^{سێ وڵاتی رۆژھەڵاتی ناوەڕاست، رێککەوتنێک بۆ پاڵپشتیکردنی سەربەخۆیی ھەرێمی کوردستانی عێراق واژۆ دەکەن.}

^{بەپێی راپۆرتێکی رۆژنامەی (تایمز)ی بەریتانی، ھەر سێ وڵاتی ئیسرائیل، سعودیە و ئیمارات دەیانەوێ کوردستان ببێتە ھاوپەیمانیان بۆ بەرگرتن بە ھەژموونی کۆماری ئیسلامیی ئێران لە ناوچەکە.}

^{رۆژنامەکە ئاماژەی بەوە کردووە، کە ئەو سێ وڵاتە رێککەوتوون لەسەر پشتگیری و پاڵپشتیکردنی ریفراندۆمی سەربەخۆیی تاوەکو ھەرێمی کوردستان ببێتە دەوڵەتێکی سەربەخۆ.}

^{هەر لەمبارەیەوە ماڵپەڕی (ئەلعالەم)ی ئێرانی ئاماژەی بەوە کردووە کە ئیمارات ئامادەیی خۆی نیشانداوە لە داننان بە سەربەخۆیی کوردستان، دوای ڕاگەیاندنی ئەو دەوڵەتە نوێێە لەلایەن سەرکردایەتیی سیاسیی کوردستانەوە.}

^{تاوکو ئێستا تەنیا ئیسرائیل و لەسەر زاری بنیامین ناتانیاھۆی سەرۆک وەزیران، بە ئاشکرا پشتیوانیی خۆی بۆ سەربەخۆیی ھەرێمی کوردستانی عێراق راگەیاندووە.}

^{لە کۆبوونەوەی رۆژی چوارشەممە 4/6/2017ی مەسعود بارزانی، سەرۆکی ھەرێمی کوردستان لەگەڵ نوێنەر و سەرکردەی حزب و لایەنە سیاسییەکانی کوردستان، بڕیاردرا، رۆژی ٢٥ـی ئەیلوولی ٢٠١٧ ریفراندۆمی سەربەخۆیی کوردستان لە ھەرێمی کوردستان، کەرکووک و ناوچە کوردستانییەکانی دەرەوەی ئیدارەی ھەرێمی کوردستان، ئەنجام بدرێت.}

21/9/2017