به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
دیمه‌شق پێشوازى له‌هه‌ر ده‌ستپێخه‌رییه‌كى هه‌رێمى و نێوده‌وڵه‌تى ده‌كات كه قه‌یرانى وڵاته‌كه‌ی له رێگه‌ى گفتوگۆوه چاره‌سه‌ر بكات.
وائیل حه‌لقى، سه‌رۆك وه‌زیرانى سووریا له وتارێكیدا كه ئه‌مڕۆ دووشه‌ممه له ئه‌نجوومه‌نى گه‌لى وڵاته‌كه‌ى پێشكه‌شى كرد، گوتی "دیمه‌شق پاڵپشتى له هه‌ر جۆره پڕۆژه‌یه‌كى به‌رژه‌وه‌ندى نیشتیمانى ده‌كات و پێشوازیش له‌و ده‌ستپێشخه‌رییه هه‌رێمى و نێوده‌وڵه‌تیانه ده‌كات، كه كێشه‌ى ئێستاى وڵاته‌كه‌ى له رێگه‌ی گفتوگۆ و ئاشتیه‌وه چاره‌سه‌ر بكات".
حه‌لقى ده‌ستوه‌ردانى نێوده‌وڵه‌تیشی له كاروباره‌كانى ناوخۆى سووریا ره‌تكرده‌وه و گوتىشی"ئه‌وه‌ى له‌سووریا رووده‌دات په‌یوه‌ندى به ناوخۆی وڵاته‌كه‌یانه‌وه هه‌یه و ته‌نها سووریه‌كانیش بێ ده‌ستوه‌ردان و سه‌پاندن له ده‌ره‌وه چاره‌سه‌رى ده‌كه‌ن".
ئه‌م هه‌ڵوێسته‌ى دیمه‌شق دواى ئه‌وه دێت كه دوێنێ یه‌كشه‌ممه، ئه‌خزه‌ر ئیبراهیمى، نێرده‌ى هاوبه‌شى نه‌ته‌وه‌یه‌كگرتووه‌كان و عه‌ره‌بی، رایگه‌یاند كه پێشنیارێكى نوێى بۆ چاره‌سه‌ركردنى كێشه‌ى سووریا له‌به‌رده‌ستدایه و له‌وانه‌شه ره‌زامه‌ندى نێوده‌وڵه‌تى بۆ به‌ده‌ست بهێنێت.
نێچیرڤان بارزانی له په‌یامێكدا به‌بۆنه‌ی سه‌ری ساڵی نوێدا وێڕای پیرۆزباییكردن، هیوای چاكبوونه‌وه و گه‌ڕانه‌وه بۆ مام جه‌لال ده‌خوازێت.
نێچیرڤان بارزانی، سه‌رۆكی حكومه‌تی هه‌رێمی كوردستان له لاپه‌ڕه‌ی تۆڕی كۆمه‌ڵایه‌تی فه‌یسبووكی تایبه‌ت خۆی به‌بۆنه‌ی سه‌ری ساڵی نوێیه‌وه په‌یامێكی بڵاوكردووه‌ته‌وه كه تێیدا هیواداره "ساڵى تازه ببێته ساڵى سه‌ركه‌وتن، ئارامى و ئاسووده‌یى، خۆشى و كامه‌رانى بۆ هه‌مووان و ببێته مایه‌ى گه‌شه‌سه‌ندن و پێشكه‌وتنى به‌رده‌وام، ئاوه‌دانى و خۆشگوزه‌رانیى زیاترى كوردستان".
سه‌رۆكی حكومه‌تی هه‌رێمی كوردستان له په‌یامه‌كه‌یدا هیوای چاكبوونه‌وه و به سه‌لامه‌تی گه‌ڕانه‌وه بۆ مام جه‌لال، سه‌رۆك كۆماری عێراق ده‌خوازێت.
ئه‌مه‌ش ده‌قه‌كه‌یه‌تی:
ساڵی تازه‌ی 2013 له هه‌موو كوردستانیان له هه‌ر كوێیه‌ك بن پیرۆز ده‌كه‌م، هیوادارم ساڵى تازه ببێته ساڵى سه‌ركه‌وتن، ئارامى و ئاسووده‌یى، خۆشى و كامه‌رانى بۆ هه‌مووان و ببێته مایه‌ى گه‌شه‌سه‌ندن و پێشكه‌وتنى به‌رده‌وام، ئاوه‌دانى و خۆشگوزه‌رانیى زیاترى كوردستان. هیواى چاكبوونه‌وه و به سه‌لامه‌تى گه‌ڕانه‌وه بۆ جه‌نابى مام جه‌لال سه‌رۆك كۆمارى عیراق ده‌خوازم. هه‌ر له خۆشیدا بن و له ساڵى تازه‌دا خه‌ون و هیواكانتان بێنه دى. سڵاو و ڕێز بۆ هه‌مووان..
شانشینى عه‌ره‌بی سعودیه بۆساڵی نوێ گه‌وره‌ترین بودجه‌ى وڵات له‌مێژووى خۆى په‌سه‌ند ده‌كات و زۆرینه‌ى خه‌رجیی ئه‌و بودجه‌یه‌ش بۆ په‌ره‌پێدانه.
عه‌بدوڵڵا كوڕى عه‌بدولعه‌زیز ئال سعود، پادشاى سعودیه به‌سه‌رۆكایه‌تى كردنى كۆبوونه‌وه‌ى گشتى ئه‌نجوومه‌نى وه‌زیرانى وڵاته‌كه‌ى بودجه‌ى گشتى سعودیه به‌كوژمه‌ى 820 ملیار ریاڵ (ده‌كاته 218 ملیار دۆلارى ئه‌مریكى) په‌سه‌ند ده‌كات‌و راشیگه‌یاند نزیكه‌ى 9 ملیار ریالى سعودى زیاده هه‌یه له‌خه‌زێنه‌ى میریدا.
له‌و كۆبوونه‌وه‌یه گفتوگۆ له‌سه‌ر هاورده‌كانى ئه‌و شانه‌شینه كراوه و كه‌پێشبینى ده‌كرێت بگاته 892 بلیۆن دۆلار (237.8 دۆلار)، له‌به‌رامبه‌ردا خه‌رجییه‌كانیش به 820 بلیۆن ریاڵ مه‌زنده كراوه‌‌و زیاده‌ى گشتى دارایی گه‌یشتووه‌ته 9 بلیۆن ریاڵ.
له‌بودجه‌ى ئه‌مساڵیدا ئه‌و وڵاته‌دا توانیویه‌تى رێژه‌یه‌كى زیاده له‌بودجه‌ى خۆى تۆمار بكات به‌برى 386 بلیۆن ریاڵ‌و رێژه‌ى سه‌دا 77 ى تۆمار كردووه له‌رێژه‌ى زیاده‌ییدا.
