به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
سەرۆکایەتیی هەرێمی کوردستان، ئەمڕۆ هەینی ڕاگەیەندراوێکی سەبارەت بە گیرانی هەردووک هاوسەرۆکی پارتی دیموکراتی گەلان، و ژمارەیەک لە پەرلەمانتارانی "هەدەپە" لەلایەن حکوومەتی تورکیاوە، بلاۆکردەوە
ئەمەش دەقی ڕاگەیاندراوەکەیە:
ڕاگەیەندراوێك لە سەرۆكایەتیی هەرێمی كوردستان
بڕیاری گیرانی هەردوو هاوسەرۆكی پارتی دیموكراتی گەلان و ژمارەیەك لە پارلەمانتارانی ئەو پارتە و دەستبەسەركردنیان لە لایەن حكوومەتی توركیا جێگەی نیگەرانیی ئێمەیە. مەترسیی ئەوە هەیە كە كرداری لەمجۆرە ببێتە هۆی ئاڵۆزتربوونی بارودۆخەكە و كێشەكان قووڵتر ببنەوە.
هیوادارین كە هەرچی زووترە ئەو كێشەیە چارەسەر بكرێت و كۆتایی بە گرتن و دەستبەسەركردنی هاوسەرۆك و ئەندامانی پارتی دیموكراتی گەلان بهێندرێت و گیراوە سیاسییەكانی ئەو پارتە ئازاد بكرێن. چونكە لە خزمەتی سەقامگیری و پێكەوەژیانی سیاسی و كۆمەڵایەتیدا نییە.
سەرۆكایەتیی هەرێمی كوردستان
4ـی 11ـی 2016
مەکتەبی سیاسی یەکێتی نیشتمانی کوردستان ئیدانەی دەستگیرکردنی پەرلەمانتارانی هەدەپە دەکات و داواش ده‌كات ده‌ستبه‌جێ ئازاد بكرێن.
رۆژی هەینی 4-11-2016 مەکتەبی سیاسی یەکێتی نیشتمانی کوردستان، راگەیێندراوێکی لەبارەی دەستگیرکردنی سەلاحه‌دین ده‌میرتاش و فیگه‌ن یوكسەكداغ و نۆ په‌رله‌مانتاریان بڵاوکردەوە و رایگەیاند "یه‌كێتی نیشتمانی كوردستان له‌كاتێكدا ئیدانه‌ی ده‌ستگیركردنی سه‌لاحه‌دین ده‌میرتاش، فیگه‌ن یوكسەكداغ، گوڵتان كشاناك و هه‌ڤاڵه‌كانیان ده‌كات، له‌هه‌مان كاتدا داواش ده‌كات ده‌ستبه‌جێ ئازاد بكرێن و ئاكه‌په بگه‌ڕێته‌وه بۆ سه‌ر مێزی دیالۆگ و چاره‌سه‌ری كێشه‌ی كورد و رازیكردنی یه‌كێتی ئه‌وروپا، هه‌تاوەکو توركیا وه‌ربگیرێ له یه‌كێتی ئه‌وروپا".
لەبەشێکی دیکەی راگەیێندراوەکەدا ئاماژە بەوەکراوە، حكومه‌تی ئاكه‌په له‌درێژه‌ی سیاسه‌ته‌كانی بۆ پێشێلكردنی دیموكراسی و به‌رته‌سكردنه‌وه‌ی ئازادییه‌كان و چاره‌سه‌رنه‌كردنی كێشه‌ی ره‌وای كوردستان، له‌باتی پێزانینی هه‌ڵوێستی هه‌ده‌په و گه‌لی باكووری كوردستان، له‌دژایه‌تی كوده‌تاكه‌ی سه‌ر ئاكه‌په، به‌پێچه‌وانه‌وه كه‌وتوونه‌ته دوژمنایه‌تی ئاشكرای هه‌ده‌په و په‌رله‌مانتار و هه‌ڵبژێردراوانی سه‌رۆك و ئه‌ندامانی شاره‌وانییه‌كان.
یەکێتی نیشتمانی کوردستان راشیدەگەیێنێت، ده‌ستگیركردنی هاوسه‌رۆكان و په‌رله‌مانتارانی هه‌ده‌په و هه‌ڤاڵه‌كانیان، كڵپه‌ی خه‌بات په‌ره پێده‌دات و پشتیوانی خه‌باتی رزگاریخوازی كوردستانیش زیاتر ده‌كات، حكومه‌تی ئاكه‌په‌ش هێنده‌ی تر ده‌خاته ژێر فشاری وڵاتان و رای گشتی دیموكراسی، ته‌نیا ره‌وتی ناسیۆنالیزمی راسیزمی توركخوازه‌كان دڕتر ده‌كات، كه ئه‌مه‌ش نه‌ك هه‌ر زیانی بۆ دیموكراسی هه‌یه، به‌ڵكو مه‌ترسی كوده‌تای دیكه‌شی لێده‌كرێت.
وەک لە راگەیێندراوەکەدا هاتووە، یەکێتی نیشتمانی کوردستان داوا له په‌رله‌مان، یه‌كێتی ئه‌وروپا، ئه‌مریكا، سۆسیال ئینته‌رناسیۆنال، سۆسیال دیموكرات، هێزه دیموكراته‌كان، به‌گشتی حیزبه‌كانی جیهان، رای گشتی، میدیاكان و سه‌رجه‌م ئه‌و لایه‌نانه دەکات، دژی ئه‌م سیاسه‌ته‌ی دوژمنایه‌تی دیموكراسی له‌توركیا و باكووری كوردستاندا هه‌ڵوێستیان هه‌بێت، چونكه "ئه‌م سیاسه‌ته‌ی ئاكه‌په ده‌چێته خزمه‌تی تیرۆریستان و داعش و دوژمنانی تری دیموكراسی".
