^{سوپای ئیسرائیل ئاشکرای کردووە، ئەمڕۆ فڕۆکەیەکی بێ فڕۆکەوانی ئێران لە ئاسمانی ئیسرائیل لەڕێگەی مووشەکێکەوە خراوەتە خوارەوە.}

^{ئەمڕۆ سێشەممە 2017/9/19 میدیاکانی ئیسرائیل لەزاری گوتەبێژی سوپای ئەو وڵاتەوە بڵاویان کردەوە کە سوپای ئەو وڵاتە بە مووشەکی "پاتریووت" فڕۆکەیەکی بێ فڕۆکەوان کە بە نایاسایی لە خاکی سووریاوە هاتبووە ئاسمانی ئیسرائیل، لە بەرزاییەکانی گوڵان پێکراوە و خراوەتەوە خوارەوە.}

^{زانیارییەکان باس لەوە دەکەن ئەو فڕۆکە بێ فڕۆکەوانە لە سنووری سووریاوە چووتە ناو خاکی ئیسرائیل.}

^{سوپای ئیسرائیل ڕای گەیاندووە ئەو فڕۆکە بێ فڕۆکەوانە بەرهەمی ئێران بووە و لەلای حیزبوڵای لوبنان بووە.}

سەرچاوە باس نیوز

20/9/2017