^{لایەتە یەکگرتووەکانی ئەمەریکا، گروپێکی میلیشیای شیعیی سەر بە ئێرانی خستە لیستی تیرۆرەوە کە کاری بۆ کودەتا بەسەر حکوومەتی بەحرەیندا کردووە.}

^{دوێنێ دووشەممە، وەزارەتی دەرەوەی ئەمەریکا، لە راگەیندراوێکیدا، قاسم عەبداڵلە عەلی ئەحمەد ناسراوە بە قاسم ئەلموئمین، سەرۆکی رێکخراوی سەرایا ئەلعەشتار، بە تۆمەتی"ناونووسکردنی تیرۆرستان، ئەنجامدانی کاری تیرۆرستی و دروستکردنی هەڕەشە بۆ وڵاتی بەحرەین" خستە لیستی تیرۆرەوە.}

^{پێشتر چەند وڵاتێکی عەرەبی و ئەمەریکا ئەو رێکخراوەیان خستبوە لیستی تیرۆرەوە، بەڵام وەزارەتی دەرەوەی ئەمەریکا، سەرۆکی ئەو رێکخراوە ئاشکرا دەکات و ئابڵوقەی دەخاتە سەر و بە تیرۆرست ناوی دەبات.}

^{بە گوێرەی زانیارییەکانی حکوومەتی بەحرەین، ئەو رێکخراوە لە لایەن ئێران و حزبوڵاوە پشتگیری دەکرێت و ئامانجیشیان نەهێشتنی حکوومەتی بەحرەینە.}

١٥/٨/٢٠١٨