چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

درێژه‌ی بابه‌ت

لە هەولێر ئیدانەی هێرشی موشەکی کۆماری ئیسلامی بۆ سەر بنکە و بارەگاکانی حیزبەکانی ڕۆژھەڵاتی کوردستان، هاوکات پشتگیری لە نارزایەتی خەڵکی ئێران و رۆژهەڵاتی کوردستان کرا.

درێژه‌ی بابه‌ت

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

درێژه‌ی بابه‌ت

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

درێژه‌ی بابه‌ت

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

درێژه‌ی بابه‌ت

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

به‌ڕێزان ( عوسمان عه‌به‌ پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه‌ وتیان به‌ڵێ ڕاسته‌ و كۆچی دوایی كردووه‌؟ هونه‌رمه‌ند و پێشمه‌رگه‌ ، سروودبێژ و گۆرانیبێژ...

درێژه‌ی بابه‌ت

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

درێژه‌ی بابه‌ت

بەدرخان؛ بیرەوەریی مستۆ دادار بڵاودەکاتەوە

کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت. مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...

درێژه‌ی بابه‌ت

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...

درێژه‌ی بابه‌ت

پیاوێک و شارایەک بەرهەمی دەستنووس

بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...

درێژه‌ی بابه‌ت

په‌یوه‌ندی راسته‌وخۆ

گه‌ڕان

Articles

ئۆباما بەکارهێنانی بژاردەی سەربازی لە سووریا تاوتوێ دەکات

^{بەرپرسێکی ئەمریکی رایگەیاندووە، بڕیارە باراک ئۆباما، سەرۆکی ئەمریکا لەگەڵ گەورە بەرپرس و راوێژکارانی ئەمنی وڵاتەکەی کۆببێتەوە بەمەبەستی تاووتوێکردنی ئەگەری بەکارهێنانی رێگەی سەربازیی لە سووریا.}

^{سەرچاوەکە رایگەیاندووە، گەورە راوێژکارانی ئەمنی ئەمریکا پێیانوایە پێویستە واشنتن بە تووندی و هەرچی زووترە دەستوەربداتە نێو کاروباری سووریاوە تاوەکو بەرگری لەو هەژموونەی خۆی بکات کە لەو وڵاتەدا هەیەتی.}

^{وێڕای هۆشدارییەکانی مۆسکۆ بە مەترسییەکانی بەرپاکردنی ئۆپەراسیۆنە سەربازییەکان لەلایەن واشنتنەوە دژ بە حکومەتی سووریا، بەڵام پێدەچێت، هۆشدارییەکانی رووسیا نەیانتوانیوە سەرەنجی ئەمریکییەکان رابکێشێت.}

^{ئەگەری زۆری هەیە باراک ئۆباما لەگەڵ گەورە راوێژکارانی سیاسەتی دەرەوەی وڵات کۆببێتەوە و پرسی گرتنەبەری رێوشوێنی سەربازی تاووتوێبکەن.}

^{هاوکات لەگەڵ بەردەوامبوونی هێرشە ئاسمانییەکان بۆسەر ناوچەکانی رۆژهەڵاتی حەلەب، راوێژکارانی سەرۆکی ئەمریکا پێیانوایە پێویست دەکات واشنتن بەپەلە و هەرچی زووتر و بەتووندی بچێتە نێو سووریاوە و ئەو هەژموونە کەمەی کە لە سووریا بۆی ماوەتەوە بپارێزێت، بەپێچەوانەوە متمانە و هەژموونی خۆی لەلای ئۆپۆزسیۆنی میانڕەو لە عەرب، کورد و تورکەکان لە شەڕیاندا دژ بە داعش لەدەستدەدەن و جێی پێی خۆیان لەو وڵاتەدا لاواز دەکەن.}

^{بەڵام گرتنەبەری بژاردەی سەربازی کەم مەترسی نییە، چوونکە گۆڕەپانی شەڕی سووریا بە هێزەکانی رووسیا و سووریا تێکەڵبووە وئەگەری ئەوەی لێدەکەوێتەوە ببێتە هۆکارێک بۆ رووبەڕووبوونەوەی سەربازی نێوان ئەمریکا و رووسیا.}

^{یەکێک لە بژاردە سەربازییەکان بریتییە لە پڕچەكکردنی هیزە هاوپەیمانییەکانی ئۆپۆزسیۆن بە چەکی سەربازی پێشکەوتوو لە رووی جۆرییەوە، بەڵام بەدەر لە چەکی دژە فڕۆکەی سەرشان، بەهۆی ئەگەری کەوتنی ئەو چەکانە بەدەست گرووپە نەخوازیارەکان و بەکارهێنانیان لە دژی فڕۆکە رۆژئاواییەکان.}

^{بڕیارە هەردوو وەزیری دەرەوەی رووسیا و ئەمریکا لاڤرۆڤ و کێری لە چەند کاژێری داهاتوودا لە شاری لۆزانی سویسرا کۆببنەوە، هەرچەندە پێشبینییەکان سەبارەت بە ئەگەری رێککەوتنیان لەبارەی حەلەب لە سفر نزیکە.}

^{ئامانجی کۆتایی هەر ئۆپەراسیۆنێکی سەربازی نوێ لە سووریا پاڵپشتی ئۆپۆزسیۆنی میانڕەوی ئەو وڵاتەیە دژ بە حکومەتی سووریا و بەرگریکردن لە کەوتنی رۆژهەڵاتی حەلەب لەژێر دەستی ئەسەد کە لەلایەن رووسیا و ئێرانەوە پشتگیری لێدەکرێت.}

^15/10/2016

رووسیا لە رۆژهەڵاتی نێوەڕاست پێگەی خۆی بەهێز دەكات

^{پەرلەمانی رووسیا بڕیاری جێگیرکردنی بنکەی سەربازی رووسیای لە سووریا پەسندکرد، شارەزایانی سەربازیش ئاماژە بەوەدەکەن، ئەو بڕیارەی پەرلەمانی رووسیا وەک کاردانەوەیەک وایە بەرامبەر ئەمریکا و وڵاتانی یەکێتی ئەوروپا.}

^{بڕیاری ئەنجوومەنی فیدراڵی رووسیا لەبارەی پەسندکردن و جێگیرکردنی بنکەی سەربازی رووسیا لە سووریا چاوەڕواننەکراو بوو.}

^{بەر لەوەی پەرلەمانی رووسیا ئەو بڕیارە جێبەجێبکات، ڤلادیمیر پووتین، سەرۆکی رووسیا لە لێداونێکی رۆژنامەڤانیدا ئاماژەی بەوەکردبوو، مۆسكۆ هێزە سەرەکییەکانی لە سووریا دەکێشێتەوە، بەڵام پەرلەمانی رووسیا بە پەسندکردنی ئەو بڕیارە کارێکی چاوەڕەواننەکراوی ئەنجامدا.}

^{شارەزایانی سەربازی بڕیاری جێگیرکردنی بنکەی سەربازی لە سووریا بۆ ئەوە دەگەڕێننەوە، کە رووسیا وەک کاردانەوەوەیەک لە بەرامبەر ئەمریکا و وڵاتانی ئەوروپا ئەو کارەی کردبێت، بەتایبەت دوای ئەوەی ئەمریکا و رووسیا لەبارەی سووریا نەگیشتنە هیچ رێککەوتنێک.}