له‌ووته‌یه‌كیدا بۆ ئه‌و مه‌به‌سته پادشاى شانشینى سعودىه رایگه‌یاند " ئه‌مساڵ بودجه‌ى ساڵى دارایی په‌سه‌ندكراو هیمایه‌كه بۆ به‌رده‌وام بوون له‌خه‌رج كردنى به‌پێى به‌رنامه‌ى دارێژراو".
عه‌بدوڵڵا ئال سعود ئه‌وه‌شى گوت" پڕۆژه‌كان هاوكارن بۆ په‌ره‌پێدان‌و پێشكه‌وتن بۆ به‌رژه‌وه‌ندى هاوڵاتیان‌و گه‌لى سعودىه بۆ ئه‌وه‌ى زۆرترین خزمه‌تگوزارى پێشكه‌ش بكرێت‌و بگاته ئاستى پێویست".
به‌پێى ئامارو ژماره‌كانى بودجه‌ى 2013 ــدا ده‌رماڵه‌كانى ته‌ندروستى، په‌ره‌پێدانى كۆمه‌ڵایه‌تى‌و گواستنه‌وه به‌رێژه‌ى سه‌دا 16 زیادى كردووه‌و بڕى 100 ملیار ریاڵ ته‌رخانكراوه، له‌رووى په‌روه‌رده‌شدا به‌رێژه‌ى سه‌دا 25 زیادى كردووه‌و بڕى دیاریكراویش بۆ ئه‌و بواره 204 ملیار ریال ته‌رخانكراوه.
ئال سعود ئه‌وه‌شى گوتووه" هیچ بیانوویه‌ك نامێنێت بۆ كه‌م ته‌رخه‌م له‌پێشكه‌ش كردنى خزمه‌تگوزارى ئێوه به‌رپرس له‌به‌رامبه‌ر خودا". داواشى له‌به‌رپرسان‌و وه‌زیره‌كانى حكومه‌ت كردووه له‌به‌رده‌م میدیاكاندا شیكردنه‌وه‌ى بۆ ئه‌و بڕه بودجه‌یه بكات كه‌ته‌رخانكراوه بۆ بودجه‌كه‌ی.
بۆ بواره‌كانى وه‌ك كشتوكاڵ‌و پیشه‌سازى‌و كه‌رته‌كانى دیكه‌ى ئابوورى زیاد به 57 ملیار ریاڵ ته‌رخانكراوه به‌رێژه‌ى سه‌دا 11 ى بودجه‌ى گشتى سعودیه ده‌ستنیشان كراوه.
له‌ماوه‌ى 81 ساڵى رابردوو بودجه‌ى سعودیه هه‌شتاو هه‌شت هه‌زار جار زیادى كردووه‌و یه‌كه‌مین بودجه‌ى په‌سه‌ندكراوى ئه‌و شانه‌شینه بریتى بووه له 14 ملیۆن ریاڵ بووه كه‌له‌ساڵى 1352 هیجرى بووه (1939 زایینى).
ساڵى پاریش ئه‌و وڵاته زیاتر له 330 ملیار دۆلار داهاتى بووه كه‌زۆرترین داهاتیش له‌فرۆشتنى نه‌وتى خاو بووه كه‌ئه‌و وڵاته به‌پله یه‌كه‌م دێت له‌سه‌ر ئاستى جیهان له‌به‌رهه‌مهێنانى نه‌وتدا.
سه‌لاحه‌دین ده‌میرتاش، هاوسه‌رۆكی پارتی ئاشتی ودیموكرات(BDP)،ڕایگه‌یاند ئه‌ردۆغان فه‌رمانی هێرشه‌كه‌ی ڕۆبۆسكی ده‌ركردووه.
سه‌لاحه‌دین ده‌میرتاش، هاوسه‌رۆكی پارتی ئاشتی و دیموكراتی (BDP)، ڕۆژی هه‌ینی 28 ی كانوونی یه‌كه‌م له‌میانه‌ی مه‌راسیمی یه‌كه‌مین ساڵیادی كۆمه‌ڵكوژییه‌كه‌ی ڕۆبۆسكیدا له گوندی ڕۆبۆسكی له‌ناو ئاپۆڕای جه‌ماوه‌ری باكووری كوردستاندا ڕایگه‌یاند "فه‌رمانی هێرشكردنه سهر قوربانیه‌كانی ڕۆبۆسكی له‌لایه‌ن ڕه‌جه‌ب ته‌یب ئه‌ردۆغان، سه‌رۆك وه‌زیرانی توركیا-ه‌وه ده‌ركراوه".
ڕۆژی 28ی كانوونی یه‌كه‌می ساڵی 2011 له ئه‌نجامی هێرشی فڕۆكه جه‌نگیه‌كانی سوپای توركیا بۆسه‌ر كاروانی ژماره‌یه‌ك كاسبكاری كورد له گوندی ڕۆبۆسكی ناوچه‌ی قلابانی سهر به پارێزگای شرناخ، 34 هاوڵاتی گیانیان له‌ده‌ستدا، كه 17 یان منداڵ بوون، و ژماره‌یه‌كی دیكه‌ش برینداربوون.
ده‌میرتاش وتیشی:" زانیارییه‌ك به ئه‌ردۆغان ڕاگه‌یه‌ندرابوو به‌وه‌ی كه‌سێكی باڵای پارتی كرێكارانی كوردستان له‌ناو كاسبكاره‌كاندایه، به‌ڵام زانیاریشی له‌باره‌ی هاوڵاتیاكانه‌وه پێوترابوو."
ده‌میرتاش داوای له ئه‌ردۆغان كرد دانبنێت به‌وه‌ی فه‌رمانی بۆمبارانكردنی هاوڵاتیه كورده‌كانی ده‌ركردووه.
دوای كۆمه‌ڵكوژییه‌كه، سوپای توركیا رایگه‌یاند به هه‌ڵه هێرشی كردووه‌ته‌سه‌ر هاوڵاتیه‌كان و ئاماژه‌یكرد به‌وه‌ی به‌پێی ئه‌و زانیاریانه‌ی له فڕۆكه بێفڕۆكه‌وانه‌كانه‌وه به‌ده‌ستی گه‌یشتبوو، وایزانیبوو قوربانیه‌كان گه‌ریلاكانی پارتی كرێكارانی كوردستان (په‌كه‌كه) ن.
