۆڕستانێکی شاری قودس بەخاک سپێردرا.
سەرلەبەیانیی رۆژی 28ـی ئەیلوولی 2016، شیمۆن پێرێز، سەرۆکی پێشووی ئیسرائیل لە تەمەنی 93 ساڵیدا، لە نەخۆشخانەیەکی وڵاتەکەی گیانی لە دەست دا.
2/10/2016
ژنێکی کوردی دانیشتووی شاری "دەڕەشار"ی سەر بە پارێزگای ئیلام لەلایەن دامەزراوەی داکەوە ڕێز لە هەوڵ و تێکۆشانی گیرا و وەک دایکی نموونەی ئێران دەستنیشان کرا.
بەپێی هەواڵی سەرچاوە خۆجێیەکانی ئیلام، دامەزراوەی دایک لە سێیەمین ساڵی دامەزراندنی خۆیدا ڕێزی لە ژنێکی نموونەی کورد بەناوی خەیری حەسوەند گرت.
لەو ڕێوڕەسمەدا، خاتوو خەیری حەسوەند وەکوو ژنێکی نموونە کەلە بارودۆخی دژواری ژیاندا توانیویەتی 11 منداڵ پەروەردە بکات کە هەموویان خاوەنی بڕوانامەی باڵان.
یەکێک لە کوڕەکانی خەیری، بەناوی حەسەن ڕەزا محەممەدی، یەکێک لە دکتۆرە بەناوبانگەکانی مێشک و دەمارە لە ئێران.
ئەو ژنە ئیلامیە دانیشتووی گوندی "شێخ مەکان"ی سەر بە شاری دەڕەشارە و لەگەڵ 19 ژنی دیکە ڕێزیان لێ گیرا.
لەو ڕێوڕەسمەدا کە کۆتایی هەفتەی ڕابردوو بەڕێوە چوو، گرووپی موسیقای ڕستاک لە شاری سنە چەند بەرهەمێکیان پێشکەش کرد.
دامەزراوەی نێونەتەوەیی دایک وەکوو یەکێک لە دامەزراوە خەڵکییەکان ساڵی 2013 دەستی بە چالاکی کردووە.
ئامانج لە دامەزراندنی ئەو دامەزراوە، دیاریکردنی جێگە و پێگەی دایکان لە پارێزگای فارس بووە و هەنووکە لە پارێزگاکانی دیکەی ئێرانیش لقی هەیە.
2/10/2016
حزبی سۆسیالیست دیموکراتیی کوردستان، جەختی لەوە کردەوە کە لە دیدارەکانی نێوان شاندی کوردستان لە بەغدا، بە ڕاشکاوانە باس لە مافی چارەنووسی گەلی کورد کراوە.
بەپێی ڕاگەیاندراوێکی ئەو حزبە کە ئەمڕۆ یەکشەممە 2\10\2016 بڵاو کراوەتەوە، ئاماژە بەوە دراوە، سەردانی شاندەکەی هەرێمی کوردستان بۆ بەغدا، بە مەبەستی بەرەنگاربوونەوەی داعش و کۆتایی هێنان و چارەسەرکردنی کێشەکانی نێوان هەولێر و بەغدا، سەردانەکەی ئەنجام داوە.
جەختیشی لەوە کردووەتەوە کە شاندەکە لە بەغدا بە ڕاشکاوانە باسی لە مافی چارەنووسی گەلی کورد کردووە. جگە لەوەی سەبارەت بە کێشەی بودجە و مووچەی فەرمانبەرانی هەرێمی کوردستانیش، بڕیار دراوە، چەندین لێژنە لە نێوان هەولێر و بەغدا بۆ چارەسەرکردنی ئەو گرفتانە پێک بهێندرێن. دەشڵێت: ”لە کۆتاییدا بڕیار لای بەغدایە“.
ئەمەش دەقی ڕاگەیاندراوەکەیە:
جەماوەری خۆڕاگری کوردستان ...
پێشمەرگە قارەمانەکان ....
