^{سروودی سەربەخۆی)..............کەیفی کوردستانی)}

^{سەربەخۆیی و ئازادی کورد بەبێ هەول و خەبات نابێ}

^{سەر فرازی بەدی نایە تا گەل چاوی لە خەو دابێ}

^{هەڵوەدای ئازادی کوردم بەلێن بێ تاوەکو دەمرم}

^{تا بە بەختیاری بژی گەل تاماوم ڕێ ی خەبات دەگرم}

^{دەسا ڕاپەڕین پێکەوە ناکۆکی زیندە بەچاڵ کەین}

^{بۆ دەولەتێکی کورد نشین تەبابین بە ئاوات دەگەین}

^{بە یەکبوون و بە تەبایی سەرخۆ بووە هەموو گەلێک}

^{لە ئاسمانی کوردەواری من دەبیستم چریکەی مەلێک}

^{چریکەی ئەو مەلە دەبیستم بۆ ئازادی دەچریکێنێ}

^{دەلێ تەنها تەبایی یە مژدەی ڕزگاری کورد دێنێ}

^5/2/2015

رەزا شوان

^{بۆ هەمیشە لە ئامێزتام
بەرەنگاری ژین ئەبمەوە
بە پەیژەی بیرەوەریما سەرئەکەوم و
دێمەوە خوار بە دڵی بێ ژەنگمەوە
*   *   *   *
ئەی درەختی خەونە ڕەنگاوڕەنگەکانم
پاڵم داوە بە ( قەد) تەوە هەڵکوڕماوم !
وێنەکانی بیرەوەریم
دێن و ئەڕۆن لەپێش چاوم
*   *   *   *
لانەی ژینم، ئەتپەرستم
خۆشم ئەوێیت بە گشت هەستم !
خۆشەویستی من بێدەگە !
سوتانێکی بێ کڵپەیە !
گوڵە، پەپوولەیە، هەنگە !
پەلکەزێڕینەی حەوت ڕەنگە !
*   *   *   *
دنیای عیشقم باڵندەی وەرزی بەهارە
ترسی وا لە گێژەڵووکە و شەوی تارە !
خۆشەویستیم پەرۆشی و پەلە کردنە
گوڵی دەستی ( خاتوو زینە )، ئەستێرەیە و
پرشنگ ئەدا، عیشقی شێتانە و مردنە !
وەک خۆرەکەت گەرم و گوڕە
لە دووریت سەرسام و تەنیام
لەم وڵاتە سارد و سڕە !}

^{سوید :  ٨/ ٢/ ٢٠٠١}

رەزا شوان

<sup>١ـ چیرۆکی ئاوێنە :

لە وڵاتی هیندستاندا، لە سەردەمێکی کۆندا، پێاوێک لەگەڵ خێزانەکەیدا، لە کێڵگەیەکدا دەژیان .. هیچ کەسێکی ئەم خێزانە ئاوێنەیان نەبینی بوو .
رۆژێک پیاوەکە لە کێڵگەکەیدا ئاوێنەیەکیخڕی بچکۆلەی گیرفاندەدۆزێتەوە .. کە سەیری ئاوێنەکەی کرد و .. وێنەکەی خۆی تێدا بینی .. وای زانێ ئەمە وێنەی باوکی کۆچکردوویەتی .. زۆر دڵی خۆشبوو، ئاوێنەکەی خستە گیرفانییەوە، هەموو رۆژێک بە نهێنی سەیری ئاوێنەکەی دەکرد و قسەی لەگەڵ وێنەکەی خۆیدا دەکرد ، دەشیگوت : " باوکە گیان تۆ  کوتومت لەمن دەچیت .. قسەکانی منیش دووبارە دەکەیتەوە ..!؟"</sup>

^{كۆمپانیا و كارگه‌یه‌كى كانزاى به‌رد كه‌له‌ نزیك ئاورگه‌یه‌كى كه‌ونارایى له‌ ئیلام كار ده‌كات، بووەته‌ هۆى مه‌ترسیى له‌ناوچوونى ئه‌و ئاسه‌واره‌ مێژووییه‌.}

^{به‌پێى هه‌واڵى ماڵپه‌ڕه‌ ناوخۆییه‌كان، چالاكیى به‌شێك له‌ كارگه‌ و كۆمپانیاكانى كانزا له‌ ناوچه‌كانى ئیلام مه‌ترسین بۆ سه‌ر ئاسەواره‌ مێژووییه‌كان و “ئاورگه‌ى سیاكه‌ڵ” له‌ ئیلامیش یه‌ك له‌و ئاسه‌وارانه‌یه‌ كه‌ كه‌وتووەته‌ بەر مەترسی.}

^{چالاكان و پارێزه‌رانى ئاسه‌واره‌ مێژوویى و كه‌وناراییه‌كان ده‌یان جار مه‌ترسیى له‌ناوچوونى ئه‌و ئاسه‌وارانه‌یان به‌هۆى چالاكى و هه‌ڵكۆڵینى كانزا و كارگه‌كانى به‌رد به‌ به‌رپرسانى حكومه‌تى راگه‌یاندووه‌، كه‌چى هه‌تاكوو ئێستا هیچ هه‌نگاوێكى جیددى بۆ پێشگرتن لە کاری ئەو کۆمپانیایانە نه‌گیراوه‌ته‌ به‌ر.}