بەرەبەیانی رۆژی هەینی 4-11-2016 لە ئۆپەراسیۆنێکدا سەلاحەدین دەمیرتاش و فیگەن یوکسەکداغ هاوسەرۆکانی هەدەپە لەگەڵ نۆ پەرلەمانتاری دیکەی ئەو پارتە لەلایەن پۆلیسی تورکیاوە دەستگیرکران.
4/11/2016
په‌رله‌مانتارێكی كورد له ئه‌نجومه‌نی نوێنه‌رانی عێراق، جه‌خت له‌وه ده‌كاته‌وه كه ئارامی كه‌ركووك هیلی سووره و ده‌بێت ئه‌و هێزانه‌ی بوونه‌ته هۆی تێكدانی ئارامی شاره‌كه بكرێنه ده‌ره‌وه.
شاخه‌وان عه‌بدولڵا، ئه‌ندامی ئه‌نجومه‌نی نوێنه‌رانی عێراق (باسنیوز)ی ڕاگه‌یاند: "ئارامی كه‌ركووك هێڵی سووره و ده‌بێت پێداچوونه‌وه به دۆخی ئه‌منی بكرێت".
ئه‌و په‌رله‌مانتاره، ئه‌وه‌شی خسته‌ڕوو: "دوای هێوربوونه‌وه‌ی ڕه‌وشی ناو شاری كه‌ركووك، پێویسته سه‌رجه‌م ئه‌و هێزانه‌ی هاتوونه‌ته نێو شاری كه‌ركووك، ده‌ستبه‌جێ بگه‌ڕێنه‌وه شوێنه‌كانیان به حه‌شدی شه‌عبیشه‌وه، چونكه كه‌ركووك پێویستی به هێز نییه، به‌ڵكو پێویستی به هاوكاری دیكه هه‌یه".
گوتیشی: "ده‌بێت پێداچوونه‌وه به ئه‌منییه‌تی شاری كه‌ركوك بكرێت و له هه‌ر شوینێك كه‌موكورتی هه‌بێت، چارسه‌ر بكرێت و له هه‌رشوینێك پێویست بكات، ئیجرائات بكرێت بۆ ئه‌وه‌ی هیچ ڕووداوێكی نه‌خوازراو له كه‌ركووك دووباره نه‌بێته‌وه".
4/11/2016
ئاژانسێکی راگەیاندن ئاماژە بەوە دەکات کە لەسەرەتای پرۆسەی ئازادکردنەەی مووسڵ هەزاران چەکداری داعش کوژراون و هێرشیش بۆ ناو مووسڵ بەردەوامە.
ئاژانسی ئارا نیوز، لێدوانێکی فەرماندەی گشتیی سوپای عێراقی بڵاو کردەوە کە تیایدا ئاشکرای کردووە لە ماوەی دوو هەفتەی دەستپێکردنی ئۆپەراسیۆنی ئازادکردنەوەی مووسڵ و ناوچەکانی دیکەی پارێزگای نەینەوا، زیاتر لە دوو هەزار چەکرادی داعش کوژراون.
هاوکات ئەوە دەخاتەڕوو: کە هێرشی سوپای عێراق بۆ ناوشاری مووسڵ بەردەوامی هەیە و داعش توانای بەرگری نەماوە.
4/11/2016
ئه‌مڕۆ هه‌ردوو هاوسه‌رۆكی هه‌ده‌په سه‌لاحه‌دین ده‌میرتاش و فیگه‌ن یوسه‌كداغ و 9 ئه‌ندام په‌رله‌مانی دیكه‌ی هه‌ده‌په له لایه‌ن پۆلیسی توركیاوه ده‌ستگیر كران، ئێستا له به‌رده‌م دادوه‌رن بۆه‌رگرتنی گوته‌یان، ڕای گشتی توركیاش پێشوازی له‌و هه‌وڵه‌ی حكوومه‌ت ناكات.
په‌رله‌مانی توركیا، له ڕێككه‌وتی 20ی مایسدا پارێزبه‌ندی له‌سه‌ر 136 ئه‌ندام په‌رله‌مانی توركیا هه‌ڵگرت، كه 54 ئه‌ندام په‌رله‌مانی هه‌ده‌په‌ی تێدابوو، به‌ڵام ئه‌ندام په‌رله‌مانه‌كانی هه‌ده‌په بڕیاریاندا به هیچ شێوه‌یه‌ك به پێی خۆیان نه‌چنه به‌رده‌م دادگا، ته‌نیا ئه‌گه‌ر به زۆر بیانبه‌ن و ئاماده‌ی ئیفاده‌دان بن له به‌رده‌م دادگا.
به‌كر بۆزداخ، وه‌زیری دادی توركیا له كۆنگره‌یه‌كی ڕۆژنامه‌وانیدا ئاماژه‌ی بۆ كرد، 2 جار له لایه‌ن دادگاوه ئاگاداركراونه‌ته‌وه تا ئاماده بن، به‌ڵام هاوسه‌رۆكانی هه‌ده‌په و ئه‌ندام په‌رله‌مانه‌كانی دیكه ئاماده نه‌بوونه و ناچاربوونه بۆ به‌رده‌م دادگا بیانبه‌ن.
زیا پیر كه یه‌كێك بوو له ئه‌ندام په‌رله‌مانه ده‌ستگیركراوه‌كان، به‌ڵام دوای وه‌رگرتنی ئیفاده له لایه‌ن دادگاوه ئازاد كرا، به‌و مه‌رجه‌ی بۆی نه‌بێت گه‌شتی ده‌ره‌وه‌ی وڵات بكات.
تاوه‌كو ئێستایش لێكۆڵینه‌وه له ده‌میرتاش، یوكسه‌كداغ و ئه‌ندام په‌رله‌مانه‌كانی دیكه به‌رده‌وامه، چاوه‌ڕوان ده‌كرێت ئه‌مڕۆ بڕیاری له ئازادكردنیان یان ده‌ستگیركردنیان بدرێت.
