^{رێژیمی ئێران شەمە له‌یادی ساڵانه‌ی کۆنترۆڵکردنی باڵیۆزخانه‌ی ئه‌مریکا له‌ تاران ساڵی 1979 و که‌وتنه‌وه‌ی قه‌یرانی بارمته‌کان، له‌کاتێکدا دڵنیانیه‌ له‌ ڕێکه‌وتنی ناوه‌کی له‌گه‌ڵ هێزه‌کانی جیهاندا، مووشه‌کی زه‌مین به‌زه‌مینی نمایشکرد.}

^{هه‌زاران که‌س بەسیجی خوێندنگاکان و حیزبولایی و پاسدار له‌به‌رده‌م باڵیۆزخانه‌ی پێشووی ئه‌مریکا له‌ناوه‌ڕاستی تاران پێتەختی ئیران گردبوونه‌وه‌، مووشه‌کیک نمایشکرا باوه‌ڕ ده‌کرێت جۆری (سجیل) بێت که‌ده‌توانێت به‌ سووته‌مه‌نی ووشک 2 هه‌زار کیلۆمه‌تر بڕوات. ئه‌مه‌ یه‌که‌م که‌ڕه‌ته‌ ئێران له‌ ئەم بۆنه‌یه‌دا موشک نمایش ده‌کات.}

^{له‌دوای شۆرشی ئیسلامی ساڵی 1979 که‌بوه‌ هۆی ڕووخانی ڕژیمی شا محه‌مه‌د ڕه‌زا په‌هله‌وی دوای ئه‌وه‌ی واشنگتن ڕه‌تیکرده‌وه‌ شا ڕاده‌ستی ئێرانێ بکات، سه‌دان ئێرانی چه‌کدار هه‌ڵیانکوتایه‌ سه‌ر باڵێۆزخانه‌ی ئه‌مریکا و 52 ئامریکایی‌یان بۆ 444 ڕۆژ وه‌ک بارمته‌ ده‌ستبه‌سه‌ر کرد.}

^{له‌کاتی یاده‌که‌دا، ئاماده‌بوان دروشمی "بڕووخێت ئه‌مریکا" و "مردن بۆ ئیسرائیل"یان دەگوتەوە. ته‌لەڤزێۆنی فه‌رمی ئێران ڕایگه‌یاند یادکردنه‌وه‌ی هاوشێوه‌ له‌ شار و شارۆجکه‌ی‌دیکه‌ی ئێران به‌ڕێوەدەچێت.}

4/11/2017