^14/10/2016

کوردستانی رۆژئاوا.. تەقینەوەیەک دەیان چەکدار دەکوژێت

^{بەهۆی تەقینەوەیەک لە کوردستانی رۆژئاوا، دەیان چەکدار کوژران و بریندار بوون.}

^{تەقینەوەکە شەوی پێنجشەممە 13ـی یشرینی یەکەمی 2016 لە نزیک دەروازەی بابولسەلام لە ناوچەی ئەعزاز لە نێوان شارەکانی عەفرین و کۆبانێ، لەسەر رێگای نێوان کوردستانی باکوور و رۆژئاوا، رووی داوە.}

^{ئاژانسی (رۆیتەرز) بڵاوی کردووەتەوە، بەهۆی تەقینەوەکە، بە لە رێگای تەقاندنەوەی ئۆتۆمبێلێکی بۆمبڕێژکراو رووی داوە، 20 کەس کوژران و زیاتر لە 25ـی دیکەش بریندار بوون، کە زۆربەیان چەکداری گرووپەکانی ئۆپۆزیسیۆنی سووریان.}

^{بریندارەکان گواستراونەتەوە کوردستانی باکوور و رەوشی تەندروستیی ژمارەیەکیان ناجێگیرە.}

^14/10/2016

عێراق لە دژی تورکیا و سعودیە نەوت بە میسر دەبەخشێت

^{هەردوو وڵاتی میسر و عێراق بە نێوەندگیریی رووسیا و ئێران رێککەوتنێکی نەوتیی واژۆ دەکەن.}

^{بەپێی زانیارییەکان، یەکێک لە خاڵەکانی رێککەوتنە نەوتییەکەی قاهیرە و بەغدا ئەوەیە، کە پێویستە میسر هەڵوێستێکی توند دژی بوونی هێزی تورکی لە عێراق بنوێنێت.}

^{هەروەک هەردوو وڵات لەسەری رێککەوتوون، عێراق مانگانە بڕی یەک ملیۆن بەرمی نەوت بە میسر دەبەخشێت.}

^{بەهۆی پەرەسەندنی ناکۆکیی میسر و سعودیە، کۆمپانیای ئارامکۆی نەوتیی سعودیە بە میسری راگەیاندووە، کە چیتر ناتوانێ نەوت هەناردەی میسر بکات و رێککەوتنەکەی میسر و عێراقیش لە ئەگەری بەردەوامبوونی سعودیە لە نەناردنی نەوت بۆ میسر، لە سەرەتای مانگی داهاتوو دەچێتە بواری جێبەجێکردن.}

^{هێزێکی سوپای تورکیا، کە ئەسیل نوجەیفی، فەرماندەی میلیشیای حەشدی نیشتیمانی رایگەیاندووە، بەمەبەستی مەشقکردن بە چەکدارانی میلیشیاکەی بۆ شەڕکردن لە دژی رێکخراوی توندڕەوی داعش لە ناوچەی باشیک لە سنووری پارێزگای نەینەوا و بەپێی رێککەوتنی حکوومەتی عێراق و تورکیا جێگیرکراوە و بووتە هۆی دروستبوونی ناکۆکی لەنێوان ئەو دوو وڵاتە.}

^{حەیدەر عەبادی، سەرۆک وەزیرانی عێراق ئەو هێزەی تورکیای بە داگیرکەر ناساند و داوای کشانەوەی کرد، بەڵام رەجەب تەییب ئەردۆغان، سەرۆک کۆماری تورکیا رایگەیاند، کە هێزەکە ناکشێتەوە و بەشداریی شەڕی رزگار کردنەوەی مووسڵ دەکات.}

^14/10/2016

کوردستانی ڕۆژهەڵات.. لە دوو هێرشدا 26 چەکداری سوپای پاسدار کوژران

باڵی سەربازیی "کۆمەڵگەی ئازاد و دیموکراتیکی ڕۆژهەڵات" (کۆدار) بەرپرسیارێتیی هێرش بۆ سەر بنکەکانی سوپای پاسداران لە سەردەشت و مەریوانی گرتە ئەستۆ.

^{لە بەیاننامەیەکدا کە یەکینەکانی پاراستنی ڕۆژهەڵات (یەرەکە) بڵاوی کردووەتەوە هاتووە "لە ئەنجامی چەند ئۆپراسیۆنێکی تۆڵە ئەستێنانەدا لە لەناو شارۆچکەی ڕەبەت، هەروەها گوندی "جانداران"ی سەردەشت و ناوچەی "گوڵێچەر"ی نزیک مەریوان، لانیکەم 26 ئەندامی سوپای پاسداران و بەسیج کوژراون."}

^{لە دە ڕۆژی ڕابردوودا سوپای پاسداران ڕایگەیاند لە دوروبەری "سەلاسی باوەجانی" 12 گەریلای پارتی ژیانی ئازادی کوردستان (پەژاک)ی کوشتووە و پاش چەند ڕۆژ باڵی سەربازیی پەژاک بە بڵاوکردنەوەی بەیاننامەیەک ئەم هەواڵەی پشتڕاست کردەوە.}

^{هەتا ئێستا سوپای پاسداران لە بەرانبەر ئەم بەیاننامەیە و کوژرانی ئەندامەکانی هیچ هەڵویستێکی نەبووە، چەند ڕۆژ پێش بنکەی "بەیتولموقەدەسی سوپای سنە" باسیان لە پووچەڵکردنەوەی هێرشێک لە ناوچەی گوڵچیدەری مەریوان کردبوو.}

^{ئەمە لە کاتێک دایە بەرەبەیانی دوێنێ چوارشەممە لە گوندی "ڕوار"ی سەر بە شاری سەوڵاوا هێزێکی چەکدار هێرشیان کردەوە سەر بنکەیەکی سوپای پاسداران و سووتاندیان و لە ئەنجامدا 5 ئەندامی سوپای پاساداران کوژران و 7ی دیکەش کوژران.}

^13/10/2016

وەزیری ئیتلاعاتی ئێران: کردەوەیەکی تیرۆریستی لە شیراز پووچەڵ کرایەوە

^{بەپێی ڕاپۆرتی میدیاکانی ئێران، مەحموود عەلەوی وەزیری دەزگای هەواڵگریی (ئیتلاعات) ڕایگەیاندووە "لە ئۆپەراسیۆنێکدا لە شیراز کردەوەیەکی تیرۆرسیتییان پووچەڵ کردووەتەوە و 100 کیلۆگرام مادەی تەقینەوەش دەستی بەسەردا گیراوە."}

^{ماڵپەڕی ئیرنا لەم بارەوە ئەمڕۆ پێنجشەمە لەزاری مەحموود عەلەوی وەزیری ئتلاعاتەوە بلاوی کردووەتەوە "لە شاری شیراز وێڕای پووچەڵکردنەوەی گرووپێکی تیرۆریستی و دەستبەسەرداگرتنی 100 کیلۆ مادەی تەقینەوە، چەند کەسێکی بیانیش دەستگیر کراون."}