دوای ئەوەی ساڵانێکی زۆرە گەلانی عێراق لە دیکتاتۆریەت رزگاریان بوو قۆناغێکی نوێ دەستی پێکرد بە ئومێدی ئەوەی سەرجەم پێکھاتە و نەتەوەکان بە مافەرەواکانیان شادبن و عێراقێکی نوێ دروست بکرێت تیایدا ھەمو نەتەوەکان شەریکی راستەقینەبن لەو وڵاتەدا، بەڵام ئەوشەراکەتە وەک پێویست نەھاتەدی ئەوەش چەندین نەھامەتی وگرفتی بەدوای خۆیدا ھێنا وەک برینی بودجەی کوردستان و دروست بونی داعش و ململانی ناوخۆییەکان و ئاوارەبونی ھاووڵاتیان، کە گەلانی عێراق باجەکەیاندا، کوردستان لە دوای برینی بودجەکەی ژمارەیەکی زۆر ئاوارەی پێکھاتە جیاوازەکان روویان تێکردوو بوە بارگرانی، بۆیە لەسەرداوای لایەنە سیاسیەکانی کوردستان، بە مەبەستی بەرەنگاربونەوەی داعش و کۆتایھێنانی وچارەسەرکردنی کێشەکان ، شاندێکی ھەرێمی کوردستان بە سەرۆکایەتی بەرێز (مسعود بارزانی) و بەشداری زۆرینەی لایەنەسیاسیەکان ولە نێویاندا (حزبی سۆسیالست دیموکراتی کوردستان) سەردانی شاری (بغداد)یان کرد و چەندین دیداری تایبەت و بە کۆمەڵیان لەگەڵ سەرۆک وەزیران و لایەن و پێکھاتە جیاوازەکانی سونە و شیعە ئەنجام دا، کە گرنگی خۆی ھەبوو بە تایبەت دیداری تایبەتی ھەردوو بەرێزان (مسعود بارزانی) سەرۆکی ھەریمی کوردستان و بەرێز(حیدرعبادی ) سەرۆکی ئەنجومەنی وەزیرانی عیراق.
(حزبی سۆسیالست دیموکراتی کوردستان) بە گرنگیەوە دەروانێتە ئە م سەردانە کە بووە ھۆی تواندنەوەی ئەو بەستەڵەکەی لە نێوان (ھەولێر و بغداد) دروست بوو، چونکە (بغداد) وێستگەیەکی گرنگە بۆ بە دەستھێنانی مافی چارەنوسی گەلەکەمان، لەم قۆناغەدا ھاوکاری و ھەماھەنگیی ھەردوولا بۆ بەرەنگاربونەوەی داعش و ڕزگارکردنی موسڵ پێویستە، بۆیە مەسەلەی مافی چارەنوسیی گەلەکەمان و کێشەی بودجە و موچەی فەرمانبەران و ئازادکردنی موسڵ و یاسای نەوت و گاز لەو تەوەرە گرنگانە بوون کە شاندەکە گفتوگۆیان لە بارەوە کرد و (بغداد) بەسەرجەم پێکھاتە و لایەنە جیاوازەکانی لێک تیگەیشتنی باشیان ھەبوو، سەرەرای ئەنجامدانی کۆبوونەوەی ھاوبەش لە نێوان بەرپرسانی ھێزە چەکدارەکانی عێراق و بەرپرسانی ھێزی چەکداریی ھەرێمی کوردستان بۆ ئامادەسازی بۆ ئازادکردنی موسڵ و دانانی پلانی سەربازی.
جەماوەری کوردستان ..
سەردانی شاندەکە بەو پێکھاتەیە وێستگەیەکی تری خەبات و تێکۆشانە بۆ گەلەکەمان و ھەنگاونان بۆ چارەسەرکردنی کێشەکان و کۆتایی ھێنان بە نەھامەتییەکان و قورسی باری بژێوی ھاووڵاتییان و بەدەستھێنانی مافە نیشتمانی و نەتەوەییەکان، کە تیایدا شاندەکەی کوردستان بە ڕاشکاوانە داوای مافی چارەنوس گەلی کوردیان کرد کە پێشتر باسکردنیشی بە جۆرێک لە جۆرەکان قەدەغە بوو، گفتوگۆی لە بارەوە کرا، بە جۆرێک کە عێراق بە شێوازێکی نوێ بەرێوەبچێت و شەراکەتی ڕاستەقینەی تیادا بەرجەست بێت یان ھەردوولا ببنە دوو دراوسێی و بە ئاشتی پێکەوە لە ناوچەکەدا بژین، بۆ بەدواداچون ودۆزینەوەی میکانیزمی گونجاوبریاروایە چەندین لیژنەی ھاوبەش لە نێوان حکومەتی ھەرێم و بغداد کوببنەوە، دەرەنجامی کۆتای لای حکومەتی (بغداد)ە و کاریگەری دەبێت لە سەر ئایندەی عێراق، بۆیە جەماوەری کوردستان دڵنیا دەکەینەوە کە حزبی سۆسیالست دیموکراتی کوردستان ھەموو رێگایەک دەگرێتەبەر بۆ بەدەستھێنانی مافی گەلەکەمان و پێشمەرگە و دڵسۆزی گەلەکەمان دەبین بۆ کۆتایی ھێنان بە نەھامەتییەکان، ئومێدەوارین ئە م سەردانە ببێتە ھۆی یەکڕیزیی زیاتر و سەرکەوتنی زیاتر بۆ گەلەکەمان و کۆتایی ھێنان بە کێشە و گرفتەکان.
- سەرکەوتوبێت خەباتی رەوای گەلەکەمان.