كه‌مال كلیچدار ئۆغلو، سه‌رۆكی جه‌هه‌په، له گوته‌یه‌كیدا له شاره‌وانی ئیزمیر به شێوه‌یه‌كی ناڕاسته‌وخۆ ڕه‌خنه‌ی له ده‌ستگیركردنی ئه‌ندام په‌رله‌مانه‌كانی هه‌ده‌په گرت و ڕایگه‌یاند: "ئه‌وه‌ی به هه‌ڵبژاردن بێت و به‌رپریارییه‌تی وه‌ربگرێت، پێویسته به هه‌ڵبژاردنیش بڕوات نه‌ك ده‌ستگیری بكه‌ن".
له لایه‌كی دیكه‌وه تۆڕه كۆمه‌ڵایه‌تییه‌كان بۆ پاڵپشتی هه‌ده‌په سه‌دان پۆستیان بڵاوكردوه‌ته‌وه، هه‌موویان داوا ده‌كه‌ن به زووترین كات ئازاد بكرێن، چونكه توركیا دووچاری كاره‌ساتی گه‌وره‌ی سیاسی ده‌بێت.
هه‌ر دوای ده‌ستگیركردنی هاوسه‌رۆكانی هه‌ده‌په و 9 ئه‌ندام په‌رله‌مانی دیكه، ئه‌مڕۆ له سه‌عات 8ی به‌یانیدا ئۆتۆمبێلێكی بۆمبڕێژكراو له ئامه‌د له‌به‌رده‌م بنكه‌ی پۆلیسدا ته‌قییه‌وه و له ئه‌نجامدا 30 كه‌س كوژران كه 2ی پۆلیس و ئه‌وانی دیكه‌ی هاووڵاتی سڤیل، په‌كه‌كه‌ش ته‌قینه‌وه‌یه‌كه‌ی له ئه‌ستۆ گرت.
بیناڵی یڵدرم سه‌رۆك وه‌زیرانی توركیا له كۆنگره‌یه‌كی ڕۆژنامه‌وانیدا له باره‌ی ده‌ستگیركردنی هه‌ردوو هاوسه‌رۆكی هه‌ده‌په و 9 ئه‌ندام په‌رله‌مانه‌كه‌ی دیكه، ڕایگه‌یاند: "ئه‌وانه‌ی پشتگیری له تیرۆر بكه‌ن پێویسته ئاماده‌ی ئه‌وه‌ش بن ده‌ستگیر بكرێن، ده‌بێت چاوه‌ڕێی دادگا بین و ڕێز له بڕیاری له دادگا وه‌ربگرین".
ره‌وشه‌ن چه‌كه‌ر نووسه‌ری دیاری توركیا، له پێگه‌ی خۆی له تویته‌ر نووسیویه‌تی: "به ده‌ستگیركردنی ئه‌ندام په‌رله‌مانانی هه‌ده‌په، توركیا 20 ساڵ بۆ دواوه چووه، ئیدی ئاشتی له توركیا ده‌كه‌وێته مه‌ترسی و ده‌بێت چاوه‌ڕێ شتی دیكه‌یش ببین".
هه‌روه‌ها زۆرێك له ڕۆژنامه‌نووسانی توركیایش به هه‌مان شێوه ئاماژه‌یان به‌وه داوه كه ئه‌وه‌ی حكوومه‌ت به‌رامبه‌ر به ئه‌ندام په‌رله‌مانانی هه‌ده‌په كردی، كوده‌تایه‌كی دیكه بوو به‌سه‌ر توركیا و پێویسته رێگه‌ی پێ نه‌درێت.
به‌ڵام، له به‌رامبه‌ر ئه‌و ناڕه‌زاییانه به‌كر بۆزداخ، وه‌زیری دادی توركیا، ڕایگه‌یاند: "توركیا وڵاتێكی یاساییه، ده‌بێت هه‌موومان ڕێزی لێ بگرن و سووكایه‌تی پێ نه‌كه‌ین، ئه‌گه‌ر دادگا هه‌رچی بڕیارێك بدات له باره‌ی ئه‌ندام په‌رله‌مانه ده‌ستگیركراوه‌كانی هه‌ده‌په، پێویسته رێزی لێ بگرین".
4/11/2016
چوار هاووڵاتی لە گوندی (خێرئاوا)ی شاری ئێرانشاری پارێزگای سیستان و بەلووچستان لە ئێران بەهۆی تەقینەوەی نارنجۆکێک گیانیان لەدەست دا و کەسێکی دیکەش بریندار بووە.
بەپێی هەواڵی میدیاکانی ئێران، شەوی ڕابردوو، لە گوندی خێرئاوای شارۆچکەی (نایگون)ی شاری ئێرانشار لە پارێزگای سیستان و بەلووچستان، هاووڵاتییەک بەهۆی یاریکردن بە نارنجۆکێکی دەست ساز، بووە هۆی کوژرانی چوار هاووڵاتی.
ئەو ڕووداوە لە ماڵی کەسێک بەناوی "ز" لە گوندی خێرئاوای سیستان و بەلووچستان لە ڕۆژهەڵاتی ئێران ڕووی داوە.
لەو ڕووداوەدا هاووڵاتییەکی دیکە بە سەختی بریندار بووە، هەنەوکە لە نەخۆشخانە لەژێر چاوەدێریی پزیشکی دایە.
قوربانییەکانی ئەو ڕووداوە لە بنەماڵەیەک بوون و ژن و پیاوێک لەگەڵ دوو منداڵ گیانیان لەدەست دا.
وێبلاگی "مین و زندگی"شوناسی ئەو پیاوەی "ناسر" ڕاگەیەندووە.
شاری ئێرانشار بە ڕووبەری ٣٠٢٣٠کیلۆمیتری چوار گوشە لە ناوەندی پارێزگای سیستان و بەلووچستان هەڵکەوتووە.