^{ئاورگه‌ى “سیاكه‌ڵ” له‌ 25 كیلۆمه‌تریى شارى ئه‌یوانى رۆژئاوا و له‌ شوێنێك هه‌ر به‌و ناوه‌ هه‌ڵكه‌وتووه‌ و یه‌كێك له‌ ئاسه‌واره‌ دێرینه‌كانى سه‌رده‌مى ساسانییه‌كانه‌ و یه‌كێك له‌ كامڵترین ئاورگه‌كانى ناوچه‌ى ئیلامه‌ و ئاسه‌وارێكى به‌نرخ و بێ‌وێنه‌یه‌ بۆ توێژینه‌وه‌ كه‌وناراناسییه‌كان.}

^{ئاورگه‌ى سیاكه‌ڵ چوار ئه‌ستوونده‌ك و میچێكى گومه‌زی، هه‌روه‌ها داڵانێكى بۆ په‌رستن و عیباده‌ت هه‌یه‌. به‌ڵام له‌ ساڵانى پێشوودا به‌هۆى ئاسه‌وارى مرۆیى و سروشتى خه‌سارى زۆرى به‌ركه‌وتووه‌.}

^{ئیلام یه‌كێك له‌ پارێزگا مێژوویى و كه‌وناراییه‌كانى رۆژهه‌ڵاتى كوردستانه‌ كه‌ خاوه‌ن مێژوو و شارستانییه‌تێكى دێرینه‌ و به‌ ده‌یان شوێن و ئاسه‌وارى مێژوویى له‌ شار و شارۆچكه‌ و گونده‌كانى هه‌ڵكه‌وتوون. به‌ڵام بە هۆی نه‌بوونى پلانى پاراستن و كه‌مته‌رخه‌میى ناوه‌نده‌ په‌یوه‌ندیداره‌كانى حكوومه‌تى ئێران مه‌ترسیى فه‌وتان و له‌ناوچوونى زۆربەی ئەو ئاسەوارانە له‌ ئارا دایه‌ و به‌شێكیشیان به‌تاڵان براون و رووخاون.}

^{باسنيوز  |  شەریف فەلاح}

^17/12/2014

دایکی سۆلاڤ ـ سوید

^{لێت راهاتووم .. وەک پێشمەرگە بە چیای سەخت
وەک باڵندە .. بە هەتاو و سەوزی درەخت
وەک شەهیدان .. بە بەرگی سپی و خوێناوی
بە نانە رەقەی گیرفان و نامەی ( یاری ) بە جێماوی
لێت راهاتووم .. وەک غەریبان لە تەنگی
وەک غەمباران .. لە ئاهی قوول و بێدەنگی
هەر وەک ئاسمان .. بە مانگ و خۆر و ئەستێرە
وەکو خەرمان بە ( شەن ) و کەوگا و گێرە
هۆگرت بووم .. وێنەی ( هەڵۆ ) بە لوتکەی شاخ
وەک هەنگ .. بە شیلەی هەڵاڵە و گوڵی ناوباخ
راهاتووم پێت .. وەک پەلکەزێڕینە و بەهار
وێنەی شەقامی شارەکەم لە هەژار و شێتی ناوشار
هەر وەک فرمێسک .. لە چاوی دایکی شەهیدان
وێنەی زەوی .. لە گوڵ و گیا و تەرزە و باران
راهاتووم پێت .. وەک شارەکەم لە تاریکی و خورپە و ناڵە !!
بە سواڵکردنی ئافرەت و پیر و مناڵ .. ئای کە تاڵە
لێت راهاتووم .. بە هاوار و بە خوێن رشتن
بە دەست دەست خستنە بینی یەک.. تاڵان .. کوشتن !
لێت راهاتووم وەکو ( مەل ) بە هێلانەکەی
هەر وەک کۆرپە بە لای لایە و جۆلانەکەی
پەرۆشتم.. لە تاڵیدا بێت یان خۆشی
تامەزرۆتم .. وەک هەژار بۆ نانی کۆشی
هۆگرت بووم وەک ( دێوانە ) لە عێشقی ( شەم)
وەک بێ ئارامی خاتوو( زین ) بۆ کاکە ( مەم )
وەک مامە پیرەی ماڵ وێران بە بەرماغ و گۆچانەکەی
وەک سۆزی شمشاڵی شوان بۆ کار و بەرخ و رانەکەی
لێت راهاتووم .. وێنەی ( سۆفی ) بە دەف .. دەروێش و بەرماڵ !
هەر وەک سەرخۆشی راهاتوو .. بە شەراب و ئارەقی تاڵ !!
وەک فرمێسکی ئەم چاوانەم .. کە دێنە خوار نەرم نەرم .. !
وەک شنەبا ورەشەباکەت.. تیشکی خۆری گەرم گەرم ..
یادت ئەکەم .. ئەی وڵاتی بەفر و خوێنم
ئەی پەرستگا پیرۆزەکەی هەست بزوێنم
من هۆگری منداڵانی کوردســـــــــــــتانم
شێت و شەیدای ساماڵی چاوی گەشیانم
ئاخۆ ئەو رۆژە بێتەوە باوەشتان بۆ بگرمەوە
فرمێسک بۆ ئێوەی ئازیزم .. لەم دیدانەم سڕمەوە !
یادتان ئەکەم ..... ئەژێمەوە
هەر ئەیڵێم و .... ئەیڵێمەوە
دایکی سۆلاڤ ( سەبریە نوری قادر )
سوید : ٢/٢ / ٢٠١٥}