چاوپێکەوتنی نێوان لەیلا زانا سیاسەتمەداری کورد و نوێنەری دیاربەکر لە پەرلەمانی تورکیا و سەرۆک وەزیرانی تورکیا رەجەب تەیب ئەردۆغان کۆتایی هات. لەیلا زانا و ئەردۆغان سەعات ١٥:٠٠ی دوانیوەڕۆی شەممە (٣٠.٠٦.٢٠١٢) چاویان پێک کەوت و دیدارەکەیان سەعات و نیوێکی خایاند. لە کۆبوونەوەکە دا، جێگری سەرۆک وەزیر بۆ چارەسەری کێشەی کورد بەشیر ئاتالایش ئامادە بوو.چاوپێکەوتنەکە لە ژوورە داخراوەکانەوە ئەنجام درا و تا ئێستا لە لایەن زانا و ئەردۆغانەوە سەبارەت بەم چاوپێکەوتنە هیچ لێدوانێک رانەگەیەنراوە.

بەرپرسانی پارتی ئاشتی و دیموکراسی بەر لە چاوپێکەوتنەکە، کاردانەوەی توندیان نیشان دابوو و رەخنەیان لە لەیلا زانا گرتبوو. هەفتەی رابردوو لەیلا زانا لە وتوێژێک دا لە گەڵ رۆژنامەی 'حورییەت'ی تورکی گوتبووی "لە سەر ئەو بڕوایەم کە سەرۆک وەزیر ئەردۆغان کێشەی کورد چارەسەر دەکا." سەرۆک وەزیری تورکیا بە گەرمی پێشوازی لەم قسەیەی لەیلا زانا کردبوو و چەند رۆژ دواتر پلانی چاوپێکەوتنێکی دوو لایەنە داڕێژرا. دوێنێ هەینی لەیلا زانا لە سەر گۆڕی نوێنەری پێشووی دەپ، ئۆرهان دۆغان بە رۆژنامەنووسانی راگەیاند "بێگومان رۆژێک ئاشتی لە سەر ئەم خاکانە سەقامگیر دەبێ. هیچ جەنگێک تا هەتایە بەردەوام نابێ."چاوپێکه‌وتنه‌که‌ دوور له‌ چاوی میدیاکان ئه‌نجامدرا و تا ئێستاش هیچ لایه‌نێک زانیاری له‌باره‌ی ناوه‌ڕۆکی چاوپێکه‌وتنه‌که‌وه‌ رانه‌گه‌یاندووه‌.

رووداو- موکریان

هێزە ئەمنییەکانی کۆماری ئیسلامی ئێران بە هۆکاری نەزانراو 11 چالاکڤانی مەدەنییان لە مەهاباد دەستگیر کردووە. ناوی ئەو 11 چالاکڤانه کە لە کات و شوێنی جیاواز دەسبەسەر کراون بە شێوەی خوارەوەیە:

دیاکۆ خەیات، خوێندکاری قۆناغی ماستەر لە بەشی ئابووری زانکۆی تاران، شاهۆ حوسێنی، نووسەر و خوێندکاری قۆناغی ماستەر لە بەشی زانستە رامیارییەکانی زانکۆی قەزوین، جەمال قادرنەژاد، خوێندکاری قۆناغی بەکالۆریۆس لە بەشی کۆمەڵناسی زانکۆی مەهاباد، شەمزین ئەحمەد نەژاد، خوێندکاری بەشی کارگێڕی زانکۆی مەهاباد، یاقوب خزری، دامەزرێنەری ئەنجومەنی ئەدەبی مەهاباد و خوێندکاری قۆناغی ماستەر لە بەشی دەرونناسی، محەمەد ئەمین سەلیمی، خەڵکی گوندی کۆنەدێی مەهاباد، شاهۆ (سەلاحەدین) پەرتەوی، کارناسی زانستە پەروەردەییەکان، خەلیل زیبایی، محەمەد سوراکار خەڵکی گوندی جاندارانی مەهاباد، ئەسعەد سلێمان نەژاد خەڵکی گوندی حەوڵاکوردەی مەهاباد و ئومێد قادری ئەقدەم وێنەگر و دەرهێنەر.