3/11/2016
فەرماندەیەکی هێزی پێشمەرگەی کوردستان، ئاماژە بەوە دەکات، ئازادکردنەوەی مووسڵ زۆر ناخایەنێت و پەیامەکەی سەرۆکی ڕێکخراوی تیرۆریستیی داعش نیشانەی نزیکبوونەوەی کەوتنی مووسڵە.
میدیا عێراقییەکان بڵاویان کردەوە، لەو تۆمارە دەنگییە کە زیاتر لە 30 دەقیقە دەبێت و دامەزراوەی (فرقان)ی سەر بە داعش بڵاوی کردووەتەوە، ئەبوبەکر بەغدادی، بۆ یەکەمجار لە دوای دەست پێ کردنی ئۆپەراسیۆنی کۆنتڕۆڵکردنەوەی مووسڵ لە 17\10\2016ەوە، قسەی بۆ چەکدارانی کردووە و باسی باوردۆخی ناو مووسڵ و ناوچەکەی کردووە، لەم بارەوە، حەمید ئافەندی، بەرپرسی محیوەری باشیک بە (باسنیوز)ی راگەیاند: دوای چەند ساڵ لە بێ دەنگ بوون دواجار سەرۆکی رێکخراوی تیرۆرستی داعش پەیامێکی بڵاوکردەوە کە کاتی پەیامەکەی هاوکاتە لەگەڵ ئازادکردنەوەی چەند گەڕەکێکی شاری مووسڵ و ئێستاش داعش لە بەرەی پێشمەرگە لەسەر جەم میحوەرەکان شکستی هێناوە، گوتی: "داعش تووشی داڕمانی دەروونی و پاشەکشەهاتوون، بە جۆرێک پەیامەکەی بەغدادی نیشانەی نزیک بوونەوەی کەوتنی شاری مووسڵە و ناگاتە 15 ڕۆژی دیکە مووسڵ ئازاد دەبێتەوە".
ئەوەشی خستەروو: ئەمیری رێکخراوی تیرۆرستی داعش توانای هێرشی کردنی نەماوە، ناشتوانن بەرەیەکی فراوانی جەنگ لەگەڵ پێشمەرگە و سوپای عێراق و هاوپەیمانان بکەنەوە، بۆیە چاریان ناچارە یان دەبێت بکوژرێن یان دەبێت رابەن.
3/11/2016
نازم دەباغ، نوێنەری هەمیشەیی حکوومەتی هەرێمی کوردستان لە تاران لە بە ماڵپەڕی (تەسنیم)ـی سەر بە سوپای پاسدارانی گوتووە "ئەگەر بێت و حزبەکانی ڕۆژهەڵات درێژە بە چالاکییەکانیان بدەن و پاشەکشە نەکەن، دەبێ چاوەڕوانی دژکردەوە بن."
نازم دەباغ لە بەشێک لە دیمانەکەی خۆی لەگەڵ (تەسنیم)دا گوتوویەتی: "ئەو گرووپانە (مەبەستی حیزبەکانی خۆرهەڵاتە)، لەگەڵ حکوومەتی هەرێمی کوردستان ڕێککەوتنیان کردووە و دەبێ بەپێی ڕێککەوتنەکەی خۆیان بجووڵێنەوە و چیتر لەناو خاکی ئێراندا ئۆپەراسیۆن لەدژی ئێران ئەنجام نەدەن."
دەباغ باس لە ڕێککەوتنەکە دەکا و دەڵێ: "بەپێی ئەو ڕێککەوتنە بە هەموو گرووپە ئێرانییەکانمان ڕاگەیاندووە کە ئێمە چالاکیی چەکدارانە و بوونیان لەناو ئێران مەحکووم دەکەین و بڕوامان وایە ئەو هەوڵانەش کاریگەر دەبن و بە خۆشیشەوە ئەو هەوڵانە بووەتە هۆکاری کەمبوونەوەی ڕەوتی پێشوو."
دەباغ لە وڵامی ئەو پرسیارەدا کە "بەرپرسانی حزبی دیموکرات گوتوویانە ئێمە لەناو خاکی ئێران بەرەو هەرێم ناکشێینەوە و پاشەکشە ناکەین و درێژە بە چالاکییەکانمان دەەدین" گوتوویەتی: "ئەوانە هەمووی قسەیە، بەڵام لە کردەوەدا پاشەکشەیان کردووە و ئەگەر پێشتر لە مانگێکدا چەندین جار جووڵەیەکیان دەکرد، بەڵام لەو کاتەوە تا ئێستا لەوانەیە تەنیا یەک، یان دوو جار و ئەویش جووڵە و تێكهەڵچوونی بچووک هاتووەتە ئاراوە کە ئەویش بە هەڵکەوت بووە"
هەر لەم پەیوەندییەدا حەسەن شەرەفی، جێگری سکرتیری گشتیی (حدکا) لە لێدوانێکدا بۆ بەشی فارسیی تەلەفزیۆنی بی بی سی، ڕایگەیاندووە "کە ئێمە پابەندی بەندەکانی هیچ ڕێککەوتنێک نابین کەلە ڕاستای لاوازکردنی خەباتی ئۆپۆزسیۆنی ئێرانی و بەتایبەت خەباتی ئۆپۆزسیۆنی کوردی ڕۆژهەڵاتدا بێت، حەسەن شەرەفی راشیگەیاندووە "ئێمە کاتی خۆی وەڵامی ئەوانمان داوەتەوە کە درێژە بە خەباتی خۆمان دەدەین و هیچ بەڵێنییەک نادەین کەلە راستای لاوازکردنماندا بێت."
ئەم پرسە لە کاتێک دایە کە ڕێکەوتی 2016 -10- 30 شاندێکی باڵای یەکطیی نیشتمانیی کوردستان بە سەرپەرشتیی مەلا بەختیار، سەدانی تارانیان کرد و لەگەڵ موحسێن ڕەزایی بەڕێوەبری کۆڕی دیاریکردنی بەرژەوەندییەکانی ئێران و محەمەدجەواد زەریف، وەزیری دەرەوەی ئیران کۆ بوونەو و هەندێ پرسی تایبەت پەیوەندیی نێوان یەکێتی و ئێران، هەروەها بابەتی پەیوەندیدار بە خەباتی سیاسی و چەکداریی کوردی کوردستانی ڕۆژەهڵاتیان هێنایە بەرباس."