مانگی كانوونی دووه‌می ئه‌مساڵ لیژنه‌یه‌كی لاوه‌كی له په‌رله‌مانی توركیا دروستكرا بۆ لێكۆڵینه‌وه له كۆمه‌ڵكوژییه‌كه، به‌ڵام هێشتا لیژنه‌كه لێكۆڵینه‌وه‌كانی ته‌واو نه‌كردووه و هیچ ئه‌نجامێكی بڵاونه‌كردووه‌ته‌وه. چه‌ند ئه‌ندامێكی لیژنه‌كه كه سه‌ربه پارته ئۆپۆزسیۆنه‌كانی توركیان جه‌ختیانكردووه‌ته‌وه سه‌رۆكایه‌تی ئه‌ركانی سوپا و وه‌زاره‌تی به‌رگریی و ده‌زگای هه‌واڵگری نیشتمانی توركیا (میت) ڕه‌تیانكردووه‌ته‌وه به‌ته‌واوی هاوكاری لیژنه‌كه بكه‌ن و زانیاریان پێبده‌ن و وه‌ڵامی پرسیاره‌كانی لیژنه‌كه بده‌نه‌وه.
له‌وباره‌یه‌وه لیڤینت گۆك، په‌رله‌مانتاری پارتی كۆماری گه‌لی ئۆپۆزیسیۆن، دوێنێ هه‌ینی له پرێس كۆنفرانسێكدا به تووندی هێرشی كرده سهر حكومه‌تی توركیا و داوایكرد پارله‌مانتاره‌كانی پارتی داد و گه‌شه‌پێدان (AKP) ی فه‌رمانڕه‌وا كه ئه‌ندامن له لیژنه‌كه‌دا، ده‌ست له‌كاربكێشنه‌وه و جه‌ختیكرده‌وه "كۆمه‌ڵكوژییه‌كه‌ی ڕۆبۆسكی پارتی داد و گه‌شه‌پێدان-ی كرووه‌ته بارمته و په‌رله‌مانتاره‌كانی متمانه‌یان دۆڕاندووه". ئاماژه‌شیكرد به‌وه‌ی سه‌رۆكایه‌تی ئه‌ركانی سوپای توركیا ده‌یانه‌وێت كۆمه‌ڵكوژییه‌كه‌ی ڕۆبۆسكی له‌بیرخۆیان به‌رنه‌وه.
میدیاكانی توركیا ڕایانگه‌یاند مانگی كانوونی دووه‌می ساڵی داهاتوو لیژنه‌كه ڕاپۆرتێكی 70 لاپه‌ڕه‌یی بڵاوده‌كاته‌وه.
هاوكات سه‌باحه‌ت تونجه‌ل، په‌رله‌مانتاری شاری ئه‌سته‌نبوڵی پارتی كۆمه‌ڵگای دیمۆكراتی (DTP)، له په‌یوه‌ندییه‌كی ته‌له‌فۆنیدا به سایتی حوڕییه‌ت ده‌یلی نیوزی ڕاگه‌یاندووه:"ڕاپۆرتی لیژنه‌كه ڕاستی تێدانیه‌و كۆمه‌ڵكوژییه‌كه ناتوانرێت حه‌شاربدرێت، بۆیه (به‌رانێكی قوربانی) یان دۆزیووه‌ته‌وه و ده‌یانه‌وێت تاوانه‌كه بكه‌نه ملی چه‌ند كه‌سێكی دیكه. ده‌وڵه‌ت ڕۆڵێكی گرنگی گێڕاوه له هه‌موو قه‌تڵوعامه‌كانی توركیا وه‌كو ماراش سیڤاس".
به‌م دواییانه رێكخراوی هیومان ڕایتس ۆچ كه باره‌گاكه‌ی له شاری نیویۆركه حكومه‌تی توركیای هاندا لێكۆڵینه‌وه‌یه‌كی " شه‌فاف و ڕاسته‌قینه" سه‌باره‌ت به كۆمه‌ڵكوژی ڕۆبۆسكی ئه‌نجامبدات، و ئه‌نجامده‌رانی كۆمه‌ڵكوژییه‌كه بداته دادگا.
وه‌رگێڕانی له ئینگلیزییه‌وه: دانا ته‌یب مه‌نمی
فراكسیۆنى گۆڕان له ئه‌نجوومه‌نى نوێنه‌رانى عێراق بۆ دیاریكردنى رۆڵى سوپا له سیاسه‌ت وبه‌پێچه‌وانه‌وه، بەنیازە پرۆژه‌ى بیروباوه‌ڕى سه‌ربازى پێشكه‌ش بە ئەنجوومەنی نوێنەران بکات.
سه‌ردار عه‌بدوڵڵا مه‌حمود،سەرۆکی فراكسیۆنى گۆڕان له ئه‌نجوومه‌نى نوێنه‌رانى عێراق به (رووداو)ى راگەیاند "سه‌ره‌راى گۆڕانى دیموكراسى له عێراق، به‌ڵام بیروباوه‌ڕى سه‌ربازى، مه‌به‌ست له ده‌ستوه‌ردانى سه‌ربازى له كاروبارى سیاسى وڵات و به‌پێچه‌وانه‌وه، هێشتا وه‌كو پێشتر ماوه‌ته‌وە".
سه‌ردار عه‌بدوڵڵا راشیگەیاند "یه‌كێك له كێشه هه‌ره گه‌وره‌كانى ئه‌مرۆى عێراق تێكه‌ڵاوبوونى سیاسه‌ته به كاروبارى سوپا".
سەرۆکی فراكسیۆنى گۆڕان دەڵێت "ئێمه وه‌ك فراكسیۆنى گۆڕان له كۆبوونه‌وه‌ى لایه‌نه سیاسیه‌كانى عێراق له هه‌فته‌ى رابردوو پرۆژه‌یه‌كمان به‌ناوى پرۆژه‌ى بیروباوه‌رى سه‌ربازى پێشكه‌ش به‌هه‌موو لایه‌نه سیاسیه‌كان كرد و هه‌موویان به كورد و شیعه‌و سوننه‌وه پشتگیریان لێكرد".
ناوبراو رونیشى كرده‌وه "له داهاتوویه‌كى نزیكدا پرۆژه‌كه پێشكه‌ش به ئه‌نجوومه‌نى نوێنه‌رانى عێراق ده‌كه‌ین وگه‌ر پرۆژه‌كه په‌سه‌ند بکرێت، ئه‌وه ده‌بێته رێگر له هه‌ر ده‌ستوه‌ردانێكى سیاسى له كاروبارى سوپاو به‌پێچه‌وانه‌وە".
ئه‌و په‌رله‌مانتاره گوتیشی "ماوه‌یه‌كه ئه‌و پرۆژه‌یه له كۆبوونه‌وه‌كان باسى لێوه‌ده‌كرێ و هۆى ئاشكراكردنى بۆ راگه‌یاندنە له‌م كاته‌دا دروستبوونى زه‌مینه‌ى گونجاوه بۆ خستنه رووى".