هێزە ئەمنییەکان لە کاتی دەسبەسەرکردنی ئەو کەسانە چوونەتە ناو ماڵەکانیان و دەستیان بەسەر هەندێک کەرەستەی تایبەتیان داگرتووە. هەندێک لەو چالاکڤانە مەدەنییانە دوای لێکۆڵینەوە، رەوانەی گرتووخانەی مەهاباد کراون. دەگوترێت ئەو کەسانە بەهۆکاری ئەمنی دەستبەسەر کرابن. رۆژانە لە شارە جۆراوجۆرەکانی رۆژهەڵاتی کوردستان، چالاکڤانانی مەدەنی و فەرهەنگی کورد به پاساوی دژایەتیکردنی دەسەڵات و تێکدانی ئەمن و ئاسایشی کۆماری ئیسلامی ئێران رووبەڕووی گرتن و ئەشکەنجە و تەنانەت لەسێدارەدان دەبنەوە.

رۆژی هەێنی رێکەۆتی ٢٩/٦/٢٠١٢، لەسەر بانگهێشتێکی فەرمی، هەیئەتێک لە نوێنەرایەتی بزوتنەوەی کۆماریخوازی رۆژهەلاتی کوردستان لە وەلاتانی بریتانیا و ئیرلەند بەسەرپەرستی چالاکوانی هێژا کاک ئیبراهیم بایەزیدی، لە لەندەن وە لە مەنتەقەی هارینگەی لە کوردیش کۆمینیتی(KKC)، لەسەر بانگهێشتی KNC بەشداری نۆهەمین فیستیوالی زیلانیان کرد .لە فیستیوالەکەدا پەرلەمانتاری BDP خاتوو گولتان کیسەناک کە هاوسەرۆکی پارتی بەدەپەیە وتاریکی پێشکش کرد. ناۆبراۆ لە وتارەکەی دا ئاماژەی بە کوشتاری رۆبۆسکی کرد و ئەو جینایەتەی بە توندی مەحکووم و ئیدانە کرد، خاتوو گولتان لەدرێژەی قسەۆباسیدا داوای یەکریزی و یەکدەنگی نەتەوەی کوردی کرد و بۆ چارەسەری کێشەی کورد، رێگای ئاشتی و دێمۆکراتیک و پەرلمانی، وەک گوونجاۆترین رێگای هەنووکەیی، بۆ حەللی کێشەی کورد دەستنیشان کرد. شایانی باسە کە لە پەراوێزی سیمینارەکە دا، شاندی بزووتنەوەی کۆماریخوازی رۆژهەلاتی کوردستان دەگەل هەریەک لە بەریزان هەڤال ئەکیف نوێنەری KNC لە بریتانیا، و چالاکوانی سیاسی‌و سەرۆکی کەیسی ژینۆسایدی قەلادزێ‌و دەوەری پشدەر بەرێز کاک خالید ئاسنگەر، چاۆپێکەۆتنیان پێکهێنا.

رووداو- باكووری كوردستان

دوای تێپه‌ڕیوونی بیست ساڵ، سه‌رئه‌نجام بكوژی موسا عه‌نته‌ر ده‌ستگیركرا و دوو فه‌رده‌ به‌ڵگه‌نامه‌ش له‌ماڵه‌كه‌یدا ده‌ستی به‌سه‌رداگیراوه‌. هێزه‌كانی پۆلیسی توركیا دوێنێ هه‌ینی له‌ ناوچه‌ی دێرگول سه‌ر به‌ شێرناخ هه‌ڵیانكوتاوه‌ته‌ سه‌ر ماڵی (حه‌مید یه‌ڵدرم) كه‌ تۆمه‌تباره‌ به‌ كووشتنی موسا عه‌نته‌ر و ده‌ستگیركردووه‌. هاوكات ده‌ستیشانگرتووه‌ به‌سه‌ر 2 فه‌رده‌ به‌ڵگه‌نامه‌ له‌ ماڵه‌كه‌یدا حه‌مید یه‌ڵدرم، كورده‌ و باوه‌ڕپێكراوه‌ی ده‌زگای (ژیته‌م-Jirem) بووه‌ كه‌ یه‌كێكه‌ له‌ ده‌زگا نهێنیه‌ هه‌واڵگرییه‌كانی توركیا. یه‌ڵدرم، سه‌ر به‌ هۆزی (باتۆیان)ه‌ له‌ شێڕناخ.