^{ئێران ئەو کەسانەی بە تەکفیری (هەڵگەراوە لە دین) دەناسێنێ کە ئاماژەیە بە گرووپەکانی ئەلقاعیدە و داعش.}

^{لە ماوەی دوو مانگی ڕابردوودا دەزگا ئەمنی و ئیتلاعتییەکانی ئێران ڕایانگەیاندووە کە چەندین گرووپ و تیمی تیرۆریتسییان لە ناوچەکانی کوردستان، سیستان و بەلووچستان پووچەڵ کردووەتەوە و لەو پەیوەندییەدا دەیان کەسیش دەستگیر کراون کە زۆربەیان سەر بە گرووپە ئیسلامییە توندڕەوەکان بوون کە گرووپی "تەوحید و جیهاد و گرووپی تەکفیریی وەهابی" دوو لەوان بوون.}

^13/10/2016

سەرۆكی هەرێمی كوردستان و عادل عەبدولمەهدی کۆبوونەوە

^{ئەمڕۆ پێنجشەممە، مەسعود بارزانی، سەرۆکی هەرێمی کوردستان لەگەڵ عادل عەبدولمەهدی سەرکردەی ئەنجومەنی باڵای ئیسلامیی عێراق دیدار و چاوپێکەوتنی کرد.}

^{لە دیدارەکەدا تیشك خرایە سەر بارودۆخی ئەمنی و ئامادەکارییەکان بۆ ئۆپەراسیۆنی ئازادکردنی مووسڵ و لەوبارەیەشەوە هەماهەنگی و هاوکاریی نێوان هێزی پێشمەرگە و سوپای عێراق و هاوپەیمانان بەرز نرخێندرا.}

^{ماڵپەڕی سەرۆکایەتیی هەرێمی کوردستان وێنەیەک لە ناوەرۆکی دیدارەکەی بۆ (باسنیوز) ناردووە.}

^{پوختەی ناوەرۆکی دیدارەکە:}

^{ئەمڕۆ ڕۆژی پێنجشەممە 2016 -10 -13 لە سەلاحەدین مەسعود بارزانی، سەرۆكی هەرێمی كوردستان پێشوازی لە عادل عەبدولمەهدی، سیاسەتمەدار و سەركردەی ئەنجومەنی باڵای ئیسلامیی عێراق كرد.}

^{لە دیدارەكەدا بارودۆخی سیاسیی عێراق و سەردانی سەرۆک بارزانی شاندی یاوەری بۆ بەغدا خرایە بەر باس و گفتوگۆ و باس لە ڕێگەچارەكان كرا بۆ یەكلاییكردنەوەی كێشەكان. هەردوولا جەختیان لەسەر دیالۆگ و لێكتێگەییشتنی نێوان لایەنەكان كردەوە بۆ چارەسەری گرفتەكان.}

^{لە بەشێكی دیكەی كۆبوونەوەكە تیشك خرایە سەر بارودۆخی ئەمنی و ئامادەکارییەکان بۆ ئۆپەراسیۆنی ئازادکردنی موسڵ و لەوبارەیەشەوە هەماهەنگی و هاوکاریی نێوان هێزی پێشمەرگە و سوپای عێراق و هاوپەیمانان بەرز نرخێندرا.}

^13/10/2016

ڕاوێژکاری ڕۆحانی: بە هەموو توانامانەوە پشتیوانی لە حکوومەتی سووریا دەکەین

^{ئەمیر عەبدوڵڵاهیان، ڕاوێژاکری حەسەن ڕۆحانی سەرکۆماری ئێران، بۆ کاروباری نیودەوڵەتی ئەمڕۆ پێنجشەممە 2016 -10 -13 ڕایگەیاند "ئێران بە هەموو توانای خۆیەوە پالشتی لە حکوومەتی سووریا دەکات و درێژە بەم کارە دەدەین."}

^{ماڵپەڕی تەسنیمی سەر بە سوپای پاسداران لەم بارەوە بڵاوی کردووەتەوە عەبدوڵڵاهیان لە بەشێکی دیکەی گوتەکانیدا هێرشی کردووەتەوە سەر ئیسرائیل و دەڵێت "هیچ گومانێکمان نییە کە حکوومەتی ناڕەوای ئیسرائیل لەسەر نەخشەی ناوچەی عەزیزی قودەس نامێنێ و دەسڕێتەوە."}

^{ڕاوێکاری ڕۆحانی لە بەشێکی دیکەی قسەکانیدا ئاشکرای کردووە "هێرشی ئاوبەشی ئەمەریکا و هاوپەیمانەکانی بۆ سەر یەمەن شکشتی خواردووە و ئێمە بۆ دابینکردنی سەقامگیری لە ناوچەکە ئەوپەڕی هەوڵی خۆمان دەدەین و خەڵکی ستەملێکراوی یەمەن ڕزگار دەکەین."}

^{بەڕای بەرپرسانی سعوودی و وڵاتانی ڕۆژئاوا "کۆماری ئیسلامیی ئێران لە ماوەی شەش ساڵی رابردوودا یەکێک لە هۆکارە سەرەکییەکانی تێکدانی ئاسایشی ناوچەکە و بەتایبەت لە کاروباری ولاتانی عێراق، یەمەن و سووریادا دەستێوەردانی کردووە و ئیستاش لە هەر سێ وڵات سوپای قودسی سەر بە پاسداران حزووری هەیە."}

^13/10/2016

واشنتن بیر لە لێدانی حوسییەکانی یەمەن دەکاتەوە

^{حکوومەتی ئەمریکا بیر لە لێدانی حوسییەکانی یەمەن دەکاتەوە، دوای ئەوەی دوو مووشەک ئاراستەی کەشتیگەلێکی ئەمریکی کراوە.}

^{جیف دیڤس، گوتەبێژی وەزارەتی بەرگریی ئەمریکا رایگەیاندووە، کە هەر کەس و لایەنێک لە پشت هێرشکردنە سەر کەشتیگەلی سەربازیی USS missouriـی ئەمریکی، ئەوە بە دەستدرێژیکار دادەنرێت و خۆی خستووەتە مەترسییەکی گەورە.}

^{بە گوتەی جیف دیڤس، حکوومەتی ئەمریکا لە هەوڵ دایە بۆ دەستنیشانکردنی ئەو لایەنەی لە پێشت هێرشە مووشەکییەکەوەیە بۆ سەر کەشتیگەلە ئەمریکییەکە و ئەگەر دەرکەوت حوسییەکان ئەنجامیان داوە، ئەوا سوپای وڵاتەکەی لێیان دەدات.}

^{گوتەبێژی وەزارەتی بەرگریی ئەمریکا ئاماژەی بەوەش کردووە، کە کەشتیگەلە ئەمریکییەکە لە ئاوە نێودەوڵەتییەکاندا بووە و هیچ دەوڵەت و گرووپێک ناتوانێ هێرشیان بکاتە سەر.}

^{حوسییەکان گرووپێکی شیعەمەزهەبی یەمەنین و لەلایەن ئێرانەوە پشتگیری دەکری. بە هاوکاریی عەلی عەبدوڵڵا ساڵ، سەرۆکی پێشوو و لەسەر کار لادراو کودەتایان بەسەر حکوومەتی وڵاتەکەیاندا کردووە و دەستیان بەسەر بەشێکی زۆری خاکی یەمەندا گرتووە.}