سێیەمین قوربانی رووداوی ئاگرکەوتنەوە لە قوتابخانەی شیناوێی رۆژهەڵاتی کوردستان گیانی لەدەستدا.
ئاژانسی رۆژهەڵات تایمز رایگەیاند "دوێنێ هەینی، سارینا ره‌سوڵ زاده، یه‌کێک له‌و دەیان کچە قوتابیەی کە ماوەیەک لەمەوبەر لە ئەنجامی گڕگرتنی سۆبەی قوتابخانەکەی گوندی شیناوێ بە توندی تووشی سوتان هاتبوو، لە نەخۆشخانە گیانی له‌ده‌ستدا".
ره‌سوڵ خزری، نوێنه‌ری شاری پیرانشار له مه‌جلیسی ئێران، هۆکاری گیان لەدەستدانی سارینای بۆ قوڵی برینەکانی، خه‌سارگه‌یشتن به سی و کاریگەریی برینەکانی بەشی هەناسەدان بە هۆی هەڵمژینی زۆری دووکەڵ گەڕاندووەتەوە.
لە هەفتەی یەکەمی ئەو رووداوە، هەر یەک لە سەیران یەگانە و ئیلهام (ئامینە) ئیسماعیل پوور بەهۆی سەختی برینەکانیانەوە، لە نەخۆشخانەی سینای تەورێز گیانیان لەدەستدا.
رێکەوتی 2012/12/5، پۆلى قوتابیانى كچى پۆلى چواره‌مى سه‌ره‌تایى قوتابخانەی شۆڕشی گوندی شیناوێی پیرانشار، به‌هۆى ته‌قینه‌وه‌ى سۆباوه ئاگرى تێبه‌ربوو.
لەو رووداوەدا، 37 قوتابی و مامۆستای پۆلەکە ئاگریان تێبەربوو و هەندێک لە قوتابییەکان بەهۆی سەختی برینەکانیانەوە رەوانەی نەخۆشخانەکانی ورمێ، مەهاباد و تەورێز کران.
ئەو رووداوە رای گشتی رۆژهەڵاتی کوردستانی هەژاند، بەشێوەیەک کە زۆربەی بەکاربەرانی فەیسبووک لە رۆژهەڵاتی کوردستان وێنەی پڕۆفایلەکانی خۆیان بۆ وێنەی ئەو کچانە و رووداوی ئاگرکەوتنەوەکە گۆڕی.
مەسعود بارزانی، سەرۆکی هەرێمی کوردستان لە پەیامێکدا بەو بۆنەیە، هاوخەمی خۆی بۆ بنەماڵەی قوربانیان و خەڵکی رۆژهەڵاتی کوردستان دەربڕی و رایگەیاند "ئەو رووداوە دڵتەزێنە، خەمباری کردم".
هەروەها نەوید زەردی گۆرانی بێژی لاوی رۆژهەڵاتی کوردستان ڤیدیۆ کلیپێکی بەناوی (بۆ 38 پەپولەکەی پیرانشار) ئامادە کرد و پێشکەشی ئەو کچە جەستە سووتاوانە و بنەماڵەکانیانی کرد.
80 چالاکڤانی سیاسى، مه‌ده‌نى، خوێندكاریى، رۆژنامه‌وان‌و پارێزه‌رى رۆژهەڵاتی کوردستان لە بەیاننامەیەکدا کە وێنەیەکی بۆ (رووداو) نێردرابوو، داوایان له حكومه‌تى ئێران كرد به دواداچوون بۆ سووتانى ده‌یان قوتابى كورد بكات‌و لایه‌نى به‌رپرسیار سزا بدات.
بەڵام تا ئێستا بە جیدی لێکۆڵینەوە لەو رووداوە نەکراوە و لایەنی بەرپرسیار سزا نەدراوە.
سه‌رچاوه‌یه‌كی توركی رایده‌گه‌یێنێت ئێران دۆسیه‌ی كورد له دژی توركیا به‌كارده‌هێنێت و مه‌شق و راهێنان به چه‌كدارانی پارتی كرێكارانی كوردستان(PKK) ده‌كات.
سه‌رچاوه‌یه‌كی فه‌رمی توركی به رۆژنامه‌ی (شه‌رقولئه‌وسه‌ت)ی راگه‌یاند "وڵاته‌كه‌ی سه‌ری سوڕماوه له هه‌ندێ وڵات كه ده‌یانه‌وێت دۆسیه‌ی كورد به‌كاربهێنن له‌دژی توركیا". به‌هۆی ئه‌وه‌ی توركیا پاڵپشتی و پشتگیری له داخوازییه‌ڕه‌واكانی گه‌لی سووریا ده‌كات.
ئه‌و سه‌رچاوه ئاماژه به "زانیاری مه‌ترسیدار" ده‌كات كه له "سه‌رچاوه‌ی باوه‌ڕپێكراوه‌وه" گه‌یشتووه‌ته سه‌ركرده سیاسییه‌كانی توركیا كه تێیدا ئاماژه به بوونی سه‌ربازگه‌ی مه‌شق و راهێنانی رێكخستنێكی كوردی ده‌كات له‌سه‌ر خاكی ئێران".
وه‌ك ئاماژه‌یه‌ك بۆ پارتی كرێكارانی كوردستان(PKK) سه‌رچاوه‌كه ده‌ڵێ "هه‌ندێ له برینداره‌كانی شه‌ڕو پێكدادانه‌كان له‌گه‌ڵ سوپای توركیا له خاكی ئێران چاره‌سه‌ریان بۆ ده‌كرێت" كه سه‌رچاوه‌كه ئه‌مه "به پێشهاتێكی ترسناك" وه‌سف ده‌كات.
نه‌هرۆ محه‌ممه‌د
ئه‌مڕۆ ساڵێك به‌سه‌ر كۆمه‌ڵكوژیه‌كه‌ی رووبۆسكێ تێده‌په‌ڕێت و مه‌ڕاسیمێكی گه‌وره بۆ به‌رز راگرتنی گیانی قوربانیانی ئه‌و كۆمه‌ڵكوژیه له‌و گونده له باكووری كورستان به‌ڕێوه‌ده‌چێت.
به‌پێی زانیاریه‌كانی (رووداو)، سهر له به‌یانی ئه‌مڕۆ به‌ده‌یان هه‌زار كه‌س له شاره‌كانی باكووری كوردستان و گونده‌كانی نزیك له رۆبۆسكێ ڕوویانكرده جێی كۆمه‌ڵكوژیه‌كه، به‌ڵام هێزه ئه‌منیه‌كانی توركیا رێگه‌یان نه‌دا خه‌ڵكی شاری شێرناخ سه‌ردانی روبۆسكێ بكه‌ن.