ئۆڕهان میرئۆغلۆ، نووسه‌رو سیاسه‌تمه‌داری كورد كه‌ له‌كاتی كووشتی موسا عه‌نته‌ر یاوه‌ری بووه‌ و له‌و رووداوه‌ خۆشی برینداربووه‌، دوێنێ كاتێك وێنه‌ی حه‌مید ئه‌ڵدرمی دیووه‌، یه‌كسه‌ ئه‌وی ناسیوه‌ته‌وه‌ و راگه‌یاندووه‌ "ئه‌و وێنه‌یه‌ زۆر زۆر له‌و كه‌سه‌ ده‌چێ كه‌ موسا عه‌نته‌ری كووشت".

ئۆڕهان میرئۆغلۆ،ئاماژه‌ی به‌وه‌ده‌كات عه‌بدولقادر ئایگان، "ئه‌ندامی (ژیته‌م-Jirem) پێشتر دانی داناوه‌ كه‌ حه‌مید ئه‌ڵدرم ده‌ناسی و هه‌ر ئه‌ویش موسا عه‌نته‌ری كووشتووه‌". ئۆڕهان میرئۆغلۆ زیاتر ده‌ڵێ "رووداوی كووشتنی موسا عه‌نته‌ر تائێستا له‌ خه‌یاڵمدا ماوه‌، بۆیه‌ 100% ئه‌و كه‌سی موسا عه‌نته‌ری كووشت و منیشی برینداركرد له‌ رووداوه‌كه‌دا حه‌مید یه‌ڵدرمه‌".

له‌20 ئه‌یلولی 1992، موسا عه‌نته‌ر به‌مه‌به‌ستی به‌شداری كردن له‌ كۆنفڕانسێك سه‌ردانی شاری ئامه‌د ده‌كات له‌وێ ده‌كوژرێ. موسا عه‌نته‌ر رۆشنبیر، نووسه‌ر و هۆنراوه‌نووس و سیاسه‌تمه‌داری كورد، له‌ ساڵی 1920 له‌ گوندی (ئه‌سكیماغارا) له‌ (نوسه‌یبین)ی سه‌ر به‌ پارێزگای ماردینی باكووری كوردستان له‌ دایك بووه‌. موسا عه‌نته‌ر به‌ درێژای ژیانی خوی دا به‌رگری له‌ دۆزی كوردی كردوه‌ و له‌ پێناوشدا كوژرا.

دایكی موسا عه‌نته‌ر یه‌كه‌م موختاری ژن بووه‌ له‌ توركیا، خاوه‌ن سێ منداڵ بووه‌، دوو كوڕ و كچێك. موسا عه‌نته‌ر له‌ كوده‌تای 27ی مایسی 1960 دا له‌ زیندان دا بووه‌، به‌ درێژای ژیانی دا 11 و نیو ساڵ له‌ زیندان دا بووه‌. له‌ رۆژی 20/9/1992 له‌ شاری ئامه‌د كوژرا. مه‌زاری ئێستای له‌ گوندی ئاكارسوی ماردینه‌، یه‌كێكه‌ له‌ دامه‌زرێنه‌رانی پارتی خه‌باتی گه‌ل، بووه‌ته‌ سه‌رۆكی ئینستیتوی كورد له‌ ئیستانبول. له‌ دیارترین به‌رهه‌مه‌ بڵاوه‌كانی موسا عه‌نته‌ر:

یادگاره‌كانم I- Anılarım I

یادگاره‌كانم I I AnılarımI I

كملKımıl

وه‌قائیمه‌ Vakainame

برینا ره‌شKara yara

فرات ده‌ڕێژێت مه‌ڕمه‌ڕه‌ Fırat marmaraya akar

دواى رۆژێك له‌ هه‌وڵى خۆكوشتن‌و بڕینى قوڕگى زیندانییه‌كى سیاسى كوردى باكوورى كوردستان له‌ زیندانى میدیاد گیانى له‌ده‌ستدا. دوای ئه‌وی 13 زیندانی له‌ راپه‌ڕینه‌که‌ی به‌ندی (E) زیندانی روحا گیانیان له‌ده‌ستدا، به‌ ئامانجی پرۆتستۆ کردنی ئه‌و رووداوه‌، زیندانییه‌کی سیاسی به‌ناوی (عه‌بدولوه‌حید که‌لچ، 43 ساڵ) له‌ به‌ندی (D)ی زیندانی ئامه‌د، له‌ رۆژی 19/6/2012 قورگی خۆی بڕی و هه‌وڵیدا خۆی بکوژێت، به‌ڵام له‌دوای هه‌وڵی خۆکوژیه‌كه‌ى ره‌وانه‌ی نه‌خۆشخانه‌ی کۆلێژی پزیشکی زانکۆی دیجله‌ کرابوو، دوێنش بۆ زیندانی میدیاد دوورخرایه‌وه‌‌و دوێنێ شه‌و گیانى له‌ده‌ستدا.

