^{باڵیۆزی پێشووی ئەمریكا لە عێراق دەڵێت، ئەگەر ھەولێر و بەغدا و ئەمریكا نەگەنە رێككەوتن ریفراندۆم لە وادەی دیاریكراوی خۆیدا بەڕێوەدەچێت.}

^{زاڵمای خەلیلزاد، باڵیۆزی پێشووی ئەمریكا لە عێراق لە دیمانەیەكیدا لەگەڵ رۆژنامەی خەبەر تورك، رایگەیاند، لە پەیوەندییەكانی نێوان توركیا و كوردانی باشوور شۆرشێكی گرنگ رویداوە، كە پێشتر ئەو وڵاتە پەیوەندییەكانی لەگەڵ كورد زۆر خراپ بووە.}

^{جەختیش دەكاتەوە، بارزانی لە ئەنجامدانی ریفراندۆم پاشگەز نابێتەوە، ئەگەر ھەولێر و بەغدا و ئەمریكا نەگەنە لێك تێگەیشتنێك، ئەوا ریفراندۆم لە كاتی خۆیدا بەرێوەدەچێت.}

^{خەلیلزاد دەشڵێت، ئەنجامدانی ریفراندۆم مانای راگەیاندنی راستەوخۆی سەربەخۆیی نییە و بژاردەی ھەرە باش بەردەوامی دانووستان و گەیشتنە بە لێك تێگەیشتن.}

^{لە بەشێكی دیكەی قسەكانیدا باڵیۆزی پێشووی ئەمریكا لە عێراق ھەروەھا دەڵێ، پێشتر پەیوەندییەكانی ھەرێمی كوردستان و توركیا زۆر خراپ بوون و ھەندێك جار لە ئەنجامدانی ئۆپەراسیۆن نزیك بوون، بەڵام ئەو سەردەمە بەسەرچوو، راستە ئەمریكا و ئەنقەرە دەڵێن ریفراندۆم لەو كاتەدا باش نییە، بەڵام ھەرگیز شەڕ لە نێوانیاندا روونادات.}

3/9/2017