هاوكات شاندی پارتی (CHP) گه‌لی كۆماری به‌سه‌رۆكایه‌تی سه‌زگین تانركولوك، جێگری سه‌رۆكی گشتی ئه‌و پارته سه‌ردانی گوندی رۆبۆسكی كرد و داوای له حكومه‌تی ره‌جه‌ب ته‌یب ئه‌ردۆغان كرد كه كه‌سانی به‌رپرس له ئه‌نجامدانی كۆمه‌ڵكوژیه‌كه‌ی رۆبۆسكێ دادگایی بكرێن.
شه‌وی 28ی كانوونی ساڵی 2012 له ئه‌نجامی بۆردومانی فڕۆكه جه‌نگیه‌كانی سوپای توركیا، 34 كه‌س له خه‌ڵكی گوندی روبۆسكێ سهر به پارێزگای شرناخی باكووری كوردستانی كوژران و BDP ش،سه‌رۆك وه‌زیری توركیا ره‌جه‌ب ته‌یب ئه‌ردۆغان به به‌رپرسیاری یه‌كه‌می ئه‌م رووداوه تۆمه‌تبار كرد.
مسئولانی از وزارت امور خارجه سوریه به مسکو پایتخت روسیه رفته‌اند تا با مسئولان این کشور درباره پیشنهادهای اخضر ابراهیمی فرستاده ویژه سازمان ملل متحد و اتحادیه عرب برای حل و فصل بحران سوریه، گفت‌و‌گو کنند.
در همین حال فرمانده پلیس نظامی سوریه با انتشار ویدئویی، جدایی خود از نظام بشار اسد رئیس جمهور این کشور و پیوستن به مخالفان را اعلام کرد.
به گزارش خبرگزاری رویترز یک منبع امنیتی سوری گفنه است که فیصل المقداد معاون وزیر امور خارجه سوریه و یک مسئول دیگر در این وزارتخانه، به منظور بررسی جزئیات پبشنهادهای اخضر ابراهیمی، به روسیه رفته‌اند.
یک مسئول لبنانی نزدیک به حکومت سوریه که خواسته نامش فاش نشود هم گفته است: «فضای جدیدی وجود دارد و اتفاقات خوبی در حال روی دادن است. به طور حتم مسئولان سوری می‌خواهند با همپیمانان خود، این اوضاع را بررسی کنند.»
از زمان آغاز اعتراض‌ها در سوریه که اکنون به شکل جنگ داخلی در آمده است، بیش از ۲۱ ماه می‌گذرد. در این ماه‌ها بیش از ۴۴ هزار نفر در سوریه کشته شده‌اند.
ابراهیمی هم اکنون برای سفری یک هفته‌ای، به سوریه رفته است. او تاکنون با شماری از مسئولان سوری از جمله بشار اسد، دیدار و گفت‌و‌گو کرده است. برخی شخصیت‌های اپوزیسیون داخل سوریه نیز از کسانی بودند که با ابراهیمی دیدار کردند. ابراهیمی تاکنون چیزی از پیشنهاد خود و تحولات ناشی از گفت‌و‌گو‌ها، اعلام نکرده است.
چندی پیش ابراهیمی در تلاش برای دستیابی به توافقی بین المللی بر سر بحران سوریه، با مقام‌های آمریکایی و روس دیدار و گفت‌و‌گو کرده بود. دو طرف هرچند که اعلام کرده‌اند در پی راه حلی سیاسی برای بحران سوریه هستند، اما موضع خود را درباره بشار اسد، تغییر نداده‌اند.
روزنامه فیگارو در گزارشی نوشته است که طرح جدید ابراهیمی، حاوی سه بخش است؛ نخست اینکه دولت وحدت ملی با اختیارات کامل و با حضور وزرایی که از سوی دو طرف دولت و اپوزیسیون سوریه مورد پذیرش هستند، تشکیل شود. دوم اینکه بشار اسد تا سال ۲۰۱۴ بدون هیچ اختیاراتی، رئیس جمهور بماند. سوم اینکه در انتخابات ریاست جمهوری که برگزار می‌شود، بشار اسد نامزد نشود.
در صورت صحت وجود چنین طرحی، هنوز پاسخ دولت سوریه به آن مشخص نیست. اما بخش عمده‌ای از مخالفان با آن اعلام مخالفت کرده‌اند.
معاذ الخطیب رئیس ائتلاف ملی نیروهای اپوزیسیون و انقلاب سوریه، که بخش عمده‌ای از مخالفان بشار اسد را در خود جای داده است، در صفحه فیس بوک خود، با این طرح اعلام مخالفت کرد.
الخطیب نوشته است که بار‌ها تاکید کرده که هیچ طرحی که ضامن کنار رفتن بشار اسد نباشد، پذیرفتنی نیست. او خاطرنشان کرده است که در تمام دیدار‌هایش با مسئولان کشور‌ها و سازمان‌های مختلف گفته است که سوری‌ها، بقای حکومت فعلی و رئیس آن را، با اختیارات یا بدون آن، نمی‌پذیرند.
ائتلاف ملی سوریه از سوی بیش از صد کشور جهان به عنوان تنها نماینده مشروع مردم این کشور، به رسمیت شناخته شده است.
از سوی دیگر، عبد العزیز جاسم الشلال رئیس پلیس نظامی سوریه، با انتشار ویدیویی بر روی شبکه یوتویب، از نظام بشار اسد، اعلام جدایی کرد.
او درباره دلیل این اقدام خود گفته است که «ارتش که وظیفه اصلی‌اش، حمایت از کشور بود، به باندهایی برای قتل و ویرانی تبدیل شده است.»
به نظر نمی‌رسد جدایی الشلال با اینکه یکی از عالی رتبه ترین نظامیان جدا شده از نظام بشار است، تحول بزرگ استراتژیکی به شمار آید.
الشلال در این فیلم ویدیویی می‌گوید: «ارتش سوریه، شهر‌ها و روستا‌ها را ویران و اقدام به کشتار شهروندان بی‌گناهی که با خواست آزادی به خیابان‌ها آمدند کرد.»
نێچیرڤان بارزانی رایده‌گه‌یێنێت چوونى شاندى كوردستان بۆ به‌غدا له‌سه‌ر بنه‌ماى بڕوابوونمانه كه به گفتوگۆ كێشه‌كان چاره‌سه‌ر بكه‌ین.
دواى نیوه‌ڕۆى ئه‌مڕۆ چوارشه‌ممه 26/12/2012، نێچیرڤان بارزانى سه‌رۆك وه‌زیرانى هه‌رێمى كوردستان له‌گه‌ڵ ستیفن بیكرۆفت باڵیۆزى ئه‌مه‌ریكا له عێراق و شاندێكى یاوه‌رى كۆبووه‌وه.