لە ماوەی زیاتر لە یەک ساڵی رابردوودا حدکا پێشمەرگەکانی لە نیوان سنوورەکانی کوردستانی باشوور و ڕۆژهەڵات جێگری کردووە و لە چەند مانگی ڕابردووشدا لەناو خاکی کوردستانی ڕۆژهەڵات، لە نێوان پێشمەرگەکانی حدکا و سوپای پاسداران چەندین شەڕ و تێکهەڵچوون ڕوویان داوە.
3/11/2016
فرۆکە جەنگییەکانی هاوپەیمانان بارەگاکانی رێکخراوی توندڕەوی داعش لە سەنتەری شاری مووسڵ بۆردومان دەکەن.
بەپێی زانیارییەکان، فڕۆکە جەنگییە ئەمریکییەکان لە چوارچیوەی هاوپەیمانیی نێودەوڵەتی دژ بە داعش، رۆژی چوارشەممە 2ـی تشرینی دووەمی 2016، بارەگاکانی ئەو رێکخراوەیان لە ناوەڕاست و رۆژهەڵاتی شاری مووسڵ بۆردومان کردووە.
ئەو بۆردومانانەی فڕۆکە جەنگییەکانی ئەمریکا هاوکاتە لەگەڵ هێرشی هێزە عێراقییەکان لە باشوور و رۆژهەڵاتی شاری مووسڵ.
هەروەها رۆژی سێشەممە 1ـی تشرینی دووەم، جۆن دۆریان، گوتەبێژی هاوپەیمانیی نێودەوڵەتی رایگەیاند، کە لە سەرەتای ئۆپەراسیۆنی رزگارکردنەوەی مووسڵ تاوەکو ئێستا، زیاتر لە سێ هەزار بۆمب و مووشەکیان ئاراستەی داعش لە مووسڵ کردووە.
پێشتر لە رۆژی 17ـی تشرینی یەکەمی 2016ـەوە ئۆپەراسیۆنی هاوبەشی هێزەکانی پێشمەرگە و هێزە عێراقییەکان بۆ رزگار کردنەوەی مووسڵ دەستی پێکردووە.
لە مانگی حوزەیرانی 2014 و لە سەردەمی سەرۆک وەزیرانیی نوری مالیکی، دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی داعش داگیر کرا.
2/11/2016
سەرۆک وەزیرانی تورکیا هۆشداریی لە هەڵوەشاندنەوەی تورکیا دەدات و بە توندیی وەڵامی بەرپرسانی تورکیا دەداتەوە.
رۆژی سێشەممە 1ـی تشرینی یەکەمی 2016، حەیدەر عەبادی، سەرۆک وەزیرانی عێراق هیوای خواست تورکیا هێزی زیاتر نەنێرێتە عێراق و لەسەر سنوور کۆی نەکاتەوە، ”ئەمەشم لە ترسان نییە، بەڵکو لە ترسی ئەنجامەکانی وادەڵێم“.
حەیدەر عەبادی پێیوایە ناردنی هێزی زیاتری تورکیا بۆ عێراق دەبێتە هۆی ”هەڵوەشانەوە“ی دەوڵەتی تورکیا و ناکۆکییەکان زیاتر دەکات.
دوای هێرشی میلیشیاکانی حەشدی شەعبیی شیعەمەزهەب بۆ رزگارکردنەوەی شارۆچکەی تەلەعفەری تورکمان‌نشین لە پارێزگای نەینەوا، رەجەب تەییب ئەردۆگان، سەرۆک کۆماری تورکیا رایگەیاند، ئەگەر هەڕەشە بۆ سەر ژیانی هاووڵاتییانی تەلەعفەر دروست بێت، ئەوا ”وەڵامێکی جیاوازمان دەبێت“.
هاوکات تورکیا هێزێکی گەورەی بە تانک و زرێپۆشەوە لەسەر سنووری وڵاتەکەی لەگەڵ عێراق کۆ کردووەتەوە و بە نیازە بۆ پشتیوانیی لە هێزەکەی لە باشیک، بینێرێتە عێراق.
پێشتر ئەسیل نوجەیفی، فەرماندەی هێزی پاراستنی نەینەوا (حەشدی نیشتیمانیی پێشوو) رایگەیاندبوو، هێزێکی سوپای تورکیا بۆ مەشقکردن بە هێزی پاسەوانی نەینەوا لە نزیک شارەدێی باشیک لە پارێزگای نەینەوا و بەپێی رێککەوتنی حکوومەتی عێراق و تورکیا جێگیر کراون، وەک ئامادەکارییەک بۆ رزگار کردنەوەی شاری مووسڵ و حزب و میلیشیا شیعەکانی عێراقیش داوای کشانەوەی دەکەن و رەجەب تەییب ئەردۆگان، سەرۆک کۆماری تورکیاش رایگەیاندووە، کە ناکشێنەوە.
حەیدەر عەبادی، سەرۆک وەزیرانی عێراق ئەو هێزەی تورکیا بە داگیرکەر ناودەبات و داوای کشانەوەی دەکات، رەجەب تەییب ئەردۆگان، سەرۆک کۆماری تورکیاش رایگەیاندووە، کە هێزەکەیان لەوێ دەمێنیتەوە و ناکشێتەوە و میلیشیاکانی حەشدی شەعبیش بەردەوام هەڕەشە لەو هێزەی تورکیا دەکەن.
لە مانگی حوزەیرانی 2014 دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی رێکخراوی توندڕەوی داعش داگیر کرا.
2/11/2016
سەرۆک وەزیرانی تورکیا هۆشداریی لە هەڵوەشاندنەوەی تورکیا دەدات و بە توندیی وەڵامی بەرپرسانی تورکیا دەداتەوە.