^12/10/2016

لێبوردنی نێودەوڵەتی: لە ورمێ مەترسیی لەسێدارەدانی ژنێکی کورد نزیکە

^{ڕێکخراوی لێبوردنی نێودەوڵەتی بە بڵاوکردنەوەی ڕاگەیەندراوێک، ئاشکرای کردووە زەینەب سکانوەند، ژنێکی تەمەن 22 ساڵی کوردی خەڵکی دەڤەری ماکۆ کەلە تەمەنی 17 ساڵیدا هاوسەری خۆی کوشتووە، ئەگەری لەسێدارەدانی نزیکە.}

^{هەمان سەرچاوە ئاماژەی بەوەش داوە کە ئەو ژنە لە زیندان لەگەڵ کەسێکی دیکە ژیانی هاوبەشی پێک هێناوە و دووگیان بووە و دوو هەفتە لەمەوبەر بۆ پشکنین براوەتە نەخۆشخانە و پاش چەند سەعات منداڵەکەی بە مردوویی هاتووەتە دونیا.}

^{بە گوتەی دکتۆرەکانی زیندان چەند ڕۆژە بەرلەو ڕووداوە هەواڵی سێدارەی هاوبەندییەکیان بە زەینەب گەیاندووە و ئەگەری زۆری هۆکاری مردنی منداڵەکەی ئەوە بێت.}

^{سەرچاوەکان باس لەوە دەکەن، هۆکاری دواکەوتنی سێدارەی زەینەب لەلایەن دەزگای دادوەرییەوە دووگیان بوونی بووە و ئێستا کە منداڵەکەی بە مردوویی لەدایک بووە، دەزگای دادوەریی ئیران لێی بەگومانە و دەیانهەوێ لەسێدارەی بدەن.}

^{زەینەب سکانوەند لورکان، کچی محەمەد و لەدایکبووی 1994 و لە یەکێک لە گوندەکانی ناحیەی "شوت" ی ساری ماکۆ لە پارێزگای ورمێ لەدایک بووە، لە تەمەنی 15 ساڵیدا ژیانی هاوبەشی پێک هێناوە و پاش دوو ساڵ و لە تەمەنی 17 ساڵیدا بە گوتەی خۆی بەهیۆ ئەزیەت و ئازار لەلایەن مێردەکەیەوە تووشی تاوانی کوشتن بووە.}

^{کۆماری ئیسلامیی ئێران تەمەن سزا و باڵغبوونی بۆ کوڕان بە 15 ساڵ و بۆ کچانیش بە 9 ساڵ دیاری کردووە لە حاڵێکدا یاسا و پیوەرە نێودەوڵەتییەکانی وەک مافی منداڵان، هەموو کەسێک هەتا تەمەنی 18 ساڵی بە منداڵ لە قەڵەم دەدەن و سزای زیندان و دادگایی و سێدارەی منداڵانی خوار تەمەن 18 ساڵ نایاساییە.}

^{ئەمە لە کاتێک دایە ئێران بۆ خۆشی ئەو ڕێککەوتننامانەی واژۆ کردووە.}

^{ساڵانە لە ئێران چەندین مێرمنداڵ لەسێدارە دەدرێن، ئێستا لە زانیدانی سنە پێنج مێرمنداڵی کورد سزای سیدارەیان بۆ بڕاوەتەوە و چاوەڕیی بەڕیوەچوونی سزاکەیان دەکەن.}

^12/10/2016

PYD فیدڕاڵییه‌كه‌ی به‌ ناوى باكوورى سووریاوە ڕاده‌گه‌یه‌نێ

^{ئه‌گه‌رچى وا بڕیاره‌ له‌م مانگه‌دا ئه‌نجومه‌نی فیدراڵیی باكووری سووریا كۆ ببێته‌وه‌ و سیسته‌می فیدراڵی له‌ رۆژئاوای كوردستان به‌ ناوى (باكووری سووریا)، به‌ شێوه‌ى فه‌رمى رابگه‌یه‌نێ، به‌ڵام كۆشكى سپى و ئه‌نجومه‌نى نیشتمانیى كوردى سووریا (ENKS) له‌ ئێستاوه‌ ئه‌و فیدڕاڵییه‌ له‌ژێر ئه‌و ناوه‌دا ره‌ت ده‌كه‌نه‌وه‌.}

^{مه‌نسوور سه‌لووم، هاوسه‌رۆكی ئه‌نجومه‌نی دامه‌زێنه‌ری سیسته‌می فیدراڵیی دیموكراتیی رۆژئاوا - باكووری سووریا به‌ ئاژانسی (هاوار نیوز)ـى راگه‌یاندووه‌، سیسته‌می فیدراڵیی رۆژئاوا - باكووری سووریا له‌ ماوه‌ی مانگی تشرینی یه‌كه‌مدا راده‌گه‌یه‌نرێت و له‌ ماوه‌ی شه‌ش مانگیشدا ده‌ست به‌ هه‌ڵبژاردن ده‌كرێت.}

^{ئاماژه‌ى به‌وه‌ش داوه‌، بۆ ئه‌م مه‌به‌سته‌ له‌گه‌ڵ هه‌ردوو ئه‌نجومه‌نی جێبه‌جێكار و یاسادانان له‌ كانتۆنی جزیره‌ كۆ ده‌بنه‌وه‌، بۆ تاوتوێكردنی ره‌شنووسى گرێبه‌ستی كۆمه‌ڵایه‌تی و هه‌مواركردنه‌وه‌ و داڕشتنی كۆتایی، كه‌ وه‌كو ده‌ستوور پشتی پێ ده‌به‌سترێت.}

^{به‌پێى لێدوانێكى پێشووى دیار قامیشلوو، ئه‌ندامی نووسینگه‌ی په‌یوه‌ندییه‌كانی پارتى یه‌كێتیى دیموكراتى PYD، كه‌ به‌ (ئارا نیوز)ى راگه‌یاندبوو، نیازیان هه‌یه‌ وشه‌ی رۆژاوا له‌ ده‌ستووردا به‌ته‌واوى بسڕنه‌وه‌.}

^{دیار، ئاماژه‌ى به‌وه‌ش دابوو كه‌ قامیشلوو ده‌كه‌نه‌ پایته‌ختی فیدراڵییه‌ته‌كه‌یان، به‌ڵام بیری نه‌ته‌وه‌ییمان نییه‌ و وشه‌ی كورد به‌كار ناهێنن، ته‌نانه‌ت به‌نیازن وشه‌ی رۆژئاواش بسڕنه‌وه‌ و ته‌نیا ناوی بنێن (باكووری سووریا).}

^{به‌ڵام، مارك تۆنه‌ر، وته‌بێژی وه‌زاره‌تی ده‌ره‌وه‌ی ئه‌مه‌ریكا رای گه‌یاند، ئه‌مه‌ریكا نایه‌وێت له‌و ناوچانه‌ی له‌ژێر كۆنتڕۆڵی یه‌كینه‌كانی پاراستنی گه‌ل YPGدایه‌، سیسته‌می فیدراڵی دابمه‌زرێنرێت.}