له دیدارێكدا ڕه‌وش و دوا پێشهاته‌كانى ئێستاى ناوچه‌كه به گشتى و عێراق به تایبه‌تى خرایه به‌ر باس و هه‌ردوولا تیشكیان خسته سهر هه‌وڵه‌كانى هێوردكردنه‌وه‌ى گرژییه‌كانى نێوان هه‌رێمى كوردستان و به‌غدا و شاندى ئه‌مه‌ریكى چوونى شاندى هه‌رێمى كوردستانیان بۆ به‌غدا له‌پێناو ئارامكردنه‌وه‌ى بارودۆخه‌كه به ئه‌رێنى و مایه‌ى خۆشحاڵى له قه‌ڵه‌م دا و پشتگیریى خۆیان بۆ هه‌ر هه‌وڵێكى ئاشتیانه‌ى چاره‌سه‌ركردنى كێشه و ئاڵۆزییه‌كان دووپات كرده‌وه.
لاى خۆیه‌وه نێچیرڤان بارزانى دووپاتىكرده‌وه "كه هه‌رێمى كوردستان هه‌میشه له‌گه‌ڵ ڕێگه‌چاره‌ى ئاشتیانه‌ى كێشه‌كاندایه و بڕواى به‌وه‌یه كه هه‌موو كێشه و ئاڵۆزییه‌كان له ڕێگه‌ى دیالۆگه‌وه و به میكانیزمه‌كانى ده‌ستوور چاره‌سه‌ر بكرێن". جه‌ختیشى له سهر ئه‌وه كرده‌وه "كه چوونى شاندى هه‌رێمى كوردستان بۆ به‌غدا له سهر بنه‌ماى ئه‌م بڕوایه‌ى هه‌رێمى كوردستانه به چاره‌سه‌ریى كێشه و گرفته‌كان له ڕێگه‌ى دیالۆگ و دانیشتنه‌وه".
عەمید هەڵگورد حیکمەت مەلا عەلی، بەڕێوەبەری گشتی راگەیاندن و رۆشنبیری و هۆشیاری نیشتمانی وەزارەتی پێشمەرگە بە (رووداو)ی راگەیاندبوو "شاندێكى دانوستانكارى وه‌زارى كوردستان كه پێك هاتووه له شێخ جه‌عفه‌ر مسته‌فا، وه‌زیرى پێشمه‌رگه و كه‌ریم شه‌نگالى، وه‌زیرى ناوخۆ و فه‌ریق شێروان و فه‌ریق جه‌بار یاوه‌ر ئه‌مرۆ گه‌یشتنه به‌غدا و لەگەڵ لایەنی عێراقی کۆبوونەوە".
له دیداره‌كه‌دا باڵیۆزى ئه‌مه‌ریكا له عێراق، هه‌روه‌ها له هه‌واڵى ته‌ندروستیى جه‌نابى مام جه‌لال سه‌رۆك كۆمارى عێراقى پرسى و هیواى چاكبوونه‌وه و گه‌ڕانه‌وه‌ى به سه‌لامه‌تى بۆ خواست و باس له دوایین دیدار و كۆبوونه‌وه‌كانى نێوان هه‌ردوو مه‌كته‌بى سیاسیى پارتى دیموكراتى كوردستان و یه‌كێتیى نیشتمانیى كوردستانیش كرا.
ئەو بەرپرسەی وەزارەتی پێشمەرگە گوتیشی "سه‌ردانه‌كه‌ى شاندى وه‌زارى كوردستان له وڵامى داوه‌تنامه‌یه‌كى فه‌رمى به‌غدا هات"، روونشیى كرده‌وه "ئه‌م كۆبوونه‌وه‌یه و كوبوونه‌وه هاوشێوه‌كانى كه پێشتر به‌ستراون به نێوانگیرى ئه‌مریكییه‌كان ئەنجام دروان"، جه‌ختى كرده‌وه "ئه‌و شانده به سیفه‌تى شاندى وه‌زارى كوردستان و له ژێر ناوى لیژنه‌ى كارى هاوبه‌ش بۆ باسى لیژنه هاوبه‌شه‌كان و خاڵه هاوبه‌شه‌كانى پشكنین لەنێوان هەولێر و به‌غداو پرسى پێشمه‌رگه‌و سوپاى عێراق چووه‌ته به‌غدا".
نه‌هرۆ محه‌ممه‌د
لە یادی چلەی ماتەمینی شوکروڵڵا بابان، چەند فیلمێکی تۆمارکراو لەبارەی ژیانی ئەو نووسەرە نمایش دەکرێت.
عوسمان رانیه‌یی، به‌ڕێوه‌به‌رى رێكخراوى په‌ره‌پێدانی كارى راگه‌یاندن بە (رووداو)ى راگه‌یاند "رێكخراوه‌كه‌مان به‌هاوبه‌شی له‌گه‌ڵ ئەنستیتۆی كه‌له‌پوری كورد ئێواره‌ى ئه‌مڕۆ چوارشەممە له شاری هه‌ولێر كۆڕێكی رێزلێنان به‌بۆنه‌ى چله‌ى ماته‌مینی نووسه‌ر و رووناكبیری كورد شوكروڵڵا بابان ساز دەکات".
عوسمان رانیەیی راشیگەیاند "ئەو کۆڕە له‌ژێر ناونیشانى (له هه‌ولێره‌ه‌وه رایه‌ڵه‌ی كاروانى هه‌ڵبه‌ست و گۆرانی رووه مه‌ڵبه‌ندی ئه‌رده‌لان ده‌كا) بەڕێوە دەچێت و وێڕای نمایشكردنی فیلمێكی تۆماری، چه‌ندان وتار و یاده‌وه‌ری و بڕگه‌ی تایبه‌ت به شوكروڵڵای بابان پێشكه‌ش ده‌كرێن".
ناوبراو گوتیشی "وه‌ك رێزگرتنێك بۆ خه‌بات و تێكۆشانی ده‌یان ساڵه‌ی نیشتمانی و رووناكبیری مامۆستا بابان له‌شاری هه‌ولێر و له دوو شوێنی گونجاودا، په‌یكه‌ری بۆ دروست ده‌كرێت و شه‌قامێكیش له‌پایته‌ختدا به ناوی دەکرێت".
شوكروڵا بابان كاژێر 12:05 شه‌وی شه‌ممه‌ی 2012/11/17، له ته‌مه‌نی 89 ساڵیدا له ماڵی خۆی له مه‌یدانی گوڵها له شاری تاران كۆچی دوایی كرد.
سەرچاوە: رووداۆ/ مەحەمەد خۆشناۆ
سەرۆکی هەرێمی کوردستان بۆ درێژەپێدانی خەبات و تێکۆشانی گەلی کورد، جەخت لەسەر پێویستی یەکێتی و یەکڕیزی لایەنە سیاسییەکان دەکاتەوە.