رۆژی سێشەممە 1ـی تشرینی یەکەمی 2016، حەیدەر عەبادی، سەرۆک وەزیرانی عێراق هیوای خواست تورکیا هێزی زیاتر نەنێرێتە عێراق و لەسەر سنوور کۆی نەکاتەوە، ”ئەمەشم لە ترسان نییە، بەڵکو لە ترسی ئەنجامەکانی وادەڵێم“.
حەیدەر عەبادی پێیوایە ناردنی هێزی زیاتری تورکیا بۆ عێراق دەبێتە هۆی ”هەڵوەشانەوە“ی دەوڵەتی تورکیا و ناکۆکییەکان زیاتر دەکات.
دوای هێرشی میلیشیاکانی حەشدی شەعبیی شیعەمەزهەب بۆ رزگارکردنەوەی شارۆچکەی تەلەعفەری تورکمان‌نشین لە پارێزگای نەینەوا، رەجەب تەییب ئەردۆگان، سەرۆک کۆماری تورکیا رایگەیاند، ئەگەر هەڕەشە بۆ سەر ژیانی هاووڵاتییانی تەلەعفەر دروست بێت، ئەوا ”وەڵامێکی جیاوازمان دەبێت“.
هاوکات تورکیا هێزێکی گەورەی بە تانک و زرێپۆشەوە لەسەر سنووری وڵاتەکەی لەگەڵ عێراق کۆ کردووەتەوە و بە نیازە بۆ پشتیوانیی لە هێزەکەی لە باشیک، بینێرێتە عێراق.
پێشتر ئەسیل نوجەیفی، فەرماندەی هێزی پاراستنی نەینەوا (حەشدی نیشتیمانیی پێشوو) رایگەیاندبوو، هێزێکی سوپای تورکیا بۆ مەشقکردن بە هێزی پاسەوانی نەینەوا لە نزیک شارەدێی باشیک لە پارێزگای نەینەوا و بەپێی رێککەوتنی حکوومەتی عێراق و تورکیا جێگیر کراون، وەک ئامادەکارییەک بۆ رزگار کردنەوەی شاری مووسڵ و حزب و میلیشیا شیعەکانی عێراقیش داوای کشانەوەی دەکەن و رەجەب تەییب ئەردۆگان، سەرۆک کۆماری تورکیاش رایگەیاندووە، کە ناکشێنەوە.
حەیدەر عەبادی، سەرۆک وەزیرانی عێراق ئەو هێزەی تورکیا بە داگیرکەر ناودەبات و داوای کشانەوەی دەکات، رەجەب تەییب ئەردۆگان، سەرۆک کۆماری تورکیاش رایگەیاندووە، کە هێزەکەیان لەوێ دەمێنیتەوە و ناکشێتەوە و میلیشیاکانی حەشدی شەعبیش بەردەوام هەڕەشە لەو هێزەی تورکیا دەکەن.
لە مانگی حوزەیرانی 2014 دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی رێکخراوی توندڕەوی داعش داگیر کرا.
"لە دوو هەفتەدا 10 بەندکراوی کورد لەسێدارە دراون"
بەپێی ڕاپۆرتی ناوەندی دیموکراسی و مافی مرۆڤی کوردستان (مافنیوز) شەوی ڕابردوو لە زیندانی (دەریا)ی شاری ورمێ سێ بەندکراوی کورد لەسێدارە دران.
بەپێی هەمان سەرچاوە ئەو سێ بەندکراوە کوردە ناو و ناسنامەیان بردیتی بووە لە "دەروێش مونەزەمی و شوعەیب و فەرهاد" کە شەوی دووشەممە لەسەر سێشەممە برابوونە ژووری تاکەکەسی، شەوی ڕابردوو لە زیندانی دەریای ورمێ لەلایەن دەزگای دادوەریی کۆماری ئیسلامیی ئێرانەوە لەسێدارە دراون.
سەرچاوەکە ئاماژەی بەوەش داوە کە هەر سێ بەندکراوەکە بە تۆمەتی مادە هۆشبەرەکان لەسێدارە دراون و لە ڕۆژانی ڕابردوودا دوایین چاوپێکەوتنیان لەگەڵ بنەماڵە و کەسوکاریان ئەنجام داوە.
مافنیوز بە پشتبەستن بە سەرچاوە خپجێیەکان بڵاوی کردووەتەوە "ئەو بڕە مادە هۆشبەرەی کەلە ماڵی "دەروێش مونەزەمی" گیراوە، هی کەسێکی دیکە بووە.
دەروێش مونەزەمی تەمەن 60 ساڵان و دانیشتووی گوندی "گۆلگەنی"ی سەر بە ناوچەی "سۆمای برادۆست"ی ورمێ بووە و ماوەی 7 ساڵ لە زیندان بووە.
لە ماوەی ڕۆژانی ڕابردوودا سێ بەندکراوی دیکەی کورد بەناەکانی "سامی مامەدی، بەختیار مامەدی و شۆڕش فارۆقی" لە زیندانی ناوەندیی "سەلماس" لەلایەن دەزگای دادوەریی ئیرانەوە لەسێدارە دران و هەشت کەسی دیکەش کە بڕیارە لە ڕۆژانی ڕابردوودا لەسیدارە بدرێن، براونەتە ژووری تاکەکسی.
بەپێی ڕاپۆرتی ناوەندەکانی مافی مرۆڤی کوردستانی ئێران تەنیا لە ماوەی 15 رۆژی ڕابردوودا 10 بەندکراوی کورد لە گرتووخانەکانی ورمێ، سەڵماس و ئیلام لەسێدارە دراون.
2/11/2016
جێگری سەرۆکی میلیشیاکانی حەشدی شەعبی رایدەگەیەنێت، کە چاوەڕێی فەرمانی فەرماندەی گشتیی هێزە چەکدارەکانی عێراقن بۆ هێرشکردنە سەر سوپای تورکیا.
