^{دۆخی تەندروستی دوو بەندكراوی سیاسی كورد لە ئێران ناجێگیرە، بەڵام دوای 99 رۆژ محەمەد نەزەری بەندكراوی سیاسی كورد مانگرتنەكەی شكاندووە.}

^{محەمەد نەزەری بەندكراوی سیاسی كورد دوای 99 رۆژ كۆتایی بە مانگرتنەكەی ھێناوە، بەپێی زانیارییەكانی كوردستان24، دوو لە پارێزەرەكانی ئەو بەندكراوە كوردە بەڵێنی جێبەجێكردنی داواكانیان پێداوە، ئەویش وازی لە مانگرتن ھێناوە.}

^{ھاوكات مەحموود ساڵحی، بەندكراوێكی سیاسی دیكەی كوردیش مانی لە خواردن گرتووە و لەدۆخێكی خراپی تەندروستی دایە.}

^{ھەرلەوبارەوە رێكخراوی لێبوردنی نێودەوڵەتی ناسراو بە ئەمنێستی لە راگەیاندراوێكدا نیگەرانی خۆی لە دۆخی ئەو دوو بەندكراوە كوردە دەڕبریووە و دەڵێ، ئەو دوو بەندكراوە سیاسییە ئەشكەنجە دەكرێن و سوكایەتییان پێدەكرێت.}

6/11/2017