ئەمڕۆ سێ شەممە، مەسعود بارزانی، سەرۆکی هەرێمی کوردستان لە کۆنگرەیەکی رۆژنامەوانیدا لە سلێمانی رایگەیاند "بوونی مام جه‌لال بۆ یه‌كێتی و پارتی و هه‌موو حیزبه‌كان گرنگه"، به‌پێی دوایین هه‌واڵ كه له تیمی سه‌رپه‌رشتی پزیشكییه‌وه به‌ده‌ستمان گه‌یشتووه، ته‌ندروستی مام جه‌لال زۆرباشه و پشتیوان به خوا به‌خۆشی ده‌گه‌ڕێته‌وه بۆ كوردستان".
سەرۆکی هەرێمی کوردستان سەبارەت بە دیاریکردنی جێگرەوە بۆ جەلال تاڵەبانی گوتی "هێشتا جه‌نابی مام جه‌لال له‌ژیاندا ماوه‌و تائێستاش هیچ شتێك له‌و باره‌یه‌وه له‌گه‌ڵ كه‌س باس نه‌كراوە".
بارزانی لە هەمانکاتدا راشیگەیاند "پێویستە هه‌موو ئه‌گه‌ره‌كان له‌به‌رچاو بگرین".
سەرۆکی هەرێمی کوردستان سەبارەت بە کێشەکانی نێوان هەولێر و بەغدا، رایگەیاند "به‌رنامه‌یه‌كمان هه‌بوو بۆ چاره‌سه‌ركردنی قه‌یرانی عێراق كه مام جه‌لال ده‌ستی پێكردبوو، هه‌ندێ هه‌نگاوی ناوبوو. کشانەوەی هێزی پێشمەرگە بەندە بە کشانەوەی هێزەکانی عێراق لە ناوچە کوردستانییەکانی دەرەوەی هەرێمی کوردستان و بەم زوانە کۆبوونەوەیەک لەنێوان شاندی هەولێر و بەغدا بەڕێوە دەچێت".
مەسعود بارزانی، سەبارەت بە رێکەوتننامەی ستراتیژی نێوان یەکێتی نیشتمانی کوردستان و پارتی دیموکراتی کوردستان گوتی "هاتووین په‌یامی برایه‌تی بۆ یه‌كێتی رابگه‌یه‌نین و هاتنمان بۆ ئه‌وه‌یه تا به یه‌كێتی بڵێین له‌گه‌ڵتانین له‌هه‌موو كاتێكدا و له‌ئێستاشدا ئێمه زیاتر په‌یوه‌ست ده‌بین به رێككه‌وتننامه‌ی ستراتیژییه‌وە".
بەیانی ئەمڕۆ سێ شەممە، بە چاودێری مەسعود بارزانی، هەردوو مەکتەبی سیاسی یەکێتی و پارتی لە بارەگای مەکتەبی سیاسی یەکێتی لە سلێمانی کۆبوونەوە.
This e-mail address is being protected from spambots. You need JavaScript enabled to view it.
قه‌یرانی سووریاو ئومێدی به‌رقه‌رار بوونی ئاشتی له جیهان و چاكبوونه‌وه‌ی تاڵه‌بانی ناونیشانی قه‌داسه‌كانی له‌دایكبونی عیسای مه‌سیحن.
مه‌سیحیه‌كانی هه‌رێمی كوردستان له‌كه‌ش و هه‌وایه‌كی ئارامدا یادی له‌دایكبوونی حه‌زره‌تی عیسای مه‌سیح ده‌كه‌نه‌وه و بەپێی ئەو ئامارانەی بەدەست (رووداو) کەوتووە، بۆ ئەو مەبەستە، زیاتر لە 6 هەزار هاوڵاتی مەسیحی لە پارێزگاکانی ناوەند و باشووری عێراقەوە روویان لە هەرێمی کوردستان کردووە.
بەهۆی هاوکاتبوونی جەژنی لەدایکبوونی مەسیح لەگەڵ چلەی ماتەمینی ئیمام حوسێن، زۆربەی مەسیحییەکانی عێراق روویان لە هەرێمی کوردستان کردووە و بڕیاریانداوە له قه‌دداسی ناو كلێساكان ئاهه‌نگه‌كان كورت بكه‌نه‌وە.
رۆژێك به‌ر له‌و ئاهه‌نگانه مه‌سیحیه‌كانی هه‌رمۆته‌ی شاری كۆیه بۆ ته‌ندروستی جه‌لال تاڵه‌بانی، سەرۆک کۆماری عێراق و سکرتێری گشتی یەکێتی نیشتمانی کوردستان نوێژو نزایان كردو هیوای زوو چاكبوونه‌وه‌یان بۆ خواست.
به‌یت له‌حم نوێژ بۆ به‌رقه‌راربوونی ئاشتی له ناوچه‌كه ده‌كات
نوێژو قه‌داسی له‌دایكبونی عیسای مه‌سیح له كلێسای مه‌هد –شوێنی له‌دایكبونی مه‌سیح- له شاری به‌یت له‌حمی كه‌ناری رۆژئاوی فه‌ڵه‌ستینی به‌رێوه ده‌چێت.
فوئاد تیوال، به‌تریاكی كه‌نیسه‌ی لاتین له‌و مه‌راسیمه‌دا كه به به‌شداری هه‌زاران مه‌سیحی به‌رێوه‌چوو، داوای له ئاماده‌بووان كرد نوێژه‌كانیان بۆ به‌رقه‌رار بوونی ئاشتی نێوان فه‌له‌ستین و ئیسرائیلیه‌كان بكه‌ن.
ئه‌و به‌تریاكه‌ی كه‌نیسه‌ی لاتین ده‌لێت "با نوێژ بۆ برایانمان له سووریا بكه‌ین كه بێ به‌زه‌ییانه ده‌كوژرێن، بۆ یه‌كریزی و ئاشته‌وایی له لوبنان و عێراق و سودان و وڵاتانی دیکەی ناوچه‌كه‌و ته‌واوی جیهان نزا بكه‌ین".
وه‌ك نه‌ریتی به‌رده‌وام به‌تریكی لاتین به‌هاورێیه‌تی تیپی كه‌شافی فه‌له‌ستینی و ژه‌نینی مۆسیقا له قودسه‌وه به كه‌ژاوه‌یه‌كی گه‌وره‌و سه‌رنج راكێشه‌وه گه‌یشته به‌یت له‌حم، له‌گه‌ڵ هاتنی تاریكاییش داری گه‌وره‌ی له‌دایكبوون به گلۆپی سووری بچوك رووناك كرایه‌وە.