^{مارك تۆنه‌ر له‌میانی كۆنگره‌یه‌كی رۆژنامه‌وانیدا له‌ مانگى رابردوو رای گه‌یاند، كه‌ ئه‌وان له‌گه‌ڵ یه‌كپارچه‌یی خاكی سووریادان و نابێت هه‌ر هێزێكی سه‌ربازی ناوچه‌یه‌كی فیدراڵی بۆ خۆی دروست بكات.}

^{وته‌بێژی وه‌زاره‌تی ده‌ره‌وه‌ی ئه‌مه‌ریكا جه‌ختیشی كرده‌وه‌، كه‌ ده‌بێت گه‌لی سووریا بڕیار له‌ داهاتووی خۆیان بده‌ن.}

^{نه‌واف ره‌شید، نوێنه‌رى ئه‌نجومه‌نى نیشتمانیى كوردى سووریا له‌ هه‌رێمى كوردستان بۆ (باس) راى گه‌یاند، PYD خاوه‌نى ئه‌و ده‌ستووره‌یه‌ كه‌ كوردستانى رۆژئاواى به‌ (باكوورى سووریا) پێناسه‌ كردووه‌، ئێستا ده‌یه‌وێ رۆژئاواى كوردستان به‌فه‌رمى له‌ لاى خۆى بكات به‌ باكوورى سووریا، به‌ڵام له‌ واقیعدا په‌یه‌ده‌ ناتوانێ كوردستانیبوونى سووریا بسڕێته‌وه‌، گوتى: "ئه‌و پڕۆژه‌ ده‌ستوورییه‌ له‌ دژى بیرى نه‌ته‌وه‌ییه‌ و له‌ دژى بیرۆكه‌ى (بارزانى)یه‌، بارزانى فیدڕاڵیى نه‌ته‌وه‌یی بۆ رۆژئاواى كوردستان ده‌خوازێ، ئه‌مه‌ریكاش پشتیوانى له‌ بیرۆكه‌ى بارزانى ده‌كا و دواجاریش هه‌ر فیدڕاڵیى نه‌ته‌وه‌یی بۆ رۆژئاواى كوردستان سه‌رده‌كه‌وێ".}

^{ئه‌و سه‌ركرده‌یه‌ى ENKS ئاماژه‌ى بۆ ئه‌وه‌ش كرد، به‌پێى ئه‌و ده‌ستووره‌ ئه‌و پارچه‌یه‌ چیتر كوردستان نییه‌، ئه‌وه‌ش هه‌ڕاجكردنى خاكى كوردستانه‌ بۆ نه‌ته‌وه‌كانى دیكه‌، گوتیشى: "په‌یه‌ده‌ ئه‌وه‌ به‌ فه‌رمانى به‌شار ئه‌سه‌د ده‌كات و به‌ هیچ شێوه‌یه‌ك ئێمه‌ ئه‌و جۆره‌ فیدڕاڵییه‌ته‌مان بۆ رۆژئاواى كوردستان ناوێ، كه‌ كوردستانیبوونى رۆژئاوا بسڕێته‌وه‌".}

^{(باس) وه‌ك هه‌موو جارێك هه‌وڵى وه‌رگرتنى راى زیاترى به‌رپرسانى په‌یه‌ده‌ى دا، به‌ڵام په‌یوه‌ندی له‌گه‌ڵیاندا دروست نه‌بوو.}

^12/10/2016

پەرلەمانتارێکی ھەدەپە: قەندیل رازییە بارزانی تورکیا و پەکەکە لێک نزیک بکاتەوە

^{رۆژنامەی (باس خەبەر) توانی لە نزیکەوە دیمانەیەک لەگەڵ ئیمام تاشچیگەر ئەندام پەرلەمانی ھەدەپە ئەنجام بدات، کە لەگەڵ ئەو شاندە فەرمییەی ھەدەپە بوو بۆ سەردانیکردنی مەسعود بارزانی سەرۆکی ھەرێمی کوردستان و ھەروەھا چەند پارتێکی دیکەی باشوور.}

^{بە گوێرەی گوتەی ئەو سەردانەکە زۆر مێژوویی بووە و بارزانی ئامادەیی دەربڕیوە ناوەگیری بکات بۆ لە یەکتری نزیکبوونەوەی پەکەکە و دەوڵەتی تورکیا بۆ دووبارە ھێنانە کایەوەی ئاشتی لە تورکیا و کۆتاییھێنان بە شەڕ. ھەروەھا لایەنەکانی باشوور بەجدی مەیلی ئەوەیان ھەیە لەگەڵ یەکتردا دابنیشن و کێشەکانیان چارەسەر بکەن.}

^{ئیمام وەکو ئەوەی خۆی باسی لێوە دەکات، راستە سەلاحەدین دەمیرتاش گوتی مەبەستی سەردانەکان بۆ ئاشتکردنەوەی پارتە سیاسییەکانی باشوور بووە، بەڵام لە ھەمان کاتدا باسیان لە رەوشی باکوور کردووە، بەتایبەتی ئەو نەھامەتییەی بە ھۆکاری شەڕ دووچاری ھاووڵاتیانی باکوور بوەتەوە، بارزانییش ئامادەیی دەربڕیوە بۆ ئەوەی ناوەندگێڕی بکات.}

^{ھەروەھا لەبارەی شاندەکەی ھەدەپەیش بۆ لای بارزانی، رەجەب تەییب ئەردۆگان ئاماژەی دا ئەوانیش ئامادەن شاندێک بۆ باشوور بنێرن، بۆیە ئیمام پێیوایە ئەم لێدوانەیش گرنگە بۆ نزیکبوونەوەی ھەدەپە و ئاک پارتی.}

^{ئەو دەڵێت: "ماوەیەکی زۆرە لەنێوان پارتی دیموکراتی کوردستان و ھەدەپە ھیچ کۆبوونەوە و لە یەکنزیکبوونەوەیەک نەبووە، بۆیە چوونی ھەدەپە بۆ لای پارتی گرنگ بوو بۆ تۆخکردنەوەی پەیوەندییەکانمان. ھەروەھا وەکو ھەموومان ئاگادارین ئێستا لە باشوور پارتە سیاسییەکان نێوان لەگەڵ یەکتری ناخۆشە و کار گەیشتووەتە ئەوەی پەرلەمان دابخرێت، بۆیە وەکو ھەدەپە پێمان خۆش بوو دەستێکمان ھەبێت لە پێکەوەژیان و ئاشتکردنەوەی ئەو پارتە سیاسییانە، خۆشبەختانە ھەموو پارتەکانی باشوور بە ئەرێنی وەڵامی ئێمەیان دایەوە و، ئێمە لە کۆبوونەوەکەماندا لەگەڵ بارزانی کە ماوەی ٥ سەعاتی خایاند ھەستمان کرد کێشەکان بەرەو چارەسەری دەچن".}

^{دوای ئەوەی ھەدەپە سەردانی بارزانیی کرد، پروپاگندەیەک بڵاو کرایەوە بەوەی سەرۆکی زیندانیکراوی پەکەکە عەبدوڵڵا ئۆجەلان نامەیەکی بۆ بارزانی و قەندیل ناردووە و ھەدەپەش ئەو نامەیەی ئۆجەلانی بۆ بارزانی بردووە، بەڵام ئیمام ئەو دەنگۆیانە بە راست نازانێت.}