به‌رپرسانی زیندانه‌که‌ سه‌رله‌به‌یانی ئه‌مڕۆ بنه‌ماڵه‌که‌یان ئاگادارکرده‌وه‌ له‌ مردنى عه‌بدولوه‌حید که‌لچ، به‌ڵام هیچ رانه‌گه‌یه‌ندراوه‌ كه‌ له‌به‌رچی كه‌لچ گیانی له‌ده‌ستداوه‌، له‌دواى گیانله‌ده‌ستدانی که‌لچ بنه‌ماڵه‌که‌ی په‌یوه‌ندییان به‌ ئیداره‌ی زیندانه‌که‌وه‌ كردووه‌ به‌رپرسانی زیندانه‌كه‌ش رایانگه‌یاندووه‌ كه‌ ته‌رمه‌که‌ی ره‌وانه‌ی ئامه‌د کراوه‌.

رووداو- هەولێر

سەرۆكی حكومەتی هەرێمی كوردستان رایگەیاند زیاتر لەو ماوەیەی بۆ مادە دەستووریەكانی پەیوەست بە كورد و كوردستانەوە هەبوون سەبری گرت و "چیتر ئەوە قبوڵ ناكرێت". ئێوارەی رۆژی 28/6/2012 نێچیرڤان بارزانی ، سەرۆكی حكومەتی هەرێمی كوردستان بەشداری لە 31 خولی دەرچوونی قوتابیانی زانكۆی سەلاحەدیندا كرد لە هەولێر .

لە و تارەكەیدا لەو رێوڕەسمەدا نێچیرڤان بارزانی رایگەیاند ئێستا بە كردەوە هەڕەشە "لەسەر ئەو بنەمایانە هەیە كە دەوڵەتی نوێی عێراقی لەسەر دامەزرایەوە كە ئەویش سیستەمی دیموكراسیی فیدرالیی بوو، كە لەو چوارچێوەیەدا كێشەی نیشتمانی و نەتەوەیی كوردیش دەبووایە تاوەكو ئێستا بەتەواوی چارەسەر ببووایە". سەرۆكی حكومەتی هەرێمی كوردستان گوتی "كێشەی سنووری كوردستان كە مادەی 140 كرایە رێگەی دیاریكردنی، هەروەها مەسەلەی پێشمەرگە و مەسەلەی نەوت و غاز و دابەشكردنی داهاتە نەوتییەكان خرانە ناو دەستوورەوە، بەڵام بەداخەوە تاوەكو ئێستا هیچ كام لەو خاڵانە جێبەجێنەكراون، كە خاڵی گرنگ و حەیاتین بۆ گەلی كوردستان لە عێراق دا". هەروەها گوتی "گەلی كوردستان زیاتر لەو ماوەیەی كە لە دەستووری عێراقدا دیاریكرابوو، چاوەڕێی كرد و سەبری كردووە، بۆیەش ئێستا كاتی ئەوەیە هەموومان بە یەكدەنگ بڵێین چیتر پێشێلكردنی دەستووری عێراق و پشتگوێخستنی مادە و ماوە دەستوورییەكان لە جێبەجێكردنی خاڵەكانی پەیوەست بە گەلی كوردستانەوە، قبوڵ ناكرێن".

رووداو – سلێمانی

نەوشیروان مستەفا، رێکخەری گشتیی بزووتنەوەی گۆڕان، ئەمڕۆ بە سەردانێک چووە ئێران.