دوای ناساندنی له‌لایه‌ن یونسكۆوه وه‌ك شوێنێكی كەلتوری جیهانی، ئه‌مساڵ بۆ یه‌كه‌مجار له به‌یت له‌حم یادی له‌دایكبونی پێغه‌مبه‌ری مه‌سیحیه‌كان ده‌كرێته‌وە.
قه‌دداسی ڤاتیكان
له رۆماش پاپا بندیكتۆسی شازده‌هەم بۆ به‌رقه‌رار بوونی ئاشته‌وایی رۆژهه‌ڵاتی ناوه‌راست نوێژی كرد.
پاپا هیوای خواست مه‌سیحیه‌كان بتوانن پارێزگاری له ماڵ و شوێنه‌كانیان بكه‌ن و له‌گه‌ڵ موسلمانان وڵاته‌كانیان بنیات بنێن.
ئامادەکردن: ئاده‌م بێدار
سەرۆکی هەرێمی کوردستان سەردانی سلێمانی دەکات و لەگەڵ مەکتەبی سیاسی یەکێتی نیشتمانی کوردستان کۆ دەبێتەوە.
سه‌عدى ئه‌حمه‌د پیره، ئه‌ندامی مه‌كته‌بی سیاسی یه‌كێتی نیشتمانى كوردستان بە (رووداو)ى راگه‌یاند "سبه‌ى بارزانى به‌سه‌ردانێك ده‌گاته سلێمانى و بڕیاره له‌گه‌ڵ مه‌كته‌بی سیاسی یه‌كێتی نیشتمانی كوردستان كۆ بێته‌وە".
سه‌ردانه‌كه‌ى بارزانى بۆ سلێمانى دواى چه‌ند رۆژێك دێ له تێكچوونی بارى ته‌ندورستی جه‌لال تاڵه‌بانى، سكرتێری یه‌كێتی نیشتمانى کوردستان كه ئێستا له یه‌كێک له نه‌خۆشخانه‌كانى به‌رلین له‌ژێر چاره‌سه‌ركردن دایە.
رۆژی شەممە، مەکتەبی سیاسی یەکێتی نیشتمانی کوردستان کۆبووەوە و لە کۆبوونەوەکەدا پابه‌ندی خۆیان به رێككه‌وتننامه‌ی ستراتیژی نێوان یه‌كێتی و پارتی ده‌بڕی.
رێکەوتی 2012/12/19، مەسعود بارزانی، سەرۆکی هەرێمی کوردستان لە پەیامێکدا کە لە پەیجی تایبەتی خۆی لە تۆڕی کۆمەڵایەتی فەیسبووک بڵاوی کردبووەوە، وێڕای هاوخەمی و نیگەرانی دەربڕین بۆ تەندروستی جەلال تاڵەبانی، بە ئەندامانی سەرکردایەتی و لایەنگرانی یەکێتی راگەیاند "هەمیشە وەک برا لەگەڵیان دەبم و هەرواش لەگەڵیان دەمێنمەوە".
سەرچاوە: رووداۆ/ مەحمەد خۆشناۆ
بەرپرسێکی وه‌زاره‌تى سامانه سروشتییه‌كانى هه‌رێمى كوردستان دەڵێ هەتا کوردستان بەشێک بێت لە عێراق هیچ مەترسییەک لەسەر بۆڕی نەوتی کەرکووک- جیهان نابێت.
عه‌لى به‌لۆ، راوێژكارى وه‌زاره‌تى سامانه سروشتییه‌كانى هه‌رێمى كوردستان لە لێدوانێکدا بۆ (رووداو)، سەبارەت بە رێککەوتنی بەغدا و عەمان بۆ هه‌نارده‌كردنى نه‌وت له رێگه‌ى به‌نده‌رى عه‌قبه‌ى ئوردنى راگەیاند "ئه‌و رێكکه‌وتنه به‌راییه‌ى نورى مالیكى، سه‌رۆك وه‌زیرانى عێراق له‌گه‌ڵ ئوردن واژووى كرد بۆ هه‌نارده‌كردنى نه‌وت له رێگه‌ى به‌نده‌رى عه‌قبه‌ى ئوردنى هه‌نگاوێكه به ئاراسته‌ى فراوانكردنى ده‌روازه‌كانى هه‌نارده‌كردنى نه‌وتى خاوى عێراق له ترسى هه‌ر كێشه‌یه‌ك ببێته هۆى داخستنى ده‌روازه‌كانى دیكه‌ى هه‌نارده‌كردنى نه‌وت چ له‌كه‌نداو بێ یاخود له رێگه‌ى توركیا".
عەلی بەلۆ له وڵامى ئه‌وه‌ى ئه‌و هه‌نگاوه‌ى عێراق له ئاكامى ته‌نگه‌ژه‌كانى نێوان هه‌ولێر و به‌غدا دێ به‌وه‌ى بۆرى كه‌ركووك- جیهان به نێو خاكى كوردستاندا راكێشراوه، گوتی "هه‌تا كوردستان به‌شێك بێ له عێراق هیچ مه‌ترسییه‌ك له سهر بۆڕى نەوتی كه‌ركووك- جیهان نایه‌ته ئاراوە".
دواى گه‌یشتنى بۆ ئوردن و كۆبوونه‌وه‌ی له‌گه‌ڵ سه‌رۆك وه‌زیرانى ئه‌و وڵاته له كۆنگره‌یه‌كى رۆژنامه‌وانی هاوبه‌شدا له عه‌ممانى پایته‌خت، نورى مالیكى رایگه‌یاند "عێراق و ئوردن چه‌ند رێككه‌وتنێكى جیاوازیان واژوو كردووه دیارترینیان رێككه‌وتنه له‌سه‌ر راكێشانى بۆڕیه‌كى هه‌نارده‌كردنى نه‌وتى خاوى عێراق به‌رێگه‌ى به‌نده‌رى عه‌قه‌به‌ى ئوردنى".
مالیكى گوتیشى "هێلكارى راكێشانى ئه‌و بۆڕیه نه‌وته له‌لایه‌ن وه‌زاره‌ته‌كانى نه‌وتى عێراق و وزه‌ى ئوردنییه‌وه ته‌واو كراوه بۆ هه‌نارده‌كردنى نه‌وت له كێڵگه‌كانى پارێزگاى به‌سره‌وە".
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- ئەگەری هێرشی ئیرائیل بۆ سەر عێراق هەیە
- گڕۆسی لە تاران: پێشگرتن لە "جەنگ" پەیوەستە بە "ئەنجامی بەرجەستە"ی دانوستانەکانەوە
- لیژنەیەکی نەتەوە یەکگرتووەکان داوای هەڵوەشاندنەوەی سزای لەسێدارەدانی وەریشە مورادی دەکات
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