^{ئەو ئاماژەی دا ئەوان لەگەڵ مەسعود بارزانی سەرۆکی ھەرێمی کوردستان باسیان لە رەوشی باکوور کردووە و، ھەموو ئەو نەھامەتییانەی بەسەر کوردا ھاتووە باس کردووە، بۆ نموونە وێرانبوونی ھەزاران خانوو و کوژرانی دەیان ھاووڵاتیی سڤیل و زۆر نەھامەتیی دیکە، بەڵام بە ھیچ شێوەیەک نامەی ئۆجەلانمان بۆ بارزانی نەبردووە.}

^{ئەو دەڵێت: "ئەگەر ئۆجەلان نامەی بۆ بارزانی بناردایە محەمەد ئۆجەلانی برای کاتێک لە ئیمیڕاڵی گەڕایەوە لە کۆنگرە رۆژنامەوانییەکەدا باسی ئەو نامەیەی دەکرد. ئێمە لەو ماوەیەی کە لەگەڵ بارزانی دانیشتین توانیمان باس لە رەوشی خۆمان بکەین و بڵێین پێویستە دەوڵەت و پەکەکە بگەڕێنەوە بۆ رێککەوتنی ئۆسلۆ و پڕۆسەی ئاشتی گیانی بەبەردا بێتەوە".}

^{لە درێژەی دیمانەکەدا ئیمام پێیوایە پێویستە دەوڵەتی تورکیا ھەنگاوێک بنێت بۆ ئاشتی تا پەکەکەیش وەڵامی بداتەوە، بەڵام بەداخەوە دەوڵەت ھیچ ھەنگاوێکی لەو شێوەیەی نییە. ئەو پێی وانییە قەندیل دژی ھەوڵی بارزانی بێت بۆ نێوەنگێری دەوڵەت و پەکەکە، بە پێچەوانەوە قەندیل بە ئەرێنی لەو ھەوڵە دەڕوانێت.}

^{پێشتر لە چەند میدیایەکی تورکیا بڵاو کرایەوە کە قەندیل نایەوێت پڕۆسەی ئاشتی لەسەر دەستی بارزانی دەست پێ بکاتەوە، بەڵام رۆژئاوا و ئەمەریکا دەیانەوێت بارزانی ناوەندگیری بکات، بۆ ئەمەیان ئیمام پێچەوانە بیر دەکاتەوە و دەڵێت: "گرنگ ئەوەیە حکوومەتی تورکیا ھەنگاوێک بۆ ئاشتی بھاوێت، جا ئەگەر لە رێگەی بارزانیشەوە بێت گرنگە و قەندیل رێگریی لێ ناکات، من پێم باشە بارزانی ئەو رۆڵە بگێڕێت و بە ھیچ شێوەیەکیش قەندیل دژی ناوەستێتەوە".}

^{لەبارەی ئەوەی بارزانی چی داواکارییەکی لە ھەدەپە ھەبوو لەو سەردانەدا گوتی: "بارزانی داوای کرد شەڕی باکوور بە زووترین کات کۆتایی پێ بێت و ھەدەپەیش پێویستە ھەموو ھەنگاوێک بۆ دیموکراتی و راوەستانی شەڕ بگرێتە بەر. ھەروەھا ئاماژەی دا ھەر شتێک لەسەر ئەو بێت و داوای لێ بکەن ئامادەیی تێدا ھەیە ئەنجامی بدات، تەنیا شەڕ کۆتایی پێ بێت".}

^{ھەر لەو کۆبوونەوەیەدا لەگەڵ بارزانی، بە گوێرەی گوتەی ئیمام ھەدەپە داوای کردووە پەیوەندیی نێوان پەکەکە و پارتی دیموکراتی کوردستان باش ببێتەوە و، ئیدی ئەو ساردییەی لەنێوانیاندا ھەیە نەمێنێت. ھەروەھا لەو رووەوە پێویستە دانوستاندن بکرێت و بە کۆبوونەوە کێشەکان چارەسەر بکرێت، چونکە ئێستا یەکگرتوویی کورد زۆر پێویستە و بە ھیچ شێوەیەک لە بەرژەوەندیی ھیچ کەس و لایەنێکی کوردیدا نییە نێوان پەکەکە و پارتی ناخۆش بێت.}

^11/10/2016

کوردستانی ڕۆژهەڵات.. ئەندامێکی دیکەی سوپای پاسداران کوژرا

^{سەعات 9:30ی شەوی ڕابردوو بە کاتی ئێران لە گوندێکی دوروبەری شاری کامیارانی سەر بە پارێزگای سنە ئەندامێکی خۆجێی سوپای پاسدارانی ئێران لەلایەن چەند چەکدارێکی نەناسراوەوە کوژرا.}

^{ماڵپەڕی (مافنیوز) بە پشتڕاستکردنەوەی ئەم هەواڵ نووسیویە "کوژراوەکە ناوی شاهۆ کەریمی و خەڵکی گوندی پاڵنگانی سەر بە کامیارانە و لە گوندی تروەڕێز، کەوتووەتە بەر دەستڕێژی گوللەی چەند چەکدارێکی نەناسراو و دەستبەجێ کوژراوە.}

^{ئەمە لە کاتێک دایە کە شەوی 9 لەسەر 2016 -10 -10 لە شارۆچکەی ڕەبەت و گوندی "گلیچەر"ی سەر بە مەریوان بە چەکی سووک و قورس هێرش کراوەتە سەر چەند بنکەیەکی سوپای پاسداران و هێزە ئەمنییەکانی حکوومەتی ئێران و چەند ئەندامێکی سوپا بریندار بوون.}

^{لە ماوەی یەک مانگی ڕابردوودا زیاتر لە 20 ئەندامی سوپای پاسداران لە ناوچە جیاجیاکانی کوردستانی ڕۆژهەڵات لەلایەن چەکدارانی نەناسراوەوە کوژراون، کە "هەڵۆکانی زاگرۆس" بەرپرسیارێتیی هەندێکیانی لە ئەستۆ گرتووە.}

^11/10/2016

میلیشیا شیعەكانی عێراق بە لێشاو روو لە سووریا دەكەن

^{لەنێوان عێراقییەكاندا دیارترین دەموچاو ئەكرەم ئەلكەعبییە كە فەرماندەیەكی (حەرەكەت حیزبوڵڵا ئەلنوجەبا)یە و لە ڤیدیۆیەكدا بەشداریی چەكدارە بیانییە شیعەكان لە جەنگی حەلەب بە "جیهاد" ناو دەبات}

^{ژمارەیەك چەكداری سەر بە میلیشیا شیعەكانی عێراق روویان لە سووریا كردووە و لەوێ هاوكاریی هێزەكانی رژێمی سووریا دەكەن بۆ كۆنتڕۆڵكردنی رۆژهەڵاتی حەلەب و تەنانەت لە چەندین شەڕی قورسیشدا لەم شارە بەشدارییان كردووە.}

