^{لە درێژەی دەستبەسەر کردنی هاووڵاتییانی کورد لەلایەن ‌هێزە ئەمنیەتییەکانی حکوومەتی ئێران هاووڵاتییەکی خەڵکی شاری شائابادی پارێزگای کرماشان دەستبەسەر کرا.}

 ^{ئاژانسی هەواڵدەریی کوردپا، حەتووی ڕابردوو هاووڵاتییەکی کورد خەڵکی شاری شائاباد لە لایەن هێزە حکوومەتییەکانەوە دەستبەسەر کرا.}

^{شوناسی ئەو هاووڵاتییە کوردە بە ناوی"ڕەسووڵ سەیادیان" خەڵکی شائابادی پارێزگای کرماشان ڕاگەیەندراوە.}

^{ئەو هاووڵاتییە کوردە لە درێژەی پشتیوانی لە مانگرتنی هاووڵاتییانی شارەکانی بانە، کرماشان و سنە دەستبەسەر کراوە.}

^{لەو پەیوەندییەدا، ڕۆژی پێنجشەممە ١٦ی خەرمانان، ٥ نووسەر و چالاکیی مەدەنی لە شاری کرماشان بۆ پشتیوانی لە مانگرتنی خەڵکی شاری بانە لە لایەن هێزە نیزامییەکانی حکوومەتی ئێران لە شاری کرماشان دەستبەسەر کران.}

^{شوناسی ئەو ٥ نووسەر و چالاکە مەدەنییە کوردە بە ناوەکانی "فەرزاد سەفەره، فوئاد موزەفەری، شەهریار تەهماسبی، شەهریار ڕۆستەمی، ئەرسەلان عەباسی" ڕاگەیەندراوە.}

^{ئەو نووسەرو چالاکوانە مەدەنییانە پاش دادگایی کردن بۆ زیندانی دێزڵئاوای شاری کرماشان راگوێزراون.}

16/9/2017