رۆژی سێشەممە 1ـی تشرینی دووەمی 2016، ئەبومەهدی موهەندیس، جێگری سەرۆکی میلیشیاکانی حەشدی شەعبیی شیعەمەزهەب لە لێدوانێکی رۆژنامەوانیدا رایگەیاند، بوونی سوپای تورکیا لە پارێزگای نەینەوا ”داگیرکارییە“ بۆ سەر خاکی عێراق.
ئەبومەهدی موهەندیس ئاماژەی بەوەش کردووە، کە ئەرکی میلیشیاکانی حەشدی شەعبی لە ئۆپەراسیۆنی رزگارکردنەوەی مووسڵ پاراستنی شارۆچکەی تەلەعفەر قو گرتنی رێگای نێوان مووسڵ و سووریایە، ”گەنجانی مووسڵ پاراستنی شارەکەیان دەگرنە ئەستۆ“.
جێگری سەرۆکی میلیشیاکانی حەشدی شەعبی هەروەها رایگەیاندووە، کە چاوەڕێی فەرمانی حەیدەر عەبادی، سەرۆک وەزیران و فەرماندەی گشتیی هێزە چەکدارەکانی عێراقن بۆ هێرشکردنە سەر هێزەکەی سوپای تورکیا لە پارێزگای نەینەوا.
پێشتر ئەسیل نوجەیفی، فەرماندەی هێزی پاراستنی نەینەوا (حەشدی نیشتیمانیی پێشوو) رایگەیاندبوو، هێزێکی سوپای تورکیا بۆ مەشقکردن بە هێزی پاسەوانی نەینەوا لە نزیک شارەدێی باشیک لە پارێزگای نەینەوا و بەپێی رێککەوتنی حکوومەتی عێراق و تورکیا جێگیر کراون، وەک ئامادەکارییەک بۆ رزگار کردنەوەی شاری مووسڵ و حزب و میلیشیا شیعەکانی عێراقیش داوای کشانەوەی دەکەن و رەجەب تەییب ئەردۆگان، سەرۆک کۆماری تورکیاش رایگەیاندووە، کە ناکشێنەوە.
حەیدەر عەبادی، سەرۆک وەزیرانی عێراق ئەو هێزەی تورکیا بە داگیرکەر ناودەبات و داوای کشانەوەی دەکات، رەجەب تەییب ئەردۆگان، سەرۆک کۆماری تورکیاش رایگەیاندووە، کە هێزەکەیان لەوێ دەمێنیتەوە و ناکشێتەوە.
لە مانگی حوزەیرانی 2014 دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی رێکخراوی توندڕەوی داعش داگیر کرا.
1/11/2016
فەریق جەبار یاوەر، ئەمینداری هێزی پێشمەرگەی کوردستان، ئاماژە بەوە دەکات کە سوپای عێراق لەناو سەنتەری شاری مووسڵن و پێشمەرگەش لە چەند شوێنێکەوە بەرنامەی هێرشکردنی هەیە.
جەبار یاوەر، ئەمینداری وەزارەتی پێشمەرگە، بە (باسنیوز)ی ڕاگەیاند: “یەک لەسەر 15ی مووچەی مانگێکی پارەی هێزی پێشمەرگەی کوردستان لەلایەن بەغداوە نێردراوە، ئەویش بڕی 10 ملیار دینارە کە زۆر کەمە”.
جەختیشی لەوە کردەوە کە هیچ بڕیارێک بۆ دانیشتنی کۆبوونەوەی شاندی باڵای سەربازی لە نێوان هەولێر و بەغدا نییە، بەڵام “چاوەڕوانی کۆبوونەوەی لەو شێوەین".
باسیشی لەوە کرد کە سوپای عێراق چووەتە گەڕەکە یەکەمەکانی ناو شاری مووسڵەوە، بە تایبەت گەڕەکی (کەڕامە و گۆگجەلی) و ئێستا سوپای عێراق لەناو سەنتەری شاری مووسڵە کە ئەمەش بەڵگەیە بۆ ئەوەی کە ئێستا بڵێین شەڕ لە سەنتەری شاری مووسڵە".
لەبارەی ئۆپەراسیۆنی هێزی پێشمەرگەی کوردستان، یاوەر بە (باسنیوز)ی گوت: “هێزی پێشمەرگەی کوردستان ئەرکی خۆی هەیە و سەرقاڵە بۆ پاککردنەوەی هەندێک شوێن و پێشڕەوی بۆ هەندێک شوێنی دیکە”.
1/11/2016
تۆڕی میدیایی رووداو دەچێتە ئەو گوندەی دکتۆر سلێمان تێیدا لەدایکبووە و تاوەکو تەمەنی 20 ساڵی تێیدا ژیاوە، خەڵکی گوندەکەی بە شەهیدبوونی خەمبار و سەربڵندن و باسی وردەکارییەکانی ژیانی بۆ رووداو دەکەن.
دکتۆر سلێمان خەڵکی گوندی چلکانی شاری بینگۆلی باکووری کوردستان بوو، ئێستا خەڵکی چلکانی بەهۆی شەهیدبوونی رۆڵەیەکی گوندەکەیان خەمبارن، بەڵام وەکو خۆیان دەڵێن "بەهۆی دکتۆر سەربڵندین".
دکتۆر سلێمان پیاوێکی خەڵکی باکووری کوردستان بوو، ئەو هەرچەندە خاوەنی رەگەزنامەی ئەڵمانیا بوو بەڵام ژیانی ئارامی خۆی بەجێهێشت و رووی کردە باشووری کوردستان بۆ یارمەتیدانی هێزەکانی پێشمەرگە و پووچەڵکردنەوەی بۆمبە چێنراوەکانی داعش.