حزبی سۆسیالست دیموکراتی کوردستان
2/10/2016
بەرپرسی پەیوەندییەکانی نێوان هەرێمی کوردستان و کۆماری ئیسلامیی ئێران، ئەوەی ئاشکرا کرد کە هێشتا وادەی سەردانەکەی سەرۆکی هەرێمی کوردستان بۆ ئێران داری نەکراوە.
ئێوارەی دوێنێ شەممە 1\10\2016، (باسنیوز) هەواڵی ماڵپەڕێکی نزیک لە وەزارەتی دەرەوەی ئێرانی بڵاو کردەوە کە تێیدا ڕای گەیاندبوو، لە ڕۆژانی 12 و 13ی ئەم مانگەدا، سەرۆکی هەرێمی کوردستان سەردانی تاران دەکات. لە بەرامبەردا عەبدوڵا ئاکرەیی، بەرپرسی پەیوەندییەکانی هەرێمی کوردستان و کۆماری ئیسلامیی ئێران، بە (باسنیوز)ی ڕاگەیاند: “کاتی سەردانەکەی بارزانی بۆ ئێران دیاریکراو نییە، بەڵام لە ئایندەیەکی نزیکدا ئەو سەردانە ئەنجام دەدرێت، چونکە لە بەرنامە دانراوە”.
ئاکرەیی جەختی لەوە کردەوە کە بە گشتی، سەردانەکەی بارزانی بۆ ئێران، گرنگە، چونکە: “بارزانی لە ساڵی 2009 دوایین سەردانی بۆ ئێران ئەنجام داوە، بۆیە دەبووایە زووتر ئەم سەردانە ئەنجام بدرێت، بەڵام دیارە کاتەکەی گونجاو نەبووە”. ڕوونیشی کردەوە کە ئێران دراوسێی هەرێمی کوردستانە و پەیوەندیی ستراتیژییان لە نێواندا هەیە.
بەرپرسی پەیوەندییەکانی نێوان هەرێمی کوردستان و ئێران ئەوەشی ئاشکرا کرد: “دەچێتە پەرلەمانی ئێران و لەگەڵ فیدراسیۆنە کوردییەکانی پەرلەمانی ئێران کۆدەبێتەوە". دووپاتیشی کردەوە: “لە ئاستێکی زۆر باڵادا ئێران پێشوازی لە بارزانی دەکات”.
2/10/2016
سه‌رۆكى هه‌رێمى كوردستان له گه‌ڵ سه‌رۆكى حكوومه‌تى هه‌رێم، له 12 و 13ى تشرینی یه‌كه‌مى 2016 له چوارچێوه‌ى باشتركردنى په‌یوه‌ندییه‌كان به بانگهێشتى فه‌رمى سه‌ردانى تاران ده‌كه‌ن.
مالپه‌ڕى "ئه‌لوه‌قت"ى نزیك له وه‌زاره‌تى ده‌ره‌وه‌ى ئێران، له‌سه‌ر زارى به‌رپرسێكى وه‌زاره‌ته‌كه بڵاوی كرده‌وه، مه‌سعود بارزانى، سه‌رۆكى هه‌رێمى كوردستان و نێچیرڤان بارزانى، سه‌رۆكى حكوومه‌تى هه‌رێم، له 12 و 13ى تشرینی یه‌كه‌م، به سه‌ردانێكى فه‌رمى ده‌گه‌نه تاران.
ڕوونی كردووه‌ته‌وه، كه سه‌ردانه‌كه بۆ تاوتوێكردنى په‌یوه‌ندییه دوو قۆڵییه‌كان و گفتوگۆكردنه له باره‌ى پرسه ئابورى و سیاسیی و ئه‌منییه‌كان له‌گه‌ڵ به‌رپرسانى ئێران.
هه‌روه‌ها وه‌ك ماڵپه‌ڕه‌كه بڵاوی كردووه‌ته‌وه، هه‌ردوولا تاوتوێی هه‌وڵه‌كان بۆ له‌ناوبردنى تیرۆر به تایبه‌تى داعش و شه‌ڕى چاوه‌ڕوانكراوى موسڵ، ده‌كه‌ن.
سه‌ردانه‌كه‌ى سه‌رۆكى هه‌رێمى كوردستان و سه‌رۆكى حكوومه‌ت، دواى سه‌ردانى بارزانى و شاندى یاوه‌رى دێت بۆ به‌غدا و كۆبوونه‌وه‌یان له‌گه‌ڵ حه‌یده‌ر عه‌بادى، سه‌رۆكى حكوومه‌ت و به‌رپرسانى باڵاى سیاسی، كه زۆرێك له چاودێرانى سیاسی و ئه‌ندامانى شانده‌كه‌ى هه‌رێم، سه‌ردانه‌كه به سه‌ركه‌وتوو، وه‌سف ده‌كه‌ن.
