^{جمشت کۆماریخوازەیل ڕۆژهڵات کوردستان وە بوونەێ عاشووراو ڕۆژەیل ئازیەتی ئەڕا ئیمام حوسەێن ، وە گشتێ شیعەیل ڕۆژهڵات هاو خەمی نیشان دەێ وتەسلیەت ئویشێ.
هەر ئەو جۆرە گ زانیم فرەتر لە نیمەێگ خەڵک ڕۆژهڵات کوردەیل باوەڕدا وە شیعە ن .
هەرچەن لە ناوکومە ڵگاێ کوردستان مەزهەب و ئائینەیل جۆراجۆرو فرەێگ هەس ئەما ئێ جیاوازیەیل مەزهەبی و ئائینیە هەرگز ڕێگر نەیوە لە وراێوەر ژیان برایانەو ئاشتیانە لە ڕۆژهڵات ئەڕا وینە لە کرماشان گەورەترین شار کوردستان ڕۆژهڵات هەر چەن باوەڕدارەیل وەئائین یاری و تەنانەت ئەرمەنی و یەهودی و مەزهەب شیعەو سونی و.. هەن و تەنانەت کرماشان وە مدووم ئێ هەمگە ئائین و مەزهەبە لە هێندستان بویچگ ناسریاس ،ئەماوە خوەشیەوە ئێ ڕەنگاوڕەنگی ئائین و مە زهەبەیلە فەرهەنگ خەڵک دەوڵەمەنترەو کردێەو حورمەت لە باوەڕەیل یەکترو یەکتر قەبوول کردن لە ئەورە فرەتر وەر چاوە.
کەسایەتیەیلێگ جۆر سەی نەسردین حەیدەری ومەرحۆم مەلا مەحمەد ڕەبیعی و ئسمائیل تەتەری و...لاێگشت خەڵک ناو چەیل خوارین کوردستان وتەنانەت ڕۆژهڵات وە گشتی جی حورمەت وڕێز بینە چۆن جیاوازلەهەر مەزهەب وئائینێ کە داشتنە ئەڕا برایەتی وپێکەوە ژیان و چارەسەر کردن گیچەڵ نەتەوە گەیان هەوڵ دانەو تەقەلا کردنە.
هەر چەن ڕژیم کۆمار ئسڵامی ئێران وڕژیمەیل ترو دژمنان کورد وەگشتی تواسنە لەێ جیاوازیەیل مەزهەبی و ئائینیە ئەڕا ناکۆکی وتەفرەقە و ئاژاوە دورس کردن ئستفادە بکەن ئەماوریایی و شعوور بان سیاسی خەڵک وپڕ هازبوین هەست و ئێحساس نەتەوەیی هەمیشە بیەسە مدووم یە نەخشەیل دژمنەیڵ شکس بێریەن.
دوای ڕێفراندۆم ئەڕاسەربە خۆیی باشوور کوردستان دیمن خەڵک کرماشان وە خوەشی ئێ سەرکەفتن نەتەوەئیە ، هاتنە خیاوانەیل و یەکم شارێگ بی کە شیرینی سەربە خۆیی پە خشەو کردن .یە نیشان دەێ خەڵک ئیمە جیاوازلەهەر مەزهەب وئائینێگ کە دیرن ، گرفت وگیچەڵ نەتەوەیی ئەڕایان گرینگ وموهمترە چۆن گیچەڵ کوردیش نەتەوەئیە نە مەزهەبی.
هەر ئەو جۆرە گ لە بوونەیل تر مەزهەبی و ئائینی بێ جیاوازی و دو چاوەکی ،جمشت کۆماریخوازەیل ڕۆژهڵات کوردستان ڕێزو حورمەت لە باوەڕەیل خەڵک کوردستان گرتێەو هیچکام وە سەرتر نەزانستێە ،ئێرنگەیش جارێگتر ئەڕا بتەو کردن ئەساس برایەتی وپێکەوەژیان ئاشتیخوازانە وە بوونەێ ڕۆژەیل ئایەتباری ئڕاشەهید بوین ئیمام حوسەین جۆر کەسایەتی ئازادەێگ ونەوەێ پەیامبەری ئسڵام کە لاێ باوەڕدارەیل شیعەو تەنانەت فرەێگ لەغیر شیعەیش نازارو قەدردارە،جمشت کۆماریخوازەیل ڕۆژهڵات هەوەجە زانس کە ڕێزو حورمەت لە باوەڕدارەیل مەزهەب شیعە لەێ ڕۆژەیل ئازەیەتباریە بگرێ و پێان تەسلیەت ئویشیم.}

^{شەوراێ هەماهەنگی جمشت کۆماریخوازەیل ڕۆژهڵات کوردستان}

٨رەزبەری ٢٠١٧ی کوردی/ ١٣٩٦ی هەتاوی

٣٠ی سیپتامبەری ٢٠١٧ی زایینی