رۆژی 26-10-2016 بۆمبێکی چێنراوی پێدا تەقییەوە و بە سەختی بریندار بوو، 30-10-2016 بەهۆی سەختی برینەکەی شەهید بوو، بڕیاریشە تەرمەکەی لە ئەڵمانیا لە رێوڕەسمێکدا بهێنرێتەوە هەولێر و لەوێشەوە بۆ بینگۆل بەڕێبکرێت.
31/10/2016
پێشنێوەڕۆی دوێنێ دووشەممە 2016 -10 31 د. فرێدریک تیسۆ, پزیشک و دیپلۆماتی فەرەسی و دۆستی لەمێژەینەی کورد سەردانی بنکەی دەفتەری سیاسیی حیزبی دێموکراتی کرد و ڕێبەرایەتیی حدکاش لەو ڕێورەسمی ڕێزلێنان و دابەشکردنی کتێبەکەیدا بەشدار بوون.
بەپێی ڕاپۆرتی ماڵپەڕی (کوردستان و کورد) لەو دیدارەدا د. تیسۆ دوای دەربڕینی خۆشحالی خۆی لەم دیدار و چاوپێکەوتنە، قسەکانی بە باسکردن لەسەر چۆنیەتیی ئاشنابوونی لە گەڵ گەلی کورد بەگشتیی و بەتایبەتی کوردستانی ڕۆژهەڵات و بزاڤی مافخوازانەی ئەو گەلە درێژە پێدا و لەم بارەوە دەور و ڕۆڵی د. قاسملووی بەرز نرخاند.
دکتور تیسۆ بە ئاوڕدانەوەیەک لە سەردەمی خەباتی چەکداریی حیزبی دیموکرات و شۆڕشی بەربڵاوی کورد لە کوردستانی رۆژهەڵات، کۆمەڵیک بیروڕای خۆی خستەبەرباس و باسی لەوە کرد کە لە دەسپێکی ئاشنابوونی لەگەڵ کوردانی ڕۆژهەڵات، ئێستاشی لەگەڵ بێ خۆی بە پاڵپشت و پشتیوانی کورد و حیزبی دێموکراتی کوردستان دەزانێ.
د. تیسۆ لەم بارەوە گێرایەوە "تەنانەت لە بنەماڵەکەی خۆم زۆرجار لێم دەپرسن کە بۆ هێندە کوردت خۆش ئەوێ، منیش دەڵێم بە خۆشویستنی کورد لەدایک بووم و بێ گومان دۆستایەتیم لەگەڵ قاسملووی شەهید لەم بارەوە کارتێکەریی هەبووە."
د. فرێدریک تیسۆ لە بەشێکی دیکە لە قسەکانی‌دا کۆمەڵێک بیرەوەری ناخۆش و خۆشی خۆی لە سەردەمێک گێڕاویەوە کە وەکوو پزیشکێک لە تیمی پزیشکانی بێ‌سنوور لە کوردستان خزمەتگوزارییان دەکرد و لەم بارەوە ڕایگەیاند کە "هەمووکات خۆم بە پێشمەرگەی حزب زانیوە و چەکی منیش زانستی پزیشکییەکەم بوو کە بە جلوبەرگی پێشمەرگانەوە شان بە شانی ئێوەی پێشمەرگە خزمتم بە کوردستان کردووە."
بەرێز دوکتور تیسۆ پاشان گوتی: "بەشداریکردنی من لە خەباتی پرمەترسیی و مافخوازانەی کوردی رۆژهەڵات بە ڕێبەرایەتی حیزبی دێموکرات تەنیا وەکوو پزیشکێک نەبوو بۆ چارەسەریی بریندارو نەخۆشەکان، بەڵکوو زۆرجار لە بوارەکانی دیکەش ئەوەی لە دەستم هاتبێ درێغیم نەکردوە، ناوبراو لەم بارەوە باسی لە چۆنیەتی هێنانی ڕادیۆ بۆ حیزب کرد کە ئەودەم کارێکی ئاسان نەبوو، بەڵام ویستمان دەنگی کوردستانی ئێران بە گوێ دۆستان و دوژمنانیشی بگات."
لە بڕگەیەکی دیکە ئەو دیدارەدا مستەفا مەولوودی، جێگری سکرتێری گشتیی حدک بە نوێنەرایەتیی ئەندامان و لایەنگران و دۆستانی حزب بەخێرهاتنی دک. تیسۆی کردو رایگەیاند کە "ئێمە وەک حیزبی دێموکرات هیچکات هەوڵ و ماندووبوونی مرۆڤدۆستانەی ناوبراو لەبیر ناکەین و بە پێشمەرگەی حیزبی دەزانین."
فرێدریک تیسۆ لە کۆڕێکی گەرم و پێشمەرگانەدا و بەبەشداریی چەند کەسێک لە ڕێبەرایەتیی حدکا کتێبی بیرەوەریەکانی خۆی (مرۆڤێک بەپێوە) پێشکەش بە کادر و پێشمەرگەکانی حیزبی دیمۆکراتی کوردستان کرد.
د. تیسۆ ڕاشیگەیاند "ماڵەکەم ئێستا هەر ٣٠٠ مەترێک لە شوێنی مانەوەی شەهیدان؛ د. قاسملوو و د. شەرەفکەندی لە پاریس دوورە، بۆیە وەسیەتم کردوەو لێرەیش "جارێکی دیکەی دووپاتی دەکەمەوە؛ بۆ ئەوەی لەو دونیای دیکەیش هاوڕێ و نزیکی قاسملوو و شەرەفکەندی بم ، داوا دەکەم لە پێرلاشێزو و لای گۆڕی ئەوان بمنێژن.
شاندێکی رێبەریی حدکا بە سەرپەرشتی حەسەن شەڕەفی جێگری سکرتێری گشتیی حدکا، لەو دیدار و کۆبوونەوەیەدا بەشدارییان کرد کە ئەمە بووە هۆی خۆشحاڵیی ئەندامان و لایەنگرانی هەردوولای دیموکرات و د.تیسۆ.
1/11/2016
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