بەپێی‌ راگەیاندنێکی ژووری‌ رۆژنامەوانی بزووتنەوەی‌ گۆڕان،‌ سەرلەبەیانی ئەمڕۆ هەینی 29/6/2012، نەوشیروان مستەفا، رێکخەری گشتیی بزووتنەوەی گۆڕان بە سەردانێکی فەرمی بەرەو شاری سنەی رۆژهەڵاتی کوردستان بەرێکەوت، لەوێشەوە دەچێتە‌ تارانی پایتەختی ئێران. لە راگەیێندراوەکەدا هاتووە " بەپێی ئەجێندای سەردانەکە، بڕیارە لەسەرەتای هەفتەی داهاتوودا رێکخەری گشتی بزووتنەوەی گۆڕان سەردانی چەند دامەزراوەیەکی فەرمی کۆماری ئیسلامی بکات و لەگەڵ ژمارەیەک لە گەورە بەرپرسانی ئەو وڵاتە کۆ‌ببێتەوە بەمەبەستی ئاگاداربوون لە دیدو هەڵوێستی کۆماری ئیسلامی سەبارەت بە دۆخی عێراق و هەلومەرجی ناوچەکە و روونکردنەوەی بۆچون و تێڕوانینی بزووتنەوەی گۆڕان لەوبارەوە".

لە راگەیێندراوەکەی‌ ژووری‌ رۆژنامەوانی بزووتنەوەی‌ گۆڕاندا ئاماژە بەوەشدراوە، ئەم سەردانە پاش ئەوە دێ لە مانگی پێشوو حکومەتی تاران بانگهێشتێکی فەرمی لە رێگەی باڵیۆزی ئێرانەوە لە بەغدا ، دایە نەوشیروان مستەفا لەکاتی پێشوازیکردن لێی لە بارەگای سەرەکی گۆڕان لە سلێمانی. بزووتنەوەی گۆڕان ئامادەنەبوو بەشداری لە هەوڵەکانی متمانە سەندنەوە لە نوری مالیکی بکات ، هەروەها هەشت پەرلەمانتارەکەی لە بەغدا ئیمزایان لەسەر ئەو داوایە نەکرد کە بۆ متمانە وەرگرتنەوە ئامادەکرا، بەوشێوەیە بەپێی لێکدانەوەی چاودێرانی سیاسی ئەو هەڵوێستەی بزووتنەوەی گۆڕان رۆڵێکی یەکلاییکەرەوەی هەبوو لە شکستهێنانی هەوڵەکانی رکابەرانی مالیکی، لە متمانە سەندنەوە لە مالیکی بەتایبەتی پاش ئەوەی 10 پەرلەمانتاری عێراقی ئیمزاکانیان کێشایەوە.

مانگرتنی گروپێک لە چالاکڤانانی مەدەنی بۆ پشتگیری کردن لە بەڕێز محەمەد سدیق کەبودوەند
28 / 6 / 2012

بۆ بیر و رای گشتی

هەروەک ئاگادارن بەڕێز محەمەد سدیق کەبودوەند ماوەی ٣٣ رۆژە دەستی داوەتە مانگرتنێکی بێ سنوور و هەتا ئێستاش بەرپرسانی کۆماری ئیسلامی ئێران و بەرپرسانی گرتوخانەی ئەوین، نە تەنیا هیچ جۆرە وەڵامێکیان لەمەر خواستەکەی کەبودوەند نەداوەتەوە، بەڵکوو بە شێوەیەکی زۆر نابەرپرسانە لە هەمبەر ژیانی کەبودوەند دا هەڵسوکەوت دەکەن. لەمڕووەوە کە بەڕێزیان کە وەک باوکی مافی مرۆڤی کوردستانیش ناسراوە بە هۆی مانگرتنەکەی لە ناو گرتوخانەی ئەوینی تاران گیانی لە خەتەر دایە، ئێمە ژمارەیەک چالاکڤانی مەدەنی لە ٢٩ ژوئێن بۆ ماوەی ٣ ڕۆژ و هەر کەس لە ماڵی خۆی بە مەبەستی پشتیوانیکردن لە بەڕێزیان مانگرتن لە خواردنی خۆمان ڕادەگەیەنین و بە هەموو شێوەیەک داکۆکی خۆمان لە بەڕێز کەبودوەند بۆ

بەدەست هێنانی خواستە ڕەواکانی دەردەبڕێن. مانگرتوان بریتین لە:

عارف نادری / نۆروێژ

ئەمیر بابەکری / سۆئێد

شێرکۆ جیهانی / سۆئێد

جەهانگیرعەبدوڵڵلاهی / ئاڵمان

هومەن سەعدەیە / نۆروێژ

ئاسۆ پیرۆتی / ئوتریش

مەسعود فەتحی / هەرێمی باشوری کوردستان

سولەیمان چووکەڵی / نۆروێژ

٢٧/ ٠٦ /٢٠١٢

رووداو-ئه‌نقه‌ره‌

رۆژی شه‌ممه‌، له‌یلا زانای په‌رله‌مانتاری كورد و ره‌جه‌ب ته‌یب ئه‌ردۆغان كۆده‌بنه‌وه‌ و BDPش هیچ قسه‌یه‌كی نییه‌. راگه‌یاندنه‌كانی توركیا بڵاویانكرده‌وه‌ كه‌ رۆژی شه‌ممه‌ له‌یلا زانا په‌رله‌مانتاری سه‌ربه‌خۆی كورد له‌ توركیا و نوێنه‌ری شاری ئامه‌د له‌گه‌ڵ ره‌جه‌ب ته‌یب ئه‌رۆدغان، سه‌رۆك وه‌زیرانی توركیا كۆده‌بێته‌وه‌. كۆبوونه‌وه‌كه‌ له‌باره‌گای پارتی دادو گه‌شه‌پێدانی ده‌سه‌ڵاتدار به‌ڕێوه‌ده‌چێت له‌ ئه‌نقه‌ره‌ كه‌ تێیدا له‌یلا زانا و ئه‌رۆدغان پرسی چۆنیه‌تی چاره‌سه‌ركردنی دۆزی كورد له‌ توركیا تاوتوێ ده‌كه‌ن.

هاوكات ئه‌و كۆبوونه‌وه‌یه‌ دوای لێدوانه‌كه‌ی له‌یلا زانا، خانمه‌ په‌رله‌مانتاری كورد دێت كه‌ له‌میانه‌ی دیدارێكدا له‌گه‌ڵ رۆژنامه‌ی حوڕیه‌تی توركی رایگه‌یاندبوو ئه‌و بڕوای وایه‌ ره‌جه‌ب ته‌یب ئه‌رۆدغان، سه‌رۆك وه‌زیرانی توركیا له‌ توانای دایه‌ كێشه‌ی كورد چاره‌سه‌ر بكات.

بڕیار بوو ئه‌و كۆبوونه‌وه‌ی نێوان له‌یلا زانا و ئه‌ردۆغان هه‌فته‌ی رابردوو ئه‌نجامبدرایه‌، به‌ڵام به‌هۆی كوژرانی 8 سه‌ربازی سوپای توركیا له‌لایه‌ن پارتی كرێكارانی كوردستان (PKK) ئه‌و دانیشتنه‌ دواخرا. په‌رله‌مانتارانێكی پارتی ئاشتی و دیموكراتی BDP) ( له‌ لێدوانێكدا به‌ (رووداو)ی راگه‌یاند "هیچ قسه‌كمان نییه‌ له‌باره‌ی ئه‌و دیداره‌ی له‌یلا زانا و ره‌جه‌ب ته‌یب ئه‌رۆدغان، سه‌رۆك وه‌زیرانی توركیا".

فه‌رمان چۆمانى

رووداو- قه‌ندیل

چوار فڕۆكه‌ى شه‌ڕكه‌رى توركیا ماوه‌ى كاژێر و نیوێك بۆمبارانى قه‌ندیلیان كردووه‌، به‌ڵام به‌پێى زانیاریه‌ سه‌ره‌تاییه‌كان هیچ زیانێكى به‌دواوه‌ نه‌بووه‌. هه‌ڤاڵ رۆژ وڵات، به‌رپرسى په‌یوه‌ندییه‌كانى پارتی كرێكارانی كوردستان (PKK) له‌ بنارى قه‌ندیل به‌ (رووداو)ى راگه‌یاند "شه‌وى رابردوو 4 فڕۆكه‌ى توركیا، بۆردومانى ناوچه‌كانى شه‌هید هاڕون و گوندى قه‌ڵاتوكانی بنارى قه‌ندیلیان كردوه‌". رۆژ وڵات گوتیشى "بۆردومانه‌كان كاژێر 10ى شه‌و بۆ 11:30 شه‌وى خایه‌ندووه‌، به‌ڵام هیچ زیانێكى نه‌بووه‌".