^{لە درێژەی دەسبەسەر کردنی چالاکانی مەدەنیی، سیاسی، فەرهەنگی و ژینگەپارێزی، هێزە ئیتلاعاتییەکان ژنە چالاکێکی ژینگەپارێزیان لە شاری سنە دەسبەسەر کرد.}

^{بەپێی هەواڵی گەیشتوو بە ئاژانسی هەواڵدەریی کوردپا، سەرلەبەیانی ئەمڕۆ چوارشەممە ١٤ی خەرمانان، هاجەر سەعیدی، چالاکی بواری مافی ژنان و ژینگەپارێزیی خەڵکی شاری سنە، لە لایەن هێزە ئیتلاعاتییەکانەوە دەسبەسەر کرا و بۆ شوێنێکی نادیار راگوێزرا.}

^{سەرچاوەیەکی ئاگادار لەو بارەوە بە ئاژانسی کوردپا ڕایگەیاند: هەتا ئێستە هۆکاری دەسبەسەرکرانی ئەو ژنە چالاکەی ژینگەپارێزە ناڕوونە.}

^{بە وتەی ئەو سەرچاوە ئاگادارە، هێزە ئیتلاعاتییەکان بە بێ بەڵگەی دەزگا قەزایی ئەو ژنە چالاکە کوردەیان دەسبەسەر کردووە.}

^{لەو پەیوەندییەدا پێشتریش، پێنجشەممە ١٨ی پووشپەڕ، چالاکێکی مەدەنیی کورد، بە ناوی "سەحەر کازمی" خەڵکی شاری سنە، لە لایەن هێزە ئیتلاعاتییەکانی شاری سنەوە دەسبەسەر کرا.}

^{بە وتەی یەکێک لە نزیکانی ئەم چالاکە مەدەنییە کوردە، هێزە ئیتلاعاتییەکان بەبێ بەڵگەی یاسایی هێڕشیان کردووەتە سەر ماڵی ناوبراو و پاش پشکنینی ماڵەکەی، ناوبراویان دەسبەسەر کردووە و بۆ شوێنێکی نادیاریان ڕاگواستووە.}

6/9/2018