^{ئەركی سەرەكیی ئەم هێزانە ئەوەیە لە پاڵ چەكدارانی حیزبوڵڵا و چەكدارە ئێرانییەكاندا لاوازیی هێزە پیادەكانی حكومەتی سووریا قەرەبوو بكەنەوە، لە كاتێكدا رووسیاش لاوازیی هێزی ئاسمانیی حكومەتی سووریای پڕكردووەتەوە.}

^{جیهاد لە دژی سوننە}

^{لە مانگی تەمووزی ساڵی 2015ەوە هەڵمەتە ئۆنلاینەكان بۆ راكێشانی چەكداری شیعە بەشێوەیەكی بەرچاو زیادیان كردووە. لە كۆتاییەكانی 2014 و سەرەتاكانی 2015دا راكێشانی چەكدارەكان پچڕ پچڕ بوون، بەڵام لە ناوەڕاستی پارساڵەوە پرۆگرامێكی هەمەلایەنە بۆ راكێشانی میلیشیا شیعەكان دەستی پێكرد و لە دیمەشقەوە هەتا ئیدلب بڵاوەیان پێكرا.}

^{لە نێوان عێراقییەكاندا دیارترین دەموچاو ئەكرەم ئەلكەعبییە كە فەرماندەیەكی (حەرەكەت حیزبوڵڵا ئەلنوجەبا)یە و لەگرتەیەكی ڤیدیۆییدا بەشداریی چەكدارە بیانییە شیعەكان لە جەنگی حەلەب بە "جیهاد" ناو دەبات. دەستەواژەی جیهادی شیعەكان بەشێوەیەكی بەرچاو لە ماوەی جەنگی هەشت ساڵەی نێوان ئێران و عێراق و دواتریش لە جەنگی نێوان حیزبوڵڵا و ئیسرائیلدا بڵاو بوو، بەڵام لەگەڵ دەستپێكردنی جەنگی نێوخۆیی سووریا و تایفیبوونەوەی جەنگەكە، ئەم دەستەواژەیە جارێكی دیكە سەری هەڵدایەوە.}

^{هاشم ئەلموسەوی، فەرماندەیەكی دیكەی میلیشیای ئەلنوجەبا، بە رۆژنامەی (وۆڵ ستریت جۆرناڵ)ی ئەمریكی راگەیاند، بەشداریی ئەوان بەشێكە لە جەنگێكی ناوچەیی لە دژی "تیرۆریزم". ژمارەیەكی زۆر چەكداری شیعەی عێراقی دیكەش لە ماوەی چەند هەفتەی رابردوودا روویان لە سووریا و بە تایبەت ناوچەكانی نزیكی حەلەب كردووە.}

^{چاوەڕێ دەكرێ میلیشیاكانی حەشدی شەعبی رۆڵێكی لاوەكییان لە ئۆپەراسیۆنی كۆنتڕۆڵكردنەوەی مووسڵدا هەبێت، هۆكاری لاوازبوونی رۆڵی ئەو گرووپانەش بۆ ئەو توندوتیژیانە دەگەڕێتەوە كە پێشتر لە تكریت و فەللوجە نواندبوویان. ژمارەیەك لە فەرماندەكانی حەشدی شەعبی بە وۆڵ ستریت جورناڵیان راگەیاندووە كە لاوەكیبوونی رۆڵی ئەو میلیشیایانە لە جەنگی مووسڵدا هۆكار بووە بۆئەوەی كە ئەوان روو لە جەنگی حەلەب لە سووریا بكەن.}

^{ژمارەیەكی زۆر لە گرووپە میلیشیا شیعەكان لە ساڵی 2012 و بۆ پشتگیریكردن لە دەسەڵاتی بەشار ئەسەد روویان كردە سووریا. بەڵام لە ساڵی 2014ەوە هێرشەكانی چەكدارانی دەوڵەتی ئیسلامی لە عێراقیش فراوانتر بوونەوە، هەر بۆیە بەشێكی بەرچاویان گەڕانەوە عێراق.}

^{ئەلنوجەبا بەشێكە لە هێزێكی سیانە كە گرووپەكانی عەسایبی ئەهلی حەق و ئەبولفەزل ئەلعەبباسیش لەخۆدەگرێ. عەسایب یەكێكە لەو گرووپە شیعانەی پێشتر چەندین جار هێرشی كردووەتە سەر هێزەكانی ئەمریكا لە عێراق.}

^{رێكخراوی بەدر كە پارتێكی سیاسیشی هەیە، هەتا ئێستا هیچ هێزێكی لە سووریا نییە، بەڵام فەرماندە و سەركردەكانی ئەم رێكخراوە سیاسی ـ سەربازییە گوتوویانە هەر كاتێك جەنگی مووسڵ یەكلایی بووەوە و داعش لە عێراق لەناوچوو، ئەوانیش گرووپەكەیان لە لقێكی نێوخۆییەوە بۆ هێزێكی چەكداریی ناوچەیی دەگۆڕن.}

^{هیلالی سەوزی شیعە}

^{ژمارەیەك لە دیپلۆمات و سیاسەتمەدارانی وڵاتانی رۆژهەڵاتی ناوەڕاست نیگەرانیی خۆیان دەربڕیوە لەوەی جەنگی نێوخۆیی عێراق و سووریا مەیدانێك یان بیانوویەك بێت بۆ راهێنان و یەكخستنی گرووپە میلیشیاییە شیعەكان لە رۆژهەڵاتی ناوەڕاست لەلایەن ئێرانەوە، بەمەش سەرەتایەكی مەترسیدار بۆ جەنگێكی درێژخایەنتر لە نێوان شیعە و سوننە لە ناوچەكەدا دەستپێبكەن.}

^{زۆربەی وڵاتانی رۆژئاوا، لەوانەش ئەمریكا، پێیانوایە میلیشیا شیعەكان ئەلتەرناتیڤێكی باشترن لە گرووپێكی وەكوو داعش، بەشێك لەم گرووپانەش بەشێوەیەكی ناڕاستەوخۆ كەڵك لە پشتیوانییە ئاسمانییەكانی ئەمریكا لە عێراق وەردەگرن. بەڵام سعودیە و وڵاتانی كەنداو تێڕوانینێكی جیاوازیان هەیە. توركی ئەلفەیسەڵ، سەرۆكی پێشووی هەواڵگریی سعودیە پێیوایە "ئەوەی میلیشیا شیعەكان لە ناوچە رزگاركراوە سوننەكان كردوویانە هێندەی كردەوەكانی داعش قێزەونن".}

^{نیگەرانیی سەرەكی سعودیە و وڵاتە سوننییەكانی ناوچەكە تەنیا پەیوەندی بەو مەترسییانەوە نییە كە لەسەر كۆمەڵگەی سوننیی عێراق و سووریا هەیە، بەڵكو نیگەرانییە ستراتیژییەكەیان پەیوەندی هەیە بە بەهێزبوونی "هیلالی شیعە" كە تێیدا ئێران و سوپای پاسداران رۆڵی ئەندازیار و ئاراستەكەری سەرەكی دەگێڕن. بایەخی ستراتیژیی دەسەڵاتی ئەسەد بۆ تاران هەر پەیوەندی بە پاراستن و بەهێزكردنی ئەم "هیلالەوە" هەیە.}

