^{پێنج ھاووڵاتی دانیشتووی شاری سنەی رۆژھەڵاتی كوردستان بە تۆمەتی ھەڵكردنی ئاڵای كوردستان لە لایەن ئیدارەی ئیتلاعاتی ریأیمی ئێران دەستبەسەركراون و تائێستا شوێن و چارەنووسیان نادیارە.}

^{ئەمرۆ پێنجشەممە ماڵپەڕی ھەنگاو بۆ پرسی مافی مرۆڤ لە رۆژھەڵاتی كوردستان بڵاویكردەوە كە 5 ھاووڵاتی خەڵكی مێراو لە شاری سنەی رۆژھەڵاتی كوردستان دەستبەسەركراون و تاكوو ئێستا نازانرێ بۆ كوێ گواستراونەتەوە.}

^{ئەو پێنج كەسە بەتۆمەتی ئەندامبوون لە حزبەكانی رۆژھەڵاتی كوردستان و ھەڵكردنی ئاڵای كوردستان دەستبەسەركراون، خێزانی یەكێك لەگیراوەكانیش دەڵێ تاكوو ئێستا چارەنووسی دەستبەسەركراوان دیار نییە.}

شایانی باسە کە لە رۆژهەڵاتی کوردستان کوردان یەکجار دڵخۆشن بە بەرێوەچوونی رێفراندۆم و سەربەخۆیی باشووری کوردستان وبە هەموو لایەنێکی سیاسی و مەحنەوی هاوکار و پشتگیری ئەو پرۆسە دێموکراتیکە دەکەن . هەروەها زۆربەی لایەن و هێزسیاسی و رێکخراوەکانی کۆمەلی مەدەنی رۆژهەڵاتی کوردستان پشتیوانی و پشتگیری خۆیان بۆ رێفراندۆم دەربڕیوە و ئەوەش بە ئەرکێکی گەورەی نەتەوەیی و نیشتمانی و دینی و مرۆیی دەزانن، لە کاتێک دا رۆژهەلاتی کوردستان لە ناوچوارچیوەی کۆماری ئیسلامی دا هیچ مافێکی سیاسی و یاسایی و ئیداری نیە و بە هەموو شێوەیەک کەوتۆتە بەر تەوژمی سیاسەتی سیستماتیکی سەرکوت و هەژاری و بیکاری و ئاسمیلاسیۆن وبە بێ بەش کردن لە هەموو مافێکی سروشتی و ئینسانی.

 21/9/2017