حەسەن روحانی، سەرۆككۆماری ئێران شاندێکی ناردووەتە پارێزگای سنە بۆ راكێشانی دەنگی هاونیشتمانیانی شارەكە لە هەڵبژاردنی ساڵی داهاتووی سەرۆكایەتی ئێران و نوێنەری سنەش دەڵێت، ئەگەری کەمبوونەوەی دەنگی روحانی لە کوردستان هەیە.
بەپێی زانیارییەکانی تۆڕی میدیایی رووداو، شاندەکەی حەسەن روحانی لەگەڵ ژمارەیەک چالاکڤانانی سیاسی و کۆمەڵایەتی رۆژهەڵاتی کوردستان کۆبوونەتەوە و پێیان راگەیاندوون لە خولی داهاتووی سەرۆککۆماریدا، روحانی بەڵێنەکانی بۆ خەڵکی کوردستان جێبەجێ دەكات. لە بەرامبەریشدا داوایان لێکردوون هانی خەڵک بدەن دەنگ بە رۆحانی بدەن.
نوێنەری سنە لە پەرلەمانی ئێران بە (تۆڕی میدیایی رووداو)ی راگەیاند، کابینەی روحانی لە کوردستان کارنامەیەکی درەوشاوەی نییە و لە خولی داهاتوودا دەنگەکانی لە کوردستان کەم دەکات.
ئەحسەن عەلەوی، نوێنەری سنە لە پەرلەمانی ئێران داواش دەکات، حکومەت گرنگی بە کوردستان بدات.
هاوكات حامید فەرازی، چالاڤانی سیاسی بۆ رووداو دەڵێت، بەڵێنەکانی روحانی لەبارەی مافی پێکهاتەکان جێبەجێ نەکراون و گرنگی بە رەوتی مەدەنی نەدراوە.
فەرازی دەشڵێت، خەڵکی کوردستان چاوەڕێبوون كابینەی روحانی لەبەرامبەر لایەنی پاوانخوازی دەسەڵات خۆڕاگربێت و باری کێشە ئابوورییەکانیان سوکبکات، بەڵام بە وەستای قسان و کۆڵەواری دەستانیان بینیوە.
1/10/2016
سەرۆک کۆماری پێشووی ئیسرائیل وەسیەتی کردبوو دوای مردنی خۆی، نهێنیی بۆردومان نەکردنی ئێران لەلایەن وڵاتەکەیەوە ئاشکرا بکرێ.
رۆژنامەی (ئۆرشەلیم پۆست)ی ئیسرائیلی ناوەڕۆکی چاوپێکەوتنێکی شیمۆن پێرێز، سەرۆک کۆماری پێشووی ئیسرائیل لەگەڵ رۆژنامەکە بڵاو کردووەتەوە، کە لە مانگی ئابی 2014 لەگەڵی ئەنجام درابوو.
رۆژنامەکە بڵاوی کردووەتەوە، کە شیمۆن پێرێز ئەوکات رایگەیاند، کە ئەو زانیارییە دوا کۆچی دوایی ئەو بڵاو بکەنەوە، کە ئەو رێگر بووە لەوەی بنیامین نەتەنیاهۆ، سەرۆک وەزیرانی ئیسرائیل بڕیاری بۆردومان کردنی ئێران بدات.
هەروەک ئەو رۆژنامەیە بڵاوی کردووەتەوە، سەرۆک کۆماری پێشووی ئیسرائیل هۆکاری رێگریکردن لە بۆردومانکردنی ئیرانی بۆ ئەوە گێڕاوەتەوە، کە ”کارەسات لە ناوچەکە دەقەومێت“.
سەرلەبەیانیی رۆژی چوارشەممە 28ـی ئەیلوولی 2016، شیمۆن پێرێز، سەرۆکی پێشووی ئیسرائیل لە تەمەنی 93 ساڵیدا، لە نەخۆشخانەیەکی وڵاتەکەی گیانی لە دەست دا.
1/10/2016
سه‌رچاوه‌یه‌كى ئاگادار، ڕاى ده‌گه‌یه‌نێت، فه‌رمانده‌ى پێشووى "سوپاى ئه‌لیكترۆنى" له وه‌زاره‌تى هه‌واڵگرى ئێرانى، محه‌مه‌دحه‌سه‌ن تاجیك، پێش دوو مانگ له‌ناو ماڵه‌كه‌ى خۆیدا به تۆمه‌تى ئه‌وه‌ى سیخوڕى كردووه، له‌لایه‌ن ده‌سه‌ڵاتدارانى ئێرانه‌وه، به‌سه‌رپه‌رشتى باوكى خۆى، كوژرا.
تاجیك (35 ساڵ)، جگه له‌وه‌ى فه‌رمانده‌ى سوپاى ئه‌لیكترۆنى بوو له وه‌زاره‌تى هه‌واڵگرى، هاوكات پۆستى به‌ڕێوه‌به‌رى فه‌رمانگه‌ى ته‌كنیكی له هه‌مان وه‌زاره‌تدا به‌ده‌سته‌وه بوو، هه‌روه‌ك ئه‌ندامى هه‌واڵگرى سوپاى پاسداران بوو، هه‌روه‌ها ئه‌ندامى هه‌واڵگرى بوو له "فه‌یله‌قى قودس" كه ڕاسپێردراون بۆ ئۆپه‌راسیۆنه‌كانى سوپای پاساداران له ده‌ره‌وه‌ى ئێران.
سه‌رچاوه‌یه‌كی نزیك له به‌رپرسه كوژراوه‌كه، به ماڵپه‌رى "عه‌ره‌بییه نێت"ـى ڕا گه‌یاند :" تاجیك ئێواره‌ى 7ى ته‌مووزى 2016 له‌سه‌ر ده‌ستى ئه‌ندامانى یه‌كینه‌كانى "ئۆپه‌راسیۆنه‌كان" و "كارووبارى ناوخۆیی" به ئاماده‌بوونى باوكى و یه‌كێك له فه‌رمانبه‌رانى وه‌زاره‌تى هه‌واڵگرى، كوژرا".
به گوته‌ى سه‌رچاوه‌كه، " محه‌مه‌د تاجیك، باوكى كوژراوه‌كه یه‌كێكه له گه‌وره فه‌رمانبه‌ره دێرینه‌كان له هه‌واڵگرى، كه نازناوى (حاجى وه‌لى) پێ درابوو، ڕۆڵێكى گرنگیشى هه‌بوو له "زنجیری كوشتنه‌كان" كه تیایدا ژماره‌یه‌ك ڕۆشنبیر و چالاكوان و نووسه‌ر و ڕۆژنامه‌نووس له نه‌وه‌ده‌كانى سه‌ده‌ى ڕابردوو، كوژران".
ئاماژه‌ى به‌وه‌ش دا، كه باوكى كوژراوه‌كه له سه‌رده‌مى محه‌مه‌د خاته‌مى، له پۆسته‌كه‌ى دوور خرایه‌وه، به‌ڵام دووباره له سه‌رده‌مى ئه‌حمه‌دى نه‌ژاد، گه‌ڕێندرایه‌وه بۆ سه‌ر كاره‌كه‌ى و هه‌ر خۆى سه‌رپه‌رشتى كوشتنى كوڕه‌كه‌ى خۆى كردووه، كه له سه‌ر داواى خۆى له هه‌واڵگرى دامه‌زرێندرا".
پێشتر محه‌مه‌د حسێن تاجیك، له مانگى ئابى ساڵى 2013 تۆمه‌تى سیخوڕى درابووه پاڵى، له‌سه‌ر ئه‌و تۆمه‌ته له‌لایه‌ن وه‌زاره‌تى هه‌واڵگرییه‌وه ده‌ستگیر كرا، به‌و هۆیه‌وه ساڵ و نیوێك له ژێر ئه‌شكه‌نجه‌داندا له گرتووخانه‌ى "ئیڤین" هێڵرایه‌وه، پاشان به كه‌فاله‌تى باوكى، ئازاد ده‌كرێت.
1/10/2016
ئه‌ندامێكى ئه‌نجوومه‌نى نوێنه‌رانى عێراق، چه‌ند ڕێككه‌وتنێكى نهێنى نێوان شانده‌كه‌ى هه‌رێم و به‌غدا ئاشكرا ده‌كات و ڕای ده‌گه‌یه‌نێت، له نێو ڕێككه‌وتنه نهێنییه‌كاندا، ڕاگه‌یاندنى ده‌وڵه‌تى كوردى هه‌یه.
محه‌مه‌د تائى، ئه‌ندامى سه‌ربه‌خۆ له ئه‌نجوومه‌نى نوێنه‌رانى عێراق، له ڕاگه‌یه‌ندراویكیدا كه له پێگه‌ى تایبه‌تى خۆى له تۆڕى كۆمه‌ڵایه‌تى (فه‌یس بووك) بڵاوی كرده‌وه، ڕاى گه‌یاند :" سه‌ردانه‌كه‌ى مه‌سعود بارزانى، سه‌رۆكى هه‌رێمى كوردستان و شانده یاوه‌ره‌كه‌ى بۆ به‌غدا، ڕێككه‌وتنى نهێنى له خۆ ده‌گرێت".
ئاشكراشی كرد، كه یه‌كێك له‌و ڕێككه‌وتنه ڕانه‌گه‌یه‌ندراوانه، ڕێككه‌وتنه له‌سه‌ر "ده‌وڵه‌تى كوردستان" و ڕاگه‌یاندنى ئه‌و ده‌وڵه‌ته به پێی سازانى نێوان لایه‌نه سیاسییه نوێیه‌كان و مه‌رجه نوێیه‌كان و به‌رژه‌وه‌ندییه‌كان، ده‌بێت.
ئه‌و په‌رله‌مانتاره، كه پێشتر ئه‌ندامى فراكسیۆنى "مواتن"ى سه‌ر به ئه‌نجوومه‌نى باڵاى ئیسلامی به سه‌رۆكایه‌تى عه‌مار حه‌كیم بوو، به‌ڵام له ساڵى 2015 له فراكسیۆنه‌كه كشایه‌وه، ڕاشی گه‌یاند :" له نێو ڕێككه‌وتنه‌كاندا، هه‌وڵدان بۆ پێكهێنانى هاوپه‌یمانێتییه‌كى نوێ له نێوانى پارتى دیموكراتى كوردستان و چه‌ند لایه‌نێكى نێو هاوپه‌یانى نیشتمانى هه‌یه، وه‌ك ئه‌نجوومه‌نى باڵاى ئیسلامی، حزبى ده‌عوه (باڵى عه‌بادى)، له‌گه‌ڵ ڕه‌وتى سه‌در، به‌ڵام به مه‌رج".
له نێو ڕێككه‌وتنه‌كاندا، داواى گره‌نتى كراوه به‌وه‌ى له‌یه‌كه‌م قۆناغدا به‌شێك له بودجه‌ى هه‌رێمى كوردستان خه‌رج بكرێت، سه‌ربارى ئه‌وه‌ى (یه‌كێتى و گۆڕان) ناڕازین، هه‌روه‌ها سه‌ربارى ناڕازی بوونى حزبه‌كانى دیكه‌ى نێو هاوپه‌یمانى نیشتمانى شیعه".
هاوكات باسى له‌وه‌ش كرد، كه ڕێككه‌وتن له‌سه‌ر ئه‌وه‌ش كراوه، نامه‌یه‌ك بۆ هێزه‌كانى دیكه (ئه‌وانه‌ى ره‌خنه ده‌گرن) و ئه‌وانه‌ش كه " ئۆپۆزسیۆن)ـن، بنێردرێت، كه هاوپه‌یمانێتییه نوێیه‌كه كاریگه‌رى ده‌بێت له‌سه‌ر هاوكێشه و مه‌رج و له‌یه‌ك تێگه‌یشتنه نوێیه‌كان.
مه‌سعود بارزانى، سه‌رۆكى هه‌رێمى كوردستان، به یاوه‌رى شاندێك گه‌یشتنه به‌غدا و له یه‌كه‌م وێستگه‌ى سه‌ردانه‌كه‌دا، له گه‌ڵ حه‌یده‌ر عه‌بادى، سه‌رۆكى حكوومه‌تى عێراقی فیدڕاڵ و دواتر له گه‌ل لایه‌ن و به‌رپرسه سیاسییه‌كانى دیكه، كۆبوونه‌وه.
1/10/2016
محەممەدی حاجی مەحموود، سکرتێری حزبی سۆسیالیست دیموکراتی کوردستان و ئەندامی شاندی هەرێمی کوردستان لە بەغدا، رایگەیاند: "ئەوەی جاران لە کۆبوونەوەکاندا قەدەخەبوو باس بکرێت، ئەمجارە شاندەکەی هەرێمی کوردستان لەگەڵ بەرپرسانی بەغدا باسیانکرد".
محەممەد حاجی مەحموود، سکرتێری حزبی سۆسیالیست دیموکراتی کوردستان سەبارەت بە پرسی سەربەخۆیی و هەڵوێستی لایەنی عێراقی بە(تۆڕی میدیایی رووداو)ی راگەیاند: "بەرپرسانی باڵای عێراق گوتیان ئەگەر گونجاین ئەوە لە یەک وڵاتدا پێکەوە دەبین و ئەگەر نەتوانرا لەگەڵ هەرێمی کوردستان لەیەک وڵاتدا پێکەوە کاربکەین، دەتوانرێت هەولێر و بەغدا دراوسێیەکی باشبن".
محەممەد حاجی مەحموود لەبارەی ناوەڕۆکی کۆبوونەوەکان و داواکارییەکانی شاندی هەرێمی کوردستان، گوتی: "هاتنی شاندەکە و جەنابی سەرۆکی هەرێمی کوردستان لەم کاتەدا گرنگی تایبەتی خۆی هەبوو، کۆبوونەوەکان کۆبوونەوەی چڕوپڕ بوون و هەموو شتێکمان باسکردووە لە سەربەخۆییەوە تاوەکو یارمەتی پێشمەرگە و مووچە و بودجەی هاونیشتمانیان".
ئەندامی شاندی هەرێمی کوردستان بۆ بەغدا گوتیشی: "ئەوان تێگەیشتنیان هەبوو و بۆچوونەکان لەیەک نزیک بوون، بەڵام ئەمانەی ئێستا تەنیا کردنەوەی دەرگاکە بوو بۆ ئەوەی هەنگاوی باشتری بەدواوە بنێین و هەموو ئەمانە لیژنەی بۆ پێکدەهێندرێت و لیژنەکان چاودێری دەکەن و بەدواداچوونی بۆ دەکەن".
30/9/2016
ئەمڕۆ وەزیری بەرگریی توركیا لەسەر سنووری سوریا لە سەردانێكی مەیدانییدا دووپاتی كردەوە هەرگیز ڕێگە نادەن پەیەدە هەرێم دابمەزرێنن و جوگرافیای ناوچەكە بگۆڕن.
فیکری ئشک وەزیری بەرگریی تورکیا رایگەیاند بەداخەوە تا ئەمڕۆ ئەمریکا بانگەشەی ئەوەی دەکرد جگە لە پەیەدە هیچ ئەکتەرێکی تر نییە، بەڵام ئۆپەراسیۆنی قەڵغانی فورات سەلماندی لەکاتی پشتگیری تەواودا سوپای سووریای ئازاد توانای سەرکەوتنی بەرچاوی هەیە کە بتوانێ پارێزگاری لە خاکیان بکەن و ناوچەکە لە داعش پاک بکەنەوە.
گوتیشی "لە هەموو هەلێکدا بە ئەمریکا و هاوپەیمانەکانی ترمان دەڵێین کە هەرگیز تورکیا رێگە نادات پەیەدە دیمۆگرافیای ناوچەکە بگۆڕێت. لەم بارەیەوە ئەمریکاش دەبێت رێوشوێنی هەستیار بگرێتە بەر. ئێمە بەهیچ شێوەیەک رێگە نادەین پەکەکە/پەیەدە هەرێمێک دروست بکا".
ئەمڕۆ پێنجشەممە وەزیری بەرگریی تورکیا دوای کۆبوونەوەی لەگەڵ فەرماندەی هێزی وشکانی تورکیا ساڵح زەکی چۆلاک لەسەر ئۆپەراسیۆنی قەڵغانی فورات، بە هەلیکۆپتەرێک بەرەو ناوچەی بنکەی سۆیلو بەڕێکەوت لە عەنتاب کە بنکەیەکی سەربازیی ناوچەکەیە.
ئشک لە سەر سنووری سووریا چاودێری رەوشی سنوورەکەی دەکرد و دواتر لێدوانی بۆ پەیامنێران دا.
ئشک ئاماژەی بەوەدا کە ئۆپەراسیۆنی قەڵغانی فورات بەشێوەیەکی سەرکەوتووانە بەردەوامی هەیە و سوپای سووریای ئازاد لەناو خاکی خۆیاندا جموجۆڵیان دەست پێکردووە و هێزە چەکدارەکانی تورکیا پشتگیری لۆجیستی سوپای سووریای ئازاد دەدات بۆ پێشرەوییەکانیان.
ئشک ئاماژەی بە هەوڵەکان دا لەبارەی هەڵچنینی دیواری ئەمنی بەدرێژایی سنووری سووریا و ئاشکرای کرد هەوڵەکان بە خێرایی بەڕێوەدەچن و ٢٤٧ کیلۆمەتری لێ تەواو کراوە و گوتی: "ئێستا کارەکانمان بەردەوامن، ئامانجمانە ٩١١ کم بە درێژایی سنوورەکانمان بەشێوەیەکی سیستەمی ئەمنی بپارێزین و دایبخەین کە هاوکات ٨٠ کیلۆمەتری رووباڕو چەم و دۆڵە. بەمەش رێگری لە پەڕینەوەی قاچاخ و تیرۆریستان دەکەین. لە سەرەتای بەهاری ساڵی داهاتووماندا بەتەواوی سنووری سووریا دادەخەین.
30/9/2016
سەرۆکی هەرێمی کوردستان ڕای گەیاند، داهاتووی خەڵکی پارێزگای نەینەوا و شاری مووسڵ پارێزراو دەبێت.
ئەمڕۆ پێنجشەممە 29\9\2016، مەسعود بارزانی، سەرۆکی هەرێمی کوردستان، لە میانی کۆنگرەیەکی ڕۆژنامەوانیی هاوبەشدا کە لە شاری بەغدا، لەگەڵ حەیدەر عەبادی، سەرۆک وەزیرانی عێراق ئەنجامی دا، بۆ پێشوازییەکە، سوپاسی عەبادی کرد، هاوکات ڕای گەیاند: ”سوپاسی حەیدەر عەبادی دەکەم بۆ پێشوازییەکە. سەردانەکە بۆ ئەوەیە پشتگیریی تەواو لە سەرۆک وەزیرانی عێراق بکەین. ئامانجی هاوبەشمان هەیە کە یەکێکیان تێکشکاندنی داعشە. پلانێکی باشمان بۆ ئازادکردنەوەی مووسڵ داناوە. داهاتووی خەڵکی مووسڵ پارێزراو دەبێت“.
ئەوەشی ڕوون کردەوە کە پێویستە تەواوی پرسەکان لەگەڵ بەغدا گفتوگۆیان لەبارەوە بکرێت. هەرێمی کوردستان وا سەیر دەکات کە بەغدا قووڵایی ستراتیژی هەیە و پێویستە گفتوگۆی لەگەڵ بەغدا هەبێت.
30/9/2016
سەرلە بەیانی رۆژی پێنجشەممە 29-9-2016 لە بەندیخانەی شاری ورمێ، هەشت کەس بە تۆمەتی قاچاخی ماددە هۆشبەرەکان لە سێدارەدران.
رۆژی 28-9-2016 چالاکوانانی مافی مرۆڤ بڵاویان کردەوە "هەشت کەس بۆ زیندانە تاکەکەسییەکان گوێزراونەتەوە، بۆ ئەوەی دواتر فەرمانی لەسێدارەدانیان بەسەردا جێبەجێ بکرێت، لەو هەشت کەسە یەکێکیان ژنە"، بەڵام هێشتا روون نییە ئەو کەسانەی ئەمڕۆ لە سێدارەدراون هەر ئەو هەشت کەسەن یان زیاترن.
ساڵی 2015 لە ئێران نزیکەی هەزار کەس لە سێدارەدران، زۆربەیان تاوانەکانیان قاچاخچێتی بە ماددەی هۆشبەر بوو.
بەهۆی زۆری ژمارەی ئەو کەسانەی فەرمانی لەسێدارەدانیان بەسەردا دەسەپێندرێت لە ئێران، وایکردووە کۆمەڵگەی نێودەوڵەتی بەردەوام ئیدانەی بکات.
خولی پێشووی پەرلەمانی ئێران لە کۆتایی ساڵی رابردوو باسی لە پرۆژەیاسایەک کرد بۆ ئەوەی ئەو کەسانەی قاچاخ بە ماددەی هۆشبەر دەکەن لەسێدارەنەدرێن، چەند رۆژێک پێش ئێستاش بەڕێوەبەری دەستەی بەرەنگاربوونەوەی ماددە هۆشبەرەکانی ئەنجوومەنی پاراستنی بەرژەوەندییەکانی کۆماری ئیسلامی ئێران، گوتی "حوکمی سێدارە، هیچ کاریگەرییەکی لە کەمکردنەوەی قاچاخی ماددەی هۆشبەر نەبووە".
29/9/2016
دوای مانگێک لە پشوودان، رۆژی شەممە 1-10-2016 پەرلەمانی تورکیا کۆدەبێتەوە و وەرزێکی نوێی دانیشتنەکانی بەڕێوەدەبات و جێگری شانشینی سعودیە و سەرۆککۆماری تورکیاش کۆدەبنەوە.
شەوکەت هەرکی، پەیامنێری رووداو لە ئەنقەرە رایگەیاند "محەممەد نایف، جێگری شانشینی سعویە، کە هاوکات وەزیری ناوخۆیی ئەو وڵاتەشە بەسەردانێکی فەرمی لە ئەنقەرەیە و لەلایەن بینالکی یڵدرم، سەرۆکوەزیرانی تورکیا پێشوازی لێکراوە و دواتر کۆبوونەوەیەکیان ئەنجامداوە".
شەوکەت هەرکی ئاماژەی بەوەشکرد، رۆژی هەینی 30-9-2016 جێگری شانشینی عەرەبساتنی سعودیە و رەجەب تەیب ئەردۆغان، سەرۆککۆماری تورکیا لە ئەنقەرە کۆدەبنەوە و دواتر بە بەشداری سەرۆککۆمار و سەرۆکوەزیرانی تورکیا ئێوارە خوانێک بۆ جێگری شانشینی سعودیە و شاندی یاوەری رێکخراوە.
بەپێی زانیارییەکان، کۆبوونەوەی نێوان جێگری شانشینی سعودیە و سەرۆککۆماری تورکیا تایبەت دەبێت بە تاووتوێکردنی دۆخی سووریا و پشتیوانی سعودیە بۆ تورکیا لە سووریا و هەروەها سعودیە داوا لە تورکیا دەکات کە پەیوەندییەکانی لەگەڵ میسر باشتر بکات و لەگەڵ ئەوەشدا باشترکردنی پەیوەندییە بازرگانی و سیاسییەکانی نێوان سعودیە و تورکیا جەختی لێدەکرێتەوە .
30/9/2016
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