^{دەسەڵاتی ئێران لە عێراق لە ماوەی 13 ساڵی رابردوودا قۆناغ بە قۆناغ زیادی كردووە كە قۆناغە یەكەم و بنەڕەتییەكەی بۆ رووخانی حكومەتی بەعس دەگەڕێتەوە و جێگرتنەوەی لەلایەن حكومەتێكی زۆرینە شیعە لە عێراق دەگەڕێتەوە. قۆناغی دووەم و سێیەمیشی بۆ كشانەوەی تەواوەتی هێزەكانی ئەمریكا لە عێراق لە 2011 و دەستپێكردنی بەهاری عەرەبی لە هەمان ساڵدا دەگەڕێتەوە.}

^{دامەزراندنی حكومەتێكی زۆرینە شیعە لە بەغدا رێگەی بۆ ئێران خۆش كرد دەسەڵاتی سیاسی خۆی لە ناوچەكەدا فراوان بكات، بەڵام قەیرانی سووریا و دواتریش سەرهەڵدانی داعش و گرووپە سوننە توندڕەوەكان رێگەی بۆ دروستكردنی هاوپەیمانێتییەكی بەرفراوانی سەربازیش لە نێوان میلیشیا شیعەكانی رۆژهەڵاتی نێوەڕاست خۆش كرد، كە سنووری ئەندام وەرگرتنیان لە ئەفغانستانەوە بۆ لوبنان درێژ دەبێتەوە. هەر بۆیە لە هیچ قۆناغێكی مێژووی نوێدا نەبووە ئەو ژمارە زۆرەی میلیشیا شیعەكان لە بەشی جوداجودای ناوچەكەدا (بە تایبەتیش لە ناوچە سوننییەكاندا) خەریكی چالاكیی چەكداری بن.}

^{لەگەڵ نەمانی داعش لە ناوچەكە، جارێكی دیكە پارچەكانی هیلالی شیعە پێكەوە دەلكێنەوە، پێناچێ وڵاتانی سوننەی عەرەبی لە بەرامبەر ئەمەدا بێدەنگ بن، بەڵكو لە رێگەی خەڵكی ناوچە سوننەكانەوە جارێكی دیكە هەوڵی پچڕاندنی كۆریدەری شیعی دەدەن، هەمان ئەو هەوڵانەی لە 2005 بەهێزبوون و هێرشەكانی ئەلقاعیدە و لە 2013 سەرهەڵدانی داعشی لێكەوتەوە.}

^{5000 شیعەی عێراق لە سووریان}

^{بەگوێرەی راپۆرتێكی رۆژنامەی وۆڵ ستریت جورناڵ، لە سەرەتای مانگی ئەیلولەوە زیاتر لە 1000 چەكداری میلیشیا شیعەكانی عێراق چوونەتە سووریا، بەر لە چوونی ئەو چەكدارانەش 4000 چەكداری دیكە لە نزیك حەلەب جێگیركرابوون، بەم پێیە میلیشیا شیعەكانی عێراق، نیوەی هێزە بیانییەكانی لایەنگری ئەسەد لە نزیك حەلەب پێكدێنن.}

^11/10/2016

لۆمۆند: دوو سەربازی فەرەنسی لە شەڕی داعش بریندار بوون

^{رۆژنامەیەکی فەرەنسی برینداربوونی دوو سەربازی فەرەنسی و شەهیدبوونی دوو پێشمەرگەی کوردستان رادەگەیەنێت.}

^{لە راپۆرتێکدا، رۆژی چوارشەممە 12ـی تشرینی یەکەمی 2016، رۆژنامەی لۆمۆندی فەرەنسی رایگەیاندووە، کە چەکدارانی رێکخراوی توندڕەوی داعش فڕۆکەیەکی بێ فڕۆکەوانی بۆمبڕێژکراویان ناردووەتە سەنگەرەکانی پێشمەرگە.}

^{هێزەکانی پێشمەرگە و سەربازە فەرەنسییەکان هەوڵیان داوە شکست بە هێرشە بۆمبییەکەی داعش بهێنن، کە بەپێی لۆمۆند رۆژی 2ـی تشرینی دووەمی 2016 کراوەتە سەر سەنگەرێکی پێشمەرگە، بەڵام فڕۆکە بێ فڕۆکەوانە بۆمبڕێژکراوەکە کەوتووەتە خوارەوە و بووەتە هۆی شەهیدبوونی دوو پێشمەرگە و برینداربوونی دوو سەربازی فەرەنسی، کە یەکێکیان برینەکەی سەختە.}

^{دوای هێرشی رێکخراوی توندڕەوی داعش بۆ سەر کوردستانی باشوور، سەدان سەرباز و راوێژکاری سەربازیی وڵاتانی فەرەنسا، ئەڵمانیا، ئیتاڵیا، چیک، بەریتانیا، ئەمریکا، هەنگاریا و چەند وڵاتێکی دیکە بە مەشقکردن و ناردنی کەلوپەلی سەربازی، هاوکاریی هەرێمی کوردستان دەکەن.}

^{لە مانگی حوزەیرانی 2014 دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی داعش داگیر کرا.}

چاوپێکەوتن

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

رێکخەری گشتی بزووتنەوەی کۆماریخوازان پیرۆزبایی ئاراستەی سەرۆکی یەکێتی نیشتمانی کوردستان دەکات

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

بەدرخان؛ بیرەوەریی مستۆ دادار بڵاودەکاتەوە

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

پیاوێک و شارایەک بەرهەمی دەستنووس

په‌یوه‌ندی راسته‌وخۆ

گه‌ڕان

Articles

ئۆباما بەکارهێنانی بژاردەی سەربازی لە سووریا تاوتوێ دەکات

رووسیا لە رۆژهەڵاتی نێوەڕاست پێگەی خۆی بەهێز دەكات

کوردستانی رۆژئاوا.. تەقینەوەیەک دەیان چەکدار دەکوژێت

عێراق لە دژی تورکیا و سعودیە نەوت بە میسر دەبەخشێت

کوردستانی ڕۆژهەڵات.. لە دوو هێرشدا 26 چەکداری سوپای پاسدار کوژران

وەزیری ئیتلاعاتی ئێران: کردەوەیەکی تیرۆریستی لە شیراز پووچەڵ کرایەوە

سەرۆكی هەرێمی كوردستان و عادل عەبدولمەهدی کۆبوونەوە

ڕاوێژکاری ڕۆحانی: بە هەموو توانامانەوە پشتیوانی لە حکوومەتی سووریا دەکەین

واشنتن بیر لە لێدانی حوسییەکانی یەمەن دەکاتەوە

لێبوردنی نێودەوڵەتی: لە ورمێ مەترسیی لەسێدارەدانی ژنێکی کورد نزیکە

PYD فیدڕاڵییه‌كه‌ی به‌ ناوى باكوورى سووریاوە ڕاده‌گه‌یه‌نێ

پەرلەمانتارێکی ھەدەپە: قەندیل رازییە بارزانی تورکیا و پەکەکە لێک نزیک بکاتەوە

کوردستانی ڕۆژهەڵات.. ئەندامێکی دیکەی سوپای پاسداران کوژرا

میلیشیا شیعەكانی عێراق بە لێشاو روو لە سووریا دەكەن

لۆمۆند: دوو سەربازی فەرەنسی لە شەڕی داعش بریندار بوون

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM