^{كۆمیسیۆنی باڵای هه‌ڵبژاردن و راپرسی هه‌رێمی كوردستان، موژده‌ى سه‌ركه‌وتنى ريفراندۆمى سه‌ربه‌خۆيى كوردستانى راگه‌ياند.}

^{كه‌مێك پێش ئێستا كۆميسيارانى كۆميسيۆن كۆنگره‌يه‌كى رۆژنامه‌وانیان ده‌ستپێكرد بۆ خوێندنه‌وه‌ى ئامار و زانيارييه‌كانى تايبه‌ت به‌ پرۆسه‌ى ريفراندۆمى سه‌ربه‌خۆيى.}

^{هه‌ندرێن محه‌ممه‌د سه‌رۆكى كۆميسيۆن رايگه‌ياند، ئێمه‌ لێره‌ين بۆ ئه‌وه‌ى موژده‌ى سه‌ركه‌وتنى راپرسى سه‌ربه‌خۆيى رابگه‌يه‌نين.}

^{رۆژی 25/9/2017 له‌ ناوچه‌كانی هه‌رێمی كوردستان و ناوچه‌ كوردستانییه‌كانی ده‌ره‌وه‌ی هه‌رێمی كوردستان، پرۆسه‌ی ده‌نگدانی ریفراندۆمی سه‌ربه‌خۆیی كوردستان به‌ڕێوه‌ چوو.}

^{دوای داخستنی بنكه‌كانی ده‌نگدان، كۆمیسیۆن رایگه‌یاند: "له‌ ماوه‌ی كه‌متر له‌ 72 كاتژمێردا ده‌ره‌نجامی ریفراندۆم راده‌گه‌یه‌نین".}

^{ئه‌نجامه‌ به‌راييه‌كانى ريفراندۆم به‌م جۆره‌يه‌:}

^{ژماره‌ى ده‌نگده‌ران به‌ گشتى: 4 مليۆن و 581 هه‌زار و 255 ده‌نگده‌ر بوو.}

^{ژماره‌ى به‌شداران به‌ گشتى: 3 مليۆن و 305 هه‌زار و 925 ده‌نگده‌ر بوو كه‌ ده‌كاته‌ %72.16.}

^{ژماره‌ى ده‌نگى به‌ڵێ: 2 مليۆن و 861 هه‌زار و 471 كه‌ ده‌كاته‌ سه‌دا 92.73.}

^{ژماره‌ى ده‌نگى نه‌خێر: 224 هه‌زار و 468 ده‌نگه‌ ده‌كاته‌ %7.27}

^{هه‌ندرێن محه‌ممه‌د روونيشيكرده‌وه‌، ئه‌و ئه‌نجامانه‌ دواى ئه‌وه‌ى له‌ لايه‌ن دادگاى تێهه‌ڵچوونه‌وه‌ په‌سند كران ده‌بنه‌ ئه‌نجامى ره‌سمى و كۆتايى.}

28/9/2017