^{هێزه ئەمنییەکانی ئێران له دەوروبەری شاری "شنۆ"ی رۆژهەڵاتی کوردستان تەقەیان له ژمارەیەک کۆڵبەر کرد و به هۆیەوه یەکێکیان گیانی لەدەست دا.}

^{بەپێی هەواڵێکی ئاژانسی موکریان، له شاری "خۆی"ش بەهۆی راوەدوونانی کۆڵبەران یەکێک له کۆڵبەرەکان له هەڵدێرێک کەوته خوارەوه و بریندار بوو.}

^{ساڵانه چەندین کۆڵبەر به تەقەی هێزه ئەمنییەکان و مین، گیانیان لەدەست دەدەن و بریندار دەبن. چەند رۆژ لەمەوبەریش به تەقەی هێزه ئەمنییەکان دوو کۆڵبەر له شاری بانه کوژران که خۆپێشاندان و ناڕەزایی بەرفراوانی له زۆربەی شارەکانی رۆژهەڵاتی کوردستان لێکەوتەوه.}

^{خەڵکێکی زۆری دانیشتووی شاره سنوورییەکانی رۆژهەڵاتی کوردستان، بەهۆی نەبوونی کارەوه، خەریکی کۆڵبەرین و به کرێیەکی کەم کەلوپەل له باشووری کوردستانەوه دەبەن بۆ رۆژهەڵاتی کوردستان. زۆربەی کەلوپەلەکان کەرستەی ماڵن و کۆڵبەران بۆ ئەم کاره رووبەڕووی مەترسییەکی زۆر دەبنەوه.}

19/9/2017